1. JJJPROYEKTO SA
PROYEKTO
SA
FILIPINO
ISINUMITE NI:
Samantha P. Riparip
ISINUMITE KAY:
Mrs. Myla C. Develos

2. SANAYSAY
Ang Kahalagahan ng Edukasyon
Ang pagkakaroon ng isang mataas at matibay na edukasyon ay isang saligan
upang mabago ang takbo ng isang lipunan tungo sa pagkakaroon ng isang masaganang
ekonomiya. Mataas na edukasyon na hindi lamang binubuhay ng mga aklat o mga
bagay na natutunan sa ating mga university at paaralan. Bagaman, kasama ito sa mga
pangunahing elemento upang magkaroon ng sapat na edukasyon, ang praktikal na
edukasyon na nakabase sa ating araw-araw na pamumuhay ang siya pa ring dapat na
piliting maabot. Matibay ang isang edukasyon kung ito ay pinagsamang katalinuhan
bunga ng mga pormal na pag-aaral tungkol sa Mathematics, Science, English at mga
bagay na tungkol naman sa buhay at kung paano mabuhay ng maayos.
Ang edukasyon ang nagiging daan tungo sa isang matagumpay na hinaharap ng
isang bansa. Kung wala nito, at kung ang mga mamamayan ng isang lipunan ay hindi
magkakaroon ng isang matibay at matatag na pundasyon ng edukasyon, magiging
mahirap para sa kanila na abutin ang pag-unlad. Marapat lamang na maintindihan na
ang edukasyon ay siyang magdadala sa kanila sa kanilang mga inaasam na mga
mithiin.
Ang unang layunin ng edukasyon ay upang magkaroon ng kaalaman sa mga
bagay-bagay at impormasyon sa kasalukuyan, sa hinaharap at sa kinabukasan. Ito ang
nagsisilbing mekanismo na humuhubog sa isipan, damdamin at pakikisalamuha sa
kapwa ng isang tao. Ito rin ang dahilan ng mga mabubuti at magagandang pangyayari
sa ating mundo at ginagalawang kapaligiran.
Ang edukasyon ay kailangan ng ating mga kabataan sapagkat ito ang kanilang
magiging sandata sa buhay sa kanilang kinabukasan. Ang kanilang kabataan ang

3. siyang estado kung saan nila hinahasa ang kanilang mga kaisipan at damdamin sa mga
bagay na kailangan nila sa kanilang pagtanda. Ang edukasyon ay mahalaga sapagkat
ito ang nagiging daan sa isang tao upang magkaroon ng mga kaalaman tungkol sa
kanyang buhay, pagkatao at komunidad na ginagalawan. Ito ang naghuhubog ng mga
kaisipan tungo sa isang matagumpay na mundo na kailangan ng bawat isa upang
lubusang mapakinabangan ang daigdig at malaman ang mga layunin nito.
Ang kabataan ay nararapat lamang na magkaroon ng sapat na edukasyon sa
pamamagitan ng kanilang karanasan at pormal na programa na nakukuha sa mga
paaralan. Ito ang kanilang magiging armas upang maharap nila ang mga bagay na
kaakibat ng kanilang magiging kinabukasan. At dahil sila ang ating pag-asa, nararapat
lamang na ibigay natin sa kanila ang lahat ng edukasyon na kailangan nila upang
maabot nila ang mga pangarap na nais nilang matupad.

4. WIKA
Wika ang pinakamagandang regalo ng Maykapal sa kanyang mga
nilalang. Ito ang tanging kasangkapan ng tao sa pakikipag-ugnayan niya sa
kapwa, sa asosasyon, sa institusyon at maging sa dakilang Bathala. Malaki ang
nagagawa ng wika sa pagkakaroon ng magandang unawaan, ugnayan at
mabuting pagsasamahan.
Kung wala ang wika, paano kaya magkakaintindihan ang mamamayan,
paano kaya mapabibilis ang pagsulong ng kaunlaran at paano kaya mapalalapit
ang tao sa isa’t isa? Sa bawat isang tanong at marami pang kasunod na
katanungan, hindi sapat ang senyas, drowing, ang kulay, ang krokis, ang ingay o
anumang paraang maaaring likhain ng tao upang matugunan ang lahat ng mga
katanungan. Sa lahat ng ito, kailangan ng tao ang wika.
Kahit na anumang anyo , pasulat o pasalita, hiram o orihinal, banyaga o
katutubo, wika ang pinakamabisang sangkap sa paghahatid ng diwa at kaisipan
at sa pagpapanatili sa madali o mahabang panahon ng mga naliko na tala,
pangkasaysayan o pampanitikan, pampolitika at panlipunan, pansimbahan o
pangkabuhayan at maging sa larangan ng siyensya o ng iba pang displina.
Maging ang kultura ng isang panahon, pook o bansa ay muling naipahayag sa
pamamagitan ng wika.
Naipadarama ng wika ang sidhi ng damdamin, ang lalim ng lungkot, ang
lawak ng galak, ang kahalagahan ng katwiran, ang kabutihan ng layunin, ang
nakapaloob na katotohanan sa isang intension, ang kaibuturan ng pasasalamat at
paghanga at ng iba pang nais na iparating ng sinuman.
Wika pa rin ang pinakamahalagang sangkap sa anumang paraan ng
mabisang pakikipagtalastasan at komunikasyon.

