Ito ay tula para kay Mark Jil, isang mag-aaral na namayapa dahil sa isang aksidente.

1. ELEHIYA PARA KAY MARK JIL
By: Jenita D. Guinoo
Ika-17ng Agosto 2016
3:00 NH
Mag-aaral na kita , dati pa noon
Sa mga aralin ika’y nakatuon
Kung minsan sa iyo ay mapapalingon
Dahil sa kakaiba mong mga tanong.
Ako’y lagi na lamang napapalatak
Sa iyong katanunga’t mga pahayag,
Masalimuot at waring naghahanap,
Ang kasaguta’y lagging inaapuhap.
Ikaw sa t’wina’y hindi mapapakali
Hinihintay lagi ang bawat sandal,
Sa recess ka lagi nang nagdudumali
Dahil takam na sa snacks ang mga labi.
Kung minsan ikaw ay napagsasabihan
Dahil nga sa iyong sobrang kakulitan
Inaasar ang mga kababaihan,
Nagagalit sa sobra mong kapilyuhan.

2. Ngunit ang dating ikaw ay nagbago na
Mabait at masayahin ka rin pala
Matulungin na’t batang mapag-alala
Sa mga gawain ay laging abala
Ngunit bigla na lamang aming nalaman
Ang trahedyang hindi naming inaasahan
Isang pangyayari ang nagpapagimbal,
Hanggang ngayon, kami ay nakatigagal.
Hindi man naming nasabi ‘to sa iyo
Na kahit wala ka na rito sa ating mundo,
Mark Jil, saan ka man ngayon napadako
Ay mananatili ka sa aming puso.
By: Jenita D. Guinoo
Class Adviser