Roque presenta neste traballo as especies animais protexidas en Galiza segundo se recolle no Diario Oficial de Galicia Nº 89, do 9 de maio de 2007.

1. Especies protexidas
(animais)
MonDaporta

3. Nesta presentación recóllense as especies animais protexidas en Galiza
segundo se recolle no Diario Oficial de Galicia Nº 89, do 9 de maio de 2007.

4. Bolma rugosa. Atópase no sublitoral do Océano
Atlántico, desde a Península Ibérica ás Illas Canarias,
Madeira e os Açores, e no Mediterráneo, nas costas
de Grecia. Pode medir ata 7 cm. Ten unha cuncha
sólida e un opérculo calcario chamativo.

5. Eastonia rugosa.
Atópase no
Mediterráneo
occidental e no
Atlántico desde
Galiza a Dakar. A
cuncha branca ou de
cor amarela-rosada
pode medir ata 7 cm
de longo e 5 de
altura. Vive en
fondos de área e
fango desde o
infralitoral aos 35 m
de fondura.
Aliméntase de
planto.

6. Elona quimperiana.
Só se atopa no norte
da Península ibérica
e no noroeste de
Francia. En Galiza
asociado a bosques
caducifolios mixtos,
con elevada
humidade
ambiental, zonas
próximas a cursos
de auga con
abundante
vexetación e nas
entradas das covas

7. mexillón de río ou ostra
perleira de auga
doce (Margaritifera
margaritifera). Atópase,
parcialmente enterrado, nos
ríos limpos de Europa, Rusia e
da costa do leste dos Estados
Unidos. Pode medir máis de 15
cm de lonxitude. Adoita vivir
uns 30 anos, pero nos lugares
fríos da súa área de distribución
pode vivir máis de 100 anos. Foi
cultivada ata mediados do
século XX para a producción de
perlas utilizadas en xoieiría

8. cangrexo de río
europeo
(Austropotamobius
pallipes). Vive en ríos,
lagos e regos pouco
fondos desde os
Balcáns ata a
Península Ibérica e as
Illas Británicas. Adoita
medir entre 10 e 12
centímetros.
Aliméntase de
pequenos animais e
de restos.

9. Gomphus graslinii. Vive en
ríos, regatos ou lagos ben
conservados de parte
da Península Ibérica (O
suroeste de Galiza, suroeste
de Castela León e sur e
suroeste de Andalucía e
Portugal) e parte do sur e
suroeste de Francia. Mide de
4,5 a 5 cm.
Vese entre primeiros de xuño
e mediados de xullo.

10. Macromia splendens. Atópase nos
tramos lentos e solleiros de ríos
cumpridos e algo fondos, con
vexetación acuática e de ribeira, do
sur e suroeste de Francia e no oeste
e no sur da Península Ibérica
(Galiza, Asturias, Extremadura,
metade oeste de Andalucía e sur de
Portugal). Mide uns 7 cm.

11. Zerynthia rumina.
Atópase só no suroeste
de Europa e no norte de
África, vinculada sempre
á presencia de plantas
do xénero Aristolochia
das que se alimenta a
eiruga. Pode medir ata 5
cm de envergadura.

12. Chalcides bedriagai
(Esgonzo ibérico).
Pequeno lagarto de ata
16 cm (a metade son
de rabo), de patas
curtas, endémico da
Península Ibérica. En
Galiza atópase, escaso,
no cadrante suroeste
onde ocupa terreos
areosos con vexetación
herbácea.
(Protéxense as
poboacións insulares e
da provincia da
Coruña).

13. Dermochelys
coriácea (Tartaruga
de coiro). Tartaruga
mariña de grandes
dimensións, cunha
cuncha que pode
medir case dous
metros, e un peso de
ata 500 kg. En Galiza
é visitante ocasional
que se ve cando se
prende
accidentalmente
nalgunha arte de
pesca.

14. Emys orbicularis (Sapoconcho
común). Atópase en pantanos,
lagoas e ríos de correr lento de
todo arredor do Mediterráneo.
En Galiza hai pequenas
poboacións fragmentadas e en
localizacións concretas. Ten
unha cuncha que pode medir
uns 20 cm de longo. Aliméntase
de outros animais e dos seus
restos.

15. Anas crecca (Cerceta
real). É un dos parrulos
máis pequenos, pode
medir uns 35 cm e pesar
entre 270 e 400 g. En
Galiza é común como
invernante pero cría en
número moi escaso.
(Protéxese a poboación
nidificante).

16. Aquila chrysaetos (Aguia
real). En Galiza só se ve
nas zonas máis escarpadas
das serras do surleste.
Pode medir de 80 a 90 cm
de lonxitude.

17. Botaurus stellaris
(Abetouro común).
Atópase en zonas
húmidas con
vexetación
abundante. Pode
medir entre 70 e 80
cm. En Galiza é raro.

18. Burhinus oedicnemus
(Pernileiro). Atópase
en espazos abertos
(dunas e campos
ermos ou cultivados).
Cría localmente nas
zonas máis cálidas
(sur de Ourense),
pero pode verse
esporádicamente,
maiormente pola
costa.

19. Emberiza schoeniclus
subsp. lusitanica
(Escribenta das
canaveiras). Vive en áreas
húmidas con vexetación
alta. Mide de 13 a 15 cm.
En Galiza é pouco común e
vese máis habitualmente
nos esteiros e zonas
húmidas preto da costa

20. Gallinago gallinago
Becacina cabra. Mide de
23 a 25 cm. En Galiza
vese máis no inverno en
marismas, brañas e
prados asolagados.
(Protéxese a poboación
nidificante)

21. Milvus milvus (Miñato real).
Mide entre 60 e 70 cm. En
Galiza vese no verán nas zonas
máis cálidas do surleste, en
espazos abertos con árbores
espalladas.

22. Numenius arquata
(Mazarico curlí).
Mide de 50 a 58 cm.
En Galiza é común
como invernante en
praias, marismas e
esteiros. (Protéxese a
poboación
nidificante)

23. Puffinus
mauretanicus
(Pardela balear).
Mide entre 34 e 39
cm. En Galiza vese
no verán nas rías e
na costa, pero sen
achegarse á terra.

24. Tetrao urogallus subsp. cantabricus.
(Pita do monte) O macho pode medir
de 70 a 90 cm, a femia é máis
pequeña. En Galiza só ten presenza
accidental nos Ancares.

25. Tetrax tetrax L. Sisón. Mide 40 a 45 cm.
Atópase en espazos abertos, campos
ermos e pasteiros de zonas chas. En
Galiza vese no verán en localizacións
moi concretas.

26. Uria aalge (Arao dos cons).
Mide de 38 a 45 cm. En Galiza
é moi escaso, pero no inverno,
coa chegada de exemplares do
norte de Europa faise máis
común aínda que pouco visible
porque permanece no mar
lonxe da costa. (Protéxese a
poboación nidificante)

27. Vanellus vanellus
(Avefría europea).
Mide entre 28 e 30 cm.
En Galiza é máis común
como invernante en
prados e zonas
húmidas. (Protéxese a
poboación nidificante)

28. Ursus arctos (Oso). Pode
medir máis de 2 m e pesar
ata 250 kg. En Galiza só se ve
accidentalmente algún
exemplar divagante,
procedente de Asturias e
León, nos Ancares.

29. ESPECIES VULNERABLES

30. Eunicella verrucosa (Ramo do mar).
Colonia ramificada de pólipos que
pode ter cor rosa, laranxa ou branca
de ata 50 cm de altura. Atópase no
Atlántico oriental e no mar
Mediterráneo, onde vive apegada
as rochas, a fonduras entre 4 e 50
m, en lugares nos que traballen as
ondas ou haxa correntes.

31. Anodonta cygnea (Ameixa de río).
Bivalvo de auga doce que vive en
fondos fangosos de augas tranquilas de
Europa e Siberia, donde se alimenta de
plancton e detritus. Pode medir máis
de 20 cm e vivir uns 20 anos.

32. Geomalacus maculosus. Lesma de
tamaño medio-grande, 90 mm de
media. Atópase na faixa atlántica
entre Irlanda e o centro de Portugal.
Ten hábitos crepusculares e
permanece agochada durante o día.
Só sae nas noites cálidas e húmidas
para alimentarse de liques. En
Galicia é frecuente en zonas de
montaña, en soutos e carballeiras.

