1. მოხსენება მასწავლებელთა სასწავლო-მეთოდურ კონფერენციაზე
„საინფორმაციო ტექნოლოგიები - სწავლება-სწავლის ხარისხის ამაღლებისათვის“
მოხსენების სათაური:
პროექტი: ჟურნალისტობანა
(შესავალი)
პროექტებით სწავლება შესაძლებლობას იძლევა, სასწავლო აქტივობები
დაუკავშირდეს ცხოვრებისეულ კონტექსტს, მოსწავლეებს განუვითაროს მაღალი
დონის სააზროვნო უნარები და გაზარდოს სასწავლო პროცესში მოსწავლეთა
ჩართულობა. პროექტებით სწავლება მოსწავლეს ჩამოუყალიბებს 21-ე საუკუნის უნარჩვევებს, როგორიცაა: კრიტიკული აზროვნება და პრობლემების გადაჭრა: საღი
მსჯელობა და აღქმა; რთული არჩევანის გაკეთება და გადაწყვეტილებების მიღება;
კომუნიკაცია და თანამშრომლობა: იდეებისა და აზრის ნათლად და ეფექტურად
გამოხატვა წერილობითი თუ სიტყვიერი ფორმით; სხვადასხვა ჯგუფთან ეფექტური
მუშაობის უნარის დემონსტრირება; საერთო მიზნების მისაღწევად საჭირო
კომპრომისისთვის მზადყოფნისა და მოქნილობის დემონსტრირება;
პასუხისმგებლობების გაზიარება მუშაობის პროცესში;
მოქნილობა და ადაპტაცია; ინიციატივა და დამოუკიდებელი მუშაობა; სოციალური და
კულტურული უნარ-ჩვევები; ლიდერობა და პასუხიმგებლობა და სხვა.
21-ე საუკუნის მასწავლებელი მზად უნდა იყოს იმისათვის, რომ თანამედროვე,
განსხვავებული შესაძლებლობებისა და ღირებულებების მოსწავლეების
საგანმანათლებლო საჭიროებები და მოლოდინები დააკმაყოფილოს. თანამედროვე
ტენდენციების გათვალისწინება, უპირველეს ყოვლისა, სწავლებაში ინფორმაციულსაკომუნიკაციო ტექნოლოგიების ინტეგრირებას გულისხმობს. დღეს მოსწავლეს
სწრაფად შეუძლია მოიძიოს ინფორმაცია ნებისმიერი მოვლენის შესახებ.
შესაბამისად,თანამედროვე მოსწავლისათვის, შესაძლოა,მოსაწყენი იყოს მხოლოდ
ტრადიციული მეთოდებით სწავლა. ამიტომ ხშირად მივმართავ პროექტებით
სწავლებას. გთავაზობთ ერთ-ერთს, რომელსაც დავარქვი ,,ჟურნალისტობანა”.
მეთოდები და პროცესის მოკლე აღწერა:
ჩვენი პროექტის მთავარი იდეა იყო
ინტერნეტგაზეთის შექმნა, რომელშიც
მოსწავლეები სხვადასხვა რუბრიკის მიხედვით გამოაქვეყნებდნენ მასალებს.
2. პროექტის მიზნები: მოსწავლეების მიერ ინტერნეტგაზეთის შექმნა, მოსწავლეები
შეისწავლიან, როგორ მოიძიონ საჭირო მასალები, კვლევის რა მეთოდები გამოიყენონ,
გამოიკვლევენ, მოაგროვებენ მასალებს საზოგადოებრივი ცხოვრების სხვადასხვა
სფეროდან. დახვეწენ ე ს გ-ით გათვალისწინებულ წერისა თუ ზეპირმეტყველების
მიმართულებებს, ისტ რესურსების შექმნის მიმართულებებს, მოსწავლეებს
განუვითარდებათ მაღალი დონის სააზროვნო უნარები და გაიზრდება სასწავლო
პროცესში მათი აქტიური ჩართულობა. ასაკის შესაბამისად ეზიარებიან ჟურნალისტის
საპასუხისმგებლო პროფესიას.
