Idyomatikong Pahayag

1. IDYOMATIKONG
PAHAYAG

2. 1. Mababaw ang luha ni bunso kaya kaunting pang-
aasar lamang ay hahagulhol na ito.
- Madaling umiyak
2. Dahil pinalaki na di tapat, sanay maglubid ng buhangin
si Maria.
- Magsinungaling
3. Masigasig na nagbatak ng buto sa Saudi si Berto
dahilan upang siya’y agad na yumaman.
- Nagtrabaho
4. Si Diego ay putok sa buho at walang kinikilalang ama.
- Anak sa pagkadalaga
5. Dahil sa di nakapagtapos, si kuya ay nagbibilang ng
poste ngayon.
- Walang trabaho/naghahanap ng trabaho

3. 6. Si lolo ay kayod kalabaw mapag-aral lamang ako.
- Walang tigil sa pagtratrabaho
7. Nagtataingang kawali ang aking kasintahan dahil
ayaw niyang marinig ang mga natuklasan ko sa kanya.
- Nagbibingi-bingihan
8. Walang tulak kabigin sa mga magagandang binibining
kalahok sa Mutya ng Bayan 2015.
- Pare-pareho ng katangian
9. Dahil masama pa rin ang loob ni Jose sa ina, pabalat-
bunga lamang ang imbitasyon nito sa kanyang kasal.
- Hindi tapat sa loob na anyaya
10. Parang nilubugan ng araw ang aking pangarap na
makapag-aral ng malugi ang aming negosyo.
- Nawalan ng pag-asa

4. 11. Si Diego at Tonio ay mga anak pawis na nagsisikap
magtabaho sa ibang bansa upang umunlad ang buhay.
- Mangagawa
12. Hawak sa tainga ni Hilda ang nobyo at tila alipin niya
sa lahat ng pagkakataon.
- Taong sunud-sunuran
13. Si Diego lamang ang may utak sa aming pitong
magkakapatid.
- Matalino
14. Kalatog pinggan lamang si Roger sa kasal kaya naiinip
na siya sapagkat napakatagal matapos ng seremonya.
- Taong nag-aabang sa kainan o handaan
15. Huwag kang papatay-patay sa pagbubuhat ng mga
sako sapagkat marami pang trabaho ang nag-aantay.
- Babagal-bagal/ Mahiyain

5. 16. Sinasabing bukas ang palad ni Don Timoteo sa lahat
ng taong nangangailangan ng kanyang tulong.
- Galante/handang tumulong
17. Ayaw kong maniwala sa sanga-sangang dila ng
tsismosa naming kapitbahay.
- Sinungaling/kasinungalingan
18. Matindi ang kuskos balungos ang aming guro bumili
lamang kami ng kanyang tindang kendi.
- Hindi makatwirang pamimilit
19. Kapit tuko ang drug lord kay Mayor para di lamang
mahuli at makulong.
- Mahigpit ang kapit
20. Nagpuputok ang butse ni ate ng makita niyang basag
ang kanyang mamahaling relo.
- Galit na galit

6. 21. Ang Hapones na napangasawa ni Kasandra ay
sinasabing amoy-lupa na ngunit tunay na napakayaman.
- Malapit nang mamatay/matanda na
22. Huwag ka munang makipagrelasyon sapagkat may
gatas ka pa sa labi.
- Bata pa
23. Si Mang Jose ay abotdili na sa kanyang sakit na kanser
sa baga.
- Malubha na ang kalagayan
24. Hilong-talilong na si Inay kung anong bibilhing damit
sapagkat napakadami ng magagandang pagpipilian.
- Litung-lito
25. Sapagkat ngayon na ang JS Prom hindi kakapitan ng
alikabok ang bagong gown ni Loida.
- Bihis na bihis/pusturang-pustura

7. 26. Dapat hagisan na ng tuwalya si Floyd Mayweather
sapagkat alam na kung sino ang nagwagi.
- Tapos na ang labanan dahil natalo na ang isa
27. Sa paggamit niya ng ipinagbabawal na gamot ay para
na rin siyang humuhukay ng sariling libingan.
- Lumilikha ng sariling kapahamakan
28. Si Gringo at Renz ang nagtulak sa akin sa bangin na
dahilan upang ako’y matutong maglasing at magsugal.
- Ibinuyo/ Ibinulid sa kapahamakan
29. Simula noong ako’y bata pa si Jayjay ay laman ng
lansangan at napakadungis na.
- Palaboy
30. Lagi na lamang umuutang ng pera si Tiyo Julio nang
hindi nagbabayad at tila balat-kalabaw na ito sapagkat
nanghihiram na naman kanina.
- Hindi marunong mahiya

8. 31. Ako’y nagsusunog ng kilay upang makapagtapos sa
taong ito.
- Nagsisikap sa pag-aaraal
32. Hinatid na namin sa kanyang huling hantungan ang
kabaong ni Lola Mildred.
- Libingan
33. Sa dami ng kanyang kasinungalingan sa akin, basa na
ang papel sa akin ni Victor.
- Di mapagkakatiwalaan
34. Ang pagkakatalo ko sa sugal ay isang napakalaking biro
ng tadhana.
- Kamalasan
35. Si Andrea ay tunay na dalagang Pilipina sapagkat siya’y
di makabasag pinggan.
- Mahinhin

9. 36. Di mahulugang karayom ang mga taong nanood ng
concert ng One Direction sa Philippine Arena.
- Maraming tao
37. Di ako makakabili ng bagong damit ngayon sapagkat
butas ang bulsa ni inay.
- Walang pera
38. Ayaw ko na siyang pautangin sapagkat lagi ko na
lamang inililista sa tubig ang mga hinihiram niya.
- Kinakalimutan/ di inaasahan
39. Iibigin lamang kita kapag maputi na ang uwak.
- Imposibleng maganap o mangyari
40. Ingatan ninyo ang inyong mga gamit sapagkat alam
naman nating lahat na malikot ang mga kamay ni Iya.
- Magnanakaw

10. 41. Tunay ngang ningas kugon lamang ang kabutihan at
mga proyekto ng mga pulitiko sa kanilang mga
nasasakupan.
- Hanggang simula lamang / hindi natatapos
42. Ang mga kriminal sa kasalukuyan ay halang na ang
bituka ‘t nagagawa na nilang pumatay ng tao.
- Masamang tao/ walang kinatatakutan.
43. Mabangin ang kanyang paglalakbay para hanapin ang
taong pumaslang sa kanyang pamilya.
- Mapanganib
44. Ayaw makinig ng aking nobyo sa aking mga paliwanag
tunay ngang siya’y isip-lamok.
- Makitid ang utak
45. Amoy pinipig ang paligid habang nagluluto ng hapunan
si Lola Corazon.
- Mabango

11. 46. Naghuhugas kamay sa mga pulis ang janitor kahit na
siya naman ang tunay na nagnakaw ng mga alahas.
- Nagmamalinis
47. Di maliparang uwak ang mahigat sa isandaang
ektaryang lupain ni Donya Rita sa aming lalawigan.
- Malawak
48. Parang pinitpit ng luya si Diana ng makita sina James
Reid at Daniel Padilla sa mall kanina.
- Hindi makapagsalita
49. Dahil ilang buwan nang walang trabaho, isang
patabaing baboy na si itay at tunay na walang silbi.
- Tamad
50. Napakagaan ng mga kamay ni Tiya Loleng sa akin at
ako’y nasasaktan na.
- Madaling manakit