Modul Tempalai Linguistik

Josephine Jata Salih Tempalai Linguistik Semester 6/2018
1
BIBB3113
Digaga:
JOSEPHINE JATA ANAK SALIH
IPG KAMPUS RAJANG

2
RIPIH ISI MODUL
BAB LAMBAR
3. Bidang Linguistik 3
4. Buah Runding Dalam Linguistik 9
5. Sejarah Pemansang Penemu Linguistik 12
6. Struktur Linguistik 17
7. Faltor Luar 21
8. Variasyen Jaku 23
10. Stilistik 26
11. Jaku Saintifik 31
*Bab ke nadai nya ngiga kediri infomasyen. Terima kasih

3
BAB 3: BIDANG LINGUISTIK
1. Linguistik rama
2. Linguistik guna
3. Linguistik banding
4. Linguistik sejarah
5. Linguistik diakronik
a. Ubah jaku
b. Ferdinand de Saussure
c. Noam Chomsky
6. Linguistik kontekstual
a. Sosiolinguistik
b. Linguistik antropologikal
c. Antropologi linguistik
1. LINGUISTIK RAMA (General Linguistics)
Bekaul enggau pansik penteba rama jaku.
Nadai bekaul enggau siti-siti jaku/sebansa jaku.
Aspek teori semua bansa jaku.
Bebida ari linguistik guna (applied linguistis)
Definisyen: Pansik senentang fenomena jaku, ubah ti nyadi
ba jaku enggau fungsyen jaku ba semua bansa jaku lalu
nadai ngemeratka aspek baka fonetik enggau jalai jaku.
Pansik saintifik senentang jaku mensia ti dikena enda ngira
jeman ni tauka siti-siti jaku.
Kaul entara jaku enggau bidang pelajar ti bukai nyengkaum
dialek, logik enggau psikologi.
Kaul entara jaku enggau sejarah jaku.
Kaul linguistik enggau semiotik (reti)
Kaul entara jaku enggau fisiologi enggau akustik.
Fungsyen jaku nitihka lebas.
Bekaul senentang pansik ti bekaul enggau fungsyen proses
lalu ngasilka lebas jaku ti nitihka situasyen/guna.
Siti ari penteba linguistik rama iya nya iya ngembuan dua iti
langkah rapat iya nya struktural enggau sosial.
Aspek struktur jaku nyengkaum fonologi, morfologi, jalai
jaku enggau sistem jaku ti bukai.
2. LINGUISTIK GUNA (Applied Linguistics)
Linguistik guna tu asil selampur bidang linguistik enggau
bidang pelajar enggau psikologi.
Language related issue – isu bekaul enggau jaku. Kena
meretika guna iya dalam pengidup kitai mensia dalam raban
bansa.
Natural science
o Chunto: pedagocical language, legal language.

4
Nyidi lalu ngelala, mansik enggau meri chara mutarka
penanggul ngagai jaku bekaul enggau pengidup.
Chunto bidang linguistik guna – pelajar, antropologi,
sosiologi, pansik komunikasyen.
Ngena teori, penerang, ripih jalai enggau asil pansik
linguistik dalam pengawa ngajar sereta nulis bup.
Deskripsyen jaku baka sistem sebut, sepil, tukuh leka jaku,
ayat enggau reti dikena ngajar jaku.
Pengawa ti bekaul enggau linguistik guna iya nya ngalihka
jaku sereta nempa diksionari.
3. LINGUISTIK BANDING (Comparative linguistics)
Pansik senentang penyama enggau bida entara jaku,
kelebih agi entara jaku ti seperugan
Chunto iya, jaku Sanskrit enggau jaku Iban bisi sama baka
serega enggau neraka.
Penteba ti sebaka dalam fonetik tauka struktur jalai jaku
dibanding.
Tuju pansik banding tu iya nya deka meda ubah sereta
penyama entara jaku seperugan lalu ngiga kaul entara jaku
nya.
Ubah dalam pemida munyi jaku bisi bekabih enggau faktor
Geografi mega. Chunto iya, jaku Iban tunga ke Saratok
ngena tiun lubah tang jaku Iban tunga ke Kapit laju sereta
kasar.
Pansik keterubah iya fokus ba bidang fonetik iya nya bekaul
enggau munyi jaku kena nentuka jaku nya seperugan tauka
enda.
Tebangkar pansik linguistik banding iya nya R.K Rask ,
Jacob Grimm enggau Verner.
4. LINGUISTIK SEJARAH (Historical linguistics)
Bidang linguistik ti mansik ubah taga panjai enggau taga
pandak ba sistem munyi, jalai jaku enggau jalai jaku.
Mansik pengerembai dalam jaku senentang cara, kebuah
enggau empas ari ubah jaku.
Chunto: faktor luar ti meri buah ngagai ubah jaku.

5
5. LINGUISTIK DIAKRONIK
Betukuh sejarah enggau komparatif.
Tuju linguistik diakronik iya nya dikena nemu sejarah
struktural jaku enggau tukuh sereta ubah jaku sepemanjai
jeman.
Bekaul enggau langkah rapat dalam jaku lalu meda
pengerembai jaku ari kelia nyentukka diatu.
Pansik senentang ubah jaku dalam siti-siti timpuh.
Diakronik – ubah jaku nitihka siti-siti jeman. Chunto: 1. Ubah
ti nyadi ba sistem Jaku Iban. 2. Jaku Iban Jeman Rajah
Brooke.
Sinkronik – mansik ubah jaku ari jaku nya nyadi tauka
ditemu nyentukka diatu.
A M Z
Ubah Jaku
 Siti tinjau ari sukut sejarah bepelasarka kereban sejarah
kena mansik ubah jaku sepemanjai jeman.
 2 langkah rapat dalam ubah jaku:
1. Mensia ke ngena jaku nya deka ngubah jaku sida
tauka jaku ti berubah Kediri.
 Chunto: Sepil ‘maioh’ -> ‘mayuh’
 Jaku ti berubah Kediri (cto: nyadi ari proses sosial)
 Biuh multilingual (menua diwan mayuh pupu raban
bansa)
2. Ubah linguistik bisi ngembuan atur sereta bisi tusun
iya empu.
Ferdinand de Saussure (1857 – 1913)
 Apai linguistik moden.
 Buah runding de Saussure:
a. Langue & Parole
b. Tanda linguistik
c. Sintagmatik & Paradigmatik
d. Sinkronik & Dikronik
Diakronik Diakronik
Sinkronik

