https://sawwaf.blogspot.com/2024/03/coptic-bible.html

1. ⲚⲈⲐⲢⲒⲚⲞⲤ Ⲛ̅ ⲒⲈⲢⲈⲘⲒⲀⲤ
Ⲁⲥϣⲱⲡⲉ ⲙⲛ̅ ⲛ̅ ⲥⲁⲧⲣⲉⲩⲁⲓⲭⲙⲁⲗⲱⲧⲓⲍⲉ ⲙ̅ ⲡⲒ̅ⲏ̅ ⲗ̅ ⲁⲩⲱ ⲛ̅ ⲧⲉⲐ̅ ⲓⲏ̅ ⲙ̅ ⲣ̅ ϫⲁⲉⲓⲉ ⲁϥϩⲙⲟⲟⲥ ⲉϩⲣⲁⲓ
ⲛ̅ ϭⲓⲒⲉⲣⲉⲙⲓⲁⲥ ⲁϥⲣⲓⲙⲉ ⲁϥⲧⲟⲉⲓⲧ ⲙ̅ ⲡⲉⲉⲓⲧⲟⲉⲓⲧ ⲉϫⲛ̅ Ⲑ̅ ⲓ̅ⲏ̅ ⲙ̅ ⲉϥϫⲱ ⲙ̅ ⲙⲟⲥ : ⲃ̅ . Ⲛ̅ ⲁϣ ⲛ̅ ϩⲉ
ⲁⲥϩⲙⲟⲟⲥ ⲙⲁⲩⲁⲁⲥ ⲛ̅ ϭⲓⲧⲡⲟⲗⲓⲥ ⲉⲧⲟϣ ⲙ̅ ⲙⲏⲏϣⲉ ⲁⲥϣⲱⲡⲉ ⲛ̅ ⲑⲉ ⲛ̅ ⲟⲩⲭⲏⲣⲁ ⲧⲉⲧⲛⲁϣⲱⲥ
ϩⲛ̅ ⲛ̅ ϩⲉⲑⲛⲟⲥ . ⲧⲉⲧⲟ̅ ⲛ̅ ⲁⲣⲭⲱⲛ ϩⲛ̅ ⲛⲉⲭⲱⲣⲁ ⲁⲥϣⲱⲡⲉ ⲉⲥϯϣⲱⲙ : ⲅ̅ . Ϩⲛ̅ ⲟⲩⲣⲓⲙⲉ ⲁⲥⲣⲓⲙⲉ
ⲛ̅ ⲧⲉⲩϣⲏ ⲁⲩⲱ ⲛⲉⲥⲣⲙ̅ ⲙⲓⲟⲟⲩⲉ ϣⲟⲩⲟ ⲉϫⲛ̅ ⲛⲉⲥⲟⲩⲟϭⲉ ⲉⲛϥ̅ϣⲟⲟⲡ ⲁⲛ ⲛ̅ ϭⲓⲡⲉⲧⲛⲁⲥⲗ̅ ⲥⲱⲗⲥ̅
ⲉⲃⲟⲗ ϩⲛ̅ ⲛⲉⲧⲙⲉ ⲙ̅ ⲙⲟⲥ ⲧⲏⲣⲟⲩ ⲟⲩⲟⲛ ⲛⲓⲙ ⲉⲧⲙⲉ ⲙ̅ ⲙⲟⲥ ⲁⲩⲁⲑⲉⲧⲓ ⲙ̅ ⲙⲟⲥ ⲁⲩϣⲱⲡⲉ ⲛⲁⲥ
ⲉϩⲉⲛϫⲁϫⲉ : ⲀⲩⲡⲉⲛⲉϯⲒⲟⲩⲇⲁⲓⲁ ⲉⲧⲃⲉⲡⲁϣⲁⲓ ⲙ̅ ⲡⲉⲥⲑⲃ̅ ⲃⲓⲟ ⲁⲩⲱ ϩⲙ̅ ⲡⲁϣⲁⲓ
ⲛ̅ ⲧⲉⲥⲙ̅ ⲛ̅ ⲧ̅ ϩⲙ̅ ϩⲁⲗ ⲁⲥϩⲙⲟⲟⲥ ϩⲛ̅ ⲛ̅ ϩⲉⲑⲛⲟⲥ ⲙ̅ ⲡⲥ̅ ϩⲉ ⲉⲙ̅ ⲧⲟⲛ ⲟⲩⲟⲛ ⲛⲓⲙ ⲉⲧⲡⲏⲧ ⲛ̅ ⲥⲱⲥ
ⲁⲩⲧⲁϩⲟⲥ ⲛ̅ ⲧⲙⲏⲧⲉ ⲛ̅ ⲛⲉⲧⲑⲗⲓⲃⲉ ⲙ̅ ⲙⲟⲥ : ⲇ̅ . Ⲛ̅ ⲉϩⲓⲟⲟⲩⲉ ⲛ̅ Ⲥⲓⲱⲛ ⲣ̅ ϩⲏⲃⲉ ϫⲉ ⲙⲛ̅ ⲡⲉⲧⲛⲏⲩ
ⲉⲡϣⲁ ⲛⲉⲥⲡⲩⲗⲏ ⲧⲏⲣⲟⲩ ⲥⲉⲧⲁⲕⲏⲩ ⲛⲉⲥⲟⲩⲏⲏⲃ ⲥⲉⲁϣⲁϩⲟⲙ ⲛⲉⲥⲡⲁⲣⲑⲉⲛⲟⲥ ⲁⲩϥⲓⲧⲟⲩ
ⲛ̅ ⲁⲓⲭⲙⲁⲗⲱⲧⲟⲥ ⲁⲩⲱ ⲛ̅ ⲧⲟⲥ ϩⲱⲱⲥ ⲛⲉⲥϭⲟⲛⲧ̅ ϩⲣⲁⲓ ⲛ̅ ϩⲏⲧⲥ̅ : Ⲁⲩϣⲱⲡⲉ ⲛ̅ ϭⲓⲛⲉⲧⲑⲗⲓⲃⲉ
ⲙ̅ ⲙⲟⲥ ⲉⲩⲟ̅ ⲛ̅ ⲁⲡⲉ ⲉⲣⲟⲥ ⲛⲉⲥϫⲁϫⲉ ⲁⲩⲣⲁϣⲉ . ϫⲉ ⲁⲠϫⲟⲉⲓⲥ ⲑⲃ̅ ⲃⲓⲟⲥ ⲉϫⲙ̅ ⲡⲁϣⲁⲓ
ⲛ̅ ⲛⲉⲥⲙ̅ ⲛ̅ ⲧ̅ ϣⲁϥⲧⲉ. ⲛⲉⲥϣⲏⲣⲉ ⲕⲟⲩⲓ ⲁⲩⲃⲱⲕ ϩⲛ̅ ⲟⲩⲁⲓⲭⲙⲁⲗⲱⲥⲓⲁ ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲉⲧⲑⲗⲓⲃⲉ
ⲙ̅ ⲙⲟⲥ : Ⲋ. Ⲁⲩϥⲓ ⲉⲃⲟⲗ ⲛ̅ ⲧϣⲉⲉⲣⲉ ⲛ̅ Ⲥⲓⲱⲛ ⲙ̅ ⲡⲉⲥⲥⲁ ⲧⲏⲣϥ̅ . ⲁⲛⲉⲥⲁⲣⲭⲱⲛ ϣⲱⲡⲉ
ⲁϩⲉⲛⲟⲉⲓⲗⲉ ⲉⲛⲥⲉϩⲏⲩ ⲁⲛ . ⲉⲙⲁⲙ̅ ⲙⲟⲟⲛⲉ ⲁⲩⲱ ⲛⲉⲩⲙⲟⲟϣⲉ ϩⲛ̅ ⲟⲩⲙⲛ̅ ⲧⲁⲧϭⲟⲙ ⲙ̅ ⲡⲉⲙⲧⲟ
ⲉⲃⲟⲗ ⲙ̅ ⲡⲉⲧϩⲣⲁ ⲛ̅ ⲥⲱⲟⲩ : ⲍ̅ .
Ⲁ̅ ⲥ̅ ⲣ̅ ⲡⲙⲉⲉⲩⲉ ⲛ̅ ϭⲓⲐⲓ̅ⲏ̅ ⲙ̅ ⲛ̅ ⲛⲉϩⲟⲟⲩ ⲙ̅ ⲡⲉⲥⲑⲃ̅ ⲃⲓⲟ ⲙⲛ̅ ⲧⲉⲥⲙ̅ ⲛ̅ ⲧ̅ ⲁⲧⲥⲱⲧⲙ̅ ⲁⲩⲱ ⲛⲉϩⲛⲁⲁⲩ ⲧⲏⲣⲟⲩ
ⲉⲧⲥⲙⲉ ⲙ̅ ⲙⲟⲟⲩ ⲉⲩϣⲟⲟⲡ ⲛⲁⲥ ϩⲛ̅ ⲛ̅ ⲉϩⲟⲟⲩ ⲛ̅ ϣⲟⲣⲡ̅ ϩⲙ̅ ⲡⲧⲣⲉⲡⲉⲥⲗⲁⲟⲥ ϩⲉ ⲉϩⲣⲁⲓ
ⲉⲧⲟⲟⲧϥ̅ ⲙ̅ ⲡⲉⲧⲑⲗⲓⲃⲉ ⲙ̅ ⲙⲟⲥ ⲉⲛϥ̅ϣⲟⲟⲡ ⲁⲛ ⲛ̅ ϭⲓⲡⲉⲧⲃⲟⲏⲑⲉⲓ ⲉⲣⲟⲥ ⲛ̅ ⲧⲉⲣⲟⲩⲛⲁⲩ ⲉⲣⲟⲥ
ⲛ̅ ⲧⲉⲉⲓϩⲉ ⲛ̅ ϭⲓⲛⲉⲥϫⲁϫⲉ ⲁⲩⲥⲱⲃⲉ ⲉϫ̅ⲙ̅ ⲡ̅ ⲡⲱⲱⲛⲉ ⲉⲃⲟⲗ ⲉⲛⲧⲁϥⲧⲁϩⲟⲥ : ⲏ̅ . Ⲁⲥⲣ̅ ⲛⲟⲃⲉ
ϩⲛ̅ ⲟⲩⲛⲟⲃⲉ ⲛ̅ ϭⲓⲐⲓ̅ⲏ̅ ⲙ̅ . ⲉⲧⲃⲉⲡⲁⲓ ⲁⲥϣⲱⲡⲉ ⲉⲩⲛⲟⲉⲓⲛ . ⲟⲩⲟⲛ ⲛⲓⲙ ⲉⲧϯⲉⲟⲟⲩ ⲛⲁⲥ
ⲁⲩⲃ̅ ⲃⲓⲟⲥ ⲁⲩⲛⲁⲩ ⲅⲁⲣ ⲉⲧⲉⲥⲁⲥⲭⲏⲙⲟⲥⲩⲛⲏ ⲛⲧⲟⲥ ϩⲱⲱⲥ ⲛⲉⲥⲁϣⲁϩⲟⲙ ⲁⲥⲕⲟⲧⲥ̅ ⲉⲡⲁϩⲟⲩ :
ⲑ̅ . Ⲧ̅ ⲉⲥⲁⲕⲁⲑⲁⲣⲥⲓⲁ ϩⲁⲛⲉⲥⲟⲩⲉⲣⲏⲧⲉ ⲙ̅ ⲡⲥ̅ ⲣ̅ ⲡⲙⲉⲉⲩⲉ ⲛ̅ ⲛⲉⲥϩⲁⲉⲉⲩ ⲁⲩⲱ ⲁⲥⲑⲃ̅ ⲃⲓⲟ
ⲙ̅ ⲡⲉⲥⲛⲟϭ ⲛ̅ ⲉⲟⲟⲩ . ⲉⲛϥ̅ϣⲟⲟⲡ ⲁⲛ ⲛ̅ ϭⲓⲡⲉⲧⲛⲁⲥⲗ̅ ⲥⲱⲗⲥ̅ ⲉⲛⲁⲩ ϭⲉ Ⲡϫⲟⲉⲓⲥ ⲉⲡⲁⲑⲃ̅ ⲃⲓⲟ ϫⲉ
ⲁⲡⲁϫⲁϫⲉ ϫⲓⲥⲉ ⲙ̅ ⲙⲟϥ : Ⲁϥⲡⲣ̅ ϣⲧⲟⲟⲧϥ̅ ⲉⲃⲟⲗ ⲉϫⲛ̅ ⲛⲉⲥϩⲛⲁⲁⲩ ⲧⲏⲣⲟⲩ ⲉⲧⲥⲟⲧⲡ̅ ⲛ̅ ⲧⲟⲟⲧⲥ̅
ⲛ̅ ϭⲓⲡⲉⲧⲑⲗⲓⲃⲉ ⲙ̅ ⲙⲟⲥ . ⲁⲥⲛⲁⲩ ⲅⲁⲣ ⲉⲛϩⲉⲑⲛⲟⲥ ⲉⲁⲩⲃⲱⲕ ⲉϩⲟⲩⲛ ⲉⲡⲉⲥⲙⲁ ⲉⲧⲟⲩⲁⲁⲃ . ⲛⲁⲓ
ⲉⲛⲧⲁⲕⲟⲩⲉϩⲥⲁϩⲛⲉ ⲉⲧⲃⲏⲏⲧⲟⲩ ⲉⲧⲙ̅ ⲧⲣⲉⲩⲃⲱⲕ ⲉϩⲟⲩⲛ ⲉⲧⲉⲕⲕⲗⲏⲥⲓⲁ : ⲓ̅ⲁ̅ . Ⲡⲉⲥⲗⲁⲟⲥ ⲧⲏⲣϥ̅
ⲥⲉⲁϣⲁϩⲟⲙ ⲉⲩⲕⲱⲧⲉ ⲛ̅ ⲥⲁⲟⲉⲓⲕ ⲉⲧⲣⲉⲧⲉⲩⲯⲩⲭⲏ ⲕⲧⲟⲥⲥ ⲉⲣⲟⲟⲩ . ⲁⲛⲁⲩ ϭⲉ Ⲡϫⲟⲉⲓⲥ ⲁⲩⲱ
ⲛⲅ̅ ϯϩⲧⲏⲕ ϫⲉ ⲁⲥϣⲱⲡⲉ ⲉⲥⲧⲏϣ : ⲓ̅ⲃ̅ .
