https://sawwaf.blogspot.com/2024/03/coptic-bible.html

1. ⲠϪⲰⲰⲘⲈ Ⲛ̅ ⲒⲞⲨⲆⲈⲒⲐ
Ϩⲣⲁⲓ ϩⲛ̅ ⲧⲙⲛ̅ ⲧⲥⲛⲟⲟⲩⲥ ⲛ̅ ⲣⲟⲙⲡⲉ ⲛ̅ ⲧⲙⲛ̅ ⲧⲉⲣⲟ ⲛⲚⲁⲃⲟⲩⲭⲟⲇⲟⲛⲟⲥⲟⲣ ⲡⲁⲓ ⲉⲛⲧⲁϥⲣⲣ̅ ⲣⲟ ⲉϫⲛ̅ ⲛⲀⲥⲩⲣⲓⲟⲥ ϩⲛ̅ Ⲛⲓⲛⲉⲩⲏ
ⲧⲛⲟϭ ⲙ̅ ⲡⲟⲗⲓⲥ . ϩⲛ̅ ⲛⲉϩⲟⲟⲩ ⲛ̅ Ⲁⲣⲫⲁⲝⲁⲇ ⲉⲛⲧⲁϥⲣ̅ ⲣⲣⲟ ⲉϫⲛ̅ ⲙ̅ Ⲙⲏⲇⲟⲥ ϩⲛ̅ ⲛⲈⲕⲃⲁⲇⲁⲛⲟⲥ . ⲁϥⲕⲱⲧ ⲛ̅ ⲧⲈⲕⲃⲁⲇⲁⲛⲟⲥ
ⲛ̅ ϩⲉⲛⲥⲟⲃⲧ ⲉⲩⲕⲱⲧⲉ ⲛ̅ ϩⲉⲛⲱⲛⲉ ⲉⲩⲕⲉϩⲕⲱϩ . ⲉⲩⲉⲓⲣⲉ ⲛ̅ ϣⲟⲙⲛ̅ ⲧ ⲙ̅ ⲙⲁϩⲉ ⲛ̅ ⲟⲩⲱϣⲥ̅ . ⲁⲩⲱ ⲥⲟⲟⲩ ⲙ̅ ⲙⲁϩⲉ ⲛ̅ ϣⲓⲏ.
Ⲁϥϫⲉⲥⲧⲡⲥⲟⲃⲧ ⲛ̅ ϣⲃⲉ ⲙ̅ ⲙⲁϩⲉ . ⲁⲩⲱ ⲡⲉϥⲟⲩⲱϣⲥ̅ ⲛ̅ ⲧⲁⲓⲟⲩ ⲙ̅ ⲙⲁϩⲉ . Ⲁϥⲕⲁⲛⲉⲥⲡⲩⲣⲅⲟⲥ ⲉϫⲛ̅ ⲛⲉⲥⲡⲩⲗⲏ ⲉⲩⲉⲓⲣⲉ ⲛ̅ ϣⲉ
ⲙ̅ ⲙⲁϩⲉ . ⲧⲥⲛ̅ ⲧⲉ ⲙ̅ ⲡⲉⲥⲟⲩⲱϣⲥ̅ ⲡⲉ ⲥⲉ ⲙ̅ ⲙⲁϩⲉ . Ⲁϥⲕⲱⲧ ⲛ̅ ⲛⲉⲥⲡⲩⲗⲏ ⲉⲩϫⲟⲥⲉ ⲛ̅ ϣⲃⲉ ⲙ̅ ⲙⲁϩⲉ . ⲁⲩⲱ ⲡⲉⲥⲟⲩⲱϣⲥ̅ ⲛ̅ ϩⲙⲉ
ⲙ̅ ⲙⲁϩⲉ . Ⲉⲡⲉⲓ ⲉⲃⲟⲗ ⲛ̅ ⲧⲉϥϭⲟⲙ ⲙⲛ̅ ⲧⲉϥⲧⲓⲁⲥⲧⲁⲥⲓⲥ . ⲙⲛ̅ ⲛⲉϥⲧⲣⲓⲥⲧⲁⲧⲏⲥ. ⲙⲛ̅ ⲛⲉϥⲧⲱϣ ⲛ̅ ⲛⲉϥⲣⲙ̅ ⲣⲁⲧⲟⲩ. Ⲁϥⲉⲓⲣⲉ ⲛ̅ ⲟⲩⲛⲟϭ
ⲙ̅ ⲡⲟⲗⲉⲙⲟⲥ ϩⲛ̅ ⲛⲉϩⲟⲟⲩ ⲉⲧⲙ̅ ⲙⲁⲩ ⲛ̅ ϭⲓⲡⲣ̅ ⲣⲟ Ⲛⲁⲃⲟⲩⲭⲟⲇⲟⲛⲟⲥⲟⲣ. ⲛ̅ ⲛⲁϩⲣⲛ̅ Ⲁⲣⲫⲁⲝⲁⲇ ⲡⲣ̅ ⲣⲟ ϩⲛ̅ ⲧⲛⲟϭ ⲛ̅ ⲥⲱϣⲉ ⲉⲧⲉⲡⲁⲓ
ⲡⲉ ϩⲛ̅ ⲛⲧⲟϣ ⲛ̅ Ϩⲣⲁⲅⲁⲩ: Ⲁⲩⲧⲱⲙⲛ̅ ⲧ ⲉⲣⲟϥ ⲛ̅ ϭⲓⲛⲉⲧⲟⲩⲏϩ ⲧⲏⲣⲟⲩ ϩⲛ̅ ⲧⲟⲣⲓⲛⲏ . ⲙⲛ̅ ⲛⲉⲧⲟⲩⲏϩ ϩⲙ̅ ⲡⲈⲩⲫⲣⲁⲇⲏⲥ . ⲙⲛ̅ Ⲧⲓⲅⲣⲓⲥ
. ⲁⲩⲱ Ϩⲩⲇⲁⲥⲡⲏⲥ . ⲙⲛ̅ ⲛⲥⲱϣⲉ ⲛ̅ Ⲁⲣⲓⲱⲭ ⲡⲣ̅ ⲣⲟ ⲛ̅ Ⲉⲗⲉⲙⲉⲱⲛ . ⲁⲩⲉⲓ ⲛ̅ ϭⲓⲛ̅ ϩⲉⲑⲛⲟⲥ ⲉⲩⲛⲟϭ ⲙ̅ ⲡⲁⲣⲁⲇⲁⲝⲓⲥ ⲉⲛⲁϣⲱⲥ
ⲉϫⲛ̅ ⲛϣⲏⲣⲉ ⲛ̅ Ⲭⲉⲗⲉⲟⲩⲗ : Ⲁϥϫⲟⲟⲩ ⲛ̅ ϭⲓⲚⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲛ̅ ⲛⲀⲥⲥⲩⲣⲓⲟⲥ ⲛ̅ ⲥⲁⲟⲩⲟⲛ ⲛⲓⲙ ⲉⲧⲟⲩⲏϩ
ϩⲙ̅ ⲡⲈⲩⲫⲣⲁⲧⲏⲥ . ⲙⲛ̅ ⲟⲩⲟⲛ ⲛⲓⲙ ⲉⲧⲟⲩⲏϩ ϩⲛ̅ ⲙ̅ Ⲡⲉⲣⲥⲏⲥ . ⲙⲛ̅ ⲟⲩⲟⲛ ⲛⲓⲙ ⲉⲧϣⲟⲟⲡ ϩⲙ̅ ⲡⲉⲙⲛ̅ ⲧ . ⲙⲛ̅ ⲛⲉⲧϣⲟⲟⲡ
ϩⲛ̅ ⲧⲔⲓⲗⲓⲕⲓⲁ . ⲙⲛ̅ Ⲇⲁⲙⲁⲥⲕⲟⲥ . ⲙⲛ̅ ⲡⲖⲓⲃⲁⲛⲟⲥ. ⲙⲛ̅ ⲡⲀⲛⲧⲓⲗⲓⲃⲁⲛⲟⲥ . ⲙⲛ̅ ⲟⲩⲟⲛ ⲛⲓⲙ ⲉⲧⲟⲩⲏϩ ⲙ̅ ⲡⲙ̅ ⲧⲟ ⲉⲃⲟⲗ ⲛ̅ ⲧⲡⲁⲣϩⲁⲗⲓⲁ
. ⲙⲛ̅ ⲛϩⲉⲑⲛⲟⲥ ⲉⲧϩⲙ̅ ⲡⲔⲁⲣⲙⲏⲗⲟⲥ . ⲙⲛ̅ ⲧⲄⲁⲗⲁⲁⲇ . ⲙⲛ̅ ⲧⲄⲁⲗⲓⲗⲁⲓⲁ ⲉⲧϩⲛ̅ ⲧⲡⲉ. ⲙⲛ̅ ⲧⲛⲟϭ ⲛ̅ ⲥⲱϣⲉ ⲛ̅ ⲛⲈⲥⲣⲏⲙ . ⲙⲛ̅ ⲟⲩⲟⲛ
ⲛⲓⲙ ⲉⲧϩⲛ̅ ⲧⲤⲁⲙⲁⲣⲓⲁ ⲙⲛ̅ ⲛⲉⲥⲡⲟⲗⲓⲥ . ⲁⲩⲱ ⲡⲓⲕⲣⲟ ⲙ̅ ⲡⲒⲟⲣⲇⲁⲛⲏⲥ ϣⲁⲑⲒⲉⲣⲟⲩⲥⲁⲗⲏⲙ . ⲙⲛ̅ Ⲃⲉⲇⲁⲛⲏ . ⲙⲛ̅ Ⲭⲉⲗⲗⲟⲩⲥ .
ⲙⲛ̅ Ⲕⲁⲇⲏⲥ. ⲁⲩⲱ ⲡⲣ̅ ⲣⲟ ⲛ̅ Ⲕⲏⲙⲉ . Ⲧⲁⲫⲛⲁⲥ . ⲙⲛ̅ Ϩⲣⲁⲙⲉⲥⲥⲏ. ⲁⲩⲱ Ⲅⲉⲥⲥⲉⲙ ⲧⲏⲣϥ̅ ϣⲁⲛⲧϥ̅ⲉⲓ ⲉϩⲣⲁⲓ ⲉⲧϪⲁⲁⲛⲉ .
ⲙⲛ̅ Ⲙⲛ̅ ϥⲉ . ⲁⲩⲱ ⲟⲩⲟⲛ ⲛⲓⲙ ⲉⲧϣⲟⲟⲡ ϩⲛ̅ Ⲕⲏⲙⲉ ϣⲁⲛⲧϥ̅ⲉⲓ ⲉϩⲣⲁⲓ ⲉϫⲛ̅ ⲛⲧⲟϣ ⲛ̅ ⲛⲉϭⲟⲟϣ .
Ⲁⲩⲱ ⲛⲉⲧⲟⲩⲏϩ ϩⲙ̅ ⲡⲕⲁϩ ⲧⲏⲣϥ̅ ⲁⲩⲥⲱϣϥ̅ ⲙ̅ ⲡϣⲁϫⲉ Ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲛ̅ Ⲁⲥⲥⲩⲣⲓⲟⲥ . ⲙ̅ ⲡⲟⲩⲉⲓⲛ ⲛ̅ ⲙⲙⲁϥ
ⲉⲡⲡⲟⲗⲉⲙⲟⲥ ⲉⲃⲟⲗϫⲉ ⲙ̅ ⲡⲟⲩⲣ̅ ϩⲟⲧⲉ ϩⲏⲧϥ̅ . ⲁⲗⲗⲁ ⲛⲉϥϣⲟⲟⲡ ⲙ̅ ⲡⲉⲩⲙ̅ ⲧⲟ ⲉⲃⲟⲗ ⲛ̅ ⲑⲉ ⲛ̅ ⲟⲩⲣⲱⲙⲉ ⲛ̅ ⲟⲩⲱⲧ. Ⲁⲩⲧⲥ̅ ⲧⲟ
ⲉⲃⲟⲗ ⲛ̅ ⲛⲉϥⲁⲓϣⲓⲛⲉ ϩⲛ̅ ⲟⲩⲥⲱϣϥ̅ ⲙ̅ ⲡⲉⲩⲙ̅ ⲧⲟ ⲉⲃⲟⲗ . Ⲛⲁⲃⲟⲩⲭⲟⲇⲟⲛⲟⲥⲟⲣ ⲁϥϭⲱⲛⲧ ⲉϫⲙ̅ ⲡⲉⲓⲕⲁϩ ⲧⲏⲣϥ̅. ⲁϥⲱⲣⲕ̅
ⲙ̅ ⲡⲉⲑⲣⲟⲛⲟⲥ ⲛ̅ ⲧⲉϥⲙⲛ̅ ⲧⲉⲣⲟ ⲉϥϫⲱ ⲙ̅ ⲙⲟⲥ . ϫⲉ ϯⲛⲁⲉⲓⲣⲉ ⲙ̅ ⲡⲁⲕⲃⲁ ϩⲙ̅ ⲡⲧⲟϣ ⲛ̅ ⲧⲖⲓⲗⲓⲕⲓⲁ . ⲙⲛ̅ Ⲇⲁⲙⲁⲥⲕⲟⲥ. ⲙⲛ̅ ⲧⲤⲩⲣⲓⲁ
. ⲉⲧⲣⲉⲧⲁⲥⲏϥⲉ ⲧⲁⲕⲟⲟⲩ . ⲙⲛ̅ ⲟⲩⲟⲛ ⲛⲓⲙ ⲉⲧⲟⲩⲏϩ ϩⲙ̅ Ⲙⲱⲁⲃ . ⲙⲛ̅ ⲛϣⲏⲣⲉ ⲛ̅ Ⲁⲙⲙⲱⲛ . ⲙⲛ̅ ⲇⲓⲒⲟⲩⲇⲁⲓⲁ ⲧⲏⲣⲥ̅ ⲙⲛ̅ ⲟⲩⲟⲛ
ⲛⲓⲙ ⲉⲧⲟⲩⲏϩ ϩⲛ̅ Ⲕⲏⲙⲉ. ϣⲁⲛⲧϥ̅ⲉⲓ ⲉϩⲣⲁⲓ ⲉϫⲛ̅ ⲛⲧⲟϣ ⲛ̅ ⲑⲁⲗⲁⲥⲥⲁ ⲥⲛ̅ ⲧⲉ :
Ⲁϥⲥⲣ̅ ⲙ̅ ⲙ̅ ⲗⲁϩ ⲉⲃⲟⲗ ⲛ̅ ⲛⲁϩⲣⲛ̅ Ⲁⲣⲫⲁⲝⲁⲇ ⲡⲣ̅ ⲣⲟ ϩⲣⲁⲓ ϩⲛ̅ ⲧⲙⲉϩⲙⲛ̅ ⲧⲥⲁϣϥⲉ ⲛ̅ ⲣⲟⲙⲡⲉ . ⲁϥⲁⲙⲁϩⲧⲉ ϩⲙ̅ ⲡⲉϥⲡⲟⲗⲉⲙⲟⲥ .
ⲁϥⲕⲧⲟ ⲛ̅ ⲧϭⲟⲙ ⲧⲏⲣⲥ̅ ⲛ̅ Ⲁⲣⲫⲁⲝⲁⲇ. ⲙⲛ̅ ⲛⲉϥϩⲧⲱⲱⲣ. ⲙⲛ̅ ⲛⲉϥϩⲁⲣⲙⲁ ⲧⲏⲣⲟⲩ . Ⲁϥⲣ̅ ϫⲟⲉⲓⲥ ⲉϫⲛ̅ ⲛⲉϥⲡⲟⲗⲓⲥ ⲁϥⲧⲁϩⲟϥ
ϣⲁⲛⲈⲕⲃⲁⲇⲁⲛⲟⲥ . ⲁϥⲁⲙⲁϩⲧⲉ ⲙ̅ ⲡⲉⲥⲡⲩⲣⲅⲟⲥ ⲁϥϣⲱⲗ ⲛ̅ ⲛⲉⲥⲡⲗⲁⲧⲓⲁ . ⲡⲉⲥⲕⲟⲥⲙⲟⲥ ⲁϥⲕⲁⲁϥ ⲛⲁⲥ ⲉⲩⲛⲟϭⲛⲉϭ. Ⲁϥϫⲓ
ⲛ̅ Ⲁⲣⲫⲁⲝⲁⲇ . ϩⲙ̅ ⲡⲧⲟⲟⲩ ⲛ̅ Ϩⲣⲁⲅⲁⲩ . ⲁϥⲕⲟⲛⲥϥ̅ ϩⲣⲁⲓ ϩⲛ̅ ⲛⲉϥϫⲉⲃⲏⲗ . ⲁⲩⲱ ⲁϥⲃⲟⲧϥ̅ ⲉⲃⲟⲗ ϣⲁϩⲣⲁⲓ ⲉⲡⲉϩⲟⲟⲩ ⲉⲧⲙ̅ ⲙⲁⲩ
. ⲁϥⲕⲧⲟϥ ⲛⲙ̅ ⲙⲁⲩ ⲛ̅ ⲧⲟϥ ⲙⲛ̅ ⲧⲉϥⲁϥϣⲏ ⲛ̅ ⲣⲱⲙⲉ ⲛ̅ ⲛⲣⲉϥⲙⲓϣⲉ ⲉⲧⲛⲁϣⲱⲟⲩ ⲉⲙⲁⲧⲉ. ⲁⲩⲱ ⲛⲉϥϩⲙ̅ ⲡⲙⲁ ⲉⲧⲙ̅ ⲙⲁⲩ ⲉϥϯ
ⲙ̅ ⲙⲟϥ ⲛ̅ ⲧⲙⲛ̅ ⲧϣⲁ ⲙⲛ̅ ⲡⲟⲩⲛⲟϥ ϩⲙ̅ ⲡⲥⲱ ⲙ̅ ⲡⲏⲣⲡ̅ ⲙⲛ̅ ⲡⲉϥⲙⲏⲏϣⲉ ⲛⲁⲁϣⲉϫⲟⲩⲱⲧ ⲛ̅ ϩⲟⲟⲩ:
Ⲃ̅ . Ϩⲛ̅ ⲧⲙⲉϩⲙⲛ̅ ⲧϣⲙⲏⲛⲉ ⲛ̅ ⲣⲟⲙⲡⲉ ⲛ̅ ⲥⲟⲩϫⲟⲩⲧⲥⲛⲟⲟⲩⲥ ⲙ̅ ⲡϣⲟⲣⲡ ⲛ̅ ⲉⲃⲟⲧ ⲡϣⲁϫⲉ ⲁϥϣⲱⲡⲉ ϩⲙ̅ ⲡⲏⲓ
Ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲛ̅ ⲛⲀⲥⲥⲩⲣⲓⲟⲥ ⲉⲣ̅ ⲡⲉϥⲕⲃⲁ ⲙⲛⲡⲕⲁϩ ⲧⲏⲣϥ̅ ⲕⲁⲧⲁⲑⲉ ⲉⲛⲧⲁϥϫⲟⲟⲥ . Ⲁϥⲙⲟⲩⲧⲉ
ⲉⲛⲉϥϩⲙ̅ ϩⲁⲗ ⲧⲏⲣⲟⲩ . ⲙⲛ̅ ⲛⲉϥⲙⲉⲅⲓⲥⲧⲁⲛⲟⲥ ⲧⲏⲣⲟⲩ ⲁϥϫⲱ ⲛⲙ̅ ⲙⲁⲩ ⲙ̅ ⲡⲙⲩⲥⲧⲏⲣⲓⲟⲛ ⲙ̅ ⲡⲉϥϣⲟϫⲛⲉ . ⲁϥϫⲱⲕ ⲉⲃⲟⲗ
ⲛ̅ ⲧⲕⲁⲕⲓⲁ ⲧⲏⲣⲥ̅ ⲙ̅ ⲡⲕⲁϩ ⲉⲃⲟⲗ ϩⲛ̅ ⲣⲱϥ. ⲁⲩⲕⲣⲓⲛⲉ ϩⲱⲟⲩ ⲉⲧⲁⲕⲉⲥⲁⲣⲝ̅ ⲛⲓⲙ ⲛⲁⲓ ⲉⲧⲉⲙ̅ ⲡⲟⲩⲟⲩⲁϩⲟⲩ ⲛ̅ ⲥⲁⲡϣⲁϫⲉ ⲛ̅ ⲣⲱϥ
Ⲛⲁⲃⲟⲩⲭⲟⲇⲟⲛⲟⲥⲟⲣ : Ⲁⲥϣⲱⲡⲉ ⲇⲉ ⲛ̅ ⲧⲉⲣⲉⲥⲟⲩⲱ ⲙ̅ ⲡⲉϥϣⲟϫⲛⲉ . ⲁⲚⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲛ̅ ⲛⲀⲥⲥⲩⲣⲓⲟⲥ
ⲙⲟⲩⲧⲉ ⲉⲞⲗⲟⲫⲉⲣⲛⲏⲥ ⲡⲁⲣⲭⲓⲥⲧⲣⲁⲧⲏⲅⲟⲥ ⲛ̅ ⲧⲉϥϭⲟⲙ ⲉⲡⲙⲉϩⲥⲛⲁⲩ ⲡⲉ ⲙⲛ̅ ⲛⲥⲱϥ ⲡⲉϫⲁϥ ⲛⲁϥ. ϫⲉ ⲛⲁⲓ ⲛⲉⲧⲉⲣⲉⲡⲛⲟϭ
ⲛ̅ ⲣ̅ ⲣⲟ ϫⲱ ⲙ̅ ⲙⲟⲟⲩ ⲡϫⲟⲉⲓⲥ ⲙ̅ ⲡⲕⲁϩ ⲧⲏⲣϥ̅ . Ⲉⲓⲥ ϩⲏⲏⲧⲉ ⲛ̅ ⲧⲟⲕ ⲁⲙⲟⲩ ⲙ̅ ⲡⲁⲙ̅ ⲧⲟ ⲉⲃⲟⲗ ⲛⲅ̅ ϫⲓ ⲛⲙ̅ ⲙⲁⲕ ⲛ̅ ϩⲉⲛⲣⲱⲙⲉ
ⲉⲩⲧⲏⲕ ⲛ̅ ϩⲏⲧ . ⲛⲉⲣⲙ̅ ⲣⲁⲧⲟⲩ ⲉⲩⲛⲁⲣ̅ ⲓ̅ⲃ̅ ⲛ̅ ⲧⲃⲁ ⲛ̅ ⲣⲱⲙⲉ . ⲛⲉϩⲧⲱⲱⲣ ⲉⲣⲉⲛⲉⲩϩⲓⲡⲡⲉⲩⲥ ⲉϫⲱⲟⲩ . ⲓ̅ⲃ̅ ⲛ̅ ϣⲟ . Ⲉⲕⲉⲃⲱⲕ
ⲉⲡⲧⲱϣ ⲧⲏⲣϥ̅ ⲙ̅ ⲡⲉⲙⲛ̅ ⲧ ⲉⲃⲟⲗϫⲉ ⲁⲛⲉⲧⲛ̅ ϩⲏⲧϥ̅ ϯⲟⲩⲃⲉⲡⲉⲛⲧⲁⲓϩⲱⲛ ⲙ̅ ⲙⲟⲥ . Ⲟⲩⲉϩⲥⲁϩⲛⲉ ⲉⲣⲟⲟⲩ ⲉⲧⲣⲉⲩϥⲓⲉⲓⲧⲛ̅
ⲉⲣⲟⲓ ϩⲓⲙⲟⲟⲩ . ⲙⲏⲡⲟⲧⲉ ⲛ̅ ⲧⲁⲧⲙ̅ ϭⲱⲛⲧ̅ ⲁⲩⲱ ⲉⲓⲃⲱⲕ ⲉⲣⲟⲟⲩ . ⲁⲩⲱ ⲛ̅ ⲧⲉⲡⲁⲗⲁⲟⲩ ϩⲉⲃⲥ̅ ⲡⲕⲁϩ ⲧⲏⲣϥ̅ ⲙ̅ ⲡⲉϥⲡⲱϫⲕ̅ .
Ⲛⲉⲛⲧⲁⲩϩⲟⲧⲃⲟⲩ ⲙ̅ ⲙⲟⲟⲩ ⲥⲉⲛⲁⲙⲟϩⲉⲓⲁ ⲛⲓⲙ ⲭⲓⲙⲁⲣⲣⲟⲥ ⲛⲓⲙ ϩⲓⲉⲓⲉⲣⲟ ⲛⲓⲙ ⲥⲉⲛⲁⲧⲟⲩⲗⲟ ⲉⲃⲟⲗ ϩⲛ̅ ⲛⲉⲩⲥⲱⲙⲁ.
Ⲛⲉⲩⲁⲓⲭⲙⲁⲗⲱⲧⲟⲥ ⲇⲉ ϯⲛⲁⲛ̅ ⲧⲟⲩ ϣⲁⲛ̅ ⲧⲟϣ ⲛ̅ ⲛⲉϥⲧⲟⲩⲧⲏⲩ. Ⲧⲉⲛⲟⲩ ϭⲉ ⲃⲱⲕ ⲛⲅ̅ ⲡⲁⲧⲁⲥⲥⲉ ⲛ̅ ⲧⲉⲭⲱⲣⲁ ⲧⲏⲣⲥ̅ .
Ⲉⲩϣⲁⲛⲡⲁⲣⲁⲇⲓⲇⲟⲩ ⲙ̅ ⲙⲟⲟⲩ ⲉⲕⲉⲕⲁⲁⲩ ⲉⲡⲁϩⲟⲩ ⲛⲁⲓ ⲉⲡⲉϩⲟⲟⲩ ⲛ̅ ⲧⲉⲩⲧⲓⲙⲱⲣⲓⲁ . ⲛⲉⲧϯⲟⲩⲃⲏⲕ ⲇⲉ ⲛ̅ ⲛⲉⲣ̅ ⲟⲩⲛⲁ
ⲛⲙ̅ ⲙⲁⲩ . ⲁⲗⲗⲁ ⲧⲁⲁⲩ ⲉϩⲣⲁⲓ ⲉⲩϣⲱⲗ ⲙⲛ̅ ⲟⲩⲧⲁⲕⲟ ϩⲛ̅ ⲧⲉⲭⲱⲣⲁ ⲧⲏⲣⲥ̅ . Ⲉⲓⲟⲛϩ̅ ⲁⲩⲱ ⲛⲁⲁϥ ⲛ̅ ϭⲓⲧⲁⲙⲛ̅ ⲧⲉⲣⲟ ⲁⲛⲟⲕ
ⲁⲓϣⲁϫⲉ ⲁⲩⲱ ϯⲛⲁⲁⲁϥ ϩⲛ̅ ⲧⲁϭⲓϫ ⲙ̅ ⲙⲓⲛ ⲙ̅ ⲙⲟⲓ . Ⲛ̅ ⲧⲟⲕ ⲇⲉ ⲙ̅ ⲡⲣ̅ ⲕⲱ ⲛ̅ ⲥⲱⲕ ⲙ̅ ⲡϩⲱⲛ ⲙ̅ ⲡⲉⲕϫⲟⲉⲓⲥ ⲁⲗⲗⲁ ⲁⲁϥ

2. ⲁⲧϫⲛⲁⲁⲩ ⲛ̅ ⲑⲉ ⲉⲛⲧⲁⲓϫⲟⲟⲥ ⲛⲁⲕ . Ⲁⲩⲱ Ⲟⲗⲟⲫⲉⲣⲛⲏⲥ ⲁϥⲃⲱⲕ ⲉⲃⲟⲗ ⲙ̅ ⲡⲉⲙⲧⲟ ⲙ̅ ⲡⲉϥϫⲟⲉⲓⲥ ⲁϥⲥⲩⲛⲁⲅⲉ
ⲛ̅ ⲛ̅ ⲁⲣⲭⲱⲛ ⲙⲛ̅ ⲛ̅ ⲥⲧⲣⲁⲧⲏⲅⲟⲥ ⲙⲛ̅ ⲛ̅ ⲁⲣⲭⲓⲥⲧⲣⲁⲧⲏⲅⲟⲥ ⲛ̅ ⲧⲉϭⲟⲙ ⲛ̅ Ⲁⲥⲥⲟⲩⲣ. Ⲁϥⲥⲉⲧⲡ̅ ϩⲉⲛⲣⲱⲙⲉ ⲉⲡⲡⲟⲗⲉⲙⲟⲥ ⲕⲁⲧⲁⲑⲉ
ⲉⲛⲧⲁⲡⲉϥϫⲟⲉⲓⲥ ϩⲱⲛ ⲉⲧⲟⲟⲧϥ̅ . ⲉⲩⲛⲁⲣ̅ ⲓ̅ⲃ̅ ⲛ̅ ⲧⲃⲁ ⲙⲛ̅ ⲛ̅ ⲣϥ̅ⲧⲕ̅ ⲥⲟⲧⲉ ⲉⲩϩⲓϫⲛ̅ ⲛⲉⲩϩⲧⲱⲱⲣ . Ⲁϥⲥⲣ̅ ⲡⲉϥⲙ̅ ⲗⲁϩ ⲉⲃⲟⲗ .
