Araling Panlipunan 10 - 4th Quarter | Topic 2

1. Suliraning Kinahaharap
ng Sektor ng Edukasyon
sa Bansa
Araling Panlipunan 10 – 4th Quarter | Topic 2
Prepared by: Eddie San Z. Peñalosa

2. Ang sumusunod ay mga karagdagang pagtalakay sa mga
elementong nabanggit at sa mga kaugnay nilang mga
problemang kinahaharap at dapat pagtuunan ng pansin para
sa edukasyon sa Pilipinas.

3. Iba’t ibang Suliranin ng Bansa sa
Sektor ng Edukasyon

4. Ang mga sumusunod ay mga mungkahing
pamamaraan o solusyon na makatutulong sa
pagpapataas ng kalidad ng edukasyon sa pamayanan
at bansa.

5. Iba’t ibang Suliranin ng Bansa sa Sektor
ng Edukasyon
1. Bumaababang kalidad ng Edukasyon.
2. Ang mga hamon ng bagong Sistema ng edukasyon sa bansa.
3. Ang papataas na presyo ng edukasyon.
4. Ang hindi sapat na badyet ng pamahalaan para sa edukasyon at ang korapsiyon.
5. Ang kakulangan sa mga pasilidad at mga gamit sa edukasyon.
6. Ang mababang suweldo ng mga guro.
7. Ang malaking sukat ng klase (class size).

6. Ang Bumababang Kalidad ng Edukasyon
Ito ang pangunahing isyung pang-edukasyon na dapat
asikasuhin o lutasin ng pamahalaan. kapansin – pansin ang
pagbaba ng kalidad ng edukasyon sa Pilipinas batay na rin sa
mga pagsasaliksik at sa mababang resulta ng mga pagsusulit
na kinuha ng mga Pilipinong mag-aaral mula elementarya
hanggang kolehiyo.

7. Ang mga Hamon ng Bagong Sistema ng
Edukasyon sa Bansa
Ang programang K to 12 ang kasalukuyang nasa
implemantasyon. Ito ay halos kasisimula pa lamang kaya hindi pa
masukat ang benepisyong maidudulot nito sa ikagaganda ng
Sistema ng edukasyon sa Pilipinas.
Marami rin ang tumututol sa programang ito sa dahilang ang
dalawang taong dagdag sa kabuuan ng edukasyon ay
nangangahulugan ng dagdag na gastos para sa mga magulang.

8. Ang Papataas na Presyo ng Edukasyon
Bagama’t mas mura ang edukasyon sa Pilipinas kumpara sa
ibang bansa, ganon pa man, sa estado ng buhay ng maraming
Pilipino, masasabing mahal ang presyo ng edukasyon, lalo na sa
mga pribadong paaralan. Lalo pa itong tumataas sa pagdaan ng
panahon. Bilang resulta, ang mahihirap ay madalas na hindi
nakapagtatapos dahil sa kakulangan ng sapat na salaping
pambayad sa mga gugulin sa paaralan.

9. Ang Hindi Sapat na Badyet ng Pamahalaan
para sa Edukasyon at ang Korapsiyon
Ayon sa batas, ang pinakamataas na alokasyon ng badyet
ng pamahalaan ay dapat sanang mapunta sa sektor ng
edukasyon. Sa madalas na pagkakataon, hindi sapat ang
pondong napupunta para sa edukasyon. Dagdag pa rito ang
isyu ng korapsiyon kung kaya’t hindi nagagamit nang buo sa
kaukulan ang pondo para sa edukasyon.

10. Ang Kakulangan sa mga Pasilidad at mga
Gamit sa Edukasyon
Kulang na kulang sa silid-aralan, aklat-aralin, at mga
kagamitan sa pagtuturo lalo na ang mga pampublikong
paaralan sa bansa. Tuwing magbubukas ang klase, maraming
bata ang nagkaklase sa corridor, hallway, sa ilalim ng
punongkahoy, at ang ilan ay sa dating palikuran na
ginagawang silid-aralan.

11. Ang Mababang Suweldo ng mga Guro
Marami ang pinipili na lang na magtrabaho bilang mga
call center agent o kaya naman ay bilang mga domestic
helper sa ibang bansa dahil sa kaliitan ng pasuweldo sa mga
guro sa bansa. Isa itong mahalagang isyung pang-edukasyon.
Mahihirapang kumuha ng mga de-kalidad na guro o
tagapagturo kung masyadong mababa ang ibibigay na sahod
sa mga ito.

12. Ang Malaking Sukat ng Klase (Class Size)
Kung kulang ang bilang ng guro at kakaunti rin ang bilang
ng silid-aralan, ang resulta ay ang malaking sukat ng klase o
class size at maraming shifting. Kung malaki ang class size,
hindi gaanong matututo ang mga mag-aaral at mahihirapan
ang mga guro sa pagtuturo.

13. Salamat sa Pagsubaybay