Tarefas alumnado IES Monte das Moas

1. SOLUCIÓNS TAREFAS: A LITERATURA DO EXILIO 4º ESO
Páxina 121
1-
a) Galaxia, O Castro, Castrelos
b) O Galo, O Facho
c) Fábricas, aulas
d) A lingua galega “ten dereito proclamado”, pero ten máis a de fóra
2.
a) Conmemoración do cententario da publicación de Cantares gallegos de Rosalía, “a primeira obra
maestra con que contou a Literatura Galega Contemporánea. A súa aparición veu a lle dar prestixio
universal á nosa fala como instrumento de creación literaria. Representa, pois, un fito decisivo na
historia da renacencia cultural galega”
b) Data consagrada á exaltación e promoción da nosa literatura e da nosa lingua arredor da cal se
celebran no noso país, e no estranxeiro, numerosas producións e eventos culturais de homenaxe á
figura escollida.
3.
Nos anos 60 comezan a organizarse partidos políticos que denuncian a represión idiomática e
defenden a oficialidade do galego. O traballo das asociacións e partidos foi de grande importancia
na recuperación da autoestima idiomática.
Nas principais vilas galegas organizáronse asociacións culturais que tiñan como fin prioritario a
defensa do idioma galego.
Páxina 126
Texto 1
- Son cidades grises, cidades de engano, son grandes cidades grises. Moi ben edificadas “feitas de
pedra, aceiro, cemento”, pero “sen ar”= opresión, falta de liberdade.
Nestas cidades só importa a produción, a economía: cidades comerciais, patrias da cobiza, negocios,
corrupción.
- Os galegos viven esgazados polo traballo e as présas, sen amor. As súas carass teñen a cor “
lourida dos ósos, amarelo máis ben das caveiras”. Están nunha “xeografía diferente” e talvez
acabarán por perder as súas raíces, esquecerán a lingua e serán “desleigados para sempre da terra de
orixe”.
Texto 2
- O escarnio público que sofren as mulleres. O asasinato dos homes que soñaron un mundo
diferente-

2. - A natureza (“lagartixas verdes”, “insectos”, “plantas”, “terra”, “auga”) manifesta o seu abraio
antes as imaxes que percibe. Unicamente son libres o mar e os paxaros.
Sobre Luís Seoane, do que temos unha fundación co seu nome na nosa cidade, cómpre que vexades
a súa impresionante obra gráfica que tedes nesta entrada do blog
https://remoealingua.blogspot.com/2020/04/pinturas-de-luis-seoane-poeta-e-pintor.html
Texto 3
- Sabemos a súa orixe familiar: é a filla da Severa e do Aser. Milita na Juventud Socialista. Estivo
desterrada pola súa militancia política. É unha rapaza de forte personalidade, convencida dos seus
ideais políticos e apaixonada na súa defensa. Tamén sabemos que é fermosa e que ten unha
magnífica voz, moi adecuada para falar en público porque resulta harmoniosa e consegue
emocionar e conmover.
- No inicio, unha das mulleres presentes censura a conduta de Evanxelina por considerala
inadecuada para as mulleres. Porén, fronte ás burlas que sofren os homes que interveñen
primeiramente (o Pampín e o Paulino), Evanxelina é escoitada con silencio e emoción.
- Trátase dun narrador- observador que presencia o mitin. Reproduce en estilo directo os
comentarios das xentes e as palabras pronunciadas por Evanxelina. Pero tamén achega a súa propia
opinión acerca da extraordinaria voz de Evanxelina (“voz de nobre metal, superior ás inxeles verbas
que contiña”) e interpreta os rostros dos asistentes (“rostros calados, anceiosos e conmovidos”)
Agora xa coñecedes dúas obras de Blanco Amor: A esmorga e Xente ao lonxe
Dous datos curiosos sobre este gran narrador:
- Probablemente a súa amizade con Federico García Lorca foi o que fixo que o poeta granadino
escribise poemas en galego, dun dos cales hai varias versións musicais:
“Chove en Santiago”
Luar na Lubre: https://www.youtube.com/watch?v=ecqokxp5hro
Luar na Lubre e Ismael Serrano: https://www.youtube.com/watch?v=kDq_gG3T3iM
- Coa recente morte de Uderzo, un dos creadores de Astérix e Obélix souben que foi Eduardo
Blanco Amor un dos primeiros tradutores dalgunhas desta banda deseñada ao galego:
https://www.nosdiario.gal/articulo/cultura/falece-albert-uderzo-creador-asterix-obelix/
20200324142453093697.html