Naglalarawan sa mga paraan ng hambingan ng pang-uri

1. Hambingan ng Pang-uri
JENITA D. GUINOO
GRADE 7-FILIPINO

2. Halimbawa:
 Kasingganda ng paraiso ang Isla ng Bohol.
 Kamukha ni Zasah ang magandang dilag sa aming nayon.
 Magsindunong sila.
 Magkasimputi ang mga bata sa Isla ng Pitong Makasalanan.

3. Halimbawa:
 Malayo ang Bohol kaysa Maasin.
 Sariwa ang simoy ng hangin ng bukid kaysa sa lungsod.
 Higit siyang mahusay kaysa kanyang kaibigan.
 Maulan ang buwan ng Setyembre kaysa buwan ng Mayo.

4. Mga Pahayag sa Paghahambing at
Iba pang Kaantasan ng Pang-uri
Ang pang-uri ay bahagi ng pananalitang naglalarawan o
nagbibigay-turing sa pangngalan o panghalip. Naririto ang iba’t ibang
kaantasan ng Pang-uri:
1. Lantay- ang angyo ng pang-uri kung ito ay naglalarawan lamang ng
iisang pangngalan o panghalip
Halimbawa:
a. Malaki ang responsibilidad ng mga magulang sa
pagpapalaki ng mga anak.
b. Mahirap ang tungkuling ito.

5. Higit na mainam ang pagsusuri ng isang bagay kung
mayroon itong batayan o pamantayan. Ang pamantayan ang
magiging instrument upang maging sistematiko ang
paghahambing ng isang bagay na ginagamitan ng mga
pahayag na paghahambing. Nagkakaroon ng iba’t ibang anyo
ang pang-uri ayon sa kung ito ay naglalarawan ng dalawa o
higit sa dalawa
 Pang-uring pahambing- ang tawag sa mga pang-uring
naghahambing ng dalawang tao, bagay, pook, atbp. Pasukdol
naman ang tawag sa mga pang-uring naghahambing ng higit
sa dalawa.

6. May dalawang uri ng pang-uring pahambing
 1. pahambing na magkatulad- kung ang pinaghahambing ay
pareho o magkapatas ng uri o katangian. Naipakikita ito sa
pamamagitan ng paggamit ng mga panlaping ka-, sing-,
kasing-, magsing-, magkasing-, atbp. At sa paggamit ng mga
salitang pampanulad, tulad ng, gaya ng, tulad, paris, kapwa,
atbp.
 1. ka- nangangahulugan ng kaisa o katulad
Halimbawa: Kapangalan ko ang nanay niya.
2. Magka- nangangahulugan din ng kaisahan at pagkakatulad.
Halimbawa: Magkapangkat ba kayo?

7. 3. Sing-(sin/sim)-gaya rin ng ka-, nagagamit ito sa lahat ng uri
ng pagtutulad
Hal. Sinlakas ni Bernardo Carpio ang taong iyon.
4. Kasing-(kasin-/kasim-) ang paggamit at kahulugan ay
katulad din ng sing-(sin/sim-)
Hal. Kasingganda ni Myrna si Angel Locsin.
5. Magsing- (magkasin-/magkasim-) o Magkasing (magkasin-/
magkasim-) ang pinagtutulad ay magkapareho ng katangian
Hal. Magkasintangkad sina Arnold at Aljur.
6.Ga-/Gangga- nangangahulugan ng gaya, tulad, para, paris..
Hal. Gamunggo ang nakuhang ginto niya sa lupa.

8. B. Di-magkatulad- paghahambing na nagpapakita ng diwa ng
pagkakait, pagtatanggi o pagsalungat.
Nauuri ito sa dalawa.
1. Hambingang Pasahol- sa ganitong uri, may higit na
katangian ang pinaghahambingan sa bagay na
inihahambing.
1.1. Lalo- nangangahulugan ng pagdaragdag o pagpapahigit
sa “kulang” na katangian. Sinusundan ito ng katuwang na
pahambing na kaysa kay kung ngalan ng tao ang
pinaghahambing o kaysa o kaysa sa kung ngalan ng bagay o
pangyayari.
Hal. Lalong maliit ang ina kaysa anak.

9. 1.2. Di-gasino-tulad ni…ginagamit sa paghahambing ng uri o
katangian ng mga tao. Sinusundan ito ng mga katagang
naghahambing kabilang ang gaya, tulad, para o paris na
sinusundan ng panandang ni.
Hal. Di-gasinong naglakbay si Cory tulad ni FVR.
1.3. Di-gaano-tulad ng… tulad din ng di-gasino subalit sa mga
hambingang bagay lamang ginagamit.
Hal. Di-gaanong masarap ang papaya tulad ng mangga.
1.4. Di-totoo/di-lubha: nangangahulugan ng pagtawad o
pagbabawas sa karaniwang-uri. Nagagamit itong pamalit sa di-
gasino at di-gaano.
Hal. Ang mag-aral ay di-totoong mahirap paris ng magturo.

