Edukasyon sa Pagpapakatao 7 - 3rd Quarter | Topic 4

1. Panlabas na Salik na
Nakaiimpluwensiya sa mga
Pagpapahalaga
Edukasyon sa Pagpapakatao 7 – 3rd Quarter | Topic 4
Prepared by: Eddie San Z. Peñalosa

2. Likas sa tao ang makisalamuha at makipag – ugnayan sa
kapwa. Nakatutulong ang mga tao sa kaniyang buhay at sa
kaniyang paligid sa pagkamit niya ng sariling kaganapan.
Kabilang sila sa mga panlabas na salik na nakaiimpluwensiya sa
paghubog ng kaniyang mga pagpapahalaga, maging sa
kaniyang sariling pagkatao.

3. Maaaring maganda o hindi maganda ang maging dulot ng
mga panlabas na salik na ito sa isang tao, kung kaya’t mahalaga
ang pagiging maingat at mapanuri.

4. Mga Sumusunod na Panlabas na Salik
sa Pagpapahalaga

5. Kabilang sa mga salik na ito ang mga sumusunod:
1. Pamilya at Paraan ng Pag – aaruga sa Anak.
2. Guro at Tagapagturo ng Relihiyon.
3. Mga Kapwa Kabataan o Peers.
4. Pamana na Kultura o Cultural Heritage at Impluwesiya ng
Kapaligiran o Lipunan.
5. Katayuang Panlipunan – Pangkabuhayan o Socio – Economic
Background.
6. Media.

6. Mga salik na nakakaapekto sa pagpapahalaga.
Pamilya at Paraan ng Pag – aaruga sa Anak.
Ang paghubog ng mga pagpapahalaga ay nagsisimula sa sariling
tahanan. Ang tungkulin na ito ay nakaatang sa mga magulang ng
isang indibidwal. Sila ang nagsisilbing unang guro na nagtuturo ng
mga mahahalagang prinsipyo gaya ng pagmamahal at pagpapahalaga
sa sarili at sa kapwa, pagbibigay at pagbabahagi, pagpapasalamat,
paggalang, at dignidad.

7. Mga salik na nakakaapekto sa pagpapahalaga.
Pamilya at Paraan ng Pag – aaruga sa Anak.
Natututo ang indibidwal sa pamamagitan ng pagsasabuhay
ng kaniyang mga magulang sa mga aral na ito. Gayunpaman,
hindi sapat ang paggabay at pangangaral ng sariling pamilya at
mga magulang upang tuluyang mahubog ang sariling pagkatao
at pagpapahalaga.

8. Mga salik na nakakaapekto sa pagpapahalaga.
Pamilya at Paraan ng Pag – aaruga sa Anak.
Kailangan ding gampanan ng indibidwal ang kaniyang
sariling tungkulin na kilalanin, unawain, isa puso, at isabuhay
ang mga aral na kaniyang natutunan sa tahanan sa pagtamo ng
layuning ito.

9. Mga salik na nakakaapekto sa pagpapahalaga.
Guro at Tagapagturo ng Relihiyon.
Bukod sa tahanan, maaari ring matuto ang isang indibidwal
sa paaralan. Katulong ng mga magulang ang mga guro sa
paghubog ng kaniyang mga pagpapahalaga. Sila ang
gumagabay sa indibidwal tungo sa pagpapalawak ng kaniyang
kaalaman at pang – unawa, sa matalinong pagpapasiya sa
pagitan ng tama at mali.

10. Mga salik na nakakaapekto sa pagpapahalaga.
Guro at Tagapagturo ng Relihiyon.
Pamumulat sa pagkakaroon ng paninindigan sa moral na
prinsipyo sa kabila ng ano mang pagsubok, ng magkakasalungat
na pagpapahalaga, ng iba’t ibang impluwensiya ng kapaligiran.
Sa kanila rin lubos na natutunan ng isang indibidwal ang
paghubog sa sariling pananampalataya at pagpapalalim nito sa
pamamagitan ng pagmamahal sa Diyos at sa kapwa.

11. Mga salik na nakakaapekto sa pagpapahalaga.
Mga Kapwa Kabataan o Peers.
Sa paglabas ng isang indibidwal sa tahanan at paaralan, siya
ay matututong makihalubiro sa kapwa niya kabataan. Dahil dito,
maaari nilang maimpluwensiyahan ang mga pagpapahalagang
kaniyang taglay. Upang mapanatili ang moral na prinsipyo,
kailangan ng indibidwal na maging maingat sa pagpili ng mga
kaibigang kaniyang pakikisamahan.

12. Mga salik na nakakaapekto sa pagpapahalaga.
Mga Kapwa Kabataan o Peers.
Dapat niyang siguruhin na ang mga ito ay magdudulot sa
kaniya ng kabutihan, at hindi kasamaan. Dapat din siyang
maging matatag sa kaniyang paninindigan sa kaniyang mga
pagpapahalaga upang hindi siya madala sa masamang
impluwensiya ng iba pang kabataang katulad niya.

