https://sawwaf.blogspot.com/2024/03/coptic-bible.html

1. ⲠϪⲰⲰⲘⲈ Ⲛ̅ ⲈⲤⲐⲒⲢ
Ⲡⲣⲟⲟⲓⲙⲓⲟⲛ. Ϩⲛ̅ ⲧⲥⲡ̅ ⲥⲛ̅ ⲧⲉ ⲉϥⲟ ⲛ̅ ⲣ̅ ⲣⲟ ⲛ̅ ϭⲓⲡⲛⲟϭ ⲛ̅ ⲛⲀⲣⲇⲁⲝⲉⲣⲝⲏⲥ ⲛ̅ ⲥⲟⲩⲁ̅ ⲙ̅ ⲡⲉⲃⲟⲧ ⲛ̅ Ⲛⲓⲥⲁⲛ .
Ⲙⲁⲣⲇⲟⲩⲕⲁⲓⲟⲥ ⲁϥⲛⲁⲩ ⲉⲩⲣⲁⲥⲟⲩ ⲡϣⲏⲣⲉ ⲛ̅ Ⲉⲓⲣⲁⲓⲟⲥ . ⲡϣⲏⲣⲉ ⲛ̅ Ⲥⲉⲙⲉⲓ . ⲡϣⲏⲣⲉ ⲛ̅ Ϭⲓⲥⲥⲁⲓⲟⲥ . ⲉⲃⲟⲗ
ϩⲛ̅ ⲧⲉⲫⲩⲗⲏ ⲙ̅ Ⲃⲉⲛⲓⲁⲙⲓⲛ ⲟⲩⲛⲟϭ ⲛ̅ ⲣⲱⲙⲉ ⲛ̅ Ⲓⲟⲩⲇⲁ . ⲉϥⲟⲩⲏ ϩⲛ̅ Ⲥⲟⲩⲥⲟⲥ ⲉϥϣⲙ̅ ϣⲉ ϩⲛ̅ ⲧⲁⲩⲗⲏ ⲙ̅ ⲡⲣ̅ ⲣⲟ .
ⲧⲁⲓⲭⲙⲁⲗⲱⲥⲓⲁ ⲉⲛⲧⲁⲚⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲁⲓⲭⲙⲁⲗⲱⲧⲓⲍⲉ ⲙ̅ ⲙⲟⲥ ⲉⲃⲟⲗ ϩⲛ̅ ⲑⲒⲉⲣⲟⲩⲥⲁⲗⲏⲙ.
ⲙⲛ̅ Ⲓⲉⲭⲟⲛⲓⲁⲥ ⲡⲣ̅ ⲣⲟ ⲛ̅ ϯⲟⲩⲇⲁⲓⲁ. Ⲁⲩⲱ ⲧⲁⲓ ⲧⲉ ⲧⲣⲁⲥⲟⲩ. Ⲉⲓⲥ ϩⲉⲛϩⲣⲟⲟⲩ ⲛ̅ ϣⲧⲟⲣⲧⲣ̅ ϩⲉⲛϩⲣⲟⲩⲃⲁⲓ .
ⲙⲛ̅ ⲟⲩⲕⲙ̅ ⲧⲟ . ⲙⲛ̅ ⲟⲩϣⲧⲟⲣⲧⲣ̅ ϩⲓϫⲙ̅ ⲡⲕⲁϩ . Ⲉⲓⲥ ⲛⲟϭ ⲥⲛⲁⲩ ⲛ̅ ⲇⲣⲁⲕⲱⲛ ⲉⲩⲥⲃ̅ ⲧⲱⲧ ⲁⲩϯⲡⲉⲩⲟⲩⲟⲓ ⲉϩⲟⲩⲛ
ⲉⲙⲓϣⲉ ⲙⲛ̅ ⲛⲟⲩⲉⲣⲏⲩ ⲡⲉⲩϩⲣⲟⲟⲩ ⲁϥϫⲓⲥⲉ . ⲁⲩⲱ ϩⲙ̅ ⲡⲉⲩϩⲣⲟⲟⲩ ⲁⲩⲥⲃ̅ ⲧⲉⲛ̅ ϩⲉⲑⲛⲟⲥ ⲧⲏⲣⲟⲩ
ⲉⲩⲡⲟⲗⲉⲙⲟⲥ ⲁⲩⲱ ⲟⲩⲕⲁⲓⲣⲟⲥ ⲉⲡⲟⲗⲉⲙⲓ ⲙⲛ̅ ⲟⲩϩⲉⲑⲛⲟⲥ . Ⲟⲩϩⲟⲟⲩ ⲛ̅ ⲕⲁⲕⲉ ϩⲓϭⲟⲥⲙ̅ . ⲟⲩⲑⲗⲓⲯⲓⲥ
ⲙⲛ̅ ⲟⲩϣⲧⲟⲣⲧⲣ̅ . ⲁⲩⲱ ⲟⲩⲛⲟϭ ⲛ̅ ⲑⲙ̅ ⲕⲟ ϩⲓϫⲙ̅ ⲡⲕⲁϩ . Ⲛ̅ ϩⲉⲑⲛⲟⲥ ⲧⲏⲣⲟⲩ ⲁⲩϣⲧⲟⲣⲧⲣ̅ ⲉⲩⲣ̅ ϩⲟⲧⲉ ϩⲏⲧⲟⲩ
ⲛ̅ ⲛⲉⲩⲡⲉⲑⲟⲟⲩ ⲁⲩⲥⲃ̅ ⲧⲱⲧⲟⲩ ⲉⲧⲁⲕⲟⲟⲩ . ⲁⲩⲱ ⲁⲩⲱϣ ⲉϩⲣⲁⲓ ⲉⲡⲛⲟⲩⲧⲉ. Ⲉⲃⲟⲗϫⲉ ϩⲙ̅ ⲡⲉⲩϩⲣⲟⲟⲩ
ⲁⲩⲕⲟⲩⲓ ⲙ̅ ⲡⲏⲅⲏ ϣⲱⲡⲉ ⲉⲩⲛⲟϭ ⲛ̅ ⲉⲓⲉⲣⲟ ⲙ̅ ⲙⲟⲟⲩ ⲉϥϣⲟⲩⲟ . ⲡⲟⲩⲟⲉⲓⲛ ⲙⲛ̅ ⲡⲣⲏ ⲁⲩϣⲁ ⲛⲉⲧⲑⲃ̅ ⲃⲓⲏⲩ
ⲁⲩϫⲁⲥⲧⲟⲩ ⲛ̅ ⲗⲁϣⲁⲛⲉ ⲇⲉ ⲁⲩⲟϫⲙⲟⲩ. Ⲛ̅ ⲧⲉⲣⲉⲘⲁⲣⲇⲟⲩⲭⲁⲓⲟⲥ ⲛⲁⲩ ⲉⲡⲉⲓⲣⲁⲥⲟⲩ ⲙⲛ̅ ⲛ̅ ⲟⲩⲁϩⲥⲁϩⲛⲉ
ⲛ̅ ⲧⲉⲡⲛⲟⲩⲧⲉ ⲁϥⲙⲟⲕⲙⲉⲕ ⲉⲣⲟϥ ϩⲣⲁⲓ ϩⲙ̅ ⲡⲉϥϩⲏⲧ ⲉⲧⲣⲉϥⲉⲓⲙⲉ ⲙ̅ ⲙⲟϥ ϩⲛ̅ ⲟⲩⲱⲣϫ̅ ϣⲁⲧⲉⲩϣⲏ ⲉⲧⲛⲏⲩ.
Ⲁ̅ . Ⲁⲩⲱ ⲁϥϣⲱⲡⲉ ϩⲛ̅ ⲛⲉϩⲟⲟⲩ ⲛ̅ Ⲁⲣⲇⲁⲝⲉⲣⲝⲏⲥ ⲉⲧⲉⲡⲉⲓⲀⲣⲇⲁⲝⲉⲣⲝⲏⲥ ⲡⲁⲓ ⲉⲛⲧⲁϥⲣ̅ ⲣ̅ ⲣⲟ ϫⲓⲙⲡⲕⲁϩ
ⲛ̅ Ϩⲛ̅ ⲧⲟⲩ ϣⲁϩⲣⲁⲓ ⲉⲀⲓⲑⲓⲟⲡⲓⲁ ⲉⲩⲛⲁⲣ̅ ⲧⲟϣ ⲣ̅ ⲕ̅ ⲍ̅ . ϩⲛ̅ ⲛⲉϩⲟⲟⲩ ⲉⲛⲧⲁⲀⲣⲇⲁⲝⲉⲣⲝⲏⲥ ϩⲙⲟⲟⲥ
ϩⲓϫⲙ̅ ⲡⲉϥⲑⲣⲟⲛⲟⲥ ⲙ̅ ⲃⲁⲥⲓⲗⲓⲕⲟⲛ ⲉⲧϩⲛ̅ Ⲥⲟⲩⲥⲟⲥ ⲧⲡⲟⲗⲓⲥ . ϩⲛ̅ ⲧⲣⲟⲙⲡⲉ ⲅ̅ ⲛ̅ ⲧⲉⲧⲉϥⲙⲛ̅ ⲧⲣ̅ ⲣⲟ . ⲁϥⲉⲓⲣⲉ
ⲛ̅ ⲟⲩⲇⲓⲡⲛⲟⲛ ⲛ̅ ⲛⲉϥⲁⲣⲭⲱⲛ ⲙⲛ̅ ⲛⲉϥϩⲙ̅ ϩⲁⲗ ⲧⲏⲣⲟⲩ . ⲉⲣⲉⲛ̅ ⲥⲧⲣⲁⲧⲓⲗⲁⲧⲏⲥ ⲛ̅ ⲙ̅ Ⲡⲉⲣⲥⲟⲥ ⲙⲛ̅ ⲙ̅ Ⲙⲏⲇⲟⲥ
ⲙ̅ ⲡⲉϥⲙ̅ ⲧⲟ ⲉⲃⲟⲗ . ⲙⲛ̅ ⲛ̅ ⲥⲁⲧⲣⲁⲡⲏⲥ ⲛ̅ ⲛⲉⲧⲟϣ . ⲉⲧⲣⲉⲩϭⲱϣⲧ̅ ⲉⲡⲟⲩⲱⲱⲗⲉ ⲛ̅ ⲧⲉϥⲙⲛ̅ ⲧⲣ̅ ⲣⲟ ⲉⲡⲉⲟⲟⲩ
ⲙⲛ̅ ⲡⲧⲁⲓⲟ ⲛ̅ ⲧⲉⲧⲉϥⲙ̅ ⲡϣⲁ . ⲛ̅ ϩⲟⲟⲩ ⲉⲛⲁϣⲱⲟⲩ ⲉⲧⲉ ⲣ̅ ⲟ̅ . Ⲁⲩⲱ ⲛ̅ ⲧⲉⲣⲉⲛⲉⲓϩⲟⲟⲩ ϫⲱⲕ ⲉⲃⲟⲗ ⲁⲡⲣ̅ ⲣⲟ
ⲉⲓⲣⲉ ⲛ̅ ⲕⲉⲇⲓⲡⲛⲟⲛ ⲙ̅ ⲡⲗⲁⲟⲥ ⲧⲏⲣϥ̅ ⲉⲧϩⲛ̅ Ⲥⲟⲩⲥⲟⲥ ⲧⲡⲟⲗⲓⲥ ϫⲓⲙⲡⲛⲟϭ ϣⲁⲡⲕⲟⲩⲓ ⲛ̅ ⲥⲁϣϥ̅ ⲛ̅ ϩⲟⲟⲩ
ϩⲛ̅ ⲧⲁⲩⲗⲏ ⲙ̅ ⲡϣϣⲏⲛ ⲉⲧϩⲁⲧⲙ̅ ⲡⲡⲁⲗⲗⲁⲧⲓⲟⲛ . Ϩⲁⲛϩⲏⲛⲉ ⲉⲩⲟⲩⲃⲁϣ ⲁⲩⲱ ⲛ̅ ϭⲉⲗⲃⲉⲥⲓ ⲛⲉⲩⲁϣⲉ ⲡⲉ
ⲉⲛ̅ ⲥⲧⲩⲗⲗⲟⲥ ⲉϩⲁⲛⲱⲛⲉ ⲛ̅ ϩⲟⲩⲁⲓⲛ ⲛⲉ. ⲁⲩⲱ ⲛ̅ ⲁⲗⲱ ⲛ̅ ϣⲛⲥ̅ ⲛ̅ ϫⲏϭⲉ ⲉⲩⲉⲓ ⲉⲃⲟⲗ ϩⲓⲧⲛ̅ ϩⲉⲛϣϭⲟⲩⲣ ⲛ̅ ϩⲁⲧ .
ⲁⲩⲱ ⲛⲉⲩⲛ̅ ϩⲉⲛϭⲗⲟϭ ⲙ̅ ⲙⲁⲩ ⲛ̅ ⲉⲓⲉⲡⲛⲟⲩⲃ ⲁⲩⲱ ⲛ̅ ϩⲁⲧ ⲉⲣⲉⲥⲁⲡⲉⲥⲏⲧ ⲙ̅ ⲙⲟⲟⲩ ⲧⲟϭⲥ̅ ⲛ̅ ⲁⲗⲁⲃⲁⲥⲧⲣⲟⲛ
ⲙⲛ̅ ⲁⲛⲁⲙⲏⲓ ⲙⲛ̅ ⲱⲛⲉ ⲛ̅ ⲭⲟⲩⲁⲓⲛ ⲉϥⲟⲩⲃⲁϣ ϩⲓⲕⲁⲙⲉ : Ⲥⲉⲥⲉ ⲇⲉ ⲉⲃⲟⲗ ϩⲛ̅ ϩⲉⲛⲁⲡⲟⲧ ⲛ̅ ⲛⲟⲩⲃ ⲟⲩⲁⲓ
ⲙ̅ ⲙⲟⲟⲩ ⲉϥⲟⲩⲟⲟⲧⲉ ⲉⲟⲩⲁⲓ. ϥϣⲟⲟⲡ ⲇⲉ ⲛ̅ ϭⲓⲡⲏⲣⲡ̅ ⲙ̅ ⲡⲣ̅ ⲣⲟ ⲉⲛⲁϣⲱϥ ⲛ̅ ϩⲟⲩⲟ ⲛ̅ ⲑⲉ ⲉⲧϣⲟⲩⲣⲟⲥ
ⲛ̅ ⲧⲙⲛ̅ ⲧⲛⲟϭ ⲛ̅ ⲛϭⲓϫ ⲛⲁⲡⲣ̅ ⲣⲟ . Ⲛⲉⲡϩⲁⲡ ⲇⲉ ⲡⲉ ⲙ̅ ⲡⲥⲩⲙⲡⲟⲥⲓⲟⲛ ⲉⲕⲁⲙⲁ ⲛ̅ ⲣⲱⲙⲉ ⲛⲓⲙ . ⲡⲣ̅ ⲣⲟ ⲅⲁⲣ
ⲁϥϩⲱⲛ ⲉⲧⲟⲟⲧⲟⲩ ⲉⲛⲉⲡⲣⲉⲥⲃⲩⲧⲉⲣⲟⲥ ⲛ̅ ⲧⲉⲡⲉϥⲡⲁⲗⲗⲁⲧⲓⲟⲛ ⲉⲧⲣⲉⲟⲩⲟⲛ ⲛⲓⲙ ⲣ̅ ⲕⲁⲧⲁⲡⲉϥⲟⲩⲱϣ. Ⲁⲩⲱ
Ⲁⲥⲧⲓⲛ ⲙⲁⲩⲁⲁⲧⲥ̅ ⲁⲥⲣ̅ ⲟⲩⲇⲓⲡⲛⲟⲛ ⲛ̅ ⲛ̅ ⲥϩⲓⲙⲉ ⲛ̅ ⲧⲉⲡⲡⲁⲗⲗⲁⲧⲓⲟⲛ ⲙ̅ ⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ. Ⲡⲙⲉϩⲥⲁϣϥ ⲇⲉ
ⲛ̅ ϩⲟⲟⲩ ⲉϥⲛⲏⲩ ⲉⲣⲉⲡϩⲏⲧ ⲙ̅ ⲡⲣ̅ ⲣⲟ ⲟⲩⲛⲟϥ ϩⲓⲧⲙ̅ ⲡⲥⲉⲏⲣⲡ̅ ⲁϥϩⲱⲛ ⲉⲘⲉⲑⲟⲩⲙⲁⲛ ⲙⲛ̅ Ⲃⲓⲥⲑⲁ
ⲙⲛ̅ Ϩⲁⲣⲃⲟⲛⲁ ⲙⲛ̅ Ⲃⲁⲕⲧⲁ ⲙⲛ̅ Ⲁⲃⲁⲕⲧⲁ ⲙⲛ̅ Ⲥⲉⲑⲁⲣ ⲙⲛ̅ Ⲭⲁⲣⲕⲉⲥ ⲉⲧⲉⲡⲥⲁϣϥ ⲛ̅ ⲥⲓⲟⲩⲣ ⲛⲉ ⲉⲩϣⲙ̅ ϣⲉ
ϩⲱⲱϥ ⲛ̅ Ⲁⲣⲇⲁⲝⲉⲣⲝⲏⲥ ⲡⲣ̅ ⲣⲟ. ⲉⲉⲛⲀⲥⲧⲓⲛ ⲧⲣ̅ ⲣⲱ ϩⲓⲡϩⲟ ⲙ̅ ⲡⲣ̅ ⲣⲟ ⲧⲁⲣⲉⲥⲟⲩⲡⲉⲥⲥⲁⲓⲉ ⲉⲃⲟⲗ ϩⲁⲑⲏ
ⲙ̅ ⲡⲗⲁⲟⲥ ⲧⲏⲣϥ̅ ⲁⲩⲱ ⲛ̅ ⲛ̅ ⲁⲣⲭⲱⲛ .ⲟⲩⲥⲁⲓⲉ ⲉⲙⲁⲧⲉ ⲅⲁⲣ ⲡⲉ ⲡⲉⲥⲥⲙⲟⲧ . ⲁⲩⲱ ⲙ̅ ⲡⲉⲀⲥⲧⲓⲛ ⲧⲣ̅ ⲣⲱ ⲥⲱⲧⲙ̅
ⲛ̅ ⲥⲱⲟⲩ ⲉⲃⲱⲕ ⲉϩⲟⲩⲛ ⲙⲛ̅ ⲛⲉⲥⲓⲟⲩⲣ . Ⲡⲣⲣⲟ ⲁϥⲙ̅ ⲕⲁϩ ⲛ̅ ϩⲏⲧ ⲁⲩⲱ ⲁϥϭⲱⲛⲧ : Ⲡⲉϫⲉⲡⲣ̅ ⲣⲟ ⲛ̅ ⲛⲉϥϣⲃⲉⲉⲣ ϫⲉ
ⲧⲁⲓ ⲧⲉ ⲑⲉ ⲉⲛⲧⲁⲀⲥⲧⲓⲛ ϣⲁϫⲉ . ⲁⲩⲱ ⲡⲣ̅ ⲣⲟ ⲁϥⲧⲁⲩⲉⲟⲩⲛⲟⲙⲟⲥ ⲙⲛ̅ ⲟⲩⲕⲣⲓⲥⲓⲥ ⲉⲛ̅ ⲁⲣⲭⲱⲛ . Ⲁⲣⲕⲉⲥⲁⲓⲟⲥ
ⲇⲉ ⲁϥϯⲡⲉϥⲟⲩⲟⲓ ⲉⲣⲟϥ ⲙⲛ̅ Ⲍⲁⲗⲁⲑⲁⲓⲟⲥ . ⲙⲛ̅ Ⲙⲁⲗⲏⲥⲉⲁⲣ ⲛ̅ ⲁⲣⲭⲱⲛ ⲛ̅ ⲙ̅ Ⲡⲉⲣⲥⲟⲥ ⲙⲛ̅ ⲙ̅ Ⲙⲏⲇⲟⲥ ⲛⲉⲧϩⲏⲛ
ⲉⲡⲣ̅ ⲣⲟ ⲛ̅ ϣⲟⲣⲡ̅ ⲉⲧϩⲙⲟⲟⲥ ϩⲓⲧⲟⲩⲱϥ. ⲁⲩϩⲱⲛ ⲉⲧⲟⲟⲧϥ̅ ⲛ̅ ⲛⲛⲟⲙⲟⲥ ⲛⲁⲓ ⲉϣϣⲉ ⲉⲧⲣⲉϥⲁⲁⲩ ⲛⲀⲥⲧⲓⲛ
ⲧⲣ̅ ⲣⲱ . ϫⲉ ⲙ̅ ⲡⲥ̅ ⲉⲓⲣⲉ ⲛ̅ ⲛⲉⲧⲉⲡⲣ̅ ⲣⲟ ϫⲱ ⲙ̅ ⲙⲟⲟⲩ ⲛⲁⲥ ⲉⲃⲟⲗ ϩⲓⲧⲛ̅ ⲛⲉϥⲥⲓⲟⲩⲣ : Ⲁⲩⲱ ⲁⲘⲟⲩⲭⲁⲓⲟⲥ ϫⲟⲟⲥ
ⲙ̅ ⲡⲣ̅ ⲣⲟ ⲙ̅ ⲙⲁⲧⲉ ⲁⲛ ⲡⲉⲛⲧⲁⲀⲥⲧⲓⲛ ⲧⲣ̅ ⲣⲱ ϫⲓⲧϥ̅ ⲛ̅ ϭⲟⲛⲥ . ⲁⲗⲗⲁ ⲛ̅ ⲕⲉⲁⲣⲭⲱⲛ ⲧⲏⲣⲟⲩ ⲙ̅ ⲡⲣ̅ ⲣⲟ ⲁϥⲧⲁⲩⲟ
ⲉⲣⲟⲟⲩ ⲛ̅ ⲛϣⲁϫⲉ ⲛ̅ ⲧⲉⲣⲣⲱ . ⲁⲩⲱ ⲛ̅ ⲑⲉ ⲉⲧⲉⲙ̅ ⲡⲥ̅ ⲥⲱⲧⲙ̅ ⲛⲁϥ . ⲁⲩⲱ ⲙ̅ ⲡⲟⲟⲩ ⲛⲉⲭⲱⲣⲁ ⲛⲙ̅ Ⲡⲉⲣⲥⲟⲥ
ⲙⲛ̅ ⲙ̅ Ⲙⲏⲇⲟⲥ ⲙⲁⲣⲟⲩⲥⲱⲧⲙ̅ ⲉⲛⲉⲧⲉⲣⲉⲡⲣ̅ ⲣⲟ ϫⲱ ⲙ̅ ⲙⲟⲟⲩ . ϫⲉ ⲁⲩⲥⲱϣ ϣⲱⲡⲉ ϩⲛ̅ ⲛⲥϩⲓⲙⲉ ⲛⲛⲟϭ
ⲛ̅ ⲛⲉⲩϩⲁⲓ. Ⲙⲁⲣⲉϥⲟⲩⲉϩⲥⲁϩⲛⲉ ϩⲛ̅ ⲟⲩⲉϩⲥⲁϩⲛⲉ ⲙ̅ ⲙⲛⲧⲉⲣⲟ . ⲁⲩⲱ ⲙⲁⲣⲉϥⲥϩⲁⲓ ⲕⲁⲧⲁⲡⲛⲟⲙⲟⲥ

2. ⲛⲙ̅ Ⲙⲏⲇⲟⲥ ⲙⲛ̅ ⲙ̅ Ⲡⲉⲣⲥⲟⲥ. ⲛ̅ ⲧⲉⲧⲙ̅ ⲧⲣ̅ ⲣⲱ ⲃⲱⲕ ⲉϩⲟⲩⲛ ϣⲁⲡⲣⲣⲟ Ⲁⲣⲇⲁⲝⲉⲣⲝⲏⲥ . ⲁⲩⲱ ⲧⲉⲥⲙⲛ̅ ⲧⲣ̅ ⲣⲱ
ⲙⲁⲣⲉⲡⲣ̅ ⲣⲟ ⲧⲁⲁⲥ ⲛ̅ ⲟⲩⲥϩⲓⲙⲉ ⲉⲥⲥⲟⲧⲡ ⲉⲣⲟⲥ. Ⲁⲩⲱ ⲡϣⲁϫⲉ ⲙ̅ ⲡⲣ̅ ⲣⲟ ⲉⲧϥ̅ⲛⲁⲁⲁϥ ⲙⲁⲣⲟⲩⲥⲱⲧⲙ̅ ⲉⲣⲟϥ
ϩⲛ̅ ⲧⲉϥⲙⲛ̅ ⲧⲉⲣⲟ ϫⲉ ⲟⲩⲙⲉⲉ ⲡⲉ ⲁⲩⲱ ⲛⲉϩⲓⲟⲙⲉ ⲧⲏⲣⲟⲩ ⲥⲉⲛⲁⲧⲙⲁⲓⲉⲛⲉⲩϩⲁⲓ ϫⲓⲛⲟⲩϩⲏⲕⲉ ϣⲁⲟⲩⲣⲙ̅ ⲙⲁⲟ :
Ⲡϣⲁϫⲉ ⲇⲉ ⲣ̅ ⲁⲛⲁϥ ⲙ̅ ⲡⲣ̅ ⲣⲟ ⲙⲛ̅ ⲛⲁⲣⲭⲱⲛ ⲁϥⲉⲓⲣⲉ ⲕⲁⲧⲁⲑⲉ ⲉⲛⲧⲁⲘⲟⲩⲭⲁⲓⲟⲥ ϣⲁϫⲉ . ⲁϥϫⲟⲟⲩ ⲉⲃⲟⲗ
ϩⲛ̅ ⲧⲉϥⲙⲛ̅ ⲧⲉⲣⲟ ⲧⲏⲣⲥ̅ ⲕⲁⲧⲁⲭⲱⲣⲁ ⲭⲱⲣⲁ ⲕⲁⲧⲁⲧⲉⲩⲁⲥⲡⲉ. ⲉⲧⲣⲉϩⲟⲧⲉ ϣⲱⲡⲉ ⲛⲁⲩ ϩⲛ̅ ⲛⲉⲩⲏⲓ.