5. Bakit Kaya Kailangan?
ni: Laurence Reyes
Banaue Rice Terraces, Bohol Chocolate Hills at Puerto Prinsesa Underground
River, ilan lamang yan sa mga likas yamang matatagpuan sa ating sariling bansa.
Ngunit ano ang nangyayari, bakit parang nasisira ang lahat ng ito? Nawawala ang mga
yaman nating ipinagmamalaki sa buong mundo. Hahayaan na lang ba natin ang
walang habas na pagsira ng mga ating mga kayamanang ipinagmamalaki? Ano pang
ipagmamalaki natin kung wala na lahat ng ito. Maraming yaman ang ibinigay ng
Diyos sa ating inang bayan, ngunit sa kasamaang palad unti-unti na itong nauuubos.
Halos nasira ng lahat ng landslide, flashflood, tagtuyot, at pagbaha, ito ang mga resulta
ng ating mga ginagawa sa paligid na nakaaapekto naman sa yaman ng Inang Bayan.
Sa pagkasira ng ng ating likas na yaman tayong mga tao na may mataas na
kaisipan ang dapat maging responsable sa pag aalaga dito. Nagsusumigaw na ang ating
inang kalikasan upang atin na siyang bigyan ng halaga at atin siyang alagaan. Sa lahat
ng nangyayari sa paligid tayong mga tao ang may gawa kahit na mabuti man o
masama. Sabi nga ng iba hindi masama ang pag ulad basta huwag lang nakasisira ng
kalikasan. Sa kasamaang palad umuunlad nga ng ating bayan sira naman ang ating
likas na yaman wala pang kabuhayan.
Maraming mga gawaing ginagawa ang mga tao na kakasira sa ating kalikasan. Una
ang simpleng patatapon ng basura sa mga katubigan. Ito ang sumisira sa ating mga
yamang tubig dahil karaniwan sa mga tinatapon natin sa katubigan ay may mga
kemikal na kasama na patuloy namang kumukontamina sa tubig na nakalalason para
sa mga isda. Ang mga plastik naman na tinatapon natin sa katubigan ay nakakain ng
mga isda na nagdudulot ng pagkamatay ng mga ito. Pati nga ang mga dolphin na
sinasabing pinakamatalinong isda ay nabibiktima rin ng gawaing ito.

6. MGA TULA
Buhay Sa Piling ng Lolo at Lola
ni: Naty Martinez
Kay sarap ng buhay ng isang dalaga
Lalo na't lumaki sa lolo at lola
Anumang naisin agad ay meron ka
Pagka't ika'y ginto sa paningin nila.
Ayos lang ang buhay kahit di gumawa
Bihis lang nang bihis di ka naglalaba
Di ka nagluluto pagkai'y nandyan na
Dudulog ka nalang pagka't may hain na.
Kay sarap kumain taas pa ang paa
Di ka nang-aalok pagka't huli ka na
Napag-iwanan ka sila ay tapos na
Pagka't kung gumising naku tanghali na!
Pag dumarating na ang mga pistahan
Damit na maganda sadyang kailangan
Di na tinatanong kung gusto ay ilan
Tiyak ibibili tatlo o apat man.
Nguni't pag may hiling at napagbigyan
Agad magmamaktol di na mautusan
Papasok sa silid magkukulong na lang
Pag-amo sa kanya ang syang aabangan.
Ito namang lolo at itong si lola
Sa tampo ng apo takot na takot na
Agad kakatukin pinto ng silid nya
Tuloy aamuin nang tampo'y mawala.
Kay sarap magmahal ng lolo at lola
Lahat ng layaw ay ibibigay nila
Itong kasabihan naku totoo nga,
Mas mahal ang tubo sa puhunang punla..
Kaya't pag tumanda at may apo ka na
Iyong pagmamahal dapat ipadama
Lagi mong isiping ang lolo at lola
Nag-aruga sa iyo n’ung ika'y bata pa.

7. Ang Tunay na Sakit
Ni: Avon Adarna
Nakipagtagisan ang araw sa ulan,
Hindi patatalo sa luksong labanan,
Ang buwan at tala’y nanonood lamang
Sa dugong nanatak sa lupa ng bayan.
“Ang iyong panahon, lumipas na Araw!”,
Ang sabi ni Ulan at saka inagaw
Ang koronang tangan ng Haring papanaw
Tila basang sisiw – malat kung sumigaw.
“May araw ka rin, O Ulang tikatik...”,
Ang sabi ni Araw na ngiwi ang bibig,
Pinilit ginamot ang unday ng pait,
Upang makabawi sa lugmok na sakit.
At habang patuloy ang pakikilaban,
Nitong Haring Araw sa buhos ni Ulan,
Naghihingalo na’ng mga mamamayan,
Sa mundong ang kulay - bahang kapatagan!
Sa lagkit ng putik, lugmok ang katawan,
At ngayo’y ragasa sa sandaigdigan
At pilit tatabon sa tinig ng bayan
Na minsang nagsabi na sana’y umulan!
Sa nagdagsang dumi sa ilog at dagat,
Hindi ba nangakong babalik sa s’yudad?
Sa nagtayong bahay sa esterong tambak,
Hindi ba sumumpa s’ya ninyong katapat?
Sa gitna ng laban ng lamig at init,
Ngumiti si Buwan at Talang marikit,
Sabay na nagsabing “Lahat ng hinagpis”,
“Tao ang maysala, ang tunay na sakit!”

