1. Address: Km. 9, Urban, Pacol, Naga City
Contact No.: (054) 811-078
Email: 310302@deped.gov.ph
Page 1 of 2
Republika ng Pilipinas
Kagawaran ng Edukasyon
REHIYON V - BIKOL
SANGAY NG MGA PAARALAN NG LUNGSOD NAGA
PUROK HILAGA III
LEON Q. MERCADO HIGH SCHOOL
Aralin 1: Batayang Kaalaman sa
Mapanuring Pagbasa
“Huwag kang magbasa, gaya ng mga bata, upang libangin ang
sarili, o gaya ng mga matatayog ang pangarap upang matuto.
Magbasa ka upang mabuhay.”
-Gustave Flaubert
Kahulugan ng Pagbasa
◍ Ang Pagbasa ay isang proseso ng pagbuo ng kahulugan
mula sa mga nakasulat na teksto.
◍ Ito ay isang kompleks na kasanayan na ngangailangan
ng koordinasyon ng iba’t iba at magkakaugnay na
pinagmumulan ng impormasyon.
Anderson et al. (1985), sa aklat na Becoming a Nation of Readers
◍ Ito ay proseso ng pagbuo ng kahulugan sa pamamagitan
ng interaksiyon ng:
(1) Imbak o umiiral nang kaalaman ng mambabasa;
(2) Impormasyong ibinibigay ng tekstong binabasa; at
(3) Konteksto ng kalagayan o sitwasyon ng pagbabasa.
-Wixon et al. (1987) sa artikulong “New Directions in Statewide
Reading Assessment”
◍ Ang Pagbasa ay isang kompleks na kognitibong proseso
ng pagtuklas sa kahulugan ng bawat simbolo upang
makakuha at makabuo ng kahulugan.
a. Kaalamang Ponema
b. Pag-aaral ng Ponolohiya
c. Katatasan
d. Bokabolaryo
e. Kamprehensiyon
ANG MAPANURING PAGBASA
Ang mapanuring pagbasa ay ang pagsisiyasat ng isang
tekstong babasahin.
Mapanuring pagbasa ay isang pagbabasa na sinusuri
ang mga lingwistikang ginagamit ng makata sasariling
akda.
Mapanuring pag-iisip ay ang pagsusuri ng panitikan
kung ano ang mga nilalaman ngpanitikan: banghay,
elemento at mga katangian pa ng mga tauhan.
Dalawang Kategorya ng Mapanuring Pagbasa
1.INTENSIBO- Ito ay pagsusuri sa kaanyuang gramatikal,
panandang diskurso, at iba pang detalye sa estruktura upang
maunawaan ang literal na kahulugan, implikasyon, at retorikal na
ugnayan ng isang akda. Inilalarawan ni Douglas Brown na ang
intensibong pagbasa bilang isang gawaing gumagamit ng
estratehiyang zoom lens o ng malapitan at malalimang pagbasa sa
isang akda.
-Douglas Brown (1994) sa kanyang aklat na Teaching by
Principles: An Interactive Approach to Language Pedagogy
2. EKSTENSIBO- Ito ay isinasagawa upang makuha ang
pangkalahatang pag-unawa sa maramihang bilang ng teksto.
Nagaganap ito kapag ang isang mambabasa ay nagbabasa ng
maramihang babasahin ayon sa kaniyang interes, mga
babasahing kadalasang hindi kahingian sa loob ng klase o itinakda
sa anumang asignatura.
-Long at Richards (1987) sa kanilang aklat na Methodology in
TESOL: A Book of Readings
-Kadalasan, ang layunin ng mababasa sa ganitong uri ng pagbasa
ay upang makuha lamang ang “gist” o pinaka – esensya at
kahulugan ng binasa na hindi pinagtutuunan ng pansin ang mga
salitang Malabo o hindi alam ang kahulugan.
Sampung Katangian ng Matagumpay na Programa sa
Ekstensibong Pagbasa
“Top Ten Principles for Teaching Extensive Reading”
Richard Day at Julian Bamford (2002)
1. Angkop ang materyales sa kakayahang panglinggwistika
(bokabolaryo at gramatika) ng mga mag – aaral.
2. Mayroong magagamit na sari – saring materyales sa
iba’t ibang paksa.
3. Pinipili ng mag – aaral ang gusto nilang basahin.
4. Nagbabasa ang mga mag-aaral ng napakaraming teksto
hangga’t maaari.
5. Ang layunin ng pagbasa ay may kaugnayan sa interes at
kasiyahang – loob ng mambabasa, pagkuha ng
impormasyon, at pangkalahatang pag – unawa.
6. Ang nakamit na pagkatuto ang mismong gantimpala sa
pagbabasa at hindi ano pa mang grado o premyo.
7. Mabilis ang pagbasa.
8. Ang pagbasa ay indibiduwal at tahimik.
9. Ipinapaliwanag ng guro sa mga mag-aaral ang kabuuang
layunin ng programa.
10. Ang guro ay modelo ng mga mag – aaral sa kasikhayan
sa pagbasa.
SCANNING AT SKIMMING NA PAGBASA
-Ayon kay Brown (1994), ang dalawang ito ang pinakamahalagang
estratehiya sa ekstensibong pagbabasa.
2. Address: Km. 9, Urban, Pacol, Naga City
Contact No.: (054) 811-078
Email: 310302@deped.gov.ph
Page 2 of 2
Scanning
Ito ay mabilisang pagbasa ng isang teksto na ang pokus
ay hanapin ang ispesipikong impormasyon na itinakda
bago bumasa.