6
a. Langue & Parole
 Langue
o Jaku nyadika sistem tukuh enggau kontras
dalam runding orang ti ngena jaku.
o Taja kitai ngena jaku ti sebaka tang chara kitai
ngena iya bebida.
 Parole
o Jaku nyadika gaya bejaku siku-siku individu.
o Sama baka loghat/slanga
o Penteba ti sebaka dalam jaku ti dikena pejaku
loghat ti sebaka.
b. Tanda linguistik (signified enggau signifier)
 Ngembuan tanda kena mantaika runding.
 Tanda jaku bisi reti.
 Tanda linguistik dikena ngayanka kaul entara objek
enggau runding.
 Tanda linguistik nyengkaum signifier (objek) enggau
(leka jaku)signified
 Chunto:
c. Sintagmatik & Paradigmatik
 Sintagmatik – kaul linear entara unsur jaku
dalam ayat/frasa (melintang/horizontal)
 Chunto:
1. Kami main bol.
2. Sida makai manuk.
3. Aku meli lauk.
 Main bol, makai manuk enggau tinduk nya
mandangka batang pekara tauka situasyen ti
nyadi ba ayat.
 Paradigmatik – kaul entara unsur jaku
sechara vertical.
 Nunjukka leka jaku ti dalam raban ti sebaka.
 Chunto:
1. Kami main bol.
2. Sida makai manuk.
3. Aku meli lauk.
 Kami, sida enggau aku nya jaku ganti nama.
d. Sinkronik enggau dikronik
(peda ba not linguistik diakronik)
rumah
signified
signifier

7
Noam Chomsky (1957)
Teori Transformasyen Generatif
 Semua mensia ngembuan pengulih jaku.
 Proses ngulihka jaku ukai semina bepanggai ba operasyen
stimulus aja tang mega nyengkaum proses kognitif.
 Teori tu bejuraika senentang ayat ngena sistem rumus.
 Bisi dua tikas struktur ayat:
o Struktur dalam – ayat pelasar ti nempa semantik
ayat
o Struktur luar – ayat ti disebut pemejaku
diinpretasyen bepelasarka munyi jaku/fonologi.
6. LINGUISTIK KONTEKSTUAL
 Bidang linguistik ti mansik jaku bepelasarka situasyen
sosial.
 Reti siti-siti leka jaku ditentuka konteks sereta situasyen
randau tauka bejaku. Konteks ti bebida mai reti leka jaku ti
bebida.
 Reti siti-siti leka jaku mesti bekaul enggau situasyen tauka
batang randau dalam komunikasyen.
 Penteba prosodi baka penekan, intonasyen enggau ti bukai
mesti dikemeretka kena nemu reti jaku.
 Nya alai, linguistik kontekstual besangkut-paut enggau
sosiolinguistik enggau linguistik antropologikal.
a. Sosiolinguistik
 Pansik senentang kaul jaku enggau komuniti
(Hudson 1988)
 Siti bidang ti ngemeratka jaku dalam konteks sosial
enggau daya idup.
 Mansik aspek linguistik ari aspek jaku, struktur
enggau guna jaku ti bekabih enggau fungsyen sosial,
daya idup enggau guna dalam komuniti.
 Sosiolinguistik siti bidang ti beratika kaul entara jaku
enggau komuniti.

8
 Bekaul enggau variasyen jaku baka dialek enggau
lebas jaku.
 Lebas jaku ti dikena nitihka situasyen ti engkeman.
 Chunto 1: Kaul sosial
1. Formal – Bala temuai ti dipebasa ulih
berengkah merarau.
2. Enda formal – Oi! Aram majuh utai dempa tu!
 Chunto 2: Chara ngenataika pekara.
1. Tulis – Pekara ti bekaul enggau adat enda tau
enda dipebasa.
2. Sanggah dilah – Anang memain enti pasal
adat.
b. Linguistik antropologikal
 Mansik kaul entara jaku enggau daya idup.
 Mansik aspek pengidup orang ke ngena jaku lalu
beratika perampa pendiau sereta ukur pemanah
komuniti sida ke bisi meri biuh ngagai chara sida
bejaku.
 Chabang linguistik ti mansik jaku dalam kaul iya
enggau daya idup enggau penteba jaku ti bekabih
enggau siti-siti raban sosial.
 Bisi kaul enggau hipotesis Sapir – Whorf
 Antropologi beratika ulah mensia dalam raban
bansa,
c. Antropologi linguistik
 Siti chabang linguistik ti belajarka kaul jaku enggau
daya idup.
 Meda baka ni chara jaku nya dikena besehari-sehari.
 Mansik guna dalam konteks situasyen sosial daya
idup.
 Belajarka struktur enggau sistem ruang bilik, konsep
chura, adat lalu ngaulka enggau konsep daya idup.

9
BAB 4: BUAH RUNDING DALAM LINGUISTIK
1. Edward Sapir
2. Leonard Bloomfield
3. Ferdinand de Saussure
 Realiti dunya ba siku-siku orang iya nya dunya ti ditempa ketegal jaku siti-siti raban bansa.
 Relativiti jaku iya nya jaku meri biuh ngagai interpretasyen enggau sagam runding mensia ngagai
dunya.
 Determinisme jaku madahka jaku tu lebih ari meri biuh laban nentuka persepsyen mensia.
 Taja pan jaku bansa bukai ulih dikalihka tang reti ti kebendar siti-siti jaku nya enggai nyadi
deperetika ngapa laban persepsyen mensia ti bebida ngagai jaku.
 Belajarka bidang filologi ba Jerman
 Mansik jaku tangkai mengandai orang
asli Amerika.
 Ngemeratka langkah rapat pansik ari
sukut antropologi lalu beratika jaku
enggau fungsyen dalam raban bansa.
Edward Sapir
Relativiti Jaku
(Versyen landai)
Determinisme Jaku
(Versyen renjan)
1. Struktur jaku ti bebida seraris enggau kognitif ti
bebida.
2. jaku tangkai mengandai meri biuh ngagai chara
kitai meda realiti tauka dunya nyata.
3. Struktur siti-siti jaku mandangka chara orang ti
bejaku meda dunya iya sereta kaul jaku enggau
daya idup.
4. Chara mensia nisih perampa ti ngelingi sida
bebida.
5. Nempa siti relativiti dalam sistem konsep ti
dikena siti raban bansa
1. Jaku meri biuh ti besai dalam nentuka timpai
dunya.
2. Timpai dunya ti dikumbai ‘Weltanschauung’
dalam jaku Jerman ti mai reti selampur chara
bepikir siku-siku mensia. (penemu, ukur
pemanah, pengarap, geregayak ati, ulah enggau
adat.)
3. Timpai dunya tu siti pelasar gaya bepikir siku
mensia tauka raban bansa.

