Avilga tailan 2014

1. НИЙСЛЭЛИЙН БОЛОВСРОЛЫН ГАЗРЫН АВЛИГЫН ЭСРЭГ ҮЙЛ АЖИЛЛАГААНЫ
2014 ОНЫ ЭХНИЙ ХАГАС ЖИЛИЙН ТАЙЛАН
2014.07.08 Улаанбатар хот
Нийслэлийн Боловсролын газрын Авлигын эсрэг үйл ажиллагааны 2014 оны
төлөвлөгөөг Нийслэлийн ЗДТГ-аас ирүүлсэн зөвлөмж, чиглэлийг үндэслэн боловсруулж
хэрэгжилтийг ханган ажиллаж байна. Төлөвлөгөөнд нийт 21 ажил үйлчилгээ, арга хэмжээ
тусгагдсанаас хэрэгжсэн 12, хэрэгжих шатандаа 9 байна.
1. Хуулиар хүлээсэн үүргийн биелэлтийг хангах чиглэлээр:
¾ 2013 оны ХАСХОМ мэдүүлэх болсонтой холбогдуулан Авлигатай тэмцэх газартай
хамтран 2014 оны 01 дүгээр сард НБГ-ын 70, ерөнхий боловсролын сургуулийн 82
/захирал/, 209 /менежер/, цэцэрлэгийн 148 /эрхлэгч/ нийт 509 мэдүүлэгч нарт сургалт
зохион байгуулсан. Сургалтын үр дүнд мэдүүлэгч нар ХАСХОМ-ийн ач холбогдол,
мэдүүлгийн бүрдүүлэлтийн програмыг ашиглах, мэдээллээ үнэн зөв оруулах ойлголт,
мэдлэгтэй болсон.
Шинээр томилогдож буй ХАСХОМ мэдүүлэгч нарт зориулж мэдүүлгээ үнэн зөв
мэдүүлэх, мэдүүлгийн ач холбогдол болон бүрдүүлэлтийн програмыг ашиглахад анхаарах
асуудлаар заавар гарган тарааж, зөвлөгөө өгөн ажиллаж байна. Хагас жилийн байдлаар
нийт 25 мэдүүлэгч ХАСХОМ мэдүүлээд байна.
Нийслэлийн ерөнхий боловсролын сургуулийн сургалтын менежерүүдийн
мэдүүлэгийг бүртгэх, хяналт тавих, тайлагнах эрх бүхий албан тушаалтнаар дүүргийн
Боловсролын хэлтсийн ахлах мэргэжилтнүүдийг санал болгон хэлтсийн даргын
шийдэрээр 8 дүүрэгт хариуцуулан АТГ-аас зохион байгуулж буй “ЭБАТ-ын цаг” сургалтад
хамруулав. Тус ажлын үр дүнд 644 мэдүүлэгчийн 50 хувь нь салбар ЭБАТ-д өгснөөр
ачаалал багасаж мэдүүлэгт тавих хяналт сайжирсан.
ХАСХОМ-ийн хуулинд заасан хугацаанд чанартай авах зорилгоор ЕБС-ийн
захирал, цэцэрлэгийн эрхлэгч нарыг мэдүүлэг өгөх хуваарийг байгууллагын
www.edub.edu.mn сайтаар зарлан хуваарийн дагуу зохион байгуулж авсан. Тус ажлын үр
дүнд 644 мэдүүлэг гаргагч хуулийн хугацаандаа ХАСХОМ-ээ мэдүүлсэн.
Мэдүүлгийг цахим хэлбэрээр авч баталгаажуулах, мэдүүлгийн бүрдүүлэлтийн
програмын “ЭБАТ цэс”-ны бүртгэлүүдийг бүрэн хөтлөн ажиллаж байна.
Журмын дагуу хувийн ашиг сонирхлын урьдчилсан мэдүүлгийг АТГ-аар хянуулах
ажлыг зохион байгуулж байгаа ба хагас жилийн байдлаар 59 албан тушаал дээр
урьдчилсан мэдүүлэг хянуулаад байна.
¾ Мэдээллийн ил тод байдал ба мэдээлэл авах эрхийн тухай хуулийн хэрэгжилтийг
хангах зорилгоор байгууллагын цахим хуудсыг шинэчилсэн хэлбэрээр ажиллуулж
байна. Шинэчилсэн цахим хуудас нь фото мэдээ, видео мэдээ, НБГ болон дээд шатны
харьяа байгууллагаас гарсан тушаал шийдвэрүүд, онлайн туслах, баннер зэрэг
нэмэгдсэн.

