Konsepto sa Pananaliksik sa pagbasa at Pagsusuri Tungo sa tekstong pananaliks...
Kapit lang, guro
1. Kapit lang, Guro
GINOONG BARTOLOME CASALME ALVEZ
TAGAPAG-UGNAY SA FILIPINO
Sangay ng Lungsod ng Navotas
Matutulog, gigising kang guro
Bago pumasok sa banyo,
Isasa-ulo, leksyon sa araw na ito
Habang nasa byahe patungong paaralan
Matutuwa ka ba o mayayamot
Sa batang walang pakialam
Subalit ang karamihan ay matitino’t
Matatalino pa naman
Araw-araw ganito, pumapasok sa sintido ko.
Subalit isang araw, nagnilay, nag-isip
Bakit ba ako isang guro?
Pumasok sa aking gunita, walang pumilit
Ngunit gusto ko itong kusa.
Wika ng iba, suweldo’y maliit
‘Pag ‘di ka nangutang, pamilya mo’y
Sasadlak sa dusa’t lusak
Ang iba’y raket ang tinutugon
Mapagdugtong buhay na mayroon.
Sa kabila ng hirap, kasalatan at kakapusan
Guro’y nagtuturo, nangangaral at naggagabay
Sa mga estudyanteng pag-asa ng lipunan
Na maging mabuting mamamayan sa pamayanan