1. 1
Banghay-Aralin sa
ARALING PANLIPUNAN
Baitang 1
Petsa: Setyembre 1, 2022
Oras: 2:40pm-3:20pm
I. Layunin:
a. Nasasabi ang batayang impormasyon tungkol sa sarili tulad ng pangalan,
magulang, kaarawan, edad, tirahan, paaralan, iba pang pagkakakilanlan at mga
katangian bilang Pilipino
b. Napapahalagahan ang pagsasabi at pagkakaalam ng batayang impormasyon
tungkol sa sarili tulad ng pangalan, magulang, kaarawan, edad, tirahan,
paaralan, iba pang pagkakakilanlan at mga katangian bilang Pilipino
c. Naisasakatuparan ang pagbibigay ng impormasyon tungkol sa sarili
II. Paksang-Aralin
Mga Batayang Impormasyon Tungkol Sa Sarili
Sanggunian: Gabay sa Pagtuturo, pahina 2-3, Kagamitan ng Mag-aaral, pahina 2-4
Kagamitan: Visual Aids, kompyuter
III. Pamamaraan:
A. Panimulang Gawain
a. Balik-Aral
Bakit kailangan mong malaman ang mga pangunahing impormasyon tungkol
sa iyong sarili tulad ng iyong pangalan?
b. Pagganyak
Saan mo madalas nakikita ang keyk? Ano ang kadalasang okasyon ang
ginaganap kapag may keyk?
Ipakita ang larawan ng keyk na may kandila.
2. 2
B. Paglalahad
Panonood ng video tungkol sa pag-awit ng Maligayang Bati.
C. Pagtalakay
Awitin ang napakinggang awitin.
Tungkol saan ang napakinggang awitin?
Ang mga bagay na dumarating sa atin ay ipinagkaloob ng Diyos sa atin. Ang mga
sumunod na kabanata ng ating buhay ay mahalaga kaya’t dapat nating
pangalagaan ang araw ng ating kapanganakan upang makamit ang ating mga
pangarap sa buhay. Nasasabik ka na ba sa iyong kaarawan? Siyempre, oo ang
maging sagot mo. Ibig sabihin ipinagkaloob sa iyo ang isa pang panibagong
buhay. Kaya pumalakpak, sumayaw at magpasalamat sa biyayang ito ng Diyos.
Ang saya talagang mabuhay!
Maraming pagpapalang binigay ang Diyos sa bawat isa sa atin. Isa na rito ang
edad. Magagamit mo ito sa pagpapakilala sa mga bagong kaibigan, kamag-aral at
kalaro.
Sa tuwing ikaw ay nagdaraos ng iyong kaarawan, nadadagdagan taon-taon ang
iyong edad.
D. Paglalahat
Bakit kailangan mong malaman ang mga pangunahing impormasyon tungkol sa
iyong sarili tulad ng iyong kaarawan o kapanganakan at edad?
Upang maipagdiwang ang iyong kaarawan at ang panibagong yugto ng iyong
buhay na ipinagkaloob ng Diyos at upang malaman ang iyong edad na magagamit
mo sa pagkilala sa iyong sarili at pagpapakilala sa ng iyong sarili.
E. Paglalapat
Panuto: Gumuhit ng isang puso. Sa loob ng puso isulat ang iyong kaarawan at
edad sa kasalukuyan. Isaulo ito at huwag kalimutan.
IV. Pagtataya
Panuto: Iguhit sa patlang ang masayang mukha(☺)kung ito ay nagpapahayag ng
pagpapahalaga sa kaarawan at malungkot na mukha ( ) naman kung hindi.
1. Masaya kong ipinagdiriwang ang aking kaarawan.
2. Mahalaga sa akin ang aking kaarawan at edad.
3. Gusto kong palitan ang aking kaarawan.
4. Kalimutan ang araw ng kapanganakan.
5. Nagpapasalamat ako sa buhay na ibinigay ng Diyos sa akin.
3. 3
V. Takdang Aralin
Gawain: Iguhit ang iyong tirahan at paaralan sa iyong kuwaderno at isulat kung
saan ka nakatira at ang pangalan ng iyong paaralan sa tulong ng iyong
nakatatandang kasama sa bahay at kabisaduhin ito.
Inihanda ni:
CHRISTELLE JOY B. ASCUNA
Guro
Pinatnubayan ni:
DONNA MAE A. PANDO
Master Teacher I
Binigyang pansin ni:
MIRIAM A. ZAMORA
Principal IV