Recommended
More Related Content
More from Bassem Matta
More from Bassem Matta (20)
Coptic Joel
- 1. ϮⲠⲢⲞⲪⲎⲦⲒⲀ ⲚⲦⲈ ⲒⲞⲨⲎⲖ ⲠⲒⲠⲢⲞⲪⲎⲦⲎⲤ ⲕⲉⲫ ⲁ̅ ⲁ̅ . Ⲡ̀ ⲥⲁϫⲓ ⲙ̀ Ⲡⲟ̅ ⲥ̅ ⲉⲧⲁϥϣⲱⲡⲓ ϩⲁ Ⲓⲟⲩⲏⲗ ⲡ̀ ϣⲏⲣⲓ ⲛ̀ Ⲃⲁⲑⲟⲩⲏⲗ. ⲃ̅ . Ⲥⲱⲧⲉⲙ ⲉ̀ ⲛⲁⲓ ⲛⲓⲡⲣⲉⲥⲃⲩⲧⲉⲣⲟⲥ ⲟⲩⲟϩ ϭⲓⲥ̀ ⲙⲏ ⲟⲩⲟⲛ ⲛⲓⲃⲉⲛ ⲉⲧϣⲟⲡ ϩⲓϫⲉⲛ ⲡ̀ ⲕⲁϩⲓ ϫⲉ ⲁ̀ ⲛⲁ ϩⲁⲛϩ̀ⲃⲏⲟⲩⲓ̀ϣⲱⲡⲓ ⲙ̀ ⲡⲁⲓⲣⲏϯ ϧⲉⲛ ⲛⲉⲧⲉⲛⲉ̀ ϩⲟⲟⲩ ⲛⲉⲙ ϧⲉⲛ ⲛⲓⲉ̀ ϩⲟⲟⲩ ⲛ̀ ⲧⲉ ⲛⲉⲧⲉⲛⲓⲟϯ. ⲅ̅ . Ⲥⲁϫⲓ ⲉⲑⲃⲉ ϧⲁⲧⲟⲧⲟⲩ ⲛ̀ ⲛⲉⲧⲉⲛϣⲏⲣⲓ ⲟⲩⲟϩ ⲛⲉⲧⲉⲛϣⲏⲣⲓ ϧⲁⲧⲟⲧⲟⲩ ⲛ̀ ⲛⲟⲩϣⲏⲣⲓ ⲟⲩⲟϩ ⲛⲟⲩϣⲏⲣⲓ ⲛ̀ ⲕⲉⲅⲉⲛⲉⲁ̀ . ⲇ̅ . Ⲛⲓⲥⲉⲡⲓ ⲛ̀ ⲧⲉ ⲡⲓϥⲉⲛⲧ ⲁϥⲟⲩⲟⲙⲟⲩ ⲛ̀ ϫⲉ ⲡⲓϣ̀ϫⲉ ⲟⲩⲟϩ ⲛⲓⲥⲉⲡⲓ ⲛ̀ ⲧⲉ ⲡⲓϣ̀ϫⲉ ⲁϥⲟⲩⲟⲙⲟⲩ ⲛ̀ ϫⲉ ⲡⲓϥⲣⲟⲩⲭⲟⲥ ⲟⲩⲟϩ ⲛⲓⲥⲉⲡⲓ ⲛ̀ ⲧⲉ ⲡⲓϥⲣⲟⲩⲭⲟⲥ ⲁⲥⲟⲩⲟⲙⲟⲩ ⲛ̀ ϫⲉ ϯⲉⲧⲏϣⲓ. ⲉ̅ . Ⲁⲣⲓⲛⲏⲫⲓⲛ ⲛⲏⲉⲧⲑⲁϧⲓ ⲉ̀ ⲃⲟⲗϧⲉⲛ ⲡⲟⲩⲏⲣⲡ ⲟⲩⲟϩ ⲣⲓⲙⲓ ⲟⲩⲟϩ ⲁⲣⲓϩⲏⲃⲓ ⲧⲏⲣⲟⲩ ⲛⲏⲉⲧⲥⲱ ⲙ̀ ⲡⲓⲏⲣⲡ ⲉⲩⲑⲁϧⲓ ϫⲉ ⲁⲩⲱ̀ ⲗⲓ ⲉ̀ ⲃⲟⲗϧⲉⲛ ⲣⲱⲧⲉⲛ ⲙ̀ ⲡ̀ ⲟⲩⲛⲟϥ ⲛⲉⲙ ⲫ̀ ⲣⲁϣⲓ. Ⲋ. Ϫⲉ ⲁϥⲓ̀ⲛ̀ ϫⲉ ⲟⲩⲉⲑⲛⲟⲥ ⲉ̀ ϫⲉⲛ ⲡ̀ ⲕⲁϩⲓ ⲉϥϫⲟⲣ ⲟⲩⲟϩ ⲙ̀ ⲙⲟⲛⲧⲉϥ ⲏ̀ ⲡⲓ ⲛⲉϥϣⲟⲗ ϩⲁⲛϩⲟⲗ ⲙ̀ ⲙⲟⲩⲓ̀ⲛⲉ ⲟⲩⲟϩ ⲛⲉϥⲛⲁϫϩⲓ ϩⲁⲛⲙⲁⲥ ⲙ̀ ⲙⲟⲩⲓ̀ⲛⲉ. ⲍ̅ . Ⲁϥⲭⲱ ⲛ̀ ⲧⲁⲃⲱ ⲛ̀ ⲁ̀ ⲗⲟⲗⲓ ⲉ̀ ⲡ̀ ⲧⲁⲕⲟ ⲟⲩⲟϩ ⲧⲁⲃⲱ ⲛ̀ ⲕⲉⲛⲧⲉ ⲉⲩⲕⲱϣ ϧⲉⲛ ⲟⲩϧⲟⲧϧⲉⲧ ⲁϥϧⲉϧⲱⲧⲥ ⲟⲩⲟϩ ⲁϥⲃⲉⲣⲃⲱⲣⲥ ⲉ̀ ⲃⲟⲗ ⲁϥⲑ̀ ⲣⲟⲩⲟⲩⲃⲁϣ ⲛ̀ ϫⲉ ⲛⲉⲥⲕⲗⲏⲙⲁ. ⲏ̅ . Ⲁⲣⲓϩⲏⲃⲓ ⲉ̀ ⲡ̀ ϣⲱⲓ ϩⲁⲣⲟⲓ ⲉϩⲟⲧⲉ ⲟⲩϣⲉⲗⲉⲧ ⲉⲥⲙⲏⲣ ⲛ̀ ⲟⲩⲥⲟⲕ ⲉ̀ ϫⲉⲛ ⲡ̀ ϩⲁⲓ ⲛ̀ ⲧⲉ ⲧⲉⲥⲙⲉⲧⲡⲁⲣⲑⲉⲛⲟⲥ. ⲑ̅ . Ϫⲉ ⲁⲩⲱ̀ ⲗⲓ ⲉ̀ ⲃⲟⲗϧⲉⲛ ⲡ̀ ⲏⲓ ⲙ̀ Ⲡⲟ̅ ⲥ̅ ⲛ̀ ⲟⲩϣⲟⲩϣⲱⲟⲩϣⲓ ⲛⲉⲙ ⲟⲩⲱⲧⲉⲛ ⲉ̀ ⲃⲟⲗ ⲁⲣⲓϩⲏⲃⲓ ⲛⲓⲟⲩⲏⲃ ⲛⲏⲉⲧϣⲉⲙϣⲓ ⲙ̀ ⲡⲓⲙⲁⲛ̀ ⲉⲣϣⲱⲟⲩϣⲓ. ⲓ̅. Ϫⲉ ⲁⲩⲉⲣⲧⲁⲗⲉⲡⲱⲣⲓⲛ ⲛ̀ ϫⲉ ⲛⲓⲙⲉϣϣⲱⲧ ⲙⲁⲣⲉϥⲉⲣϩⲏⲃⲓ ⲛ̀ ϫⲉ ⲡ̀ ⲕⲁϩⲓ ϫⲉ ⲁϥⲉⲣⲧⲁⲗⲉⲡⲱⲣⲓⲛ ⲛ̀ ϫⲉ ⲡⲓⲥⲟⲩⲟ̀ . ⲓ̅ⲁ̅ . Ⲛⲉⲙ ⲡⲓⲓⲱⲧ ϫⲉ ⲁϥⲧⲁⲕⲟ ⲛ̀ ϫⲉ ⲡⲓϭⲱⲗ ϧⲉⲛ ⲧ̀ ⲕⲟⲓ. ⲓ̅ⲃ̅ . Ⲁⲥϣⲱⲟⲩⲓ̀ⲛ̀ ϫⲉ ϯⲃⲱ ⲛ̀ ⲁ̀ ⲗⲟⲗⲓ ⲟⲩⲟϩ ⲁⲩⲉⲣⲕⲟⲩϫⲓ ⲛ̀ ϫⲉ ⲛⲓⲃⲱ ⲛ̀ ⲕⲉⲛⲧⲉ ϯⲃⲱ ⲛ̀ ⲉⲣⲙⲁⲛ ⲛⲉⲙ ϯⲃⲉⲛⲓ ⲛⲉⲙ ϯⲃⲱ ⲛ̀ ϫⲉⲙⲫⲉϩ ⲛⲉⲙ ⲛⲓϣ̀ϣⲏⲛ ⲧⲏⲣⲟⲩ ⲛ̀ ⲧⲉ ⲧ̀ ⲕⲟⲓ ⲁⲩϣⲱⲟⲩⲓ̀ϫⲉ ⲁⲩϯϣⲓⲡⲓ ⲙ̀ ⲫ̀ ⲣⲁϣⲓ ⲛ̀ ϫⲉ ⲛⲓϣⲏⲣⲓ ⲛ̀ ⲧⲉ ⲛⲓⲣⲱⲙⲓ. ⲓ̅ⲅ̅ . Ⲙⲏⲣ ⲑⲏⲛⲟⲩ ⲟⲩⲟϩ ⲛⲉϩⲡⲓ ⲛⲓⲟⲩⲏⲃ ⲁⲣⲓϩⲏⲃⲓ ⲛⲏⲉⲧϣⲉⲙϣⲓ ⲙ̀ ⲡⲓⲙⲁⲛⲉⲣϣⲱⲟⲩϣⲓ ⲙⲁϣⲉⲛⲱⲧⲉⲛ ⲉ̀ ϧⲟⲩⲛ ⲉⲛⲕⲟⲧ ϧⲉⲛ ϩⲁⲛⲥⲟⲕ ⲛⲏⲉⲧϣⲉⲙϣⲓ ⲙ̀ Ⲫϯ ϫⲉ ⲁϥⲕⲏⲛ ⲉ̀ ⲃⲟⲗϧⲉⲛ ⲡ̀ ⲏⲓ ⲙ̀ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ⲛ̀ ϫⲉ ⲟⲩϣⲟⲩϣⲱⲟⲩϣⲓ ⲛⲉⲙ ⲟⲩⲱⲧⲉⲛ ⲉ̀ ⲃⲟⲗ.
