Edukasyon sa Pagpapakatao 7 - 3rd Quarter | Topic 2 Part1

1. Katangian ng
Pagpapahalaga
EDUKASYON SA PAGPAPAKATAO 7 – 3RD QUARTER | TOPIC 2 PART 1

2. Ayon kay Max Scheler, ang mga tao ay may mga bagay na binibigyang – halaga sa kanilang
buhay kaysa iba. Sa kanilang pagbibigay – halga sa iba’t ibang bagay, ang hirarkiya ng
pagpapahalaga ay nabuo.
Upang higit na maunawaan kung ano ang pamantayan sa pagpapasiya sa antas ng
hirarkiya ng pagpapahalaga, inilarawan ito ni Max Scheler sa pamamagitan ng limang katangian.

3. Mga Katangian ng Pagpapahalaga
1. Mas mataas ang antas ng pagpapahalaga kung ito ay mas tumatagal.
2. Mas mataas ang antas ng pagpapahalaga kung mas mahirap bawasan ang kalidad nito.
3. Mas mataas ang antas ng pagpapahalaga kung ito ay nagiging batayan o lumilikha ng iba
pang mga pagpapahalaga.
4. Mas mataas ang antas ng pagpapahalaga kung mas malalim ang kasiyahang nadarama sa
pagkamit nito.
5. Mas mataas ang antas ng pagpapahalaga kung hindi ito nakabatay sa nadarama ng taong
nagtataglay nito.

4. Mga Katangian ng Pagpapahalaga
Mas mataas ang antas ng pagpapahalaga kung ito ay mas tumatagal.
Ito ay maaaring patunayan sa pamamagitan ng pakukumpara sa aklat at sa pagkain. Mas
mataas ang antas ng pagpapahalaga sa kaalaman na makukuha mula sa aklat kaysa antas ng
pagpapahalaga sa kasiyahan ng pisikal na katawan na dulot ng pagkain, dahil kung
paghahambingin ang dalawang bagay, mas tumatagal ang gamit ng aklat kaysa pakinabang ng
pagkain. Mahihinuha mula rito na ang pagpapahalaga ay nasa mataas na antaas kung hindi ito
kalianman mababago ng panahon (timeless or ability to endure).

5. Mga Katangian ng Pagpapahalaga
Mas mataas ang antas ng pagpapahalaga kung mas mahirap bawasan ang kalidad nito.
Isang halimbawa ng pamantayang ito ay ang paghahambing sa materyal na bagay sa
karunungan. Mas mataas ang antas ng pagpapahalaga sa karunungan kaysa sa antas ng
pagpapahalaga sa materyal na bagay sapagkat ang karunungan ay hindi mababawasan kahit na
ito ay ipamahagi sa napakaraming tao, hindi gaya ng materyal na bagay na lumiliit habang
nahahati. Ipinahihiwatig nito na ang pagpapahalaga ay nasa mataas na antas kung sa kabila ng
pagsalin – salin nito sa napakaraming henerasyon, napananatili pa rin ang kalidad nito o
indivisibility.

6. Mga Katangian ng Pagpapahalaga
Mas mataas ang antas ng pagpapahalaga kung ito ay nagiging batayan o lumilikha ng iba pang
mga pagpapahalaga.
Maituturing na halimbawa nito ang pagtitiis ng isang amang nagtatrabaho sa ibang
bansa upang matugunan ang lahat ng pangangailangan ng kaniyang pamilya. Ang pagsasakripisyo
niyang ito ay maaaring magbunga ng pagsisikap ng kaniyang mga anak sa pag – aaral at pagtutok
ng kaniyang asawa sa pangangalaga ng kanilang pamilya. Sumakatuwid, nangangahulugan ito na
ang pagpapahalaga ay nasa mataas na antas kung ito ay nagdudulot ng iba pang pagpapahalaga.

7. Mga Katangian ng Pagpapahalaga
Mas mataas ang antas ng pagpapahalaga kung mas malalim ang kasiyahang nadarama sa
pagkamit nito.
Isang magandang halimbawa nito ay ang paghahambing sa sariling pamilya at mga
kaibigan. Mas mataas ang antas ng pagpapahalaga sa paglalaan ng oras kasama ang sariling
pamilya kaysa sa antas ng pagpapahalaga sa paglalaan ng oras kasama ang mga kaibigan sapagkat
higit na mas malalim ang kasiyahang nadarama sa piling ng sariling pamilya na tanggap ang iyong
buong pagkatao. Mahihinuha mula rito na ang pagpapahalaga ay nasa mataas na antas kung ito
ay nagdudulot ng malalim na kasiyahan sa tao.

8. Mga Katangian ng Pagpapahalaga
Mas mataas ang antas ng pagpapahalaga kung hindi ito nakabatay sa nadarama ng taong
nagtataglay nito.
Maaaring magsilbing halimbawa nito ang isang bulag na magsikap makatapos ng
kolehiyo. Mas mataas ang antas ng kaniyang pagpapahalaga sa pagkamit ng tagumpay kaysa sa
antas ng kaniyang pagpapahalaga sa sakit na dulot ng kaniyang pisikal na kapansanan. Dito na
mahihinuha na ang pagpapahalaga ay nasa mataas na antas kung hindi inaalintana ng tao ang
ano mang negatibong naidudulot nito sa kaniya.

9. Mga Katangian ng Pagpapahalaga
Gamit ang limang prinsipyong naitala sa pagtukoy at pagsukat ng antas ng
pagpapahalaga, nabuo ni Scheler ang Hirarkiya ng Pagpapahalaga. Batay sa kaniyang sariling
paglalarawan, ang hirarkiyang ito ay naaayon sa ordo amoris o order of the heart. Ayon sa
paniniwala niyang ito, ang hirarkiya ng pagpapahalaga ay ganap lamang na mauunawaan ng tao
gamit ang kaniyang puso sapagkat ang puso ay may kakayahang magbigay ng katwiran na
maaaring hindi sakop ng pag – unawa ng isip.

11. Salamat sa
Pagsubaybay
Eddie San Peñalosa