Begin grou!

Editor's Notes

1. #’n Afvallige nasie soek God As ’n mens die hoofstukke voor die gelese gedeelte lees dan is dit wat God hier doen selfs meer merkwaardig. Josafat, die koning van Juda het God gedien. Hy het sy mense gelei om te leef soos God van hulle verwag het. Joram aan die ander kant, was die koning van Israel. Hy het nie gedoen wat God gevra het nie. Soos sy pa Agab en sy oupa Simri het hulle nie net self afgode aanbid en die vreeslikste goed aangevang nie, hulle het ook die volk aangemoedig om dit te doen. Nou hou een van die volke wie Joram se pa, Agab gedien het, op om hulle belasting aan Israel te betaal. Die belasting wat aansienlik v4: 100 000 lammers en die wol van 100 000. Joram is kwaad en wil hulle ’n les gaan leer #Joram kry hulp Hy gaan vra vir Josafat om hom te kom help. Josafat is baie inskiklik en pak op om saam met Joram teen die Moabiete te gaan veg. Hy vra ook die koning van Edom om te help wat dan ook instem. Na 7 dae se trek is hulle water egter op. Wie of hoe hulle beplan het weet ons nie. Water is seker een van die 1ste goed waarna omgesien moet word wanneer jy oorlog toe gaan? #Joram sien net die negatiewe Hy sien dadelik hoe hy, die ander 2 konings en hulle manskappe hier in die Edom woestyn gaan sterf van die dors. Mense, ’n algemene volgehoue negatiwiteit is een van die kenmerke van iemand wat nie Jesus in sy lewe het nie. Ek dink ons raak almal met tye moedeloos. Dit is nie waarvan ek praat nie. Ek verwys na iemand wat meeste van die tyd negatief is. U sien as kind van God weet ek dat God is in beheer. Ek wete dit maak nie saak wat nie, God sal my beskerm, vir my sorg en vir my deurdra.
2. # Josafat soek God #2 Kon 3:11 Dit is asof hy wil sê: wag wag manne. Moenie so gou desperaat raak nie. Ons dien ’n God wat alles hou in die holte van SY hande. Kom ons hoor eers wat Hy sê. Nou is dit interessant dat een van koning Joram se manne antwoord. Hy weet van ’n profeet. Die profeet Elisa. Dit lyk asof Josafat moes geweet het van Elisa wat hy antwoord:
3. #2 Kon 3:12 ... So gaan hulle na Elisa toe en hoor by hom wat hulle lot is, wat staan hulle te doen? Elisa is nie baie opgewonde om Joram te sien nie. Hy het geweet Joram dien nie die Here nie en wil hom sommer wegwys na die profete van sy afgode. Ter wille van Josafat is hy bereid om God se aangesig te soek oor die lot van hierdie konings met hulle manskappe. God gee vir hom baie goeie nuus.
4. #2 Kon 3:17 Dit is nie al nie, daar is nog ...
5. #2 Kon 3:18 .... Die Here se, moenie bekommer nie, ek sal vir julle water gee. Om vir julle almal water te gee is egter niks vir God nie. Net om te wys hoe groot Hy regtig is sê ek en hy sal ook die koning van Moab in julle hande gee. Julle sal die oorlog wen! Wat ’n ongelooflike woord? Die Koning van die konings wat vir hulle deurkom met uitkoms vir hulle onmiddellike behoefte, water, maar ook vir die groter saak nl. die oorlog
6. #God is groter as ons probleem Waar kry jy water in ’n woestyn vir ’n hele paar duisend soldate met hulle diere? Dit is net Jesus wat ons hier kan help. Dit is presies wat Hy doen. Die deel wat egter vir my so bietjie vreemd is, is dit ...... #Die ongehoorsames word ook bevoordeel Die Here het nie gesê, wel manne, hier is goeie nuus en slegte nuus nie. Ek gaan water gee vir Josafat en sy manne omdat hulle my dien. Die res van julle sal maar self moet sien en kom klaar. NEE, God voorsien water vir almal. # Wanneer God se kinders Hom dien, word die hele land bevoordeel Hier is sommer ’n baie duidelike vb. van hierdie waarheid. Die goddelose mag dink dit is hulle krag en vermoëns wat die welstand bring. Daar is net een bron van goedheid en seën en dit is Jesus! Verstaan u die Nbheid dat ek en u nie sal verslap nie. Ons kan nie bekostig om moeg te word en uit te sak nie. Vir hierdie mense om die voordeel van God se seën maksimaal te benut gee God vir hulle ’n opdrag:
7. #2 Kon 3:16 ..... Luister julle konings, God gaan water stuur. Nie reën nie, water! Julle kamp is opgeslaan in ’n dal, ’n plat stuk aarde. ’n Plat stuk aarde kan nie water berg nie. Om die water te berg moet julle gate grou.
8. #Begin grou Ek weet nie wat het hierdie konings en later hulle manskappe gedink nie. Die profeet het seker verkeerd gehoor. Waar anders sal die water vandaan kom as van reën af. Hierdie is ’n woestyn. Hier is nie water nie. Het God mooi kennis geneem hoeveel ons is? Het hy gesien hoeveel diere hier is? Miskien was daar ’n paar manne van geloof wat gesê het: ..... #As God so sê, grou ek Manne, as julle nie wil grou nie is dit julle keuse. Ek ken die God wat ek dien. Ek gaan grou. Moet net nie dink julle gaan môre hier by my kom water kry nie. So het ander dan heel waarskynlik ook begin grou. God het belowe, God voorsien.
9. #2 Kon 3:20 ..... Mense, die God van Josafat, is ook ons God. Hy het nie verander nie. Hy maak nie onderskeid nie. Hy is altyd dieselfde. Hier is mense hier wat honger en dors na Jesus, na Sy ingrype in hulle lewens en omstandighede. Mense wat wonder of alles die moeite werd is. Mense vir wie die vyand sê: daar is nie meer nie, dit is klaarpraat met jou. Jy kan maar net sowel toe opgooi. Vir u is die Woord vanoggend:
10. #Jou dal sal vol water word Jy kyk om jou rond en wonder maar hoe sal dit gebeur. God sê ek sal dit laat gebeur soos ek dit wil laat gebeur. Jy moet egter gereed wees. Demonstreer jou geloof en verwagting #Begin grou Soek my aangesig. Spandeer tyd met my, lees my Woord, praat met My. Al lyk en voel dit vir jou na ’n totaal sinnelose oefening. Gaan soek God! Ander se lewens is ook afhanklik van jou en my wat die aangesig van die Here soek. Ander se oorlewing is daarvan afhanklik, hulle gaan by ons gate moet kom drink. Moet egter nie bekommerd wees nie. Die gate sal nie leeg word nie. Ek, die Fontein van lewende water is in jou. Jy sal borrel en borrel en nie opdroog nie. Soek My en jy sal verbaas staan wat ek kan doen. Josafat het nie gesê kom ons gaan soek water nie. Hy het geweet ’n woestyn het nie water nie. Hy het gesê kom ons gaan soek God. Moenie die oplossing vir jou probleem soek nie, soek My. As jy my vind het jy die lewe!