Ⲃ̅ . Ⲁⲩⲱ ⲙⲛ̅ ⲛⲥⲁⲛⲉⲓϣⲁϫⲉ ⲡⲣ̅ ⲣⲟ ⲁϥϩⲣⲟⲕ ⲉⲃⲟⲗ ϩⲙ̅ ⲡⲉϥϭⲱⲛⲧ. ⲁϥⲣ̅ ⲡⲙⲉⲉⲩⲉ ⲛ̅ Ⲁⲥⲧⲓⲛ ⲛ̅ ⲑⲉ ⲉⲛⲧⲁⲥⲁⲁⲥ
. ⲁⲩⲱ ⲛ̅ ⲑⲉ ⲛ̅ ⲛⲉⲛⲧⲁⲥϭⲁⲓⲟ ⲛ̅ ϩⲏⲧⲟⲩ : Ⲡⲉϫⲉⲛ̅ ⲇⲓⲁⲕⲟⲛⲟⲥ ⲙ̅ ⲡⲣ̅ ⲣⲟ ϫⲉ ⲙⲁⲣⲟⲩⲕⲱⲧⲉ ⲛ̅ ⲥⲁϩⲉⲛϣⲉⲉⲣⲉ
ϣⲏⲙ ⲛ̅ ⲛ̅ ⲁⲧⲧⲱⲗⲙ̅ ⲙ̅ ⲡⲣ̅ ⲣⲟ ⲉⲛⲁⲛⲟⲩⲟⲩ ϩⲙ̅ ⲡⲉⲩϩⲣ̅ ⲃ̅ . ⲁⲩⲱ ⲡⲣ̅ ⲣⲟ ⲙⲁⲣⲉϥⲧⲁϩⲟ ⲉⲣⲁⲧⲟⲩ
ⲛ̅ ϩⲉⲛⲅⲟⲙⲁⲣⲭⲏⲥ ϩⲛ̅ ⲛⲉⲭⲱⲣⲁ ⲧⲏⲣⲟⲩ ⲛ̅ ⲧⲙⲛ̅ ⲧⲉⲣⲟ . ⲛ̅ ⲥⲉⲥⲱⲧⲡ̅ ⲛ̅ ϩⲉⲛϣⲉⲉⲣⲉ ϣⲏⲙ ⲙ̅ ⲡⲁⲣⲑⲉⲛⲟⲥ
ⲉⲛⲉⲥⲱⲟⲩ ϩⲙ̅ ⲡⲉⲩϩⲣ̅ ⲃ̅ ⲉⲤⲟⲩⲥⲟⲥ ⲧⲡⲟⲗⲓⲥ ⲡⲙⲁ ⲛ̅ ⲛⲉϩⲓⲟⲙⲉ . ⲛ̅ ⲥⲉⲧⲁⲁⲩ ⲉⲧⲟⲟⲧϥ̅ ⲙ̅ ⲡⲉⲥⲓⲟⲩⲣ ⲙ̅ ⲡⲣ̅ ⲣⲟ
ⲡⲉⲫⲩⲗⲁⲝ ⲛ̅ ⲛⲉϩⲓⲟⲙⲉ ⲛ̅ ⲥⲉϯ ⲛⲁⲩ ⲛ̅ ⲟⲩⲥⲙⲏⲅⲙⲁ ⲁⲩⲱ ⲡⲕⲉⲥⲉⲉⲡⲉ ⲛ̅ ⲛϣⲙ̅ ϣⲉ . Ⲧⲉⲥϩⲓⲙⲉ ⲉⲧⲛⲁⲣ̅ ⲁⲛⲁϥ
ⲙ̅ ⲡⲣ̅ ⲣⲟ ⲣ̅ ⲡϩⲱⲃ . Ⲁⲩⲉⲓⲣⲉ ϩⲓⲛⲁⲓ : Ⲁⲩⲱ ⲟⲩⲣⲱⲙⲉ ⲛ̅ Ⲓⲟⲩⲇⲁⲓⲟⲥ ⲉϥϩⲛ̅ Ⲥⲟⲩⲥⲟⲥ ⲧⲡⲟⲗⲓⲥ ⲉⲡⲉϥⲣⲁⲛ ⲡⲉ
Ⲙⲁⲣⲇⲟⲭⲁⲓⲟⲥ . ⲡϣⲏⲣⲉ ⲛ̅ Ⲓⲁⲓⲣⲓⲟⲥ . ⲡϣⲏⲣⲉ ⲛ̅ Ⲥⲉⲙⲉⲉⲓ. ⲡϣⲏⲣⲉ ⲛ̅ Ϭⲓⲥⲁⲓⲟⲥ ⲉⲃⲟⲗ ϩⲛ̅ ⲧⲉⲫⲩⲗⲏ ⲛ̅ Ⲃⲉⲛⲓⲁⲙⲓⲛ.
ⲡⲉⲛⲧⲁⲚⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲁⲓⲭⲙⲁⲗⲱⲧⲓⲍⲉ ⲙ̅ ⲙⲟϥ. ⲉⲣⲉⲟⲩϣⲉⲉⲣⲉ ϣⲏⲙ ϣⲟⲟⲡ ⲛⲁϥ ⲉϥⲥⲁⲁⲛϣ
ⲙ̅ ⲙⲟⲥ . ⲧϣⲉⲉⲣⲉ ⲛ̅ Ⲁⲙⲉⲓⲛⲁⲇⲁⲃ ⲡⲥⲟⲛ ⲙ̅ ⲡⲉϥⲉⲓⲱⲧ ⲉⲡⲉⲥⲣⲁⲛ ⲡⲉ Ⲉⲥⲑⲏⲣ. Ϩⲙ̅ ⲡⲧⲣⲉⲛⲉⲥⲉⲓⲟⲧⲉ ⲇⲉ ⲥⲱⲕ ⲉⲃⲟⲗ
ⲁϥⲡⲁⲓⲧⲉⲩⲉ ⲙ̅ ⲙⲟⲥ ⲛⲁϥ ⲉⲩⲥϩⲓⲙⲉ ⲁⲩⲱ ⲧϣⲉⲉⲣⲉ ϣⲏⲙ ⲉⲛⲉⲛⲁⲛⲟⲩⲥ ⲡⲉ ϩⲙ̅ ⲡⲉⲥϩⲣⲃ̅ : Ⲛ̅ ⲧⲉⲣⲟⲩⲥⲱⲧⲙ̅ ⲇⲉ
ⲉⲡⲉⲡⲣⲟⲧⲁⲕⲙⲁ ⲙ̅ ⲡⲣ̅ ⲣⲟ. ϩⲉⲛϣⲉⲉⲣⲉ ϣⲏⲙ ⲉⲛⲁϣⲱⲟⲩ ⲁⲩⲥⲟⲟⲩϩⲟⲩ ⲉⲤⲟⲩⲥⲟⲥ ⲧⲡⲟⲗⲓⲥ ⲧⲉⲧϩⲁⲧⲛ̅ Ⲅⲁⲓ .
ⲁⲩⲱ Ⲉⲥⲑⲏⲣ ⲧⲣ̅ ⲣⲱ ⲁⲩⲛ̅ ⲧⲥ̅ ⲉⲣⲁⲧϥ̅ ⲛ̅ Ⲅⲁⲓ ⲡⲉⲫⲩⲗⲁⲝ ⲛ̅ ⲛⲉϩⲓⲟⲙⲉ . Ⲧϣⲉⲉⲣⲉ ϣⲏⲙ ⲁⲥⲣ̅ ⲁⲛⲁϥ ⲁⲥϭⲛ̅ ⲭⲁⲣⲓⲥ
ⲛ̅ ⲛⲁϩⲣⲁϥ . ⲁϥϭⲉⲡⲏ ⲉⲧⲣⲉⲥⲣⲱϣⲉ ⲛ̅ ϩⲱⲃ ⲛⲓⲙ ⲉⲧⲥ̅ ⲣ̅ ⲭⲣⲓⲁ ⲙ̅ ⲙⲟⲥ ⲛ̅ ⲟⲩⲥⲙⲏⲅⲙⲁ ⲁⲩⲱ ⲧⲉϩⲣⲉ ⲉⲧⲏⲡ
ⲉⲣⲟⲥ . ⲁⲩⲱ ⲉϯϭⲁⲩⲱⲛⲉ ⲍ̅ ⲛⲁⲥ ⲉⲃⲟⲗ ϩⲙ̅ ⲡⲡⲁⲗⲗⲁⲧⲓⲟⲛ ⲉⲩⲥⲟⲧⲡ̅ . ⲁⲩⲱ ⲉⲧⲱϣ ⲉⲣⲟⲟⲩ ⲉⲛ̅ ⲛⲧⲁⲙⲓⲟⲛ
ⲉⲧⲛⲉⲥⲱⲟⲩ ⲙ̅ ⲡⲙⲁ ⲛ̅ ⲛⲉϩⲓⲟⲙⲉ. Ⲉⲥⲑⲏⲣ ⲇⲉ ⲙ̅ ⲡⲥ̅ ϫⲉⲟⲩϣⲁϫⲉ ⲛ̅ ⲟⲩⲱⲧ ⲉⲧⲃⲉⲡⲉⲥⲗⲁⲟⲥ ⲁⲩⲱ ⲡⲉⲥⲙⲓⲥⲉ .
ϫⲉ ⲁⲘⲁⲣⲇⲟⲩⲭⲁⲓⲟⲥ ⲁϥⲟⲩⲉϩⲥⲁϩⲛⲉ ⲉⲣⲟⲥ ⲉⲧⲙ̅ ⲧⲁⲩⲟϥ . Ⲙⲁⲣⲇⲟⲩⲭⲁⲓⲟⲥ ⲇⲉ ⲛ̅ ⲧⲟϥ ϣⲁϥⲛⲁ ϩⲟⲟⲩ
ϩⲟⲟⲩ ⲉϥⲛⲏⲩ ϩⲁⲣⲱⲥ ⲛ̅ ⲧⲁⲩⲗⲏ ⲙ̅ ⲡⲙⲁ ⲛ̅ ⲛⲉϩⲓⲟⲙⲉ ⲉⲧⲣⲉϥϣⲓⲛⲉ ⲉⲡⲟⲩϫⲁⲓ ⲛ̅ Ⲉⲥⲑⲏⲣ ⲁⲩⲱ ⲉⲥⲱⲧⲙ̅ ϫⲉ
ⲟⲩ ⲡⲉⲧⲛⲁϣⲱⲡⲉ ⲛⲙ̅ ⲙⲁⲥ . Ⲁⲩⲱ ⲉⲣϣⲁⲛⲟⲩⲁ ⲛ̅ ⲛ̅ ϣⲉⲉⲣⲉ ⲣ̅ ⲁⲗⲱⲧ ⲉⲃⲱⲕ ⲉϩⲟⲩⲛ ⲉⲡⲣ̅ ⲣⲟ
Ⲁⲣⲇⲁⲝⲉⲣⲝⲏⲥ ⲛ̅ ⲧⲉⲣⲉⲥⲉⲓⲣⲉ ⲛ̅ ⲛⲉⲓⲉⲃⲟⲧ ⲓ̅ⲃ̅ ⲛ̅ ⲥⲙⲏⲅⲙⲁ . ⲡⲁⲓ ⲅⲁⲣ ⲡⲉ ⲡⲛⲁⲩ ⲉⲧⲧⲏϣ ⲉⲡⲥⲃ̅ ⲧⲱⲧⲟⲩ .
ⲡⲉϣⲁⲩⲟⲩⲁϩⲙⲉϥ ϫⲉ ⲥⲟⲟⲩ ⲛ̅ ⲉⲃⲟⲧ ⲉⲡⲙⲩⲣⲣⲟⲛ ⲕⲉⲥⲟⲟⲩ ⲛ̅ ⲉⲃⲟⲧ ⲉⲡⲥⲟϭⲛ̅ : ⲙⲛ̅ ⲛ̅ ⲥⲱⲥ ⲇⲉ ⲁⲩⲕⲁⲁⲥ
ⲉϩⲟⲩⲛ ⲉⲁϩⲉⲣⲁⲧϥ̅ ϩⲓⲑⲏ ⲙ̅ ⲡⲣ̅ ⲣⲟ ⲉⲁⲩϯ ⲛⲁⲥ ⲛ̅ ϩⲱⲃ ⲛⲓⲙ ⲉⲧⲥ̅ ⲟⲩⲁϣⲟⲩ ⲉⲃⲟⲗ ϩⲙ̅ ⲡⲙⲁ ⲛ̅ ⲛⲉϩⲓⲟⲙⲉ .
Ⲉϣⲁⲥⲉⲓ ⲉϩⲟⲩⲛ ⲛ̅ ⲣⲟⲩϩⲉ . ⲙ̅ ⲡⲉϥⲣⲁⲥⲧⲉ ⲇⲉ ϣⲁⲥⲧⲥ̅ ⲧⲟ ⲉⲡⲙⲁ ⲛ̅ ⲛⲉϩⲓⲟⲙⲉ ⲁⲗⲗⲁ ⲡⲙⲉϩⲥⲛⲁⲩ ⲉⲃⲟⲗ
ⲛ̅ ϩⲏⲧⲟⲩ ⲉⲧϩⲁⲧⲉⲝⲟⲩⲥⲓⲁ ⲙ̅ ⲡⲉⲥⲓⲟⲩⲣ ⲙ̅ ⲡⲣ̅ ⲣⲟ Ⲥⲁⲁⲅⲁⲥ ⲡⲉⲫⲩⲗⲁⲝ ⲛ̅ ⲛⲉϩⲓⲟⲙⲉ . ⲁⲩⲱ ⲛ̅ ⲛⲉⲥⲉⲓ ⲉϩⲟⲩⲛ
ⲉⲣⲟϥ ⲟⲛ ϩⲓⲃⲟⲗ ⲛ̅ ⲧⲉⲡⲣ̅ ⲣⲟ ϭⲛ̅ ⲭⲁⲣⲓⲥ ⲛ̅ ⲛⲁⲣϩⲁⲥ ⲁⲩⲱ ⲉϥⲙⲟⲩⲧⲉ ⲉⲣⲟⲥ. Ⲉⲓⲥ Ⲉⲥⲑⲏⲣ ⲧϣⲛ̅ Ⲁⲃⲓϩⲁⲗ
ⲛ̅ ⲧⲉⲡⲥⲟⲛ ⲙ̅ ⲡⲉϥⲉⲓⲱⲧ Ⲙⲁⲣⲇⲟⲩⲭⲁⲓⲟⲥ ⲉⲧϥ̅ⲥⲁⲁⲛϣ ⲙ̅ ⲙⲟⲥ : Ϩⲟⲧⲁⲛ ⲁⲥⲣ̅ ⲡⲉⲥⲁⲗⲱⲧ ⲉⲃⲱⲕ ⲉϩⲟⲩⲛ
ⲉⲡⲣ̅ ⲣⲟ ⲙ̅ ⲡⲥ̅ ϫⲓϣϣⲱⲟⲩ ⲉⲗⲁⲁⲩ ⲥⲁⲃⲟⲗ ⲙ̅ ⲡⲉⲧⲉⲣⲉⲡⲥⲓⲟⲩⲣ ⲙ̅ ⲡⲣ̅ ⲣⲟ Ⲅⲁⲓ ⲡⲉⲫⲩⲗⲁⲝ ⲛ̅ ⲛⲉϩⲓⲟⲙⲉ ϣⲟϫⲛⲉ
ⲉⲣⲟⲥ . ⲁⲩⲱ ⲟⲩⲟⲛ ⲛⲓⲙ ⲉⲧⲛⲁⲩ ⲉⲣⲟⲥ ⲉϩⲛⲁⲥ ⲙ̅ ⲡⲉϥϩⲟ . Ⲧⲁⲓ ϭⲉ ⲧⲉ ⲑⲉ ⲉⲛⲧⲁⲩⲉⲓⲛⲉ ⲛ̅ Ⲉⲥⲑⲏⲣ
ⲉϩⲟⲩⲛ ⲉⲡⲡⲁⲗⲗⲁⲧⲓⲟⲛ ⲙ̅ ⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ. ϩⲙ̅ ⲡⲙⲉϩⲙⲛ̅ ⲧⲥⲛⲟⲟⲩⲥ ⲛ̅ ⲛⲉⲃⲟⲧ ⲉⲧⲉⲀⲇⲁⲣ ⲡⲉ.
ϩⲛ̅ ⲧⲙⲉϩⲥⲁϣϥⲉ ⲛ̅ ⲣⲟⲙⲡⲉ ⲛ̅ ⲧⲉϥⲙⲛ̅ ⲧⲉⲣⲟ . Ⲁⲩⲱ ⲡⲣ̅ ⲣⲟ ⲁϥⲟⲩⲉϣⲈⲥⲑⲏⲣ ⲁⲥϭⲓⲛⲉ ⲛ̅ ⲟⲩⲭⲁⲣⲓⲥ
ⲡⲁⲣⲁⲙ̅ ⲡⲁⲣⲑⲉⲛⲟⲥ ⲧⲏⲣⲟⲩ . Ⲁϥϯ ⲉϫⲱⲥ ⲛ̅ ⲧⲉϭⲣⲏⲡⲉ ⲛ̅ ⲧⲉⲣⲣⲱ : Ⲡⲣⲣⲟ ⲁϥⲉⲓⲣⲉ ⲛ̅ ⲟⲩϩⲟⲟⲡ ⲉⲛⲉϥϣⲃⲉⲉⲣ
. ⲙⲛ̅ ⲛⲉϥⲛⲟϭ ⲛ̅ ⲥⲁϣϥ ⲛ̅ ϩⲟⲟⲩ . Ⲡⲅⲁⲙⲟⲥ ⲛ̅ Ⲉⲥⲑⲏⲣ ⲁϥϫⲁⲥⲧϥ̅ . ⲁϥⲉⲓⲣⲉ ⲛ̅ ⲟⲩⲕⲱ ⲉⲃⲟⲗ
ⲛ̅ ⲛⲉⲧϩⲁⲧⲉϥⲙⲛ̅ ⲧⲉⲣⲟ . Ⲉⲥⲑⲏⲣ ⲇⲉ ⲙ̅ ⲡⲥ̅ ⲟⲩⲱⲛϩ̅ ⲉⲃⲟⲗ ⲛ̅ ⲧⲉⲥⲡⲟⲗⲓⲥ ⲧⲁⲓ ⲅⲁⲣ ⲧⲉ ⲑⲉ ⲛ̅ ⲧⲁⲘⲁⲣⲇⲟⲩⲭⲁⲓⲟⲥ
ϩⲱⲛ ⲉⲧⲟⲟⲧⲥ̅ ⲉⲧⲣⲉⲥⲣ̅ ϩⲟⲧⲉ ϩⲏⲧϥ̅ ⲙ̅ ⲡⲛⲟⲩⲧⲉ ⲛⲥ̅ ⲉⲓⲣⲉ ⲛ̅ ⲛⲉϥⲡⲣⲟⲥⲧⲁⲅⲙⲁ ⲛ̅ ⲑⲉ ⲟⲛ ⲉⲧⲥ̅ ϣⲟⲟⲡ ⲛⲙ̅ ⲙⲁϥ
ⲁⲩⲱ Ⲉⲥⲑⲏⲣ ⲙ̅ ⲡⲥ̅ ϣⲓⲃⲉ ⲛ̅ ⲛⲉⲥⲥⲙⲟⲧ : Ⲁⲩⲙ̅ ⲕⲁϩ ⲛ̅ ϩⲏⲧ ⲛ̅ ϭⲓⲡⲉⲥⲓⲟⲩⲣ ⲥⲛⲁⲩ ⲙ̅ ⲡⲣ̅ ⲣⲟ ⲛ̅ ⲁⲣⲭⲓⲥⲱⲙⲁⲧⲟⲫⲩⲗⲁⲝ
ⲉⲃⲟⲗϫⲉ Ⲙⲁⲣⲇⲟⲩⲭⲁⲓⲟⲥ ⲁϥϫⲓⲥⲉ ⲁⲩⲱ ⲁⲩⲕⲱⲧⲉ ⲛ̅ ⲥⲁⲧⲉϩⲓⲏ ⲙ̅ ⲙⲟⲩⲟⲩⲧ ⲛ̅ Ⲁⲣⲇⲁⲝⲉⲣⲝⲏⲥ ⲡⲣ̅ ⲣⲟ.
ⲁϥⲧⲁⲙⲉⲘⲁⲣⲇⲟⲩⲭⲁⲓⲟⲥ ⲉⲡϣⲁϫⲉ . ⲁϥⲧⲁⲩⲟϥ ⲉⲈⲥⲑⲏⲣ. Ⲁⲩⲱ ⲧⲣ̅ ⲣⲱ ⲁⲥⲟⲩⲟⲛϩϥ̅ ⲉⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ
ⲉⲧⲃⲉⲧⲉⲡⲓⲃⲟⲩⲗⲏ . Ⲡⲣ̅ ⲣⲟ ⲁϥϩⲉⲧⲁⲍⲉ ⲙ̅ ⲡⲉⲥⲓⲟⲩⲣ ⲥⲛⲁⲩ ⲉⲁϥⲁϣⲧⲟⲩ . Ⲁⲩⲱ ⲡⲣ̅ ⲣⲟ ⲁϥⲟⲩⲉϩⲥⲁϩⲛⲉ
ⲉⲕⲁⲧⲁⲭⲱⲣⲓⲍⲉ ⲉⲩⲣ̅ ⲡⲙⲉⲉⲩⲉ ⲛ̅ ⲧⲃⲓⲃⲗⲓⲟⲑⲏⲕⲏ ⲙ̅ ⲡⲣ̅ ⲣⲟ. ⲉⲧⲃⲉⲡⲡⲉⲧⲛⲁⲛⲟⲩϥ ⲙ̅ Ⲙⲁⲣⲇⲟⲩⲭⲁⲓⲟⲥ
ϩⲛ̅ ⲟⲩϣⲟⲩϣⲟⲩ:

3. Ⲅ̅ . Ⲙⲛ̅ ⲛⲥⲁⲛⲁⲓ ⲡⲣ̅ ⲣⲟ ⲁϥϫⲓⲥⲉ ⲛ̅ Ⲁⲙⲁⲛ ⲡϣⲏⲣⲉ ⲛ̅ Ⲁⲙⲁⲇⲁⲛⲑⲟⲥ ⲡⲃⲟⲩⲕⲁⲓⲟⲥ. ⲁϥϯⲉⲟⲟⲩ ⲛⲁϥ ⲁⲩⲱ
ϣⲁϥⲃⲱⲕ ⲉϩⲟⲩⲛ ⲛ̅ ϣⲟⲣⲡ̅ ⲙ̅ ⲡⲣ̅ ⲣⲟ ⲟⲩⲧⲉⲛⲉϥϣⲃⲉⲉⲣ ⲧⲏⲣⲟⲩ . Ⲛⲉⲧϩⲛ̅ ⲧⲁⲩⲗⲏ ⲧⲏⲣⲟⲩ ⲁⲩⲟⲩⲱϣⲧ ⲛⲁϥ .
ⲧⲁⲓ ⲅⲁⲣ ⲧⲉ ⲑⲉ ⲉⲛⲧⲁⲡⲣ̅ ⲣⲟ ⲟⲩⲉϩⲥⲁϩⲛⲉ ⲉⲧⲣⲉⲥϣⲱⲡⲉ : Ⲙⲁⲣⲇⲟⲩⲭⲁⲓⲟⲥ ⲇⲉ ⲙ̅ ⲡϥ̅ⲟⲩⲱϣⲧ ⲛⲁϥ .
Ⲛⲉⲧϩⲛ̅ ⲧⲁⲩⲗⲏ ⲙ̅ ⲡⲣ̅ ⲣⲟ ⲁⲩϣⲁϫⲉ ⲙⲛ̅ Ⲙⲁⲣⲇⲟⲩⲭⲁⲓⲟⲥ ⲉⲩϫⲱ ⲙ̅ ⲙⲟⲥ . Ϫⲉ ⲁϩⲣⲟⲕ ϫⲉ ⲛⲅ̅ ⲥⲱⲧⲙ̅ ⲁⲛ
ⲛ̅ ⲥⲁⲛⲉⲧⲉⲡⲣ̅ ⲣⲟ ϫⲱ ⲙ̅ ⲙⲟⲟⲩ . ⲛ̅ ⲛⲉⲩϣⲁϫⲉ ⲛⲙ̅ ⲙⲁϥ ⲙ̅ ⲙⲏⲛⲉ ⲙ̅ ⲡϥ̅ⲥⲱⲧⲙ̅ ⲛⲁⲩ. ⲀⲩⲧⲁⲙⲉⲀⲙⲁⲛ ϫⲉ
ⲙ̅ Ⲙⲁⲣⲇⲟⲩⲭⲁⲓⲟⲥ ⲥⲱⲧⲙ̅ ⲁⲛ ⲛ̅ ⲥⲁⲛ̅ ⲛϣⲁϫⲉ ⲙ̅ ⲡⲣ̅ ⲣⲟ . ⲁⲩⲧⲁⲙⲟϥ ⲅⲁⲣ ϫⲉ ⲟⲩⲒⲟⲩⲇⲁⲓ ⲡⲉ. Ⲁⲁⲙⲁⲛ ⲇⲉ
ⲉⲓⲙⲉ ϫⲉ ⲙ̅ Ⲙⲁⲣⲇⲟⲩⲭⲁⲓⲟⲥ ⲛⲁⲟⲩⲱϣⲧ ⲛⲁϥ ⲁⲛ . Ⲁⲙⲁⲛ ⲁϥϭⲱⲛⲧ ⲁⲩⲱ ⲁϥϫⲓϣⲟϫⲛⲉ ⲉⲧⲁⲕⲟ
ⲛ̅ ⲛⲒⲟⲩⲇⲁⲓ ⲧⲏⲣⲟⲩ ⲉⲧϩⲛ̅ ⲧⲙⲛ̅ ⲧⲉⲣⲟ ⲛ̅ ⲛⲀⲣⲇⲁⲝⲉⲣⲝⲏⲥ : Ϩⲛ̅ ⲧⲙⲉϩⲙⲛ̅ ⲧⲥⲛⲟⲟⲩⲥ ⲛ̅ ⲣⲟⲙⲡⲉ ⲉⲣⲉⲀⲣⲇⲁⲝⲉⲣⲝⲏⲥ
ⲟ ⲛ̅ ⲣ̅ ⲣⲟ ⲁϥⲱϣ ⲛ̅ ⲟⲩⲯⲩⲫⲓⲥⲙⲁ ⲁϥⲛⲟⲩϫⲉ ⲛ̅ ⲟⲩϩⲟⲟⲩ ⲉⲃⲟⲗ ϩⲛ̅ ⲟⲩϩⲟⲟⲩ . ⲁⲩⲱ ⲟⲩⲉⲃⲟⲧ ⲉⲃⲟⲗ
ϩⲛ̅ ⲟⲩⲉⲃⲟⲧ . ⲉⲧⲁⲕⲟ ⲙ̅ ⲡⲅⲉⲛⲟⲥ ⲙ̅ Ⲙⲁⲣⲇⲟⲩⲭⲁⲓⲟⲥ ⲁⲩⲱ ⲡⲉⲕⲗⲏⲣⲟⲥ ⲁϥϩⲉ ⲉϩⲣⲁⲓ ⲉϫⲛ̅ ⲥⲟⲩⲙⲛ̅ ⲧⲁϥⲧⲉ
ⲙ̅ ⲡⲉⲃⲟⲧ ⲉⲧⲉⲀⲇⲁⲣ ⲡⲉ . ⲁϥϣⲁϫⲉ ⲛ̅ ϭⲓⲀⲙⲁⲛ ⲙⲛ̅ ⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ ⲉϥϫⲱ ⲙ̅ ⲙⲟⲥ . ϫⲉ ⲟⲩⲛⲟⲩϩⲉⲑⲛⲟⲩ
ϣⲟⲟⲡ ⲉϥϫⲟⲟⲣⲉ ⲉⲃⲟⲗ ϩⲛ̅ ⲛⲛϩⲉⲑⲛⲟⲥ ⲛ̅ ⲧⲉⲕⲙⲛ̅ ⲧⲉⲣⲟ ⲧⲏⲣⲥ̅ . Ⲛⲉⲩⲛⲟⲙⲟⲥ ⲇⲉ ϣⲟⲃⲉ ⲡⲁⲣⲁⲛ̅ ϩⲉⲑⲛⲟⲥ
ⲧⲏⲣⲟⲩ. ⲛ̅ ⲛⲟⲙⲟⲥ ⲙ̅ ⲡⲣ̅ ⲣⲟ ⲛ̅ ⲥⲉⲥⲱⲧⲙ̅ ⲁⲛ ⲛ̅ ⲥⲱⲟⲩ . ⲁⲩⲱ ⲛⲥ̅ ⲣ̅ ⲛⲟⲃⲉ ⲁⲛ ⲙ̅ ⲡⲣ̅ ⲣⲟ ⲉⲧⲣⲉϥⲕⲁⲁⲩ . Ⲉϣⲱⲡⲉ
ϭⲉ ⲉϩⲛⲉⲡⲣ̅ ⲣⲟ ⲡⲉ ⲙⲁⲣⲉϥⲧⲱϭⲉ ⲉⲃⲟⲗ ⲛ̅ ⲟⲩⲥϩⲁⲓ ⲉⲧⲁⲕⲟⲟⲩ. Ⲁⲩⲱ ⲁⲛⲟⲕ ϯⲛⲁⲇⲓⲁⲅⲣⲁⲫⲉ
ⲉⲡⲅⲁⲍⲱⲫⲩⲗⲁⲕⲓⲟⲛ ⲙ̅ ⲡⲣ̅ ⲣⲟ ⲙ̅ ⲡⲣ̅ ⲣⲟ ⲛ̅ ⲟⲩⲧⲃⲁ ⲛ̅ ϭⲓⲛ̅ ϭⲱⲣ : Ⲡⲣⲣⲟ ⲇⲉ ⲁϥⲛ̅ ⲡⲉϥⲝⲟⲩⲣ ⲉⲃⲟⲗ ⲁϥⲧⲁⲁϥ
ⲉϩⲣⲁⲓ ⲉⲧⲟⲟⲧϥ̅ ⲛ̅ Ⲁⲙⲁⲛ ⲡⲉⲧⲥ̅ ϩⲁⲓ ⲉⲧⲃⲉⲛ̅ Ⲓⲟⲩⲇⲁⲓ : Ⲁⲩⲱ ⲡⲉϫⲉⲡⲣ̅ ⲣⲟ ⲛ̅ Ⲁⲙⲁⲛ ϫⲉ ⲛ̅ ϩⲟⲙⲛ̅ ⲧ ⲙⲉⲛ ⲕⲁⲁⲩ
ⲛⲁⲕ . ⲡϩⲉⲑⲛⲟⲥ ⲇⲉ ⲁⲣⲓⲣⲉ ⲛⲁϥ ⲛ̅ ⲑⲉ ⲉⲧⲕ̅ ⲟⲩⲁϣⲥ̅ : Ⲁϥⲙⲟⲩⲧⲉ ⲉⲛⲉⲅⲣⲁⲙⲙⲁⲧⲉⲩⲥ ⲙ̅ ⲡⲣ̅ ⲣⲟ ⲙ̅ ⲡϣⲟⲣⲡ̅
ⲛ̅ ⲉⲃⲟⲧ . ⲁⲩⲥϩⲁⲓ ⲕⲁⲧⲁⲑⲉ ⲉⲛⲧⲁⲀⲙⲁⲛ ⲟⲩⲉϩⲥⲁϩⲛⲉ ⲛ̅ ⲛⲉⲥⲧⲣⲁⲧⲏⲅⲟⲥ. ⲙⲛ̅ ⲛⲛⲁⲣⲭⲱⲛ ⲛ̅ ⲛⲉⲭⲱⲣⲁ ⲧⲏⲣⲟⲩ
. ϫⲓⲛϯⲛⲇⲓⲕⲏ ϣⲁϩⲣⲁⲓ ⲉⲡⲕⲁϩ ⲛ̅ ⲛⲉϭⲟⲟϣ ϣⲉⲇⲟⲩ ⲧⲥⲁϣϥⲉ ⲛ̅ ⲭⲱⲣⲁ . ⲛ̅ ⲁⲣⲭⲱⲛ ⲛ̅ ⲛϩⲉⲑⲛⲟⲥ
ⲕⲁⲧⲁⲧⲉⲩⲗⲉⲝⲏⲥ ⲁⲩⲱ ⲡⲉⲥϩⲁⲓ ⲉⲁⲩⲧⲁⲩⲟϥ ϩⲙ̅ ⲡⲣⲁⲛ ⲙ̅ ⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ . ⲁⲩϫⲟⲟⲩⲥⲟⲩ ⲇⲉ
ϩⲓⲧⲛ̅ ⲛ̅ ϩⲓⲡⲡⲉⲩⲥ . Ⲡⲁⲓ ⲡⲉ ⲡⲁⲛⲧⲓⲅⲣⲁⲫⲟⲛ ⲛ̅ ⲧⲉⲡⲓⲥⲧⲟⲗⲏ : ϫⲉ Ⲁⲣⲇⲁⲝⲉⲣⲝⲏⲥ ⲡⲛⲟϭ ⲛ̅ ⲣ̅ ⲣⲟ .