10
Leonard Bloomfield
 Raban linguistik bansa Amerika.
 Bup iya ti dikerinduka bala mayuh iya nya Language
(1933).
 Langkah rapat ti dikena nembiak iya nya
Bloomfieldianisme.
 Anda jaku ti ngepunka pansik jaku sechara saintifik
 Teori behaviourisme tu bekaul enggau penemu tebangkar psikologi
dalam bejuraika jaku.
 Ayat nya udah ditusun dalam untak lalu dipansutka enti bisi stimulus.
 Nyema ulah mensia nya asil ari operasyen stimulus respon, ulah jaku
mega asil ari operasyen stimulus enggau respon.
 Nya alai, jaku nya nyadi respon ngagai stimulus (rangsangan).
 Bloomfield ngemeratka aspek stimulus enggau respon lebuh bejuraika
senentang fenomena jaku.
Bloomfieldianisme
 Rumus jaku Bloomfield: S – r…..s – R
S : Stimulus praktis
r: respon (pekara ti ngasuh bejaku)
s : stimulus ti diasaika peninga ke
ngasuh iya ngemansutka jaku
R: respon (ulah)
 S enggau R (pekara ukai bekaul
enggau jaku tang peristiwa praktis)
 S enggau r (pekara ti bekaul
enggau jaku)
1) Umang meda buah inyak (S)
2) Ulah Umang lebuh bejaku enggau
Igat (r)
3) Munyi jaku ti dipansutka Umang
lebuh bejaku enggau Igat (…..)
4) Igat mendingka pekara ti disebut
Umang senentang buah inyak (s).
5) Igat lalu niki pun buah inyak,
ngambi buah nya lalu suaka iya
ngagai Umang (R)
 Pansik jaku nya siti penemu sains.
 Jurai jaku mesti bepelasarka atur baka bidang sains ke bukai.
 Jurai jaku mega bepelasarka perati enggau uji.
 Pansik ia nyengkaum chabang fonetik, morfologi, sintaksis, reti enggau kaul
jaku enggau daya idup

11
Ferdinand de Saussure
 Dikumbai apai linguistik moden.
 Bup iya ‘Course in General
Linguistics’.
Langue
 Jaku nyadika sistem tukuh enggau kontras
dalam runding orang ti ngena jaku.
 Betukuh stabil enggau sinkron.
 Sistem jaku – jalai jaku, sepil, sintaksis
 Kitai ulih beratika penteba ti dikunsika bala
pejaku nya kelimpah ari penteba ti midaka
genap iku pejaku
 Abstrak
 Chunto: suap (nyapi makai).
Parole (Speech Act)
 Jaku nyadika gaya bejaku siku-siku
individu.
 Parole ngembuan penteba jaku ti sama
dalam komunikasyen ti dikena pejaku
loghat ti sebaka
 Chara ngena sistem jaku.
 Ngenataika pekara enggau bendar.
 Konkrit
 Berubah nitihka situasyen.
 Chunto: Pulis nya makai duit suap
(korupsyen).
Tanda Lingustik
 Signifier / signifiant (French)
- Leka jaku, imej munyi jaku
 Signified / signifie (French)
- Konsep, reti, referen, sagam
runding, pikir tauka imej
rumah
Signifiant/ signifier
Signifie/ signified
Kaul Sintagmatik enggau Paradigmatik
 Sintagmatik – kaul linear entara unsur jaku dalam
ayat/frasa (melintang/horizontal)
 Paradigmatik – kaul entara unsur jaku sechara vertical
(unjur).
 Nunjukka leka jaku ti dalam raban ke sebaka.
Aku makai mi.
Kami main bol.
Iya meli lauk.
Kaul paradigmatik: Mirah (jaku ganti nama), biru
(jaku pengawa) gadung (jaku nama rama).
Sintagmatik
Paradigmatik
Sinkronik enggau Diakronik
Sinkronik – ubah jaku dalam awak ti serekat
tauka siti jeman aja enda nyengkaum
pengerembai sejarah.
Diakronik – pansik jaku lalu beratika
pengerembai iya sepemanjai jeman ari jaku nya
tau bisi nyentukka diatu.

12
BAB 5: SEJARAH PEMANSANG PENEMU LINGUISTIK
1. Jeman Gerika (Yunani)
2. Jeman Iskandariah
3. Jeman Roma
4. Jeman Tengan (Renaissance)
5. Jeman Arab
6. Jeman India
7. Jeman linguistik banding
8. Jeman linguistik moden
1. Jeman Gerika (Yunani)
 Raban keterubah ke dulu ngerembang bidang pansik jaku iya nya orang Greek tauka
Yunani.
 Pansik jaku mayuh meri biuh ngagai buah runding filosofi
 Filosofi jaku berengkah ba jeman pra-Socrates iya nya maya abad ke-6 sebedau Masihi.
 Tebangkar pemansik jaku jeman tu iya nya Plato enggau Aristotle
PLATO (427-347 S.M)
 Filosofer keterubah ti ngelala enggau
mansik jaku nengah karya iya Cratylus.
 Iya mega mansik senentang jalai jaku ti
midaka entara jaku nama enggau jaku
pengawa.
 Ari pansik nya, Plato udah ngengkah
fungsyen jaku nama nyadika subjek ngagai
predikat lalu jaku pengawa nyadika
penerang ngagai utai ke dikereja.
ARISTOTLE (384-322 S.M)
 Penemu dalam jalai jaku dikerembai
beduduk ari pengawa bebagi dalam jalai
jaku iya nya jaku penyambung.
 Ngerembaika agi runding senentang
falsafah jaku ti ditengkebang Plato.
 Iya mega ngerembaika fungsyen jaku ti
nyadi kereban bekomunikasyen kelebih
agi dikena ba retorik tauka pelandai.
 Jeman Yunani ngemeratka jalai jaku.
 Pansik dipejalaika nitihka logik aja lalu enda saintifik.

13
2. Jeman Iskandariah
 Tanah ti agi dipegai Gerika.
 Nyadi palan mansik litericha & linguistik sekumbang abad ke-3.
 Ditampung Sarjana Gerika.
 Crates ari Malus mai biuh jaku Gerika maya 167 SM.
 Jaku dalam teks sida pemadu chulin.
 Lebih ngemeratka jaku tulis ari sanggah dilah.
 Tebangkar: Dionysius Thrax, Karya: Techne Grammatike
 Mansik jaku ti betul ti dikena dalam karya Homer.
 Ngajar di Rhodes enggau Rom.
 Pelasar jalai jaku dlm Techne Grammatike nyadi pelasar bup jalai jaku eropah diatu.
 Magi leka jaku ngagai 8 raban
 Kelalu ngemeratka jaku beulis sereta nadai nguji ngemidaka munyi enggau urup.
3. Jeman Roma
 Sepengudah jeman Yunani runtuh, dia palan pansik bepindah ngagai Rom.
 Anda jaku jeman Rom nadai entu ngasilka kereban betulis chulin ke mayuh dalam
pengerembai penemu baru bekaul enggau jaku.
 ngerembaika teori-teori jaku Yunani lalu diseriranka ngagai jaku Latin ke engkeman
baka sida Varro, Priscian enggau mayuh agi.
 Ubah system jaku ari Jaku Yunani ngagai Jaku Latin.
 Udah nya, dikerembaika Varro dalam ‘De Lingua Latina’ ke ngundan 25 jilid.
 Jaku nya sama sechara natural.
 Tukuh fleksyen enggau penumbuh dibiuh munyi enggau reti.
 Ngena kategori morfologi, sintaksis enggau etimologi.
 Tebangkar: Appolonius Discoilus
 Mansik bidang sintaksis bepelasarka kereban dalam Techne Grammatike.
 Nyeleti jurai Thrax

