Recommended
More Related Content
More from Bassem Matta
More from Bassem Matta (20)
Coptic Zechariah
- 1. ϮⲠⲢⲞⲪⲎⲦⲒⲀ ⲚⲦⲈ ⲌⲀⲬⲀⲢⲒⲀⲤ ⲠⲒⲠⲢⲞⲪⲎⲦⲎⲤ ⲕⲉⲫ ⲁ̅ ⲁ̅ . Ⲛ̀ ϩ̀ⲣⲏⲓ ϧⲉⲛ ⲡⲓⲁ̀ ⲃⲟⲧ ⲙ̀ ⲙⲁϩⲏ̅ ⲛ̀ ⲧⲉ ϯⲣⲟⲙⲡⲓ ⲙ̀ ⲙⲁϩⲃ̅ ϯ ϩⲓ Ⲇⲁⲣⲓⲟⲥ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁ Ⲍⲁⲭⲁⲣⲓⲁⲥ ⲡ̀ ϣⲏⲣⲓ ⲛ̀ Ⲃⲁⲣⲁⲭⲓⲁⲥ ⲡ̀ ϣⲏⲣⲓ ⲛ̀ Ⲁⲇⲇⲱ ⲡⲓⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ. ⲃ̅ . Ϫⲉ ⲁϥϫⲱⲛⲧ ⲛ̀ ϫⲉ Ⲡⲟ̅ ⲥ̅ ⲉ̀ ϫⲉⲛ ⲛⲉⲧⲉⲛⲓⲟϯ ϧⲉⲛ ⲟⲩⲛⲓϣϯ ⲛ̀ ϫⲱⲛⲧ. ⲅ̅ . Ⲟⲩⲟϩ ⲉⲕⲉ̀ ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ϫⲉ ⲕⲉⲧ ⲑⲏⲛⲟⲩ ϩⲁⲣⲟⲓ ⲟⲩⲟϩ ϯⲛⲁⲕⲟⲧⲧ ϩⲁⲣⲱⲧⲉⲛ ϩⲱ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲇ̅ . Ⲟⲩⲟϩ ⲙ̀ ⲡⲉⲣϣⲱⲡⲓ ⲙ̀ ⲫ̀ ⲣⲏϯ ⲛ̀ ⲛⲉⲧⲉⲛⲓⲟϯ ⲉⲧⲁⲩⲉⲣⲉⲛⲕⲁⲗⲓⲛ ⲛⲱⲟⲩ ⲛ̀ ϫⲉ ⲛⲓⲡⲣⲟⲫⲏⲧⲏⲥ ⲓⲥϫⲉⲛ ϣⲟⲣⲡ ⲉⲩϫⲱ ⲙ̀ ⲙⲟⲥ ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲙⲁⲧⲁⲥⲑⲉ ⲑⲏⲛⲟⲩ ⲉ̀ ⲃⲟⲗϩⲁ ⲛⲉⲧⲉⲛⲙⲱⲓⲧ ⲉⲧϩⲱⲟⲩ ⲛⲉⲙ ⲉ̀ ⲃⲟⲗϩⲁ ⲛⲉⲧⲉⲛϩ̀ⲃⲏⲟⲩⲓ̀ⲉⲧϩⲱⲟⲩ ⲟⲩⲟϩ ⲙ̀ ⲡⲟⲩϯϩ̀ⲑⲏⲟⲩ ⲉ̀ ⲥⲱⲧⲉⲙ ⲛ̀ ⲥⲱⲓ ⲡⲉϫⲉ Ⲡⲟ̅ ⲥ̅ ⲉ̅ . Ⲁⲩⲑⲱⲛ ⲛⲉⲧⲉⲛⲓⲟϯ ⲛⲉⲙ ⲛⲓⲡⲣⲟⲫⲏⲧⲏⲥ ⲙⲏ ⲁⲩⲛⲁⲱⲛϧ ϣⲁ ⲉ̀ ⲛⲉϩ. Ⲋ. Ⲡⲗⲏⲛ ⲛⲁⲥⲁϫⲓ ⲛⲉⲙ ⲛⲁⲛⲟⲙⲟⲥ ϣⲟⲡⲟⲩ ⲉ̀ ⲣⲱⲧⲉⲛ ⲛⲏ ⲁ̀ ⲛⲟⲕ ⲉ̀ ϯϩⲟⲛϩⲉⲛ ⲙ̀ ⲙⲱⲟⲩ ϧⲉⲛ ⲟⲩⲡ̅ ⲛ̅ ⲁ̅ ⲛ̀ ⲧⲉ ⲛⲁⲉ̀ ⲃⲓⲁⲓⲕ ⲛⲓⲡⲣⲟⲫⲏⲧⲏⲥ ⲛⲏⲉⲧⲁⲩⲧⲁϩⲉ ⲛⲉⲧⲉⲛⲓⲟϯ ⲟⲩⲟϩ ⲁⲩⲉⲣⲟⲩⲱ̀ⲡⲉϫⲱⲟⲩ ⲕⲁⲧⲁ ⲫ̀ ⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉ̀ ⲓ̀ ⲣⲓ ⲕⲁⲧⲁ ⲛⲉⲧⲉⲛⲙⲱⲓⲧ ⲛⲉⲙ ⲕⲁⲧⲁ ⲛⲉⲧⲉⲛϩ̀ⲃⲏⲟⲩⲓ̀ⲡⲁⲓⲣⲏϯ ⲁϥⲓ̀ ⲣⲓ ⲛⲱⲧⲉⲛ. ⲍ̅ . Ⲛ̀ ϩ̀ⲣⲏⲓ ϧⲉⲛ ⲥⲟⲩⲕ̅ ⲇ̅ ⲙ̀ ⲡⲓⲁ̀ ⲃⲟⲧ ⲙ̀ ⲙⲁϩⲓ̅ⲁ̅ ⲫⲁⲓ ⲡⲉ ⲡⲓⲁ̀ ⲃⲟⲧ Ⲥⲁⲃⲁⲧ ϧⲉⲛ ϯⲣⲟⲙⲡⲓ ⲙ̀ ⲙⲁϩⲃ̅ ϯ ϩⲓ Ⲇⲁⲣⲓⲟⲥ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁ Ⲍⲁⲭⲁⲣⲓⲁⲥ ⲡ̀ ϣⲏⲣⲓ ⲙ̀ Ⲃⲁⲣⲁⲭⲓⲁⲥ ⲡ̀ ϣⲏⲣⲓ ⲛ̀ Ⲁⲇⲇⲱ ⲡⲓⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ. ⲏ̅ . Ⲁⲓⲛⲁⲩ ϧⲉⲛ ⲡⲓⲉ̀ ϫⲱⲣϩ ⲟⲩⲟϩ ϩⲏⲡⲡⲉ ⲓⲥ ⲟⲩⲣⲱⲙⲓ ⲉϥⲧⲁⲗⲏⲟⲩⲧ ⲉ̀ ϫⲉⲛ ⲟⲩϩⲑⲟ ⲛ̀ ⲁⲟⲩⲁⲛ ⲛ̀ ⲭⲣⲱⲙ ⲟⲩⲟϩ ⲫⲁⲓ ⲛⲁϥⲟ̀ ϩⲓ ⲉ̀ ⲣⲁⲧϥ ϧⲉⲛ ⲑ̀ ⲙⲏϯ ⲙ̀ ⲡⲓⲧⲱⲟⲩⲃ̅ ⲉⲧⲟⲓ ⲛ̀ ϧⲏⲓⲃⲓ ⲟⲩⲟϩ ϩⲓ ⲫⲁϩⲟⲩ ⲙ̀ ⲙⲟϥ ϩⲁⲛϩⲑⲱⲣ ⲛ̀ ⲁⲟⲩⲁⲛ ⲛ̀ ⲭⲣⲱⲙ ⲛⲉⲙ ϩⲁⲛⲁ̀ ⲟⲩⲁⲛ ⲙ̀ ⲫⲓⲛ ⲛⲉⲙ ϩⲁⲛⲁ̀ ⲟⲩⲓ̀ⲁ̀ ⲟⲩⲁⲛ ⲛⲉⲙ ϩⲁⲛⲁ̀ ⲟⲩⲁⲛ ⲛ̀ ⲟⲩⲱⲃϣ. ⲑ̅ . Ⲟⲩⲟϩ ⲡⲉϫⲏⲓ ϫⲉ ⲟⲩ ⲛⲉ ⲛⲁⲓ Ⲡⲟ̅ ⲥ̅ ⲟⲩⲟϩ ⲡⲉϫⲁϥ ⲛⲏⲓ ⲛ̀ ϫⲉ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲁ̀ ⲛⲟⲕ ϯⲛⲁⲧⲁⲙⲟⲕ ϫⲉ ⲟⲩ ⲛⲉ ⲛⲁⲓ. ⲓ̅. Ⲟⲩⲟϩ ⲁϥⲉⲣⲟⲩⲱ̀ⲛ̀ ϫⲉ ⲡⲓⲣⲱⲙⲓ ⲫⲏⲉⲧⲟ̀ ϩⲓ ⲉ̀ ⲣⲁⲧϥ ϧⲉⲛ ⲑ̀ ⲙⲏϯ ⲛ̀ ⲛⲓⲧⲱⲟⲩ ⲟⲩⲟϩ ⲡⲉϫⲁϥ ⲛⲏⲓ ϫⲉ ⲛⲁⲓ ⲛⲉ ⲛⲏⲉⲧⲁϥⲟⲩⲟⲣⲡⲟⲩ ⲉ̀ ⲃⲟⲗ ⲛ̀ ϫⲉ Ⲡⲟ̅ ⲥ̅ ⲉ̀ ⲙⲉϣⲧ ⲡⲓⲕⲁϩⲓ. ⲓ̅ⲁ̅ . Ⲟⲩⲟϩ ⲁⲩⲉⲣⲟⲩⲱ̀ⲙ̀ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ ⲫⲏⲉⲧⲟ̀ ϩⲓ ⲉ̀ ⲣⲁⲧϥ ϧⲉⲛ ⲑ̀ ⲙⲏϯ ⲛ̀ ⲛⲓⲧⲱⲟⲩ ⲡⲉϫⲱⲟⲩ ϫⲉ ⲁⲛⲙⲉϣⲧ ⲡⲓⲕⲁϩⲓ ⲟⲩⲟϩ ⲓⲥ ⲡⲓⲕⲁϩⲓ ⲧⲏⲣϥ ⲥⲉϣⲟⲡ ⲛ̀ ϧⲏⲧϥ ⲟⲩⲟϩ ϥ̀ϩⲟⲩⲣⲱⲟⲩ. ⲓ̅ⲃ̅ . Ⲟⲩⲟϩ ⲁϥⲉⲣⲟⲩⲱ̀ⲛ̀ ϫⲉ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ ⲡⲉϫⲁϥ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϣⲁ ⲑ̀ ⲛⲁⲩ ⲭ̀ ⲛⲁⲛⲁⲓ ⲁⲛ ⲉ̀ Ⲓⲗ̅ ⲏ̅ ⲙ̅ ⲛⲉⲙ ⲛⲓⲃⲁⲕⲓ ⲛ̀ ⲧⲉ Ⲓⲟⲩⲇⲁ ⲛⲏⲉⲧⲁⲕϩⲓⲡϩⲟ ⲙ̀ ⲙⲱⲟⲩ ⲟⲩⲟϩ ⲑⲁⲓ ⲑⲙⲁϩⲟ̅ ⲛ̀ ⲣⲟⲙⲡⲓ ⲧⲉ. ⲓ̅ⲅ̅ . Ⲟⲩⲟϩ ⲁϥⲉⲣⲟⲩⲱ̀ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲙ̀ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ⲛ̀ ϩⲁⲛⲥⲁϫⲓ ⲉⲛⲁⲛⲉⲩ ⲛⲉⲙ ϩⲁⲛⲥⲁϫⲓ ⲛ̀ ⲛⲟⲙϯ. ⲓ̅ⲇ̅ . Ⲟⲩⲟϩ ⲡⲉϫⲁϥ ⲛⲏⲓ ⲛ̀ ϫⲉ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲱϣ ⲉ̀ ⲃⲟⲗ ⲉⲕϫⲱ ⲙ̀ ⲙⲟⲥ ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲁⲓⲭⲟϩ ⲉ̀ Ⲓⲗ̅ ⲏ̅ ⲙ̅ ⲛⲉⲙ Ⲥⲓⲱⲛ ϧⲉⲛ ⲟⲩⲛⲓϣϯ ⲛ̀ ⲭⲟϩ.
- 2. ⲓ̅ⲉ̅ . Ⲟⲩⲟϩ ⲁ̀ ⲛⲟⲕ ϯⲛⲁϫⲱⲛⲧ ϧⲉⲛ ⲟⲩⲛⲓϣϯ ⲛ̀ ϫⲱⲛⲧ ⲉ̀ ϫⲉⲛ ⲛⲓⲉⲑⲛⲟⲥ ⲛⲏⲉⲧⲁⲩⲧⲱⲟⲩⲛⲟⲩ ⲉ̀ ϫⲉⲛ ⲑⲏⲛⲟⲩ ⲉ̀ ⲫ̀ ⲙⲁ ϫⲉ ⲁ̀ ⲛⲟⲕ ⲙⲉⲛ ⲁⲓϫⲱⲛⲧ ⲛ̀ ⲟⲩⲕⲟⲩϫⲓ ⲛ̀ ⲑⲱⲟⲩ ⲇⲉ ⲁⲩⲧⲱⲟⲩⲛⲟⲩ ⲉ̀ ϫⲉⲛ ⲑⲏⲛⲟⲩ ⲉ̀ ϩⲁⲛⲡⲉⲧϩⲱⲟⲩ. ⲓ̅Ⲋ. Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ϫⲉ ϯⲛⲁⲧⲁⲥⲑⲟ ⲉ̀ ϫⲉⲛ Ⲓⲗ̅ ⲏ̅ ⲙ̅ ϧⲉⲛ ⲟⲩⲙⲉⲧϣⲉⲛϩⲏⲧ ⲟⲩⲟϩ ⲡⲁⲏⲓ ⲉⲩⲉ̀ ⲕⲟⲧϥ ⲛ̀ ϧⲏⲧⲥ ⲛ̀ ⲕⲉⲥⲟⲡ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲟⲩϣⲓ ⲉⲩⲉ̀ ⲫⲱⲣϣ ⲉⲧⲓ ⲉ̀ ϫⲉⲛ Ⲓⲗ̅ ⲏ̅ ⲙ̅ . ⲓ̅ⲍ̅ . Ⲟⲩⲟϩ ⲡⲉϫⲁϥ ⲛⲏⲓ ⲛ̀ ϫⲉ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲱϣ ⲉ̀ ⲃⲟⲗ ⲉⲕϫⲱ ⲙ̀ ⲙⲟⲥ ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉⲧⲓ ⲉⲩⲉ̀ ⲫⲱⲛ ⲉ̀ ⲃⲟⲗ ⲛ̀ ϫⲉ ⲛⲓⲃⲁⲕⲓ ϧⲉⲛ ϩⲁⲛⲁ̀ ⲅⲁⲑⲟⲛ ⲟⲩⲟϩ ⲉⲧⲓ ⲉϥⲉ̀ ⲛⲁⲓ ⲛ̀ Ⲥⲓⲱⲛ ⲛ̀ ϫⲉ Ⲡⲟ̅ ⲥ̅ ⲟⲩⲟϩ ⲉϥⲉ̀ ⲥⲱⲧⲡ ⲉⲧⲓ ⲛ̀ Ⲓⲗ̅ ⲏ̅ ⲙ̅ . ⲓ̅ⲏ̅ . Ⲟⲩⲟϩ ⲁⲓϥⲁⲓ ⲛ̀ ⲛⲁⲃⲁⲗ ⲉ̀ ⲡϣⲱⲓ ⲁⲓⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲇ̅ ⲛ̀ ⲧⲁⲡ. ⲓ̅ⲑ̅ . Ⲟⲩⲟϩ ⲡⲉϫⲏⲓ ⲙ̀ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲟⲩ ⲛⲉ ⲛⲁⲓ Ⲡⲟ̅ ⲥ̅ ⲡⲉϫⲁϥ ⲛⲏⲓ ϫⲉ ⲛⲁⲓ ⲛⲉ ⲛⲓⲧⲁⲡ ⲉⲧⲁⲩϫⲉⲣ Ⲓⲟⲩⲇⲁ ⲉ̀ ⲃⲟⲗ ⲛⲉⲙ Ⲡ. ⲕ̅ . Ⲟⲩⲟϩ ⲁϥⲧⲁⲙⲟⲓ ⲛ̀ ϫⲉ Ⲡⲟ̅ ⲥ̅ ⲉ̀ ⲇ̅ ⲛ̀ ⲁⲙϣⲉ. ⲕ̅ ⲁ̅ . Ⲟⲩⲟϩ ⲡⲉϫⲏⲓ ϫⲉ ⲉⲣⲉ ⲛⲁⲓⲛⲏⲟⲩ ⲉ̀ ⲉⲣ ⲟⲩ ⲟⲩⲟϩ ⲡⲉϫⲁϥ ⲛⲏⲓ ϫⲉ ⲛⲁⲓ ⲛⲉ ⲛⲓⲧⲁⲡ ⲉⲧⲁⲩϫⲉⲣ Ⲓⲟⲩⲇⲁ ⲉ̀ ⲃⲟⲗ ⲛⲉⲙ Ⲡ ⲟⲩⲟϩ ⲁⲩⲉⲣⲕⲟⲣϫⲟⲩ ⲟⲩⲟϩ ⲙ̀ ⲡⲉ ϩ̀ⲗⲓ ⲙ̀ ⲙⲱⲟⲩ ϥⲁⲓ ⲛ̀ ⲧⲉϥⲁ̀ ⲫⲉ ⲉ̀ ⲡϣⲱⲓ ⲟⲩⲟϩ ⲁⲩⲓ̀ⲉ̀ ϧⲟⲩⲛ ⲛ̀ ϫⲉ ⲛⲁⲓ ⲉ̀ ϣⲉⲡϣⲱⲡⲟⲩ ϧⲉⲛ ⲛⲟⲩϫⲓϫ ⲛⲁⲓ ⲡⲁⲓⲇ̅ ⲛ̀ ⲧⲁⲡ ⲛⲓⲉⲑⲛⲟⲥ ⲛⲉ ⲉⲧϭⲓⲥⲓ ⲙ̀ ⲙⲱⲟⲩ ⲉ̀ ϫⲉⲛ ⲡⲓⲕⲁϩⲓ ⲛ̀ ⲧⲉ Ⲡⲟ̅ ⲥ̅ ⲉ̀ ϫⲟⲣϥ ⲉ̀ ⲃⲟⲗ. ⲕⲉⲫ ⲃ̅ ⲁ̅ . Ⲟⲩⲟϩ ⲁⲓϥⲁⲓ ⲛ̀ ⲛⲁⲃⲁⲗ ⲉ̀ ⲡϣⲱⲓ ⲁⲓⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲟⲩⲣⲱⲙⲓ ⲟⲩⲟϩ ⲛⲉ ⲟⲩⲟⲛ ⲟⲩⲛⲟϩ ⲛ̀ ⲣⲱϣ ϧⲉⲛ ⲧⲉϥϫⲓϫ. ⲃ̅ . Ⲟⲩⲟϩ ⲡⲉϫⲏⲓ ⲛⲁϥ ϫⲉ ⲁⲕⲙⲟϣⲓ ⲉ̀ ⲑⲱⲛ ⲛ̀ ⲑⲟⲕ ⲟⲩⲟϩ ⲡⲉϫⲁϥ ⲛⲏⲓ ϫⲉ ⲉⲓϣⲓ ⲛ̀ Ⲓⲗ̅ ⲏ̅ ⲙ̅ ⲟⲩⲟϩ ⲉ̀ ⲛⲁⲩ ϫⲉ ⲟⲩⲁϣ ⲙⲁⲓⲏ̀ⲡⲉ ⲡⲉⲥⲟⲩⲟⲥⲑⲉⲛ ⲟⲩⲟϩ ⲟⲩⲁϣ ⲙⲁⲓⲏ̀ⲧⲉ ⲧⲉⲥϣⲓⲏ̀ . ⲅ̅ . Ⲟⲩⲟϩ ϩⲏⲡⲡⲉ ⲓⲥ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲒ ⲛ̀ ϧⲏⲧ ⲛⲁϥⲟ̀ ϩⲓ ⲉ̀ ⲣⲁⲧϥ ⲡⲉ ⲟⲩⲟϩ ⲛⲁϥⲛⲏⲟⲩ ⲉ̀ ⲃⲟⲗ ⲡⲉ ⲛ̀ ϫⲉ ⲕⲉⲁⲅⲅⲉⲗⲟⲥ ⲉⲑⲣⲉϥⲉⲣⲁ̀ ⲡⲁⲛⲧⲁⲛ ⲉ̀ ⲣⲟϥ. ⲇ̅ . Ⲟⲩⲟϩ ⲡⲉϫⲁϥ ⲛⲁϥ ⲉϥϫⲱ ⲙ̀ ⲙⲟⲥ ϫⲉ ϭⲟϫⲓ ⲥⲁϫⲓ ⲛⲉⲙ ⲡⲓϧⲉⲗϣⲓⲣⲓ ⲉⲧⲧⲏ ⲉⲕϫⲱ ⲙ̀ ⲙⲟⲥ ϫⲉ ⲉⲥⲉ̀ ϣⲱⲡⲓ ⲛ̀ ϫⲉ Ⲓⲗ̅ ⲏ̅ ⲙ̅ ⲉⲥⲟⲧⲡ ⲛ̀ ⲟⲩⲧⲁϩ ⲛ̀ ⲧⲉⲛ ⲡ̀ ⲁ̀ ϣⲁⲓ ⲛ̀ ⲛⲓⲣⲱⲙⲓ ⲛⲉⲙ ⲛⲓⲧⲉⲃⲛⲱⲟⲩⲓ̀ⲉⲧϧⲉⲛ ⲧⲉⲥⲙⲏϯ. ⲉ̅ . Ⲟⲩⲟϩ ⲁ̀ ⲛⲟⲕ ⲉⲓⲉ̀ ϣⲱⲡⲓ ⲛⲁⲥ ⲡⲉϫⲉ Ⲡⲟ̅ ⲥ̅ ⲛ̀ ⲟⲩⲥⲟⲃⲧ ⲛ̀ ⲭⲣⲱⲙ ⲉϥⲕⲱϯ ⲟⲩⲟϩ ⲉⲓⲉ̀ ϣⲱⲡⲓ ⲉⲩⲱ̀ ⲟⲩ ϧⲉⲛ ⲧⲉⲥⲙⲏϯ. Ⲋ. Ⲱ ⲱ̀ⲫⲱⲧ ⲉ̀ ⲃⲟⲗϩⲁ ⲡ̀ ⲕⲁϩⲓ ⲙ̀ ⲡⲉⲙϩⲓⲧ ⲡⲉϫⲉ Ⲡⲟ̅ ⲥ̅ ϫⲉ ⲉ̀ ⲃⲟⲗϧⲉⲛ ⲡⲓϥⲧⲟⲩ ⲑⲏⲟⲩ ⲛ̀ ⲧⲉ ⲧ̀ ⲫⲉ ⲉⲓⲉ̀ ⲑⲟⲩⲉⲧ ⲑⲏⲛⲟⲩ ⲡⲉϫⲉ Ⲡⲟ̅ ⲥ̅ . ⲍ̅ . Ⲛⲁϩⲉⲙ ⲑⲏⲛⲟⲩ ⲉ̀ ϧⲟⲩⲛ ⲉ̀ Ⲥⲓⲱⲛ ⲛⲏⲉⲧϣⲟⲡ ϧⲉⲛ ⲧ̀ ϣⲉⲣⲓ ⲙ̀ Ⲃⲁⲃⲩⲗⲱⲛ. ⲏ̅ . Ϫⲉ ⲟⲩⲏⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲁϥⲟⲩⲟⲣⲡⲧ ⲛⲱⲟⲩ ϩⲓ ⲫⲁϩⲟⲩ ⲛ̀ ⲛⲓⲉⲑⲛⲟⲥ ⲉⲧⲁⲓϣⲉⲗ ⲑⲏⲛⲟⲩ ϫⲉ ⲟⲩⲏⲓ ⲫⲏⲉⲧϭⲓⲛⲉⲙⲱⲧⲉⲛ ⲁϥ ⲙ̀ ⲫ̀ ⲣⲏϯ ⲙ̀ ⲫⲏⲉⲧϭⲓⲛⲉⲙ ⲧ̀ ⲁⲗⲗⲟⲩ ⲛ̀ ⲛⲉϥⲃⲁⲗ. ⲑ̅ . Ϫⲉ ⲟⲩⲏⲓ ϩⲏⲡⲡⲉ ⲁ̀ ⲛⲟⲕ ϯⲛⲁⲓ̀ ⲛⲓ ⲛ̀ ⲧⲁϫⲓϫ ⲟⲩⲟϩ ⲉⲩⲉ̀ ϣⲱⲡⲓ ⲉ̀ ⲡ̀ ϣⲱⲗ ⲛ̀ ⲛⲏⲉⲧⲁⲩϣⲟⲗⲟⲩ ⲟⲩⲟϩ ⲉⲣⲉⲧⲉⲛⲉ̀ ⲉ̀ ⲙⲓ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲟⲩⲟⲣⲡⲧ. ⲓ̅. Ⲟⲩⲣⲟⲧ ⲟⲩⲟϩ ⲟⲩⲛⲟϥ ⲧ̀ ϣⲉⲣⲓ ⲛ̀ Ⲥⲓⲱⲛ ϫⲉ ϩⲏⲡⲡⲉ ⲁ̀ ⲛⲟⲕ ϯⲛⲟⲩ ⲟⲩⲟϩ ⲛ̀ ⲧⲁϣⲱⲡⲓ ϧⲉⲛ ⲧⲉⲙⲏϯ ⲡⲉϫⲉ Ⲡⲟ̅ ⲥ̅ .
