1. ახალციხის 1-ლი საჯარო სკოლის ქართული ენისა და ლიტერატურის მასწავლებლის
მზია ეგიაშვილის ანგარიში სამოდელო შემაჯამებელი გაკვეთილის ჩატარების შესახებ
ქართულ ლიტერატურაში
გაკვეთილის ჩატარების თარიღი: 12. 03. 2014წ.
სკოლა: ახალციხის 1-ლი საჯარო
კლასი: V-ბ
ძირითადი თემა: იგავის ენა
მისაღწევი შედეგები თავდაპირველი გეგმის მიხედვით:
მიმართულება: ზეპირმეტყველება
ქართ. V. 2. მოსწავლეს შეუძლია ჯგუფური და ინდივიდუალური საკომუნიკაციო ამოცანების
განხორციელება.
 ჯგუფთან ერთად ამზადებს ზეპირ გამოსვლას: დამოუკიდებლად დაამუშავებს თემის
ერთ-ერთ ნაწილს, მოპოვებულ მასალას და შემუშავებულ თვალსაზრისს გააცნობს და
შეუთანხმებს ჯგუფის წევრებს;
 გამოდის წყვილის, ჯგუფისა თუ კლასის მომხსენებლის როლში; ითვალისწინებს და
გამოხატავს თანაგუნდელების საერთო აზრს;
ქართ. V. 4. მოსწავლეს აქვს ლიტერატურული ნაწარმოების ესთეტიკური შეფასების საწყისი
უნარი.
 ისმენს მხატვრულ ნაწარმოებს (ლექსს, ნოველას, მოთხრობას) და გამოხატავს საკუთარ
ემოციებსა და შთაბეჭდილებებს;
 ასახელებს სხვადასხვა თვალსაზრისით მისთვის საინტერესო ადგილებს ტექსტიდან.
მიმართულება: წერა
ქართ. V. 13. მოსწავლეს შეუძლია სხვადასხვა სახის ტექსტების დამოუკიდებლად შექმნა.
 წერის დაწყებამდე ირჩევს თემას; განსაზღვრავს მიზანს, აუდიტორიას, ირჩევს სასურველ
ჟანრს;
 წერისას აქცენტს აკეთებს მთავარ და არსებით მომენტებზე;
 თანამიმდევრობით გადმოსცემს ფაქტებსა და მოვლენებს;
მიმართულება: ისტ რესურსების შექმნა
 იყენებს ისტ-ის საშუალებებს მასწავლებლის მიერ ჩატარებული ან
დამოუკიდებელი სასწავლო აქტივობისას(1,3)

2.  იყენებს ინტერნეტში ამ ასაკობრივი ჯგუფისათვის შესაბამის არსებულ რესურსებს (მაგ.:
საგანმანათლებლო პროგრამები, ინტერაქტიული წიგნები, ნახატები და სხვა) სასწავლო
პროცესში (1)
ქმნის მისი ასაკობრივი ჯგუფისათვის შესაფერის მულტიმედიურ პროდუქტს თანაკლასელების,
მასწავლებლის ან მშობლების დახმარებით. (3)
საკვანძო მეთოდები/სტრატეგიები:
 კითხვა-პასუხის მეთოდი ( მოსწავლეების მოტივაციის ამაღლება, განწყობის
შექმნა);
 სწავლების დიდაქტიკური მეთოდი- ვიზუალიზაცია, თვალსაჩინოების
გამოყენება (მოსწავლეები აჩვენებენ სლაიდ-შოუს );
 პრეზენტაციის მეთოდი;
 პრეზენტაციის შეფასების მეთოდი.
ძირითადი სასწავლო რესურსები: დაფა, ცარცი, შეფასების რუბრიკები, ტექნიკა-
ინსტრუმენტები: კომპიუტერი, პროექტორი, ციფრული ფოტოაპარატი,ციფრული
ვიდეოკამერა, DVD დისკი; ინფორმაციული წყაროები: მშობლიური ლიტერატურა
V კლასის სახელმძღვანელო. ავტორ-შემადგენელნი: ნინო გორდელაძე, თინათინ
კუხიანიძე. (ბაკურ სულაკაურის გამომცემლობა) 2011წ.
ინტერნეტი.
გაკვეთილის შედეგები
გაკვეთილი ძალიან შინაარსიანად წარიმართა და შედეგიც სახარბიელო მივიღეთ.
