2. Kasanayang Pampagkatuto
Naisasagawa ang mga tungkulin para sa sarili at sa kapwa.
Koda: HGJPS-IIIc-8
Nauunawaan ang kabutihang dulot at kahalagahan ng pagiging
responsable sa sarili at kapwa.
Koda: HGJPS-IIIc-9 2
Mga Layunin
Pagkatapos ng gawaing pampagkatuto na ito, ikaw ay inaasahang:
1. matutukoy ang mga tungkuling ginagampanan sa sarili at sa kapwa;
2. mauunawaan ang kabutihang dulot at kahalagahan ng pagiging
responsable sa sarili at kapwa; at
3. makagagawa ng poster na nagpapakita ng tungkulin na iyong
ginagampanan.
3. Pagtalakay
Sa bawat araw na dumaraan, nahaharap ka sa iba’t ibang gawain na
dapat mong tuparin. Kaya naman ang bawat isa ay may mga
tungkulin na dapat gampanan upang maging maunlad bilang tao.
Nariyan na maraming takdang kailangang gawin bilang mag-aaral,
napakaraming gawain sa sariling tahanan, mga obligasyon sa iyong
sambahan at pamayanan at iba pa. Ating alamin ang iba’t ibang
tungkulin na iyong dapat gampanan. Mulat ka ba sa iba’t iba mong
tungkulin? Hayaan mong tulungan ka ng modyul na ito.
4. Ang Aking Mga Tungkulin
Iba’t ibang Tungkulin na Dapat mong Gampanan:
1. Tungkulin sa Sarili. Ang tungkulin ay dapat nagsisimula sa sarili.
Mahirap isalin sa ibang tao ang responsibilidad kung hindi ito
nasimulang ilapat sa sarili. Bilang isang tinedyer, may mga bagay
na dapat mong bigyan ng pansin upang masabi na tunay mong
natupad ang iyong tungkulin sa sarili.
a. Pagharap at wastong pamamahala sa mga pagbabago sa yugto
ng pagdadalaga at pagbibinata.
b. Pagpapaunlad ng talento at kakayahan at wastong paggamit ng
mga ito.
c. Makabuluhang paggamit ng mga hilig.
5. 2. Tungkulin bilang Anak.
Hindi ka na bata ngunit hindi nangangahulugan na maaari mo
ng ihiwalay ang iyong sarili sa iyong pamilya. Nananatiling
ang iyong pamilya ang may pinakamalaking impluwensiya sa
iyong buhay. Mayroon ka ng sapat na edad upang makibahagi
sa iyong pamilya at sa tahanan. Ang lahat ay nagsisimula sa
maliit. Huwag mong pilitin ang iyong sariling gawin ang isang
bagay na hindi mo naman talaga kaya. Mahalaga rin na
maunawaan mo ang halaga ng pagbuo ng isang magandang
ugnayan sa iyong mga magulang. Tungkulin mo silang
mahalin, igalang at pagkatiwalaan.
6. 3. Tungkulin bilang Kapatid.
“Para kayong aso’t pusa.” Iyan ang laging sinasabi ng inyong mga
magulang kapag lagi kayong nag-aaway ng iyong mga kapatid. Ang
kapatid na lagi mong kaaway sa bahay ay handa mong ipaglaban kapag
inaapi ng ibang tao. Hindi naman siguro matatawag na normal ngunit
mas malaking bahagdan ng mga magkakapatid sa tahanan ay dumaraan
sa yugto ng madalas na pagtatalo at pag-aaway. Likas lamang na may
mga mabubuong hindi magagandang damdamin sa pagitan ninyong
magkakapatid. Tandaan mo na ang mabuting pakikitungo sa iyong mga
kapatid ay makatutulong upang matuto kang makitungo nang maayos sa
iyong kapwa.
7. 4.Tungkulin bilang Mag-aaral.