ⲛ̅ ⲛ̅ ⲥⲁⲧⲣⲁⲡⲏⲥ ⲙⲛ̅ ⲛⲉⲩⲁⲣⲭⲱⲛ ⲧⲏⲣⲟⲩ ⲛ̅ ⲧⲉⲛ̅ ⲧⲟϣ ⲣ̅ ⲕ̅ ⲍ̅ . ϫⲓⲛⲙ̅ ⲡⲕⲁϩ ⲛ̅ Ϩⲛ̅ ⲧⲟⲩ ϣⲁϩⲣⲁⲓ ⲉⲧⲀⲓⲑⲓⲟⲡⲓⲁ
ⲭⲁⲓⲣⲉ . Ⲁⲛⲅ̅ ⲡⲇⲉⲥⲡⲟⲧⲁ ⲉϫⲛ̅ ⲛ̅ ⲗⲁⲟⲥ ⲉⲩⲟϣ . ⲉⲓⲃⲁⲥⲓⲗⲉⲩⲉ ⲉϫⲙ̅ ⲡⲕⲁϩ ⲧⲏⲣϥ . ⲁⲩⲱ ϩⲙ̅ ⲡⲧⲣⲁϣⲟⲩϣⲟⲩ
ϩⲁⲧⲉⲝⲟⲩⲥⲓⲁ ⲉⲧⲛ̅ ⲧⲟⲟⲧ . ⲁⲓⲧⲱϣ ⲉⲣ̅ ⲣⲣⲟ ϩⲛ̅ ⲟⲩⲙⲛ̅ ⲧϩⲁⲕ ⲙⲛ̅ ⲟⲩⲛⲁ . ⲁⲩⲱ ⲉⲧⲣⲁϯ ⲛ̅ ⲧⲙⲛ̅ ⲧⲉⲣⲟ . ϩⲱⲥⲧⲉ
ⲛ̅ ⲧⲉⲡⲟⲩⲉⲓ ⲡⲟⲩⲉⲓ ⲱⲛϩ̅ ⲛ̅ ϩⲏⲧϥ̅ ⲉϥⲥϭⲣⲁϩⲧ. ⲉⲣⲉⲛ̅ ϩⲓⲟⲟⲩⲉ ⲧⲏⲣⲟⲩ ⲧⲁϫⲣⲏⲩⲧ ϣⲁⲛⲉⲥⲧⲟϣ . ⲗⲟⲓⲡⲟⲛ
ⲉⲥⲙ̅ ⲛⲉⲑⲓⲣⲏⲛⲏ ⲛⲁⲩ. ⲧⲁⲓ ⲉⲧⲉⲣⲉⲣⲱⲙⲉ ⲛⲓⲙ ⲟⲩⲁϣⲥ̅ . Ⲉⲛⲉⲓⲛⲁϫⲓϣⲟϫⲛⲉ ⲙⲛ̅ ⲛⲁⲥⲩⲙⲃⲟⲩⲗⲟⲥ ⲉⲧⲃⲉⲑⲉ
ⲉϯⲛⲁⲁⲁⲥ . ϩⲏⲡⲡⲉ ⲉⲓⲥ Ⲁⲙⲁⲛ ⲡⲁⲣⲓⲥⲧⲟⲥ ⲙ̅ ⲡⲉϥⲧⲱⲣϩ̅ . ⲉϥⲥⲟⲧⲡ̅ ϩⲛ̅ ⲧⲉϥⲙⲉⲅⲁⲗⲟⲯⲩⲭⲉⲓⲁ ⲙⲛ̅ ⲧⲉϥⲡⲓⲥⲧⲓⲥ .
ⲡⲉⲧϫⲱⲕ ⲉⲃⲟⲗ ⲙ̅ ⲡⲕⲉⲡⲣⲟⲥⲟⲡⲟⲛ ϩⲙ̅ ⲡⲡⲁⲗⲗⲁⲧⲓⲟⲛ . Ⲁϥⲧⲁⲙⲓⲟⲛ ϫⲉ ⲟⲩⲛ̅ ⲟⲩⲗⲁⲟⲥ ϣⲱⲡⲉ ϩⲛ̅ ⲧⲙⲏⲧⲉ
ⲛ̅ ⲛⲉⲫⲩⲗⲏ ⲉϥϩⲱⲟⲩ . ⲛⲉϥⲛⲟⲙⲟⲥ ⲅⲁⲣ ⲥⲉϣⲟⲃⲉ ⲡⲁⲣⲁⲛ̅ ϩⲉⲑⲛⲟⲥ ⲛⲓⲙ ⲉⲩⲕⲁⲛ̅ ϩⲁⲡ ⲙ̅ ⲡⲣ̅ ⲣⲟ ⲛ̅ ⲥⲱⲟⲩ .
ⲛ̅ ⲧⲉⲧⲛ̅ ⲙⲛ̅ ⲧⲉⲣⲟ ⲧⲙ̅ ⲥⲙⲓⲛⲉ ⲉⲧⲃⲏⲏⲧⲟⲩ. Ⲁⲗⲗⲁ ⲁⲛⲉⲓⲙⲉ . ϫⲉ ⲡⲉⲓⲗⲁⲟⲥ ⲡⲁⲓ ⲟⲩⲁⲁⲧϥ̅ ⲡⲉⲧϯ ⲙⲛ̅ ⲟⲩⲟⲛ ⲛⲓⲙ
. ⲁⲩⲱ ⲛⲉⲛϩⲁⲡ ⲛ̅ ⲥⲉⲥⲱⲧⲙ̅ ⲁⲛ ⲛ̅ ⲥⲱⲟⲩ . ⲁⲩⲱ ϩⲙ̅ ⲡⲧⲣⲉⲩⲙⲉⲥⲧⲉⲧⲉⲧⲉⲛⲡⲟⲗⲓⲧⲉⲓⲁ ⲛ̅ ⲥⲉⲉⲓⲣⲉ ⲛ̅ ⲙ̅ ⲡⲉⲑⲟⲟⲩ
ⲉⲧⲙ̅ ⲕⲁⲧⲉⲓⲙⲛ̅ ⲧⲉⲣⲟ ⲉⲥⲙⲓⲛⲉ . ⲁⲩⲱ ⲉϣⲱⲡⲉ ϩⲛ̅ ⲟⲩⲥϭⲣⲁϩⲧ . Ⲁⲛⲟⲩⲉϩⲥⲁϩⲛⲉ ⲇⲉ ϫⲉⲕⲁⲥ ⲛⲉⲧⲉⲣⲉⲀⲙⲁⲛ
ⲛⲁⲟⲩⲟⲛϩⲟⲩ ⲉⲃⲟⲗ ⲡⲉⲧϣⲟⲟⲡ ⲉϫⲛⲛⲉϩⲃⲏⲩⲉ ⲉϥⲟ ⲙ̅ ⲙⲁϩⲥⲛⲁⲩ ⲛ̅ ⲉⲓⲱⲧ ⲛⲁⲛ . ⲉⲧⲁⲕⲟⲟⲩ ⲧⲏⲣⲟⲩ ⲉⲡⲧⲏⲣϥ̅
ⲙⲛ̅ ⲛⲉⲩϩⲓⲟⲙⲉ ⲙⲛ̅ ⲛⲉⲩϣⲏⲣⲉ ϩⲛ̅ ⲧⲥⲏϥⲉ ⲛ̅ ⲛⲉⲩϫⲁϫⲉ ⲁϫⲛ̅ ⲛⲁ ⲛⲓⲙ ϩⲓϯⲥⲟ ϩⲛ̅ ⲥⲟⲩⲙⲛ̅ ⲧⲁϥⲧⲉ
ⲙ̅ ⲡⲙⲁϩⲙⲛ̅ ⲧⲥⲛⲟⲟⲩⲥ ⲛ̅ ⲛⲉⲃⲟⲧ ⲉⲧⲉⲀⲇⲁⲣ ⲡⲉ ⲛ̅ ⲧⲉⲓⲣⲟⲙⲡⲉ ⲉⲧϣⲟⲟⲡ ϫⲉⲕⲁⲥ ⲉⲧⲉⲧⲛⲉⲧⲁⲕⲟⲟⲩ .
ⲛ̅ ⲧⲉⲧⲛ̅ ⲧⲣⲉⲩⲃⲱⲕ ⲧⲉⲛⲟⲩ ⲉϩⲉⲛϣⲁϥⲧⲉⲛⲉ ⲛ̅ ⲟⲩϩⲟⲟⲩ ⲛ̅ ⲟⲩⲱⲧ ϩⲛ̅ ⲟⲩϭⲟⲙ ⲉⲁⲙⲛ̅ ⲧⲉ : ϫⲉⲕⲁⲥ ⲡⲟⲩⲟⲉⲓϣ
ⲉⲧⲛⲏⲩ ⲉⲩⲉϯ ⲛⲁⲛ ϣⲁⲃⲟⲗ ⲛ̅ ⲛⲉϩⲃⲏⲩⲉ ⲉⲩⲥϭⲣⲁϩⲧ . Ⲁⲩⲱ ⲉⲩⲥⲙⲟⲛⲧ : Ⲛ̅ ⲁⲛⲧⲓⲅⲣⲁⲫⲟⲛ ⲇⲉ ⲛ̅ ⲛⲉⲡⲓⲥⲧⲟⲗⲏ
ⲛ̅ ⲛⲉⲩⲧⲱϭⲉ ⲙ̅ ⲙⲟⲟⲩ ⲉⲃⲟⲗ ⲡⲉ ⲕⲁⲧⲁⲭⲱⲣⲁ ⲭⲱⲣⲁ . ⲉⲩⲟⲩⲉϩⲥⲁϩⲛⲉ ⲛ̅ ⲛϩⲉⲑⲛⲟⲥ ⲧⲏⲣⲟⲩ ⲉⲧⲣⲉⲩϣⲱⲡⲉ
ⲉⲩⲥⲃ̅ ⲧⲱⲧ ⲉⲡⲉⲓϩⲟⲟⲩ. Ⲡⲟⲩⲉϩⲥⲁϩⲛⲉ ⲇⲉ ⲛ̅ ⲛⲉϥϭⲉⲡⲏ ⲉⲤⲟⲩⲥⲟⲥ ⲧⲡⲟⲗⲓⲥ. Ⲡⲣ̅ ⲣⲟ ⲇⲉ ⲙⲛ̅ Ⲁⲙⲁⲛ
ⲛ̅ ⲛⲉⲩϫⲓⲕⲣⲟϥ ⲡⲉ ⲁⲩⲱ ⲧⲡⲟⲗⲓⲥ ⲉⲛⲉⲁⲥϣⲧⲟⲣⲧⲣ̅ ⲡⲉ:
Ⲇ̅ . Ⲙⲁⲣⲇⲟⲭⲁⲓⲟⲥ ⲇⲉ ⲛ̅ ⲧⲉⲣⲉϥⲉⲓⲙⲉ ⲉⲡⲉⲧⲛⲁϫⲱⲕ ⲉⲃⲟⲗ ⲁϥⲡⲉϩⲛⲉϥϩⲟⲓⲧⲉ . ⲁϥϯ ϩⲓⲱⲱϥ ⲛ̅ ⲟⲩϭⲟⲟⲩⲛⲉ
ⲁϥϣⲉϣⲕⲣ̅ ⲙⲥ̅ ⲉϫⲱϥ . ⲁϥⲡⲱⲧ ⲉⲡⲥⲁ ⲛ̅ ⲃⲟⲗ ϩⲓⲧⲛ̅ ⲧⲉⲡⲗⲁⲧⲓⲁ ⲛ̅ ⲧⲡⲟⲗⲓⲥ ⲉϥϫⲓϣⲕⲁⲕ ⲉⲃⲟⲗ ϩⲛ̅ ⲟⲩⲛⲟϭ
ⲛ̅ ⲥⲙⲏ . ϫⲉ ⲥⲉⲛⲁⲧⲁⲕⲉⲟⲩϩⲉⲑⲛⲟⲥ ⲉⲙⲡϥ̅ⲣ̅ ⲗⲁⲁⲩ ⲛ̅ ϫⲓ ⲛ̅ ϭⲟⲛⲥ. Ⲁϥⲉⲓ ϣⲁϩⲣⲁⲓ ⲉⲧⲡⲩⲗⲏ ⲙ̅ ⲡⲣ̅ ⲣⲟ ⲁϥⲁϩⲉⲣⲁⲧϥ̅
. ⲙ̅ ⲡⲉⲥⲧⲟ ⲅⲁⲣ ⲛⲁϥ ⲁⲛ ⲡⲉ ⲉⲧⲣⲉϥⲃⲱⲕ ⲉϩⲟⲩⲛ ⲉⲧⲁⲩⲗⲏ ⲉⲣⲉⲟⲩϭⲟⲟⲩⲛⲉ ϩⲓⲱⲱϥ ⲉⲣⲉⲟⲩⲕⲣ̅ ⲙⲥ ϩⲓϫⲱϥ :
Ⲁⲩⲱ ϩⲛ̅ ⲛⲉⲭⲱⲣⲁ ⲧⲏⲣⲟⲩ ⲉⲛⲧⲁⲩⲧⲉϭⲛⲉⲥϩⲁⲓ ⲉⲃⲟⲗ ⲛ̅ ϩⲏⲧⲟⲩ. ⲟⲩⲁϣⲕⲁⲕ ⲙⲛ̅ ⲟⲩⲛⲉϩⲡⲉ ⲙⲛ̅ ⲟⲩϩⲏⲃⲉ

4. ⲁⲩϣⲱⲡⲉ ⲛ̅ Ⲓⲟⲩⲇⲁⲓ ⲧⲏⲣⲟⲩ. ⲁⲩⲡⲱⲣϣ̅ ϩⲁⲣⲟⲟⲩ ⲛ̅ ⲟⲩϭⲟⲟⲩⲛⲉ ⲙⲛ̅ ⲟⲩⲕⲣ̅ ⲙⲥ : Ⲛ̅ ϩⲙ̅ ϩⲁⲗ ⲇⲉ ⲛ̅ ⲧⲣ̅ ⲣⲱ ⲁⲩⲃⲱⲕ
ⲛⲁⲥ ⲉϩⲟⲩⲛ ⲁⲩϫⲓⲡⲟⲩⲟ ⲛⲁⲥ ⲁⲥϣⲧⲟⲣⲧⲣ̅ ⲛ̅ ⲧⲉⲣⲉⲥⲥⲱⲧⲙ̅ ⲉⲡⲉⲛⲧⲁϥϣⲱⲡⲉ: Ⲁⲥϫⲟⲟⲩ ⲉⲃⲟⲗ ⲉϯ
ⲛ̅ ϩⲉⲛϩⲟⲓⲧⲉ ϩⲓⲱⲱϥ ⲙ̅ Ⲙⲁⲣⲇⲟⲩⲕⲁⲓⲟⲥ ⲉϥⲓ ⲛ̅ ⲧϭⲟⲟⲩⲛⲉ ϩⲓϫⲱϥ . Ⲛ̅ ⲧⲟϥ ⲇⲉ ⲙ̅ ⲡϥ̅ⲕⲁⲁⲥ ⲉϩⲣⲁⲓ : Ⲉⲥⲑⲏⲣ
ⲇⲉ ⲁⲥⲙⲟⲩⲧⲉ ⲉⲀⲭⲣⲁⲑⲁⲓⲟⲥ ⲡⲉⲥⲥⲓⲟⲩⲣ ⲡⲉⲧⲁϩⲉⲣⲁⲧϥ̅ ⲙ̅ ⲡⲉⲥⲃⲟⲗ ⲁⲥϫⲟⲟⲩϥ ⲉⲉⲓⲙⲉ ⲛ̅ ⲧⲟⲟⲧϥ̅
ⲙ̅ Ⲙⲁⲣⲇⲟⲩⲕⲁⲓⲟⲥ ϩⲛ̅ ⲧⲉⲡⲗⲁⲧⲓⲁ ϩⲁⲧⲉⲙⲡⲉⲣⲓⲡⲉⲣⲟⲓ. Ⲙⲁⲣⲇⲟⲭⲁⲓⲟⲥ ⲇⲉ ⲁϥⲧⲁⲙⲟϥ ⲉⲡⲉⲛⲧⲁϥϣⲱⲡⲉ . ⲁⲩⲱ
ⲡⲉⲣⲏⲧ ⲉⲛ̅ ⲧⲁⲀⲙⲁⲛ ⲉⲣⲏⲧ ⲙ̅ ⲙⲟϥ ⲙ̅ ⲡⲣ̅ ⲣⲟ ⲛ̅ Ⲟⲩⲁⲅⲟⲍⲁ ⲛ̅ ⲟⲩⲧⲃⲁ ⲛ̅ ϭⲓⲛϭⲱⲣ ϫⲉ ⲉϥⲉⲧⲁⲕⲉⲛ̅ Ⲓⲟⲩⲇⲁⲓ . ⲁⲩⲱ
ⲡⲁⲛ̅ ⲧⲓⲅⲣⲁⲫⲟⲛ ⲙ̅ ⲡⲉⲥϩⲁⲓ ⲉⲛⲧⲁⲩⲧⲟϭϥ̅ ⲉⲃⲟⲗ ϩⲛ̅ Ⲥⲟⲩⲥⲟⲥ ⲉⲧⲁⲕⲟⲟⲩ ⲁϥⲧⲁⲁϥ ⲛⲁϥ ⲉⲧⲟⲩⲟϥ ⲉ̅ Ⲉⲥⲑⲏⲣ.
ⲁϥϫⲟⲟⲥ ⲛⲁϥ ⲉⲧⲣⲉⲥⲃⲱⲕ ⲉϩⲟⲩⲛ ϣⲁⲡⲣ̅ ⲣⲟ ⲛⲥ̅ ⲁⲣⲉⲧⲓ ⲙ̅ ⲡⲉⲓϩⲱⲃ : Ⲃⲱⲕ ϭⲉ ⲛ̅ ⲧⲉⲁⲝⲓⲟⲩ ⲙ̅ ⲙⲟϥ
ⲉⲧⲃⲉⲡⲗⲁⲟⲥ ⲙⲛ̅ ⲧⲡⲟⲗⲓⲥ . ⲛ̅ ⲧⲉⲣ̅ ⲡⲙⲉⲉⲩⲉ ⲛ̅ ⲛⲉϩⲟⲟⲩ ⲙ̅ ⲡⲟⲩⲑⲃ̅ ⲃⲓⲟ ⲛ̅ ⲑⲉ ⲉⲛⲧⲁⲉⲓ ⲉϩⲣⲁⲓ ϩⲛ̅ ⲛⲁϭⲓϫ . ⲉⲃⲟⲗϫⲉ
Ⲁⲙⲁⲛ ⲡⲉⲧⲟ ⲙ̅ ⲙⲁϩⲥⲛⲁⲩ ⲙ̅ ⲡⲣ̅ ⲣⲟ ⲁϥϣⲁϫⲉ ⲉⲧⲃⲏⲏⲧⲛ̅ ⲉⲡⲙⲟⲩ. Ⲉⲡⲓⲕⲁⲗⲓ ϭⲉ ⲙ̅ Ⲡϫⲟⲉⲓⲥ ⲉⲧⲃⲏⲏⲧⲛ̅
ⲛ̅ ⲧⲉⲛⲁϩⲙⲛ̅ ⲉⲃⲟⲗ ϩⲙ̅ ⲡⲙⲟⲩ: Ⲁⲭⲣⲁⲑⲁⲓⲟⲥ ⲇⲉ ⲁϥⲃⲱⲕ ⲉϩⲟⲩⲛ ⲁϥϣⲁϫⲉ ⲙⲛ̅ Ⲉⲥⲑⲏⲣ ⲛ̅ ⲛⲉⲓϣⲁϫⲉ
ⲧⲏⲣⲟⲩ. Ⲉⲥⲑⲏⲣ ⲇⲉ ⲡⲉϫⲁⲥ ⲛⲀⲭⲣⲁⲑⲁⲓⲟⲥ ϫⲉ ⲃⲱⲕ ϣⲁⲘⲁⲣⲇⲟⲭⲁⲓⲟⲥ ⲛⲅ̅ ϫⲟⲟⲥ ⲛⲁϥ. ϫⲉ ⲛ̅ ⲛⲛⲟⲙⲟⲥ
ⲧⲏⲣⲟⲩ ⲕⲥⲟⲟⲩⲛ ⲙ̅ ⲙⲟⲟⲩ. Ϫⲉ ⲣⲱⲙⲉ ⲛⲓⲙ ϩⲓⲥϩⲓⲙⲉ ⲉⲧⲛⲁⲃⲱⲕ ⲉϩⲟⲩⲛ ϣⲁⲡⲣ̅ ⲣⲟ ⲉⲧⲁⲩⲗⲏ ⲉⲧϩⲓϩⲟⲩⲛ
ⲁϫⲛ̅ ⲧⲣⲉⲩⲙⲟⲩⲧⲉ ⲉⲣⲟϥ ⲙⲛ̅ ⲧϥ̅ⲟⲩϫⲁⲓ ⲙ̅ ⲙⲁⲩ . Ⲉⲣϣⲁⲛⲡⲣ̅ ⲣⲟ ⲇⲉ ⲥⲟⲩⲧⲛ̅ ⲡⲉϥϭⲉⲣⲱⲃ ⲛ̅ ⲛⲟⲩⲃ ⲉⲃⲟⲗ ⲡⲁⲓ
ϥⲛⲁⲟⲩϫⲁⲓ ⲁⲛⲟⲕ ϭⲉ ϩⲱⲱⲧ ⲙ̅ ⲡⲟⲩⲙⲟⲩⲧⲉ ⲉⲣⲟⲓ ⲉⲃⲱⲕ ⲉϩⲟⲩⲛ ϣⲁⲡⲣ̅ ⲣⲟ ⲉⲓⲥ ⲁⲟⲩⲉⲃⲟⲧ ⲛ̅ ϩⲟⲟⲩ .
ⲁⲀⲭⲣⲁⲑⲁⲓⲟⲥ ϫⲉⲛ̅ ϣⲁϫⲉ ⲛ̅ Ⲉⲥⲑⲏⲣ ⲛⲁϥ ⲙ̅ Ⲙⲁⲣⲇⲟⲩⲭⲁⲓⲟⲥ ⲁϥⲧⲣⲉⲩⲟⲩⲱϣⲃ̅ ⲛ̅ Ⲉⲥⲑⲏⲣ ⲛ̅ ⲕⲉⲥⲟⲡ . ϫⲉ
ⲙ̅ ⲡⲣ̅ ϩⲉⲗⲡⲓⲍⲉ ⲉϣⲡ̅ ⲥⲱⲧⲏⲣⲓⲁ ⲟⲩⲁⲁⲧⲉ ϫⲉ ⲛ̅ ⲧⲟ ϩⲙ̅ ⲡⲁⲗⲗⲁⲧⲓⲟⲛ : Ⲉⲡⲓⲇⲏ ⲅⲁⲣ ⲕⲁⲛ ⲉϣϫⲉ ⲉⲣⲉⲕⲁⲣⲱ
ϩⲁⲣⲟⲥ ⲛ̅ ⲧⲟ . ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ ⲉⲣⲉⲧⲥⲱⲧⲏⲣⲓⲁ ⲙⲛ̅ ⲧⲙⲛ̅ ⲧⲣⲙ̅ ϩⲉ ⲧⲟⲩⲛⲟⲥ ⲉⲃⲟⲗ ϩⲛ̅ ⲕⲉⲥⲁ. ⲛ̅ ⲧⲱⲧⲛ̅ ⲇⲉ
ⲛ̅ ⲧⲟ ⲙⲛ̅ ⲡⲉⲏⲓ ⲧⲉⲧⲛⲉⲧⲁⲕⲟ : Ⲁⲩⲱ ⲧⲁⲭⲩ ⲡⲁⲓϩⲱⲃ ⲡⲉⲛⲧⲁⲩϫⲁⲥⲧⲉ ⲉⲧⲃⲏⲏⲧϥ̅ ϩⲣⲁⲓ ⲉⲧⲙⲛ̅ ⲧⲉⲣⲟ. Ⲁⲩⲱ
Ⲉⲥⲑⲏⲣ ⲁⲥϫⲟⲟⲩ ⲟⲛ ⲙ̅ Ⲙⲁⲣⲇⲟⲩⲭⲁⲓⲟⲥ ⲉⲧⲣⲉⲥⲟⲩⲱϣⲃ̅ ⲉⲥϫⲱ ⲙ̅ ⲙⲟⲥ ϫⲉ . Ⲃⲱⲕ ϭⲉ ⲛⲁⲕ ⲛⲅ̅ ⲥⲩⲛⲁⲅⲉ
ⲛ̅ ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ ⲛⲉⲧⲟⲩⲏϩ ϩⲛ̅ Ⲥⲟⲩⲥⲟⲥ ⲧⲏⲣⲟⲩ ⲛ̅ ⲧⲉⲧⲛ̅ ⲛⲏⲥⲧⲉⲩⲉ ⲉⲧⲃⲏⲏⲧ : Ⲛ̅ ⲛⲉⲧⲛ̅ ⲟⲩⲱⲙ
ⲛ̅ ϣⲟⲙⲛⲧ̅ ⲛ̅ ϩⲟⲟⲩ ⲟⲩⲧⲉ ⲛ̅ ⲛⲉⲧⲛ̅ ⲥⲱ . Ⲁⲛⲟⲕ ⲇⲉ ⲙⲛ̅ ⲛⲁϭⲁⲩⲱⲛⲉ ϩⲱⲛ ⲧⲛ̅ ⲛⲁⲛⲏⲥⲧⲉⲩⲉ. ⲙⲛ̅ ⲛⲥⲱⲥ
ϯⲛⲁⲃⲱⲕ ⲉϩⲟⲩⲛ ϣⲁⲡⲣ̅ ⲣⲟ ⲕⲉⲧⲟⲓ ⲙ̅ ⲡϩⲁⲡ ⲁⲛ ⲡⲉ : ⲉⲓϣⲁⲛⲧⲁⲕⲟ ⲧⲟⲧⲉ ⲙⲁⲣⲓⲧⲁⲕⲟ . Ⲁⲩⲱ
Ⲙⲁⲣⲇⲟⲩⲭⲁⲓⲟⲥ ⲁϥⲃⲱⲕ ⲁϥⲣ̅ ϩⲱⲃ ⲛⲓⲙ ⲕⲁⲧⲁⲑⲉ ⲉⲛⲧⲁⲈⲥⲑⲏⲣ ϣⲁϫⲉ ⲉⲉⲓⲣⲉ ⲙ̅ ⲙⲟⲥ . Ⲛ̅ ⲧⲟϥ ⲇⲉ
Ⲙⲁⲣⲇⲟⲩⲭⲁⲓⲟⲥ ⲁϥϣⲗⲏⲗ ⲉⲠϫⲟⲉⲓⲥ ⲉϥⲣ̅ ⲡⲙⲉⲉⲩⲉ ⲉⲛⲉϩⲃⲏⲩⲉ ⲛ̅ ⲧⲉⲡⲛⲟⲩⲧⲉ ⲁϥⲧⲱⲃϩ̅ ϩⲓⲛⲁⲓ ⲉϥϫⲱ
ⲙ̅ ⲙⲟⲥ . ϫⲉ Ⲡϫⲟⲉⲓⲥ ⲡⲣ̅ ⲣⲟ ⲉϥⲁⲣⲭⲉⲓ ⲉϫⲛ̅ ϩⲱⲃ ⲛⲓⲙ . ⲡⲕⲟⲥⲙⲟⲥ ⲅⲁⲣ ⲉϥⲟ̅ ⲛ̅ ⲧⲟⲟⲧⲕ̅ . ⲙⲛ̅ ⲗⲁⲁⲩ
ⲉϥⲙⲓϣⲉ ⲛⲙ̅ ⲙⲁⲕ ⲉⲕⲥⲱⲧⲉ ⲙ̅ ⲡⲒ̅ⲏ̅ ⲗ̅ . Ⲛ̅ ⲧⲟⲕ ⲡⲉⲛⲧⲁϥⲧⲁⲙⲓⲉⲧⲡⲉ ⲙⲛ̅ ⲡⲕⲁϩ . ⲙⲛ̅ ϣⲡⲏⲣⲉ ⲛⲓⲙ
ⲉⲧϩⲁⲧⲉⲥϩⲁⲓⲃⲉⲥ . Ⲛ̅ ⲧⲕⲡⲇⲉⲥⲡⲟⲧⲁ ⲛ̅ ϩⲱⲃ ⲛⲓⲙ ⲉⲙⲛ̅ ⲡⲉⲧϯ ⲟⲩⲃⲏⲕ. Ⲕⲥⲟⲟⲩⲛ ⲙ̅ ⲡⲧⲏⲣϥ̅ . Ⲡϫⲟⲉⲓⲥ ⲁⲩⲱ
ⲕⲥⲟⲟⲩⲛ̅ ϫⲉ ⲙ̅ ⲡⲓⲣ̅ ⲡⲁⲓ ϩⲛ̅ ⲟⲩϣⲟⲩϣⲟⲩ ⲟⲩⲧⲉ ϩⲛ̅ ⲟⲩⲙⲛ̅ ⲧϫⲁⲥⲓϩⲏⲧ ⲟⲩⲧⲉ ⲟⲩⲫⲓⲗⲟⲇⲟⲝⲓⲁ . ϫⲉ ⲙ̅ ⲡⲓⲡⲁϩⲧ̅
ⲉⲣⲁⲧϥ̅ ⲛ̅ Ⲁⲙⲁⲛ ⲡⲇⲓⲁⲃⲟⲗⲟⲥ . Ⲉⲓⲥ ϩⲏⲏⲧⲉ ⲅⲁⲣ ⲧⲁⲥⲱⲧⲉ ⲙ̅ ⲡⲒ̅ⲏ̅ ⲗ̅ ⲉⲓⲛⲁϯⲡⲓ ⲉⲛⲉϥⲟⲩⲉⲣⲏⲧⲉ . Ⲁⲗⲗⲁ
ⲉⲁⲓⲣ̅ ⲡⲁⲓ ϫⲉ ⲛ̅ ⲛⲁϯⲉⲟⲟⲩ ⲙ̅ ⲙⲓⲛⲉ ⲙ̅ ⲡⲉⲧⲡⲉ ⲙ̅ ⲡⲉⲟⲟⲩ ⲙ̅ ⲡⲁⲛⲟⲩⲧⲉ . ⲁⲩⲱ ⲛ̅ ϯⲛⲁⲟⲩⲱϣⲧ ⲁⲛ ⲛ̅ ⲗⲁⲁⲩ
ⲛ̅ ⲥⲁⲃⲗ̅ ⲗⲁⲕ Ⲡϫⲟⲉⲓⲥ ⲟⲩⲇⲉ ⲛ̅ ϯⲛⲁⲣ̅ ⲗⲁⲁⲩ ⲁⲛ ϩⲛ̅ ⲟⲩⲙⲛ̅ ⲧϫⲁⲥⲓϩⲏⲧ : Ⲧⲉⲛⲟⲩ ϭⲉ Ⲡϫⲟⲉⲓⲥ ⲡⲛⲟⲩⲧⲉ
ⲛ̅ Ⲁⲃⲣⲁϩⲁⲙ ϯⲥⲟ ⲉⲡⲉⲕⲗⲁⲟⲥ ϫⲉ ⲥⲉϭⲱϣⲧ ⲉϫⲱⲛ ⲉⲩⲧⲁⲕⲟ . ⲁⲩⲱ ⲁⲩⲉⲡⲓⲑⲩⲙⲓ ⲉⲧⲁⲕⲉⲧⲉⲕⲕⲗⲏⲣⲟⲛⲟⲙⲓⲁ
ϫⲓⲛ̅ ⲧⲉϩⲟⲩⲉⲓⲧⲉ . Ⲙ̅ ⲡⲣ̅ ⲕⲱ ⲛ̅ ⲥⲱⲕ ⲛ̅ ⲧⲉⲕⲙⲉⲣⲓⲥ ⲧⲁⲓ ⲉⲛⲧⲁⲕⲥⲟⲧⲥ̅ ⲉⲃⲟⲗ ϩⲙ̅ ⲡⲕⲁϩ ⲛ̅ Ⲕⲏⲙⲉ . Ⲥⲱⲧⲙ̅ ⲉⲡⲁⲧⲱⲃϩ̅
ⲛⲅ̅ ⲟⲩⲱⲛϩ ⲉⲃⲟⲗ ⲙ̅ ⲡⲉⲕⲕⲗⲏⲣⲟⲥ . ⲛⲅ̅ ⲕⲧⲟ ⲙ̅ ⲡⲉⲛϩⲏⲃⲉ ⲉⲩⲣⲁϣⲉ . ϫⲉⲕⲁⲥ ⲉⲛⲉⲥⲙⲟⲩ ⲉⲣⲟⲕ Ⲡϫⲟⲉⲓⲥ ⲉⲛⲟⲛϩ .
Ⲙ̅ ⲡⲣ̅ ⲧⲁⲕⲟ ⲛ̅ ⲧⲧⲁⲡⲣⲟ ⲛ̅ ⲛⲉⲧⲥⲙⲟⲩ ⲉⲣⲟⲕ : Ⲁⲩⲱ ⲡⲒⲥⲣⲁⲏⲗ ⲧⲏⲣϥ̅ ⲁϥⲁϣⲕⲁⲕ ⲉⲃⲟⲗ ϩⲛ̅ ⲧⲉⲩϭⲟⲙ ϫⲉ
ⲡⲉⲩⲙⲟⲩ ⲛⲉϥϩⲁⲛⲉⲩⲃⲁⲗ :
Ⲉ̅ . Ⲉⲥⲑⲏⲣ ⲧⲣ̅ ⲣⲱ ⲁⲥⲡⲱⲧ ⲉⲣⲁⲧϥ̅ ⲙ̅ Ⲡϫⲟⲉⲓⲥ ϩⲛ̅ ⲟⲩϩⲟⲧⲉ ⲙ̅ ⲙⲟⲩ . ⲁⲥⲕⲁⲁⲥ ⲕⲁϩⲏⲩ ⲛ̅ ⲑ̅ ⲃⲥⲱ ⲙ̅ ⲡⲉⲥⲉⲟⲟⲩ
ⲁⲩⲱ ⲁⲥϯ ϩⲓⲱⲱⲥ ⲛ̅ ϩⲉⲛϩⲟⲓⲧⲉ ⲛ̅ ϩⲏⲃⲉ ϩⲓϩⲱϫ . ⲁⲩⲱ ⲉⲡⲙⲁ ⲛ̅ ⲛⲉⲥϯⲛⲟⲩⲃⲉ ⲙ̅ ⲙⲛ̅ ⲧϣⲟⲩϣⲟ
ⲁⲥⲙⲉϩⲧⲉⲥⲁⲡⲉ ⲛ̅ ⲕⲣⲙⲉⲥ ϩⲓⲉⲓⲧⲛ̅ . ⲁⲩⲱ ⲡⲉⲥⲥⲱⲙⲁ ⲁⲥⲑⲃ̅ ⲃⲓⲟϥ ⲉⲙⲁⲧⲉ ⲁⲩⲱ ⲙⲁ ⲛⲓⲙ ⲙ̅ ⲡⲕⲟⲥⲙⲟⲥ
ⲙ̅ ⲡⲉⲥⲧⲉⲗⲏⲗ ⲁⲥⲙⲁϩⲟⲩ ⲙ̅ ⲡⲉⲥϥⲱ ⲉⲧⲥⲉϩⲥⲱϩ. Ⲁⲥⲧⲃϩ̅Ⲡϫⲟⲉⲓⲥ ⲡⲛⲟⲩⲧⲉ ⲙ̅ ⲡⲒⲥⲣⲁⲏⲗ ⲉⲥϫⲱ ⲙ̅ ⲙⲟⲥ . ϫⲉ
Ⲡϫⲟⲉⲓⲥ ⲛ̅ ⲧⲟⲕ ⲙⲁⲩⲁⲁⲕ ⲡⲉ ⲡⲁⲃⲟⲏⲑⲟⲥ ⲃⲟⲏⲑⲉⲓ ⲉⲣⲟⲓ ⲧⲉⲥϩⲓⲙⲉ ⲛ̅ ⲟⲩⲟⲟⲧⲥ̅ . ⲉⲙⲛ̅ ⲧⲥ̅ ⲃⲟⲏⲑⲟⲥ ⲙ̅ ⲙⲁⲩ
ⲛ̅ ⲥⲁⲃⲗ̅ ⲗⲁⲕ ϫⲉ ⲡⲁⲕⲓⲛⲇⲩⲛⲟⲥ ϩⲛ̅ ⲧⲁϭⲓϫ . Ⲁⲛⲟⲕ Ⲡϫⲟⲉⲓⲥ ϣⲁⲓⲥⲱⲧⲙ̅ ⲛ̅ ⲧⲟⲟⲧϥ̅ ⲙ̅ ⲡⲁⲉⲓⲱⲧ ϫⲉ ⲛ̅ ⲧⲟⲕ
ⲁⲕϫⲓⲡⲒⲥⲣⲁⲏⲗ ⲉⲃⲟⲗ ϩⲛ̅ ⲛⲛϩⲉⲑⲛⲟⲥ ⲧⲏⲣⲟⲩ . ⲁⲩⲱ ⲡⲉⲛⲉⲓⲱⲧ ⲉⲃⲟⲗ ϩⲛ̅ ⲛⲉⲩⲉⲓⲟⲧⲉ ⲉⲩⲕⲗⲏⲣⲟⲛⲟⲙⲓⲁ
ϣⲁⲉⲛⲉϩ . Ⲁⲩⲱ ⲁⲕⲉⲓⲣⲉ ⲛⲁⲩ ⲛ̅ ⲛⲉⲛⲧⲁⲕϫⲟⲟⲩ ⲉⲣⲟⲟⲩ . Ⲁⲛⲣ̅ ⲛⲟⲃⲉ ⲙ̅ ⲡⲉⲕⲙ̅ ⲧⲟ ⲉⲃⲟⲗ . ⲁⲩⲱ ⲁⲕⲧⲁⲁⲛ

5. ⲉϩⲣⲁⲓ ⲉⲧⲟⲟⲧⲟⲩ ⲛ̅ ⲛϫⲓϫⲓⲉⲉⲩ ⲉⲃⲟⲗϫⲉ ⲁⲛϯⲉⲟⲟⲩ ⲛ̅ ⲛⲉⲩⲛⲟⲩⲧⲉ ⲛ̅ ⲧⲕ̅ ⲟⲩⲇⲓⲕⲁⲓⲟⲥ Ⲡϫⲟⲉⲓⲥ : Ⲁⲩⲱ ⲧⲉⲛⲟⲩ
ⲙⲛ̅ ⲟⲩⲣⲱϣⲉ ϩⲙ̅ ⲡⲡⲓⲣⲁⲥⲙⲟⲥ ⲛ̅ ⲧⲉⲛⲙⲛ̅ ⲧϩⲙ̅ ϩⲁⲗ ⲁⲗⲗⲁ ⲁⲩⲕⲁⲛⲉⲩϭⲓϫ ⲉϫⲛ̅ ⲛϭⲓϫ ⲛ̅ ⲛⲉⲩⲉⲓⲇⲱⲗⲟⲛ ⲉⲧⲣⲉⲩϥⲓ
ⲙ̅ ⲙⲁⲩ ⲛ̅ ⲛⲧⲱϣ ⲛ̅ ⲧⲉⲕⲧⲁⲡⲣⲟ . ⲁⲩⲱ ⲉⲧⲁⲕⲟ ⲛ̅ ⲧⲉⲕⲕⲗⲏⲣⲟⲛⲟⲙⲓⲁ . ⲉϣⲧⲁⲙ ⲛ̅ ⲧⲧⲁⲡⲣⲟ ⲛ̅ ⲛⲉⲧⲥⲙⲟⲩ ⲉⲣⲟⲕ .
ⲁⲩⲱ ⲉⲱϣⲙ ⲙ̅ ⲡⲉⲟⲟⲩ ⲙ̅ ⲡⲉⲕⲑⲩⲥⲓⲁⲥⲧⲏⲣⲓⲟⲛ. ⲁⲩⲱ ⲉⲧⲣⲉϥⲟⲩⲱⲛ ⲛ̅ ⲧⲧⲁⲡⲣⲟ ⲛ̅ ⲛϩⲉⲑⲛⲟⲥ ⲉϩⲉⲛⲁⲣⲉⲧⲏ
ⲛ̅ ⲉⲧϣⲟⲩⲓⲧ ⲛ̅ ⲧⲉⲟⲩⲣ̅ ⲣⲟ ⲛ̅ ⲥⲁⲣⲝ ⲣ̅ ϣⲡⲏⲣⲉ ϣⲁⲉⲛⲉϩ . Ⲡϫⲟⲉⲓⲥ ⲙ̅ ⲡⲣⲏϯ ⲙ̅ ⲡⲉⲕⲏⲡⲧⲱⲣ ⲛ̅ ⲛⲉⲧⲉⲛ̅ ⲥⲉϣⲟⲟⲡ
ⲁⲛ ⲁⲩⲱ ⲙ̅ ⲡⲣ̅ ⲧⲣⲉⲩⲥⲱⲃⲉ ϩⲙ̅ ⲡⲉⲛϩⲉ. ⲁⲗⲗⲁ ⲕⲧⲉⲡⲉⲩϣⲟϫⲛⲉ ⲉϫⲱⲟⲩ . ⲛⲅ̅ ⲧⲁⲕⲉⲡⲉⲛⲧⲁϥⲧⲱⲟⲩⲛ ⲉϫⲱⲛ̅ .
Ⲁⲣⲓⲡⲙⲉⲉⲩⲉ Ⲡϫⲟⲉⲓⲥ ⲟⲩⲟⲛϩⲕ̅ ⲉⲃⲟⲗ ⲙ̅ ⲡⲟⲩⲟⲉⲓϣ ⲛ̅ ⲧⲉⲛⲑⲗⲓⲯⲓⲥ . ⲁⲩⲱ ⲁⲛⲟⲕ ⲛⲅ̅ ϯⲧⲱⲕ ⲛⲁⲓ ⲛ̅ ϩⲏⲧ
ⲡⲁⲛⲟⲩⲧⲉ ⲡⲉⲧⲁⲙⲁϩⲧⲉ ⲉϫⲛ̅ ⲁⲣⲭⲏ ⲛⲓⲙ . ϯⲟⲩϣⲁϫⲉ ⲉϥⲧⲏϣ ⲉⲧⲁⲧⲁⲡⲣⲟ ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲙⲟⲩⲓ .
ⲛⲅ̅ ⲕⲧⲉⲡⲉϥϩⲏⲧ ⲉⲟⲩⲙⲟⲥⲧⲉ ⲉϫⲙ̅ ⲡⲉⲧϯ ⲛⲙ̅ ⲙⲁⲛ ⲉⲧⲉϥϩⲁⲏ . ⲙⲛ̅ ⲛⲉⲧϥⲓ ⲛⲙⲙⲁϥ. Ⲁⲛⲟⲛ ⲇⲉ ⲛⲁϩⲙⲛ̅ ϩⲛ̅ ⲧⲉⲕϭⲓϫ
ⲛⲅ̅ ⲃⲟⲏⲑⲓ ⲉⲣⲟⲓ ⲧⲉⲥϩⲓⲙⲉ ⲛ̅ ⲟⲩⲟⲟⲧⲥ̅ . ⲉⲙⲛ̅ ⲧⲥ̅ ⲗⲁⲁⲩ ⲛ̅ ⲥⲁⲃⲗ̅ ⲗⲁⲕ ⲙ̅ Ⲡϫⲟⲉⲓⲥ . Ⲟⲩⲛ̅ ⲧⲁⲕ ⲙ̅ ⲙⲁⲩ ⲙ̅ ⲡⲥⲟⲟⲩⲛ
ⲧⲏⲣϥ̅. Ⲁⲩⲱ ⲕⲥⲟⲟⲩⲛ ϫⲉ ⲁⲓⲙⲟⲥⲧⲉⲡⲉⲟⲟⲩ ⲛ̅ ⲛⲁⲛⲟⲙⲟⲥ . ⲁⲩⲱ ϯⲃⲱⲧⲉ ⲛⲙ̅ ⲙⲁ ⲛ̅ ⲛⲕⲟⲧⲕ̅ ⲛⲁⲧⲥⲃ̅ ⲃⲉ ⲛⲓⲙ
ϩⲓϣⲙ̅ ⲙⲟ ⲛⲓⲙ . Ⲛ̅ ⲧⲟⲕ ⲉⲧⲥⲟⲟⲩⲛ ⲛ̅ ⲧⲁⲁⲛⲁⲅⲕⲏ ⲉϯ ⲛ̅ ϩⲏⲧⲥ̅ . ϫⲉ ϯⲃⲱⲧⲉ ⲙ̅ ⲡⲙⲁⲉⲓⲛ ⲛ̅ ⲧⲁⲙⲛ̅ ⲧϫⲁⲥⲓϩⲏⲧ ⲡⲁⲓ
ⲉⲧϩⲓϫⲛ̅ ⲧⲁⲁⲡⲉ ϩⲙ̅ ⲡⲉϩⲟⲟⲩ ⲙ̅ ⲡⲁⲟⲩⲱⲛϩ ⲉ̅ ⲃⲟⲗ . ϯⲃⲱⲧⲉ ⲙ̅ ⲙⲟϥ ⲛ̅ ⲑⲉ ⲛ̅ ⲟⲩⲧⲟⲓⲥ ⲛ̅ ϣⲣⲱ . Ⲁⲩⲱ ⲙⲉⲓⲧⲁⲁϥ
ⲉϫⲱⲓ ϩⲛ̅ ⲛⲉϩⲟⲟⲩ ⲉϯϣⲟⲟⲡ ⲙⲁⲩⲁⲁⲧ . ⲧⲉⲕϩⲙ̅ ϩⲁⲗ ⲙ̅ ⲡⲓⲟⲩⲱⲙ ϩⲛ̅ ⲧⲉⲧⲣⲁⲡⲉⲍⲁ ⲛⲀⲙⲁⲛ ⲁⲩⲱ ⲙ̅ ⲡⲓϯⲉⲟⲟⲩ
ⲙ̅ ⲡⲙⲁ ⲛ̅ ⲥⲱ ⲛ̅ ⲣ̅ ⲣⲱⲟⲩ . ⲟⲩⲇⲉ ⲙ̅ ⲡⲓⲥⲱ ⲛ̅ ⲟⲩⲏⲣⲡ̅ ⲛ̅ ⲟⲩⲱⲧⲛ̅ ⲉⲃⲟⲗ . Ⲁⲩⲱ ⲧⲉⲕϩⲙ̅ ϩⲁⲗ ⲙ̅ ⲡⲓⲉⲩⲫⲣⲁⲛⲉ
ⲉϫⲙ̅ ⲡⲉⲟⲟⲩ ⲙ̅ ⲡⲁϣⲓⲡⲉ ϣⲁⲧⲉⲛⲟⲩ ⲛ̅ ⲥⲁϩⲣⲁⲓ ⲛ̅ ϩⲏⲧⲕ̅ Ⲡϫⲟⲓⲥ ⲡⲛⲟⲩⲧⲉ ⲛ̅ Ⲁⲃⲣⲁϩⲁⲙ . ⲡⲛⲟⲩⲧⲉ ⲉⲧϭⲙ̅ ϭⲟⲙ
ⲉϫⲛ̅ ⲟⲩⲟⲛ ⲛⲓⲙ . ⲥⲱⲧⲙ̅ ⲉⲡⲉϩⲣⲟⲟⲩ ⲛ̅ ⲛⲉⲛⲧⲁⲧⲉⲩϩⲉⲗⲡⲓⲥ ⲱϫⲛ̅ ⲛⲉⲧⲟⲩⲱϣ ⲉⲙⲟⲟⲩⲧⲟⲩ . ⲁⲩⲱ ⲛⲅ̅ ⲛⲁϩⲙⲛ̅
ⲉⲧⲟⲟⲧⲟⲩ ⲛ̅ ⲛⲉⲧⲡⲟⲛⲏⲣⲉⲩⲉ ⲉⲣⲟⲛ . Ⲛⲁϩⲙⲉⲧ ⲉⲃⲟⲗ ϩⲛ̅ ⲧⲁϩⲟⲧⲉ. Ⲁⲥϣⲱⲡⲉ ⲇⲉ ϩⲙ̅ ⲡⲙⲁϩϣⲟⲙⲛ̅ ⲧ ⲛ̅ ϩⲟⲟⲩ
ⲛ̅ ⲧⲉⲣⲉⲥⲟⲩⲱ ⲉⲥϣⲗⲏⲗ . ⲁⲥⲕⲁⲁⲥ ⲕⲁϩⲏⲩ ⲛ̅ ⲛϩⲟⲓⲧⲉ ⲙ̅ ⲡⲉⲥⲑⲃ̅ ⲃⲟ ⲁⲥϭⲟⲟⲗⲉⲥ ⲙ̅ ⲡⲉⲥⲉⲟⲟⲩ . ⲁⲩⲱ
ⲛ̅ ⲧⲉⲣⲉⲥⲥⲁ ⲁⲥⲉⲡⲓⲕⲁⲗⲉⲓ ⲙ̅ ⲡⲉⲧϭⲱϣⲧ̅ ⲉϫⲛ̅ ⲟⲩⲟⲛ ⲛⲓⲙ ⲡⲛⲟⲩⲧⲉ ⲡⲥⲱⲧⲏⲣ. Ⲁⲥϫⲓⲧϩⲙ̅ ϩⲁⲗ ⲥⲛ̅ ⲧⲉ ⲛⲙ̅ ⲙⲁⲥ .
