https://sawwaf.blogspot.com/2024/03/coptic-bible.html

1. ⲠϪⲰⲰⲘⲈ Ⲙ̅ ⲠⲈⲔⲔⲖⲒⲤⲒⲀⲤⲦⲒⲤ ⲈⲦⲈⲔⲞϨⲈⲖⲈⲦ

2. Ⲛⲁⲓ ⲛⲉ ⲛ̅ ϣⲁϫⲉ ⲙ̅ ⲡⲉⲕⲕⲗⲏⲥⲓⲁⲥⲧⲏⲥ ⲡϣⲏⲣⲉ ⲛ̅ Ⲇⲁⲩⲉⲓⲇ ⲉⲁϥⲣ̅ ⲣⲟ
ⲉϫⲙ̅ ⲙⲡⲒⲏ̅ ⲗ̅ ϩⲛ̅ ⲑⲒⲗ̅ ⲏ̅ ⲙ̅ . Ⲟⲩⲉⲧϣⲟⲩⲉⲓⲧ ⲛ̅ ⲙ̅ ⲡⲉⲧϣⲟⲩⲉⲓⲧ ⲡⲉⲧϣⲟⲟⲡ .
Ⲡⲉϫⲉⲡⲉⲕⲕⲗⲏⲥⲓⲁⲥⲧⲏⲥ : Ⲟⲩⲡⲉⲧϣⲟⲩⲉⲓⲧ ⲛ̅ ⲙ̅ ⲡⲉⲧϣⲟⲩⲉⲓⲧ ⲡⲉ ϩⲱⲃ ⲛⲓⲙ
ⲉⲡⲉⲧϣⲟⲩⲉⲓⲧ ⲡⲉⲧⲛ̅ ϩⲏⲧ ⲟⲩⲟⲩ ⲡⲉ . ⲡⲉϩⲟⲩⲟ ⲙ̅ ⲡⲣⲱⲙⲉ ⲉⲧϣⲟⲟⲡ ⲛⲁϥ
ϩⲙ̅ ⲡⲉϥϩⲓⲥⲉ ⲧⲏⲣϥ̅ . ⲡⲁⲓ ⲉⲧⲉϥϩⲟⲥⲉ ⲛ̅ ϩⲏⲧϥ̅ ϩⲁⲣⲟϥ ⲙ̅ ⲡⲣⲏ ϫⲉ
ⲟⲩⲅⲉⲛⲉⲁ ϣⲁⲥⲃⲱⲕ ⲛ̅ ⲧⲉⲕⲉⲟⲩⲉⲓ ⲉⲓ ⲉⲡⲉⲥⲙⲁ ⲡⲕⲁϩ ⲇⲉ ϣⲟⲟⲡ ϣⲁⲉⲛⲉϩ.
Ⲁⲩⲱ ⲡⲣⲏ ϣⲁϥϣⲁ ⲛϥ̅ϩⲱⲧⲡ̅ ⲛϥ̅ⲥⲱⲕ ⲟⲛ ⲉϩⲣⲁⲓ ⲉⲡⲉϥⲙⲁ . Ⲛ̅ ⲧⲟϥ
ⲉϥⲛⲁϣⲁ ϣⲁϥⲙⲟⲟϣⲉ ⲉⲡⲥⲁ ⲙ̅ ⲡⲣⲏⲥ ⲁⲩⲱ ⲛϥ̅ⲕⲧⲟϥ ⲉϣⲁϥⲕⲧⲟϥ ⲉⲡⲥⲁ
ⲙ̅ ⲡⲉⲙϩⲓⲧ ⲡⲉⲡ̅ ⲛ̅ ⲁ̅ ⲉϥⲙⲟⲟϣⲉ ⲉϥⲕⲱⲧⲉ ⲁⲩⲱ ϣⲁϥⲕⲧⲟϥ ⲉϩⲣⲁⲓ
ⲉⲛⲉϥⲕⲟⲧⲥ̅ ⲙ̅ ⲙⲟⲩⲛ̅ ⲥⲱⲣⲙ̅ ⲧⲏⲣⲟⲩ . ⲉⲩⲙⲟⲟϣⲉ ⲉϩⲣⲁⲓ ⲉⲧⲉⲑⲁⲗⲁⲥⲥⲁ .
Ⲁⲩⲱ ⲧⲉⲑⲁⲗⲁⲥⲥⲁ ⲙⲉⲥⲙⲟⲩϩ ϩⲁⲣⲟⲟⲩ ⲙ̅ ⲙⲟⲩⲛ̅ ⲥⲱⲣⲙ̅ ⲧⲏⲣⲟⲩ
ϣⲁⲩⲙⲟⲟϣⲉ ⲉϩⲣⲁⲓ ⲉⲛⲉⲩⲙⲁ ⲉϣⲁⲩⲙⲟⲟϣⲉ ⲛ̅ ⲧⲟⲟⲩ ⲉⲧⲣⲉⲩⲃⲱⲕ ⲉⲡⲙⲁ
ⲉⲧⲙ̅ ⲙⲁⲩ. Ⲛ̅ ϣⲁϫⲉ ⲧⲏⲣⲟⲩ ⲥⲉϣⲁⲁⲧ ⲛ̅ ⲛⲉϣⲡⲣⲱⲙⲉ ϣⲁϫⲉ ⲛ̅ ϩⲏⲧⲟⲩ ⲁⲩⲱ
ⲛ̅ ⲛⲉϣⲡⲃⲁⲗ ⲥⲉⲓ ϩⲁⲡⲛⲁⲩ ⲁⲩⲱ ⲛ̅ ⲛⲉϣⲡⲙⲁⲁϫⲉ ⲥⲉⲓ ϩⲁⲡⲥⲱⲧⲙ̅ . Ⲟⲩ
ⲡⲉⲛⲧⲁϥϣⲱⲡⲉ ⲛ̅ ⲧⲟϥ ⲟⲛ ⲡⲉⲧⲛⲁϣⲱⲡⲉ ⲁⲩⲱ ⲟⲩ ⲡⲉⲛⲧⲁⲩⲧⲁⲙⲓⲟϥ
ⲉⲛⲧⲟϥ ⲟⲛ ⲡⲉⲧⲟⲩⲛⲁⲧⲁⲙⲓⲟϥ. Ⲁⲩⲱ ⲙⲛ̅ ⲗⲁⲁⲩ ⲛ̅ ϩⲱⲃ ⲙ̅ ⲃⲣ̅ ⲣⲉ ϩⲁⲣⲟϥ
ⲙ̅ ⲡⲣⲏ ⲉⲣⲉⲡⲣⲱⲙⲉ ⲛⲁϣⲁϫⲉ ⲉⲣⲟⲟⲩ ⲛϥ̅ϫⲟⲟⲥ. ϫⲉ ⲉⲓⲥ ⲡⲁⲓ ⲟⲩⲃⲣ̅ ⲣⲉ
ⲡⲉ . Ⲉⲇⲏ ⲁⲩⲟⲩⲱ ⲉⲩϣⲱⲡⲉ ϩⲛ̅ ⲛⲁⲓⲱⲛ ⲛ̅ ⲧⲁⲩϣⲱⲡⲉ ϩⲁⲧⲛ̅ ϩⲓⲏ .
ⲙ̅ ⲙⲛ̅ ⲡ̅ ⲡⲙⲉⲉⲩⲉ ϣⲟⲟⲡ ⲛ̅ ⲛϣⲟⲣⲡ . ⲁⲩⲱ ⲛ̅ ⲕⲉϩⲁⲉⲉⲩ ⲉⲛⲧⲁⲩϣⲱⲡⲉ
ϩⲧⲛ̅ ϩⲓⲏ . ⲙ̅ ⲙⲛ̅ ⲣ̅ ⲡⲙⲉⲉⲩⲉ ϣⲟⲟⲡ ⲁⲩⲱ ⲧⲉⲧⲛⲁϣⲱⲡⲉ ⲉⲑⲁⲏ. Ⲁⲛⲟⲕ
ⲡⲉⲕⲕⲗⲏⲥⲓⲁⲥⲧⲏⲥ ⲁⲓⲣ̅ ⲣⲟ ⲉϫⲙ̅ ⲡⲒⲥⲣⲁⲏⲗ ϩⲛ̅ ⲑⲒⲗ̅ ⲏ̅ ⲙ̅ ⲁⲩⲱ ⲁⲓϯ ⲙ̅ ⲡⲁϩⲏⲧ
ⲉϣⲓⲛⲉ ⲁⲩⲱ ⲉϯⲟⲩⲟⲓ ϩⲛ̅ ⲧⲥⲟⲫⲓⲁ ⲉⲧⲃⲉⲛⲉⲛⲧⲁⲩϣⲱⲡⲉ ⲧⲏⲣⲟⲩ ϩⲁⲣⲟⲥ
ⲛ̅ ⲧⲡⲉ . ϫⲉ ⲟⲩⲡⲉⲣⲓⲥⲡⲁⲥⲙⲟⲥ ⲙ̅ ⲡⲟⲛⲏⲣⲟⲛ ⲁ ⲡⲛⲟⲩⲧⲉ ⲧⲁⲁϥ ⲛ̅ ⲛ̅ ϣⲏⲣⲉ
ⲙ̅ ⲡⲣⲱⲙⲉ. Ⲉⲧⲣⲉⲩϫⲓϩⲣⲁⲩ ⲛ̅ ϩⲏⲧϥ̅ ϩⲛ̅ ⲟⲩϩⲩⲇⲟⲛⲏ . Ⲁⲓⲛⲁⲩ ⲉⲛ̅ ⲧⲁⲙⲓⲟ
ⲧⲏⲣⲟⲩ ⲛ̅ ⲧⲁⲩⲧⲁⲙⲓⲟⲟⲩ ϩⲁⲣⲟϥ ⲙ̅ ⲡⲣⲏ ⲁⲩⲱ ⲉⲓⲥ ϩⲏⲏⲛⲉ ⲧⲏⲣⲟⲩ
ⲟⲩⲡⲉⲧϣⲟⲩⲉⲓⲧ ⲡⲉⲧⲛ̅ ϩⲏⲧⲟⲩ ⲙⲛ̅ ⲟⲩⲱϣ ⲙ̅ ⲡⲛ̅ ⲁ. Ⲡⲉⲧϭⲟⲟⲙⲉ
ⲛ̅ ⲥⲉⲛⲁϣⲕⲟⲥⲙⲉⲓ ⲁⲛ ⲙ̅ ⲙⲟϥ . Ⲁⲩⲱ ⲡⲉⲧϣⲁⲁⲧ ⲛ̅ ⲥⲉⲛⲁϣⲛ̅ ⲧϥ ⲁⲛ ⲉⲩⲏⲡⲉ
. Ⲁⲛⲟⲕ ⲁⲓϣⲁϫⲉ ϩⲙ̅ ⲡⲁϩⲏⲧ ϩⲙ̅ ⲡⲧⲣⲁϫⲟⲟⲥ . ϫⲉ ⲉⲓⲥ ϩⲏⲏⲧⲉ ⲁⲛⲟⲕ
ⲁⲓϫⲓⲥⲉ ⲡⲁⲣⲁⲛⲉⲛⲧⲁⲩϣⲱⲡⲉ ϩⲁⲧⲁϩⲓⲏ ϩⲛ̅ ⲑⲒⲗ̅ ⲏ̅ ⲙ̅ . ⲁⲩⲱ ⲁⲡⲁϩⲏⲧ ⲛⲁⲩ
ⲉϩⲁϩ ⲛ̅ ϩⲱⲃ . Ⲟⲩⲥⲟⲫⲓⲁ ⲙⲛ̅ ⲟⲩⲥⲟⲟⲩⲛ̅ ⲁⲩⲱ ⲟⲩⲡⲁⲣⲁⲃⲟⲗⲏ ⲙⲛ̅ ⲟⲩⲥⲃⲱ
. Ⲁⲛⲟⲕ ⲁⲓⲉⲓⲙⲉ ⲉⲣⲟⲟⲩ . ϫⲉ ⲉⲓⲥ ⲡⲉⲓⲕⲉ ⲟⲛ ⲟⲩⲟⲩⲱϣ ⲡⲉ ⲙ̅ ⲡⲛ̅ ⲁ . ϫⲉ
ⲉⲣⲉⲟⲩⲛⲟϭ ⲛ̅ ⲥⲟⲟⲩⲛ ϣⲟⲟⲡ ϩⲙ̅ ⲡⲁϣⲁⲓ ⲛ̅ ⲧⲥⲟⲫⲓⲁ ⲁⲩⲱ ⲡⲉⲧⲛⲁⲟⲩⲱϩ
ⲉⲧⲟⲟⲧϥ̅ ⲉϫⲙ̅ ⲡⲥⲟⲟⲩⲛ̅ ⲉϥⲛⲁⲟⲩⲉϩⲟⲩⲙⲟⲕϩⲥ̅ .
Ⲃ̅ . Ⲁⲓϫⲟⲟⲥ ⲁⲛⲟⲕ ϩⲙ̅ ⲡⲁϩⲏⲧ . ϫⲉ ⲁⲙⲟⲩ ⲧⲁϫⲟⲛⲧⲕ̅ ϩⲛ̅ ⲟⲩⲟⲩⲛⲟϥ .
ⲛⲅ̅ ⲛⲁⲩ ϩⲛ̅ ⲟⲩⲁⲅⲁⲑⲟⲛ : Ⲁⲩⲱ ⲉⲓⲥ ⲡⲉⲓⲕⲉⲧ ⲟⲩⲡⲉⲧϣⲟⲩⲉⲓⲧ ⲡⲉ . Ⲡⲥⲱⲃⲉ
ⲁⲓⲧⲁⲩⲟ ⲉⲣⲟϥ ⲙ̅ ⲡϣⲉⲉⲓ . ⲁⲩⲱ ⲡⲟⲩⲛⲟϥ ⲁⲓϫⲟⲟⲥ ⲛⲁϥ . ϫⲉ ⲟⲩ ⲡⲉ ⲡⲁⲓ
ⲉⲧⲕ̅ ⲉⲓⲣⲉ ⲙ̅ ⲙⲟϥ ⲑ Ⲁⲓϯϩⲧⲏⲓ . ϫⲉ ⲉⲛⲉⲡⲁϩⲏⲧ ⲛⲁϣⲥⲉⲕⲧⲁⲥⲁⲣⲝ̅ ⲛ̅ ⲑⲉ
ⲛ̅ ⲟⲩⲏⲣⲡ̅ . ⲁⲩⲱ ⲡⲁϩⲏⲧ ⲁϥϫⲓⲙⲟⲉⲓⲧ ϩⲏⲧ ϩⲛ̅ ⲟⲩⲥⲟⲫⲓⲁ. ⲁⲩⲱ

3. ⲉⲧⲣⲁⲁⲙⲁϩⲧⲉ ⲉϫⲙ̅ ⲡⲟⲩⲛⲟϥ ϣⲁⲛϯⲛⲁⲩ . ϫⲉ ⲁϣ ⲡⲉ ⲡⲁⲅⲁⲑⲟⲛ
ⲉⲧϣⲟⲟⲡ ⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ⲉⲧⲟⲩⲛⲁⲁⲁϥ ϩⲁⲣⲟϥ .ⲙ̅ ⲡⲣⲏ . Ⲛ̅ ⲧⲏⲡⲉ
ⲛ̅ ⲛⲉϩⲟⲟⲩ ⲙ̅ ⲡⲱⲛϩ ⲁⲓϫⲓⲥⲉ ⲙ̅ ⲡⲉⲛⲧⲁⲓⲧⲁⲙⲓⲟϥ ⲛⲁⲓ . ⲁⲓⲕⲱⲧ ⲛⲁⲓ ⲛ̅ ϩⲉⲛⲏⲓ
ⲁⲓⲧⲱϭⲉ ⲛⲁⲓ ⲛ̅ ϩⲉⲛⲙⲁⲛ̅ ⲉⲗⲟⲟⲗⲉ ⲁⲓⲧⲁⲙⲓⲟ ⲛⲁⲓ ⲛ̅ ϩⲉⲛⲕⲏⲡⲟⲥ
ⲙⲛ̅ ϩⲉⲛⲡⲁⲣⲁⲇⲓⲥⲟⲥ ⲁⲩⲱ ⲁⲓⲧⲱϭⲉ ϩⲣⲁⲓ ⲛ̅ ϩⲏⲧⲟⲩ ⲛ̅ ϣⲏⲛ ⲛⲓⲙ
ⲛ̅ ⲣⲉϥϯⲕⲁⲣⲡⲟⲥ. Ⲁⲓⲧⲁⲙⲓⲟ ⲛⲁⲓ ⲛ̅ ϩⲉⲛⲕⲟⲗⲩⲙⲃⲉⲑⲣⲁ ⲙ̅ ⲙⲟⲟⲩ ⲉⲧⲥⲟ ⲉⲃⲟⲗ
ⲙ̅ ⲡⲁⲙⲁ ⲛ̅ ϣⲏⲛ ⲉⲧϯⲟⲩⲱ . Ⲁⲓⲕⲱ ⲛⲁⲓ ⲛ̅ ϩⲉⲛϩⲙ̅ ϩⲁⲗ ⲛ̅ ϩⲟⲟⲩⲧ
ⲙⲛ̅ ϩⲉⲛϩⲙ̅ ϩⲁⲗ ⲛ̅ ⲥϩⲓⲙⲉ ⲁⲩⲱ ϩⲉⲛⲕⲉⲙⲉⲥⲛⲏⲓ. ⲁⲩϣⲱⲡⲉ ⲛⲁⲓ ⲁⲩⲱ
ⲟⲩⲛⲟϭ ⲛ̅ ⲁϣⲏ ⲛⲉϩⲉ ϩⲓ ⲉⲥⲟⲟⲩ ⲁⲥϣⲱⲡⲉ ⲛⲁⲓ . ⲉϩⲟⲩⲉⲛⲉⲛⲧⲁⲩϣⲱⲡⲉ
ⲧⲏⲣⲟⲩ ϩⲁⲧⲁϩⲏ ϩⲛ̅ ⲑⲒⲗ̅ ⲏ̅ ⲙ̅ . Ⲁⲓⲥⲟⲩⲱϩ ⲛⲁⲓ ⲉϩⲟⲩⲛ ⲛ̅ ⲟⲩϩⲁⲧ
ⲙⲛ̅ ⲡⲟⲩⲛⲟⲩⲃ . ⲁⲩⲱ ⲛ̅ ϣⲟⲩϣⲟⲩ ⲛ̅ ⲛ̅ ⲉⲣⲱⲟⲩ ⲙⲛ̅ ⲛⲉⲭⲱⲣⲁ ⲁⲓⲕⲱ ⲛⲁⲓ
ⲛ̅ ϩⲉⲛϩⲟⲟⲩⲧ ⲙⲛ̅ ϩⲉⲛϩⲓⲟⲟⲙⲉ . ⲉⲩⲛⲁϫⲱ ⲉⲣⲟⲓ ϩⲛ̅ ⲟⲩⲧⲣⲩⲫⲏ
ⲙⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ⲁⲩⲱ ϩⲉⲛⲣⲉϥⲟⲩⲱⲧϩ̅ ⲛ̅ ϩⲟⲟⲩⲧ
ⲙⲛ̅ ϩⲉⲛⲣⲉϥⲟⲩⲱⲧϩ̅ ⲛ̅ ⲥϩⲓⲙⲉ . Ⲁⲩⲱ ⲁⲓϫⲓⲥⲉ ⲁⲓⲟⲩⲱϩ ⲉⲧⲟⲟⲧ
ⲡⲁⲣⲁⲛⲉⲛⲧⲁⲩϣⲱⲡⲉ ϩⲁⲧⲁϩⲓⲏ ⲧⲏⲣⲟⲩ ϩⲛ̅ ⲑⲒⲗ̅ ⲏ̅ ⲙ̅ ⲁⲩⲱ ⲧⲁⲥⲟⲫⲓⲁ
ⲁⲥⲁϩⲉⲣⲁⲧⲥ̅ ⲛⲁⲓ. Ⲁⲩⲱ ϩⲱⲃ ⲛⲓⲙ ⲉⲛⲧⲁⲛⲁⲃⲁⲗ ⲟⲩⲁϣⲟⲩ ⲙ̅ ⲡⲓϥⲓⲧⲟⲩ
ⲛ̅ ⲧⲟⲟⲧⲟⲩ . ⲙ̅ ⲡⲓⲕⲁⲡⲁϩⲏⲧ ⲉϥϣⲁⲁⲧ ⲛ̅ ⲗⲁⲁⲩ ⲛ̅ ⲟⲩⲛⲟϥ . ϫⲉ ⲁⲡⲁϩⲏⲧ
ⲉⲩⲫⲣⲁⲛⲉ ϩⲙ̅ ⲡⲁϩⲓⲥⲉ ⲧⲏⲣϥ̅ ⲁⲩⲱ ⲡⲁⲓ ⲁϥϣⲱⲡⲉ ⲛⲁⲓ ⲙ̅ ⲙⲉⲣⲓⲥ
ⲉⲃⲟⲗϩⲙ̅ ⲡⲁϩⲓⲥⲉ ⲧⲏⲣϥ̅ . Ⲁⲩⲱ ⲁⲓⲕⲧⲟⲓ ⲟⲛ ⲁⲛⲟⲕ ϩⲛ̅ ⲛⲁϩⲃⲏⲩⲉ ⲧⲏⲣⲟⲩ .
