Recommended
More Related Content
More from Bassem Matta
More from Bassem Matta (20)
Coptic Malachi
- 1. ϮⲠⲢⲞⲪⲎⲦⲒⲀ ⲚⲦⲈ ⲘⲀⲖⲀⲬⲒⲀⲤ ⲠⲒⲠⲢⲞⲪⲎⲦⲎⲤ ⲕⲉⲫ ⲁ̅ ⲁ̅ . Ⲫⲗⲩⲙⲙⲁ ⲙ̀ ⲡⲥⲁϫⲓ ⲙ̀ Ⲡⲟ̅ ⲥ̅ ⲉ̀ ϫⲉⲛ Ⲡ ϧⲉⲛ ⲧϫⲓϫ ⲙ̀ ⲡⲉϥⲁⲅⲅⲉⲗⲟⲥ ⲭⲁⲥ ϩⲓϫⲉⲛ ⲡⲉⲧⲉⲛϩⲏⲧ. ⲃ̅ . Ⲁⲓⲙⲉⲛⲣⲉ ⲑⲏⲛⲟⲩ ⲡⲉϫⲉ Ⲡⲟ̅ ⲥ̅ ⲟⲩⲟϩ ⲡⲉϫⲱⲧⲉⲛ ϫⲉ ⲁⲕⲙⲉⲛⲣⲓⲧⲧⲉⲛ ϧⲉⲛ ⲟⲩ ⲙⲏ ⲛⲉ ⲡⲥⲟⲛ ⲛ̀ Ⲓⲁⲕⲱⲃ ⲁⲛ ⲡⲉ Ⲏⲥⲁⲩ ⲡⲉϫⲉ Ⲡⲟ̅ ⲥ̅ ⲟⲩⲟϩ Ⲓⲁⲕⲱⲃ ⲙⲉⲛ ⲁⲓⲙⲉⲛⲣⲓⲧϥ. ⲅ̅ . Ⲏⲥⲁⲩ ⲇⲉ ⲁⲓⲙⲉⲥⲧⲱϥ ⲟⲩⲟϩ ⲁⲓⲑⲱϣ ⲛ̀ ⲛⲉϥϭⲓⲏ̀ⲉ̀ ⲟⲩⲧⲁⲕⲟ ⲟⲩⲟϩ ⲧⲉϥⲕⲗⲏⲣⲟⲛⲟⲙⲓⲁ̀ ⲉ̀ ϩⲁⲛⲧⲟⲓ ⲛ̀ ⲧⲉ ⲡϣⲁϥⲉ. ⲇ̅ . Ϫⲉ ⲟⲩⲏⲓ ⲉϥⲉ̀ ϫⲟⲥ ϫⲉ ⲁⲥⲟⲩⲱϫⲡ ⲛ̀ ϫⲉ ϯϩⲁⲇⲟⲙⲉⲁ̀ⲙⲁⲣⲉⲛⲧⲁⲥⲑⲟ ⲟⲩⲟϩ ⲛ̀ ⲧⲉⲛⲕⲱⲧ ⲛ̀ ⲛⲉⲥϣⲁϥⲉⲩ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲛ̀ ⲑⲱⲟⲩ ⲉⲩⲉ̀ ⲕⲱⲧⲟⲩ ⲟⲩⲟϩ ⲁ̀ ⲛⲟⲕ ϩⲱ ⲉⲓⲉ̀ ⲟⲩⲱϫⲡ ⲟⲩⲟϩ ⲉⲩⲉ̀ ⲙⲟⲩϯ ⲉ̀ ⲣⲱⲟⲩ ϫⲉ ⲡⲓⲗⲁⲟⲥ ⲛ̀ ⲧⲉ ϯⲁ̀ ⲛⲟⲙⲓⲁ̀ ⲟⲩⲟϩ ⲡⲓⲗⲁⲟⲥ ⲉⲧⲁϥϯ ⲟⲩⲃⲏϥ ⲛ̀ ϫⲉ Ⲡⲟ̅ ⲥ̅ ϣⲁ ⲉ̀ ⲛⲉϩ. ⲉ̅ . Ⲟⲩⲟϩ ⲉⲩⲉ̀ ⲛⲁⲩ ⲛ̀ ϫⲉ ⲛⲉⲧⲉⲛⲃⲁⲗ ⲟⲩⲟϩ ⲛ̀ ⲑⲱⲧⲉⲛ ⲉⲣⲉⲧⲉⲛⲛⲁϫⲟⲥ ϫⲉ ⲁϥⲉⲣⲛⲓϣϯ ⲛ̀ ϫⲉ Ⲡⲟ̅ ⲥ̅ ⲥⲁⲡϣⲱⲓ ⲛ̀ ⲛⲓⲑⲟϣ ⲛ̀ ⲧⲉ Ⲡ. Ⲋ. Ⲟⲩϣⲏⲣⲓ ϣⲁϥϯⲱ̀ ⲟⲩ ⲙ̀ ⲡⲉϥⲓⲱⲧ ⲟⲩⲟϩ ⲟⲩⲃⲱⲕ ⲙ̀ ⲡⲉϥⲟ̅ ⲥ̅ ⲟⲩⲟϩ ⲓⲥϫⲉ ⲁ̀ ⲛⲟⲕ ⲟⲩⲓⲱⲧ ⲁϥⲑⲱⲛ ⲡⲁⲱ̀ ⲟⲩ ⲟⲩⲟϩ ⲓⲥϫⲉ ⲁ̀ ⲛⲟⲕ ⲟⲩⲟ̅ ⲥ̅ ⲁⲥⲑⲱⲛ ⲧⲁϩⲟϯ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲛ̀ ⲑⲱⲧⲉⲛ ⲛⲓⲟⲩⲏⲃ ⲛⲏⲉⲧϣⲱϣϥ ⲙ̀ ⲡⲁⲣⲁⲛ ⲟⲩⲟϩ ⲡⲉϫⲱⲧⲉⲛ ϫⲉ ⲉⲧⲁⲛϣⲱϣϥ ⲙ̀ ⲡⲉⲕⲣⲁⲛ ϧⲉⲛ ⲟⲩ. ⲍ̅ . Ⲉⲣⲉⲧⲉⲛⲓ̀ ⲛⲓ ⲉ̀ ϧⲟⲩⲛ ϩⲁ ⲡⲁⲙⲁⲛⲉⲣϣⲱⲟⲩϣⲓ ⲛ̀ ϩⲁⲛⲱⲓⲕ ⲉⲩϭⲁϧⲉⲙ ⲟⲩⲟϩ ⲡⲉϫⲱⲧⲉⲛ ϫⲉ ⲉⲧⲁⲛϭⲁϧⲙⲟⲩ ϧⲉⲛ ⲟⲩ ϧⲉⲛ ⲡϫⲓⲛⲑⲣⲉⲧⲉⲛϫⲟⲥ ⲡⲉ ϫⲉ ⲉⲥϣⲟϣϥ ⲛ̀ ϫⲉ ϯⲧⲣⲁⲡⲉⲍⲁ ⲛ̀ ⲧⲉ Ⲡⲟ̅ ⲥ̅ ⲟⲩⲟϩ ⲥⲉϣⲟϣϥ ⲛ̀ ϫⲉ ⲛⲓϧⲣⲏⲟⲩⲓ̀ⲉⲧⲟⲩⲟⲩⲭⲱ ⲙ̀ ⲙⲱⲟⲩ ϩⲓϫⲱⲥ. ⲏ̅ . Ⲟⲩⲟϩ ⲉϣⲱⲡ ⲁⲣⲉⲧⲉⲛϣⲁⲛⲓ̀ ⲛⲓ ⲉ̀ ϧⲟⲩⲛ ⲛ̀ ⲟⲩⲃⲉⲗⲗⲉ ⲉ̀ ⲟⲩϣⲟⲩϣⲱⲟⲩϣⲓ ⲙⲏ ϥ̀ϩⲱⲟⲩ ⲁⲛ ⲟⲩⲟϩ ⲉϣⲱⲡ ⲁⲣⲉⲧⲉⲛϣⲁⲛⲓ̀ ⲛⲓ ⲉ̀ ϧⲟⲩⲛ ⲛ̀ ⲟⲩϭⲁⲗⲉ ⲓⲉ ⲟⲩⲁⲓ ⲉϥϣⲱⲡⲓ ⲙⲏ ϥ̀ϩⲱⲟⲩ ⲁⲗⲓⲧϥ ⲇⲉ ⲉ̀ ϧⲟⲩⲛ ⲙ̀ ⲡⲉⲕϩⲩⲅⲟⲩⲙⲉⲛⲟⲥ ⲁⲛ ϥ̀ⲛⲁϭⲓⲧϥ ⲛ̀ ⲧⲟⲧⲕ ⲁⲛ ϥ̀ⲛⲁϭⲓ ⲡⲉⲕϩⲟ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲑ̅ . Ⲟⲩⲟϩ ϯⲛⲟⲩ ⲧⲱⲃϩ ⲙ̀ ⲡϩⲟ ⲙ̀ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ⲟⲩⲟϩ ⲙⲁϯϩⲟ ⲉ̀ ⲣⲟϥ ϩⲓⲛⲁ ⲛ̀ ⲧⲉϥⲛⲁⲓ ⲛⲱⲧⲉⲛ ⲁⲩϣⲱⲡⲓ ⲛ̀ ϫⲉ ⲛⲁⲓ ϧⲉⲛ ⲛⲉⲧⲉⲛϫⲓϫ ⲓⲉ ⲁⲛ ϯⲛⲁϭⲓ ⲉ̀ ⲃⲟⲗϧⲉⲛ ⲑⲏⲛⲟⲩ ⲛ̀ ⲛⲉⲧⲉⲛϩⲟ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅. Ϫⲉ ⲟⲩⲏⲓ ⲉⲩⲉ̀ ϣⲱⲧⲉⲙ ⲛ̀ ϩⲁⲛⲣⲱⲟⲩ ϧⲉⲛ ⲑⲏⲛⲟⲩ ϩⲱⲧⲉⲛ ⲟⲩⲟϩ ⲛ̀ ⲛⲉⲧⲉⲛϭⲉⲣⲟ ⲙ̀ ⲡⲓⲙⲁⲛⲉⲣϣⲱⲟⲩϣⲓ ⲡ̀ ϫⲓⲛϫⲏ ⲡⲁⲟⲩⲱϣ ⲭⲏ ϧⲉⲛ ⲑⲏⲛⲟⲩ ⲁⲛ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ϯⲛⲁϭⲓ ⲛ̀ ⲟⲩϣⲱⲟⲩϣⲓ ⲁⲛ ⲉ̀ ⲃⲟⲗϧⲉⲛ ⲛⲉⲧⲉⲛϫⲓϫ. ⲓ̅ⲁ̅ . Ϫⲉ ⲟⲩⲏⲓ ⲓⲥϫⲉⲛ ⲡⲓⲙⲁⲛ̀ ϣⲁⲓ ⲛ̀ ⲧⲉ ⲫ̀ ⲣⲏ ϣⲁ ⲛⲉϥⲙⲁⲛ̀ ϩⲱⲧⲡ ⲁϥϭⲓⲱ̀ ⲟⲩ ⲛ̀ ϫⲉ ⲡⲁⲣⲁⲛ ϧⲉⲛ ⲛⲓⲉⲑⲛⲟⲥ ⲟⲩⲟϩ ϧⲉⲛ ⲙⲁⲓ ⲛⲓⲃⲉⲛ ⲥⲉⲓ̀ ⲛⲓ ⲛ̀ ⲟⲩⲥⲑⲟⲓⲛⲟⲩϥⲓ ⲉ̀ ϩ̀ⲣⲏⲓ ϧⲉⲛ ⲡⲁⲣⲁⲛ ⲛⲉⲙ ⲟⲩϣⲟⲩϣⲱⲟⲩϣⲓ ⲉϥⲟⲩⲁⲃ ϫⲉ ⲟⲩⲛⲓϣϯ ⲡⲉ ⲡⲁⲣⲁⲛ ϧⲉⲛ ⲛⲓⲉⲑⲛⲟⲥ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲃ̅ . Ⲛ̀ ⲑⲱⲧⲉⲛ ⲇⲉ ⲧⲉⲧⲉⲛⲱ̀ ⲣⲉⲃ ⲙ̀ ⲙⲟϥ ϧⲉⲛ ⲡϫⲓⲛⲑⲣⲉⲧⲉⲛϫⲟⲥ ϫⲉ ⲥ̀ ϭⲁϧⲉⲙ ⲛ̀ ϫⲉ ϯⲧⲣⲁⲡⲉⲍⲁ ⲛ̀ ⲧⲉ Ⲡⲟ̅ ⲥ̅ ⲟⲩⲟϩ ⲥⲉϣⲟϣϥ ⲛ̀ ϫⲉ ⲛⲓϧⲣⲏⲟⲩⲓ̀ⲉⲧⲭⲏ ϩⲓϫⲱⲥ. ⲓ̅ⲅ̅ . Ⲟⲩⲟϩ ⲡⲉϫⲱⲧⲉⲛ ϫⲉ ϩⲁⲛ ⲉ̀ ⲃⲟⲗϧⲉⲛ ϩⲁⲛϧⲓⲥⲓ ⲛⲉ ⲛⲁⲓ ⲟⲩⲟϩ ⲁⲓⲛⲓϥⲓ ⲛ̀ ⲥⲱⲟⲩ ⲡⲉϫⲉ Ⲡⲟ̅ ⲥ̅