Ⲟⲩⲓ ⲙⲉⲛ ⲁⲥⲣⲁⲕⲧⲥ̅ ⲉϫⲱⲥ ⲛ̅ ⲑⲉ ⲉⲧⲥ̅ ϭⲟⲟⲗⲉ ⲙ̅ ⲙⲟⲥ ⲕⲉⲟⲩⲉⲓ ⲇⲉ ⲁⲥⲟⲩⲁϩⲥ̅ ⲛ̅ ⲛⲥⲱⲥ ⲉⲥϥⲓ ⲉϩⲣⲁⲓ
ⲛ̅ ⲧⲉⲥϩⲟⲓⲧⲉ ⲛ̅ ⲧⲟⲥ ϩⲱⲱⲥ ⲉⲥⲙⲟⲣϣ ϩⲛ̅ ⲧⲁⲕⲙⲏ ⲙ̅ ⲡⲉⲥⲥⲁ . ⲉⲣⲉⲡⲉⲥϩⲟ ⲣⲟⲟⲩⲧ ⲛ̅ ϣⲟⲩⲙⲉⲣⲓⲧϥ . ⲡⲉⲥϩⲏⲧ
ⲇⲉ ⲛⲉϥϩⲏϫ ⲡⲉ ⲉⲃⲟⲗ ϩⲛ̅ ⲑⲟⲧⲉ . Ⲁⲩⲱ ⲛ̅ ⲧⲉⲣⲉⲥⲃⲱⲕ ⲉϩⲟⲩⲛ ϩⲓⲧⲛ̅ ⲛⲣⲟ ⲧⲏⲣⲟⲩ ⲁⲥⲁϩⲉⲣⲁⲧⲥ̅ ⲙ̅ ⲡⲙ̅ ⲧⲟ ⲉⲃⲟⲗ
ⲙ̅ ⲡⲣ̅ ⲣⲟ. Ⲛ̅ ⲧⲟϥ ⲇⲉ ⲡⲣ̅ ⲣⲟ ⲛ̅ ⲛⲉϥϩⲙⲟⲟⲥ ⲡⲉ ϩⲓϫⲙ̅ ⲡⲉⲑⲣⲟⲛⲟⲥ ⲛ̅ ⲧⲉϥⲙⲛ̅ ⲧⲉⲣⲟ ⲉⲣⲉⲑⲃ̅ ⲥⲟ ⲧⲏⲣⲥ̅
ⲙ̅ ⲡⲉϥϣⲟⲩϣⲟⲩ ⲧⲟ̅ ϩⲓⲱⲱϥ ⲉⲥⲟ ⲛ̅ ⲉⲓⲉⲡⲛⲟⲩⲃ ⲧⲏⲣⲥ̅ ⲉⲛⲁϣⲉⲥⲟⲩⲛⲧⲥ̅ ⲉϥⲟ ⲛ̅ ϩⲟⲧⲉ ⲉⲙⲁⲧⲉ. Ⲁⲩⲱ ⲛ̅ ⲧⲉⲣⲉϥϥⲓ
ⲙ̅ ⲡⲉϥϩⲟ ⲉϩⲣⲁⲓ ⲉϥⲙⲟⲩϩ ϩⲁⲡⲉⲟⲟⲩ ⲛ̅ ⲧⲁⲕⲙⲏ ⲙ̅ ⲡⲉϥϭⲱⲛⲧ ⲧⲣⲣⲱ ⲁⲥϩⲉ . Ⲡⲉⲥϩⲟ ⲁϥϣⲓⲃⲉ ϩⲛ̅ ⲟⲩϣⲱⲥⲙ̅
ⲛ̅ ϩⲏⲧ ⲁⲥⲣⲉⲕⲧⲡⲉⲥϩⲟ ⲉϫⲛ̅ ⲧⲁⲡⲉ ⲛ̅ ⲧϩⲙ̅ ϩⲁⲗ ⲉⲧⲙⲟⲟϣⲉ ⲛⲙ̅ ⲙⲁⲥ : Ⲁⲩⲱ ⲡⲛⲟⲩⲧⲉ ⲁϥⲕⲧⲉⲡⲉⲡ̅ ⲛ̅ ⲁ̅ ⲙ̅ ⲡⲣ̅ ⲣⲟ
ⲉⲩⲙⲛ̅ ⲧⲣⲙ̅ ⲣⲁϣ . Ⲡⲣ̅ ⲣⲟ ⲇⲉ ⲛ̅ ⲧⲉⲣⲉϥϣⲧⲟⲣⲧⲣ̅ ⲁϥϥⲱϭⲉ ⲉⲃⲟⲗ ϩⲓϫⲙ̅ ⲡⲉϥⲑⲣⲟⲛⲟⲥ ⲁϥⲡⲁⲣⲫⲉⲣⲛⲉϥϭⲓϫ
ⲉⲃⲟⲗ ⲁϥϭⲱⲗϭ̅ ⲉϩⲟⲩⲛ ⲉⲣⲟⲥ ϣⲁⲛⲧⲥ̅ ⲥⲱⲟⲩⲛⲥ̅ . Ⲙⲛ̅ ⲛ̅ ⲥⲱⲥ ⲁϥⲥⲟⲗⲥⲉⲗ ⲙ̅ ⲙⲟⲥ ϩⲛ̅ ϩⲉⲛϣⲁϫⲉ ⲙ̅ ⲙ̅ ⲛ̅ ⲧⲛⲁ
ⲉϥϫⲱ ⲙ̅ ⲙⲟⲥ ⲛⲁⲥ . ϫⲉ Ⲁϩⲣⲟ Ⲉⲥⲑⲏⲣ ⲁⲛⲟⲕ ⲅⲁⲣ ⲡⲉⲕⲥⲟⲛ . Ⲛ̅ ⲛⲉⲙⲟⲩ . ⲡⲉⲓϩⲱⲛ ⲇⲉ ⲡⲁⲓ ⲧⲏϣ
ⲉⲡⲗⲁⲟⲥ . Ⲁⲙⲏ ϭⲉ ⲛ̅ ⲧⲉϩⲱⲛⲧ ⲉϩⲟⲩⲛ. Ⲁⲩⲱ ⲁϥⲥⲟⲩⲧⲛ̅ ⲧⲉϥϭⲉⲣⲱⲃ ⲛ̅ ⲛⲟⲩⲃ ⲉⲃⲟⲗ ⲉⲣⲟⲥ ⲁϥⲟⲩⲁϩϥ̅
ⲉϫⲙ̅ ⲡⲉⲥⲛⲁϩⲃ̅ ⲁϥϯⲡⲓ ⲉⲣⲟⲥ ⲡⲉϫⲁϥ ϫⲉ ϣⲁϫⲉ ⲛⲙ̅ ⲙⲁⲓ . Ⲁⲩⲱ ⲡⲉϫⲁⲥ ⲛⲁϥ . ϫⲉ ⲉⲧⲁⲓⲛⲁⲩ ⲉⲣⲟⲕ ϩⲱⲥ
ⲁⲅⲅⲉⲗⲟⲥ ⲛ̅ ⲧⲉⲡⲛⲟⲩⲧⲉ . ϩⲓⲧⲛ̅ ⲧϩⲟⲧⲉ ϩⲁⲡⲉⲕϩⲟ ⲇⲉ ⲁⲡⲁϩⲏⲧ ϣⲧⲟⲣⲧⲣ̅ . Ⲛⲁⲛⲟⲩⲕ ⲱ ⲡⲁϫⲟⲉⲓⲥ ϫⲉ
ⲡⲉⲕϩⲟ ⲙⲟⲩϩ ⲉⲃⲟⲗ ⲙ̅ ⲙⲛ̅ ⲧⲛⲁ . Ⲁⲩⲱ ϩⲟⲧⲁⲛ ⲉⲥϣⲁϫⲉ ϩⲓⲛⲁⲓ ⲁⲥϩⲉ ⲟⲛ ⲉⲥϯ ⲙ̅ ⲡⲉⲥⲡ̅ ⲛ̅ ⲁ̅ . Ϩⲙ̅ ⲡⲁⲓ ⲇⲉ
ⲁⲡⲣ̅ ⲣⲟ ϣⲗⲁϩ ⲉⲙⲁⲧⲉ ⲁϥⲙ̅ ⲕⲁϩ ⲉⲣⲉⲛⲉϥϩⲙ̅ ϩⲁⲗ ⲧⲏⲣⲟⲩ ⲥⲟⲗⲥⲉⲗ ⲙ̅ ⲙⲟϥ . Ⲁⲩⲱ ⲡⲉϫⲉⲡⲣ̅ ⲣⲟ ⲛⲁⲥ
ⲉϥϫⲱ ⲙ̅ ⲙⲟⲥ . ϫⲉ ⲁϩⲣⲟ Ⲉⲥⲑⲏⲣ ⲧⲣ̅ ⲣⲱ . ⲁⲩⲱ ⲟⲩ ⲡⲉ ⲡⲟⲩⲁⲓⲧⲏⲙⲁ . ⲡⲉⲧⲉⲁⲝⲓⲟⲩ ⲙ̅ ⲙⲟⲥ ⲛⲥ̅ ϣⲱⲡⲉ ⲛⲉ
ϣⲁϩⲣⲁⲓ ⲛ̅ ⲧⲡⲁϣⲉ ⲛ̅ ⲧⲁⲙⲛ̅ ⲧⲉⲣⲟ . Ⲁⲩⲱ ⲡⲉϫⲉⲈⲥⲑⲏⲣ ⲛⲁϥ ϫⲉ . ⲉϩⲛⲉⲡⲣ̅ ⲣⲟ ⲙⲁⲣⲉⲡⲣ̅ ⲣⲟ ⲉⲓ ⲙⲛ̅ Ⲁⲙⲁⲛ
ⲉⲡⲇⲓⲡⲛⲟⲛ ⲉϯⲛⲁⲁⲁϥ ⲉⲡⲉϥⲧⲁⲓⲟ. Ⲁⲩⲱ ⲡⲉϫⲉⲡⲣ̅ ⲣⲟ ϫⲉ . ⲙⲟⲩⲧⲉ ⲉⲀⲙⲁⲛ ϫⲉⲕⲁⲥ ⲡⲁⲓⲧⲏⲙⲁ ⲛ̅ Ⲉⲥⲑⲏⲣ
ⲉⲩⲉϫⲟⲕϥ̅ ⲉⲃⲟⲗ . Ⲁⲩⲱ ⲡⲣ̅ ⲣⲟ ⲁϥⲃⲱⲕ ⲉϩⲟⲩⲛ ⲙⲛ̅ Ϩⲁⲙⲁⲛ ⲉⲥⲱ ⲙⲛ̅ Ⲉⲥⲑⲏⲣ . Ϩⲣⲁⲓ ϩⲙ̅ ⲡⲥⲩⲙⲡⲟⲥⲓⲟⲛ
ⲇⲉ ⲡⲉϫⲁϥ ⲛ̅ ϭⲓⲡⲣ̅ ⲣⲟ ⲛ̅ Ⲉⲥⲑⲏⲣ ϫⲉ . Ⲟⲩ ϭⲉ ⲡⲉ ⲡⲟⲩⲁⲓⲧⲏⲙⲁ. Ϩⲱⲃ ⲛⲓⲙ ⲉⲧⲉⲣⲉⲁⲝⲓⲟⲩ ⲛⲥ̅ ϣⲱⲡⲉ ⲛⲉ
ϣⲁϩⲣⲁⲓ ⲉⲧⲡⲁϣⲉ ⲛ̅ ⲧⲁⲙⲛ̅ ⲉⲣⲟ . Ⲁⲩⲱ ⲡⲉϫⲉⲈⲥⲑⲏⲣ ⲛⲁϥ . ϫⲉ ⲡⲁⲓ ⲡⲉϯⲁⲝⲓⲟⲩ ⲙ̅ ⲙⲟⲥ ⲁⲩⲱ ⲡⲁⲓ ⲡⲉ
ⲡⲁⲁⲓⲧⲏⲙⲁ . ϫⲉ ⲉϣⲱⲡⲉ ϩⲛ̅ ⲟⲩⲙⲉ ⲁⲓϭⲛ̅ ⲭⲁⲣⲓⲥ ⲛ̅ ⲛⲁϩⲣⲙ̅ ⲡⲣ̅ ⲣⲟ ⲁⲩⲱ ⲉϩⲛⲉⲡⲣ̅ ⲣⲟ ⲉⲧⲣⲉⲡⲁⲁⲓⲧⲏⲙⲁ
ϣⲱⲡⲉ ⲛϥ̅ϫⲱⲕ ⲉⲃⲟⲗ ⲙ̅ ⲡⲉϯⲁⲝⲓⲟⲩ ⲙ̅ ⲙⲟⲥ . ⲙⲁⲣⲉⲡⲣ̅ ⲣⲟ ⲃⲱⲕ ⲉϩⲟⲩⲛ ⲙⲛ̅ Ⲁⲙⲁⲛ ⲟⲛ ⲛ̅ ⲣⲁⲥⲧⲉ ⲉⲥⲱ
ⲛⲙ̅ ⲙⲁⲓ . ⲧⲟⲧⲉ ⲉⲓⲉⲟⲩⲱϣⲃ̅ ⲉⲡⲉϥϣⲓⲛⲉ. Ϩⲙ̅ ⲡⲉϩⲟⲟⲩ ⲉⲧⲙ̅ ⲙⲁⲩ ⲁϥⲉⲓ ⲉⲃⲟⲗ ⲙ̅ ϭⲓⲀⲙⲁⲛ ϩⲛ̅ ⲟⲩⲁⲅⲁⲑⲟⲛ
ⲙⲛ̅ ⲟⲩⲉⲩⲫⲣⲟⲥⲩⲛⲏ . ⲁⲗⲗⲁ ⲉϥϣⲁⲛⲛⲁⲩ ⲉⲘⲁⲣⲇⲟⲩⲭⲁⲓⲟⲥ ⲉϥϩⲛ̅ ⲧⲁⲩⲗⲏ ⲁⲩⲱ ⲙ̅ ⲡϥ̅ⲟⲩⲱϣⲧ̅ ⲛⲁϥ
ⲁϥϭⲱⲛⲧ̅ ⲉⲣⲟϥ ⲉⲙⲁⲧⲉ ⲉⲙⲁⲧⲉ. Ⲁⲙⲁⲛ ⲇⲉ ⲁϥϫⲓⲡⲙⲉⲉⲩⲉ ⲛ̅ ϭⲟⲛⲥ̅ . ⲁϥⲕⲟⲧϥ̅ ⲉϩⲣⲁⲓ ⲉⲡⲉϥⲏⲓ

6. ⲁϥⲧⲣⲉⲛⲉϥϣⲃⲉⲉⲣ ⲧⲏⲣⲟⲩ ⲃⲱⲕ ⲉϩⲟⲩⲛ ⲉⲣⲟϥ ⲙⲛ̅ Ⲙⲟⲏⲉ̅ ⲍⲱⲥⲁⲣⲁ ⲧⲉϥⲥϩⲓⲙⲉ . Ⲁⲩⲱ ⲁϥⲧⲁⲙⲟⲟⲩ
ⲛ̅ ϭⲓⲀⲙⲁⲛ ⲉⲧⲃⲉⲧⲉϥⲙⲛ̅ ⲧⲣⲙ̅ ⲙⲁⲟ ⲁⲩⲱ ⲛⲉϥϣⲏⲣⲉ ⲉⲛⲁϣⲱⲟⲩ . ⲁⲩⲱ ⲉⲧⲃⲉⲡϣⲟⲩϣⲟⲩ ⲉⲛⲧⲁⲩϯⲉⲟⲟⲩ
ⲛⲁϥ ⲛ̅ ϩⲏⲧϥ̅ . ⲁⲩⲱ ϫⲉ ⲉⲛⲧⲁⲩϫⲁⲥⲧϥ̅ ⲉϩⲟⲩⲉⲛ̅ ⲥⲓⲟⲩⲣ ⲙⲛ̅ ⲛ̅ ⲁⲣⲭⲱⲛ ⲧⲏⲣⲟⲩ . Ⲗⲟⲓⲡⲟⲛ ⲡⲉϫⲁϥ . ϫⲉ
ⲉⲁⲥⲧⲁϩⲙⲉⲧ ⲛ̅ ϭⲓⲈⲥⲑⲏⲣ ⲧⲣ̅ ⲣⲟ ⲉⲡⲉⲙⲧⲟ ⲙ̅ ⲡⲣ̅ ⲣⲟ ⲉⲥⲱ ⲛⲙ̅ ⲙⲁⲥ ⲟⲛ. ⲁⲩⲱ ⲙⲛ̅ ⲛⲥⲁⲡⲣ̅ ⲣⲟ ϩⲱϥ
ⲙ̅ ⲡⲥ̅ ⲧⲣⲉⲗⲁⲁⲩ ⲃⲱⲕ ⲉϩⲟⲩⲛ ⲉⲣⲟⲥ ⲉⲃⲏⲗ ⲉⲣⲟⲓ . Ⲛⲁⲓ ⲇⲉ ⲧⲏⲣⲟⲩ ⲛ̅ ⲥⲉⲣⲱϣⲉ ⲁⲛ ⲉⲣⲟⲓ ⲉϣⲁⲓⲛⲁⲩ ⲅⲁⲣ
ⲙ̅ Ⲙⲁⲣⲇⲟⲩⲭⲁⲓⲟⲥ ⲡⲒⲟⲩⲇⲁⲓ ⲉϥϩⲙⲟⲟⲥ ϩⲁⲧⲛ̅ ⲧⲡⲩⲗⲏ . Ⲁⲩⲱ ⲁⲩϫⲱ ⲛⲁϥ ⲛ̅ ϭⲓⲘⲟⲏⲉ̅ ⲍⲱⲥⲁⲣⲁ ⲧⲉϥⲥϩⲓⲙⲉ
ⲙⲛ̅ ⲛⲉϥϣⲃⲉⲉⲣ ⲧⲏⲣⲟⲩ . ϫⲉ ⲉⲩⲉⲧⲁⲗⲉⲟⲩϣⲉ ⲛ̅ ⲧⲁⲓⲟⲩ ⲙ̅ ⲙⲁϩⲉ . Ⲣⲁⲥⲧⲉ ⲇⲉ ⲛ̅ ⲧⲟⲕ ϣⲁϫⲉ ⲙⲛ̅ ⲡⲣ̅ ⲣⲟ
ϩⲟⲡⲱⲥ ⲛ̅ ⲥⲉⲁϣⲧ̅ Ⲙⲁⲣⲇⲟⲩⲭⲁⲓⲟⲥ ⲉϫⲱϥ . ⲁⲩⲱ ⲙⲛ̅ ⲛ̅ ⲥⲱⲥ ⲉⲕⲛⲁⲃⲱⲕ ⲉϩⲟⲩⲛ ⲉⲣⲟϥ ⲉⲥⲱ ϩⲛ̅ ⲟⲩⲣⲁϣⲉ .
Ⲁⲩⲱ ⲁⲡⲁⲓϣⲟϫⲛⲉ ⲉϩⲛⲁϥ ⲉⲡⲉϩⲩⲟ ⲁϥⲧⲣⲉⲩⲥⲟⲃⲧⲉ ⲙ̅ ⲡϣⲉ.
Ⲋ. Ϩⲛ̅ ⲧⲉⲩϣⲏ ⲇⲉ ⲉⲧⲙ̅ ⲙⲁⲩ ⲙⲁϥϩⲱⲣⲡ̅ ⲛ̅ ϭⲓⲡⲣ̅ ⲣⲟ . ⲁⲩⲱ ⲁϥϩⲱⲛ ⲉⲧⲣⲉⲩⲛ̅ ⲡϫⲱⲱⲙⲉ ⲛ̅ ⲧϩⲓⲥⲧⲟⲣⲓⲁ ⲉⲧⲉ
ⲛⲁⲓ ⲛⲉ ⲙ̅ ⲡⲁⲣⲁⲗⲓⲡⲟⲙⲉⲛⲁ . ⲁⲩⲱ ⲁⲩⲟϣⲟⲩ ϩⲁⲧⲉϥϩⲏ . Ⲉⲓⲥ ϩⲏⲏⲧⲉ ⲁⲩϭⲙ̅ ⲡⲥϩⲁⲓ ⲉⲧⲃⲉⲘⲁⲣⲇⲟⲭⲁⲓⲟⲥ
ⲉⲁϥⲧⲁⲩⲉⲧⲉⲡⲓⲃⲟⲩⲗⲏ ⲉⲛⲧⲁⲡⲥⲓⲟⲩⲣ ⲃ̅ ⲙ̅ ⲡⲣ̅ ⲣⲟ ⲛ̅ ⲁⲣⲭⲏⲥⲱⲙⲁⲧⲟⲫⲩⲗⲁⲝ ⲁⲁⲥ ⲉⲙⲟⲩⲟⲩⲧⲡⲣ̅ ⲣⲟ .
Ⲡⲉϫⲉⲡⲣ̅ ⲣⲟ ϫⲉ ⲁϣ ⲛ̅ ⲉⲟⲟⲩ ⲁⲩⲱ ⲛ̅ ⲙⲡϣⲁ ⲡⲉⲛⲧⲁⲩⲧⲱⲱⲃⲉ ⲙ̅ Ⲙⲁⲣⲇⲟⲭⲁⲓⲟⲥ ⲉϩⲣⲁⲓ ⲉϫⲱϥ.
