Выпуск 20 ад 02.06.2011

1. Кроніка грамадскага жыцця Гарадзеншчыны
ад грамадскага аб’яднання
“Цэнтр “Трэці сектар”
а/с 54, Гародня, 230009,
тэл./факс (0-152) 75-71-72,
e-mail: trecisektar@yahoo.com
сайт http://3sektar.by/
Выпуск 20 (488)
( 2 чэрвеня 2011 г.)
Рэдактар выпуску: Кася Крот
Пры выкарыстанні матэрыялаў “Кронікі” спасылка на крыніцу
абавязковая
Сёньня ў выпуску:
Памерла Алена Вінчэўская..........................................................................................2
Прэзентацыя “Гарадзенскага палімпсеста 2010”......................................................2
Дрэва Паэзіі з’явіцца ў Крэве.......................................................................................3
уверх..........................................................................................................................4
Дачцэ актывісткі БХД з Мастоў патрэбная аперацыя................................................4
.......................................................................................................................................4
Польска-беларуска-украінскі летнік па новых медыях ............................................4
уверх..........................................................................................................................5
“Школа адукатара” шукае эксперта............................................................................5
уверх..........................................................................................................................6
Конкурс навуковых прац ад Пасольства Польшчы ...................................................6
Летнік і фэст у Крэве....................................................................................................6
Трэцяя сустрэча Форума грамадзянскай супольнасці..............................................7
.......................................................................................................................................7
Падтрымка грамадскіх аб’яднанняў і незалежных СМІ............................................7
.......................................................................................................................................9

2. Літаратурны конкурс да 100-годдзя Чэслава Мілаша..............................................9
Майстэрня па творчай рэабілітацыі «Дай руку сябру»............................................9
Семінар для настаўнікаў па актыўнай ацэнцы........................................................10
Міжнародны Форум Валанцёраў.............................................................................10
Гранты на падарожжа па Нямеччыне для моладзі................................................10
 Падзеі:
 уверх
Памерла Алена Вінчэўская
Сябры грамадскага аб’яднання “Цэнтр “Трэці сектар” выказваюць шчырыя спачуванні
старшыні гродзенскага абласнога аддзялення ГА “Ахова птушак Бацькаўшчыны” Дзмітрыю
Вінчэўскаму з прычыны заўчаснай смерці жонкі Алены.
Алена Вінчэўская памерла раптоўна раніцай 27 мая на 38-ым годзе жыцця.
Яна была цудоўнай маці, жонкай, настаўніцай, светлай і прыгожай жанчынай.
Пахавалі Алену ў Слоніме.
Вечная памяць.
 уверх
Прэзентацыя “Гарадзенскага палімпсеста 2010”
У пятніцу 3 чэрвеня ў Гродне адбудзецца прэзентацыя чарговага тому выдавецкай серыі
“Гарадзенская бібліятэка”. Вашай увазе прапануем вынік гадавой працы спецыяльнай групы
гісторыкаў, знаўцаў гісторыі Гродна – зборнік “Гарадзенскі палімпсест 2010”.
Гэта зборнік матэрыялаў, падрыхтаваны пад рэдакцыяй гарадзенскіх гісторыкаў Алеся
Смалянчука і Наталлі Сліж.
У раздзеле “Гародня эпохі ВКЛ” даследчыкі распавядаюць пра дзейнасць гарадзенскіх
судоў і магістрата ў 16 – 18 ст., пра палітычную барацьбу на гарадзенскіх сойміках, аналізуюць
публічныя смяротныя пакаранні.
Матэрыялы раздзела “Горад і яго жыхары ў 19-20 ст.” знаёмяць чытача з сацыяльным
партрэтам мясцовага чыноўніка і святара, штодзённасцю гарадзенскіх турмаў, пачаткамі
гарадзенскага кінематографа і фатаграфіі, распавядаюць пра дзяцінства габрэйскіх дзяцей
пазамінулага стагоддзя і г.д.
2

3. Сярод аўтараў “Гарадзенскага палімпсеста 2010” вядомыя гісторыкі Зміцер Яцкевіч,
Аляксей Шаланда, Віталь Галубовіч, Сяргей Токць, Вольга Сабалеўская, Андрэй Чарнякевіч, Сяргей
Харэўскі ды інш.
