2. • Nagmumula sa Europa ang pinaka mayayamang bansa sa
daigdig. Malaki ang ginagampanan nila upang mapanatili ang
katayuan ng Europa bilang isa sa pinaka maunlad na
kontinente sa daigdig.
3. • Ang terminong Bourgeoisie ay iniuugnay sa
mga mamamayan ng mga bayan sa Medieval
France na binubuo ng mga artisan at mga
mangangalakal. Ang mga artisan ay mga
mangangawang may kasanayan sa paggawa
ng mga kagamitang maaaring may particular
na gamit o pandekorsyon lamang.
4. • Malaki ang pagkakaiba ng buhay ng mga
Bourgeoisie sa pamumuhay ng mga
aristocrats, mga magsasaka, o ng mga pari.
• Ang daigdig nila ay hindi manor o simbahan
kundi ang pamilihan. Hindi nakatali ang mga
kasapi ng uring ito sa mga panginoong may
lupa.
• Ang kanilang yaman ay hindi nanggaling sa
lupa, kundi sa industriya at kalakalan.
5. • Ang mga artisan, halimbawa, ay naninirahan sa mga nabuong
pamayanan. Hindi sila nakadepende sa sistemang feudal at
binayaran sila sa kanilang paggawa.
• Hindi lamang ang paglakas ng Bourgeoisie ang nagaganap sa
panahon ng paglakas ng Europa kundi bahagi na rin sa kasaysayan
ng Europa ang pag-iral ng sistemang nagbibigay-daan sa
paghahangad ng mahahalagang metal mayroon ang ibang panig ng
daigdig maliban sa Europa.
6. • Paano ba ito nagsimula? Ano ang
Merkantilismo? Paano ito nakaaapekto sa
ekonomiya at lipunan ng Europa?
7. • Hango ang ideyang ito sa karanasan ng
Espanya na yumaman at naging
makapangyarihan dahil sa mahahalagang
metal na nanggaling sa mga kolonya nito
sa South at Central America. Kaya
kinakailangan ng Europa ng mga kolonya
na magkakaloob ng mga nasabing metal.
Ang ginto at pilak.
Merkanitilismo sa Europa
8. • Ang isang bansang walang kakayahang makakuha ng ginto at pilak
nang madalian, ay dapat na mas paunlarin pa ang kalakalan nito sa iba
pang bansa. Kung titiyakin lamang ng pamahalaan na mas marami ang
iniluluwas kaysa inaangkat mas maraming ginto at pilak ang papasok
sa bansa. Sa gayong paraan, mapanatili nito ang kalamangan sa
balanse ng kalakalan.
9. • Isang elemento ng merkantilismo na nakatulong sa pagkabuo at
paglakas ng mga nation-state ay ang tinatawag na nasyonalismong-
ekonomiko. Ibig sabihin, kayang tustusan ng isang bansa ang sarili
nitong pangangailangan sa pamamagitan ng pagtataas sa dami ng
mga iniluluwas na produkto, at hindi aasa sa mga produktong
dayuhan.
• Ang paglakas ng Bourgeoisie at paggamit ng sistemang merkantilismo
ay naging daan upang muling manumbalik ang kapangyarihan ng hari
10. • Malaki ang naitulong ng pagtatag ng national
monarchy sa paglakas ng Europa. Matatandaan
na sa panahong ng feudalismo, walang
sentralisadong pamahalaan, mahina ang
kapangyarihan ng hari. Ang mga naghahari ay
ang mga noble na sila rin ang mga panginoong
may lupa. Ang hari ay itinuturing lamang na
pangunahing panginoong may lupa.
•
Pagtatatag ng National Monarchy
11. • Nabago ang katayuan ng monarkiya sa
tulong ng mga Bourgeoisie. Ang hari na dating
mahina ang kapangyarihan ay unti-unting
namayagpag sa pamamagitan ng
pagpapalawak ng teritoryo at pagbubuo ng
matatag na sentralisadng pamahalaan.
12. • Hihirang ang hari ng mga mamamayang nagpapatupad ng batas at
nagsasagawa ng paglilitis at pagpaparusa sa korte ng palasyo.
