Ano ang sinasabi ng biblia tungkol sa mahika, kulto, pakikipag usap sa patay at pangkukulam
1. Ano Ang Sinasabi ng Biblia
Tungkol sa Mahika, Kulto, Pakikipag-
usap sa patay at Pangkukulam?
2. KAHULUGAN NG ILANG MGA SALITA
• PANGHUHULA (DIVINATION) – pagtatamo ng kaalaman tungkol sa mga mangyayari sa hinaharap. Ilan sa mga anyo
nito ay ang pagbasa sa pamamagitan ng mga guhit sa palad (palmistry), pagbasa sa baraha (cartomancy), at
horoscope (gamit sa astrology).
• MAHIKA O SALAMANGKA (MAGIC) – ang paggamit ng espesyal na kapangyarihan upang gumawa o maisagawa ang
bagay na karaniwa’y imposible.
• PANGGAGAWAY O PANGKUKULAM (WITCHCRAFT) – ay ang kakayanan o paggamit ng ilang uri ng kapangyarihang
mahika upang gumawa ng pinsala sa mga kasapi ng pamayanan o kanilang pag-aari.
• KULTO (CULT/OCCULTISM) – ang paniniwala o pag-aaral ng mga mahiwaga o nakatagong di-pangkaraniwang
kapangyarihan.
• PAGANO (PAGANISM) – relihiyong labas sa paniniwalang Kristyanismo.
3. KAHULUGAN NG ILANG MGA SALITA …pagpapatuloy
• GAYUMA O ANTING-ANTING (CHARMS) – mga bagay na di-umano ay nagdadala, nagdudulot, nag-aakit ng
magandang kapalaran o nagbibigay proteksyon sa mga nagtataglay nito.
• PAMAHIIN (SUPERSTITIONS) – paniniwala o mga kagawian na bunga ng kamangmangan, takot sa mga bagay
na lingid, pagtitiwala sa mahika o pagkakataon o maling pagkaunawa ng kadahilanan.
• NAGPAPASANIB (MEDIUMS) – taong sinasaniban o inaalihan di-umano ng mga taong namayapa na.
• ESPIRITISTA (SPIRITIST) – mga taong tumatawag o nakikipag-usap sa mga namayapa na at namamagitan sa
kanila sa mga buhay.
• MASAMANG ESPIRITU (FAMILIAR SPIRITS) – isang espiritu o demonyo na nagsisilbi o nag-uudyok sa isang
indibidwal.
4. Ang pagsamba at paghahanap ng di-pangkaraniwang kapangyarihan maliban sa Dios, ay
mula pa noong lumang panahon. Ginamit ni Satanas at patuloy niyang ginagamit ang mga
bagay at gawaing tulad ng mahika, panggagayuma, pangkukulam, paganong paniniwala,
pag-iispiritista at pagme-medium, pagbabasa ng kapalaran sa mga guhit ng palad at sa
mga baraha, mga horoscope at iba pang tulad nito upang akitin ang mga tao palayo sa Dios
at patungo sa kapangyarihang nagbibigay ng sariling kaliwanagan. Layon ni Satanas na
pigilan ang mga tao na masumpungan ang banal na ispiritwalidad na nasa sa Dios lamang.
Madalas na binabanggit ng Bibilia ang mga kahihinatnan ng mga gawaing ito.
5. Ang mga espiritista at mga medium ay karaniwan sa mga paganong pamayanan. Binalaan
ng Dios ang mga anak ng Israel na huwag makisali o makisangkot sa mga gawi na ito bago
pa sila makapasok sa Lupang Pangako ng Canaan. Inisa- isa din ang ilan sa karumaldumal
na mga kauri ng pakikipag-usap sa mga patay.
Deuteronomio 18:9-12 “Pagpasok mo sa lupain na ibinibigay sa iyo ng Panginoon mong
Dios, ay huwag mag-aaral gumawa ng ayon sa mga karumal-dumal ng mga bansang yaon.