Ⲛ̅ ⲧⲱⲧⲛ̅ ⲧⲏⲣⲧⲛ̅ ⲛⲉⲧⲙⲟⲟϣⲉ ϩⲛ̅ ⲧⲉⲩϩⲓⲏ ⲉⲛⲉⲩⲙⲁ ⲕⲧⲉⲧⲏⲩⲧⲛ̅ ⲛ̅ ⲧⲉⲧⲛ̅ ⲛⲁⲩ ϫⲉ
ⲛⲉⲩⲟⲩⲛⲙ̅ ⲕⲁϩ ϣⲟⲟⲡ ⲕⲁⲧⲁⲡⲁⲙ̅ ⲕⲁϩ ⲉⲛⲧⲁϥϣⲱⲡⲉ ⲙ̅ ⲙⲟⲓ ⲁϥⲟⲩⲱⲛ ⲛ̅ ⲣⲱϥ ⲉϩⲣⲁⲓ ⲉϫⲱⲓ
ⲛ̅ ϭⲓⲠϫⲟⲉⲓⲥ ⲁϥⲑⲃ̅ ⲃⲓⲟⲉⲓ ϩⲙ̅ ⲡⲉϩⲟⲟⲩ ⲙ̅ ⲡϭⲱⲛⲧ̅ ⲛ̅ ⲧⲉϥⲟⲣⲅⲏ : ⲓ̅ⲅ̅ . Ⲁϥⲧⲛ̅ ⲛⲟⲟⲩ ⲛ̅ ⲟⲩⲕⲱϩⲧ̅
ⲉⲃⲟⲗ ϩⲙ̅ ⲡⲉϥϫⲓⲥⲉ ⲁϥⲛ̅ ⲧϥ̅ ⲉϩⲣⲁⲓ ⲉϫⲛ̅ ⲛⲁⲕⲉⲉⲥ ⲁϥⲡⲱⲣϣ̅ ⲛ̅ ⲟⲩϣⲛⲉ ⲉⲛⲁⲟⲩⲉⲣⲏⲧⲉ ⲁϥⲕⲧⲟ
ⲙ̅ ⲙⲟⲓ ⲉⲡⲁϩⲟⲩ ⲁϥⲧⲁⲁⲧ ⲉⲩⲧⲁⲕⲟ ⲉⲉⲓⲙⲟⲕϩ̅ ⲛ̅ ϩⲏⲧ ⲙ̅ ⲡⲉϩⲟⲟⲩ ⲧⲏⲣϥ̅ : ⲓ̅ⲇ̅ . Ⲁϥⲧⲣⲁⲣⲟⲉⲓⲥ
ⲉⲙ̅ ⲛ̅ ⲧ̅ ϣⲁϥⲧⲉ ⲁⲩϭⲗⲟⲙⲗⲙ̅ ϩⲛ̅ ⲛⲁϭⲓϫ ⲁ̅ ⲩⲁⲗⲉ ⲉϩⲣⲁⲓ ⲉϫⲙ̅ ⲡⲁⲙⲁⲭϩ̅ ⲁⲥⲣ̅ ϭⲟⲃ ⲛ̅ ϭⲓⲧⲁϭⲟⲙ ϫⲉ

2. ⲁⲠϫⲟⲉⲓⲥ ϯ ⲛ̅ ϩⲉⲛⲙ̅ ⲕⲁϩ ⲛ̅ ϩⲏⲧ ⲉϩⲣⲁⲓ ⲉⲛⲁϭⲓϫ ⲛ̅ ϯⲛⲁϣϭⲙ̅ ϭⲟⲙ ⲁⲛ ⲁϩⲉⲣⲁⲧ : Ⲁ̅ ⲡϫⲟⲉⲓⲥ ϥⲓ
ⲉⲃⲟⲗ ⲛ̅ ⲛⲁϫⲱⲱⲣⲉ ⲧⲏⲣⲟⲩ ϩⲛ̅ ⲧⲁⲙⲏⲧⲉ ⲁϥⲙⲟⲩⲧⲉ ⲉⲩⲟⲉⲓϣ ⲉϩⲣⲁⲓ ⲉϫⲱⲓ ⲉⲧⲣⲉϥⲟⲩⲱϣϥ̅
ⲛ̅ ⲛⲁⲥⲱⲧⲡ̅ . ⲟⲩϩⲣⲱⲧ ⲁϥϩⲟⲙⲥ̅ ⲛ̅ ϭⲓⲠϫⲟⲉⲓⲥ ⲛ̅ ⲧⲡⲁⲣⲑⲉⲛⲟⲥ ⲧϣⲉⲉⲣⲉ ⲛ̅ Ⲓⲟⲩⲇⲁ ⲉϫⲛ̅ ⲛⲁⲓ
ⲁⲛⲟⲕ ϯⲛⲁⲣⲓⲙⲉ :
ⲓ̅Ⲋ. Ⲁ̅ ⲡⲁⲃⲁⲗ ⲧⲁⲩⲟ ⲉϩⲣⲁⲓ ⲛ̅ ϩⲉⲛⲣⲙ̅ ⲉⲓⲏ . ϫⲉ ⲁⲡⲉⲧⲥⲟⲗⲥⲗ̅ ⲙ̅ ⲙⲟⲓ ⲟⲩⲉ ⲛ̅ ⲥⲁⲃⲟⲗ ⲙ̅ ⲙⲟⲓ
ⲡⲉⲧⲕⲧⲟ ⲛ̅ ⲧⲁⲯⲩⲭⲏ. Ⲁⲛⲁϣⲏⲣⲉ ϣⲱⲡⲉ ⲉⲩⲧⲁⲕⲏⲩ ϫⲉ ⲁⲡⲁϫⲁϫⲉ ϭⲙ̅ ϭⲟⲙ ⲉϩⲣⲁⲓ ⲉϫⲱⲓ :
ⲓ̅ⲍ̅ . Ⲁ̅ ⲥⲓⲱⲛ ⲡⲱⲣϫ̅ ⲉⲃⲟⲗ ⲛ̅ ⲛⲉⲥϭⲓϫ ⲙ̅ ⲙⲛ̅ ⲡⲉⲧⲥⲟⲗⲥⲗ̅ ⲙ̅ ⲙⲟⲥ . Ⲁⲡϫⲟⲉⲓⲥ ϩⲱⲛ ⲉⲧⲟⲟⲧϥ̅
ⲛ̅ Ⲓⲁⲕⲱⲃ . ⲥⲉⲕⲱⲧⲉ ⲉⲣⲟϥ ⲛ̅ ϭⲓⲛⲉⲧⲑⲗⲓⲃⲉ ⲙ̅ ⲙⲟϥ . ⲁⲐⲒ̅ⲏ̅ ⲙ̅ ϣⲱⲡⲉ ⲛ̅ ⲑⲉ ⲛ̅ ⲟⲩⲥϩⲓⲙⲉ ⲉⲥⲛⲏϩ
ⲉⲃⲟⲗ ϩⲛ̅ ⲧⲉⲩⲙⲏⲧⲉ : ⲓ̅ⲏ. Ⲟⲩⲇⲓⲕⲁⲓⲟⲥ ⲡⲉ Ⲡϫⲟⲉⲓⲥ ϫⲉ ⲁϥϯϭⲱⲛⲧ̅ ⲛ̅ ⲧⲉϥⲧⲁⲡⲣⲟ ⲥⲱⲧⲙ̅ ϭⲉ
ⲛ̅ ⲗⲁⲟⲥ ⲧⲏⲣⲟⲩ ⲛ̅ ⲧⲉⲧⲛ̅ ⲛⲁⲩ ⲉⲡⲁⲙ̅ ⲕⲁϩ. ⲛⲁⲡⲁⲣⲑⲉⲛⲟⲥ ⲙⲛ̅ ⲛⲁϩⲣ̅ ϣⲓⲣⲉ ⲁⲩⲃⲱⲕ
ϩⲛ̅ ⲟⲩⲁⲓⲭⲙⲁⲗⲱⲥⲓⲁ : ⲓ̅ⲑ̅ . Ⲁⲓⲙⲟⲩⲧⲉ ⲉⲛⲁⲙⲉⲣⲁⲧⲉ ⲛ̅ ⲧⲟⲟⲩ ⲇⲉ ⲁⲩⲣ̅ ϩⲁⲗ ⲙ̅ ⲙⲟⲓ ⲛⲁⲟⲩⲏⲏⲃ
ⲙⲛ̅ ⲛⲁⲡⲣⲉⲥⲃⲩⲧⲉⲣⲟⲥ ⲁⲩⲱϫⲛ̅ ϩⲛ̅ ⲧⲡⲟⲗⲓⲥ . ϫⲉ ⲁϥⲕⲱⲧⲉ ⲛ̅ ⲥⲁⲛⲉⲧⲟⲩⲛⲁⲟⲩⲟⲙⲟⲩ
ⲉⲧⲣⲉⲛⲉⲩⲯⲩⲭⲏ ⲕⲧⲟⲟⲩ ⲉⲣⲟⲟⲩ ⲁⲩⲱ ⲙ̅ ⲡⲟⲩϭⲛ̅ ⲧⲟⲩ :
Ⲁ̅ ⲛⲁⲩ Ⲡϫⲟⲉⲓⲥ ϫⲉ ϯⲑⲗⲓⲃⲉ ⲁϩⲏⲧ ϣⲧⲟⲣⲧⲣ̅ ⲁⲩⲱ ⲁⲡⲁϩⲏⲧ ⲕⲧⲟϥ ⲉϩⲣⲁⲓ ⲛ̅ ϩⲏⲧ. ϫⲉ
ϩⲛ̅ ⲟⲩϭⲱⲛⲧ̅ ⲁⲓϭⲱⲛⲧ̅ . ⲁⲧⲥⲏϥⲉ ⲁⲁⲧ ⲛ̅ ⲁⲧϣⲏⲣⲉ ϩⲓⲃⲟⲗ ⲛ̅ ⲑⲉ ⲛ̅ ⲟⲩⲙⲟⲩ ⲉϣⲁϥϣⲱⲡⲉ
ϩⲛ̅ ⲟⲩⲏⲓ : ⲕ̅ ⲁ̅ . Ⲥⲱⲧⲙ̅ ⲧⲉⲛⲟⲩ ϯⲁϣⲁϩⲟⲙ ⲁⲛⲟⲕ ⲙⲛ̅ ⲡⲉⲧⲥⲟⲗⲥⲗ̅ ⲙ̅ ⲙⲟⲓ ⲁⲛⲁϫⲓϫⲉⲟⲩ ⲧⲏⲣⲟⲩ
ⲥⲱⲧⲙ̅ ⲉⲛⲁⲡⲉⲑⲟⲟⲩ ⲁⲩⲱ ⲁⲩⲣⲁϣⲉ ϫⲉ ⲛ̅ ⲧⲟⲕ ⲡⲉⲛⲧⲁⲕⲁⲁⲩ ⲛⲁⲓ . ⲁⲕⲧⲛ̅ ⲛⲟⲟⲩ ⲉϫⲱⲓ
ⲛ̅ ⲟⲩϩⲟⲟⲩ ⲁⲩⲱ ⲁⲕⲙⲟⲩⲧⲉ ⲉⲩⲟⲉⲓϣ : Ⲁⲩϣⲱⲡⲉ ⲁⲩⲧⲛ̅ ⲧⲱⲛ ⲉⲣⲟⲓ : ⲕ̅ ⲃ̅ . Ⲙⲁⲣⲉⲧⲉⲩⲕⲁⲕⲓⲁ
ⲧⲏⲣⲥ̅ ⲉⲓ ⲉϩⲟⲩⲛ ⲙ̅ ⲡⲉⲕⲙ̅ ⲧⲟ ⲉⲃⲟⲗ ⲁⲩⲱ ⲛⲅ̅ ⲑⲙ̅ ⲕⲟⲟⲩ ⲕⲁⲧⲁⲑⲉ ⲛ̅ ⲧⲁⲩⲙⲟⲕϩⲧ̅ ⲉⲧⲃⲉⲛⲁⲛⲟⲃⲉ
ⲧⲏⲣⲟⲩ ϫⲉ ⲛⲁϣⲉⲛⲁⲁϣⲁϩⲟⲙ ⲁⲩⲱ ⲡⲁϩⲏⲧ ⲗⲩⲡⲓ :
Ⲕⲉⲫ.Ⲃ̅ : Ⲛ̅ ⲁϣ ⲛ̅ ϩⲉ ⲁⲠϫⲟⲉⲓⲥ ⲟⲩⲱϣϥ̅ ⲛ̅ ⲧϣⲉⲉⲣⲉ ⲛ̅ Ⲥⲓⲱⲛ ϩⲛ̅ ⲧⲉϥⲟⲣⲅⲏ ⲁϥⲛⲟⲩϫⲉ ⲉⲃⲟⲗ
ϩⲛ̅ ⲧⲡⲉ ⲉϩⲣⲁⲓ ⲉϫⲙ̅ ⲡⲕⲁϩ ⲙⲡⲉⲟⲟⲩ ⲙ̅ ⲡⲒ̅ⲏ̅ ⲗ̅ . ⲁⲩⲱ ⲙ̅ ⲡϥ̅ⲣ̅ ⲡⲙⲉⲉⲩⲉ ⲙ̅ ⲫⲩⲡⲟⲡⲟⲇⲓⲟⲛ
ⲛ̅ ⲛⲉϥⲟⲩⲉⲣⲏⲧⲉ. ⲃ̅ . Ϩⲙⲡⲉϩⲟⲟⲩ ⲛ̅ ⲧⲉϥⲟⲣⲅⲏ ⲁϥⲱⲙⲥ̅ ⲛ̅ ϭⲓⲠϫⲟⲉⲓⲥ ⲛ̅ ⲧϣⲉⲉⲣⲉ ⲛ̅ Ⲥⲓⲱⲛ
ⲉⲙⲡϥ̅ϯⲥⲟ ⲛⲉⲧⲛⲉⲥⲱⲟⲩ ⲧⲏⲣⲟⲩ ⲛ̅ Ⲓⲁⲕⲱⲃ ⲁϥϣⲣ̅ ϣⲱⲣⲟⲩ ϩⲙ̅ ⲡⲉϥϭⲱⲛⲧ̅ ⲛⲉⲧϫⲟⲥⲉ
ⲛ̅ ⲧⲉⲧϣⲉⲉⲣⲉ ⲛ̅ Ⲓⲟⲩⲇⲁ ⲁϥϣⲁϣⲟⲩ ⲙⲛ̅ ⲡⲕⲁϩ . ⲁϥⲃⲱⲧⲉ ⲙ̅ ⲡⲉⲥⲣ̅ ⲣⲟ ⲙⲛ̅ ⲛⲉⲥⲁⲣⲭⲱⲛ : ⲅ̅ .
