1. LITERATURA (tema 6)
6. A PROSA ENTRE 1936 E 1976: OS RENOVADORES DA PROSA
(FOLE, BLANCO AMOR, CUNQUEIRO E NEIRA VILAS).
1. INTRODUCIÓN E CARACTERÍSTICAS
2. AUTORES
2.1. EDUARDO BLANCO AMOR
a) A esmorga
b) Os biosbardos
c) Xente ao lonxe
2.2. ÁLVARO CUNQUEIRO
2.2.1. NOVELA
a) Merlín e familia
b) As crónicas do Sochantre
c) Se o vello Simbad volvese ás illas.
2.2.2. RELATOS (Escola de menciñeiros, Xente de aquí e de acolá, Os outros
feirantes)
2.3. ÁNXEL FOLE
2.3.1. CARACTERÍSTICAS
2.3.2. OBRAS (Á lus do candil, Terra brava, Contos da néboa, Historias que ninguén
cre)
2.4. NEIRA VILAS
2.4.1 OBRAS E TEMÁTICA
a) Memorias dun neno labrego, Cartas a Lelo, Aqueles anos do Moncho.
b) Xente no rodicio, A muller de ferro
c) Camiño bretemoso, Historias de emigrantes
3. CONCLUSIÓN
25
2. LITERATURA (tema 6)
6. A PROSA ENTRE 1936 E 1976: OS RENOVADORES DA PROSA
(FOLE, BLANCO AMOR, CUNQUEIRO E NEIRA VILAS).
1. INTRODUCIÓN E CARACTERÍSTICAS
Debido ás adversas circunstancias históricas da posguerra a produción narrativa e
ensaística en galego viviu un período de total silencio ata 1951 coa publicación de A xente da
Barreira de Carballo Calero na editorial Galaxia fundada en 1950.
Nesta década aparecen na literatura galega tres grandes innovadores tanto no aspecto
temático coma no formal: así Cunqueiro mestura a realidade e a fantasía empregando a técnica do
relato oral; Ánxel Fole a través da súa obra introdúcenos na Galiza esotérica, ademais de empregar
técnicas características do conto popular; mentres que Branco Amor a través dos suburbios
urbanos e das clases populares enmárcase no realismo social e emprega técnicas como a
telefónica ou o multiperspectivismo. Estes autores aínda que innovadores temáticos e técnicos
son continuadores da xeración Nós.
2. AUTORES
2.1. EDUARDO BLANCO AMOR
a) A esmorga: Editase en Bos Aires en 1959, mais non aparece en España ata o ano
1970 por mor da censura. Esta obra converte a Blanco Amor nun dos máximos
representantes do realismo social. Nela Cibrán conta ante un xuíz a través da técnica do
interrogatorio (xa que o xuíz non intervén) os sucesos ocorridos durante un día enteiro de
troula co Bocas e o Milhomes na cidade de A.
b) Os biosbardos: sete relatos contados en primeira persoa por un narrador
adolescente. Os feitos poden considerarse autobiográficos xa que transcorren en Ourense,
c) Xente ao lonxe: relato multiperspectivista no que se conta a historia dunha
familia a través de varios narradores en primeira e terceira persoa. Reflexa a sociedade
ourensá de comezos do século XX.
2.2. ÁLVARO CUNQUEIRO
Dirixiu o xornal Faro de Vigo entre o anos 1965 e 1970.
2.2.1. NOVELA
Nas novelas deste escritor maniféstase “o mundo mítico de Cunqueiro”,
onde se mestura o real e o fantástico, incorpóranse mitos doutras tradicións,
combina a lingua culta e popular nun estilo influenciado polas narracións
tradicionais. Nas súas narracións, a paisaxe adoita ter unha función simbólica
positiva.
26
3. LITERATURA (tema 6)
a) Merlín e familia: Conxunto de relatos contados polo paxe de Merlín
con unha estrutura constante: visita ó mago, exposición do problema
e resolución. Nesta obra conxuga o mundo da Materia de Bretaña coa
realidade galega da terra de Miranda.
b) As crónicas do Sochantre: Presenta as peripecias dun músico dunha
capela o longo dunha viaxe acompañado de personaxes de
ultratumba.
c) Se o vello Simbad volvese ás illas: Recrea o mito oriental, mais esta
vez o mundo real e imaxinario non se mesturan, opóñense.
2.2.2. RELATOS
En Escola de menciñeiros, Xente de aquí e de acolá e Os outros feirantes,
un narrador , a través da técnica do relato oral, retrata un conxunto de prototipos
galegos que reflicten a idiosincrasia do pobo galego.
2.3. ÁNXEL FOLE
2.3.1. CARACTERÍSTICAS
Na obra de Fole predomina o contexto rural, e coñécea con detalle. A súa
técnica está fortemente influenciada pola narrativa oral (relatos en primeira
persoa, apelacións ós oíntes, incisos ou comentarios…). Fai unha constante
mestura de humor e medo, de realidade e de fantasía. A súa lingua recrea a fala
luguesa, reproducindo os seus trazos dialectais.
2.3.2. OBRAS
Escribiu: Á lus do candil, Terra brava, Contos da néboa, Historias que
ninguén cre.
2.4. NEIRA VILAS
2.4.1 OBRAS E TEMÁTICA
A obra de Neira Vilas encádrase na liña do realismo social, clasificando a
súa obra en tres grandes grupos:
a) Memorias dun neno labrego, Cartas a Lelo, Aqueles anos do Moncho
enmarcadas na Galiza rural con protagonista infantil
b) Xente no rodicio, A muller de ferro nas que se mostra o mundo rural
galego con protagonistas adultos.
c) Camiño bretemoso, Historias de emigrantes centradas na problemática
da emigración.
27
4. LITERATURA (tema 6)
Este escritor domina múltiples técnicas e diversas presentacións formais,
tendo unha linguaxe próxima á fala popular falada, cun léxico rico e depurado e
sintaxe sinxela .
3. CONCLUSIÓN
Estes catro autores foron renovadores da literatura galega nos anos 50, tralo silencio da
guerra. Se ben, vemos que Neira Vilas ten unha obra posterior a dos outros e contemporánea dos
integrantes da nova narrativa galega, mais sepáraos a súa temática, que se asenta na Galiza da
posguerra.
28