MGA ESTRATEHIYA SA PAGTUTURO NG FILIPINO SEKONDARYA

1. Mga Estratehiya sa
Pagtuturo ng Filipino

2. #ABRAKADABRA
(Ang Guro Bilang Mahikero sa Masaya at Mabungang
Pagtuturo at Pagkatuto)

3. “Wow Magic” Ito ang prinsipyong
isinusulong ng pagtuturo na ang
sangkap ay sigla at sigasig. Maaring
tanawin ang “abrakadabra” bilang
pinagsama-sama o elektikong dulog na
tumatagos sa estartehiya at Teknik.
Pinagtatagpo ng kaisipang ito ang mga
nakagisnan at makabagong teorya at
simulain sa pagtuturo at pagkatuto gaya
ng behaviorism, cognitivism,
interactionism, at constructivism.
Dapat ang
Guro

4. D S L ▪ Dapat, sapat, at lapat sa lahat ng antas at
asignatura.
▪ Dapat – matamo ang kaalaman at kasanayansa isang
tiyak na aralin o panahon ng proseso ng pagtuturo at
pagkatuto.
▪ Sapat – na impormasyong matutuhan na
mapakikinabangan sa pang-araw-araw na buhay o
magagamit sa iba’t ibang kahingian o pangangailangan.
▪ Lapat – na mga gawaing pampagkatuto batay sa interes,
gulang, kahandaan, at katangian ng mag-aaral.

5. Dapat bigyang pansin
▪ Lilinangin ng kaisipang ito ang pangunahing isusulong ng
ika-21 siglong eduaksyon gaya ng:
▪ Komunikasyon
▪ Kolaborasyon
▪ Kritikal na pag-iisip
▪ Kasiningan at Pagkamalikhain
▪ Koneksyon at Kontekdtuwalisasyon
▪ Kultura at Karera o prosesyon

6. Bilang Guro
▪ 1. Magplano ng kakaiba, bago, at natatanging gawaing
pampagkatuto. Marapat na ang Gawain ay sumusunod sa
prinsipyong:
S- simple
M- mabunga
A- artistiko
R- realistiko
T- tumpak sa oras

7. S2
S3
▪ Tiyaking magiging katangian ng iba’t ibang Gawain
sa prinsipyong ito ang:
▪ S2: sigla at sigasig
▪ S3: saglit subalit sulit

8. ▪ Huwag matakot magtangka, mangarap, o sumubok ng iba’t
ibang makabagong paraan upang ipamalas ang pagiging
inobatibo, iba, at imbang guro ng makabagong panahon.
▪ Tayain o pulsuhan ang naging bunga ng pagkatuto mula sa
iba’t ibang Gawain at pagsasanay mula sa pambungad na
Gawain, pangganyak,pagtalakay, pagsusuri, at paglalapat.
Kinakailangang mabatid ng guro ang kalakasan, kahinaan,
oportunidad, at banta ng iba’t ibang gawaing pampagkatuto
upang lalo itong mapagbuti at mapagyaman.

9. Tandaan mga Kapwa Guro
▪ “Estratehiya ang dala ng gurong imba, bida, at
bongga.”

10. MGA ESTARTEHIYA SA PAGTUTURO NG
FILIPINO

11. Nilalaman ng Estratehiya
✔ Pamagat (gamit ang #)
✔ Deskripsyon
✔ Angkop na Nilalaman at Antas
Kasanayang Lilinangin
✔ Hakbang sa Pagsasakatuparan
✔ Tatak at Impak

12. Deskripsyon
▪ Magsisilbing sulyap ito sa kung ano ang dapat
asahan at paano magiging ambag ito sa
mahalaga, masaya, at mabungang pagtuturo at
pagkatuto.