- 3. ⲓ̅ⲁ̅ . Ⲟⲩⲟϩ ϩⲁⲛⲙⲏϣ ⲛ̀ ⲉⲑⲛⲟⲥ ⲉⲩⲉ̀ ⲫⲱⲧ ⲉ̀ ⲣⲁⲧϥ ⲙ̀ Ⲡⲟ̅ ⲥ̅ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲟⲩⲟϩ ⲉⲩⲉ̀ ϣⲱⲡⲓ ⲛⲁϥ ⲉ̀ ⲟⲩⲗⲁⲟⲥ ⲟⲩⲟϩ ⲉⲩⲉ̀ ϣⲱⲡⲓ ϧⲉⲛ ⲧⲉⲙⲏϯ ⲟⲩⲟϩ ⲉⲣⲉⲉ̀ ⲙⲓ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲟⲩⲟⲣⲡⲧ ϩⲁⲣⲟ. ⲓ̅ⲃ̅ . Ⲟⲩⲟϩ ⲉⲣⲉ Ⲡⲟ̅ ⲥ̅ ⲉ̀ ⲉⲣⲕⲗⲏⲣⲟⲛⲟⲙⲓⲛ ⲛ̀ Ⲓⲟⲩⲇⲁ ⲧⲉϥⲧⲟⲓ ϩⲓϫⲉⲛ ⲡⲓⲕⲁϩⲓ ⲉⲑⲟⲩⲁⲃ ⲟⲩⲟϩ ⲉϥⲉ̀ ⲥⲱⲧⲡ ⲛ̀ Ⲓⲗ̅ ⲏ̅ ⲙ̅ . ⲓ̅ⲅ̅ . Ⲙⲁⲣⲟⲩⲉⲣϩⲟϯ ϧⲁⲧϩⲏ ⲙ̀ ⲡ̀ ϩⲟ ⲙ̀ Ⲡⲟ̅ ⲥ̅ ⲛ̀ ϫⲉ ⲥⲁⲣⲝ ⲛⲓⲃⲉⲛ ϫⲉ ⲁϥⲧⲱⲛϥ ⲉ̀ ⲃⲟⲗϧⲉⲛ ⲛⲉϥϭⲏⲡⲓ ⲉⲑⲟⲩⲁⲃ. ⲕⲉⲫ ⲅ̅ ⲁ̅ . Ⲟⲩⲟϩ ⲁϥⲧⲁⲙⲟ ⲛ̀ ϫⲉ Ⲡⲟ̅ ⲥ̅ ⲉ̀ Ⲓⲏⲥⲟⲩ ⲡⲓⲛⲓϣϯ ⲛ̀ ⲟⲩⲏⲃ ⲉϥⲟ̀ ϩⲓ ⲉ̀ ⲣⲁⲧϥ ⲙ̀ ⲡⲉⲙ̀ ⲑⲟ ⲙ̀ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ ⲟⲩⲟϩ ⲡⲓⲇⲓⲁⲃⲟⲗⲟⲥ ⲉϥⲟ̀ ϩⲓ ⲉ̀ ⲣⲁⲧϥ ⲥⲁⲟⲩⲓ̀ ⲛⲁⲙ ⲙ̀ ⲙⲟϥ ⲉⲑⲣⲉϥϯ ⲟⲩⲃⲏϥ. ⲃ̅ . Ⲟⲩⲟϩ ⲡⲉϫⲉ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ ⲙ̀ ⲡⲓⲇⲓⲁⲃⲟⲗⲟⲥ ϫⲉ ⲉϥⲉ̀ ⲉⲣⲉ̀ ⲡⲓⲧⲩⲙⲁⲛ ⲛ̀ ϧ̀ⲣⲏⲓ ⲛ̀ ϧⲏⲧⲕ ⲛ̀ ϫⲉ Ⲡⲟ̅ ⲥ̅ ⲡⲓⲇⲓⲁⲃⲟⲗⲟⲥ ϫⲉ ⲫⲏⲉⲧⲁϥⲥⲱⲧⲡ ⲛ̀ Ⲓⲗ̅ ⲏ̅ ⲙ̅ ⲙⲏ ⲫⲁⲓ ⲁϥ ⲙ̀ ⲫ̀ ⲣⲏϯ ⲛ̀ ⲟⲩⲇⲁⲗⲟⲥ ⲁⲛ ⲥ̀ ⲁⲩⲥⲁϧⲙⲉϥ ⲉ̀ ⲃⲟⲗϧⲉⲛ ⲟⲩⲭⲣⲱⲙ. ⲅ̅ . Ⲟⲩⲟϩ ⲛⲉ ⲟⲩⲟⲛ ϩⲁⲛϩⲃⲱⲥ ⲉⲧⲁⲑⲓⲱⲟⲩ ⲧⲟⲓ ϩⲓⲱⲧϥ ⲛ̀ Ⲓⲏⲥⲟⲩ ⲟⲩⲟϩ ⲛⲁϥⲟ̀ ϩⲓ ⲉ̀ ⲣⲁⲧϥ ⲙ̀ ⲡⲉⲙ̀ ⲑⲟ ⲙ̀ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ . ⲇ̅ . Ⲟⲩⲟϩ ⲁϥⲉⲣⲟⲩⲱ̀ⲡⲉϫⲁϥ ⲛ̀ ⲛⲏⲉⲧⲟ̀ ϩⲓ ⲉ̀ ⲣⲁⲧⲟⲩ ⲙ̀ ⲡⲉϥⲙ̀ ⲑⲟ ⲉϥϫⲱ ⲙ̀ ⲙⲟⲥ ϫⲉ ⲁ̀ ⲗⲓⲟⲩⲓ̀ ⲛ̀ ⲛⲁⲓϩⲃⲱⲥ ⲉⲧⲁⲑⲓⲱⲟⲩ ⲉ̀ ⲃⲟⲗ ϩⲓⲱⲧϥ ⲟⲩⲟϩ ⲡⲉϫⲁϥ ⲛⲁϥ ϫⲉ ϩⲏⲡⲡⲉ ⲁⲓⲱ̀ ⲗⲓ ⲛ̀ ⲛⲉⲕⲁ̀ ⲛⲟⲙⲓⲁ̀ . ⲉ̅ . Ⲟⲩⲟϩ ⲙⲟⲓ ϩⲓⲱⲧϥ ⲛ̀ ⲟⲩⲡⲟⲧⲏⲣⲓ ⲟⲩⲟϩ ⲭⲱ ϩⲓϫⲉⲛ ⲧⲉϥⲁ̀ ⲫⲉ ⲛ̀ ⲟⲩⲙⲏⲧⲣⲁ ⲉⲥⲧⲟⲩⲃⲏⲟⲩⲧ ⲟⲩⲟϩ ⲁⲩϯ ϩⲓⲱⲧϥ ⲛ̀ ϩⲁⲛϩⲃⲱⲥ ⲟⲩⲟϩ ⲁⲩⲭⲱ ⲛ̀ ⲟⲩⲙⲏⲧⲣⲁ ⲉⲥⲧⲟⲩⲃⲏⲟⲩⲧ ϩⲓϫⲉⲛ ⲧⲉϥⲁ̀ ⲫⲉ ⲟⲩⲟϩ ⲁϥⲟ̀ ϩⲓ ⲉ̀ ⲣⲁⲧϥ ⲛ̀ ϫⲉ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ . Ⲋ. Ⲁϥⲉⲣⲙⲉⲑⲣⲉ ⲇⲉ ⲛ̀ Ⲓⲏⲥⲟⲩ ⲉϥϫⲱ ⲙ̀ ⲙⲟⲥ. ⲍ̅ . Ϫⲉ ⲛⲁⲓ ⲛⲉ ⲛⲏⲉⲧⲉϥⲥⲁϫⲓ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉϣⲱⲡ ⲁⲓϣⲁⲛⲙⲟϣⲓ ϧⲉⲛ ⲡⲁⲙⲱⲓⲧ ⲟⲩⲟϩ ⲛ̀ ⲧⲉⲕⲁ̀ ⲣⲉϩ ⲉ̀ ⲛⲁⲟⲩⲁϩⲥⲁϩⲛⲓ ⲟⲩⲟϩ ⲛ̀ ⲑⲟⲕ ⲉⲕⲉ̀ ϯϩⲁⲡ ⲉ̀ ⲡⲁⲏⲓ ⲟⲩⲟϩ ⲉϣⲱⲡ ⲁⲕϣⲁⲛⲁ̀ ⲣⲉϩ ⲉ̀ ⲧⲁⲁⲩⲗⲏ ⲉⲓⲉ̀ ϯ ⲛⲁⲕ ⲛ̀ ⲛⲏⲉⲧϣⲟⲡ ϧⲉⲛ ⲑ̀ ⲙⲏϯ ⲛ̀ ⲛⲁⲓ ⲉⲧⲟ̀ ϩⲓ ⲉ̀ ⲣⲁⲧⲟⲩ. ⲏ̅ . Ⲥⲱⲧⲉⲙ ⲱ̀Ⲓⲏⲥⲟⲩ ⲡⲓⲛⲓϣϯ ⲛ̀ ⲟⲩⲏⲃ ⲛ̀ ⲑⲟⲕ ⲛⲉⲙ ⲛⲉⲕϣ̀ⲫⲏⲣ ⲛⲏⲉⲧϩⲉⲙⲥⲓ ⲙ̀ ⲡⲉⲕⲙ̀ ⲑⲟ ϫⲉ ⲟⲩⲏⲓ ϩⲁⲛⲣⲱⲙⲓ ⲛ̀ ⲣⲉϥϯϩ̀ⲑⲏⲟⲩ ⲛ̀ ϩⲁⲛϣ̀ⲫⲏⲣⲓ ⲛⲉ ϫⲉ ⲟⲩⲏⲓ ϩⲏⲡⲡⲉ ⲁ̀ ⲛⲟⲕ ϯⲛⲁⲓ̀ ⲛⲓ ⲙ̀ ⲡⲁⲃⲱⲕ ⲁ̀ ⲛⲁⲧⲟⲗⲏ. ⲑ̅ . Ϫⲉ ⲡⲓⲱ̀ ⲛⲓ ⲉⲧⲁⲓⲧⲏⲓϥ ⲙ̀ ⲡⲉⲙ̀ ⲑⲟ ⲙ̀ ⲡ̀ ϩⲟ ⲛ̀ Ⲓⲏⲥⲟⲩ ⲉ̀ ϫⲉⲛ ⲡⲓⲱ̀ ⲛⲓ ⲛ̀ ⲟⲩⲱⲧ ⲍ̅ ⲙ̀ ⲃⲁⲗ ⲛⲉ ϩⲏⲡⲡⲉ ⲁ̀ ⲛⲟⲕ ϯⲛⲁϣⲉⲕ ⲟⲩϣⲓⲕ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲡⲓϭⲓⲛ̀ ϫⲟⲛⲥ ⲛ̀ ⲧⲉ ⲡⲓⲕⲁϩⲓ ⲉⲧⲉⲙ̀ ⲙⲁⲩ ϯⲛⲁϫⲉⲙϫⲟⲙϥ ϧⲉⲛ ⲟⲩⲉ̀ ϩⲟⲟⲩ ⲛ̀ ⲟⲩⲱⲧ. ⲓ̅. Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉⲣⲉ ⲫ̀ ⲟⲩⲁⲓ ⲫ̀ ⲟⲩⲁⲓ ⲙⲟⲩϯ ⲉ̀ ⲛⲉϥϣ̀ⲫⲏⲣ ϧⲁⲣⲁⲧⲥ ⲛ̀ ⲟⲩⲃⲱⲛ̀ ⲁ̀ ⲗⲟⲗⲓ ⲛⲉⲙ ϧⲁⲣⲁⲧⲥ ⲛ̀ ⲟⲩⲃⲱⲛ̀ ⲕⲉⲛⲧⲉ. ⲕⲉⲫ ⲇ̅ ⲁ̅ . Ⲟⲩⲟϩ ⲁϥⲧⲁⲥⲑⲟ ⲛ̀ ϫⲉ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ⲟⲩⲟϩ ⲁϥⲛⲉϩⲥⲓ ⲙ̀ ⲙⲟⲓ ⲙ̀ ⲡⲓⲥⲙⲟⲧ ⲛ̀ ⲟⲩⲣⲱⲙⲓ ⲉ̀ ⲁϥⲛⲉϩⲥⲓ ⲛ̀ ⲟⲩⲁⲓ ⲉ̀ ⲃⲟⲗϩⲁ ⲡⲉϥϩⲓⲛⲓⲙ. ⲃ̅ . Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲟⲩ ⲛ̀ ⲑⲟⲕ ⲉⲧⲉⲕⲛⲁⲩ ⲉ̀ ⲣⲟϥ ⲟⲩⲟϩ ⲡⲉϫⲏⲓ ϫⲉ ⲁⲓⲛⲁⲩ ⲟⲩⲟϩ ϩⲏⲡⲡⲉ ⲓⲥ ⲟⲩⲗⲩⲭⲛⲓⲁ̀ⲉⲥⲟⲓ ⲛ̀ ⲛⲟⲩⲃ ⲧⲏⲣⲥ ⲟⲩⲟϩ ⲉⲣⲉ ⲡⲓⲗⲁⲙⲡⲁⲥ ⲥⲁⲡϣⲱⲓ ⲙ̀ ⲙⲟⲥ ⲟⲩⲟϩ ⲍ̅ ⲛ̀ ϧⲏⲃⲥ
- 4. ⲥⲁⲟϣⲱⲓ ⲙ̀ ⲙⲟⲥ ⲛⲉⲙ ⲍ̅ ⲛ̀ ⲗⲁϧⲉⲙ ⲛ̀ ⲛⲓϧⲏⲃⲥ ⲉⲧⲥⲁⲡϣⲱⲓ ⲙ̀ ⲙⲟⲥ. ⲅ̅ . Ⲟⲩⲟϩ ⲃⲱⲛ̀ ϫⲱⲓⲧ ⲥⲛⲟⲩϯ ⲥⲁⲡϣⲱⲓ ⲙ̀ ⲙⲟⲥ ⲟⲩⲓ̀ⲥⲁⲟⲩⲓ̀ ⲛⲁⲙ ⲙ̀ ⲡⲉⲥⲗⲁⲙⲡⲁⲥ ⲟⲩⲟϩ ⲟⲩⲓ̀ ⲥⲁϫⲁϭⲏ. ⲇ̅ . Ⲟⲩⲟϩ ⲁⲓϣⲓⲛⲓ ⲟⲩⲟϩ ⲡⲉϫⲏⲓ ⲙ̀ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲟⲩ ⲛⲉ ⲛⲁⲓ Ⲡⲟ̅ ⲥ̅ . ⲉ̅ . Ⲟⲩⲟϩ ⲡⲉϫⲁϥ ⲛⲏⲓ ⲉϥϫⲱ ⲙ̀ ⲙⲟⲥ ϫⲉ ⲕ̀ ⲥⲱⲟⲩⲛ ⲁⲛ ϫⲉ ⲟⲩ ⲛⲉ ⲛⲁⲓ ⲟⲩⲟϩ ⲡⲉϫⲏⲓ ϫⲉ ⲙ̀ ⲙⲟⲛ ⲡⲁⲟ̅ ⲥ̅ . Ⲋ. Ⲟⲩⲟϩ ⲁϥⲉⲣⲟⲩⲱ̀ⲡⲉϫⲁϥ ⲛⲏⲓ ⲉϥϫⲱ ⲙ̀ ⲙⲟⲥ ϫⲉ ⲫⲁⲓ ⲡⲉ ⲡ̀ ⲥⲁϫⲓ ⲛ̀ ⲧⲉ Ⲡⲟ̅ ⲥ̅ ⲉⲧϣⲟⲡ ϩⲁ Ⲍⲟⲣⲟⲃⲁⲃⲉⲗ ⲉϥϫⲱ ⲙ̀ ⲙⲟⲥ ϫⲉ ϧⲉⲛ ⲟⲩⲛⲓϣϯ ⲛ̀ ϫⲟⲙ ⲁⲛ ⲟⲩⲇⲉ ϧⲉⲛ ⲟⲩⲛⲟⲙϯ ⲁⲛ ⲁⲗⲗⲁ ϧⲉⲛ ⲡⲁⲡ̅ ⲛ̅ ⲁ̅ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲍ̅ . Ⲛ̀ ⲑⲟⲕ ⲛⲓⲙ ⲛ̀ ⲑⲟⲕ ⲡⲓⲛⲓϣϯ ⲛ̀ ⲧⲱⲟⲩ ⲫⲏⲉⲧϧⲁⲧϩⲏ ⲙ̀ ⲡϩⲟ ⲛ̀ Ⲍⲟⲣⲟⲃⲁⲃⲉⲗ ⲉⲑⲣⲉϥⲥⲱⲟⲩⲧⲉⲛ ⲟⲩⲟϩ ⲉⲓⲉ̀ ⲓ̀ ⲛⲓ ⲉ̀ ⲃⲟⲗ ⲙ̀ ⲡⲓⲱ̀ ⲛⲓ ⲛ̀ ⲧⲉ ϯⲕⲗⲏⲣⲟⲛⲟⲙⲓⲁ̀ⲉⲣⲉ ⲡⲉⲥϩⲙⲟⲧ ⲟⲓ ⲛ̀ ϩⲩⲥⲟⲥ ⲛⲉⲙ ⲟⲩϩⲙⲟⲧ. ⲏ̅ . Ⲟⲩⲟϩ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁⲣⲟⲓ ⲉϥϫⲱ ⲙ̀ ⲙⲟⲥ. ⲑ̅ . Ϫⲉ ⲛⲉⲛϫⲓϫ ⲛ̀ Ⲍⲟⲣⲟⲃⲁⲃⲉⲗ ⲁⲩϩⲓⲥⲉⲛϯ ⲙ̀ ⲡⲁⲏⲓ ⲟⲩⲟϩ ⲛⲉϥϫⲓϫ ⲉⲩⲉ̀ ϫⲟⲕϥ ⲉ̀ ⲃⲟⲗ ⲟⲩⲟϩ ⲭ̀ ⲛⲁⲉ̀ ⲙⲓ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲡⲉⲧⲁϥⲟⲩⲟⲣⲡⲧ ϩⲁⲣⲟⲕ. ⲓ̅. Ϫⲉ ⲟⲩⲏⲓ ⲛⲓⲙ ⲡⲉ ⲉⲧⲁϥϯϣⲱϣ ⲛ̀ ϩⲁⲛⲕⲟⲩϫⲓ ⲛ̀ ⲉ̀ ϩⲟⲟⲩ ⲟⲩⲟϩ ⲉⲩⲉ̀ ⲣⲁϣⲓ ⲟⲩⲟϩ ⲉⲩⲉ̀ ⲛⲁⲩ ⲉ̀ ⲡⲓⲱ̀ ⲛⲓ ⲛ̀ ⲑⲣⲁⲙ ϧⲉⲛ ⲛⲉⲛϫⲓϫ ⲛ̀ Ⲍⲟⲣⲟⲃⲁⲃⲉⲗ ⲍ̅ ⲙ̀ ⲃⲁⲗ ⲛⲉ ⲛⲁⲓ ⲛ̀ ⲧⲉ Ⲡⲟ̅ ⲥ̅ ⲛⲏⲉⲧϫⲟⲩϣⲧ ϩⲓϫⲉⲛ ⲡ̀ ⲕⲁϩⲓ ⲧⲏⲣϥ. ⲓ̅ⲁ̅ . Ⲟⲩⲟϩ ⲁⲓⲉⲣⲟⲩⲱ̀ⲡⲉϫⲏⲓ ⲛⲁϥ ϫⲉ ⲟⲩ ⲛⲉ ⲧⲁⲓⲃⲱⲛ̀ ϫⲱⲓⲧ ⲥⲛⲟⲩϯ ⲛⲏⲉⲧⲥⲁⲟⲩⲓ̀ ⲛⲁⲙ ⲛ̀ ϯⲗⲩⲭⲛⲓⲁ̀ⲛⲉⲙ ⲛⲏⲉⲧⲥⲁϫⲁϭⲏ ⲙ̀ ⲙⲟⲥ. ⲓ̅ⲃ̅ . Ⲟⲩⲟϩ ⲁⲓϣⲓⲛⲓ ⲙ̀ ⲫ̀ ⲙⲁϩ ⲥⲟⲡⲃ̅ ⲟⲩⲟϩ ⲡⲉϫⲏⲓ ⲛⲁϥ ϫⲉ ⲟⲩ ⲛⲉ ⲛⲁⲓ ⲗⲁϧⲉⲙⲃ̅ ⲛ̀ ⲧⲉ ⲛⲓⲃⲱⲛ̀ ϫⲱⲓⲧ ⲉⲧϧⲉⲛ ⲛⲉⲛϫⲓϫ ⲙ̀ ⲡⲓⲙⲁⲛϯⲥⲟⲗⲃ̅ ⲛ̀ ⲛⲟⲩⲃ ⲛⲏⲉⲧϫⲱϣ ⲟⲩⲟϩ ⲉⲧⲓ̀ ⲛⲓ ⲉ̀ ⲡϣⲱⲓ ⲛ̀ ⲛⲓⲗⲁϧⲉⲙ ⲛ̀ ⲛⲟⲩⲃ. ⲓ̅ⲅ̅ . Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲕ̀ ⲥⲱⲟⲩⲛ ⲁⲛ ϫⲉ ⲟⲩ ⲛⲉ ⲛⲁⲓ ⲟⲩⲟϩ ⲡⲉϫⲏⲓ ϫⲉ ⲙ̀ ⲙⲟⲛ Ⲡⲁⲟ̅ ⲥ̅ . ⲓ̅ⲇ̅ . Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲛⲁⲓ ⲛⲉ ⲡⲓϣⲏⲣⲓⲃ̅ ⲛ̀ ⲧⲉ ⲡⲓⲕⲉⲛⲓ ⲥⲉⲟ̀ ϩⲓ ⲉ̀ ⲣⲁⲧⲟⲩ ⲙ̀ ⲡⲉⲙ̀ ⲑⲟ Ⲡⲟ̅ ⲥ̅ ⲙ̀ ⲡ̀ ⲕⲁϩⲓ ⲧⲏⲣϥ. ⲕⲉⲫ ⲉ̅ ⲁ̅ . Ⲟⲩⲟϩ ⲁⲓⲧⲁⲥⲑⲟ ⲁⲓϥⲁⲓ ⲛ̀ ⲛⲁⲃⲁⲗ ⲉ̀ ⲡϣⲱⲓ ⲁⲓⲛⲁⲩ ⲟⲩⲟϩϩⲏⲡⲡⲉ ⲓⲥ ⲟⲩⲟⲥϧ ⲉϥϩⲁⲗⲁⲓ. ⲃ̅ . Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲟⲩ ⲛ̀ ⲑⲟⲕ ⲡⲉⲧⲉⲕⲛⲁⲩ ⲉ̀ ⲣⲟϥ ⲟⲩⲟϩ ⲡⲉϫⲏⲓ ϫⲉ ϯⲛⲁⲩ ⲁ̀ ⲛⲟⲕ ⲟⲩⲟⲥϧ ⲉϥϩⲁⲗⲁⲓ ⲉϥⲓ̀ ⲣⲓ ⲛ̀ ⲕ̅ ⲙ̀ ⲙⲁϩⲓ ⲛ̀ ϣⲓⲏ̀ⲛⲉⲙ ⲓ̅ ⲙ̀ ⲙⲁϩⲓ ⲛ̀ ⲟⲩⲟⲥⲑⲉⲛ. ⲅ̅ . Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲫⲁⲓ ⲡⲉ ⲡⲓⲥⲁϩⲟⲩⲓ̀ⲉⲑⲛⲏⲟⲩ ϩⲓϫⲉⲛ ⲡ̀ ϩⲟ ⲙ̀ ⲡⲕⲁϩⲓ ⲧⲏⲣϥ ϫⲉ ⲟⲩⲏⲓ ⲣⲉϥϭⲓⲛ̀ ϫⲟⲛⲥ ⲛⲓⲃⲉⲛ ⲉⲩⲉ̀ ⲉⲣⲡⲟⲩⲙ̀ ⲡϣⲓϣ ⲉ̀ ⲃⲟⲗϧⲉⲛ ⲫⲁⲓ ϣⲁ ⲉ̀ ϧ̀ⲣⲏⲓ ⲉ̀ ⲫ̀ ⲙⲟⲩ ⲟⲩⲟϩ ⲣⲉϥⲱⲣⲕ ⲛ̀ ⲛⲟⲩϫ ⲛⲓⲃⲉⲛ ⲉⲩⲉ̀ ⲉⲣⲡⲟⲩⲙ̀ ⲡϣⲓϣ ⲉ̀ ⲃⲟⲗϧⲉⲛ ⲫⲁⲓ ϣⲁ ⲉ̀ ϧ̀ⲣⲏⲓ ⲉ̀ ⲫ̀ ⲙⲟⲩ. ⲇ̅ . Ⲟⲩⲟϩ ⲉⲓⲉ̀ ⲉⲛϥ ⲉ̀ ⲃⲟⲗ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲉϥⲉ̀ ϣⲉⲛⲁϥ ⲉ̀ ϧⲟⲩⲛ ⲉ̀ ⲡⲏⲓ ⲙ̀ ⲡⲓⲣⲉϥϭⲓⲟⲩⲓ̀ⲛⲉⲙ ⲉ̀ ϧⲟⲩⲛ ⲉ̀ ⲡⲏⲓ ⲉ̀ ⲫⲏⲉⲧⲱⲣⲕ ⲙ̀ ⲡⲁⲣⲁⲛ ⲉ̀ ϫⲉⲛ ⲟⲩⲙⲉⲑⲛⲟⲩϫ ⲟⲩⲟϩ ⲉϥⲉ̀ ϣⲱⲡⲓ ϧⲉⲛ ⲑ̀ ⲙⲏϯ ⲙ̀ ⲡⲉϥⲏⲓ ⲟⲩⲟϩ ⲉϥⲉ̀ ⲙⲟⲛⲕϥ ⲛⲉⲙ ⲛⲉϥϣⲉ ⲛⲉⲙ ⲛⲉϥⲱ̀ ⲛⲓ. ⲉ̅ . Ⲟⲩⲟϩ ⲁϥⲓ̀ⲉ̀ ⲃⲟⲗ ⲛ̀ ϫⲉ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ⲟⲩⲟϩ ⲡⲉϫⲁϥ ⲛⲏⲓ ϫⲉ ϥⲁⲓ ⲛ̀ ⲛⲉⲕⲃⲁⲗ ⲉ̀ ⲡϣⲱⲓ ⲟⲩⲟϩ ⲁ̀ ⲛⲁⲩ ⲉ̀ ⲫⲁⲓ ⲉⲑⲛⲏⲟⲩ ⲉ̀ ⲃⲟⲗ. Ⲋ. Ⲟⲩⲟϩ ⲡⲉϫⲏⲓ ϫⲉ ⲟⲩ ⲡⲉ ⲟⲩⲟϩ ⲡⲉϫⲁϥ ϫⲉ ⲫⲁⲓ ⲡⲉ ⲡⲓϣⲓ ⲉⲑⲛⲏⲟⲩ ⲉ̀ ⲃⲟⲗ ⲟⲩⲟϩ ⲡⲉϫⲁϥ ϫⲉ ⲫⲁⲓ ⲡⲉ ⲡⲟⲩϭⲓⲛ̀ ϫⲟⲛⲥ ϧⲉⲛ ⲡ̀ ⲕⲁϩⲓ ⲧⲏⲣϥ.
