Recommended
More Related Content
More from Bassem Matta
More from Bassem Matta (20)
Coptic Nahum
- 1. ϮⲠⲢⲞⲪⲎⲦⲒⲀ ⲚⲦⲈ ⲚⲀⲞⲨⲘ ⲠⲒⲠⲢⲞⲪⲎⲦⲎⲤ ⲕⲉⲫ ⲁ̅ ⲁ̅ . Ⲡϫⲱⲙ ⲛ̀ ϯϩⲟⲣⲁⲥⲓⲥ ⲛ̀ ⲧⲉ Ⲛⲁⲟⲩⲙ ⲡⲓⲡⲣⲟⲫⲏⲧⲏⲥ. ⲃ̅ . Ⲟⲩⲛⲟⲩϯ ⲛ̀ ⲣⲉϥⲭⲟϩ ⲟⲩⲟϩ ⲛ̀ ⲣⲉϥϭⲓⲙ̀ ⲡ̀ ϣⲓϣ ⲡⲉ Ⲡⲟ̅ ⲥ̅ ⲛ̀ ⲛⲏⲉⲧϯ ⲟⲩⲃⲏϥ ⲟⲩⲟϩ ⲛ̀ ⲑⲟϥ ⲉⲧϥⲱϯ ⲛ̀ ⲛⲉϥϫⲁϫⲓ ⲉ̀ ⲃⲟⲗ. ⲅ̅ . Ⲡⲟ̅ ⲥ̅ ⲟⲩⲣⲉϥⲱ̀ ⲟⲩⲛ̀ ϩⲏⲧ ⲡⲉ ⲟⲩⲟϩ ⲟⲩⲛⲓϣϯ ⲧⲉ ⲧⲉϥϫⲟⲙ ⲟⲩⲟϩ ⲡⲓⲁⲑⲛⲟⲃⲓ ⲛ̀ ⲛⲉϥⲧⲟⲩⲃⲟϥ Ⲡⲟ̅ ⲥ̅ ⲁϥ ϧⲉⲛ ⲟⲩϧⲁⲉ̀ⲟⲩⲟϩ ⲁϥ ϧⲉⲛ ⲟⲩⲙⲟⲛⲙⲉⲛ ⲛ̀ ϫⲉ ⲡⲉϥⲙⲱⲓⲧ ⲟⲩⲟϩ ϩⲁⲛϭⲏⲡⲓ ⲛⲉ ⲡ̀ ϣⲱⲓϣ ⲛ̀ ⲧⲉ ⲛⲉϥϭⲁⲗⲁⲩϫ. ⲇ̅ . Ⲉϥⲙ̀ ⲃⲟⲛ ⲉ̀ ⲫ̀ ⲓⲟⲙ ⲟⲩⲟϩ ⲉϥⲧ̀ ϣⲟⲩⲓⲟ ⲙ̀ ⲙⲟϥ ⲟⲩⲟϩ ⲛⲓⲓⲁⲣⲱⲟⲩ ⲉϥϣⲱϣ ⲙ̀ ⲙⲱⲟⲩ ⲁⲥⲉⲣⲕⲟⲩϫⲓ ⲛ̀ ϫⲉ ⲑ̀ Ⲃⲁⲥⲁⲛ ⲛⲉⲙ ⲡⲓⲔⲁⲣⲙⲉⲗⲟⲥ ⲟⲩⲟϩ ⲛⲉⲧⲫⲟⲣⲓ ⲉ̀ ⲃⲟⲗ ⲛ̀ ⲧⲉ ⲡⲓⲖⲓⲃⲁⲛⲟⲥ ⲁⲩⲙⲟⲩⲛⲕ. ⲉ̅ . Ⲁⲩⲙⲟⲛⲙⲉⲛ ⲛ̀ ϫⲉ ⲛⲓⲧⲱⲟⲩ ⲉ̀ ⲃⲟⲗ ⲙ̀ ⲙⲟϥ ⲟⲩⲟϩ ⲁⲩⲕⲓⲙ ⲛ̀ ϫⲉ ⲛⲓⲕⲁⲗⲁⲙⲫⲟ ⲟⲩⲟϩ ⲁϥⲕⲱⲗϫ ⲛ̀ ϫⲉ ⲡ̀ ⲕⲁϩⲓ ⲉ̀ ⲃⲟⲗϩⲁ ⲡⲉϥϩⲟ ⲙⲁⲓ ⲛⲓⲃⲉⲛ ⲛⲉⲙ ⲛⲏⲧⲏⲣⲟⲩ ⲉⲧϣⲟⲡ ⲛ̀ ϧⲏⲧⲟⲩ. Ⲋ. Ⲛⲓⲙ ⲉⲑⲛⲁϣ̀ⲟ̀ ϩⲓ ⲉ̀ ⲣⲁⲧϥ ⲉ̀ ⲃⲟⲗϩⲁ ⲡ̀ ϩⲟ ⲛ̀ ⲧⲉ ⲡⲉϥϫⲱⲛⲧ ⲟⲩⲟϩ ⲛⲓⲙ ⲉⲑⲛⲁϣ̀ϯ ⲟⲩⲃⲏϥ ϧⲉⲛ ⲡ̀ ⲉⲙⲃⲟⲛ ⲛ̀ ⲧⲉ ⲡⲉϥϫⲱⲛⲧ ⲡⲉϥⲙ̀ ⲃⲟⲛ ϥ̀ⲃⲱⲗ ⲛ̀ ϩⲁⲛⲁⲣⲭⲏ ⲉ̀ ⲃⲟⲗ ⲟⲩⲟϩ ϩⲁⲛⲡⲉⲧⲣⲁ ⲁⲩⲙⲟⲛⲙⲉⲛ ⲉ̀ ⲃⲟⲗ ⲙ̀ ⲙⲟϥ. ⲍ̅ . Ⲟⲩⲭⲣⲏⲥⲧⲟⲥ ⲡⲉ Ⲡⲟ̅ ⲥ̅ ⲛ̀ ⲛⲏⲉⲧϫⲟⲩϣⲧ ⲉ̀ ⲃⲟⲗ ϧⲁϫⲱϥ ⲟⲩⲟϩ ⲉϥⲥⲱⲟⲩⲛ ⲛ̀ ⲛⲏⲉⲧⲉⲣϩⲟϯ ϧⲁⲧⲉϥϩⲏ. ⲏ̅ . Ⲟⲩⲟϩ ϧⲉⲛ ⲟⲩⲕⲁⲧⲁⲕⲗⲩⲥⲙⲟⲥ ⲛ̀ ⲧⲉ ⲟⲩϫⲓⲛⲙⲟϣⲓ ⲉϥⲓ̀ ⲣⲓ ⲛ̀ ⲟⲩϫⲱⲕ ⲛ̀ ⲛⲏⲉⲧⲧⲱⲟⲩⲛⲟⲩ ⲙ̀ ⲙⲱⲟⲩ ⲉ̀ ϫⲱϥ ⲛⲉⲙ ⲛⲉϥϫⲁϫⲓ ⲉϥⲉ̀ ϭⲟϫⲓ ⲛ̀ ⲥⲱⲟⲩ ⲛ̀ ϫⲉ ⲟⲩⲭⲁⲕⲓ. ⲑ̅ . Ⲟⲩ ⲡⲉ ⲉⲧⲉⲧⲉⲛⲙⲉⲩⲓ̀ⲉ̀ ⲣⲟϥ ⲉ̀ ϫⲉⲛ Ⲡⲟ̅ ⲥ̅ ⲛ̀ ⲑⲟϥ ϥ̀ⲛⲁⲓ̀ ⲣⲓ ⲛ̀ ⲟⲩϫⲱⲕ ϥ̀ⲛⲁϭⲓⲙ̀ ⲡ̀ ϣⲓϣ ⲛ̀ ⲥⲟⲡⲃ̅ ⲁⲛ ⲉⲩⲥⲟⲡ ϧⲉⲛ ⲟⲩϩⲟϫϩⲉϫ. ⲓ̅. Ϫⲉ ⲥⲉⲛⲁⲉⲣⲭⲉⲣⲉⲟⲥ ϣⲁ ⲉ̀ ϧ̀ⲣⲏⲓ ⲉ̀ ⲛⲟⲩⲥⲉⲛϯ ⲟⲩⲟϩ ⲉⲩⲉ̀ ⲟⲩⲟⲙⲥ ⲙ̀ ⲫ̀ ⲣⲏϯ ⲛ̀ ⲟⲩⲥⲙⲓⲗⲁⲝ ⲉϥⲙⲟⲗϫ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩⲣⲱⲟⲩⲓ̀ⲉϥϣⲟⲩⲱⲟⲩ. ⲓ̅ⲁ̅ . Ⲉϥⲉ̀ ⲓ̀ⲛ̀ ϧⲏⲧⲕ ⲛ̀ ϫⲉ ⲟⲩⲙⲉⲩⲓ̀ϧⲁ Ⲡⲟ̅ ⲥ̅ ⲉⲕⲙⲉⲩⲓ̀ⲉ̀ ϩⲁⲛⲡⲉⲧϩⲱⲟⲩ ⲉⲩϯ ⲟⲩⲃⲏⲕ. ⲓ̅ⲃ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ⲉϥⲟⲓ ⲛ̀ ⲁⲣⲭⲱⲛ ⲉ̀ ϩⲁⲛⲙⲏϣ ⲙ̀ ⲙⲱⲟⲩ ⲟⲩⲟϩ ⲡⲁⲓⲣⲏϯ ⲉϥⲉ̀ ⲫⲱⲣϫ ⲉ̀ ⲃⲟⲗ ⲟⲩⲟϩ ⲡⲉⲕϧ̀ⲣⲱⲟⲩ ⲛ̀ ⲛⲟⲩⲥⲱⲧⲉⲙ ⲉ̀ ⲣⲟϥ. ⲓ̅ⲅ̅ . Ⲟⲩⲟϩ ϯⲛⲟⲩ ϯⲛⲁϧⲟⲙϧⲉⲙ ⲙ̀ ⲡⲉϥϣ̀ⲃⲱⲧ ⲉ̀ ⲃⲟⲗϩⲁⲣⲟⲕ ⲟⲩⲟϩ ⲛⲉⲕⲥ̀ ⲛⲁⲩϩ ϯⲛⲁⲥⲟⲗⲡⲟⲩ. ⲓ̅ⲇ̅ . Ⲟⲩⲟϩ ⲉϥⲉ̀ ϩⲟⲛϩⲉⲛ ⲉⲑⲃⲏⲧⲕ ⲛ̀ ϫⲉ Ⲡⲟ̅ ⲥ̅ ⲛ̀ ⲟⲩϫⲱⲣ ⲉ̀ ⲃⲟⲗ ϫⲉ ϧⲉⲛ ⲡⲉⲕⲣⲁⲛ ϯⲛⲁϥⲱϯ ⲉ̀ ⲃⲟⲗ ϧⲉⲛ ⲡ̀ ⲏⲓ ⲙ̀ ⲡⲉⲕⲛⲟⲩϯ ⲛ̀ ⲛⲓⲫⲱⲧϩ ⲛⲉⲙ ⲛⲓⲟⲩⲱⲧϩ ϯⲛⲁⲭⲱ ⲛ̀ ⲧⲉⲕⲕⲁⲓⲥⲓ ϧⲉⲛ ⲟⲩⲓⲱⲥ. ⲓ̅ⲉ̅ . Ϩⲏⲡⲡⲉ ⲓⲥ ϩⲓϫⲉⲛ ⲛⲓⲧⲱⲟⲩ ⲛ̀ ⲧⲉ ⲛⲓϭⲁⲗⲁⲩϫ ⲛ̀ ⲧⲉ ⲫⲏⲉⲧϩⲓϣⲉⲛⲛⲟⲩϥⲓ ⲟⲩⲟϩ ⲉⲧϫⲱ ⲛ̀ ⲟⲩϩⲓⲣⲏⲛⲏ ⲁⲣⲓϣⲁⲓ Ⲓⲟⲩⲇⲁ ϧⲉⲛ ⲛⲉⲕϣⲁⲓ ⲙⲟⲓ ⲛ̀ ⲛⲉⲕⲉⲩⲭⲏ ϫⲉ ⲟⲩⲏⲓ ⲛ̀ ⲟⲩⲁϩⲧⲟⲧⲟⲩ ⲛ̀ ϫⲉ ⲛⲓⲡⲁⲣⲁⲛⲟⲙⲟⲥ ⲉ̀ ⲥⲓⲛⲓ ⲉ̀ ⲃⲟⲗ ⲛ̀ ϧⲏϯ ⲉⲩⲙⲉⲧⲁ̀ ⲡⲁⲥ. ⲕⲉⲫ ⲃ̅ ⲁ̅ . Ⲁϥϫⲱⲕ ⲉ̀ ⲃⲟⲗ ⲁⲩⲟⲗϥ ϧⲉⲛ ⲡⲉⲕϩⲟ ⲫⲏⲉⲧⲛⲟϩⲉⲙ ⲉ̀ ⲃⲟⲗϧⲉⲛ ⲟⲩϩⲟϫϩⲉϫ ϫⲟⲩϣⲧ
- 2. ⲉ̀ ⲟⲩⲙⲱⲓⲧ ⲁ̀ ⲙⲟⲛⲓ ⲛ̀ ⲛⲟⲩϯⲡⲓ ϫⲉⲙⲛⲟⲙϯ ⲛ̀ ϫⲟⲙ ⲉⲙⲁϣⲱ. ⲃ̅ . Ϫⲉ ⲟⲩⲏⲓ ⲁ Ⲡⲟ̅ ⲥ̅ ⲧⲁⲥⲑⲟ ⲙ̀ ⲡ̀ ϣⲱϣ ⲛ̀ Ⲓⲁⲕⲱⲃ ⲙ̀ ⲫ̀ ⲣⲏϯ ⲙ̀ ⲡ̀ ϣⲱϣ ⲙ̀ Ⲡ ϫⲉ ⲟⲩⲏⲓ ϧⲉⲛ ⲟⲩⲛⲟϩⲉⲙ ⲁⲓⲛⲁϩⲙⲟⲩ ⲉ̀ ⲃⲟⲗ ⲛⲉⲙ ⲛⲟⲩϫⲁϫⲓ ⲛⲓⲣⲉⲙⲚⲓⲛⲉⲩⲏ̀ⲛⲉⲙ ⲛⲟⲩⲕⲗⲏⲙⲁ. ⲅ̅ . Ⲁⲩⲧⲁⲕⲟ ⲛⲟⲩϩⲟⲡⲗⲟⲛ ⲛ̀ ⲧⲉ ⲧⲟⲩϫⲓⲏ ⲉ̀ ⲃⲟⲗϧⲉⲛ ⲛⲓⲣⲱⲙⲓ ϩⲁⲛⲣⲱⲙⲓ ⲛ̀ ϫⲱⲣⲓ ⲉⲩⲥⲱⲃⲓ ϧⲉⲛ ⲟⲩⲭ̀ ⲣⲱⲙ ⲛⲓⲙⲟⲩⲥⲉⲣ ⲛ̀ ⲧⲉ ⲛⲟⲩϩⲁⲣⲙⲁ ϧⲉⲛ ⲛⲓⲉ̀ ϩⲟⲟⲩ ⲛ̀ ⲧⲉ ⲡ̀ ⲥⲟⲃϯ ⲟⲩⲟϩ ⲛⲓϭⲁⲥⲓϩ̀ⲑⲟ ⲉⲩⲉ̀ ϣ̀ⲑⲟⲣⲧⲉⲣ ϧⲉⲛ ⲛⲓⲙⲱⲓⲧ. ⲇ̅ . Ⲟⲩⲟϩ ⲉⲩⲉ̀ ϫⲟⲣ ⲉ̀ ⲃⲟⲗ ⲛ̀ ϫⲉ ⲛⲓϩⲁⲣⲙⲁ ⲟⲩⲟϩ ⲉⲩⲉ̀ ϭⲗⲟⲙⲗⲉⲙ ϧⲉⲛ ⲛⲓⲡⲗⲁⲧⲓⲁ̀ⲧⲟⲩϩⲟⲣⲁⲥⲓⲥ ⲙ̀ ⲫ̀ ⲣⲏϯ ⲛ̀ ϩⲁⲛⲗⲁⲙⲡⲁⲥ ⲛ̀ ⲭ̀ ⲣⲱⲙ ⲛⲉⲙ ⲙ̀ ⲫ̀ ⲣⲏϯ ⲛ̀ ϩⲁⲛⲗⲁⲙⲡⲁⲥ ⲉⲩϭⲟϫⲓ. ⲉ̅ . Ⲟⲩⲟϩ ⲉⲩⲉ̀ ⲉⲣⲫ̀ ⲙⲉⲩⲓ̀ⲛ̀ ϫⲉ ⲛⲟⲩⲛⲓϣϯ ⲟⲩⲟϩ ⲉⲩⲉ̀ ⲫⲱⲧ ϧⲉⲛ ⲡⲓⲉ̀ ϩⲟⲟⲩ ⲟⲩⲟϩ ⲉⲩⲉ̀ ϣⲱⲛⲓ ϧⲉⲛ ⲡⲟⲩϫⲓⲛⲙⲟϣⲓ ⲟⲩⲟϩ ⲉⲩⲉ̀ ⲓⲱⲥ ⲉ̀ ϫⲉⲛ ⲛⲓⲥⲟⲃⲧ ⲟⲩⲟϩ ⲉⲩⲉ̀ ⲥⲟⲃⲧ ⲛ̀ ⲛⲟⲩⲙⲁⲛⲁ̀ ⲣⲉϩ. Ⲋ. Ⲛⲓⲡⲩⲗⲏ ⲛ̀ ⲧⲉ ⲛⲓⲃⲁⲕⲓ ⲁⲩⲟⲩⲱⲛ ⲟⲩⲟϩ ⲁⲩϩⲉⲓ ⲛ̀ ϫⲉ ⲛⲓⲙⲉⲧⲟⲩⲣⲱⲟⲩ ⲟⲩⲟϩ ϯϩⲩⲡⲟⲥⲧⲁⲥⲓⲥ ⲁⲥϭⲱⲣⲡ ⲉ̀ ⲃⲟⲗ. ⲍ̅ . Ⲟⲩⲟϩ ⲛ̀ ⲑⲟⲥ ⲛⲁⲥⲛⲏⲟⲩ ⲉ̀ ⲡ̀ ϣⲱⲓ ⲟⲩⲟϩ ⲛⲁⲩⲓ̀ ⲛⲓ ⲛ̀ ⲛⲉⲥⲕⲉⲃⲱⲕⲓ ⲛ̀ ⲥ̀ ϩⲓⲙⲓ ⲙ̀ ⲫ̀ ⲣⲏϯ ⲛ̀ ϩⲁⲛϭⲣⲟⲙⲡⲓ ⲉⲩⲉ̀ ⲉⲣⲟⲩⲱ̀ϧⲉⲛ ⲡⲟⲩϩⲏⲧ. ⲏ̅ . Ⲟⲩⲟϩ Ⲛⲓⲛⲉⲩⲏ̀ⲁⲩ ⲙ̀ ⲫ̀ ⲣⲏϯ ⲛ̀ ⲟⲩⲕⲟⲗⲩⲙⲃⲏⲑⲣⲁ ⲙ̀ ⲙⲱⲟⲩ ⲛ̀ ϫⲉ ⲛⲉⲥⲙⲱⲟⲩ ⲟⲩⲟϩ ⲛ̀ ⲑⲱⲟⲩ ⲉⲩⲫⲏⲧ ⲙ̀ ⲡⲟⲩⲟ̀ ϩⲓ ⲉ̀ ⲣⲁⲧⲟⲩ ⲟⲩⲟϩ ⲛⲉ ⲙ̀ ⲙⲟⲛ ⲡⲉⲧϫⲟⲩϣⲧ. ⲑ̅ . Ⲛⲁⲩϩⲱⲗⲉⲙ ⲙ̀ ⲡⲓϩⲁⲧ ⲛⲁⲩϩⲱⲗⲉⲙ ⲙ̀ ⲡⲓⲛⲟⲩⲃ ⲟⲩⲟϩ ⲛⲉ ⲙ̀ ⲙⲟⲛ ⲁⲩⲣⲏϫϥ ⲛ̀ ⲧⲉ ⲡⲉⲥⲥⲟⲗⲥⲉⲗ ⲁⲩϩ̀ⲣⲟϣ ⲉϩⲟⲧⲉ ⲛⲉⲥⲥ̀ ⲕⲉⲩⲟⲥ ⲧⲏⲣⲟⲩ ⲉⲧⲥⲱⲧⲡ. ⲓ̅. Ⲟⲩⲛⲉϩⲧⲟⲧⲟⲩ ⲉ̀ ⲃⲟⲗ ⲛⲉⲙ ⲟⲩⲭⲁⲧⲟⲧⲟⲩ ⲉ̀ ⲃⲟⲗ ⲛⲉⲙ ⲟⲩⲁ̀ ⲗⲁⲡⲗⲉⲡⲛ̀ ϩⲏⲧ ⲛⲉⲙ ⲟⲩϧⲟⲙϧⲉⲙⲛ̀ ϩⲏⲧ ⲛⲉⲙ ⲟⲩⲃⲱⲗ ⲉ̀ ⲃⲟⲗ ⲛ̀ ⲧⲉ ϩⲁⲛⲫⲁⲧ ⲛⲉⲙ ϩⲁⲛⲛⲁⲕϩⲓ ϩⲓϫⲉⲛ ϯⲡⲓ ⲛⲓⲃⲉⲛ ⲟⲩⲟϩ ⲡⲓϩⲟ ⲛ̀ ⲧⲉ ⲟⲩⲟⲛ ⲛⲓⲃⲉⲛ ⲙ̀ ⲫ̀ ⲣⲏϯ ⲛ̀ ⲟⲩⲉⲗϩⲱⲃ ⲛ̀ ⲧⲉ ⲟⲩϣⲓⲱ. ⲓ̅ⲁ̅ . Ⲁϥⲑⲱⲛ ⲫ̀ ⲙⲁⲛϣⲱⲡⲓ ⲛ̀ ⲧⲉ ⲛⲓⲙⲟⲩⲓ̀ⲛⲉⲙ ⲛⲓⲙⲁⲛⲙⲟⲛⲓ ⲉⲧϣⲟⲡ ⲛ̀ ⲛⲓⲙⲁⲥ ⲙ̀ ⲙⲟⲩⲓ̀ⲫ̀ ⲙⲁ ⲉⲧⲁϥϣⲉⲛⲁϥ ⲉ̀ ⲣⲟϥ ⲛ̀ ϫⲉ ⲡⲓⲙⲟⲩⲓ̀ⲉⲑⲣⲉϥϣⲉ ⲉ̀ ϧⲟⲩⲛ ⲉ̀ ⲙⲁⲩ ⲛ̀ ϫⲉ ⲟⲩⲙⲁⲥ ⲙ̀ ⲙⲟⲩⲓ̀ⲟⲩⲟϩ ⲛⲉ ⲙ̀ ⲙⲟⲛ ⲫⲏⲉⲧϯϩⲟϯ. ⲓ̅ⲃ̅ . Ⲟⲩⲙⲟⲩⲓ̀ⲁϥϩⲱⲗⲉⲙ ⲙ̀ ⲫ̀ ⲣⲱϣⲓ ⲛ̀ ⲛⲉϥⲙⲁⲥ ⲟⲩⲟϩ ⲛⲉϥⲙⲟⲩⲓ̀ⲁϥⲱϫϩ ⲙ̀ ⲙⲱⲟⲩ ⲟⲩⲟϩ ⲁϥⲙⲟϩ ⲙ̀ ⲡⲉϥⲃⲏⲃ ⲛ̀ ϫⲟⲣϫⲥ ⲛⲉⲙ ⲡⲉϥⲙⲁⲛϣⲱⲡⲓ ⲛ̀ ϩⲱⲗⲉⲙ. ⲓ̅ⲅ̅ . Ϩⲏⲡⲡⲉ ⲁ̀ ⲛⲟⲕ ⲉ̀ ϩ̀ⲣⲏⲓ ⲉ̀ ϫⲱ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲡⲉⲙⲏϣ ϯⲛⲁⲣⲟⲕϩϥ ϧⲉⲛ ⲟⲩⲭ̀ ⲣⲱⲙ ⲟⲩⲟϩ ⲛⲉⲙⲟⲩⲓ̀ⲉⲥⲉ̀ ⲟⲩⲟⲙⲟⲩ ⲛ̀ ϫⲉ ⲟⲩⲥⲏϥⲓ ⲟⲩⲟϩ ϯⲛⲁϥⲱϯ ⲛ̀ ⲧⲉϫⲟⲣϫⲥ ⲉ̀ ⲃⲟⲗϩⲓϫⲉⲛ ⲡ̀ ⲕⲁϩⲓ ⲟⲩⲟϩ ⲛ̀ ⲛⲟⲩⲥⲱⲣⲉⲙ ϫⲉ ⲉ̀ ⲛⲉϩ̀ⲃⲏⲟⲩⲓ̀ . ⲕⲉⲫ ⲅ̅ ⲁ̅ . Ⲱ ϯⲃⲁⲕⲓ ⲛ̀ ⲧⲉ ⲛⲓⲥ̀ ⲛⲟϥ ϯⲙⲉⲑⲛⲟⲩϫ ⲧⲏⲣⲥ ⲑⲏⲉⲧⲙⲉϩ ⲛ̀ ϭⲓⲛ̀ ϫⲟⲛⲥ. ⲃ̅ . Ⲧⲥⲙⲏ ⲛ̀ ⲧⲉ ϩⲁⲛⲙⲁⲥⲧⲓⲅⲅⲟⲥ ⲛ̀ ⲧⲉ ϩⲁⲛⲧⲣⲟⲭⲟⲥ ⲛⲉⲙ ⲟⲩϩ̀ⲑⲟ ⲉϥϭⲟϫⲓ ⲛⲉⲙ ⲟⲩϩⲁⲣⲙⲁ ⲉϥⲱϣ ⲉ̀ ⲃⲟⲗ ⲛⲉⲙ ⲟⲩϭⲁⲥⲓϩ̀ⲑⲟ ⲉϥⲁ̀ ⲗⲏⲓ. ⲅ̅ . Ⲛⲉⲙ ⲟⲩⲥⲏϥⲓⲉⲥϯⲙⲟⲩⲉ̀ⲛⲉⲙ ϩⲁⲛϩⲟⲡⲗⲟⲛ ⲉⲩϩⲓⲥⲉⲧⲉⲃⲣⲏϫ ⲛⲉⲙ ϩⲁⲛⲙⲏϣ ⲉⲩⲣⲁϧⲧ ⲛⲉⲙ ⲟⲩϩⲉⲓ ⲉϥⲟϣ ⲛⲉ ⲙ̀ ⲙⲟⲛ ⲁⲩⲣⲏϫϥ ⲛ̀ ⲧⲉ ⲛⲉⲥⲉⲑⲛⲟⲥ ⲟⲩⲟϩ ⲉⲩⲉ̀ ϣⲱⲡⲓ ϧⲉⲛ ⲛⲟⲩⲥⲱⲙⲁ ⲉ̀ ⲃⲟⲗϧⲉⲛ ⲡ̀ ⲁ̀ ϣⲁⲓ ⲛ̀ ⲧⲉ ⲟⲩⲡⲟⲣⲛⲓⲁ̀ . ⲇ̅ . Ϯⲡⲟⲣⲛⲏ ⲉⲑⲛⲁⲛⲉⲥ ⲉⲧⲉ ⲟⲩⲟⲛⲧⲉⲥ ϩⲙⲟⲧ ϯϩⲩⲅⲟⲩⲙⲉⲛⲟⲥ ⲛ̀ ⲧⲉ ⲛⲓⲫⲁⲣⲙⲁⲅⲟⲥ ⲑⲏⲉⲧϯ ⲉ̀ ⲃⲟⲗ ⲛ̀ ϩⲁⲛⲉⲑⲛⲟⲥ ϧⲉⲛ ⲧⲉⲥⲡⲟⲣⲛⲓⲁ̀ⲛⲉⲙ ϩⲁⲛⲫⲩⲗⲏ ϧⲉⲛ ⲛⲉⲥⲫⲁϧⲣⲓ. ⲉ̅ . Ϩⲏⲡⲡⲉ ⲁ̀ ⲛⲟⲕ ⲉ̀ ϩ̀ⲣⲏⲓ ⲉ̀ ϫⲱ ⲡⲉϫⲉ Ⲡⲟ̅ ⲥ̅ Ⲫϯ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ϯⲛⲁϭⲱⲣⲡ ⲉ̀ ⲃⲟⲗ
- 3. ⲛ̀ ⲛⲏⲉⲧϩⲓⲫⲁϩⲟⲩ ⲉ̀ ϫⲉⲛ ⲡⲉϩⲟ ⲟⲩⲟϩ ϯⲛⲁⲧⲁⲙⲉ ϩⲁⲛⲉⲑⲛⲟⲥ ⲉ̀ ⲡⲉϣⲓⲡⲓ ⲛⲉⲙ ϩⲁⲛⲟⲩⲣⲱⲟⲩ ⲉ̀ ⲡⲉϣⲱϣ. Ⲋ. Ⲟⲩⲟϩ ϯⲛⲁϩⲓⲟⲩⲓ̀ⲛ̀ ⲟⲩⲱ̀ ⲣⲉⲃ ⲉ̀ ϫⲱ ⲕⲁⲧⲁ ⲛⲉϭⲱϧⲉⲙ ⲟⲩⲟϩ ϯⲛⲁⲭⲁϯ ⲉⲩⲥ̀ ⲣⲁϩ. ⲍ̅ . Ⲟⲩⲟϩ ⲉⲥⲉ̀ ϣⲱⲡⲓ ⲟⲩⲟⲛ ⲛⲓⲃⲉⲛ ⲉⲑⲛⲁⲛⲉⲩ ⲉ̀ ⲣⲟ ⲉϥⲉ̀ ϫⲟⲥ ϫⲉ ⲟⲩⲧⲁⲗⲉⲡⲱⲣⲟⲥ ⲧⲉ Ⲛⲓⲛⲉⲩⲏ̀ ⲛⲓⲙ ⲉⲑⲛⲁϥⲓⲁ̀ ϩⲟⲙ ⲉ̀ ϫⲱⲥ ⲁⲓⲛⲁⲕⲱϯ ⲛ̀ ⲑⲱⲛ ⲛ̀ ⲥⲁ ⲟⲩⲡⲁⲣⲁⲕⲗⲏⲥⲓⲥ ⲛⲁⲥ. ⲏ̅ . Ⲥⲟⲃϯ ⲛ̀ ⲟⲩⲧⲟⲓ ϩⲟⲧⲡ ⲛ̀ ⲟⲩⲕⲁⲡ ⲥⲟⲃϯ ⲛ̀ ϯⲧⲟⲓ ⲛ̀ ⲧⲉ Ⲁⲙⲙⲟⲛ ⲑⲏⲉⲧϣⲟⲡ ϧⲉⲛ ϩⲁⲛⲓⲁⲣⲱⲟⲩ ⲟⲩⲙⲱⲟⲩ ⲉⲩⲕⲱϯ ⲉ̀ ⲣⲟⲥ ⲑⲁⲓ ⲉⲧⲉ ⲧⲉⲥⲁⲣⲭⲏ ⲡⲉ ⲫ̀ ⲓⲟⲙ ⲟⲩⲟϩ ⲟⲩⲙⲱⲟⲩ ⲛⲉ ⲛⲉⲥⲥⲟⲃⲧ. ⲑ̅ . Ⲟⲩⲟϩ ⲛⲓⲈⲑⲁⲩϣ ⲛⲉⲙ Ⲭⲏⲙⲓ ⲧⲉ ⲧⲉⲥϫⲟⲙ ⲟⲩⲟϩ ⲙ̀ ⲙⲟⲛ ϧⲁⲉ̀ⲛ̀ ⲧⲉ ⲡⲉⲥⲫⲱⲧ ⲟⲩⲟϩ ⲛⲁ ϯⲖⲩⲃⲏ ⲁⲩϣⲱⲡⲓ ⲛⲁⲥ ⲙ̀ ⲃⲟⲏ̀ ⲑⲟⲥ. ⲓ̅. Ⲟⲩⲟϩ ⲛ̀ ⲑⲟⲥ ⲉⲥⲉ̀ ⲙⲟϣⲓ ϧⲉⲛ ⲟⲩⲱⲧⲉⲃ ⲉ̀ ⲃⲟⲗ ⲉⲥⲟⲓ ⲛ̀ ⲭ̀ ⲙⲁⲗⲱⲧⲟⲥ ⲛⲉⲥⲕⲟⲩϫⲓ ⲛ̀ ⲁ̀ ⲗⲱⲟⲩⲓ̀ ⲥⲉⲛⲁⲑⲱⲙⲥⲟⲩ ϧⲉⲛ ϩⲏ ⲛ̀ ⲛⲉⲥⲙⲱⲓⲧ ⲧⲏⲣⲟⲩ ⲟⲩⲟϩ ⲉⲩⲉ̀ ϩⲓⲕⲗⲏⲣⲟⲥ ⲉ̀ ϫⲉⲛ ⲛⲏⲉⲧⲧⲁⲓⲏⲟⲩⲧ ⲛ̀ ⲧⲁⲥ ⲟⲩⲟϩ ⲛⲉⲥⲛ̀ ϩ̀ⲣⲏⲓ ⲛ̀ ϧⲏⲧⲟⲩ ⲧⲏⲣⲟⲩ ⲉⲩⲉ̀ ⲥⲟⲛϩⲟⲩ ϧⲉⲛ ϩⲁⲛⲡⲉⲇⲉⲥ ⲛ̀ ϫⲓϫ. ⲓ̅ⲁ̅ . Ⲟⲩⲟϩ ⲛ̀ ⲑⲟ ⲉⲣⲉⲑⲓϧⲓ ⲟⲩⲟϩ ⲉⲣⲉϣⲱⲡⲓ ⲉ̀ ⲁⲩϩⲓⲡ̀ ϩⲟ ⲙ̀ ⲙⲟ ⲟⲩⲟϩ ⲛ̀ ⲑⲟ ⲉⲣⲉⲕⲱϯ ⲛ̀ ⲥⲁ ⲟⲩⲧⲁϩⲟ ⲉ̀ ⲣⲁⲧϥ ⲛⲉ ⲉ̀ ⲃⲟⲗϧⲉⲛ ϩⲁⲛϫⲁϫⲓ. ⲓ̅ⲃ̅ . Ⲛⲉⲙ Ⲁⲇⲉ ⲉⲧⲧⲁϫⲣⲏⲟⲩⲧ ϩⲁⲛⲃⲱ ⲛ̀ ⲕⲉⲛⲧⲉ ⲛⲉ ⲉ̀ ⲟⲩⲟⲛⲧⲱⲟⲩ ⲛ̀ ϩⲁⲛⲥⲕⲟⲡⲟⲥ ⲁⲩϣⲁⲛⲕⲓⲙ ⲉⲩⲉ̀ ϩⲉⲓ ⲉ̀ ϧ̀ⲣⲏⲓ ⲉ̀ ⲣⲱϥ ⲙ̀ ⲡⲉⲑⲟⲩⲱⲙ. ⲓ̅ⲅ̅ . Ϩⲏⲡⲡⲉ ⲓⲥ ⲡⲉⲗⲁⲟⲥ ⲙ̀ ⲫ̀ ⲣⲏϯ ⲛ̀ ϩⲁⲛϩⲓⲟⲙⲓ ⲛ̀ ϧ̀ⲣⲏⲓ ⲛ̀ ϧⲏϯ ⲛⲓⲡⲩⲗⲏ ⲛ̀ ⲧⲉ ⲡⲉⲕⲁϩⲓ ϧⲉⲛ ⲟⲩⲁ̀ ⲟⲩⲱⲛ ⲉⲩⲉ̀ ⲁ̀ ⲟⲩⲱⲛ ⲙ̀ ⲙⲱⲟⲩ ⲛ̀ ⲛⲉⲥⲁϫⲓ ⲟⲩⲭ̀ ⲣⲱⲙ ⲉϥⲉ̀ ⲟⲩⲱⲙ ⲛ̀ ⲛⲉⲙⲟⲭⲗⲟⲥ. ⲓ̅ⲇ̅ . Ⲟⲩⲙⲱⲟⲩ ⲉϥⲑⲟⲩⲏⲧ ⲥⲟⲕϥ ⲛⲉ ⲁ̀ ⲙⲟⲛⲓ ⲛ̀ ⲛⲉⲧⲁϫⲣⲟ ⲙⲁϣⲉⲛⲉ ⲉ̀ ϧ̀ⲣⲏⲓ ⲉ̀ ⲟⲩⲟⲙⲓ ⲟⲩⲟϩ ϩⲱⲙⲓ ϧⲉⲛ ϩⲁⲛⲧⲟϩ ⲟⲩⲟϩ ⲁ̀ ⲙⲟⲛⲓ ⲉϩⲟⲧⲉ ⲟⲩⲧⲱⲃⲓ. ⲓ̅ⲉ̅ . Ϧⲉⲛ ⲡⲓⲙⲁ ⲉⲧⲉⲙ̀ ⲙⲁⲩ ⲉϥⲉ̀ ⲟⲩⲟⲙϯ ⲛ̀ ϫⲉ ⲟⲩⲭ̀ ⲣⲱⲙ ⲟⲩⲥⲏϥⲓ ⲉⲥⲉ̀ ϥⲱϯ ⲉ̀ ⲃⲟⲗ ⲉⲥⲉ̀ ⲟⲩⲟⲙϯ ⲙ̀ ⲫ̀ ⲣⲏϯ ⲛ̀ ⲟⲩϣ̀ϫⲉ ⲟⲩⲟϩ ⲉⲩⲉ̀ ϩ̀ⲣⲟϣ ⲉ̀ ϫⲱ ⲙ̀ ⲫ̀ ⲣⲏϯ ⲛ̀ ⲟⲩⲃⲣⲟⲩⲭⲟⲥ. ⲓ̅Ⲋ. Ⲁⲣⲉⲑ̀ ⲣⲉ ⲛⲉⲓⲉⲃϣⲱⲧ ⲁ̀ ϣⲁⲓ ⲙ̀ ⲫ̀ ⲣⲏϯ ⲛ̀ ⲛⲓⲥⲓⲟⲩ ⲛ̀ ⲧⲉ ⲧ̀ ⲫⲉ ⲁϥⲟⲩⲟϩ ⲛ̀ ϫⲉ ⲃⲣⲟⲩⲭⲟⲥ ⲟⲩⲟϩ ⲁϥϩⲁⲗⲁⲓ. ⲓ̅ⲍ̅ . Ⲁϥϭⲓⲫⲉⲓ ⲙ̀ ⲫ̀ ⲣⲏϯ ⲛ̀ ⲟⲩⲁⲧⲧⲉⲗⲁⲃⲟⲥ ⲛ̀ ϫⲉ ⲡⲉⲙⲟⲩϫⲧ ⲙ̀ ⲫ̀ ⲣⲏϯ ⲛ̀ ⲟⲩϣ̀ϫⲉ ⲉ̀ ⲁϥⲟⲩⲟϩ ϩⲓϫⲉⲛ ⲟⲩϫⲟⲓ ϧⲉⲛ ϩⲁⲛⲉ̀ ϩⲟⲟⲩ ⲛ̀ ⲧⲉ ⲡ̀ ϫⲁϥ ⲁϥϣⲁⲓ ⲛ̀ ϫⲉ ⲫ̀ ⲣⲏ ⲟⲩⲟϩ ⲁϥϩⲁⲗⲁⲓ ⲙ̀ ⲡⲟⲩⲥⲟⲩⲉⲛ ⲡⲉϥⲙⲁ ⲟⲩⲟⲓ ⲛⲱⲟⲩ. ⲓ̅ⲏ̅ . Ⲁⲩϩⲓⲛⲓⲙ ⲛ̀ ϫⲉ ⲛⲉⲙⲁⲛⲉ̀ ⲥⲱⲟⲩ ⲡ̀ ⲟⲩⲣⲟ ⲛ̀ ⲛⲓⲀⲥⲥⲩⲣⲓⲟⲥ ⲁϥϣ̀ⲧⲟ ⲛ̀ ⲛⲉϫⲱⲣⲓ ⲁϥϫⲱⲣ ⲉ̀ ⲃⲟⲗ ⲙ̀ ⲡⲉⲗⲁⲟⲥ ϩⲓϫⲉⲛ ⲛⲓⲧⲱⲟⲩ ⲟⲩⲟϩ ⲛⲉ ⲙ̀ ⲙⲟⲛ ⲫⲏⲉⲑⲛⲁϣⲱⲡ ⲉ̀ ⲣⲟϥ. ⲓ̅ⲑ̅ . Ⲙ̀ ⲙⲟⲛ ⲧⲁⲗϭⲟ ϣⲟⲡ ⲙ̀ ⲡⲉϧⲟⲙϧⲉⲙ ⲁϥⲧϧ̀ⲙⲟⲙ ⲛ̀ ϫⲉ ⲡⲉⲉⲣϧⲟⲧ ⲟⲩⲟⲛ ⲛⲓⲃⲉⲛ ⲉⲑⲛⲁⲥⲱⲧⲉⲙ ⲉ̀ ⲡⲉϣⲓⲛⲓ ⲉϥⲉ̀ ⲣⲁϣⲓ ⲟⲩⲟϩ ⲉⲩⲉ̀ ⲕⲱⲗϩ ⲛ̀ ⲛⲟⲩϫⲓϫ ⲉ̀ ϩ̀ⲣⲏⲓ ⲉ̀ ϫⲱ ϫⲉ ⲟⲩⲏⲓ ⲛⲓⲙ ⲉⲧⲉ ⲙ̀ ⲡⲉⲥⲓ̀ⲉ̀ ϩ̀ⲣⲏⲓ ⲉ̀ ϫⲱϥ ⲛ̀ ϫⲉ ⲧⲉⲕⲁⲕⲓⲁ̀ⲛ̀ ⲥⲏⲟⲩ ⲛⲓⲃⲉⲛ.