33. Potomida littoralis (Ameixa
de río). Atópase nos cursos
medios dos ríos de toda a
contorna do Mediterráneo e
outros moitos atlánticos
próximos. Mide de 6 a 8 cm.
Vive enterrada preto das
beiras e entre as raíces das
árbores.

34. Unio pictorum (Ameixa
de río). Vive nos ríos de
Europa e do oeste de
Asia. Pode medir ata 15
cm

35. Aricia morronensis. Bolboreta
duns 22 a 26 mm de
envergadura que se atopa en
terreos calcarios, rochosos,
secos, con vexetación
dispersa. As eirugas pasan o
inverno en formigueiros.

36. Cerambyx cerdo. Escaravello
grande de entre 25 e 60 mm. As
larvas aliméntanse durante 3
ou 4 anos na madeira de
carballos e aciñeiras antes de
completar o seu
desenvolvemento. Como
adultos viven entre uns días e
un par de semanas.

37. Echinus esculentus (Ourizo do
mar). Ourizo grande, coa cuncha
globosa, de cor vermella ou rosada
e espiñas curtas. Pode medir ata 15
cm de diámetro. Vive no Atlántico,
sobre rochas, desde o intermareal
ata os 40 m de profundidade.

38. Alosa alosa (Zamborca). Vive en augas fondas e na primavera entra, á noitiña, nos ríos para poñer os ovos. Pode
medir ata 70 cm e a pesar 3 kg.

39. Gasterosteus aculeatus
(Espiñento). Pode medir de 5 a 8
cm. Hai poboacións que viven
sempre nos ríos e outras que
pasan o inverno no mar e volven
aos ríos na primavera para
desovar. O macho fai un niño con
anacos de plantas no que varias
femias poñen os ovos que el se
encarga de coidar.

40. Petromyzon marinus (Lamprea). Pode medir ata 1 m de lonxitude. Nace nos ríos, logo emigra ao mar, onde pasa varios
anos, e volve ao río para desovar e morrer. (Protéxense as poboacións do Cantábrico (de Cabo Ortegal ata o Eo, incluído
o río) e do Arco Ártabro (dende Cabo Ortegal ata as Illas Sisargas).

41. Chioglossa lusitanica
(Saramaganta). Mide de 12
a 15 cm. Só se atopa en
Galiza, Asturias e o norte
de Portugal en zonas de
augas limpas con bosques
ben conservados.

42. Discoglossus galganoi
(Sapiño pinto). Mide
de 6 a 7 cm. É moi
parecido a unha ran de
cor pardo. Atópase
case sempre preto da
auga. (Protéxense as
poboacións insulares)

43. Hyla molleri (Estroza ou rela) L.
mide de 3 a 5 cm. Atópase na
vexetación preto de zonas
húmidas, lagoas e ríos de pouca
corrente.

44. Lissotriton boscai
(Pintafontes común).
Mide de 7 a 10 cm.
Atópase en fontes, pozas,
estanques e ríos de
corente escasa. É
endémico da metade
oeste da Península
Ibérica. (Protéxense as
poboacións insulares)

45. Pelobates cultripes
(Sapo de esporas).
Mide entre 6 e 9 cm.
Vive en zonas
areentas de dunas e
marismas das costas
de Francia e a
Península Ibérica.

46. Rana iberica (Ra
patilonga). Ra pequena
de 3 a 4 cm. Vive en
cursos de auga limpa e
de corrente rápida e nas
pozas que se forman nas
súas beiras. Atópase na
metade noroeste da
Península ibérica.

47. Rana temporaria subsp.
parvipalmata (Ra vermella).
Mide de 4 a 7 cm. Vive en
prados e bosques e só vai á
auga para criar.

48. Salamandra
salamandra (Píntega
ou salamántiga). Mide
de 12 a 18 cm, dos que
entre 5 e 7 son de rabo.
Vive en bosques
sombrizos preto de
cursos de auga.
(Protéxense as
poboacións insulares)

49. Anguis fragilis
(Escancer). Lagarto
sen patas que pode
medir ata 40 cm, dos
que case a metade
son de rabo. Atópase
en lugares húmidos
con cuberta vexetal,
bosques e pasteiros.
(Protéxense as
poboacións insulares)

50. Caretta caretta
(Tartaruga mariña
común). Pode medir ata
uns 90 cm de lonxitude.
Vive no mar aberto , pero
é a que aparece máis a
miúdo nas costas de
Galiza.