- 5. ⲍ̅ . Ⲟⲩⲟϩ ϩⲏⲡⲡⲉ ⲓⲥ ⲟⲩϫⲓⲛϭⲱⲣ ⲛ̀ ⲧⲁϩⲧ ⲉⲩⲓ̀ ⲛⲓ ⲙ̀ ⲙⲟϥ ⲉ̀ ⲃⲟⲗ ⲟⲩⲟϩ ⲓⲥ ⲟⲩⲥϩⲓⲙⲓ ϧⲉⲛ ⲑ̀ ⲙⲏϯ ⲙ̀ ⲡⲓϣⲓ. ⲏ̅ . Ⲟⲩⲟϩ ⲡⲉϫⲁϥ ϫⲉ ⲑⲁⲓ ⲧⲉ ϯⲁ̀ ⲛⲟⲙⲓⲁ̀ⲟⲩⲟϩ ⲁϥⲃⲉⲣⲃⲱⲣⲥ ϧⲉⲛ ⲑ̀ ⲙⲏϯ ⲙ̀ ⲡⲓϣⲓ ⲟⲩⲟϩ ⲁϥⲃⲟⲣⲃⲉⲣ ⲙ̀ ⲡⲓⲱ̀ ⲛⲓ ⲛ̀ ⲧⲁϩⲧ ⲉ̀ ϧⲟⲩⲛ ⲉ̀ ⲣⲟⲥ. ⲑ̅ . Ⲟⲩⲟϩ ⲁⲓϥⲁⲓ ⲛ̀ ⲛⲁⲃⲁⲗ ⲉ̀ ⲡϣⲱⲓ ⲟⲩⲟϩ ϩⲏⲡⲡⲉ ⲓⲥ ⲥϩⲓⲙⲓ ⲥⲛⲟⲩϯ ⲛⲁⲩⲛⲏⲟⲩ ⲉ̀ ⲃⲟⲗ ⲟⲩⲟϩ ⲛⲉ ⲟⲩⲟⲛ ⲡ̅ ⲛ̅ ⲁ̅ ϧⲉⲛ ⲛⲟⲩⲧⲉⲛϩ ⲟⲩⲟϩ ⲛⲉ ⲟⲩⲟⲛ ϩⲁⲛⲧⲉⲛϩ ⲉ̀ ⲣⲱⲟⲩ ⲙ̀ ⲫ̀ ⲣⲏϯ ⲛ̀ ϩⲁⲛⲧⲉⲛϩ ⲛ̀ ⲧⲉ ⲟⲩⲉⲗϫⲱⲃ ⲟⲩⲟϩ ⲁⲩⲱ̀ ⲗⲓ ⲙ̀ ⲡⲓϣⲓ ⲟⲩⲧⲉ ⲑ̀ ⲙⲏϯ ⲙ̀ ⲡⲕⲁϩⲓ ⲛⲉⲙ ⲟⲩⲧⲉ ⲑⲙⲏϯ ⲛ̀ ⲧⲫⲉ. ⲓ̅. Ⲟⲩⲟϩ ⲡⲉϫⲏⲓ ⲙ̀ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲁⲣⲉ ⲛⲁⲓ ⲛⲁⲉⲗ ⲡⲓϣⲓ ⲉ̀ ⲑⲱⲛ. ⲓ̅ⲁ̅ . Ⲟⲩⲟϩ ⲡⲉϫⲁϥ ϫⲉ ⲉ̀ ⲕⲱⲧ ⲛⲁϥ ⲛ̀ ⲟⲩⲏⲓ ϧⲉⲛ ⲡⲕⲁϩⲓ ⲙ̀ Ⲃⲁⲃⲩⲗⲱⲛ ⲛⲉⲙ ⲉ̀ ⲥⲉⲃⲧⲱⲧϥ ⲟⲩⲟϩ ⲉ̀ ⲭⲁϥ ϧⲉⲛ ⲡⲓⲙⲁ ⲉⲧⲉⲙ̀ ⲙⲁⲩ ⲉ̀ ϫⲉⲛ ⲡⲉϥⲥⲟⲃϯ. ⲕⲉⲫ Ⲋ ⲁ̅ . Ⲟⲩⲟϩ ⲁⲓⲧⲁⲥⲑⲟ ⲟⲩⲟϩ ⲁⲓϥⲁⲓ ⲛ̀ ⲛⲁⲃⲁⲗ ⲟⲩⲟϩ ⲁⲓⲛⲁⲩ ⲓⲥ ⲇ̅ ⲛ̀ ϩⲁⲣⲙⲁ ⲉⲩⲛⲏⲟⲩ ⲉ̀ ⲃⲟⲗ ⲟⲩⲧⲉ ⲡⲓⲧⲱⲟⲩⲃ̅ ⲟⲩⲟϩ ⲛⲓⲧⲱⲟⲩ ϩⲁⲛⲧⲱⲟⲩ ⲛ̀ ϩⲟⲙⲧ ⲛⲉ. ⲃ̅ . Ϧⲉⲛ ⲡⲓϩⲟⲩⲓⲧ ⲛ̀ ϩⲁⲣⲙⲁ ϩⲁⲛϩⲑⲱⲣ ⲛ̀ ⲁ̀ ⲟⲩⲁⲛ ⲛ̀ ⲭⲣⲱⲙ ϧⲉⲛ ⲡⲓⲙⲁϩⲃ̅ ⲛ̀ ϩⲁⲣⲙⲁ ϩⲁⲛϩⲑⲱⲣ ⲛ̀ ⲭⲁⲙⲉ. ⲅ̅ . Ⲟⲩⲟϩ ϧⲉⲛ ⲡⲓⲙⲁϩⲅ̅ ⲛ̀ ϩⲁⲣⲙⲁ ϩⲁⲛϩⲑⲱⲣ ⲛ̀ ⲟⲩⲱⲃϣ ϧⲉⲛ ⲡⲓⲙⲁϩⲇ̅ ⲛ̀ ϩⲁⲣⲙⲁ ϩⲁⲛϩⲑⲱⲣ ⲛ̀ ⲁ̀ ⲟⲩⲁⲛ ⲙ̀ ⲫⲓⲛ. ⲇ̅ . Ⲟⲩⲟϩ ⲁⲓⲉⲣⲟⲩⲱ̀ⲡⲉϫⲏⲓ ⲙ̀ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ϫⲉ ⲟⲩⲛⲉ ⲛⲁⲓ ⲡⲁⲟ̅ ⲥ̅ . ⲉ̅ . Ⲟⲩⲟϩ ⲁϥⲉⲣⲟⲩⲱ̀ⲛ̀ ϫⲉ ⲡⲓⲁⲅⲅⲉⲗⲟⲥ ⲉⲧⲥⲁϫⲓ ⲛ̀ ϧ̀ⲣⲏⲓ ⲛ̀ ϧⲏⲧ ⲡⲉϫⲁϥ ϫⲉ ⲛⲁⲓ ⲛⲉ ⲡⲓⲇ̅ ⲛ̀ ⲑⲏⲟⲩ ⲛ̀ ⲧⲉ ⲧ̀ ⲫⲉ ⲥⲉⲛⲏⲟⲩ ⲉ̀ ⲃⲟⲗ ⲉ̀ ⲟ̀ ϩⲓ ⲉ̀ ⲣⲁⲧⲟⲩ ⲙ̀ Ⲡⲟ̅ ⲥ̅ ⲙ̀ ⲡ̀ ⲕⲁϩⲓ ⲧⲏⲣϥ. Ⲋ. Ⲫⲏⲉ̀ ⲛⲁⲣⲉ ⲛⲓϩⲑⲱⲣ ⲛ̀ ⲭⲁⲙⲉ ⲛ̀ ϧⲏⲧϥ ⲛⲁⲩⲛⲏⲟⲩ ⲉ̀ ⲃⲟⲗ ⲉ̀ ϫⲉⲛ ⲡ̀ ⲕⲁϩⲓ ⲙ̀ ⲡⲉⲙϩⲓⲧ ⲟⲩⲟϩ ⲛⲓⲟⲩⲱⲃϣ ⲛⲁⲩⲛⲏⲟⲩ ⲉ̀ ⲃⲟⲗ ⲥⲁⲙⲉⲛϩⲏⲟⲩ ⲟⲩⲟϩ ⲛⲓⲁ̀ ⲟⲩⲁⲛ ⲛⲁⲩⲛⲏⲟⲩ ⲉ̀ ⲃⲟⲗ ϩⲓϫⲉⲛ ⲡⲕⲁϩⲓ ⲙ̀ ⲫ̀ ⲣⲏⲥ. ⲍ̅ . Ⲟⲩⲟϩ ⲛⲓⲁ̀ ⲟⲩⲁⲛ ⲙ̀ ⲫⲓⲛ ⲛⲁⲩⲛⲏⲟⲩ ⲉ̀ ⲃⲟⲗ ⲥⲁⲙⲉⲛϩⲏⲟⲩ ⲟⲩⲟϩ ⲛⲁⲩϫⲟⲩϣⲧ ⲉ̀ ⲙⲟϣⲓ ⲟⲩⲟϩ ⲉ̀ ⲙⲟⲩϣⲧ ⲙ̀ ⲡⲓⲕⲁϩⲓ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲙⲁϣⲉⲛⲱⲧⲉⲛ ⲟⲩⲟϩ ⲙⲉϣⲧ ⲡⲓⲕⲁϩⲓ. ⲏ̅ . Ⲟⲩⲟϩ ⲁϥⲱϣ ⲉ̀ ⲃⲟⲗ ⲟⲩⲟϩ ⲁϥⲥⲁϫⲓ ⲛⲉⲙⲏⲓ ⲉϥϫⲱ ⲙ̀ ⲙⲟⲥ ϫⲉ ⲓⲥ ⲛⲏⲉⲑⲛⲏⲟⲩ ⲉ̀ ⲃⲟⲗ ⲉ̀ ϫⲉⲛ ⲡ̀ ⲕⲁϩⲓ ⲙ̀ ⲡⲉⲙϩⲓⲧ ⲁⲩϯⲙ̀ ⲧⲟⲛ ⲙ̀ ⲡⲁⲡ̅ ⲛ̅ ⲁ̅ ⲉ̀ ⲃⲟⲗϧⲉⲛ ⲡ̀ ⲕⲁϩⲓ ⲙ̀ ⲡⲉⲙϩⲓⲧ. ⲑ̅ . Ⲟⲩⲟϩ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁⲟⲓ ⲉϥϫⲱ ⲙ̀ ⲙⲟⲥ. ⲓ̅. Ϫⲉ ϭⲓ ⲛⲁⲕ ⲉ̀ ⲃⲟⲗϧⲉⲛ ϯⲉⲭⲙⲁⲗⲱⲥⲓⲁ̀ⲉ̀ ⲃⲟⲗ ⲛ̀ ⲧⲟⲧⲟⲩ ⲛ̀ ⲛⲓⲁⲣⲭⲱⲛ ⲉ̀ ⲃⲟⲗ ⲛ̀ ⲧⲟⲧⲟⲩ ⲛ̀ ⲛⲏⲱⲉⲧⲉⲣϣⲁⲩ ⲛ̀ ⲧⲁⲥ ⲉ̀ ⲃⲟⲗ ⲛ̀ ⲧⲟⲧⲟⲩ ⲛ̀ ⲛⲏⲉⲧⲁⲩⲥⲟⲩⲱⲛⲥ ⲟⲩⲟϩ ⲉⲕⲉ̀ ϣⲉⲛⲁⲕ ⲛ̀ ⲑⲟⲕ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉ̀ ϧ̀ⲣⲏⲓ ⲉ̀ ⲡⲏⲓ ⲛ̀ Ⲓⲱⲥⲓⲁⲥ ⲡϣⲏⲣⲓ ⲛ̀ Ⲥⲟⲫⲟⲛⲓⲁⲥ ⲫⲏⲉⲧⲁϥⲓ̀ⲉ̀ ⲃⲟⲗϧⲉⲛ Ⲃⲁⲃⲩⲗⲱⲛ. ⲓ̅ⲁ̅ . Ⲟⲩⲟϩ ⲉⲕⲉ̀ ϭⲓ ⲛ̀ ⲟⲩϩⲁⲧ ⲛⲉⲙ ⲟⲩⲛⲟⲩⲃ ⲟⲩⲟϩ ⲉⲕⲉ̀ ⲭⲁⲩ ⲉ̀ ϫⲉⲛ ⲧ̀ ⲁ̀ ⲫⲉ ⲛ̀ Ⲓⲏⲥⲟⲩ ⲡ̀ ϣⲏⲣⲓ ⲛ̀ Ⲓⲱⲥⲉⲇⲉⲕ ⲡⲓⲛⲓϣϯ ⲛ̀ ⲟⲩⲏⲃ. ⲓ̅ⲃ̅ . Ⲟⲩⲟϩ ⲁ̀ ϫⲟϥ ⲛⲁϥ ⲛⲁⲓ ⲛⲉ ⲛⲏⲉⲧⲁϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ϩⲏⲡⲡⲉ ⲓⲥ ⲟⲩⲣⲱⲙⲓ ⲉ̀ ⲡⲉϥⲣⲁⲛ ⲡⲉ Ⲁⲛⲁⲧⲟⲗⲏ ⲟⲩⲟϩ ⲉϥⲉ̀ ⲕⲱⲧ ⲙ̀ ⲡⲏⲓ ⲙ̀ Ⲡⲟ̅ ⲥ̅ . ⲓ̅ⲅ̅ . Ⲟⲩⲟϩ ⲛ̀ ⲑⲟϥ ⲉϥⲉ̀ ϭⲓ ⲛ̀ ⲟⲩⲁ̀ ⲣⲉⲧⲏ ⲟⲩⲟϩ ⲉϥⲉ̀ ϩⲉⲙⲥⲓ ⲟⲩⲟϩ ⲉϥⲉ̀ ⲉⲣⲁⲣⲭⲱⲛ ϩⲓϫⲉⲛ ⲡⲉϥⲑⲣⲟⲛⲟⲥ ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ ⲡⲓⲟⲩⲏⲃ ⲥⲁⲟⲩⲓ̀ ⲛⲁⲙ ⲙ̀ ⲙⲟϥ ⲟⲩⲟϩ ⲟⲩⲥⲟϭⲛⲓ ⲛ̀ ϩⲓⲣⲏⲣⲏⲛⲓⲕⲟⲛ ⲉϥⲉ̀ ϣⲱⲡⲓ ⲟⲩⲧⲱⲟⲩ ⲉⲩⲥⲟⲡ. ⲓ̅ⲇ̅ . Ⲡⲓⲭⲗⲟⲙ ⲇⲉ ⲉϥⲉ̀ ϣⲱⲡⲓ ⲛ̀ ⲛⲏⲉⲑⲛⲁⲉⲣϩⲩⲡⲟⲙⲉⲛⲓⲛ ⲛⲉⲙ ⲛⲓϣⲁⲩ ⲛ̀ ⲧⲁⲥ ⲛⲉⲙ
- 6. ⲛⲏⲉⲧⲁⲩⲥⲟⲩⲱⲛⲥ ⲛⲉⲙ ⲟⲩϩⲙⲟⲧ ⲛ̀ ⲧⲉ ⲛⲓϣⲏⲣⲓ ⲛ̀ ⲧⲉ Ⲥⲟⲫⲟⲛⲓⲁⲥ ⲛⲉⲙ ⲟⲩⲁⲗⲙⲟⲥ ϧⲉⲛ ⲡ̀ ⲏⲓ ⲙ̀ Ⲡⲟ̅ ⲥ̅ . ⲓ̅ⲉ̅ . Ⲟⲩⲟϩ ⲛⲓⲑⲟⲩⲏⲟⲩ ⲙ̀ ⲙⲱⲟⲩ ⲉⲩⲉ̀ ⲓ̀ⲟⲩⲟϩ ⲉⲩⲉ̀ ⲕⲱⲧ ϧⲉⲛ ⲡⲏⲓ ⲙ̀ Ⲡⲟ̅ ⲥ̅ ⲟⲩⲟϩ ⲉⲣⲉⲧⲉⲛⲉ̀ ⲉ̀ ⲙⲓ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲁϥⲟⲩⲟⲣⲡⲧ ϩⲁⲣⲱⲧⲉⲛ ⲟⲩⲟϩ ⲉⲥⲉ̀ ϣⲱⲡⲓ ⲉⲣⲉⲧⲉⲛϣⲁⲛⲥⲱⲧⲉⲙ ϧⲉⲛ ⲟⲩⲥⲱⲧⲉⲙ ⲛ̀ ⲥⲁ ⲧ̀ ⲥ̀ ⲙⲏ ⲙ̀ Ⲡⲟ̅ ⲥ̅ ⲡⲉⲧⲉⲛⲛⲟⲩϯ. ⲕⲉⲫ ⲍ̅ ⲁ̅ . Ⲟⲩⲟϩ ⲁⲥϣⲱⲡⲓ ϧⲉⲛ ϯⲙⲁϩⲇ̅ ⲛ̀ ⲣⲟⲙⲡⲓ ϩⲓ Ⲇⲁⲣⲓⲟⲥ ⲡⲟⲩⲣⲟ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁ Ⲍⲁⲭⲁⲣⲓⲁⲥ ⲛ̀ ⲥⲟⲩⲇ̅ ⲙ̀ ⲡⲓⲁ̀ ⲃⲟⲧ ⲙ̀ ⲙⲁϩⲑ̅ ⲉⲧⲉ Ⲭⲁⲥⲉⲗⲉⲧ ⲡⲉ. ⲃ̅ . Ⲟⲩⲟϩ ⲁϥϣⲱⲡⲓ ⲉ̀ ⲃⲟⲗϧⲉⲛⲂⲉⲑⲏⲗ ⲛ̀ ϫⲉ Ⲥⲁⲣⲁⲥⲁⲣ ⲛⲉⲙ Ⲁⲃⲉⲥⲉⲣ ⲡⲟⲩⲣⲟ ⲛⲉⲙ ⲛⲉϥⲣⲱⲙⲓ ⲉ̀ ⲧⲱⲃϩ ⲙ̀ Ⲡⲟ̅ ⲥ̅ ⲉϥϫⲱ ⲙ̀ ⲙⲟⲥ ⲛ̀ ⲛⲓⲟⲩⲏⲃ ⲛⲏⲉⲧϧⲉⲛ ⲡⲏⲓ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲛⲉⲙ ϩⲁⲛⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ. ⲅ̅ . Ϫⲉ ⲁⲛ ⲁϥⲓ̀ⲉ̀ ϧⲟⲩⲛ ⲛⲉⲙ ⲛⲁⲓ ⲛ̀ ϫⲉ ⲡⲓⲙⲁⲛⲧⲟⲩⲃⲟ ϧⲉⲛ ⲡⲓⲙⲁϩⲉ̅ ⲛ̀ ⲁ̀ ⲃⲟⲧ ⲉⲑⲃⲉ ϫⲉ ⲁϥⲓ̀ ⲣⲓ ϩⲏⲇⲏ ⲛ̀ ϩⲁⲛⲣⲟⲙⲡⲓ ⲉⲩⲟϣ. ⲇ̅ . Ⲟⲩⲟϩ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ⲛ̀ ⲧⲉ ⲛⲓϫⲟⲙ ϣⲱⲡⲓ ϩⲁⲣⲟⲓ ⲉϥϫⲱ ⲙ̀ ⲙⲟⲥ. ⲉ̅ . Ϫⲉ ⲁ̀ ϫⲟⲥ ⲙ̀ ⲡⲓⲗⲁⲟⲥ ⲧⲏⲣϥ ⲛ̀ ⲧⲉ ⲡ̀ ⲕⲁϩⲓ ⲛⲉⲙ ⲛⲓⲟⲩⲏⲃ ⲉⲕϫⲱ ⲙ̀ ⲙⲟⲥ ϫⲉ ⲉϣⲱⲡ ⲁⲣⲉⲧⲉⲛϣⲁⲛⲉⲣⲛⲏⲥⲧⲉⲩⲓⲛ ⲓⲉ ⲛ̀ ⲧⲉⲧⲉⲛⲛⲉϩⲡⲓ ϧⲉⲛ ⲡ̀ ⲉ̅ ⲓⲉ ϧⲉⲛ ⲡ̀ ⲍ̅ ⲟⲩⲟϩ ⲓⲥ ⲟ̅ ⲛ̀ ⲣⲟⲙⲡⲓ ⲙⲏ ⲁⲣⲉⲧⲉⲛⲉⲣⲛⲏⲥⲧⲉⲩⲓⲛ ⲛⲏⲓ ⲛ̀ ⲟⲩⲛⲏⲥⲧⲓⲁ̀ . Ⲋ. Ⲓⲥ ⲉϣⲱⲡ ⲁⲣⲉⲧⲉⲛϣⲁⲛⲟⲩⲱⲙ ⲟⲩⲟϩ ⲧⲉⲧⲉⲛⲥⲱ ⲙⲏ ⲛ̀ ⲑⲱⲧⲉⲛ ⲁⲛ ⲉⲑⲟⲩⲱⲙ ⲟⲩⲟϩ ⲉⲧⲥⲱ. ⲍ̅ . Ⲙⲏ ⲛⲁⲓ ⲁⲛ ⲛⲉ ⲛⲓⲥⲁϫⲓ ⲉⲧⲁϥⲥⲁϫⲓ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ϧⲉⲛ ⲛⲉⲛϫⲓϫ ⲛ̀ ⲛⲓⲡⲣⲟⲫⲏⲧⲏⲥ ⲉⲧϩⲓⲧϩⲏ ϩⲟⲧⲉ ⲉⲣⲉ Ⲓⲗ̅ ⲏ̅ ⲙ̅ ϫⲟⲣϫ ⲟⲩⲟϩ ⲉⲥⲉⲣⲉⲩⲑⲉⲛⲓⲛ ⲛⲉⲙ ⲛⲉⲥⲃⲁⲕⲓ ⲉⲧⲕⲱϯ ⲉ̀ ⲣⲟⲥ ⲟⲩⲟϩ ⲡⲓⲁⲛⲧⲱⲟⲩ ⲛⲉⲙ ⲡⲓⲙⲉϣϣⲱⲧ ⲉⲩϫⲟⲣϫ. ⲏ̅ . Ⲟⲩⲟϩ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁ Ⲍⲁⲭⲁⲣⲓⲁⲥ ⲉϥϫⲱ ⲙ̀ ⲙⲟⲥ. ⲑ̅ . Ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉϥϫⲱ ⲙ̀ ⲙⲟⲥ ϫⲉ ⲙⲁϩⲁⲡ ⲛ̀ ⲟⲩϩⲁⲡ ⲛ̀ ⲑⲙⲏⲓ ⲟⲩⲟϩ ⲁⲣⲓⲟⲩⲓ̀ⲛ̀ ⲟⲩⲛⲁⲓ ⲛⲉⲙ ⲟⲩⲙⲉⲧϣⲉⲛϩⲏⲧ ⲫ̀ ⲟⲩⲁⲓ ⲫ̀ ⲟⲩⲁⲓ ⲛⲉⲙ ⲡⲉϥⲥⲟⲛ. ⲓ̅. Ⲟⲩⲟϩ ⲟⲩⲭⲏⲣⲁ ⲛⲉⲙ ⲟⲩⲟⲣⲫⲁⲛⲟⲥ ⲛⲉⲙ ⲟⲩⲣⲉⲙⲛ̀ ϫⲱⲓⲗⲓ ⲛⲉⲙ ⲟⲩϩⲏⲕⲓ ⲙ̀ ⲡⲉⲣϭⲉⲡϫⲱⲣⲓ ⲉ̀ ϫⲱⲟⲩ ⲟⲩⲟϩ ⲙ̀ ⲡⲉⲛⲑⲣⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲉⲩⲓ̀ⲉ̀ ⲟⲩⲕⲁⲕⲓⲁ̀ϧⲉⲛ ⲡⲉⲧⲉⲛϩⲏⲧ ⲉ̀ ϧⲟⲩⲛ ⲉ̀ ⲡⲉϥⲥⲟⲛ. ⲓ̅ⲁ̅ . Ⲟⲩⲟϩ ⲁⲩⲉⲣⲁⲧⲑⲱⲧ ⲛ̀ ϩⲏⲧ ⲉⲑⲣⲟⲩϯϩ̀ⲑⲏⲟⲩ ⲟⲩⲟϩ ⲁⲩⲫⲱⲛϩ ⲛ̀ ⲧⲟⲩϭⲓⲥⲓ ⲉⲩⲟⲓ ⲛ̀ ⲁⲧϩⲏⲧ ⲟⲩⲟϩ ⲁⲩⲑⲣⲉ ⲛⲟⲩⲙⲁϣϫ ϩⲣⲟϣ ⲉ̀ ϣⲧⲉⲙⲥⲱⲧⲉⲙ. ⲓ̅ⲃ̅ . Ⲟⲩⲟϩ ⲁⲩⲑⲱϣ ⲙ̀ ⲡⲟⲩϩⲏⲧ ϧⲉⲛ ⲟⲩⲙⲉⲧⲁⲑⲛⲁϩϯ ⲉ̀ ϣⲧⲉⲙⲑⲣⲟⲩⲥⲱⲧⲉⲙ ⲙ̀ ⲡⲁⲛⲟⲙⲟⲥ ⲛⲉⲙ ⲛⲓⲥⲁϫⲓ ⲉⲧⲁϥϫⲟⲧⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϧⲉⲛ ⲡⲉϥⲡ̅ ⲛ̅ ⲁ̅ ϧⲉⲛ ⲛⲉⲛϫⲓϫ ⲛ̀ ⲛⲓⲡⲣⲟⲫⲏⲧⲏⲥ ⲉⲧϩⲓⲧϩⲏ ⲟⲩⲟϩ ⲁϥϣⲱⲡⲓ ⲛ̀ ϫⲉ ⲟⲩⲛⲓϣϯ ⲛ̀ ϫⲱⲛⲧ ⲉ̀ ⲃⲟⲗϩⲓⲧⲉⲛ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲅ̅ . Ⲟⲩⲟϩ ⲉⲥⲉ̀ ϣⲱⲡⲓ ⲙ̀ ⲫ̀ ⲣⲏϯ ⲉⲧⲁϥϫⲟⲥ ⲟⲩⲟϩ ⲙ̀ ⲡⲟⲩⲥⲱⲧⲉⲙ ⲛ̀ ⲥⲱϥ ⲡⲁⲓⲣⲏϯ ⲉⲩⲉ̀ ⲱϣ ⲉ̀ ⲃⲟⲗ ⲟⲩⲟϩ ⲛ̀ ⲛⲁⲥⲱⲧⲉⲙ ⲉ̀ ⲣⲱⲟⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲇ̅ . Ⲟⲩⲟϩ ⲉⲓⲉ̀ ϩⲓⲧⲟⲩ ⲉ̀ ⲃⲟⲗ ⲉ̀ ⲛⲓⲉⲑⲛⲟⲥ ⲛⲏⲉⲧⲉ ⲙ̀ ⲡⲟⲩⲥⲟⲩⲱⲛⲟⲩ ⲟⲩⲟϩ ⲡ̀ ⲕⲁϩⲓ ⲉϥⲉ̀ ⲧⲁⲕⲟ ⲥⲁⲙⲉⲛϩⲏⲟⲩ ⲉ̀ ⲃⲟⲗϧⲉⲛ ⲫⲏⲉⲑⲙⲟϣⲓ ⲛⲉⲙ ⲉ̀ ⲃⲟⲗϧⲉⲛ ⲫⲏⲉⲧⲧⲁⲥⲑⲟ ⲙ̀ ⲙⲟϥ ⲟⲩⲟϩ ⲁⲩⲑⲱϣ ⲛ̀ ⲟⲩⲕⲁϩⲓ ⲉϥⲥⲱⲧⲡ ⲉ̀ ⲡⲧⲁⲕⲟ. ⲕⲉⲫ ⲏ̅ ⲁ̅ . Ⲟⲩⲟϩ ⲁϥϣⲱⲡⲓ ⲛ̀ ϫⲉ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉϥϫⲱ ⲙ̀ ⲙⲟⲥ.