Ⲁ̅ ϥϩⲱⲣⲃ̅ ⲛ̅ ⲛ̅ ⲧⲁⲡ ⲧⲏⲣⲟⲩ ⲙ̅ ⲡⲒ̅ⲏ̅ ⲗ̅ ϩⲛ̅ ⲧⲟⲣⲅⲏ ⲙ̅ ⲡⲉϥϭⲱⲛⲧ̅ ⲁϥⲕⲧⲟ ⲛ̅ ⲧⲉϥⲟⲩⲛⲁⲙ ⲉⲡⲁϩⲟⲩ
ⲙ̅ ⲡⲉⲙ̅ ⲧⲟ ⲉⲃⲟⲗ ⲙ̅ ⲡϫⲁϫⲉ ⲁⲩⲱ ⲁϥⲧⲣⲉⲟⲩϣⲁϩ ⲙⲟⲩϩ ⲛ̅ ⲑⲉ ⲛ̅ ⲟⲩⲥⲁⲧⲉ ϩⲛ̅ Ⲓⲁⲕⲱⲃ .
ⲁϥⲟⲩⲱⲙ ⲛ̅ ⲛⲉⲧⲕⲱⲧⲉ ⲉⲣⲟϥ ⲧⲏⲣⲟⲩ : ⲇ̅ . Ⲁ̅ ϥϫⲟⲗⲕ̅ ⲛ̅ ⲧⲉϥⲡⲓⲧⲉ ⲛ̅ ⲑⲉ ⲛ̅ ⲟⲩϫⲁϫⲉ ⲁϥⲧⲁϫⲣⲟ
ⲛ̅ ⲧⲉϥⲟⲩⲛⲁⲙ ⲛ̅ ⲑⲉ ⲙ̅ ⲡⲉⲧϯ ⲟⲩⲃⲏⲛ ⲁⲩⲱ ⲁϥⲙⲟⲩⲟⲩⲧ ⲛ̅ ⲛⲁⲙⲉⲣⲁⲧⲉ ⲧⲏⲣⲟⲩ ⲁϥⲡⲱϩⲧ̅
ⲛ̅ ⲧⲉϥⲟⲣⲅⲏ ⲛ̅ ⲑⲉ ⲛ̅ ⲟⲩⲕⲱϩⲧ̅ ϩⲛ̅ ⲧⲉⲥⲕⲏⲛⲏ ⲛ̅ ⲧϣⲉⲉⲣⲉ ⲛ̅ Ⲥⲓⲱⲛ : Ⲁⲡϫⲟⲉⲓⲥ ϣⲱⲡⲉ ⲛ̅ ⲑⲉ
ⲛ̅ ⲟⲩϫⲁϫⲉ ⲁϥⲱⲙⲥ̅ ⲙ̅ ⲡⲒ̅ⲏ̅ ⲗ̅ ⲁϥⲱⲙⲥ̅ ⲛ̅ ⲛⲉϥⲙⲏⲏϣⲉ ⲁϥⲧⲁⲕⲟ ⲛ̅ ⲛⲉϥⲙⲁ ⲉⲧⲟⲣϫ̅ ⲁⲩⲱ
ⲁϥⲧⲁϣⲟ ⲛ̅ ⲧϣⲉⲉⲣⲉ ⲛ̅ Ⲓⲟⲩⲇⲁ ⲧⲉⲑⲃ̅ ⲃⲓⲏⲩ ⲁⲩⲱ ⲧⲉⲛⲧⲁⲩⲑⲃ̅ ⲃⲓⲟⲥ : Ⲋ. Ⲁ̅ ϥⲡⲱⲣϣ̅ ⲉⲃⲟⲗ
ⲙ̅ ⲡⲉϥⲙⲁ ⲛ̅ ϣⲱⲡⲉ ⲛ̅ ⲑⲉ ⲛ̅ ⲟⲩⲃⲱ ⲛ̅ ⲉⲗⲟⲟⲗⲉ ⲁϥⲧⲁⲕⲟ ⲙ̅ ⲡⲉϥϣⲁ . ⲁⲠϫⲟⲉⲓⲥ ⲧⲣⲉⲤⲓⲱⲛ
ⲣ̅ ⲡⲱⲃϣ̅ ⲙ̅ ⲡϣⲁ ⲙⲛ̅ ⲡⲥⲁⲃⲃⲁⲧⲟⲛ ⲁϥϯⲛⲟⲩϭⲥ̅ ϩⲙ̅ ⲡϭⲱⲛⲧ̅ ⲛ̅ ⲧⲉϥⲟⲣⲅⲏ ⲛ̅ ⲟⲩⲣ̅ ⲣⲟ ⲙⲛ̅ ⲟⲩⲏⲏⲃ
ⲙⲛ̅ ⲟⲩⲁⲣⲭⲱⲛ. ⲍ̅ . Ⲁ̅ ⲡϫⲟⲉⲓⲥ ⲕⲱ ⲛ̅ ⲥⲱϥ ⲙ̅ ⲡⲉϥⲑⲩⲥⲓⲁⲥⲧⲏⲣⲓⲟⲛ ⲁϥⲛⲟⲩϫⲉ ⲉⲃⲟⲗ
ⲙ̅ ⲡⲉϥⲡⲉⲧⲟⲩⲁⲁⲃ ⲁϥⲟⲩⲱϭⲡ̅ ϩⲛ̅ ⲧϭⲓϫ ⲙ̅ ⲡϫⲁϫⲉ ⲙ̅ ⲡⲥⲟⲃⲧⲉ ⲛ̅ ⲛⲉⲥⲙⲏⲏϣⲉ ⲁⲩϯ ⲙ̅ ⲡⲉⲩϩⲣⲟⲟⲩ
ϩⲙ̅ ⲡⲏⲓ ⲙ̅ Ⲡϫⲟⲉⲓⲥ ⲛ̅ ⲑⲉ ϩⲛ̅ ⲟⲩϩⲟⲟⲩ ⲛ̅ ϣⲁ : ⲏ̅ .

3. Ⲁⲡϫⲟⲉⲓⲥ ⲙⲟⲕⲙⲉⲕ ⲁⲩⲱ ⲁϥⲕⲧⲟϥ ⲉⲧⲁⲕⲉⲡⲥⲟⲃⲧ̅ ⲛ̅ ⲧϣⲉⲉⲣⲉ ⲛ̅ Ⲥⲓⲱⲛ ⲁϥⲡⲱⲣϣ̅ ⲉⲃⲟⲗ
ⲛ̅ ⲟⲩϣⲓ ⲉϩⲣⲁⲓ ⲉϫⲱⲥ ⲙ̅ ⲡⲉϥⲕⲧⲟ ⲛ̅ ⲧⲉϥϭⲓϫ ⲉⲃⲟⲗ . ⲙ̅ ⲡⲉⲥϩⲱⲙ ⲁⲥⲣ̅ ϩⲏⲃⲉ ⲛ̅ ϭⲓⲧϫⲟ
ⲉⲧⲙ̅ ⲡⲃⲟⲗ ⲙ̅ ⲡⲥⲟⲃⲧ̅ . ⲁⲩⲱ ⲁⲡⲥⲟⲃⲧ̅ ϭⲃ̅ ⲃⲉ ⲛⲙ̅ ⲙⲁⲥ : ⲑ̅ . Ⲁⲛⲉⲥⲡⲩⲗⲏ ϣⲱϣ ⲙⲛ̅ ⲡⲕⲁϩ
ⲁⲩⲧⲁⲕⲟ ⲛ̅ ⲛⲉⲥⲙⲟⲭⲗⲟⲥ ⲁⲩⲱ ⲁϥⲟⲩⲱϣϥ̅ ⲙ̅ ⲡⲉⲥⲣ̅ ⲣⲟ ⲙⲛ̅ ⲛⲉⲥⲁⲣⲭⲱⲛ ϩⲛ̅ ⲛ̅ ϩⲉⲑⲛⲟⲥ
ⲉⲙⲛ̅ ⲛⲟⲙⲟⲥ ϣⲟⲟⲡ ⲛⲁⲥ ⲁⲩⲱ ⲛⲉⲥⲕⲉⲡⲣⲟⲫⲏⲧⲏⲥ ⲙ̅ ⲡⲟⲩⲛⲁⲩ ⲉϩⲟⲣⲁⲥⲓⲥ ϩⲓⲧⲙ̅ Ⲡϫⲟⲉⲓⲥ :
Ⲁ̅ ⲩϩⲙⲟⲟⲥ ⲉⲡⲕⲁϩ ⲁⲩⲕⲁⲣⲱⲟⲩ ⲛ̅ ϭⲓⲛⲉⲡⲣⲉⲥⲃⲩⲧⲉⲣⲟⲥ ⲛ̅ ⲧϣⲉⲉⲣⲉ ⲛ̅ Ⲥⲓⲱⲛ ⲁⲩϣⲉϣⲉⲓⲧⲛ̅
ⲉϫⲛ̅ ⲧⲉⲩⲁⲡⲉ ⲁⲩⲙⲟⲟⲣⲟⲩ ⲛ̅ ϩⲉⲛϭⲟⲟⲩⲛⲉ ⲁⲩⲣⲱϩⲧ̅ ⲉⲡⲉⲥⲏⲧ ⲉⲡⲕⲁϩ ⲛ̅ ⲥⲱⲧⲡ̅ ⲙ̅ ⲡⲁⲣⲑⲉⲛⲟⲥ
ⲛ̅ ⲐⲒ̅ⲏ̅ ⲙ̅ : ⲓ̅ⲁ.
Ⲁⲛⲁⲃⲁⲗ ⲱϫⲛ̅ ϩⲛ̅ ϩⲉⲛⲣⲙ̅ ⲉⲓⲟⲟⲩⲉ . ⲁⲡⲁϩⲏⲧ ϣⲧⲟⲣⲧⲣ̅ ⲁⲡⲁⲉⲟⲟⲩ ϫⲱⲱⲣⲉ ⲉⲃⲟⲗ
ϩⲓϫⲙ̅ ⲡⲕⲁϩ ⲉϫⲙ̅ ⲡⲟⲩⲱⲱϣϥ̅ ⲛ̅ ⲧϣⲉⲉⲣⲉ ⲙ̅ ⲡⲁⲗⲁⲟⲥ ϩⲙ̅ ⲡⲧⲣⲉⲩⲱϫⲛ̅ ⲛ̅ ϭⲓⲛⲉⲧϫⲓⲕⲓⲃⲉ
ϩⲛ̅ ⲛⲉⲡⲗⲁⲧⲓⲁ ⲛ̅ ⲧⲡⲟⲗⲓⲥ : ⲓ̅ⲃ. Ⲁ̅ ⲩϫⲟⲟⲥ ⲛ̅ ⲛⲉⲩⲙⲁⲁⲩ ϫⲉ ⲉϥⲧⲱⲛ ⲥⲟⲩⲟ ϩⲓⲏⲣⲡ̅
ϩⲙ̅ ⲡⲧⲣⲉⲩϣⲱⲥⲙ̅ ⲛ̅ ϩⲏⲧ ⲛ̅ ⲑⲉ ⲛ̅ ⲛⲉⲧϣⲟⲟϭⲉ ϩⲛ̅ ⲛⲉⲡⲗⲁⲧⲓⲁ ⲛ̅ ⲧⲡⲟⲗⲓⲥ ϩⲙ̅ ⲡⲧⲣⲉⲩϫⲧⲉϫⲱⲟⲩ
ⲉⲕⲟⲩⲟⲩⲛⲟⲩ ⲛ̅ ⲛⲉⲩⲙⲁⲁⲩ : ⲓ̅ⲅ. Ⲟ̅ ⲩ ⲡⲉⲧⲛⲁⲣ̅ ⲙⲛ̅ ⲧⲣⲉ ⲙ̅ ⲙⲟϥ ⲏ̅ ⲉⲉⲓⲛⲁⲧⲛ̅ ⲧⲱⲛⲉ ⲉⲛⲓⲙ ⲧϣⲉⲉⲣⲉ
ⲛ̅ ⲐⲒ̅ⲏ̅ ⲙ̅ . ⲛⲓⲙ ⲡⲉⲧⲛⲁⲛⲁϩⲙⲉ ⲏ̅ ⲛⲓⲙ ⲡⲉⲧⲛⲁⲥⲉⲡⲥⲱⲡⲉ ⲧⲡⲁⲣⲑⲉⲛⲟⲥ ⲧϣⲉⲉⲣⲉ ⲛ̅ Ⲥⲓⲱⲛ ϫⲉ
ⲁϥⲁϣⲁⲓ ⲛ̅ ϭⲓⲡⲁⲡⲟⲧ ⲙ̅ ⲡⲟⲩⲟⲩⲱϣϥ̅. ⲛⲓⲙ ⲡⲉⲧⲛⲁⲧⲁⲗϭⲟ : ⲓ̅ⲇ.