Huwag makakasumpong sa iyo ng sinomang nagpaparaan sa apoy ng kaniyang anak na
lalake o babae, o nanghuhula o nagmamasid ng mga pamahiin o enkantador, o
manggagaway, o enkantador ng mga ahas o mga nakikipagsanggunian sa mga masamang
espiritu, o mahiko, o sumasangguni sa mga patay. Sapagkat sinomang gumagawa ng mga
bagay na ito ay karumal-dumal sa Panginoon: at dahil sa karumaldumal na ito ay
pinalalalyas sila ng Panginoon mong Dios sa harap mo.”
6. Isang pangyayari sa Lumang Tipan ang nagpapakita ng bigat ng kasalanang pagsangguni
sa yumao na. Ito ay nang humingi ng payo si haring Saul ng Israel mula sa isang medium
na kilala sa tawag na Manggagaway ng Endor. Nang mga panahong iyon, ang mga hukbo
ng Israel ay malapit ng atakihin ng mga Filisteo. Si Saul ay naghimagsik laban sa Dios at sa
desperasyon ay hinanap ang mga serbisyo ng espiritista.
“At hindi napakilala si Saul, at nagsuot ng ibang kasuutan, at naparoon siya at ang
dalawang lalake na kasama niya, at sila'y dumating sa babae nang kinagabihan: at
kaniyang sinabi, Hulaan mo ako isinasamo ko sa iyo, sa pamamagitan ng sinasanggunian
mong espiritu, at iahon mo sa akin sinomang banggitin ko sa iyo.” – 1 Samuel 28:8
7.
8. Pagkatapos ay tinanong ni Saul ang medium upang maihatid ang espiritu ng namatay na
propetang si Samuel, upang tanungin ang kanyang payo tungkol sa nakabinbing pag-atake
ng mga Filisteo.
“At sinabi ng hari sa kaniya, Huwag kang matakot: sapagka't anong iyong nakikita? At
sinabi ng babae kay Saul, Aking nakikita'y isang dios na lumilitaw sa lupa. At kaniyang
sinabi sa kaniya, Ano ang kaniyang anyo? At sinabi niya, Isang matandang lalake ay
lumilitaw; at siya'y nabibilot ng isang balabal. At nakilala ni Saul, na si Samuel, at siya'y
yumukod sa lupa, at nagbigay galang.” – 1 Samuel 28:13-14
9. Batid ng haring Saul ang kaniyang ginawang paglabag sapagkat babala ng Dios sa aklat ng
Levitico…
Levitico 19:31 “Huwag ninyong babalikan ang mga inaalihan ng masasamang espiritu ni
ang mga mangkukulam: huwag ninyong hanapin na magpakahawa sa kanila: Ako ang
Panginoon niyong Dios.”
Levitico 20:6 “At ang taong magbalik sa inaalihan ng masamang espiritu at sa mga
mangkukulam, upang manalig sa mga yaon ay itititig Ko ang Aking mukha laban sa taong
yaon, at ihihiwalay Ko siya sa kaniyang bayan.”
10. Ang kinahinatnan ni haring Saul bunga ng kaniyang pagsuway ay nakalulungkot.
“Sa gayo'y namatay si Saul dahil sa kaniyang pagsalangsang na kaniyang nagawa laban sa
Panginoon, dahil sa salita ng Panginoon na hindi niya iningatan; at dahil naman na siya'y
nakipagsanggunian sa *isang nagpapasanib, upang pagsiyasatan.” – Levitico 20:6
Ipinagbabawal ng Biblia ang lahat ng pagtatangkang makipag-usap o sumangguni sa mga
kaluluwa ng mga yumao na.
11. Hindi pinahihintulutan ang paggamit ng mga mahika at salamangka gayundin ang
astrolohiya (paggamit ng horoscope).
Isaias 47:12-14 “Tumayo ka ngayon sa iyong mga enkanto, at sa karamihan ng iyong
panggagaway, na iyong ginawa mula sa iyong kabataan: marahil mananaig ka. Ikaw ay
yamot sa karamihan ng iyong mga payo: magsitayo ngayon ang nanganghuhula sa
pamamagitan ng langit, at ng mga bituin, ang mga mangingilala ng tungkol sa buwan, at
siyang magligtas sa iyo sa mga bagay na mangyayari sa iyo. Narito, sila’y magiging gaya ng
pinagputulan ng trigo; susunugin sila ng apoy; sila’y hindi makaliligtas sa bangis ng liyab:
hindi babaga na mapagpapainitan, o magiging apoy na mauupuan sa harap.”