- 7. ⲃ̅ . Ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲁⲓⲭⲟϩ ⲉ̀ Ⲓⲗ̅ ⲏ̅ ⲙ̅ ⲛⲉⲙ Ⲥⲓⲱⲛ ϧⲉⲛ ⲟⲩⲛⲓϣϯ ⲛ̀ ⲭⲟϩ ⲟⲩⲟϩ ⲁⲓⲭⲟϩ ⲉ̀ ⲣⲟⲥ ϧⲉⲛ ⲟⲩⲛⲓϣϯ ⲛ̀ ϫⲱⲛⲧ. ⲅ̅ . Ⲛⲁⲓ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ ϫⲱ ⲉⲓⲉ̀ ⲧⲁⲥⲑⲟ ⲉ̀ ϫⲉⲛ Ⲥⲓⲱⲛ ⲟⲩⲟϩ ⲉⲓⲉ̀ ϣⲱⲡⲓ ϧⲉⲛ ⲑⲙⲏϯ ⲛ̀ Ⲓⲗ̅ ⲏ̅ ⲙ̅ ϫⲉ ϯⲃⲁⲕⲓ ⲙ̀ ⲙⲏⲓ ⲟⲩⲟϩ ⲡ̀ ⲧⲱⲟⲩ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲡⲓⲧⲱⲟⲩ ⲉ̅ ⲑ̅ ⲩ̅ . ⲇ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉⲧⲓ ⲉⲩⲉ̀ ϩⲉⲙⲥⲓ ⲛ̀ ϫⲉ ϩⲁⲛϧⲉⲗⲗⲟⲓ ⲛⲉⲙ ϩⲁⲛϧⲉⲗⲗⲱ ϧⲉⲛ ⲛⲓⲡⲗⲁⲧⲓⲁ̀ⲛ̀ ⲧⲉ Ⲓⲗ̅ ⲏ̅ ⲙ̅ ⲫ̀ ⲟⲩⲁⲓ ⲫ̀ ⲟⲩⲁⲓ ⲉⲣⲉ ⲡⲉϥϣⲃⲱⲧ ϧⲉⲛ ⲧⲉϥϫⲓϫ ⲛ̀ ⲧⲉⲛ ⲡ̀ ⲁ̀ ϣⲁⲓ ⲛ̀ ⲧⲉ ϩⲁⲛⲉ̀ ϩⲟⲟⲩ. ⲉ̅ . Ⲟⲩⲟϩ ⲛⲓⲡⲗⲁⲧⲓⲁ̀ⲛ̀ ⲧⲉ ϯⲃⲁⲕⲓ ⲉⲩⲉ̀ ⲙⲟϩ ⲛ̀ ϩⲁⲛⲕⲟⲩϫⲓ ⲛ̀ ⲁ̀ ⲗⲱⲟⲩⲓ̀ⲛ̀ ϩⲱⲟⲩⲧ ⲛⲉⲙ ⲕⲟⲩϫⲓ ⲛ̀ ⲁ̀ ⲗⲱⲟⲩⲓ̀ⲛ̀ ⲥϩⲓⲙⲓ ⲉⲩⲥⲱⲃⲓ ϧⲉⲛ ⲛⲉⲥⲡⲗⲁⲧⲓⲁ̀ . Ⲋ. Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲓⲥϫⲉ ⲟⲩⲟⲛ ⲟⲩⲙⲉⲧⲁⲧϫⲟⲙ ⲛⲁϣⲱⲡⲓ ⲙ̀ ⲡⲉⲙ̀ ⲑⲟ ⲙ̀ ⲡⲥⲱϫⲡ ⲙ̀ ⲡⲁⲓⲗⲁⲟⲥ ϧⲉⲛ ⲛⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲙⲏ ⲟⲩ ⲟⲛ ⲟⲩⲙⲉⲧⲁⲧϫⲟⲙ ⲛⲁϣⲱⲡⲓ ⲙ̀ ⲡⲁⲙ̀ ⲑⲟ ϩⲱ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲍ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ϩⲏⲡⲡⲉ ⲁ̀ ⲛⲟⲕ ϯⲛⲁⲛⲟϩⲉⲙ ⲙ̀ ⲡⲁⲗⲁⲟⲥ ⲉ̀ ⲃⲟⲗϧⲉⲛ ⲡⲕⲁϩⲓ ⲛ̀ ⲧⲉ ⲛⲓⲙⲁⲛϣⲁⲓ ⲛⲉⲙ ⲉ̀ ⲃⲟⲗϧⲉⲛ ⲡⲕⲁϩⲓ ⲛ̀ ⲧⲉ ⲛⲓⲙⲁⲛϩⲱⲧⲡ. ⲏ̅ . Ⲟⲩⲟϩ ⲉⲓⲉ̀ ⲟⲗⲟⲩ ⲉ̀ ϧⲟⲩⲛ ⲟⲩⲟϩ ⲉⲓⲉ̀ ⲑⲣⲟⲩϣⲱⲡⲓ ϧⲉⲛ ⲑⲙⲏϯ ⲛ̀ Ⲓⲗ̅ ⲏ̅ ⲙ̅ ⲟⲩⲟϩ ⲉⲩⲉ̀ ϣⲱⲡⲓ ⲛⲏⲓ ⲉⲩⲗⲁⲟⲥ ⲟⲩⲟϩ ⲁ̀ ⲛⲟⲕ ϩⲱ ⲉⲓⲉ̀ ϣⲱⲡⲓ ⲛⲱⲟⲩ ⲉⲩⲛⲟⲩϯ ϧⲉⲛ ⲟⲩⲙⲉⲑⲙⲏⲓ ⲛⲉⲙ ⲟⲩⲇⲓⲕⲉⲟⲥⲩⲛⲏ. ⲑ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲙⲁⲣⲟⲩϫⲉⲙⲛⲟⲙϯ ⲛ̀ ϫⲉ ⲛⲉⲧⲉⲛϫⲓϫ ⲛⲏⲉⲧⲥⲱⲧⲉⲙ ϧⲉⲛ ⲛⲁⲓⲉ̀ ϩⲟⲟⲩ ⲉ̀ ⲛⲁⲓⲥⲁϫⲓ ⲉ̀ ⲃⲟⲗϧⲉⲛ ⲣⲱⲟⲩ ⲛ̀ ⲛⲓⲡⲣⲟⲫⲏⲧⲏⲥ ⲓⲥϫⲉⲛ ⲡⲓⲉ̀ ϩⲟⲟⲩ ⲉⲧⲁⲩϩⲓⲥⲉⲛϯ ⲙ̀ ⲡⲏⲓ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲛⲉⲙ ⲓⲥϫⲉⲛ ⲉⲧⲁⲩⲕⲱⲧ ⲉ̀ ⲡⲓⲉⲣⲫⲉⲓ. ⲓ̅. Ϫⲉ ⲟⲩⲏⲓ ϧⲁϫⲱⲟⲩ ⲛ̀ ⲛⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲫ̀ ⲃⲉⲭⲉ ⲛ̀ ⲛⲓⲣⲱⲙⲓ ⲛⲁϣⲱⲡⲓ ⲛⲱⲟⲩ ⲁⲛ ⲉⲩⲥⲓ ⲟⲩⲟϩ ⲫ̀ ⲃⲉⲭⲉ ⲛ̀ ⲛⲓⲧⲉⲃⲛⲱⲟⲩⲓ̀ⲛ̀ ⲛⲉϥϣⲱⲡⲓ ⲟⲩⲟϩ ⲫⲏⲉⲑⲛⲏⲟⲩ ⲉ̀ ⲃⲟⲗ ⲛⲉⲙ ⲫⲏⲉⲑⲛⲏⲟⲩ ⲉ̀ ϧⲟⲩⲛ ⲛ̀ ⲛⲉ ϩⲓⲣⲏⲛⲏ ϣⲱⲡⲓ ⲛⲁϥ ⲉ̀ ⲃⲟⲗϧⲉⲛ ⲡⲓϩⲟϫϩⲉϫ ⲟⲩⲟϩ ϯⲛⲁⲟⲩⲱⲣⲡ ⲛ̀ ⲛⲓⲣⲱⲙⲓ ⲧⲏⲣⲟⲩ ⲡⲓⲟⲩⲁⲓ ⲡⲓⲟⲩⲁⲓ ⲉ̀ ϫⲉⲛ ⲡⲉϥϣ̀ⲫⲏⲣ. ⲓ̅ⲁ̅ . Ⲟⲩⲟϩ ϯⲛⲁⲓ̀ ⲣⲓ ⲁⲛ ⲕⲁⲧⲁ ⲛⲓⲉ̀ ϩⲟⲟⲩ ⲛ̀ ⲧⲉ ϣⲟⲣⲡ ⲛ̀ ⲛⲓⲥⲱϫⲡ ⲛ̀ ⲧⲉ ⲡⲁⲗⲁⲟⲥ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲃ̅ . Ⲁⲗⲗⲁ ϯⲛⲁⲟⲩⲱⲛϩ ⲛ̀ ⲟⲩϩⲓⲣⲏⲛⲏ ⲉ̀ ⲃⲟⲗ ϯⲃⲱⲛ̀ ⲁ̀ ⲗⲟⲗⲓ ⲛⲁϯ ⲙ̀ ⲡⲉⲥⲟⲩⲧⲁϩ ⲟⲩⲟϩ ⲡⲕⲁϩⲓ ⲉϥⲉ̀ ϯ ⲛ̀ ⲛⲉϥⲟⲩⲧⲁϩ ⲟⲩⲟϩ ⲧ̀ ⲫⲉ ⲉⲥⲉ̀ ϯ ⲛ̀ ⲧⲉⲥⲓⲱϯ ⲟⲩⲟϩ ϯⲛⲁⲑⲣⲉ ⲛⲓⲥⲱϫⲡ ⲛ̀ ⲧⲉ ⲡⲁⲗⲁⲟⲥ ⲉⲣⲕⲗⲏⲣⲟⲛⲟⲙⲓⲛ ⲛⲁⲓ ⲧⲏⲣⲟⲩ. ⲓ̅ⲅ̅ . Ⲟⲩⲟϩ ⲉⲥⲉ̀ ϣⲱⲡⲓ ⲙ̀ ⲫ̀ ⲣⲏϯ ⲉ̀ ⲛⲁⲣⲉⲧⲉⲛϣⲟⲡ ϧⲉⲛ ⲟⲩⲥⲁϩⲟⲩⲓ̀ϧⲉⲛ ⲛⲓⲉⲑⲛⲟⲥ ⲡⲏⲓ ⲛ̀ Ⲓⲟⲩⲇⲁ ⲛⲉⲙ ⲡⲏⲓ ⲙ̀ Ⲡ ⲡⲁⲓⲣⲏϯ ϯⲛⲁⲛⲁϩⲉⲙ ⲑⲏⲛⲟⲩ ⲟⲩⲟϩ ⲉⲣⲉⲧⲉⲛⲉ̀ ϣⲱⲡⲓ ϧⲉⲛ ⲟⲩⲥⲙⲟⲩ ϫⲉⲙϫⲟⲙ ⲟⲩⲟϩ ϫⲉⲙⲛⲟⲙϯ ϧⲉⲛ ⲛⲉⲧⲉⲛϫⲓϫ. ⲓ̅ⲇ̅ . Ϫⲉ ⲟⲩⲏⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲙ̀ ⲫ̀ ⲣⲏϯ ⲉⲧⲁⲓⲙⲉⲩⲓ̀ⲉ̀ ⲧ̀ ϩⲉⲙⲕⲉ ⲑⲏⲛⲟⲩ ϧⲉⲛ ⲡϫⲓⲛⲑⲣⲉ ⲛⲉⲧⲉⲛⲓⲟϯ ϯϫⲱⲛⲧ ⲛⲏⲓ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲉ̅ . Ⲟⲩⲟϩ ⲙ̀ ⲡⲓⲟⲩⲉⲙϩ̀ⲑⲏⲓ ⲡⲁⲓⲣⲏϯ ⲁⲓⲧⲁⲥⲑⲟ ⲟⲩⲟϩ ⲁⲓⲙⲉⲉⲩⲓ̀ⲛ̀ ϩ̀ⲣⲏⲓ ϧⲉⲛ ⲛⲁⲓⲉ̀ ϩⲟⲟⲩ ⲉ̀ ⲉⲣⲡⲉⲑⲛⲁⲛⲉϥ ⲛⲉⲙ Ⲓⲗ̅ ⲏ̅ ⲙ̅ ⲛⲉⲙ ⲡⲏⲓ ⲛ̀ Ⲓⲟⲩⲇⲁ ϫⲉⲙⲛⲟⲙϯ. ⲓ̅Ⲋ. Ⲟⲩⲟϩ ⲛⲁⲓ ⲛⲉ ⲛⲓⲥⲁϫⲓ ⲉ̀ ⲧⲉⲧⲉⲛⲛⲁⲁⲓⲧⲟⲩ ⲥⲁϫⲓ ⲛ̀ ⲑⲙⲏⲓ ⲡⲓⲟⲩⲁⲓ ⲡⲓⲟⲩⲁⲓ ⲛⲉⲙ ⲡⲉϥϣ̀ⲫⲏⲣ ⲟⲩⲟϩ ⲟⲩϩⲁⲡ ⲛ̀ ϩⲓⲣⲏⲛⲓⲕⲟⲛ ⲙⲁϩⲁⲡ ⲙ̀ ⲙⲟϥ ϧⲉⲛ ⲛⲉⲧⲉⲛⲡⲩⲗⲏ. ⲓ̅ⲍ̅ . Ⲟⲩⲟϩ ⲫ̀ ⲟⲩⲁⲓ ⲫ̀ ⲟⲩⲁⲓ ⲙ̀ ⲙⲱⲧⲉⲛ ⲙ̀ ⲡⲉⲛⲑⲣⲉϥⲙⲉⲩⲓ̀ⲉ̀ ⲟⲩⲕⲁⲕⲓⲁ̀ϧⲉⲛ ⲡⲉⲧⲉⲛϩⲏⲧ ⲉ̀ ϧⲟⲩⲛ ⲉ̀ ⲛⲉⲧⲉⲛⲉ̀ ⲣⲏⲟⲩ ⲟⲩⲟϩ ⲙ̀ ⲡⲉⲣⲙⲉⲛⲣⲉ ⲟⲩⲁ̀ ⲛⲁϣ ⲛ̀ ⲛⲟⲩϫ ⲛⲁⲓ ⲧⲏⲣⲟⲩ ⲁⲓⲙⲉⲥⲧⲟⲩ ⲡⲉϫⲉ Ⲡⲟ̅ ⲥ̅
- 8. Ⲡⲓⲡⲁⲛⲧⲟⲕⲣⲁⲧⲱⲣ. ⲓ̅ⲏ̅ . Ⲟⲩⲟϩ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϣⲱⲡⲓ ϩⲁⲣⲟⲓ ⲉϥϫⲱ ⲙ̀ ⲙⲟⲥ. ⲓ̅ⲑ̅ . Ϫⲉ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ϯⲛⲏⲥⲧⲓⲁ̀ⲛ̀ ⲧⲡⲓⲇ̅ ⲛⲉⲙ ϯⲛⲏⲥⲧⲓⲁ̀ⲛ̀ ⲧⲉ ⲡⲓⲉ̅ ⲛⲉⲙ ϯⲛⲏⲥⲧⲓⲁ̀ⲛ̀ ⲧⲉ ⲡⲓⲍ̅ ⲛⲉⲙ ϯⲛⲏⲥⲧⲓⲁ̀ⲛ̀ ⲧⲉ ⲡⲓⲓ̅ ⲙ̀ ⲡⲓⲉ̀ ⲩⲉ̀ ϣⲱⲡⲓ ⲙ̀ ⲡⲏⲓ ⲛ̀ Ⲓⲟⲩⲇⲁ ⲉⲩⲣⲁϣⲓ ⲛⲉⲙ ⲟⲩⲟⲩⲛⲟϥ ⲛⲉⲙ ϩⲁⲛⲉ̀ ϩⲟⲟⲩ ⲛ̀ ϣⲁⲓ ⲉⲛⲁⲛⲉⲩ ⲟⲩⲟϩ ⲉⲣⲉⲧⲉⲛⲉ̀ ⲟⲩⲛⲟϥ ⲟⲩⲟϩ ⲉⲣⲉⲧⲉⲛⲉ̀ ⲙⲉⲛⲣⲉ ϯⲙⲉⲑⲙⲏⲓⲒ ⲛⲉⲙ ϯϩⲓⲣⲏⲛⲏ. ⲕ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉⲧⲓ ⲉⲩⲉ̀ Ⲓ̀ⲛ̀ ϫⲉ ϩⲁⲛⲗⲁⲟⲥ ⲉⲩⲟϣ. ⲕ̅ ⲁ̅ . Ⲟⲩⲟϩ ⲉⲩⲉ̀ ⲑⲱⲟⲩϯ ⲛ̀ ϫⲉ ⲛⲏⲉⲧϣⲟⲡ ϧⲉⲛ ⲉ̅ ⲙ̀ ⲃⲁⲕⲓ ⲟⲩⲟϩ ⲉⲩⲉ̀ ⲓ̀ⲉ̀ ⲟⲩⲃⲁⲕⲓ ⲛ̀ ⲟⲩⲱⲧ ⲉⲩϫⲱ ⲙ̀ ⲙⲟⲥ ϫⲉ ⲙⲁⲣⲉⲛϣⲉⲛⲁⲛ ⲛ̀ ⲧⲉⲛⲧⲱⲃϩ ⲙ̀ Ⲡⲟ̅ ⲥ̅ ⲟⲩⲟϩ ⲛ̀ ⲧⲉⲛⲕⲱϯ ⲛ̀ ⲥⲁ ⲡϩⲟ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϯⲛⲁⲙⲟϣⲓ ϩⲱ. ⲕ̅ ⲃ̅ . Ⲟⲩⲟϩ ⲉⲩⲉ̀ ⲓ̀ⲛ̀ ϫⲉ ϩⲁⲛⲗⲁⲟⲥ ⲉⲩⲟϣ ⲛⲉⲙ ϩⲁⲛⲙⲏϣ ⲛ̀ ⲉⲑⲛⲟⲥ ⲉⲩⲉ̀ ⲕⲱϯ ⲛ̀ ⲥⲁ ⲡϩⲟ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϧⲉⲛ Ⲓⲗ̅ ⲏ̅ ⲙ̅ ⲛⲉⲙ ⲉ̀ ⲧⲱⲃϩ ⲙ̀ ⲡϩⲟ ⲙ̀ Ⲡⲟ̅ ⲥ̅ . ⲕ̅ ⲅ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲛ̀ ϧ̀ⲣⲏⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉϣⲱⲡ ⲁⲩϣⲁⲛⲁ̀ ⲙⲟⲛⲓ ⲛ̀ ϫⲉ ⲓ̅ ⲛ̀ ⲣⲱⲙⲓ ⲉ̀ ⲃⲟⲗϧⲉⲛ ⲛⲓⲗⲁⲟⲥ ⲧⲏⲣⲟⲩ ⲛ̀ ⲧⲉ ⲛⲓⲉⲑⲛⲟⲥ ⲉⲩⲉ̀ ⲁ̀ ⲙⲟⲛⲓ ⲙ̀ ⲡⲓϣⲧⲁϯ ⲛ̀ ⲟⲩϩⲃⲱⲥ ⲛ̀ ⲟⲩⲣⲱⲙⲓ ⲛ̀ Ⲓⲟⲩⲇⲁⲓ ⲉⲩϫⲱ ⲙ̀ ⲙⲟⲥ ϫⲉ ⲧⲉⲛⲛⲁⲙⲟϣⲓ ⲛⲉⲙⲁⲕ ϫⲉ ⲁⲛⲥⲱⲧⲉⲙ ϫⲉ Ⲫϯ ⲭⲏ ⲛⲉⲙⲱⲧⲉⲛ. ⲕⲉⲫ ⲑ̅ ⲁ̅ . Ⲫⲗⲏⲙⲙⲁ ⲙ̀ ⲡⲥⲁϫⲓ ⲙ̀ Ⲡⲟ̅ ⲥ̅ ϧⲉⲛ ⲡⲕⲁϩⲓ ⲛ̀ Ⲥⲉⲇⲣⲁⲕ ⲛⲉⲙ Ⲇⲁⲙⲁⲥⲕⲟⲥ ⲡⲉϥϣⲟⲩϣⲱⲟⲩϣⲓ ϫⲉ ⲟⲩⲏⲓ ϥ̀ϫⲟⲩϣⲧ ⲛ̀ ϫⲉ Ⲡⲟ̅ ⲥ̅ ⲉ̀ ϫⲉⲛ ⲛⲓⲣⲱⲙⲓ ⲛⲉⲙ ⲛⲓⲡⲩⲗⲏ ⲧⲏⲣⲟⲩ ⲛ̀ ⲧⲉ Ⲓⲗ̅ ⲏ̅ ⲙ̅ . ⲃ̅ . Ⲛⲉⲙ Ⲏⲙⲁⲑ ϧⲉⲛ ⲛⲉⲥⲑⲟϣ Ⲧⲩⲣⲟⲥ ⲛⲉⲙ ⲧ̀ Ⲥⲩⲇⲱⲛ ⲉⲑⲃⲉ ϫⲉ ⲁⲩⲙⲉⲩⲓ̀ⲉ̀ ϩⲁⲛϧⲉⲣⲟⲩⲱ̀ ⲉⲙⲁϣⲱ. ⲅ̅ . Ⲟⲩⲟϩ ⲁⲥⲕⲱⲧ ⲛⲁⲥ ⲛ̀ ϫⲉ Ⲧⲩⲣⲟⲥ ⲛ̀ ⲟⲩⲙⲁ ⲉϥϫⲟⲣ ⲟⲩⲟϩ ⲁⲥϩⲓⲟⲩⲓ̀ⲉ̀ ϧⲟⲩⲛ ⲛ̀ ⲟⲩϩⲁⲧ ⲙ̀ ⲫ̀ ⲣⲏϯ ⲛ̀ ⲟⲩⲕⲁϩⲓ ⲟⲩⲟϩ ⲁⲥⲑⲟⲩⲏⲧ ⲛⲟⲩⲃ ⲙ̀ ⲫ̀ ⲣⲏϯ ⲛ̀ ⲟⲩⲟ̀ ⲙⲓ ⲛ̀ ⲧⲉ ϩⲁⲛⲙⲱⲓⲧ. ⲇ̅ . Ⲉⲑⲃⲉ ⲫⲁⲓ ⲉϥⲉ̀ ⲉⲣⲕⲗⲏⲣⲟⲛⲟⲙⲓⲛ ⲙ̀ ⲙⲟⲥ ⲟⲩⲟϩ ⲉϥⲉ̀ ⲓ̀ ⲛⲓ ⲛ̀ ⲧⲉⲥϫⲟⲙ ⲉ̀ ϧ̀ⲣⲏⲓ ⲉ̀ ⲫ̀ ⲓⲟⲙ ⲟⲩⲟϩ ⲛ̀ ⲑⲟⲥ ⲉⲥⲉ̀ ⲙⲟⲩⲛⲕ ϧⲉⲛ ⲟⲩⲭⲣⲱⲙ. ⲉ̅ . Ⲉⲥⲉ̀ ⲛⲁⲩ ⲛ̀ ϫⲉ Ⲁⲥⲕⲁⲗⲱⲛ ⲟⲩⲟϩ ⲉⲥⲉ̀ ⲉⲣϩⲟϯ ⲟⲩⲟϩ Ⲅⲁⲍⲁ ⲉⲥⲉ̀ ⲉⲣⲙ̀ ⲕⲁϩⲛ̀ ϩⲏⲧ ⲉⲙⲁϣⲱ ⲟⲩⲟϩ Ⲁⲕⲕⲁⲣⲱⲛ ϫⲉ ⲁⲥϭⲓϣⲓⲡⲓ ⲟⲩⲟϩ ⲉⲥⲉ̀ ⲭⲁϩ̀ⲑⲏⲥ ϧⲉⲛ ⲡⲉⲥϩⲉⲓ ⲉ̀ ⲃⲟⲗϩⲁ ⲧⲉⲥϩⲉⲗⲡⲓⲥ ⲟⲩⲟϩ ⲉϥⲉ̀ ⲧⲁⲕⲟ ⲛ̀ ϫⲉ ⲟⲩⲟⲩⲣⲟ ⲉ̀ ⲃⲟⲗϧⲉⲛ Ⲅⲁⲍⲁ ⲟⲩⲟϩ Ⲁⲥⲕⲁⲗⲱⲛ ⲛ̀ ⲛⲉⲥϫⲱⲣϫ. Ⲋ. Ⲟⲩⲟϩ ⲉⲩⲉ̀ ϣⲱⲡⲓ ϧⲉⲛ Ⲁⲍⲱⲧⲟⲥ ⲛ̀ ϫⲉ ϩⲁⲛⲁ̀ ⲗⲗⲟⲅⲉⲛⲏⲥ ⲟⲩⲟϩ ϯⲛⲁⲑⲉⲃⲓⲟ ⲙ̀ ⲡϣⲱϣ ⲛ̀ ⲧⲉ ⲛⲓⲁⲗⲗⲟⲫⲩⲗⲟⲥ. ⲍ̅ . Ϯⲛⲁⲱ̀ ⲗⲓ ⲙ̀ ⲡⲟⲩⲥⲛⲟϥ ⲉ̀ ⲃⲟⲗϧⲉⲛ ⲣⲱⲟⲩ ⲛⲉⲙ ⲛⲟⲩⲱ̀ ⲣⲉⲃ ⲉ̀ ⲃⲟⲗϧⲉⲛ ⲑⲙⲏϯ ⲛ̀ ⲛⲟⲩⲛⲁϫϩⲓ ⲟⲩⲟϩ ⲉⲩⲉ̀ ⲥⲱϫⲡ ⲙ̀ ⲡⲟⲩⲛⲟⲩϯ ⲛ̀ ϫⲉ ⲛⲁⲓⲕⲉⲭⲱⲟⲩⲛⲓ ⲟⲩⲟϩ ⲉⲩⲉ̀ ϣⲱⲡⲓ ⲙ̀ ⲫ̀ ⲣⲏϯ ⲛ̀ ⲟⲩⲭⲓⲗⲓⲁⲣⲭⲟⲥ ϧⲉⲛ Ⲓⲟⲩⲇⲁ ⲟⲩⲟϩ Ⲁⲕⲕⲁⲣⲱⲛ ⲉⲥⲉ̀ ⲉⲣ ⲙ̀ ⲫ̀ ⲣⲏϯ ⲙ̀ ⲡⲓⲈⲃⲟⲩⲥⲉⲟⲥ. ⲏ̅ . Ⲟⲩⲟϩ ϯⲛⲁⲥⲉⲙⲛⲓ ⲛ̀ ⲟⲩⲧⲁϩⲟ ⲉ̀ ⲣⲁⲧϥ ⲙ̀ ⲡⲁⲏⲓ ⲉ̀ ϣⲧⲉⲙⲑⲣⲉ ϩ̀ⲗⲓ ⲥⲓⲛⲓ ⲉ̀ ⲃⲟⲗϩⲓⲧⲟⲧϥ ⲟⲩⲇⲉⲉ ⲉ̀ ϣⲧⲉⲙⲑⲣⲉ ϩⲗⲓ ⲧⲁⲥⲑⲟ ⲟⲩⲟϩ ⲛ̀ ⲧⲉϥⲓ̀ⲉ̀ ϩ̀ⲣⲏⲓ ⲉ̀ ϫⲱⲟⲩ ⲛ̀ ϫⲉ ⲫⲏⲉⲧϭⲱⲣⲉⲙ ϫⲉ ⲟⲩⲏⲓ ⲁⲓⲛⲁⲩ ϯⲛⲟⲩ ϧⲉⲛ ⲛⲁⲃⲁⲗ. ⲑ̅ . Ⲣⲁϣⲓ ⲉⲙⲁϣⲱ ⲧ̀ ϣⲉⲣⲓ ⲛ̀ Ⲥⲓⲱⲛ ϩⲓⲱⲓϣ ⲧ̀ ϣⲉⲣⲓ ⲛ̀ Ⲓⲗ̅ ⲏ̅ ⲙ̅ ϩⲏⲡⲡⲉ ⲓⲥ ⲡⲉⲟⲩⲣⲟ ⲉϥⲛⲏⲟⲩ ⲛⲉ ⲉ̀ ⲟⲩⲑⲙⲏⲓ ⲡⲉ ⲟⲩⲟϩ ⲟⲩⲣⲉϥⲛⲟϩⲉⲙ ⲡⲉ ⲛ̀ ⲑⲟϥ ⲟⲩⲣⲉⲙⲣⲁⲩϣ ⲡⲉ ⲟⲩⲟϩ ⲉϥⲧⲁⲗⲏⲟⲩⲧ ⲉ̀ ϫⲉⲛ ⲟⲩⲓⲱ
