2. MANUEL A. ROXAS (1946 – 1948)
Si Manuel A. Roxas ang huling pangulo ng pamahalaang Komonwelt
at unang pangulo ng Ikatlong Republika nang matapos ang digmaan noong
1945. nagkaroon muli na halalan ang Pilipinas at ang nagkatunggali ay ang
magkaibigang sina Sergio Osmeña at Manuel Roxas.
3. MANUEL A. ROXAS (1946 – 1948)
Tinalo ni Roxas si Osmeña sa halalan at noong ika-apat ng Hulyo
taong 1946, bukod sa pagdiriwang ng kasarinlan ng Pilipinas, ay
ipinahayag din na si Manuel Roxas bilang unang Pangulo ng Ikatlong
Republika ng Pilipinas.
4. MANUEL A. ROXAS (1946 – 1948)
Ilan sa mga suliraning kaniyang kinaharap ay ang sumusunod:
a. Ang lugmok na ekonomiya ng bansa na sadyang naapektuhan ng digmaan;
b. Pagpapanatili ng pambansang seguridad na nanganib sanhi ng pagkilos ng
mga HUK; at
c. Pagbubuklod ng mga Pilipinong nahati dahil sa isyu ng kolaborasyon.
5. Pangunahing hamon sa administrasyong Roxas ang pagbangon ng
Pilipinas mula sa kahirapang dulot ng Ikalawang Digmaang Pandaigdig. Bilang
isa sa mga tugon, itinatag ni Roxas ang Rehabilitation Finance Corporation upang
makalikom ng pondo sa pamamagitan ng pagbebenta ng mga surplus na
kagamitang military at iba pang ari-arian. Nagkakahalaga ng 200 milyong piso
ang mga kagamitang ibinenta ng korporasyon, subalit matapos ng tatlong taon
nitong operasyon, 28 milyong piso lamang ang naibalik nito sa pamahalaan. Ang
hindi naibalik na halaga ay nananatiling nawawala.
6. Nanatili ring isang malaking suliranin ang bagsak na ekonomiya ng
Pilipinas. Labis ang pag-aangkat ng produktong ng bansa na umabot sa halagang
isang bilyong piso o limangdaang milyong dolyar noong 1948 lamang. Bukod pa
rito, naroon rin ang talamak na korupsiyon, labis na pagpapatong ng presyo sa
halaga ng mga bilihin, at 15% na unemployment rate.
7. Minabuting panatilihin ni Roxas ang malapit na ugnayan ng Pilipinas at
Amerika sapagkat inaasahang sa mga Amerikano magmumula ang malaking
bahagi ng ponding kakailanganin ng Pilipinas para sa rehabilitasyon nito.
Sinoportahan ni Roxas ang pagsasabatas ng Philippine Rehabilitation Act at ng
Bell Trade Act.
8. Inatake sa puso at namatay si Roxas matapos siyang magbigay ng
talumpati sa Clark Air Base noong Abril 15, 1948.
