2. Panuto: Isulat ang Opo kung handa mong
ipahayag ang katotohanan kahit na may
nakaambang panganib para sa iyo at Hindi
kung ayaw mong ipagtapat ito. Gawin ito sa
sagutang papel.
3. _________1. Nakita mong nabasag ng iyong kapatid ang
salamin ng iyong ama.
_________2. Nakiusap ang iyong kapatid na
magsinungaling sa inyong magulang upang hindi kayo
mapagalitan.
_________3. Nakita mong kinuha ng iyong kuya ang
bagong damit ng inyong tiyuhin.
_________4. Kinuha ng bunso mong kapatid ang laruan ng
kanyang kalaro
_________5. Hinanap ng iyong ate ang kanyang cellphone
at alam mong itinago ito ng iyong pinsan.
4. _________6. Nagtanong ang inyong ina kung ano ang dahilan ng
inyong pag-aaway.
_________7. Bumagsak ka sa pagsusulit dahil hindi ka naglaan ng
oras sa pag-aaral.
_________8. Isusumbong sa magulang ang kapatid mong menor
de edad na naninigarilyo.
_________9. Alam mong mapagagalitan ang iyong kuya kung
malalaman ng iyong ama na ito ang kumuha ng pera sa wallet.
_________10. Ipagtatapat sa ina ang ginawang mali kaya
ipinatatawag ng inyong guro.
5. Patawad Po Ni Ma. Emilou E. Tiosan
Ngayon ang pinakahihintay na araw ng buong klase ni
Bb. Roque. Sabik ang mga mag-aaral sa ikalimang
baitang pangkat Genesis dahil ngayon ibibigay ng
kanilang guro ang resulta ng pagsusulit. Lahat ay
gustong malaman ang kanilang iskor maliban na lamang
kay Stephen. Siya ay malungkot at nakatingin sa malayo.
Nararamdaman niyang mababa ang kanyang iskor na
nakuha dahil nahumaling siya sa paglalaro ng Mobile
Legend.
6. Isang linggo bago ang pagsusulit ay lagi
siyang naglalaro hanggang gabi at
nakalimutan niya ang kanyang mga
kailangang gawin sa paaralan. Napapansin ng
kanyang mga magulang ang ginagawa niya
kung kaya’t lagi nila itong pinaaalalahanan.
Isang gabi bago matulog, kinausap siya ng
kanyang ina na si Aling Eloisa.
7. “Stephen, anak, napapansin ko na lagi kang nakahawak sa
cellphone. Wala ka bang takdang-aralin?” tanong ng ina. “Wala
po, Nay. Saka dito po ako nagsesearch ng mga takdang-aralin.”
sagot ni Stephen. Ibinigay ng guro ang mga test papers ni
Stephen at nanlumo siya nang makitang halos kalahati lamang
ang iskor na nakuha niya sa mga asignaturang English, Math,
Science at Araling Panlipunan. Ngayon lamang siya nakakuha ng
mababang marka sapagkat mula una hanggang ikaapat na
baitang ay lagi siyang kabilang sa may mga karangalan.
Malungkot na malungkot si Stephen at iniisip niya kung
ipagtatapat niya o itatago ang resulta.
8. Pag-uwi sa kanilang bahay ay buong pagpapakumbaba niyang
kinausap ang ina. “ Nay, may sasabihin po ako. Nakuha ko na po
ang resulta ng pagsusulit namin ngayon at mababa po ang
nakuha kong marka. Patawad po, Inay. Hindi po ako nakinig sa
mga paalala mo” paliwanag ni Stephen. “Mabuti at ipinagtapat
mo sa akin ang totoo anak. Kahit alam mong mapagsasabihan at
mapagagalitan ka ay pinili mong ipagtapat ang katotohanan”
wika ng ina. “Nay, Patawad po” umiiyak na wika ni Stephen. “Mula
ngayon, makinig ka sa mga paalala at sikaping unahin ang mga
bagay na mahalaga” may pang-unawang wika ng ina
9. Panuto: Isulat sa sagutang papel ang WASTO kung ang pahayag ay tama
at DI- WASTO kung mali.
________1. Ipagtapat sa iyong magulang na ipinatatawag ka ng Guidance
Counselor ng paaralan dahil sa pakikipag-away.