- 2. Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲁⲣⲉⲧⲉⲛⲓ̀ ⲛⲓ ⲉ̀ ϧⲟⲩⲛ ⲛ̀ ⲛⲓϩⲱⲗⲉⲙ ⲛⲉⲙ ⲛⲓⲃⲉⲗⲗⲉⲩ ⲛⲉⲙ ⲛⲏⲉⲧⲙⲟⲕϩ ⲟⲩⲟϩ ⲁⲣⲉⲧⲉⲛϣⲁⲛⲓ̀ ⲛⲓ ⲛ̀ ⲟⲩϣⲟⲩϣⲱⲟⲩϣⲓ ϯⲛⲁϣⲟϣϥ ⲁⲛ ⲛ̀ ⲧⲉⲛ ⲑⲏⲛⲟⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲇ̅ . Ⲟⲩⲟϩ ϥ̀ⲥϩⲟⲩⲟⲣⲧ ⲛ̀ ϫⲉ ⲟⲩⲣⲱⲙⲓ ⲛ̀ ϫⲱⲣⲓ ⲫⲏⲉⲧⲉ ⲟⲩⲟⲛϣ̀ϫⲟⲙ ⲙ̀ ⲙⲟϥ ⲟⲩⲟϩ ⲉⲧⲉ ⲟⲩⲟⲛ ϩⲱⲟⲩⲧ ϣⲟⲡ ϧⲉⲛ ⲡⲉϥⲟ̀ ϩⲓ ⲟⲩⲟϩ ⲉⲣⲉ ⲧⲉϥⲩⲭⲏ ϩⲓϫⲱϥ ⲟⲩⲟϩ ⲉϥϣⲱⲧ ⲛ̀ ⲛⲏⲉⲧⲧⲁⲕⲏⲟⲩⲧ ⲙ̀ Ⲡⲟ̅ ⲥ̅ ϫⲉ ⲟⲩⲏⲓ ⲁ̀ ⲛⲟⲕ ⲟⲩⲛⲓϣϯ ⲛ̀ ⲟⲩⲣⲟ ⲁ̀ ⲛⲟⲕ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲡⲁⲣⲁⲛ ϥ̀ⲟⲩⲱⲛϩ ⲉ̀ ⲃⲟⲗ ϧⲉⲛ ⲛⲓⲉⲑⲛⲟⲥ. ⲕⲉⲫ ⲃ̅ ⲁ̅ . Ⲟⲩⲟϩ ϯⲛⲟⲩ ⲁⲣⲉ ⲧⲁⲓⲉⲛⲧⲟⲗⲏ ϣⲟⲡ ϩⲁⲣⲱⲧⲉⲛ ⲛⲓⲟⲩⲏⲃ. ⲃ̅ . Ⲉϣⲱⲡ ⲁⲣⲉⲧⲉⲛϣ̀ⲧⲉⲙⲥⲱⲧⲉⲙ ⲟⲩⲟϩ ⲉϣⲱⲡ ⲁⲣⲉⲧⲉⲛϣ̀ⲧⲉⲙⲭⲁⲥ ϧⲉⲛ ⲛⲉⲧⲉⲛϩⲏⲧ ⲉ̀ ϯⲱ̀ ⲟⲩ ⲙ̀ ⲡⲁⲣⲁⲛ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲉⲓⲉ̀ ⲟⲩⲱⲣⲡ ⲉ̀ ϩ̀ⲣⲏⲓ ⲉ̀ ϫⲉⲛ ⲑⲏⲛⲟⲩ ⲙ̀ ⲡⲓⲥⲁϩⲟⲩⲓ̀ ⲟⲩⲟϩ ⲉⲓⲉ̀ ⲥϩⲟⲩⲱⲣⲧ ⲡⲉⲧⲉⲛⲥ̀ ⲙⲟⲩ ⲟⲩⲟϩ ⲉⲓⲉ̀ ⲥⲁϩⲟⲩⲓ̀ⲉ̀ ⲣⲟϥ ⲟⲩⲟϩ ⲉⲓⲉ̀ ϫⲱⲣ ⲉ̀ ⲃⲟⲗ ⲙ̀ ⲡⲉⲧⲉⲛⲥⲙⲟⲩ ⲟⲩⲟϩ ⲛ̀ ⲛⲉϥϣⲱⲡⲓ ϧⲉⲛ ⲑⲏⲛⲟⲩ ϫⲉ ⲛ̀ ⲑⲱⲧⲉⲛ ⲧⲉⲧⲉⲛϫⲱ ⲙ̀ ⲙⲟϥ ⲁⲛ ϧⲉⲛ ⲡⲉⲧⲉⲛϩⲏⲧ. ⲅ̅ . Ϩⲏⲡⲡⲉ ⲁ̀ ⲛⲟⲕ ϯⲛⲁⲫⲱⲣϫ ⲛⲱⲧⲉⲛ ⲙ̀ ⲡⲓϣⲱⲃϣ ⲟⲩⲟϩ ϯⲛⲁϫⲱⲣ ⲉ̀ ⲃⲟⲗ ⲙ̀ ⲡⲓⲙⲁϧⲧ ⲉ̀ ϫⲉⲛ ⲛⲉⲧⲉⲛϩⲟ ⲡⲓⲙⲁϧⲧ ⲉ̀ ϫⲉⲛ ⲛⲉⲧⲉⲛϣⲁⲓ ⲟⲩⲟϩ ⲉⲓⲉ̀ ϭⲓ ⲑⲏⲛⲟⲩ ⲉⲩⲥⲟⲡ. ⲇ̅ . Ⲟⲩⲟϩ ⲉⲣⲉⲧⲉⲛⲉ̀ ⲙ̀ ⲓ ϫⲉ ⲁ̀ ⲛⲟⲕ ⲁⲓⲟⲩⲱⲣⲡ ϩⲁⲣⲱⲧⲉⲛ ⲛ̀ ⲧⲁⲓⲉⲛⲧⲟⲗⲏ ⲉⲑⲣⲉ ⲧⲁⲇⲓⲁ̀ ⲑⲏⲕⲏ ϣⲱⲡⲓ ⲛⲉⲙ ⲛⲓⲖⲉⲩⲓⲧⲏⲥ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲉ̅ . Ⲧⲁⲇⲓⲁ̀ ⲑⲏⲕⲏ ⲛⲁⲥ ⲛⲉⲙⲁϥ ϧⲉⲛ ⲡⲱⲛϧ ⲛⲉⲙ ϯϩⲓⲣⲏⲛⲏ ⲟⲩⲟϩ ⲁⲓϯ ⲛⲁϥ ⲉⲑⲣⲉϥⲉⲣϩⲟϯ ϧⲁⲧⲁϩⲏ ϧⲉⲛ ⲟⲩϩⲟϯ ⲟⲩⲟϩ ⲉⲑⲣⲉϥϩⲉⲛϥ ⲛⲁϥ ϧⲁϫⲉⲛ ⲡϩⲟ ⲙ̀ ⲡⲁⲣⲁⲛ. Ⲋ. Ⲟⲩⲛⲟⲙⲟⲥ ⲛ̀ ⲧⲉ ϯⲙⲉⲑⲙⲏⲓ ⲉ̀ ⲛⲁϥⲭⲏ ϧⲉⲛ ⲣⲱϥ ⲟⲩⲟϩ ⲙ̀ ⲡⲟⲩϫⲓⲙⲓ ⲛ̀ ⲟⲩϭⲓⲛ̀ ϫⲟⲛⲥ ϧⲉⲛ ⲛⲉϥⲥⲫⲟⲧⲟⲩ ⲁϥⲙⲟϣⲓ ⲛⲉⲙⲏⲓ ⲉϥⲥⲟⲩⲧⲱⲛ ϧⲉⲛ ⲟⲩϩⲓⲣⲏⲛⲏ ⲟⲩⲟϩ ⲁϥⲧⲁⲥⲑⲟ ⲛ̀ ⲟⲩⲙⲏϣ ⲉ̀ ⲃⲟⲗϧⲉⲛ ⲡϭⲓⲛ̀ ϫⲟⲛⲥ. ⲍ̅ . Ϫⲉ ⲛⲓⲥⲫⲟⲧⲟⲩ ⲛ̀ ⲧⲉ ⲟⲩⲟⲩⲏⲃ ⲉⲩⲉ̀ ⲁ̀ ⲣⲉϩ ⲉ̀ ⲟⲩⲅⲛⲱⲥⲓⲥ ⲟⲩⲟϩ ⲉⲩⲉ̀ ⲕⲱϯ ⲛ̀ ⲥⲁ ⲟⲩⲛⲟⲙⲟⲥ ⲉ̀ ⲃⲟⲗϧⲉⲛ ⲣⲱϥ ϫⲉ ⲟⲩⲁⲅⲅⲉⲗⲟⲥ ⲡⲉ ⲛ̀ ⲧⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲏ̅ . Ⲛ̀ ⲑⲱⲧⲉⲛ ⲇⲉ ⲁⲣⲉⲧⲉⲛⲣⲓⲕⲓ ⲉ̀ ⲃⲟⲗϧⲉⲛ ⲡⲓⲙⲱⲓⲧ ⲟⲩⲟϩ ⲁⲣⲉⲧⲉⲛⲑⲣⲉ ⲟⲩⲙⲏϣ ϣⲱⲡⲓ ϧⲉⲛ ⲡⲓⲛⲟⲙⲟⲥ ⲁⲣⲉⲧⲉⲛⲧⲁⲕⲟ ⲛ̀ ϯⲇⲓⲁ̀ ⲑⲏⲕⲏ ⲛ̀ ⲧⲉ Ⲗⲉⲩⲓ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲑ̅ . Ⲟⲩⲟϩ ⲁ̀ ⲛⲟⲕ ⲁⲓϯ ⲑⲏⲛⲟⲩ ⲉⲣⲉⲧⲉⲛϩⲱⲟⲩⲒ̀ⲉ̀ ⲃⲟⲗ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲉ̀ ⲫⲙⲁ ϫⲉ ⲛ̀ ⲑⲱⲧⲉⲛ ⲙ̀ ⲡⲉⲧⲉⲛⲁ̀ ⲣⲉϩ ⲉ̀ ⲛⲁⲙⲱⲓⲧ ⲁⲗⲗⲁ ⲁⲣⲉⲧⲉⲛϫⲟⲩϣⲧ ⲉ̀ ϩⲟ ϧⲉⲛ ⲡⲓⲛⲟⲙⲟⲥ. ⲓ̅. Ⲙⲏ ⲟⲩⲛⲟⲩϯ ⲛ̀ ⲟⲩⲱⲧ ⲁⲛ ⲡⲉ ⲉⲧⲉ ⲛ̀ ⲧⲱⲧⲉⲛ ⲧⲏⲣⲟⲩ ⲉⲑⲃⲉ ⲟⲩ ⲡⲓⲟⲩⲁⲓ ⲡⲓⲟⲩⲁⲓ ⲙ̀ ⲙⲱⲧⲉⲛ ⲭⲱ ⲛ̀ ⲥⲱϥ ⲙ̀ ⲡⲉϥⲥⲟⲛ ⲉⲑⲣⲉⲧⲉⲧⲉⲛⲥⲱϥ ⲛ̀ ϯⲇⲓⲁ̀ ⲑⲏⲕⲏ ⲛ̀ ⲧⲉ ⲛⲉⲧⲉⲛⲓⲟϯ. ⲓ̅ⲁ̅ . Ⲁⲩⲥⲱϫⲡ ⲛ̀ Ⲓⲟⲩⲇⲁⲥ ⲟⲩⲟϩ ⲁϥϣⲱⲡⲓ ⲛ̀ ϫⲉ ⲟⲩⲱ̀ ⲣⲉⲃ ϧⲉⲛ Ⲡ ⲛⲉⲙ ϧⲉⲛ Ⲓⲗ̅ ⲏ̅ ⲙ̅ ϫⲉ ⲟⲩⲏⲓ ⲁϥⲥⲱⲛϩ ⲛ̀ ϫⲉ Ⲓⲟⲩⲇⲁⲥ ⲛ̀ ⲛⲏⲉⲑⲟⲩⲁⲃ ⲛ̀ ⲧⲉ Ⲡⲟ̅ ⲥ̅ ϧⲉⲛ ⲛⲏⲉⲧⲁϥⲙⲉⲛⲣⲓⲧⲟⲩ ⲟⲩⲟϩ ⲁϥϩⲓⲧⲟⲩ ⲉ̀ ϩⲁⲛⲛⲟⲩϯ ⲛ̀ ϣⲉⲙⲙⲟ. ⲓ̅ⲃ̅ . Ⲉⲣⲉ Ⲡⲟ̅ ⲥ̅ ϥⲱϯ ⲉ̀ ⲃⲟⲗ ⲙ̀ ⲡⲓⲣⲱⲙⲓ ⲉⲧⲓ̀ ⲣⲓ ⲛ̀ ⲛⲁⲓ ϣⲁⲧⲉϥⲑⲉⲃⲓⲟ ⲉ̀ ⲃⲟⲗϧⲉⲛ ⲛⲓⲙⲁⲛϣⲱⲡⲓ ⲛ̀ ⲧⲉ Ⲓⲁⲕⲱⲃ ⲛⲉⲙ ⲉ̀ ϧⲟⲗϧⲉⲗ ⲛ̀ ⲛⲏⲉⲧⲓ̀ ⲛⲓ ⲛ̀ ⲟⲩϣⲟⲩϣⲱⲟⲩϣⲓ ⲉ̀ ϧⲟⲩⲛ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲅ̅ . Ⲟⲩⲟϩ ⲛⲁⲓ ⲉ̀ ⲛⲁⲓⲙⲟⲥϯ ⲙ̀ ⲙⲱⲟⲩ ⲛⲁⲣⲉⲧⲉⲛⲓ̀ ⲣⲓ ⲙ̀ ⲙⲱⲟⲩ ⲛⲁⲣⲉⲧⲉⲛϩⲱⲃⲥ ⲙ̀ ⲡⲓⲙⲁⲛⲉⲣϣⲱⲟⲩϣⲓ ⲛ̀ ⲧⲉ Ⲡⲟ̅ ⲥ̅ ϧⲉⲛ ϩⲁⲛⲉⲣⲙⲱⲟⲩⲓ̀ⲛⲉⲙ ⲟⲩⲣⲓⲙⲓ ⲛⲉⲙ ⲟⲩϥⲓⲁ̀ ϩⲟⲙ ⲉ̀ ⲃⲟⲗϧⲉⲛ ϩⲁⲛϧⲓⲥⲓ ⲙⲏ ⲡⲉⲧⲥ̀ ϣⲉ ⲉ̀ ϫⲟⲩϣⲧ ⲉ̀ ϫⲉⲛ ⲟⲩϣⲟⲩϣⲱⲟⲩϣⲓ ⲛ̀ ⲧⲱⲧⲉⲛ ⲓⲉ ⲉ̀ ϭⲓ ⲛ̀ ⲟⲩⲧⲁⲓⲟ ⲉ̀ ⲃⲟⲗϧⲉⲛ ⲛⲉⲧⲉⲛϫⲓϫ.