“Гарадзенскі палімпсест 2010” вяртае з нябыту знішчаныя часам і людзьмі старонкі гісторыі
славутага гораду на Нёмане.
Пачатак прэзентацыі:
Пятніца, 3 чэрвеня, 18.30 у традыцыйным месцы: Гродна, Будзёнага 48а (зала ва
ўнутраным дворыку).
 уверх
Дрэва Паэзіі з’явіцца ў Крэве
4 чэрвеня беларускія літаратары збяруцца ў Крэве каля дома па адрасе вул.Смаргонская,
61, дзе правёў першыя гады жыцця Уладзімір Някляеў і дагэтуль жыве яго родная цётка Алена
Аляксандраўна Магер, якой паэт прысвяціў паэму «Вялікдзень».
На полі Магераў і будзе пасаджана Дрэва Паэзіі-2011, якое літаратары вырашылі
прысвяціць паэту Ўладзіміру Някляеву.
Адрадзіць традыцыю паэтычных дрэваў Беларусі вырашылі сябры Беларускага ПЭН-
Цэнтру.
Мэта праекта «Дрэва Паэзіі» — стварыць у Беларусі новыя знакавыя кропкі, каля якіх будзе
дарэчным гаварыць пра Літаратуру. Першае паэтычнае дрэва з’явіцца ў гонар Уладзіміра
Някляева.
Намесніца старшыні Беларускага ПЭН-Цэнтру Марыя Мартысевіч:
- У траўні атрымалі ліст ад гішпанскіх паэтаў, якія прапанавалі зрабіць маленькую
паэтычную акцыю. Ідэі яны апісвалі розныя, у тым ліку і Дрэва Паэзіі.
Я адразу загарэлася, бо ідэя Дрэва, на мой погляд, найбольш адпавядае духу, атмасферы
Беларусі.
Акурат тады Някляеў быў у судзе, і мы вельмі хацелі падтрымаць яго. Тады не паспелі,
але робім гэта зараз.
Ідэя даволі аб’ёмная. Калі ўсё складзецца – будзем рабіць такую акцыю раз на год,
збіраемся прымеркаваць да Дня зямлі.
У нас вельмі шмат паэтаў, якіх можна сімвалізаваць праз дрэва – Караткевіч,
Барадулін… Сімвалаў хапае, а мы хочам увасобіць іх у пэўных фізічных дрэвах.
Такія дрэвы ўжо з’яўляюцца, а ўвогуле яшчэ ў 19 стагоддзі ў шляхецкіх парках раслі
дрэвы, прысвечаныя вялікім паэтам, узгадаем хаця б дуб Адама Міцкевіча.
Падрабязнасці падзеі арганізатары да апошняй хвіліны трымаюць у сакрэце, аднак
папярэджваюць, што пасля літаратурнай імпрэзы ў цэню Дрэва Паэзіі адбудзецца пікнік, так што
бярыце з сабой пачастунак.
Імпрэза распачнецца а 12-ай гадзіне на на прыватнай тэрыторыі, таму просьба да ўсіх
удзельнікаў паводзіць сябе далікатна, праходзячы да месца акцыі праз падворак.
З Мінску ў Крэва можна трапіць на маршрутцы, а вось гродзенцам давядзецца
паклапаціцца пра даезд прыватным чынам: мікрааўтобусы, якія адпраўляюцца да Крэва з
аўтавакзала, па суботах не ходзяць.
Дадатковую інфармацыю пра імпрэзу можна атрымаць па тэлефонах (029) 6404679,
(029)7508870.
Паводле http://t-styl.info
3

4.  уверх
Дачцэ актывісткі БХД з Мастоў патрэбная аперацыя
У пяцігадовай Ксеніі Давідовіч выявілі хваробу вока. Актывістка БХД з Мастоў Алена
Давідовіч гадуе пяцігадовую дачку і аднагадовага сына адна.