14
4. Jeman Tengan
 Golden Age of Latin Language. Pansik linguistik ngemeratka jaku Latin.
 Jaku Latin nyadi jaku lelemu, daya idup enggau diplomasi.
 Jeman Renaissance.
 Injil dikalihka ngagai mayuh bansa jaku bukai lalu nyadi kereban betulis kena mansik
linguistik.
 Ngena jalai jaku Latin nitihka tusun Priscian kena nempa jalai jaku bansa bukai baka
Jaku Eire iya nya siti jaku ba menua Wales enggau Iceland.
 Ngena penemu pasal jaku lalu nyadika elemen kena nyukat kualiti siti-siti jaku.
 jaku lebuh jeman tu agi mengkang dikena ba litericha.
 Pansik jalai jaku maya tu iya nya sintaksis bekabih enggau logic.
 Filosofi ti dikena mansik jaku iya nya bejuraika ngasilka ayat ti menyana.
 Raban tu enda nerima jaku bukai tauka jaku injau.

5. Jeman Arab
 Pengerembai penemu berengkah ngelekai ba empayar Islam ba Baghdad (Abdullah
Hassan, 2007).
 Tebangkar penemu linguistik jeman tu iya nya Al-Khalil enggau Al-Masri.
 Al-Khalil – anda leksikografi ke ngemeratka buah runding dalam mansik fonetik
enggau leka jaku. Iya mega ngaga deksripsyen munyi jaku Arab nengah munyi
konsonan aja, lalu munyi vokal diberi fungsyen nyadi munyi ti meri bida ngagai munyi
konsonan nya.
 Penemu linguistik Arab lebih ngemeratka fonetik jaku Arab kelebih agi dalam ngasilka
sebut ayat dalam Al-Quran enggau nemban.
 Jalai jaku Arab mega udah dikemansangka agi.
 Lebuh Jeman Arab, mayuh diksionari udah diasilka bala tebangkar jaku.

15
6. Jeman India
 Pengerembai penemu linguistik ba India dulu agi berengah ari jeman Gerika.
 Garuh: Dalam karya ti diasilka Panini iya nya Astadhyayi bisi nyebut pasal karya bukai ti
udah bisi maya jeman Gerika enggau Roma.
 Nyengkaum tiga bidang linguistik iya nya munyi, jalai jaku, enggau reti.
 Tebangkar jaku Indi ngumpul teks enggau karya ugama nyadi kereban pansik.
 Chara bala tebangkar jaku India midaka jaku nama enggau jaku pengawa seraris enggau
ke udah digaga Plato tang sida iya nyebut nya proposisyen enggau partikel. (Abd Hassan,
2005).
 Pansik linguistik ti digaga tebangkar ari India lebih manah enti dibanding enggau
tebangkar jaku Gerika enggau Roma ari aspek fonetik, fonologi enggau sintaksis.
 Asil penemu linguistik india ke holistik, konsisten enggau ekonomis meri empas ngagau
tebangkar jaku jeman diatu.
7. Jeman Linguistik Banding
 Berengkah maya ujung jeman tengan, urung abad ke-19.
 Mayuh macham tuduh penemu senentang jaku.
 Bidang jaku berengkah ngerembai sepengudah penumbuh bidang ke baru, iya nya
antropologi enggau sosiologi.
 Bepun mansik jaku sechara saintifik , bepelasarka garuh ti nyengenda.
 Sida mega mansik kaul entara siti jaku enggau jaku ke bukai.
 Jaku tu ari siti perugan ti sebaka.
 Sida ulih nentuka jaku Sanskrit enggau jaku eropah asal ari siti induk iya nya jaku Indo-
Eropah.
 Raban anda jaku jeman tu mega magi jaku-jaku ba dunya ngagai tiga raban, iya nya
jaku berisolasi, bepenambah enggau jaku befleksyen.
 Beratika kaul entara jaku.

16
8. Jeman Linguistik Moden
 Pansik senentang penemu linguistik maya jeman tu lebih ngemeratka linguistik deskriptif
tauka linguistik jurai.
 Pansik ba jeman tu lebih sistematik enggau ngemeratka sinkronis enggau diakronis.
 Ngemeratka struktur jaku.
 Tebangkar penemu linguistik moden iya nya Von Humboldt enggau Ferdinand de
Saussure.
 Ferdinand de Saussure bejuraika konsep sinkronik enggau dakronik, konsep langue
enggau parole.

17
BAB 6: STRUKTUR LINGUISTIK
Fonetik enggau Fonologi
1. Fonologi
 Siti bidang penemu linguistik ti mansik munyi jaku dalam sesebengkah bansa jaku
sereta fungsyen iya dalam sistem munyi jaku nya.
 Pansik senentang pola munyi jaku iya nya munyi ti ngembuan fungsyen dalam siti-siti
jaku.
 Siti bidang ti mansik sistem munyi jaku. (Frank Parker, 1994)
2. Fonetik
 siti bidang ti mansik munyi jaku.
3. Tiga bengkah pansik pasal proses ngasilka munyi iya nya fonetik artikulasyen, fonetik akustik
enggau fonetik auditori.
4. Fonem
 Unit ti pemadu mit ti ulih diseraraka.
 Nadai meri reti ti menyana enti fonem diserara.
 Dibagi ngagai vokal, konsonan enggau diftong.
STRUKTUR
LINGUISTIK
Fonetik
enggau
fonologi
Morfologi
Sintaksis
Semantik
Pragmatik
Analisis
wachana
Kesuh angin ari lempuang Datai ba pita sura Pansut ari rumbang:
nyawa/mulut/idung
Munyi dipansutka
Munyi diasilka ba
endur angin nya
disekat
Cto munyi ti diasilka iya
nya plosif, afrikat,
frikatif, nasal.