პროექტი მეტად აქტუალური აღმოჩნდა, რადგან მოსწავლეებისთვის ამ პროექტში
ჩართვა საინტერესო და სახალისო იყო, დიდი ინტერესი გაუჩნდათ ჟურნალისტის
პროფესიისადმი, იძიებდნენ, იკვლევდნენ მათთვის მნიშვნელოვან მასალებს,
აანალიზებდნენ, საჭიროების შემთხვევაში მართავდნენ დისკუსიებს, იღებდნენ
ინტერვიუს კომპეტენტური პირებისგან მათთვის საინტერესო საკითხებზე, ახდენდნენ
მასალების კატეგორიზაციას. წერილებს, ჩემი დახმარებით, უკეთებდნენ რედაქტირებას
და აქვეყნებდნენ ინტერნეტგაზეთში, რომელიც დღესაც ფუნქციონირებს. პროექტში
მონაწილეობა მიიღეს და დღესაც მუშაობენ ჩვენი საჯარო სკოლის სხვადასხვა
ასაკობრივი ჯგუფის მოსწავლეები.
აქტიურმა და ამ საქმით დაინტერესებულმა მოსწავლეებმა თვითონ შეიმუშავეს
პროექტის ამოცანები და განხორციელების გზები, დრო და საჭირო რესურსები.
მოსწავლეებმა შექმნეს გაზეთის რუბრიკები: მთავარი, განათლება, კულტურა, სპორტი,
გართობა, საკუთარი შემოქმედება, სხვადასხვა.
დაიყვნენ ჯგუფებად. გაინაწილეს დავალებები, რომელ ჯგუფს რა მასალა უნდა
მოეძიებინა რუბრიკების მიხედვით, რომელი ჯგუფი ქალაქის რომელ კომპენტენტურ
პირთან უნდა წასულიყო ინტერვიუს ასაღებად მათთვის საინტერესო და მნიშვნელოვან
საკითხებზე. მოსწავლეები ,,შეიარაღებული” მიდიოდნენ ვიდეოკამერით, ციფრული
ფოტოაპარატით ინტერვიუს ასაღებად. ინტერნეტის საშუალებით იკვლევდნენ მათთვის
საინტერესო მასალებს. მოჰქონდათ, ჩემი დახმარებით უკეთებდნენ რედაქტირებას და
ათავსებენ თავიანთ შექმნილ ინტერნეტგაზეთში. რომლის სათაურია: ,,ჩვენი გაზეთი ახალციხელი მოსწავლეებისაგან”. ინტერნეტსივრცეში მისი მისამართებია:
http://jurnalistobana.blogspot.com - ონლაინ გაზეთი სკოლის მოსწავლეებისთვის
www.facebook.com/jurnalistobana- ონლაინ გაზეთის ფეისბუქის გვერდი
http://www.youtube.com/watch?v=t-kWOUOE3Zk - ჟურნალისტობანა
3. გაზეთის მთავარ გვერდზე რეკლამებს უკეთებენ პოპულარულ სტატიებს. აქტიურად
იყენებენ ელექტრონულ ფოსტებს ერთმანეთთან და ჩემთან კომუნიკაციისა და
კოლაბორაციისათვის.
შედეგი:
შედეგი ამ პროექტისა იყო ის, რომ მოსწავლეებმა ინტერნეტგაზეთი შექმნეს, ასაკის
შესაბამისად ეზიარნენ ჟურნალისტის საპასუხისმგებლო პროფესიას. შეძლეს ციფრული
მასალის შექმნა, ინფორმაციის მოძიება და კვლევა ისტ-ის გამოყენებით. პროექტის
განხორციელებით დამყარდა საგნებთან/ საგნობრივ ჯგუფებთან/ეროვნულ სასწავლო
გეგმასთან კავშირი. (ე ს გ-ის სტანდარტი: ქართული- მიმართულება წერა: ქართ. XI. 13.
