Tema 5 naturais de quinto

1. Un ecosistema é o conxunto formado polos seres vivos que habitan un lugar
determinado e as relacións que se establecen entre eles e co medio no viven. Poden
ser pequenos coma unha poza, ou grandes coma unha selva.
A biosfera está formada por toda a superficie da Terra, todos os seres vivos que
habitan nela e as relacións que existen entre eles.
Os ecosistemas compóñense de: medio físico (lugar onde habitan os seres vivos; está
formado por factores abióticos –sen vida- auga, luz, solo, relevo, temperatura...;
seres vivos (compoñentes bióticos -con vida- dos 5 reinos; flora: conxunto de
vexetais; fauna: conxunto de animais; fungos, algas ou bacterias); relacións entre os
seres vivos e estes e o medio (aliméntanse uns doutros,compiten entre eles,
reaccionas á luz, humidade...)
Os ecosistemas poden ser humanizados (coa influencia do ser humano) ou naturais.
Estes poden ser:
-terrestres: o principal compoñente deste ecosistema é o solo. Produtores as
plantas. Os factores máis importantes son a temperatura e as precipitacións (tundra,
deserto, selva, sabana,...)
-acuáticos: o principal compoñente destes ecosistemas é a auga. Produtores
as algas. Os factores que máis inflúen son a luz, a presenza ou ausencia de sal e o
osíxeno disolto na auga. (auga doce –ríos, lagoas-; auga salgada –mares, océanos)
-mixtos: características dos dous tipos anteriores. A auga e o solo están moi
relacionados. Unha praia.
Entre os seres vivos danse relacións intraespecíficas (entre os da mesma especie:
leóns coidan dos cachorros) ou interespecíficas (distintas especies: leóns
aliméntanse de cebras).
Cadeas alimentarias: entre os seres vivos danse relacións alimentarias e
represéntanse nas cadeas alimentarias, formadas por varios elos (grupos de seres
vivos que conseguen o seu alimento do mesmo xeito). O primeiro elo está formado
por un produtor (herba,alga); os seguintes elos aliméntanse do anterior,
transmitíndolles enerxía e nutrientes.
Nas cadeas alimentarias podemos distinguir diferentes elos:
Produtores: son seres vivos capaces de elaborar o seu propio alimento mediante a
fotosíntese, como plantas ou algas.
Consumidores primarios: son animais herbívoros que se alimentan dos produtores.
Consumidores secundarios: animais carnívoros, alimentanse de consumidores
primarios.
Os animais omnívoros poden comportarse como consumidores primarios ou como
consumidores secundarios, segundo o tipo de alimento que tomen.
Descompoñedores: son seres vivos que se alimentan de restos doutros seres vivos,
como follas caídas, excrementos, cadáveres... (fungos e bacterias)
Os ecosistemas cambian (de xeito natural ou provocado polo ser humano). Nos
ecosistemas danse equilibrios ecolóxicos. O ser humano inflúe nos ecosistemas coa
contaminación, deforestación, quecemento global, extinción de especies...