Ibinibilang ng Biblia ang panghuhula na paghihimagsik o rebelyon…
1 Samuel 15:23 “Ang pagsuway sa Kaniya ay kasinsama ng pangkukulam, at ang katigasan
ng ulo’y tulad tulad ng pagsamba sa diyus-diyosan. Sapagkat itinakwil mo ang salita ni
Yahweh, itinakwil ka rin Niya bilang hari.”
12. Ito ang ilan pa sa kinahihinatnan ng mga karumaldumal na gawaing ito…
Mikas 5:10-12 “At mangyayari sa araw na yaon, sabi ng Panginoon, na Aking ihihiwalay
ang iyong mga kabayo sa gitna mo, at Aking gigibain ang iyong mga karo at Aking
ihihiwalay ang mga bayan ng iyong lupain, at Aking ibabagsak ang lahat ng iyong
katibayan: at Aking ihihiwalay ang mga panghuhula sa iyong kamay; at hindi ka na
magkakaroon ng mga manghuhula:
13. Marapat na ang sangguniin ay ang buhay na Dios, at hindi ang mga kaluluwa ng patay.
Isaias 8:19-22 “At pagka kanilang sasabihin sa inyo, Hanapin ninyo silang
nakikipagsanggunian sa masamang espiritu at mga manghuhula, na nagsisihuni at
nagsisibulong; hindi ba marapat na sanggunian ng bayan ang kanilang Dios? dahil baga sa
mga buhay ay sasangguni sila sa mga patay? Sa kautusan at sa patotoo! kung hindi sila
magsalita ng ayon sa salitang ito, tunay na walang umaga sa kanila. At sila'y magsisidaan
doon, na nahihirapan at gutom: at mangyayari, na pagka sila'y mangagugutom, sila'y
mangagagalit, at magsisisumpa alangalang sa kanilang hari at sa kanilang Dios, at
ititingala nila ang kanilang mga mukha: at sila'y titingin sa lupa, at, narito, kahirapan at
kadiliman, ulap ng kahapisan, at sa salimuot na kadiliman ay itataboy sila.
14.
15. Nang makakilala ang mga mananampalataya Kay Hesus ay kanilang itinakwil ang mga
karumaldumal na gawain at sinunog ang mga kasulatang ukol dito.
Mga Gawa 19:17-20 “At nahayag ito sa lahat, sa mga Judio at gayon din sa mga Griego, na
nangananahanan sa Efeso; at sinidlan silang lahat ng takot, at pinadakila ang pangalan ng
Panginoong Jesus. Marami rin naman sa mga nagsisampalataya na ang nagsidating, na
ipinahahayag at isinasaysay ang kanilang mga gawain. At hindi kakaunti sa mga
nagsisigamit ng mga kabihasnang mahika ay nagsipagtipon ng kanilang mga aklat, at
pinagsusunog sa paningin ng lahat; at kanilang binilang ang halaga niyaon, at
nasumpungang may limampung libong putol na pilak. Sa gayo'y lumagong totoo ang Salita
ng Panginoon at nanaig.
16. Maaaring may ilang mga talata pa sa Biblia na hindi naibilang sa talang ito ngunit sa mga
nabatid na pahayag mula sa Luma at Bagong Tipan ay maliwanag ang paninindigan ng
Biblia laban sa mahika, kulto, pakikipag-usap sa patay at pangkukulam.
Ginagawa nitong matatakutin at inaalis ang kapayapaan ng kalooban at kakayahang mag-
isip nang malinaw. Ito ay madalas na humahantong sa kawalan ng tamang pag-iisip at
kawalan din ng balanse sa emosyon. Ito’y nagdadala ng sumpa sa mga gumagawa at
tumatangkilik sa mga ito.
Ang paglahok sa mga pangkat na ito, paniniwala o kasanayan ay maaaring magdala ng
pangmatagalang espirituwal na kaguluhan at ang mga nasabing bagay ay dapat na aminin
at tuluyang salansangin at itakwil. Sa kapangyarihan ng Dios Kay Kristo-Hesus! Amen.