18
Morfologi
1. Siti chabang jalai jaku ke mansik struktur, tukuh enggau raban jaku. (Kamus Linguistik, 1997).
 Struktur jaku – tusun munyi sebut jaku tauka sechara betulis ke nyadi unit jaku ti
menyana.
 Tukuh jaku – gaya unit jalai jaku ti betukuh tunggal tauka bepenambah, betandu enggau
beturu.
 Raban jaku – miah leka jaku nitihka fungsyen jalai jaku baka jaku nama, jaku pengawa.
Jaku adjektif enggau jaku tugas.
2. Bidang penemu ti betungkapka struktur, tukuh enggau raban jaku. (Chemaline, 2011).
3. Unit morfologi dibagi ngagai dua bengkah – morfem enggau leka jaku
Morfem – Nahu ti pemadu mit ke bisi reti. (Asmah Hj Omar, 1993)
 Morfem meras enggau morfem berikat
 Morfem meras – ulih bediri kediri (cto: rumah, jalai etb)
 Morfem berikat – semina ulih bediri enti disukung morfem bukai (cto: be-, pe)
 Leka jaku datai ari morfem tang ukai semua morfem nya leka jaku
Sintaksis
1. Bidang linguistik ti mansik tempa ayat iya nya chara leka jaku ditusun nyadi frasa enggau
frasa ditusun nyadi ayat. (Abdullah Hassan, 2006)
2. Sintaksis nya penemu ti betungkapka tukuh, struktur enggau konstruk ayat. Iya mega
nentuka atur tauka ukum jalai jaku ti bepelasar ba ripih jalai bejantilka jaku, nusun leka jaku
enggau raban leka jaku dikena nempa ayat dalam jaku Iban. (Chemaline & Padang, 2011).
3. Kamus Dewan Edisi Keempat – Penemu senentang tusun leka jaku dalam ayat.
4. Nik Safiah Karim (2007) – Bidang lelemu jaku ti mansik tukuh, tempa, struktur ayat.
5. Bidang sintaksis nyengkaum frasa nama, pengawa, adjektif, jaku penempat, ayat, ayat
tunggal enggau ayat turu.
6. Kaul ti bisi dalam sintaksis: kaul sintaksis, kaul posisyen, kaul damping & kaul betukar.
Semantik
1. Bidang semantik tu siti bidang linguistik ti mansik reti ba tikas leka jaku, frasa, ayat enggau
kaul buah runding tauka konsep sereta pengasai ati.
2. Sema – terminologi Yunani ti mai reti lambang/tanda.
3. Bidang linguistik ti mansik reti dalam jaku ke nyadi medium komunikasyen sanggah-dilah.
4. Penemu semantik bekaul enggau pemereti senentang reti, kaul antara konsep enggau reti,
bansa reti, ubah reti, kaul reti enggau sempama.
5. Pemereti senentang reti – tiap tanda linguistik ari sakum unsur munyi enggau unsur reti.
*Peda signifie & signifiant
6. Kaul konsep enggau reti – siti-siti leka jaku tauka leksem iya nya lambing. Kaul antara konsep
enggau reti tauka reti leka jaku sereta pekara ti nyadika referen reti nya.

19
(b) konsep/reti
(a) leka jaku/leksem [simbol] (c) utai ti nyadi referens
(a) Simbol – leka jaku, ayat, munyi
(b) Konsep – diasilka nengah pikir tauka runding ari symbol ti diterima lalu ngasilka buah runding.
(c) Referens – diasilka lebuh konsep ditempa ba pikir. Ulih digaga enggau chara meda tauka beratika
siti-siti pekara nengah peneleba.
Garis putus-putus – kaul antara simbol enggau referens enda besekat. (laban nitihka tikas/peneleba).
Chunto leka jaku ‘manuk’, dalam runding siku-siku bisi mikirka manuk sabung, manuk sup, manuk
KFC.
7. Bansa reti – reti leksikal & reti gramatikal
a. Reti leksikal – Baya nya tadi baru udah ditangkap sida Apai Ludo.
b. Reti gramatikal – Anang pechayaka jaku Mambu, iya nya baya pantai.
8. Ubah reti – kerembai reti, kerupit reti, insur reti.
a. Kerembai reti – reti ti berubah ketegal sesebengkah faktor. chunto : pansai (ngiga
ikan) enggau pansai (mansik, peresa, sidi tauka giga enggau silik)
b. Kerupit reti – Kerupit reti tu nyadi ba leka jaku ti ngembuan reti ti luas tang
dikerupitka laban tumbuh leka jaku ti lebih spesifik agi ari reti ti luas. Chunto:
litericha. Litericha bisi litericha pemerindang, naratif enggau tradisional.
c. Insur reti – reti ti bebida ari reti leka jaku asal (sempama). Chunto: leka jaku tubai
(rachun kena ngemabukka ikan ari ai getah) -> tubai kara (orang ke kerah-kerah
bejaku ngapa nadai pemisa penemu laban baruh pendiau)
Pragmatik
1. Pansik senentang chara sebut jaku tu tau bulih reti nitihka siti-siti situasyen (komunikasyen).
2. Pansik ti bekaul enggau intepretasyen jaku ari sukut ayat etb.
3. Pragmatik mega beguna kena ngulihka reti implisit siti-siti jaku.
4. Prinsip Kerejasama Grice (1993) – maksim kuantiti, maksim kualiti, maksim relevan, maksim
perlakuan/chara.
a. Maksim kuantiti – infomasyen ti beguna lalu ulih dikena dalam komunikasyen.
b. Maksim kualiti – infomasyen ti betul & spesifik.
c. Maksim relevan – infomasyen nya relevan diterima dalam komunikasyen.
d. Maksim perlakuan – infomasyen nyata enggau spesifik.

20
Analisis Wachana
1. Unit jaku ke ngelui ari ayat, nyengkaum beberapa iti ayat, bab dalam bup, cherita, dialog
enggau ngayanka kaul & pengerembai runding ti berurun. (Webster, 1993).
2. Wachana tu gerempung jaku ke menyana.
3. Wachana ulih mega dalam tukuh betulis (teks, novel, bup). Komunikasyen (sepis, ripot etb)
4. Guna analisis wachana:
a. Meda kaul jaku tauka ayat ti ulih dikumbai wachana.
b. Kena meretika wachana enggau lenak.
c. Kena bejuraika/nerangka pengelabur reti ti bisi.
d. Kena ngemidaka bansa wachana baka tukuh pidato, cherpan enggau novel.
5. Ripih jalai analisis wachana:
a. Ripih jalai Zellig Harris – negemeratka analisis unsur teks baka morfem, leka jaku
enggau frasa. Juluk analisis tu iya nya deka mandangka struktur/bansa teks sereta
fungsyen tiap unsur dalam struktur nya.
b. Ripih jalai A.L Becker – analisis karang ti betukuh eksposisyen iya nya karang ti
diterangka sechara sistematik.

