Recommended
More Related Content
Similar to Coptic Micah
Similar to Coptic Micah (20)
More from Bassem Matta
More from Bassem Matta (20)
Recently uploaded
Recently uploaded (20)
Coptic Micah
- 1. ϮⲠⲢⲞⲪⲎⲦⲒⲀ ⲚⲦⲈ ⲘⲒⲬⲈⲀⲤ ⲠⲒⲠⲢⲞⲪⲎⲦⲎⲤ ⲕⲉⲫ ⲁ̅ ⲁ̅ . Ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ⲁϥϣⲱⲡⲓ ϩⲁ Ⲙⲓⲭⲉⲁⲥ ⲡ̀ ϣⲏⲣⲓ ⲙ̀ Ⲙⲱⲣⲁⲑⲓ ϧⲉⲛ ⲛⲓⲉ̀ ϩⲟⲟⲩ ⲛ̀ ⲧⲉ Ⲓⲱⲑⲁⲙ ⲛⲉⲙ Ⲁⲭⲁⲥ ⲛⲉⲙ Ⲉⲍⲉⲕⲓⲁⲥ ⲛⲓⲟⲩⲣⲱⲟⲩ ⲛ̀ ⲧⲉ Ⲓⲟⲩⲇⲁ ⲉⲑⲃⲉ ⲛⲏⲉⲧⲁϥⲛⲁⲩ ⲉ̀ ⲣⲱⲟⲩ ⲉⲑⲃⲉ ⲧ̀ Ⲥⲁⲙⲁⲣⲓⲁ̀ ⲛⲉⲙ ⲉⲑⲃⲉ Ⲓⲗ̅ ⲏ̅ ⲙ̅ . ⲃ̅ . Ⲥⲱⲧⲉⲙ ⲛⲓⲗⲁⲟⲥ ⲧⲏⲣⲟⲩ ⲉ̀ ϩⲁⲛⲥⲁϫⲓ ⲟⲩⲟϩ ⲙⲁⲣⲉϥϯϩ̀ⲑⲏϥ ⲛ̀ ϫⲉ ⲡ̀ ⲕⲁϩⲓ ⲛⲉⲙ ⲟⲩⲟⲛ ⲛⲓⲃⲉⲛ ⲉⲧϣⲟⲡ ⲛ̀ ϧⲏⲧϥ ⲟⲩⲟϩ Ⲡⲟ̅ ⲥ̅ ⲉϥⲉ̀ ϣⲱⲡⲓ ϧⲉⲛ ⲑⲏⲛⲟⲩ ⲉⲩⲙⲉⲧⲙⲉⲑⲣⲉ Ⲡⲟ̅ ⲥ̅ ⲉ̀ ⲃⲟⲗϧⲉⲛ ⲡⲉϥⲏⲓ ⲉⲑⲟⲩⲁⲃ. ⲅ̅ . Ϫⲉ ⲟⲩⲏⲓ ϩⲏⲡⲡⲉ ⲓⲥ Ⲡⲟ̅ ⲥ̅ ϥ̀ⲛⲏⲟⲩ ⲉ̀ ⲃⲟⲗϧⲉⲛ ⲡⲉϥⲙⲁ ⲟⲩⲟϩ ⲉϥⲉ̀ ⲓ̀ⲉ̀ ⲡⲉⲥⲏⲧ ⲉ̀ ϫⲉⲛ ⲛⲓϭⲓⲥⲓ ⲛ̀ ⲧⲉ ⲡ̀ ⲕⲁϩⲓ . ⲇ̅ . Ⲟⲩⲟϩ ⲉⲩⲉ̀ ⲕⲓⲙ ⲛ̀ ϫⲉ ⲛⲓⲧⲱⲟⲩ ⲥⲁⲡⲉⲥⲏⲧ ⲙ̀ ⲙⲟϥ ⲟⲩⲟϩ ⲛⲓϧⲉⲗⲗⲟⲧ ⲉⲩⲉ̀ ⲃⲱⲗ ⲉ̀ ⲃⲟⲗ ⲙ̀ ⲫ̀ ⲣⲏϯ ⲛ̀ ⲟⲩⲙⲟⲩⲗϩ ⲉ̀ ⲃⲟⲗϩⲁ ⲡ̀ ϩⲟ ⲛ̀ ⲟⲩⲭ̀ ⲣⲱⲙ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩⲙⲱⲟⲩ ⲉϥⲛⲏⲟⲩ ⲉ̀ ⲃⲟⲗϧⲉⲛ ⲟⲩⲙⲁⲛ̀ ⲥ̀ ⲕⲉⲣⲕⲉⲣ. ⲉ̅ . Ⲛⲁⲓ ⲧⲏⲣⲟⲩ ⲉⲑⲃⲉ ϯⲙⲉⲧⲁ̀ ⲥⲉⲃⲏⲥ ⲛ̀ ⲧⲉ Ⲓⲁⲕⲱⲃ ⲛⲉⲙ ⲉⲑⲃⲉ ⲫ̀ ⲛⲟⲃⲓ ⲙ̀ Ⲡⲁϣ ⲧⲉ ϯⲙⲉⲧⲁ̀ ⲥⲉⲃⲏⲥ ⲛ̀ ⲧⲉ Ⲓⲁⲕⲱⲃ ⲙⲏ ⲧ̀ Ⲥⲁⲙⲁⲣⲓⲁ̀ⲁⲛ ⲧⲉ ⲟⲩⲟϩ ⲁϣ ⲡⲉ ⲫ̀ ⲛⲟⲃⲓ ⲛ̀ Ⲓⲟⲩⲇⲁ ⲙⲏ Ⲓⲗ̅ ⲏ̅ ⲙ̅ ⲁⲛ ⲧⲉ. Ⲋ. Ⲟⲩⲟϩ ϯⲛⲁⲭⲱ ⲛ̀ ⲧ̀ Ⲥⲁⲙⲁⲣⲓⲁ̀ⲛ̀ ⲟⲩⲙⲁⲛⲁ̀ ⲣⲉϩ ⲛ̀ ϫⲓϫⲓ ⲛ̀ ⲧⲉ ⲧ̀ ⲕⲟⲓ ⲛⲉⲙ ⲟⲩⲙⲁⲛϭⲟ ⲛ̀ ⲁ̀ ⲗⲟⲗⲓ ⲟⲩⲟϩ ϯⲛⲁⲟⲩⲱϫⲡ ⲛ̀ ⲛⲉⲥⲱ̀ ⲛⲓ ⲉ̀ ϧ̀ⲣⲏⲓ ⲉ̀ ⲡ̀ ⲕⲁϩⲓ ⲟⲩⲟϩ ⲛⲉⲥⲥⲉⲛϯ ϯⲛⲁϭⲟⲣⲡⲟⲩ ⲉ̀ ⲃⲟⲗ. ⲍ̅ . Ⲟⲩⲟϩ ⲛⲉⲥⲫⲱⲧϩ ⲧⲏⲣⲟⲩ ϯⲛⲁϧⲉⲙϧⲱⲙⲟⲩ ⲟⲩⲟϩ ⲛⲉⲥⲃⲉⲭⲏⲟⲩⲓ̀ⲧⲏⲣⲟⲩ ⲉⲩⲉ̀ ⲣⲟⲕϩⲟⲩ ϧⲉⲛ ⲡⲓⲭ̀ ⲣⲱⲙ ⲟⲩⲟϩ ⲛⲉⲥⲓ̀ ⲇⲱⲗⲟⲛ ⲧⲏⲣⲟⲩ ϯⲛⲁⲭⲁⲩ ⲉ̀ ⲡ̀ ⲧⲁⲕⲟ ϫⲉ ⲟⲩⲏⲓ ⲉ̀ ⲧⲁⲥⲑⲟⲩⲱⲧⲟⲩ ⲉ̀ ⲃⲟⲗϧⲉⲛ ϩⲁⲛⲃⲉⲭⲏⲟⲩⲓ̀ⲛ̀ ⲧⲉ ⲟⲩⲡⲟⲣⲛⲓⲁ̀ⲟⲩⲟϩ ⲁⲩⲧⲁⲥⲑⲱⲟⲩ ⲉ̀ ⲃⲟⲗϧⲉⲛ ϩⲁⲛⲃⲉⲭⲏⲟⲩⲓ̀ⲛ̀ ⲧⲉ ⲡⲟⲣⲛⲓⲁ̀ . ⲏ̅ . Ⲉⲑⲃⲉ ⲫⲁⲓ ⲉⲥⲉ̀ ⲛⲉϩⲡⲓ ⲟⲩⲟϩ ⲉⲥⲉ̀ ⲉⲣϩⲏⲃⲓ ⲟⲩⲟϩ ⲉⲥⲉ̀ ⲙⲟϣⲓ ⲛ̀ ⲁⲧⲑⲱⲟⲩⲓ̀ⲟⲩⲟϩ ⲉⲥⲃⲏϣ ⲉⲥⲉ̀ ⲓ̀ ⲣⲓ ⲛ̀ ⲟⲩⲛⲉϩⲡⲓ ⲙ̀ ⲫ̀ ⲣⲏϯ ⲙ̀ ⲫⲁ ⲛⲓⲇⲣⲁⲕⲱⲛ ⲛⲉⲙ ⲟⲩϩⲏⲃⲓ ⲙ̀ ⲫ̀ ⲣⲏϯ ⲙ̀ ⲫⲁ ⲛⲓϣⲉⲣⲓ ⲛ̀ ⲧⲉ ⲛⲓⲥⲉⲣⲏⲛⲟⲥ. ⲑ̅ . Ϫⲉ ⲁϥⲁ̀ ⲙⲁϩⲓ ⲛ̀ ϫⲉ ⲡⲉⲥⲉⲣϧⲟⲧ ϫⲉ ⲁϥⲓ̀ϣⲁ ⲉ̀ ϧⲟⲩⲛ ⲉ̀ Ⲓⲟⲩⲇⲁ ⲟⲩⲟϩ ⲁϥϭⲓ ϣⲁ ⲧ̀ ⲡⲩⲗⲏ ⲙ̀ ⲡⲁⲗⲁⲟⲥ Ⲓⲗ̅ ⲏ̅ ⲙ̅ . ⲓ̅. Ⲛⲏⲉⲧϧⲉⲛ Ⲅⲉⲑ ⲙ̀ ⲡⲉⲣϭⲓⲥⲓ ⲙ̀ ⲙⲱⲧⲉⲛ ⲛⲏⲉⲧϧⲉⲛ ⲛⲁⲕⲓⲙ ⲙ̀ ⲡⲉⲣⲕⲱⲧ ⲛ̀ ⲟⲩⲥⲱⲃⲓ ⲉ̀ ⲃⲟⲗϧⲉⲛ ⲟⲩⲏⲓ ⲟⲉⲧⲉⲛⲥⲱⲃⲓ ϣⲉϣ ⲕⲁϩⲓ ⲉ̀ ⲃⲟⲗϩⲓϫⲱϥ. ⲓ̅ⲁ̅ . Ⲑⲏⲉⲧϣⲟⲡ ⲛ̀ ⲕⲁⲗⲱⲥ ϧⲉⲛ ⲛⲉⲥⲃⲁⲕⲓ ⲙ̀ ⲡⲉⲥⲓ̀ⲉ̀ ⲃⲟⲗ ⲛ̀ ϫⲉ ⲑⲏⲉⲧϣⲟⲡ ϧⲉⲛ Ⲥⲉⲛⲁⲁⲣ ⲉ̀ ⲉⲣϩⲏⲃⲓ ϫⲉ ⲟⲩⲏⲓ ϥ̀ϧⲉⲛⲧ ⲉ̀ ϧⲟⲩⲛ ⲉ̀ ⲣⲟⲥ ⲉⲥⲉ̀ ϭⲓ ⲉ̀ ⲃⲟⲗϧⲉⲛ ⲑⲏⲛⲟⲩ ⲛ̀ ⲟⲩⲉⲣϧⲟⲧ ⲛ̀ ⲉⲙⲕⲁϩⲛ̀ ϩⲏⲧ. ⲓ̅ⲃ̅ . Ⲛⲓⲙ ⲡⲉ ⲉⲧⲁϥⲉⲣϩⲏⲧⲥ ⲉ̀ ϩⲁⲛⲁ̀ ⲅⲁⲑⲟⲛ ⲑⲏⲉⲧϣⲟⲡ ϧⲉⲛ ϩⲁⲛⲙ̀ ⲕⲁϩⲛ̀ ϩⲏⲧ ϫⲉ ⲁⲩⲓ̀ⲉ̀ ⲡⲉⲥⲏⲧ ⲉ̀ ⲃⲟⲗϩⲓⲧⲉⲛ Ⲡⲟ̅ ⲥ̅ ⲛ̀ ϫⲉ ϩⲁⲛⲡⲉⲧϩⲱⲟⲩ ⲉ̀ ϫⲉⲛ ⲛⲓⲡⲩⲗⲏ ⲛ̀ ⲧⲉ Ⲓⲗ̅ ⲏ̅ ⲙ̅ . ⲓ̅ⲅ̅ . Ⲡ̀ ϧ̀ⲣⲱⲟⲩ ⲛ̀ ⲧⲉ ϩⲁⲛϩⲁⲣⲙⲁ ⲛⲉⲙ ⲛⲏⲉⲧⲧⲁⲗⲏⲟⲩⲧ ⲉ̀ ⲛⲓϩ̀ⲑⲱⲣ ⲑⲏⲉⲧϣⲟⲡ ϧⲉⲛ ⲗⲁⲭⲓⲥ ϯⲁⲣⲭⲏⲅⲟⲥ ⲛ̀ ⲧⲉ ⲫ̀ ⲛⲟⲃⲓ ⲑⲏⲉ̀ ⲛⲁⲥϣⲟⲡ ⲛ̀ ⲧ̀ ϣⲉⲣⲓ ⲛ̀ Ⲥⲓⲱⲛ ϫⲉ ⲁⲩϫⲓⲙⲓ ⲛ̀ ϧⲏϯ ⲛ̀ ⲛⲓⲙⲉⲧⲁ̀ ⲥⲉⲃⲏⲥ ⲛ̀ ⲧⲉ Ⲡ. ⲓ̅ⲇ̅ . Ⲉⲑⲃⲉ ⲫⲁⲓ ⲉⲕⲉ̀ ϯ ⲛ̀ ⲛⲏⲉⲧⲁⲩⲟⲩⲟⲣⲡⲟⲩ ϧⲁ ϯⲕⲗⲏⲣⲟⲛⲟⲙⲓⲁ̀ⲛ̀ ⲧⲉ Ⲅⲉⲑ ϩⲁⲛⲏⲓ ⲛ̀ ⲉⲫⲗⲏⲟⲩ ⲉⲩϣⲟⲩⲓⲧ ⲁⲩϣⲱⲡⲓ ⲛ̀ ⲛⲓⲟⲩⲣⲱⲟⲩ ⲛ̀ ⲧⲉ Ⲡ. ⲓ̅ⲉ̅ . Ϣⲁⲧⲟⲩⲓ̀ ⲛⲓ ⲛ̀ ⲛⲓⲕⲗⲏⲣⲟⲛⲟⲙⲟⲥ ⲑⲏⲉⲧϣⲟⲡ ϧⲉⲛ ϯⲕⲗⲏⲣⲟⲛⲟⲙⲓⲁ̀ⲛ̀ ⲧⲉ ⲗⲁⲭⲓⲥ ⲁϥⲓ̀ϣⲁ
- 2. Ⲟⲇⲟⲗⲁⲙ ⲛ̀ ϫⲉ ⲡ̀ ⲱ̀ ⲟⲩ ⲛ̀ ⲧ̀ ϣⲉⲣⲓ ⲙ̀ Ⲡ. ⲓ̅Ⲋ. Ϧⲉⲕϫⲱ ⲟⲩⲟϩ ϣⲉⲡϫⲱ ⲉ̀ ϫⲉⲛ ⲛⲉϣⲏⲣⲓ ⲉⲧϫⲏⲛ ⲟⲩⲱϣⲥ ⲉ̀ ⲃⲟⲗ ⲛ̀ ⲧⲉ ⲙⲉⲧⲭⲏⲣⲁ ⲙ̀ ⲫ̀ ⲣⲏϯ ⲛ̀ ⲟⲩⲁ̀ ϧⲱⲙ ϫⲉ ⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ ⲙⲱⲟⲩ ⲉ̀ ⲃⲟⲗϩⲁⲣⲟ. ⲕⲉⲫ ⲃ̅ ⲁ̅ . Ⲁⲩϣⲱⲡⲓ ⲉⲩⲙⲟⲕⲙⲉⲕ ⲉ̀ ϩⲁⲛϧⲓⲥⲓ ϩⲓϫⲉⲛ ⲛⲟⲩⲙⲁⲛⲉⲛⲕⲟⲧ ⲟⲩⲟϩ ϧⲉⲛ ⲡ̀ ϫⲓⲛⲑ̀ ⲣⲉ ⲡⲓⲉ̀ ϩⲟⲟⲩ ϣⲱⲡⲓ ϣⲁⲩϫⲱⲕⲟⲩ ⲉ̀ ⲃⲟⲗ ϫⲉ ⲟⲩⲏⲓ ⲁⲩⲧⲱⲟⲩⲛⲟⲩ ⲛ̀ ⲛⲟⲩϫⲓϫ ⲟⲩⲃⲉ Ⲫϯ. ⲃ̅ . Ⲟⲩⲟϩ ⲛⲁⲩⲉⲣⲧⲉ̀ ⲡⲓⲑⲩⲙⲓⲛ ⲉ̀ ϩⲁⲛⲓⲟϩⲓ ⲟⲩⲟϩ ⲛⲁⲩϩⲱⲗⲉⲙ ⲛ̀ ϩⲁⲛⲟⲣⲫⲁⲛⲟⲥ ⲟⲩⲟϩ ⲛⲁⲩϭⲉⲡϫⲱⲣⲓ ⲉ̀ ϫⲉⲛ ϩⲁⲛⲏⲓ ⲟⲩⲟϩ ⲛⲁⲩϩⲱⲗⲉⲙ ⲛ̀ ⲟⲩⲣⲱⲙⲓ ⲛⲉⲙ ⲡⲉϥⲏⲓ ⲟⲩⲣⲱⲙⲓ ⲛⲉⲙ ⲧⲉϥⲕⲗⲏⲣⲟⲛⲟⲙⲓⲁ̀ . ⲅ̅ . Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ϫⲉ ϩⲏⲡⲡⲉ ⲁ̀ ⲛⲟⲕ ϯⲛⲁⲙⲟⲕⲙⲉⲕ ⲉ̀ ϩⲁⲛⲡⲉⲧϩⲱⲟⲩ ⲉ̀ ϫⲉⲛ ⲧⲁⲓⲫⲩⲗⲏ ⲛⲁⲓ ⲉ̀ ⲧⲉⲧⲉⲛⲛⲁϣ̀ⲱ̀ ⲗⲓ ⲁⲛ ⲛ̀ ⲛⲉⲧⲉⲛⲙⲟϯ ⲉ̀ ⲃⲟⲗ ⲛ̀ ϧⲏⲧⲟⲩ ⲟⲩⲟϩ ⲛ̀ ⲛⲉⲧⲉⲛⲙⲟϣⲓ ⲉⲣⲉⲧⲉⲛⲥⲟⲩⲧⲱⲛ ⲛ̀ ⲟⲩϩⲟϯ ϧⲉⲛ ⲟⲩϩⲟϯ ϫⲉ ⲟⲩⲥⲏⲟⲩ ⲉϥϩⲱⲟⲩ ⲡⲉ. ⲇ̅ . Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉⲩⲉ̀ ϭⲓ ⲛ̀ ⲟⲩⲡⲁⲣⲁⲃⲟⲗⲏ ⲉ̀ ϫⲉⲛ ⲑⲏⲛⲟⲩ ⲟⲩⲟϩ ⲉⲩⲉ̀ ⲉⲣϩⲏⲃⲓ ⲛ̀ ⲟⲩϩⲏⲃⲓ ϧⲉⲛ ⲟⲩϩⲱⲥ ⲉⲩϫⲱ ⲙ̀ ⲙⲟⲥ ϫⲉ ϧⲉⲛ ⲟⲩⲧⲁⲗⲉⲡⲱⲣⲓⲁ̀ⲁⲥⲉⲣⲧⲁⲗⲉⲡⲱⲣⲓⲛ ⲧ̀ ⲧⲟⲓ ⲛ̀ ⲧⲉ ⲡⲁⲗⲁⲟⲥ ⲁⲩⲣⲁϣⲥ ⲙ̀ ⲫ̀ ⲛⲟϩ ⲟⲩⲟϩ ⲛⲉ ⲙ̀ ⲙⲟⲛ ⲡⲉⲧϣⲱϣⲧ ⲙ̀ ⲙⲟϥ ⲡⲉ ⲉⲑⲣⲉϥⲧⲁⲥⲑⲟ ⲛⲉⲧⲉⲛⲓⲟϩⲓ ⲁⲩⲣⲁϣⲟⲩ. ⲉ̅ . Ⲉⲑⲃⲉ ⲫⲁⲓ ⲛ̀ ⲛⲉϥϣⲱⲡⲓ ⲛⲁⲕ ⲛ̀ ϫⲉ ⲫⲏⲉⲧϩⲓⲟⲩⲓ̀ⲛ̀ ⲟⲩⲛⲟϩ ϧⲉⲛ ⲟⲩⲕⲗⲏⲣⲟⲥ. Ⲋ. Ⲙ̀ ⲡⲉⲣⲣⲓⲙⲓ ϧⲉⲛ ϩⲁⲛⲉⲣⲙⲱⲟⲩⲓ̀ϧⲉⲛ ϯⲉⲕⲕⲗⲏⲥⲓⲁ̀ⲛ̀ ⲧⲉ Ⲡⲟ̅ ⲥ̅ ⲟⲩⲇⲉ ⲙ̀ ⲡⲉⲛⲑ̀ ⲣⲟⲩⲟⲩ ⲧⲁⲟⲩⲟ̀ ⲉⲣⲙⲏ ⲉ̀ ⲃⲟⲗ ⲉ̀ ϫⲉⲛ ⲫⲁⲓ ⲟⲩ ⲅⲁⲣ ⲛ̀ ⲛⲉϥⲭⲱ ⲙ̀ ⲡ̀ ϣⲱϣ ⲛ̀ ⲥⲱϥ ⲛ̀ ϫⲉ ⲫⲏⲉⲧϫⲱ ⲙ̀ ⲙⲟϥ. ⲍ̅ . Ⲡⲏⲓ ⲛ̀ Ⲓⲁⲕⲱⲃ ⲁϥϯϫⲱⲛⲧ ⲙ̀ ⲡⲓⲡ̅ ⲛ̅ ⲁ̅ ⲛ̀ ⲧⲉ Ⲡⲟ̅ ⲥ̅ ⲙⲏ ⲛⲁⲓ ⲛⲉ ⲛⲉϥϩ̀ⲃⲏⲟⲩⲓ̀ⲙⲏ ⲛⲉϥⲥⲁϫⲓ ⲛⲁⲛⲉⲩ ⲛⲉⲙⲁϥ ⲁⲛ ⲟⲩⲟϩ ⲁⲩⲙⲟϣⲓ ⲉⲩⲥⲟⲩⲧⲱⲛ. ⲏ̅ . Ⲟⲩⲟϩ ⲁϥⲟ̀ ϩⲓ ⲉ̀ ⲣⲁⲧϥ ϩⲓⲧ̀ ϩⲏ ⲛ̀ ϫⲉ ⲡⲁⲗⲁⲟⲥ ⲉⲩⲙⲉⲧϫⲁϫⲓ ⲟⲩⲃⲉ ⲧⲉϥϩⲓⲣⲏⲛⲏ ⲡⲉϥϣⲁⲣ ⲁⲩⲣⲁϧⲧϥ ⲉ̀ ⲡ̀ ϫⲓⲛⲱ̀ ⲗⲓ ⲛ̀ ⲟⲩϩⲉⲗⲡⲓⲥ ⲟⲩϧⲟⲙϧⲉⲙ ⲛ̀ ⲧⲉ ⲟⲩⲡⲟⲗⲉⲙⲟⲥ. ⲑ̅ . Ⲉⲑⲃⲉ ⲫⲁⲓ ⲛⲓϩⲩⲅⲟⲩⲙⲉⲛⲟⲥ ⲛ̀ ⲧⲉ ⲡⲁⲗⲁⲟⲥ ⲉⲩⲉ̀ ϩⲓⲧⲟⲩ ⲉ̀ ⲃⲟⲗϧⲉⲛ ⲛⲓⲏⲓ ⲛ̀ ⲧⲉ ⲡ̀ ⲟⲩⲛⲟϥ ⲉⲑⲃⲉ ⲛⲟⲩϩ̀ⲃⲏⲟⲩⲓ̀ⲉⲧϩⲱⲟⲩ ⲁⲩϩⲓⲧⲟⲩ ⲉ̀ ⲃⲟⲗ. ⲓ̅. Ϧⲱⲛⲧ ⲉ̀ ϩⲁⲛⲧⲱⲟⲩ ⲛ̀ ⲉ̀ ⲛⲉϩ ⲧⲱⲛⲕ ⲟⲩⲟϩ ⲙⲁϣⲉⲛⲁⲕ ϫⲉ ⲫⲁⲓ ⲁⲛ ⲡⲉ ⲡⲉⲕⲙ̀ ⲧⲟⲛ ⲁⲣⲉⲧⲉⲛⲧⲁⲕⲟ ϧⲉⲛ ⲟⲩⲧⲁⲕⲟ ⲉⲑⲃⲉ ⲟⲩϭⲱϧⲉⲙ. ⲓ̅ⲁ̅ . Ⲁⲣⲉⲧⲉⲛⲫⲱⲧ ⲙ̀ ⲙⲟⲛ ⲫⲏⲉⲧϭⲟϫⲓ ⲛ̀ ⲥⲁ ⲑⲏⲛⲟⲩ ⲁϥⲟ̀ ϩⲓ ⲉ̀ ⲣⲁⲧϥ ⲛ̀ ϫⲉ ⲟⲩⲡ̅ ⲛ̅ ⲁ̅ ⲙ̀ ⲙⲉⲑⲛⲟⲩϫ ⲁϥⲑ̀ ⲗⲏ ⲛⲁⲕ ⲛ̀ ⲟⲩⲏⲣⲡ ⲛⲉⲙ ⲟⲩⲑⲓϧⲓ. ⲓ̅ⲃ̅ . Ⲟⲩⲟϩ ⲉⲥⲉ̀ ϣⲱⲡⲓ ⲉ̀ ⲃⲟⲗϧⲉⲛ ϯⲧⲉⲗⲧⲓⲗⲓ ⲛ̀ ⲧⲉ ⲡⲁⲗⲁⲟⲥ ϧⲉⲛ ⲟⲩⲑⲱⲟⲩϯ ⲉϥⲉ̀ ⲑⲱⲟⲩϯ ⲛ̀ ϫⲉ Ⲓⲁⲕⲱⲃ ϧⲉⲛ ⲟⲩϣⲱⲡ ϯⲛⲁϣⲉⲡ ⲛⲓⲥⲉⲡⲓ ⲛ̀ ⲧⲉ Ⲡ ⲉ̀ ⲣⲟⲓ ⲛⲉⲙ ⲟⲩⲟⲛ ⲛⲓⲃⲉⲛ ⲡⲟⲩⲧⲁⲥⲑⲟ ϯⲛⲁⲭⲁϥ ⲉⲩⲥⲟⲡ ⲙ̀ ⲫ̀ ⲣⲏϯ ⲛ̀ ϩⲁⲛⲉ̀ ⲥⲱⲟⲩ ϧⲉⲛ ⲟⲩϩⲟϫϩⲉϫ ⲙ̀ ⲫ̀ ⲣⲏϯ ⲛ̀ ϩⲁⲛⲓⲟϩⲓ ϧⲉⲛ ⲑ̀ ⲙⲏϯ ⲛ̀ ⲧⲟⲩϣⲁⲓⲣⲓ ⲉⲩϣⲓϯ ⲉ̀ ⲃⲟⲗϧⲉⲛ ⲛⲓⲣⲱⲙⲓ. ⲓ̅ⲅ̅ . Ⲉ̀ ⲃⲟⲗϩⲓⲧⲉⲛ ⲡⲓϫⲱϫⲓ ⲁⲩϫⲱϫⲓ ⲙ̀ ⲡⲉⲙ̀ ⲑⲟ ⲙ̀ ⲡⲟⲩϩⲟ ⲟⲩⲟϩ ⲁⲩⲥⲓϯ ⲛ̀ ⲟⲩⲡⲩⲗⲏ ⲟⲩⲟϩ ⲉ̀ ⲃⲟⲗϩⲓⲧⲟⲧⲥ ⲁⲩⲓ̀ⲉ̀ ⲃⲟⲗ ⲟⲩⲟϩ ⲁϥⲓ̀ⲉ̀ ⲃⲟⲗ ⲛ̀ ϫⲉ ⲡⲟⲩⲟⲩⲣⲟ ⲙ̀ ⲡⲉⲙ̀ ⲑⲟ ⲙ̀ ⲡⲟⲩϩⲟ Ⲡⲟ̅ ⲥ̅ ⲇⲉ ⲉϥⲉ̀ ϭⲓⲙⲱⲓⲧ ⲛⲱⲟⲩ. ⲕⲉⲫ ⲅ̅
- 3. ⲁ̅ . Ⲟⲩⲟϩ ⲉϥⲉ̀ ϫⲟⲥ ϫⲉ ⲥⲱⲧⲉⲙ ⲉ̀ ⲛⲁⲓ ⲛⲓⲁⲣⲭⲱⲛ ⲛ̀ ⲧⲉ ⲡⲏⲓ ⲛ̀ Ⲓⲁⲕⲱⲃ ⲛⲉⲙ ⲛⲓⲥⲱϫⲡ ⲛ̀ ⲧⲉ ⲡⲏⲓ ⲙ̀ Ⲡ ⲙⲏ ⲫⲱⲧⲉⲛ ⲁⲛ ⲉ̀ ⲉ̀ ⲙⲓ ⲉ̀ ⲡϩⲁⲡ. ⲃ̅ . Ⲛⲏⲉⲑⲙⲟⲥϯ ⲛ̀ ⲛⲓⲡⲉⲑⲛⲁⲛⲉⲩ ⲟⲩⲟϩ ⲉⲩⲕⲱϯ ⲛ̀ ⲥⲁ ⲛⲓⲡⲉⲧϩⲱⲟⲩ ⲉⲩϩⲱⲗⲉⲙ ⲛ̀ ⲛⲟⲩϣⲁⲣ ⲉ̀ ⲃⲟⲗ ⲙ̀ ⲙⲱⲟⲩ ⲛⲉⲙ ⲛⲟⲩⲥⲁⲣⲝ ⲉ̀ ⲃⲟⲗϧⲉⲛ ⲛⲟⲩⲕⲁⲥ. ⲅ̅ . Ⲙ̀ ⲫ̀ ⲣⲏϯ ⲉⲧⲁⲩⲟⲩⲱⲙ ⲛ̀ ⲛⲓⲥⲁⲣⲝ ⲛ̀ ⲧⲉ ⲡⲁⲗⲁⲟⲥ ⲟⲩⲟϩ ⲛⲟⲩϣⲁⲣ ⲁⲩⲥⲁϧⲧⲟⲩ ⲉ̀ ⲃⲟⲗϩⲁ ⲛⲟⲩⲕⲁⲥ ⲁⲩϧⲉⲙϧⲱⲙⲟⲩ ⲟⲩⲟϩ ⲁⲩⲫⲁϣⲟⲩ ⲙ̀ ⲫ̀ ⲣⲏϯ ⲛ̀ ϩⲁⲛⲥⲁⲣⲝ ⲉ̀ ⲟⲩⲗⲉⲃⲏⲥ ⲛⲉⲙ ⲙ̀ ⲫ̀ ⲣⲏϯ ⲛ̀ ϩⲁⲛⲁϥ ⲉ̀ ⲟⲩϣⲓⲱ. ⲇ̅ . Ⲡⲁⲓⲣⲏϯ ⲉⲩⲉ̀ ⲱϣ ⲉ̀ ⲃⲟⲗ ⲟⲩⲃⲉ Ⲡⲟ̅ ⲥ̅ ⲛ̀ ⲛⲉϥⲥⲱⲧⲉⲙ ⲉ̀ ⲣⲱⲟⲩ ⲟⲩⲟϩ ⲉϥⲉ̀ ⲧⲁⲥⲑⲟ ⲙ̀ ⲡⲉϥϩⲟ ⲉ̀ ⲃⲟⲗϩⲁⲣⲱⲟⲩ ϧⲉⲛ ⲡⲓⲥⲏⲟⲩ ⲉⲧⲉⲙ̀ ⲙⲁⲩ ⲉ̀ ⲫ̀ ⲙⲁ ϫⲉ ⲁⲩⲉⲣ ⲡⲉⲧϩⲱⲟⲩ ϧⲉⲛ ⲛⲟⲩϩ̀ⲃⲏⲟⲩⲓ̀ⲉ̀ ϩ̀ⲣⲏⲓ ⲉ̀ ϫⲱⲟⲩ. ⲉ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ⲉ̀ ϫⲉⲛ ⲛⲓⲡⲣⲟⲫⲏⲧⲏⲥ ⲛⲏⲉⲧⲥⲱⲣⲉⲙ ⲙ̀ ⲡⲁⲗⲁⲟⲥ ⲛⲏⲉⲧϭⲓⲗⲁⲡⲥⲓ ϧⲉⲛ ⲛⲟⲩⲛⲁϫϩⲓ ⲟⲩⲟϩ ⲉⲩϩⲓⲱⲓϣ ⲉ̀ ϩ̀ⲣⲏⲓ ⲉ̀ ϫⲱϥ ⲛ̀ ⲟⲩϩⲓⲣⲏⲛⲏ ⲟⲩⲟϩ ⲙ̀ ⲡⲟⲩⲧⲏⲓⲥ ⲉ̀ ϧⲟⲩⲛ ⲉ̀ ⲣⲱⲟⲩ ⲁⲩⲧⲟⲩⲛⲟⲥ ⲟⲩⲡⲟⲗⲉⲙⲟⲥ ⲉ̀ ϩ̀ⲣⲏⲓ ⲉ̀ ϫⲱϥ. Ⲋ. Ⲉⲑⲃⲉ ⲫⲁⲓ ⲉϥⲉ̀ ϣⲱⲡⲓ ⲛⲱⲧⲉⲛ ⲛ̀ ϫⲉ ⲟⲩⲉ̀ ϫⲱⲣϩ ⲉ̀ ⲃⲟⲗϧⲉⲛ ⲟⲩϩⲟⲣⲁⲥⲓⲥ ⲟⲩⲟϩ ⲟⲩⲭⲁⲕⲓ ⲉϥⲉ̀ ϣⲱⲡⲓ ⲛⲱⲧⲉⲛ ⲉ̀ ⲃⲟⲗϧⲉⲛ ⲟⲩⲙⲉⲧϣⲉⲛϩⲓⲛ ⲟⲩⲟϩ ⲉⲣⲉ ⲫ̀ ⲣⲏ ϩⲱⲧⲡ ⲉ̀ ϫⲉⲛ ⲛⲓⲡⲣⲟⲫⲏⲧⲏⲥ ⲟⲩⲟϩ ⲉϥⲉ̀ ⲉⲣⲭⲁⲕⲓ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲛ̀ ϫⲉ ⲡⲓⲉ̀ ϩⲟⲟⲩ. ⲍ̅ . Ⲟⲩⲟϩ ⲉⲩⲉ̀ ϭⲓϣⲓⲡⲓ ⲛ̀ ϫⲉ ⲛⲏⲉⲑⲛⲁⲩ ⲉ̀ ⲛⲓⲣⲁⲥⲟⲩⲓ̀ⲟⲩⲟϩ ⲉⲩⲉ̀ ⲥⲱⲃⲓ ⲛ̀ ⲛⲓⲣⲉϥϣⲉⲛϩⲓⲛ ⲟⲩⲟϩ ⲛ̀ ⲑⲱⲟⲩ ⲧⲏⲣⲟⲩ ⲉⲩⲉ̀ ⲥⲁϫⲓ ⲛ̀ ⲥⲱⲟⲩ ϫⲉ ⲟⲩⲏⲓ ⲛ̀ ⲛⲉϥϣⲱⲡⲓ ⲛ̀ ϫⲉ ⲫⲏⲉⲑⲛⲁⲥⲱⲧⲉⲙ ⲉ̀ ⲣⲱⲟⲩ. ⲏ̅ . Ⲁⲓϣ̀ⲧⲉⲙⲙⲁϩⲟⲩ ⲛ̀ ϫⲟⲙ ⲁ̀ ⲛⲟⲕ ϧⲉⲛ ⲟⲩⲡ̅ ⲛ̅ ⲁ̅ ⲛ̀ ⲧⲉ Ⲡⲟ̅ ⲥ̅ ⲛⲉⲙ ⲟⲩϩⲁⲡ ⲛⲉⲙ ⲟⲩⲙⲉⲧϫⲱⲣⲓ ⲉ̀ ⲡ̀ ϫⲓⲛⲧⲁⲙⲉ Ⲓⲁⲕⲱⲃ ⲛ̀ ⲛⲉϥⲙⲉⲧⲁ̀ ⲥⲉⲃⲏⲥ ⲛⲉⲙ Ⲡ ⲉ̀ ⲡⲉϥⲛⲟⲃⲓ. ⲑ̅ . Ⲥⲱⲧⲉⲙ ⲉ̀ ⲛⲁⲓ ⲛⲓϩⲩⲅⲟⲩⲙⲉⲛⲟⲥ ⲛ̀ ⲧⲉ ⲡⲏⲓ ⲛ̀ Ⲓⲁⲕⲱⲃ ⲛⲉⲙ ⲛⲓⲥⲱϫⲡ ⲛ̀ ⲧⲉ ⲡⲏⲓ ⲙ̀ Ⲡ ⲛⲏⲉⲧⲥⲱϥ ⲛ̀ ⲟⲩϩⲁⲡ ⲉⲩⲫⲱⲛϩ ⲛ̀ ⲛⲏⲉⲧⲥⲟⲩⲧⲱⲛ ⲧⲏⲣⲟⲩ. ⲓ̅. Ⲛⲏⲉⲧⲕⲱⲧ ⲛ̀ Ⲥⲓⲱⲛ ϧⲉⲛ ϩⲁⲛⲥ̀ ⲛⲟϥ ⲟⲩⲟϩ Ⲓⲗ̅ ⲏ̅ ⲙ̅ ϧⲉⲛ ϩⲁⲛϭⲓⲛ̀ ϫⲟⲛⲥ. ⲓ̅ⲁ̅ . Ⲛⲉⲥϩⲩⲅⲟⲩⲙⲉⲛⲟⲥ ⲛⲁⲩϯϩⲁⲡ ϧⲁ ⲇⲱⲣⲟⲛ ⲟⲩⲟϩ ⲛⲉⲥⲟⲩⲏⲃ ⲛⲁⲩⲉⲣⲟⲩⲱ̀ϧⲁ ⲟⲩⲃⲉⲭⲉ ⲟⲩⲟϩ ⲛⲉⲥⲡⲣⲟⲫⲏⲧⲏⲥ ⲛⲁⲩⲉⲣϣⲉⲛϩⲓⲛ ϧⲉⲛ ⲟⲩϩⲁⲧ ⲟⲩⲟϩ ⲛⲁⲩⲉⲙⲧⲟⲛ ⲙ̀ ⲙⲱⲟⲩ ⲉ̀ ϫⲉⲛ Ⲡⲟ̅ ⲥ̅ ⲉⲩϫⲱ ⲙ̀ ⲙⲟⲥ ϫⲉ ⲙⲏ Ⲡⲟ̅ ⲥ̅ ϣⲟⲡ ⲛ̀ ϧⲏⲧⲉⲛ ⲁⲛ ⲛ̀ ⲛⲉ ⲡⲉⲧϩⲱⲟⲩ ⲓ̀ⲉ̀ ϩ̀ⲣⲏⲓ ⲉ̀ ϫⲱⲛ. ⲓ̅ⲃ̅ . Ⲉⲑⲃⲉ ⲫⲁⲓ Ⲥⲓⲱⲛ ⲉⲩⲉ̀ ⲥⲭⲏⲧⲥ ⲙ̀ ⲫ̀ ⲣⲏϯ ⲛ̀ ⲟⲩⲓⲟϩⲓ ⲉⲑⲃⲉ ⲑⲏⲛⲟⲩ ⲟⲩⲟϩ Ⲓⲗ̅ ⲏ̅ ⲙ̅ ⲙ̀ ⲫ̀ ⲣⲏϯ ⲛ̀ ⲟⲩⲙⲁⲛⲁ̀ ⲣⲉϩ ⲛ̀ ϫⲓϫⲓ ⲟⲩⲟϩ ⲡⲓⲧⲱⲟⲩ ⲛ̀ ⲧⲉ ⲡⲓⲏⲓ ⲉϥⲉ̀ ⲉⲣ ⲙ̀ ⲫ̀ ⲣⲏϯ ⲛ̀ ⲟⲩⲓⲁϩϣ̀ϣⲏⲛ. ⲕⲉⲫ ⲇ̅ ⲁ̅ . Ⲟⲩⲟϩ ⲉⲥⲉ̀ ϣⲱⲡⲓ ⲉ̀ ⲡ̀ ϧⲁⲉ̀ⲛ̀ ⲧⲉ ⲛⲓⲉ̀ ϩⲟⲟⲩ ⲉϥⲉ̀ ⲟⲩⲟⲛϩϥ ⲉ̀ ⲃⲟⲗ ⲛϫⲉ ⲡ̀ ⲧⲱⲟⲩ ⲙ̀ Ⲡⲟ̅ ⲥ̅ ⲉϥⲥⲉⲃⲧⲱⲧ ϩⲓϫⲉⲛ ⲛⲓϭⲓⲥⲓ ⲛ̀ ⲧⲉ ⲛⲓⲧⲱⲟⲩ ⲟⲩⲟϩ ⲉϥⲉ̀ ϭⲓⲥⲓ ⲥⲁⲡϣⲱⲓ ⲛ̀ ⲛⲓⲑⲁⲗ ⲉⲩⲉ̀ ⲓⲱⲥ ϩⲁⲣⲟϥ ⲛ̀ ϫⲉ ⲛⲓⲗⲁⲟⲥ. ⲃ̅ . Ⲟⲩⲟϩ ⲉⲩⲉ̀ ⲙⲟϣⲓ ϩⲁⲣⲟϥ ⲛ̀ ϫⲉ ⲟⲩⲙⲏϣ ⲛ̀ ⲉⲑⲛⲟⲥ ⲟⲩⲟϩ ⲉⲩⲉ̀ ϫⲟⲥ ϫⲉ ⲁ̀ ⲙⲱⲓⲛⲓ ⲙⲁⲣⲉⲛϣⲉⲛⲁⲛ ⲉ̀ ⲡϣⲱⲓ ⲉ̀ ϫⲉⲛ ⲡⲓⲧⲱⲟⲩ ⲛ̀ ⲧⲉ Ⲡⲟ̅ ⲥ̅ ⲛⲉⲙ ⲡⲏⲓ ⲙ̀ Ⲫϯ ⲛ̀ Ⲓⲁⲕⲱⲃ ⲟⲩⲟϩ ⲉⲩⲉ̀ ⲧⲁⲙⲟⲛ ⲉ̀ ⲛⲉϥⲙⲱⲓⲧ ⲟⲩⲟϩ ⲉⲛⲉ̀ ⲙⲟϣⲓ ϧⲉⲛ ⲛⲉϥⲙⲁⲛⲙⲟϣⲓ ϫⲉ ⲉ̀ ⲃⲟⲗϧⲉⲛ Ⲥⲓⲱⲛ ⲉϥⲉ̀ ⲓ̀ⲉ̀ ⲃⲟⲗ ⲛ̀ ϫⲉ ⲟⲩⲛⲟⲙⲟⲥ ⲟⲩⲟϩ ⲡ̀ ⲥⲁϫⲓ ⲙ̀ Ⲡⲟ̅ ⲥ̅ ⲉ̀ ⲃⲟⲗϧⲉⲛ Ⲓⲗ̅ ⲏ̅ ⲙ̅ . ⲅ̅ . Ⲟⲩⲟϩ ⲉϥⲉ̀ ϯϩⲁⲡ ϧⲉⲛ ⲑ̀ ⲙⲏϯ ⲛ̀ ϩⲁⲛⲗⲁⲟⲥ ⲉⲩⲟϣ ⲟⲩⲟϩ ϥ̀ⲛⲁⲥⲟϩⲓ ⲛ̀ ϩⲁⲛⲗⲁⲟⲥ ⲉⲩϫⲟⲣϫ ϣⲁ ⲉ̀ ϧⲟⲩⲛ ⲉ̀ ⲟⲩⲕⲁϩⲓ ⲉϥⲟⲩⲏⲟⲩ ⲟⲩⲟϩ ⲉⲩⲉ̀ ϩⲱⲙⲓ ⲛ̀ ⲛⲟⲩⲥⲏϥⲓ ⲉ̀ ϩⲁⲛϩⲉⲃⲓ ⲛⲉⲙ ⲛⲟⲩⲛⲁⲃⲓ ⲉ̀ ϩⲁⲛⲟϧⲥ
- 4. ⲟⲩⲟϩ ⲛ̀ ⲛⲉ ⲉⲑⲛⲟⲥ ϭⲒ ⲥⲏϥⲓ ⲉ̀ ϫⲉⲛ ⲉⲑⲛⲟⲥ ⲟⲩⲟϩ ⲛ̀ ⲛⲟⲩϭⲓⲥ̀ ⲃⲱ ϫⲉ ⲉ̀ ⲃⲱⲧⲥ. ⲇ̅ . Ⲟⲩⲟϩ ⲉⲣⲉ ⲫ̀ ⲟⲩⲁⲓ ⲫ̀ ⲟⲩⲁⲓ ⲙ̀ ⲧⲟⲛ ⲙ̀ ⲙⲟϥ ⲥⲁⲡⲉⲥⲏⲧ ⲛ̀ ⲧⲉϥⲃⲱⲛ̀ ⲁ̀ ⲗⲟⲗⲓ ⲟⲩⲟϩ ⲫ̀ ⲟⲩⲁⲓ ⲫ̀ ⲟⲩⲁⲓ ⲥⲁⲡⲉⲥⲏⲧ ⲛ̀ ⲧⲉϥⲃⲱⲛ̀ ⲕⲉⲛⲧⲉ ⲟⲩⲟϩ ⲛ̀ ⲛⲉϥϣⲱⲡⲓ ⲛ̀ ϫⲉ ⲫⲏⲉⲑⲛⲁϯϩⲟϯ ϫⲉ ⲟⲩⲏⲓ ⲣⲱϥ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲥⲁϫⲓ ⲛ̀ ⲛⲁⲓ. ⲉ̅ . Ϫⲉ ⲉⲩⲉ̀ ⲙⲟⲩϯ ⲛ̀ ϫⲉ ⲛⲓⲗⲁⲟⲥ ⲧⲏⲣⲟⲩ ⲫ̀ ⲟⲩⲁⲓ ⲫ̀ ⲟⲩⲁⲓ ϧⲉⲛ ⲡⲉϥⲙⲱⲓⲧ ⲁ̀ ⲛⲟⲛ ⲇⲉ ⲉⲛⲉ̀ ⲙⲟϣⲓ ϧⲉⲛ ⲫ̀ ⲣⲁⲛ ⲙ̀ Ⲡⲟ̅ ⲥ̅ ⲡⲉⲛⲛⲟⲩϯ ϣⲁ ⲡ̀ ⲉ̀ ⲛⲉϩ ⲛⲉⲙ ⲥⲁⲙⲛⲏ. Ⲋ. Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ ϯⲛⲁⲑⲱⲟⲩϯ ⲛ̀ ⲑⲏⲉⲧϧⲉⲙϧⲱⲙ ⲟⲩⲟϩ ⲑⲏⲉⲧⲁⲩϩⲓⲧⲥ ⲉ̀ ⲃⲟⲗ ϯⲛⲁϣⲟⲡⲥ ⲉ̀ ⲣⲟⲓ ⲛⲉⲙ ⲛⲏⲉⲧⲁⲓⲭⲁⲩ ⲛ̀ ⲥⲱⲓ. ⲍ̅ . Ⲟⲩⲟϩ ϯⲛⲁⲭⲱ ⲛ̀ ⲑⲏⲉⲧϧⲉⲙϧⲱⲙ ⲉⲩⲥⲱϫⲡ ⲟⲩⲟϩ ⲑⲏⲉⲧⲁⲩϩⲓⲧⲥ ⲉ̀ ⲃⲟⲗ ⲉ̀ ⲟⲩⲉⲑⲛⲟⲥ ⲁϥϫⲟⲣ ⲟⲩⲟϩ ⲉϥⲉ̀ ⲉⲣⲟⲩⲣⲟ ⲉ̀ ϫⲱⲟⲩ ⲛ̀ ϫⲉ Ⲡⲟ̅ ⲥ̅ ϧⲉⲛ ⲡ̀ ⲧⲱⲟⲩ ⲛ̀ Ⲥⲓⲱⲛ ⲓⲥϫⲉⲛ ϯⲛⲟⲩ ⲛⲉⲙ ϣⲁ ⲉ̀ ⲛⲉϩ. ⲏ̅ . Ⲟⲩⲟϩ ⲛ̀ ⲑⲟⲕ ⲡⲓⲡⲩⲣⲅⲟⲥ ⲛ̀ ⲧⲉ ⲡⲓⲓⲟϩⲓ ⲫⲏⲉⲧⲟⲓ ⲛ̀ ϩⲗⲟⲗ ⲛ̀ ⲧ̀ ϣⲉⲣⲓ ⲛ̀ Ⲥⲓⲱⲛ ⲉϥⲉ̀ ⲓ̀ⲉ̀ ϩ̀ⲣⲏⲓ ⲉ̀ ϫⲱ ⲟⲩⲟϩ ⲉⲥⲉ̀ ⲓ̀ⲉ̀ ϧⲟⲩⲛ ⲛ̀ ϫⲉ ϯⲁⲣⲭⲏ ϯⲙⲉⲧⲟⲩⲣⲟ ⲛ̀ ϩⲟⲩⲓϯ ⲉ̀ ⲃⲟⲗϧⲉⲛ Ⲃⲁⲃⲩⲗⲱⲛ ⲧ̀ ϣⲉⲣⲓ ⲛ̀ Ⲓⲗ̅ ⲏ̅ ⲙ̅ . ⲑ̅ . Ⲟⲩⲟϩ ϯⲛⲟⲩ ⲉⲑⲃⲉ ⲟⲩ ⲁⲣⲉⲥⲟⲩⲉⲛ ϩⲁⲛⲡⲉⲧϩⲱⲟⲩ ⲁⲛ ⲉⲧⲉ ⲙ̀ ⲙⲟⲛ ⲟⲩⲣⲟ ϣⲱⲡⲓ ⲛⲉ ⲓⲉ ⲁⲛ ⲁϥⲧⲁⲕⲟ ⲛ̀ ϫⲉ ⲡⲉⲥⲟϭⲛⲓ ϫⲉ ⲁⲩⲁ̀ ⲙⲟⲛⲓ ⲙ̀ ⲙⲟ ⲛ̀ ϫⲉ ϩⲁⲛⲛⲁⲕϩⲓ ⲙ̀ ⲫ̀ ⲣⲏϯ ⲛ̀ ⲧⲉ ⲑⲏⲉⲑⲛⲁⲙⲓⲥⲓ. ⲓ̅. Ⲙⲁⲛⲁⲕϩⲓ ⲟⲩⲟϩ ϫⲉⲙⲛⲟⲙϯ ⲟⲩⲟϩ ϧⲱⲛⲧ ⲉ̀ ϧⲟⲩⲛ ⲛ̀ ⲧ̀ ϣⲉⲣⲓ ⲛ̀ Ⲥⲓⲱⲛ ⲙ̀ ⲫ̀ ⲣⲏϯ ⲛ̀ ⲧⲉ ⲑⲏⲉⲑⲛⲁⲙⲓⲥⲓ ϫⲉ ⲟⲩⲏⲓ ϯⲛⲟⲩ ⲉⲣⲉⲓ̀ⲉ̀ ⲃⲟⲗ ϧⲉⲛ ⲟⲩⲃⲁⲕⲓ ⲟⲩⲟϩ ⲉⲣⲉϣⲱⲡⲓ ϧⲉⲛ ⲟⲩⲙⲉϣϣⲱⲧ ⲟⲩⲟϩ ⲉⲣⲉⲓ̀ⲉ̀ ⲃⲟⲗ ϣⲁ Ⲃⲁⲃⲩⲗⲱⲛ ⲟⲩⲟϩ ⲉϥⲉ̀ ⲛⲁϩⲙⲓ ⲉ̀ ⲃⲟⲗϧⲉⲛ ⲡⲓⲙⲁ ⲉⲧⲉⲙ̀ ⲙⲁⲩ ⲟⲩⲟϩ ⲉϥⲉ̀ ⲥⲟⲧϯ ⲉ̀ ⲃⲟⲗ ⲙ̀ ⲙⲁⲩ ⲛ̀ ϫⲉ Ⲡⲟ̅ ⲥ̅ ⲡⲉⲛⲛⲟⲩϯ ⲉ̀ ⲃⲟⲗϧⲉⲛ ⲧ̀ ϫⲓϫ ⲛ̀ ⲛⲉϫⲁϫⲓ. ⲓ̅ⲁ̅ . Ⲟⲩⲟϩ ϯⲛⲟⲩ ⲁⲩⲑⲱⲟⲩϯ ⲉ̀ ϩ̀ⲣⲏⲓ ⲉ̀ ϫⲱ ⲛ̀ ϫⲉ ϩⲁⲛⲙⲏϣ ⲛ̀ ⲉⲑⲛⲟⲥ ⲛⲏⲉⲧϫⲱ ⲙ̀ ⲙⲟⲥ ϫⲉ ⲧⲉⲛⲣⲁϣⲓ ⲟⲩⲟϩ ⲉⲩⲉ̀ ϫⲟⲩϣⲧ ⲉ̀ ϫⲉⲛ Ⲥⲓⲱⲛ ⲛ̀ ϫⲉ ⲛⲉⲛⲃⲁⲗ. ⲓ̅ⲃ̅ . Ⲛ̀ ⲑⲱⲟⲩ ⲇⲉ ⲙ̀ ⲡⲟⲩⲥⲟⲩⲉⲛ ⲙ̀ ⲫ̀ ⲙⲉⲩⲓ̀ⲙ̀ Ⲡⲟ̅ ⲥ̅ ⲟⲩⲟϩ ⲙ̀ ⲡⲟⲩⲕⲁϯ ⲉ̀ ⲡⲉϥⲥⲟϭⲛⲓ ϫⲉ ⲁϥⲑⲟⲩⲱⲧⲟⲩ ⲙ̀ ⲫ̀ ⲣⲏϯ ⲛ̀ ϩⲁⲛⲭⲛⲁⲩ ⲛ̀ ⲧⲉ ⲟⲩϭⲛⲱⲟⲩ. ⲓ̅ⲅ̅ . Ⲧⲱⲟⲩⲛⲓ ⲟⲩⲟϩ ϩⲉⲓ ⲉ̀ ϫⲱⲟⲩ ⲧ̀ ϣⲉⲣⲓ ⲛ̀ Ⲥⲓⲱⲛ ϫⲉ ⲛⲉⲧⲁⲡ ϯⲛⲁⲭⲁⲩ ⲉ̀ ϩⲁⲛⲃⲉⲛⲓⲟⲩⲟϩ ⲛⲉⲓⲉⲃ ϯⲛⲁⲭⲁⲩ ⲉ̀ ϩⲁⲛϩⲟⲙⲧ ⲟⲩⲟϩ ⲉⲣⲉⲃⲱⲗ ⲉ̀ ⲃⲟⲗ ⲛ̀ ϩⲁⲛⲗⲁⲟⲥ ⲉⲩⲟϣ ⲟⲩⲟϩ ⲉⲣⲉⲭⲱ ⲙ̀ ⲡⲟⲩⲙⲏϣ ⲙ̀ Ⲡⲟ̅ ⲥ̅ ⲛⲉⲙ ⲧⲟⲩϫⲟⲙ ⲙ̀ Ⲡⲟ̅ ⲥ̅ ⲡ̀ ⲕⲁϩⲓ ⲧⲏⲣϥ. ⲕⲉⲫ ⲉ̅ ⲁ̅ . Ϯⲛⲟⲩ ϧⲉⲛ ⲟⲩϣⲑⲁⲙ ϯⲛⲁϣⲑⲁⲙ ⲉ̀ ϩⲣⲉⲛ ⲧ̀ ϣⲉⲣⲓ ⲛ̀ Ⲉⲫⲣⲉⲙ ⲁϥⲑⲱϣ ⲛ̀ ⲟⲩϩⲟϫϩⲉϫ ⲉ̀ ϫⲉⲛ ⲑⲏⲛⲟⲩ ϧⲉⲛ ⲟⲩϣ̀ⲃⲱⲧ ⲉⲩⲉ̀ ϩⲉⲓ ⲉ̀ ϫⲉⲛ ⲛⲓⲟⲩⲟ̀ ϫⲓ ⲛ̀ ⲧⲉ ⲛⲓⲫⲩⲗⲏ ⲛ̀ ⲧⲉ Ⲡ. ⲃ̅ . Ⲟⲩⲟϩ ⲛ̀ ⲑⲟ Ⲃⲏⲑⲗⲉⲉⲙ ⲡ̀ ⲏⲓ ⲛ̀ Ⲉⲫⲣⲁⲑⲁ ⲛⲉⲙ ⲟⲩⲕⲟⲩϫⲓ ⲁⲛ ⲛ̀ ⲑⲟ ⲉ̀ ⲡ̀ ϫⲓⲛϣⲱⲡⲓ ϧⲉⲛ ⲛⲓⲁ̀ ⲛⲁⲛϣⲟ ⲛ̀ ⲧⲉ Ⲓⲟⲩⲇⲁ ϥ̀ⲛⲏⲟⲩ ⲛⲏⲓ ⲉ̀ ⲃⲟⲗ ⲛ̀ ϧⲏϯ ⲛ̀ ϫⲉ ⲟⲩⲏ̀ ⲅⲟⲩⲙⲉⲛⲟⲥ ⲉⲑⲣⲉϥϣⲱⲡⲓ ⲉⲩⲁⲣⲭⲱⲛ ϧⲉⲛ Ⲡ ⲟⲩⲟϩ ⲛⲉϥⲙⲱⲓⲧ ⲛ̀ ⲓ̀ⲉ̀ ⲃⲟⲗ ⲛ̀ ϣⲟⲣⲡ ⲓⲥϫⲉⲛ ⲛⲓⲉ̀ ϩⲟⲟⲩ ⲛ̀ ⲧⲉ ⲡ̀ ⲉ̀ ⲛⲉϩ. ⲅ̅ . Ⲉⲑⲃⲉ ⲫⲁⲓ ⲉϥⲉ̀ ⲧⲏⲓⲧⲟⲩ ϣⲁ ⲟⲩⲥⲏⲟⲩ ⲛ̀ ⲧⲉ ⲑⲏⲉⲧⲛⲁⲙⲓⲥⲓ ⲉⲥⲉ̀ ⲙⲓⲥⲓ ⲟⲩⲟϩ ⲛⲓⲥⲉⲡⲓ ⲛ̀ ⲧⲉ ⲛⲟⲩⲥ̀ ⲛⲏⲟⲩ ⲉⲩⲉ̀ ⲧⲁⲥⲑⲟ ⲛ̀ ϫⲉ ⲛⲉⲛϣⲏⲣⲓ ⲙ̀ . ⲇ̅ . Ⲟⲩⲟϩ ⲉϥⲉ̀ ⲟ̀ ϩⲓ ⲉ̀ ⲣⲁⲧϥ ⲟⲩⲟϩ ⲉϥⲉ̀ ⲛⲁϩⲙⲟⲩ ⲟⲩⲟϩ ⲉϥⲉ̀ ⲁ̀ ⲙⲟⲛⲓ ⲙ̀ ⲡⲉϥⲟ̀ ϩⲓ ⲛ̀ ϫⲉ Ⲡⲟ̅ ⲥ̅ ϧⲉⲛ ⲟⲩϫⲟⲙ ⲟⲩⲟϩ ⲉⲩⲉ̀ ϣⲱⲡⲓ ϧⲉⲛ ⲡⲓⲱ̀ ⲟⲩ ⲛ̀ ⲧⲉ ⲫ̀ ⲣⲁⲛ ⲙ̀ Ⲡⲟ̅ ⲥ̅ ⲡⲟⲩⲛⲟⲩϯ ϫⲉ ⲟⲩⲏⲓ ⲉⲩⲉ̀ ⲉⲣⲛⲓϣϯ ϣⲁ ⲛⲓⲗⲁⲕϩ ⲛ̀ ⲧⲉ ⲡ̀ ⲕⲁϩⲓ. ⲉ̅ . Ⲟⲩⲟϩ ⲉⲥⲉ̀ ϣⲱⲡⲓ ⲛ̀ ϫⲉ ⲧⲁϩⲓⲣⲏⲛⲏ ⲟⲩⲟϩ ⲉϣⲱⲡ ⲁⲣⲉϣⲁⲛ ⲡⲓⲀⲥⲥⲩⲣⲓⲟⲥ ⲓ̀ⲉ̀ ϫⲉⲛ ⲡⲉⲧⲉⲛⲕⲁϩⲓ ⲟⲩⲟϩ ⲉϣⲱⲡ ⲁϥϣⲁⲛϣⲉⲛⲁϥ ⲉ̀ ϫⲉⲛ ⲧⲉⲧⲉⲛⲭⲱⲣⲁ ⲟⲩⲟϩ ⲉⲩⲉ̀ ⲧⲱⲟⲩⲛⲟⲩ ⲉ̀ ϩ̀ⲣⲏⲓ ⲉ̀ ϫⲱϥ ⲛ̀ ϫⲉ ⲍ̅ ⲙ̀ ⲙⲁⲛⲉ̀ ⲥⲱⲟⲩ ⲛⲉⲙ ⲏ̅ ⲛ̀ ⲗⲁⲏⲥⲓ ⲛ̀ ⲣⲱⲙⲓ.
- 5. Ⲋ. Ⲟⲩⲟϩ ⲉⲩⲉ̀ ⲁ̀ ⲙⲟⲛⲓ ⲙ̀ ⲡⲓⲀⲥⲥⲩⲣⲓⲟⲥ ϧⲉⲛ ⲟⲩⲥⲏϥⲓ ⲟⲩⲟϩ ⲡ̀ ⲕⲁϩⲓ Ⲛⲉⲫⲣⲟϫ ϧⲉⲛ ⲧⲉϥⲧⲁⲫⲣⲟ ⲟⲩⲟϩ ⲉϥⲉ̀ ⲛⲟϩⲉⲙ ⲉ̀ ⲃⲟⲗϧⲉⲛ Ⲁⲥⲥⲟⲩⲣ ϩⲟⲧⲁⲛ ⲁϥϣⲁⲛⲓ̀ⲉ̀ ϫⲉⲛ ⲡⲉⲧⲉⲛⲕⲁϩⲓ ⲟⲩⲟϩ ϩⲟⲧⲁⲛ ⲁϥϣⲁⲛⲓ̀ⲉ̀ ϫⲉⲛ ⲛⲉⲧⲉⲛⲑⲟϣ. ⲍ̅ . Ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ ⲡ̀ ⲥⲱϫⲡ ⲛ̀ Ⲓⲁⲕⲱⲃ ϧⲉⲛ ⲛⲓⲉⲑⲛⲟⲥ ϧⲉⲛ ⲑ̀ ⲙⲏϯ ⲛ̀ ϩⲁⲛⲗⲁⲟⲥ ⲉⲩⲟϣ ⲙ̀ ⲫ̀ ⲣⲏϯ ⲛ̀ ⲟⲩⲓⲱϯ ⲉⲥϩⲓⲱⲟⲩⲧ ⲉ̀ ⲃⲟⲗϩⲓⲧⲟⲧϥ ⲙ̀ Ⲡⲟ̅ ⲥ̅ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩϩⲓⲏⲃ ⲟⲩⲁⲕⲣⲟⲥⲑⲉⲛ ϩⲟⲡⲱⲥ ⲛ̀ ⲧⲉϣ̀ⲧⲉⲙ ϩ̀ⲗⲓ ⲑⲱⲟⲩϯ ⲟⲩⲇⲉ ⲛ̀ ⲧⲟⲩϣ̀ⲧⲉⲙⲟ̀ ϩⲓ ⲉ̀ ⲣⲁⲧⲟⲩ ϧⲉⲛ ⲛⲓϣⲏⲣⲓ ⲛ̀ ⲧⲉ ⲛⲓⲣⲱⲙⲓ. ⲏ̅ . Ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ ⲡ̀ ⲥⲱϫⲡ ⲛ̀ Ⲓⲁⲕⲱⲃ ϧⲉⲛ ⲛⲓⲉⲑⲛⲟⲥ ϧⲉⲛ ⲑ̀ ⲙⲏϯ ⲛ̀ ϩⲁⲛⲗⲁⲟⲥ ⲉⲩⲟϣ ⲙ̀ ⲫ̀ ⲣⲏϯ ⲛ̀ ⲟⲩⲙⲟⲩⲓ̀ⲉϥⲭⲏ ϧⲉⲛ ϩⲁⲛⲧⲉⲃⲛⲱⲟⲩⲓ̀ϧⲉⲛ ⲡⲓⲇⲣⲩⲙⲟⲥ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩⲙⲁⲥ ⲙ̀ ⲙⲟⲩⲓ̀ ⲉϥⲭⲏ ϧⲉⲛ ϩⲁⲛⲟ̀ ϩⲓ ⲛ̀ ⲉ̀ ⲥⲱⲟⲩ ⲙ̀ ⲫ̀ ⲣⲏϯ ⲁϥϣⲁⲛⲓ̀ⲛ̀ ⲧⲉϥϫⲟⲣⲟⲩ ⲉ̀ ⲃⲟⲗ ⲛ̀ ⲧⲉϥϩⲱⲗⲉⲙ ⲛ̀ ⲉϥϣⲟⲡ ⲁⲛ ⲛ̀ ϫⲉ ⲫⲏⲉⲑⲛⲁⲉⲣⲃⲟⲏ̀ ⲑⲓⲛ. ⲑ̅ . Ⲉⲥⲱ̀ ϭⲓⲥⲓ ⲛ̀ ϫⲉ ⲧⲉⲕϫⲓϫ ⲉ̀ ϫⲉⲛ ⲛⲏⲉⲧϩⲟϫϩⲉϫ ⲙ̀ ⲙⲟⲕ ⲟⲩⲟϩ ⲉⲩⲉ̀ ϥⲱϯ ⲉ̀ ⲃⲟⲗ ⲛ̀ ϫⲉ ⲛⲉⲕϫⲁϫⲓ ⲧⲏⲣⲟⲩ. ⲓ̅. Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ ϯⲛⲁϥⲱϯ ⲉ̀ ⲃⲟⲗ ⲛ̀ ⲛⲉⲕϩ̀ⲑⲱⲣ ⲉ̀ ⲃⲟⲗϧⲉⲛ ⲧⲉⲕⲙⲏϯ ⲟⲩⲟϩ ϯⲛⲁⲧⲁⲕⲟ ⲛ̀ ⲛⲉⲕϩⲁⲣⲙⲁ. ⲓ̅ⲁ̅ . Ⲟⲩⲟϩ ϯⲛⲁϥⲱϯ ⲉ̀ ⲃⲟⲗ ⲛ̀ ⲛⲓⲃⲁⲕⲓ ⲛ̀ ⲧⲉ ⲡⲉⲕⲕⲁϩⲓ ⲟⲩⲟϩ ϯⲛⲁⲱ̀ ⲗⲓ ⲛ̀ ⲛⲉⲕⲙⲁ ⲧⲏⲣⲟⲩ ⲉⲧϫⲟⲣ ⲟⲩⲟϩ ϯⲛⲁϥⲱϯ ⲉ̀ ⲃⲟⲗ ⲛ̀ ⲛⲉⲕⲫⲁϧⲣⲓ ⲉ̀ ⲃⲟⲗϧⲉⲛ ⲛⲉⲕϫⲓϫ ⲟⲩⲟϩ ⲛⲏⲉⲧⲉⲣⲟⲩⲱ̀ⲛ̀ ⲛⲟⲩⲙⲁⲛϣⲱⲡⲓ ⲛ̀ ϧⲏⲧⲕ. ⲓ̅ⲃ̅ . Ⲟⲩⲟϩ ϯⲛⲁϥⲱϯ ⲉ̀ ⲃⲟⲗ ⲛ̀ ⲛⲉⲕⲫⲱⲧϩ ⲛⲉⲙ ⲛⲉⲕⲥⲧⲩⲗⲏ ⲉ̀ ⲃⲟⲗϧⲉⲛ ⲧⲉⲕⲙⲏϯ ⲟⲩⲟϩ ⲛ̀ ⲛⲉⲕⲟⲩϣⲧ ϫⲉ ⲛ̀ ⲛⲓϩ̀ⲃⲏⲟⲩⲓ̀ⲛ̀ ⲧⲉ ⲛⲉⲕϫⲓϫ. ⲓ̅ⲅ̅ . Ⲟⲩⲟϩ ϯⲛⲁⲕⲱⲣϫ ⲛ̀ ⲛⲓⲓⲁϩϣ̀ϣⲏⲛ ⲉ̀ ⲃⲟⲗϧⲉⲛ ⲧⲉⲕⲙⲏϯ ϯⲛⲁⲧⲁⲕⲟ ⲛ̀ ⲛⲉⲕⲃⲁⲕⲓ. ⲓ̅ⲇ̅ . Ⲟⲩⲟϩ ϯⲛⲁⲓ̀ ⲣⲓ ϧⲉⲛ ⲟⲩϫⲱⲛⲧ ⲛⲉⲙ ⲟⲩⲙ̀ ⲃⲟⲛ ⲛ̀ ⲟⲩϭⲓⲙ̀ ⲡ̀ ϣⲓϣ ϧⲉⲛ ⲛⲓⲉⲑⲛⲟⲥ ⲉ̀ ⲫ̀ ⲙⲁ ϫⲉ ⲙ̀ ⲡⲟⲩⲥⲱⲧⲉⲙ ⲛ̀ ⲥⲱⲓ. ⲕⲉⲫ Ⲋ ⲁ̅ . Ⲥⲱⲧⲉⲙ ϫⲉ ⲉ̀ ⲛⲏⲉⲧⲁ Ⲡⲟ̅ ⲥ̅ ϫⲟⲧⲟⲩ ⲧⲱⲛⲕ ⲟⲩⲟϩ ϭⲓϩⲁⲡ ⲟⲩⲃⲉ ⲛⲓⲧⲱⲟⲩ ⲟⲩⲟϩ ⲙⲁⲣⲟⲩⲥⲱⲧⲉⲙ ⲛ̀ ϫⲉ ⲛⲓⲑⲁⲗ ⲉ̀ ⲧⲉⲕⲥ̀ ⲙⲏ. ⲃ̅ . Ⲥⲱⲧⲉⲙ ⲛⲓⲑⲁⲗ ⲉ̀ ⲡ̀ ϩⲁⲡ ⲙ̀ Ⲡⲟ̅ ⲥ̅ ⲛⲉⲙ ⲛⲓϧⲉⲗⲗⲟⲧ ⲛⲉⲙ ⲛⲓⲥⲉⲛϯ ⲛ̀ ⲧⲉ ⲡ̀ ⲕⲁϩⲓ ϫⲉ ⲡ̀ ϩⲁⲡ ⲙ̀ Ⲡⲟ̅ ⲥ̅ ⲟⲩⲃⲉ ⲡⲉϥⲗⲁⲟⲥ ⲟⲩⲟϩ ϥ̀ⲛⲁⲥⲟϩⲓ ⲛⲉⲙ Ⲡ. ⲅ̅ . Ⲡⲁⲗⲁⲟⲥ ⲟⲩ ⲡⲉ ⲉⲧⲁⲓⲁⲓϥ ⲛⲁⲕ ⲓⲉ ⲉⲧⲁⲓϯⲙ̀ ⲕⲁϩⲛ̀ ϩⲏⲧ ⲛⲁⲕ ϧⲉⲛ ⲟⲩ ⲓⲉ ⲉⲧⲁⲓϩⲉϫϩⲱϫⲕ ϧⲉⲛ ⲟⲩ ⲁⲣⲓⲟⲩⲱ̀ⲛⲏⲓ ⲇ̅ . Ϫⲉ ⲟⲩⲏⲓ ⲁⲓⲉ̀ ⲛⲕ ⲉ̀ ⲡ̀ ϣⲱⲓ ⲉ̀ ⲃⲟⲗϧⲉⲛ ⲡ̀ ⲕⲁϩⲓ ⲛ̀ Ⲭⲏⲙⲓ ⲟⲩⲟϩ ⲁⲓⲥⲟⲧⲕ ⲉ̀ ⲃⲟⲗϧⲉⲛ ⲡ̀ ⲏⲒ ⲛ̀ ϯⲙⲉⲧⲃⲱⲕ ⲟⲩⲟϩ ⲁⲓⲟⲩⲱⲣⲡ ϧⲁⲧϩⲏ ⲙ̀ ⲡⲉⲕϩⲟ ⲙ̀ Ⲙⲱⲩ̀ ⲥⲏⲥ ⲛⲉⲙ Ⲁⲁⲣⲱⲛ ⲛⲉⲙ Ⲙⲁⲣⲓⲁⲙ. ⲉ̅ . Ⲡⲁⲗⲁⲟⲥ ⲁⲣⲓⲫ̀ ⲙⲉⲩⲓ̀ϫⲉ ⲟⲩ ⲡⲉ ⲉⲧⲁϥⲥⲟϭⲛⲓ ⲙ̀ ⲙⲟϥ ϧⲁⲣⲟⲕ ⲛ̀ ϫⲉ Ⲃⲁⲗⲁⲁⲕ ⲡ̀ ⲟⲩⲣⲟ ⲙ̀ Ⲙⲱⲁⲃ ⲟⲩⲟϩ ⲟⲩ ⲡⲉ ⲉⲧⲁϥⲟⲩⲁϩⲙⲉϥ ⲛⲁϥ ⲛ̀ ϫⲉ Ⲃⲁⲗⲁⲁⲙ ⲡ̀ ϣⲏⲣⲓ ⲙ̀ Ⲃⲉⲱⲣ ⲓⲥϫⲉⲛ ⲛⲓⲤⲭⲟⲓⲛⲟⲥ ϣⲁ ⲉ̀ ϧ̀ⲣⲏⲓ ⲉ̀ Ⲅⲁⲗⲅⲁⲗⲁ ϩⲟⲡⲱⲥ ⲛ̀ ⲧⲟⲩⲉⲣⲫ̀ ⲙⲉⲩⲓ̀ⲛ̀ ϯⲙⲉⲑⲙⲏⲓ ⲛ̀ ⲧⲉ Ⲡⲟ̅ ⲥ̅ . Ⲋ. Ϧⲉⲛ ⲟⲩ ⲁⲓⲛⲁⲧⲁϩⲉ Ⲡⲟ̅ ⲥ̅ ⲛ̀ ⲧⲁϣⲟⲡ Ⲡⲁⲛⲟⲩϯ ⲉⲧϭⲟⲥⲓ ⲉ̀ ⲣⲟⲓ ⲁⲛ ⲉⲓⲉ̀ ϣ̀ⲧⲁϩⲟϥ ⲛ̀ ϩ̀ⲣⲏⲓ ϧⲉⲛ ϩⲁⲛϭⲗⲓⲗ ⲛⲉⲙ ϩⲁⲛⲙⲁⲥⲓ ⲉ̀ ⲁⲩⲉⲣ ⲟⲩⲣⲟⲙⲡⲓ. ⲍ̅ . Ⲁⲛ ϥ̀ⲛⲁϣⲟⲡⲧ ⲉ̀ ⲣⲟϥ ⲛ̀ ϫⲉ Ⲡⲟ̅ ⲥ̅ ϧⲉⲛ ϩⲁⲛϣⲟ ⲛ̀ ⲱⲓⲗⲓ ⲓⲉ ϧⲉⲛ ϩⲁⲛⲑ̀ ⲃⲁ ⲙ̀ ⲙⲁⲥ ⲙ̀ ⲃⲁⲉⲙⲡⲓ ⲉⲩⲕⲉⲛⲓⲱⲟⲩⲧ ⲓⲉ ⲛ̀ ⲧⲁϯ ⲛ̀ ⲛⲁⲙⲉⲧϣⲟⲣⲡ ⲙ̀ ⲙⲓⲥⲓ ϧⲁ ⲛⲁⲙⲉⲧⲁ̀ ⲥⲉⲃⲏⲥ ⲡ̀ ⲟⲩⲧⲁϩ ⲛ̀ ⲧⲉ ⲧⲁⲛⲉϫⲓ ϧⲁ ⲫ̀ ⲛⲁⲓ ⲛ̀ ⲧⲁⲩⲭⲏ.
