Download to read offline
Awareness raising presentation cym
- 2. Deall bethyw cynhwysiant ariannol Cydnabod yr effaith a gaiff ar fywydau pobl Deall eich rôl wrth fynd i’r afael â chynhwysiant ariannol Gwybod am yr adnoddau a’r gwasanaethau arbenigol sydd ar gael Gwybod sut i gyfeirio ac atgyfeirio’n effeithiol
- 3. Mae’n amseri ni ddarganfod pa fath o bersonoliaeth ‘ariannol’ sydd gennych chi?
- 4. Aelwydydd agincwm sydd 60 % neu lai na lefel incwm cyfartalog (canolrif) aelwydydd. (Person sengl £129 yr wythnos (yw), Rhiant sengl un plentyn £179 yw, cwpl â 2 o blant £321yw) 3.5 miliwn (27%) o blant o dan y llinell 7.9 miliwn (21%) o oedolion oed gweithio o dan y llinell 1.6 miliwn (14%) o oedolion oed pensiwn o dan y llinell (ffigyrau 2011 /12 ar ôl cynnwys costau tai)
- 5. Sicrhau bodgan bawb gyfle i gael mynediad at wasanaethau ariannol a chynhyrchion sydd eu hangen er mwyn cymryd rhan yn llawn yn y gymdeithas gyfoes.
- 6. Mynediad at wasanaethau ariannol prif ffrwd Galluariannol Gwella mynediad at gyngor ar arian a dyledion Mwyhau incwm Darparu credyd fforddiadwy a chynilion
- 8. Gallu unigolion iddeall eu hamgylchiadau ariannol eu hunain, ynghyd â’r cymhelliant i weithredu.
- 9. Os byddcartref yn gwario 10% neu fwy o’i incwm net ar gostau ynni, ystyrir hyn yn dlodi tanwydd. Tlodi tanwydd difrifol yw gwariant o 20 % neu fwy
- 11. Cyngor arDdiwygiadau Lles / Budd-daliadau Grantiau – Cronfa Cymorth Dewisol, Cymorth Dŵr, Grantiau ynni Defnyddio cynlluniau ailgylchu / ailddefnyddio (CREST / Freecycle) Cynlluniau menter, gwirfoddoli a dychwelyd i’r gwaith Beth yw gwerth y budd- daliadau a chredydau treth nad ydynt yn cael eu hawlio yng Nghonwy a Sir Ddinbych? £76.8 miliwn!
- 12. Mewn grwpiau, cymerwch5 munud i drafod sut y mae cynhwysiant ariannol yn rhan o’ch rôl. Sefyllfaoedd lle gallech gyfarfod dinasyddion â chanddynt broblem Unrhyw brofiadau blaenorol rydych wedi’u cael yn ymwneud â chynhwysiant ariannol
- 14. Mewn grwpiauA, B ac C ◦ Grŵp A – 5 munud i drafod pa ffactorau a allai olygu bod rhywun mewn perygl o gael problemau yn ymwneud â chynhwysiant ariannol ◦ Grŵp B – 5 munud i drafod manteision cynhwysiant ariannol a’r rhwystrau i gynhwysiant ariannol ◦ Grŵp C – 5 munud i drafod effeithiau problemau yn ymwneud â chynhwysiant ariannol
- 16. Cynnig cymorthsylfaenol Cyfeirio Atgyfeirio
- 17. Cyfeirio Mae hyn yngolygu bod y dinesydd yn cymryd cyfrifoldeb (neu rhoddir cyfrifoldeb iddo) am gysylltu â sefydliadau eraill i gael help i ddatrys y broblem. Gall y gweithiwr roi cymorth trwy adnabod beth yw’r broblem, trafod gwahanol ffynonellau cymorth a rhoi’r wybodaeth angenrheidiol. Atgyfeirio Mae hyn yn golygu bod y gweithiwr yn cymryd cyfrifoldeb am gysylltu â sefydliad arall i drefnu’r cymorth sydd ei angen ar y dinesydd
- 18. Nodi’r mater o ran cynhwysiant ariannol Nodimater mwy cymhleth (dyled / budd-daliadau) Nodi mater lefel isel Cynnig cymorth Trafod y dewisiadau a rhoi gwybodaeth gyfeiriol Os ceir cydsyniad, atgyfeirio i’r sefydliad priodol Ailymweld – beth yw’r canlyniad? A oes angen mwy o gymorth?