10. 2. Hambingang Palamang- may higit na katangian ang
inihahambing sa pinaghahambingan. Ang halimbawa sa itaas ay
maaari na ring gamitin, palitan lamang ng di-lubha ang di-totoo.
2.1. Lalo- ang diwa ng paghahambing ay magiging kalamangan
at di- kasahulan kung ang sinasamahang pang-uri ay
nagpapahayag ng kalakhan, kataasan, kalabisan o kahigitan.
Katuwang nito ang kaysa/ kaysa sa/kay.
Hal. Lalong mahaba ang gabi kaysa araw kung Disyembre.
2.2. Higit/Mas…kaysa/kaysa sa/kay- sa sarili ay nagsasaad ng
kalamangan kung ghinagamit ito sa paghahambing.
Hal. Higit na matapang siya kaysa sa akin.

11. 2.3. Labis- tulad din ng higit/ mas
Hal.. Labis na masipag ang ina kaysa anak.
2.4. Di-hamak –kung ginagamit ay karaniwang isinusunod sa
pang-uri.
Hal. Malupit na di-hamak ang Hapon kaysa Kastila.
3. Moderasyon/Katamtaman- paghahambing na ginagamitan ng
panlaping ma-, sa paggamit ng salitang medyo na sinusundan ng
pang-uri, sa paggamit ng katagang may na sinusundan ng pang-
uring nabuo sa pamamagitan ng mga panlaping kabilaan ka-/-
han.
Halimbawa: Mabuti-buti na ngayon ang kanyang buhay.
Medyo masama ang aking pakiramdam.

12. 4. Pasukdol- pinakamataas na antas ng paghahambing
A. Panlapi
1. Ka—an/-han- ikinakabit sa salitang-ugat na pangngalan o
pang-uring payak at saka inuulit. May diing mariin sa ka
Hal. Kabait-baitan, katas-taasan
2. Napaka- kapag ikinabit sa salitang-ugat na pangngalan o
pang-uring payak, ito ay may diwang pasisi, padaing o pahanga
Hal. Napakasakit, napakalungkot
3. Pagka- inuunlapi ito sa inuulit sa salitang-ugat
Hal. Pagkalakas-lakas, pagkasama-sama

13. 4. Pinaka- inuunlapi sa mga payak na pang-uri at ilan sa mga
maylapi, lalo na sa may panlaping ma. Nagbibigay ito ng
katuturang pangingibabaw ng uri sa mga kasamahan.
Hal. Pinakamasipag, pinakatamad
B. Salita o Parirala
1. Anong- ang gamit nito ay hindi patanong kundi paghanga,
pahinagpis, o pasisi
Hal. Anong buti!, Anong swerte!
2. Lubha- sa panukdulan, ito’y di na kailangang pangunahan pa
ng panalungat na di
Hal. Lubhang magaling ang batang iyan.

14. 3. Totoo- katulad din ng lubha
Hal. Totoong masipag si Camille sa klase.
4. Ang lalong- kailangang gamitan ng panandang ang upang
maiba sa pahambing na lalo. Mas mabuti kung iuuna sa uring
sinasamahan.
Hal. Sinasabing ang mga mapagkawanggawa ang lalong
pinakamayaman.
5. Ubod, sakdal, labis, hari- dapat sundan ng panandang ng ang
mga ito bago sundan ng salitang-ugat ng pangngalan o pang-uri.
Hal. Ubod ng daldal ni Ryza Mae.
Sakdal ng bait si Macky

15. Labis ang sipag ng kapatid mo.
Hari ng prinsipyo ang ama mo.
6. Wala- bumubuo ng mga pariralang nasa antas ng
panukdulan kapag inuuna sa panlaping makahambing na kasing-
o mga salitang panghambing tulad ng katulad, kaparis,
kahambing, kahulilip, kapantay, pangalawa.
Hal. Walang kasindamot na negosyante si Elmer.
Walang katulad sa linis ang bahay nila.
Walang kaparis ang ganda ng iyong damit.
Walang kapantay ang kabaitan ni Gng. San Jose.
Kasipagan na walang pangalawa ang taglay ng bata.

16. Pagsasanay:
Sagutan ng angkop na hambingan ng pang-uri ang sumusunod
na pahayag.
1. Walang kasinghusay ang batang sumayaw ng Bayle.
2. Tahimik ang lungsod ng Davao.
3. Kapwa magagarang kotse ang natanggap ng mag-asawa mula
sa kompanya.
4. Lalong makipot ang mga pook ng Villa Berde kaysa Villa
Catalina.
5. Lalong magalang ang estudyante noon kaysa ngayon.
6. Walang kapantay ang pagmamahal ng mga magulang.

17. 7. Simputi ng labanos ang kanyang kutis.
8. Kalakas-lakasan na ang ginawang pagbuhat niya sa dumpbell.
9.Gabundok na labada ang nilabhan ng nanay.
10. Di-gasinong nakapag-aral si Judith tulad ni Maria.
11. Di-totoong nakapapagod ang magsayaw kaysa maglaba ng
damit.
12. Lalong malusog ang mga kabataan dati kaysa kasalukuyan.
13.Magaan-gaan na ang aming dalahin ngayon.
14.Pagkamahal-mahal na ngayon ng mga bilihin.
15. Hari ng yabang ang aming kaklaseng si Jude.

18. Maraming salamat!