13. Angkop na Nilalaman at Antas
▪ Sa bahaging ito makikita ang maaring maging paksa na magiging lunsaran ng
iba’t ibang natukoy na Gawain. Ito ang magsisilbing kasagutan kung ano ang
paksa o kaalamang pagbabatayan ng pagtuturo at pagkatuto.
▪ Matatagpuan din sa tiyak na paksa ang angkop na natas kung saan gagamitin
ang mga iba’t ibang inobasyon sa pagtuturo batay sa edad, interes,kaligiran at
kahandaan ng mga mag-aaral.

14. Kasanayang Lilinangain
▪ Masinop na iniisa-isa ang mga pakinabang na
makukuha sa paglalapat at pagpapatupad sa nakapaloob
na iba’t ibang bahagi ng alpabeto ng aklat.
▪ Sistematikong inihanay ang mga kasanayan na
kadalasang pinagtitibay ang ugnayan ng kognitibo,
apektibo, at sykomotor na domeyn ng pagkatuto.

15. Hakbang sa
Pagsasakatup
aran
▪ Sa bahaging ito lohikal na inihanay
ang sunod-sunod na paraan upang
masundan ang paggamit ng mga
natukoy na inobasyon batay sa
prinsipyo at simulain, dulog o lapit
ng pagtuturo, ugnayan ng
estratehiya at kagamitang
pampagtuturo.

16. Tatak at Impak
▪ Sa bahaging ito makikita ang ang tila mahalagang
kaisipan na nagbibigay-larawan sa ambag ng tiyak na
alpabeto ng inobasyon sa pagtuturo at pagkatuto.
▪ Isang paalaala ito sa bisa at kahalagahan ng paglalapat
ng natukoy na ambag sa prosesong pedagohikal.

17. #AMBAGAN
(Kontribusyong Salita, Kaisipa’y Mapapalaya)
▪ Deskripsyon
▪ Isang uri ng gawaing pampagkatutong humihikayat sa mga mag-aaral na mag-
ambag ng konsepto, ideya, kaisipan, ideolehiya, o pananaw kaugnay ng isang
aralin. Sa gawaing ito, binibigyang-kapangyarihan ang mag-aaral na magpasya o
magsaliksik ng mga batayang kalaaman o impormasyon na sa kanyang palagay ay
makatutulong sa pagpapalawak ng kaalaman at kasanayan ng kanyang kamag-
aaral hinahamon ng Gawain na maging epektibong tagapag-amabag ang mga
mag-aaral upang maipaunawa ang iaambag na impormayson sa pamamagitan ng
kahusayan sa pagbabahagi, pananaliksik, at panghihikayat sa iba na intindihin at
unawain ang ambag na salita o kaisipan.

18. Angkop na Nilalaman at Antas
▪ Angkop sa pakasa na may mga salita o kaisipang
higit na dapat tandan o pahalagahan.
▪ Angkop sa Baitang Junior High School at Senior
High School.

19. Kasanayang Lilinangin
▪ Ang kakayahang magbahagi at magpaunawa ang pangunahing
tunguhin ng Gawain. Kaakibat ng Gawain ang paglinang sa iba
pang sumusunod na mga kasanayan:
▪ Pagtukoy sa kaisipang iaamabag
▪ Pagpapalawak sa impormasyong dapat isama sa pagbabahgai
▪ Pagpapaliwanag ng ideyang dapat dapat maunawaan ng iba
▪ Pagdisiplina sa sarili upang matamo ang tiyak na oras na
napagkasunduan sa oras ng Gawain
▪ Pagiging malikhain sa pipiliing paraan ng pagtatanghal sa oras ng
pag-aambag.

20. Hakbang sa Pagsasakatuparan
▪ 1. Itakda o pagkasunduan ang paraan ng pagpili sa salita o
kaisipang iaambag ng mga mag-aaral. Maaring umiikot
ang batayang kaalaman sa kahulugan, katangian,
kahalagahan, at kaugnay ng konsepto.
▪ 2. Bigyan ng pagkakataon ang mga mag-aaral na
magsaliksik batay sa makukuhang panahon upang mag-
ambag. Maaring gawin ito bago mag-umpisa ang klase,
yugto ng balik-aral, talakayan o paglalahad ng aralin, o sa
oras ng paglalahat.