ⲛⲁⲓ ⲛ̅ ⲧⲁⲛⲁϭⲓϫ ⲧⲁⲙⲓⲟⲟⲩ . ⲁⲩⲱ ϩⲙ̅ ⲡⲁϩⲓⲥⲉ ⲛ̅ ⲧⲁⲓⲙⲟⲕϩⲧ̅ ⲛ̅ ϩⲏⲧϥ̅
ⲉⲧⲣⲁⲁⲁⲩ ⲛⲁⲓ . ⲁⲩⲱ ⲓⲥ ϩⲏⲏⲛⲉ ⲧⲏⲣⲟⲩ ⲟⲩⲡⲉⲧϣⲟⲩⲉⲓⲧ ⲡⲉ ⲁⲩⲱ
ⲟⲩⲟⲩⲱϣ ⲙ̅ ⲡⲛⲁ . ⲉⲙⲛ̅ ⲟⲩϩⲱⲃ ⲛ̅ ϩⲟⲩⲟ ϣⲟⲟⲡ ϩⲁⲧⲡⲉ . Ⲁⲩⲱ ⲁⲓϭⲱϣⲧ̅
ⲁⲛⲟⲕ ⲉⲛⲁⲩ ⲉⲧⲥⲟⲫⲓⲁ ⲙⲛ̅ ⲡϣⲉⲉⲓ ⲁⲩⲱ ⲧⲙⲛ̅ ⲧⲁⲧϩⲏⲧ ϫⲉ ⲛⲓⲙ ⲡⲉ
ⲡⲣⲱⲙⲉ ⲉⲧⲛⲁⲉⲓ ⲉⲟⲩⲁϩϥ̅ ⲛ̅ ⲥⲁⲡϣⲟϫⲛⲉ ⲑ ⲉⲧⲉ ⲛⲉⲛⲧⲁⲩⲁⲁϥ ⲛⲉ . Ⲁⲩⲱ
ⲁⲓⲛⲁⲩ ⲁⲛⲟⲕ ϫⲉ ⲟⲩⲛ̅ ϩⲟⲩⲟ ϣⲟⲟⲡ ⲛ̅ ⲧⲥⲟⲫⲓⲁ ⲉϩⲟⲩⲉⲧⲙⲛ̅ ⲧⲁⲧϩⲏⲧ ⲛ̅ ⲑⲉ
ⲉⲧⲉⲟⲩⲛ̅ ϩⲟⲩⲟ ϣⲟⲟⲡ ⲙ̅ ⲡⲟⲩⲟⲉⲓⲛ ⲉϩⲟⲩⲉⲡⲕⲁⲕⲉ ⲙ̅ ⲡⲥⲟⲫⲟⲥ ⲉⲩϣⲟⲟⲡ
ϩⲛ̅ ⲧⲉϥⲁⲡⲉ .ⲡⲁⲑⲏⲧ ⲇⲉ ⲛ̅ ⲧⲟϥ ⲉϥⲙⲟⲟϣⲉ ϩⲙ̅ ⲡⲕⲁⲕⲉ. Ⲁⲩⲱ ⲁⲓⲉⲓⲙⲉ ⲟⲛ
ⲁⲛⲟⲕ . ϫⲉ ⲟⲩⲧⲱⲙⲛⲧ ⲛ̅ ⲟⲩⲱⲧ ⲡⲉⲧⲛⲁⲧⲱⲙⲛⲧ ⲉⲣⲟⲟⲩ ⲧⲏⲣⲟⲩ. Ⲁⲩⲱ
ⲁⲓϫⲟⲟⲥ ϩⲙ̅ ⲡⲁϩⲏⲧ . ϫⲉ ⲡⲉⲧⲛⲁⲧⲱⲙⲛⲧ ⲉⲡⲁⲑⲏⲧ ⲉⲓⲉ ϥⲛⲁⲧⲱⲙⲛⲧ ⲉⲣⲟⲓ
ϩⲱ . Ⲉⲧⲃⲉⲟⲩ ϭⲉ ⲛ̅ ⲧⲟⲟⲩⲛ̅ ⲁⲓⲣ̅ ⲥⲟⲫⲟⲥ ⲁⲛⲟⲕ ⲁⲓϫⲱ ⲛ̅ ⲟⲩϣⲁϫⲉ
ⲛ̅ ϩⲟⲩⲟ ϩⲙ̅ ⲡⲁϩⲏⲧ . ϫⲉ ⲡⲉⲓⲕⲉ ⲟⲩⲡⲉⲧϣⲟⲩⲉⲓⲧ ⲡⲉ ϫⲉ ⲡⲁⲑⲏⲧ
ⲉϥϣⲁϫⲉ ⲉⲃⲟⲗ ϩⲙ̅ ⲡⲉϩⲟⲩⲟ ⲙ̅ ⲡⲉϥϩⲏⲧ . ϫⲉ ⲙ̅ ⲙⲛ̅ ⲣ̅ ⲡⲙⲉⲉⲩⲉ ϣⲟⲟⲡ
ⲙ̅ ⲡⲥⲟⲫⲟⲥ ⲙⲛ̅ ⲡⲁⲑⲏⲧ ⲕⲁⲧⲁⲑⲉ ϫⲉ ⲛ̅ ⲉϩⲟⲟⲩ ⲉⲧⲛⲏⲩ . Ϩⲱⲃ ⲛⲓⲙ
ⲁⲓⲣ̅ ⲡⲟⲩⲱⲃϣ ⲛ̅ ϩⲏⲧⲟⲩ ϣⲁⲉⲛⲉϩ . Ⲁⲩⲱ ⲛ̅ ⲁϣ ⲛ̅ ϩⲉ ⲉϥⲛⲁⲙⲟⲩ
ⲛ̅ ϭⲓⲡⲥⲟⲫⲟⲥ ⲙⲛ̅ ⲡⲁⲑⲏⲧ ⲁⲩⲱ ⲁⲓⲙⲉⲥⲧⲉⲡⲁⲱⲛϩ ⲧⲏⲣϥ̅ . ϫⲉ
ⲟⲩⲡⲟⲛⲏⲣⲟⲛ ⲉϩⲣⲁⲓ ⲉϫⲱⲓ ⲡⲉ ⲡⲧⲁⲙⲓⲟ ⲉⲛⲧⲁⲩⲧⲁⲙⲓⲟϥ ϩⲁⲣⲟϥ ⲙ̅ ⲡⲣⲏ
. ϫⲉ ⲉⲓⲛⲁⲕⲁⲁϥ ⲙ̅ ⲡⲣⲱⲙⲉ ⲉⲧⲛⲁⲉⲓ ⲙⲛ̅ ⲛ̅ ⲥⲱⲓ . Ⲁⲩⲱ ⲛⲓⲙ ⲡⲉ
ⲡⲉⲧⲥⲟⲟⲩⲛ ϫⲉ ϥⲛⲁⲣ̅ ⲥⲟⲫⲟⲥ ⲏ ϫⲉ ⲛϥ̅ⲣ̅ ⲁⲑⲏⲧ ⲁⲩⲱ ⲛϥ̅ⲣ̅ ϫⲟⲉⲓⲥ
ⲉⲡⲁϩⲓⲥⲉ ⲧⲏⲣϥ̅ ⲛ̅ ⲧⲁⲓϣⲉⲡϩⲓⲥⲉ ⲛ̅ ϩⲏⲧϥ̅. ⲁⲩⲱ ⲁⲓⲙⲟⲕⲙⲉⲕ ⲛ̅ ϩⲏⲧϥ̅

4. ϩⲁⲡⲣⲏ . ⲡⲉⲓⲕⲉⲧ ⲟⲩⲡⲉⲧϣⲟⲩⲉⲓⲧ ⲡⲉ. Ⲁⲩⲱ ⲁⲓⲕⲧⲟⲓ ⲁⲛⲟⲕ ⲉⲧⲣⲉⲡϩⲏⲧ
ⲁⲡⲟⲧⲁⲥⲥⲉ ϩⲙ̅ ⲡⲁϩⲓⲥⲉ ⲧⲏⲣϥ̅ ⲉⲛⲧⲁⲓϣⲡ̅ ϩⲓⲥⲉ ⲛ̅ ϩⲏⲧϥ̅ ϩⲁⲡⲣⲏ ϫⲉ
ⲟⲩⲛ̅ ⲣⲱⲙⲉ ⲉⲣⲉⲡⲉϥϩⲓⲥⲉ ϣⲟⲟⲡ ⲛⲁϥ . ⲟⲩⲛ̅ ⲣⲱⲙⲉ ⲉϥϩⲟⲥⲉ ⲛⲁϥ
ϩⲛ̅ ⲟⲩⲥⲟⲫⲓⲁ ⲁⲩⲱ ϩⲛ̅ ⲟⲩⲥⲟⲟⲩⲛ̅ ⲙⲛ̅ ⲟⲩⲙⲛ̅ ⲧϫⲱⲱⲣⲉ . Ⲁⲩⲱ
ⲟⲩⲛ̅ ⲣⲱⲙⲉ ⲉϥⲙⲟⲕϩϥ̅ ⲛⲁϥ ⲉϥⲛⲁϯ ⲛⲁϥ ⲛ̅ ⲧⲉϥⲙⲉⲣⲓⲥ . Ⲡⲉⲓⲕⲉⲧ
ⲟⲩⲡⲉⲧϣⲟⲩⲉⲓⲧ ⲡⲉ ⲁⲩⲱ ⲟⲩⲛⲟϭ ⲙ̅ ⲡⲟⲛⲏⲣⲓⲁ ⲧⲉ . ϫⲉ ϣⲁⲥϣⲱⲡⲉ
ⲙ̅ ⲡⲣⲱⲙⲉ ϩⲙ̅ ⲡⲉϥϩⲓⲥⲉ ⲧⲏⲣϥ̅ . ⲁⲩⲱ ϩⲙ̅ ⲡⲟⲩⲱϣ ⲙ̅ ⲡⲉϥϩⲏⲧ ⲉⲧⲉϥϩⲟⲥⲉ
ⲛ̅ ϩⲏⲧϥ̅ ϩⲁⲣⲟϥ ⲙ̅ ⲡⲣⲏ . ϫⲉ ⲛⲉϥϩⲟⲟⲩ ⲧⲏⲣⲟⲩ ϩⲉⲛϩⲟⲟⲩ ⲛⲉ ⲛ̅ ⲧⲕⲁⲥ
ϩⲓϭⲱⲛⲧ ⲉⲩⲡⲉⲣⲓⲥⲡⲁⲥⲙⲟⲥ ⲛⲁϥ ⲡⲉ . ⲁⲩⲱ ϩⲛ̅ ⲧⲕⲉⲩϣⲏ ⲙⲉⲣⲉⲡⲉϥϩⲏⲧ
ⲛ̅ ⲕⲟⲧⲕ̅ . Ⲡⲉⲓⲕⲉ ⲟⲩⲡⲉⲧϣⲟⲩⲉⲓⲧ ⲡⲉ ⲙⲛ̅ ⲁⲅⲁⲑⲟⲛ ϣⲟⲟⲡ ⲙ̅ ⲡⲣⲱⲙⲉ
ⲛ̅ ⲥⲁⲡⲉⲧϥ̅ⲛⲁⲟⲩⲟⲙϥ̅ ⲁⲩⲱ ⲡⲉⲧϥ̅ⲛⲁⲥⲟⲟϥ ⲁⲩⲱ ⲡⲉⲧϥ̅ⲛⲁⲧⲥⲁⲃⲉⲧⲉϥⲯⲩⲭⲏ
ⲉⲣⲟϥ ⲉⲡⲁⲅⲁⲑⲟⲛ ⲡⲉ ⲡⲁⲓ ϩⲙ̅ ⲡⲉϥϩⲓⲥⲉ . Ⲡⲉⲓⲕⲉⲧ ⲁⲛⲟⲕ ⲁⲓⲛⲁⲩ ⲉⲣⲟϥ .
ϫⲉ ⲟⲩⲉⲃⲟⲗ ⲡⲉ ϩⲛ̅ ⲧϭⲓϫ ⲙ̅ ⲡⲛⲟⲩⲧⲉ. ϫⲉ ⲛⲓⲙ ⲡⲉⲧⲛⲁⲟⲩⲱⲙ ⲛϥ̅ⲥⲱ
ⲉϫⲛ̅ ⲧϥ̅ . ϫⲉ ⲡⲣⲱⲙⲉ ⲛ̅ ⲁⲅⲁⲑⲟⲥ ⲁϥϯ ⲛⲁϥ ⲛ̅ ⲟⲩⲥⲟⲫⲓⲁ ⲙ̅ ⲡⲉϥⲙ̅ ⲧⲟ ⲉⲃⲟⲗ .
ⲁⲩⲱ ⲟⲩⲥⲟⲟⲩⲛ̅ ⲙⲛ̅ ⲟⲩⲟⲩⲛⲟϥ .Ⲡⲉⲧⲣ̅ ⲛⲟⲃⲉ ϩⲱⲱϥ ⲁϥϯ ⲛⲁϥ
ⲛ̅ ⲟⲩⲡⲉⲣⲓⲥⲡⲁⲥⲙⲟⲥ ⲉⲧⲣⲉϥⲟⲩⲱϩ ⲉⲧⲟⲟⲧϥ̅ ⲁⲩⲱ ⲛϥ̅ⲥⲟⲩⲱϩ ⲉϩⲟⲩⲛ
ⲉⲧⲣⲉϥϯ ⲙ̅ ⲡⲁⲅⲁⲑⲟⲥ ⲙ̅ ⲡⲙ̅ ⲧⲟ ⲉⲃⲟⲗ ⲙ̅ ⲡⲛⲟⲩⲧⲉ . ϫⲉ ⲡⲉⲓⲕⲉ
ⲟⲩⲡⲉⲧϣⲟⲩⲉⲓⲧ ⲡⲉ . ⲁⲩⲱ ⲟⲩⲡⲣⲟϩⲁⲓⲣⲉⲥⲓⲥ ⲡⲉ ⲙ̅ ⲡⲛⲁ ⲟⲩⲟⲉⲓϣ.
Ⲅ̅ . Ⲡⲉⲧϣⲟⲟⲡ ⲛ̅ ⲟⲩⲟⲛ ⲛⲓⲙ ⲁⲩⲱ ⲟⲩⲥⲏⲩ ⲡⲉⲧϣⲟⲟⲡ ϩⲛ̅ ϩⲱⲃ ⲛⲓⲙ
ⲉⲧϩⲁⲣⲟⲥ ⲛ̅ ⲧⲡⲉ . Ⲟⲩⲟⲉⲓϣ ⲡⲉ ⲙ̅ ⲙⲓⲥⲉ ⲁⲩⲱ ⲟⲩⲟⲉⲓϣ ⲙ̅ ⲙⲟⲩ . Ⲟⲩⲟⲉⲓϣ
ⲡⲉ ⲛ̅ ⲧⲱϭⲉ ⲁⲩⲱ ⲟⲩⲟⲉⲓϣ ⲡⲉ ⲙ̅ ⲡⲱⲣⲕ̅ ⲙ̅ ⲡⲉⲛⲧⲁⲩⲧⲟϭϥ̅ . Ⲟⲩⲟⲉⲓϣ ⲡⲉ
ⲙ̅ ⲙⲟⲩⲟⲩⲧ . ⲁⲩⲱ ⲟⲩⲟⲩⲟⲉⲓϣ ⲡⲉ ⲧⲁⲗϭⲟ . Ⲟⲩⲟⲉⲓϣ ⲡⲉ ⲛ̅ ϣⲟⲣϣⲣ̅ ⲁⲩⲱ
ⲟⲩⲟⲉⲓϣ ⲡⲉ ⲛ̅ ⲕⲱⲧ . Ⲟⲩⲟⲉⲓϣ ⲡⲉ ⲛ̅ ⲣⲓⲙⲉ ⲁⲩⲱ ⲟⲩⲟⲉⲓϣ ⲡⲉ ⲛ̅ ⲥⲱⲃⲉ .
Ⲟⲩⲟⲉⲓϣ ⲡⲉ ⲛ̅ ⲛⲉϩⲡⲉ ⲁⲩⲱ ⲟⲩⲟⲉⲓϣ ⲡⲉ ⲛ̅ ⲟⲣⲭⲓ. Ⲟⲩⲟⲉⲓϣ ⲡⲉ
ⲛ̅ ⲛⲉϫⲱⲛⲉ ⲉⲃⲟⲗ ⲁⲩⲱ ⲟⲩⲟⲉⲓϣ ⲡⲉ ⲛ̅ ⲥⲉⲩϩⲱⲛⲉ ⲉϩⲟⲩⲛ . Ⲟⲩⲟⲉⲓϣ ⲡⲉ
ⲛ̅ ϩⲟⲗϭ ⲁⲩⲱ ⲟⲩⲟⲉⲓϣ ⲡⲉ ⲛ̅ ⲟⲩⲉ ⲉⲃⲟⲗ ⲙ̅ ⲡϩⲱⲗϭ̅. Ⲟⲩⲟⲉⲓϣ ⲡⲉ ⲛ̅ ϣⲓⲛⲉ
ⲁⲩⲱ ⲟⲩⲟⲉⲓϣ ⲡⲉ ⲛ̅ ⲥⲱⲣⲙ̅ . Ⲟⲩⲟⲉⲓϣ ⲡⲉ ⲛ̅ ϩⲁⲣⲉϩ ⲁⲩⲱ ⲟⲩⲟⲉⲓϣ ⲡⲉ
ⲛ̅ ⲛⲟⲩϫⲉ ⲉⲃⲟⲗ . Ⲟⲩⲟⲉⲓϣ ⲡⲉ ⲙ̅ ⲡⲱϩ ⲁⲩⲱ ⲟⲩⲟⲉⲓϣ ⲡⲉ ⲛ̅ ⲧⲱⲣⲡ̅ .