- 19. Darpariaeth Lefel Isel (Lefel1) Gwasanaethau gwybodaeth, e.e. cyfeirio, a rhoi gwybodaeth i’r cleient, megis taflenni neu wybodaeth ar lafar. Darpariaeth Lefel Canolig (Lefel 2) Gwasanaethau cynghori e.e. gwirio os ydynt yn gymwys i dderbyn budd-daliadau. Cymorth i lenwi ffurflenni. Darpariaeth Lefel Uchel (Lefel 3) Cyngor arbenigol, e.e. oherwydd anghenion niferus a chymhleth y cleient neu yn achos darnau o waith dwys iawn bydd angen gwybodaeth gyfreithiol arbenigol i ddatrys y broblem. :
- 20. Sefydliadau atgyfeirio Cyngor arBopeth Conwy Uned Hawliau Lles Cyngor Conwy Uned Budd-daliadau Cyngor Conwy Uned Treth Cyngor Conwy Cyngor ar Bopeth Sir Ddinbych Tîm Hawliau Lles Sir Ddinbych Refeniw a Budd-daliadau Sir Ddinbych Siop Cyngor Budd-daliadau Shelter Cymru Mae Undeb Credyd Gogledd Cymru
- 22. Bancio –holl fanteision banc arferol, dewis o gyfrifon ar gyfer gwahanol anghenion Cynilion – (Rhoi trwy’r gyflogres, Cyfrifon Clwb Nadolig, Cronfeydd Ymddiriedolaethau Plant) - telir difidend yn hytrach na llog, 1.5% ar gyfartaledd Benthyciadau – lleiafrif benthyciadau £50 - £10,000 cystadleuol iawn yn gwarantu’r gyfradd orau ar fenthyciad £2000 - £7000.
- 23. “APR yw’r GyfraddGanrannol Blynyddol. Gallwch ei defnyddio i gymharu gwahanol gynigion credyd a benthyciadau. Mae’r APR yn cynnwys y llog ar y benthyciad a hefyd unrhyw daliadau eraill y mae’n rhaid i chi eu talu, er enghraifft ffi trefnu. Mae’n rhaid i fenthycwyr ddweud wrthych beth yw’r APR cyn i chi arwyddo cytundeb. Bydd yn amrywio o un benthycwr i’r llall”
- 24. Benthyciad o £400dros 30 diwrnod • Wonga – ad-daliad o £527.15 (5853% APR) • Undeb Credyd – ad-daliad o £404.63 (@26% APR)
- 25. Cynllun tloditanwydd Llywodraeth Cymru Os yw’r eiddo wedi’i raddio yn F neu G ac os oes unrhyw un yn y cartref ar fudd-daliadau prawf modd maent yn gymwys i gael gwelliannau Ffoniwch 0808 808 2244 neu ewch i www.nestwales.org.uk
- 26. Cyngor diduedd, annibynnol,am ddim ar faterion ariannol Cyngor ac adnoddau arlein Cymorth dros y ffôn Gellir trefnu apwyntiadau personol Templadau ac adnoddau y gellir eu lawrlwytho Ffôn: 0300 330 0520 Ebost:moneyadviser@citizensadvice.org.uk Gwefan: www.moneyadviceservice.org.uk
- 27. Cefnogir ganLywodraeth Cymru Llwybr digidol i’r Gronfa Cymorth Dewisol Cyngor ac arweiniad ar faterion ariannol
- 28. Mae Turn2usyn wasanaeth elusennol sy’n helpu pobl i gael mynediad at yr arian sydd ar gael iddynt – lles, budd-daliadau, grantiau, mathau eraill o gymorth. Cynlluniwyd y wefan hygyrch er mwyn eich helpu i ddod o hyd i gymorth ariannol priodol yn gyflym ac yn hwylus, yn seiliedig ar eich anghenion a’ch amgylchiadau personol. Cysylltwch â Pat Cripps pat.cripps@elizabethfinn.org.uk 01676 541 654
- 30. Cyflwyniad igynhwysiant ariannol Pryd i gyfeirio a phryd i atgyfeirio Mynediad at gyngor a gwasanaethau • Ymarferiad mapio • Darpariaeth TG • Gwybodaeth gyfeirio ychwanegol Mwyhau Incwm • Arolwg o’r diwygiadau lles • Gwybodaeth am grantiau • Cyfraddau Budd-daliadau • Tlodi Tanwydd Gallu ariannol • Taflen gyllideb • Cost credyd • Blaenoriaethau / dyledion sy’n flaenoriaethau • Beilïaid Cysylltiadau defnyddiol Geirfa Ewch i www.moneymadeclear.org i lawrlwytho’r wybodaeth ddiweddaraf
- 31. Mewn grwpiau dewiswchun astudiaeth achos byr yr un, ac ar sail yr wybodaeth a roddwyd, amlinellwch y camau y byddech yn eu cymryd
- 32. Cyfeirio Atgyfeirio Mân broblemProses sy’n fwy cymhleth Nid yw’r unigolyn yn cydsynio i’r atgyfeiriad Problem sy’n fwy cymhleth a / neu difrifol Nid yw’r unigolyn yn derbyn bod yna broblem. Anghenion ychwnaegol Hyderus y bydd yr unigolyn yn gweithredu ar sail yr wybodaeth a roddir  chymhelliad i weithredu Yn cydsynio i’r broses atgyfeirio Nid yw’n fater du a gwyn bob amser wrth benderfynu a ddylech gyfeirio neu atgyfeirio. Dyma rai pethau i’w hystyried wrth ddod i benderfyniad:
- 33. Ar nodiadau gludiog?? Ynsgil y sesiwn heddiw, sut y byddwch yn rhoi’r egwyddorion ar waith?