Ⲁⲩⲱ ⲁϥϫⲓ ⲛ̅ ϩⲉⲛϭⲁⲙⲁⲩⲗⲉ ⲙⲛ̅ ϩⲉⲛⲉⲓⲱⲟⲩⲉ ⲙⲛ̅ ϩⲉⲛⲙⲁⲥⲡⲟⲣⲕ ⲉⲧⲣⲉϥⲟⲧⲡⲟⲩ ⲛ̅ ⲧⲉϥⲥⲕⲉⲩⲏ ⲉⲥⲟϣ . ⲁⲩⲱ
ϩⲉⲛⲉⲥⲟⲟⲩ ⲛ̅ ⲁⲧϫⲓⲏⲡⲉ ⲙⲛ̅ ϩⲉⲛⲧⲃ̅ ⲛⲟⲟⲩⲉ ⲙⲛ̅ ϩⲉⲛⲃⲁⲁⲙⲡⲉ ⲛ̅ ⲥϩⲓⲙⲉ ⲁϥⲧⲁⲁⲩ ⲉⲩϩⲣⲉ . Ⲁⲩⲱ ⲡϭⲓⲛⲟⲩⲱⲙ ⲟⲛ
ⲛ̅ ⲣⲱⲙⲉ ⲛⲓⲙ . ⲁϥϫⲓ ⲛ̅ ⲟⲩⲛⲟⲩⲃ ⲙⲛ̅ ⲟⲩϩⲁⲧ ⲉⲃⲟⲗ ϩⲙ̅ ⲡⲉⲡⲁⲗⲗⲁⲧⲓⲟⲛ ⲙ̅ ⲡⲣ̅ ⲣⲟ ⲉⲩⲁϣⲏ ⲡⲉ ⲉⲙⲁⲧⲉ . Ⲉⲁϥⲧⲱⲟⲩⲛϥ̅ ϭⲉ
ⲙⲛ̅ ⲧⲉϥϭⲟⲙ ⲧⲏⲣⲥ̅ . ⲉⲙⲟⲟϣⲉ ϩⲁⲑⲏ ⲙ̅ ⲡⲣ̅ ⲣⲟ Ⲛⲁⲃⲟⲩⲭⲟⲇⲟⲛⲟⲥⲟⲣ . ⲉⲃⲉϩⲛ̅ ⲡⲧⲱϣ ⲧⲏⲣϥ̅ ⲙ̅ ⲡⲉⲙⲛ̅ ⲧ . ⲛ̅ ⲛⲉϥϩⲁⲣⲙⲁ
ϩⲓϩϩⲓⲡⲡⲉⲩⲥ ⲁⲩⲱ ⲛⲉϥⲥⲟⲧⲡ̅ ⲛ̅ ⲣⲙ̅ ⲣⲁⲧⲟⲩ. Ⲟⲩⲙⲏⲏϣⲉ ⲛ̅ ⲗⲁⲟⲥ ⲡⲉⲛⲧⲁϥⲃⲱⲕ ⲛⲙ̅ ⲙⲁⲩ . ⲛ̅ ⲧⲙⲓⲛⲉ ϩⲟⲗⲱⲥ ⲛ̅ ⲛⲉϣϫⲏⲩ
. ⲛⲉⲩⲁⲧϫⲓⲏⲡⲉ ⲅⲁⲣ ⲡⲉ ⲛ̅ ⲁϣⲏ . Ⲁⲩⲱ ⲛ̅ ϣⲟⲙⲛ̅ ⲧ ⲛ̅ ϩⲟⲟⲩ ⲙ̅ ⲙⲟⲟϣⲉ . ⲁⲩⲉⲓ ⲉⲃⲟⲗ ϩⲛ̅ Ⲛⲓⲛⲉⲩⲏ ⲉⲧⲥⲱϣⲉ ⲙ̅ ⲃⲉⲕⲧⲗⲉⲧ .
ⲁⲩⲱ ⲁⲩⲧⲁⲁⲩ ⲉϩⲣⲁⲓ ⲉⲂⲉⲕⲧⲓⲗⲉⲧ ⲉⲧϩⲁⲧⲙ̅ ⲡⲧⲟⲟⲩ ⲙ̅ ⲡⲓⲉⲃⲧ . ⲛ̅ ⲧⲔⲓⲗⲓⲕⲓⲁ ⲉⲧϩⲛ̅ ⲧⲡⲉ . ⲁⲩϭⲱ ϩⲙ̅ ⲡⲙⲁ ⲉⲧⲙ̅ ⲙⲁⲩ .
Ⲙⲛ̅ ⲛ̅ ⲥⲱⲥ ⲁϥϫⲓⲡⲉⲙ̅ ⲗⲁϩ ⲧⲏⲣϥ̅ ⲉⲧⲉⲛⲉϥⲣⲙ̅ ⲣⲁⲧⲟⲩ ⲛⲉ ⲁⲩⲱ ⲛⲉϥϩⲓⲡⲡⲉⲩⲥ ⲙⲛ̅ ⲛ̅ ϩⲁⲣⲙⲁ . ⲁϥⲣ̅ ⲡⲃⲟⲗ ⲙ̅ ⲡⲙⲁ ⲉⲧⲙ̅ ⲙⲁⲩ
ⲁϥⲃⲱⲕ ⲉϩⲣⲁⲓ ⲉⲧⲟⲣⲓⲛⲏ . Ⲁϥϭⲟϫϭⲉϫ ⲙ̅ Ⲫⲟⲩⲁ ⲙⲛ̅ Ⲗⲟⲩⲁ . ⲁϥⲧⲱⲣⲡ̅ ⲛ̅ ⲛ̅ ϣⲏⲣⲉ ⲧⲏⲣⲟⲩ ⲛ̅ Ⲣⲁⲥⲥⲉⲓ ⲙⲛ̅ ⲛ̅ ϣⲏⲣⲉ
ⲛ̅ Ⲓⲥⲙⲁⲏⲗ . ⲛⲁⲓ ⲉⲧⲟⲩⲏϩ ϩⲙ̅ ⲡⲉⲕⲣⲟ ⲛ̅ ⲧⲉⲣⲏⲙⲟⲥ . Ⲁϥϫⲓⲟⲟⲣ ⲙ̅ ⲡⲈⲫⲣⲁⲧⲏⲥ ⲁϥⲙⲟⲩϣⲧ ⲛ̅ ⲧⲘⲉⲥⲟⲡⲟⲧⲁⲙⲓⲁ .
ⲁϥⲗⲟϥⲗⲉϥⲡⲟⲗⲓⲥ ⲛⲓⲙ ⲉⲧⲧⲟⲣⲕ̅ . ϫⲓⲛⲀⲃⲣⲟⲛⲁⲥ ⲡⲓⲉⲣⲟ ϣⲁϩⲣⲁⲓ ⲉⲧⲡⲁⲣϩⲁⲗⲓⲁ. Ⲁⲩⲱ ⲁϥⲡⲁⲧⲁⲥⲥⲉ ⲛ̅ ⲧⲔⲓⲗⲓⲕⲓⲁ
ⲉϥϩⲉⲧⲃ̅ ⲣⲱⲙⲉ ⲛⲓⲙ ⲉϥϯⲟⲩⲃⲏϥ ⲭ. Ⲁϥⲃⲱⲕ ⲉⲡⲧⲱϣ ⲛ̅ Ⲉⲓⲁⲫⲁⲧ ⲉⲧϩⲙ̅ ⲡⲙⲁⲣⲏⲥ ⲛ̅ ⲧⲀⲣⲁⲃⲁ Ⲁϥⲕⲱⲧⲉ ⲉⲛ̅ ϣⲏⲣⲉ
ⲧⲏⲣⲟⲩ ⲙ̅ Ⲙⲁⲇⲓϩⲁⲙ . ⲁϥⲣⲉⲕϩ̅ⲛⲉⲩⲥⲕⲏⲛⲏ ⲁϥϣⲱⲗ ⲛ̅ ⲛⲉϥⲣ̅ ⲥⲟⲟⲩⲉ . Ⲙⲛ̅ ⲛ̅ ⲥⲱⲥ ⲁϥϩⲃⲣ̅ ⲃⲱⲣϥ̅ ⲉⲧⲥⲱϣⲉ ⲛ̅ Ⲇⲁⲙⲁⲥⲕⲟⲥ
ⲙ̅ ⲡⲛⲁⲩ ⲙ̅ ⲡⲱⲥϩ̅ ⲙ̅ ⲡⲥⲟⲩⲟ . ⲁϥⲣⲉⲕϩ̅ⲛⲉⲩϣⲛⲏⲩ ⲧⲏⲣⲟⲩ . ⲁϥϩⲱϣϥ̅ ⲛ̅ ⲛⲉⲩⲉⲥⲟⲟⲩ ⲧⲏⲣⲟⲩ ⲙⲛ̅ ⲛⲉⲩⲧⲃ̅ ⲛⲟⲩⲉ . ⲁϥⲃⲱϣ
ⲛ̅ ⲛⲉⲩⲡⲟⲗⲓⲥ ⲁϥϩⲉⲣⲛⲉⲩⲉⲓⲁϩⲟⲩ ⲉⲃⲟⲗ: ⲁⲩⲡⲁⲧⲁⲥⲥⲉ ⲛ̅ ⲛⲉⲩϩⲣ̅ ϣⲓⲣⲉ ϩⲛ̅ ⲟⲩⲧⲱⲕⲙ̅ ⲛ̅ ⲥⲏϥⲉ. Ⲧⲟⲧⲉ ⲟⲩⲧⲣ̅ ⲣⲉ ⲛ̅ ϩⲏⲧ ⲁⲩⲱ
ⲟⲩⲥⲧⲱⲧ . ⲁϥⲉⲓ ⲉϩⲣⲁⲓ ⲉϫⲛ̅ ⲧⲡⲁⲣϩⲁⲗⲓⲁ . ⲛ̅ ⲛⲉⲧⲟⲩⲏϩ ϩⲛ̅ Ⲥⲓⲇⲱⲛ ⲙⲛ̅ Ⲧⲩⲣⲟⲥ . ⲛ̅ ⲣⲱⲙⲉ ⲛ̅ Ⲥⲟⲩⲣ ⲙⲛ̅ Ⲟⲕⲓⲛⲁ . ⲁⲩⲱ
ⲛⲁⲓ ⲉⲧϣⲟⲟⲡ ϩⲛ̅ Ⲓⲁⲙⲛⲓⲁ . ⲛ̅ ⲣⲙ̅ Ⲁⲥⲓⲇⲱⲑ ⲙⲛ̅ Ⲁⲥⲕⲁⲗⲟⲛ ⲟⲛ ⲛⲁⲩϣⲗⲁϩ ⲡⲉ ⲛ̅ ϩⲏⲧϥ̅ ⲉⲙⲁⲧⲉ ⲉⲙⲁⲧⲉ.
Ⲅ̅ . Ⲁⲩϫⲟⲟⲩ ⲛ̅ ϩⲉⲛϥⲁⲓϣⲓⲛⲉ ⲉⲣⲟϥ ⲉⲩⲙ̅ ⲡⲉⲩⲁⲅⲅⲉⲗⲓⲟⲛ . ϫⲉ ⲉⲓⲥ ϩⲏⲏⲧⲉ ⲥⲉⲛⲏϫ ⲙ̅ ⲡⲉⲕⲙ̅ ⲧⲟ . ⲁⲛⲟⲛ ⲛⲉϩⲙ̅ ϩⲁⲗ
ⲛ̅ Ⲛⲁⲃⲟⲩⲭⲟⲇⲟⲛⲟϭⲟⲣ ⲡⲣ̅ ⲣⲟ ⲉⲧⲛⲟϭ . ϫⲉⲕⲁⲥ ⲉⲕⲉⲉⲓⲣⲉ ⲛⲙ̅ ⲙⲁⲛ ⲕⲁⲧⲁⲑⲉ ⲉⲧⲕ̅ ⲟⲩⲁϣⲥ̅ . Ⲛⲉⲛϫⲉⲡⲣⲟ ⲅⲁⲣ ⲁⲩⲱ
ⲛⲉⲛϯⲙⲉ ⲧⲏⲣⲟⲩ . ϩⲓⲉⲓⲉϩⲥⲟⲩⲟ ⲛⲓⲙ ⲉⲩϩⲛ̅ ⲧⲉⲛϭⲓϫ . ϣⲱⲥ ⲙⲛ̅ ⲟϩⲉ ⲛⲓⲙ ⲛ̅ ⲧⲃ̅ ⲛⲟⲟⲩⲉ ⲉⲧⲛ̅ ⲧⲁⲛ ⲥⲉⲕⲏ ⲉⲣⲁⲧⲕ̅ . Ⲁⲩⲱ ⲉⲓⲥ
ⲛⲉⲛⲡⲟⲗⲓⲥ ϩⲱⲟⲩ ⲙⲛ̅ ⲛⲉⲧⲛ̅ ϩⲏⲧⲟⲩ ⲥⲉⲟ ⲛ̅ ϩⲙ̅ ϩⲁⲗ ⲛⲁⲕ . Ⲁⲙⲟⲩ ⲛⲅ̅ ⲧϩ̅ⲛⲟ ⲙ̅ ⲙⲟⲕ ⲉⲣⲟⲟⲩ ϩⲙ̅ ⲡⲉⲧⲣ̅ ⲁⲛⲁⲕ.
Ⲁⲩⲁϩⲉⲣⲁⲧⲟⲩ ϩⲓⲛⲁⲓ ⲙ̅ ⲡⲉⲙⲧⲟ ⲉⲃⲟⲗ ⲛ̅ Ⲟⲗⲟⲫⲉⲣⲛⲏⲥ ⲁⲩϫⲓⲟⲩⲱ ⲕⲁⲧⲁⲛⲁⲓ ⲉⲛⲧⲁⲩϩⲉⲛϩⲱⲛⲟⲩ . Ⲧⲟⲧⲉ ⲇⲉ ⲡⲁⲓ
ⲁϥⲃⲱⲕ ⲉϩⲣⲁⲓ ⲉⲧⲡⲁⲣϩⲁⲗⲓⲁ ⲁϥⲧⲣⲉⲡⲉϥⲙ̅ ⲗⲁϩ ϭⲱ ϩⲛ̅ ⲙ̅ ⲡⲟⲗⲓⲥ ⲉϩⲉⲛⲣⲱⲙⲉ ⲛⲉ ⲙ̅ ⲡⲉϥⲗⲁⲟⲥ ⲉⲩⲥⲟⲧⲡ̅ . Ⲁⲛⲏ
ⲁⲩϣⲟⲡϥ̅ ϩⲛ̅ ϩⲉⲛⲥⲧⲉⲫⲁⲛⲟⲥ ⲁⲩⲱ ϩⲉⲛⲭⲟⲣⲟⲥ ⲙⲛ̅ ϩⲉⲛⲧⲩⲙⲡⲁⲛⲟⲛ . Ⲛ̅ ⲧⲟϥ ⲇⲉ ⲁϥϣⲟⲣϣⲉⲣⲛⲉⲩⲡⲉⲧⲟⲩⲁⲁⲃ
ⲁϥⲕⲱⲣϫ̅ ⲛ̅ ⲛⲉⲩⲙⲁⲛ̅ ϣⲏⲛ . ⲧϭⲟⲙ ⲅⲁⲣ ⲁⲩⲧⲁⲁⲥ ⲛⲁϥ ⲉⲧⲁⲕⲉⲛ̅ ⲛ̅ ⲛⲟⲩⲧⲉ ⲧⲏⲣⲟⲩ ⲙ̅ ⲡⲕⲁϩ ϫⲉⲕⲁⲥ ⲉⲣⲉⲗⲁⲟⲥ ⲛⲓⲙ
ⲟⲩⲱϣⲧ ⲛ̅ Ⲛⲁⲃⲟⲩⲭⲟⲇⲟⲛⲟⲥⲟⲣ ⲁⲩⲱ ⲉⲧⲣⲉⲗⲁⲥ ⲛⲓⲙ ⲛ̅ ⲛⲉⲫⲩⲗⲏ ϯⲉⲟⲟⲩ ⲛⲁϥ ϩⲱⲥ ⲡⲛⲟⲩⲧⲉ . Ⲁϥⲉⲓ ⲇⲉ ⲉⲡⲧⲟϣ
ⲉⲧⲙ̅ ⲡϩⲟⲧ ⲉⲃⲟⲗ ⲛ̅ Ⲉⲥⲣⲏⲙ . ⲡⲁⲓ ⲉⲧϩⲏⲛ ⲉⲆⲟⲧⲁⲓⲁ . ⲁⲩⲱ ⲉⲥϩⲁⲑⲏ ⲙ̅ ⲡⲛⲟϭ ⲛ̅ ⲥⲕⲉⲗⲁⲕⲓⲣ ⲛ̅ ϯⲟⲩⲇⲁⲓⲁ. Ⲁϥⲉⲓ ⲁϥⲧⲁⲁϥ
ⲉϩⲣⲁⲓ ⲉⲧⲙⲏⲧⲉ ⲛ̅ Ⲅⲁⲃⲁⲓ ⲙⲛ̅ Ⲥⲕⲩⲑⲟⲡⲟⲗⲓⲥ ⲁϥϭⲱ ϩⲙ̅ ⲡⲙⲁ ⲉⲧⲙ̅ ⲙⲁⲩ ⲉⲥⲟⲩⲱϩ ⲉϩⲟⲩⲛ ⲙ̅ ⲡⲉϥⲟⲭⲗⲟⲥ .
Ⲇ̅ . Ⲛ̅ ϣⲏⲣⲉ ⲇⲉ ⲙ̅ ⲡⲒⲥⲣⲁⲏⲗ ⲛⲁⲓ ⲉⲧⲟⲩⲏϩ ϩⲛ̅ ϯⲟⲩⲇⲁⲓⲁ . ⲁⲩⲥⲉⲧⲙ̅ ϩⲱⲃ ⲛⲓⲙ ⲉⲛⲧⲁⲞⲗⲟⲫⲉⲣⲛⲏⲥ. ⲡⲁⲣⲭⲓⲥⲧⲣⲁⲧⲏⲅⲟⲥ
ⲛ̅ ⲛⲉϭⲟⲙ ⲛ̅ Ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲛ̅ ⲛ̅ Ⲁⲥⲥⲩⲣⲓⲟⲥ ⲁⲁⲩ ⲛ̅ ⲛ̅ ϩⲉⲑⲛⲟⲥ ⲧⲏⲣⲟⲩ . ⲉϥϣⲱⲗ ⲉⲃⲟⲗ ⲛ̅ ⲛⲉⲩⲙⲁ
ⲉⲧⲟⲩⲁⲁⲃ ⲧⲏⲣⲟⲩ ⲁⲩⲱ ⲁⲩϣⲟϥⲟⲩ . Ⲁⲩⲱ ⲁⲩⲛⲟⲩϣⲡ̅ ϩⲓⲙⲛ̅ ⲧⲕⲟⲩⲓ ⲛ̅ ϩⲏⲧ ⲁⲙⲁϩⲧⲉ ⲉϫⲱⲟⲩ ⲉⲧⲃⲉⲑⲒⲉⲣⲟⲩⲥⲁⲗⲏⲙ
ⲁⲩⲱ ⲡⲉⲣ̅ ⲡⲉ ⲙ̅ Ⲡϫⲟⲉⲓⲥ ⲡⲉⲩⲛⲟⲩⲧⲉ . Ⲁⲩϫⲟⲟⲩ ⲉⲧⲉⲭⲱⲣⲁ ⲧⲏⲣⲥ̅ ⲛ̅ ⲧⲤⲁⲙⲁⲣⲓⲁ ⲙⲛ̅ Ⲕⲟⲛⲁ ⲁⲩⲱ ⲉⲂⲁⲓⲑⲟⲣⲱⲛ
ⲙⲛ̅ Ⲃⲉⲗⲙⲁⲓⲛ ⲙⲛ̅ Ϩⲓⲉⲣⲓⲭⲱ ⲁⲩⲱ ⲉⲬⲱⲃⲁ ⲙⲛ̅ Ⲁⲓϣⲟⲣⲁ ⲁⲩⲱ ⲉⲡⲉⲓⲁ ⲛ̅ Ⲥⲁⲗⲉⲓⲙ. Ⲗⲟⲓⲡⲟⲛ ⲁⲩⲁⲙⲁϩⲧⲉ ⲉⲛ̅ ⲕⲟⲟⲩ
ⲛ̅ ⲛ̅ ⲧⲟⲩⲓⲏ ⲁⲩⲥⲉⲃⲧⲉⲙ̅ ⲡⲟⲗⲓⲥ ⲉⲧϩⲓϫⲱⲟⲩ ⲛ̅ ϩⲉⲛⲥⲟⲃⲧ̅ . ⲉⲧⲃⲉⲡⲡⲟⲗⲉⲙⲟⲥ ⲇⲉ ⲁⲩⲧⲟⲩⲧⲡⲟⲩⲧⲁϩ ⲉϩⲟⲩⲛ ⲉⲛⲉⲩⲧⲁⲙⲓⲟⲛ
ⲉⲁⲩⲱⲥϩ̅ ⲙ̅ ⲙⲟϥ ⲛ̅ ⲛⲉⲩⲟⲩⲟⲉⲓⲉ . Ⲓⲱⲁⲕⲓⲙ ⲇⲉ ⲡⲟⲩⲏⲏⲃ ⲉⲧⲛϭ ⲡⲁⲓ ⲉⲧⲁⲣⲭⲉⲓ ϩⲛ̅ ⲑⲒⲉⲣⲟⲩⲥⲁⲗⲏⲙ ϩⲙ̅ ⲡⲥⲏⲩ ⲉⲧⲙ̅ ⲙⲁⲩ .
ⲁϥⲥϩⲁⲓ ⲛ̅ ⲟⲩⲉⲡⲓⲥⲧⲟⲗⲏ ⲛ̅ ⲛ̅ ⲣⲱⲙⲉ ⲉⲧⲟⲩⲏϩ ϩⲛ̅ Ⲃⲁⲓⲑⲩⲗⲟⲩⲁ ⲙⲛ̅ Ⲃⲉⲑⲟⲙⲉⲧⲁⲓⲙ . ⲡⲁⲓ ⲉⲧϩⲁⲧⲛ̅ Ⲉⲥⲣⲏⲙ . ⲙ̅ ⲡϩⲟⲧ ⲉⲃⲟⲗ
ⲛ̅ ⲧⲥⲱϣⲉ ⲉⲧϩⲏⲛ ⲉⲆⲱⲑⲁⲉⲓⲙ . ⲉϥϫⲱ ⲙ̅ ⲙⲟⲥ ⲛⲁⲩ ⲉⲧⲣⲉⲩⲁⲙⲁϩⲧⲉ ⲛⲙ̅ ⲙⲁ ⲛ̅ ⲉⲓ ⲉϩⲣⲁⲓ ⲛ̅ ⲧⲟⲣⲓⲛⲏ . ϫⲉ ⲛⲉⲣⲉⲧⲉϩⲓⲏ
ⲛⲉⲓ ⲉϩⲟⲩⲛ ⲉϯⲒⲟⲩⲇⲁⲓⲁ ϣⲟⲟⲡ ϩⲓⲧⲟⲟⲧⲟⲩ . ⲁⲩⲱ ⲛⲉⲣⲉⲡϩⲱⲃ ⲛⲟⲧⲙ̅ ⲉⲕⲱⲗⲩ ⲙ̅ ⲙⲟⲟⲩ ⲉⲃⲱⲕ ⲛⲁⲩ. ⲉⲣⲉⲧⲉϩⲓⲏ
ⲙ̅ ⲡⲱⲣϣ̅ ⲉϩⲟⲩⲛ ϭⲏⲩ ⲉⲣⲱⲙⲉ ⲥⲛⲁⲩ: Ⲁⲩⲱ ⲁⲩⲉⲓⲣⲉ ⲛ̅ ϭⲓⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ ⲕⲁⲧⲁⲑⲉ ⲉⲛ̅ ⲧⲁϥϩⲱⲛ ⲉⲧⲟⲟⲧⲟⲩ
ⲛ̅ ϭⲓⲒⲱⲁⲕⲓⲙ ⲡⲛⲟϭ ⲛ̅ ⲟⲩⲏⲏⲃ . ⲁⲩⲱ ⲛ̅ ⲛϩⲗ̅ ⲗⲟⲓ ⲙ̅ ⲡⲇⲏⲙⲟⲥ ⲧⲏⲣϥ̅ ⲙ̅ ⲡⲒⲥⲣⲁⲏⲗ ⲛⲁⲓ ⲉⲛⲉⲩϩⲙⲟⲟⲥ ϩⲛ̅ ⲑⲒⲉⲣⲟⲩⲥⲁⲗⲏⲙ :
Ⲁⲩϫⲓϣⲕⲁⲕ ⲇⲉ ⲉⲃⲟⲗ ⲉϩⲣⲁⲓ ⲉⲠϫⲟⲉⲓⲥ ⲛ̅ ϭⲓⲣⲱⲙⲉ ⲛⲓⲙ ⲛ̅ ⲧⲉⲡⲒⲥⲣⲁⲏⲗ ϩⲛ̅ ⲟⲩⲛⲟϭ ⲛ̅ ⲥⲟⲡⲥ̅ . ⲁⲩⲱ ⲁⲩⲑⲃ̅ ⲃⲓⲟ
ⲛ̅ ⲛⲉⲩⲯⲩⲭⲏ ⲉⲙⲁⲧⲉ ⲉⲙⲁⲧⲉ. ⲛ̅ ⲧⲟⲟⲩ ⲙⲛ̅ ⲛⲉⲩϩⲓⲟⲙⲉ ⲙⲛ̅ ⲛⲉⲩϣⲏⲣⲉ ⲕⲟⲩⲓ ⲙⲛ̅ ⲛⲉⲩⲧⲃ̅ ⲛⲟⲟⲩⲉ . ⲁⲩⲱ ⲣⲙ̅ ⲛ̅ ϭⲟⲓⲗⲉ ⲛⲓⲙ
ⲙⲛ̅ ⲛⲉⲩϫⲁⲓⲃⲉⲕⲉ ⲙⲛ̅ ⲛⲉⲩϣⲱⲡ ϩⲁϩⲟⲙⲛⲧ̅ . ⲁⲩⲕⲱ ⲛ̅ ϩⲉⲛϭⲟⲟⲩⲛⲉ ϩⲓϫⲛ̅ ⲛⲉⲩϯⲡⲉ . ⲁⲩⲱ ⲣⲱⲙⲉ ⲛⲓⲙ ϩⲓⲥϩⲓⲙⲉ .
ϩⲓϣⲏⲣⲉ ⲕⲟⲩⲓ . ⲛⲉⲧⲟⲩⲏϩ ϩⲛ̅ ⲑⲒⲉⲣⲟⲩⲥⲁⲗⲏⲙ ⲁⲩⲡⲁϩⲧⲟⲩ ⲙ̅ ⲡⲙ̅ ⲧⲟ ⲉⲃⲟⲗ ⲙ̅ ⲡⲉⲣⲡⲉ ⲁⲩϣⲉϣⲕⲣⲙ̅ ⲥ ⲉϫⲛ̅ ⲛⲉⲩⲁⲡⲏⲩⲉ .
ⲁⲩⲡⲱⲣϣ̅ ⲛ̅ ⲛⲉⲩϭⲟⲟⲩⲛⲉ ⲙ̅ ⲡⲙ̅ ⲧⲟ ⲉⲃⲟⲗ ⲙ̅ Ⲡϫⲟⲉⲓⲥ . Ⲁⲩⲱ ⲡⲉⲑⲩⲥⲓⲁⲥⲧⲏⲣⲓⲟⲛ ⲁⲩϭⲟⲟⲗⲉϥ ⲛ̅ ⲟⲩϭⲟⲟⲩⲛⲉ . ⲁⲩϫⲓϣⲕⲁⲕ

3. ⲉⲃⲟⲗ ⲉϩⲣⲁⲓ ⲉⲡⲛⲟⲩⲧⲉ ⲙ̅ ⲡⲒⲥⲣⲁⲏⲗ ϩⲓⲟⲩⲥⲟⲡ ⲉⲧⲙ̅ ϯ ⲛ̅ ⲛⲉⲩϣⲏⲣⲉ ⲕⲟⲩⲓ ⲉⲩⲧⲱⲣⲡ̅ . ⲁⲩⲱ ⲛⲉⲩϩⲓⲟⲙⲉ ⲉⲩϣⲱⲗ ⲁⲩⲱ
ⲙ̅ ⲡⲟⲗⲓⲥ ⲛ̅ ⲧⲉⲩⲕⲗⲓⲣⲟⲛⲟⲙⲓⲁ ⲉⲩⲧⲁⲕⲟ . ⲁⲩⲱ ⲛⲉⲩⲙⲁ ⲉⲧⲟⲩⲁⲁⲃ ⲉⲩϫⲱϩⲙ̅ ⲙⲛ̅ ⲟⲩⲛⲟϭⲛⲉϭ ⲉⲧⲣⲉⲛ̅ ϩⲉⲑⲛⲟⲥ ⲣⲁϣⲉ
ⲙ̅ ⲙⲟⲟⲩ : Ⲁⲡϫⲟⲉⲓⲥ ⲥⲱⲧⲙ̅ ⲉⲡⲉⲩϩⲣⲟⲟⲩ ⲁⲩⲱ ⲁϥⲛⲁⲩ ⲉⲧⲉⲩⲑⲗⲩⲯⲓⲥ. ⲛⲉⲣⲉⲡⲗⲁⲟⲥ ⲇⲉ ⲧⲏⲣϥ̅ ⲡⲉ ⲛⲏⲥⲧⲉⲩⲉ
ⲛ̅ ϩⲉⲛϩⲣⲟⲟⲩ ⲉⲛⲁϣⲱⲟⲩ ϩⲛ̅ ϯⲒⲟⲩⲇⲁⲓⲁ ⲧⲏⲣⲥ̅ ⲙⲛ̅ ⲑⲒⲉⲣⲟⲩⲥⲁⲗⲏⲙ . ⲙ̅ ⲡⲙ̅ ⲧⲟ ⲉⲃⲟⲗ ⲙ̅ ⲡⲡⲉⲧⲟⲩⲁⲁⲃ Ⲡϫⲟⲉⲓⲥ
ⲡⲡⲁⲛⲇⲟⲕⲣⲁⲧⲱⲣ . Ⲁⲩⲱ Ⲓⲱⲁⲕⲓⲙ ⲡⲛⲟϭ ⲛ̅ ⲟⲩⲏⲏⲃ ⲙⲛ̅ ⲟⲩⲏⲏⲃ ⲛⲓⲙ ⲉⲧⲁϩⲉⲣⲁⲧⲟⲩ ⲙ̅ ⲡⲙ̅ ⲧⲟ ⲉⲃⲟⲗ ⲙ̅ Ⲡϫⲟⲉⲓⲥ
ⲙⲛ̅ ⲛⲉⲧϣⲙ̅ ϣⲉ ⲙ̅ Ⲡϫⲟⲉⲓⲥ ⲉⲩϭⲟⲟⲗⲉ ⲛ̅ ϩⲉⲛϭⲟⲟⲩⲛⲉ ⲉϫⲛ̅ ⲛⲉⲩϯⲡⲉ. Ⲛⲉⲩⲧⲁⲗⲟⲟⲩ ⲡⲉ ⲉϩⲣⲁⲓ ⲙ̅ ⲡⲉϭⲗⲓⲗ ⲙ̅ ⲡⲙⲟⲩⲛ
ⲉⲃⲟⲗ . Ⲁⲩⲱ ⲛ̅ ⲉⲣⲏⲧ ⲙ̅ ⲛⲛⲉⲧⲉϣⲁⲣⲉⲡⲗⲁⲟⲥ ⲧⲁⲁⲩ ϩⲁⲣⲟϥ . ⲁⲩⲱ ⲛⲉⲣⲉⲟⲩⲕⲣⲙⲥ̅ ϩⲓϫⲛ̅ ⲛⲉⲩϭⲓⲇⲁⲣⲓⲥ . ⲁⲩϫⲓϣⲕⲁⲕ
ⲉⲃⲟⲗ ⲉϩⲣⲁⲓ ⲉⲠϫⲟⲉⲓⲥ ϩⲛ̅ ⲧⲉⲩϭⲟⲙ ⲧⲏⲣⲥ̅ ⲉϭⲙ̅ ⲡϣⲓⲛⲉ ⲙ̅ ⲡⲏⲓ ⲙ̅ ⲡⲒⲥⲣⲁⲏⲗ ⲉⲩⲡⲉⲧⲛⲁⲛⲟⲩϥ :
Ⲉ̅ . ⲀⲩⲧⲁⲙⲉⲞⲗⲟⲫⲉⲣⲛⲏⲥ ⲡⲁⲣⲭⲓⲥⲧⲣⲁⲧⲓⲅⲟⲥ ⲛ̅ ⲧϭⲟⲙ ⲛ̅ Ⲁⲥⲥⲟⲩⲣ . ϫⲉ ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ ⲥⲃ̅ ⲧⲱⲧⲟⲩ ⲉⲡⲡⲟⲗⲉⲙⲟⲥ .