Ⲟⲩⲟⲉⲓϣ ⲡⲉ ⲉⲧⲙ̅ ϣⲁϫⲉ ⲁⲩⲱ ⲟⲩⲟⲉⲓϣ ⲡⲉ ⲛ̅ ϣⲁϫⲉ . Ⲟⲩⲟⲉⲓϣ ⲡⲉ ⲙ̅ ⲙⲉ
ⲁⲩⲱ ⲟⲩⲟⲉⲓϣ ⲡⲉ ⲙ̅ ⲙⲟⲥⲧⲉ. Ⲟⲩⲟⲉⲓϣ ⲡⲉ ⲙ̅ ⲡⲟⲗⲏⲙⲟⲥ ⲁⲩⲱ ⲟⲩⲟⲉⲓϣ
ⲡⲉ ⲛ̅ ⲉⲓⲣⲏⲛⲏ. Ⲟⲩ ϭⲉ ⲡⲉ ⲡⲉϩⲟⲩⲟ ⲙ̅ ⲡⲣⲱⲙⲉ ⲉⲧⲣ̅ ϩⲱⲃ ϩⲛ̅ ⲛⲉⲧϥ̅ϩⲟⲥⲉ
ⲛ̅ ⲧⲟϥ ⲛ̅ ϩⲏⲧⲟⲩ. Ⲁⲓⲛⲁⲩ ⲉⲡⲡⲉⲣⲓⲥⲡⲁⲥⲙⲟⲥ ⲧⲏⲣϥ̅ ⲛ̅ ⲧⲁⲡⲛⲟⲩⲧⲉ ⲧⲁⲁϥ
ⲛ̅ ⲛ̅ ϣⲏⲣⲉ ⲧⲏⲣⲟⲩ ⲛ̅ ⲛ̅ ⲣⲱⲙⲉ ⲉⲧⲣⲉⲩⲡⲉⲣⲓⲥⲡⲁ ⲛ̅ ϩⲏⲧϥ̅ . Ⲛ̅ ⲕⲁ ⲛⲓⲙ
ⲛ̅ ⲧⲁϥⲧⲁⲙⲓⲟⲟⲩ ⲛⲁⲛⲟⲩⲟⲩ ϩⲙ̅ ⲡⲉⲩⲟⲩⲟⲉⲓϣ . ⲁⲩⲱ ⲡⲁⲓⲱⲛ ⲧⲏⲣϥ̅ ⲁϥⲧⲁⲁϥ
ⲉϩⲣⲁⲓ ⲉⲡⲉϥϩⲏⲧ. ϫⲉⲕⲁⲥ ⲛ̅ ⲛⲉⲡⲣⲱⲙⲉ ϩⲉ ⲉⲡⲧⲁⲙⲓⲟ ⲉⲛⲧⲁⲡⲛⲟⲩⲧⲉ
ⲧⲁⲙⲓⲟϥ ϫⲓⲛⲧⲉϩⲟⲩⲉⲓⲧⲉ ϣⲁⲑⲁⲏ . Ⲁⲓⲉⲓⲙⲉ ϫⲉ ⲙⲛ̅ ⲁⲅⲁⲑⲟⲛ ϣⲟⲟⲡ ⲛⲁⲩ
ⲛ̅ ϩⲏⲧⲟⲩ ⲛ̅ ⲥⲁⲉⲩⲫⲣⲁⲛⲉ . ⲁⲩⲱ ⲉⲉⲓⲣⲉ ⲛ̅ ⲟⲩⲁⲅⲁⲑⲟⲛ ϩⲙ̅ ⲡⲉϥⲱⲛϩ̅ ϫⲉ
ⲣⲱⲙⲉ ⲛⲓⲙ ⲉϥⲛⲁⲟⲩⲱⲙ ⲛϥ̅ⲥⲱ ⲛϥ̅ⲛⲁⲩ ⲉⲩⲁⲅⲁⲑⲟⲛ ϩⲙ̅ ⲡⲉϥϩⲓⲥⲉ

5. ⲧⲏⲣϥ̅. ⲟⲩϯ ⲛⲁϥ ⲡⲉ ⲛ̅ ⲧⲙ̅ ⲡⲛⲟⲩⲧⲉ . Ⲁⲓⲉⲓⲙⲉ ϫⲉ ⲡⲉⲛⲧⲁⲡⲛⲟⲩⲧⲉ
ⲧⲁⲙⲓⲟⲟⲩ ⲛ̅ ⲧⲟⲟⲩ ⲛⲉⲧⲛⲁϣⲱⲡⲉ ϣⲁⲉⲛⲉϩ . ⲙ̅ ⲙⲛ̅ ⲑⲉ ⲉⲟⲩⲱϩ ⲉϩⲟⲩⲛ
ⲛ̅ ϩⲏⲧⲟⲩ ⲙⲛ̅ ⲑⲉ ⲟⲛ ⲛϥ̅ⲉⲓ ⲁⲩⲱ ⲡⲛⲟⲩⲧⲉ ⲁϥⲧⲁⲙⲓⲟⲟⲩ ϫⲉⲕⲁⲥ
ⲉⲩⲉⲣϩⲟⲧⲉ ⲙ̅ ⲡⲉϥⲙ̅ ⲧⲟ ⲉⲃⲟⲗ. Ⲡⲉⲛⲧⲁϥϣⲱⲡⲉ ⲏⲇⲉ ϥϣⲟⲟⲡ . ⲁⲩⲱ
ⲛⲉⲛⲧⲁⲩⲧⲟϣⲟⲩ ⲉⲧⲣⲉⲩϣⲱⲡⲉ ⲏⲇⲏ ⲁⲩϣⲱⲡⲉ . ⲁⲩⲱ ⲡⲛⲟⲩⲧⲉ ⲛⲁϣⲓⲛⲉ
ⲛ̅ ⲥⲁⲡⲉⲧⲟⲩⲡⲏⲧ ⲛ̅ ⲥⲱϥ. Ⲁⲓⲛⲁⲩ ⲟⲛ ϩⲁⲣⲟϥ ⲙ̅ ⲡⲣⲏ ⲉⲡⲙⲁ ⲛ̅ ⲧⲉⲕⲣⲓⲥⲓⲥ
ⲉⲣⲉⲡⲁⲥⲉⲃⲏⲥ ⲙ̅ ⲡⲙⲁ ⲉⲧⲙ̅ ⲙⲁⲩ ⲁⲩⲱ ⲡⲙⲁ ⲙ̅ ⲡⲇⲓⲕⲁⲓⲟⲥ ⲉⲣⲉⲡⲉⲩⲥⲉⲃⲏⲥ
ⲙ̅ ⲡⲙⲁ ⲉⲧⲙ̅ ⲙⲁⲩ . Ⲁⲩⲱ ⲁⲛⲟⲕ ⲁⲓϫⲟⲟⲥ ϩⲙ̅ ⲡⲁϩⲏⲧ .ϫⲉ ⲡⲇⲓⲕⲁⲓⲟⲥ ⲁⲩⲱ
ⲡⲁⲥⲉⲃⲏⲥ ⲉⲣⲉⲡⲛⲟⲩⲧⲉ ⲛⲁⲕⲣⲓⲛⲉ ⲙ̅ ⲙⲟⲟⲩ ϩⲓⲟⲩⲥⲟⲡ . Ⲟⲩⲟⲉⲓϣ ⲡⲉⲧϣⲟⲟⲡ
ϩⲛ̅ ϩⲱⲃ ⲛⲓⲙ ⲁⲩⲱ ϩⲙ̅ ⲡⲧⲁⲙⲓⲟ ⲧⲏⲣϥ̅. Ⲁⲓϫⲟⲟⲥ ⲁⲛⲟⲕ ϩⲙ̅ ⲡⲙⲁ ⲉⲧⲙ̅ ⲙⲁⲩ
ϩⲙ̅ ⲡⲁϩⲏⲧ ⲉⲧⲃⲉⲧϭⲓⲛϣⲁϫⲉ ⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ. ϫⲉ ⲡⲛⲟⲩⲧⲉ
ⲛⲁⲇⲓⲁⲕⲣⲓⲛⲉ ⲙ̅ ⲙⲟⲟⲩ ⲁⲩⲱ ⲉⲧⲁⲙⲟⲟⲩ . ϫⲉ ⲛ̅ ⲧⲟⲟⲩ ϩⲛ̅ ⲧⲃ̅ ⲛⲏ ⲛⲉ ⲁⲩⲱ
ⲛϥ̅ⲛⲁⲧⲁϩⲟⲟⲩ ⲁⲛ ⲛ̅ ϭⲓⲡⲉⲧⲛⲁⲧⲱⲙⲛⲧ ⲉⲡⲧⲃ̅ ⲛⲏ ⲡⲁⲓ ϩⲱⲟⲩ
ⲡⲉⲧⲛⲁⲧⲱⲙⲛⲧ ⲉⲣⲟⲟⲩ ⲛ̅ ⲑⲉ ⲙ̅ ⲡⲙⲟⲩ ⲙ̅ ⲡⲉⲓⲕⲉⲧ . ⲁⲩⲱ ⲟⲩⲡ̅ ⲛ̅ ⲁ̅ ⲛ̅ ⲟⲩⲱⲧ
ⲡⲉⲧϣⲟⲟⲡ ⲛ̅ ϩⲏⲧⲟⲩ ⲧⲏⲣⲟⲩ . Ⲁⲩⲱ ⲟⲩ ⲡⲉ ⲡϩⲱⲃ ⲉⲛⲧⲁⲡⲣⲱⲙⲉ
ⲣ̅ ϩⲟⲩⲟ ⲛ̅ ϩⲏⲧϥ̅. Ⲟⲩⲛ̅ ϩⲏⲧϥ̅ⲗⲁⲁⲩ ⲡⲁⲣⲁⲡⲧⲃ̅ ⲛⲏ. ϫⲉ ϩⲱⲃ ⲛⲓⲙ
ⲟⲩⲡⲉⲧϣⲟⲩⲉⲓⲧ ⲡⲉ . ⲛ̅ ⲕⲁ ⲛⲓⲙ ⲉⲩⲛⲁ ⲉⲩⲙⲁ ⲛ̅ ⲟⲩⲱⲧ. Ⲛ̅ ⲕⲁ ⲛⲓⲙ
ⲛ̅ ⲧⲁⲩϣⲱⲡⲉ ⲉⲃⲟⲗ ϩⲙ̅ ⲡⲕⲁϩ. ⲁⲩⲱ ⲛ̅ ⲕⲁ ⲛⲓⲙ ⲟⲛ ⲉⲩⲛⲁⲕⲟⲧⲟⲩ ⲉϩⲣⲁⲓ
ⲉⲡⲕⲁϩ . Ⲁⲩⲱ ⲛⲓⲙ ⲡⲉⲧⲥⲟⲟⲩⲛ̅ ⲉⲧⲃⲉⲡⲉⲡ̅ ⲛ̅ ⲁ̅ ⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ϫⲉ
ⲉⲛⲉⲛ̅ ⲧⲟϥ ϥⲛⲁⲃⲱⲕ ⲉϩⲣⲁⲓ ⲉⲧⲡⲉ ⲁⲩⲱ ⲉⲧⲃⲉⲡⲉⲡ̅ ⲛ̅ ⲁ̅ ⲙ̅ ⲡⲧⲃ̅ ⲛⲏ . ϫⲉ
ⲛⲉⲛ̅ ⲧⲟϥ ⲡⲉⲧⲛⲁⲃⲱⲕ ⲉⲡⲉⲥⲏⲧ ⲉⲡⲕⲁϩ . Ⲁⲩⲱ ⲁⲓⲛⲁⲩ. ϫⲉ ⲙⲛ̅ ⲁⲅⲁⲑⲟⲛ
ⲛ̅ ⲥⲁⲡⲉⲧⲉⲡⲣⲱⲙⲉ ⲛⲁⲉⲩⲫⲣⲁⲛⲉ ⲛ̅ ϩⲏⲧϥ̅ ϩⲛ̅ ⲛⲉϥϩⲃⲏⲩⲉ . ϫⲉ ⲧⲁⲓ ⲧⲉ
ⲧⲉϥⲙⲉⲣⲓⲥ . ϫⲉ ⲛⲓⲙ ⲡⲉⲧⲉϥⲛⲁⲛ̅ ⲧϥ̅ ⲉⲧⲣⲉϥⲛⲁⲩ ϩⲙ̅ ⲡⲉⲧⲛⲁϣⲱⲡⲉ
ⲙⲛ̅ ⲛ̅ ⲥⲱϥ .
Ⲇ̅ . Ⲁⲩⲱ ⲁⲓⲕⲧⲟⲓ ⲁⲛⲟⲕ ⲁⲓⲛⲁⲩ ⲉⲙ̅ ⲙ̅ ⲛⲧⲗⲁ ⲧⲏⲣⲟⲩ ⲛ̅ ⲧⲁⲩϣⲱⲡⲉ ϩⲁⲣⲟϥ
ⲙ̅ ⲡⲣⲏ . Ⲉⲓⲥ ⲧⲣⲙⲉⲓⲏ ⲛ̅ ⲛⲉⲧⲟⲩϩⲓⲗⲁ ⲉⲣⲟⲟⲩ ⲁⲩⲱ ⲛϥ̅ϣⲟⲟⲡ ⲁⲛ
ⲛ̅ ϭⲓⲡⲉⲧⲛⲁⲥⲗ̅ ⲥⲱⲗⲟⲩ ⲛ̅ ⲧⲟⲟⲩ ⲛ̅ ⲛⲉⲧⲟⲩⲛⲁϩⲓⲗⲁ ⲉⲣⲟⲟⲩ ϩⲛ̅ ⲟⲩϭⲟⲙ. Ⲁⲩⲱ
ⲙⲛ̅ ⲡⲉⲧⲛⲁⲥⲗ̅ ⲥⲱⲗⲟⲩ ⲁⲩⲱ ⲁⲛⲟⲕ ⲁⲓⲧⲙⲁⲓⲉⲛⲉⲛⲧⲁⲩⲙⲟⲩ ⲧⲏⲣⲟⲩ
ⲛⲉⲛⲧⲁⲩⲟⲩⲱ ⲉⲩⲙⲟⲩ ⲉϩⲟⲩⲉⲛⲉⲧⲟⲛϩ̅ ⲛ̅ ϩⲏⲧⲟⲩ ϣⲁⲧⲉⲛⲟⲩ . Ⲁⲩⲱ
ⲟⲩⲁⲅⲁⲑⲟⲥ ⲉϩⲟⲩⲉⲡⲓⲥⲛⲁⲩ ⲡⲉ ⲛ̅ ϭⲓⲡⲉⲧⲉⲙ̅ ⲡⲉϥϣⲱⲡⲉ ⲣⲱ. Ⲙ̅ ⲡⲉϥⲛⲁⲩ
ⲉⲡⲧⲁⲙⲓⲟ ⲧⲏⲣϥ̅ ⲙ̅ ⲡⲟⲛⲏⲣⲟⲛ ⲛ̅ ⲧⲁϥϣⲱⲡⲉ ϩⲁⲣⲟϥ ⲙ̅ ⲡⲣⲏ . Ⲁⲩⲱ ⲁⲛⲟⲕ
ⲁⲓⲛⲁⲩ ⲉⲡϩⲓⲥⲉ ⲧⲏⲣϥ̅ ⲁⲩⲱ ⲧⲙⲛ̅ ⲧϫⲱⲱⲣⲉ ⲧⲏⲣⲥ̅ ⲙ̅ ⲡⲧⲁⲙⲓⲟ. ϫⲉ ⲡⲕⲱϩ
ⲙ̅ ⲡⲣⲱⲙⲉ ⲉϥϣⲟⲟⲡ ⲛⲁϥ ⲉⲃⲟⲗ ϩⲙ̅ ⲡⲉϥϣⲃⲏⲣ ⲁⲩⲱ ⲡⲁⲓ
ⲟⲩⲡⲉⲧϣⲟⲩⲉⲓⲧ ⲡⲉ . ⲁⲩⲱ ⲟⲩⲟⲩⲱϣ ⲙ̅ ⲡ̅ ⲛ̅ ⲁ̅ . Ⲡⲁⲑⲏⲧ ⲁϥⲕⲧⲟ ⲉⲣⲟϥ
ⲛ̅ ⲛⲉϥϭⲓϫ ⲁⲩⲱ ⲁϥⲟⲩⲱⲙ ⲛ̅ ⲛⲉϥⲥⲁⲣⲝ̅ . Ⲛⲁⲛⲟⲩⲡⲙⲟⲩϩ ⲛ̅ ⲟⲩϭⲓϫ ⲛ̅ ⲙ̅ ⲧⲟⲛ
ⲉϩⲟⲩⲉⲡⲙⲟⲩϩ ⲛ̅ ⲧϭⲓϫ ⲥⲛ̅ ⲧⲉ ⲛ̅ ϩⲓⲥⲉ ϩⲛ̅ ⲟⲩⲟⲩⲱϣ ⲙ̅ ⲡⲛ̅ ⲁ. Ⲁⲩⲱ ⲁⲓⲕⲧⲟⲓ
ⲁⲛⲟⲕ ⲉⲩⲙⲛ̅ ⲧⲡⲉⲧϣⲟⲩⲉⲓⲧ ϩⲁⲣⲟϥ ⲙ̅ ⲡⲣⲏ. Ⲟⲩⲛ̅ ⲟⲩⲁ ϣⲟⲟⲡ ⲁⲩⲱ
ⲙ̅ ⲡⲕⲉⲟⲩⲁ ϣⲟⲟⲡ ⲁⲛ . ⲙ̅ ⲙⲛ̅ ⲉⲓⲱⲧ ⲉⲙⲛ̅ ⲥⲟⲛ ⲇⲉ ⲁⲩⲱ ⲙⲛ̅ ϩⲁⲏ ϣⲟⲟⲡ

6. ⲛⲁϥ ϩⲙ̅ ⲡⲉϥϩⲓⲥⲉ ⲧⲏⲣϥ̅ . Ⲁⲩⲱ ⲡⲉϥⲃⲁⲗ ⲙ̅ ⲡⲉϥⲥⲉⲓ ⲙ̅ ⲙⲛ̅ ⲧⲣⲙ̅ ⲙⲁⲟ . ⲁⲛⲟⲕ
ϭⲉ ⲁⲓϩⲟⲥⲉ ⲛ̅ ⲛⲓⲙ ⲁⲩⲱ ⲉⲧⲃⲉⲟⲩ ⲉⲓⲛⲁⲕⲁⲧⲁⲯⲩⲭⲏ ⲉⲥϣⲁⲁⲧ ⲛ̅ ⲗⲁⲁⲩ
ⲛ̅ ⲟⲩⲛⲟϥ ⲁⲩⲱ ⲡⲁⲓ ⲟⲩⲡⲉⲧϣⲟⲩⲉⲓⲧ ⲡⲉ . ⲁⲩⲱ ⲟⲩⲡⲉⲣⲓⲥⲡⲁⲥⲙⲟⲥ
ⲙ̅ ⲡⲟⲛⲏⲣⲟⲛ ⲡⲉ . Ⲛⲁⲛⲟⲩⲡⲉⲥⲛⲁⲩ ⲉϩⲟⲩⲉⲉⲡⲟⲩⲁ ⲛⲁⲓ ⲉⲛⲁⲛⲟⲩⲉⲩⲃⲉⲕⲉ
ⲛⲁⲩ ϩⲙ̅ ⲡⲉⲩϩⲓⲥⲉ. ϫⲉ ⲉⲩϣⲁⲛϩⲉ ⲡⲟⲩⲁ ⲛⲁϯⲧⲟⲟⲧϥ̅ ⲙ̅ ⲡⲉϥϣⲃⲏⲣ. Ⲟⲩⲟⲓ
ⲇⲉ ⲛⲁϥ ⲡⲟⲩⲁ ⲉϥϣⲁⲛϩⲉ ⲙ̅ ⲡⲙⲉϩⲥⲛⲁⲩ ϣⲟⲟⲡ ⲁⲛ ⲉⲧⲣⲉϥⲧⲟⲩⲛⲟⲥϥ̅.
Ⲁⲩⲱ ⲟⲛ ⲉⲣϣⲁⲛⲡⲉⲥⲛⲁⲩ ⲛ̅ ⲕⲟⲧⲕ̅ . Ⲟⲩⲛ̅ ⲟⲩⲟⲩⲛⲟϥ ⲛⲁϣⲱⲡⲉ ⲛⲁⲩ
ⲛ̅ ϩⲙ̅ ⲙⲉ . ⲡⲟⲩⲁ ⲇⲉ ⲛ̅ ⲧⲟϥ ⲉϥⲛⲁϩⲙⲟⲙ ⲛ̅ ⲁϣ ⲛ̅ ϩⲉ . Ⲁⲩⲱ ⲉⲣϣⲁⲛⲡⲟⲩⲁ
ⲧⲱⲕ ⲡⲉⲥⲛⲁⲩ ⲛⲁⲁϩⲉⲣⲁⲧⲟⲩ ⲙ̅ ⲡⲉϥⲙ̅ ⲧⲟ ⲉⲃⲟⲗ ⲁⲩⲱ ⲡϩⲱⲥ ⲉⲧⲟ
ⲛ̅ ϣⲟⲙⲛ̅ ⲧ ⲛ̅ ⲣⲟ ⲛϥ̅ⲛⲁϭⲉⲡⲏ ⲁⲛ ⲉⲥⲱⲗⲡ. Ⲟⲩⲁⲅⲁⲑⲟⲥ ⲡⲉ ⲟⲩϣⲏⲣⲉ
ϣⲏⲙ ⲛ̅ ϩⲏⲕⲉ ⲛ̅ ⲥⲟⲫⲟⲥ ⲉϩⲟⲩⲉⲟⲩⲣ̅ ⲣⲟ ⲛ̅ ϩⲉⲗⲗⲟ. ⲁⲩⲱ ⲛ̅ ⲁⲑⲏⲧ ⲙ̅ ⲡϥ̅ⲉⲓⲙⲉ
ⲉⲡⲣⲟⲥⲉⲭⲉ ϭⲉ . ϫⲉ ϥⲛⲁⲉⲓ ⲉⲃⲟⲗ ϩⲙ̅ ⲡⲏⲓ ⲛ̅ ⲛⲉⲧⲥⲟⲛϩ ⲉⲧⲣⲉϥⲣ̅ ⲣ̅ ⲣⲟ
ϩⲛ̅ ⲧⲉϥⲕⲉⲙⲛ̅ ⲧⲉⲣⲟ ⲁϥⲣ̅ ϩⲏⲕⲉ. Ⲁⲓⲛⲁⲩ ϩⲁⲣⲟϥ ⲙ̅ ⲡⲣⲏ ⲉⲛⲉⲧⲟⲛϩ̅ ⲧⲏⲣⲟⲩ
ⲛⲉⲧⲙⲟⲟϣⲉ ⲙⲛ̅ ⲡⲓϩⲣ̅ ϣⲓⲣⲉ ⲙ̅ ⲙⲉϩⲥⲛⲁⲩ. ⲡⲁⲓ ⲉϥⲛⲁⲧⲱⲟⲩⲛ ⲉⲡⲉϥⲙⲁ.
ⲉⲛⲟⲩⲡⲉⲣⲓⲥⲡⲁⲥⲙⲟⲥ ⲁⲛ ⲡⲉ ⲙ̅ ⲡⲗⲁⲟⲥ. ⲛⲉⲧⲁⲩϣⲱⲡⲉ ⲧⲏⲣⲟⲩ ϩⲁⲧⲉϥϩⲏ.
ⲁⲩⲱ ⲛ̅ ⲕⲉϩⲁⲉⲉⲩ ⲛ̅ ⲥⲉⲛⲁⲉⲩⲫⲣⲁⲛⲉ ⲁⲛ ⲉϩⲣⲁⲓ ⲉϫⲱϥ. Ⲡⲉⲓⲕⲉ
ⲟⲩⲡⲉⲧϣⲟⲩⲉⲓⲧ ⲡⲉ. ⲁⲩⲱ ⲟⲩⲟⲩⲱϣ ⲡⲉ ⲙ̅ ⲡⲛⲁ . ϯϩⲧⲏⲕ ⲉⲧⲉⲕⲟⲩⲉⲣⲏⲧⲉ
ⲉⲕⲛⲁⲃⲱⲕ ⲉϩⲟⲩⲛ ⲉⲡⲏⲓ ⲙ̅ ⲡⲛⲟⲩⲧⲉ ⲁⲩⲱ ⲛⲅ̅ ϩⲛ̅ ⲧⲕ̅ ⲉϩⲟⲩⲛ ⲉⲥⲱⲧⲙ̅ . ϫⲉ
ⲧⲉⲕⲑⲏⲥⲓⲁ ⲥⲟⲧⲡ ⲉϩⲟⲩⲉⲡⲉⲧⲟⲩⲛⲁⲧⲁⲁϥ ⲛ̅ ϭⲓⲛ̅ ⲁⲑⲏⲧ. ϫⲉ ⲛ̅ ⲥⲉⲥⲟⲟⲩⲛ ⲁⲛ
ⲉⲉⲓⲣⲉ ⲙ̅ ⲡⲡⲉⲧⲛⲁⲛⲟⲩϥ.
Ⲉ̅ . Ⲙ̅ ⲡⲣ̅ ϥⲱϭⲉ ⲉⲃⲟⲗ ϩⲛ̅ ⲧⲉⲕⲧⲁⲡⲣⲟ ⲁⲩⲱ ⲙ̅ ⲡⲣ̅ ⲧⲣⲉⲡⲉⲕϩⲏⲧ ϭⲉⲡⲏ
ⲉⲛⲟⲩϫⲉ ⲉⲃⲟⲗ ⲛ̅ ⲟⲩϣⲁϫⲉ ⲙ̅ ⲡⲉⲙⲧⲟ ⲉⲃⲟⲗ ⲙ̅ ⲡⲛⲟⲩⲧⲉ. ϫⲉ ⲡⲛⲟⲩⲧⲉ
ϣⲟⲟⲡ ϩⲛ̅ ⲧⲡⲉ ⲛ̅ ⲧⲟⲕ ⲇⲉ ⲕϣⲟⲟⲡ ϩⲓϫⲙ̅ ⲡⲕⲁϩ. Ⲉⲧⲃⲉⲡⲁⲓ ⲕⲁⲛ
ⲁⲛⲉⲕϣⲁϫⲉ ⲉⲩⲥⲟⲃⲕ ϫⲉ ϣⲁⲣⲉⲟⲩⲣⲁⲥⲟⲩ ϣⲱⲡⲉ ϩⲛ̅ ⲟⲩⲛⲟϭ
ⲙ̅ ⲡⲓⲣⲁⲥⲙⲟⲥ ⲁⲩⲱ ϣⲁⲣⲉⲡⲉϩⲣⲟⲟⲩ ⲙ̅ ⲡⲁⲑⲏⲧ ϣⲱⲡⲉ ϩⲛ̅ ⲟⲩⲁϣⲏ
ⲛ̅ ϣⲁϫⲉ . Ⲕⲁⲧⲁⲑⲉ ⲉⲧⲕ̅ ⲛⲁ ⲉⲣⲏⲧ ⲛ̅ ⲟⲩⲉⲣⲏⲧ ⲙ̅ ⲡⲛⲟⲩⲧⲉ ⲙ̅ ⲡⲣ̅ ⲱⲥⲕ̅ ⲉⲧⲁⲁϥ.