21
BAB 7: FAKTOR LUAR
Ngulihka Jaku Enggau Penteba Asosiasyen
1. Mensia diadaka endang bisi kereban fizikal ti kena ngulihka jaku.
2. Pengulih jaku ba anak mit nya nyadi sechara betikas seraris enggau pengerembai untak iya.
3. Pengulih jaku tu ketegal mensia bisi ngembuan LAD (Language Acquisition Device) tauka
Kereban Pengulih Jaku. Nembiak ti normal (nadai penimpang), sida ulih bejaku dalam urung
maya ti sebaka.
4. Nembiak mit ulih nguasa jaku nengah chara ngulihka lalu ukai ari proses belajar. Maya
nembiak ti beumur 1-5 taun nya maya nembiak ulih nguasa jaku ti pemadu kritikal sereta
jampat. Nembiak mudah nerima biuh jaku tangkai mengandai ba perampa pendiau sida. Enti
sema, awak nembiak beumur 1-5 taun tu nembiak nadai entu bisi peneleba jaku, proses
pengerambai jaku sida deka beserekang.
5. Pengerembai jaku nembiak dipansik ari tiga aspek:
a. Fonologi – nembiak ngaga munyi rechau sengapa. Iya berengkah enggau fonem
kasar ti ulih dibida lalu ngerembai ngagai fonem ti alus.
b. Semantik – nembiak berengkah nguasa sekeda leka jaku lalu ngerembaika pengaya
jaku iya. Keterubah iya, siti leka jaku engka mai mayuh reti tauka objek. Nembiak
deka belajarka konsep ti konkrit ngagai abstrak lalu ulih nusun leka jaku nitihka jalai
jaku.
c. Sintaksis – nembiak nguasa sebut jaku ngena siti leka (maya umur setaun) jaku lalu
berengkah nginsur ngagai dua leka jaku (umur dua taun). Udah nembiak niki ngagai
umur 5 taun, nembiak ulih ngasilka ayat pasif tauka ayat ti lebih kompleks lalu ulih
ngelala struktur dalam enggau kaul iya enggau struktur luar.
6. Chara ti ulih ngasuh nembiak ulih nguasa jaku enggau semitan iya nya sida iya patut diberi
peneleba ti mayuh ke ulih nyungkakka pengerembai jaku sida. Nembiak deka nitihka ulah
jaku orang tuai lalu ulih ngujungka jaku sida iya niki ngagai tikas orang tuai sereta manah
enggau menyana.

22
Psikolinguistik
1. Psikolinguistik – sains interdisiplin asil ari sakum dua bengkah disiplin iya nya sains-psikologi
enggau linguistik.
2. Tebangkar psikologi madahka untak mensia befungsyen bepelasarka simbol linguistik.
3. Tebangkar linguistik madahka dalam untak mensia bisi siti kereban ti dikumbai motor
psikososial ke bejalaika mesin jalai jaku enggau leksikon.
4. Tebangkar jaku mansik baka ni chara untak mensia ulih bejalaika proses jaku lalu ulih
ngasilka leka jaku enggau ayat ke enda betatak.
5. Pansik tebangkar psikolinguistik bisi tiga bengkah:
a. Pemereti sebut jaku – mansik pross mental ti nyadi maya siku-siku individu mending,
mereti sereta ngingatka sebut jaku ti didinga iya.
b. Pengasil sebut jaku – mansik semua prises mental ti nyadi lebih siku-siku individu
bejaku.
c. Pengulih jaku – mansik tikas ti dikembuan nembiak mit dalam proses ngulihka jaku.
Mansik sekalika jaku nya bepanggai ba operasyen kognitif tauka bepanggai ba
peneleba.
Linguistik Klinikal
1. Siti bidang dalam Sains Pertuturan (bejaku)
2. Integrasyen bidang linguistik enggau bidang patologi jaku & bejaku (pertuturan).
3. Ngena teori kognitif baka Noam Chomsky enggay teori behavioris B.F Skinner.
4. Ripih jalai
a. Ngena eksperimen ulah – subjek eksperimen diberi input linguistik lalu diasuh
ngereja pengawa (baka ngaga pemutus, ngasilka respon, macha leka jaku)
b. Perati – bisi nembiak ngembuan penanggul bejaku. Pansik ngemeratka analisis
linguistik ti bisi dalam penanggul jaku, nempa instrument tisih & intervensyen, ngaga
norma jaku enggau aspek ngajar & belajar nembiak ti bisi penanggul komunikasyen.
Penyampat meri respon enggau penemban saut suah dikena nyukat prestasi.

23
BAB 8: VARIASYEN JAKU
Definisyen Variasyen Jaku
 Bida tukuh jaku ti kena meri reti ke sebaka dalam siti-siti situasyen.
 Variasyen jaku ditentuka faktor teknikal baka sebut, pengaya jaku enggau jalai jaku.
 Variasyen jaku siti subbidang sosiolinguistik ti mandangka mayuh macham bansa jaku Iban
ketegal raban bansa Iban tu mayuh tubuh enggau situasyen ngena jaku Iban tu bisi bida
dalam konteks.
Bida Sistem Entara Jaku
 Bebidaka munyi entara dialek tauka sebut jaku nitihka pelilih menua enggau jaku Iban
standard.
 Jaku Iban standard bebida ari dialek laban iya ngembuan sistem atur sepil, jalai jaku, sebut
enggau terminologi.
 Jaku Iban standard dikena ba pengawa formal lalu dialek dikena ba pengawa ukai formal.
 Penyerekang ari segi sebut dalam variasyen sigi bisi nyadi.
 Standard munyi sebut nya mesti ulih diterima semua orang ba situasyen formal nya baru iya
ulih diaku nyadi jaku standard.
Dialek Pelilih Menua
 Dalam Diksionari Linguistik madahka dialek tu siti variasyen jaku ti nyadi ketegal pemejaku ti
datai ari pelilih menua ti bebida. Bida nya nyengkaum chara sebut, jalai jaku enggau pengaya
jaku ti bebida ari jaku standard.
 Dialek mega variasyen jaku ti dikena sereta diperetika seraban pemejaku dalam siti komuniti
jaku taja pan bisi bagi geografi.
 Dialek pelilih menua tu bekaul enggau pemejaku/pejaku dalam siti genturung pendiau tauka
pelilih menua. Chunto: Jaku Iban pelilih menua Betong bisi bida enggau jaku Iban pelilih
menua Kapit.
 Jaku standard tu siti ari dialek ti dikena dalam raup ti lebih luas agi sereta diterima bala
mayuh. Jaku standard suah dikena nyadi jaku rasmi/formal.
 Tiap-tiap iti pelilih menua ngembuan patah sebut leka jaku ti enda sama entak sebut iya.
 Penyampat enggau pengelubah leka jaku nitihka siti-siti ai enda sama .
 Jaku pelilih menua tauka dialek semina dikena orang ba sesebengkah pelilih menua aja.
 Leka jaku dialek dikena ngelai jaku pelilih ai (daerah), kelebih agi jaku dikena berandau

