3. ZnCl2 + Cu(OH)2
x u
მარილები.
მარილები ეწოდებათ რთულ ნივთიერებებს, რომელთა შემადგენლობაში შედის
მეტალის ატომები და მჟავას ნაშთის ჯგუფები.
მარილების მიღების ხერხები
მარილების მიღების რამოდენიმე ხერხი ჩვენ უკვე განვიხილეთ, როცა
ვსწავლობდით ოქსიდების, მეტალთა ჰიდროქსიდების და მჟავების თვისებებს.
განვიხილოთ მარილების მიღების 10 ძირითადი ხერხი. მათ ისეთი
თანმიმდევრობით შევისწავლით, რომ დამახსოვრება შედარებით ადვილი იყოს.
ამისათვის ჯერ გავიხსენოთ მჟავათა თვისებები. მჟავები რეაგირებენ მეტალებთან,
ფუძე და ამფოტერულ ოქსიდებთან, მეტალთა ჰიდროქსიდებთან და მარილებთან. ამ
რეაქციების შედეგად ყოველთვის მიიღება მარილები. ასე რომ მარილთა მიღების
პირველი 4 ხერხი მჟავების თვისებებზეა დაფუძნებული:
1. მეტალი + მჟავა მარილი + H2
Mg + 2HBr MgBr2 + H2
Fe + H2SO4 FeSO4 + H2
უნდა გვახსოვდეს, რომ მეტალები, რომლებიც ‘მეტალთა აქტივობის მწკრივში”
წყალბადის მარჯვნივ არიან მოთავსებულნი ამ ტიპის რეაქციებში არ შედიან. აქვე
გავიხსენოთ, რომ აზოტმჟავას და კონცენტრირებული გოგირდმჟავას
მონაწილეობით მიმდინარე რეაქციებს ჯერ არ განვიხილავთ.
2. ფუძე (ამფოტერული) ოქსიდი + მჟავა მარილი + H2O
CuO + 2HNO3 Cu (NO3)2 + H2O
HgO + H2SO4 HgSO4 + H2O
3. მეტალთა ჰიდროქსიდი + მჟავა მარილი + H2O
3NaOH + H3BO3 Na3BO3 + 3 H2O
Ca(OH)2 + 2HClO4 Ca(ClO4)2 + 2H2O
2Al(OH)3 + 3H2SO4 Al2(SO4)3 + 6 H2O
4. მარილი + მჟავა ახალი მჟავა + ახალი მარილი
როგორც ავღნიშნეთ მჟავების თვისებების შესწავლისას, ეს რეაქცია მიდის
მხოლოდ იმ შემთხვევაში, როცა რეაქციის შედეგად გამოიყოფა აირადი ნივთიერება,
ან მჟავასა და წყალში უხსნადი ნალექი.
Na2SO3 + 2HCl 2NaCl + H2SO3
4.
H2O + SO2
FeS + 2HBr FeBr2 + H2S
CuSO4+ H2S CuS + H2SO4
(მჟავასა და წყალში
უხსნადი სპილენძის სულფიდი)
მომდევნო ხერხები დავალაგოთ მორეაგირე ნივთიერებათა თანდათანობით
გართულების მიხედვით:
5. მეტალი + არამეტალი მარილი
ამ ხერხით შესაძლებელია უჟანგბადო მჟავას მარილების მიღება:
2Na + Cl2 2NaCl
Zn + S ZnS
6. მეტალი + მარილი ახალი მარილი + ახალი მეტალი
შესაძლებელია ჩავატაროთ რეაქცია:
Fe + CuSO4 FeSO4 + Cu
მაგრამ არ მიდის რეაქცია:
Fe + ZnSO4
მარილთა მიღების ამ ხერხის განხილვისას უნდა გვახსოვდეს, რომ მორეაგირე
მარილი აუცილებლად უნდა იყოს წყალში ხსნადი. ამასთანავე მორეაგირე მეტალი
უფრო აქტიური უნდა იყოს, ვიდრე მარილის შემადგენლობაში მყოფი მეტალი.