ⲙⲛ̅ ⲟⲩⲱϣ ⲅⲁⲣ ϣⲟⲟⲡ ⲛ̅ ⲛⲁⲑⲏⲧ ⲛⲉⲧⲉⲕⲛⲁⲉⲣⲏⲧ ϭⲉ ⲙ̅ ⲙⲟⲟⲩ ⲧⲁⲁⲩ.
Ⲟⲩⲁⲅⲁⲑⲟⲛ ⲡⲉ ⲉⲧⲙ̅ ⲧⲣⲉⲕⲉⲣⲏⲧ ⲉϩⲟⲩⲉⲉⲣⲟⲥ ⲛⲅ̅ ⲉⲣⲏⲧ ⲛⲅ̅ ⲧⲙ̅ ⲧⲁⲁⲩ.
Ⲙ̅ ⲡⲣ̅ ϯⲧⲉⲕⲧⲁⲡⲣⲟ ϭⲉ ⲉⲧⲣⲉⲧⲉⲕⲥⲁⲣⲝ̅ ⲣ̅ ⲛⲟⲃⲉ ⲁⲩⲱ ⲙ̅ ⲡⲣ̅ ϫⲟⲟⲥ ⲙ̅ ⲡⲙ̅ ⲧⲟ
ⲉⲃⲟⲗ ⲙ̅ ⲡⲛⲟⲩⲧⲉ. ϫⲉ ⲟⲩⲙⲛ̅ ⲧⲁⲧⲥⲟⲟⲩⲛ̅ ⲧⲉⲧϣⲟⲟⲡ ϫⲉ ⲛ̅ ⲛⲉⲡⲛⲟⲩⲧⲉ
ϭⲱⲛⲧ̅ ⲉⲡⲉⲕϩⲣⲟⲟⲩ ⲛϥ̅ⲧⲁⲕⲟ ⲛ̅ ⲛⲉϩⲃⲏⲩⲉ ⲛ̅ ⲛⲉⲕϭⲓϫ. ϫⲉ ϩⲛ̅ ⲟⲩⲁϣⲏ
ⲛ̅ ⲣⲁⲥⲟⲩ ⲙⲛ̅ ϩⲉⲛⲡⲉⲧϣⲟⲩⲉⲓⲧ ⲙⲛ̅ ϩⲉⲛⲙⲏⲏϣⲉ ⲛ̅ ϣⲁϫⲉ. Ⲛ̅ ⲧⲟⲕ ⲁⲣⲓϩⲟⲧⲉ
ϩⲏⲧϥ̅ ⲙ̅ ⲡⲛⲟⲩⲧⲉ . Ⲉⲕϣⲁⲛⲛⲁⲩ ⲉⲩⲙⲛ̅ ⲧⲗⲁ ⲉⲩⲉⲓⲣⲉ ⲙ̅ ⲙⲟⲥ ⲛ̅ ⲟⲩϩⲏⲕⲉ
ϩⲛ̅ ⲟⲩⲭⲱⲣⲁ ⲁⲩⲱ ⲟⲩⲕⲣⲓⲙⲁ ⲉⲩϩⲁⲣⲡⲁⲍⲉ ⲙ̅ ⲙⲟϥ ⲙⲛ̅ ⲟⲩⲇⲓⲕⲁⲓⲟⲥⲩⲛⲏ
ⲙ̅ ⲡⲣ̅ ⲣϣⲡⲏⲣⲉ ⲉϩⲣⲁⲓ ⲉϫⲙ̅ ⲡϩⲱⲃ . Ϩⲁⲣⲉϩ ⲉⲣⲟⲕ ⲉⲕϫⲟⲥⲉ ϩⲛ̅ ϩⲱⲃ ⲛⲓⲙ
ⲛⲅ̅ ⲕⲁⲁⲕ ⲉⲕϫⲟⲥⲉ ⲉⲣⲟⲟⲩ ϩⲛ̅ ⲟⲩϩⲟⲩⲟ ϩⲓϫⲙ̅ ⲡⲕⲁϩ . Ⲡⲣ̅ ⲣⲟ ⲛ̅ ⲧⲥⲱϣⲉ
ⲉⲛⲧⲁⲩⲣ̅ ϩⲱⲃ ⲉⲣⲟⲥ ϥϩⲓϫⲛ̅ ⲟⲩⲟⲛ ⲛⲓⲙ. Ϣⲱⲡⲉ ϭⲉ ⲉⲕⲟ ⲙ̅ ⲡⲓⲥⲧⲟⲥ
ϩⲛ̅ ϩⲱⲃ ⲛⲓⲙ . Ⲡⲉⲛⲧⲁⲩϩⲩⲡⲁⲣⲍⲉ ⲛ̅ ⲧⲟⲟⲧϥ̅ ⲡϩⲱⲃ ϩⲁⲣϣ ⲛ̅ ⲛⲁϩⲣⲁϥ .

7. Ⲡⲉⲧⲙⲉ ⲙ̅ ⲫⲁⲧ ⲛϥ̅ⲛⲁⲥⲉⲓ ⲁⲛ ⲙ̅ ⲫⲁⲧ ⲁⲩⲱ ⲛⲓⲙ ⲡⲉ ⲛ̅ ⲧⲁϥϩⲱ ⲉⲣⲟϥ
ϩⲙ̅ ⲡⲁϣⲁⲓ ⲛ̅ ⲛⲉϥⲅⲉⲛⲏⲙⲁ ⲡⲉⲓⲕⲉ ⲟⲩⲡⲉⲧϣⲟⲩⲉⲓⲧ ⲡⲉ ϩⲙ̅ ⲡⲁϣⲁⲓ
ⲙ̅ ⲡⲟⲩⲛⲟϥ. Ⲁⲩⲁϣⲁⲓ ⲛ̅ ϭⲓⲛⲉⲧⲟⲩⲱⲙ ⲙ̅ ⲙⲟϥ . ⲁⲩⲱ ⲟⲩ ⲧⲉ
ⲧⲙⲛ̅ ⲧϫⲱⲱⲣⲉ ⲉⲧϣⲟⲟⲡ ⲉⲃⲟⲗ ⲙ̅ ⲙⲟϥ . ϫⲉ ⲧⲁⲣⲭⲏ ⲙ̅ ⲡⲉⲓⲱⲣϩ ⲡⲉ ⲡⲃⲁⲗ .
Ⲡϩⲓⲛⲏⲃ ϩⲟⲗϭ ⲛ̅ ⲧⲟⲟⲧϥ̅ ⲙ̅ ⲡϩⲙ̅ ϩⲁⲗ. ⲕⲁⲛ ⲟⲩⲕⲟⲩⲓ ⲡⲉⲧϥ̅ⲛⲁⲟⲩⲟⲙϥ̅ ⲕⲁⲛ
ⲟⲩⲛⲟϭ ⲡⲉ . ⲁⲩⲱ ⲡⲉⲛⲧⲁϥⲥⲉⲓ ϩⲱⲱϥ ⲙ̅ ⲙⲛ̅ ⲧⲣⲙ̅ ⲙⲁⲟ ⲙⲛ̅ ⲡⲉⲧⲕⲱ ⲙ̅ ⲙⲟϥ
ⲉⲧⲣⲉϥⲱⲃϣ̅ ⲟⲩⲛ . Ⲟⲩϣⲱⲛⲉ ⲉⲁⲓⲛⲁⲩ ⲉⲣⲟϥ ϩⲁⲣⲟϥ ⲙ̅ ⲡⲣⲏ
ⲟⲩⲙⲛ̅ ⲧⲣⲙ̅ ⲙⲁⲟ ⲉⲩⲣⲟⲉⲓⲥ ⲉⲣⲟⲥ ⲙ̅ ⲡⲉⲧⲛ̅ ϩⲏⲧⲥ̅ ⲉⲩⲕⲁⲕⲓⲁ ⲛⲁϥ . Ⲁⲩⲱ
ⲧⲙⲛ̅ ⲧⲣⲙ̅ ⲙⲁⲟ ⲥⲛⲁⲧⲁⲕⲟ ϩⲛ̅ ⲟⲩⲡⲉⲣⲓⲥⲡⲁⲥⲙⲟⲥ ⲙ̅ ⲡⲟⲛⲏⲣⲟⲛ
ⲁϥϫⲡⲉⲟⲩϣⲏⲣⲉ . ⲁⲩⲱ ⲙⲛ̅ ⲗⲁⲁⲩ ϩⲛ̅ ⲧⲉϥϭⲓϫ. Ⲁⲩⲱ ⲕⲁⲧⲁⲑⲉ ⲉⲛⲧⲁϥⲉⲓ
ⲉⲃⲟⲗ ϩⲛ̅ ϩⲏⲧⲥ̅ ⲛ̅ ⲧⲉϥⲙⲁⲁⲩ ⲉϥⲕⲏⲕⲁϩⲏⲩ ⲉϥⲛⲁⲕⲧⲟϥ ⲟⲛ ⲉⲧⲣⲉϥⲃⲱⲕ
ⲛ̅ ⲑⲉ ⲛ̅ ⲧⲁϥⲉⲓ ⲙ̅ ⲙⲟⲥ . Ⲁⲩⲱ ⲛϥ̅ⲛⲁϫⲓⲗⲁⲁⲩ ⲁⲛ ⲛⲙ̅ ⲙⲁϥ ϩⲙ̅ ⲡⲉϥϩⲓⲥⲉ ϫⲉ
ⲉϥⲉⲙⲟⲟϣⲉ ⲉⲟⲩ ⲙ̅ ⲡⲉⲧⲛ̅ ⲧⲟⲟⲧϥ̅. Ⲡⲁⲓ ϭⲉ ⲟⲩϣⲱⲛⲉ ⲡⲉ ⲙ̅ ⲡⲟⲛⲏⲣⲟⲛ
ⲛ̅ ⲑⲉ ⲅⲁⲣ ⲛ̅ ⲧⲁϥⲉⲓ ⲉϥⲛⲁⲃⲱⲕ ⲟⲛ ϩⲓⲛⲁⲓ ⲁⲩⲱ ⲟⲩ ⲡⲉ ⲡⲉϩⲟⲩⲟ
ⲉⲛⲧⲁϥϣⲱⲡⲉ ⲛⲁϥⲑ ϫⲉ ⲛ̅ ⲧⲁϥϩⲁⲥⲧϥ ⲉⲡⲧⲏⲩ ⲁⲩⲱ ⲛⲉϥϩⲟⲟⲩ ⲧⲏⲣⲟⲩ
ⲉⲩϣⲟⲟⲡ ϩⲛ̅ ⲟⲩⲕⲁⲕⲉ ⲙⲛ̅ ⲟⲩϩⲏⲃⲉ ⲁⲩⲱ ϩⲛ̅ ⲟⲩⲛⲟϭ ⲛ̅ ϭⲱⲛⲧ
ⲙⲛ̅ ⲟⲩϣⲱⲛⲉ ⲙⲛ̅ ⲛⲟⲩⲭⲟⲗⲏ. Ⲉⲓⲥ ⲡⲡⲉⲧⲛⲁⲛⲟⲩϥ ⲛ̅ ⲧⲁⲓⲛⲁⲩ ⲉⲣⲟϥ ⲁⲛⲟⲕ
ⲉⲩⲁⲅⲁⲑⲟⲛ ⲡⲉ ⲉⲟⲩⲱⲙ ⲁⲩⲱ ⲉⲥⲱ ⲁⲩⲱ ⲉⲛⲁⲩ ⲉⲩⲟⲩⲛⲟϥ ϩⲙ̅ ⲡⲉϥϩⲓⲥⲉ
ⲧⲏⲣϥ̅ ⲉⲧⲉϥⲛⲁϩⲁⲥⲧϥ̅ ϩⲁⲣⲟϥ ⲙ̅ ⲡⲣⲏ ⲙ̅ ⲡⲁⲣⲓⲑⲙⲟⲥ ⲛ̅ ⲛⲉϩⲟⲟⲩ
ⲙ̅ ⲡⲉϥⲱⲛϩ̅. ⲛⲁⲓ ⲛ̅ ⲧⲁⲡⲛⲟⲩⲧⲉ ⲧⲁⲁⲩ ⲛⲁϥ. ϫⲉ ⲧⲁⲓ ⲧⲉ ⲧⲉϥⲙⲉⲣⲓⲥ. Ϫⲉ
ⲣⲱⲙⲉ ⲛⲓⲙ ⲛ̅ ⲧⲁⲡⲛⲟⲩⲧⲉ ϯ ⲛⲁϥ ⲛ̅ ⲟⲩⲙⲛ̅ ⲧⲣⲙ̅ ⲙⲁⲟ ⲙⲛ̅ ϩⲉⲛϩⲩⲡⲁⲣⲭⲟⲛⲧⲁ
ⲁⲩⲱ ⲟⲩⲉⲝⲟⲩⲥⲓⲁ ⲛ̅ ϩⲏⲧⲥ̅ ⲉⲧⲣⲉϥⲟⲩⲱⲙ ⲉⲃⲟⲗ ⲛ̅ ϩⲏⲧⲥ̅ . ⲁⲩⲱ ⲉⲧⲣⲉϥϫⲓ
ⲙ̅ ⲡⲉϥⲙⲉⲣⲟⲥ ⲁⲩⲱ ⲉⲧⲣⲉϥⲉⲩⲫⲣⲁⲛⲉ ϩⲙ̅ ⲡⲉϥϩⲓⲥⲉ. ⲡⲁⲓ ⲟⲩϯ ⲛ̅ ⲧⲉⲡⲛⲟⲩⲧⲉ
ⲡⲉ ϫⲉ ϥⲛⲁⲣ̅ ⲡⲙⲉⲉⲩⲉ ⲟⲛ ⲛ̅ ϩⲁϩ ϩⲛ̅ ⲛⲉϩⲟⲟⲩ ⲙ̅ ⲡⲉϥⲱⲛϩ ϫⲉ ⲡⲛⲟⲩⲧⲉ
ⲡⲉⲣⲓⲥⲡⲁ ⲙ̅ ⲙⲟϥ ϩⲙ̅ ⲡⲟⲩⲛⲟϥ ⲙ̅ ⲡⲉϥϩⲏⲧ.
Ⲋ. Ⲟⲩⲛ̅ ⲟⲩⲡⲟⲛⲏⲣⲓⲁ ⲉⲁⲓⲛⲁⲩ ⲉⲣⲟⲥ ϩⲁⲣⲟϥ ⲙ̅ ⲡⲣⲏ ⲁⲩⲱ ⲛⲁϣⲱⲥ
ϩⲁⲣⲟⲥ ⲛ̅ ⲧⲡⲉ ⲉⲧⲉ ⲧⲁⲓ ⲧⲉ . Ⲟⲩⲣⲱⲙⲉ ⲉⲣⲉⲡⲛⲟⲩⲧⲉ ⲛⲁϯ ⲛⲁϥ
ⲛ̅ ⲟⲩⲙⲛ̅ ⲧⲣⲙ̅ ⲙⲁⲟ ⲙⲛ̅ ϩⲉⲛϩⲩⲡⲁⲣⲭⲟⲛⲧⲁ . ⲙⲛ̅ ⲟⲩⲉⲟⲟⲩ ⲉⲛϥ̅ϣⲁⲁⲧ ⲁⲛ
ⲛ̅ ⲗⲁⲁⲩ ϩⲛ̅ ⲧⲉϥⲯⲩⲭⲏ ϩⲛ̅ ⲛⲉⲧϥ̅ⲛⲁⲉⲡⲓⲑⲩⲙⲉⲓ ⲉⲣⲟⲟⲩ ⲧⲏⲣⲟⲩ ⲁⲩⲱ
ⲛ̅ ⲧⲉⲧⲙ̅ ⲡⲛⲟⲩⲧⲉ ϯⲉⲝⲟⲩⲥⲓⲁ ⲛⲁϥ ⲉⲧⲣⲉϥⲟⲩⲱⲙ ⲉⲃⲟⲗ ⲛ̅ ϩⲏⲧⲥ̅ . ϫⲉ
ⲟⲩϣⲙ̅ ⲙⲟ ⲛ̅ ⲣⲱⲙⲉ ⲡⲉⲧⲛⲁⲟⲩⲟⲙⲥ̅ . ⲡⲁⲓ ⲟⲩⲡⲉⲧϣⲟⲩⲉⲓⲧ ⲡⲉ . ⲁⲩⲱ
ⲟⲩϣⲱⲛⲉ ⲡⲉ ⲙ̅ ⲡⲟⲛⲏⲣⲟⲛ. Ⲉⲣϣⲁⲛⲡⲣⲱⲙⲉ ϫⲡⲉϣⲉ ⲛ̅ ϣⲏⲣⲉ ⲁⲩⲱ
ⲛϥ̅ⲱⲛϩ̅ ⲛ̅ ⲟⲩⲁϣⲏ ⲛ̅ ⲣⲟⲙⲡⲉ ⲛ̅ ⲧⲉⲛⲉϩⲟⲟⲩ ⲛ̅ ⲛⲉϥⲣⲙ̅ ⲡⲟⲟⲩⲉ ⲁϣⲁⲓ. ⲁⲩⲱ
ⲧⲉϥⲯⲩⲭⲏ ⲛⲥ̅ ⲛⲁⲥⲉⲓ ⲁⲛ ⲉⲃⲟⲗ ϩⲙ̅ ⲡⲟⲩⲛⲟϥ . ⲁⲩⲱ ⲙ̅ ⲡⲉⲕⲁⲓⲥⲉ ⲟⲛ
ϣⲱⲡⲉ ⲛⲁϥ . ⲁⲓϫⲟⲟⲥ ϫⲉ. ⲛⲁⲛⲟⲩⲛ̅ ϩⲟⲩϩⲉ ⲉⲣⲟϥ ϫⲉ ⲡⲉⲛⲧⲁϥⲧⲙ̅ ϣⲱⲡⲉ.
Ⲛ̅ ⲛⲧⲁϥⲉⲓ ϩⲛ̅ ⲟⲩⲡⲉⲧϣⲟⲩⲉⲓⲧ ⲉϥⲛⲁⲃⲱⲕ ⲟⲛ ϩⲛ̅ ⲟⲩⲕⲁⲕⲉ . ⲁⲩⲱ
ⲉⲣⲉⲡⲉϥⲣⲁⲛ ⲛⲁϩⲱⲃⲥ̅ ϩⲙ̅ ⲡⲕⲁϩ. Ⲁⲩⲱ ⲙ̅ ⲡϥ̅ⲛⲁⲩ ⲉⲡⲣⲏ . ⲙ̅ ⲡϥ̅ⲉⲓⲙⲉ ⲟⲛ
ⲉⲙⲟⲧⲛⲉⲥ. Ⲡⲁⲓ ϭⲉ ⲥⲟⲧⲡ ⲉⲡⲁⲓ. Ⲕⲁⲛ ⲉϣⲱⲡⲉ ⲁⲩⲱⲛϩ̅ ⲛ̅ ϣⲟ ⲛ̅ ⲣⲟⲙⲡⲉ

8. ϩⲛ̅ ⲛⲉϩⲓⲟⲟⲩⲉ ⲁⲩⲱ ⲙ̅ ⲡⲛ̅ ⲁⲩ ⲉⲟⲩⲛⲟϥ . Ⲙⲏ ⲉⲣⲉⲛ̅ ⲕⲁ ϭⲉ ⲛⲓⲙ ⲛⲁⲃⲱⲕ
ⲁⲛ ⲉϩⲣⲁⲓ ⲉⲩⲙⲁ ⲛ̅ ⲟⲩⲱⲧ . Ⲡϩⲓⲥⲉ ⲧⲏⲣϥ̅ ⲙ̅ ⲡⲣⲱⲙⲉ ⲉϥⲃⲏⲕ ⲉϩⲟⲩⲛ
ⲉⲧⲉϥⲧⲁⲡⲣⲟ . ⲁⲩⲱ ⲧⲉϥⲯⲩⲭⲏ ⲛⲁⲙⲟⲩϩ ⲁⲛ ϫⲉ ⲟⲩⲛ̅ ⲟⲩϩⲟⲩⲟ ϣⲟⲟⲡ
ⲙ̅ ⲡⲥⲟⲫⲟⲥ ⲉϩⲟⲩⲉⲡⲁⲑⲏⲧ . Ϫⲉ ⲡϩⲏⲕⲉ ⲥⲟⲟⲩⲛ ⲉⲧⲣⲉϥⲙⲟⲟϣⲉ ⲙ̅ ⲡⲉⲙⲧⲟ
ⲉⲃⲟⲗ ⲙ̅ ⲡⲱⲛϩ . Ⲟⲩⲁⲅⲁⲑⲟⲥ ⲡⲉ ⲡⲛⲁⲩ ⲛ̅ ⲛ̅ ⲃⲁⲗ ⲉϩⲟⲩⲉⲡⲉⲧⲙⲟⲟϣⲉ
ⲙⲛ̅ ⲧⲉϥⲯⲩⲭⲏ . ⲁⲩⲱ ⲡⲁⲓ ⲟⲩⲡⲉⲧϣⲟⲩⲉⲓⲧ ⲡⲉ ⲁⲩⲱ ⲟⲩⲱϣ ⲡⲉ ⲙ̅ ⲡⲛⲁ.
Ⲡⲉⲛⲧⲁϥϣⲱⲡⲉ ⲏⲇⲏ ⲁⲩϯⲣⲁⲛ ⲉⲣⲟϥ . ⲟⲩⲟϩ ⲁⲩⲉⲓⲙⲉ ⲉⲣⲟϥ ϫⲉ
ⲟⲩⲣⲱⲙⲉ ⲡⲉ. Ⲁⲩⲱ ⲛϥ̅ⲛⲁϫⲓϩⲁⲡ ⲁⲛ ⲙⲛ̅ ⲡϫⲱⲱⲣⲉ ⲉⲣⲟϥ. Ϫⲉ
ⲟⲩⲛ̅ ϩⲉⲛϣⲁϫⲉ ⲉⲩⲧⲁϣⲟ ⲛ̅ ϩⲉⲛⲡⲉⲧϣⲟⲩⲉⲓⲧ.
Ⲍ̅ . Ⲟⲩ ⲡⲉ ⲡⲉϩⲟⲩⲟ ⲙ̅ ⲡⲣⲱⲙⲉ. ⲁⲩⲱ ⲛⲓⲙ ⲡⲉⲧⲥⲟⲟⲩⲛ. ϫⲉ ⲟⲩ ⲡⲉ
ⲡⲁⲅⲁⲑⲟⲛ ⲙ̅ ⲡⲣⲱⲙⲉ ϩⲙ̅ ⲡⲉϥⲱⲛϩ̅ ⲏ ⲧⲏⲡⲉ ⲛ̅ ⲛⲉϩⲟⲟⲩ ⲙ̅ ⲡⲱⲛϩ
ⲛ̅ ⲧⲉϥⲙⲛ̅ ⲧⲡⲉⲧϣⲟⲩⲉⲓⲧ. ⲁⲩⲱ ⲉⲁϥⲁⲁⲩ ϩⲛ̅ ⲟⲩϩⲁⲓⲃⲉⲥ. ϫⲉ ⲛⲓⲙ
ⲡⲉⲧⲛⲁⲧⲁⲙⲉⲡⲣⲱⲙⲉ. ϫⲉ ⲟⲩ ⲡⲉⲧⲛⲁϣⲱⲡⲉ ⲙⲛ̅ ⲛ̅ ⲥⲱϥ ϩⲁⲣⲟϥ ⲙ̅ ⲡⲣⲏ .
Ⲟⲩⲁⲅⲁⲑⲟⲛ ⲡⲉ ⲟⲩⲣⲁⲛ ⲉϩⲟⲩⲉⲟⲩⲛⲉϩ ⲏ ⲟⲩⲛⲁ ⲛ̅ ⲁⲅⲁⲑⲟⲛ ⲁⲩⲱ
ⲟⲩⲁⲅⲁⲑⲟⲛ ⲡⲉ ⲡϩⲟⲟⲩ ⲙ̅ ⲡⲙⲟⲩ ⲉϩⲟⲩⲉⲡⲉϩⲟⲟⲩ ⲙ̅ ⲡⲙⲓⲥⲉ. Ⲟⲩⲁⲅⲁⲑⲟⲛ
ⲡⲉ ⲃⲱⲕ ⲉϩⲟⲩⲛ ⲉⲡⲏⲓ ⲙ̅ ⲡϩⲏⲃⲉ ⲉϩⲟⲩⲉⲃⲱⲕ ⲉϩⲟⲩⲛ ⲉⲡⲏⲓ ⲙ̅ ⲡⲥⲱ .
ⲉⲃⲟⲗϫⲉ ⲧⲁⲓ ⲧⲉ ⲑⲁⲏ ⲛ̅ ⲣⲱⲙⲉ ⲛⲓⲙ. ⲁⲩⲱ ⲡⲉⲧⲟⲛϩ ϥⲛⲁϯ ⲛ̅ ⲟⲩⲁⲅⲁⲑⲟⲛ
ⲉϩⲣⲁⲓ ⲉⲡⲉϥϩⲏⲧ. Ⲟⲩⲁⲅⲁⲑⲟⲛ ⲡⲉ ⲡϭⲱⲛⲧ ⲉϩⲟⲩⲉⲡⲥⲱⲃⲉ . ϫⲉ
ϥⲛⲁϯⲟⲩⲛⲟϥ ⲛⲁϥ ϩⲙ̅ ⲡϩⲏⲧ ⲙ̅ ⲡⲉϥϩⲟ. Ⲡϩⲏⲧ ⲛ̅ ⲥⲁⲃⲉⲉⲩ ⲉϥϩⲙ̅ ⲙⲡⲏⲓ
ⲙ̅ ⲫⲏⲃⲉ. ⲡϩⲏⲧ ϩⲱⲱϥ ⲛ̅ ⲛ̅ ⲁⲑⲏⲧ ⲉϥϩⲙ̅ ⲡⲏⲓ ⲙ̅ ⲡⲟⲩⲛⲟϥ. Ⲟⲩⲁⲅⲁⲑⲟⲛ ⲡⲉ
ⲥⲱⲧⲙ̅ ⲉⲡⲉϫⲡⲓⲟ ⲙ̅ ⲡⲥⲁⲃⲉ ⲉϩⲟⲩⲉⲟⲩⲣⲱⲙⲉ ⲉϥⲥⲱⲧⲙ̅ ⲉⲡϫⲱ ⲛ̅ ⲛ̅ ⲁⲑⲏⲧ
ⲛ̅ ⲑⲉ ⲙ̅ ⲡⲉϩⲣⲟⲟⲩ ⲛ̅ ϩⲉⲛϣⲟⲛⲧⲉ ⲉⲩⲙⲟⲩϩ ϩⲁⲡⲉⲭⲁⲗⲕⲓⲟⲛ . ⲧⲁⲓ ⲧⲉ ⲑⲉ
ⲙ̅ ⲡⲥⲱⲃⲉ ⲛ̅ ⲛ̅ ⲁⲑⲏⲧ . Ⲡⲉⲓⲕⲉ ⲟⲛ ⲟⲩⲡⲉⲧϣⲟⲩⲉⲓⲧ ⲡⲉ . Ϫⲉ ⲧⲙⲛ̅ ⲧⲗⲁ
ⲥⲛⲁⲕⲱⲧⲉ ⲉⲡⲥⲁⲃⲉ ⲁⲩⲱ ⲥⲛⲁⲧⲁⲕⲟ ⲙ̅ ⲡϩⲏⲧ ⲛ̅ ⲧⲉϥⲙⲛ̅ ⲧⲉⲩⲅⲉⲛⲏⲥ .
Ⲛⲁⲛⲟⲩⲑⲁⲏ ⲛ̅ ⲛ̅ ϣⲁϫⲉ ⲉϩⲟⲩⲉⲧⲉⲩⲁⲣⲭⲏ. Ⲟⲩⲁⲅⲁⲑⲟⲛ ⲡⲉ ⲟⲩϩⲁⲣϣϩⲏⲧ
ⲉϩⲟⲩⲉⲟⲩⲡ̅ ⲛ̅ ⲁ̅ ⲉϥϫⲟⲥⲉ. Ⲙ̅ ⲡⲣ̅ ϭⲉⲡⲏ ⲉϭⲱⲛⲧ ϩⲙ̅ ⲡⲉⲕⲛⲁ ϫⲉ ⲡϭⲱⲛⲧ
ⲛⲁⲙ̅ ⲧⲟⲛ ⲙ̅ ⲙⲟϥ ϩⲛ̅ ⲟⲩⲕⲟⲩⲛⲟⲩ ⲛ̅ ⲛ̅ ⲁⲑⲏⲧ. Ⲙ̅ ⲡⲣ̅ ϫⲟⲥ . ϫⲉ ⲉⲧⲃⲉⲟⲩ
ⲁⲓϣⲱⲡⲉ ϫⲉ ⲛⲉϩⲟⲟⲩ ⲛ̅ ϣⲟⲣⲡ ⲛⲁⲛⲟⲩ ⲉⲛⲁⲓ ϫⲉ ⲛ̅ ⲧⲁⲕϣⲓⲛⲉ ⲁⲛ .
Ⲉⲧⲃⲉⲡⲁⲓ ϩⲛ̅ ⲟⲩⲥⲟϥⲓⲁ ⲟⲩⲁⲅⲁⲑⲟⲛ ⲧⲉ ⲧⲥⲟⲫⲓⲁ ⲙⲛ̅ ⲟⲩⲕⲗⲏⲣⲟⲛⲟⲙⲉⲓⲁ .
ⲁⲩⲱ ⲟⲩⲛ̅ ⲟⲩϩⲟⲩⲟ ϣⲟⲟⲡ ⲛ̅ ⲛⲉⲧⲛⲁⲩ ⲉⲡⲣⲏ. Ϫⲉ ⲧⲥⲟⲫⲓⲁ ⲉⲥϣⲟⲟⲡ
ϩⲛ̅ ⲧⲉⲥϩⲁⲓⲃⲉⲥ ⲉⲥⲟ ⲛ̅ ⲑⲉ ⲛ̅ ⲟⲩϩⲁⲓⲃⲉⲥ ⲛ̅ ϩⲁⲧ ⲁⲩⲱ ⲟⲩⲛ̅ ϩⲟⲩⲟ ϣⲟⲟⲡ
ⲛ̅ ϩⲉⲛⲅⲛⲟⲥⲓⲥ ⲛ̅ ⲧⲥⲟⲫⲓⲁ ⲉⲥⲛⲁⲧⲁⲛϩⲟ ⲙ̅ ⲡⲉⲧⲏⲡ ⲉⲣⲟⲥ. Ⲁⲓⲛⲁⲩ ⲉⲛ̅ ⲧⲁⲙⲓⲟ
ⲙ̅ ⲡⲛⲟⲩⲧⲉ. ϫⲉ ⲛⲓⲙ ⲡⲉⲧⲛⲁⲉϣϭⲙ̅ ϭⲟⲙ ⲉⲕⲟⲥⲙⲉⲓ ⲙ̅ ⲡⲉⲧⲉⲣⲉⲡⲛⲟⲩⲧⲉ
ⲛⲁⲡⲟⲛϥ̅ ϩⲙ̅ ⲡⲉϩⲟⲟⲩ ⲙ̅ ⲡⲟⲩⲛⲟϥ. Ϣⲓⲛⲉ ϩⲛ̅ ⲟⲩⲁⲅⲁⲑⲟⲛ ⲁⲩⲱ ⲛⲅ̅ ⲛⲁⲩ
ⲉⲡⲉϩⲟⲟⲩ ⲛ̅ ⲧⲕⲁⲕⲓⲁ . ⲁⲩⲱ ⲛⲅ̅ ϯϩⲧⲏⲕ ⲟⲛ ⲉⲡⲁⲓ ϩⲛ̅ ⲟⲩϣⲱⲛϥ . Ⲡⲁⲓ
ⲁⲡⲛⲟⲩⲧⲉ ⲧⲁⲙⲓⲟϥ ⲉⲧⲃⲉⲟⲩϭⲓⲛϣⲁϫⲉ ϫⲉⲕⲁⲥ ⲛ̅ ⲛⲉⲡⲣⲱⲙⲉ ϩⲉ ⲉⲗⲁⲁⲩ
ⲙⲛ̅ ⲛ̅ ⲥⲱϥ . Ϩⲱⲃ ⲛⲓⲙ ⲁⲓⲛⲁⲩ ⲉⲣⲟⲟⲩ ϩⲛ̅ ⲛⲉϩⲟⲟⲩ ⲛ̅ ⲧⲁⲙⲛ̅ ⲧⲡⲉⲧϣⲟⲩⲉⲓⲧ .
Ⲟⲩⲛ̅ ⲇⲓⲕⲁⲓⲟⲥ ⲉϣⲁⲁϥⲙⲟⲩ ϩⲛ̅ ⲧⲉϥⲙⲛ̅ ⲧⲙⲉ . ⲁⲩⲱ ⲟⲩⲛ̅ ⲁⲥⲉⲃⲏⲥ ⲉϥⲙⲏⲛ

9. ⲉⲃⲟⲗ ϩⲛ̅ ⲧⲉϥⲕⲁⲕⲓⲁ. Ⲙ̅ ⲡⲣ̅ ϣⲱⲡⲉ ⲉⲕⲟ ⲛ̅ ⲇⲓⲕⲁⲓⲟⲥ ⲉⲡⲉϩⲟⲩⲟ . ⲁⲩⲱ
ⲙ̅ ⲡⲣ̅ ⲕⲁⲁⲕ ⲛ̅ ⲣⲙ̅ ϯⲥⲃⲱ ⲉⲡⲉϩⲟⲩⲟ ⲙⲏⲡⲱⲥ ⲛⲅ̅ ⲡⲱϣⲥ̅ ⲉⲃⲟⲗ.
Ⲙ̅ ⲡⲣ̅ ⲁⲥⲉⲃⲏⲥ ⲟⲛ ⲉⲡⲉϩⲟⲩⲟ . ⲁⲩⲱ ⲙ̅ ⲡⲣ̅ ϣⲱⲡⲉ ⲉⲕⲛⲁϣⲧ ϫⲉ ⲛ̅ ⲛⲉⲕⲙⲟⲩ
ⲡⲃⲟⲗ ⲙ̅ ⲡⲉⲕⲟⲉⲓϣ. Ⲟⲩⲁⲅⲁⲑⲟⲛ ⲡⲉ ⲉⲧⲣⲉⲕϭⲟⲗϫⲕ̅ ϩⲙ̅ ⲡⲁⲓ ⲁⲩⲱ
ⲙ̅ ⲡϫ̅ⲱϩⲙ̅ ⲛ̅ ⲧⲉⲕϭⲓϫ ⲉⲃⲟⲗ ϩⲙ̅ ⲡⲁⲓ ϫⲉ ⲛⲉⲧⲣ̅ ϩⲟⲧⲉ ϩⲏⲧϥ̅ ⲙ̅ ⲡⲛⲟⲩⲧⲉ
ⲟⲩⲛ̅ ϩⲱⲃ ⲛⲓⲙ ⲛⲁϣⲱⲡⲉ ⲛⲁⲩ. Ⲧⲥⲟⲫⲓⲁ ⲛⲁⲃⲟⲏⲑⲓ ⲉⲡⲥⲟⲫⲟⲥ
ⲉϩⲟⲩⲉⲉⲙⲏⲧ ⲉⲩⲟ ⲛ̅ ⲉⲝⲟⲩⲥⲓⲁ ⲉⲩϣⲟⲟⲡ ϩⲛ̅ ⲧⲡⲟⲗⲓⲥ. ϫⲉ ⲙⲛ̅ ⲣⲱⲙⲉ
ⲛ̅ ⲇⲓⲕⲁⲓⲟⲥ ϩⲓϫⲙ̅ ⲡⲕⲁϩ ⲉϥⲛⲁⲉⲓⲣⲉ ⲛ̅ ⲟⲩⲁⲅⲁⲑⲟⲛ ⲛϥ̅ⲧⲙ̅ ⲣ̅ ⲛⲟⲃⲉ. ⲁⲩⲱ
ⲛ̅ ϣⲁϫⲉ ⲧⲏⲣⲟⲩ ⲉⲧⲉⲣⲉⲡⲁⲥⲉⲃⲏⲥ ⲛⲁϫⲟⲟⲩ ⲙ̅ ⲡⲣⲏϯ ⲙ̅ ⲡⲉⲕϩⲏⲧ ⲉⲣⲟⲟⲩ
ϫⲉⲕⲁⲥ ⲉⲛⲛⲉⲕⲥⲱⲧⲙ̅ ⲉⲡⲉⲕϩⲙ̅ ϩⲁⲗ ⲉϥⲥⲁϩⲟⲩ ⲙ̅ ⲙⲟⲕ. ϫⲉ ϥⲛⲁⲡⲟⲛⲏⲣⲉⲩⲉ
ⲉⲣⲟⲕ ⲛ̅ ϩⲁϩ ⲛ̅ ⲥⲟⲡ . Ⲁⲩⲱ ⲡⲉⲕϩⲏⲧ ϥⲛⲁⲙⲟⲕϩⲕ̅ ⲛ̅ ϩⲁϩ ⲛ̅ ⲥⲟⲡ
ϩⲛ̅ ⲛⲉⲕϩⲓⲟⲟⲩⲉ . ϫⲉ ⲛ̅ ⲧⲟⲕ ϩⲱⲕ ⲟⲛ ⲁⲕⲥⲁϩⲟⲩ ⲛ̅ ϩⲉⲛⲕⲟⲟⲩⲉ . Ⲛⲁⲓ
ⲧⲏⲣⲟⲩ ⲁⲓϫⲟⲛⲧⲟⲩ ϩⲛ̅ ⲧⲥⲟⲫⲓⲁ . ⲁⲩⲱ ⲁⲓϫⲟⲟⲥ ϫⲉ ϯⲛⲁϣⲱⲡⲉ
ⲛ̅ ϩⲟⲩⲉⲥⲟⲫⲟⲥ . Ⲁⲩⲱ ⲛ̅ ⲧⲟⲥ ⲁⲥⲟⲩⲉ ⲉⲃⲟⲗ ⲙ̅ ⲙⲟⲓ ⲉⲙⲁⲧⲉ. ⲡⲁⲣⲁⲑⲉ
ⲉⲧⲉⲥⲟ ⲙ̅ ⲙⲟⲥ ⲁⲩⲱ ⲉⲛⲁϣⲉⲡⲉⲥϣⲓⲕ. ⲛⲓⲙ ⲡⲉⲧⲛⲁϣⲧⲁϩⲟⲥ. Ⲁⲓϯⲟⲩⲟⲓ
ⲁⲛⲟⲕ ⲙⲛ̅ ⲡⲁϩⲏⲧ ⲉⲉⲓⲙⲉ ⲉⲙⲟⲩϣⲧ ⲁⲩⲱ ⲉϣⲓⲛⲉ ⲛ̅ ⲥⲁⲟⲩⲥⲟⲫⲓⲁ
ⲙⲛ̅ ⲟⲩϣⲁϫⲉ . ⲁⲩⲱ ⲉⲉⲓⲙⲉ ⲉⲧⲙⲛ̅ ⲧⲁⲧϩⲏⲧ ⲙ̅ ⲡⲁⲥⲉⲃⲏⲥ ⲙⲛ̅ ⲡϩⲓⲥⲉ
ⲙⲛ̅ ⲡϣⲉⲉⲓ ⲁⲩⲱ ⲁⲛⲟⲕ ⲁⲓϩⲉ ⲉⲣⲟⲥ ⲁⲩⲱ ⲁⲓϫⲟⲟⲥ ϫⲉ ⲥⲥⲁϣⲉ
ⲉϩⲟⲩⲉⲡⲙⲟⲩ ⲛ̅ ϭⲓⲧⲉⲥϩⲓⲙⲉ ⲧⲁⲓ ⲉⲥⲟ ⲛ̅ ϭⲟⲣϭⲥ̅ ⲁⲩⲱ ⲡⲉⲥϩⲏⲧ ⲉϥⲟ ⲛ̅ ⲑⲉ
ⲛ̅ ϩⲉⲛⲁⲃⲱ. ⲉⲣⲉⲟⲩϩⲁϭⲉ ϩⲛ̅ ⲛⲉⲥϭⲓϫ. ⲡⲁⲅⲁⲑⲟⲥ ⲉⲧⲙ̅ ⲡⲉⲙⲧⲟ ⲉⲃⲟⲗ
ⲙ̅ ⲡⲛⲟⲩⲧⲉ ⲥⲉⲛⲁⲛⲁϩⲙⲉϥ ⲉⲣⲟⲥ. ⲡⲉⲧⲣ̅ ⲛⲟⲃⲉ ϩⲱⲱϥ ⲥⲉⲛⲁϭⲟⲡϥ̅
ⲛ̅ ϩⲏⲧⲥ̅ . Ⲉⲓⲥ ⲡⲁⲓ ⲁⲓϩⲉ ⲉⲣⲟϥ . Ⲡⲉϫⲉⲡⲉⲕⲕⲗⲏⲥⲓⲁⲥⲧⲏⲥ ⲟⲩⲉⲓ ⲉϩⲉ
ⲉⲩⲗⲟⲅⲓⲥⲙⲟⲥ . ⲡⲁⲓ ⲉⲛⲧⲁⲧⲁⲯⲩⲭⲏ ϣⲓⲛⲉ ⲛ̅ ⲥⲱϥ ⲁⲩⲱ ⲙ̅ ⲡⲥϩⲉ ⲉⲣⲟϥ .
Ⲁⲩⲱ ⲟⲩⲣⲱⲙⲉ ⲛ̅ ⲟⲩⲱⲧ ⲡⲉⲛⲧⲁⲓϩⲉ ⲉⲣⲟϥ ⲉⲃⲟⲗ ϩⲛ̅ ϣⲟ Ⲁⲩⲱ ⲟⲩⲥϩⲓⲙⲉ
ⲙ̅ ⲡⲓϩⲉ ⲉⲣⲟⲥ ϩⲛ̅ ⲛⲁⲓ ⲧⲏⲣⲟⲩ. Ⲡⲃⲟⲗ ⲇⲉ ⲛ̅ ⲛⲁⲓ ⲡⲁⲓ ⲡⲉⲛⲧⲁⲓϩⲉ ⲉⲣⲟϥ ⲉⲧⲉ
ⲡⲉⲛⲧⲁⲡⲛⲟⲩⲧⲉ ⲧⲁⲙⲓⲟϥ ⲡⲉ ⲁⲓϩⲉ ⲉⲣⲟϥ ⲉϥⲥⲟⲩⲧⲱⲛ ⲁⲩⲱ ⲛ̅ ⲧⲟⲟⲩ
ⲁⲩⲕⲱⲧⲉ ⲛ̅ ⲥⲁϩⲉⲛⲗⲟⲅⲓⲥⲙⲟⲥ ⲉⲛⲁϣⲱⲟⲩ.
ⲏ̅ . Ⲛⲓⲙ ⲡⲉⲧⲥⲟⲟⲩⲛ̅ ⲛ̅ ⲛ̅ ⲥⲟⲫⲟⲥ ⲁⲩⲱ ⲛⲓⲙ ⲡⲉⲧⲥⲟⲟⲩⲛ̅ ⲙ̅ ⲡⲃⲱⲗ ⲙ̅ ⲡϣⲁϫⲉ
. Ⲧⲥⲟⲫⲓⲁ ⲙ̅ ⲡⲣⲱⲙⲉ ⲥⲛⲁⲧⲣⲉⲡⲉϥϩⲟ ⲣ̅ ⲟⲩⲟⲉⲓⲛ. ⲁⲩⲱ ⲡⲉⲧⲟ ⲛ̅ ⲛ̅ ⲁⲧϣⲓⲡⲉ
ϩⲓϩⲣⲁϥ ⲥⲉⲛⲁⲙⲉⲥⲧⲱϥ. Ⲧⲧⲁⲡⲣⲟ ⲙ̅ ⲡⲣⲱⲙⲉ ϯϩⲧⲏⲕ ⲉⲣⲟⲥ. ⲁⲩⲱ
ⲙ̅ ⲡⲣ̅ ϭⲉⲡⲏ ⲉⲧⲃⲉⲟⲩϣⲁϫⲉ. ⲣ̅ ⲁⲛⲁϣ ⲙ̅ ⲡⲛⲟⲩⲧⲉ. ⲉⲕⲛⲁⲙⲟⲟϣⲉ ⲅⲁⲣ ϩⲓϩⲏ
ⲙ̅ ⲙⲟϥ. Ⲙ̅ ⲡⲣ̅ ⲁϩⲉ ϭⲉ ⲉⲣⲁⲧⲕ̅ ϩⲛ̅ ⲟⲩϣⲁϫⲉ ⲉϥϩⲟⲟⲩ. ϫⲉ ϩⲱⲃ ⲛⲓⲙ
ⲉⲧϥ̅ⲛⲁⲟⲩⲁϣⲟⲩ ϥⲛⲁⲁⲁⲩ. ⲛ̅ ⲑⲉ ⲛ̅ ⲟⲩⲣ̅ ⲣⲟ ⲉⲩⲛ̅ ⲧϥ̅ ⲧⲉⲝⲟⲩⲥⲓⲁ ⲁⲩⲱ ⲛⲓⲙ
ⲡⲉⲧⲛⲁϫⲟⲟⲥ ⲛⲁϥ . ϫⲉ ⲟⲩ ⲡⲉⲧⲕ̅ ⲛⲁⲁⲁϥ. Ⲡⲉⲧⲛⲁϩⲁⲣⲉϩ ⲉⲧⲉⲛⲧⲟⲗⲏ
ⲛϥ̅ⲛⲁⲉⲓⲙⲉ ⲁⲛ ⲉⲩϣⲁϫⲉ ⲙ̅ ⲡⲟⲛⲏⲣⲟⲛ . ⲁⲩⲱ ⲡⲉⲟⲩⲟⲉⲓϣ ⲙ̅ ⲡϩⲁⲡ ⲡϩⲏⲧ
ⲙ̅ ⲡⲥⲟⲫⲟⲥ ⲛⲁⲉⲓⲙⲉ ⲉⲣⲟϥ. ϫⲉ ϩⲱⲃ ⲛⲓⲙ ⲟⲩⲛ̅ ⲧⲟⲩⲡⲉⲩⲟⲩⲟⲉⲓϣ ⲙ̅ ⲙⲁⲩ
ⲙⲛ̅ ⲧⲉⲩⲕⲣⲓⲥⲓⲥ. ϫⲉ ⲡⲥⲟⲟⲩⲛ̅ ⲙ̅ ⲡⲣⲱⲙⲉ ⲛⲁϣⲱϥ ⲉϩⲣⲁⲓ ⲉϫⲱϥ ϫⲉ
ⲙⲛ̅ ⲡⲉⲧⲉⲓⲙⲉ ϫⲉ ⲟⲩ ⲡⲉⲧⲛⲁϣⲱⲡⲉ . Ⲁⲩⲱ ⲕⲁⲧⲁⲑⲉ ⲉⲧϥⲛⲁϣⲱⲡⲉ ⲛⲓⲙ

10. ⲡⲉⲧⲛⲁⲧⲁⲙⲟϥ ⲙⲛ̅ ⲣⲱⲙⲉ ⲉϥⲟ ⲛ̅ ⲧⲉⲝⲟⲩⲥⲓⲁ ϩⲙ̅ ⲡⲉⲡ̅ ⲛ̅ ⲁ̅ ⲉⲧⲣⲉϥⲕⲟⲗⲩ
ⲙ̅ ⲡⲉⲡ̅ ⲛ̅ ⲁ̅ ⲁⲩⲱ ⲙⲛ̅ ⲡⲉⲧⲟ ⲛ̅ ⲉⲝⲟⲩⲥⲓⲁ ϩⲛ̅ ⲡⲉϩⲟⲟⲩ ⲙ̅ ⲡⲙⲟⲩ. Ⲁⲩⲱ ⲙⲛ̅ ⲕⲱ
ⲉⲃⲟⲗ ϩⲙ̅ ⲡⲉϩⲟⲟⲩ ⲙ̅ ⲡⲡⲟⲗⲉⲙⲟⲥ. ⲁⲩⲱ ⲧⲙⲛ̅ ⲧϣⲁϥⲧⲉ ⲛⲥ̅ ⲛⲁⲛⲟⲩϩⲙ̅ ⲁⲛ
ⲙ̅ ⲡⲉⲧⲏⲡ ⲉⲣⲟⲥ . Ⲁⲩⲱ ⲡⲁⲓ ⲧⲏⲣϥ̅ ⲁⲓⲛⲁⲩ ⲉⲣⲟϥ . ⲁⲩⲱ ⲁⲓϯ ⲙ̅ ⲡⲁϩⲏⲧ
ⲉⲡⲧⲁⲙⲓⲟ ⲧⲏⲣϥ̅. ⲛⲉⲛⲧⲁⲩⲧⲁⲙⲓⲟⲟⲩ ϩⲁⲣⲟϥ ⲙ̅ ⲡⲣⲏ ⲛⲉⲛⲧⲁⲡⲣⲱⲙⲉ
ϫⲓⲉⲝⲟⲩⲥⲓⲁ ⲛ̅ ϩⲏⲧⲟⲩ ϩⲙ̅ ⲡⲣⲱⲙⲉ ⲉⲑⲙ̅ ⲕⲟϥ. Ⲁⲩⲱ ⲧⲟⲧⲉ ⲁⲓⲛⲁⲩ
ⲉⲛⲁⲥⲉⲃⲏⲥ ⲉⲁⲩϫⲓⲧⲟⲩ ⲉϩⲟⲩⲛ ⲉⲡⲧⲁⲫⲟⲥ ⲁⲩⲱ ⲁⲩⲉⲓ ⲉⲃⲟⲗ ϩⲙ̅ ⲡⲙⲁ
ⲉⲧⲟⲩⲁⲁⲃ ⲁⲩⲧⲙⲁⲉⲓⲟⲟⲩ ϩⲛ̅ ⲧⲡⲟⲗⲓⲥ ϫⲉ ⲧⲁⲓ ⲧⲉ ⲑⲉ ⲛ̅ ⲧⲁⲩⲁⲁⲥ . Ⲡⲁⲓ ϭⲉ
ⲟⲩⲡⲉⲧϣⲟⲩⲉⲓⲧ ⲡⲉ . Ϫⲉ ⲙⲛ̅ ϣⲁϫⲉ ⲉϥⲛⲁϯ ⲉϩⲏⲧϥ̅ ⲛ̅ ⲧⲟⲟⲧⲟⲩ ⲛ̅ ⲛⲉⲧⲉⲓⲣⲉ
ⲧⲁⲭⲩ ⲙ̅ ⲡⲡⲟⲛⲏⲣⲟⲛ. ⲉⲧⲃⲉⲡⲁⲓ ⲁⲡϩⲏⲧ ⲛ̅ ⲛϣⲏⲣⲉ ⲛ̅ ⲛⲣⲱⲙⲉ ⲧⲱⲧ ⲉⲣⲟⲟⲩ
ⲉⲧⲣⲉⲩⲉⲓⲣⲉ ϩⲣⲁⲓ ⲛ̅ ϩⲏⲧⲟⲩ ⲙ̅ ⲡⲡⲟⲛⲏⲣⲟⲛ. Ⲡⲉⲛⲧⲁϥⲣ̅ ⲛⲟⲃⲉ ⲁϥⲉⲓⲣⲉ
ⲙ̅ ⲡⲡⲟⲛⲏⲣⲟⲛ ϫⲓⲛ̅ ⲛϣⲟⲣⲡ̅ ⲁⲩⲱ ϫⲓⲛⲧⲉⲩϩⲁⲏ ⲁⲩⲱ ϯⲥⲟⲟⲩⲛ ⲁⲛⲟⲕ ϫⲉ
ⲟⲩⲛ̅ ⲁⲅⲁⲑⲟⲛ ⲛⲁϣⲱⲡⲉ ⲛ̅ ⲛⲉⲧⲟ ⲛ̅ ϩⲟⲧⲉ ϩⲏⲧϥ̅ ⲙ̅ ⲡⲛⲟⲩⲧⲉ. ϫⲉⲕⲁⲥ
ⲉⲩⲉⲣϩⲟⲧⲉ ϩⲁⲧⲉϥϩⲓⲏ ⲙⲛ̅ ⲁⲅⲁⲑⲟⲛ ⲇⲉ ⲛⲁϣⲱⲡⲉ ⲙ̅ ⲡⲁⲥⲉⲃⲏⲥ Ⲁⲩⲱ
ⲛϥ̅ⲧⲁϣⲉⲛⲉϥϩⲟⲟⲩ ⲁⲛ ϩⲁⲑⲁⲓⲃⲉⲥ ⲛ̅ ϭⲓⲡⲉⲧⲉⲛϥ̅ⲟ ⲛ̅ ϩⲟⲧⲉ ⲁⲛ ϩⲏⲧϥ̅
ⲙ̅ ⲡⲛⲟⲩⲧⲉ. Ⲟⲩⲛ̅ ⲟⲩⲙⲛ̅ ⲧⲡⲉⲧϣⲟⲩⲉⲓⲧ ⲉⲁⲩⲁⲁⲥ ⲉⲃⲟⲗ ϩⲙ̅ ⲡⲕⲁϩ ϫⲉ
ⲟⲩⲛ̅ ϩⲉⲛⲇⲓⲕⲁⲓⲟⲥ ⲛⲁⲓ ⲉϥⲛⲁⲧⲁϩⲟⲟⲩ ⲛ̅ ϭⲓⲡϩⲱⲃ ⲙ̅ ⲡⲁⲥⲉⲃⲏⲥ . Ⲁⲩⲱ
ⲟⲩⲛ̅ ϩⲉⲛⲁⲥⲉⲃⲏⲥ ϩⲱⲟⲩ ⲉϥⲛⲁⲧⲁϩⲟⲟⲩ ⲛ̅ ϭⲓⲡϩⲱⲃ ⲛ̅ ⲛ̅ ⲇⲓⲕⲁⲓⲟⲥ ⲁⲩⲱ
ⲁⲓϫⲟⲟⲥ. Ϫⲉ ⲡⲉⲓⲕⲉ ⲟⲩⲡⲉⲧϣⲟⲩⲉⲓⲧ ⲡⲉ. Ⲁⲩⲱ ⲁⲛⲟⲕ ⲁⲓⲧⲙⲁⲉⲓⲉⲡⲟⲩⲛⲟϥ
ⲁⲩⲱ ⲙⲛ̅ ⲁⲅⲁⲑⲟⲛ ϣⲟⲟⲡ ⲙ̅ ⲡⲣⲱⲙⲉ ϩⲁⲣⲟϥ ⲙ̅ ⲡⲣⲏ ⲛ̅ ⲥⲁⲟⲩⲱⲙ ϩⲓⲥⲱ
ⲁⲩⲱ ⲉⲉⲩⲫⲣⲁⲛⲉ ⲉⲡⲁⲓ. Ⲡⲉⲧⲛⲁϣⲱⲡⲉ ⲛⲁϥ ϩⲙ̅ ⲡⲉϥϩⲓⲥⲉ ⲛ̅ ⲛⲉϩⲟⲟⲩ
ⲙ̅ ⲡⲉϥⲱⲛϩ̅. Ⲛⲁⲓ ⲉⲛⲧⲁⲡⲛⲟⲩⲧⲉ ⲧⲁⲁϥ ⲛⲁϥ ϩⲁⲣⲟϥ ⲙ̅ ⲡⲣⲏ ϩⲛ̅ ⲛⲁⲓ ⲁⲓϯ
ⲙ̅ ⲡⲁϩⲏⲧ ⲉⲥⲟⲩⲛⲧⲥⲟⲫⲓⲁ ⲁⲩⲱ ⲉⲛⲁⲩ ⲉⲡⲡⲉⲣⲓⲥⲡⲁⲥⲙⲟⲥ ⲛ̅ ⲧⲁϥϣⲱⲡⲉ
ϩⲓϫⲙ̅ ⲡⲕⲁϩ . ϫⲉ ϩⲙ̅ ⲡⲉϩⲟⲟⲩ ⲁⲩⲱ ϩⲛ̅ ⲧⲕⲉⲟⲩϣⲏ ⲉⲛϥ̅ⲛⲁⲛⲁⲩ ⲁⲛ
ⲉϩⲓⲛⲏⲃ ϩⲛ̅ ⲛⲉϥⲃⲁⲗ ⲁⲩⲱ ⲁⲓⲛⲁⲩ ⲉⲛ̅ ⲧⲁⲙⲓⲟ ⲧⲏⲣⲟⲩ ⲙ̅ ⲡⲛⲟⲩⲧⲉ. Ⲁⲩⲱ
ⲙ̅ ⲡⲣⲱⲙⲉ ⲛⲁϣϩⲉ ⲁⲛ ⲉⲡⲧⲁⲙⲓⲟ ⲉⲛⲧⲁϥϣⲱⲡⲉ ϩⲁⲣⲟϥ ⲙ̅ ⲡⲣⲏ .
Ⲉⲣϣⲁⲛⲡⲣⲱⲙⲉ ϩⲁⲥⲧϥ̅ ⲉϥϣⲓⲛⲉ ⲛϥ̅ⲛⲁϭⲓⲛⲉ ⲁⲛ ⲁⲩⲱ ⲛⲉⲧⲉⲣⲉⲛ̅ ⲥⲟⲫⲟⲥ
ⲛⲁϫⲟⲟⲩ ⲉⲥⲟⲩⲱⲛⲟⲩ ⲛϥ̅ⲛⲁϣϩⲉ ⲉⲣⲟⲟⲩ ⲁⲛ ⲉⲣⲟⲟⲩ . ϫⲉ ⲡⲁⲓ ⲧⲏⲣϥ̅
ⲁⲓⲧⲁⲁϥ ⲉϩⲣⲁⲓ ⲉⲡⲁϩⲏⲧ.
Ⲑ̅ . Ⲁⲩⲱ ⲁⲡⲁϩⲏⲧ ⲛⲁⲩ ⲉⲡⲁⲓ ⲧⲏⲣϥ̅ ⲛ̅ ⲑⲉ ⲉⲧⲉⲣⲉⲛ̅ ⲇⲓⲕⲁⲓⲟⲥ ⲁⲩⲱ
ⲛ̅ ⲥⲟⲫⲟⲥ ⲙⲛ̅ ⲛⲉⲩⲕⲉϩⲃⲏⲩⲉ ϩⲛ̅ ⲛϭⲓϫ ⲙ̅ ⲡⲛⲟⲩⲧⲉ. Ⲁⲩⲱ ⲟⲩⲁⲅⲁⲡⲏ
ⲙⲛ̅ ⲟⲩⲙⲟⲥⲧⲉ ⲉϥϩⲛ̅ ⲟⲩⲟⲛ ⲛⲓⲙ. ⲙ̅ ⲡⲣⲱⲙⲉ ⲥⲟⲟⲩⲛ ⲁⲛ ⲙ̅ ⲙⲟⲟⲩ . Ϩⲱⲃ
ⲛⲓⲙ ⲉⲧⲉ ⲙ̅ ⲡⲉⲩⲙ̅ ⲧⲟ ⲉⲃⲟⲗ ⲡⲉⲧϣⲟⲩⲉⲓⲧ ⲡⲉ . ⲟⲩⲧⲱⲙⲛ̅ ⲧ ⲛ̅ ⲟⲩⲱⲧ
ⲡⲉⲧⲛⲁⲧⲁϩⲉⲡⲇⲓⲕⲁⲓⲟⲥ ⲙⲛ̅ ⲡⲁⲥⲉⲃⲏⲥ ⲡⲉⲧⲧⲃ̅ ⲃⲏⲩ. Ⲁⲩⲱ ⲡⲉⲧϫⲁϩⲙ̅
ⲡⲁⲅⲁⲑⲟⲥ ⲁⲩⲱ ⲡⲉⲧϩⲟⲟⲩ ⲁⲩⲱ ⲡⲉⲧⲣ̅ ⲑⲩⲥⲓⲁ ⲙⲛ̅ ⲡⲉⲧⲉⲛϥ̅ⲉⲓⲣⲉ ⲁⲛ
ⲕⲁⲧⲁⲑⲉ ⲙ̅ ⲡⲁⲅⲁⲑⲟⲥ . ⲧⲁⲓ ⲧⲉ ⲑⲉ ⲙ̅ ⲡⲣⲉϥⲣ̅ ⲛⲟⲃⲉ ⲛ̅ ⲑⲉ ⲙ̅ ⲡⲉⲧⲣⲱⲕϩ . ⲧⲁⲓ
ⲧⲉ ⲑⲉ ⲙ̅ ⲡⲉⲧⲣ̅ ϩⲟⲧⲉ ϩⲏⲧϥ̅ ⲙ̅ ⲡⲁⲛⲁϣ . Ⲡⲁⲓ ⲟⲩⲡⲟⲛⲏⲣⲟⲛ ⲡⲉ ⲉϥϣⲟⲟⲡ
ϩⲛ̅ ϩⲱⲃ ⲛⲓⲙ ϩⲁⲣⲟϥ ⲙ̅ ⲡⲣⲏ . ϫⲉ ⲟⲩⲧⲱⲙⲛ̅ ⲧ ⲛ̅ ⲟⲩⲱⲧ ⲡⲉⲧⲛⲁⲧⲁϩⲉⲟⲩⲟⲛ

11. ⲛⲓⲙ ⲁⲩⲱ ⲡϩⲏⲧ ⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ⲁϥⲙⲟⲩϩ ⲙ̅ ⲡⲟⲛⲏⲣⲟⲛ ⲁⲩⲱ
ⲟⲩϣⲉⲉⲓ ⲡⲉⲧϣⲟⲟⲡ ϩⲙ̅ ⲡⲉⲩϩⲏⲧ. Ϩⲙ̅ ⲡⲟⲩⲱⲛϩ̅ ϫⲉ ⲉⲩⲛⲁⲃⲱⲕ ⲉⲣⲁⲧⲟⲩ
ⲛ̅ ⲛⲉⲧⲙⲟⲟⲩⲧ ⲉⲧϩⲓⲡⲁϩⲟⲩ ⲙ̅ ⲙⲟⲟⲩ ϫⲉ ⲛⲓⲙ ⲡⲉⲧⲛⲁⲕⲟⲓⲛⲱⲛⲓ ⲙⲛ̅ ⲛⲉⲧⲟⲛϩ
ⲧⲏⲣⲟⲩ . Ⲟⲩⲛ̅ ϩⲉⲗⲡⲓⲥ ϣⲟⲟⲡ ⲛ̅ ⲛⲉⲧⲟⲛϩ̅ . ϫⲉ ⲡⲉⲩϩⲟⲣ ⲉⲧⲟⲛϩ ⲛⲁⲛⲟⲩϥ
ⲉϩⲟⲩⲉⲡⲙⲟⲩⲓ ⲉⲧⲙⲟⲟⲩⲧ. Ϫⲉ ⲛⲉⲧⲟⲛϩ̅ ⲥⲉⲛⲁⲉⲓⲙⲉ. ϫⲉ ⲥⲉⲛⲁⲙⲟⲩ ⲁⲩⲱ
ⲛⲉⲧⲙⲟⲟⲩⲧ ⲛ̅ ⲥⲉⲥⲟⲟⲩⲛ̅ ⲁⲛ ⲛ̅ ⲗⲁⲁⲩ. Ⲁⲩⲱ ⲙⲛ̅ ⲃⲉⲕⲉ ϣⲟⲟⲡ ⲛⲁⲩ ϫⲉ
ⲁⲩⲉⲣⲡⲱⲃϣ̅ ⲙ̅ ⲡⲉⲩⲣⲡⲙⲉⲉⲩⲉ . Ⲁⲩⲱ ⲧⲉⲩⲁⲅⲁⲡⲏ ⲙⲛ̅ ⲡⲉⲩⲙⲟⲥⲧⲉ
ⲙⲛ̅ ⲡⲉⲩⲕⲱϩ ⲏⲇⲏ ⲁϥⲧⲁⲕⲟ ⲁⲩⲱ ⲙⲛ̅ ⲙⲉⲣⲓⲥ ϣⲟⲟⲡ ⲛⲁⲩ ϣⲁⲉⲛⲉϩ
ϩⲛ̅ ⲡⲧⲁⲙⲓⲟ ⲧⲏⲣϥ̅ ⲉⲛⲧⲁⲩⲧⲁⲙⲓⲟϥ ϩⲁⲣⲟϥ ⲙ̅ ⲡⲣⲏ. Ⲁⲙⲟⲩ ⲛⲅ̅ ⲟⲩⲱⲙ
ⲙ̅ ⲡⲉⲕⲟⲉⲓⲕ ϩⲛ̅ ⲟⲩⲣⲁϣⲉ ⲁⲩⲱ ⲛⲅ̅ ⲥⲱ ⲙ̅ ⲡⲉⲕⲏⲣⲡ̅ ϩⲛ̅ ⲟⲩϩⲏⲧ ⲉⲛⲁⲛⲟⲩϥ
ϫⲉ ⲁⲡⲛⲟⲩⲧⲉ ⲥⲉⲧⲡ̅ ⲛⲉϩⲃⲏⲩⲉ . Ⲛⲉⲕϩⲟⲓⲧⲉ ⲙⲁⲣⲟⲩϣⲱⲡⲉ ⲉⲩⲡ̅ ⲣⲉⲓⲱⲟⲩ
ⲛ̅ ⲟⲩⲟⲉⲓϣ ⲛⲓⲙ ⲁⲩⲱ ⲙ̅ ⲡⲣ̅ ⲕⲁⲧⲉⲡⲁ ϭⲉ ⲛ̅ ⲟⲩⲛⲉϩ ⲉϫⲉϩⲧⲉⲕⲁⲡⲉ. Ⲁⲩⲱ
ⲁⲛⲁⲩ ⲉⲡⲱⲛϩ̅ ⲙⲛ̅ ⲧⲉⲕⲥϩⲓⲙⲉ ⲉⲛⲧⲁⲕⲙⲉⲣⲓⲧⲥ̅ ϩⲛ̅ ⲛⲉϩⲟⲟⲩ ⲧⲏⲣⲟⲩ
ⲙ̅ ⲡⲱⲛϩ̅ ⲙ̅ ⲡⲁⲧⲉϥⲧⲁⲕⲟ ⲉⲛⲧⲁⲩⲧⲁⲁⲩ ⲛⲁⲕ ϩⲁⲣⲟϥ ⲙ̅ ⲡⲣⲏ ⲛ̅ ⲛⲉϩⲟⲟⲩ
ⲧⲏⲣⲟⲩ ⲛ̅ ⲧⲉⲕⲙⲛ̅ ⲧⲡⲉⲧϣⲟⲩⲉⲓⲧ. ϫⲉ ⲧⲁⲓ ⲧⲉ ⲧⲉⲕⲙⲉⲣⲓⲥ ϩⲙ̅ ⲡⲉⲕⲱⲛϩ̅ ⲁⲩⲱ
ϩⲙ̅ ⲡⲉⲕϩⲓⲥⲉ ⲉⲧⲕ̅ ϩⲟⲥⲉ ⲛ̅ ϩⲏⲧϥ̅ ϩⲁⲣⲟϥ ⲙ̅ ⲡⲣⲏ. Ⲡⲉⲧⲛⲁⲥⲟⲃⲧⲉ ⲧⲏⲣϥ̅
ϩⲁⲧⲟⲟⲧⲕ̅ ⲉⲉⲓⲣⲉ ⲉⲓⲣⲉ ⲕⲁⲧⲁⲧⲉⲕϭⲟⲙ. ϫⲉ ⲙⲛ̅ ϩⲱⲃ ⲁⲩⲱ ⲗⲟⲅⲓⲥⲙⲟⲥ
ⲁⲩⲱ ⲥⲟⲟⲩⲛ̅ ⲙⲛ̅ ⲥⲟⲫⲓⲁ ϩⲛ̅ ⲁⲙⲛ̅ ⲧⲉ ⲡⲙⲁ ⲉⲧⲕ̅ ⲛⲁⲃⲱⲕ ⲉⲣⲟϥ . Ⲁⲓⲕⲧⲟⲓ
ⲁⲓⲛⲁⲩ ϩⲁⲣⲟϥ ⲙ̅ ⲡⲣⲏ ϫⲉ ⲡⲡⲱⲧ ⲙ̅ ⲡⲁⲛⲕⲟⲩⲫⲟⲥ ⲁⲛ ⲡⲉ. ⲁⲩⲱ
ⲡⲡⲟⲗⲉⲙⲟⲥ ⲡⲁⲛϫⲱⲱⲣⲉ ⲁⲛ ⲡⲉ . ⲁⲩⲱ ⲡⲟⲉⲓⲕ ⲙ̅ ⲡⲁⲛⲥⲟⲫⲟⲥ ⲁⲛ ⲡⲉ.