Ⲛ̅ ⲟⲩⲡⲣⲟⲫⲏⲧⲏⲥ ⲁⲩⲛⲁⲩ ⲉϩⲉⲛⲡⲉⲧϣⲟⲩⲉⲓⲧ ⲙⲛ̅ ⲟⲩⲙ̅ ⲛ̅ ⲧ̅ ⲁⲑⲏⲧ . ⲁⲩⲱ ⲁⲩϩⲱⲃⲥ̅
ⲉϫⲙ̅ ⲡⲟⲩϫⲓⲛϭⲟⲛⲥ̅ ⲉⲧⲣⲉⲩⲕⲧⲟ ⲛ̅ ⲧⲟⲩⲁⲓⲭⲙⲁⲗⲱⲥⲓⲁ ⲁⲩⲛⲁⲩ ⲁⲩⲱ ⲁⲩϯ ⲛⲉ ⲛ̅ ϩⲉⲛⲗⲏⲙⲙⲁ
ⲉⲩϣⲟⲩⲉⲓⲧ ⲁⲩⲱ ⲉⲩⲧⲥⲧⲏⲩ ⲉⲃⲟⲗ : Ⲁ̅ ⲩϣϭⲁϭⲓϫ ⲉϩⲣⲁⲓ ⲉϫⲱ ⲛ̅ ϭⲓⲟⲩⲟⲛ ⲛⲓⲙ ⲉⲧⲙⲟⲟϣⲉ
ϩⲓⲧⲉϩⲓⲏ ⲁⲩϥⲓϣⲙ̅ ϣⲏϭⲉ ⲁⲩⲱ ⲁⲩⲕⲓⲙ ⲛ̅ ⲧⲉⲩⲁⲡⲉ ⲉϫⲛ̅ ⲧϣⲉⲉⲣⲉ ⲛ̅ ⲐⲒ̅ⲏ̅ ⲙ̅ ⲉⲩϫⲱ ⲙ̅ ⲙⲟⲥ ϫⲉ
ⲧⲁⲓ ⲧⲉ ⲧⲡⲟⲗⲓⲥ ⲛ̅ ⲧⲟⲥ ⲡⲉ ⲡⲉⲕⲗⲟⲙ ⲙ̅ ⲡⲉⲟⲟⲩ ⲙ̅ ⲡⲟⲩⲛⲟϥ ⲙ̅ ⲡⲕⲁϩ ⲧⲏⲣϥ̅ : ⲓ̅Ⲋ. Ⲁ̅ ⲩⲟⲩⲱⲛ
ⲛ̅ ⲣⲱⲟⲩ ⲉϩⲣⲁⲓ ⲉϫⲱ ⲛ̅ ϭⲓⲛⲟⲩϫⲁϫⲉ ⲧⲏⲣⲟⲩ ⲁⲩϥⲓϣⲙ̅ ϣⲏϭⲉ ⲁⲩⲱ ⲁⲩϩⲣⲟϫⲣⲉϫ
ⲛ̅ ⲛⲉⲩⲟⲃϩⲉ ⲁⲩϫⲟⲟⲥ . ϫⲉ ⲁⲛⲟⲙⲕⲥ̅ ⲡⲗⲏⲛ ⲡⲁⲓ ⲡⲉ ⲡⲉϩⲟⲟⲩ ⲉⲧⲛ̅ ϭⲱϣⲧ̅ ⲉⲃⲟⲗ ϩⲏⲧϥ̅
ⲁⲛϩⲉ ⲉⲣⲟⲥ ⲁⲩⲱ ⲁⲛⲙⲉϩⲉⲓⲁⲧⲛ̅ ⲙ̅ ⲙⲟⲥ : ⲓ̅ⲍ. Ⲁ̅ ⲡϫⲟⲉⲓⲥ ⲉⲓⲣⲉ ⲛ̅ ⲛⲉⲛⲧⲁϥⲙⲉⲉⲩⲉ ⲉⲣⲟⲟⲩ
ⲁϥϫⲱⲕ ⲉⲃⲟⲗ ⲛ̅ ⲛ̅ ϣⲁϫⲉ ⲉⲛⲧⲁϥϩⲱⲛ ⲙ̅ ⲙⲟⲟⲩ ϫⲓⲛⲛⲉϥϩⲟⲟⲩ ⲛ̅ ϣⲟⲣⲡ̅ ⲙ̅ ⲡϥ̅ϯⲥⲟ
ⲁϥⲧⲣⲉⲡⲟⲩϫⲁϫⲉ ⲉⲩⲫⲣⲁⲛⲉ ⲉϩⲣⲁⲓ ⲉϫⲱ . ⲁⲩⲱ ⲁϥϫⲓⲥⲉ ⲙ̅ ⲡⲧⲁⲡ ⲙ̅ ⲡⲉⲧⲑⲗⲓⲃⲉ ⲙ̅ ⲙⲟ : ⲓ̅ⲏ.
Ⲁⲡⲉⲩϩⲏⲧ ⲱϣ ⲉϩⲣⲁⲓ ⲉⲠϫⲟⲉⲓⲥ ⲛ̅ ⲥⲟⲃⲧ̅ ⲛ̅ Ⲥⲓⲱⲛ ϣⲟⲩⲟ ⲉⲡⲉⲥⲏⲧ ⲛ̅ ϩⲉⲛⲣⲙ̅ ⲉⲓⲏ ⲛ̅ ⲑⲉ
ⲛ̅ ⲟⲩⲙⲟⲩⲛ̅ ⲥⲱⲣⲙ̅ ⲙ̅ ⲡⲉϩⲟⲟⲩ ⲙⲛ̅ ⲧⲉⲩϣⲏ ⲙ̅ ⲡⲣ̅ ϯⲱⲃϣ̅ ⲛⲉ ⲧϣⲉⲉⲣⲉ ⲙ̅ ⲡⲣ̅ ⲧⲣⲉⲡⲟⲩⲃⲁⲗ
ⲥϭⲣⲁϩⲧ̅ : ⲓ̅ⲑ̅ . Ⲧⲱⲟⲩⲛⲉ ⲛ̅ ⲧⲉⲧⲛ̅ ⲧⲉⲗⲏⲗ ϩⲛ̅ ⲧⲉⲩϣⲏ ⲉⲛⲁⲣⲭⲏ ⲛ̅ ⲧⲟⲩⲣ̅ ϣⲉ ⲡⲱϩⲧ̅ ⲉⲃⲟⲗ
ⲙ̅ ⲡⲟⲩϩⲏⲧ ⲛ̅ ⲑⲉ ⲛ̅ ⲟⲩⲙⲟⲟⲩ ⲙ̅ ⲡⲉⲙ̅ ⲧⲟ ⲉⲃⲟⲗ ⲙ̅ Ⲡϫⲟⲉⲓⲥ ϥⲓ ⲉϩⲣⲁⲓ ⲉⲣⲟϥ ⲛ̅ ⲛⲟⲩϭⲓϫ
ⲉⲧⲃⲉⲧⲉⲯⲩⲭⲏ ⲛ̅ ⲛⲟⲩϣⲏⲣⲉ ⲕⲟⲩⲓ ⲛⲁⲓ ⲉⲛⲧⲁⲩϣⲱⲥⲙ̅ ϩⲛ̅ ⲟⲩϩⲕⲟ ϩⲓϫⲛ̅ ⲧⲁⲣⲭⲏ ⲛ̅ ⲛⲉϩⲓⲟⲟⲩⲉ
ⲧⲏⲣⲟⲩ ⲙ̅ ⲙⲟⲟϣⲉ : Ϭ̅ⲱϣⲧ̅ Ⲡϫⲟⲓⲥ ⲁⲩⲱ ⲛⲅ̅ ϯϩⲧⲏⲕ ϫⲉ ⲛⲓⲙ ⲡⲉⲛⲧⲁϥⲑⲙ̅ ⲕⲟϥ ⲉⲛⲉⲧⲁⲓ ⲧⲉ
ⲑⲉ ⲉⲧⲉⲣⲉⲛⲉϩⲓⲟⲙⲉ ⲛⲁⲟⲩⲱⲙ ⲙ̅ ⲡⲕⲁⲣⲡⲟⲥ ⲛ̅ ϩⲏⲧⲟⲩ ⲡⲙⲁⲅⲉⲓⲣⲟⲥ ⲁϥⲉⲓⲣⲉ ⲛ̅ ⲟⲩⲑⲙ̅ ⲕⲟ
ⲉⲛⲉⲩⲛⲁϩⲱⲧⲃ̅ ⲛ̅ ϩⲉⲛϣⲏⲣⲉ ⲕⲟⲩⲓ ⲉⲩϫⲓⲉⲕⲓⲃⲉ ⲏ ⲉⲕⲛⲁⲙⲟⲩⲟⲩⲧ ⲛ̅ ⲟⲩⲏⲏⲃ ⲙⲛ̅ ⲟⲩⲡⲣⲟⲫⲏⲧⲏⲥ
ϩⲙⲡⲉⲧⲟⲩⲁⲁⲃ ⲙ̅ Ⲡϫⲟⲉⲓⲥ : ⲕ̅ ⲁ̅ . Ⲁ̅ ⲩⲛ̅ ⲕⲟⲧⲕ̅ ϩⲓⲧⲉϩⲓⲏ ⲙ̅ ⲙⲟⲟϣⲉ ⲛ̅ ϭⲓⲛⲟⲩϣⲏⲣⲉ ⲕⲟⲩⲓ ⲙⲛ̅ ϩⲗ̅ ⲗⲟ
ⲛⲁⲡⲁⲣⲑⲉⲛⲟⲥ ⲙⲛ̅ ⲛⲁϩⲣ̅ ϣⲓⲣⲉ ⲁⲩⲃⲱⲕ ϩⲛ̅ ⲟⲩⲁⲓⲭⲙⲁⲗⲱⲥⲓⲁ ⲁⲕϩⲟⲧⲃⲟⲩ ϩⲛ̅ ⲟⲩⲥⲏϥⲉ
ϩⲙ̅ ⲡⲉϩⲟⲟⲩ ⲙ̅ ⲡⲉⲕϭⲱⲛⲧ̅ ⲁⲕϭⲉϫϭⲱϫⲟⲩ ⲙ̅ ⲡⲕ̅ ϯⲥⲟ : ⲕ̅ ⲃ̅ . Ⲁ̅ ⲕⲙⲟⲩⲧⲉ ⲉⲩϩⲟⲟⲩ ⲛ̅ ϣⲁ
ⲙ̅ ⲡⲕⲱⲧⲉ ⲙ̅ ⲡⲁⲙⲁⲛ̅ ϭⲟⲉⲓⲗⲉ ⲁⲩⲱ ⲙ̅ ⲡⲉⲗⲁⲁⲩ ⲟⲩϫⲁⲓ ⲉⲁϥϣⲱϫⲡ̅ ϩⲙ̅ ⲡⲉϩⲟⲟⲩ ⲙ̅ ⲡϭⲱⲛⲧ̅
ⲙ̅ ⲡϫⲟⲓⲥ ⲛ̅ ⲑⲉ ⲉⲛⲧⲁⲕⲁⲙⲁϩⲧⲉ ⲁⲩⲱ ⲁⲕⲧⲁϣⲟ ⲛ̅ ⲛ̅ ϫⲁϫⲉ ⲧⲏⲣⲟⲩ.

4. Ⲕⲉⲫ.Ⲅ̅ . Ⲁⲛⲅ̅ ⲡⲣⲱⲙⲉ ⲁⲛⲟⲕ ⲉⲧⲛⲁⲩ ⲉⲧⲙ̅ ⲛ̅ ⲧ̅ ϩⲏⲕⲉ ⲁϥⲉⲓ ⲉϩⲣⲁⲓ ⲉϫⲱⲓ ϩⲙ̅ ⲡϭⲉⲣⲱⲃ
ⲙ̅ ⲡⲉϥϭⲱⲛⲧ̅ . ⲃ̅ . Ⲁϥⲁⲙⲁϩⲧⲉ ⲙ̅ ⲙⲟⲓ ⲁⲩⲱ ⲁϥϫⲓⲧ ⲉϩⲟⲩⲛ ⲉⲩⲕⲁⲕⲉ ⲉⲩⲟⲉⲓⲛ ⲁⲛ. ⲅ̅ . Ⲡⲗⲏⲛ
ⲁϥⲕⲧⲟ ⲛ̅ ⲧⲉϥϭⲓϫ ϩⲣⲁⲓ ⲛ̅ ϩⲏⲧ ⲙ̅ ⲡⲉϩⲟⲟⲩ ⲧⲏⲣϥ̅. ⲇ̅ . Ⲁϥⲧⲣⲉⲧⲁⲥⲁⲣⲝ̅ ϩⲓⲧⲉ ⲙⲛ̅ ⲡⲁϣⲁⲁⲣ.