- 2. ⲓ̅ⲇ̅ . Ⲙⲁⲧⲟⲩⲃⲟ ⲛ̀ ⲟⲩⲛⲏⲥⲧⲓⲁ̀ϩⲓⲱⲓϣ ⲛ̀ ⲟⲩϣⲉⲙϣⲓ ⲑⲱⲟⲩϯ ⲛ̀ ⲛⲓⲡⲣⲉⲥⲃⲩⲧⲉⲣⲟⲥ ⲧⲏⲣⲟⲩ ⲉⲧϣⲟⲡ ϩⲓϫⲉⲛ ⲡ̀ ⲕⲁϩⲓ ⲉ̀ ϧⲟⲩⲛ ⲉ̀ ⲡ̀ ⲏⲓ ⲙ̀ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ⲟⲩⲟϩ ⲱϣ ⲉ̀ ϩ̀ⲣⲏⲒ ϩⲁ Ⲡⲟ̅ ⲥ̅ ⲉⲙⲁϣⲱ. ⲓ̅ⲉ̅ . Ϫⲉ ⲟⲩⲏⲓ ⲛⲏⲓ ⲟⲩⲟⲓ ⲛⲏⲓ ⲙ̀ ⲡⲓⲉ̀ ϩⲟⲟⲩ ϫⲉ ϥ̀ϧⲉⲛⲧ ⲛ̀ ϫⲉ ⲡⲓⲉ̀ ϩⲟⲟⲩ ⲛ̀ ⲧⲉ Ⲡⲟ̅ ⲥ̅ ⲟⲩⲟϩ ϥ̀ⲛⲏⲟⲩ ⲙ̀ ⲫ̀ ⲣⲏϯ ⲛ̀ ⲟⲩⲧⲁⲗⲉⲡⲱⲣⲓⲁ̀ⲉ̀ ⲃⲟⲗϧⲉⲛ ⲟⲩⲧⲁⲗⲉⲡⲱⲣⲓⲁ̀ . ⲓ̅Ⲋ. Ⲁⲩϥⲱϯ ⲛ̀ ⲛⲓϧ̀ⲣⲏⲟⲩⲓ̀ⲉ̀ ⲃⲟⲗ ⲙ̀ ⲡⲉⲙ̀ ⲑⲟ ⲛ̀ ⲛⲉⲧⲉⲛⲃⲁⲗ ϧⲉⲛ ⲡ̀ ⲏⲓ ⲙ̀ ⲡⲉⲧⲉⲛⲛⲟⲩϯ ⲟⲩⲟⲩⲛⲟϥ ⲛⲉⲙ ⲟⲩⲣⲁϣⲓ. ⲓ̅ⲍ̅ . Ⲁⲩϭⲓⲫⲉⲓ ⲛ̀ ϫⲉ ⲛⲓⲃⲁϩⲥⲓ ⲉ̀ ϫⲉⲛ ⲟⲩⲟⲛϩϥ ⲟⲩⲟϩ ⲁⲩⲧⲁⲕⲟ ⲛ̀ ϫⲉ ⲛⲓⲁ̀ ϩⲱⲣ ⲁⲩⲟⲩⲱϫⲡ ⲛ̀ ϫⲉ ⲛⲓϩⲣⲱⲧ ϫⲉ ⲁϥϣⲱⲟⲩⲓ̀ⲛ̀ ϫⲉ ⲡⲓⲥⲟⲩⲟ̀ⲟⲩ ⲡⲉ ⲉⲧⲉⲛⲛⲁϩⲓⲧϥ ⲛⲁⲛ ⲉ̀ ϧⲟⲩⲛ. ⲓ̅ⲏ̅ . Ⲁⲩⲣⲓⲙⲓ ⲛ̀ ϫⲉ ⲛⲓⲟϩⲓ ⲛ̀ ⲉ̀ ⲥⲱⲟⲩ ϫⲉ ⲙ̀ ⲙⲟⲛ ⲙⲁⲛⲙⲟⲛⲓ ϣⲟⲡ ⲛⲱⲟⲩ ⲟⲩⲟϩ ⲛⲓⲟϩⲓ ⲛ̀ ⲧⲉ ⲛⲓⲉ̀ ⲥⲱⲟⲩ ⲁⲩⲧⲁⲕⲟ. ⲓ̅ⲑ̅ . Ϯⲛⲁⲱϣ ⲉ̀ ⲡ̀ ϣⲱⲓ ϩⲁⲣⲟⲕ Ⲡⲟ̅ ⲥ̅ Ⲡⲁⲛⲟⲩϯ ϫⲉ ⲟⲩⲭ̀ ⲣⲱⲙ ⲛⲁϥⲟⲩⲱⲙ ⲛ̀ ⲛⲏⲉⲑⲛⲉⲥⲱⲟⲩ ⲛ̀ ⲧⲉ ⲡ̀ ϣⲁϥⲉ ⲟⲩⲟϩ ⲟⲩϣⲁϩ ⲁϥϭⲉⲣⲟ ⲛ̀ ⲛⲓϣ̀ϣⲏⲛ ⲧⲏⲣⲟⲩ ⲛ̀ ⲧⲉ ⲧ̀ ⲕⲟⲓ. ⲕ̅ . Ⲟⲩⲟϩ ⲛⲓⲧⲉⲃⲛⲱⲟⲩⲓ̀ⲛ̀ ⲧⲉ ⲛⲓⲙⲉϣϣⲱⲧ ⲁⲩϫⲟⲩϣⲧ ⲉ̀ ⲡ̀ ⲡ̀ ϣⲱⲓ ϩⲁⲣⲟⲕ ϫⲉ ⲁⲩϣⲱⲟⲩⲓ̀ⲛ̀ ϫⲉ ⲛⲓⲙⲁⲛϯⲙⲱⲟⲩ ⲟⲩⲟϩ ⲟⲩⲭ̀ ⲣⲱⲙ ⲁϥⲟⲩⲱⲙ ⲛ̀ ⲛⲏⲉⲑⲛⲉⲥⲱⲟⲩ ⲛ̀ ⲧⲉ ⲡ̀ ϣⲁϥⲉ. ⲕⲉⲫ ⲃ̅ ⲁ̅ . Ⲁⲣⲓⲥⲁⲗⲡⲓⲍⲓⲛ ϧⲉⲛ ⲟⲩⲥⲁⲗⲡⲓⲅⲝ ϧⲉⲛ Ⲥⲓⲱⲛ ϩⲓⲱⲓϣ ϧⲉⲛ ⲡⲁⲧⲱⲟⲩ ⲉ̅ ⲑ̅ ⲩ̅ ⲟⲩⲟϩ ⲙⲁⲣⲟⲩϣ̀ⲑⲟⲣⲧⲉⲣ ⲛ̀ ϫⲉ ⲟⲩⲟⲛ ⲛⲓⲃⲉⲛ ⲉⲧϣⲟⲡ ϩⲓϫⲉⲛ ⲡ̀ ⲕⲁϩⲓ ϫⲉ ⲁϥⲓ̀ⲛ̀ ϫⲉ ⲡⲓⲉ̀ ϩⲟⲟⲩ ⲛ̀ ⲧⲉ Ⲡⲟ̅ ⲥ̅ . ⲃ̅ . Ⲟⲩⲟϩ ϥ̀ϧⲉⲛⲧ ⲛ̀ ϫⲉ ⲡⲓⲉ̀ ϩⲟⲟⲩ ⲛ̀ ⲭⲁⲕⲓ ⲛⲉⲙ ⲅⲛⲟⲫⲟⲥ ⲡⲓⲉ̀ ϩⲟⲟⲩ ⲛ̀ ϭⲏⲡⲓ ⲛⲉⲙ ⲛⲓϥⲓ ⲟⲩⲗⲁⲟⲥ ⲉϥⲟϣ ⲟⲩⲟϩ ⲉϥϫⲟⲣ ⲉϥⲉ̀ ⲫⲱⲣϣ ϩⲓϫⲉⲛ ⲛⲓⲧⲱⲟⲩ ⲙ̀ ⲫ̀ ⲣⲏϯ ⲛ̀ ⲟⲩⲁ̀ ⲛⲁⲧⲟⲟⲩⲒ̀ⲙ̀ ⲡⲉ ⲟⲩⲟⲛ ϣⲱⲡⲓ ⲉϥⲟ̀ ⲛⲓ ⲙ̀ ⲙⲟϥ ⲓⲥϫⲉⲛ ⲡ̀ ⲉ̀ ⲛⲉϩ ⲟⲩⲟϩ ⲙⲉⲛⲉⲛⲥⲱϥ ⲛ̀ ⲛⲉ ⲟⲩⲟⲛ ⲟⲩⲁϩⲧⲟⲧϥ ⲉ̀ ϣⲱⲡⲓ ⲉ̀ ϩⲁⲛϫⲱⲟⲩ ⲛ̀ ϫⲱⲟⲩ. ⲅ̅ . Ϩⲓⲧϩⲏ ⲙ̀ ⲙⲟϥ ⲟⲩⲭ̀ ⲣⲱⲙ ⲉϥⲙⲟⲩⲛⲕ ⲡⲉ ⲟⲩⲟϩ ϩⲓⲫⲁϩⲟⲩ ⲙ̀ ⲙⲟϥ ⲟⲩϣⲁϩ ⲉϥⲙⲟϩ ⲡⲉ ⲙ̀ ⲫ̀ ⲣⲏϯ ⲙ̀ ⲡⲓⲡⲁⲣⲁⲇⲓⲥⲟⲥ ⲛ̀ ⲧⲉ ⲡ̀ ⲟⲩⲛⲟϥ ⲡⲉ ⲡⲓⲕⲁϩⲓ ⲙ̀ ⲡⲉⲙ̀ ⲑⲟ ⲙ̀ ⲡⲉϥϩⲟ ⲟⲩⲟϩ ϩⲓⲫⲁϩⲟⲩ ⲙ̀ ⲙⲟϥ ⲟⲩⲙⲉϣϣⲱⲧ ⲛ̀ ⲧⲉ ⲡ̀ ⲧⲁⲕⲟ ⲡⲉ. ⲇ̅ . Ⲡⲟⲩϩⲟ ⲁϥ ⲙ̀ ⲫ̀ ⲣⲏϯ ⲛ̀ ⲟⲩϩⲟⲣⲁⲥⲓⲥ ⲛ̀ ⲧⲉ ϩⲁⲛϩ̀ⲑⲱⲣ ⲟⲩⲟϩ ⲙ̀ ⲫ̀ ⲣⲏϯ ⲛ̀ ϩⲁⲛϭⲁⲥⲓϩ̀ⲑⲟ ⲡⲁⲓⲣⲏϯ ⲉⲩⲉ̀ ⲫⲱⲧ. ⲉ̅ . Ⲥⲉⲛⲁϣⲓϯ ⲙ̀ ⲫ̀ ⲣⲏϯ ⲛ̀ ⲧ̀ ⲥ̀ ⲙⲏ ⲛ̀ ⲧⲉ ϩⲁⲛϩⲁⲣⲙⲁ ϩⲓϫⲉⲛ ⲛⲓϭⲓⲥⲓ ⲛ̀ ⲧⲉ ⲛⲓⲧⲱⲟⲩ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩϣⲁϩ ⲛ̀ ⲭ̀ ⲣⲱⲙ ⲉϥⲟⲩⲱⲙ ⲛ̀ ⲟⲩⲁ̀ ⲣⲱⲟⲩⲒ̀ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩⲗⲁⲟⲥ ⲉϥⲟϣ ⲟⲩⲟϩ ⲉϥϫⲟⲣ ⲉϥⲛⲁⲑⲱⲟⲩϯ ⲉ̀ ⲡ̀ ⲡⲟⲗⲉⲙⲟⲥ. Ⲋ. Ⲥⲉⲛⲁϧⲟⲙϧⲉⲙ ⲛ̀ ϫⲉ ϩⲁⲛⲗⲁⲟⲥ ⲉ̀ ⲃⲟⲗϧⲁⲧϩⲏ ⲙ̀ ⲡⲉϥϩⲟ ϩⲟ ⲛⲓⲃⲉⲛ ⲛⲁⲉⲣ ⲙ̀ ⲫ̀ ⲣⲏϯ ⲛ̀ ⲟⲩϩⲉⲗϩⲱⲡ
- 3. ⲛ̀ ⲧⲉ ⲟⲩϣⲓⲱ. ⲍ̅ . Ⲟⲩⲟϩ ⲉⲩⲉ̀ ϣⲉⲛⲱⲟⲩ ⲉ̀ ϫⲉⲛ ⲛⲓⲥⲟⲃⲧ ⲙ̀ ⲫ̀ ⲣⲏϯ ⲛ̀ ϩⲁⲛⲣⲱⲙⲓ ⲛ̀ ⲣⲉϥⲟⲩⲃⲱⲧⲥ ⲟⲩⲟϩ ⲫ̀ ⲟⲩⲁⲓ ⲫ̀ ⲟⲩⲁⲓ ⲉϥⲉ̀ ⲙⲟϣⲓ ϧⲉⲛ ⲡⲉϥⲙⲱⲓⲧ ⲟⲩⲟϩ ⲛ̀ ⲛⲟⲩⲣⲓⲕⲓ ⲉ̀ ⲃⲟⲗ ⲛ̀ ⲛⲟⲩⲙⲁⲛϣⲱⲡⲓ. ⲏ̅ . Ⲟⲩⲟϩ ⲫ̀ ⲟⲩⲁⲓ ⲫ̀ ⲟⲩⲁⲓ ⲛ̀ ⲛⲉϥϩⲉⲛϥ ⲉ̀ ⲃⲟⲗϩⲁ ⲡⲉϥⲥⲟⲛ ⲥⲉⲛⲁⲙⲟϣⲓ ⲉⲩϩⲟⲣϣ ϧⲉⲛ ⲛⲟⲩϩⲟⲡⲗⲟⲛ ⲟⲩⲟϩ ⲥⲉⲛⲁϩⲉⲓ ϧⲉⲛ ⲛⲟⲩⲥⲟⲑⲛⲉϥ ⲟⲩⲟϩ ⲛ̀ ⲛⲟⲩⲙⲟⲛⲕⲟⲩ. ⲑ̅ . Ⲉⲩⲉ̀ ϭⲓ ⲛ̀ ϯⲃⲁⲕⲓ ⲟⲩⲟϩ ⲉⲩⲉ̀ ϭⲟϫⲓ ⲙ̀ ⲫ̀ ⲣⲏϯ ⲛ̀ ϩⲁⲛⲣⲉϥϯ ⲉ̀ ϫⲉⲛ ⲛⲓⲥⲟⲃⲧ ⲟⲩⲟϩ ⲉⲩⲉ̀ ϣⲉⲛⲱⲟⲩ ⲉ̀ ⲡ̀ ϣⲱⲓ ⲉ̀ ϫⲉⲛ ⲛⲓⲏⲓ ⲟⲩⲟϩ ⲉⲩⲉ̀ ϣⲉⲛⲱⲟⲩ ⲉ̀ ϧⲟⲩⲛ ϩⲓⲧⲉⲛ ϩⲁⲛϣⲟⲩϣⲧ ⲙ̀ ⲫ̀ ⲣⲏϯ ⲛ̀ ϩⲁⲛⲣⲉϥϭⲓⲟⲩⲓ̀ . ⲓ̅. Ⲉϥⲉ̀ ϣ̀ⲑⲟⲣⲧⲉⲣ ⲛ̀ ϫⲉ ⲡ̀ ⲕⲁϩⲓ ϧⲁⲧϩⲏ ⲙ̀ ⲡⲟⲩϩⲟ ⲟⲩⲟϩ ⲉⲥⲉ̀ ⲙⲟⲛⲙⲉⲛ ⲛ̀ ϫⲉ ⲧ̀ ⲫⲉ ⲫ̀ ⲣⲏ ⲛⲉⲙ ⲡⲓⲓⲟϩ ⲉⲩⲉ̀ ⲉⲣⲭⲁⲕⲓ ⲟⲩⲟϩ ⲛⲓⲥⲓⲟⲩ ⲉⲩⲉ̀ ϩⲱⲧⲡ ⲙ̀ ⲡⲟⲩⲟⲩⲱⲓⲛⲓ. ⲓ̅ⲁ̅ . Ⲡⲟ̅ ⲥ̅ ⲇⲉ ⲉϥⲉ̀ ϯ ⲛ̀ ⲧⲉϥⲥ̀ ⲙⲏ ⲙ̀ ⲡⲉⲙ̀ ⲑⲟ ⲛ̀ ⲧⲉϥϫⲟⲙ ϫⲉ ⲥ̀ ⲟϣ ⲉⲙⲁϣⲱ ⲛ̀ ϫⲉ ⲧⲉϥⲡⲁⲣⲉⲙⲃⲟⲗⲏ ϫⲉ ⲥⲉϫⲟⲣ ⲛ̀ ϫⲉ ⲛⲓϩ̀ⲃⲏⲟⲩⲓ̀ⲛ̀ ⲧⲉ ⲛⲉϥⲥⲁϫⲓ ϫⲉ ⲟⲩⲛⲓϣϯ ⲡⲉ ⲡⲓⲉ̀ ϩⲟⲟⲩ ⲛ̀ ⲧⲉ Ⲡⲟ̅ ⲥ̅ ⲟⲩⲛⲓϣϯ ⲡⲉ ⲟⲩⲟϩ ϥ̀ⲟⲩⲟⲛϩ ⲉ̀ ⲃⲟⲗ ⲉⲙⲁϣⲱ ⲟⲩⲟϩ ⲛⲓⲙ ⲉⲑⲛⲁϣ̀ϫⲉⲙϫⲟⲙ ⲛ̀ ϧⲏⲧϥ. ⲓ̅ⲃ̅ . Ⲟⲩⲟϩ ϯⲛⲟⲩ ϥ̀ϫⲱ ⲙ̀ ⲙⲟⲥ ⲛ̀ ϫⲉ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ϫⲉ ⲕⲉⲧ ⲑⲏⲛⲟⲩ ϩⲁⲣⲟⲓ ⲉ̀ ⲃⲟⲗϧⲉⲛ ⲡⲉⲧⲉⲛϩⲏⲧ ⲧⲏⲣϥ ϧⲉⲛ ⲟⲩⲛⲏⲥⲧⲓⲁ̀ⲛⲉⲙ ⲟⲩⲣⲓⲙⲓ ⲛⲉⲙ ϧⲉⲛ ⲟⲩⲛⲉⲅⲡⲓ. ⲓ̅ⲅ̅ . Ⲟⲩⲟϩ ⲫⲱϧ ⲛ̀ ⲛⲉⲧⲉⲛϩⲏⲧ ⲛⲉⲧⲉⲛϩ̀ⲃⲱⲥ ⲁⲛ ⲟⲩⲟϩ ⲕⲉⲧ ⲑⲏⲛⲟⲩ ϩⲁ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ϫⲉ ⲟⲩⲛⲁⲏⲧ ⲡⲉ ⲟⲩⲟϩ ⲣⲉϥⲱ̀ ⲟⲩⲛ̀ ϩⲏⲧ ⲡⲉ ⲉⲛⲁϣⲉ ⲡⲉϥⲛⲁⲓ ⲟⲩⲟϩ ϥ̀ⲟⲩⲱⲙ ⲛ̀ ϩ̀ⲑⲏϥ ⲉ̀ ϫⲉⲛ ⲛⲓⲕⲁⲕⲓⲁ̀ . ⲓ̅ⲇ̅ . Ⲛⲓⲙ ⲉⲧⲉ̀ ⲙⲓ ϫⲉ ⲁⲛ ϥ̀ⲛⲁⲧⲁⲥⲑⲟ ⲟⲩⲟϩ ⲛ̀ ⲧⲉϥⲟⲩⲱⲙ ⲛ̀ ϩ̀ⲑⲏϥ ⲟⲩⲟϩ ⲛ̀ ⲧⲉϥⲥⲱϫⲡ ⲛ̀ ⲟⲩⲥ̀ ⲙⲟⲩ ⲛ̀ ⲟⲩϩⲓⲫⲁϩⲟⲩ ⲙ̀ ⲙⲟϥ ⲟⲩϣⲟⲩϣⲱⲟⲩϣⲓ ⲛⲉⲙ ⲟⲩⲱ̀ ⲧⲉⲛ ⲉ̀ ⲃⲟⲗ ⲙ̀ Ⲡⲟ̅ ⲥ̅ ⲡⲉⲧⲉⲛⲛⲟⲩϯ. ⲓ̅ⲉ̅ . Ⲁⲣⲓⲥⲁⲗⲡⲓⲍⲓⲛ ⲛ̀ ⲟⲩⲥⲁⲗⲡⲓⲅⲝ ϧⲉⲛ Ⲥⲓⲱⲛ ⲙⲁⲧⲟⲩⲃⲟ ⲛ̀ ⲟⲩⲛⲏⲥⲧⲓⲁ̀ϩⲓⲱⲓϣ ⲛ̀ ⲟⲩϣⲉⲙϣⲓ. ⲓ̅Ⲋ. Ⲑⲱⲟⲩϯ ⲛ̀ ⲟⲩⲗⲁⲟⲥ ⲙⲁⲧⲟⲩⲃⲟ ⲛ̀ ⲟⲩⲉⲕⲕⲗⲏⲥⲓⲁ̀ⲥⲱⲧⲡ ⲛ̀ ϩⲁⲛⲡⲣⲉⲥⲃⲩⲧⲉⲣⲟⲥ ⲑⲱⲟⲩϯ ⲛ̀ ϩⲁⲛⲕⲟⲩϫⲓ ⲛ̀ ⲁ̀ ⲗⲱⲟⲩⲓ̀ⲉⲩⲟⲩⲉⲙϭⲓ. ⲓ̅ⲍ̅ . Ⲙⲁⲣⲉϥⲓ̀ⲉ̀ ⲃⲟⲗ ⲛ̀ ϫⲉ ⲟⲩⲡⲁⲧϣⲉⲗⲏⲧ ⲉ̀ ⲃⲟⲗϧⲉⲛ ⲡⲉϥⲕⲟⲓⲧⲱⲛ ⲟⲩⲟϩ ⲟⲩϣⲉⲗⲉⲧ ⲉ̀ ⲃⲟⲗϧⲉⲛ ⲡⲉⲥⲙⲁⲛϣⲉⲗⲉⲧ ⲉⲩⲉ̀ ⲣⲓⲙⲓ ⲛ̀ ϫⲉ ⲛⲓⲟⲩⲏⲃ ⲛⲏⲉⲧϣⲉⲙϣⲓ ⲙ̀ Ⲡⲟ̅ ⲥ̅ ⲟⲩⲧⲉ ⲑ̀ ⲙⲏϯ ⲛ̀ ϯⲕⲣⲓⲡⲓⲥ ⲛ̀ ⲧⲉ ⲡⲓⲙⲁⲛⲉⲣϣⲱⲟⲩϣⲓ ⲟⲩⲟϩ ⲉⲩⲉ̀ ϫⲟⲥ ϫⲉ ⲙⲁⲁ̀ ⲥⲟ Ⲡⲟ̅ ⲥ̅ ⲉ̀ ⲡⲉⲕⲗⲁⲟⲥ ⲟⲩⲟϩ ⲙ̀ ⲡⲉⲣϯ ⲛ̀ ⲧⲉⲕⲕⲗⲏⲣⲟⲛⲟⲙⲓⲁ̀ⲉⲩϣⲱϣ ⲉⲑⲣⲟⲩⲉⲣⲁⲣⲭⲱⲛ ⲉ̀ ⲣⲱⲟⲩ ⲛ̀ ϫⲉ ϩⲁⲛⲉⲑⲛⲟⲥ ϩⲟⲡⲱⲥ ⲛ̀ ⲧⲟⲩϣ̀ⲧⲉⲙϫⲟⲥ ϧⲉⲛ ⲛⲓⲉⲑⲛⲟⲥ ϫⲉ ⲁϥⲑⲱⲛ ⲛⲟⲩⲛⲟⲩϯ. ⲓ̅ⲏ̅ . Ⲟⲩⲟϩ ⲁϥⲭⲟϩ ⲛ̀ ϫⲉ Ⲡⲟ̅ ⲥ̅ ⲉ̀ ⲡⲉϥⲕⲁϩⲓ ⲟⲩⲟϩ ⲁϥϯⲁ̀ ⲥⲟ ⲉ̀ ⲡⲉϥⲗⲁⲟⲥ. ⲓ̅ⲑ̅ . Ϫⲉ ϩⲏⲡⲡⲉ ⲁ̀ ⲛⲟⲕ ϯⲛⲁⲟⲩⲱⲣⲡ ϩⲁⲣⲱⲧⲉⲛ ⲙ̀ ⲡⲓⲥⲟⲩⲟ̀ⲛⲉⲙ ⲡⲓⲛⲉϩ ⲟⲩⲟϩ ⲉⲣⲉⲧⲉⲛⲉ̀ ⲥⲓ ⲙ̀ ⲙⲱⲟⲩ ⲟⲩⲟϩ ⲛ̀ ⲛⲁϯ ⲑⲏⲛⲟⲩ ϫⲉ ⲉⲩϣⲱϣ ϧⲉⲛ ⲛⲓⲉⲑⲛⲟⲥ. ⲕ̅ . Ⲟⲩⲟϩ ⲫⲁ ⲡⲉⲙϩⲓⲧ ϯⲛⲁϭⲟϫⲓ ⲛ̀ ⲥⲱϥ ⲉ̀ ⲃⲟⲗ ϩⲁⲣⲱⲧⲉⲛ ⲟⲩⲟϩ ϯⲛⲁϩⲓⲧϥ ⲉ̀ ϧ̀ⲣⲏⲓ ⲉ̀ ⲟⲩⲕⲁϩⲓ
- 4. ⲛ̀ ⲁⲑⲙⲱⲟⲩ ⲟⲩⲟϩ ϯⲛⲁⲧⲁⲕⲟ ⲡⲉϥϩⲟ ⲉ̀ ϧ̀ⲣⲏⲓ ⲉ̀ ⲡⲓⲓⲟⲙ ⲛ̀ ϩⲟⲩⲓⲧ ⲟⲩⲟϩ ⲛⲏⲉⲧϩⲓ ⲫⲁϩⲟⲩ ⲙ̀ ⲙⲟϥ ⲉ̀ ϧ̀ⲣⲏⲓ ⲉ̀ ⲡⲓⲓⲟⲙ ⲛ̀ ϧⲁⲉ̀ⲟⲩⲟϩ ⲉϥⲉ̀ ⲓ̀ⲉ̀ ⲡ̀ ϣⲱⲓ ⲛ̀ ϫⲉ ⲡⲉϥⲧⲁⲕⲟ ⲟⲩⲟϩ ⲉϥⲉ̀ ⲓ̀ⲉ̀ ⲡ̀ ϣⲱⲓ ⲛ̀ ϫⲉ ⲡⲉϥⲙ̀ ⲣⲟϣⲧ ϫⲉ ⲁϥⲑ̀ ⲣⲉ ⲛⲉϥϩ̀ⲃⲏⲟⲩⲒ̀ⲁ̀ ϣⲁⲓ. ⲕ̅ ⲁ̅ . Ϫⲉⲙⲛⲟⲙϯ ⲡ̀ ⲕⲁϩⲓ ⲟⲩⲟϩ ⲣⲁϣⲓ ⲟⲩⲛⲟϥ ϫⲉ ⲁϥⲑ̀ ⲣⲟⲩⲁ̀ ϣⲁⲓ ⲛ̀ ϫⲉ Ⲡⲟ̅ ⲥ̅ ⲉ̀ ⲡ̀ ϫⲓⲛⲓ̀ ⲣⲓ. ⲕ̅ ⲃ̅ . Ϫⲉⲙⲛⲟⲙϯ ⲛⲓⲧⲉⲃⲛⲱⲟⲩⲓ̀ⲛ̀ ⲧⲉ ⲡⲓⲙⲉϣϣⲱⲧ ϫⲉ ⲁⲩⲫⲓⲣⲓ ⲉ̀ ⲃⲟⲗ ⲛ̀ ϫⲉ ⲛⲓⲙⲉϣϣⲟϯ ⲛ̀ ⲧⲉ ⲡ̀ ϣⲁϥⲉ ϫⲉ ⲟⲩϣ̀ϣⲏⲛ ⲁϥⲓ̀ ⲛⲓ ⲙ̀ ⲡⲉϥⲟⲩⲧⲁϩ ⲉ̀ ⲃⲟⲗ ⲟⲩⲃⲱ ⲛ̀ ⲁ̀ ⲗⲟⲗⲓ ⲛⲉⲙ ⲟⲩⲃⲱ ⲛ̀ ⲕⲉⲛⲧⲉ ⲁⲩϯ ⲛ̀ ⲧⲟⲩϫⲟⲙ. ⲕ̅ ⲅ̅ . Ⲟⲩⲟϩ ⲛⲓϣⲏⲣⲓ ⲛ̀ ⲧⲉ Ⲥⲓⲱⲛ ⲣⲁϣⲓ ⲟⲩⲟϩ ⲟⲩⲛⲟϥ ⲉ̀ ϫⲉⲛ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ϫⲉ ⲟⲩⲏⲓ ⲁϥϯ ⲛⲱⲧⲉⲛ ⲛ̀ ⲛⲓϧ̀ⲣⲏⲟⲩⲓ̀ⲉⲩⲙⲉⲑⲙⲏⲓ ⲟⲩⲟϩ ⲉϥⲉ̀ ϩⲱⲟⲩ ⲛⲱⲧⲉⲛ ⲛ̀ ⲟⲩⲙⲟⲩⲛϩⲱⲟⲩ ⲛ̀ ϣⲱⲣⲡ ⲛⲉⲙ ϧⲁⲉ̀ ⲕⲁⲧⲁ ⲫ̀ ⲣⲏϯ ⲓⲥϫⲉⲛ ϩⲏ. ⲕ̅ ⲇ̅ . Ⲟⲩⲟϩ ⲉⲩⲉ̀ ⲙⲟϩ ⲛ̀ ⲥⲟⲩⲟ̀ⲛ̀ ϫⲉ ⲛⲓϭⲛⲱⲟⲩ ⲟⲩⲟϩ ⲉⲩⲉ̀ ⲫⲟⲛⲛⲉⲛ ⲉ̀ ⲃⲟⲗ ⲛ̀ ϫⲉ ⲛⲓϩⲣⲱⲧ ⲛ̀ ⲟⲩⲏⲣⲡ ⲛⲉⲙ ⲟⲩⲛⲉϩ. ⲕ̅ ⲉ̅ . Ⲟⲩⲟϩ ϯⲛⲁϯϣⲉⲃⲓⲱ ⲛⲱⲧⲉⲛ ⲛ̀ ⲧ̀ ϣⲉⲃⲓⲱ ⲛ̀ ⲛⲓⲣⲟⲙⲡⲓ ⲉⲧⲁϥⲟⲩⲟⲙⲟⲩ ⲛ̀ ϫⲉ ⲡⲓϣϫⲉ ⲛⲉⲙ ⲡⲓϥⲣⲟⲩⲭⲟⲥ ⲛⲉⲙ ϯⲉ̀ ⲧⲏϣⲓ ⲛⲉⲙ ϯⲅⲁⲙⲡⲓⲧⲁ ⲛⲓϣϯ ⲛ̀ ϫⲟⲙ ⲉⲧⲁⲓⲟⲩⲟⲣⲡⲥ ⲉ̀ ϧⲟⲩⲛ ⲉ̀ ⲣⲱⲧⲉⲛ. ⲕ̅ Ⲋ. Ⲟⲩⲟϩ ϧⲉⲛ ⲟⲩⲱⲙ ⲉⲣⲉⲧⲉⲛⲉ̀ ⲟⲩⲱⲙ ⲟⲩⲟϩ ⲉⲣⲉⲧⲉⲛⲉ̀ ⲥⲓ ⲟⲩⲟϩ ⲉⲣⲉⲧⲉⲛⲉ̀ ⲥ̀ ⲙⲟⲩ ⲉ̀ ⲫ̀ ⲣⲁⲛ ⲙ̀ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ϧⲉⲛ ⲛⲏⲉⲧⲁϥⲁⲓⲧⲟⲩ ⲛⲉⲙⲱⲧⲉⲛ ⲉ̀ ϩⲁⲛϣ̀ⲫⲏⲣⲓ ⲟⲩⲟϩ ⲛ̀ ⲛⲉϥϭⲓϣⲓⲡⲓ ⲛ̀ ϫⲉ ⲡⲁⲗⲁⲟⲥ ϣⲁ ⲉ̀ ⲛⲉϩ. ⲕ̅ ⲍ̅ . Ⲟⲩⲟϩ ⲉⲣⲉⲧⲉⲛⲉ̀ ⲉ̀ ⲙⲓ ϫⲉ ⲁ̀ ⲛⲟⲕ ϯϣⲟⲡ ϧⲉⲛ ⲑ̀ ⲙⲏϯ ⲙ̀ Ⲡ ⲟⲩⲟϩ ⲁ̀ ⲛⲟⲕ ⲡⲉ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ⲟⲩⲟϩ ⲙ̀ ⲙⲟⲛ ⲟⲩⲟⲛ ϫⲉ ⲉⲃⲏⲗ ⲉ̀ ⲣⲟⲓ ⲟⲩⲟϩ ⲛ̀ ⲛⲉϥϭⲓϣⲓⲡⲓ ⲛ̀ ϫⲉ ⲡⲁⲗⲁⲟⲥ ⲧⲏⲣϥ ϣⲁ ⲉ̀ ⲛⲉϩ. ⲕ̅ ⲏ̅ . Ⲟⲩⲟϩ ⲉⲥⲉ̀ ϣⲱⲡⲓ ⲙⲉⲛⲉⲛⲥⲁ ⲛⲁⲓ ϯⲛⲁⲫⲱⲛ ⲉ̀ ⲃⲟⲗϧⲉⲛ ⲡⲁⲡ̅ ⲛ̅ ⲁ̅ ⲉ̀ ϫⲉⲛ ⲥⲁⲣⲝ ⲛⲓⲃⲉⲛ ⲟⲩⲟϩ ⲉⲩⲉ̀ ⲉⲣⲡⲣⲟⲫⲏⲧⲉⲩⲓⲛ ⲛ̀ ϫⲉ ⲛⲉⲧⲉⲛϣⲏⲣⲓ ⲛⲉⲙ ⲛⲉⲧⲉⲛϣⲉⲣⲓ ⲟⲩⲟϩ ⲛⲉⲧⲉⲛϧⲉⲗⲗⲟⲓ ϧⲉⲛ ϩⲁⲛⲣⲁⲥⲟⲩⲓ̀ ⲉⲩⲉ̀ ⲉⲣⲣⲁⲥⲟⲩⲓ̀ⲟⲩⲟϩ ⲛⲉⲧⲉⲛϧⲉⲗϣⲓⲣⲓ ⲉⲩⲉ̀ ⲛⲁⲩ ⲉ̀ ϩⲁⲛϩⲟⲣⲁⲥⲓⲥ. ⲕ̅ ⲑ̅ . Ⲕⲉⲅⲉ ϯⲛⲁⲫⲱ ⲉ̀ ⲃⲟⲗϧⲉⲛ ⲡⲁⲡ̅ ⲛ̅ ⲁ̅ ⲉ̀ ϩ̀ⲣⲏⲓ ⲉ̀ ϫⲉⲛ ⲛⲁⲃⲱⲕ ⲛⲉⲙ ⲛⲁⲃⲱⲕⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉⲩⲉ̀ ⲉⲣⲡⲣⲟⲫⲏⲧⲉⲩⲓⲛ. ⲗ̅ . Ⲟⲩⲟϩ ⲉⲓⲉ̀ ϯ ⲛ̀ ϩⲁⲛⲙⲏⲓⲛⲓ ϧⲉⲛ ⲧ̀ ⲫⲉ ⲙ̀ ⲡ̀ ϣⲱⲓ ⲛⲉⲙ ϩⲁⲛⲙⲏⲓⲛⲓ ϩⲓϫⲉⲛ ⲡ̀ ⲕⲁϩⲓ ⲉ̀ ⲡⲉⲥⲏⲧ ⲟⲩⲥ̀ ⲛⲟϥ ⲛⲉⲙ ⲟⲩⲭ̀ ⲣⲱⲙ. ⲗ̅ ⲁ̅ . Ⲫ̀ ⲣⲏ ⲉϥⲉ̀ ⲟⲩⲱⲧⲉⲃ ⲉ̀ ⲟⲩⲭⲁⲕⲓ ⲟⲩⲟϩ ⲡⲓⲓⲟϩ ⲉⲩⲥ̀ ⲛⲟϥ ⲙ̀ ⲡⲁⲧⲉϥⲓ̀ⲛ̀ ϫⲉ ⲡⲓⲛⲓϣϯ ⲛ̀ ⲉ̀ ϩⲟⲟⲩ ⲛ̀ ⲧⲉ Ⲡⲟ̅ ⲥ̅ ⲟⲩⲟϩ ⲉⲑⲟⲩⲟⲛϩ ⲉ̀ ⲃⲟⲗ. ⲗ̅ ⲃ̅ Ⲟⲩⲟϩ ⲉⲥⲉ̀ ϣⲱⲡⲓ ⲛ̀ ⲟⲩⲟⲛ ⲛⲓⲃⲉⲛ ⲉⲑⲛⲁⲧⲱⲃϩ ⲙ̀ ⲫ̀ ⲣⲁⲛ ⲙ̀ Ⲡⲟ̅ ⲥ̅ ⲉϥⲉ̀ ⲛⲟϩⲉⲙ ϫⲉ ϥ̀ⲛⲁϣⲱⲡⲓ ϧⲉⲛ ⲡ̀ ⲧⲱⲟⲩ ⲛ̀ Ⲥⲓⲱⲛ ⲛⲉⲙ Ⲓⲗ̅ ⲏ̅ ⲙ̅ ⲛ̀ ϫⲉ ⲫⲏⲉⲑⲛⲁⲟⲩϫⲁⲓ ϫⲉ Ⲡⲟ̅ ⲥ̅ ⲡⲉⲧⲁϥϫⲟⲥ ⲟⲩⲟϩ ⲉⲩⲉ̀ ϩⲓϣⲉⲛⲛⲟⲩϥⲓ ⲛ̀ ⲛⲏⲉⲧⲁϥⲑⲁϩⲙⲟⲩ ⲛ̀ ϫⲉ Ⲡⲟ̅ ⲥ̅ .