21. ▪ 3. Tiyaking sa pagbabahagi ay mailapat ng mga mag-
aaral ang uganyan ng M3: matter (nilalaman), method
(paraan ng pagbabahagi) at manner (aral sa
pagbabahagi).
▪ 4. Bigyang-pagkakataon ang ibang mag-aaral na
magtanong, magbigay-puna, o magdagdag-kaalaman sa
isinasagawang pagbabahagi ng naatasang mag-aaral.
▪ 5. Makatutulong sa gawaing pag-aambag ang
halimbawang rubriks:

22. PAMANTAYAN Napakagaling
(5puntos)
Magaling-galing
(4 puntos)
Magaling
(3 puntos)
Matter o Nilalaman
• kumpleto, malinaw, at organisado
Manner o Asal
• Malumanay, mapanghikayat, at
epektibong nakikipagtalastasan
Method o Paraan
• Lohikal at may matibay na
pinagbatayan
Kabuoang Iskor

23. Tatak at Impak
▪ “Ang mag-aaral na may kakayahang mag-ambag ay
makaiiwas sa anomang pagkabagabag.”

24. #BINTANA NG PAG-UNAWA
(Pagpapakita ng Pagkatuto Batay sa Iba’t ibang Prinsipyo)
▪Deskripsyon
▪ Isang kagamitang pampagtuturo upang mataya ang
kakayahang magpahayag ng kaisipan, ideya, opinion, at
pananaw ng isang mag-aaral. Binubuo ito ng apat na bahagi na
kakatawan sa apat na sulok o bahagi ng bintana. Ang mga
bahagi ay ang:
▪ Reyalisasyon – bago at dagdag na kaalaman na dapat tandan
▪ Emosyon – saloobin at naramdaman sa nakuhang kaalaman

25. ▪ Integrasyon – pag-uugnay sa ibang ideya o konsepto batay sa
pagkakatulad ng binasa, napanood, o napakinggan
▪ Aksyon – angkop na tugon o kilos bilang pagtugon o
pagpapamalas ng natutuhan sa tulong ng “Bintana ng Pag-
unawa” mas nagiging masistema ang paraan ng talakayan.
Alternatibo rin ito sa pagtukoy sa progreso ng bawat isa.

26. Angkop na Nilalaman at Antas
▪ Nararapat gamitin sa lahat ng paksa upang sukatin ang
kakayahang umunawa.
▪ Nababagay sa lahat ng antas. Nasa guro ang
kapangyarihan upang palabasin ang hindi magmamaliw
na pang-unawa sa tulong ng lilikhaing mahalagang
tanong.

27. Kasanayang Lilinangin
▪ Pagpapalutang ng pag-unawa ang malilinang sa gawaing ito. Sa tulong
ng bintana, masisilip ang iba pang kaugnay na kasanayan halaw sa
“mukha ng pag-unawa”(Wiggins at Mc Tighe) at “kuwadro ng pag-
unawa” (Villanueva,2014).
▪ Pag-iisa-isa ng mga kaisipan
▪ Pagpapaliwanag ng mga natutuhan
▪ Pag-uugnay ng kaalaman sa karanasan
▪ Pagninilay sa mga natutuhan
▪ Paglalapat ng aralin sa pang-araw-araw na buhay.

28. Hakbang sa Pagsasakatuparan
▪ 1. Pumili ng aralin na paglalapatan ng Gawain.
▪ 2. Tiyaking maisa-isa ang hinihinging bahagi ng
bintana upang palutangin ang kakayahang umunawa
ng bawat isa.