У дачушкі Ксеніі выявілі захворванне вока — рубцовае васкулязаванае памутненне
рагавіцы, рэтракарнеальная мембрана, рэгрэсіўная катаракта, другасная глаўкома, субатрафія
левага вочнага яблыка ды іншае. Гэта азначае, што дзяўчынцы давядзецца выдаляць хворае вока і
ставіць пратэз.
У красавіку падобная аперацыя каштавала 15 мільёнаў рублёў. Для збору сродкаў на
аперацыю быў адкрыты ў г. Масты
ў ЦБП 415 філіяла 400 ААБ «Беларусбанк» дабрачынны рахунак N 000003 у беларускіх
рублях.
Паводле http://t-styl.info
 уверх
Абвесткі:
 уверх
Польска-беларуска-украінскі летнік па новых медыях
Фонд Новыя Медыі ў межах праекту "Моладзь у дзеянні" пачынае прыём заявак на
удзел у польска-беларуска-украінскім летніку "Мультыма - актыўнасць моладзі ў новых
медыях", які адбудзецца ў Польшчы (Сероцк) 1-12 кастрычніка.
Летнік, фінансаваны FRSE (Фонд Развіцця Сістэмы Адукацыі), ладзяць супольна Фонд Новыя
Медыі (Польшча), Цэнтр творчасці дзяцей і моладзі Галіччыны (Украіна) і ГА “Цэнтр "Трэці сэктар"
(Беларусь).
Мэта летніку: наладзіць супрацоўніцтва і абмен досведам для моладзі трох краін,
пазнаёміць з ініцыятывамі і новымі магчымасцямі аб'яднанай Еўропы, падзяліцца добрай
практыкай супрацы з еўрапейскімі інстытутамі і лакальнымі арганізацыямі, пашырыць праз новыя
медыі ідэю нефармальнай адукацыі, стварыць мультыму - мультымедыйную інтэрнэт-газету для
далейшай камунікацыі між моладдзю, зацікаўленай развіццём медыя-праектаў.
Галоўныя тэмы: "моладзевыя СМІ і інфармацыя", "еўрапейская свядомасць".
Фармат заняткаў: навучанне праз інтэрактыўныя трэнінгі (напрыклад, "быць журналістам -
што гэта значыць?", "Праца рэдакцыі - і твая роля ў калектыве"); сустрэчы з польскімі
журналістамі; ролевыя гульні (правядзенне інтэрв'ю, прэс-канферэнцый і г.д.); выкарыстанне
4

5. адкрытых тэхналогій і ліцэнзій; мультыкультурныя заняткі - узмацненне пазітыўнай ідэнтыфікацыі
з уласнай этнічнай групай/нацыянальнасцю; узмацненне навыкаў працы ў мультыкультурным
асяроддзі, практыкі Еўрасаюзу ў гэтым накірунку.
У праекце могуць браць удзел: рэзідэнты Беларусі і Польшчы ва ўзросьце 18 - 25 гадоў, якія
актыўна спрыяюць стварэнню моладзевай прэсы, актыўныя сябры недзяржаўных арганізацый.
Веданне польскай мовы вітаецца, але не з’яўляецца абавязковым.
Рабочыя мова - польская, беларуская, украінская.
Праграма скіравана да валанцёраў і маладых людзей, якія ўжо працуюць у грамадскіх
арганізацыях і супольнасцях, удзельнічаюць у сацыяльных і моладзевых грамадскіх рухах.
Удзел бясплатны. Арганізатары пакрываюць усе выдаткі па праграме, візу, праезд,
харчаванне і пражыванне.
Каб падаць заяўку, калі ласка, дашліце рэзюмэ (максімум дзьве старонкі) на электронны
адрас kontakt@nowemedia.info .
Апошні тэрмін падачы заяўкі - 31 жніўня.
Паводле http://t-styl.info
 уверх
“Школа адукатара” шукае эксперта
Асацыяцыя дадатковай адукацыі і асветы (Беларусь) абвяшчае конкурс сярод
адукатараў на правядзенне адукацыйнага курса “Школы адукатара. Крок 2”.