ⲁⲩⲱ ϫⲉ ⲁⲩϣⲱⲧⲙ̅ ⲛ̅ ⲛⲉϩⲓⲟⲟⲩⲉ ⲛ̅ ⲧⲟⲣⲓⲛⲏ . ⲁⲩⲱ ⲁⲩⲱⲣϫ̅ ⲛ̅ ⲛⲕⲟⲟϩ ⲧⲏⲣⲟⲩ ⲙ̅ ⲡⲧⲟⲟⲩ ⲉⲧϫⲟⲥⲉ . ⲁⲩⲱ ⲁⲩⲕⲱ
ⲛ̅ ϩⲉⲛⲥⲕⲁⲛⲇⲁⲗⲟⲛ ϩⲛ̅ ⲛⲥⲱϣⲉ : Ⲁϥϭⲱⲛⲧ ⲉⲙⲁⲧⲉ ϩⲛ̅ ⲟⲩϭⲱⲛⲧ . ⲁⲩⲱ ⲁϥⲙⲟⲩⲧⲉ ⲉⲛ̅ ⲁⲣⲭⲱⲛ ⲧⲏⲣⲟⲩ ⲙ̅ Ⲙⲱⲁⲃ .
ⲙⲛ̅ ⲛⲉⲥⲧⲣⲁⲧⲏⲅⲟⲥ ⲛ̅ Ⲁⲙⲙⲱⲛ . ⲙⲛ̅ ⲛⲉⲥⲁⲧⲣⲁⲡⲏⲥ ⲛ̅ ⲧⲡⲁⲣϩⲁⲗⲓⲁ ⲡⲉϫⲁϥ ⲛⲁⲩ . ϫⲉ ⲁϫⲓⲥ ⲉⲣⲟⲓ ⲛ̅ ϣⲏⲣⲉ ⲛ̅ Ⲭⲁⲛⲁⲁⲛ
ϫⲉ ⲛⲓⲙ ⲡⲉ ⲡⲉⲓⲗⲁⲟⲥ ⲡⲁⲓ ⲉⲧϩⲙⲟⲟⲥ ϩⲛ̅ ⲧⲟⲣⲓⲛⲏ ⲁⲩⲱ ⲁϣ ⲛⲉ ⲙ̅ ⲡⲟⲗⲓⲥ ⲉⲧⲟⲩⲏϩ ⲛ̅ ϩⲏⲧⲟⲩ . ⲁⲩⲱ ⲡⲙⲏⲏϣⲉ
ⲛ̅ ⲧⲉⲩϭⲟⲙ . ⲉⲣⲉⲡⲉⲩⲁⲙⲁϩⲧⲉ ϣⲟⲟⲡ ϩⲛ̅ ⲟⲩ ⲙⲛ̅ ⲧⲉⲩϭⲟⲙ . ⲁⲩⲱ ⲛⲓⲙ ⲡⲉⲛⲧⲁϥⲧⲱⲟⲩⲛ ⲉϩⲣⲁⲓ ⲉϫⲱⲟⲩ ⲛ̅ ⲛⲣ̅ ⲣⲟ
ⲉϥϫⲓⲙⲟⲉⲓⲧ ϩⲏⲧϥ̅ ⲙ̅ ⲡⲉⲩⲙ̅ ⲗⲁϩ . ⲁⲩⲱ ⲉⲧⲃⲉⲟⲩ ⲁⲩⲣ̅ ⲁⲧⲥⲱⲧⲙ̅ ⲉⲧⲙⲉⲓ ⲉⲧⲱⲙⲛ̅ ⲧ ⲉⲣⲟⲓ ⲡⲁⲣⲁⲛⲉⲧⲟⲩⲏϩ ⲧⲏⲣⲟⲩ
ϩⲛ̅ ⲙ̅ ⲙⲁ ⲛ̅ ϩⲱⲧⲡ̅ . Ⲡⲉϫⲁϥ ⲇⲉ ⲛⲁϥ ⲛ̅ ϭⲓⲀⲭⲓⲱⲣ ⲡϩⲩⲅⲟⲩⲙⲉⲛⲟⲥ ⲛ̅ ⲛϣⲏⲣⲉ ⲧⲏⲣⲟⲩ ⲛ̅ Ⲁⲙⲙⲱⲛ . ϫⲉ ⲙⲁⲣⲉⲡⲁϫⲟⲉⲓⲥ
ⲥⲱⲧⲙ̅ ⲉⲩϣⲁϫⲉ ⲉⲃⲟⲗ ϩⲓⲧⲛ̅ ⲧⲧⲁⲡⲣⲟ ⲙ̅ ⲡⲉⲕϩⲙ̅ ϩⲁⲗ ⲁⲩⲱ ϯⲛⲁϫⲱ ⲉⲣⲟⲕ ⲛ̅ ⲧⲙⲉ ⲉⲧⲃⲉⲡⲉⲓⲗⲁⲟⲥ. ⲛⲁⲓ ⲉⲧⲟⲩⲏϩ
ϩⲛ̅ ⲧⲟⲣⲓⲛⲏ ⲉⲩⲟⲩⲏϩ ⲙ̅ ⲡⲉⲕϩⲟⲧ ⲉⲃⲟⲗ . ⲙⲛ̅ ϭⲟⲗ ⲛⲁⲉⲓ ⲉⲃⲟⲗ ⲛ̅ ⲧⲧⲁⲡⲣⲟ ⲙ̅ ⲡⲉⲕϩⲙ̅ ϩⲁⲗ . Ⲛⲉⲓⲣⲱⲙⲉ ⲛⲁⲓ ⲛ̅ ϣⲏⲣⲉ ⲛⲉ
ⲛ̅ ⲛⲉⲬⲁⲗⲇⲁⲓⲟⲥ . Ⲁⲩⲟⲩⲱϩ ⲛ̅ ϣⲟⲣⲡ̅ ϩⲛ̅ ⲧⲘⲉⲥⲟⲡⲟⲧⲁⲙⲓⲁ ϫⲉ ⲙ̅ ⲡⲟⲩⲟⲩⲱϣ ⲉⲟⲩⲁϩⲟⲩ ⲛ̅ ⲥⲁⲛ̅ ⲛⲟⲩⲧⲉ ⲛ̅ ⲛⲉⲩⲉⲓⲟⲧⲉ ⲛⲁⲓ
ⲉⲧϩⲙ̅ ⲡⲕⲁϩ ⲛ̅ ⲛⲉⲬⲁⲗⲇⲁⲓⲟⲥ : Ⲁⲩⲥⲱⲣⲙ̅ ⲉⲃⲟⲗ ϩⲛ̅ ⲧⲉϩⲓⲏ ⲛ̅ ⲛⲉⲩⲉⲓⲟⲧⲉ ⲉⲩⲟⲩⲱϣⲧ̅ ⲙ̅ ⲡⲛⲟⲩⲧⲉ ⲛ̅ ⲧⲡⲉ . ⲉⲧⲉⲡⲛⲟⲩⲧⲉ ⲡⲉ .
ⲡⲁⲓ ⲉⲛⲧⲁⲩⲥⲟⲟⲩⲛ̅ ⲙ̅ ⲙⲉ ⲉⲧⲃⲏⲏⲧϥ̅ . ϫⲉ ⲡⲛⲟⲩⲧⲉ ⲡⲉ . Ⲁⲩⲱ ⲁⲩϩⲓⲧⲟⲩ ⲉⲃⲟⲗ ⲙ̅ ⲡⲧⲱϣ ⲛ̅ ⲛⲉⲩⲛⲟⲩⲧⲉ . ⲁⲩⲡⲱⲧ
ⲉⲧⲘⲉⲥⲟⲡⲟⲧⲁⲙⲓⲁ ⲁⲩⲱⲥⲕ̅ ⲉⲩⲟⲩⲱϩ ⲙ̅ ⲙⲁⲩ . Ⲁⲩⲱ ⲁϥϩⲱⲛ ⲉⲧⲟⲟⲧⲟⲩ ⲛ̅ ϭⲓⲡⲉⲩⲛⲟⲩⲧⲉ ⲉⲣ̅ ⲡⲃⲟⲗ ⲟⲛ
ⲙ̅ ⲡⲉⲩⲙⲁⲛ̅ ϣⲱⲡⲉ ⲁⲩⲱ ⲛ̅ ⲥⲉⲃⲱⲕ ⲉϩⲣⲁⲓ ⲉⲔⲁⲛⲁⲁⲛ . ⲁⲩϣⲱⲡⲉ ⲙ̅ ⲙⲁⲩ ⲁⲩⲣ̅ ⲣⲙ̅ ⲁⲟ ⲛ̅ ⲟⲩⲛⲟⲩⲃ ⲙⲛ̅ ⲟⲩϩⲁⲧ
ⲙⲛ̅ ⲧⲃ̅ ⲛⲟⲟⲩⲉ ⲛⲓⲙ ⲉⲙⲁⲧⲉ. Ⲙⲛ̅ ⲛⲥⲱⲥ ⲇⲉ ⲉⲡⲓⲇⲏ ⲛⲉⲩϩⲕⲟ ⲡⲉ ϩⲟⲣϣ ⲉϫⲛ̅ Ⲕⲁⲛⲁⲁⲛ ⲁⲩⲉⲓ ⲉϩⲣⲁⲓ ⲉⲔⲏⲙⲉ . ⲁⲩⲱ
ⲉⲧⲣⲉⲩⲥⲁⲁⲛϣ ⲙ̅ ⲙⲟⲟⲩ ⲁⲩϣⲱⲡⲉ ⲙ̅ ⲙⲁⲩ . ⲛⲉⲩⲁϣⲏ ⲡⲉ ⲉⲛⲁϣⲱⲥ ⲉⲙⲛ̅ ⲧⲟⲩⲏⲡⲉ ⲉⲣⲟⲥ . ϩⲱⲥⲧⲉ ⲛ̅ ⲧⲉⲡⲣ̅ ⲣⲟ ⲛ̅ Ⲕⲏⲙⲉ
ⲧⲱⲟⲩⲛ ⲉⲣⲟⲟⲩ : Ⲁϥϩⲉϫϩⲱϫⲟⲩ ϩⲛ̅ ⲟⲩⲟⲙⲉ ⲙⲛ̅ ⲡⲁⲡⲧⲱⲱⲃⲉ ⲁϥⲡⲱⲱⲛⲉ ⲙ̅ ⲙⲟⲟⲩ ϩⲓⲛⲁⲓ ⲁϥⲁⲁⲩ ⲛ̅ ϩⲙ̅ ϩⲁⲗ ⲛⲁϥ .
Ⲁⲩⲱ ⲁⲩϫⲓϣⲕⲁⲕ ⲉϩⲣⲁⲓ ⲉⲡⲉⲩⲛⲟⲩⲧⲉ . ⲁϥⲛ̅ ⲣⲱϩⲧ̅ ⲉϫⲙ̅ ⲡⲕⲁϩ ⲛ̅ Ⲕⲏⲙⲉ ⲛ̅ ⲁⲧⲧⲁⲗϭⲟ . ⲛ̅ ⲣⲙ̅ ⲛ̅ ⲕⲏⲙⲉ ⲇⲉ ϩⲱⲟⲩ
ϩⲛ̅ ⲟⲩϩⲓⲟⲩⲉ ⲁⲩϩⲓⲧⲟⲩ ⲉⲃⲟⲗ . Ⲁⲡⲛⲟⲩⲧⲉ ⲧⲣⲉⲑⲁⲗⲁⲥⲥⲁ ϣⲟⲟⲩⲉ ϩⲁⲧⲉⲩϩⲏ . Ⲁϥⲥⲟⲩⲥⲟⲩ ⲙ̅ ⲙⲟⲟⲩ
ⲉⲡⲥⲁ
ⲙⲡⲤⲓⲛⲁ . ⲙⲛ̅ Ⲕⲁⲇⲉⲥⲃⲁⲣⲓⲛⲏ . ⲁϥϭⲱⲧⲡ̅ ⲉⲃⲟⲗ ⲛ̅ ⲛⲉⲧⲟⲩⲏϩ ϩⲛ̅ ⲧⲉⲣⲏⲙⲟⲥ ⲧⲏⲣⲟⲩ. Ⲁⲩϣⲱⲡⲉ ⲇⲉ ϩⲙ̅ ⲡⲕⲁϩ
ⲛ̅ ⲛⲀⲙⲟⲣⲣⲁⲓⲟⲥ . ⲁⲩⲱ ⲛ̅ Ⲁⲥⲉⲃⲱⲛ ⲧⲏⲣⲟⲩ ⲁⲩⲃⲟⲧⲟⲩ ⲉⲃⲟⲗ ϩⲣⲁⲓ ϩⲛ̅ ⲧⲉⲩϭⲟⲙ. Ⲁⲩϫⲓⲓⲟⲣ ⲇⲉ ⲙ̅ ⲡⲒⲟⲣⲇⲁⲛⲏⲥ
ⲁⲩⲕⲗⲓⲣⲟⲛⲟⲙⲉⲓ ⲛ̅ ⲧⲟⲣⲓⲛⲏ ⲧⲏⲣⲥ̅ . ⲁⲩⲱ ⲁⲩⲛⲟⲩϫⲉ ⲉⲃⲟⲗ ϩⲁⲧⲉⲩϩⲏ ⲙ̅ ⲡⲉⲬⲁⲛⲁⲛⲁⲓⲟⲥ. ⲙⲛ̅ ⲡⲉⲪⲉⲣⲉⲍⲁⲓⲟⲥ.
ⲙⲛ̅ ⲡⲒⲉⲃⲟⲩⲍⲁⲓⲟⲥ . ⲙⲛ̅ Ⲥⲩⲭⲉⲙ . ⲙⲛ̅ ⲛⲄⲉⲣⲅⲉⲥⲁⲓⲟⲥ ⲧⲏⲣⲟⲩ . ⲁⲩⲟⲩⲱϩ ⲛ̅ ϩⲏⲧⲥ̅ ⲛ̅ ϩⲉⲛϩⲟⲟⲩ ⲉⲛⲁϣⲱⲟⲩ . Ⲁⲩⲱ
ⲙ̅ ⲡⲟⲩⲣ̅ ⲛⲟⲃⲉ ⲙ̅ ⲡⲙ̅ ⲧⲟ ⲉⲃⲟⲗ ⲙ̅ ⲡⲉⲩⲛⲟⲩⲧⲉ ⲛⲉⲣⲉⲛ̅ ⲁⲅⲁⲑⲟⲛ ϣⲟⲟⲡ ⲛⲙ̅ ⲙⲁⲩ ⲡⲉ . ⲉⲧⲃⲉϫⲉ ⲡⲛⲟⲩⲧⲉ ⲉⲧⲙⲟⲥⲧⲉ ⲙ̅ ⲡϫⲓ
ⲛ̅ ϭⲟⲛⲥ ⲛ̅ ⲛⲉϥϣⲟⲟⲡ ⲛⲙ̅ ⲙⲁⲩ ⲡⲉ . Ⲛ̅ ⲧⲉⲣⲟⲩⲥⲁϩⲱⲟⲩ ⲇⲉ ⲉⲃⲟⲗ ⲛ̅ ⲧⲉϩⲓⲏ ⲉⲛⲧⲁϥⲥⲙ̅ ⲛⲧⲥ ⲛⲙ̅ ⲙⲁⲩ. ⲁϥϥⲟⲧⲟⲩ ⲉⲃⲟⲗ
ϩⲛ̅ ϩⲁϩ ⲙ̅ ⲡⲟⲗⲉⲙⲟⲥ ⲉⲙⲁⲧⲉ ⲉⲙⲁⲧⲉ ⲁⲩⲱ ⲁⲩⲁⲓⲭⲙⲁⲗⲱⲧⲓⲍⲉ ⲙ̅ ⲙⲟⲟⲩ ⲉⲩⲕⲁϩ ⲉⲙⲡⲟⲩ ⲁⲛ ⲡⲉ . ⲁⲩⲱ ⲡⲉⲣⲡⲉ
ⲙ̅ ⲡⲉⲩⲛⲟⲩⲧⲉ ⲁϥϣⲱⲡⲉ ⲉⲩⲕⲁϩ . ⲁⲩⲱ ⲛⲉⲩⲡⲟⲗⲓⲥ ⲁⲩⲁⲙⲁϩⲧⲉ ⲙ̅ ⲙⲟⲟⲩ ϩⲓⲧⲛ̅ ⲛⲉⲩϫⲓⲥⲉⲩ . Ⲧⲉⲛⲟⲩ ⲧⲉ ⲉⲧⲁⲩⲕⲟⲧⲟⲩ
ⲉⲡⲉⲩⲛⲟⲩⲧⲉ . ⲁⲩⲉⲓ ⲉϩⲣⲁⲓ ⲉⲃⲟⲗ ϩⲙ̅ ⲡϫⲱⲱⲣⲉ ⲉⲃⲟⲗ ⲉⲛ̅ ⲧⲁⲩϫⲟⲟⲣⲟⲩ ⲉⲃⲟⲗ ⲛ̅ ϩⲏⲧϥ̅ . ⲁⲩⲁⲙⲁϩⲧⲉ ⲉⲑⲒⲉⲣⲟⲩⲥⲁⲗⲏⲙ
ⲡⲙⲁ ⲙ̅ ⲡⲉⲩⲧⲃ̅ ⲃⲟ . ⲁⲩⲱ ⲁⲩⲟⲩⲱϩ ϩⲛ̅ ⲧⲟⲣⲓⲛⲏ ϫⲉ ⲛⲉⲥⲟ ⲛ̅ ϫⲁⲓⲉ ⲡⲉ. Ⲧⲉⲛⲟⲩ ϭⲉ ⲡϫⲟⲉⲓⲥ ⲡⲁϫⲟⲉⲓⲥ ⲉϣⲱⲡⲉ
ⲟⲩⲛⲙ̅ ⲛⲧⲁⲧⲥⲟⲟⲩⲛ ϩⲙ̅ ⲡⲉⲓⲗⲁⲟⲥ ⲁⲩⲱ ⲥⲉⲣ̅ ⲛⲟⲃⲉ ⲉⲡⲉⲩⲛⲟⲩⲧⲉ ⲧⲛ̅ ⲛⲁϭⲙ̅ ⲡⲉⲩϣⲓⲛⲉ ⲡⲉ ϫⲉ ⲡⲁⲓ ⲛⲁϣⲱⲡⲉ ⲛ̅ ϩⲏⲧⲟⲩ
ⲉⲩϫⲣⲟⲡ . ⲁⲩⲱ ⲧⲛ̅ ⲁⲃⲱⲕ ⲉϩⲣⲁⲓ ⲛ̅ ⲧⲛ̅ ⲙⲓϣⲉ ⲛⲙ̅ ⲙⲁⲩ . Ⲉϣⲱⲡⲉ ⲇⲉ ⲙⲛ̅ ⲁⲛⲟⲙⲓⲁ ϩⲙ̅ ⲡⲉⲩϩⲉⲑⲛⲟⲥ ⲙⲁⲣⲉⲡϫⲟⲉⲓⲥ
ⲥⲁⲁⲧⲟⲩ ⲙⲏⲡⲟⲧⲉ ⲛ̅ ⲧⲉⲠⲉⲩϫⲟⲉⲓⲥ ⲙⲓϣⲉ ⲉϩⲣⲁⲓ ⲉϫⲱⲟⲩ . ⲁⲩⲱ ⲛ̅ ⲧⲉⲡⲉⲩⲛⲟⲩⲧⲉ ϯ ⲉϫⲱⲟⲩ ⲛ̅ ⲧⲛ̅ ϣⲱⲡⲉ ⲉⲩⲛⲟϭⲛⲉϭ
ⲙ̅ ⲡϩⲟⲧ ⲉⲃⲟⲗ ⲙ̅ ⲡⲕⲁϩ ⲧⲏⲣϥ̅ . Ⲁⲥϣⲱⲡⲉ ⲇⲉ ⲛ̅ ⲧⲉⲣⲉϥⲟⲩⲱ ⲉϥϣⲁϫⲉ ⲛ̅ ϭⲓⲀⲭⲓⲱⲣ ⲛ̅ ⲛⲉⲓϣⲁϫⲉ . ⲁϥⲕⲣ̅ ⲙⲣⲙ̅ ⲛ̅ ϭⲓⲡⲗⲁⲟⲥ
ⲉⲙⲁⲧⲉ . ⲡⲁⲓ ⲉⲧϩⲙ̅ ⲡⲕⲱⲧⲉ ⲛ̅ ⲧⲉⲥⲕⲏⲛⲏ . ⲙ̅ ⲙⲉⲅⲓⲥⲧⲁⲛⲟⲥ ⲇⲉ ⲛ̅ Ⲟⲗⲟⲫⲉⲣⲛⲏⲥ ⲙⲛ̅ ⲛⲉⲧⲟⲩⲏϩ ⲙ̅ ⲡⲉⲙⲧⲟ ⲉⲃⲟⲗ
ⲛ̅ ⲧⲡⲁⲣϩⲁⲗⲓⲁ ⲁⲩⲱ ⲛ̅ ϣⲏⲣⲉ ⲙ̅ Ⲙⲱⲁⲃ ⲁⲩⲟⲩⲱϩ ⲉⲧⲣⲉⲩϩⲟⲧⲃϥ̅ . ⲉⲩϫⲓϣⲕⲁⲕ . ϫⲉ ⲧⲛ̅ ⲛⲁⲣ̅ ϩⲟⲧⲉ ⲁⲛ ⲛ̅ ⲛ̅ ϣⲏⲣⲉ
ⲙ̅ ⲡⲒⲥⲣⲁⲏⲗ . ⲛ̅ ⲥⲉϭⲙ̅ ϭⲟⲙ ⲅⲁⲣ ⲁⲛ ⲉⲡⲧⲏⲣϥ̅ ⲉⲣ̅ ⲡⲟⲗⲉⲙⲟⲥ . Ⲙⲁⲣⲟⲛ ϭⲉ ⲉⲡⲙ̅ ⲗⲁϩ . ⲉⲩⲉⲛⲟⲩϫⲟⲩ ⲉⲡⲉⲕⲗⲁⲟⲥ ⲛ̅ ⲟⲩϩⲣⲉ.
Ⲋ. Ⲁⲥϣⲱⲡⲉ ⲇⲉ ⲛ̅ ⲧⲉⲣⲉⲡⲁϣⲕⲁⲕ ϩⲣ̅ ⲣⲉ ϩⲛ̅ ⲧⲙⲏⲧⲉ ⲛ̅ ⲧⲥⲟⲟⲩϩⲥ̅ . ⲡⲉϫⲉⲞⲗⲟⲫⲉⲣⲛⲏⲥ ⲡⲁⲣⲭⲓⲥⲧⲣⲁⲧⲏⲅⲟⲥ ⲛ̅ ⲧϭⲟⲙ
ⲛ̅ Ⲁⲥⲥⲟⲩⲣ . ⲛ̅ Ⲁⲭⲓⲱⲣ ⲙⲛ̅ ⲛ̅ ⲝⲉⲛⲟⲥ ⲙⲛ̅ ⲛ̅ ϣⲏⲣⲉ ⲙ̅ Ⲙⲱⲁⲃ ⲧⲏⲣⲟⲩ . ϫⲉ ⲛ̅ ⲧⲟⲕ ⲛ̅ ⲧⲕ̅ ⲛⲓⲙ Ⲁⲭⲓⲱⲣ ⲛ̅ ⲧⲕ̅ ⲣ̅ ⲣⲉϥϫⲓϣⲏⲙ

4. ⲡⲟⲟⲩ ⲛ̅ ϩⲟⲟⲩ . ⲉⲕϫⲱ ⲙ̅ ⲙⲟⲥ . Ϫⲉ ⲛ̅ ⲛⲉⲧⲛ̅ ⲣ̅ ⲡⲟⲗⲉⲙⲟⲥ ⲙⲛ̅ ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ ϫⲉ ⲡⲛⲟⲩⲧⲉ ⲉϥⲉϯ ⲉϫⲱⲟⲩ . Ⲛⲓⲙ
ϩⲟⲗⲱⲥ ⲡⲉⲧⲟ̅ ⲛ̅ ⲛⲟⲩⲧⲉ ⲙⲛ̅ ⲛ̅ ⲥⲁⲚⲁⲃⲟⲩⲭⲟⲇⲟⲛⲟⲥⲟⲣ . Ⲛ̅ ⲧⲟϥ ⲇⲉ ϥⲛⲁⲧⲁⲩⲉⲧⲉϥϭⲟⲙ ⲁⲩⲱ ⲛϥ̅ⲧⲁⲕⲟⲟⲩ ⲉⲃⲟⲗ
ϩⲙ̅ ⲡϩⲟ ⲙ̅ ⲡⲕⲁϩ ⲧⲏⲣϥ̅ . ⲙ̅ ⲡⲁⲧⲉⲡⲉⲩⲛⲟⲩⲧⲉ ⲣ̅ ⲟⲩⲥⲱⲧⲉ . Ⲁⲛⲟⲛ ⲇⲉ ⲛⲉϥϩⲙ̅ ϩⲁⲗ ⲧⲛ̅ ⲁⲡⲁⲧⲁⲥⲥⲉ ⲙ̅ ⲙⲟⲟⲩ ⲛ̅ ⲟⲩⲣⲱⲙⲉ
ⲛ̅ ⲟⲩⲱⲧ ⲛ̅ ⲛⲟⲩⲃⲱϭⲉ ⲉⲧϭⲟⲙ ⲛ̅ ⲛⲉⲛϩⲧⲱⲱⲣ . Ⲉⲓⲥ ϩⲏⲏⲧⲉ ⲧⲛ̅ ⲛⲁⲧⲟⲩⲗⲟ ⲙ̅ ⲙⲟⲟⲩ . ⲛⲉⲩⲧⲟⲟⲩ ⲉⲩⲉⲧⲥⲟϥ ⲙ̅ ⲡⲉⲩⲥⲛⲟϥ.