ⲁⲩⲱ ⲧⲙⲛ̅ ⲧⲣⲙ̅ ϩⲏⲧ ⲁⲛ ⲧⲉ ⲁⲩⲱ ⲧⲉⲭⲁⲣⲓⲥ ⲛ̅ ⲧⲁⲛ̅ ⲣⲉϥⲛⲟⲓ ⲁⲛ ⲧⲉ :
ⲡⲉⲩⲟⲩⲟⲉⲓϣ ⲙⲛ̅ ⲟⲩⲁⲡⲁⲛⲧⲏⲙⲁ ⲡⲉⲧⲛⲁⲧⲁϩⲟⲟⲩ ⲧⲏⲣⲟⲩ . Ϫⲉ
ⲙ̅ ⲡⲉⲡⲣⲱⲙⲉ ⲉⲓⲙⲉ ⲉⲡⲉϥⲟⲩⲟⲉⲓϣ ⲛ̅ ⲑⲉ ⲛ̅ ⲛ̅ ⲧⲃ̅ ⲧ ⲉϣⲁⲩⲧⲁϩⲟⲟⲩ
ϩⲛ̅ ⲟⲩϣⲛⲉ ⲛ̅ ⲁⲧⲛⲁⲛⲟⲩϥ. ⲁⲩⲱ ⲛ̅ ⲑⲉ ⲛ̅ ⲛ̅ ϩⲁⲗⲁⲧⲉ ⲉⲧⲟⲩⲧⲁϩⲟ ⲙ̅ ⲙⲟⲟⲩ
ϩⲛ̅ ⲟⲩϭⲟⲣϭⲥ̅ ⲙ̅ ⲡⲉϩⲟⲟⲩ ⲛ̅ ϩ̅ⲛⲟⲟⲩⲉ ϣⲁⲩϭⲱⲗϫ̅ ⲙ̅ ⲙⲟⲟⲩ. Ⲧⲁⲓ ⲧⲉ ⲑⲉ
ⲛ̅ ⲧⲁⲩⲛⲁϭⲱⲡⲉ ⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ϩⲛ̅ ⲟⲩⲟⲉⲓϣ ⲙ̅ ⲡⲟⲛⲏⲣⲟⲛ ⲉϥϣⲁⲛⲉⲓ
ⲉϩⲣⲁⲓ ⲉⲣⲟⲟⲩ ϩⲛ̅ ⲟⲩϣⲥ̅ ⲛⲉ . Ⲁⲩⲱ ⲡⲉⲓϩⲱⲃ ⲁⲓⲛⲁⲩ ⲉⲣⲟⲥ ⲟⲩⲥⲟⲫⲓⲁ
ⲁⲓⲛⲁⲩ ⲉⲣⲟⲥ ϩⲁⲣⲟϥ ⲙ̅ ⲡⲣⲏ ⲉⲩⲛⲟϭ ⲛ̅ ⲛⲁϩⲣⲁⲓ : Ⲟⲩⲕⲟⲩⲓ ⲙ̅ ⲡⲟⲗⲓⲥ
ⲉⲣⲉⲟⲩⲕⲟⲩⲓ ⲛ̅ ϭⲟⲡⲉ ⲛ̅ ⲣⲱⲙⲉ ̅ⲛϩⲏⲧⲥ̅ ⲁⲩⲱ ⲛ̅ ⲧⲉⲟⲩⲛⲟϭ ⲛ̅ ⲣ̅ ⲣⲟ ⲉⲓ ⲉⲣⲟⲥ.
ⲁⲩⲱ ⲛϥ̅ⲕⲧⲉϩⲉⲛⲛⲟϭ ⲛ̅ ϣⲁⲁⲧⲥ̅ ⲉⲣⲟⲥ. Ⲁⲩⲱ ⲛϥ̅ϩⲉ ⲉⲩⲣⲱⲙⲉ ⲛ̅ ϩⲏⲕⲉ
ⲛ̅ ⲥⲁⲃⲉ ⲛ̅ ϩⲏⲧⲥ̅ ⲁⲩⲱ ⲛ̅ ⲧⲟϥ ϥⲛⲁⲛⲉϩⲙ̅ ⲧⲡⲟⲗⲓⲥ ϩⲛ̅ ⲧⲉϥⲥⲟⲫⲓⲁ. Ⲁⲩⲱ
ⲙ̅ ⲡⲉⲣⲱⲙⲉ ⲣ̅ ⲡⲙⲉⲉⲩⲉ ⲙ̅ ⲡⲓⲣⲱⲙⲉ ⲛ̅ ϩⲏⲕⲉ. Ⲁⲓϫⲟⲟⲥ ϭⲉ ⲁⲛⲟⲕ ϫⲉ
ⲛⲁⲛⲟⲩⲧⲥⲟⲫⲓⲁ ⲉϩⲟⲩⲉⲟⲩϭⲟⲙ ⲁⲩⲱ ⲧⲥⲟⲫⲓⲁ ⲙ̅ ⲡⲣⲱⲙⲉ ⲛ̅ ϩⲏⲕⲉ ⲥⲟϣϥ̅ .
ⲁⲩⲱ ⲛⲉϥϣⲁϫⲉ ⲙⲉⲩⲥⲱⲧⲙ̅ ⲉⲣⲟⲟⲩ. ⲛ̅ ϣⲁϫⲉ ⲛ̅ ⲛ̅ ⲥⲟⲫⲟⲥ ⲉϣⲁⲩⲥⲱⲧⲙ̅
ⲉⲣⲟⲟⲩ ϩⲛ̅ ⲟⲩⲁⲛⲁⲡⲁⲩⲥⲓⲥ ⲉϩⲟⲩⲉⲡⲁϣⲕⲁⲕ ⲛ̅ ⲛⲉⲧⲟⲩⲉⲝⲟⲩⲥⲓⲁ ⲉⲣⲟⲟⲩ
ⲉϣⲁⲩϫⲡⲓⲟϥ . Ⲛⲁⲛⲟⲩⲧⲥⲟⲫⲓⲁ ⲉϩⲟⲩⲉϩⲉⲛⲥⲕⲉⲩⲏ ⲙ̅ ⲡⲟⲗⲉⲙⲟⲥ . Ⲁⲩⲱ
ⲟⲩⲣⲱⲙⲉ ⲛ̅ ⲟⲩⲱⲧ ⲉϥⲣ̅ ⲛⲟⲃⲉ ϥⲛⲁⲥⲱⲣⲙ̅ ⲛ̅ ⲟⲩⲟⲛⲟϥ ⲉⲛⲁϣⲱϥ.
Ⲓ̅. Ϩⲉⲛⲁϥ ⲉⲩϩⲏⲗ ⲉⲩϣⲁⲛⲙⲟⲩ ϣⲁⲩⲧⲁⲕⲟ ⲙ̅ ⲡϭⲱⲣϭ ⲛ̅ ⲟⲩⲛⲉϩ ⲛ̅ ⲥⲟϭⲛ̅ .

12. Ϥⲧⲙⲁⲓⲏⲩ ⲛ̅ ϭⲓⲡϣⲁϫⲉ ⲛ̅ ⲧⲥⲟⲫⲓⲁ ⲉϩⲟⲩⲉⲡⲉϩⲟⲟⲩ ⲛ̅ ⲟⲩⲛⲟϭ
ⲙ̅ ⲙⲛ̅ ⲧⲁⲧⲑⲏⲧ ⲡϩⲏⲧ ⲛ̅ ⲛ̅ ⲥⲟⲫⲟⲥ ⲉⲧⲟⲟⲧϥ̅ ϩⲓⲟⲩⲛⲁⲙ ⲙ̅ ⲙⲟϥ . ⲁⲩⲱ ⲡϩⲏⲧ
ϩⲱⲱϥ ⲛ̅ ⲛ̅ ⲥⲟϭ ϩⲓϩⲃⲟⲩⲣ ⲙ̅ ⲙⲟϥ . Ⲁⲩⲱ ⲡⲥⲟϭ ⲉϥϣⲁⲛⲙⲟⲟϣⲉ
ϩⲛ̅ ⲟⲩϩⲓⲏ ⲡⲉϥϩⲏⲧ ⲛⲁϣⲱⲱⲧ . ⲁⲩⲱ ⲛⲉⲧϥ̅ⲛⲁⲙⲉⲉⲩⲉ ⲉⲣⲟⲟⲩ ⲧⲏⲣⲟⲩ
ϩⲉⲛⲙⲛ̅ ⲧⲁⲑⲏⲧ ⲛⲉ . Ⲉⲣϣⲁⲛⲡⲉⲡ̅ ⲛ̅ ⲁ̅ ⲙ̅ ⲡⲉⲧⲉⲟⲩⲛ̅ ⲧϥ̅ⲉⲝⲟⲩⲥⲓⲁ ⲉⲓ ⲉϩⲣⲁⲓ
ⲉϫⲱⲕ. ⲙ̅ ⲡⲣ̅ ⲕⲁⲙⲁ ⲛⲁϥ ⲛ̅ ϩⲏⲧⲕ̅ . ϫⲉ ⲉⲕϣⲁⲛⲕⲱ̅ ϥⲛⲁⲧⲣⲉϩⲉⲛⲛⲟϭ
ⲛ̅ ⲛⲟⲃⲉ ϣⲱⲡⲉ ⲛ̅ ϩⲏⲧⲕ̅ : Ⲟⲩⲛ̅ ⲟⲩⲡⲟⲛⲏⲣⲓⲁ ⲉⲁⲓⲛⲁⲩ ⲉⲣⲟⲥ ϩⲁⲣⲟϥ
ⲙ̅ ⲡⲣⲏ ⲛ̅ ⲑⲉ ⲛ̅ ⲟⲩϩⲱⲃ ⲛ̅ ⲟⲩⲱϣ ⲉⲁϥⲉⲓ ⲉⲃⲟⲗϩⲓⲧⲟⲟⲧϥ̅
ⲙ̅ ⲡⲉⲧⲉⲟⲩⲛ̅ ⲧϥ̅ⲉⲝⲟⲩⲥⲓⲁ : Ⲡⲁⲑⲏⲧ ⲁⲩⲧⲁⲁϥ ⲉϩⲉⲛⲛⲟϭ ⲛ̅ ϫⲓⲥⲉ ⲛ̅ ⲣⲙ̅ ⲙⲁⲟ
ϩⲱⲟⲩ. ⲥⲉⲛⲁϩⲙⲟⲟⲥ ϩⲛ̅ ⲟⲩⲑⲃ̅ ⲃⲓⲟ. Ⲁⲓⲛⲁⲩ ⲉϩⲉⲛϩⲙ̅ ϩⲁⲗ
ⲉⲩϩⲓϫⲛ̅ ϩⲉⲛϩⲧⲱⲱⲣ ϩⲉⲛⲁⲣⲭⲱⲛ ϩⲱⲟⲩ ⲉⲩⲙⲟⲟϣⲉ ϩⲓϫⲙ̅ ⲡⲕⲁϩ ⲛ̅ ⲑⲉ
ⲛ̅ ⲛ̅ ϩⲙ̅ ϩⲁⲗ. Ⲡⲉⲧϣⲓⲕⲉ ⲛ̅ ϩⲟⲩⲉⲓⲧ ϥⲛⲁϩⲉ ⲉϩⲣⲁⲓ ⲉⲣⲟϥ ⲁⲩⲱ
ⲡⲉⲧϣⲟⲣϣⲣ̅ ⲛⲟⲩϫⲟ ⲡϩⲟϥ ⲛⲁⲗⲟⲕⲥϥ̅ Ⲡⲉⲧⲡⲱⲣⲕ̅ ⲛ̅ ϩⲉⲛⲱⲛⲉ
ϥⲛⲁϣⲡ̅ ⲙ̅ ⲕⲁϩ ⲉϫⲱⲟⲩ ⲁⲩⲱ ⲡⲉⲧⲡⲱϩ ⲛ̅ ϩⲉⲛϣⲉ ϥⲛⲁⲕⲓⲛⲇⲩⲛⲉⲩⲉ
ⲛ̅ ϩⲏⲧⲟⲩ. Ⲉⲣϣⲁⲛⲡⲡⲉⲛⲓⲡⲉ ⲥⲱϩⲙ̅ ⲉⲃⲟⲗ ⲁⲩⲱ ⲛ̅ ⲧⲟϥ ⲁϥϣⲧⲣ̅ ⲧⲣ̅ ⲡϩⲟ
ⲁⲩⲱ ϥⲛⲁϯϭⲟⲙ ⲛⲁϥ ϩⲛ̅ ⲟⲩϭⲟⲙ . ⲡⲉϩⲟⲩⲟ ϭⲉ ⲙ̅ ⲡⲣⲱⲙⲉ ⲧⲥⲟⲫⲓⲁ ⲧⲉ .
Ⲉⲣϣⲁⲛⲡϩⲟϥ ⲗⲱⲕⲥ̅ ϩⲛ̅ ⲟⲩⲕⲁⲥⲕⲉⲥ ⲁⲩⲱ ⲟⲩϩⲟⲩⲟ ϣⲟⲟⲡ
ⲙ̅ ⲡⲣⲉϥⲙⲟⲩⲧⲉ ⲛ̅ ϣⲁϫⲉ ⲛ̅ ⲧⲧⲁⲡⲣⲟ ⲙ̅ ⲡⲥⲟⲫⲟⲥ ⲉⲩϣⲟⲟⲡ ϩⲛ̅ ⲟⲩⲭⲁⲣⲓⲥ
ⲛⲉⲥⲡⲟⲧⲟⲩ ϩⲱⲱϥ ⲙ̅ ⲡⲁⲑⲏⲧ ⲥⲉⲛⲁⲟⲙⲥϥ̅. Ⲧⲁⲣⲭⲏ ⲛ̅ ⲛ̅ ϣⲁϫⲉ
ⲛ̅ ⲧⲉϥⲧⲁⲡⲣⲟ ⲧⲉ ⲧⲙⲛ̅ ⲧⲁⲑⲏⲧ ⲁⲩⲱ ⲧⲉϥϩⲁⲏ ⲟⲩϣⲉⲉⲓ ⲧⲉ ⲙ̅ ⲡⲟⲛⲏⲣⲟⲛ .
ⲁⲩⲱ ⲡⲁⲑⲏⲧ ϥⲛⲁⲧⲁϣⲟ ⲛ̅ ⲛⲉϥϣⲁϫⲉ . Ⲙ̅ ⲡⲉⲡⲣⲱⲙⲉ ⲉⲓⲙⲉ ϫⲉ ⲟⲩ
ⲡⲉⲛⲧⲁϥϣⲱⲡⲉ ⲁⲩⲱ ⲟⲩ ⲡⲉⲧⲛⲁϣⲱⲡⲉ ⲁⲩⲱ ⲡⲉⲧⲛⲏⲩ ⲙⲛ̅ ⲛ̅ ⲥⲱϥ. Ⲛⲓⲙ
ⲡⲉⲧⲛⲁⲧⲁⲙⲟϥ ϫⲉ ⲛⲓⲙ ⲡⲉ. Ⲡϩⲓⲥⲉ ⲛ̅ ⲛ̅ ⲣⲱⲙⲉ ⲛ̅ ⲁⲑⲏⲧ ⲛⲁⲑⲙ̅ ⲕⲟϥ. ⲡⲁⲓ
ⲉⲧⲉ ⲙ̅ ⲡϥ̅ⲉⲓⲙⲉ ⲉⲧⲣⲉϥⲃⲱⲕ ⲉⲧⲡⲟⲗⲓⲥ. Ⲟⲩⲟⲓ ⲛⲉ ⲧⲡⲟⲗⲓⲥ ⲉⲩϣⲏⲣⲉ ϣⲏⲙ
ⲡⲉ ⲡⲟⲩⲣ̅ ⲣⲟ ⲁⲩⲱ ⲛⲟⲩⲁⲣⲭⲱⲛ ⲉⲩⲟⲩⲱⲙ ⲙ̅ ⲡⲛⲁⲩ ⲛ̅ ϩⲧⲟⲟⲩⲉ . Ⲛⲁⲓⲁⲧⲕ̅
ⲇⲉ ⲡⲕⲁϩ ⲉⲩϣⲏⲣⲉ ⲛ̅ ⲣⲙ̅ ϩⲉ ⲡⲉ ⲡⲉⲕⲣ̅ ⲣⲟ. ⲁⲩⲱ ⲛⲉⲕⲁⲣⲭⲱⲛ
ⲉⲩⲛⲁⲟⲩⲱⲙ ϩⲛ̅ ⲟⲩϭⲟⲙ ⲙ̅ ⲡⲉⲩⲟⲩⲟⲉⲓϣ ⲁⲩⲱ ⲛ̅ ⲥⲉⲛⲁϫⲓϣⲓⲡⲉ ⲁⲛ.
Ⲛⲉⲧϩⲛ̅ ⲙ̅ ⲙⲛ̅ ⲧⲣⲉϥϫⲛⲁⲁⲩ ⲥⲉⲛⲁⲑⲃ̅ ⲃⲓⲟ ⲁⲩⲱ ⲡⲏⲓ ⲛⲁⲁϣⲁϩⲟⲙ
ϩⲛ̅ ⲧⲟⲩⲁⲥϥⲉ . Ⲛ̅ ⲛ̅ ϭⲓϫ ⲉⲩⲧⲁⲙⲓⲟ ⲙ̅ ⲡⲟⲉⲓⲕ ⲉⲩⲥⲱⲃⲉ ⲁⲩⲱ ⲟⲩⲛⲉϩ
ⲙⲛ̅ ⲟⲩⲏⲣⲡ̅ ⲉⲧⲣⲉⲛⲉⲧⲟⲛϩ̅ ⲉⲩⲫⲣⲁⲛⲉ ⲁⲩⲱ ϩⲱⲃ ⲛⲓⲙ ⲛⲁⲥⲱⲧⲙ̅
ⲛ̅ ⲥⲁⲫⲁⲁⲧ. Ⲁⲩⲱ ϩⲛ̅ ⲧⲉⲕⲥⲩⲛⲓⲇⲏⲥⲓⲥ ⲙ̅ ⲡⲣ̅ ⲥⲁϩⲟⲩ ⲛ̅ ⲟⲩⲣⲙ̅ ⲙⲁⲟ
ϩⲛ̅ ⲛ̅ ⲧⲁⲙⲓⲟⲛ ⲛ̅ ⲛⲉⲕⲕⲟⲓⲧⲱⲛ . ϫⲉ ⲡϩⲁⲗⲏⲧ ⲛ̅ ⲧⲡⲉ ϥⲛⲁϫⲓ ⲙ̅ ⲡⲉⲕϩⲣⲟⲟⲩ
ⲁⲩⲱ ⲡⲉⲧⲉⲣⲉ ⲛ̅ ⲧⲛ̅ ϩ ⲙ̅ ⲙⲟϥ ϥⲛⲁⲧⲁⲩⲟ ⲛ̅ ⲛⲉⲕϣⲁϫⲉ.