Мэтай школы з’яўляецца павышэнне кваліфікацыі беларускіх адукатараў, якія
прадстаўляюць некамерцыйныя арганізацыі і зацікаўлены ў распрацоўцы канцэпцый
адукацыйных мерапрыемстваў, а таксама прыцягнення сродкаў для рэалізацыі гэтых
мерапрыемстваў.
Вынікам Школы павінны быць пісьменна складзеныя заяўкі на правядзенне адукацыйных і
асветніцкіх мерапрыемстваў у межах Тыдня нефармальнай адукацыі-2011, які адбудзецца ў
Беларусі з 24 верасня па 2 кастрычніка 2011 года.
Тэрмін правядзення Школы: 4 дні (14-17.07 альбо 21-24.07). Канчатковыя даты будуць
зацверджаныя пасля адбору экспертаў.
Патрабаванні да эксперта:
-наяўнасць асабістага досьведу распрацоўкі і рэалізацый адукацыйных праграм,
праектаў, мерапрыемстваў;
-валоданне метадалогіяй навучання распрацоўцы канцэпцый адукацыйных
мерапрыемстваў (вызначэнне мэты і зместу, мэтавых груп, метадаў працы, неабходных
рамкавых умоваў);
-валоданне фасілітатарскімі ўменнямі, неабходнымі для працы з групай 15-18 чалавек;
-валоданне ведамі і ўменнямі па навучанні напісання заявак на атрыманне сродкаў для
рэалізацыі адукацыйных праектаў і мерапрыемстваў;
-гатоўнасць працаваць у пары з нямецкім экспертам на этапе распрацоўкі праграмы
Школы і яе правядзення.
Дадатковыя (не абавязковыя!) пажаданні:
валоданне нямецкай альбо ангельскай мовамі.
Праграма Школы павінна быць складзеная ў партнёрстве з нямецкім экспертам. Ролі ў час
вядзення трэнінга трэнеры размяркоўваюць паміж сабой самастойна.
5

6. У выпадку неабходнасці пытанні можна адрасаваць каардынатару Школы адукатараў-2011
Святлане Анташкевіч па адрасе shkola.adukatara@gmail.com
На гэты ж адрас дасылайце заяўкі, калі маеце жаданне ўзяць удзел у правяденні Школы
адукатара ў якасці эксперта.
Апошні тэрмін – да 10 чэрвеня.
Апроч заяўкі ў вольнай форме неабходна прадставіць сваё рэзюмэ з апісаннем
папярэдняга досведу працы па правядзенні падобнага кшталту мерапрыемстваў.
Перавагай пры адборы эксперта будуць карыстацца прадстаўнікі арганізацый – сябраў
Асацыяцыі дадатковай адукацыі і асветы.
Паводле http://t-styl.info
 уверх
Конкурс навуковых прац ад Пасольства Польшчы
Пасольства Рэспублікі Польшча ў Беларусі пад патранатам пасла РП у Беларусі абвяшчае
ІV конкурс дыпломных і навуковых прац, прысвечаных польскай праблематыцы.
Конкурс скіраваны да студэнтаў і навукоўцаў – аўтараў прац у галіне польскай мовы,
польскай літаратуры, польскай гісторыі і культуры.
Працы, напісаныя на польскай, беларускай і рускай мовах будуць ацэньвацца ў трох катэгорыях:
1. Дыпломныя працы (на ступені бакалаўра і магістра)
2. Кандыдацкія працы
3. Падручнікі
4. Іншыя працы навуковага характару, аўтарства маладых вучоных, апублікаваныя цягам
апошняга году.
Правілы ўдзелу:
Конкурс уключае дыпломныя працы, падручнікі і артыкулы, падрыхтаваныя і
апублікаваныя самае позняе - у І палове 2011 года.
Перавага аддаецца наватарскім працам, якія адрозніваюцца арыгінальнай праблематыкай,
метадалогіяй даследванняў і напісаны цікавай для чытачоў мовай.
Працы будуць ацэньвацца камісіяй у складзе вядомых спецыялістаў – навукоўцаў польскіх
універсітэтаў.
Аўтары лепшых прац атрымаюць грашовыя і рэчавыя ўзнагароды.