Bilang isang mag-aaral sa sekondarya na kung saan ikaw ay nasa
higit na malaking mundo, mas marami ka ng mga gawaing
nararapat gawin at marami kang natututuhan sa mga bagay na
iyong ginagawa. Sa bawat gawain na iyong natatapos, karagdagang
karanasan at aral na iyong maiipon at mas nadadagdagan ang
kabuluhan ng iyong buhay. Gaano mo pinahahalagahan ang pag-
aaral? Maaari mo itong malaman sa pamamagitan ng pagsagot sa
mga sumusunod na tanong:
8. a. Gaano kalaking panahon at pagsisikap ang inilalaan ko sa
pag- aaral?
b. Paano ko gagamitin ang aking mga talento at kakayahan sa
pag-aaral?
c. Paano ko magagamit lahat ng aking mga kakayahan?
d. Anong gawain sa paaralan ang kinawiwilihan kong salihan?
e. Paano ko susuportahan ang Student Government?
f. Papaano ko kaya mabibigyan ng karangalan ang aking
paaralan?
9. 5. Tungkulin bilang Mamamayan. Ang isang kasapi ng pamayanan ay
malugod na tumutugon sa kanyang mga tungkulin para sa kapakanan
nito. Bilang nagdadalaga at nagbibinata may tungkulin ka na:
a. pangalagaan ang maayos at malinis na pamahalaan;
b. makibahagi sa gawain ng pamayanan kasama ang iba pang
miyembro;
c. magkaroon ng pagkukusang maglingkod sa pamayanan; 4
d. maging mulat sa pangangailangan at suliranin ng ibang tao sa
pamayanan upang maiparating sa mga pinuno ng pamayanan;
e. maging tapat sa kinabibilangang pamayanan;
f. makibahagi sa mga pagpupulong sa pamayanan kung kinakailangan;
g. sumasali sa mga samahang pangkabataan; at
h. makibahagi sa kampanya upang tulungan ang pamahalaan, paaralan
at samahan sa kanilang proyekto.
10. 6. Tungkulin bilang Mananampalataya
Ang panalangin ay paraan ng papuri sa Diyos. Ito ay paraan ng
pakikipag-usap sa Kanya mula sa puso. Ito ay para sa papuri,
pasasalamat at pinakamahalaga sa lahat ay malalaman mo na lahat ng
bagay na nasimulan sa panalangin ay magaganap ng may tiwala at
kahusayan. Ito ay dahil nasa ilalim ng paggabay ng Diyos ang gawaing
inialay sa Kanya.
11. 7. Tungkulin bilang Konsyumer ng Midya.
Sa dami ng inihahain sa iyo ng midya ay hindi mo na alam kung ano
ang iyong tatanggapin at paniniwalaan. Pakatatandaan na huwag
abusuhin ang paggamit ng midya. Laging isaalang-alang ang
kabutihan mo at ng iba sa paggamit nito. Tandaan na hindi lahat ng
nakikita, naririnig at nababasa sa midya ay totoo. Maging mapanuri
at magkaroon ng moral na pagpapasiya.
12. 8. Tungkulin bilang Tagapangalaga ng Kalikasan.
Maaari mong gawin ang mga sumusunod:
a. Mahalagang ibahagi sa mga kasama sa tahanan ang mga kaalaman
na natutuhan sa paaralan.
b. Mahalagang ilapat sa buhay ang anumang natutuhan sa paaralan
lalo na sa siyensiya.
c. Tumulong upang mabawasan ang polusyon sa hangin, sa lupa at sa
tubig.
d. Kausapin ang mga kaibigan upang makiisa sa gawaing pangkalikasan
13. Gawain 1: Pasulat na Gawain
A.1 Panuto: Tukuyin kung anong tungkulin ang tinutukoy sa bawat
bilang. Ilagay ang kasagutan sa patlang bago ang bilang.
__________ 1. Nakikiisa sa gawaing pangkalikasan.
__________ 2. Masusing sinusuri ang mga posts sa facebook bago
ibahagi sa timeline.
__________ 3. Minamahal at inaalagaan ang nakababatang kapatid
at sinasaway tuwing may maling kilos na ginagawa.
__________ 4. Dumadalo sa mga pagsamba o simba upang
paglingkuran ang Ama at laging nananalangin tuwing may problema.
__________ 5. Inaalagaan ang sarili. Kumakain ng masusustansiyang
pagkain, pinapanatiling malusog ang pangangatawan at inilalayo ang
sarili mula sa kapahamakan.