Boletín do ENDL do CEIP de Randufe (Tui). Nº59, febreiro de 2016

1. Boletín do Equipo de Normalización e Dinamización Lingüística
CEIP de Randufe Nº 59 febreiro de 2016
Canto ao idioma galego
Idioma meu, humilde, nidio, popular,
labrego suburbial e mariñeiro
que fas avergoñar
o burgués, o señorito e o tendeiro:
levas sangue do pobo
e raigañas escuras
que anuncian un día novo
sen mágoas nin tristuras.
idioma proscrito,
asoballado,
soterrado,
refugado,
negado
como a pobreza e o delito,
fala do emigrante e do maldito:
tan só resoas nos lares
das xentes populares.
Ti tes que rexurdir puro,
poderoso, enteiro
para erguer o noso futuro
de pobo absoluto e verdadeiro!
Manuel María
(Cantos rodados para alleados e colonizados, 1976)

2. NOMES GALEGOS NA ESCOLA (I): ANTÍA
Antía é nome galego? Se esta pregunta tivésemos que contestala antes de 1977 a resposta sería
que non. Que foi o que mudou a partir dese ano? A publicación dun libro da autoría de Xaime Seixas Subirá,
máis coñecido como Padre Seixas, titulado 400 nomes para galegos e galegas. Este libro tivo un éxito es-
pectacular no seu tempo e foron milleiros os pais e nais que o empregaron para lles pór nome aos seus fi-
llos e fillas. Segundo afirma X. L. Méndez Ferrín no seu libro Consultorio dos nomes e dos apelidos gale-
gos foi a amizade do autor do libro coa pedagoga Antía Cal a que lle levou a meter o nome no seu libro. Re-
collendo textualmente as palabras de Ferrín: “Nos pasados vinte anos foron moitos os pais que encon-
traron fermoso e claro o nome de Antía e llelo impuxeron ás súas fillas. Así, un nome persoal que
non era especificamente noso converteuse nun verdadeiro nome galego. A capacidade migratoria,
cortando tempo e espazo, dos nomes persoais é incalculábel. E a capacidade de apropiación e ano-
samento, que diría Cunqueiro, de nomes de persoa inicialmente alleos é infinita. Iso si, Antía non é
forma galega de Antonia como pensan algunhas persoas; non.”
O Padre Seixas e o galego
Xaime Seixas foi un ac-
tivista a prol do galego e da
galeguización da igrexa ca-
tólica.
O 25 de xullo de 1965 o pa-
dre Seixas pronuncia, na
igrexa de San Domingos de
Bonaval (Santiago de Com-
postela) a primeira misa in-
tegramente en idioma galego. Foi promotor da tradu-
ción da liturxia ao galego e da publicación da Biblia
no noso idioma.
Cal é a orixe do nome Antía?
Segundo recolle César Lorenzo Gil no seu
blogue Dúbidas do galego, “Antía é un nome de
orixe grega, utilizado na Antigüidade como epíte-
to da deusa Hera (deusa do matrimonio, da fami-
lia, deusa nai na antiga Grecia) co significado de
Florida. É dicir, Antía ten a ver coa floración e po-
deríase relacionar con outros nomes vexetais co-
mo a propia Flor e Flora, Margarida, Violeta…
O conto de que Antía ten a ver con Antonia
hai que procuralo na popularidade que cobrou en
Galicia, un feito diferencial a respecto doutras
partes do Estado ou da propia Portugal, onde o
nome non se usa tanto. Esa diferenza galega foi
xustificada por ser Antía unha tradución. Ese é un
pensamento lóxico, xa que o nome de Antía non
existe nin na nosa xeografía nin nas advocacións
de santas, algo que ocorre cos nomes propiamen-
te galegos Aloia, Navia ou Olalla e Comba.”