გაკვეთილი იყო სამფაზიანი. A ფაზაში (გამოწვევა) მოსწავლეთა გაკვეთილში
ჩასართავად და მოტივაციის ასამაღლებლად გამოვიყენე კითხვა- პასუხის მეთოდი,
მოსწავლეებმა შეძლეს შესწავლილი იგავ-არაკების ინტერპრეტაცია, ისაუბრეს იგავის
ენის თავისებურებაზე, როგორი ჟანრის ნაწარმოებია იგავ-არაკი, გაიხსენეს მეიგავეები
და ა. შ.
B ფაზაში (ცოდნის კონსტრუირება) - გამოვიყენეთ სწავლების დიდაქტიკური მეთოდი-
ვიზუალიზაცია, თვალსაჩინოების გამოყენება. მოსწავლეებმა აჩვენეს სლაიდ-შოუ
Power Point-ის გამოყენებით. მოსწავლეებმა აუდიტორიის წინაშე წარმოადგინეს
წინასწარ მომზადებული პრეზენტაციები, მათ მიერ შერჩეული იგავ-არაკების შესახებ.
ჩამოაყალიბეს თავიანთი თვალსაზრისი წარმოდგენილი იგავ-არაკების შეგონების-
მორალის შესახებ. მსჯელობა განამტკიცეს არგუმენტებით. ჯგუფებმა უპასუხეს
აუდიტორიის მიერ დასმულ მსჯელობაზე ორიენტირებულ კითხვებს.
მოსწავლეებმა წარმოადგინეს შემდეგი იგავ-არაკები:

3. 1-ლი ჯგუფი: ,,ძუნწი და ოქრო”;
მე-2 ჯგუფი: ,,ვირი, ვეფხვი, მელა და მგელი”;
მე-3 ჯგუფი: ,,მეფე და მჭედელი”
მე-4 ჯგუფი: ძაღლი და ცხვრები;
მე-5 ჯგუფი: ,,ღამურა”.
C ფაზაში (გამთლიანება)- მოსწავლეებმა გამოიყენეს პრეზენტაციის რუბრიკა და
შეაფასეს ჯგუფების მიერ წარმოდგენილი პრეზენტაციები. დასასრულ მოსწავლეებმა,
დამსწრე მასწავლებლებმა და მაძიებლებმა შეაფასეს გაკვეთილი კომენტარებით.
მე კმაყოფილი დავრჩი მიღწეულით, განსაკუთრებით მომეწონა ის, რომ ჯგუფებმა
მუშაობაში ჩართეს ყველა წევრი, ისინიც კი, ვისაც სხვა დროს თავი არ გამოუჩენია
აქტიურობით. მოსწავლეები პატივს სცემდნენ ერთმანეთის აზრს, სანახაობრივი და
საინტერესო იყო მათი სლაიდ- შოუ. მოსწავლეებმა საკმაოდ ღრმა და მნიშვნელოვანი
ცოდნა გაუზიარეს ერთმანეთს და დამსწრე საზოგადოებას. აუდიტორიის წინაშე
წარმოადგინეს თავიანთი თვალსაზრისი; მსჯელობა განამტკიცეს არგუმენტებით;
შეძლეს საკუთარი აზრის გამოხატვა. ეს იყო მათთვის პირველად ჩატარებული
დაწყვილებული გაკვეთილი და სასიამოვნო იყო ის, რომ არ დაიღალნენ და ბოლომდე
აქტიურობდნენ. გაკვეთილზე მოსწავლეებს განუვითარდათ შემდეგი უნარ-ჩვევები:
 შემოქმედებითი უნარი;
 თვალსაჩინოებების შექმნა და გამოყენება;
 სლაიდ-შოუს მომზადება და ჩვენება Power Point-ის გამოყენებით;
 ჯგუფში მუშაობა- თანამშრომლობა;
 პრეზენტაციისას- ორატორობის უნარ-ჩვევები;
 ურთიერთშეფასება- პრეზენტაციების რუბრიკის გამოყენება.
V კლასში ამ სასწავლო წელს შევედი, მოსწავლეები ნიჭიერები და აქტიურები
არიან, მაგრამ გასაუმჯობესებელი აქვთ მოსმენის კულტურა, ეს გაკვეთილზეც
შეიმჩნეოდა, მომიწევს ამ მხრივაც მათთან მუშაობის გაუმჯობესება.
12 მარტი, 2014 წ.