Ⲁϥⲟⲩⲱϣϥ̅ ⲛ̅ ⲛⲁⲕⲉⲉⲥ : Ⲁ̅ ϥⲕⲱⲧⲉ ⲉⲣⲟⲓ ⲁⲩⲱ ⲁϥⲱⲣⲃ̅ ⲉϩⲟⲩⲛ ⲛ̅ ⲧⲁⲁⲡⲉ Ⲋ. ⲁϥⲑⲙ̅ ⲕⲟⲓ
ϩⲛ̅ ϩⲉⲛⲙⲁ ⲛ̅ ⲕⲁⲕⲉ ⲁϥⲑⲙ̅ ⲥⲟⲓ ⲉϩⲣⲁⲓ ⲛ̅ ⲑⲉ ⲛ̅ ϩⲉⲛⲕⲱⲱⲥ ⲛ̅ ϣⲁⲉⲛⲉϩ. ⲍ̅ . ⲁϥⲕⲱⲧ ⲉⲣⲱⲉⲓ ⲁⲩⲱ
ⲛ̅ ϯⲛⲁⲃⲱⲕ ⲉⲃⲟⲗ ⲁⲛ ⲁϥⲧⲁϣⲟ ⲙ̅ ⲡⲁϩⲟⲙⲧ̅ : ⲏ. ϯⲛⲁϫⲓϣⲕⲁⲕ ϭⲉ ⲉⲃⲟⲗ ⲉϩⲣⲁⲓ ⲉⲣⲟϥ ⲧⲁⲱϣ
ⲉⲃⲟⲗ ⲙⲡϥ̅ϯⲙⲁ ⲉⲧⲣⲉⲧⲁⲡⲣⲟⲥⲉⲩⲭⲏ ϫⲱⲧⲉ : ⲑ̅ . Ⲁϥⲕⲱⲧ ⲉⲣⲛ̅ ⲛⲁϩⲓⲟⲟⲩⲉ ⲁⲩⲱ ⲁϥϣⲧⲁⲙ
ⲛ̅ ⲛⲁⲙⲁ ⲙ̅ ⲙⲟⲟϣⲉ. ⲁⲥϣⲧⲣ̅ ⲧⲱⲣⲧ ⲛ̅ ϭⲓⲟⲩⲥⲁⲣⲝ̅ ⲉⲥϭⲱⲣϭ̅ ⲛ̅ ⲧⲟϥ ⲡⲉⲛⲧⲁϥⲣ̅ ⲙⲟⲩⲓ ⲉⲣⲟⲓ
ϩⲙ̅ ⲡⲙⲁ ⲉⲧϩⲏⲡ. ⲓ̅ⲁ. Ⲁϥⲡⲱⲧ ⲛ̅ ⲥⲁⲡⲉⲧⲁϩⲉⲣⲁⲧϥ̅ ⲁⲩⲱ ⲁϥⲣⲁϩⲧ ⲁϥⲕⲁⲁⲧ ⲉⲉⲓⲧⲁⲕⲏⲩⲧ : ⲓ̅ⲃ.
Ⲁϥϫⲱⲗⲕ̅ ⲛ̅ ⲧⲉϥⲡⲓⲧⲉ ⲁⲩⲱ ⲁϥⲧⲁϩⲟⲓ ⲉⲣⲁⲧ ⲛ̅ ⲑⲉ ⲛ̅ ⲟⲩⲥⲕⲟⲡⲟⲥ ⲉⲧⲣⲉϥⲛⲟⲩϫⲉ ⲙ̅ ⲡⲉϥⲥⲟⲧⲉ
ⲉϩⲟⲩⲛ ⲉⲣⲟⲓ . ⲓ̅ⲅ̅ . ⲁϥⲧⲣⲉⲩϫⲱⲧⲉ ⲉϩⲟⲩⲛ ⲉⲛⲁϭⲗⲟⲧⲉ ⲛ̅ ϭⲓⲛ̅ ⲥⲟⲧⲉ ⲙ̅ ⲡⲉϥϩⲛⲁⲁⲩ ⲛ̅ ⲕⲁⲥⲟⲧⲉ . ⲓ̅ⲇ.
Ⲁⲓϣⲱⲡⲉ ⲛ̅ ⲥⲱⲃⲉ ⲙ̅ ⲡⲗⲁⲟⲥ ⲧⲏⲣϥ̅ ⲛⲉⲉⲓⲟ ⲛⲁⲩ ⲛ̅ ⲯⲁⲗⲙⲟⲥ ⲙ̅ ⲡⲉϩⲟⲟⲩ ⲧⲏⲣϥ̅ : Ⲁ̅ ϥⲧⲥⲓⲟⲉⲓ
ⲛ̅ ⲥⲓϣⲉ ⲁⲩⲱ ⲁϥⲧⲣⲁϯϩⲉ ϩⲛ̅ ⲟⲩⲭⲟⲗⲏ. ⲓ̅Ⲋ. Ⲁϥⲑⲓⲟ ⲛ̅ ⲛⲁⲟⲃϩⲉ ϩⲛ̅ ⲟⲩⲁⲗ ⲛ̅ ⲱⲛⲉ ⲁⲩⲱ
ⲁϥⲧⲙ̅ ⲙⲟⲓ ⲛ̅ ⲟⲩⲕⲣ̅ ⲙⲉⲥ . ⲓ̅ⲍ. Ⲁⲩⲱ ⲁϥⲛⲟⲩϫⲉ ⲛ̅ ⲧⲁⲯⲩⲭⲏ ⲉⲃⲟⲗ ϩⲛ̅ ϯⲣⲏⲛⲏ . ⲁⲓⲣ̅ ⲡⲱⲃϣ
ⲛ̅ ⲛⲁⲁⲅⲁⲑⲟⲛ . ⲓ̅ⲏ. Ⲁⲩⲱ ⲁϥⲧⲁⲕⲟ ⲛ̅ ϭⲓⲡⲁⲧⲁϫⲣⲟ ⲙⲛ̅ ⲧⲁϩⲉⲗⲡⲓⲥ ⲉⲃⲟⲗ ϩⲓⲧⲙ̅ Ⲡϫⲟⲉⲓⲥ : ⲓ̅ⲑ̅ .
Ⲁⲓⲣ̅ ⲡⲙⲉⲉⲩⲉ ⲉⲃⲟⲗ ϩⲛ̅ ⲧⲁⲙ̅ ⲛ̅ ⲧ̅ ϩⲏⲕⲉ ⲙⲛ̅ ⲡⲁⲇⲓⲱⲅⲙⲟⲥ ⲟⲩⲥⲓϣⲉ ⲙⲛ̅ ⲟⲩⲭⲟⲗⲏ.
Ⲥⲉⲛⲁⲣ̅ ⲡⲁⲙⲉⲉⲩⲉ ⲁⲩⲱ ⲉⲣⲉⲧⲁⲯⲩⲭⲏ ϫⲓϩⲣⲁⲥ ⲛⲙ̅ ⲙⲁⲓ .
Ⲧⲁⲓ ϯⲛⲁⲕⲁⲁⲥ ϩⲙ̅ ⲡⲁϩⲏⲧ ⲉⲧⲃⲉⲡⲁⲓ ϯⲛⲁϩⲩⲡⲟⲙⲓⲛⲉ ⲉⲧⲙ̅ ⲛ̅ ⲧ̅ ⲛⲁ ⲙ̅ Ⲡϫⲟⲉⲓⲥ. ⲕ̅ ⲃ̅ . ϫⲉ
ⲙ̅ ⲡⲉϥⲕⲁⲁⲧ ⲛ̅ ⲥⲱϥ ⲟⲩⲇⲉ ⲙ̅ ⲡⲟⲩⲱϫⲛ̅ ⲛ̅ ϭⲓⲛⲉϥⲙ̅ ⲛ̅ ⲧ̅ ϣⲁⲛϩⲧⲏϥ ϩⲛ̅ ⲛⲉⲃⲁⲧⲉ ⲙⲛ̅ ⲛⲉϩⲟⲟⲩ
ⲧⲏⲣⲟⲩ : Ⲛ̅ ⲁ ⲛⲁⲛ Ⲡϫⲟⲉⲓⲥ ϫⲉ ⲙ̅ ⲡⲛ̅ ⲱϫⲛ̅ ϫⲉ ⲙ̅ ⲡⲟⲩⲱϫⲛ̅ ⲛ̅ ϭⲓⲛⲉⲕⲙ̅ ⲛ̅ ⲧ̅ ϣⲁⲛϩⲧⲏϥ. ⲕ̅ ⲅ̅ .
Ϩⲉⲛⲃⲣ̅ ⲣⲉ ⲛⲉⲧⲛⲁϣⲱⲡⲉ ⲉⲧⲉϩⲟⲩⲉⲓⲧⲉ ⲧⲉⲕⲡⲓⲥⲧⲓⲥ ⲛⲁϣⲱⲥ. ⲕ̅ ⲇ̅ . Ⲁⲧⲁⲯⲩⲭⲏ ϫⲟⲟⲥ ϫⲉ
ⲧⲁⲙⲉⲣⲓⲥ ⲡⲉ Ⲡϫⲟⲉⲓⲥ ⲉⲧⲃⲉⲡⲁⲓ ϯⲛⲁϩⲩⲡⲟⲙⲓⲛⲉ ⲉⲣⲟϥ : Ⲟⲩⲁⲅⲁⲑⲟⲥ ⲡⲉ Ⲡϫⲟⲉⲓⲥ
ⲛ̅ ⲛⲉⲧⲛⲁϩⲩⲡⲟⲙⲓⲛⲉ ⲉⲣⲟϥ ⲟⲩⲁⲅⲁⲑⲟⲛ ⲡⲉ ⲛ̅ ⲧⲉⲯⲩⲭⲏ ⲉⲧⲛⲁϣⲓⲛⲉ ⲛ̅ ⲥⲱϥ : ⲕ̅ Ⲋ. Ⲁⲩⲱ
ⲥⲉⲛⲁϩⲩⲡⲟⲙⲓⲛⲉ ⲉⲡⲟⲩϫⲁⲓ ⲙ̅ Ⲡϫⲟⲉⲓⲥ ⲛⲥ̅ ϣⲱⲡⲉ ϩⲛ̅ ⲟⲩⲥϭⲣⲁϩⲧ̅ . ⲕ̅ ⲍ̅ . Ⲟⲩⲁⲅⲁⲑⲟⲛ ⲙ̅ ⲡⲣⲱⲙⲉ
ⲡⲉ ϩⲟⲧⲁⲛ ⲉϥϣⲁⲛⲓ ⲙ̅ ⲡⲛⲁϩⲃ̅ ⲉϫⲱϥ ϩⲛ̅ ⲧⲉϥⲙ̅ ⲛ̅ ⲧ̅ ⲕⲟⲩⲓ. ⲕ̅ ⲏ̅ . Ϥⲛⲁϩⲙⲟⲟⲥ ⲉϩⲣⲁⲓ ⲙⲁⲩⲁⲁϥ
ⲛϥ̅ⲕⲁⲣⲱϥ ϫⲉ ⲁϥⲧⲁⲗⲟϥ ⲉϫⲱϥ : ⲕ̅ ⲑ̅ . Ⲉϥⲉⲣⲁⲕⲧⲧⲉϥⲧⲁⲡⲣⲟ ⲉϩⲣⲁⲓ ⲉⲡⲉⲧⲛⲏ . ϫⲉ ⲉϥⲙⲏⲛ
ⲛ̅ ϭⲓⲑⲉⲗⲡⲓⲥ . Ϥⲛⲁⲣⲓⲕⲉ ⲛ̅ ⲧⲉϥⲟⲩⲟϭⲉ ⲙ̅ ⲡⲉⲧⲛⲁⲣⲁϩⲧϥ̅ ϥⲛⲁⲥⲓ ⲛ̅ ⲛⲟϭⲛⲉϭ. ⲗ̅ ⲁ̅ .