Працы разам з рэзюмэ, дакладнымі кантактнымі дадзенымі (імя і прозвішча лацінскімі
літарамі, адрас пражывання, нумар мабільнага і хатняга тэлефонаў, электронны адрас) і кароткай
навуковай біяграфіяй аўтара неабходна даслаць у Пасольства Рэспублікі Польшча ў Мінску з
пазнакай "конкурс навуковых прац".
Апошні тэрмін – да 31 жніўня.
Адрас: Пасольства Рэспублікі Польшча, вул. П. Румянцава, 6 220034, г. Мінск.
Тэлефоны для даведак: 288 21 14, 288 23 13.
Паводле http://www.minsk.polemb.net
 уверх
Летнік і фэст у Крэве
Запрашаем прыняць удзел у фэсце “Крэўскі кірмаш”, які пройдзе непадалёк ад
Крэўскага замка ў в. Крэва (Смаргонскі раён, Гродзенская вобласць) 13-14 жніўня.
6

7. Фэст закліканы прыцягнуць увагу да праблем аховы гісторыка-культурнай спадчыны і
папулярызаваць традыцыйную (фолькавую), сярэднявечную (“гарадскі кірмаш”) і
эксперыментальную (інтэрпрэтацыя традыцый) музыку.
Пражыванне: намёты, хаты мясцовых жыхароў.
Папярэднічаць фестывалю будзе валанцёрскі летнік "Крэўская вунія-2011", які адбудзецца
з 1 ліпеня да 15 жніўня.
Праграма летніка:
1. Археалагічныя раскопкі
2. Рэгенерацыя тэрыторыі могілак
3. Збор вуснай гісторыі
4. Падрыхтоўка тэрыторыі замка да фестывалю
Больш падрабязная інфармацыя – на сайце www.kreuskizamak.by
Паводле generation.by
 уверх
Трэцяя сустрэча Форума грамадзянскай супольнасці
Кіруючы Камітэт Форума грамадзянскай супольнасці Ўсходняга партнёрства сумесна з
Еўракамісіяй/Службай Знешняга Ўзаемадзеяння (EEAS) запрашае ўсіх зацікаўленых прадставіць
заяўкі зацікаўленасці ва ўдзеле ў трэцяй сустрэчы Форума грамадзянскай супольнасці.
Прадстаўленне заявак з'яўляецца неабходным крокам у працэсе адбору кандыдатаў для
ўдзелу ў сустрэчы Форума 28-30 лістапада.
У працяг працы, распачатай на сустрэчах Форуму 2009 і 2010 гадоў, цэнтрам увагі
дадзенага мерапрыемства стануць працоўныя групы, падчас працы якіх будуць распрацаваныя
сумесныя праграмы і мерапрыемствы.
Форму заяўкі/анкету можна знайсці на афіцыйным сайце Форума грамадзянскай
супольнасці Усходняга партнёрства па адрасе www.eap-csf.eu .
Заяўкі могуць быць запоўненыя на ангельскай альбо рускай мовах і адпраўлены на эл.
адрас applications@eap-csf.eu .
Апошні тэрмін – 26 чэрвеня.
Еўрапейская Камісія будзе ў стане прафінансаваць праезд і пражыванне ў гасцініцы падчас
Форума для прадстаўнікоў арганізацый з краін Усходняга партнёрства.
 уверх
Падтрымка грамадскіх аб’яднанняў і незалежных СМІ
Фундацыя Развіцця Супольнасцяў і СМІ (CMDF) прапануе супрацоўніцтва грамадскім
аб’яднанням, мясцовым грамадзянскім ініцыятывам і незалежным СМІ Беларусі ў сферы
рэалізацыі праектаў, скіраваных на развіццё і ўмацаванне мясцовых супольнасцяў, дасягненне
пазітыўных сацыяльных зменаў, павышэнне даступнасці незалежнай і аб’ектыўнай
інфармацыі, далейшае развіццё дэмакратыі ў краіне.
