1. ახალციხის 1-ლი საჯარო სკოლის ქართული ენისა და ლიტერატურის
მასწავლებლის მზია ეგიაშვილის ა ნ გ ა რ ი შ ი პედაგოგიური
გამოცდილების გაზიარების შესახებ
2014 წლის 30 აპრილს სკოლის სააქტო დარბაზში მოვიწვიე სკოლის დირექცია,
მასწავლებლები, სკოლის ბაზაზე მასწავლებელთა პროფესიული განვითარების გუნდის
წარმომადგენლები, მოსწავლეები, რათა გამეზიარებინა ჩემი გამოცდილება იმის
შესახებ, თუ როგორ ჩავატარეთ მე და ჩემმა კოლეგამ- შორენა ხმალაძემ IX-ბ კლასში
ინტეგრირებული გაკვეთილი- ქართულ ლიტერატურასა და სამოქალაქო განათლებაში
ლიტერატურული სასამართლოს ფორმატით.
ინტეგრირებული გაკვეთილის თემა იყო: ჭაბუა ამირეჯიბის რომან ,,დათა თუთაშხიას”
პერსონაჟის არქიფო სეთურის გასამართლება
გაკვეთილის მიზნები და განსავითარებელი უნარები იყო:
ქართული ლიტერატურა: მოსწავლეები იმსჯელებენ და აუდიტორიის წინაშე
წარმოადგენენ სხვადასხვა თვალსაზრისს სადავო ან პრობლემურ საკითხზე.
მსჯელობას განამტკიცებენ არგუმენტებით; შექმნიან როლურ ტექსტს, შეამოწმებენ
რეგლამენტს;
შეძლებენ: დისკუსიისა და კამათის სტრატეგიების გამოყენებას; ტექსტის გააზრება-
გააანალიზებას, მათ მიმართ საკუთარი დამოკიდებულების გამოხატვასა და ახსნას;
სამეტყველო ქცევის შეცვლას სხვადასხვა განცდის გამომხატველი ინტონაციით;
სამოქალაქო განათლება
მოსწავლეები გაეცნობიან მართლმსაჯულების სისტემას, მისი მოქმედების წესს;
გააანალიზებენ სამართებლივ სახელმწიფოში დამოუკიდებელი სასამართლო
ხელისუფლების აუცილებლობას, კონსტიტუციურ უფლებებსა და თავისუფლებებს,
მოვალეობებსა და პასუხისმგებლობას.
განსავითარებელი უნარები:
 არგუმენტირებული მსჯელობა;
 ანალიტიკური აზროვნება;
 ადეკვატური ლექსიკის, მიმიკების, ჟესტიკულაციის, ინტონაციის უნარების
განვითარება;
 პრობლემის გააზრება და სხვადასხვა საკითხებს შორის კავშირების დადგენა;
 შემოქმედებითი უნარი;
 როლური თამაშის უნარების განვითარება;

2.  ორატორობის უნარ-ჩვევები;
პედაგოგიური პრაქტიკის გაზიარების მიმდინარეობა:
დამსწრე- საზოგადოებას ვესაუბრე ჩატარებული გაკვეთილის შესახებ, რომ გაკვეთილი
ჩავატარეთ ლიტერატურული სასამართლოს ფორმატით, რომელიც შესაძლებლობას
იძლევა სხვადასხვა მოსაზრება დაუპირისპირდეს ერთმანეთს, ასევე საშუალებას იძლევა
კამათითა და არგუმენტირებული მსჯელობით მიღებულ იქნას ადეკვატური
გადაწყვეტილებანი. გაკვეთილი გავიტანეთ საკლასო გარემოს მიღმა და ჩავატარეთ
ჩვენი ქალაქის სასამართლოს ერთ-ერთ სხდომათა დარბაზში. რეალურ სასამართლო
დარბაზში გაკვეთილის ჩატარებამ აამაღლა მოსწავლეთა მოტივაცია, პასუხისმგებლობა,
ამ გაკვეთილზე მათ მიერ ჩასატარებელი აქტივობების უკეთ მოსამზადებლად. მათ
კარგად მოირგეს მოსამართლის, პროკურორის, ადვოკატების, ნაფიცი მსაჯულების,
დაზარალებულის, ბრალდებულის, მოწმეების როლები. კლასის 27-ვე მოსწავლე იყო
ჩართული სხვადასხვა აქტივობაში. სასამართლო პროცესი წარიმართა
თანმიმდევრულად და გასამართლდა ჭაბუა ამირეჯიბის რომან ,,დათა თუთაშხიას”
პერსონაჟი არქიფო სეთური. ჩემი საუბრის შემდეგ, მოსწავლეებმა ისაუბრეს, როგორ
მოირგეს როლები სასამართლო პროცესზე, რას განიცდიდნენ და რა ნაყოფი გამოიღო ამ
გაკვეთილმა მათთვის. ამის შემდეგ კომპიუტერისა და პროექტორის საშუალებით
საზოგადოებას ვაჩვენეთ გადაღებული გაკვეთილი.
დასასრულ, გაკვეთილი შეაფასეს სკოლის დირექტორმა, სასწავლო ნაწილის გამგემ,
სკოლის ბაზაზე მასწავლებელთა პროფესიული განვითარების გუნდის
წარმომადგენელმა, IX-ბ კლასის ხელმძღვანელმა, მშობელმა.
მოსალოდნელი შედეგი:
ვფიქრობ, ჩემი პედაგოგიური პრაქტიკის გაზიარება მასწავლებლებს დაეხმარებათ
საგაკვეთილო პროცესის უკეთ წარმართვაში და სწავლა/სწავლების ხარისხის
გაუმჯობესებაში.