13. Mga salik na nakakaapekto sa pagpapahalaga.
Pamana ng Kultura o Cultural Heritage at Impluwensiya ng Kapaligiran o Lipunan
Sa paglawak ng mundong ginagalawan ng isang indibidwal,
dumarami naman ang mga salik na maaaring makaimpluwensiya
sa paghubog ng kaniyang mga pagpapahalaga kabilang na ang
kaniyang nakagisnang kultura, ang mga pangyayari sa paligid, at
ang mga pagbabago ng pamumuhay sa lipunan.

14. Mga salik na nakakaapekto sa pagpapahalaga.
Pamana ng Kultura o Cultural Heritage at Impluwensiya ng Kapaligiran o Lipunan
Malaki ang bahaging ginagampanan ng bawat salik na ito sa
pagpili ng indibidwal sa karapat-dapat na pagpapahalagang
kaniyang tutularan at isasabuhay. Dapat siyang maging matalino
sa kaniyang pagsusuri upang mapanatili niya ang likas na
pamana ng kultura at makamit ang mataas na antas ng
pagbabagong panlinunan sa kabila ng sari-saring impluwensiya
ng kapaligiran.

15. Mga salik na nakakaapekto sa pagpapahalaga.
Pamana ng Kultura o Cultural Heritage at Impluwensiya ng Kapaligiran o Lipunan
Ito ay maisasakatuparan sa pamamagitan ng patuloy na
pagtuklas ng karunungan at katotohanan, pagsasanay sa kilos –
loob na piliin ang mabuti, pagsasabuhay ng mga birtud, at
pagtataguyod ng batas moral.

16. Mga salik na nakakaapekto sa pagpapahalaga.
Katayuang Panlipunan-Pangkabuhayan o Socio-economic Background.
Mayroong dalawang panlipunang pangkabuhayang
kondisyon na maaaring maging hadlang sa paghubog ng mga
pagpapahalaga ng isang indibidwal ayon kay Esther Esteban. Ito
ay ang labis na kahirapan at ang labis na karangyaan.

17. Mga salik na nakakaapekto sa pagpapahalaga.
Katayuang Panlipunan-Pangkabuhayan o Socio-economic Background.
Alin man sa dalawang kondisyong ito ay maaaring
makaapekto sa pagpapanatili o pagpapataas ng dignidad ng
indibidwal kung kaya’t mahalaga ang pagsasabuhay ng mga
birtud upang matukoy ang mabuti at masama sa pagitan ng
labis na kahirapan at labis na karangyaan.

18. Mga salik na nakakaapekto sa pagpapahalaga.
Media.
Dahil sa modernong panahon, malaki ang maaaring maging
impluwensiya ng media sa bawat isa, lalo na sa mga kabataan.
Madali na rin ang pagkuha ng iba’t ibang impormasyon mula
rito, kung kaya’t hindi maipagkakaila na may epekto rin ito sa
paghubog ng mga pagpapahalaga ng bawat indibidwal.

19. Mga salik na nakakaapekto sa pagpapahalaga.
Media.
Dahil dito, higit na kailangan ang pagiging kritikal sa
pagsusuri ng bawat impormasyong hatid ng media. Hindi lahat
ng ito ay may kabutihang dulot.

20. Mga salik na nakakaapekto sa pagpapahalaga.
Media.
Maaaring makatulong ang sumusunod na kasanayan upang
maging gabay sa paghubog ng pagpapahalaga gamit ng media:
1. Kailangang mapalawak ang iyong kaalaman sa
pangkalahatang katotohanan at batas moral na
sumasalungat sa materyoso at makasariling hangarin ng tao
sa patnubay ng mga magulang at guro.

21. Mga salik na nakakaapekto sa pagpapahalaga.
Media.
2. Kailangang sanayin ang iyong kaisipan upang masuri ang
kalidad ng ano mang impormasyon na tatanggapino
produktong tatangkilikin, at ang pagsusuri sa pagpapahalaga
at magiging gamit nito.
3. Pag-aralang pairalin ang pagtitimpi sa lahat ng pagkakataon
sa pamamagitan ng pagsasabuhay ng mga birtud.

22. Mga salik na nakakaapekto sa pagpapahalaga.
Media.
4. Matutong talikuran ang tuksong dulot ng mga patalastas at
mga panooring nagpapakita ng imoralidad, pagiging labis na
pagkabulgar, at minsan ay may kalaswaan.

23. Sa kabila ng mga naitalang kasanayan, mapapanatili pa ring
malakas ang impluwensiya ng media at maari pa rin nitong
mabago ang ano mang pananaw at pagpapahalaga ng isang
indibidwal, kung kaya’t mahalaga rin ang ginagamapan ng
paninindigan sa sariling moral na prinsipyo at pagpapahalaga
upang makaiwas sa tuksong dala ng media.

24. Salamat sa Pagsubaybay