- 9. ⲛⲉⲙ ⲟⲩⲥⲏϫ ⲙ̀ ⲃⲉⲣⲓ. ⲓ̅. Ⲟⲩⲟϩ ⲉϥⲉ̀ ϥⲱϯ ⲛ̀ ϩⲁⲛϩⲁⲣⲙⲁ ⲉ̀ ⲃⲟⲗϧⲉⲛ Ⲉⲫⲣⲉⲙ ⲛⲉⲙ ⲟⲩϩ̀ⲑⲟ ⲉ̀ ⲃⲟⲗϧⲉⲛ Ⲓⲗ̅ ⲏ̅ ⲙ̅ ⲟⲩⲟϩ ⲉⲥⲉ̀ ϥⲱϯ ⲉ̀ ⲃⲟⲗ ⲛ̀ ϫⲉ ⲟⲩⲫⲓϯ ⲙ̀ ⲡⲟⲗⲉⲙⲓⲕⲟⲛ ⲛⲉⲙ ⲟⲩⲙⲏϣ ⲛⲉⲙ ⲟⲩϩⲓⲣⲏⲛⲏ ⲉ̀ ⲃⲟⲗϧⲉⲛ ϩⲁⲛⲉⲑⲛⲟⲥ ⲟⲩⲟϩ ⲉϥⲉ̀ ⲉⲣⲁⲣⲭⲱⲛ ⲉ̀ ϫⲉⲛ ϩⲁⲛⲙⲱⲟⲩ ϣⲁ ⲫ̀ ⲓⲟⲙ ⲛⲉⲙ ⲉ̀ ϫⲉⲛ ϩⲁⲛⲓⲁⲣⲱⲟⲩ ϩⲁⲛⲙⲱⲓⲧ ⲉ̀ ⲃⲟⲗ ⲛ̀ ⲧⲉ ⲟⲩⲕⲁϩⲓ. ⲓ̅ⲁ̅ . Ⲟⲩⲟϩ ⲛ̀ ⲑⲟⲕ ϧⲉⲛ ⲡⲥⲛⲟϥ ⲛ̀ ⲟⲩⲇⲓⲁ̀ ⲑⲏⲕⲏ ⲁⲕⲟⲩⲟⲣⲡ ⲉ̀ ⲃⲟⲗϧⲉⲛ ⲛⲏⲉⲧⲥⲟⲛϩ ⲛ̀ ⲧⲁⲕ ⲉ̀ ⲃⲟⲗϧⲉⲛ ⲟⲩⲗⲁⲕⲕⲟⲥ ⲙ̀ ⲙⲟⲛ ⲙⲱⲟⲩ ⲛ̀ ϧⲏⲧϥ. ⲓ̅ⲃ̅ . Ⲉⲣⲉⲧⲉⲛⲉ̀ ϩⲉⲙⲥⲓ ϧⲉⲛ ⲟⲩⲙⲁ ⲉϥⲧⲁϫⲣⲏⲟⲩⲧ ⲛⲏⲉⲧⲥⲟⲛϩ ⲛ̀ ⲧⲉ ϯⲥⲩⲛⲁⲅⲱⲅⲏ ⲟⲩⲟϩ ⲛ̀ ⲧ̀ ϣⲉⲃⲓⲱ ⲛ̀ ⲟⲩⲉ̀ ϩⲟⲟⲩ ⲛ̀ ⲟⲩⲱⲧ ⲛ̀ ⲧⲉ ⲡⲉⲕϫⲓⲛϫⲱⲓⲗⲓ ϯⲛⲁϣⲉⲃⲓⲱ ⲛⲁⲕ ⲉϥⲕⲏⲃ. ⲓ̅ⲅ̅ . Ϫⲉ ⲟⲩⲏⲓ ⲁⲓϭⲱⲗⲕ ⲛⲏⲓ ⲛ̀ Ⲓⲟⲩⲇⲁ ⲉⲩⲫⲓϯ ⲁⲓ... ⲛ̀ Ⲉⲫⲣⲉⲙ ⲟⲩⲟϩ ⲛⲉⲛϣⲏⲣⲓ ⲛ̀ Ⲥⲓⲱⲛ ϯⲛⲁⲧⲟⲩⲛⲟⲥⲟⲩ ⲉ̀ ϫⲉⲛ ⲛⲓϣⲏⲣⲓ ⲛ̀ ⲧⲉ ⲛⲓⲞⲩⲉⲓⲛⲓⲛ ⲟⲩⲟϩ ϯⲛⲁϫⲟⲙϫⲉⲙ ⲉ̀ ⲣⲟ ⲙ̀ ⲫ̀ ⲣⲏϯ ⲛ̀ ⲟⲩⲥⲏϥⲓ ⲛ̀ ⲧⲉ ⲟⲩⲣⲉϥϯ. ⲓ̅ⲇ̅ . Ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ Ⲡⲟ̅ ⲥ̅ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲟⲩⲟϩ ⲉϥⲉ̀ ⲓ̀ⲉ̀ ⲃⲟⲗ ⲛ̀ ϫⲉ ⲟⲩⲥⲟⲑⲛⲉϥ ⲙ̀ ⲫ̀ ⲣⲏϯ ⲛ̀ ⲟⲩⲥⲉⲧⲉⲃⲣⲏϫ ⲟⲩⲟϩ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉϥⲉ̀ ⲉⲣⲥⲁⲗⲡⲓⲍⲓⲛ ϧⲉⲛ ⲟⲩⲥⲁⲗⲡⲓⲅⲝ ⲟⲩⲟϩ ⲉϥⲉ̀ ⲙⲟϣⲓ ϧⲉⲛ ⲟⲩⲙⲟⲛⲙⲉⲛ ⲛ̀ ⲧⲉ ⲟⲩϫⲱⲛⲧ. ⲓ̅ⲉ̅ . Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉϥⲉ̀ ⲉⲣⲛⲁϣϯ ⲛⲱⲟⲩ ⲟⲩⲟϩ ⲉϥⲉ̀ ⲙⲟⲛⲕⲟⲩ ⲉ̀ ⲃⲟⲗ ⲟⲩⲟϩ ⲉϥⲉ̀ ⲑⲟⲙⲥⲟⲩ ϧⲉⲛ ϩⲁⲛⲱ̀ ⲛⲓ ⲛ̀ ⲧⲉ ⲟⲩⲥⲫⲉⲛⲇⲟⲛⲏ ⲟⲩⲟϩ ⲉⲩⲉ̀ ⲥⲱ ⲙ̀ ⲡⲟⲩⲥⲛⲟϥ ⲙ̀ ⲫ̀ ⲣⲏϯ ⲛ̀ ⲟⲩⲏⲣⲡ ⲟⲩⲟϩ ⲉϥⲉ̀ ⲙⲟϩ ⲛ̀ ⲛⲟⲩⲙⲁⲛⲉⲣϣⲱⲟⲩϣⲓ ⲙ̀ ⲫ̀ ⲣⲏϯ ⲛ̀ ϩⲁⲛⲫⲩⲁⲗⲏ. ⲓ̅Ⲋ. Ⲟⲩⲟϩ ⲉϥⲉ̀ ⲛⲁϩⲙⲟⲩ ⲛ̀ ϫⲉ Ⲡⲟ̅ ⲥ̅ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲙ̀ ⲫ̀ ⲣⲏϯ ⲛ̀ ϩⲁⲛⲉ̀ ⲥⲱⲟⲩ ⲛ̀ ⲧⲉ ⲡⲉϥⲗⲁⲟⲥ ϫⲉ ⲟⲩⲏⲓ ϩⲁⲛⲱ̀ ⲛⲓ ⲉⲩⲟⲩⲁⲃ ⲉⲩⲉ̀ ⲥⲕⲉⲣⲕⲉⲣ ϩⲓϫⲉⲛ ⲡⲉϥⲕⲁϩⲓ. ⲓ̅ⲍ̅ . Ϫⲉ ⲁ̀ ⲅⲁⲑⲟⲛ ⲛⲓⲃⲉⲛ ⲛⲟⲩϥ ⲛⲉ ⲟⲩⲟϩ ⲡⲉⲑⲛⲁⲛⲉϥ ⲛⲓⲃⲉⲛ ⲛⲟⲩϥ ⲡⲉ ⲡⲓⲥⲟⲩⲟ̀ⲛ̀ ⲛⲓϧⲉⲗϣⲓⲣⲓ ⲟⲩⲟϩ ⲡⲓⲏⲣⲡ ⲉⲩⲥⲑⲟⲓⲛⲟⲩϥⲓ ⲛ̀ ⲛⲓⲡⲁⲣⲑⲉⲛⲟⲥ. ⲕⲉⲫ ⲓ̅ ⲁ̅ . Ⲁⲣⲓⲉ̀ ⲧⲓⲛ ⲛ̀ ⲟⲩⲙⲟⲩⲛϩⲱⲟⲩ ⲛ̀ ⲧⲉⲛ Ⲡⲟ̅ ⲥ̅ ⲙ̀ ⲡⲉϥⲥⲏⲟⲩ ⲛ̀ ϣⲟⲣⲡ ⲛⲉⲙ ϧⲁⲉ̀Ⲡⲟ̅ ⲥ̅ ⲁϥⲓ̀ ⲣⲓ ⲛ̀ ϩⲁⲛⲫⲁⲛⲧⲁⲥⲓⲁ̀ⲛⲉⲙ ⲟⲩⲙⲟⲩⲛϩⲱⲟⲩ ⲛ̀ ⲧⲫⲣⲱ ⲉϥⲉ̀ ϯ ⲙ̀ ⲫⲟⲩⲁⲓ ⲫⲟⲩⲁⲓ ⲙ̀ ⲙⲱⲟⲩ ⲛ̀ ⲟⲩⲥⲓⲙ ϧⲉⲛ ⲧ̀ ⲕⲟⲓ. ⲃ̅ . Ϫⲉ ⲟⲩⲏⲓ ⲛⲏⲉⲧⲉⲣⲟⲩⲱ̀ⲁⲩⲥⲁϫⲓ ⲛ̀ ϩⲁⲛϧⲓⲥⲓ ⲟⲩⲟϩ ⲛⲓⲣⲉϥϣⲉⲛϩⲓⲛ ⲁⲩⲥⲁϫⲓ ⲛ̀ ϩⲁⲛϩⲟⲣⲁⲥⲓⲥ ⲙ̀ ⲙⲉⲑⲛⲟⲩϫ ⲛⲁⲩϯϩⲟ ϧⲉⲛ ϩⲁⲛⲙⲉⲧⲉ̀ ⲫⲗⲏⲟⲩ ⲉⲑⲃⲉ ⲫⲁⲓ ⲁⲩϣⲱⲡⲓ ⲙ̀ ⲫ̀ ⲣⲏϯ ⲛ̀ ϩⲁⲛⲉ̀ ⲥⲱⲟⲩ ⲟⲩⲟϩ ⲁⲩⲧⲁⲕⲟ ϫⲉ ⲙ̀ ⲙⲟⲛ ⲧⲁⲗϭⲟ. ⲅ̅ . Ⲁϥϫⲱⲛⲧ ⲛ̀ ϫⲉ ⲡⲁⲙ̀ ⲃⲟⲛ ⲉ̀ ϫⲉⲛ ⲛⲓⲙⲁⲛⲉ̀ ⲥⲱⲟⲩ ⲟⲩⲟϩ ϯⲛⲁϫⲉⲙⲡϣⲓⲛⲓ ⲛ̀ ⲛⲓϩⲓⲏⲃ ⲁⲛ ⲟⲩⲟϩ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲉϥⲉ̀ ϫⲉⲙⲡϣⲓⲛⲓ ⲙ̀ ⲡⲉϥⲟ̀ ϩⲓ ⲡⲏⲒ ⲛ̀ Ⲓⲟⲩⲇⲁ ⲟⲩⲟϩ ⲉϥⲑ̀ ⲁϣⲟⲩ ⲙ̀ ⲫ̀ ⲣⲏϯ ⲛ̀ ⲟⲩϩ̀ⲑⲟ ⲛ̀ ⲧⲁϥ ⲉⲛⲉⲥⲱϥ ϧⲉⲛ ⲡⲓⲡⲟⲗⲉⲙⲟⲥ. ⲇ̅ . Ⲟⲩⲟϩ ⲁϥϫⲟⲩϣⲧ ⲉ̀ ⲃⲟⲗ ⲛ̀ ϧⲏⲧϥ ⲟⲩⲟϩ ⲉ̀ ⲃⲟⲗ ⲛ̀ ϧⲏⲧϥ ⲧⲉ ⲧⲉϥⲫⲓϯ ϧⲉⲛ ⲟⲩⲙ̀ ⲃⲟⲛ ⲉϥⲉ̀ ⲓ̀ⲉ̀ ⲃⲟⲗ ⲛ̀ ϧⲏⲧϥ ⲛ̀ ϫⲉ ⲟⲩⲟⲛ ⲛⲓⲃⲉⲛ ⲉⲧϭⲱⲣⲉⲙ ϧⲉⲛ ⲡⲓⲙⲁ ⲛ̀ ⲟⲩⲱⲧ. ⲉ̅ . Ⲟⲩⲟϩ ⲉⲩⲉ̀ ϣⲱⲡⲓ ⲙ̀ ⲫ̀ ⲣⲏϯ ⲛ̀ ϩⲁⲛⲣⲉϥϯ ⲉⲩϩⲱⲙⲓ ⲛ̀ ⲟⲩⲟ̀ ⲙⲓ ϧⲉⲛ ⲛⲓⲙⲱⲓⲧ ϧⲉⲛ ⲟⲩⲡⲟⲗⲉⲙⲟⲥ ⲟⲩⲟϩ ⲉⲩⲉ̀ ⲃⲱⲧⲥ ϫⲉ ⲟⲩⲏⲓ Ⲡⲟ̅ ⲥ̅ ⲭⲏ ⲛⲉⲙⲱⲟⲩ ⲟⲩⲟϩ ⲉⲩⲉ̀ ϭⲓϣⲓⲡⲓ ⲛ̀ ϫⲉ ⲛⲏⲉⲧⲧⲁⲗⲏⲟⲩⲧ ⲉ̀ ⲛⲓϩⲑⲱⲣ. Ⲋ. Ⲟⲩⲟϩ ⲉⲓⲉ̀ ϯϫⲟⲙ ⲙ̀ ⲡⲏⲓ ⲛ̀ Ⲓⲟⲩⲇⲁ ⲟⲩⲟϩ ⲉⲓⲉ̀ ⲛⲟϩⲉⲙ ⲙ̀ ⲡⲏⲓ ⲛ̀ Ⲓⲱⲥⲏⲫ ⲟⲩⲟϩ ϯⲛⲁⲑⲣⲟⲩϫⲣⲱϫ ϫⲉ ⲁⲓⲙⲉⲛⲣⲓⲧⲟⲩ ⲟⲩⲟϩ ⲉⲥⲉ̀ ϣⲱⲡⲓ ⲙ̀ ⲫ̀ ⲣⲏϯ ⲉⲧⲉ ⲙ̀ ⲡⲓⲧⲁⲥⲑⲟ ⲉ̀ ⲃⲟⲗϩⲁⲣⲱⲟⲩ ϫⲉ ⲁ̀ ⲛⲟⲕ ⲡⲉ Ⲡⲟ̅ ⲥ̅ ⲡⲟⲩⲛⲟⲩϯ ⲟⲩⲟϩ ⲉⲓⲉ̀ ⲥⲱⲧⲉⲙ ⲉ̀ ⲣⲱⲟⲩ.
- 10. ⲍ̅ . Ⲟⲩⲟϩ ⲉⲩⲉ̀ ϣⲱⲡⲓ ⲙ̀ ⲫ̀ ⲣⲏϯ ⲛ̀ ϩⲁⲛⲣⲉϥϯ ⲛ̀ ⲧⲉ Ⲉⲫⲣⲉⲙ ⲟⲩⲟϩ ⲉϥⲉ̀ ⲣⲁϣⲓ ⲛ̀ ϫⲉ ⲡⲟⲩϩⲏⲧ ⲙ̀ ⲫ̀ ⲣⲏϯ ϧⲉⲛ ⲟⲩⲏⲣⲡ ⲟⲩⲟϩ ⲉⲩⲉ̀ ⲛⲁⲩ ⲛ̀ ϫⲉ ⲛⲟⲩϣⲏⲣⲓ ⲟⲩⲟϩ ⲉⲩⲉ̀ ⲟⲩⲛⲟϥ ⲟⲩⲟϩ ⲉϥⲉ̀ ⲣⲁϣⲓ ⲛ̀ ϫⲉ ⲡⲟⲩϩⲏⲧ ϧⲉⲛ Ⲡⲟ̅ ⲥ̅ . ⲏ̅ . Ϯⲛⲁϯ ⲛⲱⲟⲩ ⲛ̀ ⲟⲩⲙⲏⲓⲛⲓ ⲟⲩⲟϩ ϯⲛⲁϣⲟⲡⲟⲩ ⲉ̀ ⲣⲟⲓ ϫⲉ ⲟⲩⲏⲓ ϯⲛⲁⲥⲟⲧⲟⲩ ⲟⲩⲟϩ ⲉⲩⲉ̀ ⲁ̀ ϣⲁⲓ ϫⲉ ⲟⲩⲏⲓ ⲛⲁⲩⲟϣ ⲡⲉ. ⲑ̅ . Ⲟⲩⲟϩ ϯⲛⲁϭⲱⲟⲩ ϧⲉⲛ ϩⲁⲛⲗⲁⲟⲥ ⲟⲩⲟϩ ⲛⲏⲉⲧϩⲓⲫ̀ ⲟⲩⲉⲓ ⲉⲩⲉ̀ ⲉⲣⲡⲁⲙⲉⲩⲓ̀ⲟⲩⲟϩ ⲉⲩⲉ̀ ϣⲁⲛⲉϣ ⲛⲟⲩϣⲏⲣⲓ ⲟⲩⲟϩ ⲉⲩⲉ̀ ⲧⲁⲥⲑⲟ. ⲓ̅. Ⲟⲩⲟϩ ⲉⲓⲉ̀ ⲧⲁⲥⲑⲱⲟⲩ ⲉ̀ ⲃⲟⲗϧⲉⲛ ⲡ̀ ⲕⲁϩⲓ ⲛ̀ Ⲭⲏⲙⲓ ⲟⲩⲟϩ ⲉⲓⲉ̀ ϣⲟⲡⲟⲩ ⲉ̀ ⲣⲟⲓ ⲉ̀ ⲃⲟⲗϧⲉⲛ ⲛⲓⲀⲥⲥⲩⲣⲓⲟⲥ ⲟⲩⲟϩ ⲉⲓⲉ̀ ⲟⲗⲟⲩ ⲉ̀ ⲃⲟⲗϧⲉⲛ Ⲅⲁⲗⲁⲁⲇ ⲛⲉⲙ ⲉ̀ ϧⲟⲩⲛ ⲉ̀ ⲡⲓⲖⲓⲃⲁⲛⲟⲥ ⲟⲩⲟϩ ⲛ̀ ⲛⲉ ⲟⲩⲁⲓ ⲥⲱϫⲡ ⲉ̀ ⲃⲟⲗ ⲛ̀ ϧⲏⲧⲟⲩ. ⲓ̅ⲁ̅ . Ⲟⲩⲟϩ ⲉⲩⲉ̀ ⲥⲓⲛⲓ ⲉ̀ ⲃⲟⲗϧⲉⲛ ⲫ̀ ⲓⲟⲙ ⲉⲧϫⲏⲟⲩ ⲟⲩⲟϩ ⲉⲩⲉ̀ ϣⲁⲣⲓ ⲉ̀ ϩⲁⲛϩⲱⲓⲙⲓ ϧⲉⲛ ⲫ̀ ⲓⲟⲙ ⲟⲩⲟϩ ⲉⲩⲉ̀ ϣⲱⲟⲩⲓ̀ⲧⲏⲣⲟⲩ ⲛ̀ ϫⲉ ⲛⲏⲉⲧⲏⲡ ⲛ̀ ⲧⲉ ⲛⲓⲓⲁⲣⲱⲟⲩ ⲟⲩⲟϩ ⲉⲩⲉ̀ ⲱ̀ ⲗⲓ ⲙ̀ ⲡϣⲱϣ ⲧⲏⲣϥ ⲛ̀ ⲧⲉ ⲛⲓⲀⲥⲥⲩⲣⲓⲟⲥ ⲟⲩⲟϩ ϯϭⲏⲡⲓ ⲛ̀ ⲧⲉ Ⲭⲏⲙⲓ ⲉⲩⲉ̀ ϥⲟⲧⲥ ⲉ̀ ⲃⲟⲗ. ⲓ̅ⲃ̅ . Ⲟⲩⲟϩ ⲉⲓⲉ̀ ϯϫⲟⲙ ⲛⲱⲟⲩ ϧⲉⲛ Ⲡⲟ̅ ⲥ̅ ⲡⲟⲩⲛⲟⲩϯ ⲟⲩⲟϩ ⲉⲩⲉ̀ ϣⲟⲩϣⲟⲩ ⲙ̀ ⲙⲱⲟⲩ ϧⲉⲛ ⲡⲉϥⲣⲁⲛ ⲡⲉϫⲉ Ⲡⲟ̅ ⲥ̅ . ⲕⲉⲫ ⲓ̅ⲁ̅ ⲁ̅ . Ⲁⲟⲩⲱⲛ ⲛ̀ ⲛⲉⲕⲣⲱⲟⲩ ⲡⲓⲖⲓⲃⲁⲛⲟⲥ ⲟⲩⲟϩ ⲙⲁⲣⲉϥⲟⲩⲱⲙ ⲛ̀ ⲛⲉⲕϣⲉⲛⲥⲓϥⲓ ⲛ̀ ϫⲉ ⲟⲩⲭⲣⲱⲙ. ⲃ̅ . Ⲙⲁⲣⲉϥⲉ̀ ϣⲗⲏⲗⲟⲩⲓ̀ⲉ̀ ⲃⲟⲗ ⲛ̀ ϫⲉ ⲡⲓⲧⲩⲥ ϫⲉ ⲟⲩⲏⲓ ⲁϥϩⲉⲓ ⲛ̀ ϫⲉ ⲡⲓϣⲉⲛⲥⲓϥⲓ ϫⲉ ⲁⲩⲉⲣⲧⲁⲗⲉⲡⲱⲣⲓⲛ ⲛ̀ ϫⲉ ⲛⲓⲛ̀ ϩ̀ⲣⲏⲓ ⲉⲙⲁϣⲱ ⲉϣⲗⲏⲗⲟⲩⲓ̀ⲉ̀ ⲃⲟⲗ ⲛⲓϣϣⲏⲛ ⲛ̀ ⲧⲉ ⲑ̀ Ⲃⲁⲥⲁⲛ ϫⲉ ⲁⲩⲉⲣⲕⲱⲣϫ ⲙ̀ ⲡⲓⲙⲁⲛ̀ ϣϣⲏⲛ ⲉⲧϭⲏⲟⲩⲧ. ⲅ̅ . Ⲡϧⲣⲱⲟⲩ ⲛ̀ ⲛⲓⲙⲁⲛⲉ̀ ⲥⲱⲟⲩ ⲉⲩϩⲏⲃⲓ ϫⲉ ⲁⲥⲉⲣⲧⲁⲗⲉⲡⲱⲣⲓⲛ ⲛ̀ ϫⲉ ⲧⲟⲩⲙⲉⲧⲛⲓϣϯ ⲛ̀ ϧ̀ⲣⲱⲟⲩ ⲛ̀ ϩⲁⲛⲙⲟⲩⲓ̀ⲉⲩϩⲉⲙϩⲉⲙ ϫⲉ ⲁϥⲉⲣⲧⲁⲗⲉⲡⲱⲣⲓⲛ ⲛ̀ ϫⲉ ⲡϭⲓⲥⲓ ⲛ̀ ⲧⲉ ⲡⲓⲒⲟⲣⲇⲁⲛⲏⲥ. ⲇ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲁ̀ ⲙⲟⲛⲓ ⲛ̀ ⲛⲓⲉ̀ ⲥⲱⲟⲩ ⲛ̀ ⲧⲉ ⲡ̀ ϧⲟⲗϧⲉⲗ. ⲉ̅ . Ⲛⲁⲓ ⲉⲧⲁ ⲛⲏⲉⲧⲁⲩϫⲫⲱⲟⲩ ϧⲉⲗϧⲱⲗⲟⲩ ⲟⲩⲟϩ ⲛⲁⲩⲟⲩⲱⲙ ⲛ̀ ϩ̀ⲑⲏⲟⲩ ⲁⲛ ⲡⲉ ⲟⲩⲟϩ ⲛⲏⲉ̀ ⲛⲁⲩϯ ⲙ̀ ⲙⲱⲟⲩ ⲉ̀ ⲃⲟⲗ ⲛⲁⲩϫⲱ ⲙ̀ ⲙⲟⲥ ϫⲉ ϥ̀ⲥ̀ ⲙⲁⲣⲱⲟⲩⲧ ⲛ̀ ϫⲉ Ⲡⲟ̅ ⲥ̅ ⲟⲩⲟϩ ⲁⲛⲉⲣⲣⲁⲙⲁⲟ̀ ⲟⲩⲟϩ ⲛⲟⲩⲙⲁⲛⲉ̀ ⲥⲱⲟⲩ ⲛⲁⲩϣⲉⲡⲙ̀ ⲕⲁϩ ⲛ̀ ϩ̀ⲗⲓ ⲁⲛ ⲡⲉ ⲉ̀ ϩ̀ⲣⲏⲓ ⲉ̀ ϫⲱⲟⲩ. Ⲋ. Ⲉⲑⲃⲉ ⲫⲁⲓ ϯⲛⲁϯⲁ̀ ⲥⲟ ⲁⲛ ϫⲉ ⲉ̀ ⲛⲏⲉⲧϣⲟⲡ ϩⲓϫⲉⲛ ⲡ̀ ⲕⲁϩⲓ ⲡⲉϫⲉ Ⲡⲟ̅ ⲥ̅ ⲟⲩⲟϩ ϩⲏⲡⲡⲉ ⲁ̀ ⲛⲟⲕ ϯⲛⲁϯ ⲛ̀ ⲛⲓⲣⲱⲙⲓ ⲫⲟⲩⲁⲓ ⲫⲟⲩⲁⲓ ⲉ̀ ϧ̀ⲣⲏⲒ ⲉ̀ ⲛⲉⲛϫⲓϫ ⲙ̀ ⲡⲉϥϣ̀ⲫⲏⲣ ⲛⲉⲙ ⲧ̀ ϫⲓϫ ⲙ̀ ⲡⲉϥⲟⲩⲣⲟ ⲟⲩⲟϩ ⲉⲩⲉ̀ ϭⲟⲧϭⲉⲧ ⲙ̀ ⲡⲕⲁϩⲓ ⲟⲩⲟϩ ϯⲛⲁⲛⲁϩⲙⲟⲩ ⲁⲛ ⲉ̀ ⲃⲟⲗϧⲉⲛ ⲛⲟⲩϫⲓϫ. ⲍ̅ . Ⲟⲩⲟϩ ϯⲛⲁⲁ̀ ⲙⲟⲛⲓ ⲛ̀ ⲛⲓⲉ̀ ⲥⲱⲟⲩ ⲛ̀ ⲧⲉ ⲡϧⲟⲗϧⲉⲗ ⲡ̀ ⲕⲁϩⲓ ⲛ̀ Ⲭⲁⲛⲁⲁⲛ ⲟⲩⲟϩ ϯⲛⲁϭⲓ ⲛⲏⲓ ⲛ̀ ϣⲃⲱⲧⲃ̅ ⲡⲓⲟⲩⲁⲓ ⲙ̀ ⲙⲱⲟⲩ ⲁⲓⲙⲟⲩϯ ⲉ̀ ⲣⲟϥ ϫⲉ ⲡⲥⲁⲓ ⲡⲓⲕⲉⲟⲩⲁⲓ ⲁⲓⲙⲟⲩϯ ⲉ̀ ⲣⲟϥ ϫⲉ ⲫⲛⲟϩ ⲛ̀ ⲣⲱϣ ⲟⲩⲟϩ ϯⲛⲁⲁ̀ ⲙⲟⲛⲓ ⲛ̀ ⲛⲁⲉ̀ ⲥⲱⲟⲥⲱⲟⲩ. ⲏ̅ . Ⲟⲩⲟϩ ϯⲛⲁϥⲱϯ ⲉ̀ ⲃⲟⲗ ⲙ̀ ⲡⲓⲅ̅ ⲙ̀ ⲙⲁⲛⲉ̀ ⲥⲱⲟⲩ ϧⲉⲛ ⲟⲩⲁ̀ ⲃⲟⲧ ⲛ̀ ⲟⲩⲱⲧ ⲟⲩⲟϩ ⲉⲥⲉ̀ ϩⲣⲟϣ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲛ̀ ϫⲉ ⲧⲁⲩⲭⲏ ⲕⲉ ⲅⲁⲣ ⲁⲩϩⲉⲙϩⲉⲙ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲛ̀ ϫⲉ ⲛⲟⲩⲩⲭⲏ. ⲑ̅ . Ⲟⲩⲟϩ ⲁⲓϫⲟⲥ ϫⲉ ϯⲛⲁⲁ̀ ⲙⲟⲛⲓ ⲙ̀ ⲙⲱⲧⲉⲛ ⲁⲛ ⲫⲏⲉⲑⲛⲁⲙⲟⲩⲛⲕ ⲙⲁⲣⲉϥⲙⲟⲩⲛⲕ ⲟⲩⲟϩ ⲛⲓⲥⲱϫⲡ ⲙⲁⲣⲉ ⲡⲓⲟⲩⲁⲓ ⲡⲓⲟⲩⲁⲓ ⲟⲩⲱⲙ ⲛ̀ ⲛⲓⲥⲁⲣⲝ ⲛ̀ ⲧⲉ ⲡⲉϥϣⲫⲏⲣ. ⲓ̅. Ⲟⲩⲟϩ ⲉⲓⲉ̀ ϭⲓ ⲙ̀ ⲡⲓϣⲃⲱⲧ ⲉⲑⲛⲁⲛⲉϥ ⲟⲩⲟϩ ⲉⲓⲉ̀ ⲃⲉⲣⲃⲱⲣϥ ⲉⲑⲣⲉϥϫⲱⲣ ⲉ̀ ⲃⲟⲗ ⲛ̀ ⲧⲁⲇⲓⲁ̀ ⲑⲏⲕⲏ ⲉⲧⲁⲓⲥⲉⲙⲛⲏⲧⲥ ⲛⲉⲙ ⲛⲓⲗⲁⲟⲥ ⲧⲏⲣⲟⲩ.