Editor's Notes
- #2 Cyflwyniad / Trefniadaeth Ynglŷn â’r prosiect hwn ….. Noddir y prosiect gan Gronfa Gymdeithasol Ewrop gyda chefnogaeth Llywodraeth Cymru Menter ar y Cyd rhwng Bwrdd Gwasanaeth Lleol Sir Ddinbych a Chonwy Mae’r bwrdd gwasanaeth lleol hwn ar y cyd yn cynnwys y prif sefydliadau gwasanaeth megis Awdurdodau Lleol, yr Heddlu, Tân, Tai, Coleg Llandrillo, felly mae’r holl sefydliadau hyn wedi cydnabod rhan allweddol cynhwysiant ariannol wrth gyflenwi gwasanaethau. Mae’r ffaith bod y Byrddau Gwasanaeth Lleol yn cefnogi’r prosiect hwn yn cydnabod pwysigrwydd cynhwysiant ariannol a bod gan holl weithwyr y sefydliadau hyn gyfrifoldeb (a hawl) i fynd i’r afael â’r broblem. Prif amcanion y prosiect yw: Gwella cydlyniant a chydweithio strategol ar draws Conwy a Sir Ddinbych Gwella mynediad at wybodaeth a gwasanaethau o ansawdd a gaiff eu cynnig gan y cyngor ar gynhwysiant ariannol Gwella’r gwasanaethau sydd eisoes yn bodoli, nid creu gwasanaethau newydd Fel y gwelwn, mae Cynhwysiant Ariannol yn faes eang a nod y sesiwn byr hwn yw rhoi trosolwg o’r pwnc, yn ogystal â’r offer / adnoddau sydd eu hangen arnoch i ddarganfod mwy. Caiff y prosiect hwn ei ystyried fel prosiect peilot i Gymru. Mae’n hanfodol ein bod yn clywed eich safbwynt chi fel gweithiwr rheng flaen am yr hyn sy’n digwydd ac am effaith materion yn ymwneud â chynhwysiant ariannol yr ydych yn dod ar eu traws yn y maes. Mae hwn yn gyfle i ni drosglwyddo’r wybodaeth hon i’r Bwrdd Gwasanaeth Lleol a Llywodraeth Cymru yn y gobaith y gellir dylanwadu ar newidiadau a phenderfyniadau.
- #3 Mae’n bwysig nodi y gall, ac mae, rhai o’r materion rydym am sôn amdanynt heddiw effeithio ar bawb, felly efallai y bydd rhai o’r pethau y byddwn yn eu trafod yn berthnasol i’ch amgylchiadau personol, neu i’ch teulu neu ffrindiau. Os oes gan unrhyw un broblemau, mae croeso i chi gael sgwrs â mi yn ystod yr egwyl neu ar ddiwedd y sesiwn. Gallwch rannu yr hyn rydych yn ei ddymuno ac os gwelwch yn dda, a wnaiff pawb barchu cyfrinachedd eraill. Efallai y bydd y materion y byddwn yn eu trafod heddiw o fudd personol i chi, neu efallai y gallech gynnig cyngor i ffrindiau a theulu. Hefyd, mae’r sesiwn heddiw yn broses ddwyffordd …. rydym yn awyddus i dderbyn eich adborth os ydych wedi cael profiadau yn y maes, bydd hyn yn werthfawr iawn i’r prosiect. Ni fyddwn yn trafod y canlynol … Cyngor Ariannol sydd wedi’i reoleiddio. Er mwyn cynnig cyngor arbenigol ar ddyledion, mae’n rhaid i chi gael trwydded credyd defnyddiwr ac yswiriant. Mae cyngor ar fudd-daliadau yn faes cymhleth sy’n newid yn gyson. Fel gweithwyr rheng flaen, mae’n bwysig eich bod yn deall ffiniau a therfynau’r cymorth y gallwch ei gynnig …. Hefyd, mae’n bwysig cydnabod eich cyfyngiadau o ran amser.
- #4 Mae gan arian ei ddefnydd amlwg … mae’n ein galluogi i ddarparu ar gyfer ein hanghenion sylfaenol. Yn aml iawn, bydd gennym berthynas eithaf cymhleth ag arian, mae’n cysylltu â’n hemosiynau a sut rydym yn teimlo am ein hunain. Mae’r cwis hwn yn ychydig o hwyl ond mae’n rhoi cyfle i ni feddwl am ein hagweddau personol at arian a gall hyn fod yn rhywbeth i’w ystyried pan fyddwn mewn sefyllfa gwaith. Beth am gyflwyno ein gilydd o amgylch y bwrdd, eich enw, o ble rydych yn dod? beth yw eich gwaith? Os ydych yn hapus i rannu … ydych chi’n rhoi gwên ar wyneb y casglwr dyledion? / oes gennych ddyledion arferol? / ydych chi’n wariwr clyfar? / yn rheolwr gofalus neu’n wiwer? Ar beth rydych yn hoffi gwario eich arian, a beth y mae’n gas gennych wario arian arno?