Ϫⲉ Ⲡϫⲟⲉⲓⲥ ⲛⲁⲕⲁⲁϥ ⲁⲛ ⲛ̅ ⲥⲱϥ ⲛ̅ ϣⲁⲉⲛⲉϩ : ⲗ̅ ⲃ̅ . ϫⲉ ⲁϥⲑⲃ̅ ⲃⲓⲟⲟⲩ ϥⲛⲁϣⲛ̅ ϩⲧⲏϥ
ⲕⲁⲧⲁⲡⲁϣⲁⲓ ⲙ̅ ⲡⲉϥⲛⲁ . ⲗ̅ ⲅ̅ . Ϫⲉ ⲙ̅ ⲡⲉϥⲟⲩⲱϣⲃ̅ ⲉⲃⲟⲗ ϩⲙ̅ ⲡⲉϥϩⲏⲧ ⲁϥⲑⲃ̅ ⲃⲓⲟ ⲛ̅ ⲛ̅ ϣⲏⲣⲉ
ⲛ̅ ⲛ̅ ⲣⲱⲙⲉ : ⲗ̅ ⲇ̅ . Ⲉ̅ ⲧⲣⲉϥⲑⲃ̅ ⲃⲓⲟ ϩⲁⲛⲉϥⲟⲩⲉⲣⲏⲧⲉ ⲛ̅ ⲛⲉⲧⲙⲏⲣ ⲧⲏⲣⲟⲩ ⲙ̅ ⲡⲕⲁϩ : Ⲉⲣⲓⲕⲉ ⲉⲃⲟⲗ
ⲙ̅ ⲡϩⲁⲡ ⲛ̅ ⲟⲩⲣⲱⲙⲉ ⲙ̅ ⲡⲉⲙ̅ ⲧⲟ ⲉⲃⲟⲗ ⲙ̅ ⲫⲟ ⲙ̅ ⲡⲉⲧϫⲟⲥⲉ. ⲗ̅ Ⲋ.Ⲉⲧϭⲁⲉⲓⲟ ⲛ̅ ⲟⲩⲣⲱⲙⲉ
ϩⲙ̅ ⲡⲧⲣⲉⲩϯϩⲁⲡ ⲉⲣⲟⲩ ⲉⲙ̅ ⲡⲉⲠϫⲟⲉⲓⲥ ϫⲟⲟⲥ. ⲗ̅ ⲍ̅ . Ⲛⲓⲙ ⲡⲉⲛⲧⲁϥϫⲟⲟⲥ ⲛ̅ ⲧⲉⲉⲓϩⲉ ⲁⲩⲱ
ⲁϥϣⲱⲡⲉ ⲙ̅ ⲡⲉⲠϫⲟⲉⲓⲥ ⲟⲩⲉϩⲥⲁϩⲛⲉ ϩⲓⲛⲁⲓ. ⲗ̅ ⲏ̅ . Ⲉⲃⲟⲗ ϩ̅ⲛ̅ ⲧⲧⲁⲡⲣⲟ ⲙ̅ ⲡⲉⲧϫⲟⲥⲉ ⲙⲉⲩⲉⲓ
ⲉⲃⲟⲗ ⲛ̅ ϭⲓ ⲙ̅ ⲡⲉⲑⲟⲟⲩ ⲙⲛ̅ ⲙ̅ ⲡⲉⲧⲛⲁⲛⲟⲩⲟⲩ : ⲗ̅ ⲑ̅ . ϫ̅ⲉ ⲟⲩ ϥⲛⲁⲕ̅ ⲣ̅ ⲙ̅ ⲣⲙ̅ ⲛ̅ ϭⲓⲡⲣⲱⲙⲉ
ⲉⲧⲃⲉⲡⲉϥⲛⲟⲃⲉ ⲉϥⲟⲛϩ̅ ⲛ̅ ϭⲓⲡⲣⲱⲙⲉ : Ⲙⲁⲣⲉⲛϩⲟⲧϩⲧ̅ ⲛ̅ ⲛⲉⲛϩⲓⲟⲟⲩⲉ ⲁⲩⲱ ⲛ̅ ⲧⲛ̅ ⲙⲟⲩϣⲧ̅
ⲛ̅ ⲛⲉⲛⲧⲁϭⲥⲉ ⲛ̅ ⲧⲛ̅ ⲕⲧⲟⲛ ϣⲁⲠϫⲟⲉⲓⲥ. ⲙ̅ ⲁ̅ . Ⲙⲁⲣⲛ̅ ⲧⲁⲗⲟⲛⲛⲉⲛϩⲏⲧ ⲉϫⲛ̅ ⲛⲉⲛϭⲓϫ
ⲛ̅ ⲛⲁϩⲣⲛ̅ ⲡⲉⲧϫⲟⲥⲉ ⲉⲧϩⲛ̅ ⲧⲡⲉ. ⲙ̅ ⲃ̅ . ⲁⲛⲣ̅ ⲛⲟⲃⲉ ⲁⲛⲁⲥⲉⲃⲉⲓ ⲁⲛϯϭⲱⲛⲧ̅ . ⲛ̅ ⲧⲟⲕ ⲇⲉ ⲙ̅ ⲡⲕ̅ ⲕⲱ ⲛⲁⲛ
ⲉⲃⲟⲗ : ⲙ̅ ⲅ̅ . Ⲁⲕⲡⲱⲣϣ̅ ⲉⲃⲟⲗ ⲁⲕϫⲓⲟⲩⲱ ϩⲛ̅ ⲟⲩϭⲱⲛⲧ̅ ⲁⲩⲱ ⲁⲕⲡⲱⲧ ⲛ̅ ⲥⲱⲛ ⲁⲕⲙⲟⲩⲟⲩⲧ

5. ⲙ̅ ⲙⲟⲛ ⲙ̅ ⲡⲉⲕϯⲥⲟ. ⲙ̅ ⲇ̅ . Ⲁⲕⲡⲱⲣϣ̅ ⲉⲃⲟⲗ ⲛ̅ ⲟⲩⲕⲗⲟⲟⲗⲉ ⲛⲁⲕ ⲉⲧⲃⲉⲧⲁⲡⲣⲟⲥⲉⲩⲭⲏ. Ⲉⲧⲣⲁⲑⲃ̅ ⲃⲓⲟ
ⲉⲧⲙ̅ ⲛⲁⲩ ⲁⲩⲱ ⲉⲛⲟϫⲧ̅ ⲉⲃⲟⲗ : ⲙ̅ Ⲋ. Ⲁ̅ ⲕⲕⲁⲁⲛ ⲛ̅ ⲧⲙⲏⲧⲉ ⲛ̅ ⲛ̅ ⲗⲁⲟⲥ . ⲁⲩⲟⲩⲱⲛ ⲛ̅ ⲧⲉⲩⲧⲁⲡⲣⲟ
ⲉϩⲣⲁⲓ ⲉϫⲱⲛ ⲛ̅ ϭⲓⲛⲉⲛϫⲁϫⲉ ⲧⲏⲣⲟⲩ. ⲙ̅ ⲍ̅ . Ⲁⲩϩⲟⲧⲉ ⲙⲛ̅ ⲟⲩϭⲱⲛⲧ̅ ϣⲱⲡⲉ ⲛⲁⲛ . ⲁⲩϥⲓⲧⲛ̅
ⲁⲩⲱ ⲁⲩⲣⲁϩⲧⲛ̅ . ⲙ̅ ⲏ̅ .
Ⲡⲁⲃⲁⲗ ⲛⲁϣⲟⲩⲟ ⲉⲃⲟⲗ ⲛ̅ ϩⲉⲛⲟⲑⲉ ⲙ̅ ⲙⲟⲟⲩ ⲉϫⲙ̅ ⲡⲟⲩⲱϣϥ̅ ⲛ̅ ⲧϣⲉⲉⲣⲉ ⲙ̅ ⲡⲁⲗⲁⲟⲥ : ⲙ̅ ⲑ̅ .
Ⲁ̅ ⲡⲁⲃⲁⲗ ⲙ̅ ⲕⲁϩ ⲛ̅ ϯⲛⲁⲕⲁⲣⲱⲓ ⲁⲛ ⲉⲧⲙ̅ ϥⲓϫⲱⲉⲓ ⲉϩⲣⲁⲓ. Ϣⲁⲛⲧⲉϥϭⲱϣⲧ̅ ⲛϥ̅ⲛⲁⲩ ⲛ̅ ϭⲓⲠϫⲟⲉⲓⲥ
ⲉⲃⲟⲗ ϩⲛ̅ ⲧⲡⲉ. ⲛ̅ ⲁ̅ . Ⲡⲁⲃⲁⲗ ⲛⲁϯⲙ̅ ⲕⲁϩ ⲉϫⲛ̅ ⲧⲁⲯⲩⲭⲏ ⲡⲁⲣⲁⲛ̅ ϣⲉⲉⲣⲉ ⲧⲏⲣⲟⲩ ⲛ̅ ⲧⲡⲟⲗⲓⲥ : ⲛ̅ ⲃ̅ .
Ϩ̅ⲛⲟⲩϭⲱⲣϭ̅ ⲁⲩϭⲱⲣϭ̅ ⲉⲣⲟⲓ ⲛ̅ ⲑⲉ ⲛ̅ ⲟⲩϫⲁϫ ⲛ̅ ϭⲓⲛⲁϫⲁϫⲉ ⲉⲡϫⲓⲛϫⲏ. ⲛ̅ ⲅ̅ . Ⲁⲩⲙⲟⲩⲟⲩⲧ
ⲙ̅ ⲡⲁⲱⲛϩ̅ ϩⲛ̅ ⲟⲩϣⲏⲓ ⲁⲩⲱ ⲁⲩⲧⲁⲗⲟ ⲛ̅ ⲟⲩⲱⲛⲉ ⲉϫⲱⲓ. ⲛ̅ ⲇ̅ . Ⲁϩⲉⲛⲙⲟⲟⲩⲧ ⲡⲱϩⲧ̅ ⲉϫⲛ̅ ⲧⲁⲁⲡⲉ
ⲁⲓϫⲟⲟⲥ ϫⲉ ⲁϥⲕⲁⲁⲧ ⲛ̅ ⲥⲱϥ :
Ⲁ̅ ⲓⲱϣ ⲉϩⲣⲁⲓ ⲟⲩⲃⲉⲡⲉⲕⲣⲁⲛ Ⲡϫⲟⲉⲓⲥ ⲉⲃⲟⲗ ϩⲛ̅ ⲟⲩϣⲏⲓ ⲙ̅ ⲡⲉⲥⲏⲧ . ⲛ̅ Ⲋ. Ⲁⲕⲥⲱⲧⲙ̅ ⲉⲧⲁⲥⲙⲏ
ⲙ̅ ⲡⲣ̅ ϩⲱⲡ ⲛ̅ ⲛⲉⲕⲙⲁⲁϫⲉ ⲉⲡⲁⲧⲱⲃϩ̅ . ⲛ̅ ⲍ̅ . Ⲁⲕϩⲱⲛ ⲉϩⲟⲩⲛ ⲉⲧⲁⲃⲟⲏⲑⲓⲁ ϩⲙ̅ ⲡⲉϩⲟⲟⲩ
ⲉⲛⲧⲁⲓⲉⲡⲓⲕⲁⲗⲓ ⲙ̅ ⲙⲟⲕ ⲁⲕϫⲟⲟⲥ ⲛⲁⲓ ϫⲉ ⲙ̅ ⲡⲣ̅ ⲣϩⲟⲧⲉ : ⲛ̅ ⲏ̅ . Ⲁⲕϯϩⲁⲡ Ⲡϫⲟⲉⲓⲥ ⲛ̅ ϩⲁⲡ
ⲛ̅ ⲧⲁⲯⲩⲭⲏ ⲁⲕⲥⲱⲧⲉ ⲙ̅ ⲡⲁⲱⲛϩ̅. ⲛ̅ ⲑ̅ .
Ⲁⲕⲛⲁⲩ Ⲡϫⲟⲉⲓⲥ ⲉⲛⲁϣⲧⲟⲣⲧⲣ̅ ⲁⲕⲕⲣⲓⲛⲉ ⲙ̅ ⲡⲁϩⲁⲡ. Ⲁⲕⲛⲁⲩ ⲉⲡⲉⲩϫⲓⲕⲃⲁ ⲧⲏⲣϥ̅
ϩⲛ̅ ⲛⲉⲩⲙⲟⲕⲙⲉⲕ ⲧⲏⲣⲟⲩ ⲉⲧϣⲟⲟⲡ ⲉϩⲟⲩⲛ ⲉⲣⲟⲓ : ⲝ̅ ⲁ̅ . ̅Ⲁⲕⲥⲱⲧⲙ̅ ⲉⲡⲉⲩⲛⲟϭⲛⲉϭ Ⲡϫⲟⲉⲓⲥ
ⲛⲉⲩⲙⲟⲕⲙⲉⲕ ⲧⲏⲣⲟⲩ ⲉⲛⲧⲁⲩⲁⲁⲩ ⲉⲣⲟⲉⲓ ϩⲙ̅ ⲡⲉϩⲟⲟⲩ ⲧⲏⲣϥ̅ : ⲝ̅ ⲃ̅ . Ⲁⲩⲱ ⲡⲕⲓⲙ ⲛ̅ ⲛⲉⲥⲡⲟⲧⲟⲩ
ⲛ̅ ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ ⲁⲩⲱ ⲛⲉⲩⲙⲉⲗⲉⲧⲏ ⲛⲉⲩϣⲟⲟⲡ ⲉϩⲟⲩⲛ ⲉⲣⲟⲓ ⲙ̅ ⲡⲉϩⲟⲟⲩ ⲧⲏⲣϥ̅.
ⲝ̅ ⲅ̅ . Ⲧⲉⲩϭⲓⲛϩⲙⲟⲟⲥ ⲙⲛ̅ ⲧⲉⲩⲕⲉϭⲓⲛⲧⲱⲟⲩⲛ ϭⲱϣⲧ̅ ⲉϩⲣⲁⲓ ⲉϫⲛ̅ ⲛⲉⲩⲃⲁⲗ. ⲝ̅ ⲇ̅ . Ⲕⲛⲁⲧⲱⲱⲃⲉ ⲛⲁⲩ
Ⲡϫⲟⲉⲓⲥ ⲛ̅ ⲛⲟⲩⲧⲱⲱⲃⲉ ⲕⲁⲧⲁⲛⲉϩⲃⲏⲩⲉ ⲛ̅ ⲛⲉⲩϭⲓϫ : Ⲕ̅ ⲛⲁⲧⲱⲱⲃⲉ ⲛ̅ ⲟⲩϩⲓⲥⲉ ϩⲁⲧϭⲟⲙ
ⲙ̅ ⲡⲉⲩϩⲏⲧ ⲛ̅ ⲧⲟⲕ. ⲝ̅ Ⲋ̅ . Ⲕⲛⲁⲡⲱⲧ ⲛ̅ ⲥⲱⲟⲩ ϩⲛ̅ ⲧⲉⲕⲟⲣⲅⲏ ⲁⲩⲱ ⲛⲅ̅ ⲟϫⲛⲟⲩ ⲉⲃⲟⲗ ϩⲁⲡⲉⲥⲏⲧ
ⲛ̅ ⲧⲡⲉ Ⲡϫⲟⲉⲓⲥ :
Ⲕⲉⲫ.Ⲇ̅ . Ⲛⲁϣ ⲛ̅ ϩⲉ ⲁϥⲕⲣⲟⲙⲣⲙ̅ ⲛ̅ ϭⲓⲡⲛⲟⲩⲃ ⲁⲩⲱ ⲁϥϣⲓⲃⲉ ⲛ̅ ϭⲓⲫⲁⲧ ⲉⲧⲛⲁⲛⲟⲩϥ
ⲁⲩϫⲱⲱⲣⲉ ⲉⲃⲟⲗ ⲛ̅ ϭⲓⲛ̅ ⲱⲛⲉ ⲉⲧⲟⲩⲁⲁⲃ ϩⲛ̅ ⲧⲁⲣⲭⲏ ⲛ̅ ⲛⲉϩⲓⲟⲟⲩⲉ ⲧⲏⲣⲟⲩ ⲙ̅ ⲙⲟⲟϣⲉ : ⲃ̅ .