- 11. ⲓ̅ⲁ̅ . Ⲟⲩⲟϩ ⲉⲥⲉ̀ ϫⲱⲣ ⲉ̀ ⲃⲟⲗ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲟⲩⲟϩ ⲉⲩⲉ̀ ⲉ̀ ⲙⲓ ⲛ̀ ϫⲉ ⲛⲓⲬⲁⲛⲁⲛⲉⲟⲥ ⲛⲓⲉ̀ ⲥⲱⲟⲩ ⲉⲧⲟⲩⲁ̀ ⲣⲉϩ ⲉ̀ ⲣⲱⲟⲩ ϫⲉ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ⲡⲉ. ⲓ̅ⲃ̅ . Ⲟⲩⲟϩ ⲉⲓⲉ̀ ϫⲟⲥ ⲛⲱⲟⲩ ϫⲉ ⲓⲥϫⲉ ⲛⲁⲛⲉⲥ ⲙ̀ ⲡⲉⲧⲉⲛⲙ̀ ⲑⲟ ⲙⲟⲓ ⲛⲏⲓ ⲉ̀ ⲁⲣⲉⲧⲉⲛⲥⲉⲙⲛⲉ ⲡⲁⲃⲉⲭⲉ ⲓⲉ ⲙ̀ ⲙⲟⲛ ⲁⲣⲓⲁ̀ ⲡⲟⲧⲁⲍⲉⲥⲑⲉ ⲟⲩⲟϩ ⲁⲩⲥⲉⲙⲛⲓ ⲙ̀ ⲡⲁⲃⲉⲭⲉ ⲗ̅ ⲛ̀ ϩⲁⲧ. ⲓ̅ⲅ̅ . Ⲟⲩⲟϩ ⲡⲉϫⲉ Ⲡⲟ̅ ⲥ̅ ⲛⲏⲓ ϫⲉ ϩⲓⲧⲟⲩ ⲉ̀ ⲡⲓⲙⲁⲛ̀ ⲟⲩⲱⲧϩ ⲟⲩⲟϩ ϫⲉⲙⲡϣⲓⲛⲓ ϫⲉ ⲁⲛ ϥ̀ⲥⲟⲧⲡ ⲙ̀ ⲫ̀ ⲣⲏϯ ⲉⲧⲁⲩⲉⲣⲇⲟⲕⲓⲙⲁⲍⲓⲛ ⲙ̀ ⲙⲟⲛ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲟⲩⲟϩ ⲁⲓϭⲓ ⲛ̀ ϯⲗ̅ ⲛ̀ ϩⲁⲧ ⲟⲩⲟϩ ⲁⲓϩⲓⲧⲟⲩ ⲉ̀ ϧⲟⲩⲛ ⲉ̀ ⲡⲏⲓ ⲙ̀ Ⲡⲟ̅ ⲥ̅ ⲉ̀ ⲡⲓⲙⲁⲛ̀ ⲟⲩⲱⲧϩ. ⲓ̅ⲇ̅ . Ⲟⲩⲟϩ ⲁⲓⲃⲟⲣⲃⲉⲣ ⲙ̀ ⲡⲓϣⲃⲱⲧ ⲙ̀ ⲙⲁϩⲃ̅ ⲉⲧⲉ ⲡⲓⲛⲟϩ ⲛ̀ ⲣⲱϣ ⲡⲉ ⲉ̀ ⲡϫⲓⲛϫⲱⲣ ⲉ̀ ⲃⲟⲗ ⲙ̀ ⲡⲓⲁ̀ ⲙⲁϩⲓ ϧⲉⲛ ⲑⲙⲏϯ ⲛ̀ Ⲓⲟⲩⲇⲁ ⲛⲉⲙ ϧⲉⲛ ⲑⲙⲏϯ ⲙ̀ Ⲡ. ⲓ̅ⲉ̅ . Ⲟⲩⲟϩ ⲡⲉϫⲉ Ⲡⲟ̅ ⲥ̅ ⲛⲏⲓ ϫⲉ ⲉⲧⲓ ϭⲓ ⲛⲁⲕ ⲛ̀ ϩⲁⲛⲥⲕⲉⲩⲟⲥ ⲛ̀ ⲧⲉ ⲟⲩⲙⲁⲛⲉ̀ ⲥⲱⲟⲩ ⲛ̀ ⲁⲧⲉ̀ ⲙⲓ. ⲓ̅Ⲋ. Ϫⲉ ⲟⲩⲏⲓ ϩⲏⲡⲡⲉ ⲁ̀ ⲛⲟⲕ ϯⲛⲁⲧⲟⲩⲛⲟⲥ ⲟⲩⲙⲁⲛⲉ̀ ⲥⲱⲟⲩ ϩⲓϫⲉⲛ ⲡⲓⲕⲁϩⲓ ⲫⲏⲉⲑⲛⲁⲙⲟⲩⲛⲕ ⲛ̀ ⲛⲉϥϫⲉⲙⲡⲉϥϣⲓⲛⲓ ⲟⲩⲟϩ ⲫⲏⲉⲧϫⲏⲣ ⲉ̀ ⲃⲟⲗ ⲛ̀ ⲛⲉϥⲕⲱϯ ⲛ̀ ⲥⲱϥ ⲟⲩⲟϩ ⲫⲏⲉⲧϧⲉⲙϧⲱⲙ ⲛ̀ ⲛⲉϥⲧⲁⲗϭⲟϥ ⲟⲩⲟϩ ⲫⲏⲉⲧⲟⲩⲟϫⲡ ⲛ̀ ⲛⲉϥⲥⲟⲩⲧⲱⲛϥ ⲟⲩⲟϩ ⲛⲓⲁϥⲟⲩⲓ̀ⲛ̀ ⲧⲉ ⲛⲏⲉⲧⲥⲟⲧⲡ ⲉϥⲉ̀ ⲟⲩⲟⲙⲟⲩ ⲟⲩⲟϩ ⲛⲟⲩⲕⲉⲗⲓ ⲉϥⲉ̀ ⲫⲟⲛϩⲟⲩ. ⲓ̅ⲍ̅ . Ⲱ ⲛⲏⲉⲑⲙⲟⲛⲓ ⲛ̀ ⲛⲓⲙⲉⲧⲉ̀ ⲫⲗⲏⲟⲩ ⲛⲉⲙ ⲛⲏⲉⲧⲁⲩⲭⲱ ⲛ̀ ⲥⲱⲟⲩ ⲛ̀ ⲛⲓⲉ̀ ⲥⲱⲟⲩ ⲟⲩⲥⲏϥⲓ ⲉⲥⲉ̀ ⲓ̀ ⲉ̀ ϫⲉⲛ ⲡⲉϥϣⲱⲃϣ ⲛⲉⲙ ⲉ̀ ϫⲉⲛ ⲡⲉϥⲃⲁⲗ ⲛ̀ ⲟⲩⲓ̀ ⲛⲁⲙ ⲡⲉϥϣⲱⲃϣ ϧⲉⲛ ⲟⲩϣⲱⲟⲩⲓ̀ⲉϥⲉ̀ ϣⲱⲟⲩⲓ̀ ⲟⲩⲟϩ ⲡⲉϥⲃⲁⲗ ⲛ̀ ⲟⲩⲓ̀ ⲛⲁⲙ ϧⲉⲛ ⲟⲩⲙⲉⲧⲃⲉⲗⲗⲉ ⲉϥⲉ̀ ⲉⲣⲃⲉⲗⲗⲉ. ⲕⲉⲫ ⲓ̅ⲃ̅ ⲁ̅ . Ⲫⲗⲏⲙⲙⲁ ⲙ̀ ⲡⲥⲁϫⲓ ⲙ̀ Ⲡⲟ̅ ⲥ̅ ⲉ̀ ϫⲉⲛ Ⲡ ϥ̀ϫⲱ ⲙ̀ ⲙⲟⲥ ⲛ̀ ϫⲉ Ⲡⲟ̅ ⲥ̅ ⲉϥⲫⲱⲣϣ ⲛ̀ ⲧⲫⲉ ⲉ̀ ⲃⲟⲗ ⲟⲩⲟϩ ⲉϥϩⲓⲥⲉⲛϯ ⲙ̀ ⲡ̀ ⲕⲁϩⲓ ⲟⲩⲟϩ ⲉϥⲙⲟⲩⲛⲕ ⲙ̀ ⲡⲓⲡ̅ ⲛ̅ ⲁ̅ ⲛ̀ ⲧⲉ ⲡⲓⲣⲱⲙⲓ ⲛ̀ ϧⲏⲧϥ. ⲃ̅ . Ϩⲏⲡⲡⲉ ϯⲛⲁⲭⲱ ⲛ̀ Ⲓⲗ̅ ⲏ̅ ⲙ̅ ⲙ̀ ⲫ̀ ⲣⲏϯ ⲛ̀ ϩⲁⲛⲣⲱⲟⲩ ⲥⲁⲃⲟⲗ ⲉⲩⲕⲓⲙ ⲛ̀ ⲛⲓⲗⲁⲟⲥ ⲧⲏⲣⲟⲩ ⲉⲧⲕⲱϯ ⲉ̀ ⲣⲟⲥ ⲛⲉⲙ ϧⲉⲛ ϯⲒⲟⲩⲇⲉⲁ̀ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ ⲟⲩⲧⲁⲕⲟ ⲉ̀ ϫⲉⲛ Ⲓⲗ̅ ⲏ̅ ⲙ̅ . ⲅ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉⲓⲉ̀ ⲭⲱ ⲛ̀ Ⲓⲗ̅ ⲏ̅ ⲙ̅ ⲙ̀ ⲫ̀ ⲣⲏϯ ⲛ̀ ⲟⲩⲱ̀ ⲛⲓ ⲉⲩϩⲱⲙⲓ ⲉ̀ ϫⲱⲥ ⲛ̀ ϫⲉ ⲛⲓⲉⲑⲛⲟⲥ ⲧⲏⲣⲟⲩ ⲟⲩⲟⲛ ⲛⲓⲉⲑⲛⲁϩⲱⲙⲓ ⲙ̀ ⲙⲟⲥ ϧⲉⲛ ⲟⲩⲥⲱⲃⲓ ⲉϥⲉ̀ ⲥⲱⲃⲓ ⲟⲩⲟϩ ⲉⲩⲉ̀ ⲑⲱⲟⲩϯ ⲉ̀ ϩ̀ⲣⲏⲓ ⲉ̀ ϫⲱⲥ ⲛ̀ ϫⲉ ⲛⲓⲉⲑⲛⲟⲥ ⲧⲏⲣⲟⲩ ⲛ̀ ⲧⲉ ⲡⲕⲁϩⲓ. ⲇ̅ . Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϯⲛⲁϣⲁⲣⲓ ⲉ̀ ϩⲑⲟ ⲛⲓⲃⲉⲛ ϧⲉⲛ ⲟⲩⲧⲱⲙⲧ ⲟⲩⲟϩ ⲫⲏⲉⲧⲧⲁⲗⲏⲟⲩⲧ ⲉ̀ ⲣⲟϥ ϧⲉⲛ ⲟⲩⲙⲉⲧⲁⲧϩⲏⲧ ϯⲛⲁⲟⲩⲱⲛ ⲇⲉ ⲛ̀ ⲛⲁⲃⲁⲗ ⲉ̀ ϫⲉⲛⲡⲏⲓ ⲛ̀ Ⲓⲟⲩⲇⲁ ⲟⲩⲟϩ ⲛⲓϩⲑⲱⲣ ⲧⲏⲣⲟⲩ ⲛ̀ ⲧⲉ ⲡⲓⲗⲁⲟⲥ ϯⲛⲁϣⲁⲣⲓ ⲉ̀ ⲣⲱⲟⲩ ϧⲉⲛ ⲟⲩⲙⲉⲧⲃⲉⲗⲗⲉ. ⲉ̅ . Ⲟⲩⲟϩ ⲉⲩⲉ̀ ϫⲟⲥ ϧⲉⲛ ⲛⲟⲩϩⲏⲧ ⲛ̀ ϫⲉ ⲛⲓⲭⲓⲗⲓⲁⲣⲭⲟⲥ ⲛ̀ ⲧⲉ Ⲓⲟⲩⲇⲁ ϫⲉ ⲙⲁⲣⲉⲛϫⲓⲙⲓ ⲛⲁⲛ ⲛ̀ ⲛⲏⲉⲧϣⲟⲡ ϧⲉⲛ Ⲓⲗ̅ ⲏ̅ ⲙ̅ ϧⲉⲛ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲡⲟⲩⲛⲟⲩϯ. Ⲋ. Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ϯⲛⲁⲭⲱ ⲛ̀ ⲛⲓⲭⲓⲗⲓⲁⲣⲭⲟⲥ ⲛ̀ ⲧⲉ Ⲓⲟⲩⲇⲁ ⲙ̀ ⲫ̀ ⲣⲏϯ ⲛ̀ ⲟⲩⲇⲁⲗⲟⲥ ⲛ̀ ⲭⲣⲱⲙ ϧⲉⲛ ϩⲁⲛϣⲉ ⲛⲉⲙ ⲙ̀ ⲫ̀ ⲣⲏϯ ⲛ̀ ⲟⲩⲗⲁⲙⲡⲁⲥ ⲛ̀ ⲭⲣⲱⲙ ϧⲉⲛ ϩⲁⲛⲥⲟⲩⲣⲓ ⲟⲩⲟϩ ⲉⲩⲉ̀ ⲟⲩⲱⲙ ⲛ̀ ⲥⲁⲟⲩⲓ̀ ⲛⲁⲙ ⲛⲉⲙ ⲥⲁϫⲁϭⲏ ⲛ̀ ⲛⲓⲗⲁⲟⲥ ⲧⲏⲣⲟⲩ ⲉⲧⲕⲱϯ ⲉ̀ ⲣⲟⲥ ⲟⲩⲟϩ ⲉⲥⲉ̀ ϫⲱⲣϫ ⲛ̀ ϫⲉ Ⲓⲗ̅ ⲏ̅ ⲙ̅ ϧⲁⲣⲓϧⲁⲣⲟⲥ. ⲍ̅ . Ⲟⲩⲟϩ ⲉⲣⲉ Ⲡⲟ̅ ⲥ̅ ⲛⲟϩⲉⲙ ⲛ̀ ⲛⲓⲙⲁⲛϣⲱⲡⲓ ⲛ̀ ⲧⲉ Ⲓⲟⲩⲇⲁ ⲛ̀ ϣⲟⲣⲡ ϩⲟⲡⲱⲥ ⲛ̀ ⲧⲉϥϣ̀ⲧⲉⲙϭⲓⲥⲓ ⲛ̀ ϫⲉ ⲡ̀ ϣⲟⲩϣⲟⲩ ⲙ̀ ⲡⲏⲓ ⲛ̀ Ⲇⲁⲩⲓⲇ ⲛⲉⲙⲡϭⲓⲥⲓ ⲛ̀ ⲛⲏⲉⲧϣⲟⲡ ϧⲉⲛ Ⲓⲗ̅ ⲏ̅ ⲙ̅ ⲉ̀ ϫⲉⲛ Ⲓⲟⲩⲇⲁ. ⲏ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉϥⲉ̀ ⲉⲣⲛⲁϣϯ ⲛ̀ ϫⲉ Ⲡⲟ̅ ⲥ̅ ⲛ̀ ⲛⲏⲉⲧϣⲟⲡ ϧⲉⲛ Ⲓⲗ̅ ⲏ̅ ⲙ̅ ⲟⲩⲟϩ ⲫⲏⲉⲧⲟⲓ ⲛ̀ ϫⲱⲃ ⲛ̀ ϧⲏⲧⲟⲩ ⲉϥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲙ̀ ⲫ̀ ⲣⲏϯ ⲙ̀ ⲡⲏⲓ ⲛ̀ Ⲇⲁⲩⲓⲇ ⲡⲏⲓ ⲇⲉ ⲛ̀ Ⲇⲁⲩⲓⲇ ⲙ̀ ⲫ̀ ⲣⲏϯ ⲙ̀ ⲡⲏⲓ ⲙ̀ Ⲫϯ ⲙ̀ ⲫ̀ ⲣⲏϯ ⲛ̀ ⲟⲩⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ ⲙ̀ ⲡⲟⲩⲙ̀ ⲑⲟ.
- 12. ⲑ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ϯⲛⲁⲕⲱϯ ⲉ̀ ⲃⲟⲗ ⲛ̀ ⲛⲓⲉⲑⲛⲟⲥ ⲧⲏⲣⲟⲩ ⲛⲏⲉⲑⲛⲏⲟⲩ ⲉ̀ ϫⲉⲛ Ⲓⲗ̅ ⲏ̅ ⲙ̅ . ⲓ̅. Ⲟⲩⲟϩ ϯⲛⲁϫⲱϣ ⲉ̀ ϫⲉⲛ ⲡⲏⲓ ⲛ̀ Ⲇⲁⲩⲓⲇ ⲛⲉⲙ ⲛⲏⲉⲧϣⲟⲡ ϧⲉⲛ Ⲓⲗ̅ ⲏ̅ ⲙ̅ ⲛ̀ ⲟⲩⲡ̅ ⲛ̅ ⲁ̅ ⲛ̀ ⲟⲩϩ̀ⲙⲟⲧ ⲛⲉⲙ ⲙⲉⲧϣⲉⲛϩⲏⲧ ⲟⲩⲟϩ ⲉⲩⲉ̀ ϫⲟⲩϣⲧ ⲉ̀ ϩ̀ⲣⲏⲓ ϩⲁⲣⲟⲓ ⲉ̀ ⲫ̀ ⲙⲁ ϫⲉ ⲁⲩϭⲟⲥϫⲉⲥ ⲟⲩⲟϩ ⲉⲩⲉ̀ ⲛⲉϩⲡⲓ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲛ̀ ⲟⲩⲛⲉϩⲡⲓ ⲙ̀ ⲫ̀ ⲣⲏϯ ⲛ̀ ⲟⲩⲙⲉⲛⲣⲓⲧ ⲟⲩⲟϩ ⲉⲩⲉ̀ ⲉⲣⲙ̀ ⲕⲁϩ ⲛ̀ ϩⲏⲧ ⲙ̀ ⲫ̀ ⲣⲏϯ ⲉ̀ ϫⲉⲛ ⲟⲩϣⲁⲙⲓⲥⲓ. ⲓ̅ⲁ̅ . Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉϥⲉ̀ ⲁ̀ ϣⲁⲓ ϧⲉⲛ Ⲓⲗ̅ ⲏ̅ ⲙ̅ ⲛ̀ ϫⲉ ⲡⲓⲛⲉϩⲡⲓ ⲙ̀ ⲫ̀ ⲣⲏϯ ⲙ̀ ⲡⲛⲉϩⲡⲓ ⲛ̀ ⲟⲩⲓⲁϩⲛ̀ ⲉⲣⲙⲁⲛ ⲉⲩⲕⲱⲣϫ ⲙ̀ ⲙⲟϥ ϧⲉⲛ ⲟⲩⲙⲉϣϣⲱⲧ. ⲓ̅ⲃ̅ . Ⲟⲩⲟϩ ⲉϥⲉ̀ ⲛⲉϩⲡⲓ ⲛ̀ ϫⲉ ⲡⲕⲁϩⲓ ⲕⲁⲧⲁ ⲫⲩⲗⲏ ⲟⲩⲫⲩⲗⲏ ϧⲁⲣⲓϧⲁⲣⲟⲥ ⲛⲉⲙ ⲛⲟⲩϩⲓⲟⲙⲓ ϧⲁⲣⲓϧⲁⲣⲱⲟⲩ ⲧⲫⲩⲗⲏ ⲙ̀ ⲡⲏⲓ ⲛ̀ Ⲇⲁⲩⲓⲇ ϧⲁⲣⲓϧⲁⲣⲟⲥ ⲛⲉⲙ ⲛⲟⲩϩⲓⲟⲙⲓ ϧⲁⲣⲓϧⲁⲣⲱⲟⲩ. ⲓ̅ⲅ̅ . Ⲧⲫⲩⲗⲏ ⲙ̀ ⲡⲏⲓ ⲛ̀ Ⲅⲁⲑ ϧⲁⲣⲓϧⲁⲣⲟⲥ ⲛⲉⲙ ⲛⲟⲩⲕⲉϩⲓⲟⲙⲓ ϧⲁⲣⲓϧⲁⲣⲱⲟⲩ ⲧⲫⲩⲗⲏ ⲙ̀ ⲡⲏⲓ ⲛ̀ Ⲗⲉⲩⲓ̀ ϧⲁⲣⲓϧⲁⲣⲟⲥ ⲛⲉⲙ ⲛⲟⲩⲕⲉϩⲓⲟⲙⲓ ϧⲁⲣⲓϧⲁⲣⲱⲟⲩ ⲧⲫⲩⲗⲏ ⲙ̀ ⲡⲏⲓ ⲛ̀ Ⲥⲩⲙⲉⲱⲛ ϧⲁⲣⲓϧⲁⲣⲟⲥ ⲛⲉⲙ ⲛⲟⲩⲕⲉϩⲓⲟⲙⲓ ϧⲁⲣⲓϧⲁⲣⲱⲟⲩ. ⲓ̅ⲇ̅ . Ⲛⲓⲫⲩⲗⲏ ⲧⲏⲣⲟⲩ ⲉⲧⲁⲩⲥⲱϫⲡ ⲟⲩⲫⲩⲗⲏ ϧⲁⲣⲓϧⲁⲣⲟⲥ ⲛⲉⲉⲙ ⲛⲟⲩⲕⲉϩⲓⲟⲙⲓ ϧⲁⲣⲓϧⲁⲣⲱⲟⲩ. ⲕⲉⲫ ⲓ̅ⲅ̅ ⲁ̅ . Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉϥⲉ̀ ϣⲱⲡⲓ ⲛ̀ ϫⲉ ⲙⲁⲓ ⲛⲓⲃⲉⲛ ⲉϥⲟⲩⲏⲛ ϧⲉⲛ ⲡⲏⲓ ⲛ̀ Ⲇⲁⲩⲓⲇ ⲛⲉⲙ ⲛⲏⲉⲧϣⲟⲡ ϧⲉⲛ Ⲓⲗ̅ ⲏ̅ ⲙ̅ ⲛⲉⲙ ⲡⲓⲟⲩⲱⲧⲉⲃ ⲉ̀ ⲃⲟⲗ ⲛⲉⲙ ⲡⲓⲛⲟⲩϫϧ. ⲃ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ Ⲥⲁⲃⲁⲱⲑ ϯⲛⲁϥⲱϯ ⲉ̀ ⲃⲟⲗ ⲛ̀ ⲛⲓⲣⲁⲛ ⲛ̀ ⲧⲉ ⲛⲓⲓ̀ ⲇⲱⲗⲟⲛ ⲉ̀ ⲃⲟⲗϩⲁ ⲡⲕⲁϩⲓ ⲟⲩⲟϩ ⲛ̀ ⲛⲟⲩⲉⲣⲡⲟⲩⲙⲉⲩⲓ̀ⲟⲩⲟϩ ⲛⲓⲡⲣⲟⲫⲏⲧⲏⲥ ⲛ̀ ⲛⲟⲩϫ ⲛⲉⲙ ⲡⲓⲡ̅ ⲛ̅ ⲁ̅ ⲛ̀ ⲁ̀ ⲕⲁⲑⲁⲣⲧⲟⲛ ϯⲛⲁⲣⲟⲕϩⲟⲩ ⲉ̀ ⲃⲟⲗϩⲁ ⲡⲕⲁϩⲓ. ⲅ̅ . Ⲟⲩⲟϩ ⲉⲥⲉ̀ ϣⲱⲡⲓ ⲁⲣⲉϣⲁⲛ ⲟⲩⲣⲱⲙⲓ ⲉⲣⲡⲣⲟⲫⲏⲧⲉⲩⲓⲛ ⲛ̀ ⲕⲉⲥⲟⲡ ⲟⲩⲟϩ ⲉⲩⲉ̀ ϫⲟⲥ ⲛⲁϥ ⲛ̀ ϫⲉ ⲡⲉϥⲓⲱⲧ ⲛⲉⲙ ⲧⲉϥⲙⲁⲩ ⲛⲏⲉⲧⲁⲩϫ̀ⲫⲟϥ ϫⲉ ⲛ̀ ⲛⲉⲕⲱⲛϧ ϫⲉ ⲁⲕⲥⲁϫⲓ ⲙ̀ ⲙⲉⲑⲛⲟⲩϫ ϧⲉⲛ ⲫⲣⲁⲛ ⲙ̀ Ⲡⲟ̅ ⲥ̅ ⲟⲩⲟϩ ⲉⲩⲉ̀ ⲥⲟⲛϩϥ ⲛ̀ ϫⲉ ⲡⲉϥⲓⲱⲧ ⲛⲉⲙ ⲧⲉϥⲙⲁⲩ ϧⲉⲛ ⲡϫⲓⲛⲑⲣⲉϥⲉⲣⲡⲣⲟⲫⲏⲧⲉⲩⲓⲛ. ⲇ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉⲩⲉ̀ ϭⲓϣⲓⲡⲓ ⲛ̀ ϫⲉ ⲛⲓⲡⲣⲟⲫⲏⲧⲏⲥ ⲫⲟⲩⲁⲓ ⲫⲟⲩⲁⲓ ⲉ̀ ⲃⲟⲗϧⲉⲛ ⲧⲉϥϩⲟⲣⲁⲥⲓⲥ ϧⲉⲛ ⲡϫⲓⲛⲑⲣⲟⲩⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ⲉⲩⲉ̀ ϯ ϩⲓⲱⲧⲟⲩ ⲛ̀ ⲟⲩⲥⲟⲕ ⲙ̀ ϥⲱⲓ ⲉ̀ ⲫ̀ ⲙⲁ ϫⲉ ⲁⲩϫⲉⲙⲉⲑⲛⲟⲩϫ. ⲉ̅ . Ⲟⲩⲟϩ ⲉϥⲉ̀ ϫⲟⲥ ϫⲉ ⲁ̀ ⲛⲟⲕ ⲟⲩⲡⲣⲟⲫⲏⲧⲏⲥ ⲁⲛ ⲁ̀ ⲛⲟⲕ ϫⲉ ⲟⲩⲏⲓ ⲟⲩⲣⲱⲙⲓ ⲉⲧⲁϥϫⲫⲟⲓ ⲓⲥϫⲉⲛ ⲧⲁⲙⲉⲧⲁ̀ ⲗⲟⲩ. Ⲋ. Ⲟⲩⲟϩ ⲉⲓⲉ̀ ϫⲟⲥ ⲛⲁϥ ϫⲉ ⲟⲩ ⲛⲉ ⲛⲁⲓⲉⲣϧⲟⲧ ⲉⲧϧⲉⲛ ⲑ̀ ⲙⲏϯ ⲛ̀ ⲛⲉⲕϫⲓϫ ⲟⲩⲟϩ ⲉϥⲉ̀ ϫⲟⲥ ϫⲉ ⲛⲁⲓ ⲛⲉ ⲛⲏⲉⲧⲁⲓϭⲓⲉⲣϧⲟⲧ ⲛ̀ ϧⲏⲧⲟⲩ ϧⲉⲛ ⲡⲏⲓ ⲙ̀ ⲡⲁⲙⲉⲛⲣⲓⲧ. ⲍ̅ . Ⲧⲱⲛⲕ ⲧⲥⲏϥⲓ ⲉ̀ ϫⲉⲛ ⲡⲁⲙⲁⲛⲉ̀ ⲥⲱⲟⲩ ⲛⲉⲙ ⲉ̀ ϫⲉⲛ ⲛⲉϥⲣⲉⲙⲃⲁⲕⲓ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϣⲁⲣⲓ ⲉ̀ ⲡⲓⲙⲁⲛⲉ̀ ⲥⲱⲟⲩ ⲟⲩⲟϩ ⲙⲁⲣⲟⲩϫⲱⲣ ⲉ̀ ⲃⲟⲗ ⲛ̀ ϫⲉ ⲛⲓⲉ̀ ⲥⲱⲟⲩ ⲟⲩⲟϩ ϯⲛⲁⲓ̀ ⲛⲓ ⲛ̀ ⲧⲁϫⲓϫ ⲉ̀ ϫⲉⲛ ⲛⲓⲙⲁⲛⲉ̀ ⲥⲱⲟⲩ. ⲏ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ ϧⲉⲛ ⲡⲕⲁϩⲓ ⲧⲏⲣϥ ⲉⲩⲉ̀ ϥⲱϯ ⲉ̀ ⲃⲟⲗ ⲛ̀ ϫⲉ ⲧⲟⲓ ⲥⲛⲟⲩϯ ⲟⲩⲟϩ ⲉⲩⲉ̀ ⲙⲟⲩⲛⲕ ⲡⲓⲧⲉⲣⲉⲅ̅ ⲇⲉ ⲛⲁⲥⲱϫⲡ ⲛ̀ ϧ̀ⲣⲏⲓ ⲛ̀ ϧⲏⲧϥ. ⲑ̅ . Ⲟⲩⲟϩ ϯⲛⲁⲑⲣⲉ ⲡⲓⲧⲉⲣⲉⲅ̅ ⲥⲓⲛⲓ ⲉ̀ ⲃⲟⲗϩⲓⲧⲉⲛ ⲟⲩⲭⲣⲱⲙ ⲟⲩⲟϩ ϯⲛⲁⲫⲁⲥⲟⲩ ⲙ̀ ⲫ̀ ⲣⲏϯ ⲙ̀ ⲡⲓϩⲁⲧ ⲉ̀ ϣⲁⲩⲫⲁⲥϥ ⲟⲩⲟϩ ϯⲛⲁⲉⲣⲇⲟⲕⲓⲙⲁⲍⲓⲛ ⲙ̀ ⲙⲱⲟⲩ ⲙ̀ ⲫ̀ ⲣⲏϯ ⲙ̀ ⲡⲓⲛⲟⲩⲃ ⲉ̀ ϣⲁⲩⲉⲣⲇⲟⲕⲓⲙⲁⲍⲓⲛ ⲙ̀ ⲙⲟϥ ⲟⲩⲟϩ ⲛ̀ ⲑⲟϥ ⲉϥⲉ̀ ⲙⲟⲩϯ ⲉ̀ ⲡⲁⲣⲁⲛ ⲟⲩⲟϩ ⲁ̀ ⲛⲟⲕ ϯⲛⲁⲥⲱⲧⲉⲙ ⲉ̀ ⲣⲟϥ ⲟⲩⲟϩ ϯⲛⲁϫⲟⲥ ϫⲉ ⲫⲁⲓ ⲡⲉ ⲡⲁⲗⲁⲟⲥ ⲟⲩⲟϩ ⲛ̀ ⲑⲟϥ ⲉϥⲉ̀ ϫⲟⲥ ϫⲉ Ⲡⲟ̅ ⲥ̅ ⲡⲁⲛⲟⲩϯ.