მოსწავლეს შეუძლია ადეკვატურად გამოიყენოს სათანადო ენობრივ-გრამატიკული
საშუალებები სხვადასხვა სახის ტექსტების შესაქმნელად. ქართ. XI. 14. მოსწავლეს
შეუძლია წერის სტრატეგიების გამოყენება ნაწერის ორგანიზებისათვის.
მიმართულება: ისტ რესურსების შექმნა
ის ტექნ. VI.1. მოსწავლეს შეუძლია სხვადასხვა სახის ციფრული საშუალების შერჩევა და
გამოყენება ციფრული მასალის შექმნისას.
ინდიკატორი: აღწერს და აყალიბებს ციფრული მასალის სტრუქტურას;
ის ტექნ. VI.2. მოსწავლეს შეუძლია ისტ-ის ეფექტიანად გამოყენება ინფორმაციის
მიღების, შენახვის და ორგანიზების დროს.
ინფორმაციის და ციფრული მასალის ძიებისას ეფექტიანად იყენებს გავრცელებული
საძიებო სისტემების შესაძლებლობებს;)
მოსწავლეებმა გაიუმჯობესეს ცოდნა და განუვითარდათ მნიშვნელოვანი უნარები:
გამოიკვლიეს ხელოვნებისა და საზოგადოების განვითარების კულტურული
საფუძვლები; ისწავლეს აზრის დალაგებულად გადმოცემა; გამართულად წერა;
შთაბეჭდილების გამოხატვა და გაზიარება; პრეზენტაციების გაკეთებისას
ჩამოუყალიბდათ ორატორობის უნარ-ჩვევები; ჩამოუყალიბდათ ინტერვიუს აღების
უნარები; გადაიღეს და დაამონტაჟეს ვიდეო-მასალა, გააკეთეს სურათების კოლაჟი,
დახვეწეს კომპიუტერით მუშაობა; ისწავლეს, როგორ გამოიყენონ საფოსტო ყუთი,
როგორ მოიძიონ ინტერნეტიდან საჭირო ინფორმაციები და ეს მასალები როგორ
განათავსონ თავიანთ შექმნილ ინტერნეტგაზეთში.
ასეთი სასწავლო პროცესის დაგეგმვა ხელს უწყომს 21-ე საუკუნისთვის აქტუალური
ისეთი უნარების მრავალმხრივ განვითარებას, როგორიცაა: ცოდნის კონსტრუირება,
სწავლის პროცესში ინფორმაციულ-საკომუნიკაციო ტექნოლოგიების გამოყენება,
პრობლემის გადაწყვეტა და ინოვაციურიობა, თვითრეგულირება, კოლაბორაცია და
ეფექტური კომუნიკაცია.
4. დასკვნა:
მოსწავლეები გასცდნენ შესწავლილ მასალას და ინტერპრეტირების, ანალიზის,
სინთეზისა და შეფასების გზით მიიღეს ცოდნა. პროექტით სწავლებისას სასწავლო
პროცესი ყოველთვის სცდება საკლასო გარემოს, გაკვეთილის დროით ჩარჩოებს,
თემატურ პარამეტრებს. პროექტი ეხება საკლასო ოთახის მიღმა რეალურ სიტუაციებსა
და მონაცემებს და მნიშვნელოვანი გავლენა აქვს ლოკალურ ან გლობალურ
საზოგადოებებზე. მოსწავლეებს სასწავლო აქტივობა ისე ჰქონდათ დაგეგმილი, რომ
თანამშრომლობდნენ ერთმანეთთანაც და სკოლისგარეშე სხვა ზრდასრულ
ადანიანებთანაც. მუშაობის პროცესში მათთვის აუცილებელი იყო ისტ-ის გამოყენება,
რათა ინტერნეტიდან მოეძიებინათ საჭირო მასალა და განეთავსებინათ თავიანთ
შექმნილ ინტერნეტგაზეთში.
გამოყენებული ლიტერატურა.
ენციკლოპედია, სამეცნიერო ლიტერატურა, ხალხში არსებული თქმულებები, სასკოლო
სახელმძღვანელოები.
ინტერნეტრესურსები: YouTube; wikipedia; facebook-ი;