ⲛⲉⲩⲥⲱϣⲉ ⲥⲉⲛⲁⲙⲟϩⲟⲩ ⲛ̅ ⲛⲉⲩⲥⲱⲙⲁ . ⲛ̅ ⲛⲉⲡⲟⲩⲟⲉⲓ ⲛ̅ ⲛⲉϥⲟⲩⲉⲣⲏⲧⲉ ⲁ̅ ϩⲉⲣⲁⲧϥ̅ ⲉϯⲟⲩⲃⲏⲛ . ⲁⲗⲗⲁ ⲉⲩⲉⲧⲁⲕⲟ
ⲛ̅ ϣⲁⲃⲟⲗ. ⲡⲁⲓ ⲉⲛⲧⲁⲩϩⲱⲛ ⲙ̅ ⲙⲟϥ ⲛ̅ ϭⲓⲚⲁⲃⲟⲩⲭⲟⲇⲟⲛⲟⲥⲟⲣ . ⲡϫⲟⲉⲓⲥ ⲙ̅ ⲡⲕⲟⲥⲙⲟⲥ ⲧⲏⲣϥ̅ . Ⲛ̅ ⲧⲟϥ ⲁϥϣⲁϫⲉ ⲅⲁⲣ
ⲛ̅ ⲛⲉⲛⲉϥϣⲁϫⲉ ϣⲱⲡⲉ ⲉⲩϣⲟⲩⲉⲓⲧ. Ⲛ̅ ⲧⲟⲕ ⲇⲉ Ⲁⲭⲓⲱⲣ ⲡϫⲁⲓⲃⲉⲕⲉ ⲛ̅ Ⲁⲙⲙⲱⲛ ⲡⲉⲛⲧⲁϥϫⲱ ⲛ̅ ⲛⲉⲓϣⲁϫⲉ ϩⲙ̅ ⲡⲉϩⲟⲟⲩ
ⲙ̅ ⲡⲉⲕϫⲓ ⲛ̅ ϭⲟⲛⲥ . ⲛ̅ ⲛⲉⲕⲟⲩⲱϩ ⲉⲧⲟⲟⲧⲕ̅ ⲉⲛⲁⲩ ⲉⲡⲁϩⲟ ϫⲓⲛⲙ̅ ⲡⲟⲟⲩ ⲛ̅ ϩⲟⲟⲩ ϣⲁⲛϯϫⲕⲃⲁ ⲙ̅ ⲡⲅⲉⲛⲟⲥ ⲛ̅ ⲛⲉⲛⲧⲁⲩⲉⲓ
ⲉⲃⲟⲗ ϩⲛ̅ Ⲕⲏⲙⲉ. Ⲁⲩⲱ ⲧⲟⲧⲉ ⲉⲣⲉⲧⲥⲏϥⲉ ⲙ̅ ⲡⲁⲙ̅ ⲗⲁϩ ⲙⲛ̅ ⲛⲁϩⲙ̅ ϩⲁⲗ ⲉⲓ ⲉⲃⲟⲗ ϩⲓⲧⲛ̅ ⲛⲉⲕⲥⲡⲓⲣⲟⲟⲩⲉ ⲛⲅ̅ ϩⲉ ϩⲛ̅ ⲛⲉⲩϩⲁⲧⲃⲉⲥ
ⲉⲓϣⲁⲛⲕⲧⲟⲓ ⲉⲣⲉⲛⲁϩⲙ̅ ϩⲁⲗ ⲇⲉ ⲁⲡⲟⲕⲁⲑⲓⲥⲧⲁ ⲙ̅ ⲙⲟⲕ ⲉⲧⲟⲣⲓⲛⲏ . ⲛ̅ ⲥⲉⲑⲙ̅ ⲥⲟⲕ ϩⲛ̅ ⲟⲩⲏⲓ ⲛ̅ ⲙ̅ ⲡⲟⲗⲓⲥ ⲛ̅ ⲙ̅ ⲙⲁ ⲛ̅ ⲃⲱⲕ ⲉϩⲣⲁⲓ .
ⲁⲩⲱ ⲛ̅ ⲛⲉⲕⲧⲁⲕⲟ ϣⲁⲛⲧⲟⲩϥⲟⲧⲕ̅ ⲉⲃⲟⲗ ⲛⲙ̅ ⲙⲁⲩ: Ⲉϣϫⲉ ⲕϩⲉⲗⲡⲓⲍⲉ ⲇⲉ ϩⲣⲁⲓ ϫⲉ ⲛ̅ ⲥⲉⲛⲁϫⲓⲧⲟⲩ ⲁⲛ ⲙ̅ ⲡⲣ̅ ⲧⲣⲉϥⲱⲕⲙ̅
ⲛ̅ ϭⲓⲡⲉⲕϩⲟ . Ⲁⲓϣⲁϫⲉ ⲁⲩⲱ ⲛ̅ ⲛⲉⲗⲁⲁⲩ ϩⲉ ⲉⲃⲟⲗ ϩⲛ̅ ⲛⲁϣⲁϫⲉ. Ⲁϥⲟⲩⲉϩⲥⲁϩⲛⲉ ⲇⲉ ⲛ̅ ϭⲓⲞⲗⲟⲫⲉⲣⲛⲏⲥ ⲛ̅ ⲛⲉϥϩⲙ̅ ϩⲁⲗ
ⲛⲁⲓ ⲉⲧⲁϩⲉⲣⲁⲧⲟⲩ ϩⲛ̅ ⲧⲉϥⲥⲕⲏⲛⲏ . ⲉⲧⲣⲉⲩϭⲱⲡⲉ ⲛ̅ Ⲁⲭⲓⲱⲣ ⲁⲩⲱ ⲉⲁⲡⲟⲕⲁⲑⲓⲥⲧⲁ ⲙ̅ ⲙⲟϥ ⲉⲂⲁⲓⲧⲩⲗⲟⲩⲁ . ⲉⲧⲁⲁϥ ⲉϩⲣⲁⲓ
ⲉⲧⲟⲟⲧⲟⲩ ⲛ̅ ⲛϣⲏⲣⲉ ⲙ̅ ⲡⲒⲥⲣⲁⲏⲗ . Ⲁⲩϭⲟⲡϥ ⲇⲉ ⲛ̅ ϭⲓⲛⲉϥϩⲙ̅ ϩⲁⲗ ⲁⲩⲛ̅ ⲧϥ̅ ⲉⲃⲟⲗ ϩⲛ̅ ⲧⲡⲁⲣⲉⲙⲃⲟⲗⲏ ⲉⲧⲥⲱϣⲉ . ⲁⲩⲧⲱⲟⲩⲛ
ⲉⲃⲟⲗ ϩⲛ̅ ⲧⲙⲏⲧⲉ ⲛ̅ ⲧⲡⲉⲇⲓⲛⲏ ⲉϩⲣⲁⲓ ⲉⲧⲟⲣⲓⲛⲏ . ⲁⲩⲉⲓ ⲉϩⲣⲁⲓ ⲉϫⲛ̅ ⲙ̅ ⲡⲏⲅⲏ ⲛⲁⲓ ⲉⲧϩⲁⲡⲉⲥⲏⲧ ⲛ̅ Ⲃⲁⲓⲧⲩⲗⲟⲩⲁ : Ⲛ̅ ⲧⲉⲣⲟⲩⲛⲁⲩ
ⲇⲉ ⲉⲣⲟⲟⲩ ⲛ̅ ϭⲓⲛ̅ ⲣⲱⲙⲉ ⲛ̅ ⲧⲡⲟⲗⲓⲥ ⲛⲉⲧϩⲓϫⲙ̅ ⲡⲕⲟⲟϩ ⲙ̅ ⲡⲧⲟⲟⲩ . ⲁⲩϫⲓ ⲛ̅ ⲛⲉⲩϩⲟⲡⲗⲟⲛ ⲙ̅ ⲙⲓϣⲉ ⲁⲩⲉⲓ ⲉⲃⲟⲗ ⲡⲃⲟⲗ
ⲛ̅ ⲧⲡⲟⲗⲓⲥ ⲉϫⲙ̅ ⲡⲕⲟⲟϩ ⲙ̅ ⲡⲧⲟⲟⲩ . ⲁⲩⲱ ⲣⲱⲙⲉ ⲛⲓⲙ ⲛ̅ ⲛⲣⲉϥⲛⲉϫⲥⲫⲉⲛⲇⲟⲛⲏ ⲁⲩⲁⲙⲁϩⲧⲉ ⲙ̅ ⲡⲉⲩⲙⲁ ⲛ̅ ⲉⲓ ⲉϩⲣⲁⲓ .
ⲁⲩⲛⲟⲩϫⲉ ⲉⲃⲟⲗ ⲉϫⲱⲟⲩ ⲛ̅ ϩⲉⲛⲱⲛⲉ . Ⲁⲩⲃⲱⲕ ⲉϩⲟⲩⲛ ϩⲁⲡⲉⲥⲏⲧ ⲙ̅ ⲡⲧⲟⲟⲩ ⲁⲩⲙⲟⲩⲣ ⲛ̅ Ⲁⲭⲓⲱⲣ ⲁⲩⲕⲁⲁϥ ⲉϥⲙⲏⲣ
ϩⲁⲣⲁⲧϥ̅ ⲙ̅ ⲡⲧⲟⲟⲩ ⲁⲩⲃⲱⲕ ⲉⲣⲁⲧϥ̅ ⲙ̅ ⲡⲉⲩϫⲟⲉⲓⲥ Ⲟⲗⲟⲫⲉⲣⲛⲏⲥ : Ⲛ̅ ϣⲏⲣⲉ ⲇⲉ ⲙ̅ ⲡⲒⲥⲣⲁⲏⲗ ⲁⲩⲉⲓ ⲉⲡⲉⲥⲏⲧ ⲉⲃⲟⲗ
ϩⲛ̅ ⲧⲉⲩⲡⲟⲗⲓⲥ ⲁⲩⲁϩⲉⲣⲁⲧⲟⲩ ϩⲓϫⲱϥ ⲁⲩⲱ ⲁⲩⲃⲟⲗϥ̅ ⲉⲃⲟⲗ ⲁⲩϫⲓⲧϥ̅ ⲉϩⲣⲁⲓ ⲉⲂⲁⲓⲧⲩⲗⲟⲩⲁ . Ⲁⲩⲧⲁϩⲟϥ ⲉⲣⲁⲧϥ̅ ⲙ̅ ⲡⲙ̅ ⲧⲟ
ⲉⲃⲟⲗ ⲛ̅ ⲛⲁⲣⲭⲱⲛ ⲛ̅ ⲧⲉⲩⲡⲟⲗⲓⲥ . ⲛⲁⲓ ⲉⲧϣⲟⲟⲡ ϩⲛ̅ ⲛⲉϩⲟⲟⲩ ⲉⲧⲙ̅ ⲙⲁⲩ. Ⲟⲍⲓⲁⲥ ⲡϣⲏⲣⲉ ⲙ̅ Ⲙⲓⲭⲁ ⲉⲃⲟⲗ ϩⲛ̅ ⲧⲉⲫⲩⲗⲏ
ⲛ̅ Ⲥⲩⲙⲉⲱⲛ . ⲙⲛ̅ Ⲭⲁⲃⲣⲓ ⲡϣⲏⲣⲉ ⲛ̅ Ⲅⲟⲑⲟⲛⲓⲏⲗ . ⲙⲛ̅ Ⲭⲁⲣⲙⲓ ⲡϣⲏⲣⲉ ⲙ̅ Ⲙⲉⲗⲭⲓⲏⲗ . Ⲁⲩⲱ ⲁⲩⲙⲟⲩⲧⲉ ⲉⲛⲉⲡⲣⲉⲥⲃⲩⲧⲉⲣⲟⲥ
ⲧⲏⲣⲟⲩ ⲛ̅ ⲧⲡⲟⲗⲓⲥ : Ⲁⲩⲱ ⲛⲉⲩϩⲣ̅ ϣⲓⲣⲉ ⲧⲏⲣⲟⲩ ⲙⲛ̅ ⲛⲉⲩϩⲓⲟⲙⲉ ⲁⲩⲡⲱⲧ ϩⲓⲟⲩⲥⲟⲡ ⲁⲩⲉⲓ ⲉⲧⲥⲟⲟⲩϩⲥ̅ . ⲁⲩⲧⲁϩⲟ ⲉⲣⲁⲧϥ̅
ⲛ̅ Ⲁⲭⲓⲱⲣ ϩⲛ̅ ⲧⲙⲏⲧⲉ ⲙ̅ ⲡⲉⲩⲗⲁⲟⲥ ⲧⲏⲣϥ̅ : Ⲁϥⲛⲟϫϥ̅ ⲇⲉ ⲛ̅ ϭⲓⲞⲍⲉⲓⲁⲥ ⲉⲡⲉⲛⲧⲁϥϣⲱⲡⲉ . Ⲁϥⲟⲩⲱϣⲃ̅ ⲁϥϫⲱ ⲉⲣⲟⲟⲩ
ⲛ̅ ⲛϣⲁϫⲉ ⲛ̅ ⲧⲥⲟⲟⲩϩⲥ̅ ⲛ̅ Ⲟⲗⲟⲫⲉⲣⲛⲏⲥ . ⲁⲩⲱ ⲛ̅ ϣⲁϫⲉ ⲧⲏⲣⲟⲩ ⲛ̅ ⲧⲁϥϫⲟⲟⲩ ⲛ̅ ⲧⲙⲏⲧⲉ ⲛ̅ ⲛⲁⲣⲭⲱⲛ ⲛ̅ ⲛⲀⲥⲥⲟⲩⲣ . ⲁⲩⲱ
ⲛ̅ ⲛⲟϭ ⲛ̅ ϣⲁϫⲉ ⲉⲛⲧⲁⲞⲗⲟⲫⲉⲣⲛⲏⲥ ϫⲟⲟⲩ ⲉϫⲙ̅ ⲡⲏⲓ ⲙ̅ ⲡⲒⲥⲣⲁⲏⲗ : Ⲁⲩⲱ ⲁϥⲡⲁϩⲧϥ̅ ⲛ̅ ϭⲓⲡⲗⲁⲟⲥ ⲁϥⲟⲩⲱϣⲧ̅ ⲙ̅ Ⲡϫⲟⲉⲓⲥ .
ⲁⲩⲱ ⲁⲩϫⲓϣⲕⲁⲕ ⲉⲃⲟⲗ ⲉⲩϫⲱ ⲙ̅ ⲙⲟⲥ . ϫⲉ Ⲡϫⲟⲉⲓⲥ ⲡⲛⲟⲩⲧⲉ ⲛ̅ ⲧⲡⲉ ϭⲱϣⲧ ⲉϩⲣⲁⲓ ⲉϫⲛ̅ ⲛⲉⲩⲙⲛ̅ ⲧϫⲁⲥⲓϩⲏⲧ . ⲁⲩⲱ ⲛⲅ̅ ⲛⲁ
ⲙ̅ ⲡⲉⲑⲃ̅ ⲃⲓⲟ ⲙ̅ ⲡⲉⲛⲅⲉⲛⲟⲥ . ⲛⲅ̅ ϭⲱϣⲧ ⲉϫⲙ̅ ⲡϩⲟ ⲛ̅ ⲛⲉⲛⲧⲁⲩⲑⲃ̅ ⲃⲓⲟⲟⲩ ⲛⲁⲕ ϩⲙ̅ ⲡⲟⲟⲩ ⲛ̅ ϩⲟⲟⲩ. Ⲁⲩⲥⲟⲗⲥⲗ̅ ⲇⲉ ⲛ̅ Ⲁⲭⲓⲱⲣ
ⲁⲩⲱ ⲁⲩⲧⲁⲓⲟϥ ⲉⲙⲁⲧⲉ . Ⲁⲩⲱ ⲁϥϫⲓⲧϥ̅ ⲛ̅ ϭⲓⲞⲍⲉⲓⲁⲥ ⲉⲃⲟⲗ ϩⲛ̅ ⲧⲥⲟⲟⲩϩⲥ̅ ⲉⲡⲉϥⲏⲓ ⲁϥⲉⲓⲉ ⲛ̅ ⲟⲩⲛⲟϭ ⲛ̅ ϩⲟⲟⲡ
ⲉⲛⲉⲡⲣⲉⲥⲃⲩⲧⲉⲣⲟⲥ . ⲁⲩⲱ ⲁⲩⲉⲡⲓⲕⲁⲗⲓ ⲙ̅ ⲡⲛⲟⲩⲧⲉ ⲙ̅ ⲡⲒⲥⲣⲁⲏⲗ ⲉⲩⲃⲟⲏⲑⲓⲁ ⲛ̅ ⲧⲉⲩϣⲏ ⲧⲏⲣⲥ̅ ⲉⲧⲙ̅ ⲙⲁⲩ :
Ⲍ̅ . Ⲙ̅ ⲡⲉϥⲣⲁⲥⲧⲉ ⲇⲉ ⲁϥⲡⲁⲣⲁⲅⲅⲉⲓⲗⲉ ⲛ̅ ϭⲓⲞⲗⲟⲫⲉⲣⲛⲏⲥ ⲙ̅ ⲡⲉϥⲙ̅ ⲗⲁϩ ⲧⲏⲣϥ̅ . ⲙⲛ̅ ⲛⲉϥⲗⲁⲟⲥ ⲧⲏⲣϥ̅ ⲛⲁⲓ ⲉⲛⲧⲁⲩⲉⲓ ⲛⲙ̅ ⲙⲁϥ
ⲉⲡⲡⲟⲗⲉⲙⲟⲥ . ⲉⲥⲣ̅ ⲙ̅ ⲗⲁϩ ⲉⲃⲟⲗ ⲛ̅ ⲥⲉⲃⲱⲕ ⲉϩⲣⲁⲓ ⲉⲂⲁⲓⲑⲩⲗⲟⲩⲁ ⲁⲩⲱ ⲉⲁⲙⲁϩⲧⲉ ⲉϫⲛ̅ ϩⲓⲏ ⲛ̅ ⲃⲱⲕ ⲛⲓⲙ ⲉⲧϩⲛ̅ ⲧⲟⲣⲓⲛⲏ .
ⲁⲩⲱ ⲛ̅ ⲥⲉⲣ̅ ⲡⲟⲗⲉⲙⲟⲥ ⲙⲛ̅ ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ . Ϩⲙ̅ ⲡⲉϩⲟⲟⲩ ⲉⲧⲙ̅ ⲙⲁⲩ ⲁⲏⲧⲱⲟⲩⲛ ⲁϥⲃⲱⲕ ⲛ̅ ϭⲓⲡⲉϥⲗⲁⲟⲥ ⲧⲏⲣϥ̅ .
ⲛⲉϥⲣⲙ̅ ⲣⲁⲧⲟⲩ ⲉⲩⲛⲁⲣ̅ ⲙⲏⲧ ⲥⲁϣϥ̅ ⲛ̅ ⲧⲃⲁ ⲛ̅ ⲣⲱⲙⲉ . ⲛⲉϥϩⲓⲡⲡⲉⲩⲥ ⲉⲩⲛⲁⲣ̅ ⲙⲏⲧ ⲥⲛⲁⲩ ⲛ̅ ϣⲟ . ⲁϫⲡ̅ ⲟⲭⲟⲥ ⲙⲛ̅ ⲛ̅ ⲕⲟⲟⲩⲉ
ⲉⲧⲛⲙ̅ ⲙⲁⲩ . ⲉⲛⲉⲩⲁϣⲏ ⲅⲁⲣ ⲡⲉ ⲉⲙⲁⲧⲉ . Ⲁⲩⲣ̅ ⲧⲡⲁⲣⲉⲙⲃⲟⲗⲏ ϩⲙ̅ ⲡⲉⲓⲁ ⲛ̅ Ⲃⲁⲓⲑⲩⲗⲟⲩⲁ ⲉⲧⲥⲁⲡϣⲱⲓ ⲛ̅ ⲧⲡⲏⲅⲏ .
ⲉⲣⲉⲡⲗⲁⲟⲥ ⲡⲟⲣϣ̅ ⲉⲃⲟⲗ ϫⲓⲛⲆⲟⲧⲁⲓⲙ ϣⲁⲂⲁⲗⲁⲁⲙ . ⲁⲩⲱ ϫⲓⲛⲂⲁⲓⲑⲩⲗⲟⲩⲁ ϣⲁϩⲣⲁⲓ ⲉⲔⲩⲁⲙⲟⲙ . ⲡⲁⲓ ⲉⲧⲙ̅ ⲡϩⲟⲧ
ⲉⲃⲟⲗ ⲛ̅ Ⲉⲥⲣⲏⲙ . Ⲛ̅ ⲧⲉⲣⲉⲛ̅ ϣⲏⲣⲉ ⲇⲉ ⲙ̅ ⲡⲒⲥⲣⲁⲏⲗ ⲥⲟⲙⲥ ⲉⲡⲉϥⲙⲏⲏϣⲉ . ⲁⲩϣⲧⲟⲣⲧⲣ̅ ⲧⲱⲛⲟⲩ ⲡⲉϫⲁⲩ ⲛ̅ ⲛⲉⲩⲉⲣⲏⲩ .
ϫⲉ ⲉⲩⲉⲥⲉϩⲙ̅ ⲡⲉⲛⲕⲁϩ ⲧⲏⲣϥ̅ ⲁⲩⲱ ⲛ̅ ⲛⲉⲛ̅ ⲕⲟⲟϩ ⲛ̅ ⲧⲟⲟⲩ ⲕⲟⲗⲩ ⲙ̅ ⲙⲟⲟⲩ ⲟⲩⲧⲉ ⲛⲉⲩⲉⲓⲁ ⲟⲩⲧⲉ ⲛⲉⲛⲃⲟⲩⲛⲟⲥ. Ⲁⲩⲱ
ⲁⲩϫⲓ ⲛ̅ ⲛⲉⲩϩⲟⲡⲗⲟⲛ ⲙ̅ ⲙⲓϣⲉ ⲁⲩϫⲉⲣⲉⲩⲕⲱϩⲧ̅ ⲁⲩⲱ ⲁⲩⲣⲱⲓⲥ ϩⲓϫⲛ̅ ⲙ̅ ⲡⲩⲣⲅⲟⲥ ⲛ̅ ⲧⲉⲩϣⲏ ⲧⲏⲣⲥ̅ . Ⲙ̅ ⲡⲉϥⲣⲁⲥⲧⲉ ⲇⲉ
ⲁⲞⲗⲟⲫⲉⲣⲛⲏⲥ ⲧⲣⲉⲛⲉϥϩⲓⲡⲡⲉⲩⲥ ⲉⲓ ⲉϩⲣⲁⲓ ⲙ̅ ⲡⲉⲙⲧⲟ ⲉⲃⲟⲗ ⲛ̅ ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ ⲛⲁⲓ ⲉⲧϩⲛ̅ Ⲃⲁⲓⲑⲩⲗⲟⲩⲁ .
Ⲁϥϩⲉⲡⲟⲩⲱ ⲛ̅ ⲛⲉϩⲓⲏ ⲛ̅ ⲉⲓ ⲉϩⲟⲩⲛ ⲉⲧⲡⲟⲗⲓⲥ ⲁⲩⲱ ⲁϥⲙⲟⲩϣⲧⲛⲉϥⲡⲏⲅⲏ ⲁϥⲁⲙⲁϩⲧⲉ ⲙ̅ ⲙⲟⲟⲩ. ⲁⲩⲱ ⲁϥⲧⲣⲉⲡⲉϥⲙ̅ ⲗⲁϩ
ϭⲱ ⲙ̅ ⲙⲁⲩ . Ⲛ̅ ⲧⲟϥ ⲇⲉ ϩⲱϥ ⲁϥⲃⲱⲕ ⲉⲣⲁⲧϥ̅ ⲙ̅ ⲡⲉϥⲗⲁⲟⲥ . Ⲁⲥϣⲱⲡⲉ ⲇⲉ ⲁⲩⲥⲩⲛⲁⲅⲉ ⲛ̅ ϭⲓⲛ̅ ϩⲩⲡⲉⲣⲉⲧⲏⲥ ⲛ̅ ⲛ̅ ϣⲏⲣⲉ
ⲙ̅ Ⲙⲱⲁⲃ ⲙⲛ̅ ⲛϩⲉⲅⲟⲩⲙⲉⲛⲟⲥ ⲧⲏⲣⲟⲩ ⲙ̅ ⲡⲗⲁⲟⲥ ⲙ̅ Ⲙⲱⲁⲃ . ⲙⲛ̅ ⲛⲉⲥⲧⲣⲁⲧⲏⲅⲟⲥ ⲛ̅ ⲧⲡⲁⲣϩⲁⲗⲓⲁ . ⲡⲉϫⲁⲩ ϫⲉ
ⲙⲁⲣⲉⲡⲉⲛϫⲟⲉⲓⲥ ⲥⲱⲧⲙ̅ ⲉⲩϣⲁϫⲉ ϫⲉⲕⲁⲥ ⲛ̅ ⲛⲉⲩⲟⲩⲱϣⲃ̅ ϣⲱⲡⲉ ϩⲛ̅ ⲧⲉⲕϭⲟⲙ. ⲡⲉⲓⲗⲁⲟⲥ ⲅⲁⲣ ⲛ̅ ϣⲏⲣⲉ ⲙ̅ ⲡⲒⲥⲣⲁⲏⲗ
ⲙⲉⲩⲕⲱ ⲛ̅ ϩⲧⲏⲩ ⲁⲛ ⲉϫⲛ̅ ⲛⲉⲩⲙⲉⲣⲉϩ ⲁⲗⲗⲁ ⲉϫⲙ̅ ⲡϫⲓⲥⲉ ⲛ̅ ⲛⲧⲟⲟⲩ ⲛⲁⲓ ⲉⲧⲟⲩⲟⲩⲏϩ ϩⲣⲁⲓ ϩⲓϫⲱⲟⲩ ⲙ̅ ⲡϩⲱⲃ ⲅⲁⲣ ⲙⲟⲧⲛ̅
ⲁⲛ ⲉⲃⲱⲕ ⲉϩⲣⲁⲓ ⲉϫⲛ̅ ⲛⲕⲟⲟϩ ⲛ̅ ⲛⲧⲟⲩⲉⲓⲏ : Ⲧⲉⲛⲟⲩ ϭⲉ ⲡϫⲟⲉⲓⲥ ⲙ̅ ⲡⲣ̅ ⲣ̅ ⲡⲟⲗⲉⲙⲟⲥ ⲛⲙ̅ ⲙⲁⲩ ⲕⲁⲧⲁⲑⲉ ⲉϣⲁϥϣⲱⲡⲉ
ⲛ̅ ϭⲓⲟⲩⲡⲟⲗⲉⲙⲟⲥ ⲛ̅ ⲙ̅ ⲗⲁϩ . ⲁⲩⲱ ⲙⲛ̅ ⲟⲩⲣⲱⲙⲉ ⲛⲁϩⲉ ⲉⲃⲟⲗ ϩⲙ̅ ⲡⲉⲕⲗⲁⲟⲥ . Ϭⲱ ⲉϩⲣⲁⲓ ⲉϫⲛ̅ ⲧⲉⲕⲡⲁⲣⲧⲉⲙⲃⲟⲗⲏ ⲉⲕϩⲁⲣⲉϩ
ⲉⲣⲱⲙⲉ ⲛⲓⲙ ⲉⲃⲟⲗ ϩⲛ̅ ⲧⲉⲕϭⲟⲙ ⲁⲩⲱ ⲙⲁⲣⲉⲛⲉⲕϩⲙ̅ ϩⲁⲗ ⲁⲙⲁϩⲧⲉ ⲉϫⲛ̅ ⲧⲡⲏⲅⲏ ⲙ̅ ⲡⲙⲟⲟⲩ ⲧⲁⲓ ⲉⲧⲛⲏⲩ ⲉⲃⲟⲗ ϩⲁⲣⲁⲧϥ̅
ⲙ̅ ⲡⲧⲟⲟⲩ . ⲉⲧⲃⲉϫⲉ ⲉⲩⲙⲉϩⲙⲟⲟⲩ ⲉⲃⲟⲗ ϩⲙ̅ ⲡⲙⲁ ⲉⲧⲙ̅ ⲙⲁⲩ ⲛ̅ ϭⲓⲡⲉⲧⲟⲩⲏϩ ⲧⲏⲣⲟⲩ ϩⲛ̅ Ⲃⲁⲓⲧⲩⲗⲟⲩⲁ ⲁⲩⲱ ⲥⲉⲛⲁⲙⲟⲩ ⲡⲉ

5. ϩⲁⲡⲓⲃⲉ ⲛ̅ ⲥⲉϯ ⲛⲁⲛ ⲛ̅ ⲧⲉⲩⲡⲟⲗⲓⲥ . Ⲁⲛⲟⲛ ⲇⲉ ⲙⲛ̅ ⲡⲉⲛⲗⲁⲟⲥ ⲧⲛ̅ ⲛⲁⲃⲱⲕ ⲉϩⲣⲁⲓ ⲉϫⲛ̅ ⲛⲕⲟⲟϩ ⲛ̅ ⲛⲧⲟⲩⲉⲓⲏ ⲉⲧϩⲏⲛ ⲉⲣⲟⲟⲩ
ⲛ̅ ⲧⲛ̅ ϭⲱ ϩⲣⲁⲓ ϩⲓϫⲱⲟⲩ ⲉⲛⲣⲟⲉⲓⲥ ⲉⲧⲙ̅ ⲧⲣⲉⲟⲩⲣⲱⲙⲉ ⲛ̅ ⲟⲩⲱⲧ ⲉⲓ ⲉⲃⲟⲗ ϩⲛ̅ ⲧⲡⲟⲗⲓⲥ . ⲁⲩⲱ ⲥⲉⲛⲁⲃⲱⲗ ⲉⲃⲟⲗ ⲡⲉ
ϩⲁⲡⲉⲕϩⲟ . ⲛ̅ ⲧⲟⲟⲩ ⲙⲛ̅ ⲛⲉⲩϩⲓⲟⲙⲉ ⲙⲛ̅ ⲛⲉⲩϣⲏⲣⲉ . ⲁⲩⲱ ⲉⲙⲡⲁⲧⲉⲧⲥⲏϥⲉ ⲉⲓ ⲉϩⲣⲁⲓ ⲉϫⲱⲟⲩ ⲥⲉⲛⲁⲡⲟⲣϣⲟⲩ
ϩⲛ̅ ⲛⲉⲡⲗⲁⲧⲓⲁ ⲛ̅ ⲛⲉⲩⲙⲁ ⲛ̅ ϣⲱⲡⲉ. ⲛⲅ̅ ⲧⲱⲃⲉ ⲛⲁⲩ ⲛ̅ ⲟⲩⲧⲱⲱⲃⲉ ⲉϥϩⲟⲟⲩ . ⲉⲧⲃⲉϫⲉ ⲁϥⲃⲱϭⲉ ⲉⲣⲟⲕ . ⲁⲩⲱ ⲙ̅ ⲡⲟⲩⲉⲓ ⲉⲃⲟⲗ
ⲉⲧⲱⲙⲛ̅ ⲧ ⲉⲣⲟⲕ ϩⲛ̅ ⲟⲩⲉⲓⲣⲏⲛⲏ : Ⲁⲛⲉⲩϣⲁϫⲉ ⲇⲉ ⲣ̅ ⲁⲛⲁϥ ⲙ̅ ⲡⲙ̅ ⲧⲟ ⲉⲃⲟⲗ ⲛ̅ Ⲟⲗⲟⲫⲉⲣⲛⲏⲥ . ⲁⲩⲱ ⲙ̅ ⲡⲙ̅ ⲧⲟ ⲉⲃⲟⲗ
ⲛ̅ ⲛⲉϥϩⲙ̅ ϩⲁⲗ . ⲁϥⲟⲩⲉϩⲥⲁϩⲛⲉ ⲉⲉⲓⲣⲉ ⲕⲁⲧⲁⲑⲉ ⲉⲛⲧⲁⲩϣⲁϫⲉ . Ⲁⲩⲧⲱⲟⲩⲛ̅ ⲛ̅ ϭⲓⲛ̅ ϣⲏⲣⲉ ⲛ̅ Ⲁⲙⲙⲱⲛ ⲙⲛ̅ ⲛ̅ ϣⲏⲣⲉ
ⲛ̅ Ⲁⲥⲥⲟⲩⲣ ⲉⲩⲛⲁⲣ̅ ϯⲟⲩ ⲛ̅ ϣⲟ ⲛ̅ ⲣⲱⲙⲉ . ⲁⲩⲣ̅ ⲧⲡⲁⲣⲉⲙⲃⲟⲗⲏ ϩⲙ̅ ⲡⲉⲓⲁ ⲁⲩⲱ ⲧϩⲟⲛⲃⲉ ⲙⲛ̅ ⲙ̅ ⲡⲏⲅⲏ ⲛ̅ ⲛ̅ ϣⲏⲣⲉ
ⲙ̅ ⲡⲒⲥⲣⲁⲏⲗ ⲁⲩⲁⲙⲁϩⲧⲉ ⲉϫⲟⲟⲩ . Ⲛ̅ ϣⲏⲣⲉ ⲇⲉ ⲛ̅ Ⲉⲥⲁⲩ ⲙⲛ̅ Ⲁⲙⲙⲱⲛ ⲁⲩⲃⲱⲕ ⲉϩⲣⲁⲓ ⲁⲩⲣ̅ ⲧⲡⲁⲣⲉⲙⲃⲟⲗⲏ ϩⲛ̅ ⲧⲟⲣⲓⲛⲏ
ⲙ̅ ⲡϩⲟⲧ ⲉⲃⲟⲗ ⲛ̅ Ⲇⲟⲧⲁⲓⲙ . Ϩⲟⲓⲛⲉ ⲇⲉ ⲛ̅ ⲛⲉⲩⲣⲱⲙⲉ ⲁⲩϫⲟⲟⲩⲥⲟⲩ ⲉⲡⲙⲁⲣⲏⲥ . ⲁⲩⲱ ⲉⲡⲥⲁⲓⲉⲃⲧ ϩⲣⲁⲓ ⲉⲈⲅⲣⲉⲃⲉⲗ ⲡⲁⲓ
ⲉⲧϩⲏⲛ ⲉⲬⲟⲩⲥ . ϩⲙ̅ ⲡⲉⲭⲓⲙⲁⲣⲣⲟⲥ ⲙ̅ Ⲙⲟⲕⲙⲟⲩⲣ . ⲡⲥⲉⲉⲡⲉ ⲇⲉ ⲙ̅ ⲡⲉⲙ̅ ⲗⲁϩ ⲛ̅ Ⲁⲥⲥⲟⲩⲣ ⲁϥⲣ̅ ⲧⲡⲁⲣⲉⲙⲃⲟⲗⲏ ϩⲛ̅ ⲧⲥⲱϣⲉ
ⲉϥϩⲱⲃⲥ̅ ⲛ̅ ⲧⲡⲉⲣⲓⲭⲟⲣⲟⲥ ⲧⲏⲣⲥ̅ . ⲛⲉⲩⲥⲕⲏⲛⲏ ⲙⲛ̅ ⲡⲉⲩⲟⲭⲗⲟⲥ . ⲁⲛⲉⲩϩⲧⲱⲱⲣ ϩⲱⲃⲥ̅ ⲛ̅ ⲛ̅ ⲃⲟⲩⲛⲟⲥ . Ⲛ̅ ϣⲏⲣⲉ ⲇⲉ
ⲙ̅ ⲡⲒⲥⲣⲁⲏⲗ ⲁⲩϫⲓϣⲕⲁⲕ ⲉϩⲣⲁⲓ ⲉⲡⲛⲟⲩⲧⲉ . ϫⲉ ⲛⲉⲩⲟ ⲛ̅ ϩⲏⲧ ⲕⲟⲩⲓ ⲡⲉ . ⲁⲩⲱ ⲁⲛⲉⲩϫⲁϫⲉ ⲟⲣⲃⲟⲩ ⲉϩⲟⲩⲛ .