- 6. ⲏ̅ . Ⲁⲩⲧⲁⲙⲟⲕ ⲫ̀ ⲣⲱⲙⲓ ϫⲉ ⲟⲩ ⲡⲉⲑⲛⲁⲛⲉϥ ⲓⲉ ⲟⲩ ⲡⲉ ⲉⲧⲉ Ⲡⲟ̅ ⲥ̅ ⲕⲱϯ ⲛ̀ ⲥⲱϥ ⲛ̀ ⲧⲟⲧⲕ ⲁⲗⲗⲁ ⲉⲑⲣⲉⲕⲓ̀ ⲣⲓ ⲛ̀ ⲟⲩϩⲁⲡ ⲟⲩⲟϩ ⲉ̀ ⲙⲉⲛⲣⲉ ⲟⲩⲛⲁⲓ ⲟⲩⲟϩ ⲛ̀ ⲧⲉⲕϣⲱⲡⲓ ⲉⲕⲥⲉⲃⲧⲱⲧ ⲉⲑⲣⲉⲕⲙⲟϣⲓ ⲛⲉⲙ Ⲡⲟ̅ ⲥ̅ ⲡⲉⲕⲛⲟⲩϯ. ⲑ̅ . Ⲧⲥ̀ ⲙⲏ ⲙ̀ Ⲡⲟ̅ ⲥ̅ ⲉⲩⲉ̀ ⲙⲟⲩϯ ⲉ̀ ⲣⲟⲥ ⲛ̀ ϯⲃⲁⲕⲓ ⲟⲩⲟϩ ⲉϥⲉ̀ ⲛⲟϩⲉⲙ ⲛ̀ ⲛⲏⲉⲧⲉⲣϩⲟϯ ϧⲁⲧϩⲏ ⲙ̀ ⲡⲉϥⲣⲁⲛ ⲥⲱⲧⲉⲙ ϯⲫⲩⲗⲏ ⲟⲩⲟϩ ⲛⲓⲙ ⲉⲑⲛⲁϣ̀ⲥⲟⲗⲥⲉⲗ ⲛ̀ ⲟⲩⲃⲁⲕⲓ. ⲓ̅. Ⲙⲏ ⲟⲩⲭ̀ ⲣⲱⲙ ⲡⲉ ⲟⲩⲟϩ ⲡ̀ ⲏⲓ ⲛ̀ ⲟⲩⲁ̀ ⲛⲟⲙⲟⲥ ⲉϥϩⲓⲟⲩⲓ̀ⲉ̀ ϧⲟⲩⲛ ⲛ̀ ϩⲁⲛⲁ̀ ϩⲱⲣ ⲛ̀ ⲁ̀ ⲛⲟⲙⲓⲁ̀ⲛⲉⲙ ⲟⲩϭⲓⲛ̀ ϫⲟⲛⲥ ϧⲉⲛ ⲟⲩϣⲱϣ. ⲓ̅ⲁ̅ . Ⲟⲩⲟϩ ⲓⲥϫⲉ ⲁϥⲛⲁⲑⲁⲙⲓⲟ ⲛ̀ ϫⲉ ⲡⲓⲁ̀ ⲛⲟⲙⲟⲥ ϧⲉⲛ ⲟⲩⲙⲁϣⲓ ⲛⲉⲙ ϩⲁⲛϣⲓ ⲛ̀ ⲭ̀ ⲣⲟϥ ϧⲉⲛ ⲟⲩⲁϩⲥⲁϩⲟⲩⲓ̀ . ⲓ̅ⲃ̅ . Ⲉ̀ ⲃⲟⲗ ⲛ̀ ϧⲏⲧⲟⲩ ⲁⲩⲙⲟϩ ⲛ̀ ⲧⲟⲩⲙⲉⲧⲣⲁⲙⲁⲟ̀ⲙ̀ ⲙⲉⲧⲁ̀ ⲥⲉⲃⲏⲥ ⲟⲩⲟϩ ⲛⲏⲉⲧϣⲟⲡ ⲛ̀ ϧⲏⲧⲥ ⲛⲁⲩⲥⲁϫⲓ ⲛ̀ ϩⲁⲛⲙⲉⲑⲛⲟⲩϫ ⲟⲩⲟϩ ⲡⲟⲩⲗⲁⲥ ⲁϥϭⲓⲥⲓ ϧⲉⲛ ⲣⲱⲟⲩ. ⲓ̅ⲅ̅ . Ⲟⲩⲟϩ ⲁ̀ ⲛⲟⲕ ϩⲱ ϯⲛⲁⲉⲣϩⲏⲧⲥ ⲛ̀ ϣⲁⲣⲓ ⲉ̀ ⲣⲟ. ⲓ̅ⲇ̅ . Ⲛ̀ ⲑⲟ ⲉⲣⲉⲟⲩⲱⲙ ⲟⲩⲟϩ ⲛ̀ ⲛⲉⲥⲓ ⲟⲩⲟϩ ϯⲛⲁϫⲟⲣϯ ⲉ̀ ⲃⲟⲗ ⲛ̀ ϧ̀ⲣⲏⲓ ⲛ̀ ϧⲏϯ ⲟⲩⲟϩ ⲉⲩⲉ̀ ⲧⲁϩⲟ ⲟⲩⲟϩ ⲛ̀ ⲛⲉⲟⲩϫⲁⲓ ⲉⲩⲉ̀ ⲧⲏⲓⲧⲟⲩ ⲛ̀ ⲧⲟⲧⲥ ⲛ̀ ⲧ̀ ⲥⲏϥⲓ. ⲓ̅ⲉ̅ . Ⲛ̀ ⲑⲟ ⲉⲣⲉⲥⲓϯ ⲟⲩⲟϩ ⲛ̀ ⲛⲉⲱⲥϧ ⲛ̀ ⲑⲟ ⲉⲣⲉⲱ̀ ϥⲓ ⲛ̀ ϩⲁⲛϫⲱⲓⲧ ⲟⲩⲟϩ ⲛ̀ ⲛⲉⲑⲁϩⲥⲓ ⲛ̀ ⲟⲩⲛⲉϩ ⲟⲩⲟϩ ⲉⲣⲉⲧⲉⲛⲉ̀ ϩⲱⲙⲓ ⲛ̀ ⲟⲩⲏⲣⲡ ⲟⲩⲟϩ ⲛ̀ ⲛⲉⲧⲉⲛⲥⲱ ⲉⲩⲉ̀ ⲧⲁⲕⲟ ⲛ̀ ϫⲉ ⲛⲓⲛⲟⲙⲟⲥ ⲛ̀ ⲧⲉ ⲡⲁⲗⲁⲟⲥ. ⲓ̅Ⲋ. Ⲟⲩⲟϩ ⲁⲕⲁ̀ ⲣⲉϩ ⲉ̀ ⲛⲓⲙⲉⲑⲙⲏⲒ ⲛ̀ ⲧⲉ Ⲍⲁⲙⲃⲣⲓ ⲛⲉⲙ ⲛⲓϩ̀ⲃⲏⲟⲩⲓ̀ⲛ̀ ⲧⲉ ⲡ̀ ⲏⲓ ⲛ̀ Ⲁⲭⲁⲃ ⲟⲩⲟϩ ⲁⲣⲉⲧⲉⲛⲙⲟϣⲓ ⲛ̀ ϧ̀ⲣⲏⲓ ϧⲉⲛ ⲡⲟⲩⲥⲟϭⲛⲓ ϩⲟⲡⲱⲥ ⲛ̀ ⲧⲁⲧⲏⲓϯ ⲉ̀ ⲡ̀ ⲧⲁⲕⲟ ⲟⲩⲟϩ ⲛⲏⲉⲧϣⲟⲡ ⲛ̀ ϧⲏⲧⲥ ⲉⲩϣⲟⲩϣⲓⲧⲥ ⲟⲩⲟϩ ⲉⲣⲉⲧⲉⲛⲉ̀ ϭⲓ ⲛ̀ ϩⲁⲛϣⲱϣ ⲛ̀ ⲧⲉ ϩⲁⲛⲗⲁⲟⲥ. ⲕⲉⲫ ⲍ̅ ⲁ̅ . Ⲟⲩⲟⲓ ⲛⲏⲓ ϫⲉ ⲁⲓⲉⲣ ⲙ̀ ⲫ̀ ⲣⲏϯ ⲙ̀ ⲫⲏⲉⲧⲑⲟⲩⲉⲧ ⲣⲱⲟⲩⲓ̀ϧⲉⲛ ⲡ̀ ⲱⲥϧ ⲛⲉⲙ ⲫⲏⲉⲧϭⲓϫⲱⲃⲓ ϧⲉⲛ ⲡ̀ ϣⲱⲗ ⲙ̀ ⲙⲟⲛ ⲥ̀ ⲙⲁϩ ϣⲟⲡ ⲉ̀ ⲡ̀ ϫⲓⲛⲟⲩⲱⲙ ⲛⲏⲉⲧⲁⲩⲫⲟϩ ⲛ̀ ϣⲟⲣⲡ ⲟⲩⲟⲓ ⲛⲏⲓ ⲧⲁⲩⲭⲏ. ⲃ̅ . Ϫⲉ ⲁϥⲙⲟⲩⲛⲕ ⲛ̀ ϫⲉ ⲛⲓⲣⲉϥⲉⲣϩⲟϯ ⲉ̀ ⲃⲟⲗϩⲓϫⲉⲛ ⲡⲓⲕⲁϩⲓ ⲟⲩⲟϩ ⲫⲏⲉⲧⲥⲟⲩⲧⲱⲛ ϧⲉⲛ ⲛⲓⲣⲱⲙⲓ ϥ̀ϣⲟⲡ ⲁⲛ ⲥⲉϭⲓϩⲁⲡ ⲧⲏⲣⲟⲩ ⲉ̀ ϩⲁⲛⲥ̀ ⲛⲟϥ ⲫ̀ ⲟⲩⲁⲓ ⲫ̀ ⲟⲩⲁⲓ ϥ̀ϩⲟϫϩⲉϫ ⲙ̀ ⲡⲉϥϣ̀ⲫⲏⲣ ϧⲉⲛ ⲟⲩϩⲟϫϩⲉϫ. ⲅ̅ . Ⲉⲩⲥⲟⲃϯ ⲛ̀ ⲛⲟⲩϫⲓϫ ⲉ̀ ⲡⲓⲡⲉⲧϩⲱⲟⲩ ϥ̀ⲉ̀ ⲣⲉⲧⲓⲛ ⲛ̀ ϫⲉ ⲡⲓⲁⲣⲭⲱⲛ ⲟⲩⲟϩ ⲡⲓⲣⲉϥϯϩⲁⲡ ⲁϥⲥⲁϫⲓ ⲛ̀ ϩⲁⲛⲥⲁϫⲓ ⲛ̀ ϩⲓⲣⲏⲛⲏ ⲁϥϫⲉ ⲡⲉⲧⲣⲁⲛⲁϥ ⲛ̀ ⲧⲉϥⲩⲭⲏ ⲛ̀ ϫⲉ ⲡⲓϫⲱⲣⲓ ⲟⲩⲟϩ ϯⲛⲁⲱ̀ ⲗⲓ ⲛⲟⲩⲁ̀ ⲅⲁⲑⲟⲛ. ⲇ̅ . Ⲙ̀ ⲫ̀ ⲣⲏϯ ⲛ̀ ⲟⲩϩⲟⲗⲓ ⲉⲥⲟⲩⲱⲙ ⲟⲩⲟϩ ⲉⲥⲙⲟϣⲓ ϧⲉⲛ ⲟⲩⲕⲁⲛⲱⲛ ϧⲉⲛ ⲟⲩⲉ̀ ϩⲟⲟⲩ ⲛ̀ ⲭⲁⲕⲓ ⲟⲩⲟⲓ ⲟⲩⲟⲓ ⲁⲩⲓ̀ⲛ̀ ϫⲉ ⲛⲉⲕϭⲓⲙ̀ ⲡ̀ ϣⲓϣ ϯⲛⲟⲩ ⲉⲩⲉ̀ ϣⲱⲡⲓ ⲛ̀ ϫⲉ ⲟⲩⲣⲓⲙⲓ. ⲉ̅ . Ⲙ̀ ⲡⲉⲣⲧⲉⲛϩⲉⲧ ⲑⲏⲛⲟⲩ ϧⲉⲛ ⲛⲉⲧⲉⲛϣ̀ⲫⲏⲣ ⲟⲩⲇⲉ ⲙ̀ ⲡⲉⲣⲉⲣϩⲉⲗⲡⲓⲥ ⲉ̀ ⲛⲉⲧⲉⲛϩⲩⲅⲟⲩⲙⲉⲛⲟⲥ ⲁ̀ ⲣⲉϩ ⲉ̀ ⲣⲟⲕ ⲉ̀ ⲑⲏⲉⲧⲉⲕⲉⲛⲕⲟⲧ ⲛⲉⲙⲁⲥ ⲉ̀ ϣ̀ⲧⲉⲙⲭⲁ ϩ̀ⲗⲓ ϧⲁⲧⲟⲧⲥ. Ⲋ. Ϫⲉ ⲟⲩⲏⲓ ⲟⲩϣⲏⲣⲓ ϥ̀ⲛⲁϣⲱϣ ⲙ̀ ⲡⲉϥⲓⲱⲧ ⲟⲩϣⲉⲣⲓ ⲛⲁⲥⲧⲱⲛⲥ ⲉ̀ ϫⲉⲛ ⲧⲉⲥⲙⲁⲩ ⲟⲩϣⲉⲗⲉⲧ ⲉ̀ ϫⲉⲛ ⲧⲉⲥϣⲱⲙⲓ ϩⲁⲛϫⲁϫⲓ ⲧⲏⲣⲟⲩ ⲙ̀ ⲡⲓⲣⲱⲙⲓ ⲛⲉ ⲛⲏⲉⲧϧⲉⲛ ⲡⲉϥⲏⲓ. ⲍ̅ . Ⲁⲛⲟⲕ ⲇⲉ ϯⲛⲁϫⲟⲩϣⲧ ⲉ̀ ϫⲉⲛ Ⲡⲟ̅ ⲥ̅ ϯⲛⲁⲙⲟⲩⲛ ⲉ̀ ⲃⲟⲗ ⲉ̀ ϫⲉⲛ Ⲫϯ Ⲡⲁⲥⲱⲧⲉⲣ Ⲡⲁⲛⲟⲩϯ ⲛⲁⲥⲱⲧⲉⲙ ⲉ̀ ⲣⲟⲓ. ⲏ̅ . Ⲙ̀ ⲡⲉⲣⲣⲁϣⲓ ⲙ̀ ⲙⲟⲓ ⲧⲁⲙⲉⲧϫⲁϫⲓ ϫⲉ ⲁⲓϩⲉⲓ ⲟⲩⲟϩ ϯⲛⲁⲧⲱⲛⲧ ⲟⲛ ϫⲉ ⲟⲩⲏⲓ ⲁⲓϣⲁⲛϩⲉⲙⲥⲓ ϧⲉⲛ ⲡ̀ ⲭⲁⲕⲓ ϥ̀ⲛⲁⲉⲣⲟⲩⲱⲓⲛⲓ ⲉ̀ ⲣⲟⲓ ⲛ̀ ϫⲉ Ⲡⲟ̅ ⲥ̅ . ⲑ̅ . Ϯⲛⲁϥⲁⲓ ϧⲁ ⲡ̀ ϫⲱⲛⲧ ⲙ̀ Ⲡⲟ̅ ⲥ̅ ϫⲉ ⲁⲓⲉⲣⲛⲟⲃⲓ ⲉ̀ ⲣⲟϥ ϣⲁⲧⲉϥⲑ̀ ⲙⲁⲓ ⲉ̀ ⲡ̀ ϩⲁⲡ ⲟⲩⲟϩ ⲉϥⲉ̀ ⲓ̀ ⲣⲓ ⲙ̀ ⲡⲁⲕⲣⲓⲙⲁ ⲟⲩⲟϩ ⲉϥⲉ̀ ⲉⲛⲧ ⲉ̀ ⲃⲟⲗⲟ ⲉ̀ ⲫ̀ ⲟⲩⲱⲓⲛⲓ ⲉⲓⲉ̀ ⲛⲁⲩ ⲉ̀ ⲧⲉϥⲙⲉⲑⲙⲏⲓ.