მეტალთა აქტიურობის შედარება შეიძლება “მეტალთა აქტივობის მწკრივის”
საშუალებით. კიდევ ერთხელ მოვიტანოთ ეს მწკრივი:
Li K Ba Ca Na Mg Al Zn Mn Fe Co Ni Sn (H2) Cu Hg Ag Au
ამ რიგში მეტალთა აქტივობა იკლებს მარცხნიდან მარჯვნივ. ასე რომ რკინა აძევებს
მარილების შემადგენლობიდან ყველა მეტალს, რომელიც რკინის მარჯვნივაა
მოთავსებული და ვერ აძევებს იმ მეტალებს, რომლებიც რკინის მარცხნივაა
მოთავსებული.
Zn Mn (Fe) Co Ni
და ა.შ.
ახლა უკვე გასაგებია რატომ არ შეიძლება Fe + ZnSO4 ტოლობის დაწერა.
ეს წესი ვრცელდება ყველა მეტალზე. აქვე დავიმახსოვროთ ის, რომ
მეტალებისთვის (Li, K, Ca, Na) უნდა დავიცვათ გარკვეული კანონზომიერებები,
რომლებსაც შემდგომში გავეცნობით.
5. 7. ფუძე ოქსიდი + მჟავური ოქსიდი მარილი
ეს რეაქციები ჩვენ უკვე განვიხილეთ ოქსიდების თვისებების შესწავლისას.
ამ გზით მხოლოდ ჟანგბადიანი მჟავების მარილების მიღებაა შესაძლებელი.
CaO + CO2 CaCO3
3Na2O + P2O5 2Na3PO4
როგორც უკვე ვიცით ამ დროს მიიღება ფუძე ოქსიდის შესაბამისი მეტალისა და
მჟავური ოქსიდის შესაბამისი მჟავას მარილი.
I III
Na3 (PO 4)1 ანუ Na3PO4
8. მეტალის ჰიდროქსიდი + მჟავური ოქსიდი მარილი + H2O
ამ ტიპის რეაქციები ჩვენ განვიხილეთ ჯერ მჟავური ოქსიდების, შემდეგ კი
მეტალთა ჰიდროქსიდების შესწავლისიას.
ამ გზითაც მხოლოდ ჟანგბადიანი მჟავათა მარილების მიღებაა შესაძლებელი.
2KOH + CO2 K2CO3 + H2O
2Al(OH)3 + 3SO3 Al2(SO4)3 + 3H2O
9. ტუტე + მარილი ახალი მარილი + ახალი ჰიდროქსიდი
ამ ტიპის რეაქციები ჩვენთვის უკვე ცნობილია. მათ ჩვენ ჰიდროქსიდების მიღების
და თვისებების შესწავლისას გავეცანით.
2KOH + CrSO4 K2SO4 + Cr(OH)2
ხ ხ ხ უ
2Na3PO4 + 3Ca(OH)2 6NaOH + Ca3(PO4)2
ხ მხ ხ უ
10. მარილი + მარილი ორი ახალი მარილი
CuSO4 + Ba(NO3)2 Cu(NO3)2 + BaSO4
ხ ხ ხ უ
KCl + AgNO3 KNO3 + AgCl
ხ ხ ხ უ
6. 9 და 10 მეთოდის გამოყენებისას უნდა ვიხელმძღვანელოთ ჩვენთვის უკვე
ცნობილი წესებით: რეაქციები მიდის მაშინ, როდესაც ერთმანეთთან ორი ხსნადი
ნივთიერება რეაგირებს და რეაქციის შედეგად ერთი უხსნადი ნივთიერება მიიღება.
თუ ხსნადობის ცხრილი არ გვაქვს დავიმახსოვროთ: ნატრიუმისა და კალიუმის
ყველა მარილი ხსნადია. ხსნადია აზოტმჟავას ყველა მარილი (ნიტრატები).
ქლორიდებიდან უხსნადია მხოლოდ AgCl .
სულფატებიდან მცირედ ხსნადია Ag2SO4, CaSO4 და PbSO4. უხსნადია BaSO4.
სხვა მჟავების (H2SO3, H2S, H2CO3, H3PO4 და ა.შ.) ყველა მარილი, გარდა Na-ის და
K-ის, წყალში უხსნადია.
საშინაო დავალება:
1. მარილთა მიღების თითოეული ხერხისთვის დავწეროთ 3-3- მაგალითი.
2. მივიღოთ ZnSO4, თუ საწყის ნივთიერებად თუთია და თუთიის ოქსიდია
გამოყენებული.
3. მივიღოთ FeCl2, თუ საწყის ნივთიერებად Fe და Fe(OH)2 არის
გამოყენებული.