CMDF працуе ў наступных кірунках:
• падтрымка праектаў, скіраваных на рашэнне праблем, актуальных для таго ці іншага сектару ў
цэлым;
7

8. • падтрымка незалежных СМІ ў сферы ўмацавання лідэрскіх пазіцый на рынку і пашырэнні
аўдыторыі чытачоў;
• развіццё мясцовых супольнасцяў на аснове дэмакратычных прынцыпаў;
• Падтрымка кампаній адвокасі ў розных сферах грамадскага жыцця, скіраваных на павышэнне
адкрытасці беларускага грамадства.
У Фундацыю могуць звяртацца як зарэгістраваныя, так і нефармальныя грамадскія
арганізацыі, грамадзянскія ініцыятывы і СМІ Беларусі.
Працэс звароту ў Фонд па падтрымку падзелены на два этапы.
На першым этапе неабходна даслаць праектную ідэю.
Калі яна адпавядае мэтам, сферам падтрымкі і прыярытэтам Фонду, неабходна будзе
падрыхтаваць разгорнутую праектную прапанову, у падрыхтоўцы якой будуць задзейнічаны
таксама спецыялісты Фонда.
Больш падрабязна пра ўмовы звароту ў Фундацыю чытайце на сайце:
http://by.cmdfund.org/submit/who-can-apply/
Дэталёвае апісанне накірункаў працы Фундацыі глядзіце па спасылцы:
http://by.cmdfund.org/upload/files/activities_%D0%A1mdf__by.pdf
Паводле рассылкі belngo.info
 уверх
Конкурс для журналістаў ад ЕС
Прадстаўніцтва Еўрапейскага Саюза ў Беларусі абвяшчае конкурс для журналістаў,
што асвятляюць пытанні адносінаў і супрацоўніцтва паміж ЕС і Беларуссю.
З нагоды Дня Еўропы, які ЕС адзначае штогод 9 траўня, Прадстаўніцтва ЕС у Беларусі
абвяшчае конкурс для журналістаў, якія асвятляюць пытанні адносінаў і супрацоўніцтва паміж
ЕС і Беларуссю. Прадстаўніцтва імкнецца падтрымаць прафесіяналаў і аматараў, якія вызнаюць
журналістыку, пабудаваную на крытычным мысленні, грунтоўным даследаванні тэмы,
дальнабачнасці, прынцыпах сацыяльнай і грамадзянскай адказнасці.
Да ўдзелу ў конкурсе Прадстаўніцтва запрашае журналістаў беларускіх друкаваных,
электронных і Інтэрнэт-СМІ, а таксама блогераў (прадстаўнікоў так званай "грамадзянскай
журналістыкі").
Абвяшчэнне вынікаў конкурса і цырымонія ўзнагароджання адбудуцца напрыканцы
2011 года.
Парадак правядзення конкурса:
Прадстаўніцтва прымае матэрыялы (рэпартажы, агляды, каментары, тэматычныя
нарысы, рэдакцыйныя артыкулы, журналісцкія расследаванні), якія тычацца адносінаў і
супрацоўніцтва паміж ЕС і Беларуссю, размешчаныя ў друку, эфіры ці сеткавых рэсурсах у
перыяд з 1 студзеня па 15 кастрычніка 2011 года.
Кожны аўтар можа падаць адзін артыкул, праграму або рэпартаж.
Матэрыялы прымаюцца на электронных носьбітах (напрыклад, CD ці DVD) па пошце
праз заказное адпраўленне з пазнакай "Конкурс для журналістаў" на адрас: Прадстаўніцтва
Еўрапейскага Саюза ў Рэспубліцы Беларусь,вул. Энгельса 34а, Будынак 2, Мінск, 220030,
Беларусь.
Прадстаўніцтва не будзе мець магчымасці вярнуць атрыманыя матэрыялы пераможцам
і ўдзельнікам конкурса.
Апошні тэрмін падачы матэрыялаў - да 15 кастрычніка.
8

9. Тэкставыя матэрыялы можна дасылаць на электронны адрас Прадстаўніцтва:
delegation-belarus-press@eeas.europa.eu з пазнакай "Journalism Contest".
Просім усіх аўтараў пазначыць дату выхаду матэрыяла і прыкласці ліст з кароткімі
звесткамі пра сябе і кантактнымі дадзенымі.