Ⲛ̅ ϣⲏⲣⲉ ⲛ̅ Ⲥⲓⲱⲛ ⲉⲧⲧⲁⲓⲏⲩ ⲛⲉⲧϫⲓⲥⲉ ⲙ̅ ⲙⲟⲟⲩ ϩⲙ̅ ⲡⲛⲟⲩⲃ ⲛ̅ ⲁϣ ⲛ̅ ϩⲉ ⲁⲩⲧⲛ̅ ⲧⲱⲛⲟⲩ
ⲉϩⲉⲛϩⲛⲁⲁⲩ ⲛ̅ ⲃⲗ̅ ϫⲉ ⲛⲉϩⲃⲏⲩⲉ ⲛ̅ ⲛ̅ ϭⲓϫ ⲙ̅ ⲡⲕⲉⲣⲁⲙⲉⲩⲥ : ⲅ̅ . Ϩ̅ⲉⲛⲇⲣⲁⲕⲱⲛ ⲁⲩϭⲱⲗⲡ̅ ⲉⲃⲟⲗ
ⲛ̅ ⲛⲉⲩⲉⲕⲓⲃⲉ ⲁⲩⲧⲥⲅ̅ ⲕⲉⲛⲉⲩⲙⲁⲥ ⲛ̅ ϣⲉⲉⲣⲉ ⲇⲉ ⲙ̅ ⲡⲁⲗⲁⲟⲥ ⲁⲩϣⲱⲡⲉ ⲉⲙⲛ̅ ⲡⲉⲧⲛⲁ ϩⲁⲣⲟⲟⲩ
ⲛ̅ ⲑⲉ ⲛ̅ ⲟⲩϫⲁϫ ϩⲓⲡϫⲁⲓⲉ : ⲇ̅ . Ⲁϥⲧⲱϭⲉ ⲛ̅ ϭⲓⲡⲗⲁⲥ ⲙ̅ ⲡⲉⲧϫⲓⲉⲕⲓⲃⲉ ⲉⲧⲉϥϣⲟⲩⲱⲃⲉ ϩⲛ̅ ⲟⲩⲉⲓⲃⲉ
ⲁⲛ̅ ϣⲏⲣⲉ ⲕⲟⲩⲓ ⲁⲓⲧⲓ ⲛ̅ ⲟⲩⲟⲉⲓⲕ . ⲉⲛϥ̅ϣⲟⲟⲡ ⲁⲛ ⲛ̅ ϭⲓⲡⲉⲧⲛⲁⲡⲱϣϥ̅ ⲛⲁⲩ : Ⲛ̅ ⲉⲧⲟⲩⲱⲙ
ⲛ̅ ⲛⲉϩⲣⲏⲩⲉ ⲁⲩⲱ ⲛⲉⲧⲟⲩϩⲗⲟⲟⲗⲉ ⲙ̅ ⲙⲟⲟⲩ ϩⲓϫⲛ̅ ⲛ̅ ⲕⲟⲕⲕⲟⲥ ⲁⲩϭⲟⲟⲗⲟⲩ ⲙ̅ ⲡⲓⲧⲛ̅ : Ⲋ̅ .
Ⲁ̅ ⲥⲁϣⲁⲓ ⲛ̅ ϭⲓⲧⲁⲛⲟⲙⲓⲁ ⲛ̅ ⲧϣⲉⲉⲣⲉ ⲙ̅ ⲡⲁⲗⲁⲟⲥ ⲉϩⲟⲩⲉⲧⲁⲛⲟⲙⲓⲁ ⲛ̅ Ⲥⲟⲇⲟⲙⲁ ⲧⲁⲓ
ⲉⲛⲧⲁⲩϣⲣ̅ ϣⲱⲣⲥ̅ ϩⲛ̅ ⲟⲩϭⲉⲡⲏ ⲙ̅ ⲡⲟⲩⲙ̅ ⲕⲁϩ ⲉⲛⲉⲩϭⲓϫ ⲛ̅ ϩⲏⲧⲥ̅ : ⲍ̅ . Ⲁ̅ ⲩⲧⲃ̅ ⲃⲟ
ⲛ̅ ϭⲓⲛⲉⲥⲛⲁⲍⲓⲣⲁⲓⲟⲥ ⲉⲧⲡⲟⲣϫ̅ ⲉⲃⲟⲗ ⲁⲩⲟⲩⲃⲁϣ ⲉϩⲟⲩⲉⲟⲩⲭⲓⲱⲛ ⲁⲩⲧⲱⲕ ⲉϩⲟⲩⲉⲡⲉⲣⲱⲧⲉ
ⲡⲉⲩⲉⲓⲛⲉ ⲥⲟⲧⲡ̅ ⲉϩⲟⲩⲉⲟⲩⲱⲛⲉ ⲛ̅ ⲥⲁⲡⲡⲓⲣⲟⲛ : ⲏ̅ . Ⲡ̅ ⲉⲩⲉⲓⲛⲉ ⲁϥⲕⲣⲟⲙⲣⲙ̅ ⲉϩⲟⲩⲉⲟⲩϩⲁⲓⲃⲉⲥ
ⲙ̅ ⲡⲟⲩⲥⲟⲩⲱⲛⲟⲩ ϩⲛ̅ ⲛⲉϩⲓⲟⲟⲩⲉ ⲁⲡⲉⲩϣⲁⲁⲣ ⲧⲱϭⲉ ⲉⲛⲉⲩⲕⲉⲉⲥ ⲁⲩϣⲟⲟⲩⲉ ⲁⲩⲣ̅ ⲑⲉ ⲛ̅ ⲟⲩϣⲉ :
ⲑ̅ . Ⲛ̅ ⲁⲛⲟⲩ ⲛⲉⲛⲧⲁⲩϣⲟⲟϭⲟⲩ ϩⲛ̅ ⲧⲥⲏϥⲉ ⲉϩⲟⲩⲉⲛⲉⲛⲧⲁⲩϣⲱϭⲉ ϩⲙ̅ ⲫⲉⲃⲱⲱⲛ ϫⲉ
ⲁⲩⲙⲟⲟϣⲉ ⲉⲩϫⲟⲧϩ̅ ϩⲁⲡⲉϩⲕⲟ ⲛ̅ ⲟⲉⲓⲕ ⲙⲛ̅ ⲛⲉϩⲣⲏⲩⲉ ⲛ̅ ⲧⲥⲱϣⲉ : Ⲛ̅ ϭⲓϫ ⲛ̅ ⲛⲉϩⲓⲟⲙⲉ

6. ⲛ̅ ϣⲁⲛϩⲧⲏⲩ ⲁⲩⲡⲓⲥⲉ ⲛ̅ ⲛⲉⲩϣⲏⲣⲉ ⲁⲩϣⲱⲡⲉ ⲛⲁⲩ ⲛ̅ ϩⲣⲉ ϩⲙ̅ ⲡⲟⲩⲱϣϥ̅ ⲛ̅ ⲧϣⲉⲉⲣⲉ
ⲙ̅ ⲡⲁⲗⲁⲟⲥ : ⲓ̅ⲁ̅ .
Ⲁⲡϫⲟⲉⲓⲥ ϫⲱⲕ ⲉⲃⲟⲗ ⲙ̅ ⲡϭⲱⲛⲧ̅ ⲛ̅ ⲧⲉϥⲟⲣⲅⲏ ⲁⲩⲱ ⲁϥϫⲉⲣⲟ ⲛ̅ ⲟⲩⲥⲁⲧⲉ ϩⲛ̅ Ⲥⲓⲱⲛ ⲁⲥⲟⲩⲱⲙ
ⲛ̅ ⲛⲉⲥⲥⲛ̅ ⲧⲉ : ⲓ̅ⲃ̅ . Ⲙⲡⲟⲩⲡⲓⲥⲧⲉⲩⲉ ⲛ̅ ϭⲓⲛ̅ ⲉⲣⲱⲟⲩ ⲙ̅ ⲡⲕⲁϩ . ⲟⲩⲟⲛ ⲛⲓⲙ ⲉⲧⲟⲩⲏϩ
ϩⲛ̅ ⲧⲟⲓⲕⲟⲩⲙⲉⲛⲏ ϫⲉ ϥⲛⲁⲃⲱⲕ ⲉϩⲟⲩⲛ ⲛ̅ ϭⲓⲡϫⲁϫⲉ ⲙⲛ̅ ⲡⲉⲧⲑⲗⲓⲃⲉ ⲙ̅ ⲙⲟⲟⲩ ϩⲓⲧⲛ̅ ⲙ̅ ⲡⲩⲗⲏ
ⲛ̅ Ⲑⲓ̅ⲏ̅ ⲙ̅ : ⲓ̅ⲅ̅ . Ⲉ̅ ⲧⲃⲉⲛ̅ ⲛⲟⲃⲉ ⲛ̅ ⲛⲉⲥⲡⲣⲟⲫⲏⲧⲏⲥ ⲙⲛ̅ ⲛ̅ ϫⲓ ⲛ̅ ϭⲟⲛⲥ̅ ⲛ̅ ⲛⲉⲥⲟⲩⲏⲏⲃ ⲛⲉⲛⲧⲁⲩⲡⲱϩⲧ̅
ⲛ̅ ⲟⲩⲥⲛⲟϥ ⲛ̅ ⲇⲓⲕⲁⲓⲟⲥ ϩⲛ̅ ⲧⲥⲏϥⲉ ϩⲛ̅ ⲧⲉⲥⲙⲏⲧⲉ : ⲓ̅ⲇ̅ . Ⲁ̅ ⲩⲕⲓⲙ ⲛ̅ ϭⲓⲛⲉⲧⲣⲟⲉⲓⲥ ⲉⲣⲟⲥ ϩⲛ̅ ⲛⲉϩⲓⲟⲟⲩⲉ
ⲁⲩⲧⲟⲗⲙⲟⲩ ⲛ̅ ⲥⲛⲟϥ ϩⲙ̅ ⲡⲧⲣⲉⲩⲧⲙ̅ ϭⲙ̅ ϭⲟⲙ ⲁⲩϫⲱϩ ⲉⲛⲉⲩϩⲟⲓⲧⲉ : Ⲥ̅ ⲁϩⲉⲧⲏⲩⲧⲛ̅ ⲉⲃⲟⲗ
ⲛ̅ ⲁⲕⲁⲑⲁⲣⲧⲟⲥ ⲁϫⲓⲥ ⲛⲁⲩ ϫⲉ ⲥⲁϩⲱⲧⲛ̅ ⲉⲃⲟⲗ ⲥⲁϩⲱⲧⲛ̅ ⲉⲃⲟⲗ ⲙ̅ ⲡⲣ̅ ϫⲱϩ ⲉⲣⲟⲟⲩ ϫⲉ
ⲁⲩϫⲉⲣⲟ ⲁⲩⲱ ⲁⲩⲕⲓⲙ : ⲁϫⲓⲥ ϩⲛ̅ ⲛ̅ ϩⲉⲑⲛⲟⲥ ϫⲉ ⲛ̅ ⲛⲉⲟⲩⲱϩ ⲉⲧⲟⲟⲧⲟⲩ ⲉⲧⲣⲉⲩϣⲱⲡⲉ ϩⲙ̅ ⲡⲙⲁ
ⲛ̅ ϭⲟⲉⲓⲗⲉ : ⲓ̅Ⲋ. Ⲫ̅ ⲟ ⲙ̅ Ⲡϫⲟⲉⲓⲥ ⲡⲉ ⲧⲉⲩⲙⲉⲣⲓⲥ ⲛϥ̅ⲛⲁⲟⲩⲱϩ ⲁⲛ ⲉⲧⲟⲟⲧϥ̅ ⲉϭⲱϣⲧ̅ ⲉϫⲱⲟⲩ
ⲙ̅ ⲡⲟⲩϫⲓⲫⲟ ⲛ̅ ⲛ̅ ⲟⲩⲏⲏⲃ ⲙ̅ ⲡⲟⲩⲛⲁ ⲛ̅ ϩⲗ̅ ⲗⲟ: ⲓ̅ⲍ̅ . Ⲉⲧⲓ ⲉⲛϣⲟⲟⲡ ⲁⲛⲉⲛⲃⲁⲗ ⲱϫⲛ̅
ⲛ̅ ⲥⲁⲧⲉⲛⲃⲟⲏⲑⲓⲁ ϩⲉⲛⲡⲉⲧϣⲟⲩⲉⲓⲧ ⲛⲉⲧⲛ̅ ϭⲱϣⲧ̅ ϩⲏⲧⲟⲩ: Ⲁⲛϭⲱϣⲧ̅ ⲉⲃⲟⲗ ϩⲏⲧϥ̅
ⲛ̅ ⲟⲩϩⲉⲑⲛⲟⲥ ⲉⲛϥ̅ⲛⲁⲧⲟⲩϫⲟⲛ ⲁⲛ. ⲓ̅ⲏ̅ . Ⲁⲛϩⲁⲣⲉϩ ⲉⲛⲉⲛϣⲏⲣⲉ ⲕⲟⲩⲓ ⲉⲧⲙ̅ ⲧⲣⲉⲩⲙⲟⲟϣⲉ
ϩⲛ̅ ⲛⲉⲛⲡⲗⲁⲧⲓⲁ : Ⲁ̅ ϥϩⲱⲛ ⲉϩⲟⲩⲛ ⲛ̅ ϭⲓⲡⲉⲛⲟⲩⲟⲉⲓϣ ⲁⲛⲉⲛϩⲟⲟⲩ ϫⲱⲕ ⲉⲃⲟⲗ ⲁϥⲉⲓ
ⲛ̅ ϭⲓⲡⲉⲛⲕⲁⲓⲣⲟⲥ. ⲓ̅ⲑ̅ . Ⲁⲩϣⲱⲡⲉ ⲉⲩⲁⲥⲱⲟⲩ ⲛ̅ ϭⲓⲛⲉⲧⲡⲏⲧ ⲛ̅ ⲥⲱⲛ ⲉϩⲟⲩⲉⲛ̅ ⲁϩⲉⲧⲟⲥ ⲛ̅ ⲧⲡⲉ
ⲁⲩⲙⲟⲩϩ ϩⲓϫⲛ̅ ⲛ̅ ⲧⲟⲟⲩ ⲁⲩϭⲱⲣϭ̅ ⲉⲣⲟⲛ ϩⲓⲡϫⲁⲉⲓⲉ : Ⲡⲉⲡ̅ ⲛ̅ ⲁ̅ ⲙ̅ ⲡⲉⲛϩⲟ ⲡⲉ Ⲡⲉⲭ̅ ⲥ̅ : Ⲡϫⲟⲉⲓⲥ
ⲁⲩⲧⲁϩⲟⲟⲩ ϩⲛ̅ ⲛⲉⲩⲧⲁⲕⲟ ⲡⲁⲓ ⲉⲛⲧⲁⲩϫⲟⲟϥ ϫⲉ ϩⲛ̅ ⲧⲉϥϩⲁⲓⲃⲉⲥ ⲧⲛ̅ ⲛⲁⲟⲩϫⲁⲓ ϩⲛ̅ ⲛ̅ ϩⲉⲑⲛⲟⲥ :
ⲕ̅ ⲁ̅ .