ⲉⲙⲛ̅ ⲧⲟⲩϣϭⲟⲙ ⲙ̅ ⲁⲩ ⲉⲡⲱⲧ. Ⲛⲉⲥⲕⲏ ⲇⲉ ⲛ̅ ϭⲓⲧⲡⲁⲣⲉⲙⲃⲟⲗⲏ ⲛ̅ Ⲁⲥⲥⲟⲩⲣ ϩⲙ̅ ⲡⲉⲩⲕⲱⲧⲉ ⲉⲧⲉⲛⲉⲩⲣⲙ̅ ⲣⲁⲧⲟⲩ ⲛⲉ
ⲙⲛ̅ ⲛⲉⲩϩⲁⲣⲙⲁ ϩⲁⲙ̅ ⲇ̅ ⲛ̅ ϩⲟⲟⲩ . ⲁⲩⲱ ⲛ̅ ϣⲏⲓ ⲛ̅ ⲛⲣⲙ̅ Ⲃⲁⲓⲑⲩⲗⲟⲩⲁ ⲁⲩⲣ̅ ϣⲟⲩⲟ ϭⲱⲡⲉ ϭⲱⲡⲉ . Ⲁⲩⲱ ⲛⲉⲩϣⲏⲓ
ⲁⲩϣⲟⲟⲩⲉ ⲙⲉⲩⲥⲱ ϣⲁⲛⲧⲟⲩⲥⲉⲓ ⲉⲓⲥ ⲛ̅ ⲟⲩϩⲟⲟⲩ ⲛ̅ ⲟⲩⲱⲧ . ⲉⲧⲃⲉϫⲉ ⲁⲩⲧⲁⲁⲩ ⲛⲁⲩ ⲙ̅ ⲙⲉⲣⲟⲥ . Ⲛⲉⲩϣⲏⲣⲉ ⲁⲩⲣ̅ ⲕⲟⲩⲓ
ⲛ̅ ϩⲏⲧ . ⲛⲉⲩⲥϩⲓⲙⲉ ⲙⲛ̅ ⲛⲉⲩϩⲣ̅ ϣⲓⲣⲉ ⲁⲩⲱϫⲛ̅ ϩⲁⲡⲉⲓⲃⲉ . ⲁⲩϩⲉ ϩⲛ̅ ⲛⲉϩⲓⲏ ⲙ̅ ⲙⲟⲟϣⲉ ⲛ̅ ⲛⲉⲩⲡⲩⲗⲏ . ⲁⲩⲱ ⲛⲉⲙⲛ̅ ϭⲟⲙ ϭⲉ
ϣⲟⲡ ⲡⲉ ϩⲣⲁⲓ ⲛ̅ ϩⲏⲧⲟⲩ . Ⲁⲡⲗⲁⲟⲥ ⲇⲉ ⲧⲏⲣϥ̅ ⲥⲟⲩⲱϩ ⲉϫⲛ̅ Ⲟⲍⲉⲓⲁⲥ ⲙⲛ̅ ⲛⲁⲣⲭⲱⲛ ⲛ̅ ⲧⲡⲟⲗⲓⲥ . ⲛⲉⲩϩⲣ̅ ϣⲓⲣⲉ
ⲙⲛ̅ ⲛⲱⲉⲩϣⲏⲣⲉ ⲕⲟⲩⲓ . ⲁⲩϫⲓϣⲕⲁⲕ ⲇⲉ ⲉⲃⲟⲗ ⲡⲉϫⲁⲩ ⲙ̅ ⲡⲙ̅ ⲧⲟ ⲉⲃⲟⲗ ⲛ̅ ⲛⲉⲡⲣⲉⲥⲃⲩⲧⲉⲣⲟⲥ ⲧⲏⲣⲟⲩ . ϫⲉ ⲉⲣⲉⲡⲛⲟⲩⲧⲉ
ⲕⲣⲓⲛⲉ ϩⲛ̅ ⲧⲉⲛⲙⲏⲧⲉ ϩⲓⲟⲩⲥⲟⲡ . ϫⲉ ⲁⲧⲉⲧⲛ̅ ⲉⲓⲣⲉ ⲛⲁⲛ ⲛ̅ ϩⲉⲛⲛⲟϭ ⲛ̅ ϫⲓ ⲛ̅ ϭⲟⲛⲥ . ⲉⲙⲡⲉⲧⲛ̅ ϣⲁϫⲉ ϩⲛ̅ ⲟⲩⲉⲓⲣⲏⲛⲏ
ⲙⲛ̅ ⲛϣⲏⲣⲉ ⲛ̅ ⲛⲀⲥⲥⲟⲩⲣ. Ⲧⲉⲛⲟⲩ ϭⲉ ⲙⲛ̅ ⲃⲟⲏⲑⲟⲥ ϣⲟⲟⲡ ⲛⲁⲛ . ⲁⲗⲗⲁ ⲁⲡⲉⲛⲛⲟⲩⲧⲉ ⲧⲁⲁⲛ ⲉⲃⲟⲗ ⲉϩⲣⲁⲓ ⲉⲛⲉⲩϭⲓϫ
ⲉⲧⲣⲉⲛⲣⲱϩⲧ ⲙ̅ ⲡⲉⲩⲙ̅ ⲧⲟ ⲉⲃⲟⲗ ϩⲛ̅ ⲟⲩⲉⲓⲃⲉ ⲙⲛ̅ ⲟⲩⲛⲟϭ ⲛ̅ ϩⲕⲟ . Ⲧⲉⲛⲟⲩ ϭⲉ ⲙⲟⲩⲧⲉ ⲉⲣⲟⲟⲩ ⲛ̅ ⲧⲉⲧⲛ̅ ϯ ⲛ̅ ⲧⲡⲟⲗⲓⲥ ⲧⲏⲣⲥ̅
ⲉⲩϣⲱⲗ ⲙ̅ ⲡⲗⲁⲟⲥ ⲛ̅ Ⲟⲗⲟⲫⲉⲣⲛⲏⲥ ⲙⲛ̅ ⲧⲉϥϭⲟⲙ ⲧⲏⲣⲥ̅ ⲥⲥⲟⲧⲡ ⲅⲁⲣ ⲛⲁⲛ ⲉⲧⲣⲉⲛϣⲱⲡⲉ ⲛⲁⲩ ⲉⲩⲧⲱⲣⲡ ⲧⲛⲁϣⲱⲡⲉ ⲛⲁⲩ
ⲉϩⲉⲛϩⲙ̅ ϩⲁⲗ ⲛ̅ ⲥⲱⲛϩ ⲛ̅ ϭⲓⲧⲉⲛⲯⲩⲭⲏ . ⲛ̅ ⲧⲉⲧⲙ̅ ⲛⲁⲩ ⲉⲡⲙⲟⲩ ⲛ̅ ⲛⲉⲛϣⲏⲣⲉ ⲕⲟⲩⲓ ϩⲛ̅ ⲛⲉⲛⲃⲁⲗ . ⲁⲩⲱ ⲛⲉⲛϩⲓⲟⲙⲉ
ⲙⲛ̅ ⲛⲉⲛϣⲏⲣⲉ ⲉⲩϣⲟⲥⲙ̅ ϩⲛ̅ ⲛⲉⲩⲯⲩⲭⲏ . ⲧⲛ̅ ⲣ̅ ⲙⲛ̅ ⲧⲣⲉ ⲛⲏⲧⲛ̅ ̅ⲛⲧⲡⲉ ⲙⲛ̅ ⲡⲕⲁϩ ⲙⲛ̅ ⲡⲉⲛⲛⲟⲩⲧⲉ . ⲁⲩⲱ Ⲡϫⲟⲉⲓⲥ
ⲛ̅ ⲛⲉⲛⲉⲓⲟⲧⲉ ⲡⲁⲓ ⲉⲧϫⲓⲕⲃⲁ ⲛ̅ ϩⲏⲧⲛ̅ ⲕⲁⲧⲁⲛⲉⲛⲛⲟⲃⲉ . ⲁⲩⲱ ⲕⲁⲧⲁⲛ̅ ⲛⲟⲃⲉ ⲛ̅ ⲛⲉⲛⲉⲓⲟⲧⲉ ⲉⲧⲣⲉⲧⲙ̅ ⲉⲓⲣⲉ ⲛ̅ ⲛⲉⲓϣⲁϫⲉ
ϩⲙ̅ ⲡⲟⲟⲩ ⲛ̅ ϩⲟⲟⲩ : Ⲁϥϣⲱⲡⲉ ⲇⲉ ⲛ̅ ϭⲓⲟⲩⲟⲩⲟⲩ ⲛ̅ ⲣⲓⲙⲉ ϩⲛ̅ ⲧⲙⲏⲧⲉ ⲛ̅ ⲧⲥⲥⲟⲟⲩϩⲥ̅ ⲧⲏⲣⲥ̅ ϩⲓⲟⲩⲥⲟⲡ . ⲁⲩⲱ ⲁⲩϫⲓϣⲕⲁⲕ
ⲉϩⲣⲁⲓ ⲉⲠϫⲟⲉⲓⲥ ⲡⲉⲩⲛⲟⲩⲧⲉ ϩⲛ̅ ⲟⲩⲛⲟϭ ⲛ̅ ⲥⲙⲏ : Ⲁⲩⲱ ⲡⲉϫⲁϥ ⲛⲁⲩ ⲛ̅ ϭⲓⲞⲍⲉⲓⲁⲥ ϫⲉ ⲧⲱⲕ ⲛ̅ ϩⲏⲧ ⲛⲁⲥⲛⲏⲩ .
ⲙⲁⲣⲉⲛϭⲱϣⲧ̅ ⲉⲃⲟⲗ ⲛ̅ ⲕⲉϯⲟⲩ ⲛ̅ ϩⲟⲟⲩ ϣⲁⲛⲧⲉⲠϫⲟⲉⲓⲥ ⲡⲉⲛⲛⲟⲩⲧⲉ ⲕⲧⲟ ⲉϩⲣⲁⲓ ⲉϫⲱⲛ ⲙ̅ ⲡⲉϥⲛⲁ . ⲛϥ̅ⲛⲁⲕⲁⲁⲛ ⲅⲁⲣ ⲁⲛ
ⲛ̅ ⲥⲱϥ ϣⲁⲃⲟⲗ . Ⲉⲣϣⲁⲛⲛⲁⲓ ⲇⲉ ⲟⲩⲉⲓⲛⲉ ⲛ̅ ⲧⲉⲧⲙ̅ ⲃⲟⲏⲑⲓⲁ ⲧⲁϩⲟⲛ ⲧⲛ̅ ⲛⲁⲉⲓⲣⲉ ⲕⲁⲧⲁⲛⲉⲧⲛ̅ ϣⲁϫⲉ . Ⲁⲩⲱ ⲁϥϫⲉⲉⲣⲉⲡⲗⲁⲟⲥ
ⲉⲃⲟⲗ ⲉϩⲣⲁⲓ ⲉⲧⲉϥⲡⲁⲣⲁⲙ̅ ⲃⲟⲗⲏ . ⲁⲩⲱ ⲁⲩⲃⲱⲕ ⲉϩⲣⲁⲓ ⲉϫⲛ̅ ⲛⲥⲟⲃⲧ ⲛ̅ ⲙ̅ ⲡⲩⲣⲅⲟⲥ ⲛ̅ ⲧⲉⲩⲡⲟⲗⲓⲥ . ⲁⲩⲱ ⲛⲉⲩϩⲓⲟⲙⲉ
ⲙⲛ̅ ⲛⲉⲩϣⲏⲣⲉ ⲁⲩϫⲟⲟⲩⲥⲟⲩ ⲉⲛⲉⲩⲏⲓ . ⲁⲩⲱ ⲛ̅ ⲛⲉⲩϣⲟⲟⲡ ⲡⲉ ϩⲛ̅ ⲟⲩⲛⲟϭ ⲛ̅ ⲑⲃ̅ ⲃⲓⲟ ϩⲣⲁⲓ ϩⲛ̅ ⲧⲡⲟⲗⲓⲥ.
ⲏ̅ . Ⲁⲥⲥⲱⲧⲙ̅ ⲇⲉ ϩⲛ̅ ⲛⲉϩⲟⲟⲩ ⲉⲧⲙ̅ ⲙⲁⲩ ⲛ̅ ϭⲓⲒⲟⲩⲇⲓⲑ ⲧϣⲉⲉⲣⲉ ⲛ̅ Ⲙⲉⲣⲁⲣⲓ ⲡϣⲏⲣⲉ ⲛ̅ Ⲱⲝ . ⲡϣⲏⲣⲉ ⲛ̅ Ⲓⲱⲥⲏⲫ . ⲡϣⲏⲣⲉ
ⲛ̅ Ⲟⲍⲉⲓⲏⲗ. ⲡϣⲏⲣⲉ ⲛ̅ Ⲉⲗⲕⲓⲁ . ⲡϣⲏⲣⲉ ⲛ̅ Ⲁⲛⲁⲛⲁⲓⲟⲩ . ⲡϣⲏⲣⲉ ⲛ̅ Ⲅⲉⲇⲉⲱⲛ . ⲡϣⲏⲣⲉ ⲛ̅ Ϩⲣⲁⲫⲁⲉⲓⲛ . ⲡϣⲏⲣⲉ ⲛ̅ Ⲁⲭⲓⲧⲱⲃ.
ⲡϣⲏⲣⲉ ⲛ̅ Ϩⲏⲗⲓⲁⲥ .ⲡϣⲏⲣⲉ ⲛ̅ Ⲭⲉⲗⲕⲓⲁⲥ . ⲡϣⲏⲣⲉ ⲛ̅ Ⲉⲛⲁⲃ . ⲡϣⲏⲣⲉ Ⲛⲁⲑⲁⲛⲁⲏⲗ . ⲡϣⲏⲣⲉ ⲛ̅ Ⲥⲁⲙⲁⲏⲗ . ⲡϣⲏⲣⲉ
ⲛ̅ Ⲥⲁⲣⲁⲥⲁⲇⲁⲓ . ⲡϣⲏⲣⲉ ⲛ̅ Ⲓⲉⲥⲣⲁⲏⲗ . Ⲁⲩⲱ ⲡⲉⲥϩⲁⲓ ⲡⲉ Ⲙⲁⲛⲁⲥⲥⲏ ⲉⲃⲟⲗ ϩⲛ̅ ⲧⲉⲥⲫⲩⲗⲏ ⲁⲩⲱ ⲧⲉⲥⲡⲁⲧⲣⲓⲁ ⲡⲁⲓ
ⲉⲛⲧⲁϥⲙⲟⲩ ϩⲛ̅ ⲛⲉϩⲟⲟⲩ ⲙ̅ ⲡⲱϩⲥ̅ ⲛ̅ ⲉⲓⲱⲧ . Ⲛ̅ ⲛⲉϥⲁϩⲉ ⲅⲁⲣ ⲉⲣⲁⲧϥ̅ ϩⲓϫⲛ̅ ⲛⲉⲧⲙⲟⲩⲣ ⲛ̅ ⲛⲉⲕⲛⲁⲁⲩ ϩⲛ̅ ⲧⲥⲱϣⲉ .
ⲁⲩϣⲁⲣⲃⲁ ⲣⲉϩⲧⲧⲉϥⲁⲡⲉ ⲁϥⲛ̅ ⲕⲟⲧⲕ̅ ⲉϩⲣⲁⲓ ⲉϫⲙ̅ ⲡⲉϥϭⲗⲟϭ ⲁϥⲙⲟⲩ ⲉϩⲣⲁⲓ ϩⲛ̅ Ⲃⲁⲓⲧⲩⲗⲟⲩⲁ ⲧⲉϥⲡⲟⲗⲓⲥ . ⲁⲩⲧⲟⲙⲥϥ̅
ⲙⲛ̅ ⲛⲉϥⲉⲓⲟⲧⲉ ϩⲛ̅ ⲧⲥⲱϣⲉ ⲉⲧϩⲛ̅ ⲧⲙⲏⲧⲉ ⲛ̅ Ⲇⲱⲑⲁⲉⲓⲙ ⲙⲛ̅ ⲃⲁⲗⲁⲙⲱⲛ ⲁⲩⲱ ⲛⲉⲣⲉⲒⲟⲩⲇⲉⲓⲑ ϩⲙⲟⲟⲥ ϩⲙ̅ ⲡⲉⲥⲏⲓ ⲉⲥⲟ ⲛ̅ ⲭⲣⲓⲁ
ⲛ̅ ϣⲟⲙⲧⲉ ⲛ̅ ⲣⲟⲙⲡⲉ ⲙⲛ̅ ϥⲧⲟⲟⲩ ⲛ̅ ⲉⲃⲟⲧ. Ⲉⲁⲥⲧⲁⲙⲓⲟ ⲛⲁⲥ ⲛ̅ ⲟⲩϩⲃⲱ ϩⲓϫⲛ̅ ⲧϫⲉⲛⲉⲡⲱⲣ ⲙ̅ ⲡⲉⲥⲏⲓ . ⲁⲩⲱ ⲁⲥⲕⲱ
ⲛ̅ ⲟⲩϭⲟⲟⲩⲛⲉ ϩⲓϫⲛ̅ ⲧⲉⲥϯⲡⲉ . ⲁⲩⲱ ⲛⲉⲣⲉⲛ̅ ϩⲟⲉⲓⲧⲉ ⲛ̅ ⲧⲉⲥⲙⲛ̅ ⲧⲭⲏⲣⲁ ⲧⲟ ϩⲓⲱⲱⲥ . ⲛ̅ ⲛⲉⲥⲛⲏⲥⲧⲉⲩⲉ ⲇⲉ ⲡⲉ ⲛ̅ ⲛⲉϩⲟⲟⲩ
ⲧⲏⲣⲟⲩ ⲛ̅ ⲧⲉⲥⲙⲛ̅ ⲧⲭⲏⲣⲁ . ϣⲁⲧⲛ̅ ⲛϩⲁⲑⲏ ⲛ̅ ⲛⲥⲁⲃⲃⲁⲧⲟⲛ . ⲁⲩⲱ ϩⲁⲑⲏ ⲛ̅ ⲛⲥⲟⲩⲁ ⲙⲛ̅ ⲛⲥⲟⲩⲁ ⲙⲛ̅ ⲛϣⲁ . ⲙⲛ̅ ⲛⲉϩⲟⲟⲟⲩ
ⲛ̅ ⲟⲩⲛⲟϥ ⲙ̅ ⲡⲏⲓ ⲙ̅ ⲡⲒⲥⲣⲁⲏⲗ . ⲛ̅ ⲛⲉⲛⲁⲛⲟⲩⲥ ⲇⲉ ⲡⲉ ϩⲙ̅ ⲡⲉⲥϩⲟ ⲉⲙⲁⲧⲉ . ⲁⲩⲱ ⲉⲛⲉⲛⲉⲥⲱⲥ ϩⲙ̅ ⲡⲉⲥⲉⲓⲛⲉ ⲉⲙⲁⲧⲉ . Ⲁⲩⲱ
ⲁⲘⲁⲛⲁⲥⲥⲏ ⲡⲉⲥϩⲁⲓ ϣⲱϫⲡ̅ ⲛⲁⲥ ⲛ̅ ⲟⲩⲛⲟⲩⲃ ⲙⲛ̅ ⲟⲩϩⲁⲧ . ⲁⲩⲱ ϩⲉⲛϩⲙ̅ ϩⲁⲗ ⲛ̅ ϩⲟⲟⲩⲧ . ⲙⲛ̅ ϩⲉⲛϩⲙ̅ ϩⲁⲗ ⲛ̅ ⲥϩⲓⲙⲉ ⲁⲩⲱ
ϩⲉⲛⲧⲃ̅ ⲛⲟⲟⲩⲉ . ⲙⲛ̅ ϩⲉⲛⲥⲱϣⲉ . ⲁⲩⲱ ⲁⲥϭⲱ ⲉϩⲣⲁⲓ ⲉϫⲱⲟⲩ . Ⲙ̅ ⲡⲉⲗⲁⲁⲩ ⲧⲁⲩⲟ ⲉϩⲣⲁⲓ ⲉϫⲱⲥ ⲛ̅ ⲟⲩϣⲁϫⲉ ⲙ̅ ⲡⲟⲛⲏⲣⲟⲛ .
ⲉⲧⲉⲃⲉϫⲉ ⲛ̅ ⲛⲉⲥⲣ̅ ϩⲟⲧⲉ ϩⲏⲧϥ̅ ⲙ̅ ⲡⲛⲟⲩⲧⲉ ⲉⲙⲁⲧⲉ : Ⲁⲩⲱ ⲁⲥⲥⲱⲧⲙ̅ ⲉⲛ̅ ϣⲁϫⲉ ⲉⲧϩⲟⲩ ⲛ̅ ⲧⲉⲡⲗⲁⲟⲥ ⲉⲛⲧⲁⲩϫⲟⲟⲩ
ⲉϫⲙ̅ ⲡⲁⲣⲭⲱⲛ . ⲉⲧⲃⲉϫⲉ ⲁⲩⲣ̅ ⲕⲟⲩⲓ ⲛ̅ ϩⲏⲧ ϩⲙ̅ ⲡⲧⲣⲉⲛⲉⲩⲙⲟⲟⲩ ⲥ̅ ⲃⲏⲕ : Ⲁⲩⲱ ⲁⲥⲥⲱⲧⲙ̅ ⲛ̅ ϭⲓⲒⲟⲩⲇⲉⲓⲑ ⲉϣⲁϫⲉ ⲛⲓⲙ
ⲉⲛ̅ ⲧⲁϥϫⲟⲟⲩ ⲛⲁⲩ ⲛ̅ ϭⲓⲞⲍⲉⲓⲁⲥ . ⲛ̅ ⲑⲉ ⲉⲛⲧⲁϥⲱⲣⲕ̅ ⲛⲁⲩ ⲉϯ ⲛ̅ ⲧⲡⲟⲗⲓⲥ ⲉϩⲣⲁⲓ ⲉⲧⲟⲟⲧⲟⲩ ⲛ̅ ⲛⲀⲥⲥⲩⲣⲓⲟⲥ ⲙⲛ̅ ⲛⲥⲁϯⲟⲩ
ⲛ̅ ϩⲟⲟⲩ. Ⲁⲥϫⲟⲟⲩ ⲛ̅ ⲧⲉⲥϩⲙ̅ ϩⲁⲗ ⲧⲁⲓ ⲉⲧϩⲓϫⲛ̅ ⲛⲉⲥϩⲩⲡⲁⲣⲭⲟⲛⲧⲁ ⲁⲥⲙⲟⲩⲧⲉ ⲉⲬⲁⲃⲣⲉⲓ ⲙⲛ̅ Ⲭⲁⲣⲙⲉⲓ ⲛⲉⲡⲣⲉⲥⲃⲩⲧⲉⲣⲟⲥ
ⲛ̅ ⲧⲉⲥⲡⲟⲗⲓⲥ ⲁⲩⲉⲓ ϣⲁⲣⲟⲥ ⲡⲉϫⲁⲥ ⲛⲁⲩ ϫⲉ ⲥⲱⲧⲙ̅ ⲉⲣⲟⲓ ⲛ̅ ⲁⲣⲭⲱⲛ ⲛⲉⲧⲟⲩⲏϩ ϩⲛ̅ Ⲃⲁⲓⲧⲩⲗⲟⲩⲁ . ⲉⲧⲃⲉϫⲉ ⲛϥ̅ⲥⲟⲩⲧⲱⲛ

6. ⲁⲛ ⲛ̅ ϭⲓⲡⲉⲧⲛ̅ ϣⲁϫⲉ ⲉⲛⲧⲁⲧⲉⲧⲛ̅ ⲧⲁⲩⲟϥ ⲙ̅ ⲡⲙ̅ ⲧⲟ ⲉⲃⲟⲗ ⲙ̅ ⲡⲗⲁⲟⲥ ϩⲙ̅ ⲡⲟⲟⲩ ⲛ̅ ϩⲟⲟⲩ ⲁⲩⲱ ⲁⲧⲉⲧⲛ̅ ⲧⲁϩⲟ ⲉⲣⲁⲧϥ̅
ⲙ̅ ⲡⲁⲛⲁϣ ⲉⲛⲧⲁⲧⲉⲧⲛ̅ ⲧⲁⲩⲟϥ ϩⲛ̅ ⲧⲉⲧⲛ̅ ⲙⲏⲧⲉ . ⲁⲩⲱ ⲁⲧⲉⲧⲛ̅ ϫⲟⲟⲥ ⲉϯⲡⲟⲗⲓⲥ ⲉϩⲣⲁⲓ ⲉⲧⲟⲟⲧⲟⲩ ⲛ̅ ⲛⲉⲛϫⲓⲥⲉⲩ
ⲉⲣϣⲁⲛⲧⲙ̅ Ⲡϫⲟⲉⲓⲥ ⲕⲱ ⲛ̅ ⲟⲩⲃⲟⲏⲑⲓⲁ ⲛⲏⲧⲛ̅ ϩⲣⲁⲓ ϩⲙ̅ ⲡⲉⲓϩⲟⲟⲩ . Ⲧⲉⲛⲟⲩ ϭⲉ ⲛ̅ ⲧⲉⲧⲛ̅ ⲛⲓⲙ ⲛ̅ ⲧⲱⲧⲛ̅ ⲉⲁⲧⲉⲧⲛ̅ ⲡⲓⲣⲁⲍⲉ
ⲙ̅ ⲡⲛⲟⲩⲧⲉ ⲙ̅ ⲡⲟⲟⲩ ⲛ̅ ϩⲟⲟⲩ . ⲁⲩⲱ ⲁⲧⲉⲧⲛ̅ ⲁϩⲉⲣⲁⲧⲧⲏⲩⲧⲛ̅ ϩⲁⲡⲛⲟⲩⲧⲉ ⲛ̅ ⲧⲙⲏⲧⲉ ⲛ̅ ⲛϣⲏⲣⲉ ⲛ̅ ⲛ̅ ⲣⲱⲙⲉ . Ⲉⲁⲧⲉⲧⲛ̅ ϩⲟⲧϩⲧ̅
ⲙ̅ Ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ . ⲉⲛⲧⲉⲧⲛⲁⲉⲓⲙⲉ ⲁⲛ ⲉⲗⲁⲁⲩ ϣⲁⲉⲛⲉϩ ⲉⲧⲃⲉϫⲉ ⲡϣⲓⲕ ⲙ̅ ⲡϩⲏⲧ ⲙ̅ ⲡⲣⲱⲙⲉ ⲛ̅ ⲧⲉⲧⲛⲁϩⲉ ⲉⲣⲟϥ
ⲁⲛ . ⲁⲩⲱ ⲛ̅ ϣⲁϫⲉ ⲙ̅ ⲡⲉϥϩⲏⲧ ⲛ̅ ⲧⲉⲧⲛⲁϫⲟⲟⲩ ⲁⲛ . Ⲁⲩⲱ ⲛ̅ ⲁϣ ⲛ̅ ϩⲉ ⲧⲉⲧⲛⲁϣϩⲉⲧϩⲧ̅ ⲡⲛⲟⲩⲧⲉ ⲡⲉⲛⲧⲁϥⲧⲁⲙⲓⲉⲛⲁⲓ ⲧⲏⲣⲟⲩ .