- 13. ⲕⲉⲫ ⲓ̅ⲇ̅ ⲁ̅ . Ϩⲏⲡⲡⲉ ⲥⲉⲛⲏⲟⲩ ⲛ̀ ϫⲉ ϩⲁⲛⲉ̀ ϩⲟⲟⲩ ⲡⲉϫⲉ Ⲡⲟ̅ ⲥ̅ ⲟⲩⲟϩ ⲉⲩⲉ̀ ⲫⲱϣ ⲛ̀ ⲛⲉϣⲱⲗ ⲉ̀ ϩ̀ⲣⲁⲩ ⲛ̀ ϧ̀ⲣⲏⲓ ⲛ̀ ϧⲏϯ. ⲃ̅ . Ⲟⲩⲟϩ ϯⲛⲁⲑⲱⲟⲩϯ ⲛ̀ ⲛⲓⲉⲑⲛⲟⲥ ⲧⲏⲣⲟⲩ ⲉ̀ ⲡⲓⲡⲟⲗⲉⲙⲟⲥ ⲉ̀ ϫⲉⲛ Ⲓⲗ̅ ⲏ̅ ⲙ̅ ⲟⲩⲟϩ ⲉⲩⲉ̀ ϭⲓ ⲛ̀ ϯⲃⲁⲕⲓ ⲉⲩⲉ̀ ϩⲱⲗⲉⲙ ⲛ̀ ⲛⲓⲏⲓ ⲟⲩⲟϩ ⲉⲩⲉ̀ ϭⲱϧⲉⲙ ⲛ̀ ⲛⲓϩⲓⲟⲙⲓ ⲟⲩⲟϩ ⲉⲥⲉ̀ ⲓ̀ⲉ̀ ⲃⲟⲗ ⲛ̀ ϫⲉ ⲧⲫⲁϣⲓ ⲛ̀ ϯⲃⲁⲕⲓ ϧⲉⲛ ⲟⲩⲉⲭⲙⲁⲗⲱⲥⲓⲁ̀ⲛⲓⲥⲱϫⲡ ⲇⲉ ⲛ̀ ⲧⲉ ⲡⲓⲗⲁⲟⲥ ⲛ̀ ⲛⲟⲩϥⲟⲧⲟⲩ ⲉ̀ ⲃⲟⲗϧⲉⲛ ϯⲃⲁⲕⲓ. ⲅ̅ . Ⲟⲩⲟϩ ⲉϥⲉ̀ ⲓ̀ⲉ̀ ⲃⲟⲗ ⲛ̀ ϫⲉ Ⲡⲟ̅ ⲥ̅ ⲟⲩⲟϩ ⲉϥⲉ̀ ϥⲱϯ ⲉ̀ ⲃⲟⲗ ϧⲉⲛ ⲛⲓⲉⲑⲛⲟⲥ ⲉⲧⲉⲙ̀ ⲙⲁⲩ ⲙ̀ ⲫ̀ ⲣⲏϯ ⲛ̀ ⲟⲩⲉ̀ ϩⲟⲟⲩ ⲛ̀ ⲧⲉ ⲡⲉϥϯ ϧⲉⲛ ⲡⲓⲉ̀ ϩⲟⲟⲩ ⲛ̀ ⲧⲉ ⲡⲓⲡⲟⲗⲉⲙⲟⲥ. ⲇ̅ . Ⲟⲩⲟϩ ⲉⲩⲉ̀ ⲟ̀ ϩⲓ ⲉ̀ ⲣⲁⲧⲟⲩ ⲉ̀ ϫⲉⲛ ⲛⲉϥϭⲁⲗⲁⲩϫ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ϩⲓϫⲉⲛ ⲡⲓⲧⲱⲟⲩ ⲛ̀ ⲧⲉ ⲛⲓϫⲱⲓⲧ ⲫⲏⲉⲧⲭⲏ ⲙ̀ ⲡⲉⲙ̀ ⲑⲟ ⲛ̀ Ⲓⲗ̅ ⲏ̅ ⲙ̅ ⲥⲁⲡⲉⲓⲉⲃⲧ ⲟⲩⲟϩ ⲉϥⲉ̀ ⲫⲱⲣϫ ⲛ̀ ϫⲉ ⲡⲓⲧⲱⲟⲩ ⲛ̀ ⲧⲉ ⲛⲓϫⲱⲓⲧ ⲧⲉϥⲫⲁϣⲓ ⲉ̀ ⲡⲓⲙⲁⲛϣⲁⲓ ⲟⲩⲟϩ ⲧⲉϥⲫⲁϣⲓ ⲉ̀ ⲡⲥⲁ ⲙ̀ ⲫ̀ ⲓⲟⲙ ⲛ̀ ⲟⲩⲛⲓϣϯ ⲙ̀ ⲫⲱⲣϫ ⲉ̀ ⲙⲁϣⲱ ⲟⲩⲟϩ ⲉⲥⲉ̀ ⲣⲓⲕⲓ ⲛ̀ ϫⲉ ⲧⲫⲁϣⲓ ⲙ̀ ⲡⲓⲧⲱⲟⲩ ⲙ̀ ⲡⲉⲙϩⲓⲧ ⲟⲩⲟϩ ⲧⲉϥⲫⲁϣⲓ ⲉ̀ ⲡⲥⲁ ⲙ̀ ⲫ̀ ⲣⲏⲥ. ⲉ̅ . Ⲟⲩⲟϩ ⲉⲥⲉ̀ ϣⲱⲣ ⲛ̀ ϫⲉ ϯϧⲉⲗⲗⲟⲧ ⲛ̀ ⲧⲉ ⲛⲁⲧⲱⲟⲩ ⲟⲩⲟϩ ⲉⲥⲉ̀ ⲧⲱⲙⲧ ⲛ̀ ϫⲉ ϯϧⲉⲗⲗⲟⲧ ⲛ̀ ⲧⲉ ⲛⲓⲧⲱⲟⲩ ϣⲁ ⲉ̀ ϧ̀ⲣⲏⲓ ⲉ̀ Ⲓⲁⲥⲟⲗ ⲙ̀ ⲫ̀ ⲣⲏϯ ⲉⲧⲁⲥϣⲱⲣ ϧⲉⲛ ⲡⲓⲉ̀ ϩⲟⲟⲩ ⲛ̀ ⲧⲉ ⲡⲓⲙⲟⲛⲙⲉⲛ ϧⲉⲛ ⲡⲓⲉ̀ ϩⲟⲟⲩ ⲛ̀ ⲧⲉ Ⲟⲍⲓⲁⲥ ⲡⲟⲩⲣⲟ ⲛ̀ Ⲓⲟⲩⲇⲁ ⲟⲩⲟϩ ⲉϥⲉ̀ ⲓ̀ⲛ̀ ϫⲉ Ⲡⲟ̅ ⲥ̅ Ⲡⲁⲛⲟⲩϯ ⲛⲉⲙ ⲛⲉϥⲁⲅⲅⲉⲗⲟⲥ ⲧⲏⲣⲟⲩ ⲛⲉⲙⲁϥ. Ⲋ. Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲛ̀ ⲛⲉϥϣⲱⲡⲓ ⲛ̀ ϫⲉ ⲟⲩⲟⲩⲱⲓⲛⲓ ⲟⲩϫⲁϥ ⲛⲉⲙ ⲟⲩⲱϫⲉⲃ ⲉϥⲉ̀ ϣⲱⲡⲓ ϧⲉⲛ ⲟⲩⲉ̀ ϩⲟⲟⲩ ⲛ̀ ⲟⲩⲱⲧ. ⲍ̅ . Ⲟⲩⲟϩ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ϥ̀ⲟⲩⲱⲛϩ ⲉ̀ ⲃⲟⲗ ⲙ̀ Ⲡⲟ̅ ⲥ̅ ⲟⲩⲉ̀ ϩⲟⲟⲩ ⲁⲛ ⲟⲩⲇⲉ ⲟⲩⲉ̀ ϫⲱⲣϩ ⲁⲛ ⲟⲩⲟϩ ⲉⲣⲉ ⲫ̀ ⲟⲩⲱⲓⲛⲓ ϣⲱⲡⲓ ⲙ̀ ⲫ̀ ⲛⲁⲩ ⲛ̀ ⲣⲟⲩϩⲓ. ⲏ̅ . Ⲟⲩⲟϩϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉϥⲉ̀ ⲓ̀ⲉ̀ ⲃⲟⲗ ⲛ̀ ϫⲉ ⲟⲩⲙⲱⲟⲩ ⲉϥⲟⲛϧ ⲉ̀ ⲃⲟⲗϧⲉⲛ Ⲓⲗ̅ ⲏ̅ ⲙ̅ ⲧⲉϥⲫⲁϣⲓ ⲉ̀ ⲫ̀ ⲓⲟⲙ ⲛ̀ ϩⲟⲩⲓⲧ ⲟⲩⲟϩ ⲧⲉϥⲕⲉⲫⲁϣⲓ ⲉ̀ ⲫ̀ ⲓⲟⲙ ⲛ̀ ϧⲁⲉ̀ⲟⲩⲟϩ ⲉϥⲉ̀ ϣⲱⲡⲓ ⲙ̀ ⲡⲁⲓⲣⲏϯ ϧⲉⲛ ⲡϣⲱⲙ ⲛⲉⲙ ϧⲉⲛ ⲡⲓϩⲏⲛ̀ ϣⲱⲙ. ⲑ̅ . Ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ Ⲡⲟ̅ ⲥ̅ ⲉⲩⲟⲩⲣⲟ ⲉ̀ ϫⲉⲛ ⲡⲕⲁϩⲓ ⲧⲏⲣϥ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲉϥⲉ̀ ϣⲱⲡⲓ ⲛ̀ ϫⲉ Ⲡⲟ̅ ⲥ̅ ⲉ̀ ⲟⲩⲁⲓ ⲡⲉ ⲟⲩⲟϩ ⲡⲉϥⲣⲁⲛ ⲟⲩⲁⲓ ⲡⲉ. ⲓ̅. Ⲉϥⲕⲱϯ ⲉ̀ ⲡⲕⲁϩⲓ ⲧⲏⲣϥ ⲛⲉⲙ ⲡϣⲁϥⲉ ⲓⲥϫⲉⲛ Ⲅⲁⲃⲉⲗ ϣⲁ ⲉ̀ ϩ̀ⲣⲏⲓ ⲉ̀ Ⲣⲉⲙⲙⲱⲛ ⲥⲁⲫ̀ ⲣⲏⲥ ⲛ̀ Ⲓⲗ̅ ⲏ̅ ⲙ̅ Ⲣⲁⲙⲁ ⲛⲁϣⲱⲡⲓ ϧⲉⲛ ⲟⲩⲙⲁ ⲓⲥϫⲉⲛ ϯⲡⲩⲗⲏ ⲛ̀ ⲧⲉ Ⲃⲉⲛⲓⲁⲙⲓⲛ ϣⲁ ϯⲡⲩⲗⲏ ⲛ̀ ϩⲟⲩⲓϯ ϣⲁ ϯⲡⲩⲗⲏ ⲛ̀ ⲧⲉ ⲛⲓⲗⲁⲕϩ ⲛⲉⲙ ϣⲁ ⲡⲓⲡⲩⲣⲅⲟⲥ ⲛ̀ ⲧⲉ Ⲁϧⲛⲁⲙⲉⲏⲗ ϣⲁ ⲛⲓϩⲣⲱⲧ ⲛ̀ ⲧⲉ ⲡⲟⲩⲣⲟ ⲥⲉⲛⲁϣⲱⲡⲓ ⲛ̀ ϧ̀ⲣⲏⲓ ⲛ̀ ϧⲏⲧⲥ. ⲓ̅ⲁ̅ . Ⲟⲩⲟϩ ⲛ̀ ⲛⲉⲥϣⲱⲡⲓ ϫⲉ ⲛ̀ ⲟⲩⲁ̀ ⲛⲁⲑⲉⲙⲁ ⲟⲩⲟϩ ⲉⲥⲉ̀ ϣⲱⲡⲓ ⲛ̀ ϫⲉ Ⲓⲗ̅ ⲏ̅ ⲙ̅ ϧⲉⲛ ⲟⲩⲑⲱⲧⲛ̀ ϩⲏⲧ. ⲓ̅ⲃ̅ . Ⲟⲩⲟϩ ⲫⲁⲓ ⲡⲉ ⲡⲓϩⲉⲓ ⲉⲑⲛⲁϣⲱⲡⲓ ⲫⲁⲓ ⲉⲧⲉ Ⲡⲟ̅ ⲥ̅ ⲛⲁϫⲉϫ ⲛⲓⲗⲁⲟⲥ ⲧⲏⲣⲟⲩ ⲛ̀ ϧⲏⲧϥ ⲛⲏⲉⲧⲁⲩϧⲱⲕ ⲉ̀ ϫⲉⲛ Ⲓⲗ̅ ⲏ̅ ⲙ̅ ⲉⲩⲉ̀ ⲃⲱⲗ ⲉ̀ ⲃⲟⲗ ⲛ̀ ϫⲉ ⲛⲟⲩⲥⲁⲣⲝ ⲉⲩⲟ̀ ϩⲓ ⲉ̀ ⲣⲁⲧⲟⲩ ϩⲓϫⲉⲛ ⲛⲟⲩϭⲁⲗⲁⲩϫ ⲟⲩⲟϩ ⲛⲟⲩⲃⲁⲗ ⲉⲩⲉ̀ ϥⲟⲣϥⲉⲣ ⲉ̀ ⲃⲟⲗϧⲉⲛ ⲛⲟⲩⲙⲁ ⲟⲩⲟϩ ⲡⲟⲩⲗⲁⲥ ⲉϥⲉ̀ ⲃⲱⲗ ⲉ̀ ⲃⲟⲗ ϧⲉⲛ ⲣⲱⲟⲩ. ⲓ̅ⲅ̅ . Ⲟⲩⲟϩ ⲉⲥⲉ̀ ϣⲱⲡⲓ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲛ̀ ϫⲉ ⲟⲩⲛⲓϣϯ ⲛ̀ ⲧⲱⲙⲧ ⲛ̀ ⲧⲉ Ⲡⲟ̅ ⲥ̅ ⲉ̀ ϩ̀ⲣⲏⲓ ⲉ̀ ϫⲱⲟⲩ ⲟⲩⲟϩ ⲉϥⲉ̀ ⲁ̀ ⲙⲟⲛⲓ ⲛ̀ ϫⲉ ⲡⲓⲟⲩⲁⲓ ⲡⲓⲟⲩⲁⲓ ⲛ̀ ⲧϫⲓϫ ⲙ̀ ⲡⲉϥϣ̀ⲫⲏⲣ ⲉⲥⲉ̀ ⲙⲟⲗϫ ⲛ̀ ϫⲉ ⲧⲉϥϫⲓϫ ⲉ̀ ϧⲟⲩⲛ ⲉ̀ ⲧϫⲓϫ ⲙ̀ ⲡⲉϥϣ̀ⲫⲏⲣ. ⲓ̅ⲇ̅ . Ⲟⲩⲟϩ Ⲓⲟⲩⲇⲁⲥ ⲉϥⲉ̀ ϯ ϧⲉⲛ Ⲓⲗ̅ ⲏ̅ ⲙ̅ ⲟⲩⲟϩ ⲉϥⲉ̀ ⲑⲱⲟⲩϯ ⲛ̀ ⲧϫⲟⲙ ⲛ̀ ⲛⲓⲗⲁⲟⲥ ⲧⲏⲣⲟⲩ ⲉⲧⲕⲱϯ ⲉ̀ ⲣⲟϥ ⲟⲩⲛⲟⲩⲃ ⲛⲉⲙ ⲟⲩϩⲁⲧ ⲛⲉⲙ ⲟⲩϭⲓϩⲃⲱⲥ ⲉ̀ ⲟⲩⲛⲓϣϯ ⲛ̀ ⲁ̀ ϣⲁⲓ ⲉⲙⲁϣⲱ. ⲓ̅ⲉ̅ . Ⲟⲩⲟϩ ⲫⲁⲓ ⲡⲉ ⲡⲓϩⲉⲓ ⲉⲑⲛⲁϣⲱⲡⲓ ⲛ̀ ⲛⲓϩⲑⲱⲣ ⲛⲉⲙ ⲛⲓⲧⲉⲙⲑⲁⲙ ⲛⲉⲙ ⲛⲓϭⲁⲙⲁⲩⲗⲓ ⲛⲉⲙ ⲛⲓⲧⲉⲃⲛⲱⲟⲩⲓ̀ⲧⲏⲣⲟⲩ ⲛⲏⲉⲧϧⲉⲛ ⲛⲓⲡⲁⲣⲉⲙⲃⲟⲗⲏ ⲉⲧⲉⲙ̀ ⲙⲁⲩ ⲙ̀ ⲫ̀ ⲣⲏϯ ⲙ̀ ⲡⲁⲓϩⲉⲓ.
- 14. ⲓ̅Ⲋ. Ⲟⲩⲟϩ ⲉⲥⲉ̀ ϣⲱⲡⲓ ⲛⲏⲉⲑⲛⲁⲥⲱϫⲡ ⲉ̀ ⲃⲟⲗϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲉⲧⲁⲩⲓ̀ⲉ̀ ϫⲉⲛ Ⲓⲗ̅ ⲏ̅ ⲙ̅ ⲟⲩⲟϩ ⲉⲩⲉ̀ ⲓ̀ⲉ̀ ⲡϣⲱⲓ ⲛ̀ ⲧⲉⲙⲣⲟⲙⲡⲓ ⲉ̀ ⲟⲩⲱϣⲧ ⲙ̀ ⲡⲟⲩⲣⲟ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲛⲉⲙ ⲉ̀ ⲉⲣϣⲁⲓ ϧⲉⲛ ⲡϣⲁⲓ ⲛ̀ ϯⲥⲕⲩⲛⲟⲡⲩⲅⲓⲁ̀ . ⲓ̅ⲍ̅ . Ⲟⲩⲟϩ ⲉⲥⲉ̀ ϣⲱⲡⲓ ⲛⲏⲉⲧⲉ ⲛ̀ ⲥⲉⲛⲁⲓ̀ⲁⲛ ⲉ̀ ⲡϣⲱⲓ ⲉ̀Ⲓⲗ̅ ⲏ̅ ⲙ̅ ⲉ̀ ⲃⲟⲗϧⲉⲛ ⲛⲓⲫⲩⲗⲏ ⲧⲏⲣⲟⲩ ⲛ̀ ⲧⲉ ⲡⲕⲁϩⲓ ⲉ̀ ⲟⲩⲱϣⲧ ⲙ̀ ⲡ̀ ⲟⲩⲣⲟ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲛⲁⲓⲕⲉⲭⲱⲟⲩⲛⲓ ⲉⲩⲉ̀ ⲧⲟⲩϩⲱⲟⲩ ⲉ̀ ϫⲉⲛ ⲛⲏ. ⲓ̅ⲏ̅ . Ⲉϣⲱⲡ ⲇⲉ ⲁⲥϣ̀ⲧⲉⲙⲓ̀ⲉ̀ ⲡϣⲱⲓ ⲛ̀ ϫⲉ ϯⲫⲩⲗⲏ ⲛ̀ ⲧⲉ Ⲭⲏⲙⲓ ⲟⲩⲇⲉ ⲛ̀ ⲧⲉⲥϣⲧⲉⲙⲓ̀ⲉ̀ ⲙⲁⲩ ⲟⲩⲟϩ ⲉϥⲉ̀ ϣⲱⲡⲓ ⲉ̀ ϫⲉⲛ ⲛⲁⲓⲕⲉⲭⲱⲟⲩⲛⲓ ⲛ̀ ϫⲉ ⲡⲓϩⲉⲓ ⲫⲏⲉⲧⲉ Ⲡⲟ̅ ⲥ̅ ⲛⲁϣⲁⲣⲓ ⲉ̀ ⲛⲓⲉⲑⲛⲟⲥ ⲧⲏⲣⲟⲩ ⲛ̀ ϧⲏⲧϥ ⲛⲏⲉⲧⲉ ⲛ̀ ⲥⲉⲛⲁⲓ̀ⲁⲛ ⲉ̀ ⲡϣⲱⲓ ⲉ̀ ⲉⲣϣⲁⲓ ⲉ̀ ⲡϣⲁⲓ ⲛ̀ ϯⲥⲕⲩⲛⲟⲡⲩⲅⲓⲁ̀ . ⲓ̅ⲑ̅ . Ⲟⲩⲟϩ ⲫⲁⲓ ⲡⲉ ⲫⲛⲟⲃⲓ ⲛ̀ Ⲭⲏⲙⲓ ⲛⲉⲙ ⲫⲛⲟⲃⲓ ⲛ̀ ⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲛⲏⲉⲧⲉ ⲛ̀ ⲥⲉⲛⲁⲓ̀ⲁⲛ ⲉ̀ ⲡϣⲱⲓ ⲉ̀ ⲉⲣϣⲁⲓ ⲙ̀ ⲡϣⲁⲓ ⲛ̀ ϯⲥⲕⲩⲛⲟⲡⲩⲅⲓⲁ̀ . ⲕ̅ . Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲫⲏⲉⲧϩⲓϫⲉⲛ ⲡⲓⲭⲁⲗⲓⲛⲟⲩⲥ ⲛ̀ ⲧⲉ ⲡⲓϩⲑⲟ ⲉϥⲉ̀ ϣⲱⲡⲓ ⲉϥⲟⲩⲁⲃ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲉⲩⲉ̀ ϣⲱⲡⲓ ⲛ̀ ϫⲉ ⲛⲓⲗⲉⲃⲏⲥ ⲛⲏⲉⲧϧⲉⲛ ⲡⲏⲓ ⲙ̀ Ⲡⲟ̅ ⲥ̅ ⲉⲩⲟⲓ ⲙ̀ ⲫ̀ ⲣⲏϯ ⲛ̀ ϩⲁⲛⲫⲩⲗⲏ ⲙ̀ ⲡⲉⲙ̀ ⲑⲟ ⲙ̀ ⲡⲓⲙⲁⲛⲉⲣϣⲱⲟⲩϣⲓ. ⲕ̅ ⲁ̅ . Ⲟⲩⲟϩ ⲉϥⲉ̀ ϣⲱⲡⲓ ⲛ̀ ϫⲉ ⲗⲉⲃⲏⲥ ⲛⲓⲃⲉⲛ ⲉⲧϧⲉⲛ Ⲓⲗ̅ ⲏ̅ ⲙ̅ ⲛⲉⲙ Ⲓⲟⲩⲇⲁ ⲉϥⲟⲩⲁⲃ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲉⲩⲉ̀ ⲓ̀ⲛ̀ ϫⲉ ⲟⲩⲟⲛ ⲛⲓⲃⲉⲛ ⲉⲧⲉⲣϣⲟⲩϣⲱⲟⲩϣⲓ ⲉⲩⲉ̀ ϭⲓ ⲉ̀ ⲃⲟⲗ ⲛ̀ ϧⲏⲧⲟⲩ ⲟⲩⲟϩ ⲉⲩⲉ̀ ⲫⲟⲥⲓ ⲛ̀ ϧⲏⲧⲟⲩ ⲟⲩⲟϩ ⲛ̀ ⲛⲓⲬⲁⲛⲁⲛⲉⲟⲥ ϣⲱⲡⲓ ϫⲉ ϧⲉⲛ ⲡⲏⲓ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ. ⲎⲦⲎⲤ ⲕⲉⲫ ⲁ̅ ⲁ̅ . Ⲛ̀ ϩ̀ⲣⲏⲓ ⲇⲉ ϧⲉⲛ ϯⲙⲁϩ ⲥⲛⲟⲩϯ ⲛ̀ ⲣⲟⲙⲡⲓ ⲛ̀ ⲧⲉ Ⲇⲁⲣⲓⲟⲥ ⲡ̀ ⲟⲩⲣⲟ ϧⲉⲛ ⲡⲓⲁ̀ ⲃⲟⲧ ⲙ̀ ⲙⲁϩⲉ̅ ⲛ̀ ⲥⲟⲩⲁⲓ ⲙ̀ ⲡⲓⲁ̀ ⲃⲟⲧ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϧⲉⲛ ⲧ̀ ϫⲓϫ ⲛ̀ Ⲁⲅⲅⲉⲟⲥ ⲡⲓⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ ϫⲉ ⲁ̀ ϫⲟⲥ ⲛ̀ Ⲍⲟⲣⲟⲃⲁⲃⲉⲗ ⲡ̀ ϣⲏⲣⲓ ⲛ̀ Ⲥⲁⲗⲁⲑⲓⲏⲗ ⲉ̀ ⲃⲟⲗϧⲉⲛ ⲧ̀ ⲫⲩⲗⲏ ⲛ̀ Ⲓⲟⲩⲇⲁ ⲛⲉⲙ Ⲓⲏⲥⲟⲩ ⲡ̀ ϣⲏⲣⲓ ⲛ̀ Ⲓⲱⲥⲉⲇⲉⲕ ⲡⲓⲛⲓϣϯ ⲛ̀ ⲟⲩⲏⲃ ⲉⲕϫⲱ ⲙ̀ ⲙⲟⲥ. ⲃ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲡⲁⲓⲗⲁⲟⲥ ϫⲱ ⲙ̀ ⲙⲟⲥ ϫⲉ ⲙ̀ ⲡⲉϥⲓ̀ⲛ̀ ϫⲉ ⲡⲓⲥⲏⲟⲩ ⲉ̀ ⲕⲱⲧ ⲙ̀ ⲡ̀ ⲏⲓ ⲙ̀ Ⲡⲟ̅ ⲥ̅ . ⲅ̅ . Ⲟⲩⲟϩ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϧⲉⲛ ⲧ̀ ϫⲓϫ ⲛ̀ Ⲁⲅⲅⲉⲟⲥ ⲡⲓⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ. ⲇ̅ . Ϫⲉ ⲁⲛ ⲡ̀ ⲥⲏⲟⲩ ⲛⲱⲧⲉⲛ ⲡⲉ ⲉⲑⲣⲉⲧⲉⲧⲉⲛϣⲱⲡⲓ ϧⲉⲛ ϩⲁⲛⲏⲓ ⲉⲧϣⲏⲕ ⲡⲁⲏⲓ ⲇⲉ ⲛ̀ ⲑⲟϥ ⲁϥϣⲱϣ. ⲉ̅ . Ⲟⲩⲟϩ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲑⲱϣ ⲛ̀ ⲛⲉⲧⲉⲛϩⲏⲧ ⲉ̀ ⲛⲉⲧⲉⲛⲙⲱⲓⲧ. Ⲋ. Ⲁⲣⲉⲧⲉⲛⲥⲓϯ ⲛ̀ ϩⲁⲛⲙⲏϣ ⲟⲩⲟϩ ⲁⲣⲉⲧⲉⲛⲱ̀ ⲗⲓ ⲉ̀ ϧⲟⲩⲛ ⲛ̀ ϩⲁⲛⲕⲟⲩϫⲓ ⲁⲣⲉⲧⲉⲛⲟⲩⲱⲙ ⲟⲩⲟϩ ⲉⲩⲥⲓ ⲁⲛ ⲁⲣⲉⲧⲉⲛⲥⲱ ⲟⲩⲟϩ ⲉⲩⲑⲓϧⲓ ⲁⲛ ⲁⲣⲉⲧⲉⲛϯϩⲓ ⲑⲏⲛⲟⲩ ⲟⲩⲟϩ ⲙ̀ ⲡⲉⲧⲉⲛϧ̀ⲙⲟⲙ ⲛ̀ ϧⲏⲧⲟⲩ ⲟⲩⲟϩ ⲡⲉⲧⲑⲱⲟⲩϯ ⲛ̀ ϩⲁⲛⲃⲉⲭⲏⲟⲩⲓ̀ⲉ̀ ϧⲟⲩⲛ ⲁϥⲑⲱⲟⲩϯ ⲉ̀ ⲟⲩⲁ̀ ⲥⲟⲩⲓ̀ⲉⲥⲥⲟⲩⲟⲧⲉⲛ. ⲍ̅ . Ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲭⲱ ⲛ̀ ⲛⲉⲧⲉⲛϩⲏⲧ ϩⲓ ⲛ̀ ⲛⲉⲧⲉⲛⲙⲱⲓⲧ. ⲏ̅ . Ⲙⲁϣⲉⲛⲱⲧⲉⲛ ⲉ̀ ⲡ̀ ϣⲱⲓ ⲉ̀ ϫⲉⲛ ⲡⲓⲧⲱⲟⲩ ⲟⲩⲟϩ ⲕⲱⲣϫ ⲛ̀ ϩⲁⲛϣⲉ ⲟⲩⲟϩ ⲕⲱⲧ ⲉ̀ ⲡⲓⲏⲓ ⲟⲩⲟϩ ⲉⲓⲉ̀ ϯⲙⲁϯ ⲛ̀ ϧⲏⲧϥ ⲟⲩⲟϩ ⲉⲓⲉ̀ ϭⲓⲱ̀ ⲟⲩ ⲡⲉϫⲉ Ⲡⲟ̅ ⲥ̅ .