Ⲓ̅Ⲁ. Ϫⲉⲩⲡⲉⲕⲟⲉⲓⲕ ⲉⲃⲟⲗ ϩⲓϩⲣⲁϥ ⲙ̅ ⲡⲙⲟⲩ ϫⲉ ⲕⲛⲁϩⲉ ⲉⲣⲟϥ ⲛ̅ ⲟⲩⲁϣⲏ
ⲛ̅ ϩⲟⲟⲩ . ϯ ⲛ̅ ⲟⲩⲙⲉⲣⲓⲥ ⲙ̅ ⲡⲥⲁϣϥ ⲁⲩⲱ ⲟⲛ ⲙ̅ ⲡⲉϣⲙⲟⲩⲛ ϫⲉ ⲛⲅ̅ ⲛⲁⲉⲓⲙⲉ
ⲁⲛ ϫⲉ ⲟⲩ ⲡⲉ ⲡⲡⲟⲛⲏⲣⲟⲛ ⲉⲧⲛⲁϣⲱⲡⲉ ϩⲓϫⲙ̅ ⲡⲕⲁϩ. Ⲛⲉⲕⲗⲟⲟⲗⲉ
ⲉⲩϣⲁⲛⲙⲟⲩϩ ⲛ̅ ϩⲟⲩ ⲙ̅ ⲡⲉ ⲥⲉⲛⲁϣⲟⲩⲟ ⲉϫⲙ̅ ⲡⲕⲁϩ. ⲁⲩⲱ ⲉⲣϣⲁⲛⲡϣⲉ ϩⲉ
ϩⲙ̅ ⲡⲥⲁ ⲙ̅ ⲡⲣⲏⲥ ⲁⲩⲱ ϩⲙ̅ ⲡⲥⲁ ⲙ̅ ⲡⲉⲙϩⲏⲧ. ⲡⲙⲁ ⲉⲧⲉⲣⲉⲡϣⲉ ⲛⲁϣⲱⲡⲉ

13. ⲛ̅ ϩⲏⲧϥ̅ ⲉϥⲛⲁϣⲱⲡⲉ ϩⲙ̅ ⲡⲙⲁ ⲉⲧⲙ̅ ⲙⲁⲩ. Ⲡⲉⲧϩⲁⲣⲉϩ ⲉⲛ̅ ⲧⲏⲩ
ⲛϥ̅ϣⲁϫⲉϭⲣⲟϭ ⲁⲛ ⲁⲩⲱ ⲡⲉⲧϭⲱϣⲧ ⲉⲛⲉⲕⲗⲟⲟⲗⲉ ⲛϥ̅ⲛⲁⲱϩⲥ̅ ⲁⲛ.
Ϩⲛ̅ ⲛⲁⲓ ⲙⲛ̅ ⲡⲉⲓⲙⲉ ϫⲉ ⲟⲩ ⲧⲉ ⲧⲉϩⲓⲏ ⲙ̅ ⲡⲉⲡ̅ ⲛ̅ ⲁ̅ ⲛ̅ ⲑⲉ ⲛ̅ ⲛⲉⲧϩⲛ̅ ϩⲏⲧⲥ̅
ⲛ̅ ⲧⲉⲥϩⲓⲙⲉ ⲉⲧⲉⲉⲧ ⲉⲛⲅ̅ ⲛⲁⲉⲓⲙⲉ ⲁⲛ ⲉⲣⲟⲟⲩ ϫⲉ ⲟⲩ ⲛⲉⲑ Ⲧⲁⲓ ⲧⲉ ⲑⲉ ⲉⲧⲉ
ⲛⲅ̅ ⲛⲁⲉⲓⲙⲉ ⲁⲛ ⲉⲛ̅ ⲥⲱⲛⲧ ⲙ̅ ⲡⲉⲕⲛⲟⲩⲧⲉ ⲉⲧϥ̅ⲛⲁⲁⲁⲩ ⲧⲏⲣⲟⲩ . Ⲡⲉⲕϭⲣⲟϭ
ϫⲟϥ ⲙ̅ ⲡⲛⲁⲩ ⲛ̅ ϩⲧⲟⲟⲩⲉ . ⲁⲩⲱ ⲙ̅ ⲡⲣ̅ ⲧⲣⲉⲧⲉⲕϭⲓϫ ⲕⲁⲁϥ ⲙ̅ ⲡⲛⲁⲩ ⲛ̅ ⲣⲟⲩϩⲉ
. ϫⲉ ⲛⲅ̅ ⲛⲁⲉⲓⲙⲉ ⲁⲛ ϫⲉ ⲁϣ ⲡⲉⲧⲛⲁⲥⲙⲓⲛⲉ . ϫⲉ ⲡⲁⲓ ⲡⲉ ⲏ̅ ⲡⲁⲓ ⲡⲉ . ⲁⲩⲱ
ⲉⲕϣⲁⲛϣⲱⲛϥ ⲙ̅ ⲡⲉⲥⲛⲁⲩ. Ⲟⲩⲁⲅⲁⲑⲟⲛ ⲡⲉ ⲡⲟⲩⲟⲉⲓⲛ ϩⲟⲗϭ ⲁⲩⲱ
ⲟⲩⲁⲅⲁⲑⲟⲛ ⲡⲉ ⲛ̅ ⲛⲃⲁⲗ ⲉⲧⲛⲁⲩ ⲉⲡⲣⲏ. Ϫⲉ ⲉⲣϣⲁⲛⲡⲣⲱⲙⲉ ⲱⲛϩ̅
ⲛ̅ ⲟⲩⲙⲏⲏϣⲉ ⲛ̅ ⲣⲟⲙⲡⲉ ϥⲛⲁⲉⲩⲫⲣⲁⲛⲉ ⲛ̅ ϩⲏⲧⲟⲩ ⲧⲏⲣⲟⲩ ⲁⲩⲱ
ϥⲛⲁⲣ̅ ⲡⲙⲉⲉⲩⲉ ⲛ̅ ⲛⲉϩⲟⲟⲩ ⲙ̅ ⲡⲕⲁⲕⲉ . ϫⲉ ⲥⲉⲛⲁϣⲱⲡⲉ ⲉⲛⲁϣⲱⲟⲩ ϩⲱⲃ
ⲛⲓⲙ ⲉⲧⲛⲏⲩ ⲡⲉⲧϣⲟⲩⲉⲓⲧ ⲡⲉ. Ⲉⲩⲫⲣⲁⲛⲉ ⲡϩⲣ̅ ϣⲓⲣⲉ ϩⲛ̅ ⲧⲉⲕⲙⲛ̅ ⲧϣⲏⲣⲉ
ϣⲏⲙ ⲁⲩⲱ ⲙⲁⲣⲉⲡⲉⲕϩⲏⲧ ϯⲟⲩⲛⲟϥ ⲛⲁⲕ ϩⲛ̅ ⲛⲉϩⲟⲟⲩ ⲛ̅ ⲧⲉⲕⲙⲛ̅ ⲧϣⲏⲣⲉ
ϣⲏⲙ ⲛⲅ̅ ⲙⲟⲟϣⲉ ϩⲛ̅ ⲛⲉⲕϩⲓⲟⲟⲩⲉ ⲉⲙⲛ̅ ⲛⲟⲃⲉ ⲉⲣⲟⲕ. ⲛⲅ̅ ⲧⲙ̅ ⲙⲟⲟϣⲉ
ϩⲛ̅ ⲟⲩⲙⲛ̅ ⲧϣⲟⲩϣⲟ ⲁⲩⲱ ϩⲛ̅ ⲟⲩⲙⲛ̅ ⲧϫⲁⲣⲃⲁⲗ ⲛⲅ̅ ⲉⲓⲙⲉ ϫⲉ ϩⲛ̅ ⲛⲁⲓ ⲧⲏⲣⲟⲩ
ⲡⲛⲟⲩⲧⲉ ⲛⲁⲛ̅ ⲧⲕ̅ ⲉⲩⲕⲣⲓⲥⲓⲥ ⲛⲅ̅ ϥⲓ ⲛ̅ ⲟⲩϭⲱⲛⲧ ⲉⲃⲟⲗ ϩⲙ̅ ⲡⲉⲕϩⲏⲧ. Ⲁⲩⲱ
ⲟⲩⲡⲟⲛⲏⲣⲓⲁ ⲛⲅ̅ ϥⲓⲧⲥ ⲉⲃⲟⲗ ϩⲛ̅ ⲧⲉⲕⲥⲁⲣⲝ̅ . ϫⲉ ⲧⲙⲛ̅ ⲧϣⲏⲣⲉ ϣⲏⲙ ⲁⲩⲱ
ⲧⲙⲛ̅ ⲧⲁⲧⲥⲟⲟⲩⲛ ⲟⲩⲡⲉⲧϣⲟⲩⲉⲓⲧ ⲧⲉ.
Ⲓ̅Ⲃ. Ⲁⲩⲱ ⲛⲅ̅ ⲣ̅ ⲡⲙⲉⲉⲩⲉ ⲙ̅ ⲡⲉⲛⲧⲁϥⲥⲟⲛⲧⲕ̅ ⲛ̅ ⲛⲉϩⲟⲟⲩ ⲛ̅ ⲧⲉⲕⲙⲛ̅ ⲧϣⲏⲣⲉ
ϣⲏⲙ ⲙ̅ ⲡⲁⲧⲟⲩⲉⲓ ⲛ̅ ϭⲓⲛⲉϩⲟⲟⲩ ⲛ̅ ⲧⲉⲕⲕⲁⲕⲓⲁ. Ⲁⲩⲱ ⲛ̅ ⲧⲉⲣⲙ̅ ⲡⲟⲟⲩⲉ ⲧⲁϩⲟⲕ
ⲉⲕⲛⲁϫⲟⲟⲥ ⲛ̅ ϩⲏⲧⲟⲩ. Ϫⲉ ⲙ̅ ⲡⲁⲟⲩⲱϣ ϣⲟⲟⲡ ⲁⲛ ⲛ̅ ϩⲏⲧⲟⲩ ⲉⲙⲡⲁⲧⲉⲡⲣⲏ
ⲉⲣⲉⲃⲏ ⲙⲛ̅ ⲡⲟⲩⲟⲉⲓⲛ . ⲁⲩⲱ ⲡⲟⲟϩ ⲙⲛ̅ ⲛⲥⲓⲟⲩ. ⲛ̅ ⲧⲉⲛⲉⲕⲗⲟⲟⲗⲉ ⲕⲧⲟⲟⲩ
ⲉⲟⲩⲁϩⲟⲩ ⲛ̅ ⲥⲁⲡϩⲟⲩ ⲙ̅ ⲡⲉ. Ⲙ̅ ⲡⲉϩⲟⲟⲩ ⲉⲧⲟⲩⲛⲁⲕⲓⲙ ⲛ̅ ϭⲓⲛⲉⲧⲣⲟⲉⲓⲥ ⲉⲡⲏⲓ
ⲁⲩⲱ ⲛ̅ ⲥⲉⲕⲧⲟⲟⲩ ⲛ̅ ϭⲓⲛ̅ ⲣⲱⲙⲉ ⲛ̅ ⲧϭⲟⲙ . ⲁⲩⲱ ⲛ̅ ⲥⲉⲕⲁⲧⲟⲟⲧⲟⲩ ⲉⲃⲟⲗ
ⲛ̅ ϭⲓⲛⲉⲧⲛⲟⲩⲧ . ⲉⲃⲟⲗϫⲉ ⲁⲩⲥⲟⲃⲕ ⲁⲩⲱ ⲛ̅ ⲥⲉⲉⲣⲉⲃⲏ ⲛ̅ ϭⲓⲛⲉϩⲓⲟⲙⲉ
ⲉⲧⲉⲓⲱⲣϩ ϩⲛ̅ ⲟⲩⲟⲩⲱϣ ⲁⲩⲱ ⲛ̅ ⲥⲉϣⲱⲧⲙ̅ ⲛ̅ ⲛ̅ ⲣⲟ ⲛ̅ ⲧⲁⲅⲟⲣⲁ ϩⲙ̅ ⲡϩⲟϫⲃ̅
ⲛ̅ ⲧⲉⲥⲙⲏ ⲛ̅ ⲛⲉⲧⲛⲟⲩⲧ. ⲁⲩⲱ ⲥⲉⲛⲁⲧⲱⲟⲩⲛ ϩⲙ̅ ⲡⲉϩⲣⲟⲟⲩ ⲙ̅ ⲡϫⲁϫ ⲁⲩⲱ
ⲥⲉⲛⲁⲑⲃ̅ ⲃⲓⲟ ⲛ̅ ϭⲓⲛ̅ ϣⲉⲉⲣⲉ ⲧⲏⲣⲟⲩ ⲙ̅ ⲡⲉⲥⲛⲟϥ. Ⲁⲩⲱ ⲥⲉⲛⲁϭⲱϣⲧ ⲉϩⲣⲁⲓ
ⲉⲡϫⲓⲥⲉ ⲛ̅ ⲧⲉϩⲉⲛϩⲟⲧⲉ ϣⲱⲡⲉ ϩⲓⲧⲉϩⲓⲏ. ⲁⲩⲱ ⲡⲁⲙⲩⲅⲇⲁⲗⲟⲛ ϥⲛⲁϯⲟⲩⲱ
ⲛ̅ ⲧⲉⲡⲉϣϫⲉϩⲧⲁⲓ . ⲛ̅ ⲧⲉⲧⲕⲁⲡⲡⲁⲣⲓⲥ ϫⲱⲱⲣⲉ ⲉⲃⲟⲗ . ⲁⲩⲱ ⲛⲉⲧⲛⲉϩⲡⲉ
ϯⲟⲩⲟⲓ ϩⲛ̅ ⲧⲁⲅⲱⲣⲁ . ⲉⲃⲟⲗϫⲉ ⲁⲡⲣⲱⲙⲉ ⲃⲱⲕ ⲉⲡⲉϥⲏⲓ ϣⲁⲉⲛⲉϩ .
ⲙ̅ ⲡⲁⲧⲉϥϣⲓⲃⲉ ⲛ̅ ϭⲓⲡⲓⲛⲉ ⲙ̅ ⲫⲁⲧ ⲁⲩⲱ ⲛϥ̅ⲧⲁⲕⲟ ⲛ̅ ϭⲓⲡⲥⲁ ⲙ̅ ⲡⲛⲟⲩⲃ
ⲛ̅ ⲧⲉⲧϩⲩⲇⲣⲓⲁ ⲟⲩⲱϣϥ̅ ϩⲓϫⲛ̅ ⲧⲡⲩⲅⲏ ⲛ̅ ⲧⲉⲡⲉⲧⲣⲟⲭⲟⲥ ϩⲓϩⲓⲡϣⲏⲓ . ⲁⲩⲱ
ⲛ̅ ⲧⲉⲡⲉⲭⲟⲩⲥ ⲕⲧⲟϥ ⲉϩⲣⲁⲓ ⲉⲡⲕⲁϩ ⲛ̅ ⲑⲉ ⲉⲛⲉϥⲟ ⲙ̅ ⲙⲟⲥ . ⲛ̅ ⲧⲉⲡⲉⲡ̅ ⲛ̅ ⲁ̅
ϩⲱⲱϥ ⲕⲧⲟϥ ⲉⲣⲁⲧϥ̅ ⲙ̅ ⲡⲛⲟⲩⲧⲉ ⲛ̅ ⲑⲉ ⲉⲛⲧⲁϥⲧⲁⲁϥ . Ⲟⲩⲡⲉⲧϣⲟⲩⲉⲓⲧ
ⲛⲙ̅ ⲡⲉⲧϣⲟⲩⲉⲓⲧ ⲡⲉⲧϣⲟⲟⲡ. Ⲡⲉϫⲉⲡⲉⲕⲕⲗⲏⲥⲓⲁⲥⲧⲏⲥ ϩⲱⲃ ⲛⲓⲙ
ⲡⲉⲧϣⲟⲩⲉⲓⲧ ⲡⲉ . Ⲟⲩⲛⲟⲩϩⲟⲩⲟ ⲇⲉ ϣⲟⲟⲡ . ϫⲉ ⲁⲡⲉⲕⲕⲗⲏⲥⲓⲁⲥⲧⲏⲥ
ⲣ̅ ⲥⲟⲫⲟⲥ ⲉⲁϥⲧⲥⲁⲃⲉⲡⲗⲁⲟⲥ ⲉⲡⲥⲟⲟⲩⲛ ⲁⲩⲱ ⲡⲙⲁⲁϫⲉ ⲛⲁϩⲟⲧϩⲧ̅

14. ⲛ̅ ⲥⲁⲡⲥⲁ ⲛ̅ ⲙ̅ ⲡⲁⲣⲁⲃⲟⲗⲏ. Ⲡⲉⲕⲕⲗⲏⲥⲓⲁⲥⲧⲏⲥ ⲁϥϣⲓⲛ ⲛ̅ ⲥⲁϩⲉⲛⲣⲟⲙⲡⲉ
ⲉⲛⲁϣⲱⲟⲩ ⲉⲧⲣⲉϥϩⲉ ⲉⲛ̅ ϣⲁϫⲉ ⲙ̅ ⲡⲟⲩⲱϣ ⲁⲩⲱ ⲡⲁⲡⲥⲟⲟⲩⲧⲛ̅ ⲟⲩⲛ
ⲉⲧⲥⲏϩ ⲉϩⲉⲛϣⲁϫⲉ ⲛ̅ ⲧⲙⲉ. Ⲛ̅ ϣⲁϫⲉ ⲛ̅ ⲛ̅ ⲥⲟⲫⲟⲥ ⲉⲩⲟ ⲛ̅ ⲑⲉ ⲛ̅ ϩⲉⲛϫⲟⲟⲕⲉϥ
ⲛ̅ ⲉϩⲉ. ⲁⲩⲱ ⲛ̅ ⲑⲉ ⲛ̅ ϩⲉⲛⲉⲓϥⲧ ⲉⲩⲧⲣ̅ ⲧⲱⲣ ⲛⲁⲓ ⲉⲛⲧⲁⲩⲁⲁⲩ ⲉⲃⲟⲗϩⲓⲧⲟⲟⲧⲟⲩ
ⲛ̅ ⲛⲉⲩϣⲃⲉⲉⲣ ⲉⲃⲟⲗ ϩⲛ̅ ⲟⲩϣⲱⲥ ⲛ̅ ⲟⲩⲱⲧ . ⲉⲣⲉⲟⲩϩⲟⲩⲟ ϣⲟⲟⲡ ⲉⲃⲟⲗ
ⲛ̅ ϩⲏⲧⲟⲩ. Ⲡⲁϣⲏⲣⲉ ϩⲁⲣⲉϩ ⲉⲣⲟⲕ ⲉⲙⲁⲧⲉ ⲉⲧⲙ̅ ⲧⲁⲙⲓⲉϩⲁϩ ⲛ̅ ϫⲱⲱⲙⲉ
Ⲙⲛ̅ ϩⲁⲏ ⲇⲉ ⲙ̅ ⲙⲟⲟⲩ ⲛⲁϣⲱⲡⲉ ⲛⲁⲕ ⲁⲩⲱ ⲟⲩⲙⲉⲗⲉⲧⲏ ⲉⲛⲁϣⲱⲥ :
Ⲟⲩϩⲓⲥⲉ ⲡⲉ ⲛ̅ ⲧⲥⲁⲣⲝ̅ ⲑⲁⲏ ⲙ̅ ⲡϣⲁϫⲉ ⲥⲱⲧⲙ̅ ⲉⲡⲧⲏⲣϥ̅ : Ⲁⲣⲓϩⲟⲧⲉ ϩⲏⲧϥ̅
ⲙ̅ ⲡⲛⲟⲩⲧⲉ ⲁⲩⲱ ⲛⲅ̅ ϩⲁⲣⲉϩ ⲉⲛⲉϥⲉⲛⲧⲟⲗⲏ . Ϫⲉ ⲡⲧⲱϣ ⲡⲉ ⲡⲁⲓ ⲛ̅ ⲣⲱⲙⲉ
ⲛⲓⲙ ϫⲉ ⲡⲧⲁⲙⲓⲟ ⲧⲏⲣϥ̅ ⲡⲛⲟⲩⲧⲉ ⲛⲁⲧⲁϩⲟϥ ⲉⲣⲁⲧϥ̅ ⲉⲕⲣⲓⲛⲉ ⲙ̅ ⲙⲟϥ
ⲉⲧⲃⲉϩⲱⲃ ⲛⲓⲙ ⲉⲁⲩⲟⲃϣⲟⲩ ⲉⲣⲟⲟⲩ . ⲉⲧⲃⲉⲟⲩⲁⲅⲁⲑⲟⲛ ⲁⲩⲱ
ⲉⲧⲃⲉⲟⲩⲡⲟⲛⲏⲣⲟⲛ.
ⲡϫⲱⲱⲙⲉ ⲙ̅ ⲡⲉⲕⲕⲗⲏⲥⲓⲁⲥⲧⲏⲥ ⲉⲧⲉⲕⲟϩⲉⲗⲉⲧ