ⲁⲩⲱ ⲧⲉⲧⲛⲁⲥⲟⲩⲛⲡⲉϥϩⲏⲧ ⲛ̅ ⲧⲉⲧⲛ̅ ⲉⲓⲙⲉ ⲉⲡⲉϥⲙⲟⲕⲙⲉⲕ . Ⲙ̅ ⲡⲱⲣ ⲛⲁⲥⲛⲏⲩ ⲙ̅ ⲡⲣ̅ ϯⲛⲟⲩϭⲉ ⲙ̅ Ⲡϫⲟⲉⲓⲥ ⲡⲉⲛⲛⲟⲩⲧⲉ. ϫⲉ
ⲉϥϣⲁⲛⲧⲙ̅ ⲟⲩⲱϣ ⲉⲃⲟⲏⲑⲉⲓ ⲉⲣⲟⲛ ϩⲣⲁⲓ ϩⲙ̅ ⲡϯⲟⲩ ⲛ̅ ϩⲟⲟⲩ . ⲛ̅ ⲧⲟϥ ⲡⲉⲧⲉⲛⲟⲩⲧϥ̅ⲧⲉⲝⲟⲩⲥⲓⲁ ⲙ̅ ⲙⲁⲩ ⲉⲃⲟⲏⲑⲉⲓ ⲉⲣⲟⲛ
ϩⲛ̅ ⲛⲉϩⲟⲟⲩ ⲉⲧⲉϩⲛⲁϥ . ⲏ ⲉϥⲟⲧⲛ̅ ⲉⲃⲟⲗ ⲛ̅ ⲛⲉⲛϫⲓⲥⲉⲉⲩ . ⲛ̅ ⲧⲱⲧⲛ̅ ⲇⲉ ⲙ̅ ⲡⲣ̅ ⲥⲱϣⲧ̅ ⲛ̅ ⲛϣⲟϫⲛⲉ ⲙ̅ Ⲡϫⲟⲉⲓⲥ ⲡⲉⲛⲛⲟⲩⲧⲉ . ϫⲉ
ⲙⲉⲣⲉⲡⲛⲟⲩⲧⲉ ⲟ ⲛ̅ ⲑⲉ ⲁⲛ ⲛ̅ ⲟⲩⲣⲱⲙⲉ ⲉⲧⲣⲉⲩϭⲱⲛⲧ ⲉⲣⲟϥ . ⲟⲩⲇⲉ ⲛ̅ ⲑⲉ ⲁⲛ ⲛ̅ ⲟⲩϣⲏⲣⲉ ⲛ̅ ⲣⲱⲙⲉ ⲉⲧⲣⲉⲩϯϩⲁⲡ ⲉⲣⲟϥ .
Ⲉⲧⲃⲉϫⲉ ⲧⲛⲁⲉⲡⲓⲕⲁⲗⲉⲓ ⲙ̅ ⲙⲟϥ ⲉⲩⲃⲟⲏⲑⲓⲁ ⲛⲁⲛ . ⲉⲛϭⲉⲉⲧ ⲉⲡⲟⲩϫⲁⲓ ⲡⲉⲃⲟⲗϩⲓⲧⲟⲟⲧϥ̅ . ⲁⲩⲱ ϥⲛⲁⲥⲱⲧⲙ̅ ⲡⲉ
ⲉⲡⲉⲛϩⲣⲟⲟⲩ ⲉϣⲱⲡⲉ ⲉϩⲛⲁϥ . ⲉⲧⲃⲉϫⲉ ⲙ̅ ⲡⲉⲟⲩⲟⲛ ⲧⲱⲟⲩⲛ ϩⲛ̅ ⲧⲉⲛⲅⲉⲛⲉⲁ . ⲟⲩⲇⲉ ⲛ̅ ⲥⲉϣⲟⲟⲡ ⲁⲛ ϩⲙ̅ ⲡⲟⲟⲩ ⲛ̅ ϩⲟⲟⲩ
ⲛ̅ ϭⲓⲟⲩⲫⲩⲗⲏ . ⲟⲩⲇⲉ ⲟⲩⲡⲁⲧⲣⲓⲁ . ⲟⲩⲇⲉ ⲟⲩⲇⲏⲙⲟⲥ . ⲟⲩⲇⲉ ⲟⲩⲡⲟⲗⲓⲥ ⲉⲃⲟⲗ ⲛ̅ ϩⲏⲧⲛ̅ ⲛⲁⲓ ⲉⲧϣⲙ̅ ϣⲉ ⲛ̅ ϩⲉⲛⲛⲟⲩⲧⲉ
ⲛ̅ ⲧⲁⲙⲓⲟ ⲛ̅ ϭⲓϫ . ⲕⲁⲧⲁⲑⲉ ⲉⲛⲧⲁⲥϣⲱⲡⲉ ϩⲛ̅ ⲛⲉϩⲟⲟⲩ ⲛ̅ ϣⲟⲣⲡ̅ . Ⲉⲧⲃⲉⲡⲁⲓ ⲁⲩϯ ⲛ̅ ⲛⲉⲛⲉⲓⲟⲧⲉ ⲉϩⲣⲁⲓ ⲉⲧⲟⲟⲧⲥ̅ ⲛ̅ ⲧⲥⲏϥⲉ .
ⲁⲩⲱ ⲉⲩⲧⲱⲣⲡ̅ .ⲁⲩⲱ ⲁⲩϩⲉ ϩⲛ̅ ⲟⲩⲛⲟϭ ⲛ̅ ϩⲧⲟⲡ ⲙ̅ ⲡⲙ̅ ⲧⲟ ⲉⲃⲟⲗ ⲛ̅ ⲛⲉⲩϫⲓϫⲉⲉⲩ. Ⲁⲛⲟⲛ ⲇⲉ ⲙ̅ ⲡⲛ̅ ⲥⲟⲩⲛⲕⲉⲛⲟⲩⲧⲉ ⲛ̅ ⲃⲗ̅ ⲗⲁϥ
. ⲉⲧⲃⲉⲡⲁⲓ ⲧⲛ̅ ϩⲉⲗⲡⲓⲍⲉ ϫⲉ ⲛϥ̅ⲛⲁⲟⲃϣϥ̅ ⲁⲛ ⲉⲣⲟⲛ ⲟⲩⲇⲉ ⲉⲡⲉⲛⲅⲉⲛⲟⲥ . Ⲉⲧⲃⲉϫⲉ ⲉⲩϣⲁⲛϫⲓⲧⲛ̅ ⲡⲉ ϩⲓⲛⲁⲓ ⲛ̅ ϯⲟⲩⲇⲁⲓⲁ
ⲧⲏⲣⲥ̅ . ⲁⲩⲱ ⲥⲉⲛⲁϣⲱⲗ ⲡⲉ ⲙ̅ ⲡⲉⲛⲙⲁ ⲉⲧⲟⲩⲁⲁⲃ . ⲛϥ̅ϣⲓⲛⲉ ⲛ̅ ⲥⲁⲡⲉⲩϫⲱϩⲙ̅ ⲉⲃⲟⲗ ϩⲙ̅ ⲡⲉⲛⲥⲛⲟϥ . ⲁⲩⲱ ⲡϩⲱⲃⲧ
ⲛ̅ ⲛⲉⲛⲥⲛⲏⲩ . ⲙⲛ̅ ⲧⲁⲓⲭⲙⲁⲗⲱⲥⲓⲁ ⲙ̅ ⲡⲕⲁϩ . ⲙⲛ̅ ⲡϣⲱϥ ⲛ̅ ⲧⲉⲛⲕⲗⲏⲣⲟⲛⲟⲙⲓⲁ . Ϥⲛⲁⲕⲧⲟϥ ⲉϩⲣⲁⲓ ⲉϫⲛ̅ ⲧⲉⲛⲁⲡⲉ ϩⲛ̅ ⲛϩⲉⲑⲛⲟⲥ
ⲉⲧⲛⲁⲣ̅ ϩⲙ̅ ϩⲁⲗ ϩⲣⲁⲓ ⲛ̅ ϩⲏⲧⲟⲩ . ⲁⲩⲱ ⲧⲛ̅ ⲛⲁϣⲱⲡⲉ ⲉⲩϫⲣⲟⲡ ⲙ̅ ⲛⲟⲩⲛⲟϭⲛⲉϭ ⲙ̅ ⲡⲉⲙⲧⲟ ⲉⲃⲟⲗ ⲛ̅ ⲛⲉⲧⲛⲁϫⲡⲟⲛ ⲛⲁⲩ . ϫⲉ
ⲛ̅ ⲧⲉⲙⲛ̅ ⲧϩⲙ̅ ϩⲁⲗ ⲛⲁⲥⲟⲟⲩⲧⲛ̅ ⲁⲛ ⲡⲉ ⲉⲩϩⲙⲟⲧ . ⲁⲗⲗⲁ Ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲁⲕⲁⲁⲥ ⲡⲉ ⲉⲩⲥⲱϣ : Ⲧⲉⲛⲟⲩ ϭⲉ ⲛⲉⲥⲛⲏⲩ
ⲙⲁⲣⲉⲛⲧⲁⲙⲉⲛⲉⲛⲥⲛⲏⲩ ⲉⲧⲃⲉϫⲉ ⲉⲣⲉⲧⲉⲩⲯⲩⲭⲏ ⲁϣⲉ ⲛ̅ ϩⲏⲧⲛ̅ . ⲁⲩⲱ ⲙ̅ ⲡⲉⲧⲟⲩⲁⲁⲃ ⲙⲛ̅ ⲡⲏⲓ ⲙ̅ ⲡⲉⲩⲑⲩⲥⲓⲁⲥⲧⲏⲣⲓⲟⲛ
ⲉⲩⲧⲁϫⲣⲏⲩ ⲉϩⲣⲁⲓ ⲉϫⲱⲛ. Ⲛ̅ ⲃⲗ̅ ⲗⲛⲁⲓ ⲧⲏⲣⲟⲩ ⲙⲁⲣⲉⲛϣⲡ̅ ϩ̅ⲙⲟⲧ ⲛ̅ ⲧⲛ̅ Ⲡϫⲟⲉⲓⲥ ⲡⲉⲛⲛⲟⲩⲧⲉ . ⲡⲁⲓ ⲉⲧⲡⲓⲣⲁⲍⲉ ⲙ̅ ⲙⲟⲛ
ⲕⲁⲧⲁⲛⲉⲛⲉⲓⲟⲧⲉ . Ⲁⲣⲓⲡⲙⲉⲉⲩⲉ ⲛ̅ ⲛⲉⲛⲧⲁϥⲁⲁⲩ ⲛ̅ Ⲁⲃⲣⲁϩⲁⲙ . ⲁⲩⲱ ⲛⲉⲛⲧⲁϥⲡⲓⲣⲁⲍⲉ ⲛ̅ Ⲓⲥⲁⲁⲕ ⲛ̅ ϩⲏⲧⲟⲩ
ⲙⲛ̅ ⲛⲉⲛⲧⲁⲩϣⲱⲡⲉ ⲛ̅ Ⲓⲁⲕⲱⲃ ϩⲛ̅ ⲧⲘⲉⲥⲟⲡⲟⲧⲁⲙⲓⲁ ⲛ̅ ⲧⲤⲩⲣⲓⲁ . ⲉϥⲙⲟⲟⲛⲉ ⲛ̅ ⲛⲉⲥⲟⲟⲩ ⲛ̅ Ⲗⲁⲃⲁⲛ ⲡⲥⲟⲛ ⲛ̅ ⲧⲉϥⲙⲁⲁⲩ ϫⲉ
ⲕⲁⲧⲁⲑⲉ ⲉⲛⲧⲁϥⲡⲓⲣⲁⲍⲉ ⲛ̅ ⲛⲏ ⲉⲩϩⲟⲧϩⲧ̅ ⲙ̅ ⲡⲉⲩϩⲏⲧ . ⲁⲛⲟⲛ ϩⲱⲱⲛ ⲉϥϫⲓⲕⲃⲁ ⲙ̅ ⲙⲟⲛ ⲁⲛ . ⲁⲗⲗⲁ ⲉⲣⲉⲠϫⲟⲉⲓⲥ
ⲙⲁⲍⲧⲓⲅⲟⲩ ⲛ̅ ⲛⲉⲧϩⲏⲛ ⲉⲣⲟϥ ⲉⲩⲥⲃⲱ : Ⲡⲉϫⲁϥ ⲇⲉ ⲛⲁⲥ ⲛ̅ ϭⲓⲞⲍⲉⲓⲁⲥ ϫⲉ ⲛⲉⲛⲧⲁϫⲟⲟⲩ ⲧⲏⲣⲟⲩ ⲉⲛⲧⲁϫⲟⲟⲩ ϩⲛ̅ ⲟⲩϩⲏⲧ
ⲉⲛⲁⲛⲟⲩϥ . ⲁⲩⲱ ⲙⲛ̅ ⲡⲉⲧⲛⲁϯⲟⲩⲃⲉ ⲛ̅ ⲟⲩϣⲁϫⲉ . ϫⲉ ⲉⲣⲉⲧⲟⲩⲥⲟⲫⲓⲁ ⲟⲩⲏⲛϩ ⲉⲃⲟⲗ ⲁⲛ ϩⲙ̅ ⲡⲟⲟⲩ ⲛ̅ ϩⲟⲟⲩ . ⲁⲗⲗⲁ
ⲉϫⲓⲛⲛⲉϩⲟⲟⲩ ⲛ̅ ϣⲟⲣⲡ̅ ⲁϥⲉⲓⲙⲉ ⲛ̅ ϭⲓⲡⲗⲁⲟⲥ ⲧⲏⲣϥ̅ ⲉⲧⲟⲩⲙⲛ̅ ⲧⲣⲙ̅ ⲛ̅ ϩⲏⲧ . ⲕⲁⲧⲁⲑⲉ ϫⲉ ⲟⲩⲁⲅⲁⲑⲟⲛ ⲡⲉ ⲡⲉⲡⲗⲁⲥⲙⲁ
ⲙ̅ ⲡⲟⲩϩⲏⲧ. Ⲁⲗⲗⲁ ⲁⲡⲗⲁⲟⲥ ⲉⲓⲃⲉ ⲉⲙⲁⲧⲉ ⲁⲩⲁⲛⲁⲅⲕⲁⲍⲉ ⲙ̅ ⲙⲟⲛ ⲉⲉⲓⲣⲉ ⲕⲁⲧⲁⲑⲉ ⲉⲛⲧⲁⲛϣⲁϫⲉ ⲛⲙ̅ ⲙⲁⲩ . ⲁⲩⲱ ⲁⲩⲉⲓⲛⲉ
ⲉϩⲣⲁⲓ ⲉϫⲱⲛ ⲛ̅ ⲟⲩⲁⲛⲁϣ . ⲡⲁⲓ ⲉⲧⲛⲁϣⲡⲁⲣⲁⲃⲁ ⲙ̅ ⲙⲟϥ ⲁⲛ : Ⲧⲉⲛⲟⲩ ϭⲉ ⲥⲟⲡⲥ ϩⲁⲣⲟⲛ ϫⲉ ⲛ̅ ⲧⲉⲟⲩⲥϩⲓⲙⲉ
ⲛ̅ ⲣⲉϥϣⲙ̅ ϣⲉⲛⲟⲩⲧⲉ . ⲁⲩⲱ Ⲡϫⲟⲉⲓⲥ ⲛⲁⲧⲛ̅ ⲛⲟⲟⲩ ⲙ̅ ⲡϩⲟⲩⲙⲡⲉ ⲛϥ̅ⲧⲣⲉⲛⲉⲛϣⲏⲓ ⲙⲟⲩϩ ⲛ̅ ⲧⲉⲧⲙ̅ ⲱϫⲛ̅ ϭⲉ : Ⲡⲉϫⲁⲥ ⲇⲉ ⲛⲁⲩ
ⲛ̅ ϭⲓⲒⲟⲩⲇⲓⲑ ϫⲉ ⲥⲱⲧⲙ̅ ⲉⲣⲟⲓ . ⲁⲩⲱ ϯⲛⲁⲉⲓⲣⲉ ⲛ̅ ⲟⲩϩⲱⲃ ⲡⲁⲓ ⲉⲧⲛⲁⲣ̅ ⲥⲟⲉⲓⲧ ⲉϩⲉⲛϫⲱⲙ ⲛ̅ ⲛϣⲏⲣⲉ ⲙ̅ ⲡⲉⲛⲅⲉⲛⲟⲥ .
ⲛ̅ ⲧⲉⲧⲛ̅ ⲛⲁⲁϩⲉⲣⲁⲧⲧⲏⲩⲧⲛ̅ ϩⲓϫⲛ̅ ⲧⲡⲩⲗⲏ ⲛ̅ ⲧⲉⲓⲟⲩϣⲏ ⲁⲩⲱ ⲁⲛⲟⲕ ϯⲛⲁⲃⲱⲕ ⲉⲃⲟⲗ ⲙⲛ̅ ⲧⲁϩⲙ̅ ϩⲁⲗ ⲁⲩⲱ ϩⲣⲁⲓ ϩⲛ̅ ⲛⲉϩⲟⲟⲩ
ⲛⲁⲓ ⲉⲛⲧⲁⲧⲉⲧⲛ̅ ϫⲟⲟⲩ ϫⲉ ⲙⲛ̅ ⲛⲥⲱⲟⲩ ⲧⲛ̅ ⲛⲁϯ ⲛ̅ ⲧⲡⲟⲗⲓⲥ ⲉϩⲣⲁⲓ ⲉⲧⲟⲟⲧⲟⲩ ⲛ̅ ⲛϫⲓϫⲉⲉⲩ . ⲡϫⲟⲉⲓⲥ ⲛⲁϭⲙ̅ ⲡϣⲓⲛⲉ ⲙ̅ ⲡⲒⲥⲣⲁⲏⲗ
ϩⲣⲁⲓ ϩⲛ̅ ⲧⲁϭⲓϫ . Ⲛ̅ ⲧⲱⲧⲛ̅ ⲇⲉ ⲛ̅ ⲛⲉⲧⲛ̅ ϩⲟⲧϩⲧ̅ ⲙ̅ ⲡⲁϩⲱⲃ ⲛ̅ ϯⲛⲁϫⲟⲟϥ ⲅⲁⲣ ⲁⲛ ⲉⲣⲱⲧⲛ̅ ϣⲁⲛϯϫⲱⲕ ⲉⲃⲟⲗ ⲛ̅ ⲛⲉϯⲛⲁⲁⲁⲩ.
Ⲡⲉϫⲁϥ ⲇⲉ ⲛⲁⲥ ⲛ̅ ϭⲓⲞⲍⲉⲓⲁⲥ ⲙⲛ̅ ⲛⲁⲣⲭⲱⲛ ϫⲉ ⲃⲁⲕ ϩⲛ̅ ⲟⲩⲉⲓⲣⲏⲛⲏ . ⲁⲩⲱ Ⲡϫⲟⲉⲓⲥ ⲡⲉⲛⲛⲟⲩⲧⲉ ϩⲓϩⲏ ⲙ̅ ⲙⲟ ⲉⲩϫⲓⲕⲃⲁ
ⲛ̅ ⲛⲉⲛϫⲁϫⲉ : Ⲁⲩⲕⲧⲟⲟⲩ ⲇⲉ ⲉⲃⲟⲗ ϩⲛ̅ ⲧⲉⲥⲕⲏⲛⲏ ⲁⲩⲃⲱⲕ ⲉⲃⲟⲗ ⲉⲛⲉⲩⲙⲁ ⲉⲧⲧⲏϣ ⲛⲁⲩ :
Ⲑ̅ . Ⲓⲟⲩⲇⲓⲑ ⲇⲉ ⲁⲥⲡⲁϩⲧⲥ̅ ⲉϫⲙ̅ ⲡⲉⲥϩⲟ ⲁⲥⲛⲉϫⲕⲣⲙ̅ ⲥ ⲉϫⲛ̅ ⲧⲉⲥⲁⲡⲉ . ⲁⲥϭⲱⲗⲡ ⲉⲃⲟⲗ ⲛ̅ ⲧϭⲟⲟⲩⲛⲉ ⲉⲧϩⲓⲱⲱⲥ . ⲁⲩⲱ
ϣⲁϩⲣⲁⲓ ⲉⲧⲉⲛⲟⲩ ⲛ̅ ⲛⲉϣⲁⲩⲧⲁⲗⲟ ⲉϩⲣⲁⲓ ⲡⲉ ⲛ̅ ⲡϣⲟⲩϩⲏⲛⲉ ⲙ̅ ⲡⲉⲣⲟⲩϩⲉ ⲉⲧⲙ̅ ⲙⲁⲩ ϩⲛ̅ ⲑⲒⲉⲣⲟⲩⲥⲁⲗⲏⲙ ϩⲙ̅ ⲡⲏⲓ ⲙ̅ ⲡⲛⲟⲩⲧⲉ :
ⲁⲥϫⲓϣⲕⲁⲕ ⲇⲉ ⲉⲃⲟⲗ ⲛ̅ ϭⲓⲒⲟⲩⲇⲓⲑ ⲉϩⲣⲁⲓ ⲉⲠϫⲟⲉⲓⲥ ϩⲛ̅ ⲟⲩⲛⲟϭ ⲛ̅ ⲥⲙⲏ ϫⲉ Ⲡϫⲟⲉⲓⲥ ⲡⲛⲟⲩⲧⲉ ⲙ̅ ⲡⲁⲉⲓⲱⲧ Ⲥⲩⲙⲉⲱⲛ . ⲡⲁⲓ
ⲉⲛⲧⲁⲕϯ ⲉϩⲣⲁⲓ ⲉⲧⲉϥϭⲓϫ ⲛ̅ ⲟⲩⲥⲏϥⲉ ⲉϫⲓⲕⲃⲁ ⲛ̅ ⲛⲁⲗⲟⲅⲉⲛⲏⲥ . ⲛⲁⲓ ⲉⲛⲧⲁⲩⲃⲱⲗ ⲉⲃⲟⲗ ⲛ̅ ⲧⲟⲟⲧⲉ ⲛ̅ ⲟⲩⲡⲁⲣⲑⲉⲛⲟⲥ ⲉⲩⲥⲱϣϥ̅
. ⲁⲩⲱ ⲁⲩϭⲱⲗⲡ̅ ⲉⲃⲟⲗ ⲛ̅ ⲟⲩⲙⲉⲣⲟⲥ ⲉⲩϣⲓⲡⲉ . ⲁⲩⲱ ⲁⲩϫⲱϩⲙ̅ ⲛ̅ ⲟⲩⲟⲟⲧⲉ ⲉⲩⲛⲟϭⲛⲉϭ . Ⲁⲕϫⲟⲟⲥ ⲅⲁⲣ ϫⲉ ⲛ̅ ⲛⲉⲥϣⲱⲡⲉ
ϩⲓⲛⲁⲓ ⲁⲩⲱ ⲁⲩⲁⲁⲥ . Ⲉⲧⲃⲉⲡⲁⲓ ⲁⲕϯⲛⲉⲩⲁⲣⲭⲱⲛ ⲉⲩϩⲱⲧⲃ̅ . ⲁⲩⲱ ⲡⲉⲩⲡⲣⲏϣ ⲡⲁⲓ ⲉⲛⲧⲁϥϯϣⲓⲡⲉ ⲛ̅ ⲧⲓⲁⲡⲁⲧⲏ ⲉⲩⲁⲡⲁⲧⲁ
ⲙ̅ ⲙⲟⲥ ⲉⲩⲥⲛⲟϥ . ⲁⲩⲱ ⲁⲕⲣⲱϩⲧ̅ ⲛ̅ ϩⲉⲛϩⲙ̅ ϩⲁⲗ ⲉϫⲛ̅ ϩⲉⲛⲇⲩⲛⲁⲥⲧⲏⲥ . ⲁⲩⲱ ϩⲉⲛⲇⲩⲛⲁⲥⲧⲏⲥ ⲉϫⲛ̅ ⲛⲉⲩⲑⲣⲟⲛⲟⲥ . Ⲁⲩⲱ
ⲁⲕϯ ⲛ̅ ⲛⲉⲩϩⲓⲟⲙⲉ ⲉⲩϣⲱⲗ . ⲁⲩⲱ ⲛⲉⲩϣⲉⲉⲣⲉ ⲉⲩⲁⲓⲭⲙⲁⲗⲱⲥⲓⲁ . ⲁⲩⲱ ⲛⲉⲩϣⲱⲗ ⲧⲣⲉⲩⲡⲟϣⲟⲩ ⲉϫⲱⲟⲩ ⲛ̅ ϭⲓⲛ̅ ϣⲏⲣⲉ
ⲛ̅ ⲛⲉⲛⲧⲁⲕⲙⲉⲣⲓⲧⲟⲩ ⲛ̅ ⲛⲉⲛⲧⲁⲩⲕⲱϩ ϩⲙ̅ ⲡⲉⲕⲕⲱϩ. ⲁⲩⲱ ⲁⲩⲃⲱⲧⲉ ⲙ̅ ⲡϫⲱϩⲙ̅ ⲙ̅ ⲡⲉⲩⲥⲛⲟϥ . ⲉⲩⲉⲡⲓⲕⲁⲗⲓ ⲙ̅ ⲙⲟⲕ
ⲉⲩⲃⲟⲏⲑⲟⲥ. Ⲡⲛⲟⲩⲧⲉ ⲡⲁⲛⲟⲩⲧⲉ ⲥⲱⲧⲙ̅ ⲉⲣⲟⲓ ⲧⲉⲭⲏⲣⲁ . ⲛ̅ ⲧⲟⲕ ⲅⲁⲣ ⲁⲕⲧⲁⲙⲓⲟ ⲛ̅ ⲛⲉⲧϩⲁⲑⲏ ⲛ̅ ⲛⲏ . ⲁⲩⲱ ⲛⲏ
ⲙⲛ̅ ⲛⲉⲧⲙⲛ̅ ⲛⲥⲱⲟⲩ . ⲁⲩⲱ ⲛⲁⲧⲉⲛⲟⲩ ⲙⲛ̅ ⲛⲉⲧⲛⲏⲩ ⲁⲕⲙⲉⲉⲩⲉ ⲉⲣⲟⲟⲩ . ⲁⲩⲱ ⲁⲩϣⲱⲡⲉ ⲛ̅ ϭⲓⲛⲉⲛⲧⲁⲕⲙⲉⲕⲙⲟⲕⲟⲩ . Ⲁⲩⲱ
ⲁⲩⲁϩⲉⲣⲁⲧⲟⲩ ⲛ̅ ϭⲓⲛⲉⲛⲧⲁⲕϣⲟϫⲛⲉ ⲉⲣⲟⲟⲩ . ⲡⲉϫⲁⲩ ϫⲉ ⲉⲓⲥ ϩⲏⲏⲧⲉ ⲧⲛ̅ ϩⲙ̅ ⲡⲉⲓⲙⲁ . ⲛⲉⲕϩⲓⲟⲟⲩⲉ ⲅⲁⲣ ⲧⲏⲣⲟⲩ

7. ⲥⲉⲥⲃ̅ ⲧⲱⲧ . ⲁⲩⲱ ⲡⲉⲕϩⲁⲡ ⲉϥϣⲟⲟⲡ ϩⲛ̅ ⲟⲩϣⲣ̅ ⲡ̅ ⲥⲟⲟⲩⲛ . Ⲉⲓⲥ ϩⲏⲏⲧⲉ ⲅⲁⲣ ⲛ̅ Ⲁⲥⲥⲩⲣⲓⲟⲥ ⲁⲩⲁϣⲁⲓ ϩⲛ̅ ⲧⲉⲩϭⲟⲙ . ⲁⲩⲱ
ⲁⲩϫⲓⲥⲉ ⲉϩⲣⲁⲓ ⲉϫⲛ̅ ⲟⲩϩⲧⲟ ⲙⲛ̅ ⲟⲩⲁⲛⲁⲃⲁⲧⲏⲥ . ⲁⲩⲱ ⲁⲩϣⲟⲩϣⲟⲩ ⲙ̅ ⲙⲱⲟⲩ ϩⲙ̅ ⲡⲉⲕⲃⲟⲓ ⲛ̅ ⲛⲉⲩⲣⲙ̅ ⲣⲁⲧⲟⲩ ⲁⲩⲱ
ⲁⲩⲕⲁϩⲧⲏⲩ ⲉⲩϩⲟⲡⲗⲟⲛ . ⲙⲛ̅ ⲟⲩϭⲗ̅ . ⲙⲛ̅ ⲟⲩⲡⲓⲧⲉ . ⲙⲛ̅ ⲟⲩⲥⲫⲉⲛⲇⲱⲛⲏ . Ⲁⲩⲱ ⲙ̅ ⲡⲟⲩⲉⲓⲙⲉ ϫⲉ ⲛ̅ ⲧⲟⲕ ⲡⲉ Ⲡϫⲟⲉⲓⲥ
ⲉⲧⲟⲩⲱϣϥ̅ ⲛⲙ̅ ⲡⲟⲗⲉⲙⲟⲥ : Ϫⲟⲉⲓⲥ ⲡⲉ ⲡⲉϥⲣⲁⲛ . Ⲛ̅ ⲧⲟⲕ ⲟⲩⲱϣϥ̅ ⲛ̅ ⲧⲉⲩϭⲟⲙ . ⲁⲩⲱ ⲛⲅ̅ ⲧⲁⲩⲟ ⲉⲡⲉⲥⲏⲧ ⲙ̅ ⲡⲉⲩⲁⲙⲁϩⲧⲉ
ϩⲣⲁⲓ ϩⲙ̅ ⲡⲉⲕϭⲱⲛⲧ . ⲁⲩϣⲟϫⲛⲉ ⲅⲁⲣ ⲉϥⲱⲧⲉ ⲛ̅ ⲛⲉⲕⲙⲁ ⲉⲧⲟⲩⲁⲁⲃ . ⲁⲩⲱ ⲉϫⲱϩⲙ̅ ⲡⲙⲁ ⲛ̅ ⲙ̅ ⲧⲟⲛ ⲙ̅ ⲡⲙⲁⲛ̅ ϣⲱⲡⲉ ⲙ̅ ⲡⲣⲁⲛ
ⲙ̅ ⲡⲕⲉϩⲟⲟⲩ . ⲉⲧⲁⲩⲟ ⲉⲡⲉⲥⲏⲧ ϩⲛ̅ ⲟⲩⲡⲉⲛⲓⲡⲉ ⲙ̅ ⲡⲧⲁⲡ ⲙ̅ ⲡⲉⲕⲑⲩⲥⲓⲁⲥⲧⲏⲣⲓⲟⲛ . Ϭⲱϣⲧ̅ ⲉϩⲣⲁⲓ ⲉϫⲛ̅ ⲧⲉⲩⲙⲛ̅ ⲧϫⲁⲥⲓϩⲏⲧ
ⲛⲅ̅ ⲧⲛ̅ ⲛⲟⲟⲩ ⲛ̅ ⲧⲉⲕⲟⲣⲅⲏ ⲉϩⲣⲁⲓ ⲉϫⲛ̅ ⲛⲉⲩⲁⲡⲏⲩⲉ . ϯ ⲉϩⲣⲁⲓ ⲉⲧⲁϭⲓϫ ⲧⲉⲭⲏⲣⲁ ⲙ̅ ⲡⲁⲙⲁϩⲧⲱⲉ ⲉⲛⲧⲁⲓⲙⲉⲉⲩⲉ ⲉⲣⲟϥ. Ⲣⲱϩⲧ
ⲛ̅ ⲟⲩϩⲙ̅ ϩⲁⲗ ⲉϫⲛ̅ ⲟⲩⲁⲣⲭⲱⲛ ⲉⲃⲟⲗ ϩⲛ̅ ⲛⲉⲥⲡⲟⲧⲟⲩ ⲛ̅ ⲧⲁⲁⲡⲁⲧⲏ . ⲁⲩⲱ ⲟⲩⲁⲣⲭⲱⲛ ⲉϫⲙ̅ ⲡⲉϥϩⲙ̅ ϩⲁⲗ . Ⲟⲩⲱϣϥ̅ ⲙ̅ ⲡⲉⲩϫⲓⲥⲉ
ϩⲛ̅ ⲧϭⲓϫ ⲛ̅ ⲟⲩⲥϩⲓⲙⲉ . Ⲛⲉⲣⲉⲡⲉⲕⲁⲙⲁϩⲧⲉ ⲅⲁⲣ ϣⲟⲟⲡ ⲁⲛ ⲉⲃⲟⲗ ϩⲛ̅ ⲟⲩⲁϣⲏ . ⲟⲩⲇⲉ ⲛⲉⲣⲉⲧⲉⲕϭⲟⲙ ⲁⲛ ϩⲛ̅ ϩⲉⲛϫⲱⲱⲣⲉ
. ⲁⲗⲗⲁ ⲛ̅ ⲧⲕ̅ ⲡⲛⲟⲩⲧⲉ ⲛ̅ ⲛⲉⲑⲃ̅ ⲃⲓⲏⲩ . ⲡⲃⲟⲏⲑⲟⲥ ⲛ̅ ⲛⲉⲧϭⲟϫⲃ̅ . ⲡⲣⲉϥϣⲱⲡ ⲉⲣⲟϥ ⲛ̅ ⲛϭⲱⲃ . ⲡⲉⲥⲕⲉⲡⲁⲥⲧⲏⲥ
ⲛ̅ ⲛⲉⲛⲧⲁⲩⲣ̅ ⲡⲉⲩⲱⲃ̅ ϣ . ⲡⲥⲱⲧⲏⲣ ⲛ̅ ⲛⲉⲧⲉⲙⲛ̅ ⲧⲁⲩϩⲉⲗⲡⲓⲥ ⲙ̅ ⲙⲁⲩ . Ϩⲁⲓⲟ ϩⲁⲓⲟ ⲡⲛⲟⲩⲧⲉ ⲙ̅ ⲡⲁⲉⲓⲱⲧ . ⲁⲩⲱ ⲡⲛⲟⲩⲧⲉ
ⲛ̅ ⲧⲉⲕⲗⲏⲣⲟⲛⲟⲙⲓⲁ ⲙ̅ ⲡⲒⲥⲣⲁⲏⲗ . Ⲡϫⲟⲉⲓⲥ ⲛ̅ ⲙ̅ ⲡⲏⲩⲉ ⲙⲛ̅ ⲡⲕⲁϩ . ⲡⲣⲉϥⲥⲱⲛⲧ ⲛ̅ ⲙ̅ ⲙⲟⲟⲩⲛ̅ ⲓⲟⲟⲩⲉ . Ⲡⲣⲣⲟ ⲙ̅ ⲡⲉϥⲥⲱⲛⲧ
ⲧⲏⲣϥ̅ ⲥⲱⲧⲙ̅ ⲉⲡⲁⲥⲟⲡⲥ . ⲁⲩⲱ ⲛⲅ̅ ϯ ⲙ̅ ⲡⲁϣⲁϫⲉ ⲙⲛ̅ ⲧⲁⲁⲡⲁⲧⲏ ⲉⲩϣⲱϭⲉ ⲛⲁⲩ ⲙⲛ̅ ⲟⲩⲥⲁϣ . ⲛⲁⲓ ⲉⲛⲧⲁⲩϣⲟϫⲛⲉ
ⲉϫⲛ̅ ϩⲉⲛϩⲃⲏⲩⲉ ⲉⲩⲛⲁϣⲧ ⲉϩⲟⲩⲛ ⲉⲧⲉⲕⲇⲓⲁⲑⲏⲕⲏ ⲁⲩⲱ ⲉⲡⲉⲕⲏⲓ ⲉⲧⲟⲩⲁⲁⲃ . ⲁⲩⲱ ⲉⲡⲧⲟⲩ ⲛ̅ Ⲥⲓⲱⲛ ⲡⲏⲓ ⲛ̅ ⲙⲙⲁ
ⲛ̅ ⲁⲙⲁϩⲧⲉ ⲛ̅ ⲛⲉⲕϣⲏⲣⲉ . ⲁⲩⲱ ⲉⲕⲉⲉⲓⲣⲉ ⲛ̅ ⲟⲩⲥⲟⲟⲩⲛ ⲉϩⲣⲁⲓ ⲉϫⲙ̅ ⲡⲉⲕϩⲉⲑⲛⲟⲥ ⲧⲏⲣϥ̅. ⲁⲩⲱ ⲉϫⲛ̅ ⲧⲉⲕⲫⲩⲗⲏ ⲧⲏⲣⲥ̅ .