- #5 Yn y pen draw, mae cynhwysiant ariannol yn ffordd o drechu tlodi felly beth am ddechrau trwy ddiffinio tlodi. Mae Trechu Tlodi Plant erbyn 2020 yn parhau yn flaenoriaeth i Lywodraeth Cymru ac yn ganolbwynt nifer o raglenni eraill megis Dechrau’n Deg, Teuluoedd yn Gyntaf a Chymunedau yn Gyntaf. Premiwm tlodi Mae’r teuluoedd tlotaf yn talu prisiau uchel am anghenion sylfaenol megis nwy, trydan a bancio. Gall y costau y bydd teuluoedd tlawd yn eu hysgwyddo i gael arian parod a chredyd, ac i brynu nwyddau a gwasanaethau fod yn ‘bremiwm tlodi’ o £1300 y flwyddyn. Mae hyn wedi cynyddu 20% er 2007!! (Achub y Plant 2010) Mae Sefydliad Joseph Rowntree yn amcangyfrif ei fod yn costio 20 – 30% yn fwy i gael safon byw sylfaenol digonol mewn ardaloedd gwledig Y diwygiadau lles mwyaf er 60 mlynedd, ac economi sydd mewn trafferthion: Mae Llywodraeth Cymru yn rhagweld y bydd gostyngiad o 600 m yn incwm 2014 – 2015 ac yn ôl y Sefydliad Astudiaethau Cyllidol – bydd rhieni sengl yn colli 8.5% o’u hincwm blynyddol erbyn 2015. 3 X y cyfanswm y bydd cwpl cyffredin di-blant yn ei golli. Mae’r galw am fanciau bwyd Ymddiriedolaeth Trussell wedi treblu er 2011 / 2012
- #6 Diffiniad Trysorlys Ei Mawrhydi Mae Cynhwysiant Ariannol yn golygu mwy na chael pobl i gyllidebu a chael mynediad at wasanaethau ariannol yn yr ystyr draddodiadol Yn fwy sylfaenol ac amlochrog – os nad oes gan bobl ddigon o arian i fyw, maent yn dlawd o ran cyfleoedd a gwasanaethau. Cynhwysiant Ariannol yw’r dull o fynd i’r afael â THLODI, mae cynhwysiant ariannol yn lliniaru effeithiau tlodi ac yn cynnig ateb rhagweithiol i dlodi Dengys gwaith ymchwil gan Cyngor ar Bopeth a’r Ganolfan Ymchwil Gwasanaethau Cyfreithiol (LSRC) bod cyngor da yn arwain at ganlyniadau cadarnhaol yn gymdeithasol, economaidd ac o ran iechyd. Elw o’r buddsoddiad, ac arbedion posibl a fesurwyd: Pam ei fod yn bwysig? Bydd yr unigolyn rydych yn ei gefnogi mewn gwell sefyllfa i gadw tenantiaeth / dod o hyd i gartref Datblygu ymdeimlad a pherthynas â’r dinesydd Wrth leihau straen sy’n ymwneud â sefyllfa ariannol, bydd modd canolbwyntio ar faterion eraill, gwella iechyd a pherthnasoedd yn y cartref Creu mwy o gydluniad cymunedol Bydd £1 a gaiff ei gwario ar gyngor ar dai yn arbed £2.34 Bydd £1 a gaiff ei gwario ar gyngor ar ddyledion yn arbed £2.98 Bydd £1 a gaiff ei gwario ar gyngor ar fudd-daliadau lles yn arbed £8.80 Bydd £1 a gaiff ei gwario ar gyngor ar gyflogaeth yn arbed £7.13
- #7 Mae’n werth ystyried pum thema graidd Llywodraeth Cymru a nodwyd yn Strategaeth Cynhwysiant Ariannol 2009. Mwyhau Incwm – Mae Cynhwysiant Ariannol yn golygu mwy na chael pobl i gyllidebu’n well. Gall olygu na fydd cymaint o bobl yn byw gyda thlodi tanwydd gan eu bod wedi cael mynediad at gyngor ar les. Mynediad at gredyd a benthyciadau fforddiadwy – gall olygu y bydd mwy o bobl yn benthyca ar gyfraddau rhesymol gan undebau credyd ac y bydd mwy o bobl yn rhoi gwybod i’r Uned Benthyg Arian Anghyfreithlon am fenthycwyr arian didrwydded. Gwella mynediad at gyngor am arian a dyledion, gall olygu y bydd mwy o bobl yn cael mynediad at y gwasanaethau cynghori, eiriolaeth a gwybodaeth sydd eu hangen arnynt yn gynt a chyn iddynt gyrraedd sefyllfa o argyfwng. Llythrennedd a Gallu Ariannol, gall olygu y bydd mwy o bobl yn elwa o gynhwysiant digidol ac yn gallu rheoli biliau a chwilio am y cyfraddau isaf. Mynediad at wasanaethau ariannol prif ffrwd, gall olygu y bydd pobl yn rheoli eu llif arian trwy gyfrif banc ag undeb credyd lleol, gan gadw’r arian o fewn yr economi leol Mae Prifysgol John Moores Lerpwl wedi gwerthuso Banc y Co-operative a’i waith yng ngharchar Forest Bank yn Salford rhwng 2007 a 2009. Dim ond 39% o’r rheini a oedd wedi agor cyfrif banc sydd wedi aildroseddu: 59.9% yw’r gyfradd aildroseddu genedlaethol ymhlith carcharorion sy’n bwrw dedfryd o llai na blwyddyn Dywedodd Franklin, Prif Swyddog Gweithredol Gwasanaethau Ariannol y Co-operative: Os nad oes gennych gyfrif banc, gall hyn beryglu eich cyfleoedd gwaith, ei gwneud yn llawer anoddach i rentu tŷ a chymhlethu mynediad at grantiau addysg. Hefyd, gall ei gwneud yn anodd i hawlio budd-daliadau.