Варыянты назвы для конкурса, які Прадстаўніцтва спадзяецца праводзіць штогод,
прымаюцца да ўдзелу ў асобнай, дадатковай намінацыі, і аўтар назвы-пераможцы будзе
ўзнагароджаны спецыяльным прызам.
Паводле http://eeas.europa.eu/
 уверх
Не спазьніся!
 уверх
Літаратурны конкурс да 100-годдзя Чэслава Мілаша
Беларускі ПЭН-цэнтр абвяшчае творчы конкурс для маладых літаратараў, прымеркаваны
да 100-годдзя з дня нараджэння Чэслава Мілаша.
Апошні тэрмін падачы твораў (паводле даты на паштовым штэмпэлі або даты адпраўкі
электроннага ліста) – 20 чэрвеня.
Даведкі праз тэлефон (017) 284-73-29.
Паводле budzma.org
 уверх
Майстэрня па творчай рэабілітацыі «Дай руку сябру»
Данецкі гарадскі моладзевы цэнтр мастацтваў «ЭкаАрт» запрашае моладзь, якая мае
досвед валанцёрскай дзейнасці, да ўдзелу ў міжнароднай моладзевай сустрэчы – майстэрнях
па творчай рэабілітацыі маладых людзей з абмежаванымі магчымасцямі.
Апошні тэрмін падачы заявак – 26 чэрвеня.
Для ўдзелу неабходна запоўніць заяўку на сайце http://ekoart.org і накіраваць яе на
эл.адрас info@ekoart.org.
Кантакты: Валянціна Сахненка, e-mail: info(at)ekoart.org, тэл.: +38-095-494-18-21,
+38-097-292-80-60; Кацярына Вацякова (Расія), e-mail: kvotters(at)gmail.com, тэл.
+7906-67-589-11;Томаш Ястжэбскі (Польшча), e-mail: tomasz_jastrzebski(at)yahoo.com, тэл.:
0048-71-759-16-26.
Паводле рассылкі БАСР
9

10.  уверх
Семінар для настаўнікаў па актыўнай ацэнцы
Запрашаем настаўнікаў сярэдніх школ, а таксама ўсіх, хто працуе на ніве адукацыі і
жадае паглыбіць свае веды ды падзяліцца ўласным досведам, да ўдзелу ў семінарах па тэме
«Эфектыўныя метады матывацыі і ацэнкі. Актыўная ацэнка».
Апошні тэрмін падачы заявак – 30 чэрвеня.
Для ўдзелу неабходна запоўніць анкету і даслаць яе на адрас metodyka2009@gmail.com .
Паводле http://nastaunik.info
 уверх
Міжнародны моладзевы фестываль СМІ „YOUKI”
Фестываль "YOUKI", які сёлета адбудзецца 22-26 лістапада, з'яўляецца важнай
платформай для дэманстрацыі дасягненняў маладых аўстрыйскіх і замежных
кінематаграфістаў.
Апошні тэрмін падачы заяўкі на ўдзел – 15 жніўня.
Форма заяўкі знаходзіцца тут
Больш падрабязная інфармацыя – на сайце YOUKI
Падрыхтавала Кася Красуцка
 уверх
Міжнародны Форум Валанцёраў
19 верасня ў Мінскім міжнародным адукацыйным цэнтры імя Й.Раў у межах праекта
“Месца сустрэчы – Дыялог” адбудзецца ІV Міжнародны Форум Валанцёраў.
Апошні тэрмін – да 20 чэрвеня.
Заяўку накіроўвайце на эл.адрас forum@ibb.by
Паводле Інфармацыйнага бюлетэню “Третий возраст”
 уверх
Гранты на падарожжа па Нямеччыне для моладзі
Фонд Шварцкопф прапануе гранты на падарожжа для еўрапейцаў ва ўзросце ад 18 да 26
год, якія плануюць навучальную паездку ў Нямеччыну.
Апошні тэрмін падачы заявак - 1 верасня.
Больш падрабязную інфармацыю глядзі тут
Паводле рассылкі belngo.info
 уверх
10