1. Сабақтың тақырыбы: Зат есім
Сабақтың мақсаты:
Білімділік: зат есім тақырыбымен таныстыру, зат есім туралы
түсінігін кеңейту.
Дамытушылық: зат есім болатын сөздерді мағынасы,
грамматикалық белгісіне қарай талдату; сөздерді белгісіне қарай
топтау арқылы оқушыларды ойлау жұмысына бейімдеу.
Тәрбиелік: оқушыларды қаза тілінде мәдени сөйлеуге, қазақ тілін
құрметтеуге тәрбиелеу.
Сабақта қолданылатын әдістер: ассоциация әдісі, сұрақ-жауап, талдау-жинақтау, Венн
диаграммасы, әңгімелеу, АКТ-ның элементтері
Сабақтың барысы:
I. Ұйымдастыру кезеңі.
II. Үй тапсырмасын сұрау.
1) Оқушылардың түбір мен қосымша туралы меңгерген білімдерін пысықтау
ІІІ. Жаңа сабақты түсіндіру
1) ҚЫЗЫҒУШЫЛЫҚТЫ ОЯТУ
Тақырыпты ашуға арналған сөзжұмбақты шешу
Сөз таптарының бірі – зат есімге арналған бірінші сабағында оқушыларға зат есім туралы
бұрынғы оқығанын еске түсіре отырып, енді сол сөздердің сөйлемге қатысты басқа да
формалары бар екенін айту. Біріншіден, оқушылар бұл тақырып бұрынғы оқығандарының
жалғасы екенін біледі, екіншіден, келесіде өтетін тақырыптың мәні мен мақсатымен
танысып, сабаққа ынталанады.
2) МАҒЫНАНЫ ТАНУ
Оқушыларға зат есім туралы ассоциация құрату
ЗАТ ЕСІМ
2-жаттығуда берілген мәтіннің мазмұны талданғаннан кейін, оқушылар мәтінді зат
есімдерсіз оқып көреді. Содан кейін сөйлем ішінде ең көп кездесетін сөз табы –зат есім
екендігі, ол сөздерсіз сөйлемнің мағынасыз болатыны туралы қорытынды жасайды.
2. 3-жаттығу бойынша сөздер тобын толықтыру арқылы зат есімнің нақты заттардың атауы
екенін ұғынады. Сонымен бірге, белгілі бір ұғым, құбылыстардың атауы болатынына да
назар аудару керек.
4-жаттығу. Кім? не? сұрақтарын дұрыс қоя білуге үйретеді.
5-жаттығу арқылы зат есімнің қандай сөйлем мүшесі болып тұрғанын анықтайды.
Бастауыштан кейін қай кезде сызықша келетінін естеріне түсіреді.
3) ОЙ ТОЛҒАНЫС
«Қазақ тіліндегі зат есемдердің маңызы» деген тақырыпта өз ойларын жазу.
4) Дидактикалық материалдармен жұмыс. 30-бет, Зат есім. №2
4-тапсырма. Көп нүктенің орнына тиісті зат есімдерді қойып, сөйлемдерді көшіріп жаз.
Қосымшаны қалай таңдағаныңды түсіндір.
IV. Үйге тапсырма беру
Зат есімдерді қатыстырып 5 сөйлем құрастырып жазу.