- #8 Gall jargon a thermau anghyfarwydd effeithio ar ein hyder i fynd i’r afael â Chynhwysiant Ariannol felly, rwyf am esbonio rhai o’r termau mwyaf cyffredin
- #9 Dealltwriaeth a’r gallu i gyllidebu Blaenoriaethu dyledion Beiliaid gwir / gau o’r pecyn Cost credyd Deall APR (Cyfradd Gyfrannol Flynyddol)
- #10 Caiff ei gydnabod fod gennym y tai oeraf a mwyaf tamp yn Ewrop! Mae astudiaeth gan Llais Defnyddwyr Cymru yn nodi bod 34% o gartrefi Cymru yn dioddef o dlodi tanwydd. Gall tlodi tanwydd (fel pob math o dlodi) gael effaith sylweddol ar iechyd a lles. Gall achosi salwch sy’n gysylltiedig â thlodi – pwysau geni isel, afiechydon anadlol, marwolaethau yn ystod y gaeaf… Mwy o achosion o lithro, baglu a chwympo, salwch meddwl a mwy o risg o dân yn sgil defnyddio dulliau gwresogi amhriodol Effeithiau: Effaith sylweddol o ran iechyd, gan effeithio ar y system anadlu a chylchrediad y gwaed ac arthritis – marwolaethau 3 gwaith yn fwy tebygol mewn tai oer Yn 2011 amcangyfrifodd Consumer Focus fod 425,161 o gartrefi yn dioddef o dlodi tanwydd – 33.5% o’r holl gartrefi yng Nghymru Yn 2012, £1250 oedd bil ynni cartref ar gyfartaledd Y tymheredd boddhaol ar gyfer cynhesu tŷ yw rhwng 18 - 21c Y prif ystyriaethau yw: Effeithlonrwydd ynni yr eiddo Cost ynni Incwm y cartref Mae tai mewn ardaloedd gwledig yn broblem sylweddol gan fod llawer ohonynt wedi’u hadeiladu o waliau solet ac nid ydynt wedi’u cysylltu â’r prif gyflenwad nwy. Cynhelir gweithdai Cynnig Ynni Gorau o fis Hydref gan Pennysmart / Cyngor ar Bopeth Mae Cymunedau yn Gyntaf yn trefnu sesiynau Gweithredu Ynni Cenedlaethol ym Mae Cinmel, Peulwys a Llandudno
- #11 Yn sgil cyflwyno Credyd Cynhwysol a’r symudiad at chwilio am swyddi ar-lein. Yn ogystal, mae banciau a chwmnïau ynni yn symud at filiau ar-lein, ac ati Mae 2 fater i’w hystyried o ran mynediad … a ellir cael mynediad at yr offer angenrheidiol ac a oes gan bobl y sgiliau angenrheidiol Amcangyfrifir bod 35% o oedolion yng Nghonwy a Sir Ddinbych wedi’u heithrio’n ddigidol Pam fod hyn yn bwysig? – Arwahanrwydd cymdeithasol - 75% o bobl dros 75 oed sy’n byw ar eu pennau eu hunain yn teimlo’n ynysig Arian – Gall siopa ar-lein a thalu biliau yn electronig arbed hyd at £560 Gwaith – bydd 90% o swyddi yn gofyn am sgiliau TGCh erbyn 2015, nid yw 38% o bobl ddi-waith ar-lein Arbedion i’r llywodraeth – 1.8 biliwn trwy ddarparu gwasanaethau yn ddigidol Yn eich pecynnau, ceir manylion am gyfleusterau TG ar draws Conwy a Sir Ddinbych Mae prosiectau yn cynnwys: prosiect CVC a ariennir gan Cymunedau 2.0 Sir Ddinbych Ddigidol – Alex Fairclough – 01824 702441 / 0788 591 0953 Cyngor Gwasanaethau Gwirfoddol Conwy (CGGC) Ceri Quirk Sesiynau blasu, hyfforddiant a gweithdai CGGC Adnoddau cynhwysiant digidol – Niace www.learnmyway.com – cyrsiau ar-lein am ddim www.getonline@home.org gall elusennau ac unigolion ar rai budd-daliadau gael cyfrifiadur sydd wedi’i adnewyddu a’i baratoi ar gyfer y rhyngrwyd o £99
- #12 Mae’n bwysig cofio bod cyngor ar fudd-daliadau yn faes arbenigol felly byddwn yn atgyfeirio pobl i Gyngor ar Bopeth, Cyngor ar Fudd-daliadau neu Hawliau Lles os oes unrhyw broblem £35m y flwyddyn yw cyfanswm yr arian nad yw’n cael ei hawlio na’i dalu yn Sir Ddinbych Bwriad Llywodraeth y Deyrnas Unedig yw lleihau’r gwariant net ar faterion lles yn y Deyrnas Unedig o 18 biliwn y flwyddyn (cyfanswm o £39,180,000,000 dros y 5 mlynedd nesaf, 2010 i 2015), Mae pobl ar incwm isel yn methu’n gyson â hawlio’r holl fudd-daliadau a chredydau treth y mae ganddynt hawl i’w cael Mae gwiriwr grantiau gwych ar wefan ‘turn 2 us’ – llawer o grantiau arbenigol Mae’r Gronfa Cymorth Dewisol yn disodli’r hen gronfa gymdeithasol ac yn cael ei rheoli gan Lywodraeth Cymru Cronfa Cymorth Dewisol – taliadau / cymorth o fath arall er mwyn rhoi help ar frys i bobl Taliadau Cymorth mewn Argyfwng / Taliadau Cymorth i Unigolion
