Ang dokumento ay naglalarawan ng iba't ibang uri ng mga salitang ayon sa kanilang bigkas at tuldik. Mayroong salitang maragsa, mabilis, malumay, at malumi, na may kanya-kanyang katangian at halimbawa. Tinukoy rin ang mga tuldik na ginagamit sa bawat uri, tulad ng pakupya, pahilis, at paiwa.

1. Salitang Maragsa
Ito ay binibigkas nang tuluy-tuloy na
ang huling pantig ng salita ay may impit.
Ito ay laging nagtatapos sa patinig. Ito
ay tinutuldikan ng pakupya (^) na
itinatatapat sa huling patinig ng salita.
Ito rin ay may impit sa dulo.
Halimbawa:
yugtô, dugô, butikî, maralitâ,
kaliwâ, pasô

2. Salitang Mabilis
Ito ay binibigkas ng tuluy-tuloy na
maluwag sa lalamunan. Ang diin ng mga
salitang mabilis ay nasa huling pantig.
Ito ay nilalagyan ng tuldik na pahilis (´)
na itinatapat sa huling patinig.
Halimbawa:
tigmák, batubató, bulaklák,
alagád, bumilí, patíng

3. Salitang Malumay
Ito ay binibigkas nang banayad na
may diin sa ikalawang pantig mula sa
huli. Ito ay hindi tinutuldikan. Ang
mga salitang ito ay maaaring
magtapos sa patinig o katinig.
Halimbawa:
lipunan, ligaya, larawan,
tao, silangan, kanluran

4. Salitang Malumi
Ito ay binibigkas ng banayad tulad ng
malumay na may diin sa ikalawang
pantig mula sa huli. Ito ay tinutuldikan
ng paiwa (`) sa ibabaw ng huling patinig.
Nagtatapos ang mga salitang malumi sa
patinig. Ito rin ay may impit sa dulo.
Halimbawa:
diwà, lahì, dalamhatì,
dakilà, balità, tubò