24
 Jaku Iban nadai ngembuan dialek tang mayuh varian leka jaku baikka nya varian pelilih
menua, varian sebut enggau varian sepil.
 Dialek nya siti sistem komunikasyen verbal nyengenda leka jaku sereta ngembuan jalai jaku
kediri empu.
 Sesebengkah dialek nyelai ari dialek bukai laban lebas ba leka jaku ti dikena, jalai jaku chra
nyebut ba fonologi enggau prosodi.
 Bidayuh Bau enda meretika jaku bidayuh Pedawan. (dialek)
 Iban betong ulih berandau enggau iban Limbang. (varian)
Dialek Sosial
 Jaku ti bebida nitihka raban sosial sereta situasyen.
 Ngena jaku bebida ba raban bansa ti bebida.
 Bida jaku ti dikena bala raja, raban bangsawan enggau raban ti bisi ngembuan pelajar.
 Jaku basa ti dikena lebuh maya bisi pengawa formal, majlis, meeting enggau ti bukai.
 Jaku ti dikena orang ke bisi ngembuan pelajar bebida ari orang ke enda ngembuan pelajar /
enda bepelajar tinggi.
 Chara milih enggau ngena jaku ti bebida.
 Lebuh ti bejaku, orang selalu nunda jaku ti betikas tinggi laban nya meri identiti ti manah
ngagai diri.
 Chunto: Enti Dr.Lambat meri sepis ngagai nembiak IPGK Rajang, iya ngena lebas jaku
akademik sereta betikas tinggi tang enti Dr. Lambat meri sepis ba rumah panjai iya ngena
lebas jaku ti ulih deperetika raban komuniti ba rumah panjai.
 Salah siti aspek ti nunjukka tikas sosial orang iya nya milih ganti nama ti dikena.
 Orang ti ngena ganti nama jaku pasar baka nuan, dik, wai, endun, igat enggau ti bukai
dikumbai enda bebasa.
 Orang ti bisi basa ngena jaku ganti nama bebasa baka Tuan, Puan, Datuk, Datin, Iya ti
Dipebasa enggau ti bukai. Tu nunjukka iya landik bebasaka orang.
 Tu ulih nunjukka bisi penteba variasyen dalam konteks enggau fungsyen jaku.
Jaku Simbol
 Ngemeratka komunikasyen manual, jaku tubuh, kebut mulut, ukai ngena sura nyawa kena
bekomunikasyen.
 Bansa Turatungu siti bansa ke ngena jaku tu suah ngena tukuh jari, orientasyen lengan
senggau tubuh sereta gaya mua (mimic muka) kena mantaika buah runding sida.

25
 Jaku simnol bebida nitihka menua ke ngena jaku ke sebaka. Chunto iya, Amerika Syarikat
enggau British taja pan ngena jaku betulis ti sebaka tang ngembuan jaku simbol ti bebida.
(American Sign Language & British Sign Language).
 Jaku simbol suah dikena orang ti timpang pendiau ke bisu tauka bengal laban tu siti ari chara
sida iya bekomunikasyen enggau pangan diri.
 Ba Malaysia, raban ti timpang pendiau ngena Jaku Simbol Malaysia/ Bahasa Isyarat Malaysia
(BIM) ngena servis jurubahasa enti sida bisi pengawa enggau orang ke enda meretika jaku
simbol.

26
BAB 10: STILISTIK
Konsep enggau Definisyen Stilistik
 Stilistik datai ari jaku Inggeris ti mai reti “style” tauka “gaya”.
 Diksionari Jaku Indonesia nerangka stilistik tu sebagi ari penemu ngena jaku ti belajarka
gaya jaku.
 Abdullah Hassan & Ainon (1990), stilistik iya nya lelemu senentang stail tauka gaya ti
dikaulka enggau chara ngena jaku.
 Bally, Jacobson, Leech, Widdowson, Levin, Ching, Chartman meri penemu stilistik tu
deskripsyen linguistik ari jaku ti dikena ba dalam teks litaricha.
 Stilistik mega senentang ngena linguistik dalam jaku litaricha.
 Seymour Chatman (1971), stilistik kelebih agi meri penekan ngagai unsur jaku.
 Nya alai, stilistik tu bekaul enggau kaul antara jaku enggau linguistik.
 Penemu tu dikena ba bidang linguistik sereta dikerembai dalam bidang litaricha ti ngena jaku
nyadika wachana dalam berandau @ meri penemu.
Penteba Stilistik (Faridah & Tuan, 2003)
Gaya jaku Nama gaya
Gaya jaku banding Imejan, metafora, personifikasyen, pleonasme enggau
simile
Gaya jaku ngeningkilka (penyirnaan) Sinkof, afesis, akronim, apokop, ellipsis enggau aferisis
Gaya jaku betandu Aliterasi, anaphora, asonansi epifora enggau rima
Gaya jaku besibil Hiperbola, inversi enggau paradoks
Gaya jaku bekaul Sinekdok, eufimesme, epitet, antonomasia, eponim,
metonimia enggau alusi

27
Gaya Jaku Bekaul:
Bansa Gaya
Jaku Bekaul
Definisyen Chunto
Antonomasia Gela ti diberi ngagai orang gawa ba
sesebengkah institusyen.
Professor, Ketuai Opis Jaku
Eufemisme lebas leka jaku ti kasar diganti ngagai
lebas leka jaku ti alus didinga
majuh - makai
Metonimia Jaku ganti ngagai tiap iti jenama. Jenama Maggi
tang dikena mega ba mee segera & mee
dua minit -> (Sardin)
Eponim Sebengkah gaya ti ngena nama orang
ti ngembuan pendiau ti sama.
Ulah Jebua baka Apai Saloi
Gaya Jaku Ngeningkilka (Penyirnaan): Ningkilka unsur jaku baka munyi, patah sebut, leka jaku
enggau frasa tauka ayat.
Bansa Gaya
Jaku Bekaul
Definisyen Chunto
Sinkof ngedutka leka jaku enggau chara
ningkilka siti tauka lebih urup ari
begian tengah leka jaku.
kami duai – kenduai, beumai - bumai
Aferisis ningkilka munyi tauka urup, patah leka
jaku tauka leka jaku pun.
ka - deka
Akronim Leka jaku ti digaga ari proses
bejantilka sebagi ari beberapa leka
jaku awakka nyadi siti leka jaku.
SIDS – Sarakup Indu Dayak Sarawak
Apokop Leka jaku ti ditingkilka ba urup ujung,
pra ujung tauka patah sebut ujung.
-
Elipsis Proses ningkilka leka jaku enggau frasa
dalam ayat.
Muntui udah pulai – Muntui udah pulai
ari pasar.