ⲉⲧⲣⲉⲩⲥⲟⲩⲛⲅ ϫⲉ ⲛ̅ ⲧⲟⲕ ⲡⲉ ⲡⲛⲟⲩⲧⲉ ⲡⲛⲟⲩⲧⲉ ⲛ̅ ⲧϭⲟⲙ ⲧⲏⲣⲥ̅ : ⲙⲛ̅ ⲡⲁⲙⲁϩⲧⲉ . ⲁⲩⲱ ⲙⲛ̅ ⲕⲉⲟⲩⲁ ⲛ̅ ⲃⲗ̅ ⲗⲁⲕ . ⲉϥⲣ̅ ⲛⲁϣⲧⲉ
ⲉⲡⲅⲉⲛⲟⲥ ⲙ̅ ⲡⲒⲥⲣⲁⲏⲗ :
Ⲓ̅. Ⲁⲩⲱ ⲁⲥϣⲱⲡⲉ ⲛ̅ ⲧⲉⲣⲉⲥⲟⲩⲱ ⲉⲥϫⲓϣⲕⲁⲕ ⲉϩⲣⲁⲓ ⲉⲡⲛⲟⲩⲧⲉ ⲙ̅ ⲡⲒⲥⲣⲁⲏⲗ . ⲁⲩⲱ ⲁⲥϫⲱⲕ ⲉⲃⲟⲗ ⲛ̅ ⲛⲉⲓϣⲁϫⲉ ⲧⲏⲣⲟⲩ
ⲁⲥⲧⲱⲟⲩⲛ ϩⲓⲡⲉⲥⲏⲧ ⲁⲥⲙⲟⲩⲧⲉ ⲉⲧⲉⲥϩⲙ̅ ϩⲁⲗ . ⲁⲥⲉⲓ ⲉⲡⲉⲥⲏⲧ ⲉⲡⲙⲁ ⲉϣⲁⲥϣⲱⲡⲉ ⲛ̅ ϩⲏⲧϥ̅ ϩⲛ̅ ⲛⲉϩⲟⲟⲩ ⲛ̅ ⲛⲥⲁⲃⲃⲁⲧⲟⲛ.
ⲁⲩⲱ ϩⲛ̅ ⲛⲉⲥϣⲁ. Ⲁⲥϥⲓ ⲉⲃⲟⲗ ϩⲓϫⲱⲥ ⲛ̅ ⲧϭⲟⲟⲩⲛⲉ ⲉⲛⲉⲥϩⲓⲱⲱⲥ. ⲁⲥⲕⲁⲁⲥ ⲕⲁϩⲏⲩ ⲛ̅ ⲛϩⲟⲉⲓⲧⲉ ⲛ̅ ⲧⲉⲥⲙⲛ̅ ⲧⲭⲏⲣⲁ . ⲁⲥϫⲱⲕⲙ̅
ⲙ̅ ⲡⲉⲥⲥⲱⲙⲁ ϩⲛ̅ ⲟⲩⲙⲟⲟⲩ . ⲁⲥⲧⲁϩⲥⲥ̅ ⲛ̅ ⲟⲩⲥⲟϭⲛ̅ ⲉⲛⲁⲛⲟⲩϥ . Ⲁⲥϣⲱϣ ⲙ̅ ⲡϥⲱ ⲛ̅ ⲧⲉⲥⲁⲡⲉ . ⲁⲥⲧⲁⲗⲟ ⲉϩⲣⲁⲓ ⲉϫⲱⲥ
ⲛ̅ ⲟⲩⲙⲓⲧⲣⲁ . ⲁⲥϯ ϩⲓⲱⲱⲥ ⲛ̅ ⲛⲉⲥϩⲟⲓⲧⲉ ⲙ̅ ⲡⲉⲥⲟⲩⲛⲟϥ ⲛⲁⲓ ⲉϣⲁⲥϭⲟⲟⲗⲉⲥ ⲙ̅ ⲙⲟⲟⲩ ⲛ̅ ⲛⲉϩⲟⲟⲩ ⲙ̅ ⲡⲱⲛϩ ⲙ̅ ⲡⲉⲥϩⲁⲓ
Ⲙⲁⲛⲁⲥⲥⲏ . Ⲁⲩⲱ ⲁⲥϯ ⲛ̅ ⲛⲉⲥⲥⲁⲛⲇⲁⲗⲓⲟⲛ ⲉⲛⲉⲥⲟⲩⲉⲣⲏⲧⲉ . ⲁⲥϯ ⲉⲣⲟⲥ ⲛ̅ ⲛⲉⲥⲕⲗⲁⲗ . ⲙⲛ̅ ⲛⲉⲥⲯⲉⲗⲓⲟⲛ . ⲙⲛ̅ ⲛⲉⲥⲝⲟⲩⲣ .
ⲙⲛ̅ ⲛⲉⲥϭⲁϫⲉ . ⲙⲛ̅ ⲡⲉⲥⲕⲟⲥⲙⲟⲥ ⲧⲏⲣϥ̅ . ⲁⲩⲱ ⲁⲥⲧⲁⲙⲓⲟⲥ ⲉⲙⲁⲧⲉ ⲉⲉⲓ ⲉϩⲟⲩⲛ ϩⲛ̅ ⲛⲃⲁⲗ ⲛ̅ ⲛⲣⲱⲙⲉ ⲛⲓⲙ ⲉⲧⲛⲁⲩ ⲉⲣⲟⲥ.
Ⲁⲥϯ ⲇⲉ ⲛ̅ ⲧⲉⲥϩⲙ̅ ϩⲁⲗ ⲛ̅ ⲟⲩⲁⲥⲕⲟⲥ ⲛ̅ ⲏⲣⲡ̅ . ⲙⲛ̅ ⲟⲩⲕⲁⲡⲯⲁⲅⲏⲥ ⲛ̅ ⲛⲉϩ . ⲁⲩⲱ ⲁⲥⲙⲟⲩϩ ⲛ̅ ⲟⲩⲡⲏⲣⲁ ⲛⲟⲉⲓⲧ ϩⲓⲧⲁϭ ⲛ̅ ⲛⲕⲁ
ⲛ̅ ⲟⲩⲱⲙ . ϩⲓⲟⲉⲓⲕ ⲉⲧⲃⲏⲩ . Ⲁⲥⲧⲱϣ ⲇⲉ ⲛ̅ ⲛⲉⲥϩⲛⲁⲁⲩ ⲧⲏⲣⲟⲩ ⲁⲥⲧⲁⲗⲟⲟⲩ ⲉϩⲣⲁⲓ ⲉϫⲱⲥ . ⲁⲩⲉⲓ ⲉϫⲛ̅ ⲧⲡⲩⲗⲏ ⲛ̅ ⲧⲡⲟⲗⲓⲥ
Ⲃⲁⲓⲧⲩⲗⲟⲩⲁ . ⲁⲩϩⲉ ⲉⲞⲍⲉⲓⲁⲥ ⲉϥⲁϩⲉⲣⲁⲧϥ̅ ϩⲓϫⲱⲥ ⲙⲛ̅ ⲛⲉⲡⲣⲉⲥⲃⲩⲧⲉⲣⲟⲥ ⲛ̅ ⲧⲡⲟⲗⲓⲥ . Ⲭⲁⲃⲣⲓ ⲙⲛ̅ Ⲭⲁⲣⲙⲉⲓ . Ⲛ̅ ⲧⲉⲣⲟⲩⲛⲁⲩ
ⲇⲉ ⲉⲣⲟⲥ ⲉⲁϥϣⲓⲃⲉ ⲛ̅ ϭⲓⲡⲉⲥϩⲟ . ⲁⲩⲱ ⲧⲉⲥϩⲃ̅ ⲥⲱ ⲉⲁⲥⲣ̅ ⲕⲉⲟⲩⲉⲓ . ⲁⲩⲣ̅ ϣⲡⲏⲣⲉ ⲉϩⲣⲁⲓ ⲉϫⲙ̅ ⲡⲉⲥⲥⲁ ⲉⲙⲁⲧⲉ ⲉⲙⲁⲧⲉ :
Ⲁⲩⲱ ⲡⲉϫⲁⲩ ⲛⲁⲥ ϫⲉ ⲉⲣⲉⲡⲛⲟⲩⲧⲉ ⲛ̅ ⲛⲉⲛⲉⲓⲟⲧⲉ ⲉϥⲉⲧⲁⲁⲧⲉ ⲉⲩϩⲙⲟⲧ . ⲁⲩⲱ ⲉϥⲉϫⲱⲕ ⲉⲃⲟⲗ ⲛ̅ ⲛⲉⲛⲧⲁϩⲓⲧⲟⲟⲧⲉ ⲉⲣⲟⲟⲩ .
ⲉⲩϣⲟⲩϣⲟⲩ ⲛ̅ ⲛϣⲏⲣⲉ ⲙ̅ ⲡⲒⲥⲣⲁⲏⲗ ⲙⲛ̅ ⲟⲩϫⲓⲥⲉ ⲛ̅ ⲑⲒⲉⲣⲟⲩⲥⲁⲗⲏⲙ . Ⲁⲥⲟⲩⲱϣⲧ ⲇⲉ ⲙ̅ ⲡⲛⲟⲩⲧⲉ . ⲡⲉϫⲁⲥ ⲛⲁⲩ ϫⲉ
ⲟⲩⲉϩⲥⲁϩⲛⲉ ⲛ̅ ⲥⲉⲟⲩⲱⲛ ⲛⲁⲓ ⲛ̅ ⲧⲡⲩⲗⲏ ⲛ̅ ⲧⲡⲟⲗⲓⲥ ⲛ̅ ⲧⲁⲃⲱⲕ ⲉϫⲱⲕ ⲉⲃⲟⲗ ⲛ̅ ⲛϣⲁϫⲉ ⲉⲛⲧⲁⲧⲉⲧⲛ̅ ϣⲁϫⲉ ⲛⲙ̅ ⲙⲁⲓ ⲛ̅ ϩⲏⲧⲟⲩ .
Ⲁⲩⲟⲩⲉϩⲥⲁϩⲛⲉ ⲇⲉ ⲛ̅ ⲛϩⲣⲓⲣⲉ ⲉⲟⲩⲱⲛ ⲛⲁⲥ ⲁⲩⲉⲓⲣⲉ ϩⲓⲛⲁⲓ ⲕⲁⲧⲁⲑⲉ ⲉⲛⲧⲁⲩϫⲟⲟⲥ . Ⲁⲩⲱ ⲁⲥⲉⲓ ⲉⲃⲟⲗ ⲛ̅ ϭⲓⲒⲟⲩⲇⲉⲓⲑ
ⲛ̅ ⲧⲟⲥ ⲙⲛ̅ ⲧⲉⲥϩⲙ̅ ϩⲁⲗ ⲛⲙ̅ ⲙⲁⲥ . Ⲛ̅ ⲛⲉⲩϭⲱϣⲧ̅ ⲇⲉ ⲛ̅ ⲥⲱⲥ ⲛ̅ ϭⲓⲛ̅ ⲣⲱⲙⲉ ⲛ̅ ⲧⲡⲟⲗⲓⲥ ϣⲁⲛⲧⲥ̅ ⲉⲓ ⲉⲡⲉⲥⲏⲧ ϩⲙ̅ ⲡⲧⲟⲟⲩ . ϣⲁⲛⲧⲥ̅ ⲉⲓ
ⲉϫⲙ̅ ⲡⲁⲩⲗⲱⲛ ⲛ̅ ⲥⲉⲗⲟ ⲉⲩⲛⲁⲩ ⲉⲣⲟⲥ . Ⲁⲥⲙⲟⲟϣⲉ ⲇⲉ ϩⲙ̅ ⲁⲩⲗⲱⲛ ⲉⲩⲥⲟⲟⲩⲧⲛ̅ : Ⲁⲩⲧⲱⲙⲛ̅ ⲧ ⲉⲣⲟⲥ ⲛ̅ ϭⲓⲡϣⲟⲣⲡ̅ ⲙ̅ ⲙⲁ
ⲛ̅ ⲣⲟⲓⲥ ⲛ̅ ⲧⲉⲛⲀⲥⲥⲩⲣⲓⲟⲥ . ⲁⲩϭⲟⲡⲥ̅ ⲁⲩϫⲛⲟⲩⲥ ϫⲉ ⲉⲣⲉⲏⲡ ⲉⲛⲓⲙ ⲁⲩⲱ ⲉⲛⲧⲁⲣⲉⲉⲓ ⲧⲱⲛ : Ⲡⲉϫⲁⲥ ϫⲉ ⲁⲛⲅ̅ ⲟⲩϣⲉⲉⲣⲉ
ⲛ̅ ⲧⲉⲛ̅ Ϩⲉⲃⲣⲁⲓⲟⲥ ⲛ̅ ⲧⲁⲓⲡⲱⲧ ⲙ̅ ⲡⲉⲩⲙ̅ ⲧⲟ ⲉⲃⲟⲗ ⲉⲧⲃⲉϫⲉ ⲥⲉⲛⲁⲧⲁⲁⲩ ⲛⲏⲧⲛ̅ ⲉⲩϩⲣⲉ . Ⲁⲛⲟⲕ ⲇⲉ ⲉⲛⲧⲁⲓⲉⲓ ⲉⲧⲱⲙⲛ̅ ⲧ
ⲉⲞⲗⲟⲫⲉⲣⲛⲏⲥ ⲡⲁⲣⲭⲓⲥⲧⲣⲁⲧⲏⲅⲟⲥ ⲛ̅ ⲧⲉⲧⲛ̅ ϭⲟⲙ . ⲉⲧⲣⲁϫⲱ ⲉⲣⲟϥ ⲛ̅ ϩⲉⲛϣⲁϫⲉ ⲙ̅ ⲙⲉ . ⲧⲁⲧⲥⲁⲃⲟϥ ⲉⲩϩⲓⲏ ⲧⲁⲓ ⲉⲧϥ̅ⲛⲁⲃⲱⲕ
ϩⲣⲁⲓ ⲛ̅ ϩⲏⲧⲥ̅ ⲛϥ̅ⲣ̅ ϫⲟⲉⲓⲥ ⲉⲧⲟⲣⲓⲛⲏ ⲧⲏⲣⲥ̅ . ⲛ̅ ⲧⲉⲧⲙ̅ ⲟⲩⲥⲁⲣⲝ̅ ⲛ̅ ⲟⲩⲱⲧ ϯ ⲙ̅ ⲡⲉⲥϩⲣⲟⲟⲩ ⲉⲃⲟⲗ ϩⲛ̅ ⲛⲉϥⲣⲱⲙⲉ . ⲟⲩⲇⲉ
ⲟⲩⲡ̅ ⲛ̅ ⲁ̅ ⲛ̅ ⲱⲛϩ . Ⲛ̅ ⲧⲉⲣⲟⲩⲥⲱⲧⲙ̅ ⲇⲉ ⲛ̅ ϭⲓⲛ̅ ⲣⲱⲙⲉ ⲉⲛⲉⲥϣⲁϫⲉ . ⲁⲩⲛⲁⲩ ⲉⲡⲉⲥϩⲟ ⲁϥϣⲱⲡⲉ ⲉⲩⲛⲟϭ ⲛ̅ ϣⲡⲏⲣⲉ ⲙ̅ ⲡⲉⲩⲙ̅ ⲧⲟ
ⲉⲃⲟⲗ ⲛ̅ ϭⲓⲡⲉⲥⲥⲁ : Ⲡⲉϫⲁⲩ ⲛⲁⲥ ϫⲉ ⲁⲛⲟⲩϩⲙ̅ ⲛ̅ ⲧⲟⲩⲯⲩⲭⲏ ⲉⲁⲣⲉϭⲉⲡⲏ ⲉⲉⲓ ⲉⲡⲉⲥⲏⲧ ⲉⲧⲱⲙⲛ̅ ⲧ ⲉⲡⲉⲛϫⲟⲉⲓⲥ : Ⲧⲉⲛⲟⲩ ϭⲉ
ⲃⲱⲕ ⲛⲁϥ ⲉⲧⲉⲥⲕⲩⲛⲏ . ⲁⲩⲱ ⲟⲩⲛ̅ ϩⲟⲉⲓⲛⲉ ⲉⲃⲟⲗ ⲛ̅ ϩⲏⲧⲛ̅ ⲛⲁⲑⲡⲟ ϣⲁⲛⲧⲟⲩⲧⲁⲁⲧⲉ ⲉⲧⲟⲟⲧϥ̅ . Ⲉⲣϣⲁⲛⲁϩⲉ ⲇⲉ ⲉⲣⲁⲧⲉ
ⲙ̅ ⲡⲉϥⲙ̅ ⲧⲟ ⲉⲃⲟⲗ ⲙ̅ ⲡⲣ̅ ⲣϩⲟⲧⲉ ϩⲣⲁⲓ ϩⲙ̅ ⲡⲟⲩϩⲏⲧ . ⲁⲗⲗⲁ ⲧⲁⲩⲟ ⲉⲣⲟϥ ⲛ̅ ⲟⲩϣⲁϫⲉ ⲁⲩⲱ ϥⲛⲁⲣ̅ ⲡⲉⲧⲛⲁⲛⲟⲩϥ ⲛⲉ .
Ⲁⲩⲛⲟⲩϩⲉ ⲇⲉ ⲉⲃⲟⲗ ⲛ̅ ϩⲏⲧⲟⲩ ⲛ̅ ϣⲉ ⲛ̅ ⲣⲱⲙⲉ ⲁⲩⲗⲟϫⲧⲟⲩ ⲉⲣⲟⲥ ⲙⲛ̅ ⲧⲉⲥϩⲙ̅ ϩⲁⲗ ⲁⲩⲛ̅ ⲧⲟⲩ ⲉⲧⲉⲥⲕⲏⲛⲏ ⲛ̅ Ⲟⲗⲟⲫⲉⲣⲛⲏⲥ .
Ⲁⲩⲱ ⲁⲩⲡⲱⲧ ⲛ̅ ⲥⲁⲛⲉⲩⲉⲣⲏⲩ ϩⲣⲁⲓ ϩⲛ̅ ⲧⲡⲁⲣⲉⲙⲃⲟⲗⲏ ⲧⲏⲣⲥ̅ . ⲁⲥⲣ̅ ⲥⲟⲓⲧ ⲅⲁⲣ ϩⲛ̅ ⲛⲉⲩⲙⲁⲛ̅ ϣⲱⲡⲉ ⲧⲏⲣⲟⲩ
ⲛ̅ ϭⲓⲧⲉⲥⲡⲁⲣⲣⲏⲥⲓⲁ . ⲁⲩⲱ ⲁⲩⲕⲱⲧⲉ ⲉⲣⲟⲥ ⲉⲥⲁϩⲉⲣⲁⲧⲥ̅ ⲡⲃⲟⲗ ⲛ̅ ⲧⲉⲥⲕⲏⲛⲏ ⲛ̅ Ⲟⲗⲟⲫⲉⲣⲛⲏⲥ ϣⲁⲛⲧⲟⲩϫⲓⲡⲟⲩⲱ ⲛⲁϥ
ⲉⲧⲃⲏⲏⲧⲥ̅ . Ⲁⲩⲱ ⲁⲩⲣ̅ ϣⲡⲏⲣⲉ ⲉϩⲣⲁⲓ ⲉϫⲙ̅ ⲡⲉⲥⲥⲁ. ⲉⲩⲣ̅ ⲙⲟⲓϩⲉ ⲛ̅ ⲛϣⲉⲉⲣⲉ ⲙ̅ ⲡⲒⲥⲣⲁⲏⲗ ⲉⲃⲟⲗ ⲙ̅ ⲙⲟⲥ . Ⲡⲉϫⲉⲡⲟⲩⲁ ⲡⲟⲩⲁ
ⲛ̅ ⲛⲁϩⲣⲙ̅ ⲡⲉⲧϩⲓⲧⲱϥ ϫⲉ ⲛⲓⲙ ⲡⲉⲧⲛⲁⲕⲁⲧⲁⲫⲣⲟⲛⲓ ⲙ̅ ⲡⲉⲓⲗⲁⲟⲥ . ⲡⲁⲓ ⲉⲟⲩⲛⲧⲁϥ ϩⲣⲁⲓ ⲛ̅ ϩⲏⲧϥ̅ ⲛ̅ ϩⲉⲛϩⲓⲟⲙⲉ ⲛ̅ ⲧⲉⲓⲙⲓⲛⲉ . ϫⲉ
ⲛⲁⲛⲟⲩⲥ ⲁⲛ ⲉϣⲱϫⲡ̅ ⲉⲃⲟⲗ ⲛ̅ ϩⲏⲧⲟⲩ ⲛ̅ ⲟⲩⲣⲱⲙⲉ ⲛ̅ ⲟⲩⲱⲧ ⲛⲁⲓ ⲉⲩϣⲁⲛⲕⲁⲁⲩ ⲉⲩⲛ̅ ϭⲟⲙ ⲙ̅ ⲙⲟⲟⲩ ⲉⲑⲙ̅ ⲕⲟ ⲙ̅ ⲡⲕⲁϩ ⲧⲏⲣϥ̅
: Ⲁⲩⲉⲓ ⲇⲉ ⲉⲃⲟⲗ ⲛ̅ ϭⲓⲛⲉⲧⲛ̅ ⲕⲟⲧⲕ̅ ϩⲁⲧⲛ̅ Ⲟⲗⲟⲫⲉⲣⲛⲏⲥ ⲙⲛ̅ ⲛⲉϥϩⲙ̅ ϩⲁⲗ ⲧⲏⲣⲟⲩ ⲁⲩϫⲓⲧⲥ̅ ⲉϩⲟⲩⲛ ⲉⲧⲉⲥⲕⲏⲛⲏ . Ⲁⲩⲱ

8. ⲛⲉⲣⲉⲟⲗⲟⲫⲉⲣⲛⲏⲥ ⲛⲏϫ ⲉϫⲙ̅ ⲡⲉϥϭⲗⲟϭ ϩⲙ̅ ⲡⲉϥⲕⲱⲛⲱⲡⲓⲟⲛ . ⲡⲁⲓ ⲉⲧⲧⲁⲗⲏⲩ ⲉⲃⲟⲗ ϩⲛ̅ ⲟⲩⲛⲟⲩⲃ ⲙⲛ̅ ⲟⲩϫⲏϭⲉ .
