2. Gamo
O gamo común ou europeo é
unha especie de cérvido nativa
da área mediterránea.
Diferénciase do outro gran
cérvido europeo, o cervo
común, no seu menor tamaño,
o seu manto de pelo
avermellado e pardo salpicado
de pintas brancas e os seus
cornos palmeados.
3. Gato montés
O gato montés é un
mamífero carnívoro que,
aínda que presenta
similitude coa raza
doméstica coñecida como
gato romano é máis grande
que éste. O gato montés
posúe un cráneo máis ancho
que o gato doméstico.
Tamén se pode diferenciar
pola forma da cola, así
mentras que o gato
doméstico e os híbridos
teñen a cola fina e
puntiaguda, a do gato
montés e máis grosa.
4. Oso pardo
Entre os grandes carnívoros
destacan dúas especies
desaparecidas de boa parte da
Europa occidental, o oso pardo,
noutrora espallado polos
principais montes das catro
provincias galaicas e hoxe
visitante ocasional dos Ancares
lucenses.
5. Cabra montés
Este animal foi exterminado
debido á caza excesiva e a
destrución do seu hábitat a
finais do século XIX,
desaparecendo en 1890 de
España e en 1892 do seu
derradeiro refuxio na
portuguesa Serra de Geres.
Dende 1993 a Xunta de Galicia
está repoboando algunhas
zonas de Galicia con cabras
montesas da Serra de Gredos.
6. Corvo mariño
O corvo mariño cristado
(Phalacrocorax aristotelis) é
unha ave mariña presente nas
costas rochosas do oeste e sur
de Europa, no sudoeste de
Asia e no norte de África.
Normalmente é unha especie
sedentaria nas súas zonas de
cría, aínda que os exemplares
norteños son migratorios.
O corvo mariño cristado é a
principal e máis estendida
especie europea da familia
Suliformes.
7. Miñato común
O miñato común (Buteo buteo)
é unha ave de presa propia do
Vello Mundo. Recibe tamén os
nomes de miato, bexato,
buxato, lamego ou lamote. O
miñato típico acada entre 51 e
57 cm de lonxitude, cunha
envergadura de 110 a 130 cm
coas ás despregadas, o que o
coloca entre as rapaces de
tamaño medio.
8. Parrulo rabilongo
É un parrulo relativamente
grande. Os machos miden
entre 65 e 75 cm., as femias
entre 50 e 55. Pesan entre 700
e 1200 g. As alas teñen unha
envergadura de ata 85 cm. A
cola, que lle da o seu nome á
especie, é longa e en forma de
punta. Nos machos pode medir
10 cm. Teñen os ollos negros e
o bico e as patas grises.
9. Pita do monte
A pita do monte ten un tamaño
máximo de 1,1 m nos machos e
0,7 m nas femias.
Caracterízase por ter unhas
plumas debaixo do pico en
forma de barba, un rabo en
forma de abano e uns
tubérculos vermellos sobre os
ollos. A cor da plumaxe é unha
característica diferencial entre
os sexos. Os machos teñen a
plumaxe negra.
10. Arao dos cons
Xunto coa gaivota tridáctila,
domina as colonias mariñas
dos cantís na tempada do
verán. O arao nada fronte á
costa en grandes masas baixo
os cantís. Fronte os farallóns
adoita verse voando baixo e
rápido. Os exemplares adultos
acadan os 38-46 cm de altura e
61-73 cm de envergadura, de
plumaxe negra co peito e
ventre brancos, co peteiro en
forma de puñal, algúns
exemplares presentan unha
lixeira liña ocular branca.
11. Gaivota patiamarela
Os adultos son semellantes á
gaivota arxéntea (Larus
argentatus), pero teñen as
patas amarelas. Teñen o lombo
gris, máis escuro cá gaivota
arxéntea. Os adultos teñen
unha penca vermella no bico.
12. Paiño do mal tempo
É unha das aves mariñas máis
pequenas, de só 27 gramos de
peso, uns 17 cm de longo e
unha envergadura de ás de
aproximadamente 37 cm.
Recorda as andoriñas, polas
súas ás estreitas e afiadas e a
coloración escura, coa parte
baixa do lombo branca,
13. Ourizo cacho
Os adultos poden chegar a
pesar máis dun quilo. A súa
característica máis rechamante
son as pugas ou puntas de que
está revestido. Os músculos
cutáneos permítenlle
envolverse e formar unha bóla
de pugas contra a que os seus
inimigos naturais son
impotentes. Ás veces é presa
de cans, raposos, porcoteixos,
lamotes ou curuxas.
14. Raposo
O raposo común (Vulpes
vulpes), tamén coñecido como
golpe nalgunhas zonas ó norte
de Galicia, pertence á familia
dos cánidos (Canidae), dentro
da orde dos carnívoros. O
raposo común, tamén chamado
raposo vermello, caracterízase
por ter as patas cortas, o fociño
estreito e alongado, as orellas
rectas e triangulares, unha
pelaxe espesa e cola longa.
15. Curuxa común
Son aves de patas longas,
cores claras, cola curta e alas
longas. O corpo mide entre 33
e 35 cm de lonxitude e a
envergadura das alas chega ós
85 cm. O aspecto de machos e
femias é moi semellante, aínda
que estas últimas son, en xeral,
algo meirandes e de plumaxe
máis escura. O peso é duns
200 gramos nas razas máis
pequenas.
16. Teixugo
Trátase dun animal de hábitos
nocturnos, sendo moi raro
atopalo durante o día. O
teixugo pode subir polas
árbores, aínda que non se
atopa adaptado para facelo.
Tamén pode correr con certa
rapidez e nadar. En caso de
perigo, ao verse ameazado
emite fortes bruídos
(Reinochholf, 1995). É moi
rebuldeiro cos membros da súa
especie, tanto de novo como
de adulto e participa no aseo
corporal dos compañeiros de
especie.
17. Lobo ibérico
O seu tamaño é medio, algo
máis pequeno que outros lobos
europeos. De longo miden
dende 130 ata 180 cm os
machos, e dende 130 ata 160
cm as femias. A altura de cruz
pode chegar aos 70 cm. Os
machos adultos pesan
xeralmente entre 30 e 40 kg, e
as femias pesan de 20 a 35 kg.
Presentan testa grande e
maciza, orellas triangulares
relativamente pequenas e ollos
oblicuos de cor amarelenta.
18. Carneiro bravo
O muflón común ou europeo
tamén chamado carneiro bravo
(Ovis musimon ou Ovis aries
musimon) é un gran artiodáctilo
da subfamilia Caprinae que se
pode atopar en moitas partes
de Europa. Curiosamente,
extinguiuse hai milenios deste
continente por mor da caza
excesiva e as mudanzas
climáticas, quedando relegado
ás illas de Córsega, Sardeña e
Chipre.
19. Morcego común
Mide de 3,5 a 5 cm, a
envergadura das súas ás oscila
entre 19 e 25 cm e son
estreitas. Pesa de 3,5 a 8 g. As
súas orellas son curtas,
triangulares e cos vértices
redondeados.