Ⲁⲩⲟⲩⲱϣⲃ̅ ⲇⲉ ⲛ̅ ϭⲓⲛ̅ ⲥⲓⲟⲩⲣ ⲉⲧϣⲙ̅ ϣⲉ ⲙ̅ ⲙⲟϥ ϫⲉ ⲙ̅ ⲡⲟⲩⲧⲱⲱⲃⲉ ⲛ̅ ⲗⲁⲁⲩ ⲉⲡⲧⲏⲣϥ̅ . Ⲡⲉϫⲉⲡⲣ̅ ⲣⲟ ϫⲉ ⲛⲓⲙ
ⲉⲧϩⲛ̅ ⲧⲁⲩⲗⲏ. Ⲁⲙⲁⲛ ⲅⲁⲣ ⲁϥⲃⲱⲕ ⲉϩⲟⲩⲛ ⲉⲧⲁⲩⲗⲏ ⲙ̅ ⲡⲡⲁⲗⲗⲁⲧⲓⲟⲛ ⲉⲧⲱⲃϩ ϩⲁⲡϩⲉⲧⲁⲍⲉ ⲉⲧϥ̅ⲛⲁⲁϥ
ⲙ̅ Ⲙⲁⲣⲇⲟⲭⲁⲓⲟⲥ ⲛ̅ ⲥⲉⲁϣⲧϥ̅. Ⲡⲉϫⲉⲛ̅ ⲥⲓⲟⲩⲣ ⲛⲁϥ ⲙ̅ ⲡⲣ̅ ⲣⲟ ϫⲉ Ⲁⲙⲁⲛ ⲡⲉⲧϩⲛ̅ ⲧⲁⲩⲗⲏ . Ⲁⲩⲱ ⲡⲣ̅ ⲣⲟ
ⲁϥⲥⲁϩⲛⲏⲧϥ̅ ϫⲉ ⲙⲁⲣⲉϥⲉⲓ ϩⲓϩⲟⲩⲛ . Ⲛ̅ ⲧⲉⲣⲉⲀⲙⲁⲛ ⲉⲓ ⲉϩⲟⲩⲛ ⲁϥϫⲛⲟⲩϥ . ϫⲉ ⲟⲩ ⲡⲉⲧⲟⲩⲉⲓⲣⲉ
ⲙ̅ ⲡⲉⲧⲉⲣⲉⲡⲣ̅ ⲣⲟ ⲛⲁϯⲉⲟⲟⲩ ⲛⲁϥ. Ⲁϥⲙⲉⲉⲩⲉ ⲇⲉ ⲛ̅ ϭⲓⲀⲙⲁⲛ ϫⲉ ⲛⲓⲙ ⲡⲉ ⲧⲉⲣⲉⲧⲣ̅ ⲣⲟⲟⲩ ⲉϣϯⲉⲟⲟⲩ ⲛⲁϥ
ⲛ̅ ⲥⲁⲃⲗ̅ ⲗⲁⲓ . Ⲡⲉϫⲁϥ ⲙ̅ ⲡⲣ̅ ⲣⲟ ϫⲉ ⲉϣϫⲉ ⲕⲟⲩⲉϣϯⲉⲟⲟⲩ ⲛ̅ ⲟⲩⲣⲱⲙⲉ . ⲙⲁⲣⲟⲩⲉⲓⲛⲉ ⲛ̅ ⲟⲩⲥⲧⲟⲗⲏ ⲛ̅ ϣⲛ̅ ⲥ
ⲉϣⲁⲣⲉⲡⲣ̅ ⲣⲟ ϭⲟⲟⲗⲉϥ ⲙ̅ ⲙⲟⲥ . ⲁⲩⲱ ⲟⲩϩⲧⲟ ⲉϣⲁⲣⲉⲡⲣ̅ ⲣⲟ ⲧⲁⲗⲟ ⲉⲣⲟϥ . ⲛϥ̅ⲧⲁⲁⲩ ⲛ̅ ⲟⲩⲁ ⲛ̅ ⲛⲉϥϣⲃⲉⲉⲣ
ⲙ̅ ⲡⲏⲓ ⲛ̅ ⲥⲉⲥⲧⲟⲗⲓⲍⲉ ⲙ̅ ⲡⲣⲱⲙⲉ ⲉⲧⲉⲣⲉⲡⲣ̅ ⲣⲟ ⲁⲅⲁⲡⲁ ⲙ̅ ⲙⲟϥ . ⲛϥ̅ⲧⲁⲗⲟϥ ⲉϫⲙ̅ ⲡⲉϩⲧⲟ ⲛϥ̅ⲕⲏⲣⲩⲥⲥⲉ ⲉⲃⲟⲗ
ϩⲓⲧⲛ̅ ⲧⲉⲡⲗⲁⲧⲓⲁ ⲛ̅ ⲧⲡⲟⲗⲓⲥ ⲉϥϫⲱ ⲙ̅ ⲙⲟⲥ . ϫⲉ ⲧⲁⲓ ⲧⲉ ⲑⲉ ⲉⲧⲛⲁϣⲱⲡⲉ ⲙⲛ̅ ⲣⲱⲙⲉ ⲛⲓⲙ ⲉⲧⲉⲣⲉⲡⲣ̅ ⲣⲟ
ⲛⲁϯⲉⲟⲟⲩ ⲛⲁϥ. Ⲡⲉϫⲉⲡⲣ̅ ⲣⲟ ⲛ̅ Ⲁⲙⲁⲛ ϫⲉ ⲕⲁⲗⲱⲥ ⲁⲕϣⲁϫⲉ . ⲁⲣⲓⲣⲉ ϩⲓⲛⲁⲓ ⲙ̅ Ⲙⲁⲣⲇⲟⲭⲁⲓⲟⲥ ⲡⲒⲟⲩⲇⲁⲓⲟⲥ
ⲡⲉⲧϣⲙ̅ ϣⲉ ϩⲛ̅ ⲧⲁⲩⲗⲏ ⲙ̅ ⲡⲣ̅ ⲣⲟ . ⲁⲩⲱ ⲙ̅ ⲡⲣ̅ ⲧⲣⲉⲟⲩϣⲁϫⲉ ⲛ̅ ⲟⲩⲱⲧ ϩⲉ ⲉⲃⲟⲗ ⲛ̅ ⲧⲟⲟⲧⲕ̅ ⲛ̅ ⲛⲉⲛⲧⲁⲕϫⲟⲟⲩ :
Ⲁⲙⲁⲛ ⲇⲉ ⲁϥϫⲓ ⲛ̅ ⲧⲉⲥⲧⲟⲗⲏ ⲙⲛ̅ ⲡⲉϩⲧⲟ ⲁϥⲥⲧⲟⲗⲓⲍⲉ ⲙ̅ Ⲙⲁⲣⲇⲟⲭⲁⲓⲟⲥ . ⲁϥⲧⲁⲗⲟϥ ⲉϫⲙ̅ ⲡⲉϩⲧⲟ
ⲁϥⲕⲉⲣⲩⲥⲥⲉ ⲉⲃⲟⲗ ϩⲓⲧⲛ̅ ⲧⲉⲡⲗⲁⲧⲓⲁ ⲛ̅ ⲧⲡⲟⲗⲓⲥ . ⲁϥⲕⲏⲣⲩⲥⲥⲉ ⲉϥϫⲱ ⲙ̅ ⲙⲟⲥ . ϫⲉ ⲧⲁⲓ ⲧⲉ ⲑⲉ ⲉⲧⲛⲁϣⲱⲡⲉ
ⲛ̅ ⲣⲱⲙⲉ ⲛⲓⲙ ⲉⲧⲉⲣⲉⲡⲣ̅ ⲣⲟ ⲟⲩⲉϣϯⲉⲟⲟⲩ ⲛⲁϥ : Ⲙⲁⲣⲇⲟⲭⲁⲓⲟⲥ ⲇⲉ ⲁϥⲕⲟⲧϥ̅ ⲉϩⲣⲁⲓ ⲉⲧⲁⲩⲗⲏ . Ⲁⲙⲁⲛ ⲇⲉ
ⲁϥⲕⲟⲧϥ̅ ⲉϩⲣⲁⲓ ⲉⲡⲉϥⲏⲓ ⲉϥⲙⲟⲕϩ ⲛ̅ ϩⲏⲧ Ⲁⲙⲁⲛ ⲇⲉ ⲁϥⲧⲁⲩⲉⲛⲉⲛ̅ ⲧⲁⲩϣⲱⲡⲉ ⲙ̅ Ⲙⲟⲏⲉ̅ ⲍⲱⲥⲁⲣⲁ ⲧⲉϥⲥϩⲓⲙⲉ
ⲙⲛ̅ ⲛⲉϥϣⲃⲉⲉⲣ ⲧⲏⲣⲟⲩ . Ⲡⲉϫⲁⲩ ⲛⲁϥ ϫⲉ ⲉϣϫⲉ Ⲙⲁⲣⲇⲟⲭⲁⲓⲟⲥ ⲟⲩⲉⲃⲟⲗ ϩⲙ̅ ⲡⲅⲉⲛⲟⲥ ⲛ̅ Ⲓⲟⲩⲇⲁⲓ ⲡⲉ
ⲁⲕϫⲱⲛⲧ ⲉⲑⲃ̅ ⲃⲓⲟ ⲙ̅ ⲡⲉϥⲙ̅ ⲧⲟ ⲉⲃⲟⲗ ϩⲛ̅ ⲟⲩϩⲉ ⲕⲛⲁϩⲉ. ⲛⲕ̅ ⲛⲁϣⲧⲱⲱⲃⲉ ⲁⲛ ⲛⲁϥ ϫⲉ ⲡⲛⲟⲩⲧⲉ ⲉⲧⲟⲛϩ ⲛⲙ̅ ⲙⲁϥ
: Ⲉⲧⲓ ⲉⲩϣⲁϫⲉ ⲓⲥ ⲛⲉⲥⲓⲟⲩⲣ ⲁⲩⲉⲓ ⲉⲩⲉⲛⲓⲅⲉ ⲛ̅ Ⲁⲙⲁⲛ ⲉⲡϩⲟⲟⲡ ⲉⲛ̅ ⲧⲁⲈⲥⲑⲏⲣ ⲥⲃ̅ ⲧⲱⲧϥ:
Ⲍ̅ . Ⲡⲣ̅ ⲣⲟ ⲁϥⲃⲱⲕ ⲉϩⲟⲩⲛ̅ ⲙⲛ̅ Ⲁⲙⲁⲛ ⲉⲥⲱ ⲙⲛ̅ ⲧⲣ̅ ⲣⲱ : Ⲡⲉϫⲉⲡⲣ̅ ⲣⲟ ̅ⲛⲈⲥⲑⲏⲣ ϩⲙ̅ ⲡⲙⲁϩⲟⲟⲩ ⲥⲛⲁⲩ
ϩⲙ̅ ⲡⲙⲁ ⲛ̅ ⲥⲱ ϫⲉ ⲁϩⲣⲟ Ⲉⲥⲑⲏⲣ ⲧⲣ̅ ⲣⲱ ⲁⲩⲱ ⲟⲩ ⲡⲉ ⲡⲟⲩⲁⲓⲧⲏⲙⲁ . ⲁⲩⲱ ⲡⲉⲧⲉⲣⲉⲁⲝⲓⲟⲩ ⲙ̅ ⲙⲟϥ
ⲛⲥ̅ ϣⲱⲡⲉ ⲛⲉ ϣⲁϩⲣⲁⲓ ⲉⲧⲡⲁϣⲉ ⲛ̅ ⲧⲁⲙⲛ̅ ⲧⲉⲣⲟ : Ⲁⲥⲟⲩⲱϣⲃ̅ ⲉⲥϫⲱ ⲙ̅ ⲙⲟⲥ ϫⲉ ⲉϣϫⲉ ⲁⲓϭⲓⲛⲉ ⲛ̅ ⲟⲩⲭⲁⲣⲓⲥ
ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲣ̅ ⲣⲟ ⲙⲁⲣⲟⲩϯ ⲙ̅ ⲡⲁⲁⲓⲧⲏⲙⲁ ⲛ̅ ⲧⲁⲯⲩⲭⲏ . ⲁⲩⲧⲁⲁⲛ ⲅⲁⲣⲬ ⲉⲃⲟⲗ ⲁⲛⲟⲕ ⲙⲛ̅ ⲡⲗⲁⲟⲥ
ⲉⲩⲧⲁⲕⲟ ⲙⲛ̅ ⲟⲩⲧⲱⲣⲡ . ⲙⲛ̅ ⲟⲩⲙⲛ̅ ⲧϩⲙ̅ ϩⲁⲗ ⲁⲛⲟⲛ ⲙⲛ̅ ⲛⲛⲉⲛϣⲏⲣⲉ ⲉϩⲉⲛϩⲙ̅ ϩⲁⲗ ⲛ̅ ϩⲟⲟⲩⲧ ⲙⲛ̅ ϩⲉⲛϩⲙ̅ ϩⲁⲗ
ⲛ̅ ⲥϩⲓⲙⲉ . Ⲁⲩⲱ ⲁⲓⲥⲱⲧⲙ̅ ⲉⲡⲉⲓϩⲱⲃ ⲙⲁⲩⲁⲁⲧϥ ⲁⲓⲕⲁⲣⲱⲓ ϫⲉ ⲛϥ̅ⲙ̅ ⲡϣⲁ ⲁⲛ ⲛ̅ ⲧⲁⲩⲗⲏ ⲙ̅ ⲡⲣ̅ ⲣⲟ:
Ⲡⲉϫⲉⲡⲣ̅ ⲣⲟ ϫⲉ ⲛⲓⲙ ⲡⲉ ⲡⲁⲓ ⲉⲛⲧⲁϥⲧⲟⲗⲙⲁ ⲉⲉⲓⲣⲉ ⲙ̅ ⲡⲉⲓϩⲱⲃ : ⲠⲉϫⲉⲈⲥⲑⲏⲣ ϫⲉ Ⲁⲙⲁⲛ ⲡⲉ ⲡⲁⲓ ⲡⲣⲱⲙⲉ
ⲛ̅ ϫⲁϫⲉ ⲁⲩⲱ ⲙ̅ ⲡⲟⲛⲏⲣⲟⲥ . Ⲁⲙⲁⲛ ⲇⲉ ⲁϩϣⲧⲟⲣⲧⲣ̅ ⲛ̅ ⲧⲟⲟⲧϥ̅ ⲙ̅ ⲡⲣ̅ ⲣⲟ ⲙⲛ̅ ⲧⲉⲣⲣⲱ : Ⲡⲣⲣⲟ ⲇⲉ ⲁϥⲧⲱⲟⲩⲛ̅
ⲉⲃⲟⲗ ϩⲙ̅ ⲡⲙⲁ ⲛ̅ ⲥⲱ ⲉϩⲟⲩⲛ ⲉⲡⲕⲏⲡⲟⲥ . Ⲁⲙⲁⲛ ⲇⲉ ⲛⲉϥⲥⲟⲡⲥ ⲡⲉ ⲛ̅ ⲧⲣ̅ ⲣⲱ ⲛ̅ ⲛⲉϥⲛⲁⲩ ⲇⲉ ⲉⲣⲟϥ
ⲉϥϩⲛ̅ ⲙ̅ ⲡⲉⲑⲟⲟⲩ . Ⲡⲣ̅ ⲣⲟ ⲇⲉ ⲁϥⲕⲧⲟϥ ⲉⲃⲟⲗ ϩⲙ̅ ⲡⲕⲏⲡⲟⲥ . Ⲁⲙⲁⲛ ⲇⲉ ⲁϥⲡⲁϩⲧϥ̅ ⲉϫⲙ̅ ⲡⲉϭⲗⲟϭ ⲁϥⲁⲝⲓⲟⲩ
ⲙ̅ ⲙⲟⲥ . Ⲡⲉϫⲉⲡⲣ̅ ⲣⲟ ϫⲉ ϩⲱⲥⲧⲉ ⲧⲁⲕⲉⲥϩⲓⲙⲉ ⲉⲣⲉⲀⲙⲁⲛ ⲛⲁϫⲓⲧⲥ̅ ⲛ̅ ϭⲟⲛⲥ ϩⲙ̅ ⲡⲉⲡⲉⲣⲓⲡⲉⲣⲟⲓ . Ⲁⲙⲁⲛ ⲇⲉ
ⲛ̅ ⲧⲉⲣⲉϥⲥⲱⲧⲙ̅ ⲉⲣⲟϥ ⲁⲡⲉϥϩⲟ ϣⲓⲃⲉ : ⲠⲉϫⲉⲂⲟⲩⲧⲁⲑⲁⲛ ⲡⲉⲥⲓⲟⲩⲣ ⲙ̅ ⲡⲣ̅ ⲣⲟ ϫⲉ ⲉⲓⲥ ⲡⲕⲉϣⲉ
ⲉⲛⲧⲁⲀⲙⲁⲛ ⲥⲃ̅ ⲧⲱⲧϥ̅ ⲉⲘⲁⲣⲇⲟⲩⲭⲁⲓⲟⲥ ⲡⲉⲛⲧⲁϥϣⲁϫⲉ ⲉⲧⲃⲉⲡⲣ̅ ⲣⲟ ϩⲁⲟⲩⲡⲉⲧⲛⲁⲛⲟⲩϥ ϥⲧⲁϩⲏⲩ ⲉⲣⲁⲧϥ̅
ϩⲛ̅ ⲛⲁⲙⲀⲙⲁⲛ ⲛ̅ ⲧⲁⲓⲟⲩ ⲙ̅ ⲙⲁϩⲉ : Ⲡⲉϫⲉⲡⲣ̅ ⲣⲟ ϫⲉ ⲙⲁⲣⲟⲩⲥⲧⲁⲩⲣⲟⲩ ⲙ̅ ⲙⲟϥ ⲉⲣⲟϥ. Ⲁⲩⲱ Ⲁⲙⲁⲛ ⲁⲩⲁϣⲧϥ

7. ⲉϫⲙ̅ ⲡϣⲉ ⲉⲛⲧⲁϥⲥⲃ̅ ⲧⲱⲧϥ̅ ⲉⲘⲁⲣⲇⲟⲩⲭⲁⲓⲟⲥ . Ⲧⲟⲧⲉ ⲡⲣ̅ ⲣⲟ ⲁϥϩⲣⲟⲕ ⲉⲃⲟⲗ ϩⲙ̅ ⲡⲉϥϭⲱⲛⲧ:
ⲏ̅ . Ϩⲙ̅ ⲡⲉϩⲟⲟⲩ ⲉⲧⲙ̅ ⲙⲁⲩ ⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ ⲁϥϯ ⲛ̅ ⲛϩⲩⲡⲁⲣⲭⲟⲛⲧⲁ ⲛ̅ Ⲁⲙⲁⲛ ⲡⲇⲓⲁⲃⲟⲗⲟⲥ ⲛ̅ Ⲉⲥⲑⲏⲣ
ⲛ̅ ⲧⲁⲓⲟ: Ⲙⲁⲣⲇⲟⲩⲭⲁⲓⲟⲥ ⲇⲉ ⲁⲡⲣ̅ ⲣⲟ ⲙⲟⲩⲧⲉ ⲉⲣⲟϥ ⲉϩⲟⲩⲛ ϫⲉ ⲁⲈⲥⲑⲏⲣ ⲧⲁⲩⲟϥ ϫⲉ ⲟⲩⲉⲃⲟⲗ
ϩⲙ̅ ⲡⲉϥⲏⲓ ⲡⲉ . Ⲁⲩⲱ ⲡⲣ̅ ⲣⲟ ⲁϥⲛ̅ ⲡⲉϥⲝⲟⲩⲣ ⲉⲛⲧⲁⲩϫⲓⲧϥ̅ ⲛ̅ ⲧⲛ̅ Ⲁⲙⲁⲛ ⲉⲃⲟⲗ ϩⲙ̅ ⲡⲉϥⲧⲏⲏⲃⲉ ⲁϥⲧⲁⲁϥ
ⲛ̅ ⲧⲟⲟⲧϥ̅ ⲙ̅ Ⲙⲁⲣⲇⲟⲩⲭⲁⲓⲟⲥ . Ⲉⲥⲑⲏⲣ ⲇⲉ ⲁϥϯⲡⲏⲓ ⲛ̅ Ⲁⲙⲁⲛ ⲉⲧⲉⲥⲉⲝⲟⲩⲥⲓⲁ . ⲁⲩⲱ ⲁⲥⲧⲱⲙⲛ̅ ⲧ ⲛ̅ ϭⲓⲈⲥⲑⲏⲣ
ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲣ̅ ⲣⲟ . ⲁⲥⲡⲁϩⲧⲥ̅ ⲉⲣⲁⲧϥ̅ ⲉⲥⲣⲓⲙⲉ ⲁⲩⲱ ⲁⲥⲁⲝⲓⲟⲩ . ϫⲉⲕⲁⲥ ⲉϥⲉⲟⲩⲱⲧⲛ̅ ⲉⲃⲟⲗ
ⲛ̅ ⲧⲉⲡⲓⲃⲟⲩⲗⲏ ⲉⲛⲧⲁⲀⲙⲁⲛ ⲟϭⲛ̅ ⲉⲁⲁϥ ⲉⲛ̅ Ⲓⲟⲩⲇⲁⲓ . Ⲁⲩⲱ ⲡⲣ̅ ⲣⲟ ⲁϥⲥⲟⲩⲧⲛ̅ ⲧⲉϥϭⲉⲣⲱⲃ ⲛ̅ ⲛⲟⲩⲃ ⲉⲃⲟⲗ
ⲉⲣⲟⲥ ⲁⲩⲱ ⲁⲈⲥⲑⲏⲣ ⲧⲱⲟⲩⲛ ⲉⲃⲟⲗ ϩⲁⲣⲁⲧϥ̅. Ⲡⲉϫⲁⲥ ϫⲉ . Ⲉϣϫⲉ ⲁⲓϭⲛ̅ ⲭⲁⲣⲓⲥ ⲙ̅ ⲡⲉⲙⲧⲟ ⲉⲃⲟⲗ
ⲙ̅ ⲡⲣ̅ ⲣⲟ ⲉϩⲛⲉⲡⲣ̅ ⲣⲟ ⲁⲩⲱ ⲛⲁϩⲟⲗϭⲧ̅ ⲛ̅ ⲛⲁϩⲣⲁϥ . ⲙⲁⲣⲉⲡⲣ̅ ⲣⲟ ϩⲱⲛ ⲉⲃⲱⲗ ⲉⲃⲟⲗ ⲙ̅ ⲡⲉⲥϩⲁⲓ ⲁⲩⲱ
ⲧⲉⲡⲓⲃⲟⲩⲗⲏ ⲛ̅ Ⲁⲙⲁⲛ ⲡϣⲏⲣⲉ ⲛ̅ Ⲁⲙⲁⲇⲁⲛⲑⲟⲥ ⲡⲃⲟⲩⲕⲁⲓⲟⲥ . ⲡⲁⲓ ⲅⲁⲣ ⲁϥⲡⲁⲣⲁⲅⲅⲉⲓⲗⲉ
ⲉⲧⲣⲉⲩⲧⲁⲕⲉⲛ̅ Ⲓⲟⲩⲇⲁⲓ ⲉⲧϩⲛ̅ ⲛⲉⲱⲣⲁ ⲙ̅ ⲡⲣ̅ ⲣⲟ . Ⲁⲩⲱ ⲡⲉϫⲉⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ ⲛ̅ Ⲉⲥⲑⲏⲣ ⲧⲣ̅ ⲣⲱ
ⲙⲛ̅ Ⲙⲁⲣⲇⲩⲭⲁⲓⲟⲥ . ϫⲉ ⲉⲓⲥ ϩⲏⲏⲧⲉ ⲡⲏⲓ ⲧⲏⲣϥ̅ ⲛ̅ Ⲁⲙⲁⲛ ⲁⲓⲧⲁⲁϥ ⲛ̅ Ⲉⲥⲑⲏⲣ . ⲛ̅ ⲧⲟϥ ⲇⲉ ⲣⲱϥ
ⲉⲁϥⲣ̅ ⲡⲉⲑⲟⲟⲩ ⲉⲛ̅ Ⲓⲟⲩⲇⲁⲓ ⲁⲩⲁϣϥ̅ ⲉϫⲙ̅ ⲡϣⲉ . Ⲧⲉⲛⲟⲩ ⲇⲉ ⲛ̅ ⲧⲱⲧⲛ̅ ⲕⲁⲧⲁⲑⲉ ⲉⲧⲉⲧⲛ̅ ⲟⲩⲁϣⲥ̅ ⲙⲁⲣⲉⲧⲛ̅ ⲥϩⲁⲓ
ⲛ̅ ⲟⲩⲉⲡⲓⲥⲧⲟⲗⲏ ϩⲙ̅ ⲡⲣⲁⲛ ⲙ̅ ⲡⲣ̅ ⲣⲟ ⲁⲩⲱ ⲛ̅ ⲧⲉⲧⲛ̅ ⲧⲱⲱⲃⲉ ⲙ̅ ⲙⲟⲥ ⲙ̅ ⲡⲉⲝⲟⲩⲣ ⲙ̅ ⲡⲣ̅ ⲣⲟ. ⲡⲉⲛⲧⲁⲩϩⲱⲛ ⲅⲁⲣ
ϩⲙ̅ ⲡⲣⲁⲛ ⲙ̅ ⲡⲣ̅ ⲣⲟ ⲁⲩⲱ ⲁⲩⲧⲟⲟⲃϥ̅ ⲙ̅ ⲡⲉϥⲝⲟⲩⲣ ⲛ̅ ⲛⲟⲩⲃⲟⲗϥ̅ ⲉⲃⲟⲗ . Ⲁⲩⲱ ⲁⲩⲙⲟⲩⲧⲉ ⲉⲛ̅ ⲅⲣⲁⲙⲙⲁⲧⲉⲩⲥ
ⲙⲡⲣ̅ ⲣⲟ ϩⲙ̅ ⲡⲙⲉϩⲙⲛ̅ ⲧϣⲟⲙⲧⲉ ⲛ̅ ⲉⲃⲟⲧ ⲛ̅ ⲥⲟⲩ ⲕ̅ ⲅ̅ ⲙ̅ ⲡⲉⲃⲟⲧ ⲉⲧⲉⲤⲓⲃⲁⲛ ⲡⲉ . ⲁⲩϩⲟⲛϩⲉⲛ ⲉⲧⲃⲉⲛ̅ Ⲓⲟⲩⲇⲁⲓ
ⲕⲁⲧⲁⲑⲉ ⲉⲛⲧⲁⲘⲁⲣⲇⲟⲩⲭⲁⲓⲟⲥ ϫⲟⲟⲥ . ⲉⲧⲟⲟⲧⲟⲩ ⲛ̅ ⲛⲉⲥⲧⲣⲁⲧⲓⲅⲟⲥ ⲙⲛ̅ ⲛⲁⲣⲭⲱⲛ ϫⲓⲛϯⲛⲇⲓⲕⲏ ϣⲁϩⲣⲁⲓ
ⲉⲡⲕⲁϩ ⲛ̅ ⲛⲉϭⲟⲟϣ . ⲁⲩϫⲟⲟⲩⲥ ⲛ̅ ⲭⲱⲣⲁ ⲛⲓⲙ ⲕⲁⲧⲁⲧⲉⲩⲗⲉⲝⲓⲥ ⲙⲛ̅ ⲗⲁⲟⲥ ⲛⲓⲙ ⲕⲁⲧⲁⲧⲉⲩⲁⲥⲡⲉ . ⲁⲩⲱ
ⲛ̅ Ⲓⲟⲩⲇⲁⲓ ϩⲱⲟⲩ ⲁⲩϫⲟⲟⲩⲥ ⲛⲁⲩⲕⲁⲧⲁⲧⲉⲩⲗⲉⲝⲓⲥ ⲁⲩⲱ ⲕⲁⲧⲁⲧⲉⲩⲁⲥⲡⲉ. Ⲛ̅ ⲧⲉⲣϥ̅ⲥϩⲁⲓ ⲛ̅ ⲧⲉⲓⲉⲡⲓⲥⲧⲟⲗⲏ ϭⲉ
ϩⲙ̅ ⲡⲣⲁⲛ ⲙ̅ ⲡⲣ̅ ⲣⲟ Ⲁⲣⲇⲁⲝⲉⲣⲝⲏⲥ ⲁϥⲧⲟⲟⲃⲥ̅ ⲙ̅ ⲡⲉϥⲝⲟⲩⲣ ⲁϥⲧⲁϩⲟⲟⲩ ⲉⲣⲁⲧⲟⲩ ϩⲓⲧⲉⲛⲛ̅ ϩⲓⲡⲡⲉⲩⲥ . ϫⲉ
ⲡⲣ̅ ⲣⲟ ⲁϥϯⲧⲉϩⲓⲏ ⲛ̅ ⲛⲒⲟⲩⲇⲁⲓ ⲉⲥⲟⲩⲱϩ ⲉϩⲟⲩⲛ ⲁⲩⲱ ⲉⲕⲧⲟ ⲉⲃⲟⲗ ⲛ̅ ⲧϭⲟⲙ ⲛ̅ ⲗⲁⲟⲥ ⲛⲓⲙ ⲏ ⲭⲱⲣⲁ ⲛⲓⲙ
ⲉⲁⲩⲉⲓ ⲉⲙⲓϣⲉ ⲛⲙ̅ ⲙⲁⲩ . ⲗⲟⲓⲡⲟⲛ ⲉϩⲟⲧⲃⲟⲩ ⲙⲛ̅ ⲛⲉⲩⲥϩⲓⲙⲉ ϩⲓⲛⲉⲩϣⲏⲣⲉ ⲁⲩⲱ ⲉⲧⲁⲕⲱⲟⲩ ⲁⲩⲱ ⲉϣⲱⲗ
ⲙ̅ ⲡⲉⲧⲉⲩⲛ̅ ⲧⲁⲩ . ϩⲙ̅ ⲡⲙⲉϩⲙⲛ̅ ⲧⲥⲛⲟⲟⲩⲥ ⲛ̅ ⲛⲉⲃⲟⲧ ⲛ̅ ⲥⲟⲩⲙⲛ̅ ⲧϣⲟⲙⲧⲉ ⲙ̅ ⲡⲉⲃⲧ ⲈⲧⲉⲀⲇⲁⲣ ⲡⲉ. Ⲡⲁⲓ
ⲡⲁⲛⲧⲓⲅⲣⲁⲫⲟⲛ ⲡⲉ ⲛ̅ ⲧⲉⲡⲓⲥⲧⲟⲗⲏ : Ⲁⲣⲇⲁⲝⲉⲣⲝⲏⲥ ⲡⲛⲟϭ ⲛ̅ ⲣⲣⲟ ⲛ̅ ⲛ̅ ⲥⲁⲧⲣⲁⲡⲏⲥ ⲙⲛ̅ ⲛ̅ ⲁⲣⲭⲱⲛ ⲛ̅ ⲛⲉⲧⲟϣ
ⲣ̅ ⲕ̅ ⲍ̅ ϫⲓⲛⲙ̅ ⲡⲕⲁϩ ⲛ̅ Ϩⲛ̅ ⲧⲟⲩ ϣⲁϩⲣⲁⲓ ⲉⲀⲓⲑⲓⲟⲡⲓⲁ ⲭⲁⲓⲣⲉ . Ⲟⲩⲙⲏⲏϣⲉ ⲛ̅ ⲛⲉⲛⲧⲁⲩϣⲉⲡⲧⲁⲓⲟ
ϩⲓⲧⲉⲛⲡⲉⲩⲣⲉϥⲣ̅ ⲡⲉⲧⲛⲁⲛⲟⲩϥ ⲛⲁⲩ ⲁⲩⲣ̅ ⲙⲛ̅ ⲧϫⲁⲥⲓϩⲏⲧ . Ⲟⲩ ⲙⲟⲛⲟⲛ ⲅⲁⲣ ⲥⲉⲟϭⲛ̅ ⲉⲣ̅ ⲃⲟⲟⲛⲉ ⲙ̅ ⲡⲗⲁⲟⲥ
ⲁⲗⲗⲁ ⲉⲃⲟⲗϫⲉ ⲛ̅ ⲥⲉϣ̅ⲧⲱⲟⲩⲛ ⲁⲛ ϩⲁⲡϣⲟⲩϣⲟⲩ. ⲡⲉⲧⲣ̅ ⲡⲉⲧⲛⲁⲛⲟⲩϥ ⲛⲁⲩ ϩⲱϥ ⲟⲛ ⲉⲩⲧⲟⲗⲙⲁ
ⲉϩⲓⲧⲟⲟⲧⲟⲩ ⲉⲣⲟϥ . ⲉⲩⲁⲕⲉⲧⲉⲩⲭⲁⲣⲓⲥⲧⲉⲓⲁ ϩⲙ̅ ⲡⲁⲓ ⲉⲧϩⲛ̅ ⲧⲉⲛⲙⲏⲧⲉ ⲁⲩⲱ ϩⲙ̅ ⲡⲧⲣⲉⲩϫⲁⲥⲓϩⲏⲧ ⲙⲛ̅ ⲡⲟⲩⲱϣⲧ
ⲛ̅ ⲙ̅ ⲡⲟⲛⲏⲣⲟⲥ ⲉⲩⲡⲱⲧ ⲉⲃⲟⲗ ⲛ̅ ⲧⲉⲕⲣⲓⲥⲓⲥ ⲙ̅ ⲡⲛⲟⲩⲧⲉ. Ⲁϥϣⲱⲡⲉ ⲇⲉ ⲟⲛ ϫⲉ ⲁⲩⲣ̅ ⲛⲟⲃⲉ ⲛ̅ ϭⲓⲛ̅ ⲣ̅ ⲣⲟ
ⲙⲁⲩⲁⲁⲧⲟⲩ ⲉⲁⲩⲡⲉϩⲥⲛⲟϥ ⲉⲃⲟⲗ ⲛ̅ ⲁⲧⲛⲟⲃⲉ ⲕⲁⲧⲁⲡϣⲟϫⲛⲉ ⲛ̅ ⲛⲉⲩϣⲃⲏⲣ ⲉⲣⲉⲧⲡⲟⲗⲓⲧⲉⲓⲁ ϩⲛ̅ ⲧⲉⲩϭⲓϫ.