- 15. ⲑ̅ . Ⲁⲣⲉⲧⲉⲛϫⲟⲩϣⲧ ⲉ̀ ϩⲁⲛⲙⲏϣ ⲟⲩⲟϩ ⲁⲩⲉⲣⲕⲟⲩϫⲓ ⲟⲩⲟϩ ⲁⲩⲉ̀ ⲛⲟⲩ ⲉ̀ ϧⲟⲩⲛ ⲉ̀ ⲡⲓⲏⲓ ⲟⲩⲟϩ ⲁⲓⲛⲓϥⲓ ⲛ̀ ⲥⲱⲟⲩ ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉ̀ ⲫ̀ ⲙⲁ ϫⲉ ⲡⲁⲏⲓ ϥ̀ϣⲏϥ ⲛ̀ ⲑⲱⲧⲉⲛ ⲇⲉ ⲧⲉⲧⲉⲛϭⲟϫⲓ ⲫ̀ ⲟⲩⲁⲓ ⲫ̀ ⲟⲩⲁⲓ ⲉ̀ ⲡⲉϥⲏⲓ. ⲓ̅. Ⲉⲑⲃⲉ ⲫⲁⲓ ⲉⲥⲉ̀ ⲧⲁϩⲛⲟ ⲛ̀ ϫⲉ ⲧ̀ ⲫⲉ ⲉ̀ ⲃⲟⲗϩⲁ ⲧⲉⲥⲓⲱϯ ⲟⲩⲟϩ ⲡ̀ ⲕⲁϩⲓ ⲉϥⲉ̀ ⲁ̀ ⲙⲟⲛⲓ ⲛ̀ ⲛⲏⲉ̀ ϣⲁϥⲉ̀ ⲛⲟⲩ ⲉ̀ ⲃⲟⲗ. ⲓ̅ⲁ̅ . Ⲟⲩⲟϩ ⲉⲓⲉ̀ ⲓ̀ ⲛⲓ ⲛ̀ ⲟⲩⲛⲓϥ ⲉ̀ ϫⲉⲛ ⲡ̀ ⲕⲁϩⲓ ⲛⲉⲙ ⲉ̀ ϫⲉⲛ ⲛⲓⲧⲱⲟⲩ ⲛⲉⲙ ⲉ̀ ϫⲉⲛ ⲡⲓⲥⲟⲩⲟ̀ⲛⲉⲙ ⲉ̀ ϫⲉⲛ ⲡⲓⲏⲣⲡ ⲛⲉⲙ ⲉ̀ ϫⲉⲛ ⲡⲓⲛⲉϩ ⲛⲉⲙ ⲛⲏⲉ̀ ϣⲁⲣⲉ ⲡ̀ ⲕⲁϩⲓ ⲉ̀ ⲛⲟⲩ ⲉ̀ ⲃⲟⲗ ⲛⲉⲙ ⲉ̀ ϫⲉⲛ ⲛⲓⲣⲱⲙⲓ ⲛⲉⲙ ⲉ̀ ϫⲉⲛ ⲛⲓⲧⲉⲃⲛⲱⲟⲩⲓ̀ⲛⲉⲙ ⲉ̀ ϫⲉⲛ ⲛⲓϧⲓⲥⲓ ⲧⲏⲣⲟⲩ ⲛ̀ ⲧⲉ ⲛⲟⲩϫⲓϫ. ⲓ̅ⲃ̅ . Ⲟⲩⲟϩ ⲁϥⲥⲱⲧⲉⲙ ⲛ̀ ϫⲉ Ⲍⲟⲣⲟⲃⲁⲃⲉⲗ ⲡ̀ ϣⲏⲣⲓ ⲛ̀ Ⲥⲁⲗⲁⲑⲓⲏⲗ ⲛⲉⲙ Ⲓⲏⲥⲟⲩ ⲡ̀ ϣⲏⲣⲓ ⲙ̀ Ⲓⲱⲥⲉⲇⲉⲕ ⲡⲓⲛⲓϣϯ ⲛ̀ ⲟⲩⲏⲃ ⲛⲉⲙ ⲛⲓⲥⲱϫⲡ ⲧⲏⲣⲟⲩ ⲛ̀ ⲧⲉ ⲡⲓⲗⲁⲟⲥ ⲉ̀ ⲧ̀ ⲥ̀ ⲙⲏ ⲙ̀ Ⲡⲟ̅ ⲥ̅ ⲡⲟⲩⲛⲟⲩϯ ⲛⲉⲙ ⲛⲓⲥⲁϫⲓ ⲛ̀ ⲧⲉ Ⲁⲅⲅⲉⲟⲥ ⲡⲓⲡⲣⲟⲫⲏⲧⲏⲥ ⲕⲁⲧⲁ ⲫ̀ ⲣⲏϯ ⲉⲧⲁϥⲟⲩⲟⲣⲡϥ ϩⲁⲣⲱⲟⲩ ⲛ̀ ϫⲉ Ⲡⲟ̅ ⲥ̅ ⲡⲟⲩⲛⲟⲩϯ ⲟⲩⲟϩ ⲁϥⲉⲣϩⲟϯ ⲛ̀ ϫⲉ ⲡⲓⲗⲁⲟⲥ ϧⲁⲧϩⲏ ⲙ̀ ⲡ̀ ϩⲟ ⲙ̀ Ⲡⲟ̅ ⲥ̅ . ⲓ̅ⲅ̅ . Ⲟⲩⲟϩ ⲡⲉϫⲉ Ⲁⲅⲅⲉⲟⲥ ⲡⲓⲁⲅⲅⲉⲗⲟⲥ ⲛ̀ ⲧⲉ Ⲡⲟ̅ ⲥ̅ ⲙ̀ ⲡⲓⲗⲁⲟⲥ ϫⲉ ⲁ̀ ⲛⲟⲕ ϯ ⲛⲉⲙⲱⲧⲉⲛ ⲡⲉϫⲉ Ⲡⲟ̅ ⲥ̅ . ⲓ̅ⲇ̅ . Ⲟⲩⲟϩ ⲁ Ⲡⲟ̅ ⲥ̅ ⲧⲟⲩⲛⲟⲥ ⲡⲓⲡ̅ ⲛ̅ ⲁ̅ ⲛ̀ ⲧⲉ Ⲍⲟⲣⲟⲃⲁⲃⲉⲗ ⲡ̀ ϣⲏⲣⲓ ⲛ̀ Ⲥⲁⲗⲁⲑⲓⲏⲗ ⲉ̀ ⲃⲟⲗϧⲉⲛ ⲧ̀ ⲫⲩⲗⲏ ⲛ̀ Ⲓⲟⲩⲇⲁ ⲛⲉⲙ ⲡⲓⲡ̅ ⲛ̅ ⲁ̅ ⲛ̀ ⲧⲉ Ⲓⲏⲥⲟⲩ ⲡ̀ ϣⲏⲣⲓ ⲛ̀ Ⲓⲱⲥⲉⲇⲉⲕ ⲡⲓⲛⲓϣϯ ⲛ̀ ⲟⲩⲏⲃ ⲛⲉⲙ ⲡⲓⲡ̅ ⲛ̅ ⲁ̅ ⲛ̀ ⲧⲉ ⲛⲓⲥⲱϫⲡ ⲛ̀ ⲧⲉ ⲛⲓⲗⲁⲟⲥ ⲟⲩⲟϩ ⲁⲩϣⲉⲛⲱⲟⲩ ⲉ̀ ϧⲟⲩⲛ ⲟⲩⲟϩ ⲛⲁⲩⲓ̀ ⲣⲓ ⲛ̀ ⲛⲓϩ̀ⲃⲏⲟⲩⲓ̀ϧⲉⲛ ⲡ̀ ⲏⲓ ⲙ̀ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲡⲟⲩⲛⲟⲩϯ. ⲕⲉⲫ ⲃ̅ ⲁ̅ . Ϧⲉⲛ ⲥⲟⲩⲕ̅ ⲇ̅ ⲙ̀ ⲡⲓⲁ̀ ⲃⲟⲧ ⲙ̀ ⲙⲁϩⲊ ϧⲉⲛ ϯⲣⲟⲙⲡⲓ ⲙ̀ ⲙⲁϩⲃ̅ ϯ ϩⲓ Ⲇⲁⲣⲓⲟⲥ ⲡ̀ ⲟⲩⲣⲟ. ⲃ̅ . Ϧⲉⲛ ⲡⲓⲙⲁϩⲍ̅ ⲇⲉ ⲛ̀ ⲁ̀ ⲃⲟⲧ ⲛ̀ ⲥⲟⲩⲕ̅ ⲁ̅ ⲙ̀ ⲡⲓⲁ̀ ⲃⲟⲧ ⲁϥⲥⲁϫⲓ ⲛ̀ ϫⲉ Ⲡⲟ̅ ⲥ̅ ϧⲉⲛ ⲧ̀ ϫⲓϫ ⲛ̀ Ⲁⲅⲅⲉⲟⲥ ⲡⲓⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ. ⲅ̅ . Ϫⲉ ⲁ̀ ϫⲟⲥ ⲛ̀ Ⲍⲟⲣⲟⲃⲁⲃⲉⲗ ⲡ̀ ϣⲏⲣⲓ ⲛ̀ Ⲥⲁⲗⲁⲑⲓⲏⲗ ⲉ̀ ⲃⲟⲗϧⲉⲛ ⲧ̀ ⲫⲩⲗⲏ ⲛ̀ Ⲓⲟⲩⲇⲁ ⲛⲉⲙ Ⲓⲏⲥⲟⲩ ⲡ̀ ϣⲏⲣⲓ ⲛ̀ Ⲓⲱⲥⲉⲇⲉⲕ ⲡⲓⲛⲓϣϯ ⲛ̀ ⲟⲩⲏⲃ ⲛⲉⲙ ⲛⲓⲥⲱϫⲡ ⲧⲏⲣⲟⲩ ⲛ̀ ⲧⲉ ⲡⲓⲗⲁⲟⲥ ⲉⲕϫⲱ ⲙ̀ ⲙⲟⲥ. ⲇ̅ . Ⲛⲓⲙ ⲉ̀ ⲃⲟⲗϧⲉⲛ ⲑⲏⲛⲟⲩ ⲁϥⲛⲁⲩ ⲉ̀ ⲡⲁⲏⲓ ϧⲉⲛ ⲡⲉϥⲱ̀ ⲟⲩ ⲛ̀ ⲧⲉ ϣⲟⲣⲡ ⲟⲩⲟϩ ⲡⲱⲥ ⲉ̀ ⲧⲉⲧⲉⲛⲛⲁⲩ ⲉ̀ ⲣⲟϥ ϯⲛⲟⲩ ⲙ̀ ⲫ̀ ⲣⲏϯ ⲛⲉ ⲉϥϣⲟⲡ ⲁⲛ ⲙ̀ ⲡⲉⲧⲉⲛⲙ̀ ⲑⲟ. ⲉ̅ . Ⲟⲩⲟϩ ϯⲛⲟⲩ ϫⲉⲙⲛⲟⲙϯ Ⲍⲟⲣⲟⲃⲁⲃⲉⲗ ⲡⲉϫⲉ Ⲡⲟ̅ ⲥ̅ ⲟⲩⲟϩ ϫⲉⲙⲛⲟⲙϯ Ⲓⲏⲥⲟⲩ ⲡ̀ ϣⲏⲣⲓ ⲛ̀ Ⲓⲱⲥⲉⲇⲉⲕ ⲡⲓⲛⲓϣϯ ⲛ̀ ⲟⲩⲏⲃ ⲟⲩⲟϩ ⲙⲁⲣⲉϥϫⲉⲙⲛⲟⲙϯ ⲛ̀ ϫⲉ ⲡⲓⲗⲁⲟⲥ ⲧⲏⲣϥ ⲛ̀ ⲧⲉ ⲡ̀ ⲕⲁϩⲓ ⲡⲉϫⲉ Ⲡⲟ̅ ⲥ̅ ⲟⲩⲟϩ ⲁⲣⲓⲟⲩⲓ̀ϫⲉ ⲟⲩⲏⲓ ϯϣⲟⲡ ⲛⲉⲙⲱⲧⲉⲛ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. Ⲋ. Ⲡⲓⲥⲁϫⲓ ⲉⲧⲁⲓⲥⲉⲙⲛⲏⲧϥ ⲛⲉⲙⲱⲧⲉⲛ ⲉⲣⲉⲧⲉⲛⲛⲏⲟⲩ ⲉ̀ ⲃⲟⲗ ϧⲉⲛ Ⲭⲏⲙⲓ ⲟⲩⲟϩ ⲁϥⲟ̀ ϩⲓ ⲉ̀ ⲣⲁⲧϥ ϧⲉⲛ ⲧⲉⲧⲉⲛⲙⲏϯ ⲛ̀ ϫⲉ ⲡⲁⲡ̅ ⲛ̅ ⲁ̅ ϫⲉⲙⲛⲟⲙϯ. ⲍ̅ . Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ ⲙⲱⲟⲩ ⲛ̀ ϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϫⲉ ⲉⲧⲓ ⲕⲉⲥⲟⲡ ϯⲛⲁⲙⲟⲛⲙⲉⲛ ⲛ̀ ⲧ̀ ⲫⲉ ⲛⲉⲙ ⲡ̀ ⲕⲁϩⲓ ⲛⲉⲙ ⲫ̀ ⲓⲟⲙ ⲛⲉⲙ ⲡⲉⲧϣⲟⲩⲱⲟⲩ. ⲏ̅ . Ⲟⲩⲟϩ ⲛⲓⲉⲑⲛⲟⲥ ⲧⲏⲣⲟⲩ ϯⲛⲁⲑ̀ ⲣⲟⲩⲙⲟⲛⲙⲉⲛ ⲟⲩⲟϩ ⲉⲩⲉ̀ ϩⲉⲓ ⲛ̀ ϫⲉ ⲡ̀ ⲥⲱϫⲡ ⲛ̀ ⲧⲉ ⲛⲓⲉⲑⲛⲟⲥ ⲧⲏⲣⲟⲩ ⲟⲩⲟϩ ⲉⲩⲉ̀ ⲙⲟϩ ⲙ̀ ⲡⲁⲏⲓ ⲡ̀ ⲱ̀ ⲟⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ. ⲑ̅ . .. .. .. .. .. .. .. .. .. .. .. .. .. .. .. .. .. ⲓ̅. Ϫⲉ ⲟⲩⲏⲓ ⲉϥⲉ̀ ϣⲱⲡⲓ ⲉϥⲟⲓ ⲛ̀ ⲛⲓϣϯ ⲛ̀ ϫⲉ ⲡⲓⲱ̀ ⲟⲩ ⲛ̀ ϧⲁⲉ̀ⲛ̀ ⲧⲉ ⲡⲁⲏⲓ ⲉϩⲟⲧⲉ ⲡⲓϣⲟⲣⲡ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ϯⲛⲁϯ ⲛ̀ ⲟⲩϩⲓⲣⲏⲛⲏ ϧⲉⲛ ⲡⲁⲓⲙⲁ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲛⲉⲙ ⲟⲩϩⲓⲣⲏⲛⲏ ⲙ̀ ⲩⲭⲏ ⲉⲩⲱⲛϧ ⲛ̀ ⲟⲩⲟⲛ ⲛⲓⲃⲉⲛ ⲉ̀ ⲧⲁϩⲉ ⲡⲁⲉⲣⲫⲉⲓ ⲉ̀ ⲣⲁⲧϥ. ⲓ̅ⲁ̅ . Ϧⲉⲛ ⲥⲟⲩⲕ̅ ⲇ̅ ⲙ̀ ⲡⲓⲁ̀ ⲃⲟⲧ ⲙ̀ ⲙⲁϩⲑ̅ ϧⲉⲛ ϯⲣⲟⲙⲡⲓ ⲙ̀ ⲙⲁϩ ⲥⲛⲟⲩϯ ϩⲓ Ⲇⲁⲣⲓⲟⲥ ⲁ ⲟⲩⲥⲁϫⲓ ⲛ̀ ⲧⲉ
- 16. Ⲡⲟ̅ ⲥ̅ ϣⲱⲡⲓ ϩⲁ Ⲁⲅⲅⲉⲟⲥ ⲡⲓⲡⲣⲟⲫⲏⲧⲏⲥ ⲉϥϫⲱ ⲙ̀ ⲙⲟⲥ. ⲓ̅ⲃ̅ . Ϣⲉⲡ ⲛⲓⲟⲩⲏⲃ ⲉ̀ ⲟⲩⲛⲟⲙⲟⲥ ⲉⲕϫⲱ ⲙ̀ ⲙⲟⲥ. ⲓ̅ⲅ̅ . Ϫⲉ ⲉϣⲱⲡ ⲁⲣⲉϣⲁⲛ ⲟⲩⲣⲱⲙⲓ ϭⲓ ⲛ̀ ⲟⲩⲁϥ ⲉϥⲟⲩⲁⲃ ϧⲉⲛ ⲫ̀ ⲗⲁⲕϩ ⲛ̀ ⲧⲉ ⲡⲉϥϩⲃⲟⲥ ⲟⲩⲟϩ ⲛ̀ ⲧⲉ ⲫ̀ ⲗⲁⲕϩ ⲛ̀ ⲧⲉ ⲡⲉϥϩⲃⲟⲥ ϭⲓⲛⲉⲙ ⲟⲩⲱⲓⲕ ⲓⲉ ⲟⲩⲭⲟⲩⲱⲙ ⲉϥⲫⲟⲥⲓ ⲓⲉ ⲟⲩⲏⲣⲡ ⲓⲉ ⲟⲩⲛⲉϩ ⲓⲉ ⲭⲟⲩⲱⲙ ⲛⲓⲃⲉⲛ ⲁⲛ ⲉϥⲉ̀ ϭⲱϧⲉⲙ ⲟⲩⲟϩ ⲁⲩⲉⲣⲟⲩⲱ̀ⲛ̀ ϫⲉ ⲛⲓⲟⲩⲏⲃ ⲡⲉϫⲱⲟⲩ ϫⲉ ⲙ̀ ⲙⲟⲛ. ⲓ̅ⲇ̅ . Ⲟⲩⲟϩ ⲡⲉϫⲉ Ⲁⲅⲅⲉⲟⲥ ϫⲉ ⲉϣⲱⲡ ⲁⲣⲉϣⲁⲛ ⲟⲩⲁⲓ ⲉϥⲥⲟϥ ⲓⲉ ⲟⲩⲩⲭⲏ ⲉⲥϭⲁϧⲉⲙ ⲉ̀ ϫⲉⲛ ⲟⲩⲩⲭⲏ ⲁϥϣⲁⲛϭⲓ ⲉ̀ ⲃⲟⲗϧⲉⲛ ⲛⲁⲓ ⲧⲏⲣⲟⲩ ⲁⲛ ϥ̀ⲛⲁϭⲱϧⲉⲙ ⲟⲩⲟϩ ⲁⲩⲉⲣⲟⲩⲱ̀ⲛ̀ ϫⲉ ⲛⲓⲟⲩⲏⲃ ⲡⲉϫⲱⲟⲩ ϫⲉ ϥ̀ⲛⲁϭⲱϧⲉⲙ. ⲓ̅ⲉ̅ . Ⲟⲩⲟϩ ⲁϥⲉⲣⲟⲩⲱ̀ⲛ̀ ϫⲉ Ⲁⲅⲅⲉⲟⲥ ⲡⲉϫⲁϥ ϫⲉ ⲡⲁⲓⲣⲏϯ ⲡⲉ ⲡⲁⲓⲗⲁⲟⲥ ⲙ̀ ⲡⲁⲙ̀ ⲑⲟ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ⲟⲩⲟϩ ⲡⲁⲓⲣⲏϯ ⲛⲉ ⲛⲓϩ̀ⲃⲏⲟⲩⲓ̀ⲛ̀ ⲧⲉ ⲛⲟⲩϫⲓϫ ⲟⲩⲟϩ ⲫⲏⲉⲑⲛⲁϧⲱⲛⲧ ⲉ̀ ⲡⲓⲙⲁ ⲉⲧⲉⲙ̀ ⲙⲁⲩ ⲉϥⲉ̀ ϭⲱϧⲉⲙ ⲉⲑⲃⲉ ⲛⲓⲗⲩⲙⲙⲁ ⲛ̀ ⲧⲉ ϣⲟⲣⲡ ⲉⲩⲉ̀ ⲉⲣⲙ̀ ⲕⲁϩ ⲛ̀ ϩⲏⲧ ⲉ̀ ⲃⲟⲗϩⲁ ⲡ̀ ϩⲟ ⲛ̀ ⲛⲟⲩϧⲓⲥⲓ ⲟⲩⲟϩ ⲛⲁⲣⲉⲧⲉⲛⲙⲟⲥϯ ⲛ̀ ⲛⲏⲉⲧⲥⲟϩⲓ ϧⲉⲛ ⲛⲓⲡⲩⲗⲏ. ⲓ̅Ⲋ. Ⲟⲩⲟϩ ϯⲛⲟⲩ ⲭⲁ ϧⲉⲛ ⲡⲉⲧⲉⲛϩⲏⲧ ⲓⲥϫⲉⲛ ⲡⲁⲓⲉ̀ ϩⲟⲟⲩ ⲛⲉⲙ ⲥⲁⲡϣⲱⲓ ⲙ̀ ⲡⲁⲧⲟⲩⲭⲁ ⲟⲩⲱ̀ ⲛⲓ ⲉ̀ ϫⲉⲛ ⲟⲩⲱ̀ ⲛⲓ ϧⲉⲛ ⲡⲓⲉⲣⲫⲉⲓ ⲛ̀ ⲧⲉ Ⲡⲟ̅ ⲥ̅ ⲛⲉ ⲛ̀ ⲑⲱⲧⲉⲛ ⲛⲓⲙ ⲡⲉ. ⲓ̅ⲍ̅ . Ϩⲟⲧⲉ ⲉⲣⲉⲧⲉⲛϩⲓⲟⲩⲓ̀ⲛ̀ ⲕ̅ ⲛ̀ ⲥⲁⲧⲁ ⲛ̀ ⲓⲱⲧ ⲉ̀ ϧ̀ⲣⲏⲓ ⲉ̀ ⲟⲩⲕⲓⲉⲗⲏ ⲟⲩⲟϩ ϣⲁⲩⲉⲣ ⲓ̅ ⲛ̀ ⲥⲁⲧⲁ ⲛ̀ ⲓⲱⲧ ⲟⲩⲟϩ ϣⲁⲣⲉⲧⲉⲛϣⲉⲛⲱⲧⲉⲛ ⲉ̀ ϧⲟⲩⲛ ⲉ̀ ⲡⲓⲓⲟⲙ ⲉ̀ ⲫⲉⲛⲕ ⲛ̅ ⲙ̀ ⲙⲉⲧⲣⲓⲧⲏⲥ ⲛ̀ ⲛⲉϩ ⲟⲩⲟϩ ϣⲁⲩⲉⲣⲕ̅ . ⲓ̅ⲏ̅ . Ⲁⲓϣⲁⲣⲓ ⲉ̀ ⲣⲱⲧⲉⲛ ϧⲉⲛ ⲟⲩⲙⲉⲧⲁⲧⲟⲩⲧⲁϩ ⲛⲉⲙ ⲟⲩϫⲓⲙ̀ ⲫⲉϩ ⲟⲩⲟϩ ⲛⲓϩ̀ⲃⲏⲟⲩⲓ̀ⲧⲏⲣⲟⲩ ⲛ̀ ⲧⲉ ⲛⲉⲧⲉⲛϫⲓϫ ϧⲉⲛ ⲟⲩⲁⲗ ⲟⲩⲟϩ ⲙ̀ ⲡⲉⲧⲉⲛⲕⲉⲧ ⲑⲏⲛⲟⲩ ϩⲁⲣⲟⲓ ⲡⲉϫⲉ Ⲡⲟ̅ ⲥ̅ . ⲓ̅ⲑ̅ . Ⲑⲱⲧ ⲛ̀ ⲛⲉⲧⲉⲛϩⲏⲧ ⲓⲥϫⲉⲛ ⲡⲁⲓⲉ̀ ϩⲟⲟⲩ ⲛⲉⲙ ⲙⲉⲛⲉⲛⲥⲱϥ ⲓⲥϫⲉⲛ ⲥⲟⲩⲕ̅ ⲇ̅ ⲙ̀ ⲡⲓⲁ̀ ⲃⲟⲧ ⲙ̀ ⲙⲁϩⲑ̅ ⲛⲉⲙ ⲓⲥϫⲉⲛ ⲡⲓⲉ̀ ϩⲟⲟⲩ ⲉⲧⲁⲩϩⲓⲥⲉⲛϯ ⲛ̀ ϧⲏⲧϥ ⲙ̀ ⲡⲓⲉⲣⲫⲉⲓ ⲛ̀ ⲧⲉ Ⲡⲟ̅ ⲥ̅ ⲭⲁⲥ ϧⲉⲛ ⲛⲉⲧⲉⲛϩⲏⲧ. ⲕ̅ . Ϫⲉ ⲁⲛ ⲉⲧⲓ ⲥⲉⲛⲁⲥⲟⲩⲉⲛ ⲑⲏⲛⲟⲩ ϩⲓϫⲉⲛ ⲡⲓϭⲛⲱⲟⲩ ⲟⲩⲟϩ ϯⲃⲱⲛ̀ ⲁ̀ ⲗⲟⲗⲓ ⲛⲉⲙ ϯⲃⲱⲛ̀ ⲕⲉⲛⲧⲉ ⲛⲉⲙ ϯⲃⲱⲛ̀ ⲉⲣⲙⲁⲛ ⲛⲉⲙ ⲛⲓϣϣⲏⲛ ⲛ̀ ⲧⲉ ϯⲃⲱⲛ̀ ϫⲱⲓⲧ ⲛⲏⲉⲧⲉ ⲛ̀ ⲥⲉⲛⲁⲉ̀ ⲛ ⲟⲩⲧⲁϩ ⲉ̀ ⲃⲟⲗ ⲁⲛ ⲓⲥϫⲉⲛ ⲡⲁⲓⲉ̀ ϩⲟⲟⲩ ϯⲛⲁⲥⲙⲟⲩ ⲉ̀ ⲣⲱⲟⲩ. ⲕ̅ ⲁ̅ . Ⲟⲩⲟϩ ⲁ ⲟⲩⲥⲁϫⲓ ⲛ̀ ⲧⲉ Ⲡⲟ̅ ⲥ̅ ϣⲱⲡⲓ ϩⲁ Ⲁⲅⲅⲉⲟⲥ ⲡⲓⲡⲣⲟⲫⲏⲧⲏⲥ ⲙ̀ ⲫ̀ ⲙⲁϩ ⲥⲟⲡⲃ̅ ⲛ̀ ⲥⲟⲩⲕ̅ ⲇ̅ ⲙ̀ ⲡⲓⲁ̀ ⲃⲟⲧ ⲉϥϫⲱ ⲙ̀ ⲙⲟⲥ. ⲕ̅ ⲃ̅ . Ⲁϫⲟⲥ ⲛ̀ Ⲍⲟⲣⲟⲃⲁⲃⲉⲗ ⲡ̀ ϣⲏⲣⲓ ⲛ̀ Ⲥⲁⲛⲁⲑⲓⲏⲗ ⲉ̀ ⲃⲟⲗϧⲉⲛ ⲧ̀ ⲫⲩⲗⲏ ⲛ̀ Ⲓⲟⲩⲇⲁ ⲉⲕϫⲱ ⲙ̀ ⲙⲟⲥ ϫⲉ ⲁ̀ ⲛⲟⲕ ϯⲛⲁⲙⲟⲛⲙⲉⲛ ⲛ̀ ⲧ̀ ⲫⲉ ⲛⲉⲙ ⲡⲓⲕⲁϩⲓ ⲛⲉⲙ ⲫ̀ ⲓⲟⲙ ⲛⲉⲙ ⲡⲉⲧϣⲟⲩⲱⲟⲩ. ⲕ̅ ⲅ̅ . Ⲟⲩⲟϩ ϯⲛⲁⲫⲱⲛϫ ⲛ̀ ϩⲁⲛⲑⲣⲟⲛⲟⲥ ⲛ̀ ⲧⲉ ϩⲁⲛⲟⲩⲣⲱⲟⲩ ⲟⲩⲟϩ ϯⲛⲁϥⲱϯ ⲉ̀ ⲃⲟⲗ ⲛ̀ ⲧ̀ ϫⲟⲙ ⲛ̀ ⲛⲓⲟⲩⲣⲱⲟⲩ ⲛ̀ ⲧⲉ ⲛⲓⲉⲑⲛⲟⲥ ⲟⲩⲟϩ ϯⲛⲁⲟⲩⲱϫⲡ ⲛ̀ ϩⲁⲛϩⲁⲣⲙⲁ ⲛⲉⲙ ⲛⲏⲉⲧϩⲉⲙϩⲉⲙ ϩⲓϫⲱⲟⲩ ⲟⲩⲟϩ ⲉⲩⲉ̀ ⲓ̀ⲉ̀ ⲡϣⲱⲓ ⲛ̀ ϫⲉ ϩⲁⲛϩⲑⲱⲣ ⲛⲉⲙ ⲛⲏⲉⲧⲧⲁⲗⲏⲟⲩⲧ ⲉ̀ ⲣⲱⲟⲩ ⲫ̀ ⲟⲩⲁⲓ ⲫ̀ ⲟⲩⲁⲓ ϧⲉⲛ ⲟⲩⲥⲏϥⲓ ⲟⲩⲃⲉ ⲡⲉϥⲥⲟⲛ. ⲕ̅ ⲇ̅ . Ϧⲉⲛ ⲡⲓⲉ̀ ϩⲟⲟⲩ ⲉⲧⲉⲙ̀ ⲙⲁⲩ ⲡⲉϫⲉ Ⲡⲟ̅ ⲥ̅ Ⲡⲓⲡⲁⲛⲧⲟⲕⲣⲁⲧⲱⲣ ϯⲛⲁⲟⲗⲕ Ⲍⲟⲣⲟⲃⲁⲃⲉⲗ ⲡ̀ ϣⲏⲣⲓ ⲛ̀ Ⲥⲁⲗⲁⲑⲓⲏⲗ ⲡⲁⲃⲱⲕ ⲡⲉϫⲉ Ⲡⲟ̅ ⲥ̅ ⲟⲩⲟϩ ϯⲛⲁⲭⲁⲕ ⲙ̀ ⲫ̀ ⲣⲏϯ ⲛ̀ ⲟⲩⲥⲫⲣⲁⲅⲓⲥ ϫⲉ ⲟⲩⲏⲓ ⲛ̀ ⲑⲟⲕ ⲡⲉ ⲉⲧⲁⲓⲥⲟⲧⲡⲕ ⲡⲉϫⲉ Ⲡⲟ̅ ⲥ̅ .