8. Kalikasan – Saan Ka Patungo?
ni: Avon Adarna
Nakita ng buwan itong pagkasira,
Mundo't kalisakasan ngayo’y giba-giba,
Ang puno – putol na, nagbuwal at lanta,
Ang tubig – marumi, lutang ang basura.
Nalungkot ang buwan sa nasasaksihan,
Lumuhang tahimik sa sulok ng
damdam,
At nakipagluhaan sa poong Maylalang,
Pagkat ang tao rin ang may kasalanan.
Ang hanging sariwa, bilasa na ngayon,
Nasira ng usok na naglilimayon,
Malaking pabrika ng goma at gulong,
Sanhi na ginawa ng pagkakataon!
Ang dagat at lawa na nilalanguyan
Ng isda at pusit ay wala nang laman,
Namatay sa lason saka naglutangan,
Basurang maburak ang siyang dahilan!
Ang lupang mataba na bukid-sabana,
Saan ba napunta, nangaglayag na ba?
Ah hindi… naroon… mga mall na pala,
Ng ganid na tao sa yaman at pera.
Mga sapa at ilog sa Kamaynilaan,
Ginawa na ng tao na basurahan,
At kung dumating ang bagyo at ulan,
Hindi makakilos ang bahang punuan.
Ang tao rin itong lubos na dahilan,
Sa nasirang buti nitong kalikasan,
At darating bukas ang ganti ng buwan,
Uunat ang kamay ng Poong Lumalang!

9. LIHAM
LUZ DEL MUNDO
506 Lakas St.
Bacood, Sta.Mesa
Ika-10 ng Setyembre 2013
ANG DEKANO
Kolehiyo ng Businesss Administration
Pamantasan ng Santo Tomas
Ginoo:
Katatapos ko po lamang sa haiskul at nagbabalak na mag-aral sa inyong pamantasan.
Nais ko pong magpatala sa Kolehiyo ng Businesss Administration. Maaari po bang
malaman kung kalian at saan kayo magbibigay ng pagsusulit sa mga bagomg
magpapatalang mag-aaral? Nais ko rin pong malaman kung anu-ano ang mga
kailangang dalhin bago makapagsulit at gayon din ang halagang ibabayad sa
application form.
Ipinaaabot ko po ang taos-puso kong pasasalamat.
Magalang na sumasainyo,
LUZ DEL MUNDO

10. Manuel Roxas High School Paco, Maynila
Hulyo 5, 2013
Dr. Estrella Roxas
Dekana, Kolehiyo ng Nutrisyon
Emilio Aguinaldo College
Mahal na Doktora Roxas:
Sa pagdiriwang ng Buwan ng Nutrisyon, magkakaroon ang aming paaralan ng iba't
ibang gawain at palatutuntunan na magbibigay-sigla sa kahalagahan ng pagdiriwang
na ito.
Isang seminar na kaugnay ng Buwan ng nutrisyon ang idaraos sa aming paaralan na
dadaluhan ng mga guro at tagamasid mula sa iba't ibang mataas na paaralan ng sangay
ng paaralang Lungsod ng Maynila. Dahil po rito nais naming kayong anyayahan na
maging panauhing tagapanayam tungkol sa paksang "Ang Kahalagahan ng Nutrisyon
sa Kalusugan". Ito'y gaganapin sa ika-10 ng Hulyo, taong kasalukuyan sa awditoryum
ng paaralan. Alam ko pong may malawak kayong kaalamang maibabahagi sa aming
mga guro.
Inaasahan kop o ang inyong pagdalo.
Matapat na sumasainyo,
LUCINDA M. SANTOS

11. 109 G. Tuazon
Sampaloc, Manila
Agosto 25, 2013
G. CLEMENTE MOLINA
Barangay Chairman, Bgy. 420
Sampaloc, Maynla
Mahal na G. Molina:
Nalaman ko pong naglunsad kayo ng isang proyekto tugngkol sa kalinisan at
pagpapaganda ng ating barangay. Natutuwa po ako at magiging maganda ang
pamayanan at hindi na natin ito ikakahiya.
Bilang isang myembro ng Kabataang Barangay, nais ko pong makatulong sa
pagpapaganda at pagpapanatiling malinis ng atng pamayanan. Bubuo po ako ng isang
samahan ng mga kabataan na mangangasiwa sa kalinisan ng kalyeng aming
nasasakupan. Ito po'y isasakatuparan sa darating na Linggo.
Nais po naming maging bahagi ng inyong mga proyekto.
Matapat na sumasainyo,
ROGELIO DE LA CERNA