51. Chalcides bedriagai (Esgonzo
ibérico). Pequeno lagarto de
ata 16 cm (a metade son de
rabo), de patas curta,s
endémico da Península
Ibérica. En Galiza atópase,
escaso, no cadrante suroeste
onde ocupa terreos areosos
con vexetación herbácea.

52. Iberolacerta galani (Lagarta leonesa). Pode medir máis de 25 cm. En Galiza só se atopa nunha pequena zona nas
alturas das montañas da linde oriental.

53. Iberolacerta montícola
(Lagarta da serra). Pode
medir máis de 20 cm de
lonxitude total cun corpo
duns 7 cm e un rabo o doble
de longo. Ocupa hábitats
rocosos de montaña, pero en
Galiza tamén se atopa
nalgúns puntos preto da
costa. (Protéxense as
poboacións de baixa altitude
da provincia da Coruña e
poboacións de montaña da
provincia de Ourense ).

54. Lacerta lepida (Lagarto
arnal). Pode medir ata 50
cm, ata 20 cm de corpo e 30
ou máis de rabo. Vive en
zonas abrigadas e solleiras e
con rochas. (Protéxense as
poboacións insulares)

55. Lacerta vivípara (Lagarta das
brañas). Mide de 15 a 18 cm, de 5 a 6
de corpo e ata 12 de rabo. En Galiza
só se atopa nunhas poucas
localizacións dispersas en brañas de
montaña.

56. Natrix maura
(Cobra viperina).
Pode medir entre
50 e 65 cm. Vive
preto de ríos e
lagoas nas que
captura as súas
presas e tamén
preto do mar.
(Protéxense as
poboacións
insulares)

57. Natrix natrix (Cobra
de colar). Pode chegar
a medir máis de 1 m
de longo. Tamén se
atopa preto da auga,
pero pódese atopar
lonxe dela en prados,
leiras e bosques
abertos. (Protéxense
as poboacións
insulares)

58. Rhinechis scalaris (Serpe
riscada). Pode medir ata
1,5 m. Atópase en zonas
solleiras con rochas e
matogueiras dispersas da
metade sur de Galiza
(Protéxense as poboacións
insulares)

59. Bubo bubo (Bufo real). Pode
medir ata 70 cm. Vive en
montes con bosques e
penedías. En Galiza é
sedentario e moi escaso.

60. Charadrius alexandrinus
(Píllara papuda). Mide entre
15 e 17 cm. Vive en praias e
dunas. En Galiza cría, en
número escaso, nas grandes
praias.

61. Circus cyaneus (Gatafornela). Mide 45 a 50
cm. En Galiza vese no verán en áreas de mato
de certa altitude.

62. Circus pygargus (Tartaraña
cincenta). Mide de 40 a 50 cm. En
Galiza vese no verán en áreas de
mato.

63. Haematopus ostralegus
(Gabita). Mide de 40 a 45 cm.
En Galiza é común como
invernante en rochas da
beiramar, praias e esteiros e
crían algunas parellas.
(Protéxese a poboación
nidificante)

64. Hieraaetus fasciatus (Aguia perdiceira). Mide de 65 a 75 cm. En Galiza é moi escasa e vese no verán nas
penedias de montaña con mato do surleste.

65. Himantopus himantopus
(Patuda). Mide de 35 a 38
cm. En Galiza vese, escasa,
en marismas e esteiros no
verán.

66. Hydrobates pelagicus
(Paíño). Mide de 15 a 17
cm. Vive no mar e só se
achega a costa cando fai
mal tempo e para criar.
En Galiza ten algunas
pequenas colonias de
reproducción.

67. Ixobrychus minutus
(Garza pequena).
Mide de 33 a 38 cm.
En Galiza é escasa.
Vese no verán en
zonas húmidas con
vexetación alta.

68. Luscinia svecica (Papoazul).
Mide de 13 a15 cm. En Galiza
é escaso e vese no verán, en
matos preto da auga, nas
montañas do surleste.

69. Neophron
percnopterus
(Voitre branco).
Mide de 55 a 70
cm. En Galiza é
estival e raro.
Vese en lugares
illados das
montañas con
penedías preto
de espazos
abertos.