- 3. ⲓ̅ⲇ. Ⲟⲩⲟϩ ⲡⲉϫⲱⲧⲉⲛ ϫⲉ ⲉⲑⲃⲉ ⲟⲩ ⲛ̀ ϩⲱⲃ ⲁϥⲉⲣⲙⲉⲑⲣⲉ ⲛ̀ ϫⲉ Ⲡⲟ̅ ⲥ̅ ⲟⲩⲧⲱⲕ ⲛⲉⲙ ⲟⲩⲧⲉ ϯⲥϩⲓⲙⲓ ⲛ̀ ⲧⲉ ⲧⲉⲕⲙⲉⲧⲁ̀ ⲗⲟⲩ ⲑⲏⲉⲧⲁⲕⲭⲁⲥ ⲛ̀ ⲥⲱⲕ ⲟⲩⲟϩ ⲑⲁⲓ ⲧⲉ ⲧⲉⲕϣ̀ⲫⲉⲣⲓ ⲛⲉⲙ ϯⲥϩⲓⲙⲓ ⲛ̀ ⲧⲉ ⲧⲉⲕⲇⲓⲁ̀ ⲑⲏⲕⲏ. ⲓ̅ⲉ̅ . Ⲟⲩⲟϩ ⲕⲉⲟⲩⲁⲓ ⲡⲉ ⲉⲧⲁϥⲓ̀ ⲣⲓ ⲟⲩⲟϩ ⲟⲩⲥⲱϫⲡ ⲛ̀ ⲧⲉ ⲡⲉϥⲡ̅ ⲛ̅ ⲁ̅ ⲟⲩⲟϩ ⲡⲉϫⲱⲧⲉⲛ ϫⲉ ⲟⲩ ⲡⲉ ⲡ̀ ⲕⲉⲟⲩⲁⲓ ⲉⲧⲉ Ⲫϯ ⲕⲱϯ ⲛ̀ ⲥⲱϥ ⲉⲃⲏⲗ ⲉ̀ ⲟⲩϫⲣⲟϫ ⲟⲩⲟϩ ⲁ̀ ⲣⲉϩ ϧⲉⲛ ⲡⲉⲧⲉⲛⲡ̅ ⲛ̅ ⲁ̅ ⲟⲩⲟϩ ϯⲥϩⲓⲙⲓ ⲛ̀ ⲧⲉ ⲧⲉⲕⲙⲉⲧⲁ̀ ⲗⲟⲩ ⲙ̀ ⲡⲉⲣⲭⲁⲥ ⲛ̀ ⲥⲱⲕ. ⲓ̅Ⲋ. Ⲁⲗⲗⲁ ⲉϣⲱⲡ ⲁⲕϣⲁⲛⲙⲉⲥⲧⲱⲥ ⲉⲕⲉ̀ ⲟⲩⲟⲣⲡⲥ ⲉ̀ ⲃⲟⲗ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲛ̀ ⲧⲉ Ⲡ ⲟⲩⲟϩ ⲉⲥⲉ̀ ϩⲱⲃⲥ ⲉ̀ ϫⲉⲛ ⲛⲉⲕⲙⲉⲩⲓ̀ⲛ̀ ϫⲉ ⲟⲩⲙⲉⲧⲁ̀ ⲥⲉⲃⲏⲥ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲁ̀ ⲣⲉϩ ϧⲉⲛ ⲡⲉⲧⲉⲛⲡ̅ ⲛ̅ ⲁ̅ ⲛ̀ ⲧⲉⲧⲉⲛⲭⲱ ⲛ̀ ⲥⲱⲧⲉⲛ. ⲓ̅ⲍ̅ . Ⲛ̀ ⲛⲏⲉⲧϯϫⲱⲛⲧ ⲙ̀ Ⲡⲟ̅ ⲥ̅ ϧⲉⲛ ⲡⲉⲧⲉⲛⲥⲁϫⲓ ⲟⲩⲟϩ ⲡⲉϫⲱⲧⲉⲛ ϫⲉ ⲉⲧⲁⲛϯϫⲱⲛⲧ ⲙ̀ Ⲡⲟ̅ ⲥ̅ ϧⲉⲛ ⲟⲩ ϧⲉⲛ ⲡϫⲓⲛⲑⲣⲉⲧⲉⲛϫⲟⲥ ϫⲉ ⲟⲩⲟⲛ ⲛⲓⲃⲉⲛ ⲉⲧⲓ̀ ⲣⲓ ⲙ̀ ⲡⲓⲡⲉⲧϩⲱⲟⲩ ⲛⲁⲛⲉϥ ⲙ̀ ⲡⲉⲙ̀ ⲑⲟ ⲙ̀ Ⲡⲟ̅ ⲥ̅ ⲟⲩⲟϩ ⲛ̀ ⲑⲟϥ ϩⲱϥ ⲁϥϯⲙⲁϯ ⲛ̀ ϧⲏⲧⲟⲩ ⲟⲩⲟϩ ⲁϥⲑⲱⲛ Ⲫϯ ⲛ̀ ⲧⲉ ϯⲙⲉⲑⲙⲏⲓ. ⲕⲉⲫ ⲅ̅ ⲁ̅ . Ϩⲏⲡⲡⲉ ϯⲛⲁⲟⲩⲱⲣⲡ ⲙ̀ ⲡⲁⲁⲅⲅⲉⲗⲟⲥ ⲟⲩⲟϩ ⲛ̀ ⲧⲉϥϫⲟⲩϣⲧ ⲉ̀ ⲟⲩⲙⲱⲓⲧ ϧⲁϫⲱⲓ ⲟⲩⲟϩ ⲛ̀ ⲟⲩϩⲟϯ ϧⲉⲛ ⲟⲩϩⲟϯ ⲉϥⲉ̀ ⲓ̀ⲉ̀ ϧⲟⲩⲛ ⲉ̀ ⲡⲉϥⲉⲣⲫⲉⲓ ⲛ̀ ϫⲉ Ⲡⲟ̅ ⲥ̅ ⲫⲏ ⲛ̀ ⲑⲱⲧⲉⲛ ⲉ̀ ⲧⲉⲧⲉⲛⲕⲱϯ ⲛ̀ ⲥⲱϥ ⲛⲉⲙ ⲡⲓⲁⲅⲅⲉⲗⲟⲥ ⲛ̀ ⲧⲉ ϯⲇⲓⲕⲉⲟⲥⲩⲛⲏ ⲫⲏ ⲛ̀ ⲑⲱⲧⲉⲛ ⲉ̀ ⲧⲉⲧⲉⲛⲟⲩⲁϣϥ ϩⲏⲡⲡⲉ ⲉϥⲛⲏⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲃ̅ . Ⲟⲩⲟϩ ⲛⲓⲙ ⲉⲑⲛⲁⲉⲣϩⲩⲡⲟⲙⲉⲛⲓⲛ ⲙ̀ ⲡⲓⲉ̀ ϩⲟⲟⲩ ⲛ̀ ⲧⲉ ⲡⲉϥϫⲓⲛⲓ̀ⲉ̀ ϧⲟⲩⲛ ⲓⲉ ⲛⲓⲙ ⲉⲑⲛⲁϣ̀ⲟ̀ ϩⲓ ⲉ̀ ⲣⲁⲧϥ ϧⲉⲛ ⲡⲉϥϫⲓⲛⲟⲩⲱⲛϩ ⲉ̀ ⲃⲟⲗ ϫⲉ ⲟⲩⲏⲓ ⲛ̀ ⲑⲟϥ ϥ̀ⲛⲏⲟⲩ ⲉ̀ ϧⲟⲩⲛ ⲙ̀ ⲫ̀ ⲣⲏϯ ⲛ̀ ⲟⲩⲭⲣⲱⲙ ⲛ̀ ⲧⲉ ⲡⲉϥⲙⲁⲛ̀ ⲟⲩⲱⲧϩ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩⲡⲟⲓⲁ̀ⲛ̀ ⲧⲉ ⲛⲏⲉⲧⲣⲱϧⲓ. ⲅ̅ . Ⲟⲩⲟϩ ⲉϥⲉ̀ ϩⲉⲙⲥⲓ ⲉϥⲉ̀ ⲟⲩⲱⲧϩ ⲟⲩⲟϩ ⲉϥⲉ̀ ⲧⲟⲩⲃⲟ ⲙ̀ ⲫ̀ ⲣⲏϯ ⲙ̀ ⲡⲓϩⲁⲧ ⲟⲩⲟϩ ⲉϥⲉ̀ ⲧⲟⲩⲃⲟ ⲛ̀ ⲛⲓϣⲏⲣⲓ ⲛ̀ ⲧⲉ Ⲗⲉⲩⲓ̀ⲟⲩⲟϩ ⲉϥⲉ̀ ϫⲟϣⲟⲩ ⲙ̀ ⲫ̀ ⲣⲏϯ ⲙ̀ ⲡⲓⲛⲟⲩⲃ ⲛⲉⲙ ⲙ̀ ⲫ̀ ⲣⲏϯ ⲙ̀ ⲡⲓϩⲁⲧ ⲟⲩⲟϩ ⲉⲩⲉ̀ ϣⲱⲡⲓ ⲙ̀ Ⲡⲟ̅ ⲥ̅ ⲉⲩⲉ̀ ⲓ̀ ⲛⲓ ⲛⲁϥ ⲉ̀ ϧⲟⲩⲛ ⲛ̀ ϩⲁⲛϣⲟⲩϣⲱⲟⲩϣⲓ ϧⲉⲛ ⲟⲩⲙⲉⲑⲙⲏⲓ. ⲇ̅ . Ⲟⲩⲟϩ ⲉϥⲉ̀ ⲣⲁⲛⲁϥ ⲙ̀ Ⲡⲟ̅ ⲥ̅ ⲛ̀ ϫⲉ ⲡⲓϣⲟⲩϣⲱⲟⲩϣⲓ ⲛ̀ ⲧⲉ Ⲓⲟⲩⲇⲁ ⲛⲉⲙ Ⲓⲗ̅ ⲏ̅ ⲙ̅ ⲕⲁⲧⲁ ⲫ̀ ⲣⲏϯ ⲛ̀ ⲛⲓⲉ̀ ϩⲟⲟⲩ ⲛ̀ ⲧⲉ ⲡ̀ ⲉ̀ ⲛⲉϩ ⲛⲉⲙ ⲙ̀ ⲫ̀ ⲣⲏϯ ⲛ̀ ⲛⲓⲉ̀ ϩⲟⲟⲩ ⲛ̀ ⲧⲉ ϣⲟⲣⲡ. ⲉ̅ . Ⲟⲩⲟϩ ϯⲛⲁϧⲱⲛⲧ ⲉ̀ ⲣⲱⲧⲉⲛ ϧⲉⲛ ⲟⲩϩⲁⲡ ⲟⲩⲟϩ ϯⲛⲁϣⲱⲡⲓ ⲛ̀ ⲟⲩⲙⲉⲑⲣⲉ ⲉϥⲓⲏⲥ ⲉ̀ ϫⲉⲛ ⲡⲓⲫⲁⲣⲙⲁⲕⲟⲥ ⲛⲉⲙ ⲉ̀ ϫⲉⲛ ⲛⲓϩⲓⲟⲙⲓ ⲛ̀ ⲛⲱⲓⲕ ⲛⲉⲙ ⲉ̀ ϫⲉⲛ ⲛⲏⲉⲧⲱⲣⲕ ⲙ̀ ⲡⲁⲣⲁⲛ ⲉ̀ ϫⲉⲛ ⲟⲩⲙⲉⲑⲛⲟⲩϫ ⲛⲉⲙ ⲛⲏⲉⲧϥⲱϫⲓ ⲙ̀ ⲫ̀ ⲃⲉⲭⲉ ⲛ̀ ⲟⲩⲣⲉⲙⲃⲉⲭⲉ ⲛⲉⲙ ⲉ̀ ϫⲉⲛ ⲛⲏⲉⲧϭⲉⲡϫⲱⲣⲓ ⲉ̀ ϫⲉⲛ ⲟⲩⲭⲏⲣⲁ ⲛⲉⲙ ⲛⲏⲉⲧϯϣⲉⲛⲕⲉϩ ⲛ̀ ϩⲁⲛⲟⲣⲫⲁⲛⲟⲥ ⲛⲉⲙ ⲛⲏⲉⲧⲣⲓⲕⲓ ⲉ̀ ⲃⲟⲗ ⲙ̀ ⲡϩⲁⲡ ⲛ̀ ⲟⲩⲣⲉⲙⲛ̀ ϫⲱⲓⲗⲓ ⲛⲉⲙ ⲛⲏⲉⲧⲉ ⲛ̀ ⲥⲉⲉⲣϩⲟϯ ⲁⲛ ϧⲁⲧⲁϩⲏ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. Ⲋ. Ϫⲉ ⲟⲩⲏⲓ ⲁ̀ ⲛⲟⲕ ⲡⲉ Ⲡⲟ̅ ⲥ̅ ⲡⲉⲧⲉⲛⲛⲟⲩϯ ⲟⲩⲟϩ ⲙ̀ ⲡⲓϣⲓⲃϯ ⲟⲩⲟϩ ⲛ̀ ⲑⲱⲧⲉⲛ ϧⲁ ⲛⲉⲛϣⲏⲣⲓ ⲛ̀ Ⲓⲁⲕⲱⲃ ⲙ̀ ⲡⲉⲧⲉⲛϩⲉⲛ ⲑⲏⲛⲟⲩ ⲥⲁⲃⲟⲗ ⲛ̀ ⲛⲓϭⲓⲛ̀ ϫⲟⲛⲥ ⲛ̀ ⲧⲉ ⲛⲉⲧⲉⲛⲓⲟϯ. ⲍ̅ . Ⲁⲣⲉⲧⲉⲛⲣⲓⲕⲓ ⲉ̀ ⲃⲟⲗ ⲛ̀ ⲛⲁⲛⲟⲙⲟⲥ ⲟⲩⲟϩ ⲙ̀ ⲡⲉⲧⲉⲛⲁ̀ ⲣⲉϩ ⲉ̀ ⲣⲱⲟⲩ ⲕⲉⲧ ⲑⲏⲛⲟⲩ ϩⲁⲣⲟⲓ ⲟⲩⲟϩ ϯⲛⲁⲕⲟⲧⲧ ϩⲁⲣⲱⲧⲉⲛ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲡⲉϫⲱⲧⲉⲛ ϫⲉ ϧⲉⲛ ⲟⲩ ⲧⲉⲛⲛⲁⲕⲟⲧⲧⲉⲛ. ⲏ̅ . Ⲙⲏ ⲟⲩⲟⲛ ⲟⲩⲣⲱⲙⲓ ⲛⲁϭⲓⲑⲓⲃⲥ ⲙ̀ Ⲫϯ ϫⲉ ⲛ̀ ⲑⲱⲧⲉⲛ ⲧⲉⲧⲉⲛⲛⲁϭⲓⲑⲓⲃⲥ ⲙ̀ ⲙⲟⲓ ⲟⲩⲟϩ ⲡⲉϫⲱⲧⲉⲛ ϫⲉ ⲉⲧⲁⲛϭⲓⲑⲓⲃⲥ ⲙ̀ ⲙⲟⲕ ϧⲉⲛ ⲟⲩ ϫⲉ ⲛⲓⲣⲉⲙⲁϯ ⲛⲉⲙ ⲛⲓⲁ̀ ⲡⲁⲣⲭⲏⲥ ⲉ̀ ⲛⲉⲙⲱⲧⲉⲛ. ⲑ̅ . Ⲟⲩⲟϩ ⲛ̀ ⲑⲱⲧⲉⲛ ϧⲉⲛ ⲟⲩϫⲟⲩϣⲧ ⲟⲩⲟϩ ⲛ̀ ⲑⲱⲧⲉⲛ ⲧⲉⲧⲉⲛϭⲓⲑⲓⲃⲥ ⲙ̀ ⲙⲟⲓ. ⲓ̅. Ⲁⲥϫⲱⲕ ⲉ̀ ⲃⲟⲗ ⲛ̀ ϫⲉ ϯⲣⲟⲙⲡⲓ ⲟⲩⲟϩ ⲁⲣⲉⲧⲉⲛⲱ̀ ⲗⲓ ⲛ̀ ⲛⲓⲟⲩⲧⲁϩ ⲧⲏⲣⲟⲩ ⲉ̀ ϧⲟⲩⲛ ⲉ̀ ⲛⲓⲁ̀ ϩⲱⲣ ⲟⲩⲟϩ ⲉϥⲉ̀ ϣⲱⲡⲓ ϧⲉⲛ ⲡⲉϥⲏⲓ ⲛ̀ ϫⲉ ⲡⲉϥϩⲱⲗⲉⲙ ⲕⲉⲧ ⲑⲏⲛⲟⲩ ϧⲉⲛ ⲫⲁⲓ ⲡⲉϫⲉ Ⲡⲟ̅ ⲥ̅
