Traballo elaborado por alumnado do IES Monte das Moas

1. O FARO DE FISTERRA
Lucía Yu Lorenzo Castañeda 2º E
O Faro de Fisterra está situado na Península de Fisterra. En Galicia, na
provincia da Coruña. Pertence á comarca de Fisterra, na Costa da Morte.
Ao norte limita con Cee. É o faro máis importante da Costa da Morte.
O nome deste lugar provén do latín finis terrae. De aí o seu nome,
fin da terra. O faro foi construído no ano 1853. Mide 17 metros de alto.
Tamén se lle engadiu unha sirena, chamada “Vaca de Fisterra”, para os
días con moita néboa. Pola noite, a súa luz pode iluminar unhas 50 millas
marítimas.
Faro de Fisterra Bota do peregrino

2. Unha cousa moi bonita deste lugar é a paisaxe, mellor aínda cando
se produce o solpor.
Ten relación co Camiño de Santiago. Pois cando chegas á Catedral
de Santiago, curas todos os teus pecados, pero para rematar o camiño, tes
que ir ata Fisterra. Alí podes conseguir a Fisterrana, que é un diploma.
Xa que está na costa, destacan as praias como: a de Langosteira
(2km de lonxitude), a de Sardiñeiro (unha das máis frías pero ten augas
cristalinas), a do Rostro (case 2km) ou a de Talón (máis ben é unha
enseada). Eu estiven en tres destas praias e son preciosas.
Ten unha fauna similar á do resto da Península Ibérica. Poderíamos
destacar a gran variedade de aves relacionadas coa costa (gaivota,
cormorán, vencello, etc).
A flora está formada por:
Agricultura e prados artificiais (38%)
Piñierais (bosques de piñeiros) (30%)
Vexetación de incendios (14%)
Outras especies (bosque) (12%)
Zonas artificiais (4%)
Montes sen vexetación (3%)
Praia de Sardiñeiro
Eu xa coñezo este lugar, estiven alí o ano pasado. Fun a Fisterra xa
varias veces, pero a ver o faro tan só fun unha vez. É moi bonito.
Fun pola tarde, cos meus pais e o meu irmán. Ese día vimos moitos
peregrinos que ían alí ver o solpor, igual ca nós. Chamoume a atención
que nas rochas que rodeaban o faro había unhas cabras que se acercaban
á xente tranquilamente. No verán visitamos varias cidades da Costa da
Morte, por exemplo: Cee, Corcubión, Muxía, Sardiñeiro, Laxe…
Os meus avós teñen unha casa en Sardiñeiro, unha vila que está
bastante preto. Imos varios días no verán, xa que durante o día podemos
ir á praia que está ao lado, sen ter que coller o coche, e pola noite imos ao
peirao para ver como pescan. Tamén coñecín novos amigos. A vida da vila
céntrase no mar, é unha zona realmente costeira.