1. Номын санчийн харилцааны соёл

2. Харилцаа нь үйлчилгээний үйл ажиллагааны маш чухал бүрэлдэхүүн хэсэг юм. Харилцаа нь мэдээллийг хүлээн авах, нэвтрүүлэх, дамжуулах үйл явц учраас сэтгэлзүйн мэдлэг зайлшгүй хэрэгтэй. Соёлтой бус харилцаанаас болж үйлчлүүлэгч,хэрэглэгчид эвгүй байдалд орох, ойлголцохгүй ажил бүтэхгүй байх,бие биенийгээ гомдоох, сэтгэл санаагаар унагах сөрөг талуудтай.Хүн хүнтэйгээ харилцаж сурах нь насан туршийн мөрдөх ёс юм.Хүмүүс өөр хоорондоо харилцахдаа үгээр дамжиж ойлголцохоос өөр юугаар ч дамжин харилцдаггүй. Иймээс харилцааны соёл нь үйлчилгээний хүмүүст их чухал.

3. Хүний сэтгэл санааг сэргээж, урам хайрлан ажил үйлсэд нь анхаарал тавьж, хүндэтгэн аялгуу сайхан үгээр санаагаа илэрхийлэх чадвараар харилцааны соёлын нэг тал илэрдэг.Харилцааны соёл хэл ярианы эрхэм ёсыг чанд сахиж, хүмүүсийн сэтгэл зүй, хүнтэй харилцаа тогтоох оньсон түлхүүрийг ажиллуулж чаддаг байхыг шаардана.

4. Хүнтэй харилцах чанар нь мэргэжилдээ тэнцэж байгаа эсэхийг хэмжих гол шалгуур юм.Өөрөөр хэлбэл үйлчилгээний үйл явцыг хөдөлгөгч механизм нь харилцаа. Үйлчилгээний практикаар шалгагдсан дэвшилт зүйл, ажлын ололт амжилт, үйлчлэх ур дүй, харилцааны соёл нь үйлчилгээний соёл гэсэн ойлголтонд багтана. Номын сан нь үйлчилгээ, соёлын байгууллага учраас дээд зэргийн үйлчилгээний соёлтой байх хэрэгтэй.

6. Зохион байгуулалтын

7. Ёс суртахууны

8. Гоо сайхны гэж ангилж болноМэдлэг чадварын соёл: Энэ нь хүнд хуримтлагдаж бий болсон, ашиглахад хэдийд ч бэлэн нөөц хүч юм. Өөрөөр хэлбэл олж авсан мэдлэг боловсрол, мэргэжил мэргэшлээ практикаар хөгжүүлж эзэмшдэг гэсэн үг.Мэдлэг чадварын түвшинг мэдлэг, боловсрол, мэргэжил, мэргэшил, дадал гэсэн 5 үндсэн шалгуураар үнэлнэ.Ямар ч ажлыг гүйцэтгэхэд боловсролтой хүн илүү зөв сэтгэж, үр дүнд хүрдэг.

9. Зохион байгуулалтын соёл: Үүнд эмх цэгцтэй байх, дэг журам сахих, хийх ажлаа нарийн зохион байгуулах, дүрэм горимыг чанд баримтлах, ариун цэвэрч байдлыг эрхэмлэх асуудлууд багтана. Гоо сайхны соёл:Гоо сайхны соёлд орчны тохижилт, тавилга хэрэгслийн зохицоо, ажиллагсдын хувцаслалт, намба төрх, хөдөлгөөн, биеэ эзэмдэн авч явах байдал зэрэг олон зүйл багтана.Ийм учраас үйлчилгээний танхим, өрөө тасалгаагаа үзэмжтэй байлгаж, хувийн өндөр соёл эзэмших нь гоо сайхны соёлыг хангах чухал хүчин зүйл болно. Гоо сайхны соёлыг хөдөлмөрийн нөхцлийн,ажиллагсдын гэж ангилж болно.

10. Хөдөлмөрийн нөхцөл нь ариун цэвэр, эрүүл ахуй, физиологийн төдийгүй гоо сайхны хүчин зүйлүүдээр тодорхойлогдоно. Ер нь үйлчилгээг сайн зохион байгуулах, өнгө үзэмжтэй тавиур, ширээ сандал зэрэг тоног төхөөрөмж, байрны хана, шал, таазны өнгө будгийн зохицол, гоёмсог үзүүлэн, зурагт хуудас, зар чимэглэл, өрөлт хураалт, байрлуулалт, орчин тойрны тохижилт ихээхэн нөлөөлдөг. Ажиллагсдын гоо сайхны соёл энэ нь хувцаслалт, намба төрх, ажлын байрны эмх цэгц, үзэмж хүмүүсийн гоо зүйн түвшингээр илэрнэ.Үйлчилгээг гардан хийдэг хүмүүсийн хувцас энгийн, биед таарсан үзэмжтэй, цэвэр байх шаардлагатай.

11. Ёс суртахууны соёл: Үйлчлүүлэгч, хэрэглэгчтэй анхааралтай, эелдэг соёлчоор харилцан ярилцах чадвараар тодорхойлогдоно. Харилцах эв дүй, хүндлэх мэндлэх, талархах ёс, ярих харилцах урлагийг эзэмшсэн байдал, эелдэг сайхан зан, элгэмсэг чанарууд нь ёс суртахууны соёлын гол хүчин зүйлүүд юм. Хэрэглэгч бүрд нэг загварын харилцаа тэр болгон тохирдоггүй.Номын санч нь хэрэглэгчдийн сонирхолын өөрчлөлтийг хүлээн авахад бэлэн байх ёстой.

12. Хуучин бид уншигчдын мэргэжил боловсролоор нь хуваан ажилладаг байсан тэр арга барилаас өнөөдөр татгалзах хэрэгтэй болоод байна. Өнөөдөр хүн бүр өөрийн онцлогтой, өөр өөрийн сонирхолтой, орчин нөхцөл өөрчлөгдөж байгаа учраас тэд нартай харьцахын тулд номын санч бүр шинэ сэтгэлгээ, шинэ арга барилаар, орчин үеийн мэргэжлийн ухамсарын үүднээс хандах хэрэгтэй.Үйлчилгээний соёлыг дээшлүүлэх асуудлыг үйлчлэгч, үйлчлүүлэгч хоёрын аль алинд нь таашаагдах тохилог орчин бүрдүүлэхээс эхлэх хэрэгтэй.

13. Номын сангийн бүх үйл ажиллагаа нь уншигч хэрэглэгчдийн эрэлт хэрэгцээнд захирагдаж байдаг учраас номын санд таатай тохилог орчныг бүрдүүлэхэд их анхаарч ажиллах хэрэгтэй.Гадаадын номын сан судлаачид үүнийг гол зарчмаа болгон тунхаглаж байна.Энд зориулалтын байртай, уншигчдад тохирсон ажлын цагийн хуваарьтай, шаардлагатай орчин үеийн тоног төхөөрөмжтөй байхаас эхлээд уншигчдад ая тухтай байх бүх нөхцөлийг хангасан байна.Уншигч хэрэглэгчдийг инээж угтаж авах, үдэх, ууртай уншигчидтай гарч болох зөрчлийг зохицуулж чаддаг, уншигчидтай харьцахдаа тэднийг хүндэтгэсэн байдлаар хандах хэрэгтэй.Уншигчдад чухал нөлөө үзүүлэх эдгээр харилцааг номын сан бүр өөрийн гэсэн имиж, онцлогтой, хүнлэг ёсыг эрхэмлэдэг байх ёстой.