Ⲣ̅ ⲁ̅ ϣⲉ ⲛ̅ ⲧⲉⲉⲩⲫⲣⲁⲛⲉ ⲧϣⲉⲉⲣⲉ ⲛ̅ ϯⲇⲟⲩⲙⲁⲓⲁ ⲧⲉⲧⲟⲩⲏϩ ϩⲓϫⲙ̅ ⲡⲕⲁϩ ⲕⲁⲓ ⲅⲁⲣ ϥⲛⲏⲩ ⲉϫⲱ
ϩⲱⲱⲧⲉ ⲛ̅ ϭⲓⲡⲁⲡⲟⲧ ⲙ̅ Ⲡϫⲟⲉⲓⲥ ⲧⲉⲛⲁϯϩⲉ ⲁⲩⲱ ⲛ̅ ⲧⲉⲡⲱϩⲧ̅ ⲉⲃⲟⲗ : ⲕ̅ ⲃ̅ . Ⲁⲥⲱϫⲛ̅
ⲛ̅ ϭⲓⲧⲟⲩⲁⲛⲟⲙⲓⲁ ⲧϣⲉⲉⲣⲉ ⲛ̅ Ⲥⲓⲱⲛ ⲛⲉϥⲟⲩⲱϩ ⲉⲧⲟⲟⲧϥ̅ ⲉⲡⲟⲟⲛⲉ ⲉⲃⲟⲗ . ⲁϥϭⲙ̅ ⲡϣⲓⲛⲉ
ⲛ̅ ⲟⲩⲁⲛⲟⲙⲓⲁ ⲧϣⲉⲉⲣⲉ ⲛ̅ Ⲉⲇⲱⲙ ⲁϥϭⲱⲗⲡ̅ ⲉⲃⲟⲗ ⲛ̅ ⲛⲟⲩⲙ̅ ⲛ̅ ⲧ̅ ϣⲁϥⲧⲉ :
Ⲕⲉⲫ.Ⲉ̅ . Ⲁⲣⲓⲡⲙⲉⲉⲩⲉ Ⲡϫⲟⲉⲓⲥ ϫⲉ ⲟⲩ ⲡⲉⲛⲧⲁϥϣⲱⲡⲉ ⲙ̅ ⲙⲟⲛ ⲛⲅ̅ ϭⲱϣⲧ̅ ⲛ̅ ⲅⲛⲁⲩ
ⲉⲡⲉⲛⲛⲟϭⲛⲉϭ. ⲃ̅ . Ⲁⲧⲉⲛⲕⲗⲏⲣⲟⲛⲟⲙⲓⲁ ⲕⲧⲟⲥ ⲛ̅ ϩⲉⲛϣⲙ̅ ⲙⲟ ⲁⲛⲉⲛⲏⲓ ⲣ̅ ⲛⲁϩⲉⲙϣⲙ̅ ⲙⲟ . ⲅ̅ .
Ⲁⲛϣⲱⲡⲉ ⲛ̅ ⲟⲣⲫⲁⲛⲟⲥ ⲉⲙⲛ̅ ⲓⲱⲧ ϣⲟⲟⲡ ⲛⲁⲛ ⲁⲛⲉⲛⲙⲁⲁⲩ ⲣ̅ ⲑⲉ ⲛ̅ ϩⲉⲛⲭⲏⲣⲁ. ⲇ̅ .
Ϩⲛ̅ ⲛⲉⲛϩⲟⲟⲩ ⲡⲉⲛⲙⲟⲟⲩ ⲉⲛⲥⲱ ⲙ̅ ⲙⲟϥ ϩⲁϩⲟⲙⲧ̅ ⲛⲉⲛϣⲉ ϩⲁϣⲃ̅ ⲉⲓⲱ. Ⲁⲩⲉⲓ ⲉϫⲛ̅ ⲡⲉⲛⲙⲁⲕϩ̅ .
ⲁⲩⲡⲱⲧ ⲛ̅ ⲥⲱⲛ ⲁⲛϩⲓⲥⲉ ⲙ̅ ⲡⲛ̅ ⲙ̅ ⲧⲟⲛ. Ⲋ. ⲁⲬⲏⲙⲉ ϯⲧⲟⲟⲧϥ̅ ⲛ̅ Ⲁⲥⲥⲟⲩⲣ ⲉⲩⲥⲉⲓ ⲛ̅ ⲟⲉⲓⲕ. ⲍ̅ .
Ⲛⲉⲛⲉⲓⲟⲧⲉ ⲁⲩⲣ̅ ⲛⲟⲃⲉ ⲁⲩⲱ ⲛ̅ ⲥⲉϣⲟⲟⲡ ⲁⲛ ⲁⲛⲟⲛ ⲇⲉ ⲁⲛϥⲓ ϩⲁⲛⲉⲩⲁⲛⲟⲙⲓⲁ. ⲏ̅ .
Ⲁϩⲉⲛϩⲙ̅ ϩⲁⲗ ⲣ̅ ϫⲟⲉⲓⲥ ⲉⲣⲟⲛ ⲙ̅ ⲙⲛ̅ ⲡⲉⲧⲥⲱⲧⲉ ⲙ̅ ⲙⲟⲛ ⲉⲃⲟⲗ ϩⲛ̅ ⲛⲉⲩϭⲓϫ. ⲑ̅ . Ϩⲛ̅ ⲛⲉⲛⲯⲩⲭⲏ
ⲧⲛ̅ ⲛⲁϫⲓ ⲉϩⲟⲩⲛ ⲙ̅ ⲡⲉⲛⲟⲉⲓⲕ ⲙ̅ ⲡⲉⲙ̅ ⲧⲟ ⲉⲃⲟⲗ ⲛ̅ ⲧⲥⲏϥⲉ ⲙ̅ ⲡϫⲁⲉⲓⲉ. Ⲁⲡⲉⲛϣⲁⲁⲣ ⲕⲙⲟⲙ ⲛ̅ ⲑⲉ
ⲛ̅ ⲟⲩⲧⲣⲓⲣ ⲁⲩⲥⲟⲕⲟⲩ ⲉⲡⲉⲥⲏⲧ ϩⲓⲟⲩⲥⲟⲡ ⲙ̅ ⲡⲉⲙ̅ ⲧⲟ ⲉⲃⲟⲗ ⲛ̅ ⲛ̅ ϩⲁⲧⲏⲩ ⲙ̅ ⲫⲉⲃⲱⲱⲛ. Ⲛⲉϩⲓⲟⲙⲉ
ⲉⲧϩⲛ̅ Ⲥⲓⲱⲛ ⲁⲩⲑⲃ̅ ⲃⲓⲟⲟⲩ ⲁⲩⲑⲃ̅ ⲃⲓⲟ ⲛ̅ ⲙ̅ ⲡⲁⲣⲑⲉⲛⲟⲥ ϩⲛ̅ ⲙ̅ ⲡⲟⲗⲓⲥ ⲛ̅ Ⲓⲟⲩⲇⲁ. ⲓ̅ⲁ. Ⲛ̅ ⲁⲣⲭⲱⲛ
ⲁⲩⲉⲓϣⲉ ⲙ̅ ⲙⲟⲟⲩ ⲉϩⲣⲁⲓ ϩⲛ̅ ⲛⲉⲩϭⲓϫ ⲙ̅ ⲡⲟⲩϯⲉⲟⲟⲩ ⲛ̅ ⲛⲉⲡⲣⲉⲥⲃⲩⲧⲉⲣⲟⲥ. ⲓ̅ⲃ̅ . Ⲛ̅ ⲥⲱⲧⲡ̅
ⲁⲩϩⲙⲟⲟⲥ ⲁⲩⲣⲓⲙⲉ ⲁⲩⲛⲟⲩⲧ ϩⲙ̅ ⲡⲙⲁ ⲛ̅ ⲛⲟⲩⲧ. ⲓ̅ⲅ. ⲁⲩⲱ ⲛ̅ ϩⲣ̅ ϣⲓⲣⲉ ⲁⲩⲣ̅ ϭⲱⲃ ϩⲛ̅ ϩⲉⲛⲥⲁϣ
ⲛ̅ ϣⲉ. ⲓ̅ⲇ. Ⲛ̅ ϩⲗ̅ ⲗⲟ ⲁⲩⲗⲟ ϩⲓⲣⲛ̅ ⲙ̅ ⲡⲩⲗⲏ. ⲁⲛⲥⲱⲧⲡ̅ ⲗⲟ̅ ⲉⲩϫⲱ ⲛ̅ ⲛⲉⲩⲯⲁⲗⲙⲟⲥ. Ⲁϥⲱϫⲛ̅
ⲛ̅ ϭⲓⲡⲣⲁϣⲉ ⲙ̅ ⲡⲉⲛϩⲏⲧ ⲁⲡⲉⲛⲭⲟⲣⲟⲥ ⲕⲧⲟϥ ⲉⲩϩⲏⲃⲉ. ⲓ̅Ⲋ. Ⲁϥϩⲉ ⲛ̅ ϭⲓⲡⲉⲕⲗⲟⲙ ⲛ̅ ⲧⲉⲛⲁⲡⲉ .
ⲟⲩⲟⲉⲓ ⲛⲁⲛ ϫⲉ ⲁⲛⲣ̅ ⲛⲟⲃⲉ . ⲓ̅ⲍ. Ⲉⲧⲃⲉⲡⲁⲓ ⲁⲡⲉⲛϩⲏⲧ ϣⲱⲡⲉ ⲉϥⲙⲟⲕϩ̅ ⲉⲧⲃⲉⲡⲁⲓ ⲁⲛⲉⲛⲃⲁⲗ

7. ⲣ̅ ⲕⲁⲕⲉ ⲓ̅ⲏ. ⲉϫⲙ̅ ⲡⲧⲟⲟⲩ ⲛ̅ Ⲥⲓⲱⲛ ϫⲉ ⲁϥⲧⲁⲕⲟ ⲁⲛⲃⲁϣⲟⲣ ⲙⲟⲟϣⲉ ϩⲓϫⲱϥ . ⲓ̅ⲑ̅ .
Ⲛ̅ ⲧⲟⲕ ⲇⲉ Ⲡϫⲟⲉⲓⲥ ⲕϣⲟⲟⲡ ϣⲁϩⲉⲛⲅⲉⲛⲉⲁ ⲙⲛ̅ ϩⲉⲛⲅⲉⲛⲉⲁ. Ⲉⲧⲃⲉⲟⲩ ⲕⲛⲁⲣ̅ ⲡⲉⲛⲱⲃϣ̅
ⲉⲩⲑⲃ̅ ⲃⲓⲟ ⲛⲁⲛ ⲉⲕⲛⲁⲕⲁⲁⲛ ⲛ̅ ⲥⲱⲕ ⲉϩⲉⲛϩⲟⲟⲩ ⲉⲛⲁϣⲱⲟⲩ. ⲕ̅ ⲁ̅ . Ⲕⲧⲟⲛ ϣⲁⲣⲟⲕ Ⲡϫⲟⲉⲓⲥ
ⲁⲩⲱ ⲧⲛ̅ ⲛⲁⲕⲧⲟⲛ ⲛⲅ̅ ⲣ̅ ⲛⲉⲛϩⲟⲟⲩ ⲃ̅ ⲃⲣ̅ ⲣⲉ ⲛ̅ ⲑⲉ ⲛ̅ ϣⲟⲣⲡ̅ . ⲕ̅ ⲃ̅ . ϫⲉ ϩⲛ̅ ⲟⲩⲕⲱ ⲛ̅ ⲥⲱⲕ ⲁⲕⲕⲁⲁⲛ
ⲛ̅ ⲥⲱⲕ ⲁⲩⲱ ⲁⲕϭⲱⲛⲧ̅ ⲉⲣⲟⲛ ⲉⲙⲁⲧⲉ :
ⲛ̅ ⲉⲑⲣⲏⲛⲟⲥ ⲛ̅ ⲓⲉⲣⲉⲙⲓⲁⲥ