Kinapapalooban ito ng bilis at talas ng mata sa
paghahanap hanggang sa makita ng mambabasa ang
tiyak na kinakailangang impormasyon.
Kung ang kahingian ay alalahanin ang pangalan, petsa,
simbolo, larawan, o tiyak na sipi na makatutulong sa iyo,
scanning ang angkop na paraan ng pagbasa na dapat
gamitin.
Skimming-
Ito ay mabilisang pagbasa na ang layunin ay alamin ang
kahulugan ng kabuuang teksto, kung paano inorganisa
ang mga ideya o kabuuang diskurso ng teksto at kung
ano ang pananaw at layunin ng manunulat.
Ginagamit ang skimming kapag may pangkalahatang
tanong tungkol sa isang akda.
1. Primarya (elementary). Ito ang pinakamababang antas
ng pagbasa at pantulong upang makamit ang literasi sa
pagbasa. Ang mga kakayahan sa pagbasa sa antas na
ito ay kinapapalooban lamang ng pagtukoy sa tiyak na
datos at ispespikong impormasyon gaya ng petsa,
setting, lugar, o mga tauhan sa isang teksto.
2. Mapagsiyasat (inspectional). Sa antas na ito,
mauunawaan na ng mambabasa ang kabuuang teksto at
nakapagbibigay ng mga hinuha o impresyon tungkol dito.
Sa pamamagitan nito, nakapagbibigay ng mabilisan
ngunit makabuluhang paunang rebyu sa isang teksto
ang mambabasa upang matukoy kung kakailanganin
niya ito o kung maaari itong basahin nang mas
malaliman.
3. Analitikal (Analitical). Sa antas na ito ng pagbasa,
ginagamit ang mapanuri o kritikal na pag – iisip upang
malalimang maunawaan ang kahulugan ng teksto at ang
layunin o pananaw ng manunulat.
4. Sintopikal (syntopical). Ang salitang syntopikal ay
nangangahulugang “koleksyon ng mga paksa” na binuo
ni Mortimer Adler. Tumutukoy ang sintopikal sa uri ng
pagsusuri na kinapapalooban ng paghahambing sa iba’t
ibang teksto at akda na kadalasang magkaka – ugnay.
Aralin 2: MGA KASANAYAN SA
MAPANURING PAGBASA
1.Bago Magbasa - Sinisimulan ang pagbasa sa pagsisiyasat
ng tekstong babasahin. - Ang pagsusuri ng panlabas na
katangian ng teksto ay mahalaga upang malaman ang
tamang estratehiya sa pagbasa batay sa uri at genre ng
teksto. Kinapapalooban ng: previewing o surveying ng isang
teksto sa pamamagitan ng mabilisang pagtingin sa mga
larawan,pamagat at pangalawang pamagat sa loob ng aklat.
- Sa bahaging ito, inuugnay sa inisyal na pagsiyasat ng mga
imbak at kagilirang kaalaman upang lubusang masuri kung
anong uri ng teksto ang babasahin.
2.Habang Nagbabasa • Nangyayari ang pinakamalaking
bahagi ng kognisyon habang nagbabasa. Sa bahaging ito,
sabay-sabay na pinagagana ng isang mambabasa ang iba’t
ibang kasanayan upang lubusang maunawaan ang teksto.
Ang kaniyang mga naunang tanong at prediksyon bago
magbasa ay pinanghahawakan niya upang panatilihin ang
pokus sa aktibong pag-unawa sa binabasa. Sa bahaging ito,
lumalawak at umuunlad ang bokabularyo ng mambabasa.
Pamamaraan Upang Maging Epektibo ang Pagbasa
Pagtantiya sa bilis ng Pagbasa -Binabago-bago ng
mambabasa ang bilis o bagal ng pagbasa batay sa hirap
ng teksto at personal na kakayahan sa pagbasa.
Biswalisasyon ng binabasa - Gamit ang mga
impormasyon mula sa teksto at imbak na kaalaman,
bumubuo ang mambabasa ng mga imahen sa kaniyang
isip habang nagbabasa
Pagbuo ng koneksiyon -Pagpapayaman ng ugnayan
sa pagitan ng teksto at imbak na kaalaman upang
matiyak ang komprehensiyon.
Paghihinuha -Pag-uugnay ng impormasyon mula sa
teksto at imbak na kaalaman upang bumubuo ng mga
pahiwatig at konklusyon sa kalabasan ng teksto.
Pagsubaybaysa komprehensiyon -Pagtukoy sa
posibleng kahirapan sa pagbasa ng teksto at paggawa
ng mga hakbang upang masolusyunan ito.
Muling Pagbasa -Muling pagbasa ng isang bahagi o
kabuuan ng teksto kung kinakailangan kapag hindi ito
naunawaan.
Pagkuhang kahulugan mula sa konteksto -Paggamit
ng iba’t ibang estratehiya upang alamin ang kahulugan
ng mga di-pamilyar na salita batay sa iba pang
impormasyon sa teksto.
3. Pagkatapos Magbasa -Upang maipagpatuloy ang
malalim na pag-unawa at pag-alala sa teksto kahit natapos
na ang proseso ng pagbasa, mahalagang isagawa ng isang
mambabasa ang sumusunod: P P P E Pagtatasa ng
komprehensiyon, Pagbubuod, Pagbuo ng Sintesis, at
Ebalwasyon.