Bilang resulta, ang katapatan ng mamamayan ay lumipat mula sa
panginoon may lupa tungo sa pamahalaan na may kakayahan na
protektahan sila. Handa silang magbayad ng buwis para sa
proteksyong ito.
•
13. • Sa pamamagitan ng buwis nagkaroon ng pondo ang
hari upang magbayad ng mga sundalo o kabalyero.
Dahil dito nakalaya ang hari mula sa proteksyon na
dating ibinibigay ng mga sundalo o kabalyero ng
panginoong may lupa.
• Dahil sa katapatan ng mga sundalo, maaari silang
gamitin ng hari laban sa mga kabalyero ng panginoong
may lupa kung kinakailangan. Bukod dito, maaari ring
humirang ang hari ng mga edukadong mamamayan
bilang kolektor ng buwis, hukom, sekretarya at
administrador.
14. • Sa pagbabago ng konsepto sa monarkiya naitatag ang mga
batayan ng mga nation-state sa Europa. Ang nation-state
ay tumutukoy sa isang estado na pinananahan ng mga
mamamayan na may magkatulad na wika, kultura, relihiyon
at kasaysayan.
Pag-usbong ng Nation-State
15. • Dahil sa kanilang pagkakahalintulad na kultural, ang mga mamamayan ay
isang nagkakaisang lahi. Bukod sa pagiging nasyon, isa rin silang estado
sapagkat naninirahan sila sa isang tiyak na teritoryo at may pamahalaan
silang may soberanida o kasarinlan. Isa silang nagkakaisang lahi na may
katapatan sa kanilang bansa.
• Mahalagang katangian ng nation-state sa panahong ito ang pagkakaroon ng
sentralisadong pamahalaan sa ilalim ng isang pambansang monarkiya na may
kakayahan at kapangyarihan na magpatupad ng batas sa buong nasasakupan.
16. • May mga bagong institusyon na umusbong
bunga ng pagiging nation-state. Isa rito ang
pagkabuo ng isang hukbo ng mga propesyunal
na mga sundalo na tapat sa hari. Tungkulin ng
hukbo na palawigin ang teritoryo at
kapangyarihan ng monarkiya kahit
mangangahulugan ito ng digmaan.
17. • Nagsimula ang institusyon ng burukrasiya (Bureaucracy)
sa mga opisyal o kawani na may kasanayan upang
patakbuhin ang pamahalaan ayon sa kautusan ng
monarkiya.
•
18. • Habang nababawasan ang katapatan ng ordinaryong mamamayan sa
mga panginoong may lupa, nakikita nila ang simbahan bilang
bagong sentro ng debosyon. Sa loob mismo ng simbahan ay
tinuligsa ang pang-aabuso ng mga hari na naging dahilan upang
lalong naging malakas ang kapangyarihan ng Sto. Papa.
Paglakas ng Simbahan at Papel nito sa
Paglakas ng Europa
19. • Sa pagsapit ng taong 1073 CE naging mas makapangyarihan ang
simbahan nang itakda ni Pope Gregory VII na ang lipunan ay
bahagi ng kaayusang banal na napapasailalim sa batas ng Diyos.
Bilang pinakamataas na lider-espirituwal at taga-pagmana ng
simbahang Katoliko mula kay San Pedro, ang Papa ang may
pinakamataas na kapangyarihan sa pananampalataya at doktrina.
20. • Kaugnay nito, ang lahat ng Obispo (Bishop) ay
dapat magpapasailalim sa kanya. Gayundin ang mga
hari na ang kapangyarihan ay dapat lamang gamitin
sa layuning Kristyano. May karapatan ang Papa na
tanggalin sa hari ang karapatang mamuno kung
hindi ito tutupad o susunod sa kanyang obligasyong
Kristyano.
•
21. • Panuto: Mula sa naging pagtalakay, sagutin ang tanong sa loob
ng kahon.
Pagtataya
Dahilan Pangyayari Epekto
Pag-usbong ng Bourgeoisie
Pagsisimula ng Merkantilismo
Pagtatatag ng National
Monarchy
Pag-usbong ng Nation-State
Paglakas ng Simbahan
22. Sagutin at ipaliwanag.
• 1. Paano mnakakatulong ang merkantilismo sa pagpapalago ng
ekonomiya ng Europa?
• 2. Paano napalakas ng simbahan ang kanyang kapangyarihan?