ⲙⲛ̅ ⲟⲩⲥⲙⲁⲣⲁⲅⲇⲟⲥ . ⲙⲛ̅ ϩⲉⲛⲱⲛⲉ ⲉⲛⲁϣⲉⲥⲟⲩⲛⲧⲟⲩ Ⲁⲩⲧⲁⲙⲟϥ ⲇⲉ ⲉⲧⲃⲏⲏⲧⲥ̅ ⲁϥⲉⲓ ⲉⲃⲟⲗ ⲉⲧⲉⲥⲕⲏⲛⲏ ⲉⲧϩⲓⲃⲟⲗ ⲉⲩϥⲓ
ⲛ̅ ϩⲉⲛⲗⲁⲙⲡⲁⲥ ⲛ̅ ϩⲁⲧ ϩⲓϩⲏ ⲙ̅ ⲙⲟϥ : Ⲛ̅ ⲧⲉⲣⲉⲒⲟⲩⲇⲉⲓⲑ ⲇⲉ ⲉⲓ ⲙ̅ ⲡⲉϥⲙ̅ ⲧⲟ ⲉⲃⲟⲗ ⲙⲛ̅ ⲛⲉϥϩⲙ̅ ϩⲁⲗ ⲁⲩⲣ̅ ϣⲡⲏⲣⲉ ⲧⲏⲣⲟⲩ
ⲉϫⲙ̅ ⲡⲥⲁ ⲙ̅ ⲡⲉⲥϩⲟ . ⲁⲩⲱ ⲁⲥⲡⲁϩⲧⲥ̅ ⲉϫⲙ̅ ⲡⲉⲥϩⲟ ⲁⲥⲟⲩⲱϣⲧ ⲛⲁϥ . ⲁⲩⲧⲟⲩⲛⲟⲥⲥ̅ ⲛ̅ ϭⲓⲛⲉϥϩⲙ̅ ϩⲁⲗ :
Ⲓ̅Ⲁ̅ . Ⲡⲉϫⲁϥ ⲛⲁⲥ ⲛ̅ ϭⲓⲞⲗⲟⲫⲉⲣⲛⲏⲥ ϫⲉ ⲧⲱⲕ ⲛ̅ ϩⲏⲧ ⲧⲉⲥϩⲓⲙⲉ ⲙ̅ ⲡⲣ̅ ⲣϩⲟⲧⲉ ϩⲣⲁⲓ ϩⲙ̅ ⲡⲟⲩϩⲏⲧ . ϫⲉ ⲁⲛⲟⲕ
ⲙ̅ ⲡⲓⲑⲙ̅ ⲕⲉⲣⲱⲙⲉ ⲉⲁϥⲣ̅ ϩ̅ⲛⲁϥ ⲛ̅ ⲣ̅ ϩⲙ̅ ϩⲁⲗ Ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲙ̅ ⲡⲕⲁϩ ⲧⲏⲣϥ̅ . Ⲛ̅ ⲥⲁⲃⲏⲗ ⲅⲁⲣ ϫⲉ ⲁϥⲥⲟϣϥⲧ
ⲛ̅ ϭⲓⲡⲟⲩⲗⲁⲟⲥ ⲡⲁⲓ ⲉⲧⲟⲩⲏϩ ϩⲛ̅ ⲧⲟⲣⲓⲛⲏ ⲛⲉⲓⲛⲁϥⲓ ⲁⲛ ⲡⲉ ⲙ̅ ⲡⲁⲙⲉⲣⲉϩ ⲉϩⲣⲁⲓ ⲉϫⲱⲟⲩ . ⲁⲗⲗⲁ ⲛ̅ ⲧⲟⲟⲩ ⲁⲩⲉⲓⲣⲉ ⲛⲁⲩ
ⲛ̅ ⲛⲁⲓ . Ⲧⲉⲛⲟⲩ ϭⲉ ⲁϫⲓⲥ ⲉⲣⲟⲓ ϫⲉ ⲉⲧⲃⲉⲟⲩ ⲛ̅ ϩⲱⲃ ⲁⲣⲉⲡⲱⲧ ⲛ̅ ⲧⲟⲟⲧⲟⲩ ⲁⲣⲉⲉⲓ ϣⲁⲣⲟⲛ . ⲛ̅ ⲧⲁⲉⲓ ⲅⲁⲣ ⲉⲩⲟⲩϫⲁⲓ . Ⲧⲱⲕ
ⲛ̅ ϩⲏⲧ ⲧⲉⲛⲁⲱⲛϩ ϩⲣⲁⲓ ϩⲛ̅ ⲧⲉⲓⲟⲩϣⲏ . ⲁⲩⲱ ⲙⲛ̅ ⲛⲥⲱⲥ ⲙⲛ̅ ⲡⲉⲧⲛⲁϫⲓⲧⲉ ⲅⲁⲣ ⲛ̅ ϭⲟⲛⲥ . ⲁⲗⲗⲁ ⲥⲉⲛⲁⲣ̅ ⲡⲉⲧⲛⲁⲛⲟⲩϥ ⲛⲉ.
ⲕⲁⲧⲁⲑⲉ ⲉϣⲁⲥϣⲱⲡⲉ ⲛ̅ ⲛϩⲙ̅ ϩⲁⲗ ⲙ̅ ⲡⲁϫⲟⲉⲓⲥ ⲡⲣ̅ ⲣⲟ Ⲛⲁⲃⲟⲩⲭⲟⲇⲟⲛⲟⲥⲟⲣ: Ⲡⲉϫⲁⲥ ⲛⲁϥ ⲛ̅ ϭⲓⲒⲟⲩⲇⲉⲓⲑ ϫⲉ ϫⲓ ⲛ̅ ⲛϣⲁϫⲉ
ⲛ̅ ⲧⲉⲕϩⲙ̅ ϩⲁⲗ . ⲁⲩⲱ ⲙⲁⲣⲉⲧⲉⲕϩⲙ̅ ϩⲁⲗ ϫⲱ ⲛ̅ ⲟⲩϣⲁϫⲉ ⲙ̅ ⲡⲉⲕⲙ̅ ⲧⲟ ⲉⲃⲟⲗ . ⲛ̅ ϯⲛⲁϫⲓϭⲟⲗ ⲅⲁⲣ ⲁⲛ ⲙ̅ ⲡⲁϫⲟⲉⲓⲥ ϩⲣⲁⲓ
ϩⲛ̅ ⲧⲉⲓⲟⲩϣⲏ . Ⲁⲩⲱ ⲉⲕϣⲁⲛⲟⲩⲁϩⲕ̅ ⲛ̅ ⲥⲁⲛ̅ ϣⲁϫⲉ ⲛ̅ ⲧⲉⲕϩⲙ̅ ϩⲁⲗ ϩⲛ̅ ⲟⲩϫⲱⲕ ⲡⲛⲟⲩⲧⲉ ⲡⲉ ⲛⲁⲉⲓⲣⲉ ⲛⲁⲕ ⲛ̅ ⲟⲩϩⲱⲃ . ⲁⲩⲱ
ⲛ̅ ⲛⲉⲡⲁϫⲟⲉⲓⲥ ϩⲉ ⲉⲃⲟⲗ ϩⲛ̅ ⲛⲉϥϩⲃⲏⲩⲉ . Ϥⲟⲛϩ ⲅⲁⲣ Ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣ̅ ⲣⲟ ⲙ̅ ⲡⲕⲁϩ ⲧⲏⲣϥ̅ ⲁⲩⲱ ϥⲟⲛϩ
ⲛ̅ ϭⲓⲡⲉϥⲁⲙⲁϩⲧⲉ ⲡⲁⲓ ⲉⲛⲧⲁϥⲧⲛ̅ ⲛⲟⲟⲩⲕ ⲉⲩⲧⲁϩⲟ ⲉⲣⲁⲧϥ̅ ⲙ̅ ⲯⲩⲭⲏ ⲛⲓⲙ . ϫⲉ ⲛ̅ ⲣⲱⲙⲉ ⲁⲛ ⲙ̅ ⲙⲁⲧⲉ ⲛⲉⲧⲟ ⲛ̅ ϩⲙ̅ ϩⲁⲗ ⲛⲁϥ
ⲉⲧⲃⲏⲏⲧⲕ̅ . ⲁⲗⲗⲁ ⲛ̅ ⲕⲉⲑⲏⲣⲓⲟⲛ ⲛ̅ ⲧⲥⲱϣⲉ . ⲙⲛ̅ ⲛⲧⲃ̅ ⲛⲟⲟⲩⲉ . ⲙⲛ̅ ⲛϩⲁⲗⲁⲧⲉ ⲛ̅ ⲧⲡⲉ . ⲉⲃⲟⲗ ϩⲓⲧⲛ̅ ⲧⲉⲕϭⲟⲙ ⲥⲉⲛⲁⲱⲛϩ
Ⲛⲁⲃⲟⲩⲭⲟⲇⲟⲛⲟⲥⲟⲣ ⲁⲩⲱ ⲡⲉϥⲏⲓ ⲧⲏⲣϥ̅ . Ⲁⲛⲥⲱⲧⲙ̅ ⲅⲁⲣ ⲉⲧⲉⲕⲥⲟⲫⲓⲁ ⲙⲛ̅ ⲧⲙⲛ̅ ⲧⲥⲁ ⲛ̅ ⲕⲟⲧⲥ̅ ⲛ̅ ⲧⲉⲕⲯⲩⲭⲏ ⲛⲁⲓ ⲉⲛⲧⲁⲩϫⲟⲟⲩ
ⲉⲡⲕⲁϩ ⲧⲏⲣϥ̅ . ϫⲉ ⲛ̅ ⲧⲟⲕ ⲙⲁⲩⲁⲁⲕ ⲡⲉⲧⲛⲁⲛⲟⲩⲕ ϩⲙ̅ ⲙⲛ̅ ⲧⲉⲣⲟ ⲛⲓⲙ ⲉⲕϭⲙ̅ ϭⲟⲙ ϩⲉⲛⲧⲉⲕⲥⲃⲱ . ⲉⲕⲟ ⲛ̅ ⲇⲩⲛⲁⲧⲟⲥ
ϩⲛ̅ ⲛⲉⲧϩⲏⲕ ⲉⲡⲡⲟⲗⲉⲙⲟⲥ : Ⲧⲉⲛⲟⲩ ϭⲉ ⲡϣⲁϫⲉ ⲉⲛⲧⲁⲀⲭⲓⲱⲣ ϫⲟⲟϥ ϩⲛ̅ ⲧⲉⲕⲥⲟⲟⲩϩⲥ̅ ⲁⲛⲥⲱⲧⲙ̅ ⲉⲛⲉϥϣⲁϫⲉ . ⲉⲧⲃⲉϫⲉ
ⲁⲩⲧⲁϩϥ ⲛ̅ ϭⲓⲛ̅ ⲣⲱⲙⲉ ⲛ̅ Ⲃⲁⲓⲩⲗⲟⲩⲁ ⲁϥϫⲱ ⲉⲣⲟⲟⲩ ⲛ̅ ϣⲁϫⲉ ⲛⲓⲙ ⲉⲛⲧⲁϥϫⲟⲟϥ ϩⲁⲧⲏⲕ : Ⲉⲧⲃⲉⲡⲁⲓ ϭⲉ ⲡϫⲟⲉⲓⲥ ⲡⲁϫⲟⲉⲓⲥ
ⲙ̅ ⲡⲣ̅ ⲕⲱ ⲛ̅ ⲥⲱⲕ ⲙ̅ ⲡⲉϥϣⲁϫⲉ ⲁⲗⲗⲁ ⲕⲁⲁϥ ϩⲣⲁⲓ ϩⲙ̅ ⲡⲉⲕϩⲏⲧ ⲉⲧⲃⲉϫⲉ ⲟⲩⲙⲉⲉ ⲡⲉ . ⲙⲉⲩϫⲓⲕⲃⲁ ⲅⲁⲣ ⲙ̅ ⲡⲉⲛⲅⲉⲛⲟⲥ . ⲟⲩⲇⲉ
ⲙⲉⲣⲉⲥⲏϥⲉ ϭⲙ̅ ϭⲟⲙ ⲉⲣⲟⲟⲩ ⲉⲩⲧⲙ̅ ⲣ̅ ⲛⲟⲃⲉ ⲉⲡⲉⲩⲛⲟⲩⲧⲉ . Ϫⲉⲕⲁⲥ ϭⲉ ⲉⲛⲛⲉⲡⲁϫⲟⲉⲓⲥ ϣⲱⲡⲉ ⲉϥⲧⲥ̅ ⲧⲏⲩ ⲉⲃⲟⲗ
ϩⲛ̅ ⲛⲉϥϩⲃⲏⲩⲉ. ⲁⲩⲱ ⲙ̅ ⲡⲣ̅ ⲣⲗⲁⲁⲩ ⲛ̅ ϩⲱⲃ. ⲟⲩⲛ ⲟⲩⲙⲟⲩ ⲛⲁⲉⲓ ⲉϩⲣⲁⲓ ⲉϫⲱⲟⲩ ⲁⲩⲱ ⲁⲩⲛⲟⲃⲉ ⲧⲁϩⲟⲟⲩ ⲡⲁⲓ
ⲉⲧⲟⲩⲛⲁϯⲛⲟⲩϭⲥ̅ ⲙ̅ ⲡⲉⲩⲛⲟⲩⲧⲉ ⲛ̅ ϩⲏⲧϥ̅ . ϩⲙ̅ ⲡⲧⲣⲉⲩⲉⲓⲣⲉ ⲛ̅ ⲛⲉⲧⲉⲙⲉϣϣⲉ . Ⲉⲧⲃⲉϫⲉ ⲁⲩⲱϫⲛ̅ ⲅⲁⲣ ⲛ̅ ⲧⲟⲟⲧⲟⲩ ⲛ̅ ϭⲓⲉⲩϩⲣⲏⲩⲉ
. ⲁⲩⲱ ⲁⲩⲥⲃⲟⲕ ⲛ̅ ϭⲓⲛⲉⲩⲙⲟⲩⲛ̅ ⲓⲟⲟⲩⲉ . ⲁⲩϫⲓϣⲟϫⲛⲉ ⲉⲛⲧⲟⲟⲧⲟⲩ ⲉϫⲛ̅ ⲛⲉⲩⲧⲃ̅ ⲛⲟⲟⲩⲉ . ⲁⲩⲱ ⲛ̅ ⲕⲁ ⲛⲓⲙ ⲉⲛⲧⲁⲡⲛⲟⲩⲧⲉ
ⲡⲟⲣϫⲟⲩ ⲛⲁⲩ ⲉⲃⲟⲗ ϩⲛ̅ ⲛⲉϥⲛⲟⲙⲟⲥ ⲉⲧⲙ̅ ⲟⲩⲟⲙⲟⲩ ⲁⲩⲙⲉⲉⲩⲉ ⲉⲟϫⲛⲟⲩ . Ⲁⲩⲱ ⲛⲁⲡⲁⲣⲭⲏ ⲙ̅ ⲡⲉⲥⲟⲩⲟ ⲙⲛ̅ ⲛⲣⲉⲙⲏⲧ
ⲙ̅ ⲡⲏⲣⲡ ⲙⲛ̅ ⲡⲛⲉϩ ⲛⲁⲓ ⲉⲛⲧⲁⲩϩⲁⲣⲉϩ ⲉⲣⲟⲟⲩ ⲉⲁⲩⲧⲃ̅ ⲃⲟⲟⲩ ⲛ̅ ⲟⲩⲏⲏⲃ ⲉⲧⲁϩⲉⲣⲁⲧⲟⲩ ϩⲛ̅ ⲑⲒⲉⲣⲟⲩⲥⲁⲗⲏⲙ . ⲙ̅ ⲡⲙ̅ ⲧⲟ ⲉⲃⲟⲗ
ⲙ̅ ⲡⲉⲛⲛⲟⲩⲧⲉ ⲁⲩⲕⲣⲓⲛⲉ ⲙ̅ ⲙⲟⲟⲩ ⲉⲟϫⲛⲟⲩ . ⲛⲁⲓ ⲉⲧⲉⲙⲉϣϣⲉ ⲉⲗⲁⲁⲩ ϩⲙ̅ ⲡⲗⲁⲟⲥ ⲉϫⲱϩ ⲣⲱ ⲉⲣⲟⲟⲩ ϩⲛ̅ ⲛⲉⲩϭⲓϫ .
Ⲁⲩϫⲛⲟⲟⲩ ⲇⲉ ⲟⲛ ⲉⲑⲒⲉⲣⲟⲩⲥⲁⲗⲏⲙ ⲉⲧⲃⲉϫⲉ ⲛ̅ ⲕⲟⲟⲩⲉ ⲉⲧⲟⲩⲏϩ ⲙ̅ ⲙⲁⲩ ⲁⲩⲉⲓⲣⲉ ϩⲓⲛⲁⲓ ⲉⲧⲣⲉⲩϯϩⲉ ⲛⲁⲩ ⲉⲃⲟⲗ
ϩⲓⲧⲛ̅ ⲛⲉϩⲉⲗⲗⲟⲓ. Ⲁⲩⲱ ⲥⲛⲁϣⲱⲡⲉ ⲉⲩϣⲁⲛⲙ̅ ⲡⲟⲩⲟ ⲛⲁⲩ ⲛ̅ ⲥⲉⲉⲓⲣⲉ ϩⲓⲛⲁⲓ . ⲥⲉⲛⲁⲧⲁⲁⲩ ⲡⲉ ⲉϩⲣⲁⲓ ⲉⲧⲟⲟⲧⲕ̅ ϩⲙ̅ ⲡⲉϩⲟⲟⲩ
ⲉⲧⲙ̅ ⲙⲁⲩ ⲉⲩⲧⲁⲕⲟ : Ⲉⲧⲃⲉⲡⲁⲓ ⲁⲛⲟⲕ ⲧⲉⲕϩⲙ̅ ϩⲁⲗ ⲁⲓⲉⲓⲙⲉ ⲉⲛⲁⲓ ⲧⲏⲣⲟⲩ ⲁⲓⲡⲱⲧ ⲙ̅ ⲡⲉⲩⲙ̅ ⲧⲟ ⲉⲃⲟⲗ . ⲁⲩⲱ ⲡⲛⲟⲩⲧⲉ
ⲧⲛ̅ ⲛⲟⲟⲩⲧ ⲉⲉⲓⲣⲉ ⲛⲙ̅ ⲙⲁⲕ ⲛ̅ ϩⲉⲛϩⲃⲏⲩⲉ . ⲛⲁⲓ ⲉⲧⲉⲣⲉⲡⲕⲁϩ ⲧⲏⲣϥ̅ ⲛⲁⲡⲱϣⲥ̅ ⲉϩⲣⲁⲓ ⲉϫⲱⲟⲩ ⲛⲉⲧⲛⲁⲥⲱⲧⲙ̅ ⲉⲣⲟⲟⲩ .
Ⲉⲧⲃⲉϫⲉ ⲧⲉⲕϩⲙ̅ ϩⲁⲗ ⲟⲩⲣⲉϥϣⲙ̅ ϣⲉⲛⲟⲩⲧⲉ ⲧⲉ . ⲉⲥϣⲙ̅ ϣⲉ ⲡⲉϩⲟⲟⲩ ⲙⲛ̅ ⲧⲉⲩϣⲏ ⲙ̅ ⲡⲛⲟⲩⲧⲉ ⲛ̅ ⲧⲡⲉ . ϯⲛⲁϭⲱ ϭⲉ ϩⲁⲧⲏⲕ
ⲡⲁϫⲟⲉⲓⲥ . Ⲁⲩⲱ ⲧⲉⲕϩⲙ̅ ϩⲁⲗ ⲥⲛⲁⲉⲓ ⲉⲃⲟⲗ ⲉⲡⲓⲁ ⲕⲁⲧⲁⲟⲩϣⲏ ⲧⲁϣⲗⲏⲗ ⲉϩⲣⲁⲓ ⲉⲡⲛⲟⲩⲧⲉ ⲛ̅ ⲧⲡⲉ . ⲛϥ̅ⲧⲁⲙⲟⲓ ϫⲉ
ⲛ̅ ⲧⲁⲩⲣ̅ ⲛⲟⲃⲉ ⲛ̅ ⲧⲛⲁⲩ ⲧⲁⲉⲓ ⲧⲁⲙ̅ ⲟⲩⲱ ⲛⲁⲕ ⲛⲅ̅ ⲉⲓ ⲉⲃⲟⲗ ⲙⲛ̅ ⲧⲉⲕϭⲟⲙ ⲧⲏⲣⲥ̅ . ⲛ̅ ⲧⲉⲧⲙ̅ ⲗⲁⲁⲩ ⲁϩⲉⲣⲁⲧϥ̅ ⲉⲣⲟⲕ ⲉⲃⲟⲗ ⲛ̅ ϩⲏⲧⲟⲩ
. ⲁⲩⲱ ϯⲛⲁⲛ̅ ⲧⲕ̅ ⲉⲃⲟⲗ ϩⲛ̅ ⲧⲙⲏⲧⲉ ⲛ̅ ϯⲒⲟⲩⲇⲁⲓⲁ ϣⲁⲛⲧⲕ̅ ⲉⲓ ⲉϫⲛ̅ ⲑⲒⲉⲣⲟⲩⲥⲁⲗⲏⲙ . ⲧⲁⲕⲱ ⲙ̅ ⲡⲉⲕⲧⲟϭⲥ̅ ϩⲛ̅ ⲧⲉⲥⲙⲏⲧⲉ ⲛⲅ̅ ⲛ̅ ⲧⲟⲩ
ⲛ̅ ⲑⲉ ⲛ̅ ϩⲉⲛⲉⲥⲟⲟⲩ ⲉⲙⲛ̅ ⲧⲟⲩϣⲱⲥ ⲙ̅ ⲙⲁⲩ . ⲁⲩⲱ ⲙⲛ̅ ⲟⲩⲟⲩϩⲟⲣ ⲛⲁϯϩⲣⲟⲟⲩ ϩⲙ̅ ⲡⲉϥⲗⲁⲥ ⲙ̅ ⲡⲉⲕⲙ̅ ⲧⲟ ⲉⲃⲟⲗ . ϫⲉ ⲛⲁⲓ
ⲁⲩϫⲟⲟⲩ ⲉⲣⲟⲓ . ⲁⲩⲱ ⲁⲩⲧⲁⲙⲟⲓ ⲉⲣⲟⲟⲩ ⲕⲁⲧⲁⲡⲁϣⲣ̅ ⲡ̅ ⲥⲟⲟⲩⲛ ⲁⲩⲧⲛ̅ ⲛⲟⲟⲩⲧ ⲉϫⲟⲟⲩ ⲉⲣⲟⲕ : Ⲁⲛⲉⲥϣⲁϫⲉ ⲇⲉ ⲣ̅ ⲁⲛⲁϥ
ⲙ̅ ⲡⲙ̅ ⲧⲟ ⲉⲃⲟⲗ ⲛ̅ Ⲟⲗⲟⲫⲉⲣⲛⲏⲥ . ⲁⲩⲱ ⲙ̅ ⲡⲉⲙ̅ ⲧⲟ ⲉⲃⲟⲗ ⲛ̅ ⲛⲉϥϩⲙ̅ ϩⲁⲗ ⲧⲏⲣⲟⲩ . Ⲁⲩⲣ̅ ϣⲡⲏⲣⲉ ⲉϩⲣⲁⲓ ⲉϫⲛ̅ ⲧⲉⲥⲥⲟⲫⲓⲁ .
ⲡⲉϫⲁⲩ ϫⲉ ⲙⲛ̅ ⲥϩⲓⲙⲉ ⲛ̅ ⲧⲉⲓⲙⲓⲛⲉ ϫⲓⲛⲛ̅ ϫⲱϥ ⲙ̅ ⲡⲕⲁϩ . ϩⲣⲁⲓ ϩⲙ̅ ⲡⲥⲁ ⲙ̅ ⲡⲉⲥϩⲟ ⲁⲩⲱ ϩⲛ̅ ⲧⲙⲛ̅ ⲧⲣⲙ̅ ⲛ̅ ϩⲏⲧ ⲛ̅ ⲛⲉⲥϣⲁϫⲉ : Ⲁⲩⲱ
ⲡⲉϫⲁϥ ⲛⲁⲥ ⲛ̅ ϭⲓⲞⲗⲟⲫⲉⲣⲛⲏⲥ ϫⲉ ⲁⲡⲛⲟⲩⲧⲉ ⲣ̅ ⲟⲩⲡⲉⲧⲛⲁⲛⲟⲩϥ ⲉⲁϥⲧⲛ̅ ⲛⲟⲟⲩⲧⲉ ϩⲓϩⲏ ⲙ̅ ⲡⲗⲁⲟⲥ . ⲉⲧⲣⲉϣⲱⲡⲉ ϩⲣⲁⲓ
ϩⲛ̅ ⲛⲉⲛϭⲓϫ ⲉⲩⲁⲙⲁϩⲧⲉ ϩⲣⲁⲓ ⲇⲉ ϩⲛ̅ ⲛⲉⲛⲧⲁⲩⲥⲱϣϥ̅ ⲙ̅ ⲡⲁϫⲟⲉⲓⲥ ⲉⲩⲧⲁⲕⲟ . Ⲧⲉⲛⲟⲩ ϭⲉ ⲛ̅ ⲧⲟ ⲛⲉⲥⲱ ϩⲣⲁⲓ ϩⲙ̅ ⲡⲟⲩⲉⲓⲛⲉ .
ⲁⲩⲱ ⲛⲁⲛⲟⲩ ϩⲣⲁⲓ ϩⲛ̅ ⲟⲩϣⲁϫⲉ ϫⲉ ⲉⲣϣⲁⲛⲉⲓⲣⲉ ⲕⲁⲧⲁⲑⲉ ⲉⲛⲧⲁϣⲁϫⲉ . ⲡⲟⲩⲛⲟⲩⲧⲉ ⲡⲉⲧⲛⲁϣⲱⲡⲉ ⲛⲁⲓ ⲛ̅ ⲛⲟⲩⲧⲉ .
ⲁⲩⲱ ⲛ̅ ⲧⲟ ⲧⲉⲛⲁϩⲙⲟⲟⲥ ϩⲙ̅ ⲡⲏⲓ ⲙ̅ ⲡⲣ̅ ⲣⲟ Ⲛⲁⲃⲟⲩⲭⲟⲇⲟⲛⲟⲥⲟⲣ . ⲛ̅ ⲧⲉϣⲱⲡⲉ ⲉⲣⲟ ⲡⲥⲟⲉⲓⲧ ⲡⲁⲣⲁⲕⲁϩ ⲧⲏⲣϥ̅ :
Ⲓ̅Ⲃ̅ . Ⲁϥⲟⲩⲉϩⲥⲁϩⲛⲉ ⲇⲉ ⲉⲧⲣⲉⲩϫⲓⲧⲥ̅ ⲉϩⲟⲩⲛ ⲉⲡⲙⲁ ⲉϣⲁⲩⲕⲱ ⲛ̅ ϩⲏⲧϥ̅ ⲛ̅ ⲛⲉϥϩⲛⲟⲩ ⲛ̅ ϩⲁⲧ . ⲁⲩⲱ ⲁϥϫⲟⲟⲥ ⲉⲕⲱ ϩⲁⲣⲱⲥ
ⲉⲃⲟⲗ ϩⲛ̅ ⲛϭⲓ ⲛ̅ ⲟⲩⲟⲟⲙ ⲉϣⲁⲩⲧⲁⲙⲓⲟⲟⲩ ⲛⲁϥ. ⲁⲩⲱ ⲉⲥⲱ ⲉⲃⲟⲗ ϩⲙ̅ ⲡⲉϥⲏⲣⲡ̅ . Ⲡⲉϫⲁⲥ ⲛ̅ ϭⲓⲒⲟⲩⲇⲉⲓⲑ ϫⲉ ⲛ̅ ϯⲛⲁⲟⲩⲱⲙ ⲁⲛ
ⲉⲃⲟⲗ ⲛ̅ ϩⲏⲧⲟⲩ . ϫⲉⲕⲁⲥ ⲛ̅ ⲛⲉϥϣⲱⲡⲉ ⲉⲩϫⲣⲟⲡ ⲁⲗⲗⲁ ⲉⲩⲛⲁⲥⲁϩⲛⲉ ⲛⲁⲓ ⲉⲃⲟⲗ ϩⲛ̅ ⲛⲉⲧⲟⲩⲏϩ ⲛ̅ ⲥⲱⲓ : Ⲡⲉϫⲁϥ ⲛⲁⲥ
ⲛ̅ ϭⲓⲞⲗⲟⲫⲉⲣⲛⲏⲥ ϫⲉ ⲉϣⲱⲡⲉ ϭⲉ ⲉⲩϣⲁⲛⲱϫⲛ̅ ⲛ̅ ϭⲓⲛⲉⲧⲛ̅ ⲙⲙⲉ ⲉⲛⲛⲁⲉⲓⲛⲉ ⲧⲱⲛ ⲉϥⲉⲓⲛⲉ ⲙ̅ ⲙⲟⲟⲩ ⲉϯ ⲛⲁ . ⲙⲛ̅ ⲟⲩⲟⲛ
ⲅⲁⲣ ⲙ̅ ⲙⲟⲛ ⲉⲃⲟⲗ ϩⲙ̅ ⲡⲟⲩⲅⲉⲛⲟⲥ . Ⲡⲉϫⲁⲥ ⲛⲁϥ ⲛ̅ ϭⲓⲒⲟⲩⲇⲉⲓⲑ ϫⲉ ⲥⲟⲛϩ ⲛ̅ ϭⲓⲧⲉⲕⲯⲩⲭⲏ ⲡⲁϫⲟⲉⲓⲥ . ϫⲉ ⲛ̅ ⲧⲉⲕϩⲙ̅ ϩⲁⲗ ⲛⲁϫⲟ