1. Эрхэм багш та зургаан настай
хүүхэдтэй ажиллаж байгаа болон
ажиллах гэж байгаа бол
Хүнээр хүн хийнэ гэдэг нь багш, эцэг эхчүүд бид бүхний хамтын
хөдөлмөр байх Хёстой бөгөөд ялангуяа зургаан настай хүүхдийг
сургуульд сургах нь багш нараас онцгой хөдөлмөр шаардах ойлгомжтой.
Сургуулийн бага ангийн сурагчдын хувьд багш хамгийн өндөр нэр
хүндтэй хүн байдаг учраас сурагчид багшийгаа мэдлэгтэй, маргаантай
асуудлыг шийдэх болон сурагч бүрийн хувийн чанар, амжилтыг
дүгнэхдээ шударга шийдвэр гаргадаг хүн гэдэгт итгэдэг.
Үүний тулд:
Нэгдүгээрт: Сайхан сэтгэлтэй байж, хүүхдийг яг байгаагаар нь хайрлаж
сурах хэрэгтэй. Хүүхдэд зориулсан хайр энэрэл чинь зөвхөн дотоод
сэтгэлийн чинь илэрхийлэл төдийгүй, тэдэнтэй харьцах харьцаа, сурган
хүмүүжүүлэх үйл ажиллагааны чинь үндэс байх ёстой.
Хоёрдугаарт: Хүүхдийг ойлгож чаддаг байх хэрэгтэй. Зургаан настай
хүүхдүүд хэдий жижигхэн ч түүний зорилго нь асар том юм. Хэрвээ бид
хүүхдүүдээ жинхэнэ хүн болгон хүмүүжүүлье гэж бодож байгаа бол
хүүхэд ахуй цагийнх нь гэнэн цагаан амьдралыг хүчээр зогсоож, тэднийг
ирээдүйгээ ухамсарлан боддог, насанд хүрэгчдийн дайтай болгох гэж
албадах хэрэггүй. Хүүхдийг ойлгох гэдэг бол тэдний байр сууринаас
амьдралыг харж, хүсэх сэтгэлийг нь хүндэлж, тоглоом зугаагий нь
томоохон ажил үйлс хэмээн тооцох явдал юм.
Гуравдугаарт: Бид амьдралын өөдрөг үзэлтэнгүүд байх ёстой. Өөдрөг
үзэх нь хүүхдийн урам зоригийг сэргээж зүүрмэглэн байгаа авьяас
чадварыг тэжээн тэтгэж чадна. Бүтээлч өөдрөг үзэл нь багшаас байнгын
бүтээлч эрэл хайгуулыг шаарддаг.
Дөрөвдүгээрт: Бид ирээдүйн шинэ маягийн хүнийг өөрсдөөрөө дүрслэн
үзүүлэх хэрэгтэй. Хүнд байдаг сайн сайхан зан чанарууд багш бидэнд
агуулагдах ёстой. Зургаан настай хүүхэд бол сурагч болох гэж буй
бяцхан эрэлчид юм.
Та бүхний сургах хүмүүжүүлэх үйлсэд өндөр амжидтыг хүсье!

2. Хүндэт эцэг эх таны хүүхэд зургаан настай бол:
Хүнээр хүн хийнэ гэдэг нь багш, эцэг эхчүүд бүхний хамтын хөдөлмөр байх
ёстой. Гэр бүлд ч хүүхдийн ойр дотны хүмүүсийн хүрээнд ч цэцэрлэг ч
хүүхдийг жилийн өмнө сургуульд оруулахаар бэлтгэж эхэлдэг шүү дээ. Энэ нь
хүүхдийн хөгжил, нийгэм сэтгэхүйд үлэмж чухал нөлөө үзүүлдэг. Зургаан нас
бол оюуны хөгжил дэх хамгийн таатай үе. Энэ таатай үеийг бүрэ н дүүрэн
ашиглах хэрэгтэй. Насанд хүрэгчдийн болон эцэг эх, асран хамгаалагч та
бүхний ухаалаг хайр халамжгүйгээр мэн насанд тохирсон оюун санаа, зан
суртахууны тэжээлгүйгээр хүүхдийн авьяас билэг бүрэн нээгдэхгүй.
Сурагч сурахад юу хэрэгтэй вэ?
Хүүхэд хөгжихөд зайлшгүй мэдэж эзэмшсэн байх доорх дөрвөн үйл
ажиллагааг үндсэн тулгуур гэж үздэг байна. Үүнд:
1.Уншиж, бичиж сурах, уншсан зүйлийнхээ утгыг ойлгох.
2.Үзэгдлийг бүх талаас нь судлан үзэхийн тулд онолын зөв эхлэлтэй байх.
3.Ажиглан буй үзэгдэл юмсынхаа холбоо хамаарлыг илрүүлж сурах.
4.Ажиглалтынхаа үр дүнг үгээр илэрхийлж чаддаг байх.
Эдгээрээс нэг дэх үйл ажиллагааг авч үзье:
Уншиж, бичиж сурах, уншсан зүйлийнхээ утгыг ойлгодог болоход хүүхдийн
хэл яриаг хөгжүүлэх хэрэгтэй байдаг.
Тэгвэл хүүхдийнхээ хэл чриаг хөгжүүлэхийн тулд эцэг эх та бүхэн юу хийх вэ?
Эцэг эх байга.лиас заяасан хүүхдийн хамгийн сайн хэлний багш нар нь юм.
Тэд өөрсдийн яриа болон үйлдлээ зөнгөөрөө хүүхдэдээ тааруулж ханддаг.
Хүүхэд юуны өмнө эцэг эхтэйгээ харилцаж эхэлдэг. Энэхүү анхны туршлага нь
хэл яриа хөгжих үндэс нь болж өгдөг.
-Нэг нь ярьж байхад нөгөөх нь сонсдог,хүүхэдтэйгээ ярьж байхдаа дунд нь
завсарлаж бай,түүнээс ямар үйлдэл гарахыг хүлээ.
-Байгалийн дуу авиаг хүүхдэдээ чагнуулахыг хичээ.
-Ярихад нь бүү саад хий.
-Хүүхдээ сайн сонсож бай.
-Хүүхдээ шүүмжлэхгүй харин зоригжуулж магт.
-Бусадтай харьцуулахгүй байх.
-Үгийг зөв хэлүүлэх,зөвөөр давтан хэлж өгөх.
-Үгийг таслалгүйгээр анхааралтай сонсож дуустал яриулж сургах.
-Аливаа зүйлийг энгийн яриулах зэргийг анхаарах шаардлагатай.