1. ANTAS NG WIKA

2. Antas ng Wika
• Ang pagkakaroon ng antas ng wika ay isa pa ring
mahalagang katangiang taglay nito. Tulad ng tao sa
lipunan na may istratipikasyon o pagkakahati ayon sa
pamantayan gayundin ang wika, nahahati ito sa iba’t
ibang kategorya ayon sa kaantasan nito. Sinasabi nga, na
makikilala mo ang pagkatao ng isang tao batay sa
wikang kanyang ginagamit. Hindi ba madalas na kapag
bastos mangusap ang isang tao ay ipinalalagay na wala
siyang pinag-aralan?
Samakatwid, mahalagang mapag-aralan ang mga
antas ng wika upang maiangkop ng tao ang wikang
kanyang gagamitin sa isang partikular na kalagayan at
sitwasyon.
Mahahati ang antas ng wika sa dalawa: Pormal at
Impormal at sa loob nito ay may iba pang antas.

3. Pormal
• Pambansa – Ito ang mga salitang
karaniwang ginagamit sa mga aklat
pangwika/ pambalarila sa lahat ng paaralan.
Ito rin ang wikang kadalasang gingamit ng
pamahalaan at itinuturo sa mga paaralan.
• Pampanitikan – Ito naman ang mga
salitang gamitin ng mga manunulat sa
kanilang mga kadang pampanitikan. Ito ang
mga salitang karaniwang matatayog,
malalalim, makukulay at masining.

4. Impormal
• Ito ang mga salitang karaniwan, palasak at pang-
araw-araw na madalas nating gamitin sa
pakikipag-usap at pakikipagtalastasan sa mga
kakilala at kaibigan.
• Lalawiganin – ito ang mga bokabularyong
pandayalekto. Gamitin ang mga ito sa mga
partikular na pook o lalawigan lamang, maliban
kung ang mga taal na gumagamit nito ay
magkikita-kita sa ibang lugar dahil natural na nila
itong naibubulalas. Makikilala rin ito sa
pagkakaroon ng kakaibang tono, o ang tinatawag
ng marami na “Punto”.

5. • Kolokyal – Ito ay mga pang-araw-araw na salita na
ginagamit sa mga pagkakataong impormal.
Maaaring may kagaspangan nang kaunti ang mga
salitang ito ngunit maaari rin itong maging repinado
ayon sa kung sino ang nagsasalita nito. Ang
pagpapaikli ng isa, dalawa o higit pang salita ay
mauuri sa antas na ito. Halimbawa: Nasa’n (nasaan),
kelan (kailan)
• Balbal – Ito ang tinatawag sa Ingles na “slang”. Sa
mga pangkat-pangkat nagmumula ang mga ito
upang ang mga pangkat ay magkaroon ng saring
koda (codes). Mababang antas ng wika ito, bagamat
may mga dalubwikang nagmungkahi ng higit pang
mababang antas, ang antas na bulgar (halimbawa
nito ay mga mura at mga salitang may kabastusan).