- #13 Felly, gobeithio ein bod bellach yn deall beth yn union yw cynhwysiant ariannol. Mewn grwpiau, hoffwn i ni dreulio rhyw 5 munud yn trafod sut y mae’n effeithio ar eich rôl. Unrhyw themâu cyffredin / sy’n dod i’r amlwg Heriau
- #14 Yn ogystal, mae nifer o brosiectau a sefydliadau yn ceisio mynd i’r afael â thlodi – cymaint yn wir fel y gall fod yn ddryslyd fel gweithiwr wybod pwy sy’n gwneud beth Dyma Ffilm yn dangos safbwyntiau gweithiwr rheng flaen a dinesydd a ffilmiwyd yn ystod ein ‘Digwyddiad Mawr’ a Digwyddiad ‘Energy Matters’ Cymunedau yn Gyntaf dros yr haf. Gofyn am sylwadau / barn am y ffilm
- #15 Adborth o’r drafodaeth ymhlith y grwpiau Mae problemau yn ymwneud â chynhwysiant ariannol yn aml yn codi o ganlyniad i newid mewn amgylchiadau megis perthynas yn dod i ben, salwch, marwolaeth partner neu golli swydd – felly mae’n hawdd gweld sut y gall pawb, gan ein cynnwys ni ein hunain, fod mewn perygl. Effeithiau – mwy o dlodi ac eithrio cymdeithasol Mae’r cysylltiad rhwng tlodi a salwch cronig yn hysbys – pwysau geni isel, problemau anadlol, problemau deintyddol, problemau â’r galon. Iechyd meddwl (arolwg panel o Gartrefi Prydeinig gan Brifysgol Essex 2010) Yng Nghymru rydych 50% yn fwy tebygol o wynebu problemau yn ymwneud â iechyd meddwl os ydych yn ddi-waith neu’n dioddef o salwch hirdymor / yn anabl
- #16 Cliciwch i ychwanegu testun
- #17 Angen ailadrodd yma, nad ydym yn disgwyl i chi gymryd rôl gweithiwr arbenigol – mae angen i chi gofio ffiniau eich rôl. Cofiwch, fel y dywedwyd ar y dechrau – mae Cynhwysiant Ariannol yn gyfrifoldeb i bawb. Os rhoddwyd amser i chi ddod i’r sesiwn heddiw, yna mae hyn yn cadarnhau bod eich sefydliad yn gweld bod manteision i chi fynd i’r afael â chynhwysiant ariannol Cynigiwch gymorth – yn dibynnu ar eich rôl, efallai y gallech baratoi taflen gyllidebu syml, defnyddio cyfrifiannell ar-lein i ddangos ‘arbedion’, os yw’r peiriant golchi dillad wedi torri, gallech awgrymu ymweliad â’r ganolfan ailgylchu lleol yn hytrach na mynd i Brighthouse. Yn dilyn trafodaeth, efallai y byddwch yn awgrymu bod angen mewnbwn sefydliad arall felly byddwch yn cyfeirio’r unigolyn ato. Er enghraifft, efallai y byddwch yn cyfeirio rhywun at NYTH os yw’n cael anhawster i wresogi’r tŷ ac os ydych o’r farn y gallai fod yn gymwys ar gyfer cynllun NYTH. Neu os ydych yn gwybod bod rhywun yn defnyddio benthycwyr stepen y drws, gallech eu cyflwyno i’r Undeb Credyd ac esbonio pa wasanaethau a gynigir ganddynt, y manteision posibl a rhoi gwybodaeth am amseroedd / lleoliadau’r pwyntiau casglu. Os oes gan yr unigolyn broblem mwy cymhleth / difrifol, ac os ydynt yn cytuno ar ôl i chi drafod y mater, efallai y byddwch yn penderfynu eu hatgyfeirio. Os bydd rhywun yn dweud wrthych nad ydynt yn gallu talu’r rhent a’u bod yn mynd i ddyled, gallech eu hatgyfeirio i Cyngor ar Bopeth. Ni fydd hyn yn golygu cynnydd mawr yn eich llwyth gwaith, gellir gwneud hyn ochr yn ochr â’ch ‘gwaith bob dydd’ a gall fod o gymorth i chi yn eich rôl
- #18 Mae’n bwysig gwahaniaethu rhwng y 2 Gwahanol ddulliau a gwahanol ganlyniadau. Mae amser a lle i’r ddau Rhesymau dros gyfeirio neu atgyfeirio Mae’r broblem y tu hwnt i faes arbenigol y gweithiwr neu’r grŵp targed (h.y. anghenion penodol unigolyn byddar / digartref / person hŷn) Materion yn ymwneud â gallu Mae ystyriaethau pwysig yn cynnwys Ymddiriedaeth – angen gwneud yr hyn a gytunwyd Yr wybodaeth gyfredol, ddiweddaraf