ⲁⲩⲱ ϩⲓⲧⲛ̅ ⲧⲉⲩⲙⲛ̅ ⲧⲇⲩⲥⲙⲉⲛⲟⲥ ⲙⲛ̅ ⲛⲉⲩϭⲟⲗ. ⲧⲙⲛ̅ ⲧⲛⲁ ⲇⲉ ⲙ̅ ⲡⲇⲉⲥⲡⲟⲧⲁ ⲁⲛⲏ ⲧⲁⲕⲟⲥ . Ϩⲟⲡⲱⲥ ⲛ̅ ⲧⲉⲧⲛ̅ ⲉⲓⲙⲉ
ⲉⲡⲁⲓ ⲙⲁϯϩⲧⲏⲧⲛ̅ ⲉⲃⲟⲗ ϩⲛ̅ ⲛⲉⲓⲥⲧⲟⲣⲓⲁ ⲛ̅ ϣⲟⲣⲡ̅ ⲉⲛⲧⲁⲩⲧⲁⲁⲩ ⲉⲧⲟⲧⲧⲏⲩⲧⲛ ⲉⲧⲣⲉⲧⲛ̅ ϣⲓⲛⲉ ⲧⲉⲛⲟⲩ
ⲛ̅ ⲥⲁⲛⲉⲩϩⲃⲏⲩⲉ ⲉⲛⲧⲁⲩϫⲱⲕ ⲉⲃⲟⲗ ϩⲛ̅ ⲟⲩⲙⲛ̅ ⲧϣⲁϥⲧⲉ ϩⲛ̅ ⲧⲙⲛ̅ ⲧⲗⲟⲓⲙⲟⲥ ⲛ̅ ⲛⲉⲧϫⲓ ⲛ̅ ϭⲟⲛⲥ ⲉⲩⲙ̅ ⲡ̅ ϣⲁ ⲙ̅ ⲙⲟⲥ.
ⲉⲧⲣⲉⲧⲛϯϩⲧⲏⲩⲧⲛ̅ . Ⲙⲛⲛⲥⲁⲛⲁⲓ ⲉⲧⲣⲉⲧⲛ̅ ϯ ⲛ̅ ⲧⲙⲛ̅ ⲉⲣⲟ ⲉⲥⲥϭⲣⲁϩⲧ ⲛ̅ ⲣⲱⲙⲉ ⲛⲓⲙ ϩⲛ̅ ⲟⲩⲉⲓⲣⲏⲛⲏ . ⲉⲛⲧⲛ̅ ⲭⲣⲱ
ⲁⲛ ϩⲛ̅ ⲟⲩⲙⲛⲧⲁⲃⲟⲗⲏ . Ⲛⲉⲧⲛⲏⲩ ⲇⲉ ϩⲁⲛⲉⲛⲃⲁⲗ ⲉⲛⲇⲓⲁⲕⲣⲓⲛⲉ ⲙ̅ ⲙⲟⲟⲩ ⲉⲛⲙⲏⲛ ⲙ̅ ⲡⲉⲧⲛⲁϭⲱⲗⲡ ⲉⲃⲟⲗ
ⲉⲣⲟⲛ ϩⲛ̅ ⲟⲩⲙⲛ̅ ⲧϩⲁⲕ : Ⲛ̅ ⲑⲉ ⲅⲁⲣ ⲛ̅ Ⲁⲙⲁⲛ ⲡϣⲏⲣⲉ ⲛ̅ Ⲁⲙⲁⲇⲁⲛⲑⲟⲥ ⲉⲩⲘⲁⲕⲏⲇⲱⲛ ⲡⲉ ⲉϥⲟ ⲛ̅ ϣⲙ̅ ⲙⲟ
ϩⲛ̅ ⲟⲩⲙⲉ ⲉⲡⲉⲥⲛⲟϥ ⲛⲙ̅ Ⲡⲉⲣⲥⲟⲥ . ⲉϥⲟⲩⲏⲩ ⲉⲃⲟⲗ ⲙ̅ ⲙⲁⲧⲉ ⲛ̅ ⲧⲉⲧⲙⲛ̅ ⲧⲭⲣⲏⲥⲧⲟⲥ . Ⲉⲁϥϭⲟⲓⲗⲉ ⲉⲣⲟⲛ ⲁϥⲙⲁⲧⲉ
ⲛ̅ ⲧⲉⲛⲙⲛ̅ ⲧⲙⲁⲓⲣⲱⲙⲉ ⲉⲧⲉⲟⲩⲛ̅ ⲧⲁⲛⲥ ⲉϩⲟⲩⲛ ⲉϩⲉⲑⲛⲟⲥ ⲛⲓⲙ. ϩⲱⲥⲧⲉ ⲛ̅ ⲥⲉⲙⲟⲩⲧⲉ ⲉⲣⲟϥ ϩⲓⲛⲁⲓ ϫⲉ
ⲡⲉⲛⲉⲓⲱⲧ ⲉⲣⲉⲟⲩⲟⲛ ⲛⲓⲙ ⲟⲩⲱϣⲧ̅ ⲛⲁϥ . ⲉⲧⲣⲉϥϫⲱⲕ ⲉⲃⲟⲗ ⲙ̅ ⲡⲕⲉⲡⲣⲟⲥⲟⲡⲟⲛ ⲙⲛ̅ ⲛⲥⲁⲡⲉⲑⲣⲟⲛⲟⲥ
ⲙ̅ ⲡⲣ̅ ⲣⲟ . Ⲉⲙⲡϥ̅ⲉϣⲧⲱⲟⲩⲛ ⲇⲉ ϩⲁⲡϣⲟⲩϣⲟⲩ ⲁϥϩⲓⲧⲟⲟⲧϥ ⲉϥⲟϭⲛ̅ ⲛ̅ ⲧⲙⲛ̅ ⲧⲉⲣⲟ ⲉϥⲓ ⲙ̅ ⲡⲉⲙⲡ̅ ⲛ̅ ⲁ̅ :
Ⲡⲉⲛⲥⲱⲧⲏⲣ ⲇⲉ Ⲙⲁⲣⲇⲟⲩⲭⲁⲓⲟⲥ ⲉⲁϥⲣ̅ ⲡⲉⲧⲛⲁⲛⲟⲩϥ ⲛⲁⲛ ⲛ̅ ⲟⲩⲟⲉⲓϣ ⲛⲓⲙ . ⲁⲩⲱ Ⲉⲥⲑⲏⲣ ⲧⲉⲧⲏⲡ ⲛⲙ̅ ⲙⲁⲓ
ⲉⲧⲙⲛ̅ ⲧⲉⲣⲟ ⲁϫⲛ̅ ⲛⲟⲃⲉ ⲙⲛ̅ ⲡⲉⲩϩⲉⲑⲛⲟⲥ ⲧⲏⲣϥ̅. ⲉϥⲁⲓⲧⲓ ⲙ̅ ⲙⲟⲟⲩ ⲉⲩⲧⲁⲕⲟ ϩⲛ̅ ϩⲉⲛⲕⲟⲧⲥ̅ ⲉⲛⲁϣⲱⲟⲩ
ⲛ̅ ⲣ̅ ϩⲁⲗ. ⲉⲃⲟⲗ ⲅⲁⲣ ϩⲛ̅ ⲛⲉⲥⲙⲟⲧ ⲉϥϫⲱ ⲙ̅ ⲙⲟⲥ ϫⲉ ⲉⲛⲟ ⲛ̅ ⲉⲣⲏⲙⲟⲥ. ⲁϥⲙⲉⲉⲩⲉ ϫⲉ
ⲉϥⲛⲁϣⲡⲉⲉⲛⲉⲡⲉⲕⲣⲁⲧⲟⲥ ⲛ̅ ⲙ̅ Ⲡⲉⲣⲥⲟⲥ ⲉⲘⲁⲕⲉⲇⲱⲛ. Ⲁⲩⲱ ⲛ̅ Ⲓⲟⲩⲇⲁⲓ ⲉⲛ̅ ⲧⲁⲡⲉⲧⲙ̅ ⲡϣⲁ ⲙ̅ ⲡⲉⲑⲟⲟⲩ ⲛⲓⲙ
ⲧⲁⲁⲩ ⲉⲧⲟⲟⲧⲛ̅ ⲉⲩⲧⲁⲕⲟ. ⲧⲛ̅ ϭⲓⲛⲉ ⲙ̅ ⲙⲟⲟⲩ ⲉⲛϩⲉⲛⲣⲉϥⲣ̅ ⲡⲉⲑⲟⲟⲩ ⲁⲛ ⲛⲉ . ⲉⲩⲡⲟⲗⲓⲧⲉⲩⲉ ϩⲛ̅ ⲛ̅ ⲛⲟⲙⲟⲥ

8. ⲛ̅ ⲇⲓⲕⲁⲓⲟⲛ. ⲉⲩⲟ ⲛ̅ ϣⲏⲣⲉ ⲙ̅ ⲡⲛⲟⲩⲧⲉ ⲙⲁⲩⲁⲁϥ ⲉϥⲧⲁⲓⲏⲩⲧ ⲉϥⲟ ⲛ̅ ϭⲙ̅ ϭⲟⲙ ⲁⲩⲱ ⲛ̅ ⲟⲛϩ̅ .
ⲡⲉⲛⲧⲁϥⲧⲁϫⲣⲉⲧⲉⲓⲙⲛ̅ ⲧⲉⲣⲟ ⲛ̅ ⲛⲁⲉⲓⲟⲧⲉ ⲉⲥⲥϭⲣⲁϩⲧ ⲙ̅ ⲡⲛⲁⲩ ⲁⲛⲟⲛ . Ⲛ̅ ⲛⲉⲧⲛ̅ ⲉⲓⲣⲉ ⲟⲩⲛ
ⲕⲁⲧⲁⲡⲉⲡⲣⲟⲥⲧⲁⲅⲙⲁ ⲛ̅ Ⲁⲙⲁⲛ ⲡϣⲏⲣⲉ ⲛ̅ Ⲁⲙⲁⲇⲁⲧⲏⲥ. ⲡⲉⲛⲧⲁϥⲥϩⲁⲓϥ ⲅⲁⲣ ⲙⲛ̅ ⲡⲉϥⲏⲓ ⲧⲏⲣϥ̅ ⲁⲩⲁϣϥ̅
ϩⲁⲧⲛ̅ ⲧⲡⲩⲗⲏ ⲛ̅ Ⲥⲟⲩⲥⲟⲥ . ϫⲉ ⲡⲛⲟⲩⲧⲉ ⲁⲧⲉϥⲕⲣⲓⲥⲓⲥ ⲉⲓ ⲉϩⲣⲁⲓ ⲉϫⲱϥ. Ⲡⲁⲛⲧⲓⲅⲣⲁⲫⲟⲛ ⲇⲉ
ⲛ̅ ⲧⲉⲓⲉⲡⲓⲥⲧⲟⲗⲏ ⲉⲧⲉⲧⲛⲉⲧⲟϭϥ̅ ⲉⲃⲟⲗ ⲙ̅ ⲙⲁ ⲛⲓⲙ ϩⲛ̅ ⲟⲩⲡⲁⲣⲣⲏⲥⲓⲁ . ϫⲉ ⲉⲧⲉⲧⲛⲉⲧⲣⲉⲛ̅ Ⲓⲟⲩⲇⲁⲓⲟⲥ ⲟⲩⲱϩ
ⲕⲁⲧⲁⲛⲉⲩⲛⲟⲙⲟⲥ ⲙ̅ ⲙⲓⲛ ⲙ̅ ⲟⲟⲩ. ⲁⲩⲱ ⲛ̅ ⲧⲉⲧⲛ̅ ϯⲧⲉⲧⲛ̅ ϭⲓϫ ⲛⲁⲩ ⲉⲡⲁⲧⲁⲥⲥⲉ ⲛ̅ ⲛⲉⲧⲡⲱⲣⲥ̅ ⲙ̅ ⲙⲟⲟⲩ ⲙ̅ ⲡⲉⲓⲛⲁⲩ
ⲛ̅ ⲑⲗⲓⲯⲓⲥ . ϩⲙ̅ ⲡⲙⲉϩⲙⲛ̅ ⲧⲥⲛⲟⲟⲩⲥ ⲛ̅ ⲛⲉⲃⲟⲧ ⲛ̅ ⲥⲟⲩⲙⲛ̅ ⲧϣⲟⲙⲧⲉ ⲙ̅ ⲡⲉⲃⲟⲧ ⲉⲧⲉⲀⲇⲁⲣ ⲡⲉ . ⲉⲃⲟⲗ ⲅⲁⲣ
ϩⲛ̅ ⲟⲩϩⲓⲥⲉ ⲁⲡⲛⲟⲩⲧⲉ ⲣ̅ ⲡⲉⲓϩⲟⲟⲩ ⲛⲁⲩ ⲛ̅ ⲉϩⲟⲟⲩ ⲛ̅ ⲁⲅⲁⲑⲟⲛ ϩⲓⲉⲫⲣⲟⲥⲩⲛⲏ . Ⲧⲉⲛⲟⲩ ⲇⲉ ⲕⲁⲧⲁⲑⲉ
ⲛ̅ ⲛⲉⲧⲛ̅ ϣⲁ ⲉⲧⲉⲧⲛ̅ ⲉⲣ̅ ϣⲁ ⲙ̅ ⲙⲟϥ ⲉϥⲥⲟⲧⲡ̅ ⲛ̅ ⲣⲁϣⲉ . ϫⲉⲕⲁⲥ ⲉϥⲉϣⲱⲡⲉ ⲛⲁⲛ ⲉⲩⲟⲩϫⲁⲓ ⲙⲛ̅ ⲛ̅ ⲡⲉⲣⲥⲟⲥ
ⲉⲩϣⲓⲛⲉ ⲛ̅ ⲧⲉⲛⲭⲁⲣⲓⲥ . ⲛⲉⲧⲕⲱⲧⲉ ⲇⲉ ⲙ̅ ⲙⲟⲛ ⲛ̅ ⲥⲱⲛ ⲉϥⲉⲣ̅ ⲡⲙⲉⲉⲩⲉ ⲙ̅ ⲉⲩⲡⲧⲁⲕⲟ . Ⲁⲩⲱ ⲡⲟⲗⲓⲥ ⲛⲓⲙ
ⲙⲛ̅ ⲭⲱⲣⲁ ⲛⲓⲙ ⲉⲧⲉ ⲛ̅ ⲥⲉⲉⲓⲣⲉ ⲕⲁⲧⲁⲣⲟⲥ ⲁⲛ ⲉⲩⲉⲧⲁⲕⲟⲥ ϩⲛ̅ ⲟⲩⲣⲱⲕϩ̅ ⲙⲛ̅ ⲟⲩⲥⲏϥⲉ . ⲙⲏⲡⲱⲥ ⲟⲩ
ⲙⲟⲛⲟⲛ ⲛ̅ ⲥⲉⲟⲩⲱϩ ⲛ̅ ϩⲏⲧⲟⲩ ⲛ̅ ϭⲓⲛ̅ ⲣⲱⲙⲉ ⲁⲗⲗⲁ ϩⲱⲟⲩ ⲟⲛ ⲛⲉⲑⲏⲣⲓⲟⲛ ⲙⲛ̅ ⲛϩⲁⲗⲁⲧⲉ ⲛ̅ ⲛⲟⲩϫⲱϩ
ⲉⲣⲟⲥ ϣⲁⲉⲛⲉϩ . Ⲡⲁⲛⲧⲓⲅⲣⲁⲫⲟⲛ ⲇⲉ ⲛ̅ ⲧⲉⲓⲉⲡⲓⲥⲧⲟⲗⲏ ⲉⲩⲉⲧⲁϩⲟ ⲉⲣⲁⲧϥ̅ ⲕⲁⲧⲁⲛ̅ ⲛⲟⲙⲟⲥ ⲁⲩⲱ
ⲕⲁⲧⲁⲛ̅ ⲗⲁⲟⲥ ϫⲉ ⲛ̅ Ⲓⲟⲩⲇⲁⲓ ⲉⲩⲥⲃ̅ ⲧⲱⲧ ⲉⲡⲉⲓϩⲟⲟⲩ ⲉⲧⲣⲉⲩⲡⲟⲗⲉⲙⲓ ⲙⲛ̅ ⲛⲉⲩϫⲁϫⲉ . Ⲛ̅ ϩⲓⲡⲡⲉⲩⲥ ϭⲉ ⲁⲩⲉⲓ
ⲉⲃⲟⲗ ϩⲛ̅ ⲟⲩϭⲉⲡⲏ ⲉϫⲱⲕ ⲉⲃⲟⲗ ⲛ̅ ⲛⲉⲧⲉⲣⲉⲡⲣⲣⲟ ϫⲱ ⲙ̅ ⲙⲟⲟⲩ ⲁⲩⲱ ⲡⲉⲥϩⲁⲓ ⲁⲩⲧⲟϭϥ̅ ⲉⲃⲟⲗ ϩⲛ̅ Ⲥⲟⲩⲥⲟⲥ.
Ⲁⲩⲱ Ⲙⲁⲣⲇⲟⲩⲭⲁⲓⲟⲥ ⲁϥⲉⲓ ⲉⲃⲟⲗ ⲉϥⲥⲧⲟⲗⲓⲥⲉ ⲛ̅ ⲧⲉⲥⲧⲟⲗⲏ ⲛ̅ ⲧⲙⲛ̅ ⲧⲉⲣⲟ : ⲉⲣⲉⲟⲩⲕⲗⲟⲙ ⲛ̅ ⲛⲟⲩⲃ ϩⲓϫⲱϥ .
ⲁⲩⲱ ⲟⲩϭⲣⲏⲡⲉ ⲛ̅ ϣⲛ̅ ⲥ ⲛ̅ ϫⲏϭⲉ : Ⲛⲉⲧϩⲛ̅ Ⲥⲟⲩⲥⲟⲥ ⲇⲉ ⲛ̅ ⲧⲉⲣⲟⲩⲛⲁⲩ ⲉⲣⲟϥ ⲁⲩⲣⲁϣⲉ ⲛ̅ Ⲓⲟⲩⲇⲁⲓ ϭⲉ
ⲁⲩⲟⲩⲟⲉⲓⲛ ϣⲱⲡⲉ ⲛⲁⲩ. ⲙⲛ̅ ⲟⲩⲉⲩⲫⲣⲱⲥⲩⲛⲏ ⲕⲁⲧⲁⲡⲟⲗⲓⲥ ϩⲓⲭⲱⲣⲁ. ϩⲙ̅ ⲡⲙⲁ ⲉϣⲁⲩⲧⲉϭⲡⲉⲥϩⲁⲓ ⲉⲃⲟⲗ
ⲛ̅ ϩⲏⲧϥ̅ ⲟⲩⲣⲁϣⲉ ⲙⲛ̅ ⲟⲩⲟⲩⲛⲟϥ ⲁϥϣⲱⲡⲉ ⲛ̅ Ⲓⲟⲩⲇⲁⲓ ϩⲉⲛⲥⲱⲃⲉ ⲙⲛ̅ ⲟⲩⲉⲩⲫⲣⲟⲥⲩⲛⲏ . ϩⲁϩ
ϩⲛ̅ ⲛⲛϩⲉⲑⲛⲟⲥ ⲁⲩⲥⲃ̅ ⲃⲏⲧⲟⲩ ⲁⲩⲣ̅ Ⲓⲟⲩⲇⲁⲓ.
Ⲑ̅ . Ϩⲙⲡⲙⲉϩⲙⲛ̅ ⲧⲥⲛⲟⲟⲩⲥ ⲅⲁⲣ ⲛ̅ ⲛⲉⲃⲟⲧ ⲛ̅ ⲥⲟⲩⲙⲛ̅ ⲧϣⲟⲙⲧⲉ ⲙ̅ ⲡⲉⲃⲟⲧ ⲉⲧⲉⲀⲇⲁⲣ ⲡⲉ . ⲁⲩⲱ ⲛⲉⲥϩⲁⲓ
ⲉⲛⲧⲁⲡⲣ̅ ⲣⲟ ⲥϩⲁⲓⲥⲟⲩ : Ϩⲙ̅ ⲡⲉⲓϩⲟⲟⲩ ⲛ̅ ⲟⲩⲱⲧ ⲛ̅ ϫⲁϫⲉ ⲛ̅ Ⲓⲟⲩⲇⲁⲓⲟⲥ ⲁⲩⲧⲁⲕⲟⲟⲩ ⲙ̅ ⲡⲉϣⲗⲁⲁⲩ ⲁϩⲉⲣⲁⲧϥ̅
ⲉⲣⲟⲟⲩ . ⲉϥⲣ̅ ϩⲟⲧⲉ ϩⲏⲧⲟⲩ ⲛ̅ ⲛⲁⲣⲭⲱⲛ ⲛ̅ ⲛ̅ ⲥⲁⲧⲣⲁⲡⲏⲥ ⲙⲛ̅ ⲛ̅ ⲧⲩⲣⲁⲛⲛⲟⲥ ⲁⲩⲱ ⲛ̅ ⲃⲁⲥⲓⲗⲓⲕⲟⲥ
ⲛ̅ ⲅⲣⲁⲙⲙⲁⲧⲉⲩⲥ ⲛ̅ ⲛⲉⲩⲧⲙⲁⲓⲟ ⲅⲁⲣ ⲛ̅ Ⲓⲟⲩⲇⲁⲓⲟⲥ . ⲑⲟⲧⲉ ⲅⲁⲣ ⲙ̅ Ⲙⲁⲣⲇⲟⲩⲭⲁⲓⲟⲥ ⲛ̅ ⲛⲉⲥϩⲓϫⲱⲟⲩ .
Ⲡⲟⲩⲉϩⲥⲁϩⲛⲉ ⲙ̅ ⲡⲣ̅ ⲣⲟ ⲁϥⲧⲁϩⲟⲟⲩ ⲉⲧⲣⲉⲩⲧⲁⲩⲟϥ ϩⲛ̅ ⲧⲙⲛ̅ ⲧⲉⲣⲟ ⲧⲏⲣⲥ̅ ⲛ̅ Ⲁⲣⲇⲁⲝⲉⲣⲝⲏⲥ. Ⲙⲁⲣⲇⲟⲩⲭⲁⲓⲟⲥ
ⲛⲉϥⲟ ⲅⲁⲣ ⲡⲉ ⲛ̅ ⲛⲟϭ ϩⲙ̅ ⲡⲡⲁⲗⲗⲁⲧⲓⲟⲛ ⲉⲣⲉⲡⲉϥⲣⲁⲛ ⲙⲟⲩϣⲧⲛ̅ ⲧⲟϣ ⲧⲏⲣⲟⲩ . ϫⲉ ⲛⲉϥⲙⲏⲛ ⲡⲉ ⲉϥⲁⲓⲁⲓ.
Ⲛ̅ ⲓⲟⲩⲇⲁⲓ ⲇⲉ ⲁⲩⲡⲁⲧⲁⲥⲥⲉ ⲛ̅ ⲛⲉⲩϫⲁϫⲉ ϩⲛ̅ ⲟⲩⲧⲁⲡⲣⲟ ⲛ̅ ⲥⲏϥⲉ . ⲁⲩⲱ ϩⲛ̅ ⲟⲩϩⲱⲧⲃ̅ ⲙⲛ̅ ⲟⲩⲧⲁⲕⲟ . ⲁⲩⲉⲓⲣⲉ
ⲇⲉ ⲛ̅ ⲛⲉⲧⲙⲟⲥⲧⲉ ⲙ̅ ⲙⲟⲟⲩ ⲕⲁⲧⲁⲡⲉⲩⲟⲩⲱϣ . Ⲛⲉⲧϩⲛ̅ Ⲥⲟⲩⲥⲟⲥ ⲁⲩⲙⲉⲩⲧϯⲟⲩ ⲛ̅ ϣⲉ ⲛ̅ ⲣⲱⲙⲉ ϩⲣⲁⲓ ⲛ̅ ϩⲏⲧⲥ̅ .
Ⲫⲁⲣⲥⲁⲛⲉⲥⲧⲁ ⲇⲉ . ⲙⲛ̅ Ⲇⲉⲗⲙⲱⲛ. ⲙⲛ̅ Ⲫⲁⲅⲁⲛ . ⲙⲛ̅ Ⲥⲁⲣⲁⲑⲁ . ⲙⲛ̅ Ⲃⲁⲣⲥⲁ . ⲙⲛ̅ Ⲃⲁⲣⲉⲇⲁⲁ . ⲙⲛ̅ Ⲁⲣⲥⲓⲙⲁⲁ.