70. Perdix perdix subsp.
hispaniensis (Charrela).
Mide 28 a 32 cm. En
Galiza é sedentaria pero
moi escasa. Só se atopa
nas alturas das serras
orientáis

71. Phalacrocorax aristotelis
(Corvo mariño cristado).
Mide de 70 a 80 cm. En
Galiza é común e
sedentario. Vive no mar e
cría nos cantís e nas furnas.

72. Rissa tridactyla (Gaivota
tridáctila). Mide de 37 a 43
cm. En Galiza é invernante
e mantén un pequeno
grupo de cría nos cantís
das illas Sisargas.

73. Scolopax rusticola
(Arcea). Mide de 33 a 38
cm. En Galiza é rara
como invernante en
bosques e outras zonas
con vexetación arbórea
e arbustiva. (Protéxese a
poboación nidificante)

74. Galemys pyrenaicus (Furapresas). Ten un corpo duns 10 a 13 cm de
longo e un rabo case da mesma lonxitude. Vive nas correntes de augas
limpas e ben oxixenadas e ten hábitos nocturnos.

75. Miniopterus screibersi (Morcego
das covas). Ten un corpo de 5 a 6 cm
e un rabo case igual de longo. Vive
en espazos abertos de montaña
preto de covas calcarias. En Galiza é
esaso e só se atopa na zona oriental.

76. Myotis bechsteinii
(Morcego de
Bechestein). Pode
medir de 4,5 a 5,5
cm e ten un rabo
case igual de longo
ca o corpo. Vive nos
bosques e agóchase
en furados das
árbores. En Galiza é
escaso.

77. Myotis blythii (Morcego rateiro
mediano). Mide de 6 a 7 cm e
ten un rabo de 5 ou 6 cm. En
Galiza só se atopa en espazos
abertos da zona con clima
mediterráneo e onde atopa
covas nas que agocharse.

78. Myotis emarginata
(Morcego de orellas
fendidas). Mide de
4 a 5 cm e ten un
rabo de 3,5 a 4,5
cm. Especie moi rara
en Galiza que vive
en todo tipo de
hábitats a non ser
nos bosques moi
mestos. Refúxiase
en covas, fendas das
rochas e en
construccións.

79. Myotis myotis (Morcego
rateiro grande). Pode
medir de 7 a 8 cm e ten un
rabo de 4 a 6 cm. En Galiza,
onde ten unha distribución
irregular, vive en áreas
abertas preto de bosques.
Refúxiase en covas, toros
de árbores e construccións.

80. Myotis mystacina
(Morcego de
bigotes). Mide entre
3,5 e 5 cm e ten un
rabo de entre 3 e 4
cm. Especie moi rara
en Galiza. Vive en
bosques frondosos.
Refúxiase en covas,
árbores ocas e casas
abandonadas.

81. Phocoena phocoena
(Toniña). Pode medir
ata 2 m e pesar de 45
a 90 kg. Vive preto da
costa pero en Galiza
é escasa.

82. Rhinolophus euryale (Morcego de
ferradura mediterráneo). Mide de 4 a 6
cm e ten un rabo de 2 ou 3 cm. En Galiza é
escaso e só se atopa nas zonas de clima
mediterráneo

83. Rhinolophus ferrumequinum
(Morcego grande de
ferradura). Mide entre 5,5 e 7
cm e ten un rabo de 2 a 2,5
cm. Atópase por toda Galiza
en zonas abertas cerca de
bosques.

84. Rhinolophus hipposideros
(Morcego pequeno de
ferradura). Ten un corpo
de 3,5 a 4,5 cm e un rabo
de ata 2 cm. Atópase por
toda Galiza en zonas con
boa cuberta vexetal preto
de masas de auga.
Refúxiase en covas,
árbores e construccións.

85. Tursiops truncatus (Arroaz real). Pode medir de 2 a 2,5 m e pesar de
250 a case 500 kg. Atópase en todos os mares.

86. As imaxes fotográficas foron collidas da internet e a información de fontes varias. Agradézolle aos autores a súa
dispoñibilidade, e agardo saiban disculpar o uso que fixen delas.
Mon Daporta
Rematada esta tanda de idas e voltas,
vou tomar un escanso antes de meterme a outra cousa