________2. Nakita ni Kevin ang wallet ng ama at kumuha ng pera mula dito.
Nang magtanong ang ama, itinatanggi ito ni Kevin. ________3. Ibinalik ni
Liza ang kinuhang gamit mula sa kanyang ate Elvie.
________4. Inamin ni Jonathan na nabasag niya ang cellphone ng kanyang
kuya habang naglalaro.
________5. Sa kabila ng takot ni Arnel, sinabi niya sa kanyang magulang na
napagsabihan siya ng guro dahil nahuli siyang nangongopya.
10. Panuto: Piliin ang letra ng tamang sagot. Isulat ang sagot sa
sagutang papel.
____1. Nagbilin ang ina ni Lorraine na maglinis ng bahay. Habang
siya ay naglilinis nasagi niya ang plorera. Pagdating ng ina ay
agad nitong tinanong ang anak. Ano ang dapat gawin ni
Lorraine?
A. Ipinagtapat ni Lorraine sa ina na siya ang nakabasag ng
plorera.
B. Isisi sa alagang pusa ang pagkabasag ng plorera.
C. Huwag intindihin ang tinatanong ng ina.
D. Ipilit sa ina na wala kang alam sa pagkabasag ng plorera.
11. _____2. Nanghiram sa kanyang kuya ng headset si Jacob dahil
gagamitin niya sa kanyang online class. Agad naman siyang
pinahiram nito at sinabing ingatan. Hindi sinasadyang nasira niya
ito. Ano ang nararapat na gawin ni Jerome?
A. Ilalagay sa lagayan ng kuya nang lihim upang di nito malaman
na nasira.
B. Aaminin ni Jacob sa kanyang kuya na nasira niya ang headset
nito nang buong pagpapakumbaba.
C. Kakausapin ang magulang na ibili ng bago ang kuya para
maging sikreto ang pagkasira ng headset.
D. Ipagsawalang bahala ang naiwalang gamit ng kapatid.
12. ______3. Binilhan ng kanilang magulang sina Rommel at Rod ng
tig-isang pencil case subalit mas nagustuhan ni Rommel ang
disenyo ng ibinili sa kapatid. Kinuha at itinago niya ang pencil
case. Hinanap ng kapatid sa buong bahay hanggang sa mapaiyak
ito. Ano ang dapat gawin ni Rommel?
A. Itatanggi ni Rommel na nasa kanya ang pencil case ng kapatid.
B. Ibabalik ng palihim ni Rommel ang kinuha.
C. Aminin niya sa kapatid na kinuha niya ito at humingi ng tawad
sa ginawang pagkakamali.
D. Magpabili sa magulang ng kaparehong pencil case.
13. ______4. Nabasa ni Joseph ang ginawang poster ng kapatid
na ipapasa kinabukasan. Ano ang dapat gawin ni Joseph?
A. Ipagtapat sa kapatid ang nangyari at humingi ng
pasensya.
B. Sabihin na hindi alam ang nangyari.
C. Itanggi ang nangyari at igiit na hindi siya ang may sala.
D. Itago ang nabasang proyekto upang hindi makita ng
kapatid.
14. ______5. Kinausap ka ng iyong guro na kailangang papuntahin ang
iyong magulang sa paaralan sapagkat ikaw ay nahuling nangopya
sa pagsusulit. Ano ang gagawin mo?
A. Hindi ko sasabihin sa aking mga magulang
B. Kapitbahay ko ang aking papupuntahin at magdadahilan na
wala ang mga magulang.
C. Kakausapin ko ang aking magulang at sasabihin ko ang aking
ginawang mali kaya’t kailangang pumunta sa paaralan.
D. Magdadahilan sa guro na hindi makapupunta ang magulang
15. Gawain B
Panuto: Isulat sa sagutang papel ang salitang Tama kung ang pahayag ay
nagpapakita ng katapatan at Mali kung hindi.
________1. Inilihim ni Elaine ang ginawang pagkakamali sa magulang upang
hindi mapagalitan.
________2. Sinarili ni Clara ang napulot na pera sa kabila ng pagtatanong ng
kanilang ina.
________3. Humingi ng tawad si Mario sa ama dahil sa pagsisinungaling nito.
________4. Kinausap ni Liza ang kapatid at ipinagtapat niya ang pagkuha ng
gamit nito nang hindi nagpapaalam.
________5. Itinago ni Renz ang katotohanan sa ina sa problemang
kinasangkutan nito.