ⲙⲛ̅ Ⲁⲣⲟⲩⲫⲁⲓⲟⲥ . ⲙⲛ̅ Ⲁⲣⲥⲁⲓⲟⲥ . ⲙⲛ̅ Ⲍⲁⲃⲟⲩⲑⲁ. ⲡⲙⲏⲧ ⲛ̅ ϣⲏⲣⲉ ⲛ̅ Ⲁⲙⲁⲛ ⲡϣⲏⲣⲉ ⲛ̅ Ⲁⲙⲁⲇⲁⲛⲑⲟⲥ
ⲡⲂⲟⲩⲅⲁⲓⲟⲥ ⲡϫⲁϫⲉ ⲛ̅ Ⲓⲟⲩⲇⲁⲓⲟⲥ ⲁⲩⲙⲟⲩⲟⲩⲧⲟⲩ . ⲁⲩⲱ ⲁⲩⲧⲱⲣⲡ̅ ⲛ̅ ⲛⲉⲩϩⲩⲡⲁⲣⲭⲟⲛⲧⲁ ϩⲙ̅ ⲡⲉϩⲟⲟⲩ
ⲉⲧⲙ̅ ⲙⲁⲩ . ⲁⲩϯⲧⲏⲡⲉ ⲙ̅ ⲡⲣ̅ ⲣⲟ ⲛ̅ ⲛⲉⲛⲧⲁⲩⲙⲟⲟⲩⲧⲟⲩ ϩⲛ̅ Ⲥⲟⲩⲥⲟⲥ ⲧⲡⲟⲗⲓⲥ: Ⲡⲉϫⲉⲡⲣ̅ ⲣⲟ ⲛ̅ Ⲉⲥⲑⲏⲣ ϫⲉ
ⲛ̅ Ⲓⲟⲩⲇⲁⲓ ⲁⲩⲧⲁⲕⲉϯⲟⲩ ⲛ̅ ϣⲉ ⲛ̅ ⲣⲱⲙⲉ ϩⲛ̅ Ⲥⲟⲩⲥⲟⲥ ⲧⲡⲟⲗⲓⲥ : Ⲉⲓⲉⲟⲩⲏⲣ ⲁⲩⲧⲁⲕⲟ ϩⲛ̅ ⲧⲭⲱⲣⲁ ⲧⲏⲣⲥ̅ . Ⲟⲩⲟⲛ
ⲡⲉⲧⲉⲣⲉⲁⲝⲓⲟⲩ ⲉⲧⲃⲏⲏⲧϥ̅ ⲛϥ̅ϣⲱⲡⲉ ⲛⲉ : ⲠⲉϫⲉⲈⲥⲑⲏⲣ ⲙ̅ ⲡⲣ̅ ⲣⲟ ϫⲉ ⲙⲁⲣⲟⲩϯⲡⲕⲉⲣⲁⲥⲧⲉ ⲛ̅ Ⲓⲟⲩⲇⲁⲓⲟⲥ
ⲉⲧⲣⲉⲩⲉⲓⲣⲉ ϩⲓⲛⲁⲓ ϩⲱⲥⲧⲉ ⲉⲧⲣⲉⲩⲁϣⲧⲡⲙⲏⲧ ⲛ̅ ϣⲏⲣⲉ ⲛ̅ Ⲁⲙⲁⲛ. Ⲁϥⲟⲩⲉϩⲥⲁϩⲛⲉ ⲉⲧⲣⲉⲥϣⲱⲡⲉ ϩⲓⲛⲁⲓ : Ⲁⲩⲱ
ⲛ̅ ⲥⲱⲙⲁ ⲛ̅ ⲛϣⲏⲣⲉ ⲛ̅ Ⲁⲙⲁⲛ ⲁⲩⲕⲁⲁⲩ ⲛ̅ Ⲓⲟⲩⲇⲁⲓⲟⲥ ⲛ̅ ⲃⲟⲗ ⲛ̅ ⲧⲡⲟⲗⲓⲥ ⲉⲧⲣⲉⲩⲁϣⲧⲟⲩ. ⲛ̅ Ⲓⲟⲩⲇⲁⲓⲟⲥ ⲇⲉ
ⲁⲩⲥⲟⲩⲱϩ ⲉϩⲟⲩⲛ̅ ϩⲛ̅ Ⲥⲟⲩⲥⲟⲥ ϩⲛ̅ ⲥⲟⲩⲙⲛ̅ ⲧⲁϥⲧⲉ ⲛ̅ Ⲁⲇⲁⲣ . ⲁⲩⲙⲟⲩⲟⲩⲧ ⲛ̅ ϣⲙⲛ̅ ⲧϣⲉ ⲛ̅ ⲣⲱⲙⲉ ⲁⲩⲱ
ⲙ̅ ⲡⲟⲩⲧⲣⲡ̅ ⲗⲁⲁⲩ: Ⲡⲕⲉⲥⲉⲉⲡⲉ ⲇⲉ ⲛ̅ Ⲓⲟⲩⲇⲁⲓⲟⲥ ⲉⲧϩⲛ̅ ⲧⲙⲛ̅ ⲧⲉⲣⲟ . ⲁⲩⲥⲟⲩⲱϩ ⲉϩⲟⲩⲛ ⲁⲩⲙⲓϣⲉ ⲉⲣⲟⲟⲩ
ⲁⲩⲙ̅ ⲧⲟⲛ ⲙ̅ ⲙⲟⲟⲩ ⲉⲃⲟⲗ ϩⲛ̅ ⲛⲉⲩϫⲁϫⲉ . Ⲁⲩⲧⲁⲕⲟ ⲉⲃⲟⲗ ⲛ̅ ϩⲏⲧⲟⲩ ⲛ̅ ⲟⲩⲧⲃⲁ ⲟⲩϭⲟⲥ ⲛ̅ ⲥⲟⲩⲙⲛ̅ ⲧϣⲟⲙⲧⲉ
ⲛ̅ Ⲁⲇⲁⲣ . ⲁⲩⲱ ⲙ̅ ⲡⲟⲩⲧⲣⲡⲗⲁⲁⲩ. Ⲁⲩⲙ̅ ⲧⲟⲛ ⲙ̅ ⲙⲟⲟⲩ ⲛ̅ ⲥⲟⲩⲙⲛ̅ ⲧⲁϥⲧⲉ ⲙ̅ ⲡⲓⲉⲃⲟⲧ ⲛ̅ ⲟⲩⲱⲧ . ⲁⲩⲉⲓⲣⲉ ⲙ̅ ⲙⲟϥ
ⲛ̅ ⲟⲩϩⲟⲟⲩ ⲛ̅ ⲙ̅ ⲧⲟⲛ ϩⲓⲣⲁϣⲉ ⲙⲛ̅ ⲟⲩⲉⲩⲫⲣⲟⲥⲩⲛⲏ : Ⲛ̅ ⲓⲟⲩⲇⲁⲓⲟⲥ ⲇⲉ ⲉⲧϩⲛ̅ Ⲥⲟⲩⲥⲟⲥ ⲧⲡⲟⲗⲓⲥ ⲁⲩⲥⲟⲩⲱϩ
ⲉϩⲟⲩⲛ ⲁⲩⲙ̅ ⲧⲟⲛ ⲙ̅ ⲡⲟⲟⲩ ⲙ̅ ⲡⲕⲉⲥⲟⲩⲙⲛ̅ ⲧⲁϥⲧⲉ ⲁⲩⲉⲓⲣⲉ ⲇⲉ ⲙ̅ ⲡⲕⲉⲥⲟⲩⲙⲛ̅ ⲧⲏ ϩⲛ̅ ⲟⲩⲣⲁϣⲉ
ⲙⲛ̅ ⲟⲩⲉⲩⲫⲣⲟⲥⲩⲛⲏ . Ⲉⲧⲃⲉⲡⲁⲓ ⲅⲁⲣ ⲛ̅ Ⲓⲟⲩⲇⲁⲓⲟⲥ ⲉⲧϫⲱⲣⲉ ⲉⲃⲟⲗ ϩⲛ̅ ⲧⲉⲭⲱⲣⲁ ⲥⲉⲉⲓⲣⲉ ⲛ̅ ⲥⲟⲩⲙⲛ̅ ⲧⲁϥⲧⲉ
ⲛ̅ Ⲁⲇⲁⲣ ⲛ̅ ⲁⲅⲁⲑⲟⲛ ϩⲓⲉⲩⲫⲣⲟⲥⲩⲛⲏ. ⲉⲩϫⲟⲟⲩ ⲛ̅ ϩⲉⲛⲙⲉⲣⲓⲥ ⲛ̅ ⲛⲉⲧϩⲓⲧⲟⲩⲱⲟⲩ. ⲛⲉⲧⲟⲩⲏϩ ⲇⲉ
ϩⲙ̅ ⲙⲉⲧⲣⲟⲡⲟⲗⲓⲥ ⲡⲕⲉⲥⲟⲩⲙⲛ̅ ⲧⲏ ⲛ̅ Ⲁⲇⲁⲣ ⲁⲩⲁⲁϥ ⲛ̅ ϩⲟⲟⲩ ⲛ̅ ⲁⲅⲁⲑⲟⲛ ϩⲓⲉⲩⲫⲣⲟⲥⲩⲛⲏ . ⲉⲩϫⲟⲩ

9. ⲛ̅ ϩⲉⲛⲙⲉⲣⲓⲥ ⲛ̅ ⲛⲉⲧϩⲓⲧⲟⲩⲱⲟⲩ : Ⲙⲁⲣⲇⲟⲩⲭⲁⲓⲟⲥ ⲇⲉ ⲁϥⲥϩⲁⲓ ⲉⲩϫⲱⲱⲙⲉ ⲛ̅ ⲛⲉⲓϣⲁϫⲉ ⲁϥϫⲟⲟⲩⲥⲟⲩ
ⲛ̅ ⲛ̅ Ⲓⲟⲩⲇⲁⲓ ⲉⲧϩⲛ̅ ⲧⲙⲛ̅ ⲧⲉⲣⲟ ⲛ̅ Ⲁⲣⲇⲁⲝⲉⲣⲝⲏⲥ . ⲛⲉⲧϩⲏⲛ ⲉϩⲟⲩⲛ ⲙⲛ̅ ⲛⲉⲧⲟⲩⲏⲩ ⲉⲃⲟⲗ . ⲉⲧⲣⲉⲩⲧⲁϩⲟⲟⲩ ⲉⲣⲁⲧⲟⲩ
ⲛ̅ ⲛⲉⲓϩⲟⲟⲩ ⲛ̅ ϩⲉⲛϩⲟⲟⲩ ⲛ̅ ⲁⲅⲁⲑⲟⲛ. Ⲉⲧⲣⲉⲩⲉⲓⲣⲉ ⲛ̅ ⲥⲟⲩⲙⲛ̅ ⲧⲁϥⲧⲉ ⲙⲛ̅ ⲥⲟⲩⲙⲛ̅ ⲧⲏ ⲛ̅ Ⲁⲇⲁⲣ : Ϩⲣⲁⲓ ⲅⲁⲣ
ϩⲛ̅ ⲛⲉⲓϩⲟⲟⲩ ⲁⲛ̅ Ⲓⲟⲩⲇⲁⲓⲟⲥ ⲙ̅ ⲧⲟⲛ ⲙ̅ ⲙⲟⲟⲩ ⲉⲃⲟⲗ ϩⲛ̅ ⲛⲉⲩϫⲁϫⲉ . ⲁⲩⲱ ⲕⲁⲧⲁⲡⲉⲃⲟⲧ ⲉⲛⲧⲁⲩⲥϩⲁⲓ ⲛⲁⲩ
ⲉⲃⲟⲗ ϩⲛ̅ ⲟⲩⲙ̅ ⲕⲁϩ ⲛ̅ ϩⲏⲧ ⲉⲩⲣⲁϣⲉ ⲁⲩⲱ ⲉⲃⲟⲗ ϩⲛ̅ ⲟⲩϩⲟⲧⲉ ⲉϩⲉⲛϩⲟⲟⲩ ⲛ̅ ⲁⲅⲁⲑⲟⲛ . ⲉⲧⲣⲉⲩⲉⲓⲣⲉ ⲙ̅ ⲙⲟϥ
ⲛ̅ ϩⲉⲛϩⲟⲟⲩ ⲛ̅ ϣⲉⲗⲉⲉⲧ ϩⲓⲉⲩⲫⲣⲟⲥⲩⲛⲏ . ⲉⲩϫⲟⲟⲩ ⲛ̅ ϩⲉⲛⲧⲁⲓⲟ ⲛ̅ ⲛⲉⲩϣⲃⲉⲉⲣ ⲙⲛ̅ ⲛⲛϩⲏⲕⲉ : Ⲛ̅ ⲓⲟⲩⲇⲁⲓⲟⲥ ϭⲉ
ⲁⲩϣⲱⲡ ⲉⲣⲟⲟⲩ ⲛ̅ ⲑⲉ ⲉⲛⲧⲁⲘⲁⲣⲇⲟⲩⲭⲁⲓⲟⲥ ⲥϩⲁⲓ ⲛⲁⲩ : Ⲁⲙⲁⲛ ⲅⲁⲣ ⲡϣⲏⲣⲉ ⲛ̅ Ⲁⲙⲁⲇⲁⲛⲑⲟⲥ
ⲡⲘⲁⲕⲉⲇⲱⲛⲟⲥ ⲛ̅ ⲛⲉϥⲡⲟⲗⲉⲙⲓ ⲙⲛ̅ ⲛⲒⲟⲩⲇⲁⲓⲟⲥ ⲛ̅ ⲑⲉ ⲉⲛⲧⲁϥⲕⲱ ⲉϩⲣⲁⲓ ⲛ̅ ⲟⲩⲯⲩⲫⲓⲥⲙⲁ ⲙⲛ̅ ⲟⲩⲕⲗⲏⲣⲟⲥ
ⲉⲧⲁⲕⲟⲟⲩ. ⲁⲩⲱ ⲛ̅ ⲑⲉ ⲉⲛⲧⲁϥⲉⲓ ⲉϩⲟⲩⲛ ⲙ̅ ⲡⲣ̅ ⲣⲟ ⲉⲧⲣⲉϥϫⲟⲟⲥ ⲛⲁϥ ⲉⲉⲓϣⲉ ⲙ̅ Ⲙⲁⲣⲇⲟⲩⲭⲁⲓⲟⲥ. Ⲛⲉⲓⲡⲉⲑⲟⲟⲩ
ⲇⲉ ⲉⲛ̅ ⲧⲁϥϩⲓⲧⲟⲟⲧϥ̅ ⲉⲣⲟⲟⲩ ⲉⲛ̅ ⲧⲟⲩ ⲉϫⲱⲟⲩ ⲁⲩⲉⲓ ⲉϩⲣⲁⲓ ⲉϫⲱϥ . ⲁⲩⲁϣⲧϥ ⲛ̅ ⲧⲟϥ ⲙⲛ̅ ⲛⲉϥⲕⲉϣⲏⲣⲉ
ⲉϫⲛ̅ ⲛϣⲉ . Ⲉⲧⲃⲉⲡⲁⲓ ⲁⲩⲙⲟⲩⲧⲉ ⲉⲛⲉⲓϩⲟⲟⲩ ϫⲉ ⲛⲉⲫⲣⲟⲩⲣⲁⲓ . ⲉⲧⲃⲉⲛⲉⲕⲗⲏⲣⲟⲥ ⲉⲩⲙⲟⲩⲧⲉ ⲉⲣⲟⲟⲩ ϫⲉ
ⲛⲉⲫⲣⲟⲩⲣⲁⲓ ϩⲛ̅ ⲧⲉⲩⲁⲥⲡⲉ . Ⲉⲧⲃⲉⲛ̅ ϣⲁϫⲉ ⲛ̅ ⲧⲉⲓⲉⲡⲓⲥⲧⲟⲗⲏ . ⲁⲩⲱ ⲛ̅ ϩⲓⲥⲉ ⲉⲛⲧⲁⲩϣⲟⲡⲟⲩ ⲉⲧⲃⲉⲛⲁⲓ
ⲙⲛ̅ ⲛⲉⲛⲧⲁⲩϣⲱⲡⲉ ⲙ̅ ⲙⲟⲟⲩ ⲁϥⲧⲁϩⲟⲟⲩ ⲉⲣⲁⲧⲟⲩ . Ⲁⲩⲱ ⲛ̅ ⲑⲉ ⲉⲛ̅ ⲧⲁⲛ̅ Ⲓⲟⲩⲇⲁⲓ ϣⲟⲡⲟⲩ ⲉⲣⲟⲟⲩ ⲉϫⲱⲟⲩ
ⲙⲛ̅ ⲡⲉⲩⲥⲡⲉⲣⲙⲁ . ⲁⲩⲱ ⲛⲉⲛ̅ ⲧⲁⲩⲧⲟϭⲟⲩ ⲉⲃⲟⲗ ⲉϩⲣⲁⲓ ⲉϫⲱⲟⲩ ⲛ̅ ⲛⲉⲩⲉⲓⲣⲉ ⲛ̅ ⲕⲉⲥⲙⲟⲧ . Ⲛⲉⲓϩⲟⲟⲩ ⲇⲉ
ϩⲉⲛⲣ̅ ⲡⲙⲉⲉⲩⲉ ⲛⲉ . ⲉⲩⲛⲁϫⲱⲕ ⲉ̅ ⲃⲟⲗ ⲕⲁⲧⲁⲅⲉⲛⲉⲁ ϩⲓⲅⲉⲛⲉⲁ. ⲕⲁⲧⲁⲙⲛ̅ ⲧⲓⲱⲧ. ⲕⲁⲧⲁⲡⲟⲗⲓⲥ ϩⲓⲭⲱⲣⲁ. Ⲛⲉⲓϩⲟⲟⲩ
ⲇⲉ ⲛ̅ ⲉⲫⲣⲟⲩⲣⲁⲓ ⲥⲉⲛⲁⲁⲁⲩ ⲙ̅ ⲡⲉⲩⲟⲩⲉⲓϣ ⲧⲏⲣϥ̅. ⲡⲉⲩⲣ̅ ⲡⲙⲉⲉⲩⲉ ⲛϥ̅ⲛⲁⲱϫⲛ̅ ⲁⲛ ⲉⲃⲟⲗ ϩⲛ̅ ⲛϫⲱⲙ :
Ⲉⲥⲑⲏⲣ ⲧⲣ̅ ⲣⲱ ⲧϣⲉⲉⲣⲉ ⲛ̅ Ⲁⲙⲓⲛⲁⲇⲁⲃ ⲉⲥⲥϩⲁⲓ ⲙ̅ Ⲙⲁⲣⲇⲟⲩⲭⲁⲓⲟⲥ ⲛ̅ ⲛⲉⲛⲧⲁⲥⲁⲁⲩ. ⲁⲩⲱ ⲡⲧⲁϫⲣⲟ
ⲛ̅ ⲛⲉⲡⲓⲥⲧⲟⲗⲏ ⲛ̅ ⲛⲉϥⲣⲟⲩⲣⲁⲓ: Ⲙⲁⲣⲇⲟⲩⲭⲁⲓⲟⲥ ⲙⲛ̅ Ⲉⲥⲑⲏⲣ ⲧⲣ̅ ⲣⲱ ⲁⲩⲧⲁϩⲟⲟⲩ ⲛⲁⲩ ⲉⲣⲁⲧⲟⲩ ϩⲁⲣⲓϩⲁⲣⲟⲟⲩ .
ⲁⲩⲱ ⲁⲩⲧⲁϩⲟⲟⲩ ⲉ̅ ⲣⲁⲧⲟⲩ ⲛ̅ ⲛⲁⲡⲉⲩⲟⲩϫⲁⲓ ⲙⲛ̅ ⲛⲉⲩϣⲟϫⲛⲉ : Ⲉⲥⲑⲏⲣ ⲁⲥⲧⲁϩⲟⲟⲩ ⲉⲣⲁⲧⲟⲩ ⲙ̅ ⲡϣⲁϫⲉ
ⲛ̅ ϣⲁⲉⲛⲉϩ ⲁⲩⲱ ⲁⲩⲥϩⲁⲓⲥⲟⲩ ⲉⲩⲣ̅ ⲡⲙⲉⲉⲩⲉ :
Ⲓ̅. Ⲡⲣⲣⲟ ⲇⲉ ⲁϥⲥϩⲁⲓ ⲛ̅ ⲟⲩⲉⲡⲓⲥⲧⲟⲗⲏ ϩⲛ̅ ⲧⲉϥⲙⲛ̅ ⲉⲣⲟ ⲙ̅ ⲡⲕⲁϩ ⲙⲛ̅ ⲑⲁⲗⲁⲥⲥⲁ . ⲁⲩⲱ ⲧⲉϥϭⲟⲙ
ⲙⲛ̅ ⲡⲉϥⲡⲉⲧⲛⲁⲛⲟⲩϥ . Ⲁⲓⲧⲓ ⲇⲉ ⲧⲉϥⲙⲛ̅ ⲧⲣⲙ̅ ⲙⲁⲟ ⲙⲛ̅ ⲡⲉⲟⲟⲩ ⲛ̅ ⲧⲉϥⲙⲛ̅ ⲧⲉⲣⲟ . Ⲉⲓⲥ ϩⲏⲏⲧⲉ ⲥⲉⲥⲏϩ
ϩⲙ̅ ⲡϫⲱⲱⲙⲉ ⲛ̅ ⲛ̅ ⲣⲣⲱⲟⲩ ⲛ̅ ⲙ̅ Ⲡⲉⲣⲥⲟⲥ ⲙⲛ̅ ⲙ̅ Ⲙⲏⲇⲟⲥ ⲉⲩⲣ̅ ⲡⲙⲉⲉⲩⲉ : Ⲙⲁⲣⲇⲟⲩⲭⲁⲓⲟⲥ ⲇⲉ ⲁϥⲣ̅ ⲡⲙⲁ ⲙ̅ ⲡⲣ̅ ⲣⲟ
Ⲁⲣⲇⲁⲝⲉⲣⲝⲏⲥ . ⲁⲩⲱ ⲛⲉⲩⲛⲟϭ ⲡⲉ ϩⲛ̅ ⲧⲙⲛ̅ ⲧⲉⲣⲟ ⲉϥⲟⲓ ⲉⲣⲉⲛⲒⲟⲩⲇⲁⲓⲟⲥ ⲙⲉ ⲙ̅ ⲙⲟϥ . Ⲡⲉϥⲥⲙⲟⲧ ⲛ̅ ⲛⲉϥⲕⲱ
ⲙ̅ ⲙⲟϥ ⲙ̅ ⲡⲉϥϩⲉⲑⲛⲟⲥ ⲧⲏⲣϥ̅ : ⲠⲉϫⲉⲘⲁⲣⲇⲟⲩⲭⲁⲓⲟⲥ ϫⲉ ⲁⲣⲁ ⲉⲛⲧⲁⲛⲁⲓ ϣⲱⲡⲉ ⲛ̅ ⲧⲟⲧϥ̅ ⲙ̅ ⲡⲛⲟⲩⲧⲉ .
Ⲁⲓⲣ̅ ⲡⲙⲉⲉⲩⲉ ⲛ̅ ⲧⲣⲁⲥⲟⲩ ⲉⲛⲧⲁⲓⲛⲁⲩ ⲉⲣⲟⲥ ⲉⲧⲃⲉⲛⲉⲓϣⲁϫⲉ . ⲙ̅ ⲡⲉⲗⲁⲁⲩ ⲛ̅ ϣⲁϫⲉ ϩⲉ ⲉⲃⲟⲗ. Ⲧⲕⲟⲩⲓ ⲙ̅ ⲡⲏⲅⲏ
ⲁⲥϣⲱⲡⲉ ⲉⲩⲓⲉⲣⲟ . ⲁⲩⲱ ⲛⲉⲣⲉⲟⲩⲟⲉⲓⲛ ϣⲟⲟⲡ ϩⲙ̅ ⲡⲣⲏ ⲁⲩⲱ ⲟⲩⲛⲟϭ ⲙ̅ ⲙⲟⲟⲩ . Ⲉⲥⲑⲏⲣ ⲧⲉ ⲡⲓⲉⲣⲟ̅
ⲉⲛⲧⲁⲡⲣ̅ ⲣⲟ ϩⲙⲟⲟⲥ ⲛⲙ̅ ⲙⲁⲥ ⲁϥⲁⲁⲥ ⲛ̅ ⲣ̅ ⲣⲱ . Ⲡⲁⲇⲣⲁⲕⲱⲛ ⲇⲉ ⲥⲛⲁⲩ ⲁⲛⲟⲕ ⲡⲉ ⲙⲛ̅ Ⲁⲙⲁⲛ: ⲛ̅ ϩⲉⲑⲛⲟⲥ ⲇⲉ
ⲉⲛⲧⲁⲩⲥⲟⲩⲱϩ ⲉϩⲟⲩⲛ ⲉⲧⲁⲕⲉⲡⲣⲁⲛ ⲛ̅ Ⲓⲟⲩⲇⲁⲓ . Ⲡⲁϩⲉⲑⲛⲟⲥ ⲇⲉ ⲡⲁⲓ ⲡⲉ ⲡⲒⲥⲣⲁⲏⲗ ⲛⲉⲛⲧⲁⲩⲱϣ ⲉⲃⲟⲗ
ⲉϩⲣⲁⲓ ⲉⲡⲛⲟⲩⲧⲉ ⲁⲩⲟⲩϫⲁⲓ . ⲁϥⲛⲁ ϩⲛ̅ ⲡⲉϥⲗⲁⲟⲥ ⲁϥϥⲓⲧⲛ̅ ⲉⲃⲟⲗ ϩⲛ̅ ⲛⲉⲓⲡⲉⲑⲟⲟⲩ ⲧⲏⲣⲟⲩ. Ⲁⲩⲱ ⲡⲛⲟⲩⲧⲉ
ⲁϥⲉⲓⲣⲉ ⲛ̅ ϩⲉⲛⲛⲟϭ ⲙ̅ ⲙⲁⲉⲓⲛ ⲙⲛ̅ ϩⲉⲛϣⲡⲏⲣⲉ ⲛⲁⲓ ⲉⲙⲡⲟⲩϣⲱⲡⲉ ϩⲛ̅ ⲛϩⲉⲑⲛⲟⲥ ⲉⲧⲃⲉⲡⲁⲓ
ⲁϥⲧⲁⲙⲓⲉⲕⲗⲏⲣⲟⲥ ⲥⲛⲁⲩ . ⲟⲩⲁ ⲙ̅ ⲡⲗⲁⲟⲥ ⲙ̅ ⲡⲛⲟⲩⲧⲉ . ⲁⲩⲱ ⲕⲉⲟⲩⲁ ⲛ̅ ⲛ̅ ϩⲉⲑⲛⲟⲥ ⲧⲏⲣⲟⲩ . ⲡⲉⲕⲗⲏⲣⲟⲥ
ⲥⲛⲁⲩ ⲁⲩⲉⲓ ⲉⲩⲟⲩⲛⲟⲩ ⲛ̅ ⲟⲩⲱⲧ ⲙⲛ̅ ⲟⲩⲕⲁⲓⲣⲟⲥ . ⲁⲩⲱ ⲉⲩϩⲟⲟⲩ ⲛ̅ ⲕⲣⲓⲥⲓⲥ ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲛⲟⲩⲧⲉ
ⲙⲛ̅ ⲛⲛϩⲉⲑⲛⲟⲥ ⲧⲏⲣⲟⲩ. Ⲡⲛⲟⲩⲧⲉ ⲁϥⲣ̅ ⲡⲙⲉⲉⲩⲉ ⲙ̅ ⲡⲉϥⲗⲁⲟⲥ . ⲁϥⲧⲙⲁⲓⲉⲧⲉϥⲕⲗⲏⲣⲟⲛⲟⲙⲓⲁ ⲁⲩⲱ ⲛⲉⲓϩⲟⲟⲩ
ⲥⲉⲛⲁϣⲱⲡⲉ ⲛⲁⲩ ⲙ̅ ⲡⲉⲃⲟⲧ ⲛ̅ Ⲁⲇⲁⲣ. ⲛ̅ ⲥⲟⲩⲙⲛ̅ ⲧⲁϥⲧⲉ ⲙⲛ̅ ⲥⲟⲩⲙⲛ̅ ⲧⲏ ⲙ̅ ⲡⲉⲓⲉⲃⲟⲧ ⲛ̅ ⲟⲩⲱⲧ . ϩⲛ̅ ⲟⲩⲥⲱⲟⲩϩ
ⲉϩⲟⲩⲛ ⲙⲛ̅ ⲟⲩⲣⲁϣⲉ ⲙⲛ̅ ⲟⲩⲉⲩⲫⲣⲟⲥⲩⲛⲏ ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲛⲟⲩⲧⲉ ⲕⲁⲧⲁⲅⲉⲛⲉⲁ ϣⲁⲉⲛⲉϩ ϩⲙ̅ ⲡⲉϥⲗⲁⲟⲥ
ⲙ̅ ⲡⲒⲥⲣⲁⲏⲗ: Ϩⲛ̅ ⲥⲡ̅ ϥⲧⲟ ⲙ̅ Ⲡⲧⲟⲗⲙⲁⲓⲟⲥ ⲉϥⲟ ⲛ̅ ⲛⲣ̅ ⲣⲟ ⲙⲛ̅ Ⲕⲗⲉⲟⲡⲁⲧⲣⲁ ⲇⲱⲥⲑⲉ ⲉϥϫⲱ ⲙ̅ ⲙⲟⲥ ϫⲉ ⲟⲩⲏⲏⲃ ⲡⲉ
ⲁⲩⲱ ⲟⲩⲗⲉⲩⲉⲓⲧⲏⲥ ⲡⲉ. ⲙⲛ̅ Ⲡⲧⲟⲗⲉⲙⲁⲓⲟⲥ ⲡⲉϥϣⲏⲣⲉ ⲁϥⲉⲓⲛⲉ ⲛ̅ ⲧⲉⲡⲓⲥⲧⲟⲗⲏ ⲉⲧⲥⲏϩ ⲛ̅ ϣⲟⲣⲡ ⲛ̅ ⲛⲉϥⲣⲟⲩⲣⲁⲓ
. ⲧⲉⲛⲧⲁⲩϫⲟⲟⲥ ⲉⲧⲃⲏⲏⲧⲥ. ⲁⲖⲩⲥⲓⲙⲁⲭⲟⲥ ϩⲉⲣⲙⲏⲛⲉⲩⲉ ⲙ̅ ⲙⲟⲥ ⲡϣⲏⲣⲉ ⲙ̅ Ⲡⲧⲟⲗⲉⲙⲁⲓⲟⲥ ⲛ̅ ⲛⲉⲧⲟⲩⲏϩ
ϩⲛ̅ Ⲑⲓⲉⲣⲟⲩⲥⲁⲗⲏⲙ. :
ⲡϫⲱⲱⲙⲉ ⲛ̅ ⲉⲥⲑⲏⲣ