Luisa e a súa familia saen un día de primavera para ver as plantas, e os nenos quedaron admirados da grande cantidade de bechos que descubriron.

1. Bechos dos arredores
COUSIÑAS FEITAS NA CASA
MonDaporta COUSAS DA RATA LUISA

2. Hoxe non teñen escola e como fai bo día
foron pasar unas horas dando una voltiña.

3. É primavera e, polos arredores,
van ver as plantas e gozar das flores,

4. Pero aos nenos chamáronlle moito máis a atención
os bechos que viron durante a excursión:

5. caracolas,
Caracola común (Cryptomphalus aspersus). Atópase en zonas de clima suave.
Consúmese como alimento en moitas partes.

6. Caracola das praias (Theba pisana). Atópase preto das praias. Forma
grandes grupos enriba das plantas cando descansa.

7. bolboretas,
Bolboreta da verdura (Pieris brassicae). Común por todas partes. As eirugas
poden converterse en praga nos cultivos de repolos.

8. Bolboreta dos valos (Pararge aegeria). Común. A eiruga aliméntase de
herbas.

9. moscas,
Mosca doméstica menor (Fannia canicularis). Vive nas casas onde se alimenta do que
atopa. As larvas desenvolvense en materiais orgánicos en descomposición.

10. Mosca verde (Lucilia caesar).
Atópase por todas partes.
Aliméntase en cadáveres,
residuos e excrementos.

11. Mosca azul (Calliphora vicina). Atópase por todas partes. Aliméntase de
animais e vexetais en descomposición.
moscóns

12. Mosca gris da carne (Sarcophaga carnaria). Atópase por todas partes.
Aliméntase nos bechos mortos.

13. escaravellos,
Escaravello cazador (Cicindela campestris). Persigue e caza
outros insectos.

14. Escarabello lonxicorne (Cibroleptura stragulata). Os adultos aliméntanse
nas flores e as larvas na madeira.

15. abellas,
Abella común (Apis mellifica). Forma enxames e vive en ocos nos que
almacena pole e mel. Críase para aproveitarlle a cera que segrega para
construir os panais, o pole que transporta e o mel.

16. vésporas,
Véspora común (Polistes
gallicus). Caza insectos e arañas
para alimentar ás larvas.

17. Véspora solitaria (Anoplius viaticus). Cava buratos na terra para poñer os
ovos e alimenta ás larvas con insectos e arañas.

18. abellóns,
Abellón (Bombus hortorum). Fai niños soterrados nos que cría as larvas
con pole.

19. Xoaniña (Coccinella septempunctata). Aliméntase de outros insectos
pequenos, maiormente pulgóns, polo que é un importante colaborador dos
cultivadores de plantas.
xoaniñas,

20. saltóns,
Saltón de ás azuis (Oedipoda caerulescens). Común en camiños e
matogueiras. Aliméntase de vexetais.

21. Saltón de ás vermellas (Oedipoda germánica). Máis escaso. Atópase en
perigo nalgunhas partes.

22. Chinches raiadas (Graphosoma lineatum). Atópase habitualmaente
en flores de umbelíferas.
chinches raiadas,

23. Formiga negra (Lasius niger). É a formiga máis común. Forma grandes
colonias que viven en niños debaixo da terra.
formigas,

24. pulgón das roseiras (Macrosiphon rosae). Común en brotes tenros de herbas e
arbustos, principalmente roseiras.
pulgóns

25. e varias arañas
Zoropsis. Araña bastante grande, de costumes nocturnos, que se atopa
nos bosques.

26. -unhas a corricar,
aquí e alá, pola terra
Araña lobo (Pardosa hortensis). Común. Transporta o paquete de ovos, e ás
crías durante varios días despois de nacer

27. e outras moi quietas
agardando nas teas-.
Araña de xardín (Araneus
diadematus). Vive en xardíns,
lugares arborados e matos onde
poida tender as súas teas.

28. Meteulles un susto un mosquito grande,

29. pero díxolles súa nai que non lle pica a nadie.

30. (Típula oleracea). Aínda que
parece un mosquito grande
é totalmente inofensivo xa
que vive poucos días e non
se alimenta cando é adulto,
pero as súas larvas, que
comen raíces de plantas,
son unha praga nos
céspedes e nalgúns cultivos.

31. E volteando pedras aínda atoparon

32. Lesma (Limax maximus). Vive en terras de cultivo con humidade.
Pode medir ata 13 cm de longo. É activa pola noite.
lesmas,

33. cadelas de frade,
Cadela de frade (Forficula auricularia). Aliméntase de bechos pequenos e de
restos vexetais. Coida os ovos despois da posta. Agóchase polo día e sae de
noite en busca de alimento.