- 7. ⲓ̅. Ⲟⲩⲟϩ ⲉⲥⲉ̀ ⲛⲁⲩ ⲛ̀ ϫⲉ ⲧⲁⲙⲉⲧϫⲁϫⲓ ⲟⲩⲟϩ ⲉⲥⲉ̀ ϫⲟⲗϩⲥ ⲙ̀ ⲡ̀ ϣⲓⲡⲓ ⲑⲏⲉⲧϫⲱ ⲙ̀ ⲙⲟⲥ ⲛⲏⲒ ϫⲉ ⲁϥⲑⲱⲛ ⲡⲉⲕⲛⲟⲩϯ ⲛⲁⲃⲁⲗ ⲉⲩⲉ̀ ϫⲟⲩϣⲧ ⲉ̀ ϫⲱⲥ ⲉⲥⲉ̀ ϣⲱⲡⲓ ϯⲛⲟⲩ ⲉⲩϩⲱⲙⲓ ⲉ̀ ϫⲱⲥ ⲙ̀ ⲫ̀ ⲣⲏϯ ⲛ̀ ⲟⲩⲟ̀ ⲙⲓ. ⲓ̅ⲁ̅ . Ϧⲉⲛ ⲛⲓⲉ̀ ϩⲟⲟⲩ ⲛ̀ ⲧⲉ ⲡ̀ ⲱϣϫ ⲛ̀ ⲟⲩⲧⲱⲃⲓ ⲡⲉϥⲱϯ ⲉ̀ ⲃⲟⲗ ⲡⲉ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲟⲩⲟϩ ⲉϥⲉ̀ ⲧⲁⲥⲑⲟ ⲛ̀ ϩⲁⲛⲛⲟⲙⲟⲥ ⲉ̀ ⲃⲟⲗ ⲛ̀ ϫⲉ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ. ⲓ̅ⲃ̅ . Ⲟⲩⲟϩ ⲛⲉⲃⲁⲕⲓ ⲉⲩⲉ̀ ⲓ̀ⲉ̀ ⲃⲟⲗ ⲉⲩϣⲱϣ ⲛⲉⲙ ⲟⲩⲫⲱϣ ⲛ̀ ⲧⲉ ⲛⲓⲀⲥⲥⲩⲣⲓⲟⲥ ⲟⲩⲟϩ ⲛⲉⲃⲁⲕⲓ ⲉⲧϫⲟⲣ ⲉⲩⲉ̀ ϣⲱⲡⲓ ⲉⲩⲫⲏϣ ⲓⲥϫⲉⲛ Ⲧⲩⲣⲟⲥ ϣⲁ ⲫ̀ ⲓⲁⲣⲟ ⲛ̀ ⲧⲉ ⲧ̀ Ⲥⲩⲣⲓⲁ̀ⲉⲩⲉ̀ ϩⲟⲩⲟ̀ⲙ̀ ⲙⲱⲟⲩ ⲛⲉⲙ ⲟⲩϣ̀ⲑⲟⲣⲧⲉⲣ ⲛⲉⲙ ⲓⲥϫⲉⲛ ⲫ̀ ⲓⲟⲙ ϣⲁ ⲫ̀ ⲓⲟⲙ ⲛⲉⲙ ⲓⲥϫⲉⲛ ⲡ̀ ⲧⲱⲟⲩ ϣⲁ ⲡ̀ ⲧⲱⲟⲩ. ⲓ̅ⲅ̅ . Ⲟⲩⲟϩ ⲉⲣⲉ ⲡ̀ ⲕⲁϩⲓ ϣⲱⲡⲓ ⲉ̀ ⲡ̀ ⲧⲁⲕⲟ ⲛⲉⲙ ⲛⲏⲉⲧϣⲟⲡ ϩⲓⲱⲧϥ ⲉ̀ ⲃⲟⲗϧⲉⲛ ⲛ̀ ⲟⲩⲟⲩⲧⲁϩ ⲛ̀ ⲧⲉ ⲛⲟⲩϩ̀ⲃⲏⲟⲩⲓ̀ . ⲓ̅ⲇ̅ . Ⲁⲙⲟⲛⲓ ⲙ̀ ⲡⲉⲗⲁⲟⲥ ϧⲉⲛ ⲟⲩϣ̀ⲃⲱⲧ ⲛⲓⲉ̀ ⲥⲱⲟⲩ ⲛ̀ ⲧⲉⲕⲕⲗⲏⲣⲟⲛⲟⲙⲓⲁ̀ⲉⲩϣⲟⲡ ϧⲁⲣⲓ ϧⲁⲣⲱⲟⲩ ϧⲉⲛ ⲟⲩⲓⲁϩϣ̀ϣⲏⲛ ϧⲉⲛ ⲑ̀ ⲙⲏϯ ⲙ̀ ⲡⲓⲔⲁⲣⲙⲉⲗⲟⲥ ⲉⲩⲙⲟⲛⲓ ϧⲉⲛ ⲑ̀ Ⲃⲁⲥⲁⲛ ⲛⲉⲙ Ⲅⲁⲗⲁⲁⲇ ⲕⲁⲧⲁ ⲫ̀ ⲣⲏϯ ⲛ̀ ⲛⲓⲉ̀ ϩⲟⲟⲩ ⲛ̀ ⲧⲉ ⲡ̀ ⲉ̀ ⲛⲉϩ. ⲓ̅ⲉ̅ . Ⲟⲩⲟϩ ⲕⲁⲧⲁ ⲛⲓⲉ̀ ϩⲟⲟⲩ ⲛ̀ ⲧⲉ ⲡⲉⲛϫⲓⲛⲓ̀ⲉ̀ ⲃⲟⲗ ϧⲉⲛ ⲡ̀ ⲕⲁϩⲓ ⲛ̀ Ⲭⲏⲙⲓ ⲟⲩⲟϩ ⲉⲣⲉⲧⲉⲛⲉ̀ ⲛⲁⲩ ⲉ̀ ϩⲁⲛϣ̀ⲫⲏⲣⲓ. ⲓ̅Ⲋ. Ⲉⲩⲉ̀ ⲛⲁⲩ ⲛ̀ ϫⲉ ϩⲁⲛⲉⲑⲛⲟⲥ ⲟⲩⲟϩ ⲉⲩⲉ̀ ϭⲓϣⲓⲡⲓ ϧⲉⲛ ⲧⲟⲩϫⲟⲙ ⲧⲏⲣⲥ ⲛⲟⲩϫⲓϫ ⲉⲩⲉ̀ ⲭⲁⲩ ϩⲓⲣⲉⲛ ⲣⲱⲟⲩ ⲟⲩⲟϩ ⲉⲩⲉ̀ ⲉⲣⲕⲟⲩⲣ ⲛ̀ ϫⲉ ⲛⲟⲩⲙⲁϣϫ. ⲓ̅ⲍ̅ . Ⲉⲩⲉ̀ ⲗⲱϫϩ ⲛ̀ ⲟⲩⲕⲁϩⲓ ⲙ̀ ⲫ̀ ⲣⲏϯ ⲛ̀ ϩⲁⲛϩⲟϥ ⲉⲩⲱϣϯ ϩⲓϫⲉⲛ ⲡ̀ ⲕⲁϩⲓ ⲉⲩⲉ̀ ϣ̀ⲑⲟⲣⲧⲉⲣ ϧⲉⲛ ⲡⲟⲩⲧⲁⲧϩⲟ ⲉ̀ ϧⲟⲩⲛ ⲉⲩⲉ̀ ⲧⲱⲙⲧ ⲉ̀ ϫⲉⲛ Ⲡⲟ̅ ⲥ̅ ⲡⲟⲩⲛⲟⲩϯ ⲟⲩⲟϩ ⲉⲩⲉ̀ ⲉⲣϩⲟϯ ϧⲁϫⲱϥ. ⲓ̅ⲏ̅ . Ⲛⲓⲙ ⲉⲧⲟⲓ ⲛ̀ ⲛⲟⲩϯ ⲙ̀ ⲡⲉⲕⲣⲏϯ ⲉⲕⲱ̀ ⲗⲓ ⲛ̀ ϩⲁⲛϭⲓⲛ̀ ϫⲟⲛⲥ ⲟⲩⲟϩ ⲉⲕⲥⲓⲛⲓ ⲛ̀ ϩⲁⲛⲙⲉⲧⲁ̀ ⲥⲉⲃⲏⲥ ⲛ̀ ⲛⲓⲥⲱϫⲡ ⲛ̀ ⲧⲉ ⲧⲉⲕⲕⲗⲏⲣⲟⲛⲟⲙⲓⲁ̀ⲟⲩⲟϩ ⲙ̀ ⲡⲉϥⲁ̀ ⲙⲁϩⲓ ⲙ̀ ⲡⲉϥϫⲱⲛⲧ ϣⲁ ⲉ̀ ⲃⲟⲗ ϫⲉ ⲫ̀ ⲛⲁⲓ ⲡⲉ ⲧⲉϥⲟⲩⲁϣϥ. ⲓ̅ⲑ̅ . Ⲛ̀ ⲑⲟϥ ⲉϥⲉ̀ ⲧⲁⲥⲑⲟ ⲟⲩⲟϩ ⲉϥⲉ̀ ϣⲉⲛϩⲏⲧ ϧⲁⲣⲱⲧⲉⲛ ⲟⲩⲟϩ ⲉϥⲉ̀ ⲑⲱⲙⲥ ⲛ̀ ⲛⲉⲛϭⲓⲛ̀ ϫⲟⲛⲥ ⲟⲩⲟϩ ⲛⲉⲛⲛⲟⲃⲓ ⲧⲏⲣⲟⲩ ⲉϥⲉ̀ ⲃⲉⲣⲃⲱⲣⲟⲩ ⲉ̀ ⲛⲓϣⲱⲕ ⲛ̀ ⲧⲉ ⲫ̀ ⲓⲟⲙ. ⲕ̅ . Ⲟⲩⲟϩ ⲉϥⲉ̀ ϯ ⲛ̀ ⲟⲩⲙⲉⲑⲙⲏⲓ ⲛ̀ Ⲓⲁⲕⲱⲃ ⲟⲩⲟϩ ⲟⲩⲛⲁⲓ ⲛ̀ Ⲁⲃⲣⲁⲁⲙ ⲕⲁⲧⲁ ⲫ̀ ⲣⲏϯ ⲉⲧⲁϥⲱⲣⲕ ⲛ̀ ⲛⲉⲛⲓⲟϯ ϧⲉⲛ ⲛⲓⲉ̀ ϩⲟⲟⲩ ⲛ̀ ⲧⲉ ϣⲟⲣⲡ.