28
Afesis Ningkilka munyi vokal ba siti-siti leka
jaku.
Apai - pai
Gaya Jaku Betandu:
aspek betandu munyi, patah sebut, leka jaku, frasa enggau ayat.
Bansa Gaya
Jaku Bekaul
Definisyen Chunto
Aliterasi Betandu konsonan ti ngembuan munyi
ti sama dalam leka jaku.
beduan anak nuan (konsonan n)
Asonasi Betandu vokal ti ngembuan munyi ti
sama dalam leka jaku.
sulu runggu selalu (vokal u)
Anafora Betandu leka jaku keterubah ba tiap iti
baris tauka tiap ayat ti berurun dikena
meri empas reti.
Endur Bukit Stulak di Ulu Entabai,
Tinggi gegiai nyuluk remang,
Endur Iban nyeliahka chukai,
Diuluka tuai benama Ngumbang.
Epifora Betanduka leka jaku, frasa, beberapa
iti leka jaku ba ujung baris ayat ti
berurun.
Eh tajau tajau,
Iya tajau,
Nuan tajau,
Rima Betanduka munyi dalam leka main
asal (puisi).
Baru nyirap penang penguji, Belipatka
abap panting kenchandi, Belepika sedi
asai ke makai idang madu manyi,
Bechulikka kapu tekuyung ai, Empit
mimit semakau Jambi.
Gaya Jaku Banding:
Nerangka pekara ti bekias dikena nyaga geragayak ati orang senentang utai/pekara ti deka disebut.
Bansa Gaya
Jaku Bekaul
Definisyen Chunto
Imejan reti siti-siti leka jaku ti bekaul enggau
imej/gambar(visual) ti ditaga dalam
runding orang ti bejaku enggau orang
ti ninga.
manuk -> manuk cina, manuk dagin,
manuk KFC, anak manuk etb. (bekunsi
imej nitihka peneleba)

29
Metafora leka jaku ti dikena dalam bejuraika reti
tauka reti bukai ari reti tikas selama
enggau reti leka jaku nya kebendar.
Kuja bejalai lubah baka tekura.
Personifikasi perampa runding senentang pekara
enggau batang penemu baka penteba
mensia.
Maya ai mataku naya ngemisai labuh
keberai. (Lirik lagu Ujan Nerusan)
Pleonasme Jurai penerang ti betandu/berulang
senentang pekara ti dikejaku dalam
sesebengkah ayat (lebih lenak).
Pengerindu aku enda bebagi, sanggupku
nganti seribu taun agi.
Simile Jaku kiasan ti nyemaka siti-siti pekara
enggau pekara ti bukai nengah chara
ngena leka jaku banding (baka).
Pemajik Juwita baka kumang.
Gaya Jaku Besibil:
Bejuraika reti ti besibil (betentang) ti ngembuan tiga bagi iya nya hiperbola, paradoks enggau inversi
tauka anastof.
Bansa Gaya
Jaku Bekaul
Definisyen Chunto
Hiperbola lebas jaku ti lebih ari reti ti kebendar
baka ari sukut penyampau enggau
penteba.
Seribu taun sanggup mih aku nganti.
Paradoks gaya jaku besibil ti nyata sereta
ngembuan garuh tang ngembuan
pengamat enggau penemu nyata.
Gamal bajik tang nadai basa.
Inversi gaya jaku ti tebalit ari sukut leka jaku
tauka frasa dalam tusun ayat.
(predikat -> subjek) (ayat aktif tunsang
@ ayat pasif tunsang)
Baju nya (P) dibeli Saging (S).
Penyemitan Stilistik Dalam Jaku Iban
 Pemanah biuh stilistik dalam jaku Iban ulih diperati nengah mayuh gaya jaku ti dikena
kelebih agi dalam litaricha.
 Nengah kereban litaricha, aspek gaya jaku amat beguna dikena ngasilka litaricha ti nemban
sereta manah enggau chara begunaka mayuh bengkah gaya jaku.

30
 Meri biuh ngagai bekenaka jaku sanggah dilah enggau pengawa nulis siku-siku orang dalam
mayuh bengkah wachana.
 Siku-siku penengkebang enda semina bepanggai ngagai aspek jalai jaku aja tang ulih
ngasilka karya ti lebih kreatif nengah chara masukka gaya jaku bekaul, penyirnaan, betandu,
besibil enggau banding.
 Ari sukut pengulih ulih nunjukka bida gaya pengelandik nulis penengkebang ti tebangkar.
 Gaya pengelandik nulis penengkebang ti bebida tu ngayanka pengelandik nengkebang sereta
pengulih penemu stilistik siku-siku penulis.
 Pemanah biuh dalam jaku mega bekait enggau pengelandik nguasa jaku bala nembiak iya
nya ba tikas sekula tauka institusyen pelajar tinggi.
 Nya alai, tu ulih meri penemu tambah ngagai bala nembiak ti belajarka gaya jaku stilistik
dalam pengawa nengkebang kelebih agi nembiak ti ngambi kus jaku Iban.

31
BAB 11: JAKU SAINTIFIK
Konsep
• Jaku saintifik tau bisi ketegal penemu sains ti bisi bekaul enggau idup mensia.
• Betukuh intelektual, saintifik, formal enggau objektif.
• Penemu dalam bidang sains tu bepelasarka perati enggau asil pansik ti ngasilka konsep,
nempa hipotesis enggau atur saintifik.
• Jaku saintifik ulih dikena ngenataika konsep baka bidang pelajar, undang-undang, sains
enggau bidang profesional ti bukai.
• Stilistik dalam jaku sains betukuh jurai ti ngembuan sanding fakta lalu nadai bekaul enggau
sebarang emosyen.
• Jaku saintifik mega betukuh objektif laban bala tebangkar sains mansik fenomena ti nyata
lalu nengkebang siti set jurai ti amat senentang pekara ti dipansik.
• Stilistik dalam jaku saintifik ngembuan siti-siti sintagmen ti nyengkaum definisyen, jurai,
kebuah enggau ti bukai.
• Chunto: “Fotosintesis tu siti proses sintesis sebatian organik ke dipadu ari ai enggai karbon
dioksida ngena tenaga cahaya matahari ti diserap klorofil.”
Penteba
 Lebas enggau gaya jaku ti tinggi.
 Dikena ngenataika informasyen.
 Sistem jalai jaku ti entap.
 Terminologi sains, matematik enggau komunikasyen.
 Jaku ti dikena ulih madah sereta mantaika lebas jaku sebengkah bidang.
 Ngembuan leka jaku injau. Chunto iya : Intelektual, osteoporosis, logarithm, algebra,
statistik, graf etb.

Modul Tempalai Linguistik

Recommended

Recommended

More Related Content

What's hot

What's hot (20)

Similar to Modul Tempalai Linguistik

Similar to Modul Tempalai Linguistik (20)

More from Jata Salih

More from Jata Salih (9)

Recently uploaded

Recently uploaded (20)

Modul Tempalai Linguistik