29. REYALISASYON INTEGRASYON
• Ang pamilya ang pinakamaliit (dati) ngunit
pinakamahalagang (bago) yunit ng lipunan
• Tulad ng isang kawayan ang pamilyang
Pilipino. Sumusunod sa hangin at
nagpapamalas ng katatagan sa
pagharap sa iba’t ibang suliranin.
• EMOSYON AKSYON
• 😀 Masaya sapagkat hindi man mayaman sa bagay o
materyal, ang tanging yaman ko ay ang aking pamilya
• Magiging magalang sa bawat kasapi ng
pamilya
• Magiging mabuting kasapi ng pamilya
“Bintana ng Pag-unawa sa Buhay at Lipunan ng Pamilyang
Pilipino”

30. Hakbang sa Pagsasakatuparan
▪ 3. Maaring mas maging masining sa pagpapagawa ng bintana.
Kung isahang Gawain, tiyaking makabubuo ang mag-aaral ng
makulay at masining na kuwadro o bintana sa tulong ng
pagtutupi at paggugupit. Hikayating lapatan ito ng magandang
disenyo. Kung pangkatang Gawain naman, mainam na ipalagay
sa isang kartolina o manila paper na maaring may tiyak na bilang
o pananda ang kasapi na magbibigay ng kasagutan.

31. ▪ 4. Gamitin ang bintana sa talakayan lalo sa pagpapalalim at
pagpapayaman ng aralin. Gawing instrument rin ang bintana sa
pagbuo ng pagbabahagi sa klase.
▪ 5. Uang maging makabuhuhan ang bintana, mahalagang
maglaman ng naayong impormasyon at mensaheng angkla sa
sumusunod na pamantayan ng rubriks:
▪ 7-10- Pagkahusay!
▪ 4-6 – Mahusay!
▪ 1-3 – Paghusayin pa!

32. PUNTOS PALIWANAG
NILALAMAN
____1.
• Makatotohanan ang nilalaman ng bawat bahagi ng bintana.
UGNAYAN
______2.
Mayroong direksyon ang mga impormasyon sa bawat bintana batay sa isang
tema o kaisipan.
KATAPATAN
_______3.
• Sumasalamin sa damdamin at angkop na pagkilos ang inilagay na
impormasyon.
KASININGAN
______4.
• Malikhain at masining ang ginagawang bintana na nagpapakita ng pagiging
matapat, matalino, at mapanuri.
KAAGAPAN
______5.
• Ipinasa ang bintana sa napag-sapang araw at petsa.

33. TATAK AT IMPAK
▪ “Akmang pag-unawa, produkto ng
pagtuturong tama at mabisa.”

34. #BLOG-BLOGAN
(Kunwa-kunwariang Sulatin, Tungo sa Totohanang
Mithiin
▪ Deskripsyon:
▪ Ito ay gawaing pasulat na magiging busardor tungo sa pagpapalathala sa
birtuwal na espasyon. Sa tulong ng Gawain, magiging kapana-panabik ang
pagsusulat ng mga mag-aaral sapagkat nagiging isntruemnto ang dgital
na paraan. Sa tulong ng blog-blogan, mahihikayat ag mag-aaral na
panumbalikin ang interes sa pagsulat sa tulong ng makabagong Teknik na
hinugot mula sa luma o dating paraan pa rin ng pagbuo ng sulatin mula sa
naiisip, nakikita, at nadarama.

35. Gawain
✔ Mula sa estratehiyang #BLOG-BLOGAN
(Kunwa-kunwariang Sulatin, Tungo sa Totohanang Mithiin )
gawan ito ng mga sumusunod:
▪ Angkop na Nilalaman at Antas
▪ Kasanayang Lilinangin
▪ Hakbang sa Pagsasakatuparan
▪ Tatak at Impak
base sa deskripsyon na aking binigay. Maari itong gawin bilang grupo
sa klaseng ito at ibahagi ang nagawang output sa ating google meet.