Edukasyon sa Pagpapakatao 7 - 4th Quarter | Topic 3

1. Mga Pamantayan sa Pagpili
ng Kurso, Hanapbuhay o
Negosyo tungo sa Maunlad
na Buhay
Edukasyon sa Pagpapakatao 7 – 4th Quarter |Topic 3
Prepared by: Eddie San Z. Peñalosa

2. Sa buhay ng tao, maraming nagaganap na pagkakataon
kung kalian kakailanganin niyang mamili sa pagitan ng mga
bagay-bagay. Bawat pagpili ay mahalaga at dapat pag-isipang
mabuti dahil ito ay maaaring makaapekto sa alin mang
aspekto ng kaniyang buhay.

3. Isa sa mga pagpiling kaniyang isasagawa na may
pinakamalaking epekto sa kaniyang buhay ay ang pagpili ng
tatahaking karera. Ang pagpiling ito ay hindi madali para sa
lahat, ngunit maaari itong paghandaan. Bilang paghahanda
rito, mahalagang suriin at isaalang-alang ang mga pansariling
salik sa pagpili ng tamang kursong akademiko o teknikal-
bokasyonal, sining o isports, negosyo o hanapbuhay upang
matiyak ang sariling pag-unlad sa hinaharap.

4. MgaSalik na Maaaring
Gamiting Pamantayan
sa Pagpili

5. Mga
Sumusunod na
Salik:
1. Talento.
2. Kasanayan o Skills.
3. Hilig.
4. Pagpapahalaga.
5. Katayuang Pinansiyal.
6. Mithiin.

6. Talento
Ito ay tumtukoy sa likas o natural na galling ng isang tao
sa paggawa ng isang bagay. Ito ay unti – unting
naipamamalas o naipakikita sa kaniyang paglaki. Maaaring
mamana ito mula sa mga magulang, o kaya ay malinang sa
pamamagitan ng paulit-ulit na pagsasanay ayon sa sariling
kagustuhan. Ilan sa mga halimbawa ng talent ay ang galling
sa pag-awit, pagsayaw, pagguhit, at pagtugtog ng mga
instrument.

7. Kasanayan o
Skills
Tumutukoy ito sa angking kakayahan o competency ng
isang tao. Maiuugnay din ito sa mga salitang “abilidad” at
“kahusayan” o proficiency. Sa pagtukoy ng kasanayan ng
isang tao sa isang bagay, mahalagang mayroon siyang hilig o
interes, mga tiyak na potensiyal, at malawak na kaalaman
tungkol dito.

8. Kasanayan o
Skills
Mga Uri ng Kasanayan o Skills:
 Kasanayan sa Pakikiharap sa mgaTao o People Skills.
 Kasanayan sa mga Datos o Data Skills.
 Kasanayan sa mga Bagay-bagay o Things Skills.
 Kasanayan sa mga Ideya at Solusyon o Idea Skills.

9. Kasanayan o
Skills
Kasanayan sa Pakikiharap sa mgaTao o People Skills.
Halimbawa:
Pakikipagtulungan, paglilingkod, at pakikisama sa iba;
panghihikayat sa iba na kumilos; pag-iisip para sa iba;
pagiging magiliw.

10. Kasanayan o
Skills
Kasanayan sa Datos o Data Skills.
Halimbawa:
Paghawak ng dokumento, datos, o bilang; paglilista o pag-
aayos ng mga files at pag-oorganisa sa mga ito; paglikha ng
mga sistemang nauukol sa mga trabahong nakaatang sa
sarili.

11. Kasanayan o
Skills
Kasanayan sa mga Bagay-bagay oThing Skills.
Halimbawa:
Pagpapaandar, pagpapanatili, o pagbuo ng mga makina; pag-
aayos ng mga kagamitan; pag-unawa at pag-aayos sa mga
pisikal, kemikal, at biyolohikong mga functions.

12. Kasanayan o
Skills
Kasanayan sa mga Ideya o Idea Skills.
Halimbawa:
Paglutas ng mga mahihirap at teknikal na bagay;
pagpapahayag ng mga saloobin at damdamin sa malikhaing
paraan.

13. Hilig
Ito ay tumutukoy sa gawaing nagdudulot ng kasiyahan ng
tao. Maituturing ito bilang kaniyang paborito dahil mas
madalas niyang gawin ito kung ikukumpara sa ibang Gawain.
Sa paggawa nito, hindi niya alintana ang pagod, hirap,
pagkabagot, at maging ang paglipas ng oras dahil gusto niya
itong gawin.

14. Pagpapahalaga
Tumutukoy ito sa paniniwala, katangian, kilos o gawa na
isinasabuhay ng isang tao na itinuturing niyang mahalaga.
May kani-kaniyang pagpapahalaga ang bawat isa, ngunit sa
karamihan sa mga ito ay naipamamalas sa pamamagitan ng
pakikipag-ugnayan sa kapwa. Ang pagiging tapat, magalang,
masipag, at maging pagmamalasakit sa kapwa ay mga
halimbawa ng pagpapahalaga.

15. Katayuang
Pinansiyal
Ito ay tumtutukoy sa kalagayan o kakayahang pinansiyal
ng isang tao sa pagtugon ng kaniyang mga pangangailangan.
Mahalaga ang pagiging stable ng tao sa kaniyang sariling
pag-unlad sa lipunan.

16. Mithiin
Tinutukoy ito sa bagay, sitwasyon, o pangyayari na nais
matupad ng isang tao. Maiuugnay ito sa salitang “pangarap”.
Kailangan ng maigting na dedikasyon at pagsisikap sa
pagsasakatuparan nito sa kabila ng ano mang pagsubok na
dumating. Ang katuparan ng isang mithiin ay makatutulong
sa pagkamit ng sariling kaganapan.

17. Sa pamamagitan ng pabibigay-tuon sa bawat
pansariling salik na nabanggit, mas magiging madali at
makabuluhan ang isasagawang pagpili ng kurso,
negosyo, o hanapbuhay sa hinaharap. Mahalaga rin
isaalang-alang kung tumutugma ba ang mga salik na ito
sa kurso, negosyo, o hanapbuhay na nais makamit
upang makatiyak na walang oras, pagsisikap, o perang
masasayang kung sakaling magkaroon man ng
pagkakamali sa pagpili.

18. Ang pagtatagumpay sa pagpapasiyang ito ay
makatutulong hindi lamang sa pag-unlad ng sarili, kundi
maging sa pag-unlad ng lipunan dahil maituturing na
asset ang isang taong produktibo sa kaniyang kurso,
negosyo, o hanapbuhay.

19. Salamat sa
Paagsubaybay