- #19 Defnyddiwch eich crebwyll ar sail anghenion y dinesydd Bydd ystyriaethau yn cynnwys natur a difrifoldeb y broblem Faint o hunan-gymhelliant sydd gan yr unigolyn? Mae sgiliau holi / agwedd anfeirniadol yn hanfodol, mae angen cydnabod bod stigma yn gysylltiedig â materion ariannol Cydsyniad y dinesydd Gallu’r dinesydd (anghenion sgiliau sylfaenol, anghenion ychwanegol, lefel eu cynhwysiant digidol ac ati) Lefel y cymorth sydd eisoes ar gael h.y Ni fydd y Siop Cyngor Budd-daliadau yn gweithio gyda chleient os ydynt eisoes wedi dechrau apêl gyda Cyngor ar Bopeth ac i’r gwrthwyneb
- #20 Cliciwch i ychwanegu testun
- #21 Cliciwch i ychwanegu nodiadau
- #22 Mae mwy o wybodaeth am sefydliadau y gallwch gyfeirio atynt yn eich pecynnau, ond nid yw’r rhestr yn gynhwysfawr. Rydym am dynnu sylw at rai o’r prif sefydliadau / adnoddau y gallwch gyfeirio atynt
- #23 Mae credydau undeb yn sefydliadau cydweithredol ariannol, sydd yn eiddo i’r aelodau ac yn cael eu rheoli ganddynt. Maent yn cael eu rheoleiddio, yn yr un modd â banciau, gan yr Awdurdod Gwasanaethau Ariannol, felly caiff yr arian ei amddiffyn gan Gynllun Iawndal y Gwasanaethau Ariannol. Mae credydau undeb yn fentrau cymdeithasol, felly maent er budd y gymuned. Caiff undeb Gogledd Cymru ei gydnabod fel un o’r undebau credyd mwyaf blaenllaw yn y Deyrnas Unedig. Maent yn cynnig dewis eang o gynhyrchion ariannol yn cynnwys: Cyfrifon cynilo (cynilion Nadolig, cynilion i oedolion a chynilion i blant). Maent yn talu difidend ar y cynilion. 1.5% yw’r difidend cyffredin. Nid yw Cronfeydd Ymddiridolaethau Plant (CYP) bellach ar gael, ond mae’r Undebau Credyd yn parhau i gynnal y CYP a agorwyd a gellir talu arian iddynt. Nid ydynt yn cael eu cynnig bellach fel cynnyrch newydd. Benthyciadau Fforddiadwy – benthyciadau hyd at £10,000 â chyfraddau cystadleuol. Isafswm benthyciad £50. Cyfrif banc (Cyfrif Cyfredol Undeb Credyd) Cynlluniau rhoi trwy’r Gyflogres lle gall staff drosglwyddo arian o’u cyflog i gyfrif cynilion yr Undeb Credyd. Yswiriant bywyd am ddim ar gynilion a benthyciadau. Nid yw undebau credyd ar gyfer pobl sydd wedi’u heithrio’n ariannol yn unig, maent i bawb! Cymerwch olwg ar eu gwefan: www.northwalescu.co.uk Os nad ydych yn aelod, ymaelodwch rŵan!!
- #24 Mae’n werth sôn am y canlynol .. Byddwch yn ofalus pan fydd y llog misol yn cael ei gyhoeddi … Bydd yn gwneud i’r gyfradd swnio’n llawer is – mae llog misol o 2% yn gyfystyr â 27% APR – mae’n bosibl defnyddio troswyr ar wefannau arbed arian arbenigol Nid yw’r APR sy’n cael ei hysbysebu bob amser yn gymwys i chi – (mae APR cynrychioliadol yn golygu bod 51% o ymgeiswyr llwyddiannus yn cael y gyfradd honno) Mae angen bod yn wyliadwrus am yswiriant / gwarchod taliadau a gaiff ei ychwanegu yn awtomatig Mae adlog yn effeithio ar gynilion a benthyciadau – yn y bôn, rydych yn ennill / talu llog ar y llog … felly mae hyn yn cynyddu dyledion a chynilion.
- #25 Mae ethos a diwylliant gwahanol y sefydliadau hefyd yn ffactor. Awdurdodau Taliadau Parhaus (CPAs). Gwnaeth Cyngor ar Bopeth ddadansoddiad manwl o sefyllfa 665 o gwsmeriaid benthyciadau diwrnod cyflog a gysylltodd â gwasanaeth cwmeriaid yr elusen rhwng mis Ionawr a mis Mehefin 2013, ac roedd gan 32% ohonynt (201 o bobl) gwynion am yr Awdurdodau Taliadau Parhaus. O’r rhain: Roedd yn bosibl bod gan 9 o bob 10 sail i gwyno i Ombwdsmon y Gwasanaeth Ariannol. Roedd 1 o bob 5 eisoes yn cael problemau ariannol neu ar gynllun rheoli dyledion. Yn achos 1 o bob 6, roedd arian wedi ei gymryd heb ganiatâd. Dywedodd 1 o bob 6 fod y benthycwr diwrnod cyflog wedi defnyddio Awdurdod Taliadau Parhaus i gymryd mwy o arian na’r hyn a gytunwyd yn wreiddiol.