- 5. ⲕⲉⲫ ⲅ̅ ⲁ̅ . Ϫⲉ ⲟⲩⲏⲓ ϩⲏⲡⲡⲉ ⲁ̀ ⲛⲟⲕ ϧⲉⲛ ⲛⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ϩⲟⲧⲁⲛ ⲁⲓϣⲁⲛⲧⲁⲥⲑⲟ ⲛ̀ ϯⲉⲭⲙⲁⲗⲱⲥⲓⲁ̀ⲛ̀ ⲧⲉ Ⲓⲟⲩⲇⲁ ⲛⲉⲙ Ⲓⲗ̅ ⲏ̅ ⲙ̅ . ⲃ̅ . Ⲟⲩⲟϩ ⲉⲓⲉ̀ ⲑⲱⲟⲩϯ ⲛ̀ ⲛⲓⲉⲑⲛⲟⲥ ⲧⲏⲣⲟⲩ ⲉ̀ ⲃⲟⲗ ⲟⲩⲟϩ ⲉⲓⲉ̀ ⲉ̀ ⲛⲟⲩ ⲉ̀ ϧ̀ⲣⲏⲓ ⲉ̀ ϯϧⲉⲗⲗⲟⲧ ⲛ̀ ⲧⲉ Ⲓⲱⲥⲁⲫⲁⲧ ⲟⲩⲟϩ ⲉⲓⲉ̀ ϭⲓϩⲁⲡ ⲟⲩⲃⲏⲟⲩ ⲙ̀ ⲡⲓⲙⲁ ⲉⲧⲉⲙ̀ ⲙⲁⲩ ⲉ̀ ϫⲉⲛ ⲡⲁⲗⲁⲟⲥ ⲛⲉⲙ ⲧⲁⲕⲗⲏⲣⲟⲛⲟⲙⲓⲁ̀Ⲡ ⲛ̀ ⲛⲏⲉⲧⲁⲩϫⲱⲣ ⲉ̀ ⲃⲟⲗ ϧⲉⲛ ⲛⲓⲉⲑⲛⲟⲥ ⲟⲩⲟϩ ⲁⲩⲫⲱϣ ⲙ̀ ⲡⲓⲕⲁϩⲓ ⲉ̀ ϩ̀ⲣⲁⲩ. ⲅ̅ . Ⲟⲩⲟϩ ⲁⲩϩⲓ ⲕⲗⲏⲣⲟⲥ ⲉ̀ ϫⲉⲛ ⲡⲁⲗⲁⲟⲥ ⲟⲩⲟϩ ⲁⲩϯ ⲛ̀ ⲛⲓⲁ̀ ⲗⲱⲟⲩⲓ̀ⲛ̀ ϩⲱⲟⲩⲧ ⲛ̀ ⲛⲓⲡⲟⲣⲛⲏ ⲟⲩⲟϩ ⲛⲓⲁ̀ ⲗⲱⲟⲩⲓ̀ⲛ̀ ⲥ̀ ϩⲓⲙⲓ ⲛⲁⲩϯ ⲙ̀ ⲙⲱⲟⲩ ⲉ̀ ⲃⲟⲗϧⲁ ⲟⲩⲏⲣⲡ ⲛⲁⲩⲥⲱ. ⲇ̅ . Ⲟⲩⲟϩ ⲁϧⲱⲧⲉⲛ ⲛⲉⲙⲏⲓ ϩⲱⲧⲉⲛ Ⲧⲩⲣⲟⲥ ⲛⲉⲙ ⲧ̀ Ⲥⲩⲇⲱⲛ ⲛⲉⲙ ϯⲄⲁⲗⲓⲗⲉⲁ̀ⲧⲏⲣⲥ ⲛ̀ ⲧⲉ ⲛⲓⲀⲗⲗⲟⲫⲩⲗⲟⲥ ⲙⲏ ϧⲉⲛ ⲟⲩϣⲉⲃⲓⲱ ⲛ̀ ⲑⲱⲧⲉⲛ ⲧⲉⲧⲉⲛⲛⲁϯϣⲉⲃⲓⲱ ⲛⲏⲓ ⲓⲉ ⲛ̀ ⲑⲱⲧⲉⲛ ⲉⲑⲛⲁⲙⲉⲩⲓ̀ ⲉ̀ ϩⲁⲛⲡⲉⲧϩⲱⲟⲩ ⲉ̀ ⲣⲟⲓ ϧⲉⲛ ⲟⲩⲓⲱⲥ ⲛⲉⲙ ⲟⲩⲭⲱⲗⲉⲙ ϯⲛⲁϯϣⲉⲃⲓⲱ ⲛⲱⲧⲉⲛ ⲙ̀ ⲡⲉⲧⲉⲛϯϣⲉⲃⲓⲱ ⲉ̀ ϫⲉⲛ ⲛⲉⲧⲉⲛⲁ̀ ⲫⲏⲟⲩⲓ̀ . ⲉ̅ . Ⲉ̀ ⲫ̀ ⲙⲁ ϫⲉ ⲁⲧⲉⲧⲉⲛϭⲓ ⲙ̀ ⲡⲁϩⲁⲧ ⲛⲉⲙ ⲡⲁⲛⲟⲩⲃ ⲟⲩⲟϩ ⲛⲓⲥⲱⲧⲡ ⲛ̀ ⲧⲏⲓ ⲛⲉⲙ ⲛⲏⲉⲑⲛⲁⲛⲉⲩ ⲁⲣⲉⲧⲉⲛⲟⲗⲟⲩ ⲉ̀ ϧⲟⲩⲛ ⲉ̀ ⲛⲉⲧⲉⲛⲉⲣⲫⲏⲟⲩⲓ̀ . Ⲋ. Ⲟⲩⲟϩ ⲛⲓϣⲏⲣⲓ ⲛ̀ ⲧⲉ Ⲓⲟⲩⲇⲁ ⲛⲉⲙ ⲛⲓϣⲏⲣⲓ ⲛ̀ ⲧⲉ Ⲓⲗ̅ ⲏ̅ ⲙ̅ ⲁⲧⲏⲓⲧⲟⲩ ⲉ̀ ⲃⲟⲗ ⲛ̀ ⲛⲓⲞⲩⲉⲓⲛⲓⲛ ϩⲟⲡⲱⲥ ⲛ̀ ⲧⲉⲧⲉⲛϩⲓⲧⲟⲩ ⲉ̀ ⲃⲟⲗϧⲉⲛ ⲛⲟⲩⲑⲟϣ. ⲍ̅ . Ϩⲏⲡⲁ̀ ⲛⲟⲕ ϯⲛⲁⲧⲟⲩⲛⲟⲥⲟⲩ ⲉ̀ ⲃⲟⲗϧⲉⲛ ⲡⲓⲙⲁ ⲉⲧⲁⲣⲉⲧⲉⲛⲧⲏⲓⲧⲟⲩ ⲉ̀ ⲣⲟϥ ⲟⲩⲟϩ ϯⲛⲁϯϣⲉⲃⲓⲱ ⲙ̀ ⲡⲉⲧⲉⲛϯϣⲉⲃⲓⲱ ⲉ̀ ϫⲉⲛ ⲛⲉⲧⲉⲛⲁ̀ ⲫⲏⲟⲩⲓ̀ . ⲏ̅ . Ⲟⲩⲟϩ ϯⲛⲁϯ ⲛ̀ ⲛⲉⲧⲉⲛϣⲏⲣⲓ ⲛⲉⲙ ⲛⲉⲧⲉⲛϣⲉⲣⲓ ⲉ̀ ϧ̀ⲣⲏⲓ ⲉ̀ ⲛⲉⲛϫⲓϫ ⲉ̀ ⲛⲉⲛϣⲏⲣⲓ ⲛ̀ Ⲓⲟⲩⲇⲁ ⲟⲩⲟϩ ⲉⲩⲉ̀ ⲧⲏⲓⲧⲟⲩ ⲉ̀ ⲟⲩⲉⲭⲙⲁⲗⲱⲥⲓⲁ̀ⲉ̀ ⲟⲩⲉⲑⲛⲟⲥ ⲉϥⲟⲩⲏⲟⲩ ϩⲓ ⲫ̀ ⲟⲩⲉⲓ ϫⲉ Ⲡⲟ̅ ⲥ̅ ⲁϥⲥⲁϫⲓ. ⲑ̅ . Ϩⲓⲱⲓϣ ⲛ̀ ⲛⲁⲓ ϧⲉⲛ ⲛⲓⲉⲑⲛⲟⲥ ⲙⲁⲧⲟⲩⲃⲟ ⲛ̀ ⲟⲩⲡⲟⲗⲉⲙⲟⲥ ⲙⲁⲧⲟⲩⲃⲟ ⲛ̀ ⲛⲓⲣⲉϥϧⲱⲛⲧ ⲉ̀ ϧⲟⲩⲛ ⲙⲁϣⲉⲛⲱⲧⲉⲛ ⲉ̀ ⲡ̀ ϣⲱⲓ ⲛⲓⲣⲱⲙⲓ ⲧⲏⲣⲟⲩ ⲛ̀ ⲣⲉϥⲃⲱⲧⲥ. ⲓ̅. Ϩⲱⲙⲓ ⲛ̀ ⲛⲉⲧⲉⲛϩⲉⲃⲓ ⲉ̀ ϩⲁⲛⲥⲏϥⲓ ⲟⲩⲟϩ ⲛⲉⲧⲉⲛⲱⲛϧ ⲉ̀ ϩⲁⲛⲥⲩⲙⲟⲣⲁⲥⲧⲏⲥ ⲡⲓⲁⲧϫⲟⲙ ⲙⲁⲣⲉϥϫⲟⲥ ϫⲉ ⲟⲩⲟⲛϣ̀ϫⲟⲙ ⲙ̀ ⲙⲟⲓ ⲁ̀ ⲛⲟⲕ ϣⲁ ... ⲓ̅ⲁ̅ . Ⲑⲱⲟⲩϯ ⲟⲩⲟϩ ⲙⲁϣⲉⲛⲱⲧⲉⲛ ⲉ̀ ϧⲟⲩⲛ ⲉ̀ ⲛⲓⲉⲑⲛⲟⲥ ⲧⲏⲣⲟⲩ ⲉϥⲕⲱϯ ⲟⲩⲟϩ ⲑⲱⲟⲩϯ ⲉ̀ ⲙⲁⲩ ⲡⲓⲣⲉⲙⲣⲁⲩϣ ⲙⲁⲣⲉϥϣⲱⲡⲓ ⲛ̀ ⲣⲉϥϯ. ⲓ̅ⲃ̅ . Ⲡⲟ̅ ⲥ̅ ⲁⲕϯ ⲛ̀ ⲟⲩϫⲟⲙ ⲛ̀ ⲛⲉⲕϫⲱⲣⲓ ⲧⲏⲣⲟⲩ ⲙⲁⲣⲟⲩⲧⲱⲟⲩⲛⲟⲩ ⲟⲩⲟϩ ⲙⲁⲣⲟⲩⲓ̀ⲉ̀ ⲡ̀ ϣⲱⲓ ⲛ̀ ϫⲉ ⲛⲓⲉⲑⲛⲟⲥ ⲧⲏⲣⲟⲩ ⲉ̀ ϯϧⲉⲗⲗⲱⲧ ⲛ̀ ⲧⲉ Ⲓⲱⲥⲁⲫⲁⲧ ϫⲉ ⲟⲩⲏⲓ ϯⲛⲁϩⲉⲙⲥⲓ ϧⲉⲛ ⲡⲓⲙⲁ ⲉⲧⲉⲙ̀ ⲙⲁⲩ ⲉ̀ ϯϩⲁⲡ ⲉ̀ ⲛⲓⲉⲑⲛⲟⲥ ⲧⲏⲣⲟⲩ ϧⲉⲛ ⲡⲓⲕⲱϯ. ⲓ̅ⲅ̅ . Ⲟⲩⲱⲣⲡ ⲛ̀ ⲛⲓⲟⲥϧ ϫⲉ ⲁϥⲓ̀ⲛ̀ ϫⲉ ⲡⲓϭⲱⲗ ⲙⲁϣⲉⲛⲱⲧⲉⲛ ⲉ̀ ϧⲟⲩⲛ ϩⲱⲙⲓ ϫⲉ ⲁⲥⲙⲟϩ ⲛ̀ ϫⲉ ϯϩ̀ⲣⲱⲧ
- 6. ⲁⲩⲫⲟⲛⲫⲉⲛ ⲉ̀ ⲃⲟⲗ ⲛ̀ ϫⲉ ⲛⲓⲓⲟⲙ ϫⲉ ⲁⲩⲁ̀ ϣⲁⲓ ⲛ̀ ϫⲉ ⲛⲟⲩⲡⲉⲧϩⲱⲟⲩ. ⲓ̅ⲇ̅ . Ⲁⲩⲱϣ ⲉ̀ ⲃⲟⲗ ⲛ̀ ϫⲉ ϩⲁⲛϧ̀ⲣⲱⲟⲩ ϧⲉⲛ ϯϧⲉⲗⲗⲟⲧ ⲛⲉⲙ ⲡ̀ ϩⲁⲡ. ⲓ̅ⲉ̅ . Ⲡⲓⲣⲏ ⲛⲉⲙ ⲡⲓⲓⲟϩ ⲉⲩⲉ̀ ⲉⲣⲭⲁⲕⲓ ⲟⲩⲟϩ ⲛⲓⲥⲏⲟⲩ ⲉⲩⲉ̀ ϩⲱⲧⲡ ⲙ̀ ⲡⲟⲩⲟⲩⲱⲓⲛⲓ. ⲓ̅Ⲋ. Ⲡⲟ̅ ⲥ̅ ⲇⲉ ⲉϥⲉ̀ ⲱϣ ⲉ̀ ⲃⲟⲗ ϧⲉⲛ Ⲥⲓⲱⲛ ⲟⲩⲟϩ ⲉϥⲉ̀ ϯ ⲛ̀ ⲧⲉϥⲥ̀ ⲙⲏ ⲉ̀ ⲃⲟⲗϧⲉⲛ Ⲓⲗ̅ ⲏ̅ ⲙ̅ ⲟⲩⲟϩ ⲉⲥⲉ̀ ⲙⲟⲛⲙⲉⲛ ⲛ̀ ϫⲉ ⲧ̀ ⲫⲉ ⲛⲉⲙ ⲡ̀ ⲕⲁϩⲓ Ⲡⲟ̅ ⲥ̅ ⲇⲉ ⲉϥⲉ̀ ϯⲁ̀ ⲥⲟ ⲉ̀ ⲡⲉϥⲗⲁⲟⲥ ⲟⲩⲟϩ Ⲡⲟ̅ ⲥ̅ ⲉϥⲉ̀ ϯϫⲟⲙ ⲛ̀ ⲛⲉⲛϣⲏⲣⲓ ⲙ̀ Ⲡ. ⲓ̅ⲍ̅ . Ⲟⲩⲟϩ ⲉⲣⲉⲧⲉⲛⲉ̀ ⲙⲓ ϫⲉ ⲁ̀ ⲛⲟⲕ ⲡⲉ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ⲫⲏⲉⲧϣⲟⲡ ϧⲉⲛ Ⲥⲓⲱⲛ ⲡⲁⲧⲱⲟⲩ ⲉ̅ ⲑ̅ ⲩ̅ ⲟⲩⲟϩ ⲉⲥⲉ̀ ϣⲱⲡⲓ ⲉⲥⲟⲩⲁⲃ ⲛ̀ ϫⲉ Ⲓⲗ̅ ⲏ̅ ⲙ̅ ⲟⲩⲟϩ ⲛⲉⲥⲁⲗⲗⲟⲅⲉⲛⲏⲥ ϫⲉ ⲥⲓⲛⲓ ⲉ̀ ⲃⲟⲗϩⲓⲧⲟⲧⲥ. ⲓ̅ⲏ̅ . Ⲟⲩⲟϩ ⲉⲣⲉϣⲱⲡⲓ ϧⲉⲛ ⲛⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉⲣⲉ ⲡⲓⲧⲱⲟⲩ ⲧⲉⲗⲧⲉⲗ ⲛ̀ ⲟⲩϩ̀ⲗⲟϫ ⲟⲩⲟϩ ⲛⲓⲕⲁⲗⲁⲙⲫⲟ ⲉⲩⲉ̀ ϧⲁϯ ⲛ̀ ⲉⲣⲱϯ ⲟⲩⲟϩ ⲛⲓⲙⲁⲛ̀ ϯⲙⲱⲟⲩ ⲧⲏⲣⲟⲩ ⲛ̀ ⲧⲉ Ⲓⲟⲩⲇⲁ ⲉⲩⲉ̀ ϧⲁϯ ⲛ̀ ϩⲁⲛⲙⲱⲟⲩ ⲉⲥⲉ̀ ⲓ̀ⲉ̀ ⲃⲟⲗ ϧⲉⲛ ⲡ̀ ⲏⲓ ⲙ̀ Ⲡⲟ̅ ⲥ̅ ⲟⲩⲟϩ ⲉⲥⲉ̀ ⲧ̀ ⲥⲟ ⲙ̀ ⲡⲓⲭⲓⲙⲁⲣⲟⲥ ⲛ̀ ⲧⲉ ⲛⲓϣⲉⲛⲥⲓϥⲓ. ⲓ̅ⲑ̅ . Ⲭⲏⲙⲓ ⲉϥⲉ̀ ϣⲱⲡⲓ ⲉ̀ ⲡ̀ ⲧⲁⲕⲟ ⲟⲩⲟϩ ϯϨⲩⲇⲟⲙⲉⲁ̀ⲉⲥⲉ̀ ϣⲱⲡⲓ ⲉⲩⲙⲉϣϣⲱϯ ⲛ̀ ⲧⲉ ⲡ̀ ⲧⲁⲕⲟ ⲉ̀ ⲃⲟⲗϧⲉⲛ ⲛⲓϭⲓⲛ̀ ϫⲟⲛⲥ ⲛ̀ ⲧⲉ ⲛⲉⲛϣⲏⲣⲓ ⲛ̀ Ⲓⲟⲩⲇⲁ ⲉ̀ ⲫ̀ ⲙⲁ ϫⲉ ⲁⲩⲫⲱⲛ ⲛ̀ ⲟⲩⲥ̀ ⲛⲟϥ ⲛ̀ ⲑ̀ ⲙⲏⲓ ⲉ̀ ⲃⲟⲗϧⲉⲛ ⲡⲟⲩⲕⲁϩⲓ. ⲕ̅ . ϮⲒⲟⲩⲇⲉⲁ̀ⲛⲁϫⲱⲣϫ ϣⲁ ⲉ̀ ⲛⲉϩ ⲟⲩⲟϩ Ⲓⲗ̅ ⲏ̅ ⲙ̅ ⲉ̀ ϩⲁⲛϫⲱⲟⲩ ⲛ̀ ϫⲱⲟⲩ. ⲕ̅ ⲁ̅ . Ⲟⲩⲟϩ ⲉⲓⲉ̀ ϭⲓⲙ̀ ⲡⲉⲙⲡϣⲓϣ ⲙ̀ ⲡ̀ ⲟⲩⲛⲟϥ ⲟⲩⲟϩ ϯⲛⲁⲧⲟⲩⲃⲱⲟⲩ ⲟⲩⲟϩ Ⲡⲟ̅ ⲥ̅ ⲛⲁϣⲱⲡⲓ ϧⲉⲛ Ⲥⲓⲱⲛ.