34. bechos bola,
(Porcelio scaber). Común. Atópase
debaixo das pedras en lugares secos ou
con certa humidade (arriba) e
(Armadillidium vulgare). Atópase en
lugares escuros (abaixo).

35. cempernas
Cempernas (Lithobius forficatus). Atópase habitualmente debaixo de troncos e
pedras. Aliméntase de outros animais pequenos.

36. … e ata un escancer
Escancer (Anguis fragilis). É unha especie de lagarto sen patas bastante
abundante en pasteiros e zonas húmidas.

37. Viron lagartos a correr polos valos
Lagarta galega (Podarcis bocagei). Atópase en valos e toda clase de zonas
nas que haxa pedras onde agocharse.

38. e non poideron pasar sen mirar os paxaros:

39. Merlo (Turdus merula). É un dos paxaros máis coñecidos pola súa
cor negra e polo común que é. Atópase por todas partes onde
haxa arbustos nos que poida agocharse.
merlos,

40. Paporrubio (Erithacus rubecula). Coñecido polo seu
chamativo peito rubio. Vive en xardíns, cultivos e bosques.
paporrubios,

41. Carriza (Troglodytes troglodytes). É un dos paxaros máis pequenos que podemos
atopar en Galiza. Vive en zonas de vexetación baixa e mesta (bosques, sebes,
xardíns,…). Constrúe un curioso niño esférico coa entrada lateral.
carrizas,

42. Borrallenta ou azulenta (Prunella modularis). Vive en toxeiras,
silveiras, xesteiras e outras matogueiras de toda Galiza. Constrúe
o niño preto do chan e pon uns ovos de chamativa cor azul de aí
lle ven o nome de azulenta.
borrallentas,

43. Chasco (Saxicola torquata). Vive en cultivos e matos. O nome fai referencia
ao son que emite (chac, chac) cando está alerta.
chascos,

44. Verderol (Carduelis chloris). Común. Vive nos cultivos con árbores.
verderoles,

45. Xirín (Serinus serinus).
É un paxaro común, de
pequeño tamaño, que
vive en cultivos e
sebes.
xiríns,

46. Escribenta liñaceira (Emberiza cirlus). Atópase en hortas, cultivos e
sebes. O nome de escribenta venlle dado polas liñas que decoran as
cascas dos ovos.
escribentas…

47. Laverca (Alauda arvensis). Vive en espazos abertos cultivados e baldíos. Fai
o niño no chan. Os machos cantan voando a bastante altura.
e case non viron, pero sí escoitaron,
ás lavercas que cantan mentras voan no alto

48. E sentiron nunha poza as ras a roar
e ata alí se achegaron tamén a mirar.
Ra verde (Pelophylax perezi). É a ra máis común. Atópase en todo tipo de
masas de auga estancada ou de pouca corrente.

49. E logo polo camiño, xa vindo para a casa,
viñan facendo contas de canto atoparan.

50. Pero díxo Roxelio que só viran uns poucos,
que aínda era cedo e non sairan todos

51. Que non cantaban os grilos
Grilo (Gryllus campestris). Común. Moi coñecido polo son que
producen os machos ao refregaren as ás.

52. nin viran libeliñas
gaiteiro azul (Calopterix virgo). Atópase preto de correntes de auga limpa.

53. Lavacú (Sympetrum …). Atópase preto de augas estancadas

54. nin aos que saen de noite como as avelaíñas
Autographa gamma. Avelaíña migradora bastante común. A eiruga aliméntase de
trebos e outras plantas.

55. E tampouco viran os que se agochan na terra:

56. Miñoca de terra (Lumbricus terrestris). Vive en lugares con certa
humidade onde se alimenta de microorganismos e restos vexetais.
miñocas,

57. Ratos de campo, cortas e trilladeiras.
Son pequenos roedores, que viven en
furas das que saen pola noite para
alimentarse de herbas, froitos e
sementes.
os seus parentes
rato de campo

58. Toupeira (Talpa occidentalis). Vive en toda clase de terreos aínda que
prefire os que teñen certa humidade.
e as toupeiras.

59. Co que xa decidiron que a non moito tardar
van ir dar outra volta para ver aos demais.

60. Luísa, Roxelio
e máis os ratiños
agardan que vos
gusten estes seus
contiños.
Abur!