1. Маңғыстау облысы
Жаңаөзен қаласы
№19 орта мектептің тарих пәні мұғалімі
Мейрбекова Айгүл Темірханқызы
Егеменді елдің, келер ұрпақтың болашағы, келешегі білімде жатыр, ол үшін білімді,
білікті ұстаздар керек...
Н.Назарбаев
Бүгінгі таңдағы оқыту үрдісі жаңа әдіс-тәсілдерді, жаңаша идеяларды қолдануды талап
етеді. Әр мұғалім өз іс-тәжірибесінде көптеген қиындықтармен, кедергілермеен
кездеседі. Ол заман көшіне ілесу үшін өз білімін жетілдіріп отыру қажет.
Мен де оқыту тәжірибемде жетістіктерге жету жолдарын қарастырудамын. Оқушылар
өз пікірлерін, көзқарастарын еркін және ерікті түрде білдірсе екен деп ойлаймын. Тек
білдіру емес, сонымен бірге өз пікірлерін дәлелдей алатын және оны іс жүзінде де асыра
алатын тұлға болып қалыптаса алса, онда мұғалімнің биік мақсатқа қол жеткізгені
болмақ.
Ең алдымен жаныма жақын, өз іс-тәжірибеме ертерек еніп кеткен әдіс-сыни тұрғыдан
ойлауды дамыту технологиясына тоқталғым келеді: Білім берудің сапасын жақсарту
мақсатында Сын тұрғысынан ойлау технологиясын өз сабақтарымда қолданып жүрмін.
Сын тұрғысынан ойлау технологиясының мені қызықтырғаны баланы өзі ізденіп
дәлелдеуі. Ол үшін бұрын тек тыңдаушы болса, енді ізденуші, ойланушы, өз ойын
дәлелдеуші, ал мұғалім осы әрекетке бағыттаушы, ұйымдастырушы.Сын
тұрғысынанойлау бағдарламасы оқушының еркін сөйлеуіне, пікір таластыруына,
достарының ойын тыңдауға, проблеманы шешу жолдарын іздей отырып, қиындықты
шешуге бағытталған бағдарлама. Сын тұрғысынан ойлау дегеніміз- сабақта
оқушылардың қызығушылығын арттыра отырып, өз ойыңды еркін және зерттей
талпындырып, тұжырым жасау.
Дәстүрлі оқыту әдісінде мұғалім білімді беруші болған болса, жаңа оқыту әдісінде
мұғалім бағыттаушы болып табылады. Сабақтағы басты тұлға, басты кейіпкер- оқушы.
Оқушыны өз бетімен білім алуға, ол үшін ізденуге, терең ойлауға , зерттеуге дағдыларын
қалыптасу қажет. Жаңа білімді меңгерту үшін ең тиімді әдіс сұрақ-жауап, әңгімелесу ,
диалог болып табылады. Менің әр сабағым диалогқа құрылды. Топтық жұмыс арқылы
оқушы мен оқушы арасында, оқушы мен оқытушы арасындағы диалогты тиімді
ұйымдастыру арқылы мақсатқа қол жеткізе алдым.Оқушылар мен күткеннен де артық
әсер алды. Өз ойларын жарыса айтып, қызу пікірталас тудыра алды. Жаңа сабақты өз
беттерімен тез меңгере алды. Сабақта үнсіз отыратын оқушылар пікір айтып , сөйлеуге
үйреніп кетті.
Еліміздің ертеңгі тізгінін қолына алып, елін, жерін көркейте алатын ұрпақ-қазіргі мектеп
партасында отырған қабілеті ерекше, талантты немесе дарынды ұрпақ. Алдымен өткізген
2. сауалнама нәтижесі арқылы, өзге адамдармен сөйлесу арқылы сыныпта шығармашылық
қабілеті жоғары оқушлардың бар екендігін анықтап, әр сабағымда шығармашылық
тапсырмалар беруге тырыстым. Бұл дарынды оқушыны анықтап алу үшін оңтайлы
болды. Тапсырманы жеке орындаған оқушы да өз жұмысын топтың атынан қорғап, өз
тобын алға сүйреуге ұмтылғандары. Бұл жерден ынтымақтастықтың белгісін анық
байқауға болады. Оқушылар топқа әр түрлі тренингтер арқылы бөлінген кезде ешқандай
қарсылық білдірмей, бірден іске кірісіп кетіп жатты. Бір-біріне деген жанашырлықтары,
өзара татулықта ұйымшылдықтары үнемі байқалып тұрды.
Оқушылардың дүниетанымын , ой-өрісін кеңейту, өмірге деген көзқарасын жан-жақты
дамытып, шығармашылық қабілетіне жол ашуда ақпараттық- коммуникациялық
технологияларды пайдалану – заман талабы. Мектептегі технологияларға теледидар
бағдарламалары, электрондық оқулықтар, интернет, ұялы телефон, компьютер, т.б
жатқызсақ , сабақтарымызда оқушылардың қызығушылығын ояту, ынтасын арттыруда
оқулықпен жұмыс, бейнефильмдер көрсету арқылы оқушылардың естерінде ұзақ сақтау
дағдыларын жетілдірумен қатар, үйге тапсырма берген уақытта көбіне интернет
беттерінен іздеуді ұсынып, кейде нақты интернет сайттарына сілтеме беріп отырдым.
Әрине қазіргі оқушылар кітапханаға барғаннан гөрі интернетпен жұмыстануға көбірек
қызығушылық танытады, заман талабына сай жеткілікті дәрежеде сандық сауаты бар,
өмір жағдайларының барлық аспектілерінде жаңа технологиялардың бар мүмкіндіктерін
пайдаланып, оны өмірлік қажеттіліктеріне қарай пайдаланатын ұрпақ тәрбиелеуде АКТ
таптырмайтын тәсіл болып қала бермек.
Білім беру үшін бағалау және оқытуды бағалау модулі біз үшін жаңа көзқарас
қалыптасқан десем, қателеспеймін. Балаларды ынталандыруда тәуекелге барып,
оқушылардың жауаптарын жоққа шығармай, сол қателерін өзіне түзете арқылы
жұмыстандыру қажеттігін, бағалау критийлері арқылы әділ бағалауға қол жеткізудің
мұғалім үшін де, оқушы үшін де тиімділігін ұғынып , аз уақыт ішінде болса да бағалау
түрлерін өз тәжірибемде пайдаланып, оң нәтижелерге қол жеткізе алдым.
Мұғалімдік тәжірибемдегі ендігі мақсат – заман талабына сай құзіретті тұлға
қалыптастыруда осы жеті тәсілді жүйелі қолдана отырып , өз тәжірибемді толықтыру,
жетілдіру болмақ.
Жаңаша жеті модуль бойынша оқыту арқылы құзіретті тұлға қалыптастыру.Бүгінгі заман
ағымы болашақ ұрпақтың ой-өрісінің шыңдалуын , жеке тұлға ретінде қалыптасуын
талап етуде. Осы орайда ұлы педагог Ушинскийдің «Бала – балқытылған алтын» деген
қанатты сөзді еске түседі. Балаға қалай бағыт берсең, солай өседі.
Қазақстанның білім беру мазмұны сөзсіз жаңа сатыға көтеріліп, алға қадам бастап
келеді. Біліктілік пен шеберлігімізді ұштастырып, жас ұрпақты әлемді мойындататын
рухани биікке көтеру біздердің міндетіміз.