- 4. Ⲡⲓⲡⲁⲛⲧⲟⲕⲣⲁⲧⲱⲣ ⲁⲓϣ̀ⲧⲉⲙⲁ̀ ⲟⲩⲱⲛ ⲛⲱⲧⲉⲛ ⲛ̀ ⲛⲓⲕⲁⲧⲁⲣⲁⲕⲧⲏⲥ ⲛ̀ ⲧⲉ ⲧⲫⲉ ⲟⲩⲟϩ ⲛ̀ ⲧⲁϫⲱϣ ⲛⲱⲧⲉⲛ ⲙ̀ ⲡⲁⲥⲙⲟⲩ ϣⲁⲧⲉⲧⲉⲛⲥⲓ. ⲓ̅ⲁ̅ . Ⲟⲩⲟϩ ϯⲛⲁⲟⲩⲱϯ ⲛⲱⲧⲉⲛ ⲛⲱⲧⲉⲛ ⲉ̀ ⲃⲟⲗ ⲛ̀ ⲟⲩϧⲣⲉ ⲟⲩⲟϩ ⲛ̀ ⲛⲁⲧⲁⲕⲟ ⲙ̀ ⲡⲓⲟⲩⲧⲁϩ ⲛ̀ ⲧⲉ ⲡⲉⲧⲉⲛⲕⲁϩⲓ ⲟⲩⲟϩ ⲧⲉⲧⲉⲛⲃⲱⲛ̀ ⲁ̀ ⲗⲟⲗⲓ ⲛ̀ ⲛⲉⲥϣⲱⲡⲓ ϧⲉⲛ ⲧⲕⲟⲓ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲃ̅ . Ⲟⲩⲟϩ ⲉⲩⲉ̀ ⲉⲣⲙⲁⲕⲁⲣⲓⲍⲓⲛ ⲙ̀ ⲙⲱⲧⲉⲛ ⲛ̀ ϫⲉ ⲛⲓⲉⲑⲛⲟⲥ ⲧⲏⲣⲟⲩ ϫⲉ ⲧⲉⲧⲉⲛⲛⲁϣⲱⲡⲓ ⲛ̀ ⲑⲱⲧⲉⲛ ⲛ̀ ⲟⲩⲕⲁϩⲓ ⲉⲩⲟⲩⲁϣϥ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲅ̅ . Ⲁⲣⲉⲧⲉⲛⲑⲣⲉ ⲛⲉⲧⲉⲛⲥⲁϫⲓ ϩⲣⲟϣ ⲉ̀ ϩ̀ⲣⲏⲓ ⲉ̀ ϫⲱⲓ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲇ̅ . Ⲟⲩⲟϩ ⲡⲉϫⲱⲧⲉⲛ ϫⲉ ⲉⲧⲁⲛⲥⲁϫⲓ ⲛ̀ ⲥⲱⲕ ϧⲉⲛ ⲟⲩ ⲁⲣⲉⲧⲉⲛϫⲟⲥ ϫⲉ ⲟⲩⲉ̀ ⲫⲗⲏⲟⲩ ⲡⲉ ⲫⲏⲉⲧⲟⲓ ⲙ̀ ⲃⲱⲕ ⲙ̀ Ⲫϯ ⲟⲩⲟϩ ⲟⲩ ⲡⲉ ⲡⲓϩⲟⲩⲟ̀ϫⲉ ⲁⲛⲁ̀ ⲣⲉϩ ⲉ̀ ⲛⲉϥϫⲓⲛⲁ̀ ⲣⲉϩ ⲟⲩⲟϩ ϫⲉ ⲁⲛⲙⲟϣⲓ ⲉⲛⲧⲱⲃϩ ϧⲁϫⲉⲛ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲉ̅ . Ⲟⲩⲟϩ ϯⲛⲟⲩ ⲁ̀ ⲛⲟⲛ ⲧⲉⲛⲉⲣⲙⲁⲕⲁⲣⲓⲍⲓⲛ ⲛ̀ ϩⲁⲛϣⲉⲙⲙⲱⲟⲩ ⲟⲩⲟϩ ⲥⲉⲕⲱⲧ ⲛ̀ ⲛⲏⲉⲧⲓ̀ ⲣⲓ ⲛ̀ ϩⲁⲛⲙⲉⲧⲁ̀ ⲛⲟⲙⲟⲥ ⲁⲩϯ ⲉ̀ ϧⲟⲩⲛ ⲉ̀ ϩ̀ⲣⲉⲛ Ⲫϯ ⲟⲩⲟϩ ⲁⲩⲟⲩϫⲁⲓ. ⲓ̅Ⲋ. Ⲛⲏⲉⲧⲉⲣϩⲟϯ ϧⲁⲧϩⲏ ⲙ̀ Ⲫϯ ⲁⲩⲥⲁϫⲓ ⲛ̀ ⲥⲱⲟⲩ ϧⲉⲛ ⲛⲁⲓ ⲫⲟⲩⲁⲓ ⲫⲟⲩⲁⲓ ϧⲁⲧⲉⲛ ⲡⲉϥϣⲫⲏⲣ. ⲓ̅ⲍ̅ . Ⲟⲩⲟϩ ⲁϥϯϩⲑⲏϥ ⲛ̀ ϫⲉ Ⲡⲟ̅ ⲥ̅ ⲟⲩⲟϩ ⲁϥⲥⲱⲧⲉⲙ ⲟⲩⲟϩ ⲁϥⲥϧⲁⲓ ⲛ̀ ⲟⲩϫⲱⲙ ⲛ̀ ⲉⲣⲫⲙⲉⲩⲓ̀ ⲙ̀ ⲡⲉⲙⲑⲟ ⲛ̀ ⲛⲏⲉⲧⲉⲣϩⲟϯ ϧⲁⲧϩⲏ ⲙ̀ Ⲡⲟ̅ ⲥ̅ ⲛⲉⲙ ⲛⲏⲉⲧⲉⲣϩⲟϯ ϧⲁⲧϩⲏ ⲙ̀ ⲡⲉϥⲣⲁⲛ ⲟⲩⲟϩ ⲉⲩⲉ̀ ϣⲱⲡⲓ ⲛⲏⲓ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉ̀ ⲡⲓⲉ̀ ϩⲟⲟⲩ ⲉ̀ ϯⲛⲁⲑⲁⲙⲓⲟϥ ⲁ̀ ⲛⲟⲕ ⲉ̀ ⲟⲩⲧⲁⲛϧⲟ ⲟⲩⲟϩ ϯⲛⲁⲥⲟⲧⲡⲟⲩ ⲙ̀ ⲫ̀ ⲣⲏϯ ⲛ̀ ⲟⲩⲣⲱⲙⲓ ⲉ̀ ϣⲁϥⲥⲱⲧⲡ ⲙ̀ ⲡⲉϥϣⲏⲣⲓ ⲫⲏⲉⲧⲟⲓ ⲙ̀ ⲃⲱⲕ ⲛⲁϥ. ⲓ̅ⲏ̅ . Ⲟⲩⲟⲉⲣⲉⲧⲉⲛⲧⲁⲥⲑⲟ ⲟⲩⲟϩ ⲉⲣⲉⲧⲉⲛⲉ̀ ⲛⲁⲩ ϧⲉⲛ ⲑⲙⲏϯ ⲛ̀ ⲟⲩⲑⲙⲏⲓ ⲛⲉⲙ ϧⲉⲛ ⲑⲙⲏϯ ⲛ̀ ⲟⲩⲣⲉϥϭⲓⲛ̀ ϫⲟⲛⲥ ⲛⲉⲙ ϧⲉⲛ ⲑⲙⲏϯ ⲙ̀ ⲫⲏⲉⲧⲟⲓ ⲙ̀ ⲃⲱⲕ ⲙ̀ Ⲫϯ ⲛⲉⲙ ⲫⲏⲉⲧⲉ ⲛ̀ ϥ̀ⲟⲓ ⲙ̀ ⲃⲱⲕ ⲁⲛ. ⲕⲉⲫ ⲇ̅ ⲁ̅ . Ϫⲉ ⲟⲩⲏⲓ ⲓⲥ ⲡⲓⲉ̀ ϩⲟⲟⲩ ⲙ̀ Ⲡⲟ̅ ⲥ̅ ϥ̀ⲛⲏⲟⲩ ⲙ̀ ⲫ̀ ⲣⲏϯ ⲛ̀ ⲟⲩⲑⲣⲓⲣ ⲉⲥⲙⲟϩ ⲟⲩⲟϩ ⲉϥⲉ̀ ⲣⲟⲕϩⲟⲩ ⲟⲩⲟϩ ⲉⲩⲉ̀ ϣⲱⲡⲓ ⲉ̀ ϩⲁⲛⲣⲱⲟⲩⲓ̀ⲛ̀ ϫⲉ ⲛⲓⲁⲗⲗⲟⲅⲉⲛⲏⲥ ⲧⲏⲣⲟⲩ ⲛⲉⲙ ⲛⲏⲧⲏⲣⲟⲩ ⲉⲧⲓ̀ ⲣⲓ ⲛ̀ ϩⲁⲛⲙⲉⲧⲁ̀ ⲛⲟⲙⲟⲥ ⲟⲩⲟϩ ⲉϥⲉ̀ ⲧ̀ ϩⲉⲙⲙⲱⲟⲩ ⲛ̀ ϫⲉ ⲡⲓⲉ̀ ϩⲟⲟⲩ ⲉⲑⲛⲏⲟⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲛ̀ ⲛⲉ ⲛⲟⲩⲛⲓ ⲥⲱϫⲡ ⲉ̀ ⲃⲟⲗ ⲛ̀ ϧⲏⲧⲟⲩ ⲟⲩⲇⲉ ⲕⲗⲏⲙⲁ. ⲃ̅ . Ⲟⲩⲟϩ ⲛ̀ ⲑⲱⲧⲉⲛ ϧⲁ ⲛⲏⲉⲧⲉⲣϩⲟϯ ϧⲁⲧϩⲏ ⲙ̀ ⲡⲁⲣⲁⲛ ⲉϥⲉ̀ ϣⲁⲓ ⲛⲱⲧⲉⲛ ⲛ̀ ϫⲉ ⲫⲣⲏ ⲛ̀ ⲧⲉ ϯⲇⲓⲕⲉⲟⲥⲩⲛⲏ ⲟⲩⲟϩ ⲛⲉⲙ ⲟⲩⲟⲩϫⲁⲓ ϧⲉⲛ ⲛⲉϥⲧⲉⲛϩ ⲟⲩⲟϩ ⲉⲣⲉⲧⲉⲛϭⲓⲫⲉⲓ ⲙ̀ ⲫ̀ ⲣⲏϯ ⲛ̀ ϩⲁⲛⲙⲁⲥⲓ ⲉ̀ ⲁⲩϯⲟⲩⲱ̀ⲙ̀ ⲙⲱⲟⲩ ⲉ̀ ⲃⲟⲗϧⲉⲛ ⲛⲓⲥⲛⲁⲩϩ. ⲅ̅ . Ⲟⲩⲟϩ ⲉⲣⲉⲧⲉⲛⲉ̀ ϩⲱⲙⲓ ⲉ̀ ϫⲉⲛ ⲛⲓⲁ̀ ⲛⲟⲙⲟⲥ ϫⲉ ⲟⲩⲏⲒ ⲉⲩⲉ̀ ϣⲱⲡⲓ ⲉⲩⲕⲉⲣⲙⲓ ⲥⲁⲡⲉⲥⲏⲧ ⲛ̀ ⲛⲉⲧⲉⲛϭⲁⲗⲁⲩϫ ϧⲉⲛ ⲡⲓⲉ̀ ϩⲟⲟⲩ ⲉ̀ ϯⲛⲁⲑⲁⲙⲓⲟϥ ⲁ̀ ⲛⲟⲕ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲇ̅ . ⲉ̅ . Ⲟⲩⲟϩ ϩⲏⲡⲡⲉ ⲁ̀ ⲛⲟⲕ ϯⲛⲁⲟⲩⲱⲣⲡ ⲛⲱⲧⲉⲛ ⲛ̀ Ⲏⲗⲓⲁⲥ ⲡⲓⲐⲉⲥⲃⲩⲧⲏⲥ ⲙ̀ ⲡⲁⲧⲉϥⲓ̀ⲛ̀ ϫⲉ ⲡⲓⲛⲓϣϯ ⲛ̀ ⲉ̀ ϩⲟⲟⲩ ⲛ̀ ⲧⲉ Ⲡⲟ̅ ⲥ̅ ⲉⲑⲟⲩⲟⲛϩ ⲉ̀ ⲃⲟⲗ. Ⲋ. Ⲫⲁⲓ ⲉⲑⲛⲁⲧⲁⲥⲑⲟ ⲙ̀ ⲡϩⲏⲧ ⲛ̀ ⲟⲩⲣⲱⲙⲓ ⲉ̀ ⲡⲉϥϣⲏⲣⲓ ⲟⲩⲟϩ ⲡϩⲏⲧ ⲛ̀ ⲟⲩⲣⲱⲙⲓ ⲉ̀ ⲡⲉϥϣⲫⲏⲣ ⲙⲏⲡⲱⲥ ⲛ̀ ⲧⲁⲓ̀ⲛ̀ ⲧⲁϣⲁⲣⲓ ⲉ̀ ⲡⲕⲁϩⲓ ⲧⲏⲣϥ ϧⲉⲛ ⲟⲩⲉⲣϧⲟⲧ ⲛ̀ ⲟⲩⲱⲧ. ⲇ̅ . Ⲁⲣⲓⲫⲙⲉⲩⲓ̀ⲙ̀ ⲫⲛⲟⲙⲟⲥ ⲙ̀ Ⲙⲱⲩ̀ ⲥⲏⲥ ⲡⲁⲃⲱⲕ ⲙ̀ ⲫ̀ ⲣⲏϯ ⲉⲧⲁⲓϩⲟⲛϩⲉⲛ ⲉ̀ ⲧⲟⲧϥ ϧⲉⲛ Ⲭⲱⲣⲉⲃ ⲛ̀ ϩⲁⲛⲟⲩⲁϩⲥⲁϩⲛⲓ ⲛⲉⲙ ϩⲁⲛⲙⲉⲑⲙⲏⲓ ϣⲁ Ⲡ ⲧⲏⲣϥ.