2. Үйл ажиллагааны ил тод байдал: Байгууллагаас хэрэгжүүлж буй үйлчилгээний
мэдээлэл, холбогдох хууль эрх зүй, байгууллагын танилцуулга гэх мэт мэдээллийг цахим
хуудас, Facebook хуудсаар дамжуулан олон нийтэд хүргэж байна. 8 дүүргийн
Боловсролын хэлтсүүдийг вэб сайттай болгож, үйл ажиллагааг эхлүүлээд байна. Мөн бүх
мэргэжилтэн /32/ блог хуудсаараа дамжуулан багшийг хөгжүүлэх, мэдээ, мэдээлэл
солилцох ажлыг хийж байна.
Хүний нөөцийн ил тод байдал: Байгууллагын хүний нөөцийн товч танилцуулга,
хүний нөөц сонгон шалгаруулах зарлал, газрын даргын тушаалыг цахим хуудсанд
нээлттэй байрлуулсан.
Төсөв, санхүүгийн ил тод байдал: Хуулинд заасан хугацааны дагуу төсвийн
төлөвлөгөө, гүйцэтгэлийн тайланг цахим хуудсанд оруулж мэдээллийг шинэчилж байна.
Төсвийн ил тод байдлын нээлттэй мэдээллийн самбар ажиллуулах үлгэрчилсэн загварыг
НБГ-ын даргын тушаалаар батлуулж, сургууль,
цэцэрлэгүүд хэрэгжилтийг ханган ажиллаж байна.
Одоогийн байдлаар Ерөнхий боловсролын 114
сургууль, 178 цэцэрлэг, нийт 292 байгууллага төсвийн
ил тод байдлыг сар бүр мэдээллэж хэвшээд байна.
Төрийн болон орон нутгийн өмчийн хөрөнгөөр
бараа, ажил, үйлчилгээ, худалдан авах ажиллагааны
ил тод байдал: Сургууль, цэцэрлэг барихтай
холбоотой бүхий л мэдээллийг цахим хуудасны
“хөрөнгө оруулалт” цэсээр хүргэж байна.
Боловсролын газар, дүүргүүдийн боловсролын хэлтэс, сургууль, цэцэрлэгийн вэб
сайтуудыг холбосон мэдээ мэдээллийн нэгдсэн портал сайтыг ирэх хичээлийн жилээс
ашиглалтанд оруулахаар ажиллаж байна.
¾ Нийслэлийн Боловсролын газрын ёс зүйн зөвлөлийн бүрэлдэхүүнийг хамт олны
хурлаар хэлэлцэн олонхийн саналаар сонгож, газрын даргын тушаалаар баталсан.
2.Авилгатай тэмцэх санал санаачлагын чиглэлээр:
¾ “Багш, удирдах ажилтны ёс зүйн шинэчилсэн дүрэм”-ийн төслийг байгууллагын
цахим хуудсанд байршуулан санал авсны зэрэгцээ Баянзүрх, Хан-Уул, Чингэлтэй,
Сонгинохайрхан, Баянгол, Сүхбаатар дүүргийн ЕБС-ийн багш, удирдлага,
цэцэрлэгийн арга зүйч нарын төлөөлөл 580 гаруй хүнийг оролцуулсан хэлэлцүүлэг
зохион байгуулж санал хүсэлтийг авахад 98,2 хувь нь төслийг дэмжсэн санал
өгсөн. Энэ нь ёс зүйн талаарх ойлголт мэдлэгийг дээшлүүлсэн нэг хэлбэрийн ажил
боллоо.
¾ Авлигатай тэмцэх газрын урьдчилан сэргийлэх, соён гэгээрүүлэх хэлтсийн
ажилтнуудтай хамтран нийслэлийн зарим ЕБС-ийн үйл ажиллагааны ил, тод
нээлттэй байдал хэрхэн хангагдаж байгаатай танилцаж, зөвлөн тусалсан.
¾ “БОЛОВСРОЛЫНХОН БИД АВЛИГЫН ЭСРЭГ ХАМТДАА” сэдэвт хууль
сурталчилах 2 үе шаттай "АХА", "Дэвжээ" тэмцээнийг боловсролын салбарын
удирдах болон төрийн захиргааны албан хаагчдын дунд зохион байгуулж, 1100
гаруй хүнд "Авлигын эсрэг хууль", "Нийтийн албанд нийтийн болон хувийн ашиг
сонирхлыг зохицуулах, ашиг сонирхлыг зөрчлөөс урьдчилан сэргийлэх тухай
хууль", "Мэдээллийн ил тод байдал ба мэдээлэл авах эрхийн тухай хууль",
Боловсролын тухай хууль", "Багшийн ёс зүйн дүрэм" зэрэг хууль тогтоомжийг
сурталчиллаа.

3. ¾ Авлигатай тэмцэх газар, Азийн сантай хамтран “Ёс зүй, ашиг сонирхлын зөрчил,
түүнээс урьдчилан сэргийлэх нь” уулзалт хэлэлцүүлэг зохион байгуулж, энэ арга
хэмжээнд нийслэлийн ЕБС-ийн 98 захирал оролцон, цаашид анхаарч ажиллах
асуудлын талаар санал бодлоо хуваалцаж, хууль эрх зүйн мэдлэгээ дээшлүүллээ.
¾ Нийслэлийн Засаг даргын Тамгын газар, Авлигатай тэмцэх газар, Азийн сангаас
хамтран зохион байгуулсан хяналт шалгалтын ажилтнуудад зориулсан сургалтад НБГ
болон дүүргийн Боловсролын хэлтсийн 8 мэргэжилтэн хамрагдаж, мэдлэг чадвараа
дээшлүүлсэн.
НИЙСЛЭЛИЙН БОЛОВСРОЛЫН ГАЗАР