4. Mga Pamamaraan na Nagpapataas sa
Kalidad ng Edukasyon sa Bansa
1. Pagpapaunlad ng preschool at primary education.
2. Pagpapaunlad ng Kurikulum sa pribado man o pampublikong paaralan.
3. Pagpapataas sa kalidad o uri ng mga aklat-aralin (textbook).
4. Paglalaan ng mas malaking badyet para sa edukasyon at pagpapatigil sa korapsiyon.
5. Mga Pamamaraan na Nagpapataas sa
Kalidad ng Edukasyon sa Bansa
5. Pagkuha ng mga de-kalidad na guro.
6. Pag-aaruga at paglalaan ng mga epektibong working conditions para sa mga guro.
7. Pagdaragdag at pagsasaayos ng mga silid-aralan at iba pang pasilidad sa edukasyon.
8. Pagsasangkot sa mga magulang sa pag-aaral ng kanilang anak.
6. Pagpapaunlad ng Preschool at Primary Education
Ang pagkakaroon ng magandang kalidad ng edukasyon ay nagsisimula sa
pagkakaroon ng dekalidad na preschool at primary education. Nararapat na pagtuunan
ng pansin ang primary o preschool education sapagkat ito ang magsisilbing pundasyon
ng pag-aaral at pagkatuto ng isang bata. Kung mahina o hindi maayos ang pundasyon ng
edukasyon, walang maaasahang dekalidad na produkto ng pag-aaral.
7. Pagpapaunlad ng Kurikulum sa Pribado man o
Pampublikong Paaralan
Kung mapapaunlad at mapabubuti ang kalidad ng kurikulum, maaaring
makaagapay sa lebel ng mga bansang may mauunlad at de-kalidad na edukasyon.
Maaaring sa tulong ng mga eksperto at mga gurong may matataas na pinag-aralan ay
makabubuo ng kurikulum na makatutulong sa kalidad ng edukasyon sa bansa. Marapat
na pag-aralan kung saan ang kahinaan (weakness) ng mga mag-aaral ay matugunan.
8. Pagpapataas sa Kalidad o Uri ng mga Aklat-aralin
(Textbook)
Ang isang paraan para maisagawa ito ay ang paglikha ng pamahalaan ng isang
katawan na bubuuin ng gma espesyalista o eksperto mula sa iba’t ibang disiplina at
mahuhusay na guro mula sa field na susuri ng mga aklat-aralin bago ipagamit sa mga
paaralan. Ang isa sa mga ikokonsidera ay ang kaangkupan ng aklat na pinagtibay na
kurikulum.
9. Paglalaan ng mas Malaking Badyet para sa
Edukasyon at Pagpapatigil sa Korapsiyon
Ang mga ito ay obligasyon ng pamahalaan. Nararapat lamang na bigyan ng
prayoridad ang badyet para sa edukasyon. Maraming kakulangan tulad ng karagdagang
silid-aralan, aklat, at teaching paraphernalia para sa pagtuturo. Ang kakulangan sa mga
ito ay nakapagpapahirap para sa pagtuturo at nakaaapekto sa kalidad ng edukasyon.
Kailangan din ng corruption-free na sistema para magamit sa kaukulan ang pondo sa
edukasyon.
10. Pagkuha ng mga Dekalidad ng Guro
Sa kasalukuyan, maaaring makapagturo kahit walang master’s degree. Subalit
kung ang hangad ay maabot ang dekalidad na edukasyon, ang pagkakaroon ng mataas
na pinag-aralan at makatutulong. Maaari din silang bigayn ng mga regular na
pagsasanay (trainings) o seminar sa mga makabagong estratehiya ng pagtuturo upang
makaagapay sa mga ito.
11. Pag-aaruga at Paglalaan ng mga Epektibong
Working Condition para sa Guro
Bigyan ng sapat at tamang pasahod ang mga guro. Sa panahon ngayon ng
kahirapan, maging ang mga dekalidad na guro ay naghahanap ng hanapbuhay kung saan
ay may pasahod na makasasapat sa kanilang pangangailangan. Dahil sa mababang
sahod, napipilitan ang mga ito na magkaroon ng sideline o kaya ay maghahanapbuhay
na lamang sa ibang bansa kung saan sapat ang pasahod para sa kanila.
12. Pagdaragdag at Pagsasaayos ng gma Silid-Aralan at
Iba pang Pasilidad sa Edukasyon
Kung lalakihan ng gobyerno ang pondo para sa edukasyon at titiyaking walang
korapsiyon sa paggugol dito, magkakaroon ng sapat na halaga para sa pagdaragdag at
pagsasaayos ng ga silid-aralan at iba pang pasilidad ukol sa edukasyon.
13. Pagsasangkot sa mga Magulang sa Pag-aaral ng
Kanilang mga Anak
Maaaring magkaroon ng mga programa kung saan ang mga magulang ay
magkakaroon ng tuwirang bahagi sa pag-aaral ng kanilang mga anak. Ito ay bahagi na rin
sa paghihikayat sa kanila na suportahan ang pag-aaral ng mga anak. Sa pamamagitan ng
mga pagpupulong, magkakaroon ng lektura ukol sa obligasyon ng mga magulang sa pag-
aaral ng kanilang mga anak. Magkakaroon din ng halimbawa ng mga proyekto o takdang
araling hindi magagawa maliban kung magtutulungan ang anak at magulang (parent-
child collaboration)