- #26 Fel y dywedwyd eisoes, mae gennym y tai hynaf, a mwyaf anodd i’w cynhesu yn Ewrop Nyth yw cynllun tlodi tanwydd Llywodraeth Cymru. Ei nod yw lleihau nifer y cartrefi sy’n dioddef o dlodi tanwydd a gwneud cartrefi Cymru yn gynhesach ac yn fwy ynni-effeithiol. Os ydych yn poeni am gost cynhesu eich cartref, gallwch ffonio 0808 808 2244 am ddim o linell dir neu ffôn symudol. Gall ein ymgynghorwyr cyfeillgar roi cyngor ar: Arbed ynni Rheoli arian Sicrhau eich bod ar y tariff tanwydd gorau i chi; Gwirio a oes gennych hawl i dderbyn unrhyw fudd-daliadau i roi hwb i’ch incwm Efallai y byddwch hefyd yn gymwys i gael gwelliannau i’ch cartref yn rhad ac am ddim, er mwyn gwneud eich cartref yn gynhesach a lleihau eich biliau ynni. Daw Rick Ward y rheolwr ardal i siarad â chi / eich sefydliad a rhoi mwy o wybodaeth am y gwasanaethau sydd ar gael ac mae mwy o wybodaeth yn y pecynnau
- #27 Gallwn roi rhestr hir o wefannau i chi sydd yn cynnig gwahanol wasanaethau … ond yn aml y lle gorau i gyfeirio ato yw ‘Money Advice Service’ gwasanaeth annibynnol a sefydlwyd gan y llywodraeth. Mae’n cynnwys llawer iawn o adnoddau yn cynnwys cyfrifianellau (cynilion, cyfrifianellau costau babi, gwirio cyllidebau, cyfrifianellau ysgaru / gwahanu) marwolaeth partner, tabl cymharu, templadau llythyrau, clipiau fideo ar nifer o bynciau h.y. gofalu am faterion ariannol ar ôl i’ch partner farw), cynllunwyr cyllidebau Nid yw’n cael ei rheoleiddio felly nid yw’n rhoi cyngor ariannol penodol
- #28 Cliciwch i ychwanegu testun
- #29 Mae hyfforddiant ar gael i sefydliadau ar sut i ddefnyddio cyfrifiannell budd-daliadau’r wefan ac ati
- #30 Mae’n bwysig gwahaniaethu rhwng benthyciadau diwrnod cyflog cyfreithiol a trwyddedig â benthycwyr arian anghyfreithlon / benthycwyr arian didrwydded. Mae unrhyw un sy’n benthyca arian heb drwydded yn torri’r gyfraith Yn targedu’r bobl mwyaf agored i niwed yn y gymdeithas Gallwch ofyn i’r tîm ddod i roi sgwrs i’ch sefydliad. Byddant yn gweithredu ar sail unrhyw wybodaeth, ni waeth pa mor amhendant ydyw, ac er bod yr Uned wedi’i lleoli yng Nghaerdydd maent yn treulio llawer o amser yn y Gogledd. Gan fod y benthyciad yn anghyfreithlon, nid oes yn rhaid i’r dioddefwr dalu’r arian yn ôl. Cynigir pecyn amddiffyn llawn i’r dioddefwr.
- #31 Eich eiddo chi yw’r pecynnau hyn, felly gellir diweddaru’r dogfennau. Os ydych yn dymuno, gallwch ysgrifennu ar y tabiau rhannu i’w gwneud yn haws i chi bori drwy’r pecyn
- #32 Adborth mewn parau
- #33 Cliciwch i ychwanegu testun
- #34 Ar ôl heddiw, sut ydych yn bwriadu mynd ati i ymgorffori Cynhwysiant Ariannol yn eich gwaith. Ar nodiadau gludiog Heriau wrth fynd i’r afael â Chynhwysiant Ariannol yn eich gwaith Cyfryngau ar gyfer mynd i’r afael â Chynhwysiant Ariannol yn eich gwaith Eich annog i ystyried sut y byddwch yn ymgorffori’r hyn a ddysgwyd / adnoddau yn eich gwaith a’r rhwystrau / manteision
- #35 Mae derbyn adborth yn bwysig iawn i’r prosiect, felly byddem yn gwerthfawrogi’n fawr petaech yn treulio munud neu ddau i lenwi’r ffurflen. Prosiect peilot yw hwn ar hyn o bryd, felly bydd eich sylwadau yn cael eu defnyddio i ddatblygu’r sesiwn. Ffurflenni Gwerthuso Gwerthusiad 12 wythnos / Logs Hyfforddiant Cynhwysiant Ariannol Astudiaethau achos – Cyfle i ddangos eich gwaith, dangos enghreifftiau o arfer gorau y gellid eu defnyddio i ddylanwadu ar bolisi cymdeithasol Byddwn yn anfon diweddariadau electronig atoch, oni bai eich bod yn dweud wrthym nad ydych eisiau eu derbyn Gofyn am astudiaethau achos Byddwn yn ymweld â chi eto mewn 12 wythnos